Transparency Myanmar

transparency.myanmar@gmail.com

yangonchronicle 2011- (1)
Document yangonchronicle 2011- (1)

Snapshot of the item below:
yangonchronicle 2011- (1)

 

၂၁.၁၁.၂၀၁၂

ဘာသာပြန်သတင်းများ

  1. ဒေါ်အောင်ဆန်းစုကြည် UNAIDS ambassador ဖြစ်လာ

 (The Nation News မှ 21 Nov 2012 ရက်စွဲပါ " Suu Kyi becomes UNAIDS ambressador " သတင်းကို ဘာသာပြန်ဆိုသည်)

  1. ရိုဟင်ဂျာများကိုပြန်ခေါ်ရန် မြန်မာအစိုးရအား ဘင်္ဂလားဒေ့ရှ် အစိုးရတိုက်တွန်း

(The Daily Star News မှ 21 Nov 2012 ရက်စွဲပါ " Govt Asks " myanmar to take back Rohingyas " သတင်းကိုဘာသာပြန်ဆိုသည်)

  1. မြန်မာနိုင်ငံနှင့်ပတ်သက်၍ ရောထွေးသော လူ့အခွင့်အရေးအစီရင်ခံစာကို ကုလထုတ်ပြန်

(UPI News မှ 20 Nov 2012 ရက်စွဲပါ “UN gives mixed rights report for Myanmar”သတင်းကို ဘာသာပြန်ဆိုသည်)

  1. သမ္မတကြီးခင်ဗျား……….မြောက်ကိုရီးယားသည် မြန်မာနိုင်ငံမဟုတ်ပါ

(21 Nov 2012  ရက်စွဲပါ The Diplomat မှ Scott A.Snyder ရေးသားသော Mr.President: N.Korea is not Burma ကိုဘာသာပြန်ဆိုသည်)

***********************************************

ဘာသာပြန်သတင်းများ

ဒေါ်အောင်ဆန်းစုကြည် UNAIDS ambassador ဖြစ်လာ

 (The Nation News မှ 21 Nov 2012 ရက်စွဲပါ " Suu Kyi becomes UNAIDS ambressador " သတင်းကို ဘာသာပြန်ဆိုသည်)

မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်အား ကုလသမဂ္ဂ HIV နှင့် AIDS  အစီအစဉ်သံအမတ်ကြီးအဖြစ် ခန့်အပ်လိုက်ပြီဖြစ်ရာ ရောဂါနှင့်အတူ ရှင်သန်နေထိုင်ရသူများအပေါ် ခွဲခြားဆက်ဆံမှုများကို တိုက်ဖျက်ရမည့်တာဝန်ကို ထမ်းဆောင်ရတော့မည်ဟု UNAIDS အေဂျင်စီက အင်္ဂါနေ့က သတင်းထုတ်ပြန်သည်။

ငြိမ်းချမ်းရေးနိုဘယ်ဆုရှင် ကမ္ဘာကျော်ဒီမိုကရေစီခေါင်းဆောင်က "လူ့အဖွဲ့အစည်း အဖျားအနားမှာနေထိုင်ပြီး ဂုဏ်သိက္ခာနဲ့အခြေခံ လူ့အခွင့်အရေးကိုထိန်းသိမ်းဖို့ နေ့စဉ်ရုန်းကန်နေရသူတွေရဲ့ ကိုယ်စားလှယ်အဖြစ်ရွေးခံရတဲ့အတွက် အလွန်အမင်း ဝမ်းမြောက်ဂုဏ်ယူမိပါတယ်၊ ကျွန်မ အနေနဲ့ ပြောရေးဆိုခွင့်မရှိကြသူတွေရဲ့ကိုယ်စား  ပြောရေးဆိုခွင့် ရှိတဲ့သူတစ်ဦး ဖြစ်ချင်ပါတယ်"ဟု ပြောကြားခဲ့သည်။

UNAIDS အမှုဆောင်ဒါရိုက်တာ မိုက်ကယ်ဆစ်ဒီဘီကလည်း ယင်းတာဝန်ကို သူမလက်ခံသည့်အတွက် ကုလသမဂ္ဂအေဂျင်စီက ဂုဏ်ယူ ဝမ်းမြောက်ကြောင်း ပြောကြားသည်။

"ကျေးတောရွာလေးတွေကနေ မြို့ကြီးတွေအထိ၊ အာရှကနေ အာဖရိကအထိ ပြည်သူတွေဟာ ဒေါ်စုအကြောင်းကိုပဲ ပြောနေကြပါတယ်။ သူမဟာ တကယ်ကို လှုံဆော်အားပေးနိုင်စွမ်းရှိသူပါ"ဟု ၎င်းကကြေငြာချက်တွင် ပြောဆိုခဲ့သည်။

