Transparency Myanmar

transparency.myanmar@gmail.com

yangonchronicle 2011
yangonchronicle 2011

 

၁၆.၅.၂၀၁၁

ပြည်တွင်းသတင်းများ

မြန်မာ့မီးရထား အပြောင်းအလဲများ ပြုလုပ်လာ

ရန်ကုန်၊ မေ ၁၆။

ရထားပို့ဆောင်ရေးဝန်ကြီးဌာန လက်အောက်ရှိ မြန်မာ့မီးရထားဌာနသည် ယခင်ကထက် အပြောင်းအလဲများ ပိုမိုပြုလုပ်လာသည်ကို တွေ့ရှိရ ကြောင်း မြန်မာ့မီးရထားဌာနနှင့် နီးစပ်သူတစ်ဦးက ဆိုသည်။

မြန်မာ့မီးရထားဌာနသည် ယခင်က သတင်းထုတ်ပြန်ချက်များ ထုတ်ပြန်ခြင်းအား ပြုလုပ်လာခြင်းမရှိဘဲ၊ ယခု အစိုးရသစ် ပြောင်းလဲပြီးချိန်တွင် သတင်းမီဒီယာများအပေါ်တွင် ပွင့်ပွင့်လင်းလင်း ဆက်ဆံမှုများရှိလာကြောင်း ပြည်တွင်းသတင်းဂျာနယ်တစ်ခုမှ အကြီးတန်းသတင်းထောက်တစ်ဦးက ဆိုသည်။

၎င်းက "အစိုးရသစ်မတက်လာခင်က ရထားသတင်းယူမယ်ဆိုရင် သူငယ်ချင်းတွေဆီက အဆက်အသွယ်တွေ၊ ဖြေနိုင်မယ့်သူတွေကို လှမ်းလှမ်း မေးနေရတယ်။ အခုကျတော့ ဒီလိုမဟုတ်ဘူး။ မြန်မာ့မီးရထား သတင်းယူချင်လို့ပါဆိုပြီး ပြောလိုက်ရုံနဲ့ သက်ဆိုင်ရာဌာနကို တန်းပြီးလမ်းညွှန်တာတွေ ရှိလာတယ်။ သတင်းအချက်အလက်တွေ လိုလိုလားလားနဲ့ ပေးလာတာတွေရှိလာတယ်"ဟု ဆိုသည်။

ရန်ကုန်ဘူတာကြီးပရဝုဏ်အတွင်း ဓာတ်ပုံမရိုက်ရဟူ၍ စည်းကမ်းချက် ထုတ်ပြန်ထားသော်လည်း ယခုအချိန်တွင် သတင်းမီဒီယာများမှ ဓာတ်ပုံ ရိုက်လိုပါက တာဝန်ရှိသူတစ်ဦးအကူအညီဖြင့် လွယ်ကူစွာ သတင်းဓာတ်ပုံရိုက်လာနိုင်ကြောင်း သတင်းဂျာနယ်တစ်ခုမှ အယ်ဒီတာတစ်ဦးက ဆိုသည်။

မြန်မာ့မီးရထားမှ တာဝန်ရှိသူတစ်ဦးကလည်း "အရင်ကဆို ရထားစင်္ကြတွေမှာ လမ်းဘေးဈေးသည်တွေရောင်းတယ်ဆိုပြီး ဂျာနယ်တွေမှာ ဓာတ်ပုံနဲ့တကွ ပါလာတာတွေရှိတယ်။

မီးရထားရဲတပ်ဖွဲ့ရယ်၊ စည်းကမ်းထိန်းသိမ်းရေး အဖွဲ့တွေရယ် ပေါင်းလုပ်နေကြတော့ အခုဆို ရထားစင်္ကြတွေမှာ လမ်းဘေးဈေးသည်ဆိုတာ မရှိတော့ဘူး။ လက်မှတ်မှောင်ခိုကိစ္စတွေ ပပျောက်ဖို့ကိုလည်း သိသိသာသာ အရေးယူလာတယ်။ မှောင်ခိုကိစ္စတွေမှာ ပါဝင်ပက်သက်တဲ့ဝန်ထမ်းတွေကို ထုတ်ပယ်ပြီး အရေးယူတာအထိ လုပ်တယ်။ ဒီထက်ဆိုးရင် အလုပ်က ထုတ်ပြီး၊ ထောင်ပါချတယ် ဟုဆိုသည်။

မတ်လက ရထားတစ်စီးပေါ်တွင် လက်တော့ကွန်ပျုတာ သုံးစွဲသူတစ်ဦးအား တန်ဆာခကောက်ခံ ဒဏ်ရိုက်ခဲ့မှု ဖြစ်ပွားပြီးသည့် နောက်ပိုင်းတွင် တန်ဆာခနှင့် ပက်သက်၍ စည်းကမ်းချက်အသစ်များ ထုတ်ပြန်မည်ဟူသည့် သတင်းများထွက်ပေါ်လာသည့် အတွက် အစိုးရသစ်ပြောင်းပြီး နောက်ပိုင်းတွင်  ဌာနဆိုင်ရာတစ်ခု၏ အပြောင်းအလဲကို တွေ့လာရခြင်းဖြစ်ကြောင်း လေ့လာသူတစ်ချို့က သုံးသပ်ကြသည်။

