Transparency Myanmar

transparency.myanmar@gmail.com

၁၃.၈.၂၀၁၁

ပြည်တွင်းသတင်းများ

မြန်မာ့လေပိုင်နက် ဖြတ်ကျော် ပျံသန်းခ ကောက်ခံသောလုပ်ငန်း ပုဂ္ဂလိကသို့ လွှဲပြောင်းပေးရန်ရှိ

မြန်မာ့လေပိုင်နက်အတွင်း ဖြတ်ကျော်ပျံသန်းသော လေကြောင်းလိုင်းများအား ဝန်ဆောင်ခကောက်ခံသော လုပ်ငန်းကို ပုဂ္ဂလိကသို့ ပေးအပ် သွားရန် ရှိကြောင်း လေကြောင်းညွှန်ကြားမှု ဦးစီးဌာနမှ သိရသည်။

မြန်မာ့လေပိုင်နက်အတွင်း ဖြတ်ကျော်ပျံသန်းသော လေယာဉ်များကို လေကြောင်းလမ်း ရှင်းလင်းပေးပြီး ပိုင်နက်အတွင်း ဖြတ်ကျော် ပျံသန်းသည့် အတွက် ဝန်ဆောင်ခ ကောက်ခံသော လုပ်ငန်းကို အစိုးရလုပ်ငန်းအဖြစ်မှ ပုဂ္ဂလိကသို့ လွှဲပြောင်းလုပ်ကိုင်စေလိုခြင်းဖြစ်ကြောင်း သိရသည်။

မြန်မာ့လေပိုင်နက်အတွင်း နေ့စဉ် ဖြတ်ကျော်နေသော လေယာဉ်အစင်းပေါင်း ၄ဝဝကျော်ရှိကာ ဝန်ဆောင်ခ နှုန်းထားကိုမူ လေယာဉ် အမျိုးအစား အလိုက် ကောက်ခံပြီး ကျသင့်ငွေကို လေကြောင်းလိုင်းများမှ တစ်လတစ်ကြိမ် ရှင်းပေးရကြောင်း သိရသည်။

အဆိုပါ ဝန်ဆောင်ခကို ကန်ဒေါ်လာဖြင့် ကောက်ခံပြီး နှစ်စဉ် ကန်ဒေါ်လာသန်း ၅ဝ ကျော်ရရှိ သည်။ ၂ဝ၁ဝ ဘဏ္ဍာနှစ်တွင် ကန် ဒေါ်လာ ၅၉ သန်းကျော် ရရှိခဲ့ကြောင်း သိရသည်။

“ထိုင်း၊ တရုတ်နှင့် အိန္ဒိယကို ဆင်းသည့် လေကြောင်းလိုင်း အားလုံးနီးပါးသည် မြန်မာ့လေပိုင်နက်ပေါ်မှ ဖြတ်သန်းရပြီး ထိုင်းနိုင်ငံကို လာသည့် လေကြောင်းလိုင်းမှာ အများဆုံးဖြစ်ကြောင်း သိရသည်။

လေပိုင်နက်အတွင်း လေယာဉ်ပျံသန်းချိန် လေကြောင်းရှင်းလင်းရေးကို လတ်တလောတွင် ရေဒါစနစ်ဖြင့်သာ အသုံးပြုလျက်ရှိပြီး နောက်ပိုင်းတွင် နိုင်ငံတကာ၌ အသုံးပြုနေသော ဂြိုလ်တုစနစ် အသုံးပြုသွားရန်ရှိကြောင်း သိရသည်။

Ref: Popular News

-----------------------------------------------------------------------------------------------------------------------------------

ပြည်ပနိုင်ငံများ၌ သုံးစွဲခြင်းမရှိသည့် ပစ္စည်းများ မြန်မာနိုင်ငံသို့ရောက်

ပြည်ပနိုင်ငံများမှ မြန်မာနိုင်ငံသို့ တင်ပို့လျက်ရှိသည့် ပစ္စည်းအချို့မှာ ၎င်းတို့နိုင်ငံများတွင် သုံးစွဲခြင်း မရှိဘဲ မြန်မာနိုင်ငံသို့ စမ်းသပ်တင်ပို့ရန် အတွက်သာ သီးသန့်ထုတ်လုပ်ခြင်းဖြစ်ကြောင်း သိရသည်။

အနောက်နိုင်ငံများ၌ ဆေးဝါးသစ်တစ်မျိုးမျိုးကို စမ်းသပ်ထုတ်လုပ်ပြီးပါက မြန်မာနိုင်ငံကဲ့သို့ မဖွံ့ဖြိုးသေးသည့် နိုင်ငံများကို စောင့်ကြည့် လေ့လာ၍ အသစ်ထုတ်လုပ်သည့် ဆေးဝါးများကို စမ်းသပ်တင်ပို့ပြီး တင်ပို့လိုက်သည့် ဆေးဝါးများတွင် အားနည်းချက်တစ်ခုခုရှိပါက ပြန်လည် ပြုပြင်ခြင်း လုပ်ငန်း များကို ဆောင်ရွက်လေ့ရှိကြကြောင်း သိရသည်။

