Transparency Myanmar

transparency.myanmar@gmail.com

yangonchronicle 2011
yangonchronicle 2011

၁.၄.၂၀၁၁

ဘာသာပြန်သတင်းများ - ၂

မြန်မာအပေါ် sanctions များ တင်းကြပ်ရန် အမေရိကန် အထက်လွှတ်တော် အမတ်များ တိုက်တွန်း

(AFP သတင်းမှ 1 Apr 2011 ရက်စွဲပါ “US senators urge tougher Myanmar sanctions” သတင်းကို ဘာသာ ပြန်ဆိုသည်)

မြန်မာ တပ်မတော် အစိုးရ အဖွဲ့ဝင်များ အပေါ် ချမှတ်ထားသော sanctions များ ဖြေလျှော့ပေးရန် တောင်းဆိုမှုများကို အမေရိကန် ပြည်ထောင်စု အနေဖြင့် ပယ်ချရမည် ဖြစ်ပြီး sanctions များ ပိုမို ထိရောက်မှု ရှိစေရန်အတွက် အထူး ကိုယ်စားလှယ်တစ်ဦး ခန့်အပ် တာဝန် ပေးသင့်ကြောင်း ဖော်ပြထားသည့် ပေးစာ တစ်စောင်ကို အမေရိကန် အထက်လွှတ်တော် အမတ် ၄ ဦးက ကြာသပတေးနေ့တွင် ထုတ်ပြန်ခဲ့သည်။

“စစ်အစိုးရ၏ လတ်တလော လှုပ်ရှားမှုများနှင့် လူ့အခွင့်အရေး ဆက်လက် ညှဉ်းပမ်းနေမှု များသည် sanctionsများ ဖြေလျော့ပေးရန်ကို စဉ်းစားရာတွင် လိုအပ်သော စံညွှန်းများနှင့် လတ်တလော ကိုက်ညီမှု မရှိသေးပါ” ဟု နိုင်ငံခြားရေး ဝန်ကြီး ဟီလာရီ ကလင်တန်ထံ အထက် လွှတ်တော် အမတ်များက ရေးသား ပေးပို့ခဲ့ခြင်း ဖြစ်သည်။

အထက် လွှတ်တော် ထောက်လှမ်းရေး ကော်မတီ ဥက္ကဋ္ဌ Dianne Feinstein၊ အထက် လွှတ်တော် ရီပတ်ပလစ်ကန် ခေါင်းဆောင် Mitch McConnell၊ အထက် လွှတ်တော် ပတ်ဝန်းကျင်နှင့် ပြည်သူ့ လုပ်ငန်း ကော်မတီ ဥက္ကဋ္ဌ Barbara၊ ရီပတ်ဘလစ်ကန် လွှတ်တော် အမတ် Mark Kirkတို့က အထက်ပါ ပေးစာကို လက်မှတ် ရေးထိုးခဲ့ကြသည်။

မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်၏ sanctions ကိစ္စအပေါ် လတ်တလော မှတ်ချက်ပေးမှုများကို အထက်လွှတ်တော် အမတ်များက ထောက်ပြခဲ့ကြပြီး “မြန်မာအစိုးရက ထိထိရောက်ရောက် ပြုပြင် ပြောင်းလဲမှုများ ပြုလုပ်လာသည် အထိ sanctions များကို ဆက်လက် ချမှတ်ထားရမည် ဆိုသည့် အချက်ကို မိမိတို့ သဘောတူသည်” ဟု ပြောကြားခဲ့ကြသည်။ ထို့အပြင် sanctions များ ပိုမို ထိရောက်၍ ကောင်းစွာ အသုံးဝင်အောင် ဒေါ်အောင်ဆန်းစုကြည်၏ NLD ပါတီနှင့်အတူ လုပ်ကိုင်နိုင်ရန် အတွက် မြန်မာနိုင်ငံ ဆိုင်ရာ အထူး ကိုယ်စားလှယ်နှင့် မူဝါဒ ညှိနှိုင်းရေးမှူး တစ်ဦးကို ဝန်ကြီး ကလင်တန်အနေဖြင့် ခန့်အပ် တာဝန်ပေးရန် အထက်လွှတ်တော် အမတ်များက တိုက်တွန်းလိုက်သည်။

သို့ဖြစ်ပါ၍ ဤကဲ့သို့ အရေးကြီးသည့် ရာထူးတာဝန်ကို ထမ်းဆောင်နိုင်ရန် လိုအပ်သော ကျွမ်းကျင်မှုနှင့် အရည်အသွေး၊ အတွေ့အကြုံရှိသည့် ပုဂ္ဂိုလ်တစ်ဦးကို အစိုးရက အမြန်ဆုံး ခန့်အပ် တာဝန်ပေးရန် တိုက်တွန်းထားခြင်း ဖြစ်သည်ဟု ပေးစာတွင် ရေးသားထားသည်။

