Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၉.၉.၂၀၁၁

ပြည်တွင်းသတင်းများ

  1. ပြည်ပရင်းနှီးမြှုပ်နှံမှု လယ်ယာလုပ်ငန်းခွင်တွင် ပိုလိုအပ်
  2. မြန်မာဆန်စပါးအသင်းအား အသင်းချုပ်(သို့) အဖွဲ့ချုပ်အဆင့်သို့တိုးမြှင့်သွားရန် စီစဉ်
  3. ဘဏ်လုပ်ငန်းဝန်ဆောင်မှုအသစ်များ ထပ်မံတိုးမြှင့်မည်

ပြည်တွင်းပါတီ၊ နိုင်ငံရေးသတင်းများ

  1. ယုံကြည်ချက်ကြောင့် အကျဉ်းကျခံနေသူများ မကြာမီ လွတ်မြောက်နိုင်ဖွယ်ရှိ
  2. မြန်မာနိုင်ငံ၏ ပညာရေးနှင့် ကျန်းမာရေးကဏ္ဍများတွင် အမေရိကန်ကူညီမည်

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. စီးပွားရေးပြုပြင်ပြောင်းလဲရေးအတွေ့အကြုံ (၃)

××××××××××××××××××××××××××××××××××××××××××××××××××××××

ပြည်တွင်းသတင်းများ

ပြည်ပရင်းနှီးမြှုပ်နှံမှု လယ်ယာလုပ်ငန်းခွင်တွင် ပိုလိုအပ်

အစိုးရသစ်လက်ထက်မှ စတင်၍ မြန်မာနိုင်ငံ၏ကဏ္ဍ အသီးသီးသို့ ပြည်ပရင်းနှီးမြှုပ်နှံမှုများ အလုံးအရင်းနဲ့ ဝင်ရောက်လာသော်လည်း မြန်မာနိုင်ငံ၏ လယ်ယာစိုက်ပျိုးရေးကဏ္ဍတွင်မူ ပြည်ပရင်းနှီးမြှုပ်နှံမှု ပမာဏမှာ ၁ ရာခိုင်နှုန်းအောက်သာရှိနေသေးကြောင်း သိရသည်။

လက်ရှိ မြန်မာနိုင်ငံ၏ လယ်ယာကဏ္ဍတွင် တောင်သူအများစုမှာ ရာသီဥတုဖောက်ပြန်မှု ပြဿနာများ၊ လယ်လုပ်သားရှားပါးမှုပြဿနာများနှင့် ချေးငွေပြဿနာများ ရင်ဆိုင်နေရပြီး ၎င်း ပြဿနာများ ဖြေရှင်းနိုင်ရန်မှာ နိုင်ငံတော်ဘက်မှ မြန်မာနိုင်ငံ၏ လယ်ယာကဏ္ဍတွင် သင့်လျော်သည့် ဥပဒေများပြဋ္ဌာန်း၍ ပြည်ပရင်းနှီးမြှုပ်နှံမှုများ ဖိတ်ခေါ်ရန် လိုအပ်ကြောင်း သိရသည်။

ပြည်ပ ရင်းနှီးမြှုပ်နှံမှုများမှ တစ်ဆင့် မြန်မာ့လယ်ယာကဏ္ဍတွင် အရင်းအနှီးငွေများ၊ နည်းပညာများနှင့် ဈေးကွက် ပိုမိုရရှိလာနိုင်မည်ဖြစ်ကြောင်း စိုက်ပျိုးရေးစီမံကိန်းဦးစီးဌာနက တာဝန်ရှိသူတစ်ဦးက ပြောကြားခဲ့သည်။

ပြည်ပနိုင်ငံများမှ လုပ်ငန်းရှင်များသည် မြန်မာနိုင်ငံ၏ ကဏ္ဍအသီးသီးတွင် ရင်းနှီးမြှုပ်နှံသကဲ့သို့ မြန်မာ့လယ်ယာစိုက်ပျိုးရေး၊ နှစ်ရှည်ပင် လုပ်ငန်းများတွင်လည်း ရင်းနှီးမြှုပ်နှံမှုများကို ပြုလုပ်သင့်ကြောင်း ပဲခူးတိုင်းဒေသကြီးအတွင်းမှ တောင်သူတစ်ဦးက ပြောကြားခဲ့သည်။

-----------------------------------------------------------------------------------------------------------------------------------

မြန်မာဆန်စပါးအသင်းအား အသင်းချုပ်(သို့) အဖွဲ့ချုပ်အဆင့်သို့တိုးမြှင့်သွားရန် စီစဉ်

မြန်မာနိုင်ငံ၏ ဆန်လုပ်ငန်းအစုအဖွဲ့လေးခုအား ကိုယ်စားပြုသည့် မြန်မာနိုင်ငံ ဆန်စပါးလုပ်ငန်းအသင်းအား အသင်းချုပ်(သို့) အဖွဲ့ချုပ်အဆင့်သို့ တိုးမြှင့်ဖွဲ့စည်းသွားနိုင်ရန် သက်ဆိုင်ရာတာဝန်ရှိသူများက စီစဉ်ဆောင်ရွက်လျက်ရှိကြောင်း သိရသည်။