ကျော်စွာ

-----------------------------------------------------------------------------------------------------------------------------------

Crime ဂျာနယ်အသွင်ပြောင်း ထုတ်ဝေမည်ဟုဆို

ရန်ကုန်၊မေ ၁၅။

MCM မီဒီယာမှအပတ်စဉ်ထုတ်ဝေလျှက်ရှိသော Crime ဂျာနယ်ကို မကြာမီ အသွင်ပြောင်းလဲ ထုတ်ဝေသွားမည်ဖြစ်ကြောင်း ယင်းမီဒီယာ အသိုင်းအဝိုင်းမှ စုံစမ်းသိရှိရသည်။

ယင်းမီဒီယာမှ အငယ်တန်းဝန်ထမ်းတစ်ဦးက Crime ဂျာနယ်ကို မော်တော်ယာဉ်အထူးပြုဂျာနယ်အဖြစ် အသွင်ပြောင်းလဲ ထုတ်ဝေသွားမည် ဖြစ်ကြောင်း Crime လက်ရှိသွားနေသည့် မှုခင်းလိုင်းပုံစံကို လစဉ်ထုတ် မဂ္ဂဇင်းအသွင် ပြောင်းလဲသွားမည်ဖြစ်ကြောင်း မြန်မာနိုင်ငံတွင် မော်တော်ယာဉ် လုပ်ငန်းနှင့် နှီးနွယ်စပ်ဆက်သည့် ကုမ္မဏီပေါင်း ၇၀ ရှိပြီး ယင်းကို အခြေပြု၍ ဂျာနယ်ဈေးကွက်သစ် ဖော်ဆောင်သွားမည်ဖြစ်ကြောင်း နိုင်ငံတကာတွင် အောင်မြင်နေသည့် မော်တော်ယာဉ်ဖက်ရှင်နှင့် လူမှုဘဝ ဆိုင်ရာစာစောင်ပုံစံအဖြစ် ရပ်တည်သွားမည်ဖြစ်ကြောင်း ပြောကြားသည်။

၎င်းကဆက်လက်ပြီး စတင်ထုတ်အသွင်ပြောင်းလဲမည့်အချိန်မှာ ဇွန်လလယ်ခန့်တွင်ဖြစ်နိုင်ကြောင်း ပြောကြားပြီး အတိအကျကိုမှု ပြောကြားရန် ငြင်းဆိုသည်။

မြန်မာနိုင်ငံတွင် လက်ရှိပြောင်းလဲလာသည့်မူဝါဒအခင်းအကျင်းနှင့်အတူ မော်တော်ယာဉ်နှင့် လူမှုဘဝ အဆက်အစပ်မှာ အလျှင်အမြန်ကြီးထွား လာမည့် ဈေးကွက် Trend တစ်ခု ဖြစ်လာနိုင်ဖွယ်ရှိကြောင်း၊ ကုန်သွယ်မှုကောင်စီ ဖျက်သိမ်းခြင်းနှင့် ပြည်တွင်းပြည်ပ ကုန်သွယ်မှုအတားအဆီးများကို လျော့ချခြင်းသည် ယင်းကိုညွှန်းဆိုနေကြောင်း မကြာသေးမီကပင် ပုဂ္ဂလိကကုမ္မဏီများကို အများပြည်သူပို့ဆောင်ရေးလုပ်ငန်းသုံး မော်တော်ယာဉ် သစ်များကို တင်သွင်းခွင့်ပြုခဲ့ခြင်း ပြည်တွင်းမော်တော်ယာဉ်ထုတ်လုပ်မှုကိုလည်း အသွင်းပြောင်းလဲ အဆင့်မြှင့်တင်နိုင်ရန် မြန်မာ့စက်မှုလုပ်ငန်း ဖွံ့ဖြိုးရေး ကော်မတီ ကြိုးစားအားထုတ်မှုများနှင့်အတူ ချိန်သားကိုက် မီဒီယာစီးပွားရေးအသွင် လုပ်ဆောင်မှုဖြစ်ကြောင်း သတင်းဆန်းစစ်သူအချို့က သုံးသပ်ပြော ကြားသည်။

MCM မီဒီယာသည် မကြာသေးမီကပင် ဒေါက်တာတင်ထွန်းဦး၏ ချုပ်ကိုင်မှုအောက်သို့ အပြည့်အဝနီးပါးရောက်ရှိ သွားခဲ့သည်။ ဒေါက်တာ တင်ထွန်းဦးသည် လက်ရှိအာဏာရပါတီဖြစ်သော ပြည်ခိုင်ဖြိုးပါတီ၏ လူထုရုပ်ပြခေါင်းဆောင်တစ်ဦးဖြစ်ပြီး မကြာသေးမီကရွေးကောက်ပွဲတွင် လွှတ်တော် အမတ်လောင်းတစ်ဦးအဖြစ် ပါဝင်ယှဉ်ပြိုင်ခဲ့သည်။