"UNAIDS Global Advocae for Zaeo Discrimimation ဟုအမည်နာမ သတ်မှတ်ခံရသူ ဒေါ်အောင်ဆန်းစုကြည်သည် ပြည်သူများ HIV ဆိုင်ရာ သက်ကယ်ဝန်ဆောင်မှုအစီအစဉ်များမရအောင် တားဆီးနေသည့် ကြောက်ရွံခြင်းပတ်ဝန်းကျင်ကို ဖန်တီးပေးနိုင်သော ရှက်ရွှံသိမ်ငယ်မှုနှင့် ခွဲခြား ဆက်ဆံရမှုများကိုပပျောက်အောင် ဖယ်ရှားလုပ်ဆောင်သွားလိမ့်မည်"ဟု ကုလအေဂျင်စီက ထုတ်ပြန်ကြေညာသည်။

ဒေါ်အောင်ဆန်းစုကြည်က "ရောဂါဖြစ်နိုင်ခြေရှိတယ်လို့ သံသယရှိသူတိုင်းဟာ HIV စစ်ဆေးမှုပြုလုပ်ပြီး၊ ရောဂါအခြေအနေကို စောစောစီးစီး သိအောင် လုပ်ဖို့အရေးကြီးပါတယ်။ ဒါမှသာ နောက်ထပ် မပြည့်ပွားအောင် တားဆီးနိုင်မှာဖြစ်ပြီး၊ လိုအပ်တဲ့အချိန်မှာ အသက်ကယ်ကုသမှု အစီစဉ်တွေကို ရရှိနိုင်မှာဖြစ်ပါတယ်"ဟု ပြောကြားသွားသည်။  

                                                                    ****************************************

ရိုဟင်ဂျာများကိုပြန်ခေါ်ရန် မြန်မာအစိုးရအား ဘင်္ဂလားဒေ့ရှ် အစိုးရတိုက်တွန်း

(The Daily Star News မှ 21 Nov 2012 ရက်စွဲပါ " Gort Ask " myanmar to take back Rohingyas " သတင်းကိုဘာသာပြန်ဆိုသည်)

ကျန်ရှိနေသော ရိုဟင်ဂျာဒုက္ခသည်များအား ပြန်ခေါ်ရန်နှင့် နောက်ထပ်ဝင်မလာအောင်တားဆီးရန် မြန်မာနိုင်ငံအား ဘင်္ဂလားဒေ့ရ်ှအစိုးရက နောက်တကြိမ်တောင်းဆို တိုက်တွန်းလိုက်ပါသည်။

မနေ့ကဝန်ကြီးဌာနတွင် နိုင်ငံခြားရေးဌာန ညွှန်ကြားရေးမှုးများဖြစ်ကြသော ဆိုက်ဒါမှုနာတတ်စနင်နှင့် ဂိုလမ်ဆာဝါတို့အား မြန်မာသံအမတ်ကြီး ဦးမျိုးမြင့်သန့်တွေဆုံစဉ် ၎င်းတောင်းဆိုမှုကို ပြုလုပ်ခဲ့ခြင်းဖြစ်သည်။

အဆိုပါအစည်းအဝေးတွင် ဘင်္ဂလားဒေ့ရ်ှနိုင်ငံခြားရေးဝန်ကြီးဌာန တာဝန်ရှိသူများက မြန်မာသံအမတ်ကြီးအား  "ဒက္ကားသည် OIC နှင့် ကုလလူ့အခွင့်အရေးကောင်စီ နှစ်နေရာစလုံးတွင် မြန်မာနိုင်ငံကို ထောက်ခံပေးသွားမည်"ဟု ပြောကြားခဲ့ကြောင်း သတင်းရရှိသည်။

ဘင်္ဂလားဒေ့ရ်ှနယ်စပ် ဒုက္ခသည်စခန်းနှစ်ခုတွင် နေထိုင်နေသော ရိုဟင်ဂျာဒုက္ခသည် ၂၉၀၀၀ အနက်မှ ၂၄၁၅ ဦးကိုပြန်ခေါ်မည်ဟု မြန်မာ အစိုးရကပြောကြားထားပြီး၊ ယင်းတို့အနက်မှ မိသားစု ၁၀ စုက၎င်းတို့ဆန္ဒအလျောက် ပြန်ရန်သဘောတူထားသည်ဟု ဘင်္ဂလားဒေ့ရ်ှတာဝန်ရှိသူများက ပြောကြားသည်။

