Transparency Myanmar

transparency.myanmar@gmail.com

{Yangon Chronicle 2010:2338} တောင်ကိုရီးယားတွင် ပြုံယမ်းမှ ထွက်ပြေးလာသူ နှစ်သောင်းကျော်ရှိ

Posted by Transparency Myanmar 2010
Friday, October 8, 2010
comments (0)

         တောင်ကိုရီးယား နိုင်ငံတွင် အခြေချ နေထိုင်လျက် ရှိသော မြောက်ကိုရီးယား ပြည်ပြေး ဦးရေမှာ ယခုလ အစောပိုင်း ကာလတွင် နှစ်သောင်းကျော်သို့ ရောက်ရှိသွားပြီ ဖြစ်ကြောင်း Yonhap သတင်းဌာနက ရေးသား ဖော်ပြသည်။

ပြီးခဲ့သည့် သြဂုတ်လအတွင်း တောင်ကိုရီးယား နိုင်ငံ ပြန်လည် သင့်မြတ်ရေး ဝန်ကြီးဌာနက ထုတ်ပြန်သော စာရင်းဇယားများအရ ကိုရီးယားစစ်ပွဲ ပြီးဆုံးချိန်မှ စ၍ တောင်ကိုရီးယား နိုင်ငံသို့ ထွက်ပြေးလာသော မြောက်ကိုရီးယား ပြည်ပြေး စုစုပေါင်း ၁၉၅၆၉ ရှိသွားပြီ ဖြစ်သည်။ လစဉ် လတိုင်း မြောက်ကိုရီးယားဘက်မှ ထွက်ပြေးလာသူ ၂၀၀ ကျော် ရှိသည်ဟု ဆိုသည်။

မြောက်ကိုရီးယား နိုင်ငံသားများသည် အိမ်နီးချင်း တရုတ်နိုင်ငံသို့လည်း ထွက်ပြေး နေထိုင်လျက် ရှိသည်။ သို့သော် တရားမဝင် နေထိုင်မှု ပုံစံဖြင့် နေထိုင်ရသောကြောင့် တရုတ်နိုင်ငံတွင်း မြောက်ကိုရီးယား နိုင်ငံသားဦးရေ မည်ရွေ့ မည်မျှ ရှိသည် ဟူသည်ကို အတိအကျ မသိရှိနိုင်ပေ။ တရုတ် အစိုးရက မြောက်ကိုရီးယား ပြည်ပြေးများအား နေရပ်သို့ ပြန်ပို့လေ့ ရှိပြီး ၎င်းတို့သည် အမိနိုင်ငံသို့ ပြန်ရောက်သောအခါ အပြစ်ပေး ခံကြရကြောင်း ပြန်လည် သင့်မြတ်ရေး ဝန်ကြီးဌာနက ဆိုသည်။

ဆင်းရဲ နွမ်းပါးသော အမိနိုင်ငံမှ ထွက်ပြေး လွတ်မြောက်ရန် ကြိုးပမ်းကြသော မြောက်ကိုရီးယား နိုင်ငံသား အများစုမှာ ဖမ်းဆီး ချုပ်နှောင်ခံနေကြရသည်။

၁၉၅၃ ခုနှစ်က ပြီးဆုံးသွားသော ကိုရီးယား စစ်ပွဲကြောင့် တောင်-မြောက်ကိုရီးယားမှ မိသားစု အများစုမှာ တစ်ကွဲတစ်ပြားစီ ဖြစ်ခဲ့ကြရသည်။ တောင်နှင့်မြောက် ကိုရီးယား နှစ်နိုင်ငံသည် တရားဝင် ငြိမ်းချမ်းရေး စာချုပ် မပါဘဲ အပစ်အခတ် ရပ်စဲခဲ့ကြခြင်း ဖြစ်သည်။

ကိုရီးယား စစ်ပွဲ ပြီးဆုံးပြီးနောက် ဆယ်စုနှစ်များ အတွင်း တောင်ကိုရီးယားမှာ အာရှတွင် စီးပွားရေး အင်အား ကောင်းသော ကျားတစ်ကောင် အဆင့်သို့ ရောက်ရှိခဲ့သည်။ တောင်ကိုရီးယားသည် မြောက်ကိုရီးယား နိုင်ငံထက် စီးပွားရေးအရ များစွာ သာလွန်ခဲ့သည်။

မြောက်ကိုရီးယား ကွန်မြူနစ် အစိုးရ ခေါင်းဆောင်များက နျူကလီးယား စစ်လက်နက်နှင့် ဒုံးကျည် တပ်ဆင်ရေး အစီအစဉ်များတွင် ငွေကြေး မြောက်မြားစွာ သုံးစွဲကြရာ ပြည်သူများမှာ ဆင်းရဲ နွမ်းပါးမှု၊ ငတ်မွတ် ခေါင်းပါးမှု တို့ဖြင့် ရင်ဆိုင်လာကြရသည်။ အဆိုပါ လက်နက် တပ်ဆင်မှုများကြောင့် မြောက်ကိုရီးယားသည် နိုင်ငံတကာ အသိုင်းအဝိုင်းတွင် စီးပွားရေး ပိတ်ဆို့မှုများနှင့်လည်း ရင်ဆိုင်နေရသည်။