ထို့အပြင် မြန်မာနိုင်ငံတွင် ဒီမိုကရေစီနှင့် လွတ်လပ်သော ဈေးကွက် ပြုပြင် ပြောင်းလဲမှုများကို တံခါးဖွင့် ပေးစေရန် ကွန်ဂရက်က ဥပဒေဖြင့် ပြဌာန်း         ပေးထားသော “မြန်မာအာဏာရှင် ခေါင်းဆောင်များ အပေါ် ဘဏ်လုပ်ငန်း ဆိုင်ရာ ပိတ်ဆို့မှုများ ထပ်မံ ချမှတ်ပိုင်ခွင့်” ကို ကျင့်သုံးရန် ဝန်ကြီး ကလင်တန်ကို အထက်လွှတ်တော် အမတ်များက တိုက်တွန်းခဲ့ကြသည်။

**********************************************************************************************************

ဒန်ကလေကို တရားရုံးက အာမခံဖြင့်လွှတ်

(Associated Press မှ 29 March 2011 ရက်စွဲပါ “Myanmar Court Frees Australian Publisher on Bail” ကို ဘာသာ ပြန်ဆိုသည်)

အမျိုးသမီး တစ်ဦးအား မူးယစ်ဆေးဝါး တိုက်ကျွေးမှုဖြင့် ဖမ်းဆီး တရားစွဲဆိုခြင်း ခံထားရသော ဩစတြေးလျ နိုင်ငံသား သတင်းဂျာနယ် ထုတ်ဝေသူ ရော့စ် ဒန်ကလေ (Ross Dunkley) ကို မြန်မာ အစိုးရ တရားရုံးက အာမခံဖြင့် လွှတ်ပေးလိုက်သည်။

ဩစတြေးလျ နိုင်ငံသား ရော့စ် ဒန်ကလေသည် သတင်းစာစောင် အကြီးအကဲ တစ်ဦး၊ လေးစားထိုက်သည့် ပုဂ္ဂိုလ် တစ်ဦး ဖြစ်သည့် အပြင် နှလုံးရောဂါ အတွက် ဆေးဝါးကုသမှု ခံယူနေရသူ ဖြစ်သောကြောင့် အာမခံဖြင့် လွှတ်ပေးခြင်း ဖြစ်သည်ဟု ရန်ကုန်မြို့တော်မှ ကမာရွတ် တရားရုံးက ပြောကြားသည်။ ရော့စ် ဒန်ကလေ ရင်ဆိုင်နေရသည့် မူးယစ်ဆေးဝါး တိုက်ကျွေး ဖြားယောင်းမှုနှင့် လူဝင်မှု ဥပဒေချိုးဖောက်မှု နှစ်ခုအတွက် ကျပ်သိန်း ၅ဝ စီ အသီးသီး အာမခံ တင်သွင်းရသည်ဟု သိရှိရသည်။

ဒန်ကလေ ကမူ ယင်းအပေါ် စွပ်စွဲချက် အားလုံးကို ငြင်းဆိုထားပြီး ၎င်းသည် စတင် ဖမ်းဆီးခံရသည့် ဖေဖော်ဝါရီ ၁ဝ ရက် မှစ၍ ရန်ကုန်မြို့တော်မှ နာမည်ပျက် အင်းစိန်ထောင်တွင် ချုပ်နှောင်ထားခြင်း ခံရခဲ့ရသည်။ ယင်းသည် အကယ်၍သာ ပြစ်မှုနှစ်ခုစလုံး အပေါ် ပြစ်ဒဏ်ပေးခြင်း ခံရပါက ထောင်ဒဏ် ၁၅ နှစ် ပြစ်ဒဏ်နှင့် ရင်ဆိုင်ရဖွယ် ရှိသည်ဟု ဆိုသည်။

အထက်ပါ တရားစွဲဆိုမှုများသည် စီးပွားရေး ပဋိပက္ခနှင့် ဆက်စပ် ပတ်သက်နေပြီး အင်္ဂလိပ်ဘာသာ Myanmar Times ဂျာနယ် ထိန်းချုပ်ခွင့်ကို စွန့်လွှတ်အောင် ဖိအားပေးရန် ရည်ရွယ် ပြုလုပ်နေခြင်း ဖြစ်သည်ဟု ဒန်ကလေ၏ အသိုင်းအဝိုင်းက ပြောကြားခဲ့သည်။

**********************************************************************************************************

ကျောက်မျက် လေလံပွဲဒေါ်လာ ၂.၈ဘီလျံ စံချိန်တင် ရရှိ

(Associated Press မှ 26 March 2011 ရက်စွဲပါ “Myanmar gems auction erans record $ 2.8 b” သတင်းကို ဘာသာ ပြန်ဆိုသည်)

မြန်မာနိုင်ငံတွင် ယခုလ အတွင်း အဝေးမြို့တော် နေပြည်တော်၌ ကျင်းပသော နှစ်ပတ်လည် ကျောက်မျက် ရတနာ လေလံပွဲတွင် ကျောက်စိမ်း၊ ကျောက်မျက်များ၊ ပုလဲများ ရောင်းချရမှုမှ အမေရိကန် ဒေါ်လာ ၂.၈ဘီလျံကျော် ဝင်ငွေ ရရှိခဲ့သည်ဟု သိရှိရသည်။

