Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

 

၂၅.၆.၂၀၁၂

ဘာသာပြန်သတင်းများ အပိုင်း(၃)

  1. မျှော်လင့်ပါသည် ဒီမိုကရေစီ

(syracuse.com မှ 24 June 2012 ရက်စွဲပါ “Hope for democracy”ခေါင်းကြီးပိုင်းကို ဘာသာပြန်ဆိုသည်)

  1. ရိုပာင်ဂျာများ မြန်မာနိုင်ငံတွင် နေခွင့်ရအောင် ကမ္ဘာကို ဘင်္ဂလားဒေ့ရ်ှတိုက်တွန်း

(Gulf Times မှ 24 June 2012 ရက်စွဲပါ “Dhaka urges world to help rohingyas settle in Myanmar”သတင်းကို ဘာသာပြန်ဆိုသည်)

  1. မြန်မာနိုင်ငံတွင်မူးယစ်ဆေးဝါးရောင်းဝယ်မှု နှိမ်နင်းလျက်ရှိဟု ရဲမှူးကြီးပြော

(25 June 2012 ရက်စွဲပါ Radio Australia မှ Burma eracking down on drug trade: Colnel ကို ဘာသာပြန်ဆိုသည်။)

*****************************************

ဘာသာပြန်သတင်းများ

မျှော်လင့်ပါသည် ဒီမိုကရေစီ

(syracuse.com မှ 24 June 2012 ရက်စွဲပါ “Hope for democracy”ခေါင်းကြီးပိုင်းကို ဘာသာပြန်ဆိုသည်)

မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်၏ အကြောင်းကို ဆွေးနွေးပြောဆိုမည်ဆိုလျှင် အမွှန်းတင်ဂုဏ်ပြုစရာ စကားလုံးများ ရှားပါးခြင်းမရှိပါ။

ရဲရင့်ခြင်း၊ ခိုင်မာခြင်း၊ ရှင်သန်ထမြောက်နိုင်ခြင်း၊ ဆုံးဖြတ်ချက်ပြတ်သားခြင်း၊ စိတ်ပိုင်းဖြတ်မှုရှိခြင်း၊ စိတ်အားထက်သန်မှုရှိခြင်း စသည်ဖြင့် စကားလုံး များစွာ သုံး၍မကုန်၊ ရေး၍မခန်းနိုင်ပေ။

ကမ္ဘာကျော် မြန်မာ့နိုင်ငံရေးခေါင်းဆောင်အမျိုးသမီးသည် ၁၉၉၁ ငြိမ်းချမ်းရေးနိုဘယ်ဆုကို လက်ခံရန် လတ်တလောရောက်ရှိနေသော ခြိမ့်ခြိမ့် သဲသဲ အံမခန်း ဥရောပခရီးစဉ်တွင် သူမ၏ Burma (သို့) မြန်မာနိုင်ငံအတွက် ဒီမိုကရေစီမျှော်လင့်ချက်ကို မှန်မှန်ကန်ကန် တောင်းဆိုလိုက်သည်။

ယခင်တပ်မတော်ခေါင်းဆောင်လက်ထက်တွင် နိုင်ငံရေးလှုပ်ရှားမှုများ ပြုလုပ်မှုဖြင့် ၁၅ နှစ်ခန့် နေအိမ်အကျယ်ချုပ် ထိန်းသိမ်းခံခဲ့ရသော သူမစသည် ၂၀၁၀ နိုဝင်ဘာလတွင် လွတ်မြောက်လာခဲ့ပြီးနောက်တွင် အတိုက်အခံခေါင်းဆောင်အဖြစ် နိုင်ငံရေးလောက၌ ပြန်လည်လှုပ်ရှားကာ ပြီးခဲ့သော နွေဦး ကြားဖြတ်ရွေးကောက်ပွဲတွင် လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသည်။

