Transparency Myanmar

transparency.myanmar@gmail.com

{Yangon Chronicle 2010:773} မြန်မာ-တရုတ် ပိုက်လိုင်း စီမံကိန်းနှင့် ပတ်သက်၍ သိသင့်သမျှ

Posted by Transparency Myanmar 2010
Thursday, February 4, 2010
comments (0)

Reuters, 3rd February 2010

စစ်ဖက် အုပ်ချုပ်သော မြန်မာနိုင်ငံကို ဖြတ်သန်း သွယ်တန်းနေသည့် အငြင်းပွားဖွယ် ပိုက်လိုင်း ၂ခုမှ တဆင့် ရေနံနှင့် ဓါတ်ငွေ့များကို တရုတ်နိုင်ငံက မကြာခင် စတင် လက်ခံ ရရှိတော့မည် ဖြစ်သည်။

အဆိုပါ ပိုက်လိုင်းနှင့် ပတ်သက်သော အချက် တစ်ချို့ကို အောက်တွင် ဖော်ပြထားပါသည်။

ဘာတွေ ပိုက်လိုင်းက သယ်မလဲ

ပထမ ပိုက်လိုင်းသည် အရှေ့အလယ်ပိုင်း နှင့် အာဖရိကမှ ရေနံတင် သင်္ဘောများဖြင့် လာသော ရေနံများကို မြန်မာ ဆိပ်ကမ်းတွင် ချကာ တရုတ်သို့ သယ်ဆောင်ပေးမည် ဖြစ်၍ ကျဉ်းမြောင်းသော မလက္ကာ ရေလက်ကြားကို ရှောင်ရှား နိုင်မည် ဖြစ်ပါသည်။

          ၎င်းပိုက်လိုင်းသည် နှစ်စဉ် ရေနံစိမ်း တန်ချိန် ၁၂ သန်း တရုတ်သို့ သယ်ဆောင်ပေးမည် ဖြစ်၍ ယခင်နှစ်က တင်သွင်းခဲ့သော စုစုပေါင်း ပမာဏ၏ ၆ % ရှိပြီး ပဉ္စမမြောက် အများဆုံး ရောင်းချပေးသူ ဆူဒန်မှ တင်သွင်းသည့် ပမာဏခန့် ရှိပါသည်။ ပိုက်လိုင်း ဖွင့်လှစ်မည့်ရက် အတိအကျကို မသတ်မှတ် ရသေးပါ။အခြား ပိုက်လိုင်းမှာ နှစ်စဉ် မြန်မာ ဓါတ်ငွေ့ ၁၂ ဘီလျံ ကုဗမီတာကို တရုတ်နိုင်ငံသို့ သယ်ယူ ပို့နိုင်စွမ်း ရှိပြီး လာမည့် ၂ နှစ် အတွင်း စတင် ပို့ဆောင် နိုင်မည်ဟု မျှော်လင့်ထားပါသည်။

ဘယ်နေရာကို ပိုက်လိုင်း ဖြတ်သွားမလဲ

ပိုက်လိုင်း ၂ လိုင်းစလုံးသည် မြန်မာပြည် အနောက်ပိုင်း ရခိုင်ပြည်နယ် ကျောက်ဖြူ ဆိပ်ကမ်းမှ စတင်ကာ အရှေ့မြောက်ဖက် မန္တလေးမြို့တော်သို့ ဦးတည်ကာ ထိုမှတဆင့် ယူနန်ပြည်နယ် အနောက်တောင်ပိုင်း တရုတ် နယ်စပ် ရွှေလီကို ဖြတ်သန်းမည် ဖြစ်သည်။

          ၎င်းပိုက်လိုင်းများသည် ရွှေလီမှ တဆင့် ယူနန်ပြည်နယ် မြို့တော် ကူမင်းသို့ ရောက်ရှိကာ နောက်ဆုံးတွင် ချုံကင်းနှင့် နန်နင်းမြို့တော် များတွင် အဆုံးသတ်မည် ဖြစ်သည်။

ဘယ်ကုမ္ပဏီတွေ ပါဝင်သလဲ

          တရုတ်နိုင်ငံ၏ ထိပ်တန်း ရေနံနှင့် ဓါတ်ငွေ့ထုတ်လုပ်သူ CNPC သည် စီမံကိန်းတွင် အဓိက သက်ဆိုင်သည့် တရုတ် ကုမ္ပဏီ ဖြစ်သည်။ ၎င်း၏ လက်တွင်းရှိ နိုင်ငံရေး အရ အကဲဆတ်သည့် ပြည်ပ ပင်လယ်ရပ်ခြား လုပ်ငန်းများကို ထိန်းသိမ်းထားပြီး နာမည်ကြီး Petro China မှတဆင့် ၎င်း၏ စီးပွားရေး လုပ်ငန်းများကို ဆောင်ရွက်လျက် ရှိပါသည်။

          Petro China သည် မြန်မာ ပိုက်လိုင်းမှ ရောက်လာမည့် ရေနံစိမ်းများကို သန့်စင်မည့် တစ်နေ့လျှင် စည် ၂ သိန်း ကျ ရေနံချက် စက်ရုံကို တည်ဆောက်ရန် စတင် စီစဉ်နေပါသည်။

          အဆိုပါ ရေနံချက် စက်ရုံတွင် အိန္ဒိယနိုင်ငံပိုင် Gail India က ရှယ်ယာ ၄% နှင့် အိန္ဒိယ ONGC က ၈ % အသီးသီး ရင်းနှီး မြှပ်နှံ ကြမည်ဟု အိန္ဒိယ မီဒီယာများက ယခင် လတွင် ဖော်ပြခဲ့ပါသည်။

          တောင်ကိုးရီးယား၏ ဒေဝူး အင်တာ နေရှင်နယ်က ဦးဆောင် လုပ်ကိုင်နေသော ကမ်းလွန် လုပ်ကွက်များတွင် ပါဝင်သည့် အခြား ပါတနာများမှာ မြန်မာ့ ရေနံနှင့် သဘာဝ ဓါတ်ငွေ့ လုပ်ငန်း၊ Korea Gas Corp တို့ဖြစ်သည်။

စီမံကိန်း ကုန်ကျစရိတ်နှင့် ရရှိမည့် အခွန်ဝင်ငွေများ

          ပိုက်လိုင်း စီမံကိန်းကို ဆန့်ကျင် ကန့်ကွက်နေသည့် Shwe Gas Movement က အဆိုပါ ရေနံ နှင့် ဓါတ်ငွေ့ ပိုက်လိုင်း၏ စုစုပေါင်း ကုန်ကျစရိတ်မှာ ဒေါ်လာ ၃.၅ ဘီလျံ ရှိမည်ဟု ခန့်မှန်း ထားပါသည်။ ကမ်းလွန် လုပ်ကွက်များမှ ဓါတ်ငွေ့ ရှာဖွေ ထုတ်လုပ်မှု စရိတ်ကလည်း ဒေါ်လာ ၃ ဘီလျံ ကျော်လိမ့်မည် ဟု ဆိုပါသည်။