မြန်မာသံအမတ်ကြီးကလည်း ဒုက္ခသည်များ ပြန်လည်ခေါ်ယူရေးအစီအစဉ်ကိုစတင်ရန် ၎င်းတိုအစိုးရက ကြိုးစားနေကြောင်းနှင့် ဘင်္ဂလားဒေ့ရှ် - မြန်မာနှစ်နိုင်ငံ ဆက်ဆံရေးခိုင်မြဲစေရန် ဆန္ဒရှိပါကြောင်း ပြန်လည်ပြောကြားခဲ့သည်ဟု သိရှိရသည်။

********************************************

မြန်မာနိုင်ငံနှင့်ပတ်သက်၍ ရောထွေးသော လူ့အခွင့်အရေးအစီရင်ခံစာကို ကုလထုတ်ပြန်

(UPI News မှ 20 Nov 2012 ရက်စွဲပါ “UN gives mixed rights report for Myanmar”သတင်းကို ဘာသာပြန်ဆိုသည်)

ကြားနေ လူသားချင်းစာနာကူညီမှု အေဂျင်စီများအား မြန်မာနိုင်ငံ၏ ပဋိပက္ခဘေးဒဏ်သင့်ဒေသများသို့ သွားရောက်ခွင့်ပေးခြင်းသည် ၎င်း ဒေသ၏ လက်ရှိစိုးရိမ်စရာကိစ္စများကို ကူညီဖြေရှင်းလိမ့်မည်ဟု ကုလသမဂ္ဂကိုယ်စားလှယ်က ပြောကြားလိုက်သည်။

ယခုသတင်းပတ်တွင် အမေရိကန်သမ္မတ အိုဘားမားသည်လည်း Burma (သို့) မြန်မာနိုင်ငံရောက် ပထမဆုံး အာဏာလက်ရှိအမေရိကန် သမ္မတဖြစ်လာခဲ့သည်။ ယခင် အကြီးအကဲဟောင်း ဦးသန်းရွှေနှင့် နောက်လိုက်များက Myanmar ဟုအတင်းအကျပ် နာမည်ပြောင်းထားသော်လည်း Burma ဟုသာလူသိများသော မြန်မာနိုင်ငံသည် ၂၀၁၀ ရွေးကောက်ပွဲနောက်ပိုင်း စတင်ပြုလုပ်ခဲ့သော နိုင်ငံရေးပြုပြင်ပြောင်းလဲမှုများကြောင့် ယခုအခါ နိုင်ငံတကာအသိုင်းအဝိုင်းထံမှ ချီးကျူးဂုဏ်ပြုမှုကို လက်ခံရရှိနေသည်။

နိုင်ငံတကာ ကြက်ခြေနီ ကိုယ်စားလှယ်အဖွဲ့အား ရခိုင်ပြည်နယ်မှ အကျဉ်းသားများနှင့် တွေ့ဆုံခွင့်ပေးရန် မြန်မာအစိုးရက ကတိပေးခြင်းကို ကြိုဆိုသည်ဟု ကုလသမဂ္ဂ၏ မြန်မာနိုင်ငံလူ့အခွင့်အရေးဆိုင်ရာ အထူးကိုယ်စားလှယ် သောမတ်အိုဂျာကင်တာနာက ပြောကြားပါသည်။

ရခိုင်ပြည်နယ်မှ အဓိကရုဏ်းကြောင့် လူပေါင်း ၂၀၀ ခန့်သေဆုံးကာ ထောင်ပေါင်းများစွာ အိုးမဲ့အိမ်မဲ့ဖြစ်ခဲ့ရသဖြင့် အစိုးရက ပြည်နယ်တွင်း အရေးပေါ်အခြေအနေ ထုတ်ပြန်ကြေညာခဲ့ရသည်။

“ဇွန်လမှစ၍ လူရာပေါင်းများစွာ ဖမ်းဆီးထားခဲ့သော ရခိုင်ပြည်နယ်အပါအဝင် အကျဉ်းသားများဖမ်းဆီး ထိန်းသိမ်းထားသောနေရာများသို့ နိုင်ငံတကာနှင့်ပြည်တွင်း စောင့်ကြည့်လေ့လာသူများအဖွဲ့အား အပြည့်အဝသွားရောက်ခွင့်ပေးသည်။ ဖမ်းဆီးအကျဉ်းချခံရသူများနှင့်ပတ်သက်၍ ဖြစ်ပေါ်နေသောစိုးရိမ်စရာ ကိစ္စရပ်များကိုဖြေရှင်းရာတွင် အထောက်အကူဖြစ်လိမ့်မည်”ဟု ကွင်တားနားက ကြေညာချက်တွင် ဖော်ပြ ထားသည်။