မြောက်ကိုရီးယား နိုင်ငံသား အတော် များများသည် ယခုအခါ ရာသီဥတု ဖောက်ပြန်မှုကြောင့် ဖြစ်ပေါ်သော စားနပ်ရိက္ခာ ပြတ်လပ်မှုကို ခါးစည်း ခံနေကြရသည်။

CNN သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2337} တရုတ်-အမေရိကန် နှစ်နိုင်ငံ ကာကွယ်ရေး ဝန်ကြီးများ တွေ့ဆုံမည်

Posted by Transparency Myanmar 2010
comments (0)

လာမည့် ရက်သတ္တပတ် အတွင်း ဗီယက်နမ်နိုင်ငံ မြို့တော် ဟနွိုင်းတွင် ကျင်းပပြုလုပ်မည့် အရှေ့တောင် အာရှ နိုင်ငံ (အာဆီယံ) အဖွဲ့ဝင် နိုင်ငံများ၏ ကာကွယ်ရေး ဝန်ကြီးများ တွေ့ဆုံ ဆွေးနွေးပွဲတွင် တရုတ် ကာကွယ်ရေး ဝန်ကြီး နှင့် အမေရိကန် ပြည်ထောင်စု ကာကွယ်ရေး ဝန်ကြီးတို့ တွေ့ဆုံ ဆွေးနွေးကြမည် ဖြစ်ကြောင်း တရုတ် နိုင်ငံပိုင် မီဒီယာက ရေးသား ဖော်ပြသည်။

တရုတ် ကာကွယ်ရေး ဝန်ကြီး ဗိုလ်ချုပ်ကြီး Liang Guanglie သည် အမေရိကန် ကာကွယ်ရေး ဝန်ကြီး Robert Gates နှင့် အာဆီယံ ကာကွယ်ရေး ဝန်ကြီးများ ဆွေးနွေးပွဲ၌ တွေ့ဆုံ ဆွေးနွေးမည် ဖြစ်ကြောင်း တရုတ် ကာကွယ်ရေး ဝန်ကြီးဌာန ပြောရေးဆိုခွင့် ရှိသူ Guan Yooufei ၏ ပြောကြားချက်ကို ကိုးကား၍ Xinhua သတင်းဌာနက ရေးသား ဖော်ပြသည်။ ယခုလို တရုတ်နှင့် အမေရိကန် ကာကွယ်ရေးဝန်ကြီး နှစ်ဦး တွေ့ဆုံ ဆွေးနွေးခြင်းအားဖြင့် နှစ်နိုင်ငံ အကြား ရှစ်လကြာမျှ ရပ်ဆိုင်းခဲ့သော စစ်ရေး အပြန်အလှန် ပူးပေါင်း ဆောင်ရွက်မှု ပြန်လည် စတင်နိုင်ဖွယ် ရှိသည်။

အမေရိကန် ပြည်ထောင်စုက ထိုင်ဝမ်သို့ လက်နက် ရောင်းချမှုကို ကန့်ကွက်သည့် အနေဖြင့် တရုတ်နိုင်ငံက ပြီးခဲ့သည့် ဇန်နဝါရီလတွင် စစ်ဘက်ရေးရာ ဆက်သွယ်မှုများ အားလုံးကို ရပ်ဆိုင်း ပစ်ခဲ့သည်။ ပြီးခဲ့သည့် ဇွန်လအတွင်း အာရှ ဒေသသို့ Robert Gates ရောက်ရှိနေစဉ် အတွင်း ဘေဂျင်း အစိုးရက ၎င်းအား တရုတ်ပြည်သို့ လာရောက် လည်ပတ်ရန် ဖိတ်ကြားမှု မပြုခဲ့ပေ။

သို့အတွက်ကြောင့် အမေရိကန် အစိုးရ အရာရှိကြီးများက တရုတ် စစ်တပ်သည် အရေးပါ အရာ ရောက်သော အဆက်အသွယ်များကို မသိကျိုးနွံ ပြုလုပ်သည်ဟု စွပ်စွဲ ပြောဆိုခဲ့ကြသည်။

သို့သော် တရုတ် ကာကွယ်ရေး ဝန်ကြီးဌာန၊ နိုင်ငံခြား ရေးရာ အကြီးအကဲ ဗိုလ်ချုပ် Qian Lihua က အမေရိကန် လက်ထောက် ကာကွယ်ရေး ဝန်ကြီး Michael Schiffer အား ပုံမှန် ဒိုင်ယာလော့ခ်များ၊ ပင်လယ်ပြင် လုံခြုံရေးအတွက် စစ်ရေး ပူးပေါင်း လုပ်ဆောင်မှုများ အပါအဝင် အခြားသော အရေး ကိစ္စများကို ပြန်လည် စတင်မည်ဟု ထုတ်ဖော် ပြောဆိုပြီး နှစ်နိုင်ငံ စစ်ဘက်အကြား ကာလ အတန်ကြာ ဆက်ဆံရေး အေးခဲနေမှုကို အဆုံးသတ်ရန် အရိပ်လက္ခဏာ ပြခဲ့သည်။

