Transparency Myanmar

transparency.myanmar@gmail.com

yangonchronicle2011 Op-Ed
Document yangonchronicle2011 Op-Ed

Snapshot of the item below:
yangonchronicle2011 Op-Ed

၁၈.၁၁.၂၀၁၂

ဆောင်းပါးကဏ္ဍ

  1. အမေရိက သံယောဇဉ်ဟောင်းနှင့် အိုဘားမား၏ မြန်မာနိုင်ငံခရီး

*****************************************

ဆောင်းပါးကဏ္ဍ

အမေရိက သံယောဇဉ်ဟောင်းနှင့် အိုဘားမား၏ မြန်မာနိုင်ငံခရီး

၁၉၇၀ ပြည့်လွန်နှစ်များအတွင်း မြန်မာလူငယ်ထုအတွင်း ခေတ်စားလာသည့် ယဉ်ကျေးမှုများကား Heavy Metal ၊ သူ့အရင်က ရောခ့်အင်ရိုးနှင့် ကန်းထရီးတို့က ဗမာရေအတော်လည်နေပြီ။ မကြာမီကာလများ၌ ပန်ခ့်က မွေးစားသားဖြစ်လာသည်။ Gun and Rose နှင့် ဘွန်ဂျိုဗွီ ဒီဇိုင်းတွေ၊ ရောခ့်စတီးဝပ်ကြီးလည်းမကျန်၊ ဂျိမ်းစဘွန်းနှင့်ရမ်ဘိုကားများကလည်း လူကြီးလူငယ်တွေအကြိုက်။ Top Gun ရုပ်ရှင်ထွက်တော့ ဆောင်းတွင်းပင် မရောက်သေး အဲဖိုစ့်ဂျာကင်ကြီးတွေမှာ အမေရိကန်အလံတွေ တပ်ပြီးဝတ်ဆင်ကြပါရောလား။

အမေရိကယဉ်ကျေးမှုကား မြန်မာတွေအတွက်ပြုံးပြုံးကြီးနှင့် မုန်းချင်စရာကြီးပြောရသည့် ချစ်သူမျိုး။ မျက်နှာဖြူဆန့်ကျင်ရေးကို ရိုက်သွင်း ခံခဲ့ရသည့် မျိုးဆက်နှစ်ဆက်မျှ ဖြတ်ကျော်ခဲ့ရငြား အမေရိက၏စန်းပွင့်မှုကိုတော့ လူငယ်တွေခမျာ ကြာကြာမုန်း၍မရနိုင်ခဲ့။ နောက်ပိုင်းမှာ Levis 501 တွေ ခေတ်စားလာခဲ့ပြီး စကိုင်းဘလူး၊ ဒါခ့်ဘလူး၊ အနက် လူငယ်တိုင်းတွင် ဂျင်းဘောင်းဘီအနည်းဆုံးသုံးထည်ရှိမှ ခေတ်မီသည်ဟု ခံစားရသည့် ဖီလင်မျိုး။ သည့်အရင်ကလည်း ပရက်စလေကြီး၏ ခေါင်းလောင်းဘောင်ဘီတွေကို မြတ်နိုးစွာ ဝတ်ဆင်ခဲ့ကြသည်ပဲ။

ဆိုရလျှင် အမေရိကသည် မြန်မာပြည်သူတွေနှင့် အလှမ်းဝေးသည့်တိုင် နှလုံးသားချင်းဝေးသည့်နေရာတော့ မဟုတ်။ ဒါကလည်း ဂလိုဘယ် လိုက်ဇေးရှင်းကြီး မြန်မာပြည်အဝင်နောက်ကျသည်ဟု ဆိုရသည့်တိုင် အမေရိကန်ယဉ်ကျေးမှုအချို့က စောစီးစွာရောက်နှင့်ပြီးဖြစ်ကြောင်း ပြသနေ သလိုပင်။ တံခါးပိတ်ဝါဒနောက်ပိုင်း၊ အာဏာသိမ်းမှုများအပြီး ပိတ်ဆို့အရေးယူမှုများကြောင့် သံတမန်ဆက်ဆံရေးအေးခဲသွားသည့် နောက်ပိုင်းတွင်ပင် လျှင် အမေရိက၏ပေါ်ပြူလာဖြစ်မှုက မြန်မာ့လူ့အဖွဲ့အစည်းအတွင်း စန်းကျသွားသည်ဟူ၍တော့ မရှိခဲ့။ တရုတ်ကားတွေ၊ ကိုရီးယားကားတွေ ဆက်တိုက်ထုတ်လွှင့်နေသည့်တိုင် လမ်းဘေးကခွေဆိုင်တွေမှာတော့ ဟောလိဝုဒ်ရုပ်ရှင်ကားများကသာ ရှယ်ယာအများဆုံးရနေသေးသည် မဟုတ် လော။