          သို့ရာတွင် လာမည့် နှစ်ပေါင်း ၃၀ အတွင်း ဓါတ်ငွေ့ ရောင်းချမှု တစ်ခု ထဲမှပင် မြန်မာအစိုးရ အတွက် ဒေါ်လာ ၂၉ ဘီလျံကျော် ရရှိမည် ဖြစ်ပြီး အရေးယူ ပိတ်ဆို့မှု ခံနေရသည့် အစိုးရအတွက် အရေးကြီးသည့် ဝင်ငွေ ရင်းမြစ် ဖြစ်သည်ဟု ၎င်းတို့က ပြောကြားပါသည်။

ဘာကြောင့် အငြင်းပွားစရာ ဖြစ်နေတာလဲ

          လူ့အခွင့်အရေး အဖွဲ့များ၏ ပြောကြားချက်အရ  ပိုက်လိုင်းမှ ရရှိမည့် ဝင်ငွေမှ အနည်းငယ်မျှ ကိုသာ မြန်မာပြည်သူများ ခံစားရမည် ဖြစ်ပြီး စစ် အစိုးရက လက်နက် ဝယ်ယူခြင်း ကဲ့သို့သော ၎င်းတို့၏ ကိုယ်ပိုင် အကျိုးစီးပွားများ အတွက်သာ အသုံးပြု လိမ့်မည် ဟု ဆိုပါသည်။ ကမ္ဘာပေါ်တွင် အဆင်းရဲဆုံး နိုင်ငံတစ်ခု ဖြစ်သည့် မြန်မာနိုင်ငံသည် ၎င်းကိုယ်၌တွင် စွမ်းအင် မလုံလောက်မှုကို ဆိုးဝါးစွာ ခံစားနေရပါသည်။

          ပိုက်လိ်ုင်း သွယ်တန်းမည့် လမ်းကြောင်းတွင် မြေသိမ်းယူမှု များကို လူ့အခွင့်အရေး အဖွဲ့များက ထောက်ပြ ခဲ့ကြပြီး ပိုက်လိုင်း တည်ငြိမ်ရန် အတွက် အာဏာသုံး အတင်းအကျပ် ခိုင်းစေမှု များကို မြန်မာစစ်တပ်က လုပ်ဆောင်လိမ့်မည် ဟုလည်း စိုးရိမ် ပူပန် နေပါသည်။ ယခင်က အလားတူ စီမံကိန်းများတွင်လည်း ယင်းကဲ့သို့ပင် လုပ်ဆောင်ခဲ့ကြောင်း အထောက်အထားများ ရှိပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:772} MAI ကို ကမ္ဘောဇ ဝယ်ပြီ

Posted by Transparency Myanmar 2010
comments (0)

AFX UK Focus, 3rd February 2010

မြန်မာနိုင်ငံ၏ တစ်ခုတည်းသော နိုင်ငံတကာ ပို့ဆောင်ရေး လုပ်ငန်း တစ်ခု ဖြစ်သည်။ Myanmar Airways International  (MAI)  ၏ အစုရှယ်ယာ  ၈၀ %  ကို ပြည်တွင်းဘဏ် တစ်ခုက ဝယ်ယူလိမ့်မည်ဟု အပတ်စဉ်ထုတ်  7-Days News  ဂျာနယ်က ဗုဒ္ဓဟူးနေ့က ဖော်ပြလိုက်ပါသည်။

MAI ၏ ပိုင်ဆိုင်မှု အများစုကို မြန်မာနိုင်ငံသားပိုင် ကမ္ဘောဇဘဏ် သို့ လွှဲပြောင်းပေးမည် ဖြစ်ပြီး၊ အစိုးရပိုင် ပြည်တွင်း ပြေးဆွဲနေသော မြန်မာ့လေကြောင်းက ၂၀ % သာ ပိုင်ဆိုင်မည် ဖြစ်ကြောင်း  7-Days  က ဖော်ပြထားပါသည်။

ကမ္ဘောဇဘဏ် ပါဝင်သော ကုမ္ပဏီ အုပ်စုသည် အနောက်နိုင်ငံများက အရေးယူထားသော မြန်မာ ကုမ္ပဏီများတွင် တစ်ခု အပါအဝင် ဖြစ်ပါသည်။

မြန်မာနိုင်ငံတွင် စစ်တပ်သည် ၁၉၆၂ မှ စ၍ ပုံစံမျိုးစုံနှင့် အုပ်ချုပ်လာခဲ့ရာ ယခုအခါ ယခုနှစ် ရွေးကောက်ပွဲ မတိုင်မီ နိုင်ငံပိုင် လုပ်ငန်းများကို ပုဂ္ဂလိက သို့ လွှဲပြောင်းရန် တွန်းအား ပေးလျက် ရှိနေပါသည်။

MAI သည်  Airbus  A-320 ၊  Airbus  A-319  နှင့်  Boeing  737-400  တို့ဖြင့် စင်္ကာပူ၊ ကွာလာလမ်ပူ၊ ဘန်ကောက်နှင့် ဂါယာတို့ သို့ ပျံသန်းလျက် ရှိပါသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:771} အန္တရာယ်တွေအကြား တရုတ် စွန့်စားမယ့် မြန်မာ ဓာတ်ငွေ့ ပိုက်လိုင်း

Posted by Transparency Myanmar 2010
comments (0)

Reuters, 3rd February 2010

တရုတ်နိုင်ငံသည် မြန်မာပြည် အတွင်း ဖြတ်သန်း သွယ်တန်းနေသည့် ရေနံနှင့် ဓာတ်ငွေ့ ပိုက်လိုင်းမှ စွမ်းအင် ရင်းမြစ်များ မကြာမီ ရရှိတော့မည် ဖြစ်သော်လည်း နိုင်ငံတကာ ပိတ်ဆို့ အရေးယူမှုများနှင့် အရပ်ဖက် ပြဿနာများကြောင့် ဒုက္ခရောက်နေသည့် အပယ်ခံ မြန်မာနိုင်ငံ၏ လက်တွင်းသို့ ၎င်း၏ စွမ်းအင် လုံခြုံမှု အချို့ကို အပ်ထားခြင်းသည် အန္တရာယ်များသည့် လောင်းကြေး ထပ်မှု တစ်ခု ဖြစ်လာနိုင်ပါသည်။

တစ်နှစ်လျှင် (၁၂) ဘီလျံ ကုဗမီတာ သယ်ဆောင်နိုင်စွမ်း ရှိသည့် ဓာတ်ငွေ့ ပိုက်လိုင်းသည် လာမည့် (၂) နှစ်အတွင်း ပြီးစီး လည်ပတ်နိုင်မည် ဖြစ်၍ မြန်မာနိုင်ငံ၏ ကြွယ်ဝသော ကမ်းလွန် လုပ်ကွက်များမှ စွမ်းအင်ရင်းမြစ်များကို တရုတ်ပြည် အနောက်တောင်ပိုင်းသို့ သယ်ယူတော့မည် ဖြစ်ပါသည်။

