Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၅.၄.၂၀၁၂

ဆောင်းပါးကဏ္ဍ

  1. ရှေ့ဆက်အသွင်းပြောင်းမှုများကိုစောင့်ကြည့်ရဦးမည်

*****************************************

ဆောင်းပါးကဏ္ဍ

ရှေ့ဆက်အသွင်းပြောင်းမှုများကိုစောင့်ကြည့်ရဦးမည်

မိုးမြင့်ငြိမ်း

ကြားဖြတ်ရွေးကောက်ပွဲကြီးကို ပြည်တွင်း၌ရော၊ နိုင်ငံတကာကပါ စိတ်ဝင်တစားနှင့် အထူးအလေးထားခဲ့ကြသည်။ လွတ်လပ်မဲဆန္ဒနယ်များရှိ ဆန္ဒမဲပေးခွင့်ရှိသူများသည် တခဲနက် ရွေးကောက်ပွဲတွင် မဲပေးခဲ့ကြသည့်အတွက် အလွန်အောင်မြင်ခဲ့သော ရွေးကောက်ပွဲတစ်ခုဖြစ်သည်ဟု နိုင်ငံတော် သမ္မတကြီးဦးသိန်းစိန်မှ ကမ္ဘောဒီးယားနိုင်ငံတွင် ကျင်းပပြုလုပ်သောအကြိမ် (၂၀)မြောက် အာဆီယံထိပ်သီးဆွေးနွေးပွဲတက်ရောက်ခဲ့စဉ် ထည့်သွင်းပြော ကြားသွားခဲ့သည်။ ပြည်သူများသည် ၎င်းတို့၏ နိုင်ငံရေးနိုးကြားမှု၊ အပြောင်းအလဲကို ပြင်းပြင်းထန်ထန်လိုလားမှုတို့ကို ကြားဖြတ်ရွေးကောက်ပွဲတွင် ဆန္ဒမဲ ထည့်ခြင်းဖြင့် ထုတ်ဖော်ခဲ့သည်။

ပြည်သူများသည် အစိုးရ၏ တစ်နှစ်အတွင်း လုပ်ဆောင်ချက်များအပေါ် သံသယဖြင့်စောင့်ကြည့်နေရာမှ ယခု ရွေးကောက်ပွဲဖြင့် ချေဖျက်ခဲ့နိုင်ပြီ ယူဆရပါသည်။ အစိုးရသစ်၏ တစ်နှစ်အတွင်း နိုင်ငံရေးပြုပြင်ပြောင်းလဲခဲ့မှုများသည် သိမ်မွေ့သည်နှင့်အမျှ ထိန်းထိန်းသိမ်းသိမ်းဆောင်ရမည့် အချိုး အကွေ့များစွာကို အောင်အောင်မြင်မြင်နှင့် ဖြတ်သန်းနိုင်ခဲ့သည်။ ပြည်သူများတွင်လည်း ယခင်အာဏာပိုင်အုပ်ချုပ်ရေးစနစ်မှာကဲ့သို့ အကြောက်တရား များဖြင့် မပြောရဲမဆိုရဲဘဲ နိုင်ငံသား အခွင့်အရေးများဆုံးရှုံးနေခြင်းမှ ယခုအခါတွင် နိုင်ငံရေးအပြောင်းအလဲများနှင့်အတူ တဖြည်းဖြည်း အသွင်ပြောင်းလဲ ကာ အကြောင်းတရားများ ကင်းလွတ်စပြုနေပြီဟုဆို၍ ရနိုင်ပါသည်။ ပြည်သူများအပြောင်းအလဲအပေါ် စွဲစွဲမြဲမြဲလိုလားနေရခြင်းမှာ အမျိုးသားဒီမိုကရေစီ အဖွဲ့ချုပ်ပါတီအောင်ပွဲရရေးဆိုတာထက်ပိုပါသည်။ ထို့အတွက်ကြောင့် အောင်ပွဲဆင်နိုင်ခဲ့သည့် လွှတ်တော်ကိုယ်စားလှယ်များမှာ ပြည်သူ၏ အကျိုး၊ မိမိ၏ မဲဆန္ဒနယ်၏ အကျိုးအတွက် အလေးထားဆောင်ရွက်နိုင်ရမည် ဖြစ်သည်။ ပြည်သူအများစုလိုလားသည်မှာ ၎င်းတို့၏ နိမ့်ကျနေသော လူမှုအကျိုးစီးပွား မြင့်မားလာအောင် ထမ်းဆောင်ပေမည့် နိုင်ငံပြုပုဂ္ဂိုလ်များပင် ဖြစ်သည်။ ထိုအတွက်ကြောင့် ပြည်သူ့လွှတ်တော်၊ အမျိုးသားလွှတ်တော်နှင့် တိုင်း ဒေသကြီး လွှတ်တော်အတွင်းသို့ ဝင်ရောက်တော့မည့် ကြားဖြတ်ရွေးကောက်ပွဲနိုင် လွှတ်တော်ကိုယ်စားလှယ်များရော၊ ၂၀၁၀ အထွေထွေရွေးကောက်ပွဲနိုင် လွှတ်တော်အမတ်များရော ပြည်သူ၏ အကျိုးကိုအပြိုင်အဆိုင် စတင်ထမ်းရွေးရတော့မည့် အချိန်ဖြစ်သည်။