Crime ဂျာနယ်ကို ယင်း၏သမီးဖြစ်သူဒေါက်တာနုမြတ်သိဂီ င်္ဦးက ထုတ်ဝေသူအဖြစ် ဆောင်ရွက်လျှက်ရှိပြီး လပေးမှာယူသူ ထောင်ပေါင်းများစွာ ရှိသည့် အောင်မြင်သော ဂျာနယ်တစ်ခုအဖြစ် ရပ်တည်လျှက်ရှိကြောင်း ယင်းနှင့် နီးစပ်သူများနှင့် ပြည်တွင်းမီဒီယာအသိုင်းအဝိုင်းမှ သိရသည်။

The CJs news

-----------------------------------------------------------------------------------------------------------------------------------

တောင်ဒဂုံရှိ ဗလီတစ်လုံးအား အစိုးရမှအသုံးပြုခွင့်ပိတ်ပင်ထား

ရန်ကုန်၊ မေ ၁၅။

ရန်ကုန်မြို့ တောင်ဒဂုံ ၇၁ ရပ်ကွက်ရှိ ဗလီတစ်လုံးအား အသုံးပြုခွင့်ပိတ်ပင်ထားကြောင်း မြန်မာနိုင်ငံ အိုလမာ အစ္စလာမ့်သာသနာရှင်များ အဖွဲ့ချုပ်နှင့် ယင်းရပ်ကွက်ရှိမြို့ခံတို့မှ စုံစမ်းသိရှိရသည်။

ယမန်နှစ် ရွေးကောက်ပွဲကာလတွင် ယင်းဗလီကို အာဏာပိုင်များခွင့်ပြုချက်ဖြင့် အရှိန်အဟုန်ဖြင့် တည်ဆောက်ခဲ့ ကြောင်း၊ ၂၀၁၁ နှစ်ဆန်းတွင် ဖြစ်ပွားသော လူသတ်မှုတစ်ခုနှင့်ပတ်သက်သည်ဟုဆိုကာ ယင်းဗလီကို အသုံးပြုခွင့် ပိတ်ပင်ခဲ့ကြောင်း ယင်းတို့က ဆိုသည်။

ရွေးကောက်ပွဲကာလတွင် ပြည်ခိုင်ဖြိုးပါတီအမတ်ဟောင်းတစ်ဦးဖြစ်သော ဦးအောင်သိန်းလင်း (ထိုစဉ်က ရန်ကုန် မြို့တော်ဝန်)သည် အနိုင်ရရှိရန် ဘာသာရေးကို အသုံးချခဲ့ကြောင်း တောင်ဥက္ကလာရှိ အစ္စလာမ်ဘာသာရေးဆိုင်ရာ အဆောက်အဦးတစ်ခုကိုလည်း တိုးချဲ့ဆောက်လုပ်ရန် ရွေးကောက်ပွဲ တွင်မဲဆွဲရန် အလဲအလှယ်လုပ်ခဲ့ကြောင်း သတင်းများထွက်ပေါ်ခဲ့ပြီး ပါတီအတွင်း ယင်း၏လူကြိုက်များမှု ကျဆင်းကာ မျှော်မှန်းထားသော ရာထူးများ ကိုလည်း လက်လွတ်ခဲ့ရသည်။

ယခုဗလီကိစ္စမှာလည်း ယင်းအတွက် နောက်ထပ်ထိုးနှက်ချက်တစ်ခု ဖြစ်နိုင်ကြောင်း ယင်းကိစ္စကို ပြည်ခိုင်ဖြိုး ပါတီတွင်းမှပင် ၎င်းအား မလိုလား သူများက ဖော်ဆောင်ခြင်း ဖြစ်ဖွယ်ရှိနိုင်ကြောင်း သတင်းဆန်းစစ်သူအချို့က ရရှိသော အချက်အလက်များအပေါ် ခြုံငုံသုံးသပ်ပြောဆိုသည်။

အလားတူ တောင်ဥက္ကလာ၊ သင်္ဃန်ကျွန်းမြို့နယ်များတွင်လည်း အလားတူဗလီများကို တိုးချဲ့ဆောက်လုပ်ခွင့်ပြုပြီးမှ တပိုင်းတစဖြင့် ရပ်တန့် ခိုင်းမှုများရှိကာ အာဏပိုင်များနှင့်သက်ဆိုင်ရာ ဘာသာရေးအဖွဲ့အစည်းများကြား အငြင်းပွားမှုများရှိနေကြောင်း မြန်မာနိုင်ငံ အိုလမာသာသနာ ပညာရှင် များအဖွဲ့ချုပ်နှင့် သက်ဆိုင်ရာအာဏပိုင် အသိုင်းအဝိုင်းမှ စုံစမ်းသိရသည်။

The CJs news

-----------------------------------------------------------------------------------------------------------------------------------