ရခိုင်ပြည်နယ်အနှံ့ ရိုက်ကူးထားသော ဂြိုလ်တုဓါတ်ပုံများတွင် တစ်ရွာလုံးမီးလောင်ပြာကျသွားသည်ကို တွေ့ရှိရကြောင်း Human Rights Watch ကထောက်ပြပြောကြားထားသည်။ ထိုနယ်မြေသို့သွားရောက်ခြင်းကို အစိုးရက တားမြစ်ထားသည်ဟုလည်း H R W အဖွဲ့က ပြောကြားခဲ့သည်။

                                                         ******************************************

သမ္မတကြီးခင်ဗျား……….မြောက်ကိုရီးယားသည် မြန်မာနိုင်ငံမဟုတ်ပါ

(21 Nov 2012  ရက်စွဲပါ The Diplomat မှ Scott A.Snyder ရေးသားသော Mr.President: N.Korea is not Burma ကိုဘာသာပြန်ဆိုသည်)

မြန်မာနိုင်ငံသည် ကြီးမားသော သို့သော် မရေရာသေးသည့် ပြုပြင်ပြောင်းလဲရေး လမ်းကြောင်းပေါ်သို့လျှောက်လှမ်းပြီးတစ်နှစ်ကျော်အကြာတွင် သမ္မတ Obama သည် မြန်မာနိုင်ငံသို့ သွားရောက်လည်ပတ်ခဲ့ရာ မြောက်ကိုရီးယားခေါင်းဆောင်ပိုင်းသည် ခရီးစဉ်အပေါ် သင်ခန်းစာယူလေမည်လား ဟူသော မျှော်လင့်ချက်ကို ဖြစ်စေပါသည်။ Obama သည် ရန်ကုန်တက္ကသိုလ်တွင် မိန့်ခွန်းပြောကြားရာတွင် မြောက်ကိုရီးယားခေါင်းဆောင်များကို တိုက်ရိုက်ရည်ညွှန်း၍ စိန်ခေါ်ပြောကြားခဲ့ရာတွင် နျူကလီးယားလက်နက်များကိုစွန့်လွှတ်ပြီး၊ ငြိမ်းချမ်းရေှးင့် တိုးတက်ရေးလမ်းကြောင်းကို ရွေးချယ်ပါက အမေရိကန်ပြည်ထောင်စုက လက်ကမ်းလာသည်ကို တွေ့ရမည်ဟု ပြောကြားခဲ့ပါသည်။

ယခုကဲ့သို့ပြောကြားခြင်းမှာ သမ္မတ Obama က ယခုနှစ်အတွင်း မြောက်ကိုရီးယား ခေါင်းဆောင်ပိုင်းသို့ လူသိရှင်ကြားတိုက်ရိုက် ပြောကြားမှုမှာ ဒုတိယအကြိမ် ဖြစ်ပါသည်။ ပြီးခဲ့သည့် မတ်လက ဆိုးလ်မြို့ရှိ Hankuk တက္ကသိုလ် နိုင်ငံခြားလေ့လာရေးဌာန၌ မိန့်ခွန်းပြောကြားရာတွင် အမေရိကန် ပြည်ထောင်စုအနေဖြင့် ပြုံယမ်းအပေါ် ရန်လိုရန်ရည်မှန်းချက်မရှိကြောင်း၊ အမေရိကန်ကဆက်ဆံရေး ပုံမှန်ဖြစ်ရန် ခြေလှမ်းများလှမ်းနေကြောင်း၊ ရန်စ လာမှုများသည် မြောက်ကိုရီးယားက ပိုမိုအထီးကျန်စေမည်ဖြစ်ကြောင်း ပြောကြားခဲ့ပါသည်။

ပြီးခဲ့သည့်အပတ် သမ္မတ Obama ၏ ခရီးစဉ်မတိုင်မီ CSIS တွင် အမျိုးသားလုံခြုံရေးအကြံပေး Tom Donilon က မေးခွန်းမေးမြန်းမှုကို ထည့်သွင်းပြောကြားရာတွင် အကယ်၍ မြောက်ကိုရီးယားအနေဖြင့် နျူကလီးယားဖျက်သိမ်းရေးကို အလေးအနက်ရည်ရွယ်ကြောင်း ပြသလာပါက မြောက်ကိုရီးယားက နိုင်ငံတကာအသိုင်းအဝိုင်းအတွင်း ပြန်လည်ဝင်ရောက်ရန် လမ်းဖွင့်ပေးထားမည်ဖြစ်ကြောင်း ပြောကြားခဲ့ပါသည်။