၂၀၁၀ ဖွဲ့စည်းအခြေခံဘောင်အတွင်းသို့ ဝင်ရောက်လာပြီဖြစ်သောကြောင့် ဖွဲ့စည်းပုံအလုပ်ဖြစ်အောင် ဆောင်ရွက်ရေးမှာ လွှတ်တော်ကိုယ်စား လှယ်တိုင်း၏ တာဝန်တစ်ရပ်ဖြစ်သည်။ ဖွဲ့စည်းပုံအတိုင်းလက်တွေ့ အလုပ်ဖြစ်ရေးမှာလည်း ထင်သလောက်မလွယ်။ သို့သော် လွှတ်တော်နိုင်ငံရေးတွင် ပါဝင်လာမည့် လွှတ်တော်အမတ်များမှာ ဖွဲ့စည်းပုံအခြေခံဥပဒေနှင့် ဥပဒေအကြောင်းအရာများကို မသိနားမလည်၍ မရ။ သိနိုင်လာဖို့ မိမိတို့၏ စွမ်းဆောင် ရည် (Capacity) ကို ဖြည့်တင်းထားနိုင်ရမည်။ အတိုက်အခံအရည်အတွက် ပိုများလာခြင်းကြောင့် မူဝါဒအငြင်းအခုံများ ပိုမိုဖြစ်ထွန်း လာနိုင် စရာရှိသည့် လွှတ်တော်တွင် အမတ်များ၏ Capacity ရှိမှု၊ မရှိမှုမှာလွှတ်တော်၏ စွမ်းဆောင်နိုင်မှုကို ဖော်ပြနေမည်သာ ဖြစ်သည်။ စွမ်းဆောင်ရည်ရှိသည့် လွှတ်တော် ကသာ အစိုးရအဖွဲ့၏ လုပ်ဆောင်ချက်များအပေါ် အပြန်အလှန်ထိန်းကျောင်းနိုင်မည် ဖြစ်သည်။စွမ်းဆောင်ရည်မြှင့်တင်မှု (Capacity building) နှင့် တဆက်တည်းဖြစ်သော တနည်း ခေါင်းနှင့်ပန်းလို ဖြစ်နေသည့် Institution al building အတွက်ပါ တစ်ပြိုင်တည်းဆောက်ရွက်သွားပြီးဖြစ်မည်။

ကောင်းမွန်သည့် အုပ်ချုပ်ရေးနှင့် သန့်ရှင်းသောအစိုးရကိုအဓိကထားလုပ်ဆောင်နေသည့် အစိုးရသစ်သည် institutional change ကို အလေး ထားဆောင်ရွက်သွားမည့် သဘောပင်ဖြစ်သည်။ ယခုအခါတွင် အစိုးရခေါင်းဆောင်များမှ မူဝါဒအပြောင်းအလဲများကိုရဲရဲဝင့်ဝင့် ဆောင်ရွက်နေသော်လည်း အောက်ခြေအစိုးရဝန်ထမ်းများ၏ မပြောင်းလဲနိုင်သေးမှုအပေါ် ဝေဖန်ပြောကြားမှုများလည်း ရှိနေသည်။ အစိုးရခေါင်းဆောင်ပိုင်း၏ မူဝါဒအပြောင်းအလဲ များသည် နိုင်ငံဖွံ့ဖြိုးရေးအတွက် မဟာဗျူဟာ ရှုထောင့်မှဆောင်ရွက်ခြင်းဖြစ်ပြီးအောက် ခြေအစိုးရဝန်ထမ်းများ၏ အကောင်အထည်ဖော်မှုမှာ နည်းဗျူဟာ သဘောတနည်းအဖွဲ့အစည်းဆိုင်ရာစီမံခန့် ခွဲမှုရှုထောင့်မှသာ ဖြစ်သည်။ အောက်ခြေဝန်ထမ်းများ၏ အုပ်ချုပ် ဆိုင်ရာအကောင်အထည်ဖော်မှုတွင် အကျင့် ပျက်လာဘ်စားမှုရှိခဲ့သော် ယင်းကိုမည်သို့ကုစားရမည်၊ စီမံခန့်ခွဲမှုမှားယွင်းနေလျှင် မည်သို့ အရည်အချင်းဖြည့်တင်းရမည် အစရှိသည့် မထိရောက်သည့် အုပ်ချုပ်ရေးဆိုင်ရာ အကောင်အထည်ဖော်မှုများကို တစ်ဆင့်ခြင်းအဖြေရှာကုစားမှသာ ဖြစ်ပေမည်။ အပေါ်မှပြောင်းသော်လည်း အောက်ခြေလိုက်ပါ ပြောင်းလဲဖို့ရာ ချက်ချင်းလက်ငင်းကြီးမဖြစ်နိုင်။ အောက်ခြေထိပါ ကူးစက်ဖို့အချိန်အတိုင်းအတာတစ်ခုထိယူရဦးမည်သာဖြစ်သည်။