အကယ်၍ အားလုံး အစီအစဉ်တကျ ဖြစ်ခဲ့ပါက တရုတ်နိုင်ငံသည် မဝေးလှသော အနာဂါတ်တွင် ရေနံစိမ်း တန်ချိန် (၁၂) သန်းကို သီးခြား ပိုက်လိုင်းမှ တဆင့် နှစ်စဉ် လက်ခံရရှိမည် ဖြစ်၍ အဆိုပါ ပမာဏသည် ၎င်းအား ပဉ္စမမြောက် အများဆုံး ရောင်းချသူ ဆူဒန်ထံမှ ယခင်နှစ်က တင်သွင်းခဲ့သည့် ပမာဏခန့် ရှိပါလိမ့်မည်။ ပိုက်လိုင်း ဖွင့်လှစ်မည့် ရက်ကိုမူ အတိအကျ မသတ်မှတ်ရသေးပါ။

စစ်ဖက် အုပ်ချုပ်သူများဘက်မှ ရပ်တည်ပေးလေ့ ရှိသော တရုတ်နိုင်ငံသည် မြန်မာနိုင်ငံ၏ မိတ်ဆွေ ဖြစ်ပြီး လက်နက်များ ရောင်းချပေးခြင်း၊ လိုအပ်လျှင် သံတမန်ဆိုင်ရာ အကာအကွယ် ပေးခြင်း တို့အပြင် အိန္ဒိယ သမုဒ္ဒရာသို့ ထွက်ပေါက် ရရှိရေးနှင့် မြန်မာ့ သဘာဝ ရင်းမြစ်များကိုလည်း တပ်မက်သည့် မျက်လုံးဖြင့် အမြဲ စောင့်ကြည့်နေခဲ့သူ ဖြစ်သည်။

သို့ရာတွင် ၎င်းတို့၏ ဆက်ဆံရေးမှာ စိတ်ချင်း တွေ့ဆုံကြသည်ထက် လက်တွေ့ အကျိုးစီးပွား အပေါ် အခြေခံပုံ ရပါသည်။ အာဏာရှင် အစိုးရ (၂) ဖွဲ့သည် မဆုံနိုင်သော မျဉ်းပြိုင်များသာ ဖြစ်ပါသည်။

မြန်မာ နယ်စပ် မတည်ငြိမ်မှုများသည် ၎င်းတို့ ပိုင်နက်အတွင်း ပျံ့နှံ့ လာနိုင်သဖြင့် တရုတ်က စိုးရိမ်နေသလို မြန်မာကလည်း ၎င်း၏ မြောက်ဖက် အိမ်နီးချင်း အင်အားကြီး နိုင်ငံအပေါ် ထားရှိသည့် ကြီးမားသော သံသယကို သိုဝှက်ထားပါသည်။

ယခင်နှစ် သြဂုတ်လက မြန်မာ စစ်တပ်နှင့် ကိုးကန့် တပ်ဖွဲ့များ တိုက်ခိုက်ကြခြင်းကြောင့် စစ်ပြေး ဒုက္ခသည် ထောင်ပေါင်းများစွာတို့ တရုတ်ပြည်တွင်းသို့ ရောက်ရှိသွားသောအခါ အဆိုပါ စိုးရိမ် ပူပန်မှုများ သိသာစွာ ပေါ်ထွက်လာခဲ့ပါသည်။ ဘေဂျင်းကို စိတ်အနှောင့်အယှက် ဖြစ်စေခဲ့သော နယ်စပ် တိုက်ပွဲများကိုလည်း မြန်မာစစ်တပ်က ရပ်ဆိုင်းခဲ့ပါသည်။

"တကယ်လို့ မြန်မာပြည်ထဲက ပိုက်လိုင်းက လောလောဆယ်မှာ ပြဿနာ လုံးဝ မရှိဘူးလို့ ဘီဂျင်းက စဉ်းစားခဲ့ရင်တောင် နောက်ပိုင်းကျရင် သူတို့ ပြန်စဉ်းစားရမှာပါ"ဟု London School of Economics Centre မှ မြန်မာ့အရေး ကျွမ်းကျင်သူ မောင်ဇာနည်က ပြောကြားပါသည်။ "မြန်မာအစိုးရက လတ်တလောမှာ သူတို့ (တရုတ်) နဲ့ အဆင်ပြေပြေ ပေါင်းဖက်နေပေမယ့်လည်း တရုတ်ပိုင်နက်ထဲကို ဝင်ပစ်တာတွေ ဖြစ်နိုင်သေးတယ်"ဟု ၎င်းက ဆက်လက် ပြောဆိုပါသည်။

မလက္ကာ ရေလက်ကြား ပြဿနာ

ကမ္ဘာ့ ဒုတိယ ရေနံ အများဆုံး သုံးစွဲသူ တရုတ်နိုင်ငံက ၎င်း၏ ပြည်တွင်း စွမ်းအင် မဟာဗျူဟာ စည်းဝိုင်း တစ်ခုဖြစ်သော မလက္ကာ ရေလက်ကြား အကျပ်အတည်းမှ ထွက်ပေါက် တစ်ခုအဖြစ် မြန်မာပြည် ပိုက်လိုင်း စီမံကိန်းကို ရှုမြင်နေပါသည်။

၎င်းတို့ စိုးရိမ်နေသော အချက်မှာ စစ်ဖက် ပြဿနာများ ဖြစ်ပွားလာပါက မလေးရှားနှင့် အင်ဒိုနီးရှားကြားရှိ ကျဉ်းမြောင်းလှသည့် မလက္ကာ ရေလက်ကြားကို ဖြတ်သန်း သယ်ဆောင်နေသော ရေနံတင် သင်္ဘောများကို ရန်သူ အင်အားစုများက ပိတ်ဆို့ တားဆီးသွားနိုင်မှာကို ဖြစ်သည်။

တရုတ်နိုင်ငံ ရေနံတင်သွင်းမှု၏ (၈၀ %) သည် အဆိုပါ လမ်းကြောင်းမှ ရောက်ရှိလာခြင်း ဖြစ်သည်။

အဆိုပါ နယ်မြေသည် နဂိုကပင် ပင်လယ်ဓားပြ ပြဿနာ ရှိနှင့်နေပြီး ဖြစ်သည်။ Lloyd's Market Association ရေကြောင်းကုမ္ပဏီ၏ ပူးပေါင်း စစ်ကော်မတီက စစ်ပွဲ အန္တရာယ် ရှိသော ဇုန်အတွင်းတွင် အဆိုပါ ဒေသကို ထည့်သွင်းထားပါသည်။

မြန်မာနိုင်ငံကို ဖြတ်၍ စွမ်းအင်ရင်းမြစ်များ သယ်ဆောင်ခြင်းသည် ရေလက်ကြားကို ရှောင်ရှားရာတွင် အလွယ်ဆုံး နည်းလမ်းဖြစ်ပြီး ဗဟိုအာရှဒေသမှ ရေနံစိမ်းများကို ပိုက်လိုင်းမှ သယ်ယူခြင်းသည် သယ်ယူရေး လမ်းကြောင်း ပေါင်းစုံကို ကြိုးပမ်း အားထုတ်နေခြင်း အတွက် များစွာ အကျိုးရှိမည် ဖြစ်ပါသည်။