သို့သော် မြန်မာနိုင်ငံ၏နိုင်ငံရေး ပြုပြင်ပြောင်းလဲမှုလမ်းကြောင်းကို မြောက်ကိုရီးယားနှင့် ညီမျှခြင်းချ၍ မဖြစ်နိုင်ပေ။ မြန်မာနိုင်ငံကိစ္စတွင် နျူကလီးယားဖျက်သိမ်းရေးကိစ္စ ပါဝင်မှုမရှိပေ။ ကင်ဂျုံအန်သည် မြောက်ကိုရီးယား၏ စီးပွားရေးပြဿနာများကို ကိုင်တွယ်ရန်လိုအပ်ကြောင်း အသိအမှတ်ပြုခဲ့ပြီး ဖြစ်ပါသည်။ ပြီးခဲ့သည့် ဧပြီလက ပထမဆုံးလူထုသို့ မိန့်ခွန်းပြောကြားရာတွင် မြောက်ကိုရီးယားပြည်သူများသည် နောက်ထပ်ငွေ ခြွေတာရန် မသင့်တော့ကြောင်း ကတိစကားပြောကြားခဲ့ပါသည်။ သို့သော် မြောက်ကိုရီးယားအစိုးရသည် နျူကလီးယားအစီအစဉ်ကို ဆုပ်ကိုင်ထားဆဲ ဖြစ်ပါသည်။ ၎င်းသည် မှန်ကန်သည့်ရွေးချယ်မှု ပြုလုပ်ရမည့်အစား အမေရိကန်က ရန်သူမူဝါဒကို မစွန့်လွှတ်ပါက နျူကလီးယား အစီအစဉ်ကိုတိုးချဲ့ မည်ဟု ခြိမ်းခြောက်နေပါသည်။

မြောက်ကိုရီးယားသည် နိုင်ငံခြားငွေရှာနိုင်သည့် နည်းလမ်းများမှာလည်း ကျဉ်းမြောင်းလာပါသည်။ မြန်မာနိုင်ငံသည် ပြုပြင်ပြောင်းလဲရေးများ လုပ်ဆောင်လာခြင်းကြောင့် မြောက်ကိုရီးယားနှင့် စစ်ရေးအရဆက်ဆံရေးများ ရပ်ဆိုင်းလာနေပြီး ကုလသမဂ္ဂအရေးယူမှုများကလည်း မြောက်ကိုရီးယား ဒုံးကျည်နှင့် လက်နက်များရောင်းချမှုကို ခက်ခဲလာစေပါသည်။ လာမည့်လများတွင် ကင်ဂျုံအန်အနေဖြင့် တရုတ်ခေါင်းဆောင်သစ်များထံမှ အကူအညီများ တိုးချဲ့ပေးမှုကို ရရှိဖွယ်ရှိနေပါသည်။ တောက်ကိုရီးယားသမ္မတသစ်ကလည်း နျူကလီးယားဖျက်သိမ်းရေးအတွက် မဟာဗျူဟာကျသော အခြားနည်းလမ်း တစ်ရပ်အဖြစ် မြောက်ကိုရီးယားကို ထောက်ပံ့ကူညီပြီး စမ်းသပ်ဖွယ်ရှိပါသည်။ ကုလသမဂ္ဂနှင့် မဟာဗျူဟာကျသောနားလည်မှု ကြိုတင်မရှိပဲနှင့် မြောက်ကိုရီးယားအနေဖြင့် စီးပွားရေးပြုပြင်ပြောင်းလဲမှုနှင့် နျူကလီးယားဖျက်သိမ်းရေးကို လုပ်ဆောင်လိမ့်မည် မဟုတ်ပေ။ အမေရိကန်၏ ရန်သူမူဝါဒကို မဖယ်ရှားပဲ နျူကလီးယားဖျက်သိမ်းရေးကို လုပ်ဆောင်လိမ့်မည်မဟုတ်ပေ။