ပင်တဂွန် စစ်ဌာနချုပ် ပြန်ကြားရေး တာဝန်ခံ Geoff Morrell က အမေရိကန် ပြည်ထောင်စုနှင့် တရုတ် နိုင်ငံတို့သည် ယခုအခါ ကာလ ကြာရှည်စွာ ကြန့်ကြာခဲ့ရသော ကာကွယ်ရေး ဝန်ကြီး Robert Gates ၏ တရုတ်ပြည် ခရီးစဉ် စတင်နိုင်ရန် နှစ်ဦးနှစ်ဖက် အဆင်ပြေ ချောမွေ့မည့် အချိန်ကို ရှာဖွေလျက် ရှိကြောင်း၊ လာမည့် ၂၀၁၁ ခုနှစ်၊ အစောပိုင်း ကာလတွင် ခရီးစဉ် စတင်နိုင်ဖွယ် ရှိကြောင်း ပြောကြားသည်။

တရုတ် အမေရိကန် အကြား စစ်ဘက် ရေးရာ အပြန်အလှန် ဆက်ဆံမှုမှာ ပြီးခဲ့သည့် ၂၀၀၉ ခုနှစ်၊ Robert Gates က ဗိုလ်ချုပ်ကြီး Xu Caihou အား အမေရိကန် ပြည်ထောင်စုသို့ လာရောက် လည်ပတ်ရန် ဖိတ်ကြား လိုက်ချိန်တွင် စတင်ခဲ့ခြင်း ဖြစ်သည်။

ဗိုလ်ချုပ်ကြီး Xu Caihou သည် တရုတ် တပ်မတော်ကို ထိန်းချုပ်သော ကွန်မြူနစ်ပါတီ ကော်မတီ၏ ဒုတိယ ဥက္ကဌ နှစ်ဦး ရှိသည့် အနက် တစ်ဦး ဖြစ်ရာ ကာကွယ်ရေး ဝန်ကြီး ဗိုလ်ချုပ်ကြီး Liang Guanglie ထက် ရာထူးအရ ပိုမို အဆင့်မြင့်သူ ဖြစ်သည်။

AP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2336} အပိုဘတ်ဂျက် ယန်းငွေ ၅.၀၅ ထရီလီယံ သုံးစွဲရန် ဂျပန် ကက်ဘိနက် ကတိပြု

Posted by Transparency Myanmar 2010
comments (0)

Reuters, 7th October 2010

ဂျပန်ယန်းငွေ တန်ဖိုး မာသည်ထက် မာကာ တန်ဖိုး တက်နေမှုကြောင့် ရုန်းကန်နေရသည့် စီးပွားရေးကို အားပေး ထောက်ကူရန် အတွက် ဒေါ်လာ ၆၁.၃၃ ဘီလျံ (ယန်း ၅.၀၅ ထရီလီယံ) တန်ဖိုးရှိ အပို ဘတ်ဂျက်ကို စာရင်းပြုစုရန် ဂျပန်အစိုးရက သောကြာနေ့တွင် သဘော တူလိုက်သည်။

သက်တမ်းနု အတိုက်အခံ ပါတီက ကြီးမားသော စီးပွားရေး လှုံ့ဆော်မှု ပြုလုပ်ရန် တောင်းဆိုခဲ့ ပြီးနောက် လက်ရှိအာဏာရ  ဒီမိုကရက်တစ် ပါတီက လာမည့် ဘဏ္ဍာရေးနှစ်အတွက် စီစဉ်သည့် အနေဖြင့် အဆိုပြုထားသော ယန်းငွေ ၄.၈ ထရီလီယံထက် ယခု အပိုဘတ်ဂျက်က ပိုမို ကြီးမားသည်။

ကိုယ်ကျိုးစီးပွား ရံပုံငွေ ဖန်တီးရန် ဗုဒ္ဓဟူးနေ့က အကြံပြုချက်ကို ယခု ကက်ဘိနက်၏ အစီအစဉ်တွင် ဖော်ပြခြင်း မရှိသော်လည်း အရံငွေကြေးများကို အသုံးပြုမည့် ပိုမို ထိရောက်သော နည်းလမ်းများ ကို အစိုးရက ရှာဖွေနေသည်ဟု ဆိုသည်။

လာမည့် မတ်လအထိ ဘဏ္ဍာရေးနှစ်အတွက် အပို ဘတ်ဂျတ်ကို မူကြမ်း ရေးဆွဲရန် အစိုးရက ရည်ရွယ်ထားခြင်း ဖြစ်သည်။

ယခု အပို ဘတ်ဂျက် စီမံကိန်းကို အလုပ်အကိုင် ရှာဖွေသူများကို အထောက်အကူ ဖြစ်စေခြင်း၊ ကလေးဦးရေ တိုးလာနေသည့် ပြည်သူများအပေါ် ထောက်ပံ့မှုများ ပျံ့နှံ့စေခြင်း၊ စွမ်းအင် လုံလောက်မှု ရှိစေမည့် အိမ်ခန်း ပြင်ဆင်မှုများအတွက် ထောက်ပံ့ကြေး ပေးခြင်း၊ နေစွမ်းအင်သုံး ဓာတ်အားပေး စက်ရုံများအတွက် ထောက်ပံ့ကြေး ပေးခြင်းတို့ကို ပြုလုပ်မည် ဖြစ်သည်။

ယခု အစီအစဉ်ကြောင့် GDP ၌ ၀.၆ % တက်လာမည်ဟု အစိုးရက ပြောကြားသော်လည်း ဂျပန်သည် စက်မှု အင်အားကြီး နိုင်ငံများအနက် ကြွေးမြီ ၀န်ထုပ်ဝန်ပိုး အဆိုးဆုံး ဖြစ်နေပြီး လူထု ရင်းနှီးမြှုပ်နှံမှု ကဏ္ဍအတွက်  အကန့်အသတ်များ ရှိနေသောကြောင့် ယခု လှုံ့ဆော်ရေး ဘတ်ဂျက် အစီအစဉ်က စီးပွားရေး နယ်ပယ်အပေါ် သိသိသာသာ သက်ရောက်မှု ရှိမည် ဆိုသည်ကို အကဲခတ် လေ့လာသူများက သံသယ ရှိနေကြသည်။