"ပိုက်လိုင်းတွေထဲက တစ်ခုက ရေနံစိမ်း အတွက် သီးသန့် ဖြစ်ပြီး ဒီရေနံတွေက မြန်မာက လာမှာ မဟုတ်ပါဘူး။ အရှေ့အလယ်ပိုင်းက သင်္ဘောနဲ့ လာတဲ့ ရေနံကို ချပြီး ပိုက်လိုင်းနဲ့ ယူနန်ကို ပို့မှာ ဖြစ်ပါတယ်။ ဒါက သိပ်ကို အရေးကြီးပါတယ်"  ဟု ပြောကြားသူမှာ Singapore's Institute of Southeast Asian Studies မှ ပညာရှင် Ian Storey ဖြစ်ပါသည်။

"ကိုးကန့် ကိစ္စ အပေါ် သုံးသပ်ကြည့်လို့ ရတဲ့ အချက်တစ်ချက်က ပိုက်လိုင်းကိစ္စကို ပြင်ဆင်ဖို့ မြန်မာအစိုးရက နယ်စပ်ဒေသကို ရှင်းလင်းတဲ့ သဘောလောက်ပဲလို့ ယူဆနိုင်ပါတယ်။ ဒါ့ကြောင့် တရုတ် အနေနဲ့ ဒီကိစ္စကို ရေးကြီးခွင်ကျယ် မလုပ်သင့်ပါဘူး။ ဒါဟာ သူတို့ရဲ့ အကျိုးစီးပွား အတွက်ပဲလေ" ဟု ၎င်းက မှတ်ချက်ပေးပါသည်။

သို့ရာတွင် မြန်မာ ဗဟို အစိုးရကို ဆယ်စုနှစ်ပေါင်း များစွာ တိုက်ခိုက်လာသော လူမျိုးစု လက်နက်ကိုင် တပ်ဖွဲ့များစွာ၏ ကိစ္စနှင့် တရုတ်လူမျိုး ရွှေ့ပြောင်းသူများ၊ ကုန်သည်များ မြန်မာပြည်တွင်းသို့ စီးဝင်လာမှု အပေါ် လတ်တလော သံသယ ကြီးထွားလာသည့် ကိစ္စသည် အဓိက အန္တရာယ်ကြီး နှစ်ခုအဖြစ် ရှိနေသော်လည်း အကျိုးအမြတ်က ပိုပုံ ရနေပါသည်။

တရုတ်လူမျိုးတို့ အပေါ် ခါးသီးမှုများကို ရင်ဝယ် ပိုက်ထားကြသည့် မြန်မာလူထု၏ သဘောထားမှာ မုန်းတီးမှုနှင့် စည်းပါးပါးလေးသာ ခြားတော့သည်ဟု LSE မှ မောင်ဇာနည်က ဆိုပါသည်။ "တကယ်လို့ တရုတ် အကျိုးစီးပွားကို မြန်မာတွေက ဖျက်ဆီးချင်တဲ့ ဆန္ဒရှိရင် ကီလိုမီတာ (၈၀၀) ရှည်တဲ့ ပိုက်လိုင်းက သိပ်ကို လွယ်ကူတာပေါ့ဗျာ" ဟုလည်း ၎င်းက ပြောကြားပါသည်။

မြေနှင့် ပိုင်ဆိုင်မှုများ အသိမ်းခံရသည့် အတွက် ဒေါသထွက်နေသော ပိုက်လိုင်း လမ်းကြောင်း တလျှောက်မှ ဒေသခံ နေထိုင်သူများက တရုတ် အလုပ်သမားများနှင့် ရုံးခန်းများကို တိုက်ခိုက်ခဲ့ကြသည်ဟု ပြောကြားသူမှာ Shwe Gas Movement မှ ပြောရေးဆိုခွင့် ရှိသူ ဝမ်အောင် ဖြစ်ပြီး အဆိုပါ အဖွဲ့သည် ပိုက်လိုင်း စီမံကိန်းကို ဆန့်ကျင် ကန့်ကွက်နေသော အဖွဲ့ဖြစ်သည်။ တရုတ်တွေ အပေါ် ပြည်သူတွေ ဒေါသ ထွက်နေတာကို မြင်ယောင် ကြည့်နိုင်ပါတယ်ဟု ၎င်းက ထိုင်းနိုင်ငံမှ တယ်လီဖုန်းဖြင့် ပြောကြားပါသည်။

"ဒီကိစ္စကြောင့် လူမှုရေး မငြိမ်သက်မှုတွေ၊ တိုက်ခိုက် ဖျက်ဆီးမှုတွေ အချိန်မရွေး ဖြစ်လာနိုင်ပါတယ်" ဟုလည်း ဆိုပါသည်။

တဖန် အနောက်ဖက် အိမ်နီးချင်း အိန္ဒိယနိုင်ငံက မြန်မာနိုင်ငံကို လွှမ်းမိုးရန် ကြိုးစားလာခြင်း၏ အကြောင်းရင်းကို သုံးသပ်ကြည့်လျှင် တရုတ်က ဘီဂျင်းဘက်တော်သား နိုင်ငံများဖြင့် အိန္ဒိယကို ဝိုင်းရံနေခြင်း၊ ပြဿနာများ ဆက်လက် ဖြစ်ပေါ်ရန် အလားအလာ ရှိနေခြင်းတို့ကြောင့် ဒေလီ၏ စိုးရိမ်မှုမှ ထွက်ပေါ်လာခြင်း ဖြစ်သည်ဟု ဆိုနိုင်ပါသည်။

"တကယ်လို့များ မြန်မာနိုင်ငံကို တရုတ်ဆီ ပေးလိုက်ရပြီလို့ အိန္ဒိယက သတ်မှတ်လိုက်ပြီဆိုရင် အချိန်မရွေး ဖြစ်လာနိုင်တဲ့ ဖြစ်ရပ်တွေကို အလွယ်တကူ ပုံဖော် ကြည့်နိုင်ပါတယ်။ တရုတ် ပိုင်ဆိုင်မှု စီးပွားတွေကို ပစ်မှတ်ထားလာမယ့် ဆန့်ကျင်ရေး အဖွဲ့အစည်းတွေ၊ မကျေနပ်တဲ့ မြန်မာစစ်သားတွေကို အိန္ဒိယက တိတ်တဆိတ် ကူညီတာမျိုးပေါ့ဗျာ" ဟု LSE မှ မောင်ဇာနည်က ပြောကြားပါသည်။

သို့သော်လည်း အိန္ဒိယ ကုမ္ပဏီ (၂) ခုကို ပိုက်လိုင်း စီမံကိန်းတွင် ပါဝင် ရင်းနှီးမြှုပ်နှံ ခွင့်ပြုခြင်းဖြင့် မြန်မာက အိန္ဒိယကို ကစားဝိုင်းအတွင်း ဆွဲသွင်းလိုက်ပါသည်။ နိုင်ငံပိုင် GAIL India က (၄ %) နှင့် ONGC က (၈ %) အသီးသီး ရင်းနှီး မြှုပ်နှံကြမည်ဟု အိန္ဒိယ မီဒီယာများက ယခင်လက ထုတ်ပြန် ကြေညာခဲ့ပါသည်။