လက်ရှိအချိန်ရှိ မြန်မာနိုင်ငံ၏ ဆန်စပါးလုပ်ငန်းအသင်းအောက်တွင် ရှိသော ဆန်စပါးကုန်သည်များအသင်း၊ ဆန်စပါး စိုက်ပျိုး ထုတ်လုပ်သူများ အသင်းနှင့် ဆန်စက်လုပ်ငန်းရှင်များအသင်းတို့၏ နှစ်ပတ်လည်အခမ်းအနား ပြုလုပ်ရမည့် အချိန်သို့ နီးကပ်လာသည့်အတွက် ၎င်းအသင်းများအား ယခုအတိုင်းဆက်လက်ထားရှိနိုင်ရန် ရည်ရွယ်၍ မြန်မာနိုင်ငံဆန်စပါးလုပ်ငန်းအသင်းအား အသင်းချုပ်(သို့) အဖွဲ့ချုပ်အဆင့်သို့ တိုးမြှင့် နိုင်ရန် သတ်မှတ်ရခြင်းဖြစ်ကြောင်း သိရသည်။

ထို့ပြင် ၎င်း ဆန်စပါးလုပ်ငန်းအသင်းအား အသင်းချုပ်(သို့) အဖွဲ့ချုပ်အဆင့်သို့ တိုးမြှင့် သတ်မှတ်နိုင်ရေးအတွက်လည်း ၂၀၁၁ ခုနှစ် စက်တင်ဘာလ ၈ ရက်နေ့တွင် ရန်ကုန်မြို့ Park Royal တွင်ပြုလုပ်ခဲ့သည့် ဆန်စပါးလုပ်ငန်းရှင်များ အလုပ်အမှုဆောင် အစည်းအဝေးတွင်လည်း ထည့်သွင်းဆွေးနွေးခဲ့ကြောင်း သိရသည်။

မြန်မာနိုင်ငံဆန်စပါးလုပ်ငန်း အသင်းကို ၂၀၁၀ ပြည့်နှစ် ဇန်နဝါရီလ ၂ ရက်နေ့တွင် စတင်ဖွဲ့စည်းခဲ့ပြီး မြန်မာနိုင်ငံ ဆန်စပါးလုပ်ငန်းအဖွဲ့ချုပ် ဖွဲ့စည်းပြီးပါက မြန်မာနိုင်ငံ ဆန်စပါးစိုက်ပျိုးထုတ်လုပ်သူများ အသင်း၊ မြန်မာနိုင်ငံ ဆန်စက်လုပ်ငန်းရှင်များ အသင်း၊ မြန်မာနိုင်ငံဆန်စပါး ကုန်သည်များအသင်း၊ အခြားဆန်စပါးလုပ်ငန်းများနှင့် သက်ဆိုင်သည့် အသင်းများကိုပါ ထပ်မံ ဖွဲ့စည်းသွားနိုင်ရန် စီစဉ်ဆောင်ရွက်သွားမည်ဖြစ်ကြောင်း သိရသည်။

                                                                                                                            Ref:The Voice

-----------------------------------------------------------------------------------------------------------------------------------

ဘဏ်လုပ်ငန်းဝန်ဆောင်မှုအသစ်များ ထပ်မံတိုးမြှင့်မည်

မြန်မာနိုင်ငံရှိ ဘဏ်လုပ်ငန်းများ ပိုမိုဖွံ့ဖြိုးတိုးတက်လာနိုင်စေရန်နှင့် လုပ်သာကိုင်သာပိုမိုရရှိနိုင်စေရန် ဘဏ်လုပ်ငန်းဝန်ဆောင်မှုအသစ် (Banking New Product) အသစ်များကို ထပ်မံတိုးမြှင့်၍ ခွင့်ပြုပေးသွားမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာနမှ ထုတ်ပြန်ကြေညာခဲ့သည်။  

လက်ရှိ မြန်မာနိုင်ငံရှိ ပြည်တွင်းပုဂ္ဂလိကဘဏ်များသည် ဘဏ်အခြေခံလုပ်ငန်းများဖြစ်သည့် ချေးငွေထုတ်ချေးခြင်းနှင့် အပ်ငွေလက်ခံခြင်း စသည့် လုပ်ငန်းဆောင်တာများကိုသာ လုပ်ဆောင်နေရပြီး ဘဏ်လုပ်ငန်းပိုမိုဖွံ့ဖြိုးတိုးတက်လာနိုင်စေရန် အခြားအိမ်နီးချင်းနိုင်ငံများရှိ ဘဏ်လုပ်ငန်းဆိုင်ရာ ကိစ္စရပ်များကို လေ့လာမှုများပြုလုပ်လျက်ရှိကြောင်း သိရသည်။