၂၀၀၈ ခုနှစ်မှာတော့ အမေရိက၏ မဟာသမ္မတမင်းတပါး တက်လာသည်။ ယခင့် ယခင် တုန်းက အမေရိကန်သမ္မတရွေးကောက်ပွဲများသည် မြန်မာ့လူ့အဖွဲ့အစည်းအတွင်း လူပြောသူပြောများသည့် အရာတစ်ခုသာဖြစ်ခဲ့သော်လည်း သူတက်လာသည့်အခါမှာတော့ မြန်မာ့လူ့အဖွဲ့အစည်းကို ရိုက်ခတ်မှု အတော်အတန်ရှိခဲ့သည်။ သူ့အမည်ကား အိုဘားမား။ အစွဲကြီးသော ရွှေမြန်မာများက ဘားမားဆိုသည်နှင့် မေတ္တာရှိနှင့်ပြီးဖြစ်တော့သည်။

ထို့ထက်ထူးခြားသည်ကား ကိုရွှေမြန်မာတို့၏ ချစ်စရာကောင်းသည့် ဓလေ့တစ်ခုဖြစ်သော အားနည်းသူဘက်က ရပ်တည်မည်ဆိုသည့် ခံယူချက်။ အိုဘားမားကား လူမည်းသမ္မတဖြစ်သည်။ လူမည်းတွေ အနှိမ်ခံ၊ အဖိနှိပ်ခံရသည့် ဇာတ်လမ်းတွေနှင့် သမ္မတကြီးအေဗရာဟမ်လင်ကွန်း အကြောင်း နောကျေအောင်ဖတ်ခဲ့ရသော မြန်မာတွေက လူမည်းသမ္မတဘက်ကရပ်တည်ရန် သံဓိဌာန်ချပြီးဖြစ်တော့သည်။ မြန်မာပြည်အရေးကို ပြတ်ပြတ်သားသားကိုင်တွယ်မည်ဟု ကြုံးဝါးပြောဆိုသည့် ပြိုင်ဘက်ဂျွန်မက်ကိန်းကြီးအား စစ်ဗိုလ်ချုပ်တွေကိုဆက်ဒက်ဟူစိန်လမ်းပို့လိုသည့် ရဲရဲတောက် နိုင်ငံရေးသမားအချို့ကသာထောက်ခံပြီး သာမန်ပြည်သူတွေကတော့ အိုဘားမားမှ အိုဘားမား။ ဘာမှ လုပ်မပေးလည်း အိုးဘားမားပဲ။

‘အဲ့သလောက်တောင်ချစ်ရသည်’ဟု ဆိုရမလို။ ထိုအချိန်က ကိုယ့်နိုင်ငံမှာလည်း ရွေးကောက်ပွဲမရှိ၊ ဖေ့စ်ဘုတ်ကိုလည်း ယခုလို အကျွမ်းတဝင် မဖြစ်သေး။ မဟုတ်လို့က မြန်မာတွေပေးသည့် like နှင့်ပင် အိုဘားမားကြီး အပြတ်အသတ်နာမည်ကြီးဦးမည်။ ယခုတကြိမ် ပြန်လည် ရွေးကောက်ခံ သည့်ပွဲ၌ ရွန်မနေ၏ ဖေ့စ်ဘုတ်နှင့် အိုဘားမား၏ ဖေ့စ်ဘုတ်တွင် မြန်မ ပြည်သူများ၏ Like နှင့် Share ကို ယှဉ်ကြည့်ပါက အိုဘားမားက အပြတ်အသတ်ပင် မဟုတ်ပါလော။