ပြည်သူများ၏ နိုင်ငံရေးအပြောင်းအလဲများအပေါ် ကျေနပ်အားရမှုရှိပြီးသည့်နောက်တွင် နောက်ထပ်လိုလားသည့် အပြောင်းအလဲမှာ စီးပွားရေး ပင် ဖြစ်သည်။ စီးပွားရေးအပြောင်းအလဲများသည် နိုင်ငံရေးအပြောင်းအလဲနှင့်အတူ လိုက်ပါပြောင်းလဲနိုင်ခြင်းမရှိဘဲနောက်တွင် ပြတ်ကျန်ရစ်ခဲ့သည်။ စီးပွားရေးအပြောင်းအလဲများကို အသွက်မြန်မြန် မဆောင်ရွက်နိုင်လျှင် ပြည်သူများအနေဖြင့်ရပြီး နိုင်ငံရေးအပြောင်းအလဲများအပေါ် ဖြစ်ပေါ်ခဲ့သည့် ပီတိ လျှော့ပါးသွားနိုင်သည်။ စနစ်ကျသည့် ပီပြင်သောဈေးကွက်စီးပွားရေးစနစ်ကို အကောင်အထည်ဖော်ဖို့ အားထုတ်ကြိုးပမ်းရတော့မည့်အချိန် ကျရောက် နေပြီ ဖြစ်သည်။ ယခုကြားဖြတ်ရွေးကောက်ပွဲပြီး နောက်တစ်ရက်မှာပင် မြန်မာနိုင်ငံတော် ဗဟိုဘဏ်မှ စီမံခန့်ခွဲ သည့် နှုန်းရှင်ငွေလဲစနစ် (Managed Floating Exchange Rate Regime) ကိုစတင်ကျင့်သုံးပြီဖြစ်ကြောင်း နိုင်ငံပိုင်မီဒီယာမှတစ်ဆင့် တရားဝင်ကြေငြာခဲ့သည်။ နိုင်ငံခြားရင်းနှီးမြုပ်နှံမှု ဥပဒေ မှာလည်း ပြည်ထောင်စုလွှတ်တော်တွင်သာ အတည်ပြုဖို့ ကျန်တော့သည့်အတွက် မကြာမီထွက်ပေါ်လာတော့မည်ဖြစ်သည်။