မြန်မာနိုင်ငံအနေနှင့်  ဘဏ်လုပ်ငန်းဆိုင်ရာကိစ္စရပ်များတွင် နိုင်ငံတကာနည်းတူယှဉ်ပြိုင်နိုင်စွမ်းရှိလာနိုင်စေရန် ပထမဆုံးအကြိမ်အဖြစ် ဘဏ်များအားလုံးတွင် သုံးစွဲနိုင်သည့်  ပြည်တွင်းသုံးငွေကြေးနှင့် Myanmar Payment Union Card (MPU-Debit Card) အပါအဝင် အခြားသော Payment Card များဖြင့် ပြည်သူများ အသုံးပြုလာနိုင်စေရန် မြန်မာနိုင်ငံရှိ ဘဏ်လုပ်ငန်းအသီးသီးမှတာဝန်ရှိသူများက ဆွေးနွေးညှိနှိုင်းမှုများ ပြုလုပ်လျက် ရှိကြောင်း သိရသည်။

ထို့ပြင် မြန်မာနိုင်ငံရှိ စီးပွားရေးလုပ်ငန်းရှင်များအနေနှင့်လည်း လက်ရှိအချိန်တွင် လုပ်ငန်းအပေါ်အခြေခံ၍ လုပ်ကိုင်ရန် ဘဏ်ချေးငွေများလိုအပ်လျက်ရှိကြောင်း သိရသည်။

မြန်မာနိုင်ငံတွင် လုပ်ငန်းလုပ်ကိုင်ရန် ဘဏ်မှ ငွေထုတ်ချေးရာတွင် မြန်မာ့စီးပွားရေးဘဏ်မှ သတ်မှတ်ချက်အရ အဆောက်အအုံ အနေအထားအတိုင်း အပေါင်ထားရှိမှသာ ဘဏ်မှ ချေးငွေထုတ်ပေးသည့်အတွက် အချို့စီးပွားရေးလုပ်ငန်းရှင်များမှာ ဘဏ်မှ ချေးငွေရယူလိုသော်လည်း ချေးငွေပမာဏ ရရှိနိုင်သည့် အဆောက်အအုံ အပေါင်ထားရှိရန် မရှိသည့်အတွက် လုပ်ငန်းလုပ်ကိုင်ရန် အခက်အခဲဖြစ်ပေါ်လျက်ရှိကြောင်း သိရသည်။

မြန်မာနိုင်ငံတွင် ပုဂ္ဂလိက ဘဏ် ၁၉ ဘဏ်ရှိပြီး နိုင်ငံတစ်ဝန်းလုံးတွင် ဘဏ်ခွဲစုစုပေါင်း (၃၀၅) ခုဖွင့်လှစ်ထားကြောင်း သိရသည်။

                                                                                                    Ref:Messenger၊ မြန်မာပို့စ်

××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ယုံကြည်ချက်ကြောင့် အကျဉ်းကျခံနေသူများ မကြာမီ လွတ်မြောက်နိုင်ဖွယ်ရှိ

လက်ရှိမြန်မာနိုင်ငံသည် အစိုးရသစ်စတင်တာဝန်ယူသည့် အချိန်သို့ ရောက်ရှိလာပြီဖြစ်သည့်အတွက် ယုံကြည်ချက်ကြောင့် အကျဉ်းကျ ခံနေရသည့် အကျဉ်းသားများအားလုံး မကြာမီအချိန်တွင် ပြန်လည် လွတ်မြောက် လာနိုင်ဖွယ်ရှိကြောင်း ၈၈ မျိုးဆက်ကျောင်းသား တစ်ဦးက ပြောကြားခဲ့သည်။

မြန်မာနိုင်ငံသည် ၂၀၁၀ ရွေးကောက်ပွဲအပြီး ပေါ်ပေါက်လာသည့် အစိုးရသစ်လက်ထက်မှစတင်၍ နိုင်ငံရေးပြုပြင်ပြောင်းလဲမှုများ၊ စီးပွားရေး ပြုပြင်ပြောင်းလဲမှုများကို ပြုလုပ်သကဲ့သို့ မကြာမီအချိန်တွင် အစိုးရသစ်မှ ယုံကြည်ချက်ကြောင့် အကျဉ်းကျခံနေသည့်သူများအား လွတ်ငြိမ်းချမ်းသာခွင့် ပေးလာနိုင်ကြောင်း သိရသည်။

ထို့ပြင် လက်ရှိကျင်းပနေဆဲ ပထမအကြိမ် လွှတ်တော်ဒုတိယပုံမှန်အစည်းအဝေးတွင်လည်း ပြည်သူ့လွှတ်တော်မှ ကိုယ်စားလှယ်များက အထွေထွေ လွတ်ငြိမ်းချမ်းသာခွင့် ဆက်လက်ထုတ်ပြန်နိုင်ရေးအတွက် နိုင်ငံတော်သမ္မတအား မေတ္တာရပ်ခံထားကြောင်း သိရသည်။