မေတ္တာဆိုသည်က အလျားအနံမရှိသော်လည်း အသွားအပြန်ရှိသည်ဆိုသည့်အတိုင်း မြန်မာပြည်သူများ၏မေတ္တာကို အိုဘားမားကြီးက ရောင်ပြန်ဟပ်နိုင်ရန်ကြိုးစား၏။ လေမန်ဘရားသားစ် ပြိုလဲမှု၊ အာဖဂန်မှ တပ်ဆုတ်ခွာရေး၊ စီးပွားရေးပြန်လည်ဦးမော့လာရေး စသည်ဖြင့်  ဘုရ်ှကြီး၏ ဆိုးမွေတွေနှင့် အရှုပ်ထုပ်တွေကြောင့် ပထမ နှစ်နှစ်အတွင်း မြန်မာပြည်ဘက်သို့ လှည့်မကြည့်နိုင်သော်ငြား မြန်မာ့ရွေးကောက်ပွဲအပြီးတွင်တော့ မြန်မာပြည်နှင့် ထိတွေ့ဆက်ဆံရန် ရဲရဲကြီးဆုံးဖြတ်လိုက်တော့သည်။ ရွေးကောက်ပွဲမတိုင်မီနှင့် ပြီးစကာလများအထိ အိုဘားမားကြီးခမျာ သူ့အစိုးရ အဖွဲ့တွင်းက သဘောထားတင်းမာသူများနှင့် လွှတ်တော်ထဲက ရီပတ်ဘလစ်ကန်များကြောင့် မြန်မာပြည်ဘက် ခြေဦးမလှည့်နိုင်ခဲ့။ သို့သော် သူလုပ်လို့ရ သည့် အခြေအနေရောက်လာတော့လည်း လက်မနှေးဘဲ လုပ်စရာရှိတာတွေကို သွက်သွက်လက်လက်လုပ်သည်။ ဒဲရက်မစ်ချယ်ကို မြန်မာနိုင်ငံဆိုင်ရာ အထူးကိုယ်စားလှယ်ခန့်အပ်ပြီး မြန်မာနိုင်ငံနှင့် စတင်ထိတွေ့ရန်ကြိုးစားသည်။ များမကြာမီ နှစ်ပေါင်းငါးဆယ်အတွင်း အမေရိက၏ အဆင့်အမြင့်ဆုံး အရာရှိခရီးစဉ်အဖြစ် ဟီလာရီကလင်တန်ကို စေလွှတ်လိုက်သည်။ ထို့နောက် ဆက်တိုက်ဆိုသလိုပင် အမေရိကန်အဆင့်မြင့် အရာရှိတွေ စေလွှတ်ပါ၏။

တချိန်က ဆင်ဖမ်းမယ်၊ ကျားဖမ်းမယ် ကြုံးဝါးခဲ့သည့် မက်ကိန်းကြီးလည်း အပိုးကျိုးကျိုးဖြင့် ရောက်လာသေးသည်။ ဒဲရက်မစ်ချယ်ကိုလည်း မြန်မာနိုင်ငံဆိုင်ရာသံအမတ်အဖြစ် ခန့်အပ်လိုက်သည်။ မြန်မာခေါင်းဆောင်တွေ၏ ဒီမိုကရေစီအရေးကြိုးပမ်းမှုကို အခါအခွင့်သင့်တိုင်း ထုတ်ဖော် ချီးကျူး၏။

ထိုသို့ သံခင်းတမံခင်းများအပြီး စီးပွားရေးအရ ပိတ်ဆို့ရုပ်သိမ်းထားမှုတွေကိုလည်း တဆင့်ချင်းဖြေလျော့ ပေးလိုက်ပြန်သည်။ သို့နှင့်အမျှ အမေရိကန်ရင်းနှီးမြှုပ်နှံမှုတွေ တဆင့်ချင်းဝင်လာသည်။ မြန်မာဘက်က ရင်းနှီးမြှုပ်နှံမှု ဥပဒေ အပြီးသတ် ပြဌာန်းပြီးသည်နှင့် ရင်းနှီးမြှုပ်နှံမှုတွေ ဒလဟော ဝင်ရောက်လာနိုင်ဖွယ်ရှိပါ သည်။ ထိုမျှသာမကသေး……………

ယခုမူ သူကိုယ်တိုင် မြန်မာပြည်သို့ ရောက်လာခဲ့ချေပြီ။ အိုဘားမားဆိုသည်ကလည်း ခေသူမဟုတ်။ မြန်မာနိုင်ငံတွင် ပြောကြားမည့် မိန့်ခွန်းအတွက် ရန်ကုန်တက္ကသိုလ်ဘွဲ့နှင်းသဘင်ခန်းမကြီးကို ရွေးချယ်လိုက်ခြင်းက သူလည်းမြန်မာပြည်သူတွေနှင့် နှလုံးသားချင်း မဝေးကြောင်း အချက်ပြလိုက်ခြင်းပင်ဖြစ်တော့သည်။ ထိုနေရာကား ကျောင်းသားလှုပ်ရှားမှုတို့ထက်ကျော်လွန်သော မြန်မာ့ဒီမိုကရေစီလှုပ်ရှားမှုမွေးဖွားရာ ဘူမိနက်သန် နေရာကြီးတစ်ခု။ ဒီမိုကရေစီရမှ အမျှဝေပါဟု အသက်ပေးသွားကြသူတို့၏ ဝိဥာဉ်တွေကို အိုဘားမား၏ ဒီမိုကရေစီမိန့်ခွန်းဖြင့် ကောင်းရာ သုဂတိလားစေတော့မည်လား။ ကိုင်ရိုမိန့်ခွန်းဆိုတာ ရန်ကုန်တက္ကသိုလ်မိန့်ခွန်းနဲ့ယှဉ်ရင် သေးသေးလေးပါ ဟု မြန်မာ့ဒီမိုကရေစီအရေးက လက်မထောင်နိုင်တော့မည်လား။