ဂျပန် ၀န်ကြီးချုပ် နာတိုကန် အစိုးရမှာ ယိုင်နဲ့နေသော စီးပွားရေး နာလံ ထူလာအောင် ပြုစု ပျိုးထောင်နေစဉ် ဒေါ်လာ ၅ ထရီလီယံ ဂျပန် စီးပွားရေး၏ ၂ ဆခန့် နီးပါး ရှိလာသော လူထုကြွေးမြီ ထိန်းချုပ်ရေး ခက်ခဲသော လုပ်ငန်းစဉ်ကို ရင်ဆိုင်နေရသည်။

ထို့အပြင် ပါလီမန် ၂ ခြမ်း ကွဲနေခြင်းကြောင့် ဘတ်ဂျက် အကောင်အထည် ဖော်ရေး ဥပဒေ ပြဌာန်းရာတွင် အတိုက်အခံ အမတ်များ၏ ထောက်ခံမှုကို အစိုးရက လိုအပ်နေသည် ဖြစ်ရာ ယခု လှုံ့ဆော်ရေး စီမံချက်မှာ အကောင်အထည် ဖော်ရန် အလှမ်း ဝေးနေဆဲ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2335} တရုတ်အစိုးရဆန့်ကျင်သူနှင့် DVB တို့ ငြိမ်းချမ်းရေး နိုဘယ်ဆုအတွက်တစ်ပြေး

Posted by Transparency Myanmar 2010
comments (0)

Ottawa Citizen, By Aira Katarina Vehaskari, 5th October 2010

၂၀၁၀ နိုဘယ် ငြိမ်းချမ်းရေးဆုအတွက် ထောင်ထဲတွင် ရှိသော တရုတ်အစိုးရ ဆန့်ကျင်သူမှာ အလောင်းအစား လုပ်သော အေဂျင်စီများနှင့် ရေဒီယို ရုပ်မြင်သံကြားတို့တွင် ရေပန်းစားကာ ထိပ်ဆုံးမှ ပြေးနေသည်။ သို့သော် စာရင်းထဲတွင် ပါဝင်လိမ့်မည်ဟု ယူဆရသည်။

အခြား တရားဝင် မဟုတ်သော ဆန်ကာတင် စာရင်းတွင် တရုတ် တိုင်းရင်းသား Uighur လူမျိုး Rebiya Kadeer လည်း ပါဝင်သည်။

ပြည်ပမှ မြန်မာ အသံလွှင့်ဌာန ဖြစ်သော ဒီမိုကရက်တစ် မြန်မာ့အသံ (DVB) သည်လည်း လူကြိုက်များသော စာရင်းတွင် ပါဝင်ပြီး အာဖဂန် ဆရာဝန်နှင့် အမျိုးသမီး အခွင့်အရေး လှုပ်ရှားသူ Sima Samar လည်း စာရင်းတွင် ပါဝင်သည်။

နော်ဝေ စီးပွားရေး အရ အသံလွှင့် ဌာန ဖြစ်သော TV2 သည် နိုဘယ် ငြိမ်းချမ်းရေးဆုအတွက် ဒီမိုကရေစီ လှုပ်ရှားသူ Liu Xiaobo ကို စာရင်း ထိပ်ဆုံးတွင် ထားသည်။ TV2 သည် ယမန်နှစ်က မှန်ကန်ရန် မလွယ်ကူသော လူကြိုက် မများသည့် အမေရိကန် သမ္မတ Obama အား ခန့်မှန်းခဲ့ရာ မှန်ကန်ခဲ့ဖူးသည်။

Liu သည် Chapter 8 ဟု ခေါ်သော လွတ်လပ်စွာ စုဝေးခွင့်၊ ဖော်ထုတ်ခွင့်နှင့် ဘာသာရေး လွတ်လပ်မှုများ ပါဝင်သော တရုတ်ပြည်၏ နိုင်ငံရေး ပြုပြင် ပြောင်းလဲမှု တောင်းဆိုမှုအား လူများကြား ပျံ့နှံ့အောင် စည်းရုံးရာတွင် ကူညီမှုဖြင့် ထောင်ထဲတွင် ရှိနေသည်။

Liu အား ရွေးချယ်ပါက တရုတ်အစိုးရအား အမျက်ထွက်စေမည် ဖြစ်သည်။ ဒီမိုကရေစီ လှုပ်ရှားသူများကို မရွေးချယ်ရန် တရုတ်က နော်ဝေ နိုဘယ်ဆု ရွေးချယ်ရေး ကော်မတီအား မကြာခဏ သတိပေးခဲ့သည်။

Liu အား ဆုအတွက် ရွေးချယ်ပါက နော်ဝေနှင့် တရုတ်ကြား ဆက်ဆံရေး စိမ်းကား သွားလိမ့်မည် ဖြစ်ကြောင်း မကြာမီက တရုတ်က ပြောကြားခဲ့သည်။