မကြာသေးမီအချိန်ကလည်း ပြည်သူ့လွှတ်တော်ကိုယ်စားလှယ်ဦးဌေးဦးက အကျဉ်းသားများ လွတ်ငြိမ်းချမ်းသာခွင့်ပေးရေးနှင့် ပတ်သက်၍ နိုင်ငံတော်သမ္မတ ဦးသိန်းစိန်က ဆောင်ရွက်ပေးမည်ပာု ယူဆကြောင်း ၎င်းအမြင်ကို နေပြည်တော်အဆောက်အအုံ လွှတ်တော်အဆောက်အအုံ သဘင်ဆောင်တွင် ကျင်းပသော အပြည်ပြည်ဆိုင်ရာ ဒီမိုကရေစီနေ့အခမ်းအနား အပြီးတွင်ပြုလုပ်ခဲ့သည့် ပြည်သူ့လွှတ်တော်ကိုယ်စားလှယ် သတင်းစာ ရှင်းလင်းပွဲအပြီးတွင် ပြောကြားခဲ့သည်။

ယခင်အစိုးရလက်ထက်များတွင်လည်း မြန်မာနိုင်ငံရှိ နေ့ထူးနေ့မြတ်နှင့် အခါကြီး ရက်ကြီးများတွင် အကျဉ်းသားများ လွှတ်ပေးသည့် ထုံးစံရှိသည့်အတွက် ယခု အစိုးရသစ်လက်ထက် တွင်လည်း သင့်တော်သည့်အချိန်တွင် နိုင်ငံရှိ အကျဉ်းသားများအား လွှတ်ပေးမည်ပာု ယူဆရသည်။

မြန်မာနိုင်ငံသည် အစိုးရသစ်စတင်တာဝန်ယူချိန်မှ စတင်၍ ပထမအကြိမ် လွတ်ငြိမ်းချမ်းသာခွင့်ကို မေလ ၁၆ ရက်နေ့တွင် ကျုးလွန်ခဲ့သည့် ပြစ်မှုတစ်ခုခုနှင့် ပတ်သက်၍ သေဒဏ်ကျခံ အကျဉ်သားများအား ထောင်ဒဏ် တစ်သက်တစ်ကျွန်းသို့လည်းကောင်း၊ ထောင်ဒဏ်ကျခံနေရသူများကိုလည်း သတ်မှတ်ထားသော ထောင်ဒဏ်ကို သာမန်ရရှိပြီးသော လျော့ပေါ့ရက်များအပြင် တစ်နှစ်ထပ်မံလျော့ပေါ့ခွင့်ရရှိစေရန် နိုင်ငံတော်သမ္မတရုံးမှ အမိန့်ကြေငြာစာအမှတ်(၂၈/၂၀၁၁) ဖြင့် နိုင်ငံတော်သမ္မတသစ်မှ လွတ်ငြိမ်းချမ်းသာခွင့်ပြုခဲ့ကြောင်း သိရသည်။

                                                                                                    Ref:Messenger၊ မြန်မာပို့စ်

-----------------------------------------------------------------------------------------------------------------------------------

မြန်မာနိုင်ငံ၏ ပညာရေးနှင့် ကျန်းမာရေးကဏ္ဍများတွင် အမေရိကန်ကူညီမည်

လက်ရှိအချိန်ထိတိုင် မြန်မာနိုင်ငံအား စီးပွားရေးပိတ်ဆို့မှုများ ပြုလုပ်ထားရှိသော အမေရိကန်နိုင်ငံမှ မြန်မာနိုင်ငံ၏ ပညာရေးနှင့် ကျန်းမာရေးကဏ္ဍများတွင် ကူညီထောက်ပံ့မှုများ ပေးအပ်သွားမည်ဖြစ်ကြောင်းသိရသည်။

အမေရိကန်အစိုးရမှ မြန်မာနိုင်ငံအပေါ်ထားရှိသည့် စီးပွားရေးပိတ်ဆို့မှုများကို လက်ရှိအချိန်တွင် ဖယ်ရှားပေးနိုင်ရန် မဖြစ်နိုင်သေးသော်လည်း မြန်မာနိုင်ငံ၏ အစိုးရသစ်မှ နိုင်ငံ ပြုပြင်ပြောင်းလဲမှုများကို သိသာထင်ရှားစွာ ပြသနိုင်မှသာလျှင် စီးပွားရေး sanction ပြုလုပ်ထားမှုကို ဖယ်ရှားပေးမည်ဖြစ်ကြောင်း သိရသည်။

မြန်မာနိုင်ငံအပေါ် ထိုသို့ စီးပွားရေးပိတ်ဆို့မှုများကို အမေရိကန်နိုင်ငံအနေနှင့် ဆက်လက်ထားရှိမည်ဖြစ်သော်လည်း နိုင်ငံ၏ အရေးကြီးသော အခန်းကဏ္ဍများဖြစ်သည့် ပညာရေးနှင့် ကျန်းမာရေး ဆိုင်ရာကိစ္စရပ်များတွင် အမေရိကန် အစိုးရက မြန်မာနိုင်ငံအပေါ် ကူညီမည်ဖြစ်ကြောင်း မြန်မာနိုင်ငံဆိုင်ရာ အမေရိကန် အထူးကိုယ်စားလှယ် မစ္စတာဒဲရက်ခ်မစ်ချယ် က ပြောကြားခဲ့သည်။