ရပ်ကွက်ထဲတွင်ရော၊ ရုံးဌာနတွေမှာရော၊ လမ်းဘေးဈေးဆိုင်မကျန် အိုဘားမားကြီး ကြွချီလာတော့မည့် သတင်းတွေသာလွှမ်းမိုးနေ၏။ ယခုပွဲကား မြန်မာအစိုးရ တော်လွန်း၍ လိမ္မာလွန်း၍ လာရောက်ဆုချီးမြှင့်ခြင်းမျိုးထက် အမေရိကန်ကို သိသိသာသာရော၊ မသိမသာပါ ချစ်ခင်ရင်းစွဲ ရှိကြသော မြန်မာပြည်သူများထံသို့ ၎င်းတို့၏ ဟာဒယနှင့် အထိဆုံး၊ နှလုံးသားချင်း အနီးစပ်ဆုံး အမေရိကန်သမ္မတတစ်ဦး ပထမဆုံးလာရောက်၍ ရွှေလမ်းငွေလမ်းဖောက်သည့် ခရီးဖြစ်သည်။ စကြာဝတေးမင်းဟု တင်စားခံရသည့် အမေရိကန်သမ္မတရာထူး ရယူခဲ့သူများအနက် မြန်မာတွေ၏ ဟာဒယ ကို အညှို့ငင်နိုင်ဆုံးနှင့် နာမည်ကြားတည်းကနှလုံးသားချင်းနီးခဲ့သူ ယခုလည်း ရွှေမြန်မာတွေ အိုဘားမားကြီးကို မျက်နှာမြင် ချစ်ခင်ပါပေရဲ့ဟု ဝမ်းမြောက် ဝမ်းသာကြိုဆိုကြလိမ့်မည်။

*****************************************

 


Google Drive: create, share, and keep all your stuff in one place. Logo for Google Drive

yangonchronicle 2011- (1)
Document yangonchronicle 2011- (1)

Snapshot of the item below:
yangonchronicle 2011- (1)

 

၁၈.၁၁.၂၀၁၂

ဘာသာပြန်သတင်းများ

  1. စစ်အစိုးရ၏ သစ္စာရှိပုဂ္ဂိုလ်မှ အတွေးအခေါ်လုံးဝပြောင်းသွားသော ပြုပြင်ရေးသမားဖြစ်လာသည့် ဦးသိန်းစိန်

(15 Nov 2012 ရက်စွဲပါ Reuters မှ Andrew R.C Marchall နှင့် Martin Petty တို့ရေးသော “Myanmar’s Thein Sein, junta henchman to radical reformer” ကိုဘာသာပြန်သည်)

  1. ကွန်ဆာဗေးတစ်ခေါင်းဆောင်သစ်များ တရုတ်ကွန်မြူနစ်ပါတီရွေးချယ်

(Reuters သတင်းဌာနမှ 15 Nov 2012 ရက်စွဲပါ China names conservative, older leadership ကိုဘာသာပြန်ဆိုသည်)

***********************************************

ဘာသာပြန်သတင်းများ

စစ်အစိုးရ၏ သစ္စာရှိပုဂ္ဂိုလ်မှ အတွေးအခေါ်လုံးဝပြောင်းသွားသော ပြုပြင်ရေးသမားဖြစ်လာသည့် ဦးသိန်းစိန်

(15 Nov 2012 ရက်စွဲပါ Reuters မှ Andrew R.C Marchall နှင့် Martin Petty တို့ရေးသော “Myanmar’s Thein Sein, junta henchman to radical reformer” ကိုဘာသာပြန်သည်)

သမ္မတ Barack Obama သည် တနလာင်္နေ့တွင်မြန်မာနိုင်ငံသို့ ပထမဆုံးခရီးစဉ် အဖြစ်ဦးသိန်းစိန် နှင့်တွေ့ဆုံမည် ဖြစ်ပါသည်။

ဦသိန်းစိန်သည် အာဏာရှင်၏သစ္စာရှိပုဂ္ဂိုလ်တစ်ဦးဖြစ်ပြီး၊ နိုဘယ်ငြိမ်းချမ်းရေးဆု ပေးရန်ပင်စဉ်းစားခြင်းခံရသူတစ်ဦးဖြစ်ပါသည်။ ၎င်းသည် အမေရိကန်ဆန့်ကျင်ရေးစိတ်ဓါတ်ပြင်းထန်သည့် စစ်အစိုးရလက်ထက်တွင် အာဏာစတင်ထူထောင်လာသူတစ်ဦးဖြစ်ပြီး၊ ယခုအခါ အမေရိကန် ပြည်ထောင်စုနှင့် ဆက်ဆံရေးပိုမိုကောင်းမွန်အောင် ကြိုးပမ်းလာသူတစ်ဦးလည်း ဖြစ်ပါသည်။