ထိုသို့သော ကိစ္စရပ်မျိုးကို ကာကွယ်နိုင်ရန် မြန်မာနိုင်ငံသို့ ပြည်ပမှ တင်ပို့လိုက်သည့် ကုန်ပစ္စည်းများအပေါ်တွင် စားသုံးသူ ကာကွယ်ရေး ဥပဒေ၊ အရည်အသွေး သတ်မှတ်ရေးဥပဒေနှင့် လုပ်ငန်းလျှို့ဝှက်ချက်များ ဥပဒေစသည့် ဥပဒေများ လိုအပ်လျက်ရှိကြောင်း ပြည်တွင်း ဥပဒေရေးရာ ကျွမ်းကျင်သူ တစ်ဦးက ပြောကြားခဲ့သည်။

ထို့ပြင် စားသုံးသူ ကာကွယ်ရေး ဥပဒေ ထုတ်ပြန်နိုင်ရေးအတွက် ၂၀၁၁ ခုနှစ် ဇူလိုင်လ ၂၈ ရက်နေ့၌ မြန်မာနိုင်ငံ ကုန်သည်နှင့် စက်မှုလက်မှု လုပ်ငန်းရှင်များ အသင်းချုပ်ရုံးတွင် မြန်မာနိုင်ငံမှ လုပ်ငန်းရှင်များနှင့် အကြံပြုဆွေးနွေးပွဲ တစ်ရပ်ကို ပြုလုပ်ခဲ့ကြောင်း သိရသည်။

ထို့ကြောင့် မြန်မာနိုင်ငံသို့ပြည်ပနိုင်ငံများမှ တင်ပို့လျက်ရှိသည့် ကုန်ပစ္စည်းများတွင် တံဆိပ်အတုများ၊ အရည်အသွေး စံချိန်စံညွှန်း မမီသည့် ဆေးဝါးများနှင့် အစားအသောက်များကို သေချာစွာ စစ်ဆေးစမ်းသပ်ပြီး အရည်အသွေး စံချိန်မမီသည့် ကုန်ပစ္စည်းများ တင်ပို့နေမှုကို တားဆီးကာကွယ် အရေးယူသင့်ကြောင်း ၎င်းက ဆက်လက်ပြောကြားခဲ့သည်။

                                                                                    Ref: Myanmar Time

-----------------------------------------------------------------------------------------------------------------------------------

လယ်လုပ်သားများပြည်ပထွက်ခွာမှုကြောင့် အမျိုးသမီးများ လယ်ယာမြေ ဝင်ရောက် လုပ်ကိုင်

မြန်မာနိုင်ငံရှိ လယ်ယာမြေများတွင် လယ်လုပ်သား အမျိုးသားအများစုမှာ ပြည်ပနိုင်ငံများသို့ ထွက်ခွာ အလုပ်လုပ်ကိုင်မှု များပြားလာသည့် အတွက် လယ်ယာမြေများတွင် အမျိုးသမီးများကသာ ဝင်ရောက်လုပ်ကိုင်နေရကြောင်း သိရသည်။

ထို့သို့ မြန်မာနိုင်ငံရှိ လယ်ယာမြေများတွင် အမျိုးသား လယ်လုပ်သားများ ရှားပါးလာသည့်အတွက် လယ်ယာမြေ လုပ်ငန်းခွင်များတွင် အမျိုးသမီး များက အစားထိုး ဝင်ရောက် လုပ်ကိုင်ကြသော်လည်း လယ်လုပ်သား အမျိုးသားများကဲ့သို့ လယ်ယာလုပ်ငန်း တာဝန်များကို ထိထိရောက်ရောက် ဆောင် ရွက်နိုင်ခြင်း မရှိသည့်အတွက် တောင်သူအများစုမှာ အခက်အခဲနှင့် ကြုံတွေ့နေရကြောင်း သိရသည်။

ရခိုင်ဒေသအတွင်း၌ ထိုသို့ လယ်ယာမြေလုပ်သားများမှာ ပြည်ပနိုင်ငံများသို့ သွားရောက်အလုပ်လုပ်ကိုင်မှု များပြားသည့်အတွက် လယ်ယာမြေ လုပ်ငန်းခွင်များတွင် သာမက အခြားဒေသတွင်း စက်မှု၊ လက်မှု လုပ်ငန်းများမှာပါ ထိခိုက်ခဲ့ကြောင်း သိရသည်။