အာရှမှ ပုဂ္ဂိုလ်များ၊ ဂျာမနီ ပေါင်းစည်းရေးတွင် ဦးဆောင်ခဲ့သူ အဓိပတိဟောင်း Helmut Kohl တို့သည်လည်း အပြန်အလှန် စဉ်းစားနေသော စာရင်းတွင် ပါဝင်သည်။

မည်သို့ပင် ဆိုစေ ၂၀၁၀ အတွက် ဆုရွေးချယ်ရာတွင် ယမန်နှစ်က အမေရိကန် သမ္မတ Barak Obama အား အံအားသင့်ဖွယ် ရွေးချယ်ခဲ့မှုမျိုး ဖြစ်မည် မဟုတ်ဘဲ ရိုးရာအတိုင်း ဒီမိုကရေစီနှင့် ငြိမ်းချမ်းရေး ချန်ပီယံများကိုသာ ရွေးလိမ့်မည်ဟု ကျယ်ကျယ်ပြန့်ပြန့် ခန့်မှန်းနေကြသည်။

ကော်မတီ ဥက္ကဌ Thorbjoern Jagland က ကြာသပတေးနေ့က နော်ဝေ ပြည်သူ့ ရုပ်မြင်သံကြား ဌာန NRK မှ အကြံပြု မှတ်ချက်များ ပေးခဲ့သည်။

"ကျွန်တော်တို့ မနှစ်ကလိုတော့ မဖြစ်နိုင်တော့ပါဘူး။ ဒါပေမယ့် ဒီဆုဟာ စိတ်ဝင်စားစရာ ကောင်းနေစေရပါမယ်။ တစ်နေ့တာမှ အလွှမ်းမိုးဆုံး အရာ ဖြစ်မှာပါ" ဟု ယင်းက ပြောသည်။

ယင်းအတွက်မူ ဆုရွေးချယ် ပေးရမည့် ပုဂ္ဂိုလ်သည် အစောပိုင်း ကတည်းက အဖြေထွက်ပြီး ဖြစ်ကြောင်း၊ ယင်းက ဖြည့်စွက် ပြောသည်။

ဆုရွေးချယ် ပေးအပ်မှုကို စိတ်ဝင်စား ကြလိမ့်မည် ဖြစ်ကြောင်း ယင်းက ပြောကြားသော်လည်း သောကြာနေ့တွင် ကြေညာမည့်သူ ဖြစ်ကြောင်း သဲလွန်စ ပေးခဲ့ခြင်း မရှိပေ။

အော်စလိုရှိ Peace Research Institute မှ အကြီးအကဲ ငြိမ်းချမ်းရေးဆုနှင့် ပတ်သက်၍ ပညာရှင် Kristian Berg ကမူ Liu ကို သူ၏ ဆုအတွက် အကြိုက်ဆုံး စာရင်းမှ ဖယ်ထုတ်ထားခဲ့သည်ဟု ဆိုသည်။

ယင်းအတွက် ထိပ်ဆုံး သုံးခုမှာ ဒီမိုကရက်တစ် မြန်မာ့အသံ (DVB) Sima Samar နှင့် စစ်ရာဇ၀တ်မှုများ ဖော်ထုတ်ရန် ကုလ သမဂ္ဂမှ ဖွဲ့စည်းပေးထားသော Sierra Leone အထူး တရားရုံးတို့ ဖြစ်သည်ဟု ဆိုသည်။

အကယ်၍ DVB သာ ဆုရွေးချယ်ခံရပါက ဆုရွေးချယ်ပေးသည့် ၁၀၉ နှစ် သမိုင်းတွင် ပထမဆုံး အကြိမ် မီဒီယာ အဖွဲ့အစည်း တစ်ခုသို့ ဆုရွေးချယ် ပေးခဲ့ခြင်း ဖြစ်မည် ဖြစ်သည်။

ယခုနှစ်တွင် နိုဘယ်ဆု ရွေးချယ်ရေး ကော်မတီသည် စံချိန်တင် တစ်ဦးချင်းရော အဖွဲ့အစည်း များပါ ၂၃၇ ဦးကို စဉ်းစားခဲ့ပြီး ဆုအဖြစ် ဆွီဒင် Kooner ၁၀ သန်း (ဒေါ်လာ ၁.၅ million cdn) ချီးမြှင့်မည် ဖြစ်သည်။

နိုဘယ် ငြိမ်းချမ်းရေးဆုကို ဒီဇင်ဘာ (၁၀) ရက်နေ့တွင် အော်စလို၌ ပေးအပ်မည် ဖြစ်ပြီး အခြား နိုဘယ်ဆုများကိုလည်း ယင်းနေ့တွင်ပင် စတော့ဟုမ်း၌ ပေးအပ်မည် ဖြစ်သည်။

ပြီးခဲ့သည့်နှစ်က ဆုရွေးချယ်ရေး ကော်မတီသည် Obama  အား ရွေးချယ်ပေးခြင်းဖြင့် ကမ္ဘာကြီးအား တုန်လှုပ်သွားအောင် ပြုလုပ်ခဲ့သည်။ ထိုစဉ်က Obama သည် ၉ လခန့်သာ တာဝန်ထမ်း ဆောင်နေရဆဲ ဖြစ်ပြီး အမေရိကန်သည် အာဖဂန် နစ္စတန်နှင့် အီရတ်ကို စစ်ပွဲများ ဆင်နွှဲလျက် ရှိသည်။