၎င်းသည်ဆယ်စုနှစ်ငါးစုခန့် အာဏာရှင်စနစ်အောက်မှ မြန်မာနိုင်ငံကို ပိုမိုပွင့်လင်းသောခေတ်သစ်ဆီသို့ ဦးဆောင်လာသောကြောင့် ၎င်း၏ အတိတ်မှာ ဝေဝါးဝါးကျန်ခဲ့ပြီ ဖြစ်ပါသည်။

ဦးသိန်းစိန်၏ အမည်ခံအရပ်သားအစိုးရအာဏာရလာစဉ်က ဒီမိုကရေစီဘန်းတင်၍ အာဏာရှိသော စစ်တပ်ကသာ နောက်ကွယ်မှ ကြိုးကိုင် နေဆဲဖြစ်သောကြောင့် ဦးသိန်းစိန်အား ထည့်မတွက်ခဲ့ကြပေ။ အနည်းငယ်ကသာ ရှေ့ဆက်ဘာတွေဖြစ်မည်ကို ခန့်မှန်းနိုင်ခဲ့ပါသည်။

ဦးသိန်းစိန်သည် လူဦးရေသန်း ၆၀ ရှိသော ဆင်းရဲသည့်မြန်မာနိုင်ငံကို အသွင်ကူးပြောင်းရန် ရည်မှန်းချက် ကြီးမားသောနိုင်ငံရေးနှင့် စီးပွားရေး ပြုပြင်ပြောင်းလဲမှုများကိုချမှတ်ခဲ့ပါသည်။

၎င်းသည်နိုင်ငံရေးအကျဉ်းသားများကို လွှတ်ပေးခဲ့သည်။ ဆင်ဆာများရုတ်သိမ်းပေးခဲ့သည်။ အလုပ်သမားသမဂ္ဂနှင့် ဆန္ဒပြမှုများကို ဥပဒေဖြင့် ခွင့်ပြုခဲ့သည်။ တိုင်းရင်းသားအုပ်စုများနှင့် ငြိမ်းချမ်းရေး ရရန်ကြိုးပမ်းခဲ့သည်။ မြေယာပြုပြင်ပြောင်းလဲရေးမှသည် နိုင်ငံခြားရင်းနှီးမြှုပ်နှံမှုများကို ဥပဒေပြု နိုင်ခဲ့သည်။

စစ်တပ်အာဏာကိုသာပြလိုသော သဘောထားတင်းမာသူများနှင့်ယှဉ်လျှင် ဦးသိန်းစိန်၏အဂတိလိုက်စားမှုကင်းသောပုံရိပ်ကို ကမ္ဘာ့ ခေါင်းဆောင်များ၊ စီးပွားရေးပညာရှင်များ နှင့် ဒေါ်အောင်ဆန်းစုကြည် တို့ကချီးကျူးကြပါသည်။

နှစ်ပါင်းများစွာ စစ်အစိုးရ၏အကြီးဆုံးရန်သူဖြစ်ခဲ့သူဒေါ်အောင်ဆန်းစုကြည်မှာ ၂၀၁၀ နိုဝင်ဘာရွေးကောက်ပွဲအပြီး တစ်ပတ်အကြာတွင် လွတ်မြောက်လာပါသည်။ ကိုးလအကြာတွင် သူသည် ဦးသိ်းစိန်အားတွေ့ဆုံခဲ့ရာ အရေးပါသော အသိအမှတ်ပြုမှု ဖြစ်ခဲ့ပြီး ဦးသိန်းစိန်သည် မြန်မာနိုင်ငံကို ပြုပြင်ပြောင်းလဲရေး နှင့်ပတ်သက်၍ ရိုးသားသူဖြစ်ကြောင်း ကြေညာခဲ့ပါသည်။

၎င်းသည်ပြုပြင်ပြောင်းလဲရေးအတွက် စိတ်အားထက်သန်စွာ လုံ့လစိုက်ထုတ်မှုကြောင့် ပြည်တွင်းတွင် လူကြိုက်များမှုနှုန်း မြင့်တက်လာခဲ့ပါသည်။ ၎င်းသည် အောက်တိုဘာလက နိုဘယ်ငြိမ်းချမ်းရေးဆုအတွက်ပင် ကျယ်ကျယ်ပြန့်ပြန့် တစ်ပေးခြင်းခံရပါသည်။

စကားငြင်သာစွာပြောတက်သော ဦးသိန်းစိန်အား အကြိမ်များစွာတွေ့ဖူးသော အနောက်နိုင်ငံသံတမန်တစ်ဦးက မကြီးကျယ်သော၊ အားအင် ရှိသော၊ ကတိတည်သောသူအဖြစ် ဖော်ပြခဲ့ပါသည်။