အသေးစား၊ အလတ်စား စက်မှုလုပ်ငန်းများကို ငွေထုတ်ချေးရန်စီစဉ်

စက်မှုလုပ်ငန်းဖွံ့ဖြိုး တိုးတက်ရေးကော်မတီတစ်ရပ် ဖွဲ့စည်းခဲ့ပြီး အဆိုပါ ကော်မတီ၏ ၁/၂၀၁၁ အစည်းအဝေးတွင် မြန်မာ့ အသေးစား၊ အလတ် စား စက်မှုလုပ်ငန်းများ (SMEs) ဖွံ့ဖြိုးတိုးတက်ရေးအတွက် ထောက်ပံ့မှုများ ပြုလုပ်သွားမည်ဖြစ်ကြောင်း သတင်းရရှိသည်။

ထောက်ပံ့မှုများပြုလုပ်မည့် အစီအစဉ်များထဲတွင် ယခင်က ချေးငွေ၊ ထောက်ပံ့ငွေ ရရှိရန်ခက်ခဲသည့် မြန်မာတစ်နိုင်ငံလုံးရှိ အသေးစားနှင့် အလတ် စား လုပ်ငန်းများအား ချေးငွေများထုတ်ချေး၍ ထောက်ပံ့သွားမည့် အစီအစဉ်ပါရှိကြောင်း သတင်းရရှိသည်။

စက်မှုဖွံ့ဖြိုးတိုးတက်ရေးကော်မတီမှ SMEs များကို ငွေထုတ်ချေးပေးနိုင်ရန် မြန်မာနိုင်ငံ စက်မှုကုန် ထုတ်လုပ်သူများအသင်း(MIA) သို့ တာဝန် ပေးထားကြောင်း၊ MIA မှ လုပ်ငန်းအလိုက် စိစစ်ကာ ငွေထုတ်ချေးသင့်ကြောင်း ထောက်ခံပေးသူများကို ဝိုင်းကြီးချုပ်စနစ်ဖြင့် ထုတ်ချေးပေးမည်ဖြစ်ပြီး ယခုအခါထုတ်ချေးပေးမည့် ပုံစံများနှင့် ပတ်သက်၍ စီစဉ်နေ ပြီဖြစ်ကြောင်း သိရသည်။

မြန်မာနိုင်ငံရှိ မှတ်ပုံတင်ထားသော စက်မှုလုပ်ငန်းများ အားလုံး၏ ၉၂ ဒသမ ၇ ရာခိုင်နှုန်းကျော်မှာ အသေးစားနှင့် အလတ်စားစက်မှုလုပ်ငန်းများ ဖြစ်ပြီး အလတ်စားလုပ်ငန်းပေါင်း ၆၉၅၀ နှင့် အသေးစား လုပ်ငန်းပေါင်း ၃၂၄၂၃ ရှိကြောင်း ထုတ်ပြန်ထားသည်။

ကူညီထောက်ပံ့မှုများအား အသေးစိတ်သိရှိလိုပါက UMFCCI  ရုံးချုပ်ရှိ မြန်မာနိုင်ငံ စက်မှုကုန်ထုတ်လုပ်သူများ အသင်းသို့ ဆက်သွယ်မေးမြန်း နိုင်ကြောင်း စုံစမ်းသိရသည်။

(Weekly ELEVEN အတွဲ(၁) အမှတ်(၃၃) တွင်ပါသည့် " မြန်မာတစ်နိုင်ငံလုံးရှိ အသေးစား၊ အလတ်စား စက်မှုလုပ်ငန်းများကို ဝိုင်းကြီးချုပ် စနစ်ဖြင့် ငွေထုတ်ချေးရန် စီစဉ် " သတင်းအား  အကျဉ်းချုံး ဖော်ပြသည်။)

 ×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ပြည်ခိုင်ဖြိုးပါတီ ရာသက်ပန်တည်တံ့ရန်သာ ရည်ရွယ်ဟုဆို

ရန်ကုန်၊ မေ ၁၅။

ပြည်ခိုင်ဖြိုးပါတီသည် ရာသက်ပန်တည်တံ့ရန်သာ အမြဲတမ်းရည်ရွယ်ကြောင်း ပြည်ခိုင်ဖြိုးပါတီမှ တာဝန်ရှိသူတစ်ဦးဖြစ်သည့် အထွေထွေ အတွင်းရေးမှူး ဦးဌေးဦးက ဆိုသည်။

အဆိုပါ ပြောကြားချက်အား မေလ ၁၄ ရက်နေ့က ပြည်ခိုင်ဖြိုးပါတီဌာနချုပ်တွင် ပြည်တွင်းမီဒီယာများနှင့် တွေ့ဆုံစဉ်က ပြေကြားခဲ့ခြင်း ဖြစ်သည်။

၎င်းက " ကျွန်တော်တို့က ကြားဖြတ်ရွေးကောက်ပွဲကို နေရာပြည့်ဝင်ရောက်ယှဉ်ပြိုင်မှာပါ။ ဒါပေမယ့်ကျွန်တော်တို့ ပါတီအနေနဲ့ ကြားဖြတ်ရွေး ကောက်ပွဲတို့၊ ၅ နှစ်တစ်ကြိမ်ရွေးကောက်ပွဲတို့ကိုသာ ရည်ရွယ်တာ မဟုတ်ပါဘူး" ဟု ပြောကြားသွားသည်။