စောင့်ကြည့်သူများကမူ ယခုနှစ် ဆုရွေးချယ်ပေးမှုမှာ အငြင်းပွားမှု နည်းပါးလိမ့်မည်ဟု ခန့်မှန်း ထားကြသည်။

ပထမဦးဆုံး နိုဘယ် ငြိမ်းချမ်းရေးဆုကို ၁၉၀၁ တွင် ကြက်ခြေနီကို တည်ထောင်ကြသူများ ဖြစ်သည့် Jean Henry Dunant နှင့် Frederic Passy တို့ကို ပေးအပ်ခဲ့ပြီး အကြိမ် (၉၀) ဆုရွေးချယ်ပေးခဲ့ပြီး ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2334} ဘတ်ငွေ ၄၀၀ ဘီလျံ တန်ဖိုးရှိ ထားဝယ်ရေနက် ဆိပ်ကမ်း စီမံကိန်းကို အီတာလျံထိုင်း ITD လက်မှတ် ရေးထိုးမည်

Posted by Transparency Myanmar 2010
comments (0)

The Nation, 8th October 2010

Italian Thai Development ကုမ္ပဏီသည် ဘတ်ငွေ ၄၀၀ ဘီလျံ တန်ဖိုးရှိ ထားဝယ်ရေနက် ဆိပ်ကမ်း တည်ဆောက်ရေး စီမံကိန်းအတွက် မြန်မာ့ဆိပ်ကမ်း အာဏာပိုင်-မြန်မာ အစိုးရတို့နှင့် သဘော တူညီချက်ကို ယခုလကုန် လက်မှတ်ရေးထိုးမည် ဖြစ်သည်။

မြန်မာနိုင်ငံတွင် ရွေးကောက်ပွဲ ကျင်းပမည့် နိုဝင်ဘာ ၇ ရက် မတိုင်မီ လုပ်ငန်း အသေးစိတ် ညှိနှိုင်းမှု သဘော တူညီချက်ကို လက်မှတ် ရေးထိုးနိုင်လိမ့်မည်ဟု မျှော်လင့်ရကြောင်း ITD ၏ ဝါရင့် အမှုဆောင် ဒုတိယ ဥက္ကဋ္ဌ နီဂျာပွန် ချာရာနာချီတာက ယမန်နေ့က ပြောကြားသည်။

ထားဝယ် ဆိပ်ကမ်းကို အထူး စီးပွားရေးဇုံအဖြစ် အကောင်အထည် ဖော်ရာတွင် လျှပ်စစ် ဓါတ်အားပေး စက်ရုံများ၊ ရေနံ ဓာတုနှင့် သန့်စင် ချက်လုပ်ရေး စက်ရုံများ၊ အဆင့်မြင့် သံမဏိ စက်ရုံများ၊ လမ်းများ၊ အခြေခံ အဆောက်အဦးများကို မြေအကျယ် ၆၄၀၀၀ ဟက်တာပေါ်တွင် တည်ဆောက်မည် ဖြစ်သည်။

ယခု စီမံကိန်းသည် ITD ကုမ္ပဏီ၏ သမိုင်းတွင် အကြီးဆုံး စီမံကိန်း ဖြစ်သည့်အတွက် ရင်းနှီးမြှုပ်နှံမည့် လုပ်ဖော်ကိုင်ဖက်များကို ရှာဖွေနေကြောင်း နီဂျာပွန်က ပြောကြားသည်။

တောင်ကိုးရီးယား၊ တရုတ်နှင့် အိန္ဒိယ နိုင်ငံများမှ ရင်းနှီး မြှုပ်နှံသူများစွာက စိတ်ဝင်စားကြောင်း ပြသခဲ့ကြသည်ဟုလည်း သိရှိရသည်။

ITD သည် ယခုနှစ် အတွက် ရရန် ကျန်ရှိနေသေးသော ဘတ်ငွေ ၄၀ ဘီလျံ (သို့) ၅၀ ဘီလျံခန့်မှ ဝင်ငွေ စတင် ရရှိနေပြီ ဖြစ်ပြီး နစ်သွန် ၂ ရေအားလျှပ်စစ် ကုမ္ပဏီမှ ၎င်းပိုင် ရှယ်ယာများကို Electricity Generating and EDF International သို့ အမေရိကန် ဒေါ်လာ သန်း ၁၁၀ (ဘတ်ငွေ ၃.၃ ဘီလျံ) ဖြင့် ရောင်းချရာမှလည်း ဝင်ငွေ ရရှိခဲ့သည်။

ဝင်ငွေ ဘတ် ၄၁.၄၅ ဘီလျံခန့် အနက်မှ ဘတ် ၁.၇၇ ဘီလျံ ဆုံးရှုံးခဲ့သော ယခင် နှစ်ကထက် ယခုနှစ်တွင် ITD ၏ စွမ်းဆောင်မှု ပိုမိုတိုးတက်လာသည်။ ITD ၏ စတော့ ရှယ်ယာများမှာ ၄.၃ % မြင့်တက်ကာ ၄.၈၂ ဘတ်သို့ ရောက်ရှိခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2333} မြန်မာအစိုးရ၏ ဒီမိုကရေစီကို မည်သူမျှ မယုံကြည်

Posted by Transparency Myanmar 2010
comments (0)

The Japan Times, By Vaclav Havel ETAL, 7th Oct 2010

(Vaclav Havel သည် ချက်သမ္မတဟောင်း ဖြစ်သည်)