ရခိုင်ဒေသအတွင်း၌ လွန်ခဲ့သည့် ဆယ်နှစ်ဝန်းကျင်အတွင်းမှ စတင်၍ လယ်ယာမြေလုပ်သား ရှားပါးယိုစီးမှု ပြဿနာမှာ တစ်နှစ်ထက်တစ်နှစ် ပိုမို၍ ကြုံတွေ့လာရကြောင်း ရခိုင်ပြည်နယ် စိုက်ပျိုးရေးဇုန်တစ်ခုမှ တာဝန်ရှိသူတစ်ဦးက ပြောကြားခဲ့သည်။

ထိုသို့ ပြည်ပနိုင်ငံများသို့ ထွက်ခွာ၍ အလုပ်သွားရောက် လုပ်ကိုင်ကြသည့် လယ်ယာလုပ်သား အမျိုးသား အများစုမှာ လက်ရှိဘဝ အဆင့်အတန်း ပိုမိုမြင့်မားလာနိုင်ရန်နှင့် ၎င်းတို့၏ မျိုးဆက်အသိုင်းအဝိုင်းများပါ လူနေမှုဘဝ အဆင့်အတန်း မြင့်မားလာနိုင်စေရန် ရည်ရွယ်၍ ပြည်ပနိုင်ငံများသို့ သွား ရောက် အလုပ်လုပ်ကိုင်ကြခြင်းဖြစ်ကြောင်း သိရသည်။              

Ref: News Watch

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

NLD ပါတီအား နိုင်ငံရေးပါတီ မှတ်ပုံတင်ပြန်လည် လျှောက်ထားရန် ဦးကျော်ဆန်းပြောကြား

နေပြည်တော်ရှိ ပြန်ကြားရေးဝန်ကြီးဌာနရုံးတွင် သြဂုတ်လ ၁၂ ရက်နေ့က ကျင်းပခဲ့သော သတင်းစာ ရှင်းလင်းပွဲတွင် NLD ပါတီအနေဖြင့် နိုင်ငံရေး လှုပ်ရှားမှုများ ဆက်လက်ဆောင်ရွက်လိုပါက ဥပဒေအရ နိုင်ငံရေးပါတီ မှတ်ပုံတင် ပြန်လည်လျှောက်ထားရန် လိုအပ်ကြောင်း ပြည်ထောင်စု ဝန်ကြီး ဦးကျော်ဆန်းက ပြောကြားခဲ့သည်။

အစိုးရသစ်လက်ထက် ပထမဆုံးအကြိမ်ကျင်းပသော သတင်းစာရှင်းလင်းပွဲကို နေပြည်တော်ရှိ ပြန်ကြားရေးဝန်ကြီးဌာနရုံး အစည်းအဝေး ခန်းမတွင် ကျင်းပခဲ့ရာ ပြန်ကြားရေးဝန်ကြီးဌာနနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကျော်ဆန်းမှ အမျိုးသား ပြန်လည်စည်းလုံး ညီညွတ် ရေးနှင့် အမျိုးသား အကျိုးစီးပွား တိုးတက်ရေးကို ရှေးရှုသောအနေဖြင့် NLD ပါတီအနေဖြင့် နိုင်ငံရေးလှုပ်ရှားမှုများ ဆက်လက်ဆောင်ရွက် သွားမည်ဆိုပါက တရားဝင်နိုင်ငံရေးပါတီအဖြစ် ပြန်လည်မှတ်ပုံတင်နိုင်ရန် အခွင့်အလမ်းများ ဖွင့်ပေးထားကြောင်း ပြောကြားခဲ့သည်။

နိုင်ငံတော် အကျိုးစီးပွား တိုးတက်ရေးအတွက် ပြည်ထောင်စုဝန်ကြီး ဦးအောင်ကြည်သည် ဒေါ်အောင်ဆန်းစုကြည်နှင့် အစိုးရသစ် လက်ထက် တွင် နှစ်ကြိမ်တိုင် တွေ့ဆုံဆွေးနွေးမှုများ ပြုလုပ်ခဲ့ပြီး ပြည်သူလူထု အကျိုးစီးပွား ဖြစ်ထွန်းရေးအတွက် ပူးပေါင်းဆောင်ရွက်နေရာ အောင်မြင်သော ရလဒ်ကောင်းများ ထွက်ပေါ်လာမည်ဟု ပြန်ကြားရေးဝန်ကြီး ဦးကျော်ဆန်းမှ ပြောကြားခဲ့သည်။

အဆိုပါ သတင်းစာရှင်းလင်းပွဲတွင် သတင်းစာဆရာတစ်ဦးမှ  ဒေါ်အောင်ဆန်းစုကြည်အနေဖြင့် မြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး လုပ်ငန်းများတွင် ပါဝင်ဆောင်ရွက်နိုင်ခွင့် အခြေအနေများနှင့် ပတ်သတ်၍ မေးမြန်းရာ နိုင်ငံတော်သမ္မတ၏ မိန့်ခွန်းတွင် နိုင်ငံသားများအနေဖြင့် ပြည်သူ လူထု အကျိုးစီးပွား ဖြစ်ထွန်းမည့် လုပ်ငန်းများတွင် ပူးပေါင်းပါဝင် ဆောင်ရွက်ခွင့်ရှိသည်ဟု ၎င်းမှ ပြန်လည်ဖြေကြားခဲ့သည်။