လက်ရှိ ထောင်သွင်းအကျဉ်းကျခံနေရသည့် နိုင်ငံရေးအကျဉ်းသားများ လွှတ်ပေးရေး၊ မြန်မာ့နိုင်ငံရေးတွင် ဒေါ်အောင်ဆန်းစုကြည် ပါဝင်ရေးနှင့် အမျိုးသားပြန်လည် ရင်ကြားစေ့ရေး စသည့် ရည်မှန်းချက်ပန်းတိုင်များ ရောက်ရှိပါက မြန်မာနိုင်ငံ၏ ဒီမိုကရေစီပြောင်းလဲမှုသည် အစစ်အမှန်ပာု အမေရိကန်နိုင်ငံမှ ယူဆမည်ဖြစ်ကြောင်း ၎င်း ကဆက်လက်ပြောကြားခဲ့သည်။

ထို့ပြင် မြန်မာနိုင်ငံရှိ တိုင်းရင်းသားပြည်သူအများစုက မြန်မာ့နိုင်ငံရေး ပြောင်းလဲမှုအတွက် လုပ်ဆောင်နိုင်ရန် ယုံကြည်ချက်မှာ ဒေါ်အောင်ဆန်းစုကြည်ပင်ဖြစ်ကြောင်း သိရသည်။

ထို့ကြောင့် မြန်မာ့နိုင်ငံတွင် ဒေါ်အောင်ဆန်းစုကြည် ပါဝင်မှသာလျှင် နိုင်ငံပြုပြင်ပြောင်းလဲရေး လုပ်ဆောင်မှုများတွင် အောင်မြင်နိုင်မည် ဖြစ်ကြောင်း မြန်မာနိုင်ငံဆိုင်ရာ အမေရိကန် အထူးကိုယ်စားလှယ်က ပြောကြားခဲ့သည်။

အမေရိကန်နိုင်ငံမှ ပထမဆုံးအကြိမ်အဖြစ် စေလွှတ်ခြင်းခံရသည့် မြန်မာနိုင်ငံဆိုင်ရာ အမေရိကန်အထူးကိုယ်စားလှယ် မစ္စတာဒဲရက်ခ်မစ်ချယ် သည် ၎င်း ရောက်ရှိချိန်မှ စတင်၍ မြန်မာနိုင်ငံ၏ လက်ရှိ ဖြစ်ပေါ်လျက်ရှိသော မြန်မာနိုင်ငံ၏အပြောင်းအလဲကိစ္စရပ်များကို သိရှိနိုင်စေရန် မြန်မာအစိုးရ ထိပ်တန်းအရာရှိကြီးများနှင့် တွေ့ဆုံဆွေးနွေး သကဲ့သို့ မြန်မာနိုင်ငံရှိ လူမှုရေးအဖွဲ့အစည်းများဖြစ်သည့် နာရေးကူညီမှုအသင်း၊ အိတ်ခ်ျအိုင်ဗီ/အေ့စ် ရောဂါများကို ကုသပေးနေသူများ၊ ပြည်တွင်း NGO အသီးသီးနှင့် တွေ့ဆုံဆွေးနွေးခဲ့ကြောင်း သိရသည်။

                                                                                                                              Ref: မြန်မာပို့စ်

××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“နိုင်ငံရေးကို လူတိုင်းစိတ်မဝင်စားလို့ မသိလို့မရတော့ဘူး။ နိုင်ငံရေးဆိုတာ စားဝတ်နေရေးပဲ။ နိုင်ငံရေးကောင်းမှ စားဝတ်နေရေးပြေလည်မှာ။ အရင်က လူငယ်တွေကို နိုင်ငံရေးကို စိတ်မဝင်စားတဲ့ပုံစံဖြစ်အောင် ဖန်တီးထားခဲ့တာတွေရှိခဲ့တယ်။ ဒီခေတ်မှာတော့ မသိကြလို့ကိုမရတော့ဘူး။ သမိုင်းကို သိကြရမယ်။ အမှန်တကယ်ဖြစ်ပျက်ခဲ့တဲ့ နိုင်ငံရေးသမိုင်းတွေကို ဖျောက်ပစ်ထားလို့မရဘူး။ လက်ရှိဖြစ်နေတဲ့ နိုင်ငံရေးအပြောင်းအလဲတွေ၊ ကိုယ့် နိုင်ငံကို အုပ်ချုပ်နေတဲ့သူတွေအကြောင်း၊ ရွေးကောက်ပွဲအကြောင်း၊ ပေါ်ထွက်နေပြီဖြစ်တဲ့ ပါတီတွေရဲ့ အကြောင်း၊ ကိုယ့်နိုင်ငံကို ဘယ်လိုအကျိုးပြုနိုင်သလဲ စသည်ဖြင့် နိုင်ငံရေးနဲ့ ပတ်သက်တဲ့ဘာသာရပ်တွေကို တက္ကသိုလ်၊ ကောလိပ်အဆင့်တွေမှာ သင်ကြားသင့်တယ်။ ဒါတင်မက အခြေခံပညာအဆင့် အရွယ်မှာကတည်းက နိုင်ငံရေးကို စိတ်ဝင်စားနိုင်အောင် ပညာရေးဝန်ကြီးဌာနအနေနဲ့ လုပ်ဆောင်ပေးသင့်ပါတယ်”