“သူ့ကို သမ္မတမဖြစ်မီက သိတဲ့သူတွေကတော့ မြန်မာပြည်သူတွေဆင်းရဲနေတာကို အစကတည်းက သိပြီးခံစားနေရတယ်လို့ ဆိုပါတယ်။ ဒေသတွင်းမှ အခြားနိုင်ငံတွေ တိုးတက်နေတာတွေ့နေရလို့ ပြောင်းလဲမှုလိုတယ်လို့ သိထားခဲ့တယ်” ဟု ၎င်းကပြောပါသည်။

ဦးသိန်းစိန်အားဝန်ကြီးချုပ်ဘဝကပင်သိခဲ့သူ ကုလသမဂ္ဂအထွေထွေအတွင်းရေးမှူးချုပ်ဘန်ကီမွန်းကလည်း အထက်ပါမှတ်ချက်အတိုင်းပင် ဆိုခဲ့ပါသည်။

“သူဟာ မြန်မာနိုင်ငံအပေါ် နိုင်ငံတကာကအမြင်နဲ့ နိုင်ငံရဲ့ပုံရိပ်ရဲ့ အခြေအနေမှန်ကို ကြားထား၊ သိထားပါတယ်” ဟု ဘန်ကီမွန်းက ပြီးခဲ့သည့် မေလ မြန်မာနိုင်ငံသို့လာရောက်စဉ်က သတင်းစာဆရာများအား ပြောခဲ့ပါသည်။

“သူသမ္မတဖြစ်လာလာချင်းပဲ သူ့တိုင်းပြည်ပိုမိုကြီးပွားကောင်းမွန်လာရေးအတွက် လူတစ်ဦးရဲ့ သိက္ခာကိုလေးစားရမယ်ဆိုတဲ့ ကိုယ်ပိုင်အမြင်တွေ ရှိခဲ့ပါတယ်” ဟု ၎င်းကပြောပါသည်။

သို့သော် ၁၉ နှစ်အကြာတိုင်းပြည်ကိုနှိပ်စက်ခဲ့သည့် အာဏာရှင်ဟောင်းဦးသန်းရွှေအပေါ် သစ္စာရှိသောဝန်ထမ်းတစ်ဦးဖြစ်နေခြင်းသည် ဦးသိန်းစိန်၏ ပုံရိပ်ကိုထိခိုက်နေဆဲ ဖြစ်ပါသည်။

ယမန်နှစ်က ထိုင်းနိုင်ငံတွင်အခြေစိုက်သော ဧရာဝတီသတင်းဌာနက ဦးသိန်းစိန်သည် သန်းရွှေ၏ ရုပ်သေးရုပ်တစ်ရုပ်ဟု ဖော်ပြခဲ့ပါသည်။

၎င်းသည် အလွန်တရာငွေရှာရလွယ်သော မူးယစ်ဆေးဝါးထုတ်လုပ်ရာ ရွှေတြိဂံတိုင်းတွင် တိုင်းမှူးအဖြစ် လေးနှစ်တာဝန်ထမ်းဆောင်ခဲ့ သော်လည်း ၎င်း၏ပုံရိပ်ဟောင်း သန့်ရှင်းအောင် ထိန်းသိမ်းနိုင်ခဲ့ပါသည်။ ၎င်းနောက်ဆက်ခံသူတိုင်းမှူးများမှာ အာဏာအလွဲသုံးစားမှု၊ မှောင်ခိုမှုများဖြင့် အမည်မည်းစာရင်းဝင်ခဲ့ပါသည်။

၂၀၀၁ ခုနှစ်က ရွှေတြိဂံနယ်မြေတွင်တာဝန်ရှိသူများက ဦးသိန်းစိန်အား မိန့်ခွန်းပြောရာတွင် မူးယစ်ရာဇာအဖြစ် သံသယရှိသူနှစ်ဦးအား မိတ်ဆွေစစ်များအဖြစ် ညွှန်းဆိုခဲ့ကြောင်း သတင်းထောက် Bertil Linter ၏ အဆိုအရ သိရှိရပါသည်။

၎င်းတို့နှစ်ဦးမှာ အမေရိကန်မူးယစ်ဆေးဝါး ထိန်းချုပ်ရေးဌာနမှ ဖော်ပြသော အရှေ့တောင်အာရှ၏ ထိပ်တန်း ဟီရိုးအင်းနှင့် ပက်သာဖက်တမင်း ရောင်းဝယ်သူ ‘ဝ’ တပ်မတော်၏ခေါင်းဆောင်များ ဖြစ်ပါသည်။