အမျိုးသား ဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်သည် ပြည်ထောင်စုဝန်ကြီး ဦးအောင်ကြည်နှင့် ဇူလိုင်လ ၂၅ ရက်နေ့တွင် တစ်ကြိမ် သြဂုတ်လ ၁၂ ရက်နေ့တွင်တစ်ကြိမ် ရန်ကုန်မြို့ စိမ်းလဲ့ကန်သာရှိ အစိုးရဧည့်ဂေဟာတွင် တွေ့ဆုံခဲ့ပြီးဖြစ်ကြောင်း သိရသည်။

YC

-----------------------------------------------------------------------------------------------------------------------------------

သတင်းထောက်များအား လွှတ်တော်အစည်းအဝေးများတွင် သတင်း ရရယူနိုင်ရန် ကူညီသွားမည်

နေပြည်တော်တွင် ကျင်းပမည့် အစိုးရသစ်လက်ထက် ပထမဆုံးအကြိမ်ကျင်းပမည့် လွှတ်တော်အစည်းအဝေးများတွင် ပြည်တွင်း သတင်းဂျာနယ်၊ မဂ္ဂဇင်းများမှ သတင်းစာဆရာများအပြင် ပြည်ပသတင်းဌာနများမှ ကိုယ်စားလှယ်များပါ သတင်းရယူနိုင်ရန် သက်ဆိုင်ရာလွှတ်တော် အဖွဲ့အစည်းများမှ ကူညီသွားမည်ဖြစ်ကြောင်း ပြည်ထောင်စုဝန်ကြီး ဦးကျော်ဆန်း မှ သြဂုတ်လ ၁၂ ရက်နေ့တွင် ပြောကြားခဲ့သည်။

အရပ်သားအစိုးရသစ်လက်ထက် သြဂုတ်လ ၁၂ ရက်နေ့က နေပြည်တော်ရှိ ပြန်ကြားရေး ဝန်ကြီးဌာနရုံးတွင် ပထမဆုံးအကြိမ်ကျင်းပခဲ့သော သတင်းစာရှင်းလင်းပွဲတွင် ပြန်ကြားရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကျော်ဆန်းမှ လွှတ်တော်အစည်းအဝေးများ ကျင်းပချိန်တွင် ပြည်တွင်းသတင်းမီဒီယာများနှင့် ပြည်ပသတင်းဌာနများမှ ကိုယ်စားလှယ်များ သတင်းတက်ရောက်ရယူနိုင်ရန် သက်ဆိုင်ရာ လွှတ်တော်အဖွဲ့အစည်းများမှ ကူညီဆောင်ရွက် ပေးသွားမည်ဖြစ်ကြောင်း ပြောကြားခဲ့သည်။

ဒုတိယအကြိမ်ကျင်းပမည့် လွှတ်တော် ပုံမှန်အစည်းအဝေးများကို မကြာမီကျင်းပတော့မည်ဖြစ်ရာ အစိုးရသစ် လက်ထက်ပထမဆုံးအကြိမ် ကျင်းပမည့် လွှတ်တော်အစည်းအဝေးများတွင် ခေတ်နှင့် လိုက်လျောညီထွေမှုမရှိသော ဥပဒေများကို ပြန်လည်ပြုပြင်သွားရန်နှင့် ရေးဆွဲထားခြင်း မရှိသေးသော ဥပဒေသစ်များကို လွှတ်တော်အစည်းအဝေးများတွင် တင်ပြဆွေးနွေးကာ ဆုံးဖြတ်ချက်များ ရယူသွားမည်ဖြစ်ကြောင်း သိရသည်။

ပထမအကြိမ်ကျင်းပခဲ့သော လွှတ်တော်အစည်းအဝေးများကို ၂၀၁၁ ခုနှစ် ဇန်နဝန်ရီလတွင် သက်ဆိုင်ရာ လွှတ်တော် အစည်းအဝေးခန်းမ များတွင် ကျင်းပြုလုပ်ခဲ့ကြောင်း သိရသည်။

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"အခုတော့ MRTV- 4 ရုပ်မြင်သံကြား အစီအစဉ်ကနေ 'သူမဟာ သူမရဲ့ သီချင်းတွေကို သူမဘာသာသူမ ရေးသားသီဆို တဲ့သူဖြစ်ပါတယ်'ဆိုတဲ့ အပြောမျိုးကို ကြားရတော့ နားထဲမှာ အဆင်မပြေ ဖြစ်ရပါတယ်။ မြန်မာစကားပြောမှာ မိန်းမ ယောက်ျားကို ဒီလိုသူ၊ သူမလို့ နာမ်စားသုံး ပြောဆိုတာ မရှိပါဘူး။ အပြင်လောကမှာ ဘယ်တုန်းကမှ မကြားဖူးပါဘူး။ နားထဲ ထောင့်လှပါတယ်။