လူထု ဆက်ဆံရေး နယ်ပယ် ထိခိုက်မှု

ယခု စီမံကိန်းသည် တရုတ်နိုင်ငံ အတွက် နောက်ထပ် နိုင်ငံတကာ လူထု ဆက်ဆံရေး ထိခိုက်မှု တစ်ခု ဖြစ်လာနိုင်ပြီး ၂၀၀၈  အိုလံပစ်အတွက် စည်းရုံး ဆွဲဆောင်နေသည့် ကာလက ဆူဒန်တွင် ရေနံ စွမ်းအင်ဆိုင်ရာ ရင်းနှီးမြှုပ်နှံမှုကြောင့် ပြင်းထန်စွာ အပြစ်တင်ခံခဲ့ရသူ ဘီဂျင်းအဖို့ မျက်နှာပူစရာ ဖြစ်လာပြန်ပါသည်။

ပိုက်လိုင်း စီမံကိန်းကို ကာကွယ် စောင့်ရှောက်ရန် တာဝန်ယူမည့် မြန်မာစစ်တပ်ကြောင့် ဒေသခံ ပြည်သူများ အပေါ်တွင် လူ့အခွင့်အရေး ချိုးဖောက်မှုများ ဖြစ်ပေါ်လာမည် ဖြစ်ပြီး ပိုက်လိုင်း တည်ဆောက်ခြင်းနှင့် ပတ်သက်၍ စိုးရိမ် ပူပန်နေကြောင်း လူ့အခွင့်အရေး အဖွဲ့များက ထပ်ဖန် တလဲလဲ ဖော်ပြခဲ့ကြပါသည်။

ရေနံနှင့် ဓာတ်ငွေ့ အပေါ် ပြင်းပြစွာ တပ်မက်နေခြင်းကြောင့် ကမ္ဘာ့ ဆက်ဆံရေး နယ်ပယ်တွင် တရုတ် အတွက် နောက်ထပ် စိတ်ညစ်စရာ ဖြစ်စေမည့် အလားအလာများကို ဘီဂျင်းက ပျော်ရွှင်စွာ ခံယူပါလိမ့်မည်ဟု နယူးယောက် အခြေစိုက် လူ့အခွင့်အရေး စောင့်ကြည့် လေ့လာရေး အဖွဲ့မှ မြန်မာ့ရေးရာ သုတေသနမှူး David Mathieson က ပြောကြားပါသည်။

"ဖြစ်နိုင်တာကတော့ မြန်မာပြည်မှာ တရုတ်က လုပ်နေတဲ့ အရာ အားလုံးအတွက် အခုပိုက်လိုင်း စီမံကိန်းက အမှန်တကယ် မှတ်ကျောက် ဖြစ်လာနိုင်ပါတယ်။ သူတို့အတွက် အရမ်းကို စိတ်အနှောင့်အယှက် ဖြစ်ပြီး အရှက်ကွဲရတာမျိုးတွေ ဖြစ်လာနိုင်ပါတယ်" ဟု ၎င်းက ဆိုပါသည်။ "ဒါပေမယ့် ဒီအကြောင်း အရာတွေက စီမံကိန်း ရပ်ဆိုင်းသွားဖို့ လုံလောက်တဲ့ အချက်တွေလို့ ကျွန်တော် မထင်ပါဘူး။ သူတို့က ဓာတ်ငွေ့ လိုချင်နေတာ အချိန် အတော်ကို ကြာနေပါပြီ" ဟုလည်း မှတ်ချက်ပေးခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:770} ကုလ လုံခြုံရေး ကောင်စီ၏ ဖေဖော်ဝါရီ အစီအစဉ်တွင် မြန်မာ့ အရေး မပါဝင်

Posted by Transparency Myanmar 2010
comments (0)

Irrawaddy, By Ba Kaung, 3rd February 2010

ကုလသမဂ္ဂ လုံခြုံရေး ကောင်စီ၏ ဖေဖော်ဝါရီလ အစီအစဉ်တွင် မြန်မာနိုင်ငံ အရေး မပါဝင်ကြောင်း၊ အဘယ်ကြောင့်ဆိုသော် တင်ပြမည့်သူ မရှိသောကြောင့် ဖြစ်ကြောင်း၊ လုံခြုံရေး ကောင်စီ၏ အလှည့်ကျ သဘာပတိ ပြင်သစ်နိုင်ငံ သံအမတ်ကြီး Gerad Araud ၏ အဆိုအရ သိရှိရပါသည်။

Araud သည် ဖေဖော်ဝါရီလ အစီအစဉ်များနှင့် ပတ်သက်၍ အဖွဲ့ဝင် နိုင်ငံများနှင့် ညှိနှိုင်းမှုများ ပြုလုပ်ပြီးနောက် အင်္ဂါနေ့က ပြုလုပ်သော သတင်းစာ ရှင်းလင်းပွဲတွင် ယခု အချိန်အထိ မြန်မာနိုင်ငံ အရေးနှင့် ပတ်သက်၍ မည်သည့် လုံခြုံရေး ကောင်စီ အဖွဲ့ဝင်ကမျှ အစီအစဉ်တွင် ထည့်သွင်းရန် တင်ပြလာခြင်း မရှိသေးကြောင်း ပြောကြားခဲ့ပါသည်။

တနင်္လာနေ့က ပြင်သစ် နိုင်ငံခြားရေး ဝန်ကြီးဌာနမှ သတင်း ကြေညာချက် ထုတ်ပြန်ရာတွင် မြန်မာနိုင်ငံ၌ မီဒီယာ လွတ်လပ်ခွင့် မရှိခြင်းနှင့် လွတ်လပ်စွာ ဖော်ပြမှုများ အပေါ် ဖိနှိပ်မှုများကို ကန့်ကွက် ရှုတ်ချခဲ့ပါသည်။ အဆိုပါ ကြေညာချက်သည် ရန်ကုန်၌ သတင်းထောက် နှစ်ဦးကို ထောင်ဒဏ် နှစ်ရှည် ချမှတ်ခဲ့ပြီးနောက် ထွက်ပေါ်လာခြင်း ဖြစ်ပါသည်။

ဝေဖန်သူများက ပြောကြားရာတွင် ၂၀၀၇ ခုနှစ် ဆန္ဒပြပွဲများနှင့် ၂၀၀၈ ခုနှစ် နာဂစ် ဆိုက်ကလုန်း နောက်တွင် လုံခြုံရေး ကောင်စီသည် မြန်မာနိုင်ငံအပေါ် ဂရုပြု၍ စောင့်ကြည့်လာခဲ့ပြီး၊ ကုလသမဂ္ဂ၏ ချိန်ဘာ အတွင်း မြန်မာနိုင်ငံ အရေးမှာ အရန် အရေး ကိစ္စတစ်ခု ဖြစ်လာခဲ့ပါသည်။

ကုလသမဂ္ဂ အထွေထွေ အတွင်းရေးမှူးချုပ် Ban Ki-moon သည် ယမန်နှစ်က မြန်မာနိုင်ငံသို့ သွားရောက်ခဲ့ပြီး ဒေါ်အောင်ဆန်းစုကြည်နှင့် တွေ့ဆုံခွင့် ပြုရန် ဗိုလ်ချုပ်မှူးကြီး သန်းရွှေအား ထပ်မံ တောင်းဆိုခဲ့ရာ ငြင်းပယ်ခံခဲ့ရပါသည်။