သမ္မတ Obama သည် ၂၀၀၉ ခုနှစ်က ၎င်း၏ပထမဆုံးသမ္မတအဖြစ်လက်ခံစဉ် မိန့်ခွန်းတွင် လက်သီးဆုပ် ဖြေလျော့ရန်လိုလားပါက လက်ကမ်းပေးရန်ကတိပြုကြောင်း ပြောကြားခဲ့ပါသည်။ ကင်ဂျုံအီသည် အဆိုပါမိန့်ခွန်းကို တုန့်ပြန်သည့်အနေဖြင့် ၂၀၀၉ ဧပြီလတွင် ဒုံးကျည် စမ်းသပ်မှုများနှင့် နျူကလီးယားစမ်းသပ်မှုများ ပြုလုပ်ခဲ့ပါသည်။ ယခုသမ္မတ Obama ၏ဒုတိယသက်တမ်းတွင် မြောက်ကိုရီးယားသည် ကင်ဂျုံအီ လက်အောက်၌ အမေရိကန်၏လက်ကမ်းပေးမှုကို ပိုမို၍ အပြုသဘောဆောင်သောတုန့်ပြန်မှုများ ရှိလာလေမလားဟု မျှော်လင့်ကြပါစို့။

                        ************************************************************************************************

 

                     


Google Drive: create, share, and keep all your stuff in one place. Logo for Google Drive

yangonchronicle2011
Document yangonchronicle2011

Snapshot of the item below:
yangonchronicle2011

၂၁.၁၁.၂၀၁၂

ပြည်တွင်းသတင်း

  1. FDI အတွက် ပြည်တွင်း ကုန်သည်များနှင့် ကမ္ဘာ့အသိဉာဏ်ပစ္စည်းမူပိုင်ခွင့်အဖွဲ့တို့ ပူးပေါင်းဆောင်ရွက်မည်
  2. မြန်မာအလုပ်သမားများအတွက် ပြည်ပ၌သံအရာရှိခန့်အပ်မည်

နိုင်ငံရေးသတင်း

  1. KIA နှင့်တပ်မတော် နှစ်ဖက်စစ်အင်အားတိုးချဲ့
  2. ယာယီစာနယ်ဇင်းကောင်စီမှရေးဆွဲမည့် ပုံနှိပ်မီဒီယာဥပဒေကြမ်းပြီးစီးပါက ပြန်ကြားရေးဌာနသို့ပေးပို့ပြင်ဆင်မည်

သတင်းနှင့် ဆောင်းပါးများမှ ကောက်နှုတ်ချက်များ

  ********************************************************************************************

ပြည်တွင်းသတင်း

FDI အတွက် ပြည်တွင်း ကုန်သည်များနှင့် ကမ္ဘာ့အသိဉာဏ်ပစ္စည်းမူပိုင်ခွင့်အဖွဲ့တို့ ပူးပေါင်းဆောင်ရွက်မည်

မြန်မာနိုင်ငံတွင်းသို့  နိုင်ငံခြားရင်းနှီးမြှုပ်နှံမှု(FDI)များ ဝင်ရောက်လာပါက ၎င်းလုပ်ငန်းရှင်များ၏ ထုတ်လုပ်မှုအပေါ် ယုံကြည်မှုရှိနိုင်စေရန် ပြည်တွင်းရှိ ကုန်သည်များနှင့် ကမ္ဘာ့အသိဉာဏ်မူပိုင်ခွင့်အဖွဲ့တို့ ပူးပေါင်းဆောင်ရွက်သွားမည်ဖြစ်ကြောင်း သိရသည်။

ထိုသို့ ပူးပေါင်းဆောင်ရွက်မှုများပြုလုပ်နိုင်ရန် ဆွယ်ဇာလန်နိုင်ငံ၊ ဂျီနီဗာမြို့အခြေစိုက် ကမ္ဘာ့အသိဉာဏ်ပစ္စည်းမူပိုင်ခွင့်အဖွဲ့နှင့် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဥက္ကဋ္ဌ ဦးဝင်းအောင်တို့သည် နိုဝင်ဘာလ ၁၄ ရက်နေ့တွင် သဘောတူလက်မှတ်ရေးထိုး ခဲ့သည်။

နိုင်ငံခြားရင်းနှီးမြှုပ်နှံသူများ၏ ကိုယ်ပိုင်ဉာဏထုတ်လုပ်မှုအပေါ် မူပိုင်ခွင့်ဆိုင်ရာအာမခံချက်ပေးသည့် အဖွဲ့စည်းများသည် နိုင်ငံတကာတွင် ရှိနေပြီးဖြစ်သည့်အတွက် မြန်မာနိုင်ငံတွင်လည်း နိုင်ငံခြားရင်းနှီးမြှုပ်နှံမှုများအပေါ် အာမခံချက်ပေးနိုင်ရန် ယခုကဲ့သို့ ပူးပေါင်းဆောင်ရွက်ခြင်းဖြစ်ကြောင်း သိရသည်။