အဲဒီ လူငယ်လေးတွေက အဲဒီလို ဘိုဆန်ဆန် ပြောနေကြပေမယ့် တကယ်အင်္ဂလိပ်စကားပြောတော့ အသံထွက်တွေက မမှန်ပြန်ပါဘူး။ နောက်ပြီး မြန်မာလို အသံဖလှယ်ပြီးဖြစ်လို့ တစ်နိုင်ငံလုံးသိပြီးသားဖြစ်တဲ့ အင်္ဂလိပ်လတွေကိုလည်း သြဂုတ်ဆိုရင် အောဂုတ်လို့ မပြောဘဲ အောဂတ်စ်လို့ မပီမသ ပြော၊ ဇူလိုင်လို့ မပြောဘဲ ဂျွန်လိုင်လို့ အင်္ဂလိပ် လိုလည်း မပီ၊ မြန်မာလိုလည်း မပီ ပြောကြပြန်ပါတယ်။

သြဂုတ် ၁၁ ထုတ် ပြည်သူ့ခေတ် အတွဲ (၂) အမှတ် (၅၅) တွင်ပါသည့် "အားနာသည်လည်း တစ်ထောက်၊ ကြောက်သည်လည်း တစ်ချက်၊ ရှက်သည်လည်း တခြား၊ သို့ဖြစ်ငြားသော်လည်း" သတင်းမှ ကောက်နှုတ်ချက်

-----------------------------------------------------------------------------------------------------------------------------------

"ကျွန်တော့်ကားက ဆီစာအုပ်တစ်ခါမှ မလုပ်ရသေးဘူး။ အရင်တုန်းက အပြင်ကပဲ ဝယ်သုံးတာ။ အခုနောက်ပိုင်း ဆီဈေးကွက်တက်လာတော့ မတတ် နိုင်တော့ဘူး။ ဆီစာအုပ်လုပ်မယ်ဆိုပြီး  လာလျှောက်တော့ ရုံးက ကျွန်တော့်ကားနံပါတ်နဲ့ ဆီဆိုင်တစ်ခုမှာ ဆီထုတ်သွားတယ်လို့ပြောတယ်။ တစ်ကြိမ် တည်းပါပဲ။ ကျွန်တော် မထုတ်တာတော့သေချာတယ်။ သက်သေလည်း ရှိတယ်။ ဆီစာအုပ်လုပ်ထားရင် ဆီစာအုပ်လုပ်ပြီးကြောင်း တံဆိပ်တုံးကို ကားလိုင်စင်စာအုပ်(အုံနာဘုတ်) နောက်ကျော်အတွင်း စာမျက်နှာမှာ ထုထားတယ်။ ကျွန်တော့် ကားအုံနာဘုတ်မှာက တံဆိပ်တုံး မထုရသေးဘူး။ အသိ သာကြီး ဆီစာအုပ်လုပ်ဖို့ဆိုတာ လွယ်တာမဟုတ်ဘူး။ တစ်အုပ်လုပ်ထားပြီးရင် နောက်ထပ်တစ်အုပ်ထပ်လုပ်လို့မရဘူး။ အုံနာဘုတ်မှာလည်း တံဆိပ်တုံး တစ်ခါပဲထုရတာ။ အဲဒီတံဆိပ်တုံးထုထားပြီးသားရှိရင် ထပ်လုပ်လို့မရဘူး။ ဒီကိစ္စက ဘယ်လိုမှ စဉ်းစားလို့မရဘူး။ ကျွန်တော်ကတော့ ရွှေသမင် ဘယ်က ထွက် မင်းကြီးတာကထွက်လို့ပဲ ယူဆတယ်ဗျာ။ အခုလည်း ဘာမှ မလုပ် ရသေးဘူး။ စောင့်နေတာ တစ်နေကုန်တော့မယ်"