ကြားဖြတ်ရွေးကောက်ပွဲ၏ တရားမျှတမှုကိုစောင့်ကြည့်နေသည့် အမေရိကန်နှင့် ဥရောပသမဂ္ဂအဖွဲ့ဝင်နိုင်ငံများ တရားမျှတမှုရှိသည့် ရွေးကောက် ပွဲကြောင့် ၎င်းတို့နှင့် မြန်မာနိုင်ငံ၏ ဆက်ဆံရေးမှာလည်း ယခင်ကထက် ပိုမိုချောမွေ့လာတော့မည်။ အထူးသဖြင့် အနောက်မှ ပိတ်ဆို့အရေးယူမှုများကို တစ်ဆင့်ခြင်းဖြေလျှော့မှုများပေးလာတော့မည်။ ထိုအတွက်ကြောင့် အနောက်နိုင်ငံများတွင် အဓိကခြေကုပ်ယူသော နိုင်ငံစုံကော်ပရေးရှင်းကြီးများမှာ မြန်မာနိုင်ငံသို့ စီးပွားရေး အခွင့်အလမ်းများ လာရောက်ရှာဖွေတော့မည်။ မြန်မာနိုင်ငံအနေဖြင့်လည်း နိုင်ငံခြားရင်းနှီးမြုပ်နှံမှုများကို ရေရှည်ဖွံ့ဖြိုး တိုးတက်မှုနှင့် ထိန်းကျောင်းရင်း ပြည်သူများအကျိုးစီးပွားကိုအရှည်ထွန်းကားအောင် ဆောင်ရွက်နိုင်ရမည်။ များမကြာမီ ကာလသည် မြန်မာနိုင်ငံ၏ နိုင်ငံရေး၊ စီးပွားရေးအပြန်အလှန် ချိတ်ဆက်ပြောင်းလဲမှုများ ဆက်တိုက်ဆိုသလို ဖြစ်ထွန်းပေါ်ပေါက်လာတော့မည်ကို စိတ်ဝင်တစား စောင့်ကြည့်ရ တော့မည် ဖြစ်ပါကြောင်း……။

*****************************************

 


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

.၄.၂၀၁၂

ပြည်တွင်းသတင်းများ

  1. အချိ်န်ပိုင်း လျှပ်စစ်မီးပြတ်တောက်မှုစနစ်ကြောင့် ပြည်သူများ အခက်ကြုံ
  2. ကုန်စည်(၅)မျိုးထပ်မံ အခွန်ကင်းလွတ် လျှော့ချသတ်မှတ်ပေး

ပြည်တွင်းပါတီ၊ နိုင်ငံရေးသတင်းများ

  1. အမေရိကန်လွှတ်တော်အမတ်နှင့် အိန္ဒိယဝန်ကြီးချုပ်တို့ မြန်မာနိုင်ငံ လာရောက်မည်
  2. မြန်မာနိုင်ငံအပေါ် ပိတ်ဆို့မှုများ ရုတ်သိမ်းရန် အာဆီယံ စတင်တောင်းဆို
  3. ပြည်ထောင်စုလွှတ်တော်၌ NLD ဒုတိယအင်အားအကြီးဆုံးဖြစ်လာ

 သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

အချိ်န်ပိုင်း လျှပ်စစ်မီးပြတ်တောက်မှုစနစ်ကြောင့် ပြည်သူများ အခက်ကြုံ

ဧပြီလ ၂ ရက်နေ့မှစတင်၍ တစ်နေ့လျှင် ၁၂ နာရီကြာ အချိန်ပိုင်းလျှပ်စစ်မီးပြတ်တောက်မှုများကြောင့် ပြည်သူများ အခက်ကြုံတွေ့ရလျက် ရှိကြောင်း ရန်ကုန်မြို့ခံတစ်ဦးက ဆိုသည်။

“အရင် ၂၀၁၀ ရွေးကောက်ပွဲအပြီးမှာ မီးတွေ ပုံမှန်လာပါတယ်။ မပျက်လို့တောင် မီးကတော့ ပုံမှန်ဖြစ်သွားပြီလို့ ထင်လိုက်သေးတယ်။ ခု ၂၀၁၂ ဧပြီ ၂ ရက်နေ့ကနေစပြီး လျှပ်စစ်မီးကို အရင်လို အချိန်ပိုင်းစနစ်နဲ့ ပြန်သွားမယ်ဆိုတော့ ကျွန်တော်တို့လို အခြေခံလူတန်းစားတွေ အခက်အခဲ တွေ့တော့ တာပေါ့ဗျာ။”ပာု အထက်ပါပုဂ္ဂိုလ်က ဆက်လက်ဆိုသည်။

ထို့ပြင် အချိန်ပိုင်း လျှပ်စစ်မီးပေးသည့်စနစ်များကြောင့် ရေခဲအထွက်နည်း၍ ပင်လယ်ပြင်ထွက်ခွာမည့် ငါဖမ်းရေယာဉ်များလည်း စောင့်ဆိုင်း နေရပြီး ထိုသို့ ရပ်နားထားရသည့်အတွက် ငါးအဝင် သိသိသာသာလျော့ကျ၍ စီးပွားရေးလုပ်ငန်းများကို သိသာစွာရိုက်ခတ်မှုများ ဖြစ်ပေါ်ခဲ့ကြောင်း ပင်လယ်ငါးဖမ်း လုပ်ငန်းရှင်များအသင်းမှ တာဝန်ရှိသူတစ်ဦးက ဆိုသည်။