စက်တင်ဘ ၂၀ ထုတ် The FLOWER NEWS အတွဲ(၇) အမှတ် (၃၆) တွင်ပါသည့် “နိုင်ငံရေးသိပ္ပံဘာသာရပ် ကို မြန်မာနိုင်ငံတွင် စတင်သင်ကြားခွင့်ရတော့မည်” သတင်းမှ NDF ပါတီမှ အတွင်းရေးမှူး ဦးခင်မောင်ဆွေ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“အာဆီယံနဲ့ယှဉ်ရင် Automobile Industry တွေက ၁၀ နှစ်၊ နှစ် ၂၀ လောက် နောက်ကျနေတယ်။ အခုပြည်ပ ကနေ စက်အစိတ်အပိုင်းတွေ ဝင်တယ်။ ပြည်တွင်းမှာ တပ်ဆင်တယ်။ ဒါအခြေခံအဆင့်ပဲ။ ထိုင်း၊ မလေး တို့ လည်း ဒီကပဲစခဲ့ရတယ်။ ထိုင်းမှာဆိုရင် အခု မထုတ်နိုင်တာဆိုလို့ အင်ဂျင်ဘလောက်တုံးတစ်ခုပဲ ဂျပန်ကမှာရ တယ်။ မြန်မာနိုင်ငံအနေနဲ့လည်း ကားထုတ်လုပ်မှုအတွက် လုပ်ကိုင်နေတယ်။ ထိုင်း၊ မလေးတို့လိုပဲ စက်မှု ကဏ္ဍကို စတင်နေပြီ။ ဒါပေမဲ့ အရမ်းနောက်ကျနေလို့ AFTA မှာ တရုတ်၊ ထိုင်းတို့ရဲ့ Automobile ကားတွေနဲ့ ယှဉ်ရင် အဆင်မပြေနိုင်ဘူး”

စက်တင်ဘာ ၁၉ ထုတ် The Messenger အတွဲ (၂) အမှတ် (၁၈) တွင်ပါသည့် “ပြည်တွင်းရှိ Auto Mobile Industry များသည် အာဆီယံနိုင်ငံများနှင့် ယှဉ်လျှင် ဖွံ့ဖြိုးမှုနောက်ကျနေ” သတင်းမှ မြန်မာနိုင်ငံစက်မှု ကုန်ထုတ်လုပ်ငန်းရှင်များအသင်း၏ အထွေထွေအတွင်းရေးမှူး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ကျွန်မတို့နိုင်ငံဟာ အပြောင်းအလဲဖြစ်နိုင်တဲ့အခြေအနေမှာ ရောက်နေပါတယ်။ အပြောင်းအလဲဖြစ်ပြီလို့လည်း ကျွန်မ မပြောချင်ပါဘူး။ ဒါပေမယ့် ကျွန်မလည်း လူသိရှင်ကြားပြောပြီးသားလည်း  ဖြစ်နေပါတယ်။ အပြောင်းအ လဲဖြစ်နိုင်တဲ့ အခြေအနေရောက်ပြီလို့ ကျွန်မယုံကြည်ပါတယ်”

စက်တင်ဘာ ၂၁ ထုတ် Weekly ELEVEN အတွဲ(၆) အမှတ် (၅၁) တွင်ပါသည့် “မြန်မာနိုင်ငံတွင် အပြောင်းအ လဲဖြစ်နိုင်သော အခြေအနေ ရောက်ရှိနေပြီဖြစ်ကြောင်း ဒေါ်အောင်ဆန်းစုကြည်ပြောကြား” သတင်းမှ ဒေါ်အောင်ဆန်းစုကြည်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“မြန်မာနိုင်ငံမှ တရားမဝင်နိုင်ငံခြားရင်းနှီးမြုပ်နှံမှုတွေ ဝင်ရောက်နေတယ်လို့ သိရပါတယ်။ နိုင်ငံဖြတ်ကျော်ရော၊  နယ်စပ်ဖြတ်ကျော်တွေပါဝင်နေပါတယ်။ ပြည်တွင်းလုပ်ငန်းတချို့ကလည်း ဒီအရင်းအနှီးတွေကို ရှယ်ယာအနေ နဲ့ယူတာလည်းရှိတယ်၊ ချေးငွေအနေနဲ့ ယူတဲ့သဘောမျိုးလည်းရှိပါတယ်။ အဲဒီချေးငွေရဲ့ အတိုးနှုန်းက ဘဏ် တိုးနှုန်းထက်ရော ပြင်ပအတိုးနှုန်းထက်ပါသက်သာတယ်လို့ သိရပါတယ်။ နောက်ပြီး နာမည်ခံလုပ်ငန်းတွေက လည်း ဒီအရင်းအနှီးတွေနဲ့ တည်ထောင်လည်ပတ်နေတာပါ။ အကျိုးဆက်အနေနဲ့ သာမန်လည်ပတ်နေတဲ့ ပြည်တွင်းလုပ်ငန်းတွေ၊ ငွေကြေးလည်ပတ် စီးဆင်းမှုတွေကို ထိခိုက်စေတဲ့အပြင် စီးပွားရေးပတ်ဝန်းကျင်ကိုလည်း ပျက်စီးစေပါတယ်”