သြဂုတ် ၁၁ ထုတ် Envoy ဂျာနယ် အတွဲ (၂) အမှတ် (၁၆) တွင်ပါသည့် "စက်သုံးဆီစာအုပ်အတုပြုလုပ်အသုံးပြုနေသူများကြောင့် စာအုပ် အစစ်ကိုင်ဆောင်ထားသူများ အခက်တွေ့နေ" သတင်းမှ မင်္ဂလာတောင်ညွန့်မြို့နယ် တွင်နေထိုင်သူ ကိုစိုးသူ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"မနှစ်က ကျွန်တော် မြန်မာ့ စိုက်ပျိုးရေးဘဏ်ချေးငွေရယ်။ သမဝါယမအသင်းရယ်၊ မြန်မာ့သြဘာကုမ္ပဏီရယ် က ချေးငွေယူခဲ့ပါတယ်။ ချေးငွေအားလုံးက အတိုးနှစ်ရာခိုင်နှုန်းလောက်ပဲယူလို့ အပြင်ကယူတဲ့ ခြောက်ရာခိုင်နှုန်းထက် သက်သာပါတယ်။ ဒါပေမယ့် အားလုံးက စပါးပေါ်ချိန် ဒီဇင်ဘာလထဲမှာ အကုန်လုံး ပြန်ဆပ်ရတဲ့ အတွက် လယ်သမားတွေအနေနဲ့ စပါးကို မဖြစ်မနေ ရောင်းကြရမယ့်အခြေအနေကို ကုန်သည်တွေက သိတဲ့အတွက် ဈေးကို စပါးတင်း ၁၀၀ ကို ကျပ် ၃၂၀၀၀ ပေါက်နေရာကနေ ၂၉၀၀၀၀ အထိ ဈေးနှိပ်လိုက်ကြပါတယ်။ ဈေးနှိမ်တဲ့အပြင် သူတို့ခြင်တဲ့တင်းတောင်းက ပုံမှန် တင်း တောင်းထက် တစ်ပြည်လောက် ပိုကြီးပါတယ်။ လယ်သမားတွေလည်း မဖြစ်မနေအကြွေးပြန်ဆပ်ရမှာမို့ ရောင်းကြရပါတယ်"

သြဂုတ်  ၁၂ ထုတ် မြန်မာတိုင်းမ် အတွဲ (၂၇) အမှတ် (၅၃၀) တွင်ပါသည့် "ချေးငွေသက်သာသော်လည်း ကုန်သည်များကြောင့် လယ်သမား များ အခက်အခဲတွေ့" သတင်းမှ ဧရာဝတီတိုင်းဒေသကြီး လေးမျက်နှာမြို့ နယ်၊ စာရေးကွင်းကျေးရွာမှ ဦးအုန်းသိန်း၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

" အခုကာလမှာတော့ ခရီးသည်တွေဘက်က တိုင်ကြားတဲ့ အဓိကအကြောင်းအရာတွေကတော့ ယာဉ်နောက်လိုက် တွေက ခရီးသည်ဆင်းမယ့် မှတ်တိုင်မှာ ယာဉ်ကို တည်ငြိမ်စွာ မရပ်ဘဲဆင်းခိုင်းတဲ့ ယာဉ်ကို အချိန်ခေတ္တရပ်ပြီး ခရီးသည်ကို အတင်းတွန်းချဆင်းခိုင်းတဲ့ အကြောင်းအရာဟာ အများဆုံးတိုင်ကြားမှု ဖြစ်နေတယ်။ ဒုတိယအများဆုံးကတော့ ခရီးသည်ကို ယဉ်ကျေးသိမ်မွေ့စွာမပြောတဲ့ အကြောင်းအရာပဲ ဖြစ်ပါတယ်။ ကျွန်တော့်တို့အနေနဲ့ကတော့ အပတ်စဉ် ဗုဒ္ဓဟူးနေ့တိုင်းမှာ ခရီးသွားပြည်သူတွေက တိုင်ကြားတဲ့ အမှုဖြစ်စဉ်တွေကို စနစ်တကျဖွဲ့ထားတဲ့ တာဝန်ရှိသူတွေနဲ့ စစ်ဆေးပါတယ်။ အပြစ် ကျူးလွန်တယ်လို့ စစ်ဆေးတွေ့ရှိရင် ထိထိ ရောက်ရောက်အရေးယူနေပါတယ်"

သြဂုတ်  ၁၂ ထုတ် BiWeekly ELEVEN အတွဲ (၄) အမှတ် (၁၉)တွင်ပါသည့် "ခရီးသည်များ မကျေနပ်သောကြောင့် တိုင်ကြားမှုများအနက် ယာဉ်နောက်လိုက်များက အတင်းတွန်းချသည့်ဖြစ်စဉ်မှာ အများဆုံးဖြစ်" သတင်းမှ ရန်ကုန်တိုင်းဒေသကြီး မထသ(ဗဟို)မှ ဥက္ကဋ္ဌ ဦးတင် ထွဋ်၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ထိပ်အစွန်းဖျားကိုရောက်နေသည့် မြန်မာကျပ်ငွေ