ပြီးခဲ့သည့် လက Ban Ki-moon သည် ဂမ်ဘာရီ၏ နေရာတွင် မြန်မာနိုင်ငံအတွက် ကုလသမဂ္ဂ အထူး ကိုယ်စားလှယ် ခန့်အပ်ရေးအတွက် ရှာဖွေနေဆဲ ဖြစ်ကြောင်း၊ ယာယီအားဖြင့် ၎င်း၏ အရာရှိချုပ် Vijay Nambiar ကို ခန့်အပ်ကြောင်း ပြောကြားခဲ့ပါသည်။ မြန်မာနိုင်ငံ၏ မိတ်ဆွေများ အဖွဲ့ကို အဖွဲ့ဝင် (၁၄) ဦးဖြင့် ကုလသမဂ္ဂ အတွင်းရေးမှူးချုပ်က ၂၀၀၇ ခုနှစ် ဒီဇင်ဘာလက တည်ထောင် ပေးထားရာ ၂၀၀၉ ခုနှစ် စက်တင်ဘာလတွင် နောက်ဆုံး တွေ့ဆုံခဲ့ပါသည်။

တစ်ချိန်တည်းမှာပင် အမေရိကန် လက်ထောက် နိုင်ငံခြားရေး ဝန်ကြီး Kurt Campbell သည် ယခုအပတ်တွင် တောင်ကိုရီးယားသို့ သွားရောက်မည် ဖြစ်ရာ တောင်ကိုရီးယား တာဝန်ရှိသူများနှင့် မြန်မာနိုင်ငံသည် လူ့အခွင့်အရေး ချိုးဖောက်နေမှုများကို ဆွေးနွေးရန် ရှိကြောင်း ဆိုးလ်မှ လာသော သတင်းများအရ သိရှိရပါသည်။

သတင်းတစ်ခု၏ အဆိုအရ အမေရိကန် အစိုးရသည် တောင်ကိုရီးယားအား မြန်မာ အစိုးရ၏ လူ့အခွင့်အရေး ချိုးဖောက်မှုများ ကိစ္စကို လှုပ်ရှားရာတွင် တက်ကြွစွာ ပါဝင်စေလိုပြီး ဆိုးလ်၏ ပါဝင်မှုသည် အခြားနိုင်ငံများကို ပါဝင်လာရန် အားပေးရာ ရောက်သည်ဟု မျှော်လင့်သောကြောင့် ဖြစ်ကြောင်း သိရှိရပါသည်။

ဝါရှင်တန်၏ မြန်မာနိုင်ငံနှင့် တိုက်ရိုက် ဆက်ဆံရေး အစီအစဉ်အရ Kurt Campbell သည် ပြီးခဲ့သည့် နှစ်က မြန်မာနိုင်ငံသို့ သွားရောက်ခဲ့ပြီး ဒေါ်အောင်ဆန်းစုကြည်နှင့် လည်းကောင်း၊ ဝန်ကြီးချုပ် ဗိုလ်ချုပ်ကြီး သိန်းစိန်နှင့် လည်းကောင်း တွေ့ဆုံခဲ့ပါသည်။

အမေရိကန် ပြည်ထောင်စု အနေဖြင့် မြန်မာအစိုးရ အပေါ် စိတ်အနှောင့်အယှက် ဖြစ်မှုကို ဖော်ပြခဲ့ပြီး Campbell က မကြာသေးမီက ကွန်ဂရက် အစည်းအဝေး တစ်ခုတွင် ဆီနိတ်တာများအား ပြောကြားရာ၌ မိမိတို့ ပထမ ခြေလှမ်းအဖြစ် ကြိုးစားကြည့်ကြောင်း သို့သော် အရေးကြီးသော အချက်ကို ပြောလိုသည်မှာ ကပွဲခန်းမတွင် တစ်ဦးတည်း မကနိုင်ကြောင်း ထည့်သွင်း ပြောကြားခဲ့ပါသည်။

ခွဲခြမ်း စိတ်ဖြာ လေ့လာသူများက ပြောကြားရာတွင် မြန်မာနိုင်ငံအပေါ် ကုလသမဂ္ဂ၏ ချဉ်းကပ်မှုများ ရပ်ဆိုင်းသွားနိုင်ကြောင်း၊ အဘယ်ကြောင့်ဆိုသော် အမေရိကန် အစိုးရက မြန်မာ့အရေးကို ၎င်းတို့ကိုယ်တိုင် အစိုးရနှင့် တိုက်ရိုက် ဆက်ဆံ၍ ဖြေရှင်းရန် လိုလားသောကြောင့် ဖြစ်ကြောင်း သုံးသပ်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:769} နာဂစ်မုန်တိုင်းနှင် ဟေတီငလျင်တို့ အကြား ကွဲပြား ခြားနားချက်များ

Posted by Transparency Myanmar 2010
comments (0)

ပြီးခဲ့သည့် ဇန်နဝါရီလ ၁၂ ရက်နေ့က ပြင်းထန်စွာ လှုပ်ခတ်ခဲ့သော ငလျင်ကြောင့် ကျင်းပရန် ရှိသည့် ရွေးကောက်ပွဲကို ရွှေ့ဆိုင်းမည် ဖြစ်ကြောင်း ဟေတီနိုင်ငံ သမ္မတ Rene Preval က ထုတ်ဖော် ပြောကြားလိုက်ပါသည်။

ထိုသို့ စီစဉ်ထားသော ရွေးကောက်ပွဲကို ရွှေ့ပြောင်းရန် ဆုံးဖြတ်လိုက်သည့် ဟေတီနိုင်ငံ အစိုးရ၏ လုပ်ရပ်ကို ကြည့်ပါက မြန်မာ စစ်အစိုးရနှင့်လွန်စွာ ကွဲပြား ခြားနားလွန်းနေသည်ကို တွေ့နိုင်ပါသည်။

မြန်မာ စစ်အစိုးရက ၂၀၀၈ ခုနှစ်၊ မေလတွင် နာဂစ်မုန်တိုင်း ပြင်းထန်စွာ တိုက်ခတ်မှုဖြစ်ပွား ခဲ့သည့်တိုင် မုန်တိုင်း အပြီးရက် အနည်းငယ် အကြာတွင် ဖွဲ့စည်းအုပ်ချုပ်ပုံ အခြေခံ ဥပဒေဆိုင်ရာ လူထုဆန္ဒ ခံယူပွဲကို မဖြစ်မနေ ဖိအားပေး ကျင်းပခဲ့သည်။

ဟေတီနိုင်ငံသည် ဖေဖော်ဝါရီလ ၂၈ ရက်နေ့တွင် ရွေးကောက်ပွဲ ကျင်းပရန် မူလက အစီအစဉ် ရှိခဲ့သည်။  အဆိုပါ ရွေးကောက်ပွဲသည် ဟေတီနိုင်ငံ ဒီမိုကရေစီ စနစ်ပေါ်ထွန်းရေးအတွက် လွန်စွာ အရေးကြီးသော  agenda တစ်ခု ဖြစ်ခဲ့သည်။

ဟေတီတွင် နိုင်ငံရေး ပယောဂ ပါသော ဂိုဏ်းဖွဲ့ အကြမ်းဖက်မှုများ ပေါ်ထွက်ခဲ့ပြီးနောက် ၂၀၀၄ ခုနှစ်မှ စ၍ ဘရာဇီး ဦးဆောင်သော ကုလသမဂ္ဂ ငြိမ်းချမ်းရေး ထိန်းသိမ်းရေး တပ်ဖွဲ့များ ဝင်ရောက် ထိန်းသိမ်း ပေးနေရပါသည်။