ယင်းအဖွဲ့အစည်းမှ မြန်မာနိုင်ငံအတွင်းရှိ စီးပွားရေးလုပ်ငန်းဆိုင်ရာများတွင် တီထွင်မှုနှင့်ပတ်သက်၍ မိမိပူပိုင်တံဆိပ်(Band)များ၊ ဒီဇိုင်း ရေးဆွဲခြင်းများတွင် ကိုယ်ပိုင် အကျိုးအမြတ်ရရှိနိုင်စေရန် ကာကွယ်ပေးသွားမည်ဖြစ်ကြောင်း သိရသည်။ ထိုသို့ကာကွယ်ပေးခြင်းဖြင့် ပြည်တွင်းရှိ စားသုံးသူများအတွက်ပါ အကျိုးအမြတ်ဖြစ်ထွန်းစေနိုင်မည်ဖြစ်ကြောင်း သိရသည်။

ပြည်ထောင်စုလွှတ်တော်မှ နိုင်ငံခြားရင်းနှီးမြှုပ်နှံမှုဥပဒေကို နိုဝင်ဘာလ ၂ ရက်နေ့တွင် ပြဋ္ဌာန်းခဲ့သည်။

YC

                                         ******************************************************************

မြန်မာအလုပ်သမားများအတွက် ပြည်ပ၌သံအရာရှိခန့်အပ်မည်

ပြည်ပနိုင်ငံရောက် မြန်မာအလုပ်သမားများ၏ အခွင့်အရေးဆိုင်ရာ ကိစ္စရပ်များနှင့် အခက်အခဲများကို ဖြေရှင်းပေးနိုင်ရေးအတွက် ပြည်တွင်း နိုင်ငံသားအလုပ်သမား အများစုရှိရာ ထိုင်း၊ ကိုရီးယားနှင့် အခြားနိုင်ငံများတွင် မြန်မာသံအရာရှိများ ခန့်အပ်သွားမည်ဖြစ်ကြောင်း အလုပ်သမား ဝန်ကြီးဌာနမှ တာဝန်ရှိသူတစ်ဦးက ပြောကြားသည်။

လက်ရှိအချိန်တွင် အလုပ်သမားဝန်ကြီးဌာနမှ ပြည်ပနိုင်ငံသို့ သွားရောက်အလုပ်လုပ်ကိုင်နေကြသည့် မြန်မာအလုပ်သမားများအတွက် အလုပ်သမားအကျိုးခံစားခွင့်ရရှိရေးနှင့် အလုပ်သမားအခွင့်အရေး ကာကွယ်စောင့်ရှောက်ရေးတို့အတွက် စနစ်တကျစီမံဆောင်ရွက်နိုင်ရန် Oversea Employment Law ကို နိုင်ငံတကာစံနှုန်းနှင့်အညီ ပြင်ဆင်ရေးဆွဲလျက်ရှိကြောင်း သိရသည်။

ထိုင်းနိုင်ငံသို့ အလုပ်သွားရောက်လုပ်ကိုင်နိုင်သည့် မြန်မာလုပ်သားဦးရေ သောင်းဂဏန်းခန့်မှာ အကြောင်းပြချက်မရှိ အကျဉ်းကျခံနေရလျက် ရှိကြောင်းသိရသည်။ ထိုသို့အကျဉ်းကျခံနေရသူများအနက် အချို့မှာ သက်ဆိုင်ရာအစိုးရထံသို့ အကြောင်းကြား ပြောဆိုခြင်းမရှိသည့်အတွက် မြန်မာ အလုပ်သမားဝန်ကြီးဌာနအနေဖြင့် လိုက်လံကူညီရန်ခက်ခဲလျက်ရှိကြောင်း သိရသည်။

ထိုင်းနိုင်ငံရှိ မြန်မာအလုပ်သမားသောင်းဂဏန်းခန့် အကျဉ်းကျခံနေရခြင်းမှာ ကိုယ်တိုင်ပြစ်မှုကျူးလွန်ခြင်း၊ နေထိုင်ခွင့်သက်တမ်း ကျော်လွန်နေထိုင်ခြင်းနှင့် အလုပ်ရှင်နှင့် ပြေလည်မှုမရှိခြင်းတို့ကြောင့် ဖြစ်နိုင်ကြောင်း ပြည်ပအလုပ်အကိုင်ရှာဖွေရေးအေဂျင်စီ တစ်ခုက ပြောကြား သည်။