ကျောက်စိမ်း အတွဲပေါင်း ၁၆၉၃၉ တွဲ၊ ကျောက်မျက်ရတနာ အတွဲပေါင်း ၂၀၆ တွဲနှင့် ၂၅၅ တွဲကို ဈေးပြိုင် လေလံတင် ရောင်းချရာမှ စံချိန်တင် ဝင်ငွေရရှိခဲ့ခြင်း ဖြစ်သည်ဟု အပတ်စဉ် သတင်းဂျာနယ် The Voice က ဖော်ပြထားသည်။

ဆိုးဝါး စုတ်ပြတ်လှသော လူ့အခွင့်အရေး စောင့်ရှောက်မှု မှတ်တမ်းများကြောင့် အနောက် နိုင်ငံများ၏ စီးပွားရေးနှင့် နိုင်ငံရေး အရေးယူ ဒဏ်ခတ်မှု sanctions များကို ရင်ဆိုင်နေရသော မြန်မာတပ်မတော် အစိုးရအတွက် သတ္တုတွင်း ဝန်ကြီးဌာနမှ စီစဉ်သော ကျောက်မျက် လေလံပွဲသည် အဓိက နိုင်ငံခြား ငွေရပေါက် တစ်ခု ဖြစ်သည်ဟု သိရှိရသည်။

မြန်မာနိုင်ငံသည် ကမ္ဘာ့အကြီးဆုံး ကျောက်စိမ်း ထုတ်လုပ်သော နိုင်ငံတစ်ခု ဖြစ်သည့်အပြင် ပတ္တမြား ရာခိုင်နှုန်းကိုလည်း ထုတ်လုပ် ပေးနေသည်ဟု ဆိုသည်။

*********************************************************************************************************

ဆီးရီးယား အစိုးရ နုတ်ထွက်ကြောင်း နိုင်ငံပိုင် ရုပ်သံ ကြေညာ

(AFP သတင်းမှ 30 March 2011 ရက်စွဲပါ “ Syrian government resigns: state TV” သတင်းကို ဘာသာ ပြန်ဆိုသည်)

ဆီးရီးယား ဝန်ကြီးချုပ် မိုဟာမက် နာဂျီအိုထရီ၏ အစိုးရအဖွဲ့က အင်္ဂါနေ့တွင် သမ္မတ ဘာရှား အယ်အာဆတ်ထံ နုတ်ထွက်လွှာ တင်သွင်းခဲ့ရာ သမ္မတက လက်ခံလိုက်သည်ဟု နိုင်ငံပိုင် ရုပ်သံက သတင်း ထုတ်ပြန်သည်။ အစိုးရ နုတ်ထွက်မှုကို သမ္မတ အာဆတ်က လက်ခံခဲ့သည်ဟု နိုင်ငံပိုင် Syrian Televisionက ကြေညာခဲ့ခြင်း ဖြစ်သည်။

ဘာ့သ်ပါတီ အုပ်ချုပ်သော ဆီးရီးယားတွင် မတ်လ လယ်က ဖြစ်ပွားခဲ့သော လွတ်လပ်ခွင့် ပိုမို တောင်းဆိုသည့် ဆန္ဒပြပွဲများ အပြီးတွင် နိုင်ငံတော်က ကတိပြုခဲ့သည့် ပြုပြင် ပြောင်းလဲရေး လုပ်ငန်းများစွာအား အကောင်အထည် ဖော်ရမည့် တာဝန်ကို လာမည့် ရက်များအတွင်း ဖွဲ့စည်းမည့် အစိုးရ အဖွဲ့သစ် အနေဖြင့် မလွှဲမသွေ ရင်ဆိုင်ရတော့မည် ဖြစ်သည်။

အဆိုပါ ပြုပြင် ပြောင်းလဲရေး လုပ်ငန်းများတွင် ၁၉၆၃ ခုနှစ် ဘာ့သ်ပါတီ အာဏာ ရချိန်မှစ၍ ထုတ်ပြန် ထားခဲ့သော အရေးပေါ် အုပ်ချုပ်မှုကို အဆုံးသတ်ခြင်း၊ မီဒီယာများနှင့် နိုင်ငံရေးပါတီများ အပေါ် ပျော့ပြောင်းသည့် ဥပဒေများ ပြဌာန်းပေးခြင်း စသည့် အစီအစဉ်များ ပါဝင်မည်ဟု မျှော်လင့် ရကြောင်း သိရှိရသည်။

********************************************************************************************************

အငြင်းပွား ရေပြင်နယ်နိမိတ် အနီးတွင် လက်တွေ့ပစ်ခတ်စစ်ရေး လေ့ကျင့်မှု တောင်ကိုရီးယားပြုလုပ်