"ရွေးကောက်ပွဲ မဲဆွယ်မှုတွေကို အခု အချိန် လောက်ကတည်းက လုပ်ရမှာ ဖြစ်ပေမယ့်လည်း အခြေအနေအရ လုပ်လို့ ရမှာ မဟုတ်သေးပါဘူး" ဟု သမ္မတ Rene Preval က ယာယီ သမ္မတ ရုံးခန်းတွင် အင်တာဗျူးလုပ်ရာ၌ ပြောကြားပါသည်။

ဟေတီ သမ္မတ Rene Preval မှာ ငလျင် လှုပ်ခတ်ပြီး နောက်ပိုင်း ပြောဆို လုပ်ကိုင်မှုများနှင့် ပတ်သက်၍ ပြည်သူအများ၏ ဝေဖန်မှုကို ခံနေရသည်။ America Media/ Bendixen & Amandi က ပြုလုပ်သော စစ်တမ်းတစ်ရပ်အရ ဖလော်ရီဒါ တောင်ပိုင်းတွင် နေထိုင်သော ဟေတီနိုင်ငံသား ၆၃ ရာခိုင်နှုန်းက ယခုကဲ့သို့သော သဘောဝ ဘေးအန္တရာယ် ဆိုးကြီးအပေါ် ဟေတီ သမ္မတ၏ တုံ့ပြန်မှုကို လက်သင့်ခံ သဘောတူခြင်း မရှိကြပေ။

အစိုးရ အဆောက်အအုံများမှာ ငလျင်ဒဏ်ကြောင့် ပျက်စီသွားခဲ့ပြီး အစိုးရ ဝန်ထမ်းများလည်း ရဲစခန်းများနှင့် ရဲစခန်း အနီးတဝိုက်တွင် တဲထိုးကာ အလုပ် လုပ်ကိုင်နေကြရသည်။

သမ္မတ Rene Preval က မိမိတို့ အစိုးရအနေဖြင့် အများပြည်သူ ဆက်ဆံရေးတွင် အကျိုးအမြတ် ထွက်စေရေးအတွက် ယခုလို သဘာဝ ဘေးန္တရာယ် ဆိုးကြီးကို ခုတုံးလုပ်မည် မဟုတ်ကြောင်း ပြောကြားသည်။

မိမိသည် ငလျင် လှုပ်ခတ်သည့် ညပိုင်းနှင့် နောက်တစ်နေ့တွင် Port au Prince မြို့သို့ လှည့်လည် ကြည့်ရှုခဲ့ကြောင်း ၎င်းက ပြောကြားပါသည်။ "လူတွေ အတော်များများက ဒဏ်ရာ ရသူတွေကို စကားပြောဖို့၊ ဆေးရုံရဲ့ အခြေအနေကို မှတ်တမ်းတင် ရိုက်ကူးဖို့ လုပ်ခဲ့ကြတာကို တွေ့ရတယ်။ ကျွန်တော်ကတော့ အကူအညီ ရဖို့နဲ့ အလုပ်ကို ဘယ်လို ဆက်လုပ်ရမလဲ ဆိုတာကို စဉ်းစားခဲ့ပါတယ်" ဟု ၎င်းက ဆက်လက် ပြောသည်။

ဟေတီ နိုင်ငံတော် ဘတ်ဂျက်၏ ၆၀ မှ ၇၀ ရာခိုင်နှုန်းမှာ နဂိုကတည်းက နိုင်ငံခြား အကူအညီပေါ် မှီခို အားထား နေရပေရာ ယခု ငလျင်ကြီး လှုပ်ခတ်မှု နောက်ပိုင်း သုံးလေးနှစ်အတွင်း နိုင်ငံတကာ အကူအညီပေါ် ပိုမို မှီခိုအားထားလာရမည့် သဘောတွင် ရှိပါသည်။ နှစ်ပေါင်း ၁၀ နှစ်တာ ပြန်လည် တည်ဆောက်ရေး စီမံကိန်းများအတွက် လိုအပ်သည့် ဒေါ်လာဘီလျံ ပေါင်းများစွာ အတွက်လည်း သက်ဆိုင်သူများ ဆွေးနွေး တိုင်ပင်လျက် ရှိသည်ဟု သိရပါသည်။

ဟေတီ ရွေးကောက်ပွဲ ကောင်စီရုံး အဆောက်အအုံမှာ ငလျင်ကြောင့် ပြိုကျ ပျက်စီး သွားခဲ့ရပြီး ရွေးကောက်ပွဲ ကော်မရှင်အတွက် လုပ်ကိုင် ပေးနေသော ကုလသမဂ္ဂ ဝန်ထမ်းများမှာလည်း သေဆုံးခဲ့ရပါသည်။

"ရွေးကောက်ပွဲ ကောင်စီက တာဝန်ရှိတဲ့သူတွေ သေဆုံးသွားတာရယ်၊ နည်းပညာတွေ ပျက်စီးသွားတာရယ်ကြောင့် ကျွန်တော်တို့တွေ စီစဉ်ထားတဲ့ အတိုင်း ရွေးကောက်ပွဲကို ဘယ်လိုမှ ကျင်းပလို့ ရမှာ မဟုတ်ပါဘူး။ အခု ကျွန်တော်တို့ လုပ်ရမှာက ရွေးကောက်ပွဲ ဝင်မယ့် ပါတီတွေ အနေနဲ့ ဘာဆက်လုပ်ကြမယ်၊ ဘယ်လို အစီအစဉ်တွေ ဆွဲကြမယ် ဆိုတဲ့ အချက်ကို ဆွေးနွေးဖို့ပါ" ဟု သမ္မတ Rene Preval က ဖြည့်စွက် ပြောကြားသည်။

ဟေတီသည် အနောက် ကမ္ဘာခြမ်း ဒေသတွင် အဆင်းရဲဆုံးသော နိုင်ငံတစ်ခု ဖြစ်သလို မြန်မာနိုင်ငံသည်လည်း အာရှတွင် အဆင်းရဲဆုံး နိုင်ငံတစ်ခု ဖြစ်သည်။ သို့သော် သဘာဝ ရင်းမြစ်များ ကြွယ်ဝချမ်းသာမှုတွင် ဟေတီက မြန်မာနိုင်ငံကို မည်သို့မျှ ယှဉ်၍ ရမည် မဟုတ်ပေ။

သို့တိုင်အောင် မြန်မာ စစ်အစိုးရသည် နာဂစ်မုန်တိုင်း ထိခဲ့သော ဒေသများသို့ နိုင်ငံတကာ အကူအညီများ ဝင်ရောက်မှုကို ပြင်းထန်စွာ ကန့်သတ် ပိတ်ပင်ခဲ့သည်။ နာဂစ်မုန်တိုင်း တိုက်ခတ် ပြီးနောက် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက ကျင်းပရန် စီစဉ်ထားသည့် ဖွဲ့စည်းအုပ်ချုပ်ပုံ အခြေခံ ဥပဒေဆိုင်ရာ လူထုဆန္ဒ သဘောထား ကောက်ယူပွဲကို ရွှေ့ဆိုင်းပြီး အမျိုးသား နစ်နာ ထိခိုက်မှုကြီးအပေါ် အာရုံစိုက်ရန် စစ်အစိုးရကို တိုက်တွန်း ပြောဆိုခဲ့သည်။