ဆက်လက်၍ အဆိုပါပုဂ္ဂိုလ်မှ "အာဏာရအောင်တို့၊ ရွေးကောက်ပွဲနိုင်အောင်တို့ကို ရည်ရွယ်ပြီးလုပ်တာ မဟုတ်ပါဘူး။ ပြည်သူကို ဘယ်လို အကျိုးပြုမယ်ဆိုတာကို ရည်ရွယ်ပြီး လုပ်နေတာပါ။ ကျွန်တော်တို့ပါတီ ကြုံနေရတာက ပါတီက လုပ်သမျှ အကျိုးပြုလုပ်ငန်းတွေကို ကျွန်တော်တို့ကလွဲပြီး အပြင်လူထုကြားမှာ သိကြတာမတွေ့ရဘူး။ သူများတွေ ရေတွင်းတူးတာတို့ လုပ်ရင်တော့ အရေအတွက်နဲပါစေ။ မီဒီယာတွေမှာလည်း ပါတယ်။ လူလည်း သိတယ်။ ကျွန်တော်တို့လုပ်တာကို လူတွေသိတယ်ဆိုတာ ကျွန်တော်တို့အတွက် မဟုတ်ပါဘူး။ ကျွန်တော်တို့လိုမျိူး အကျိုးပြုလုပ်ငန်း လုပ်တာတွေကို အားကျပြီး လိုက်လုပ်စေချင်တဲ့ အတွက်ပါ " ဟု ဆိုသည်။

ပြည်ခိုင်ဖြိုးပါတီသည် လာမည့် နိုဝင်ဘာလအတွင်းကျင်းပမည့် ကြားဖြတ်ရွေးကောက်ပွဲတွင် လစ်လပ်သွားသည့် ပြည်သူ့လွှတ်တော်နှင့် အမျိုး သားလွှတ်တော်ကိုယ်စားလှယ်နေရာ ၄၂ နေရာတွင် ဝင်ရောက်ယှဉ်ပြိုင်ရန် စတင်ပြင်ဆင်နေပြီဖြစ်ကြောင်း ပြည်ခိုင်ဖြိုးပါတီ၏ ဗဟိုအလုပ်အမှုဆောင် တစ်ဦးက ဆိုသည်။

ကျော်စွာ

××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ပြုပြင်ပြောင်းလဲရာ၌ အစိုးရအဖွဲ့အပြောင်းအလဲ Regime Change မျှဖြင့် မရနိုင်ကြောင်း၊ လူ့အဖွဲ့အစည်းတစ်ခုလုံး ပြောင်းလဲမှု၊ နိုင်ငံရေး၊ စီးပွားရေး၊ လူမှုရေးအဖွဲ့အစည်း ပြောင်းလဲမှုကိုပါ တစ်တွဲတည်း တစ်ဆက်တည်း လုပ်ဆောင်ရမည်...."

"...အခြေခံဥပဒေ မူဘောင်အတွင်းမှ ဆောင်ရွက်ရမည်ဖြစ်ကြောင်း၊ ပြည်သူလူထု၏ ယုံကြည်လွှဲအပ်မှုကို ရွေးကောက်ပွဲ၌ ရယူ၍ လွှတ်တော်အတွင်း၌ လွတ်လပ်ပွင့်လင်းစွာ ဆွေးနွေးနိုင်ပါကြောင်း..."

"...အရေးပေါ် စီမံရေးအက်ဥပဒေဆိုသည်မှာလည်း မိမိတို့သာမက ဗြိတိသျှဥပဒေကိုဆက်ခံသည့် မလေးရှား၊ စင်ကာပူ တို့၌လည်းရှိပြီး မကြာမီက ထိုင်း နိုင်ငံ၌ပင် အဆိုပါဥပဒေကိုပြဋ္ဌာန်းဆောင်ရွက်နေပါကြောင်း၊ ဆိုလိုသည်မှာ ဤသို့ အရေးယူဆောင်ရွက်ရမှုများသည် နိုင်ငံတော် တည်ငြိမ်လုံခြုံမှု လိုအပ် ချက်အရ အခြားနိုင်ငံများ၌လည်း ရှိနေသည်သာဖြစ်ကြောင်း၊ ဤကိစ္စနှင့် ပတ်သက်၍ လွတ်ငြိမ်းချမ်းသာခွင့်ကိစ္စမှာ သမ္မတ၏ ဥပဒေအရ လုပ်ပိုင်ခွင့် အာဏာအတွင်း၌သာရှိပါကြောင်း၊ သင့်လျှော်သည်ဟု သမ္မတကြီးက ယူဆသည့်အချိန်ကလျှင် ဤကိစ္စကို ကိုင်တွယ်ဖြေရှင်းနိုင်ဖွယ်ရှိပါကြောင်း..."