(AFP သတင်းမှ 30 March 2011 ရက်စွဲပါ “S.Korea stages Live-fire drill near tense sea border” သတင်းကို ဘာသာ ပြန်ဆိုသည်)

ပြီးခဲ့သော နိုဝင်ဘာလက မြောက်ကိုရီးယားတို့၏ အမြောက်ဖြင့် ပစ်ခတ် ရန်စမှုကြောင့် လူအသေအပျောက် ရှိခဲ့သော ကျွန်းပေါ်တွင် တောင်ကိုရီးယား စစ်တပ်က ဗုဒ္ဓဟူးနေ့၌ လက်တွေ့ အမြောက် ပစ်ခတ်မှု လေ့ကျင့်ခန်း ပြုလုပ်ခဲ့သည်ဟု တာဝန်ရှိသူများက ပြောကြားသည်။

အငြင်းပွား ပင်လယ်ဝါ ရေပြင် နယ်နိမိတ် အနီးရှိ ယွန်ပြောင်းကျွန်းပေါ်တွင် အမြောက် ပစ်ခတ် လေ့ကျင့်မှုကို ဒေသ စံတော်ချိန် မနက် ၉း၃၀ တွင် စတင်ခဲ့ပြီး တစ်နာရီကြာ လေ့ကျင့်ရန် စီစဉ်ထားခြင်း ဖြစ်သည်ဟု တောင်ကိုရီးယား ကာကွယ်ရေး ဝန်ကြီးဌာန ပြောရေးဆိုခွင့် ရှိသူက ပြောကြားခဲ့သည်။

လူနေအိမ်များ ပျက်စီးကာ အရပ်သား ၂ ဦး၊ မရင်းတပ်သား ၂ ဦး သေဆုံးခဲ့ရသော နိုဝင်ဘာ ၂၃ရက် အမြောက် ပစ်ခတ်မှု ဖြစ်ပွားပြီး နောက်ပိုင်း အငြင်းပွား နယ်နိမိတ် တလျှောက် တင်းမာမှုများ ကြီးထွား လာခဲ့သည်။ ယင်းကဲ့သို့ တောင်ကိုရီးယား အရပ်ဖက် ပစ်မှတ်များ အပေါ် တိုက်ခိုက်မှုသည် ၁၉၅၀-၅၃ ကိုးရီးယား စစ်ပွဲ နောက်ပိုင်း ယခု ပထမဆုံး အကြိမ် ဖြစ်သည်ဟု ဆိုသည်။

အခင်းမဖြစ်မီ တစ်ရက်က တောင်ကိုရီးယားတို့ စစ်ရေး လေ့ကျင့်ပစ်ခတ်သော အမြောက် ကျည်ဆံများ မြောက်ကိုရီးယား ရေပြင်သို့ ကျရောက် ခဲ့ခြင်းကြောင့် တုန့်ပြန်ခြင်း ဖြစ်သည်ဟု ပြုံယမ်းက ပြောင်ပြောင် တင်းတင်း တုန့်ပြန် ပြောကြားခဲ့သည်။

ပြီးခဲ့သော ဒီဇင်ဘာ ၂၀ ရက်နေ့က ယွန်ပြောင်ကျွန်းပေါ်တွင် လက်တွေ့ ပစ်ခတ် လေ့ကျင့်ခန်း ပြုလုပ်ခဲ့ပြီး နောက်ပိုင်း ဗုဒ္ဓဟူးနေ့က လေ့ကျင့်မှုကို ပထမဆုံး ပြန်လည် ပြုလုပ်ခြင်း ဖြစ်သည်။ မြောက်ကိုရီးယားတို့က ပြန်လည် ပစ်ခတ်မည်ဟု ခြိမ်းခြောက်မှုများ ရှိသော်လည်း အနှောင့် အယှက် မရှိ အောင်မြင်စွာ လေ့ကျင့် ပြီးစီး ခဲ့သည်ဟု သိရှိရသည်။

မြောက်ကိုရီးယား ကမ်းခြေနှင့် အနီးဆုံး ကျွန်းတစ်ခု ဖြစ်သည့် ဘန်ယောင်ကျွန်း ပေါ်တွင်လည်း အလားတူ လက်တွေ့ ပစ်ခတ်စစ်ရေး လေ့ကျင့်မှုကို ဗုဒ္ဓဟူးနေ့က ပြုလုပ်ခဲ့သည်ဟု သိရှိရသည်။


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle 2011
yangonchronicle 2011

၁.၄.၂၀၁၁

ဘာသာပြန်သတင်းများ - ၁

မြန်မာတပ်မတော်အစိုးရအဖွဲ့ ဖျက်သိမ်းကာ အစိုးရအဖွဲ့သစ် ကျမ်းသစ္စာကျိန်ဆို

(ABC News မှ 30 March 2011 ရက်စွဲပါ “Myanmar’s Junta is Dissolved as Gov’t Sworn in” ကို ဘာသာ ပြန်ဆိုသည်)