စက်တင်ဘာ ၂၁ ထုတ် Weekly ELEVEN အတွဲ(၆) အမှတ် (၅၁) တွင်ပါသည့် “မြန်မာနိုင်ငံအတွင်းသို့ စီးဝင် လာသော နိုင်ငံဖြတ်ကျော်နှင့်နယ်စပ်ဖြတ်ကျော် အရင်းအနှီးများကို ပြည်တွင်းစီးပွားရေးအချို့ လုပ်ငန်းချဲ့ထွင်ရန်နှင့် တိုင်းရင်းသား အမည်ခံလုပ်ငန်းများ လည်ပတ်ရန် သုံးစွဲနေကြောင်းသိရ” သတင်းမှ စီးပွားရေးလုပ်ငန်းရှင်းတစ်ဦး၏ ပြောကြားချက်အပေါ် ကောက်နှုတ်ချက်

××××××××××××××××××××××××××××××××××××××××××××××××××××××

ဆောင်းပါးကဏ္ဍ

စီးပွားရေးပြုပြင်ပြောင်းလဲရေးအတွေ့အကြုံ (၃)

အမျိုးသားအဆင့် စီးပွားရေးတည်ငြိမ်မှုမရရှိခဲ့ရခြင်း၏ အကြောင်းအရင်းတစ်ရပ်မှာ နိုင်ငံ၏ ဘဏ္ဍာရေးအဆောက်အအုံကို စနစ်တကျ ပီပြင်အောင် ပြင်ဆင်ဖွဲ့စည်းနိုင်ခဲ့ခြင်းမရှိခြင်းကြောင့်ပင် ဖြစ်လေသည်။ ၁၉၉၀ အလွန်နှစ်များမှစတင်၍ အစိုးရမှ ဗဟိုဘဏ်ဥပဒေနှင့် ဘဏ္ဍာရေး အသင်းအဖွဲ့များ ဥပဒေကဲ့သို့သော ဘဏ္ဍာရေး စည်းမျဉ်းစည်းကမ်းသစ်များ ပြဋ္ဌာန်းကာ နိုင်ငံ၏ဘဏ္ဍာရေး အထိုက်အလျှောက် ဖြေလျှော့ပေးမှုများ ပြုလုပ်ပေးခဲ့ပါသည်။ ၁၉၉၂ခုနှစ်တွင် ပုဂ္ဂလိကဘဏ် ၁၅ ဘဏ်ခန့် တည်ထောင်ခွင့်ရခဲ့ပြီး ယင်းတို့မှ အချို့ဘဏ်များမှာ နိုင်ငံခြားငွေ ကိုင်ဆောင်ခွင့်၊ အလဲအလှယ်ပြုခွင့်ရရှိခဲ့ပါသည်။ ၁၉၉၇ရောက်သောအခါ ပုဂ္ဂလိကဘဏ် ၂၁ ဘဏ်အထိ ရှိလာခဲ့ပြီး ၁၄ ဘဏ်မှာမူ အရှေ့တောင်အရှနိုင်ငံများရှိ ဘဏ်များမှ နိုင်ငံခြားဘဏ်များအဖြစ် မြန်မာနိုင်ငံသို့ ဘဏ်ခွဲများလာရောက်ဖွင့်လှစ်ခဲ့လေသည်။ ယင်းနှစ်မှာပင် ပြည်တွင်းပုဂ္ဂလိက ဘဏ်များနှင့် နိုင်ငံခြားဘဏ်များ ပူးပေါင်း၍ ပူးတွဲ ဘဏ်၅ခုကိုလည်းတည်ထောင်နိုင်ခဲ့ပါသည်။