မေ ၁၈ ထုတ် BiWeekly ELEVEN အတွဲ(၁) အမှတ်(၃၃) တွင်ပါသည့် "နိုင်ငံတော် သမ္မတအကြံပေးအဖွဲ့နှင့် ကုလသမဂ္ဂအတွင်းရေး မှူးချုပ်၏ အထူးအကြံပေးပုဂ္ဂိုလ်တို့ တွေ့ဆုံဆွေးနွေးမှုမှ" ဦကိုကိုလှိုင်( နိုင်ငံရေးအကြံပေးအဖွဲ့ ခေါင်းဆောင်၊ နိုင်ငံတော်အကြံပေးအဖွဲ့၊ ဒုတိယဥက္ကဋ္ဌ၊ မြန်မာနိုင်ငံစာပေနှင့် စာနယ်ဇင်းအဖွဲ့)၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"ခေါ်ပြီးသတိပေးထားတဲ့ ရေသန့်တွေက လူသုံးများတဲ့တံဆိပ်တွေတော့ မဟုတ်ပါဘူး။ ထုတ်လုပ်မှုပိုင်းမှာ သတ်မှတ်ချက်တွေနဲ့ ကိုက်ညီမှုမရှိတဲ့အတွက် အရည်အသွေးပိုင်းကို သတိပေးရတဲ့သဘောပါပဲ။ လုပ်ငန်းရှင်တွေအနေနဲ့ သတ်မှတ်ချက်တွေ လိုက်နာမှုရှိ၊ မရှိကိုလည်း တစ်ပတ်ကို တစ်ခါစစ်ဆေး သွား မယ်။ သူတို့ရဲ့ စက်ရုံတွေအထိ သွားရောက်စစ်ဆေးမယ်။ ပြန်ပြီးပြင်ဆင် ထုတ်လုပ်ထားတဲ့ရေသန့်တွေကိုလည်း FDAမှာ ပြန်စစ်မယ်။ ပြန်ပြီးပြင်ဆင် ထုတ်လုပ်ထားတဲ့ ရေသန့် တွေကိုလည်း FDA မှာ ပြန်စစ်မယ်။ လိုက်နာမှု မရှိဘူးဆိုရင်တော့ လုပ်ငန်းပိတ်သိမ်းတဲ့အထိ အရေးယူမှာပါ"

မေ ၁၈ ထုတ် BiWeekly ELEVEN အတွဲ(၁) အမှတ်(၃၃) တွင်ပါသည့် "ရေသန့်အမှတ်တံဆိပ် ၃၀ အား သန့်ရှင်းမှုမရှိ သဖြင့် ပြန်ပြင်ထုတ် ရန် FDA မှ သတိပေး" သတင်းမှ မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာနမှ ညွှန်ကြားရေးမှူး ဒေါက်တာ ကျော်လင်း၏ ပြောကြားချက် အပေါ် ကောက်နှုတ်ချက်

-----------------------------------------------------------------------------------------------------------------------------------

" ပြုပြင်ပြောင်းလဲပစ်မှာတော့ အများကြီးပဲ။ နံပါတ်တစ်က အခုလို အာဂုံနှုတ်တိုက်အလွတ်ကျက်ပြီး ကျောင်းသားရဲ့ ဦးနှောက်ကို လုံးဝအသိအမှတ်မပြုတဲ့ စနစ်ကို ဖျက်ရမယ်။ ဒုတိယအချက်က ကမ္ဘာမှာကျင့်သုံးတဲ့ တပည့်ကို မဏ္ဍိုင်ပြုပြီး သင်တဲ့စနစ်ကို တိတိကျကျပြောင်းလဲပစ်ရမယ်။ နောက်ပြီး အာဆီယံ နိုင်ငံတွေရဲ့ သင်ရိုးညွှန်းတမ်းတွေ ထပ်တူကျရမယ်။ ဒါမှ အဲဒီနိုင်ငံတွေသွားပြီး ပညာရေးဖလှယ်တာတွေလုပ်နိုင်မယ်။ ကိုယ့်ဆီကလူတွေ အာဆီယံနိုင်ငံ တွေ ရောက်သွားရင်  သင်ခန်းစာတွေက တစ်ထပ်တည်းဖြစ်နေရမယ်။ အခုတော့ အများကြီး နိမ့်ကျနေသေးတယ်"

မေ ၁၆ ထုတ် The Messenger အတွဲ(၁) အမှတ် (၅၂) တွင်ပါသည့် "အစိုးရအသစ်က ပညာရေးစနစ်ကို ဘယ်လို မောင်းနှင်မလဲ" သတင်း ဆောင်းပါးမှ ဂုဏ်ထူး ဦးသိန်းနိုင်၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ဆင်းရဲမှုကို ကျော်လွှားချိန်တန်