မြန်မာနိုင်ငံတွင် အရပ်ဖက် အစိုးရထံ တာဝန် ပြောင်းလဲ အပ်နှင်းသည့် ကျမ်းသစ္စာကျန်ဆိုမှု အခမ်းအနား ပြုလုပ်ပြီးနောက် တပ်မတော် အစိုးရကို တရားဝင် ဖျက်သိမ်းလိုက်ပြီ ဖြစ်သည်။

ယင်းကဲ့သို့ အရပ်ဖက်အစိုးရ အဖြစ် အသွင်ကူးပြောင်းမှုသည် တပ်မတော်၏ အာဏာ ချုပ်ကိုင်မှု ဆက်လက် ခိုင်မာစေရန် အပေါ်ယံ အသွင် ပြောင်းလဲခြင်းသာ ဖြစ်သည်ဟု အများစုက ကျယ်ကျယ်ပြန့်ပြန့် ရှုမြင် ထားကြသည်။ မြန်မာနိုင်ငံတွင် အနှစ် ၂၀ အတွင်း ပထမဆုံး အကြိမ် ရွေးကောက်ပွဲများကို မနှစ်က နိုဝင်ဘာလတွင် ကျင်းပပေးခဲ့သော်လည်း ရွေးကောက်ပွဲ အတုသာ ဖြစ်ကြောင်း ပြည်တွင်း၊ ပြည်ပက ဝိုင်းဝန်း ပြစ်တင် ဝေဖန် ခဲ့ကြသည်။ီ

သမ္မတ ဦးသိန်းစိန် ဦးဆောင်သော အစိုးရ အဖွဲ့သစ်သည် အဝေးမြို့တော် နေပြည်တော်၌ ဗုဒ္ဓဟူးနေ့တွင် ကျမ်းသစ္စာ ကျိန်ဆိုကာ တာဝန်လွှဲပြောင်း လက်ခံလိုက်သည်ဟု နိုင်ငံပိုင် မီဒီယာက ထုတ်ပြန် ကြေညာခဲ့သည်။

အချိန် ကြာမြင့်စွာ အုပ်ချုပ်ခဲ့သော တပ်မတော် အစိုးရ၏ နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီကို တရားဝင် ဖျက်သိမ်းလိုက်ပြီဟုလည်း အစိုးရရုပ်သံက ထုတ်လွှင့် ကြေညာသည်။

ဗိုလ်ချုပ်မှူးကြီး သန်းရွှေ ခေါင်းဆောင်သော နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီသည် မြန်မာနိုင်ငံကို ၁၉၈၈ ခုနှစ်မှ စ၍ အုပ်ချုပ်လာခဲ့သော အဖွဲ့အစည်း ဖြစ်သည်။

*****************************************************************************************************

အစိုးရသစ်က မြန်မာနိုင်ငံအတွက် အပြောင်းအလဲ တစုံတရာ ဆောင်ကြဉ်းပေးမှာလား (မေးခွန်းနှင့် အဖြေများ)

(Reuters သတင်းမှ 30 March 2011 ရက်စွဲပါ “ Q+A:Will Myanmar newgovernment bringany change?” အမေး အဖြေ ဆောင်းပါးကို ဘာသာ ပြန်ဆိုသည်)

မြန်မာနိုင်ငံတွင် ရာစုနှစ်ဝက် နှစ်ငါးဆယ်နီးပါး အတွင်း ပထမဆုံး အရပ်ဖက်အစိုးရကို ဗုဒ္ဓဟူးနေ့တွင် တရားဝင် အာဏာ အပ်နှင်းလိုက်ပြီ ဖြစ်သော်လည်း ယခင် တပ်မတော် အစိုးရဟောင်း၏ အဖွဲ့ဝင်များက အရေးပါသော နေရာများတွင် ရှိနေဆဲ ဖြစ်သောကြောင့် ကြီးမားသော အပြောင်းအလဲ တစ်စုံတစ်ရာ ဖြစ်ပေါ်ရေး အလားအလာမှာ ခပ်ပါးပါးသာ ရှိနေသည်။

တပ်မတော် အစိုးရက သမ္မတသစ် ဦးဆောင်သည့် ဝန်ကြီး ၃၀ အစိုးရ အဖွဲ့ကို တာဝန် လွှဲပြောင်းပေးခဲ့ခြင်း ဖြစ်ပြီး အစိုးရသစ် အဖွဲ့ဝင် အများစုမှာ ဗြိတိသျှ ကိုလိုနီဟောင်း မြန်မာနိုင်ငံကို စစ်အာဏာဖြင့် ဖိနှိပ် အုပ်ချုပ်ခဲ့သည့် အာဏာပိုင် အဖွဲ့ဟောင်းမှ အငြိမ်းစားနှင့် တာဝန် ထမ်းဆဲ ဗိုလ်ချုပ်များသာ ဖြစ်သည်။