နိုဝင်ဘာလ (၇) ရက်နေ့တွင် မြန်မာနိုင်ငံတွင် နှစ်ပေါင်း နှစ်ဆယ် အတွင်း ပထမဦးဆုံး ရွေးကောက်ပွဲကို ကျင်းပတော့မည် ဖြစ်ရာ အသေအချာ ဇာတ်တိုက်ထားသော ပြဇာတ် တစ်ပုဒ်ကို တင်ဆက်တော့မည် ဖြစ်သည်။ မြန်မာ ဗိုလ်ချုပ်များသည် ဒီမိုကရေစီ လုပ်ငန်းစဉ် ဟူသော အဓိပ္ပာယ်ကို လက်တစ်လုံးကြား လုပ်ကြဦးမည် ဖြစ်ပြီး ပြည်သူ အများမှာ မျှော်လင့်ချက် မရှိဘဲ ကြောက်ကြောက် ရွံ့ရွံ့နှင့် မဲပေးကြရဦးမည် ဖြစ်သည်။

နိုင်ငံတကာ အသိုင်းအဝိုင်း အနေဖြင့် မြန်မာ ဗိုလ်ချုပ်များကို ၎င်းတို့၏ စားလုံးများ၊ ကတိများကို မကြည့်ဘဲ ၎င်းတို့၏ လုပ်ဆောင်ချက်ကို ကြည့်၍ အကဲဖြတ် ကြရမည် ဖြစ်သည်။ ဗိုလ်ချုပ်များက လွတ်လပ်စွာ မဲပေးနိုင်မည်ဆိုသော ပြောဆိုသံများ၊ ဒီမိုကရေစီအသွင် ကူးပြောင်းရေး ဟူသော ပြောဆိုသံများထက် စာလျှင် မြန်မာနိုင်ငံတွင် ပကတိ ဖြစ်ပျက်နေသော အသံများက ပိုမို ကျယ်လောင်သည်။

မြန်မာနိုင်ငံတွင် နိုင်ငံရေး အကျဉ်းသား (၂၁၀၀) ကျော်သည် ထောင်ထဲတွင်ပင် ရှိနေသေးသည်။ အများစုမှာ နှိပ်စက်ခံရခြင်း၊ ဆိုးရွားသော အခြေအနေများတွင် နေနေရခြင်း၊ ကျန်းမာရေး ဆေးကုသရန် ငြင်းပယ်ခံရခြင်းများ ရှိနေသည်။ နိုင်ငံတွင်း တိုင်းရင်းသားများအား တိုက်ခိုက်မှုများ ဆက်ရှိနေပြီး၊ မြန်မာ စစ်တပ်နှင့် ရဲကလည်း ကလေးများ အပါအဝင် အရပ်သားများအပေါ် ပစ်မှတ်ထား၍ တမင် နှိပ်စက်ခြင်းများ ပြုလုပ်သည်။ တိုင်းပြည်၏ မီဒီယာများအပေါ် ဆင်ဆာ ကန့်သတ်ချက်များ ရှိနေဆဲ ဖြစ်ပြီး၊ လွတ်လပ်စွာ ဖော်ထုတ်ခွင့်ကိုလည်း ငြင်းဆိုထားသည်။ လူအများ နှစ်သက်သော ၁၉၉၀ ရွေးကောက်ပွဲတွင် အနိုင် ရရှိခဲ့သော နိုင်ငံရေးပါတီ ဖြစ်သည့် အမျိုးသား ဒီမိုကရေစီအ ဖွဲ့ချုပ်မှာလည်း ရွေးကောက်ပွဲ ဝင်ရေး မှတ်ပုံ မတင်ရန် ဆုံးဖြတ်ခဲ့မှုကြောင့် ဖျက်သိမ်းခံခဲ့ရသည်။

ထိုသို့သော အခြေအနေမျိုးတွင်  လွတ်လပ်၍ တရားမျှတသော ရွေးကောက်ပွဲများ မဖြစ်နိုင်ပေ။ ယခု ဒီမိုကရေစီ အသွင် ကူးပြောင်းရေး လုပ်ငန်းစဉ်ဟု ခေါ်သော လုပ်ငန်းစဉ်မှာလည်း လက်ရှိ စစ်အာဏာရှင် များကသာ ရေးဆွဲပြီး ၎င်း၏ သစ္စာခံများနှင့်သာ လုပ်ကြဦးမည် ဖြစ်ရာ၊ ရလဒ်မှာ အာဏာရှင်စနစ် သက်ဆိုးရှည်ရေးသာ ဖြစ်တော့မည် ဖြစ်သည်။

ထို့ကြောင့် မြန်မာနိုင်ငံ၏ ကံကြမ္မာသည် ပုံစံသစ် အာဏာရှင် စနစ်နှင့် မညားမီ ကုလသမဂ္ဂ အနေဖြင့် ဤဒုက္ခရောက်နေသော တိုင်းပြည်အပေါ် ဒီမိုကရေစီနှင့် အမျိုးသား ပြန်လည် စည်းလုံးမှုကို ဖြစ်စေမည့် လုပ်ငန်း ဒီဇိုင်းအသစ်ကို ချက်ခြင်း၊ လုံ့လရှိရှိ စတင် အဆိုပြုကြဖို့ ဖြစ်သည်။ အရှေ့ရော အနောက်ရော အပါအဝင် နိုင်ငံတကာ အသိုင်းအဝိုင်း အနေဖြင့် တွေ့ဆုံ ဆွေးနွေးမှု အစစ်အမှန် ဖြစ်စေရေးအတွက်  ကုလ သမဂ္ဂ၏ ဦးဆောင်မှု နောက်တွင် တညီတညွှတ်တည်း ရှိကြရမည် ဖြစ်သည်။