ဘုန်းထက်ဝင်း

မြန်မာနိုင်ငံရှိသော လူဦးရေ သန်း ၅၀ ကျော်အနက် တစ်နေ့လျှင် အမေရိကန်ဒေါ်လာ တစ်ဒေါ်လာအောက် ဝင်ငွေရရှိသည့် ပမာဏမှာ ၂၆ ဒဿမ ၅ ရာခိုင်နှုန်းရှိနေကြောင်း UNESCAP အစီအရင်ခံစာမှာ ဖော်ပြထားလေသည်။ မြန်မာနိုင်ငံ၏ လူဦးရေမှာ ၅၉ သန်းရှိနေသည့်အတွက် ၂၆ ဒဿမ ၅ ရာခိုင်နှုန်းနှင့် နှိုင်းယှဉ်လျှင် စုစုပေါင်း လူဦးရေ၏ ၁၅ သန်းဝန်းကျင်မှာ တစ်နေ့လျှင် တစ်ဒေါ်လာအောက်ဖြင့် ရပ်တည်ရှင်သန်နေခြင်းဖြစ် ကြောင်းတွေ့ရသည်။

လူမှုအဖွဲ့အစည်းတစ်ခုသည် အစဉ်အမြဲ တရားနည်းလမ်းကျစွာ ဖြစ်တည်နေသည်တော့မဟုတ်။ အခွင့်အရေး တန်းတူညီမျှမှုမရှိသည့် ခေတ်နှင့် ပတ်ဝန်းကျင်မျိုးကို ဖြတ်သန်းရသည်မျိုးလည်းရှိပါသည်။ ထိုအတွက်ကြောင့် မြန်မာလူမျိုးတို့သည် ရန်သူမျိုးငါးပါးထဲမှာ "မင်း" ကို ထည့်သွင်းထားဟန် ရှိပါသည်။ ပုဂ္ဂလိကပိုင်ဆိုင်မှု(Property Right) ကို ဥပဒေ၊ နည်းဥပဒေများဖြင့် အကာကွယ်အပြည့်ပေးထားသည့် ဥပဒေစိုးမိုးမှုမျိုးမရှိသေးသ၍ လူတန်းစား ကွာခြားမှုဟာ ဆက်လက်ဖြစ်ပေါ်နေဦးမည်ဖြစ်သည်။

အနောက်တိုင်းလူမှုဗေဒပညာရှင်တစ်ဦးသည် လူတန်းစားမညီမျှမှုနှင့် ပတ်သက်၍ ၂၀/၈၀ သီအိုရီကို ဖော်ထုတ် တင်ပြသွားခဲ့ဖူးသည်။ နိုင်ငံ အသီးသီးရှိ ထိပ်ဆုံးလူဦးရေ ၂၀ ရာခိုင်နှုန်းသည် တိုင်းပြည်၏ ၈၀ ရာခိုင်နှုန်းသော ဥစ္စာဓနများကို ပိုင်ဆိုင်နေမှုဖြစ်သည်။ ယခုလို ကမ္ဘာပြုမှု ဖြစ်စဉ်ကြီး ပီပီပြင်ပြင် ဖြစ်တည်လာသည့် အချိန်အခါမျိုး၌ လူတန်းစားကွာခြားမှုမှာ သာလွန်၍ပင် ဆိုးပါသေးသည်။

ယခု မြန်မာနိုင်ငံ၏ ပညာရေး၊ ကျန်းမာရေး ကဏ္ဍနှစ်ခုစလုံးမှာ နိုင်ငံတော် အသုံးစရိတ်က ၄ ဒဿမ ၅ ရာခိုင်နှုန်းလောက် သုံးထားကြောင်း တွေ့ရပါသည်။ ဤအသုံးစရိတ်မှာ ယခင်ကထက်ပိုများလာသည်ဟု ဆို၍ရသော်လည်း ဒီထက် နှစ်ဆ၊ သုံးဆလောက်မြင့်တက်နိုင်လျှင် ပိုကောင်းလိမ့် မည်ဖြစ်သည်။ ပညာရေးမြင့်တက်နိုင်မှသာလျှင် အလုပ်လုပ်နိုင်ဖို့ရန် အရည်အသွေးများဖြည့်တင်းနိုင်မည်ဖြစ်သည်။ တဖန် ထိုဖြည့်တင်း၍ထားသော အရည်အသွေးများကို ပြည့်ပြည့်ဝဝ အသုံးချနိုင်ဖို့အရာမှာလည်း ကောင်းမွန်သည့် ကျန်းမာရေးစောင့်ရှောက်မှုရှိမှ ဖြစ်ပါလိမ့်မည်။ မြန်မာနိုင်ငံ၌ ဆင်းရဲမွဲတေမှု ဦးရေသည် ၂၆ ဒဿမ ၅ ရာခိုင်နှုန်းမှ ၃၅ ရာခိုင်နှုန်းသို့ မြင့်တက်သွားသည်ရှိသော် နိုင်ငံအတွက်သာမက၊ ကုလသမဂ္ဂအတွက်ပါ စိန်ခေါ်မှုတစ်ရပ် ဖြစ်လေပေမည်။ အဘယ်ကြောင့်ဆိုသော် UN သည် ၂၀၁၅ ခုနှစ်ကို ဆင်းရဲမွဲတေမှုလျော့ချရေးအတွက် ထောင်စုနှစ်ရည်မှန်းချက်အဖြစ် သတ်မှတ်ထား သောကြောင့် ဖြစ်ပေသည်။