YC

*********************************************************************************************

နိုင်ငံရေးသတင်း

KIA နှင့်တပ်မတော် နှစ်ဖက်စစ်အင်အားတိုးချဲ့

လက်ရှိအချိန်တွင် ကချင်ပြည်နယ်၊ ဖားကန့်မြို့၌ KIA နှင့် အစိုးရတပ်တော် နှစ်ဖက်စလုံးမှ တိုက်ပွဲဖြစ်ပွားနေရာနေရာများသို့ စစ်ယာဉ်တန်းများ ဖြင့် လက်နက်၊ ခဲယမ်း၊ ရိက္ခာများပို့ဆောင်၍ စစ်အင်အားကို တိုးချဲ့လျက်ရှိကြောင်း သိရသည်။

ထိုသို့ နှစ်ဖက်စစ်အင်အားတိုးချဲ့မှုများကြောင့် ဒေသခံတိုင်းရင်းသားတို့မှာ တိုက်ပွဲများဆက်လက်ဖြစ်ပွားမည်ကို စိုးရိမ်လျက်ရှိသည်။

ပြီးခဲ့သည့် သြဂုတ်လနှောင်းပိုင်းတွင် တပ်မတော်နှင့် KIA တို့၏ တိုက်ပွဲဖြစ်ပွားမှု အတန်ငယ်ငြိမ်သက်သွားခဲ့သော်လည်း အောက်တိုဘာလ ကုန်ပိုင်းမှစတင်၍ တစ်ဖက်နှင့်တစ်ဖက် လက်နက်ကြီးများဖြင့် ပတ်ခတ်သည်အထိ တိုက်ပွဲအရှိန် ပြန်လည်မြင့်တက်ခဲ့ကြောင်း သိရသည်။ ထိုသို့ တိုက်ပွဲအရှိန် မြင့်တက်လာသည်နှင့်အမျှ ဒုက္ခသည်စခန်းများတွင်လည်း ဒုက္ခသည်ဦးရေ ထပ်မံတိုးပွားလာခဲ့ကြောင်း သိရသည်။

ပြည်ထောင်စုငြိမ်းချမ်းရေးဖော်ဆောင်ရေးအဖွဲ့နှင့် KIA ငြိမ်းချမ်းရေးကိုယ်စားလှယ်အဖွဲ့တို့သည် အောက်တိုဘာလ ၃၀ ရက်နေ့တွင် တရုတ်နိုင်ငံ ရွှေလီမြို့၌ ငြိမ်းချမ်းရေးတွေ့ဆုံဆွေးနွေးမှုများကို ပြုလုပ်ခဲ့ပြီးနောက်ပိုင်း တိုက်ပွဲပေါင်း ၄၀ ကျော် ထပ်မံဖြစ်ပွားခဲ့ကြောင်း သိရသည်။

လက်ရှိအချိန်တွင် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့နှင့် ပြည်တွင်းလက်နက်ကိုင် တိုင်းရင်းသားအဖွဲ့(၁၁)ဖွဲ့အနက် (၁၀)ဖွဲ့နှင့် ငြိမ်းချမ်းရေးသဘောတူညီမှုများ ရရှိခဲ့သည်။

YC              

 ********************************************************************************************

ယာယီစာနယ်ဇင်းကောင်စီမှရေးဆွဲမည့် ပုံနှိပ်မီဒီယာဥပဒေကြမ်းပြီးစီးပါက ပြန်ကြားရေးဌာနသို့ပေးပို့ပြင်ဆင်မည်

လက်ရှိ ယာယီစာနယ်ဇင်းကောင်စီမှ ၂၀၁၂ နှစ်ကုန်ပိုင်းတွင် အပြီးသတ်ရေးဆွဲနိုင်ရန် စီစဉ်ဆောင်ရွက်လျက်ရှိသည့် ပုံနှိပ်မီဒီယာဥပဒေကြမ်း ပြီးစီးသွားပါက ပြန်ကြားရေးဝန်ကြီးဌာနသို့ပေးပို့၍ ပြန်ကြားရေးဝန်ကြီးဌာနမှ ရေးဆွဲထားသည့် ဥပဒေကြမ်းနှင့်ပေါင်းကာ ပြင်ဆင်သင့်သည့် အချက်များကိုပြင်ဆင်၍ လွှတ်တော်သို့ပေးပို့ တင်ပြသွားမည်ဖြစ်ကြောင်း သိရသည်။

လွှတ်တော်မှအတည်ပြု၍ မြန်Ɯ