အာဏာရှင်လက်ထက်တွင် ဒေသဆိုင်ရာတိုင်းမှူးများမှာ နောက်တစ်ဆင့်ရာထူးအတွက် အားယူသည့်နေရာများဖြစ်သည်။ ၂၀၀၃ ခုနှစ်တွင် ဦးသိန်းစိန်သည် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီတွင် အကြီးတန်းရာထူးပေးခြင်းကို ခံရပါသည်။ ထို့နောက် ဦးသန်းရွှေ၏ လျှို့ဝှက်သော အတွင်းစည်း၏တစ်စိတ်တစ်ပိုင်း ဖြစ်လာပါသည်။

၂၀၀၇ ခုနှစ်က အမေရိကန်သံရုံးကေဘယ်တွင် ဦးသိန်းစိန်အား “ကျွမ်းကျင်၍ပြည့်စုံသော အတွင်းလူ (Consummate insider)” အဖြစ်ဖော်ပြခဲ့ပါသည်။

ဘုန်းတော်ကြီးများဦးဆောင်သော ဒိမိုကရေစီဆန္ဒပြမှုများကို စစ်တပ်မှချေမှုန်းခြင်းကြောင့် နိုင်ငံတကာက ဝိုင်းအော်ခဲ့စဉ်က ၎င်းသည်ဝန်ကြီးချုပ် ဖြစ်ပါသည်။ စစ်တပ်၏ပါဝါနှင့် အခွင့်အရေးများကို ပိုမိုတောက်ပြောင်အောင်လုပ်ပေးသော ၂၀၀၈ ဖွဲ့စည်းပုံအခြခံဥပဒေကို ရေးဆွဲစဉ်ကလည်း ၎င်းသည် ဥက္ကဋ္ဌဖြစ်ခဲ့ပါသည်။ အဆိုပါ အခြေခံဥပဒေကို ထိုစဉ်ကအိမ်ဖြူတော်မှ စစ်မှန်မှုမရှိကြောင်း ပြောဆိုခဲ့ပါသည်။

အဆိုပါ ညီလာခံကို ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်ကလည်း လွန်ခဲ့သော ၁၅ နှစ်က သပိတ်မှောက်ခဲ့ပါသည်။ “တစ်ရက်တည်းနဲ့အားလုံးပြီးအောင် မလုပ်နိုင်ပါဘူး။ ကောင်းတယ်လို့မြင်အောင်လုပ်ဖို့ လိုအပ်ချက်တွေရှိနေပါသေးတယ်” ဟု ဦးသိန်းစိန်က ၂၀၀၇ ခုနှစ်တွင်ပြောခဲ့ ကြောင်း ထိုင်းနိုင်ငံအခြေစိုက် ရှမ်းသံတော်ဆင့်တွင် ဖော်ပြထားချက်အရ သိရှိရပါသည်။

ထို့နောက် ၂၀၀၈ ခုနှစ် ဆိုက်ကလုံးနာဂစ်တိုက်ခတ်မှုကြောင့် ပျက်စီးမှုများ ထူထောင်ရေးတွင် ဦးသိန်းစိန်ကခေါင်းဆောင်ခဲ့ပါသည်။

စစ်အစိုးရသည် အစပထမတွင် နိုင်ငံတကာအေဂျင်စီများဝင်ရောက်ခြင်းကို  ငြင်းဆန်ခဲ့ပါသည်။ အစိုးရသည် ကယ်ဆယ်ရေးလုပ်ငန်းများ လုပ်ဆောင်ရာတွင် များစွာနှေးကွေးခဲ့ခြင်းကြောင့် နိုင်ငံတကာက အကူအညီများဝေငှရေး ဇွတ်အတင်းလုပ်ရန် ကြိုးစားခဲ့ကြပါသည်။

သို့သော် ဦးသိန်းစိန်က အားလုံးကြောက်နေရသော ဦးသန်းရွှေသို့ တိုက်ရိုက်အသနားခံတင်ပြခဲ့၍ နောက်ပိုင်းတွင်နိုင်ငံတကာအကူအညီပေးရေး လုပ်သားများ အန္တရာယ်ကြုံတွေ့ခဲ့ရသောနေရာများသို့ ဝင်ရောက်ခွင့်ရခဲ့သည်ဟု ၂၀၀၈ ခုနှစ်က အမေရိကန်သံတမန်ကြေးနန်းက ဆိုပါသည်။

ပျက်စီးသွားခဲ့သော ဒေသများတွင်ဦးသိန်းစိန် မွေးဖွားခဲ့သောကျေးရွာလည်း ပါဝင်ခဲ့ပါသည်။