စီးပွားရေးပညာရှင်များသည် လူတန်းစားကွာဟမှုနှင့် ဝင်ငွေထွက်ငွေကွာဟမှုကို တွက်ချရာတွင် အများအားဖြင့် အောက်ခြေလူတန်းစား ၁၀ ရာခိုင်နှုန်း၏ ရရှိသောဝင်ငွေနှင့် အထက်တန်းလွှာလူတန်းစား ၁၀ ရာခိုင်နှုန်းတို့၏ ဝင်ငွေ အလွှာနှစ်ခု၏ ခြားနားကွာဟမှုဖြင့်  တွက်ချက်လေ့ရှိကြပါသည်။ ဝင်ငွေကွာဟမှုဖြစ်ပွားရသည့် အကြောင်းရင်းမှာ အနိမ့်ဆုံးလစာ သတ်မှတ်ထားခြင်းမျိုးမရှိခြင်း၊ အလုပ်အကိုင်အခွင့်အလမ်းနည်းပါးခြင်း၊ စက်မှုကဏ္ဍ ဖွံ့ဖြိုးတိုးတက် အောင်ဆောင်ရွက်နိုင်မှုမရှိခြင်း၊ ရင်းနှီးမြုပ်နှံမှုနည်းပါးခြင်းတို့ကြောင့် ဝင်ငွေပြန်လည်ဖြန့်ဖြူးမှုနည်းပါးကာ လူတန်းစားကွာဟမှု၊ ဝင်ငွေ ကွာဟမှုများ ဖြစ်ပေါ်လာရခြင်းဖြစ်လေသည်။

ယခု ဒီမိုကရေစီအစိုးရမှ စီးပွားရေးမူဝါဒများ မှန်မှန်ကန်ကန်ချမှတ်အကောင်အထည်ဖော်ခဲ့လျှင် အခြေခံလူတန်းစားများ၏ လူနေမှုဘဝများ ယခုထက်ပိုမို မြင့်မားလာကာ လူလတ်တန်းစားအနေအထားသို့ ရောက်ရှိသွားမည်ဖြစ်သည်။ ဤသို့ရောက်ရှိသွားခြင်းသည် ဒီမိုကရေစီ ရှင်သန်ထက်မြက် ရေး အထူးပင်အရေးပါသည်။ မြန်မာနိုင်ငံကဲ့သို့ လူတန်းစား ကွာဟမှု ကြီးကြီးမားမားမရှိသည့် နိုင်ငံအတွက် လူတန်းစားကွာဟမှု နည်းနိုင်သမျှနည်းသည့် မူဝါဒကောင်းများကို ချမှတ်ဖို့ အထူးပင်လိုအပ်ပါသည်။ လူလတ်တန်းစားများသည် ပြည်ထောင်စုအဆင့်၊ ဒေသအဆင့် ရွေးကောက်ပွဲများ၊ ရပ်ရေးရွာရေး အသင်းအဖွဲ့များတွင် တက်တက်ကြွကြွ ပါဝင်ဆောင်ရွက်လျက်ရှိသည့်အပြင် တရားဥပဒေထွန်းကားရေးကို အဓိက အကာအကွယ်ပေးသည့် နိုင်ငံသား များလည်း ဖြစ်ပေသည်။  ယခုမြန်မာနိုင်ငံ၌ တတ်သိပညာရှင် (Professional) များ သည်ပင်လျှင် လူလတ်တန်း စားဝင်ငွေမျိုးကိုရရှိသည်တော့မဟုတ်။ အခြေခံလူတန်းစား ဝင်ငွေထက် အနည်းငယ်ပိုရုံလောက်သာ ရရှိပါသည်။ ဤသို့ဆိုလျှင် ပြည်ထောင်စုသမ္မတမြန်မာနိုင်ငံ၏ နိုင်ငံရေးဖြစ်စဉ်တွင် ပါဝင် ပတ်သက်မှုနည်းပါး နေဦးမည်ဖြစ်ပြီး ဖွဲ့စည်းပုံအခြေခံဥပဒေပါ အခွင့်အရေးများကိုလည်း ရယူနိုင်မည်မဟုတ်။ ထိုအတွက်ကြောင့် ယခုလက်ရှိအစိုးရ အပါအဝင်၊ တက်သိပညာရှင်များသည် စီးပွားရေးမူဝါဒကောင်းများကို ချမှတ်နိုင်လျှင် လူလတ်တန်းစား ဖွံ့ဖြိုးတိုးတက်လာမည်ဖြစ်ပြီး နိုင်ငံရေး ဖြစ်စဉ်တွင် ယခုထက်ပိုမိုပါဝင်ပတ်သက်ကာ ဒီမိုကရေစီပိုမိုခိုင်ခံ့လာမည့်အပြင် ဖွဲ့စည်းပုံပအခြေခံအခွင့်အရေးများကိုလည်း ရယူ၊ စောင့်ရှောက်လာနိုင်မည် ဖြစ်ပါကြေ&#