ယင်းကဲ့သို့ ဘဏ္ဍာရေးဖြေလျော့ပေးမှုများကို ဆောင်ရွက်ခဲ့သော်ငြားလည်း နိုင်ငံတော်ပိုင်ဘဏ် ၄ခုဖြစ်သော မြန်မာ့စီးပွားရေးဘဏ်၊ မြန်မာရင်းနှီးမြုပ်နှံမှုနှင့် ကုန်သွယ်ရေးဘဏ်၊ မြန်မာနိုင်ငံ နိုင်ငံခြားကုန်သွယ်မှုဘဏ်နှင့် မြန်မာ့လယ်ယာနှင့် ကျေးလက်ဖွံ့ဖြိုးရေးဘဏ်တို့၏ ကျပ်နှင့် နိုင်ငံခြားငွေ ကိုင်ဆောင်ထားမှုမှာ ဘဏ်လုပ်ငန်းနယ်ပယ်၏ ၉၀ ရာခိုင်နှုန်းရှိသည်ကို ကြည့်ခြင်းအားဖြင့် အစိုးရမှာ ဘဏ္ဍာရေးကဏ္ဍကို ဆက်လက် ထိန်းချုပ်ထားဆဲ ဖြစ်နေကြောင်းတွေ့ရှိရလေသည်။ ထို့အတွက်ကြောင့် ၁၉၉၀ အလွန် စီးပွားရေး ပြုပြင်ပြောင်းလဲမှုတွင် ဘဏ္ဍာရေးကဏ္ဍမှာ တိုးတက်သင့်သလောက် မတိုးတက်ခဲ့ခြင်းဖြစ်သည်။ ထို့အပြင် negative real interest rate (nominal interest rate မှာ ငွေကြေးဖောင်းပွမှု (inflation) အောက်ရောက် သွားသည်ကို ဆိုလိုခြင်းဖြစ်သည်။) ဖြစ်သွားခြင်း၊ အငယ်စား၊ အလတ်စား စီးပွားရေးလုပ်ငန်းများတိုးချဲ့ရန် ချေး ငွေရရှိမှု အကန့်အသတ်များခြင်း၊ ဘဏ်အလေ့အထမရှိခြင်း၊ ဘဏ္ဍာရေးကျွမ်းကျင်သည့် လူ့စွမ်းအားအရင်းအ မြစ်မရှိခြင်းနှင့် အမျိုးသားအဆင့် စီးပွားရေး တည်ငြိမ်မှုရှိအောင် မတည်ဆောက်နိုင်ခြင်းတို့သည်လည်း ဘဏ္ဍာရေးကဏ္ဍ တိုးတက်မှုနှေးကွေးရခြင်း၏ အကြောင်းအရင်းများဖြစ်လေသည်။ ဤကဲ့သို့ အခြေအနေမျိုး ယခု အစိုးရသစ်မှာ တစ်ပတ်ပြန်၍ ကြုံတွေ့နေရပြန်ပြီဖြစ်လေသည်။ ယခင်ဘဏ်အဟောင်းများရော၊ ယခုအသစ် ဖွဲ့စည်းလိုက်သည့် ဘဏ်အသစ် များပါ ဗဟိုဘဏ်ဥပဒေနှင့် ဘဏ္ဍာရေးအသင်းအဖွဲ့ဥပဒေနှင့်အညီ ဝန်ဆောင်မှုအသစ်များ ပေးရန်ကိုပင် လုပ်ဆောင်ခွင့် မရှိဖြစ်နေလေသည်။ နိုင်ငံခြားငွေ တရားဝင်ကိုင်ဆောင်ခွင့်ပေးရန် မှာမူ ပို၍ပင် ဝေးပါသေးသည်။ ၂၀၀၃ခုနှစ် ဘဏ်များအကျပ်အတည်းဖြစ်ပြီးကတည်းက ပုဂ္ဂလိကဘဏ်များကို နိုင်ငံခြားငွေကိုင်ဆောင်ခွင့် ပိတ်ပင်ခဲ့လေသည်။ ယခုလို နိုင်ငံ၏ စီးပွားရေးမူဝါဒ အပြောင်းအလဲဖြစ်ပေါ်နေချိန် ယုံကြည်စိတ်ချစွာ လက်တွဲအလုပ် လုပ်နိုင်ရန်အတွက် ဘဏ်များအား နိုင်ငံခြားငွေကို ဥပဒေ၊ နည်းဥပဒေ၊ လုပ်ထုံးလုပ်နည်းများပြဋ္ဌာန်း၍ တရားဝင် ကိုင်ဆောင်ခွင့် ပေးသင့်ပါသည်။

ယခင် မြန်မာ့ဆိုရှယ်လစ် လမ်းစဉ်ပါတီလက်ထက် မှောင်ခိုစီးပွားရေးကိုသာ အဓိကပြုလုပ်ခွင့်ရခဲ့သဖြင့် ယင်းမှောင်ခိုစီးပွားရေးသည် စီးပွားရေးလုပ်ငန်းများ၏ ယဉ်ကျေးမှုသဖွယ်ဖြစ်ပေါ်လာခဲ့ပြီး ၁၉၉၀ အလွန် ဈေးကွက်စီးပွားရေးအလှည့်အပြောင်းတွင် ယခင်စီးပွားရေးယဉ်ကျေးမှုကို အမြစ်မပြတ်နိုင်ဖြစ်ခဲ့ရလေသည်။  ဈေးနှုန်းအတက်အကျကြမ်းမှုကို ဖြစ်ပေါ်စေသေ&