အိန္ဒိယ၊ တရုတ်နှင့် ထိုင်းနိုင်ငံတို့ အကြားတွင် မဟာဗျူဟာမြောက် တာဝန်များ ရှိကာ ဆယ်စု ၂ စုကြာ သယံဇာတ ကြွယ်ဝသော်လည်း ကုန်သွယ်ရေး ပိတ်ဆို့မှု sanctions များ စီးပွားရေး တစ်လွဲ စီမံ ခန့်ခွဲမှုများကြောင့် ခေတ်နောက်ကျ နေသော မြန်မာနိုင်ငံ၏ ရှေ့ရေးနှင့် ပတ်သက်သော မေးခွန်းနှင့် အဖြေ အချို့ကို အောက်တွင် ဖော်ပြထားသည်။

Q  :        မြန်မာနိုင်ငံမှာ များများစားစား ပြောင်းလဲမှာလား?

A  :        ယခင်ကနှင့် အလားတူ အာဏာ ဇက်ကြိုး ချုပ်ကိုင်မှုကို ရင်ဆိုင်နေရ ဆဲဖြစ်၍ ပြုပြင် ပြောင်းလဲမှုများ အချိန်တိုအတွင်း မဖြစ်နိုင်ပါ။  အထူးသဖြင့် တပ်မတော် အစိုးရ၏ အာဏာရှင် ခေါင်းဆောင် အသက် ၇၈ နှစ် အရွယ် ဗိုလ်ချုပ်မှူးကြီး သန်းရွှေ ရှိနေသေး၍ မဖြစ်နိုင်သေးပါ။

ပြီးခဲ့သော နိုဝင်ဘာလတွင် ဒေါ်အောင်ဆန်းစုကြည် နေအိမ် အကျယ်ချုပ်မှ လွတ်မြောက် လာခြင်းကြောင့် အပြုသဘောဆောင် ပြောင်းလဲမှုအတွက် မျှော်လင့်ချက်များ ရှိလာခဲ့သော်လည်း တပ်မတော် အစိုးရက သူတို့၏ လမ်းကြောင်းကို ပြောင်းလဲရန် (သို့) သူတို့၏ သဘောထားကို ပြောင်းလဲမည့် လက္ခဏာ ပြသခဲ့ခြင်း မရှိပါ။

ဗိုလ်ချုပ်ကြီးများနှင့် သူတို့၏ စီးပွားရောင်းရင်းများ လွှမ်းမိုးသော စနစ်ဟောင်းနှင့် အလွန်တူသည့် စနစ်သစ် အတွက် အုတ်မြစ်ချမှု တစ်ခု ဖြစ်သော လွှတ်တော် ဖွဲ့စည်းခြင်း မတိုင်မီတွင် ဥပဒေ ဒါဇင်ပေါင်း များစွာကို လျှို့ဝှက် ထုတ်ပြန်ကာ မြင်သာ၊ ထင်သာ လုံးဝ မရှိသော ပုဂ္ဂလိကပိုင် ပြုလုပ်ရေး လုပ်ငန်းစဉ်ကို ကြိုတင် ပြုလုပ်ခဲ့သည်ကို အားလုံး အသိပင် ဖြစ်သည်။

နိုဝင်ဘာ ၇ ရက် ရွေးကောက်ပွဲ နောက်ပိုင်းတွင်လည်း အတိုက်အခံ များကို ဘေးသို့ ဖယ်ထုတ်ခြင်း၊ ထောင်ချခြင်းတို့ကို တပ်မတော် အစိုးရက ဆက်လက် လုပ်ဆောင်ခဲ့သည်။

ထို့အပြင် ဒေါ်အောင်ဆန်းစုကြည်နှင့် ဆွေးနွေးပွဲ ကျင်းပခြင်း၊ တိုင်းရင်းသား လက်နက်ကိုင် အုပ်စုများနှင့် စေ့စပ် ညှိနှိုင်းရန် ကြိုးစားခြင်၊ နိုင်ငံရေး အကျဉ်းသား ခန့်မှန်းခြေ ၂၁၀၀ ကျော်ကို လွှတ်ပေးခြင်း၊ ဒီမိုကရေစီ လိုလားသော အင်အားစုများကို နိုင်ငံရေး နယ်ပယ် အတွင်းသို့ ခေါ်ယူခြင်း စသော နိုင်ငံတကာ အသိုင်းအဝိုင်း၏ လိုလား တောင်းဆိုမှုများ ကိုလည်း ပြည့်မှီအောင် ကြိုးပမ်းမှု လုံးဝမရှိပါ။

Q  :        ဗိုလ်ချုပ်မှူးကြီး သန်းရွှေ ဘာဖြစ်မလဲ?