The Economist မှ ဆောင်းပါးကို ဆီလျော်အောင် ဘာသာပြန်ဆိုသည်။

ကမ္ဘာလုံးဆိုင်ရာ အဆင့်သတ်မှတ်ချက်ညွှန်းကိန်းများကိုကြည့်လျှင် မြန်မာနိုင်ငံသည် အောက်ဆုံးအဆင့်နားတွင်သာ ရှိစမြဲဖြစ်သည်။ သို့သော် မြန်မာနိုင်ငံသုံးငွေကြေးစနစ်ဖြစ်သော ကျပ်ငွေတန်ဖိုးမှာ ပြီးခဲ့သည့်နှစ်အတွင်း ၂၀ ရာခိုင်နှုန်း အထိ မြင့်တက်ခဲ့ပြီး အာရှ၏ စွမ်းဆောင်ရည် အကောင်းဆုံး ငွေကြေးဖြစ်လာခဲ့သည်။ ငွေကြေးဈေးကွက်တွင်းမှ ငွေပူ(Hot Money) အတော်များများဖြင့် ကျောက်မျက်ရတနာများ၊ အဆောက်အအုံများ၊ ပစ္စည်းများနှင့် နိုင်ငံပိုင်အက်ဆက်(Asset) များလိုက်လံဝယ်ယူမှုများ များပြားလာခြင်း၊ ရေနံနှင့် သဘာဝဓာတ်ငွေ့ဈေးနှုန်းများ တက်ရိပ်ပြလာခြင်းတို့ကြောင့် တစ်ချိန် တစ်ခါက နိမ့်ကျခဲ့ရသော ကျပ်ငွေတန်ဖိုးမြင့်တက်လာအောင်ဖြစ်ပေါ်ဖန်တီးပေးနိုင်ခဲ့သည်။

                မြို့တော်ဟောင်းဖြစ်သည့် ရန်ကုန်မှ ဒေါ်လာအရောင်းအဝယ် ပြုလုပ်ရာနေရာများတွင် တစ်ချိန်က တစ်ဒေါ်လာလျှင် ကျပ် ၁၀၀၀ မှ ၁၁၀၀ ကျော်ထိရှိခဲ့သော ငွေကြေးလဲလှယ်မှုဈေးနှုန်းမှာ တစ်ဒေါ်လာလျှင် ၇၉၀ အောက်အထိ ရောက်ရှိသွားခဲ့သည်။ အဆိုပါကိစ္စသည် ဒေါ်လာတန်ဖိုး လျော့နည်းမှုကြောင့်ဟု တစ်စိတ်တစ်ပိုင်းပြော၍ရသော်လည်း ကုန်သည်များ၊ စီးပွားရေးလုပ်ငန်းရှင်များ၊ရင်းနှီးမြှုပ်နှံသူများအနေဖြင့် ပြည်ပို့ကုန်များတွင် ဆက်လက် မရပ်တည်နိုင် တော့သည့် အခြေအနေသို့ ရောက်ရှိစေခဲ့ပြီး ပြည်တွင်းဈေးကွက်ထဲသို့သာ ထုတ်ကုန်ပစ္စည်းများ ချရောင်းရသည်အထိ ဖြစ်ခဲ့သည်။

သို့အတွက်ကြောင့် အကျိုးဆက်အားဖြင့် လယ်ယာ စိုက်ပျိုးရေးဆိုင်ရာ ထွက်ကုန်ဈေးနှုန်းများ အဆမတန် ထိုးကျခဲ့ကာ လယ်သမားများလည်း ယခင်ကထက် ကြွေးမြီပိုတင်လာအောင် ဖိအားပေးလိုက်သလိုဖြစ်ခဲ့ရသည်။ တိုရစ်ဇင်နှင့် ခရီးသွားလုပ်ငန်းအေဂျင်စီများကတော့ ကြွေးမြီမတင်မိစေရန် အစွမ်းကုန်ရုန်းကန် ကြိုးစားကြရသည်။ အချို့သော စစ်တပ်နှင့် ပူးပေါင်းကာစီးပွားရေးခွင်များ ရရှိအောင်လုပ်ကိုင်နေကြသူ ခရိုနီ(Crony) များသည်ပင် စီးပွားရေးလုပ်ငန်းများအထိနာလာသောကြောင့် ညဉ်းငြူလာကြသည်အထိဖြစ်ခဲ့သည်။ "ဒီကိစ္စက လူတိုင်းလူတိုင်းကို ထိခိုက်လာပါပြီ" ဟု NGO တစ်ခုမှ အကူအညီပေးရေးဝန်ထမ်းတစ်ဦးကပြောသည်။