ဦးသိန်းစိန်သည် ဦးသန်းရွှေ၏ ဝန်ကြီးချုပ်တစ်ဦးအနေဖြင့် ၂၀၀၉ ခုနှစ် ဆီနိတ်တာ Jim Webb မြန်မာနိုင်ငံလာရောက်စဉ်အတွင်း အမေရိကန်ပြည်ထောင်စုနှင့် ဆက်ဆံရေးကောင်းမွန်အောင် ကြိုးစားရာတွင် ဦးဆောင်ပါဝင်ခဲ့ပါသည်။ “ဗိုလ်ချုပ်တွေဟာ စိတ်ဝင်တစားရှိတယ်ဆိုတာ သံသယမရှိပါဘူး” ဟု ၂၀၀၉ ခုနှစ်က အမေရိကန်သံတမန်ကြေးနန်းတွင် ဆိုပါသည်။

ဦးသိန်းစိန်သည် သမ္မတဖြစ်လာသောအခါ ၎င်း၏စစ်အစိုးရလက်ထက်ကပုံစံနှင့် လုံးဝခြားနားသွားပါသည်။ စက်တင်ဘာလက နယူးယောက်ရှိကုလသမဂ္ဂ အထွေထွေညီလာခံတွင် ၎င်းမိန့်ခွန်းပြောစဉ်က ယခင်အစိုးရအား အာဏာရှင်အစိုးရအဖြစ် ညွှန်းဆိုခဲ့ပြီး မတ်လက လွှတ်တော်တွင် မိန့်ခွန်းပြောရာတွင် ‘မိမိတို့လူ့အဖွဲ့အစည်းအတွင်း အမြစ်တွယ်နေသော မကောင်းဆိုးဝါး အမွေဆိုးများကို မြေလှန်ပစ်ရန်လိုအပ်ကြောင်း’ ပြောဆိုခဲ့ပါသည်။

----------------------------------------------------------------------------------------------------------

ကွန်ဆာဗေးတစ်ခေါင်းဆောင်သစ်များ တရုတ်ကွန်မြူနစ်ပါတီရွေးချယ်

(Reuters သတင်းဌာနမှ 15 Nov 2012 ရက်စွဲပါ China names conservative, older leadership ကိုဘာသာပြန်ဆိုသည်)

တရုတ်နိုင်ငံ၏ အာဏာရပါတီကြီးဖြစ်သော ကွန်မြူနစ်ပါတီက ခေါင်းဆောင်သစ်များ ရွေးချယ်ထုတ်ဖော် လိုက်ရာတွင် အသက်အရွယ်ကြီးရင့်ပြီး ကွန်ဆာဗေးတစ်ဖြစ်သူများအား ရွေးချယ်ခြင်းဖြစ်ရာ လူမှုမတည်မငြိမ်မှု၊ သဘာဝပတ်ဝန်းကျင်ယိုယွင်းမှုနှင့် အဂတိလိုက်စားမှုအစရှိသည်တို့ကဲ့သို့သော တိုင်းပြည်တွင် အရေးတကြီးဖြေရှင်းရန်လိုအပ်နေသောအရေးကိစ္စများအား ထူးထူးခြားခြားဖြေရှင်းပေးလာနိုင်မည့် သဘောမျိုးမတွေ့ရပေ။ ကွန်မြူနစ်ပါတီ ၏အကြီးအကဲအဖြစ်မှာ ရှီကျန့်ဖျင်ဖြစ်ပြီး ဝန်ကြီးချုပ်အဖြစ်ရွေးချယ်ထားသူမှာ လီကေကင်းဖြစ်သည်။ စီးပွားရေးဆိုင်ရာအကြီးအကဲနှင့် ဒုတိယဝန်ကြီးချုပ် အဖြစ် ဝမ်ကီရှန်ကိုရွေးချယ်ထားသည်။ ရွေးချယ်မှုများအားလုံးကို ပေါလစ်ဗျူရို အလုပ်အမှုဆောင်ကော်မတီက ဆုံးဖြတ်ခြင်းဖြစ်ပြီး ၎င်းတို့အားလုံးမှာ ပြုပြင်ပြောင်းလဲမှုနှင့်ပတ်သက်၍ သတိကြီးစွာထားသူများဖြစ်သည်။ အခြားသောအဖွဲ့ဝင်လေးဦးမှာမူ ကွန်ဆာဗေးတစ်များအဖြစ် နာမည်ကောင်း ထွက်လျက်ရှိသည်။

"နိုင်ငံရေးပြုပြင်ပြောင်းလဲမှုတွေ ကျွန်တော်တို့တွေ့မြင်ရမှာမဟုတ်ပါဘူး။ ဘာဖြစ်လို့လဲဆိုတော့ တရုတ်ပြည်နိုင်ငံရေးစနစ်ထဲမှာပါနေတဲ့ ပုဂ္ဂိုလ်အတော်များများက ပြုပြင်&#