A  :        မြန်မာနိုင်ငံ၏ တစ်မိုးအောက် တစ်ယောက် အာဏာရှင် ခေါင်းဆောင်သည် သူ၏ နိုင်ငံရေးနှင့် စစ်ဖက် ရာထူးများကို မလွှတ်ချင် လွှတ်ချင်ဖြင့် စွန့်လွှတ်လိုက်ပြီ ဖြစ်ရာ အနားယူရန် အလားအလာ ရှိနေသော်လည်း သိသိသာသာ ဆက်လက် လွှမ်းမိုးရန် စီစဉ်မည်ဖြစ်၍ သူ့ကို စိန်ခေါ်ဝံ့သူ အနည်းငယ်သာ ရှိနေပါလိမ့်မည်။ ဗိုလ်ချုပ်မှူးကြီးသန်းရွှေသည် ၁၉၉၂ ခုနှစ် အာဏာရပြီး နောက်ပိုင်း မှစ၍ အာဏာ အားလုံးကို တစ်ဦးတည်း လက်ဝါးကြီး အုပ်ခဲ့သူ ဖြစ်သောကြောင့် သူ့နေရာ ဆက်ဆံမည့် သူများအနေဖြင့် လွတ်လွတ်လပ်လပ် လှုပ်ရှားရန် အိပ်မက် မက်နိုင်မည့် အလား အလာပင် မရှိပါ။

ထို့အပြင် ဗိုလ်ချုပ်မှူးကြီးသည် သူ၏ သစ္စာခံများကို အုပ်ချုပ်ရေး၊ တရားရေး၊ လွှတ်တော်နှင့် စစ်တပ် စသော အရေးကြီးနေရာ အားလုံးတွင် နေရာချထားပေးပြီး ဖြစ်သည်။ တစ်ချိန်က သူတစ်ဦးတည်း ချုပ်ကိုင်ခဲ့သော အာဏာကို ယခုအခါ သမ္မတ၊ အစိုးရအဖွဲ့၊ လွှတ်တော်နှင့် တပ်မတော်တို့က ခွဲဝေ ကိုင်တွယ်ရမည် ဖြစ်ရာ ယခုကဲ့သို့ ထိထိရောက်ရောက် အာဏာခွဲဝေမှုသည် သူ့လို အာဏာရှင် တစ်ဦး နောက်ထပ် ပေါ်မလာအောင်  တားဆီးရန် ရည်ရွယ် စီစဉ်ထားခြင်း ဖြစ်သည်ဟု အကဲခတ် လေ့လာသူများက ပြောကြားသည်။

ဗိုလ်ချုပ်မှူးကြီး သန်းရွှေသည် သူ့ရှေ့မှ ယခင် ခေါင်းဆောင်များကို ဖယ်ရှားပြီး အာဏာ ရရှိလာခြင်း ဖြစ်ရာ ပြည်သူလူထု အတွင်း၌ သာမကပဲ တပ်မတော် အတွင်း၌ပါ အလွန် လူကြိုက် နည်းသည်ဟု သိရှိရသည်။ သူ့အနေဖြင့် နိုင်ငံရေး မြင်ကွင်းမှာ ဖြည်းဖြည်းမှန်မှန် ထွက်ခွာနိုင်ရန် အတွက် အထက်ပါ စနစ်သစ်ကို ဖန်တီးခဲ့ခြင်း ဖြစ်သည်ဟု အကဲခတ် လေ့လာသူများက သုံးသပ် ထားကြသည်။

Q  :        Sanctions များ ရုတ်သိမ်းမည့် အခွင့်အရေး ရှိသလား။

A  :        အနောက်နိုင်ငံ sanctions များသည် တပ်မတော် အစိုးရကို ထိခိုက်အောင် မပြုလုပ်နိုင်ပဲ မြန်မာနိုင်ငံကို အာရှ အိမ်နီးချင်းများနှင့် တရုတ်နိုင်ငံ စသော ကျားများ၏ ပါးစပ်နားသို့ရောက်အောင် တွန်းပို့ခဲ့သည်ဟု ကျယ်ကျယ်ပြန့်ပြန့် လက်ခံ ထားကြသော်လည်း အချိန်တို အတွင်း ကုန်သွယ်ရေး အတားအဆီးများ ရုပ်သိမ်းမည့် လက္ခဏာ မရှိသလို နိုင်ငံတကာ အသိုင်းအဝိုင်းက မြန်မာ အစိုးရသစ်အပေါ် ကြီးမားစွာ သံသယ ရှိနေသည်။

အနောက် နိုင်ငံများက “ကုန်သွယ်ရေး အတားအဆီးများကို မရုတ်သိမ်းမီ ထင်သာမြင်သာ ပြောင်းလဲမှုများကို တွေ့မြင်ရန် လိုအပ်သည်” ဟု ပြောဆိုထားကြသည်။ ဒေါ်အောင်ဆန်းစုကြည်၏ NLD ပါတီကလည်း “ sanctions ကိစ္စကို ဆွေးနွေးရန် တိုက်တွန်း ထားသော်လည်း sanctions များ ဆက်လက် ချမှတ်ထားသင့်သည်” ဟု မကြာသေးမီက အကြံပြုခဲ့သည်။