သို့တိုင်အောင် စစ်အစိုးရက နာဂစ်မုန်တိုင်း တိုက်ခတ်မှုတွင် အသက်ရှင်လျက် ကျန်ရစ်သူ များထံမှ ဆန္ဒမဲ ထောက်ခံမှု ရရှိအောင် နည်းမျိုးစုံဖြင့် ကြိုးစားပြီး မဖြစ်မနေ ကျင်းပခဲ့သည်။ ဒုက္ခသည်များကို မောင်းထုတ်ပြီး ၎င်းတို့ ခိုလှုံနေသည့် အဆောက်အအုံများကို မဲရုံအဖြစ် အသုံးပြုခဲ့သည်။

"ရရှိနိုင်သော ရင်းမြစ်များ အားလုံးကို အသုံးပြုပြီး ဒုက္ခသည်များကို ကယ်ဆယ်ရမည့် အစား စစ်အစိုးရသည် အတုအယောင် ဖွဲ့စည်းအုပ်ချုပ်ပုံ အခြေခံ ဥပဒေ ထောက်ခံပွဲ ကျင်းပကာ၎င်း၏ အချုပ်အခြာ အာဏာ တရားဝင် ဖြစ်စေရန်သာ အာရုံစိုက်ခဲ့သည်" ဟု မြန်မာ တစ်ပြည်လုံး ဆိုင်ရာ သံဃာတော်များ မဟာမိတ်အဖွဲ့၊ ၈၈ မျိုးဆက် ကျောင်းသားဟောင်းများ အဖွဲ့၊ မြန်မာ တစ်ပြည်လုံး ဆိုင်ရာ ကျောင်းသားသမဂ္ဂ အဖွဲ့ချုပ်တို့က နာဂစ် ဝင်ရောက်ပြီး နောက်ပိုင်း ပူးတွဲ ကြေညာချက် တစ်ရပ် ထုတ်ပြန်ခဲ့သေးသည်။

စစ်အစိုးရက အဆိုပါ လူထုဆန္ဒ သဘောထား ကောက်ယူပွဲတွင် ဖွဲ့စည်း အုပ်ချုပ်ပုံ အခြေခံ ဥပဒေကို ထောက်ခံသည့် မဲပေါင်း ၉၃ ရာခိုင်နှုန်း ရရှိခဲ့သည်ဟု ကြေညာခဲ့သော်လည်း နိုင်ငံရေး လေ့လာသူနှင့် အတိုက်အခံ သမားများ အားလုံးက အတုအယောင်မျှသာ ဖြစ်သည်ဟု ဝေဖန် ပြောဆိုခဲ့ကြပါသည်။

အဆိုပါ လူထုဆန္ဒ သဘောထား ခံယူပွဲသည် စစ်အစိုးရ ကိုယ်တိုင် ကိုယ်ကျ အကောင်အထည် ဖော်နေသော နိုင်ငံတော် ရှေ့ဆက်သွားမည့် လမ်းပြမြေပုံ၏ တစ်စိတ်တစ်ပိုင်း ဖြစ်ပါသည်။ စစ်အစိုးရ၏ အစီအစဉ်အရ ယခု ၂၀၁၀ ပြည့်နှစ်အတွင်း ရွေးကောက်ပွဲ တစ်ရပ် ကျင်းပရန်လည်း ရှိပါသည်။

ပြီးခဲ့သည့် ရက်သတ္တပတ်ခန့်က စစ်အစိုးရ၏ အကြီးတန်း အရာရှိ တစ်ဦးက ဒေါ်အောင်ဆန်းစုကြည်သည် နိုဝင်ဘာလ မတိုင်မီအထိ နေအိမ် အကျယ်ချုပ်ဖြင့် ဆက်လက် ထိန်းသိမ်း ခံထားရမည် ဖြစ်ကြောင်း ပြောဆိုခဲ့သည်။ သဘောတရားမှာ ဒေါ်အောင်ဆန်းစုကြည်သည် ရွေးကောက်ပွဲပြီးမှ လွတ်မြောက်ဖွယ် ရှိသည်။

မည်သို့ပင်ဖြစ်စေ ယနေ့ အချိန်အထိ မည်သည့် ရွေးကောက်ပွဲ ဥပဒေ သို့မဟုတ် ကျင်းပမည့် အချိန်ဇယားကို ထုတ်ပြန်ခြင်း မရှိသေးပေ။ ၂၀၀၈ ခုနှစ်တွင် ထွက်ပေါ်ခဲ့သော ဖွဲ့စည်း အုပ်ချုပ်ပုံ အခြေခံ ဥပဒေ နှင့် ယခု ကျင်းပမည့် ရွေးကောက်ပွဲတို့မှ စစ်အုပ်ချုပ်ရေးကို အရပ်သား အုပ်ချုပ်ရေး အသွင်ဖြင့် ဆက်လက် အကောင်အထည် ဖော်ရန် ရည်ရွယ်ထားခြင်းသာ ဖြစ်ပါသည်။ သို့အတွက်ကြောင့် ပင်မ အတိုက်အခံ ပါတီကြီးများက အဆိုပါ ရွေးကောက်ပွဲသို့ ဝင်ရန်၊ မဝင်ရန် ဟူသော ကိစ္စအား ယခု အချိန်အထိ မဆုံးဖြတ်နိုင်ဘဲ ဖြစ်နေကြရသည်။

အချို့သော အတိုက်အခံ နိုင်ငံရေး သမားများနှင့် ပါတီများက အမျိုးသား စည်းလုံး ညီညွတ်ရေးကို အကောင်အထည် မဖော်မီ ၂၀၀၈ ဖွဲ့စည်း အုပ်ချုပ်ပုံ အခြေခံဥပဒေကို ပြန်လည် ပြင်ဆင် ရေးဆွဲပေးရန် စစ်အစိုးရကို တောင်းဆိုထားပါသည်။

မြန်မာ စစ်အစိုးရက ပြည်သူလူထု၏ အသက်ကို မငဲ့ကွက်ဘဲ ၎င်း၏ အာဏာတည်တံ့ရေး တစ်ခုတည်းအတွက် နည်းလမ်းမျိုးစုံ ရှာဖွေနေချိန်တွင် ဟေတီ သမ္မတကမူ ၎င်းအနေဖြင့် ၂၀၁၁ ခုနှစ် ဖေဖော်ဝါရီလ ၁၁ ရက် နောက်ပိုင်း ကာလများတွင် ရာထူးသက်တမ်း ကုန်ဆုံးမည် ဖြစ်သော်လည်း အာဏာ ဆက်လက် ရရှိရေးအတွက် ကြိုးပမ်းမည် မဟုတ်ကြောင်း ထုတ်ဖော် အသိပေးလိုက်သည်။

Irrawaddy သတင်းဌာန၏ More Differences Between the Haiti-Burma Disasters ကို ဘာသာပြန် ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)