သို့သော် အဆိုပါ တွေ့ဆုံ ဆွေးနွေးမှု တရားဝင် အစစ် အမှန်ဖြစ်ရေး အတွက် နိုဘယ်ဆုရှင် ဒေါ်အောင်ဆန်းစုကြည်နှင့် သူမ၏ ပါတီ NLD တို့ ပါဝင်ရမည် ဖြစ်သည်။ အဆိုပါ လုပ်ငန်းစဉ်တွင် အခြား ဒီမိုကရက်တစ် အတိုက်အခံ အုပ်စုများနှင့် တိုင်းရင်းသား ကိုယ်စားလှယ် အစစ်အမှန်များကိုလည်း ပြောရေးဆိုခွင့် ပေးရမည် ဖြစ်သည်။

မြန်မာ ဗိုလ်ချုပ်များကို တွေ့ဆုံညှိနှိုင်းရေး စားပွဲသို့ ရောက်လာအောင် ဆွဲခေါ်နိုင်သော ဖိအားများ ပေးရမည်ဖြစ်သည်။ နိုင်ငံတကာ အသိုင်းအဝိုင်း အနေဖြင့် ထိုကိစ္စ အထ မြောက်ရေးအတွက် သုံးနိုင်သမျှသော လက်နက်များကို ထုတ်၍ သုံးရလိမ့်မည် ဖြစ်သည်။

မြန်မာ နိုင်ငံအပေါ် အကူအညီပေးရေး တာဝန် ဝတ္တရားများကို ကုလသမဂ္ဂ အပေါ်တွင်သာ ပုံမထားသင့်ပါ။ ရှိမနေပါ။ မြန်မာ စစ်ဗိုလ်ချုပ်များအပေါ် ဖ်ိအားများသည် နှစ်နိုင်ငံရော၊ နိုင်ငံစုံကပါ ပေးကြရမည် ဖြစ်သည်။ ဖိအားပေးမှုတွင် ပစ်မှတ်ထားသော  ငွေရေးကြေးရေးနှင့် ဘဏ်ဆိုင်ရာ အရေးယူမှုများ အပါအဝင် သေချာစွာ သတ်မှတ်ထားသော စီးပွားရေး ကိစ္စများဖြင့် ပါဝင်အရေးယူ ဆောင်ရွက်သင့်သည်။

မြန်မာ စစ်ခေါင်းဆောင်များ မတရားမှုများကို တရားဝင်သဖွယ် ပြုလုပ်နေမှုများ ရပ်ဆိုင်းသွားအောင် အရေးယူ ဆောင်ရွက်ကြရမည် ဖြစ်သည်။ အာဏာရှင် အစိုးရမှာ တိုင်းရင်းသား လူမျိုး အများစုအပေါ် စစ်ရာဇဝတ်မှုများ ကျူးလွန်ခြင်း၊ လူသားချင်း မစာနာသော ရာဇဝတ်မှုများ ကျူးလွန်ခြင်း၊ လူမျိုးခွဲခြား ဆက်ဆံခြင်းနှင့် စစ်တပ်၏ မှားယွင်း အုပ်ချုပ်မှုများကို စွပ်စွဲခံနေရသည်။ ကုလသမဂ္ဂ အထွေထွေ ညီလာခံ အနေဖြင့် ကုလသမဂ္ဂ အထူး ကိုယ်စားလှယ် အဆိုပြုထားသော စစ်ရာဇဝတ်မှုများ စုံစမ်းရေး ကော်မရှင် ဖွဲ့စည်းရေး ကိစ္စကို ဆက်လုပ်သင့်သည်။

ထို့အပြင် ကုလသမဂ္ဂ လုံခြုံရေး ကောင်စီသည် မြန်မာနိုင်ငံအပေါ် လက်နက် ရောင်းဝယ်ရေး ကိစ္စ ကန့်သတ် အရေးယူသင့်သည်။

မြန်မာ နိုင်ငံတွင် နိုဝင်ဘာ (၇) ရက် အပြီးတွင်လည်း အာဏာရှင် စနစ်နှင့် လူ့အခွင့်အရေး ချိုးဖောက်မှုများ ရှိနေဦးမည် ဖြစ်သည်။ ထို့ကြောင့် ကျွန်ုပ်တို့ အနေဖြင့် ရွေးကောက်ပွဲအပြီး ဘာဖြစ်မည် ဆိုသည်ကို စောင့်ကြည့်နေရန် မလိုအပ်ပေ။ ဘာမျှ မလုပ်သော တိုင်းပြည်အတွက် ဘာမျှ ခွင့်လွှတ်စရာ မလိုပေ။ ယခုအချိန်သည် ကမ္ဘာကြီး တစ်ခုလုံးသည် မြန်မာပြည်သူများ နောက်တွင် ညီညွတ်စွာ ရပ်သင့်ပြီး ၎င်းတို့ ငြိမ်းချမ်းရေးနှင့် သိက္ခာရှိရှိ နေနိုင်ရေး ကူညီပေးကြရမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)