NLD၏ အဆိုပါ သဘောထားက ဗိုလ်ချုပ်ကြီးများကို ဒေါသ ထွက်စေခဲ့သော်လည်း ကျွမ်းကျင်သူများ ပြောကြားရာတွင် “ရွေးကောက်ပွဲများကို သပိတ် မှောက်မှုကြောင့် ဖျက်သိမ်း ခံခဲ့ရသည့် NLD ပါတီ အနေဖြင့် တရားဝင်ကဏ္ဍ ပျောက်ဆုံးနေသည့် အချိန်မျိုးတွင် ပါတီ၏ ဒီမိုကရေစီ လှုပ်ရှားမှု အစီအစဉ်ကို ရှေ့ဆက်တိုးဖို့ ကြိုးစားရာ၌ sanctions များကို ဝှက်ဖဲအဖြစ် အသုံးပြုခြင်း ဖြစ်ဖွယ်ရှိသည်” ဟု မှတ်ချက် ပေးခဲ့ကြသည်။

အစိုးရ အဖွဲ့သစ်နှင့် ဆက်ဆံကြည့်ကာ စမ်းသပ်ရန် ကြိုးစားဖွယ် ရှိသည့် နိုင်ငံတကာ အသိုင်းအဝိုင်းသည် တပ်မတော်အစိုးရ ဖျက်သိမ်းလိုက်ခြင်းကို အပြုသဘော ဆောင်သည့် အဆင့်တစ်ခု အဖြစ် ရှုမြင်ကြပါလိမ်မည်။ ယခု အရပ်ဖက် အစိုးရ ဖြစ်လာသော ယခင် ဗိုလ်ချုပ်ဟောင်းများက အပြုသဘော ဆောင်စွာ တုန့်ပြန်ကြမည်လား ဆိုသည်ကိုမူ စောင့်ကြည့်ကြ ရဦးမည် ဖြစ်သည်။

Q  :        အပြုသဘော ဆောင်သော ကောင်းမွန်သည့် ကိစ္စများ ထွက်ပေါ်လာမှာလား။

A :         ကျွမ်းကျင်သူ အများစုက “မြန်မာ အစိုးရသစ်သည် ယခင် အဟောင်းနှင့် တစ်ထေရာတည်း တူလိမ့်မည်” ဟု ပြောကြားလျက် ရှိသည်။ ယခုကိစ္စသည် ပြောင်းလဲမှုအတွက် အခွင့်အလမ်း ပြတင်းပေါက်ဟု အချို့က ရှုမြင်နေ ကြသော်လည်း အထူးသဖြင့် ဗိုလ်ချုပ်မှူးကြီး သန်းရွှေ ရှိနေသေးသော အချိန်တွင် ထိုပြတင်းပေါက် ကောင်းစွာ ပွင့်မည် မဟုတ်သေးပေ။

မြန်မာနိုင်ငံ၏ များပြားလှစွာသော တိုင်းရင်းသား အုပ်စုများအတွက် တပ်မတော်၏ ဗဟိုအာဏာ ချုပ်ကိုင်မှုကို ခြိမ်းခြောက်ခြင်း မပြုသည့် နည်းလမ်းဖြင့် ဒေသတွင်း နိုင်ငံရေးကို ပြောဆိုရန် အခွင့်အလမ်း တစ်ခုအဖြစ် ရှုမြင်ထားကြသည့် တိုင်းနှင့်ဒေသကြီး လွှတ်တော် ၁၄ခု ဖွဲ့စည်းခြင်းမှာမူ မျှော်လင့်ချက် ထားစရာ ကောင်းသည့် ကိစ္စ တစ်ခု ဖြစ်သည်။

တပ်မတော်က အာဏာ ချုပ်ကိုင်မှုကို ဆက်လက် ကာကွယ်ထားသော်လည်း တိုက်ရိုက် ထိန်းချုပ်သည့် နေရာမှ ဖယ်ပေးထားသည့် အတွက် အပြင်လူများ အတွက် နေရာ ရလာမည်ဖြစ်ကာ များစွာ လိုအပ်နေသော ပြုပြင် ပြောင်းလဲရေး အခွင့်အလမ်းများ ထွက်ပေါ်လာနိုင်သည်။

ယခု ဝန်ကြီးသစ်များ ထဲတွင် တပ်မတော် နောက်ခံသမိုင်း မရှိသော အရပ်သား အချို့ ပါဝင်လာသည်။ ပညာရေး ဝန်ကြီးဌာနနှင့် ကျန်းမာရေး ဝန်ကြီးဌာနတို့ကို သက်ဆိုင်ရာ ပညာရှင်များက ဦးဆောင်ကြမည် ဖြစ်ရာ အစိုးရအဖွဲ့အတွင်း ပညာတတ် လူတန်းစားတို့၏ နယ်ပယ် တစ်ခု ရှိလာခြင်းကို ညွှန်ပြနေသည်။

ပြုပြင် ပြောင်းလဲရေးသို့ ချဉ်းကပ်ရမည့် တာဝန်သည် မြန်မာအစိုးရ အဖƟ