“လျှပ်စစ်မီးကို အလှည့်ကျပေးတဲ့စနစ်ကို လုပ်လိုက်တော့ မြန်မာနိုင်ငံရဲ့ စီးပွားရေးလုပ်ငန်းတစ်ချို့မှာ နစ်နာဆုံး ရှုံးမှုတွေ ဖြစ်လာတယ်။ ပြီးတော့ စားဝတ်နေရေးအတွက်လည်း တော်တော်ကို ခက်ခဲလာတယ်။ စက်ရုံ၊ အလုပ်ရုံ တွေမှာလည်း လျှပ်စစ်မီးအချိန်နဲ့ပဲရတော့ ပြည်တွင်းထွက်ကုန်တွေ လျော့ကျလာတော့တာပေါ့”ပာု လုပ်ငန်းရှင်တစ်ဦးက ဆိုသည်။

လျှပ်စစ်မီးအချိန်ပိုင်း ပေးဝေနေမှု အစီအစဉ်များကို နံနက် ၁၁ နာရီမှ ညနေ ၅ နာရီထိ နှစ်အုပ်စု၊ ညနေ ၅ နာရီမှ ည ၁၁ နာရီထိ၊ ည ၁၁ နာရီမှ ညနေ ၅ နာရီထိ၊ နံနက် ၅ နာရီမှ နေ့လည် ၁၁ နာရီ အထိကို အုပ်စု A,B,C,D ခွဲကာ ဧပြီ ၂ ရက်နေ့မှ စတင်၍ ဖြန့်ဖြူးပေးလျက်ရှိကြောင်း သိရသည်။

YC

--------------------------------------------------------------------------------------------------------------------------------

ကုန်စည်(၅)မျိုးထပ်မံ အခွန်ကင်းလွတ် လျှော့ချသတ်မှတ်ပေး

မြန်မာနိုင်ငံ၏ နိုင်ငံခြားပို့ကုန်ကဏ္ဍ မြင့်တက်လာနိုင်ရန်နှင့် ပြည်ပဈေးကွက်တွင် ယှဉ်ပြိုင်နိုင်စွမ်းရှိလာနိုင်စေရန် ဧပြီလ ၁ ရက်နေ့မှ စတင်၍ ကုန်စည် (၅)မျိုးအား ထပ်မံအခွန်ကင်းလွတ်လျှော့ချ သတ်မှတ်ပေးခဲ့ကြောင်း ဘဏ္ဍာရေးနှင့် အခွန်ဝန်ကြီးဌာနမှ အမိန့်ကြေငြာစာထုတ်ပြန်ခဲ့သည်။

အခွန်ကင်းလွတ်လျှော့ချသတ်မှတ်ခဲ့သည့် မြန်မာနိုင်ငံ၏ ပြည်ပပို့ကုန် အထူးကုန်စည်(၅)မျိုးမှာ ရေနံ၊ သဘာဝ ဓာတ်ငွေ့၊ ကျွန်းသစ်လုံးနှင့် ကျွန်း ခွဲသားများ၊ သစ်မာသစ်လုံးနှင့် သစ်ခွဲသားများ၊ ကျောက်စိမ်းနှင့် အခြားအဖိုးတန်ကျောက်များမှလွဲ၍ ကျန်ကုန်စည်များ ပြည်ပတင်ပို့ရောင်းချမှုအပေါ် ကုန်သွယ်လုပ်ငန်းခွန် ကင်းလွတ်ခွင့်ပြုပေးခဲ့ကြောင်း သိရသည်။

ထို့ပြင် အခြေခံကုန်စည်အမျိုးအစား ၇၀ ကို ကုန်သွယ်ခွန်ကင်းလွတ်ခွင့် ပြုလိုက်သည့်အပြင် အထူးကုန်စည် ၁၈ မျိုးမှလွဲ၍ ကျန်ကုန်စည်များ အားလုံးကို အခွန် ၅ ရာခိုင်နှုန်း သတ်မှတ်ခဲ့ပြီး အထူးကုန်စည်တွင် ပါဝင်သော ဓာတ်ဆီကို ယခင်အခွန် ရာခိုင်နှုန်း ၁၇၀ မှ ယခု ၁၀ ရာခိုင်နှုန်း၊ ဒီဇယ်ကို ယခင် ၉၀ မှ ယခု ၁၀ ရာခိုင်နှုန်းသို့ လျှော့ချသတ်မှတ် ခဲ့ ကြောင်း သိရသည်ơ