ပြီးခဲ့သည့် ဧပြီလအတွင်း စစ်အစိုးရထံမှ အာဏာလွှဲပြောင်းရယူခဲ့သည့် မြန်မာအရပ်ဘက် အစိုးရသစ်အတွက် မြန်မာကျပ်ငွေကိစ္စမှာ အဓိက စိန်ခေါ်မှုသို့မဟုတ် စမ်းသပ်မှုတစ်ခုဖြစ်လာသည်။ ယခုအချိန်အထိတော့ ယင်းစိန်ခေါ်မှုကို အစိုးရအနေဖြင့် အောင်မြင်စွာဖြေရှင်းနိုင်ပုံမရသေးပေ။ လတ်တလော ကာလများအတွင်း ပြည်ပပို့ကုန်ပစ္စည်းများအပေါ် အခွန်စည်းကြပ်မှုကို ၁၀ ရာခိုင်မှ ၇ ရာခိုင်နှုန်းအထိလျှော့ချပေးလိုက်မှုက ပို့ကုန် လုပ်ငန်းရှင်များအား အနည်းငယ် အသက် ရှူချောင်စေခဲ့သည်။ စီးပွားရေးဆွယ်တရားဟောသူ Lobby အုပ်စုကြီးများက ကျပ်ငွေကိစ္စနှင့်ပတ်သက်ပြီး ဗဟိုဘဏ်အနေဖြင့် ထိရောက်မှုရှိသော လုပ်ဆောင်ချက်များလုပ်ကိုင်ပေးရန် ဆော်သြထားကြသည်။

သို့သော် မြန်မာနိုင်ငံဗဟိုဘဏ်မှာ ကျပ်ငွေနှင့် အက်ဖ်အီးစီ(FEC) ဟူသည့်ငွေကြေးစနစ်နှစ်မျိုးကြောင့် ပြဿနာများကို ထိထိရောက်ရောက် ဖြေရှင်းပေးရန် ခက်ခဲလျက်ရှိသည်။ အစိုးရက သတ်မှတ်ချက်အရ တရားဝင်ဒေါ်လာလဲလှယ်မှုနှုန်းမှာ တစ်ဒေါ်လာလျှင် ခြောက်ကျပ် ဖြစ်သည်။ ပုဂ္ဂလိကကုမ္ပဏီများအားလုံးနှင့် ဒေါ်လာအသုံးပြုကာ လုပ်ကိုင်လျက်ရှိသော စီးပွားရေးသမားများအားလုံးမူကာ ဒေါ်လာမှောင်ခိုဈေးကွက်ကိုသာ အမှီသဟဲပြုနေကြရသည်။ ပြုပြင်ပြောင်းလဲရေးသမားများက တော့ ယခုလိုသပွတ်အူလိုက်နေသည့် စနစ်ဆိုးကြီးတစ်ခုလုံးကို ဖျက်သိမ်းပစ် လိုက်မှသာ ငွေကြေးကို ကောင်းမွန်အဆင်ပြေချော့မွေ့စွာ စီမံခန့်ခွဲနိုင်လိမ့်မည်ဟု ထောက်ပြကြသည်။ မြန်မာနိုင်ငံသမ္မတ ဦးသိန်းစိန်၏ စီးပွားရေးအတိုင်ပင်ခံ ပညာရှင်များကမူ ငွေကြေးပြုပြင်ပြောင်းလဲရေးအတွက် စတင်လုပ်ကိုင်ဆောင်ရွက်ရမည့် အစီအစဉ်များထုတ်ဖော်ရေးဆွဲထားပြီဖြစ်သည်ဟု သိရသည်။ သို့သော် သမ္မတကြီး ဦးသိန်းစိန်မှာ စီးပွားရေးနှင့် နိုင်ငံရေး ပြုပြင်ပြောင်းလဲမှုများ ပြုလုပ်မှုကို များစွာမလိုလားသည့် ဒုတိယသမ္မတ သီဟသူရ ဦးတင်အောင်မြင့်ဦး ဦးဆောင်သော နေပြည်တော် အုပ်ချုပ်ရေး မြို့တော်မှ အုပ်စုနှင့် ပြုပြင်ပြောင်းလဲရေးလိုလားသူ အုပ်စုနှစ်စုအကြား ညပ်ပိတ်မိနေပုံရဟန် ရှိသည်။

သို့သော် လတ်တလောကာလများအတွင်း သမ္မတဦးသိန်းစိန်က အငြိမ်းစား အစိုးရဝန်ထမ်းများ၏ ပင်စင်လစာ များ တိုးမြှင့်ပေးခဲ့ပြီး ဆင်းရဲမွဲတေမှု လျှော့ချရေးအတွက်လည်း ဦးနှောက်မုန်တိုင်းဆင်လျက်ရှိသည်။ မည်သို့ပင်ဆိုစေ ငွေကြေးပြုပြင်ပြောင်းလဲမှုအတွက် ထိရောက်သော လုပ်ဆောင်ချက်များ လုပ်ကိုင်ရန် တွန်းအားပေးမှုများကြောင့် ကွန်ဆာ ဗေးတစ်အုပ်စုများအနေဖြင့် ၎င်းတို့၏အကျိုးစီးပွားအတွက် တရားဥပဒေ၊ စည်းမျဉ်းစည်းကမ်းများနှင့် မကိုက်ညီသည့် လုပ်ရပ်များသာပြုလုပƟ