နော်ဝေးမြို့တော် အော်စလိုတွင် နိုဗယ်ဆုလက်ခံစကားကို ဖွဲ့ဖွဲ့နွဲ့နွဲ့ ပြောကြားခဲ့သော ဒေါ်အောင်ဆန်းစုကြည်က “ငြိမ်းချမ်းရေး နိုဗယ်ဆု ရရှိခြင်းပာာ ကျွန်မရဲ့ နှလုံးသားမှာ တံခါင်းတစ်ချပ် ပွင့်သွားစေပါတယ်”ပာု ဆိုသည်။ ၎င်း နိုဗယ်ဆုသည် သူမနှင့် သူမနိုင်ငံမှ အဖိနှိပ်ခံ ပြည်သူများကို ပိုမိုကျယ်ဝန်းသော လူ့အသိုင်းအဝိုင်းထဲသို့ ဆွဲခေါ်လိုက်ခြင်းပင်ဖြစ်သည်။

“မေ့ထားခြင်းခံရတာပာာ နည်းနည်းချင်းသေဆုံးစေတာပါ”ပာု ဆိုခဲ့သော ဒေါ်အောင်ဆန်းစုကြည်က ယုံကြည်ချက်ကြောင့် အကျဉ်းကျသူများ စစ်ပြေး ဒုက္ခသည်များ၊ အဖိနှိပ်ခံပြည်သူများကို မေ့မထားကြရန် ကမ္ဘာကို မေတ္တာရပ်ခံတောင်းဆိုခဲ့သည်။

ရိုးရှင်းသော ဂရုဏာတရားကိုလည်း သူမက ဤသို့ဆွဲထုတ်ပြသည်။ “ကျွန်မ ရရှိခဲ့တဲ့ ဂရုဏာ အကြင်နာတရားမှန်သမျှပာာ ကြီးသည်ဖြစ်စေ၊ သေးသည် ဖြစ်စေ၊ ဒါပာာ ကမ္ဘာကြီးအတွက် လုံလောက်မှုမရှိသေးဘူးလို့ ကျွန်မတို့ အတွေးပွားစေပါတယ်”ပာု ဒေါ်အောင်ဆန်းစုကြည်က ပြောသည်။

ယခုကဲ့သို့ ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ကာ မြန်မာ့နိုင်ငံရေးဇာတ်ခုံတွင် ပြန်လည်ပေါ်ထွက်ခွင့်ရခြင်းသည် သူမ၏ နိုင်ငံမှ ဒီမိုကရေစီအတွက် အာမခံချက်တစ်ခု မပာုတ်ပါ။ သို့သော်ငြားလည်း သူမ၏ စွမ်းအားနှင့် ဆုံးဖြတ်ချက်များက အနည်းဆုံးအားဖြင့် ဒီမိုကရေစီ ကူးပြောင်းရန် မျှော်လင့်ချက်ကို ပေးစွမ်းလျက်ရှိသည်။

                                                                    ******************************

ရိုပာင်ဂျာများ မြန်မာနိုင်ငံတွင် နေခွင့်ရအောင် ကမ္ဘာကို ဘင်္ဂလားဒေ့ရ်ှတိုက်တွန်း

(Gulf Times မှ 24 June 2012 ရက်စွဲပါ “Dhaka urges world to help rohingyas settle in Myanmar”သတင်းကို ဘာသာပြန်ဆိုသည်)

မြန်မာနိုင်ငံတွင် ဒုက္ခတွေ့နေသော ရိုပာင်ဂျာများ၏ အခွင့်အရေးများ ဆုံးရှုံးသွားနိုင်ဖွယ်ရှိသည့် နည်းလမ်းကို နိုင်ငံတကာအသိုင်းအဝိုင်းအနေဖြင့် မပြုလုပ်ကြရန် ဘင်္ဂလားဒေ့ရ်ှနိုင်ငံက မနေ့က တိုက်တွန်းလိုက်ပြီး ရိုပာင်ဂျာများ သူတို့နိုင်ငံ(မြန်မာနိုင်ငံ)တွင် အေးချမ်းစွာနေထိုင်ခြင်းကိုသာ ဘင်္ဂလားဒေ့ရ်ှက ဖြစ်စေချင်သည်ပာု ပြောကြားလိုက်သည်။

“ရိုပာင်ဂျာတွေပာာ မြန်မာနိုင်ငံသားတွေပါ။ ဒါကြောင့် သူတို့ရဲ့ အခွင့်အရေးတွေ ဆုံးရှုံးသွားစေနိုင်တဲ့ ကိစ္စမျိုးတွေကို နိုင်ငံတကာ အသိုင်းအဝိုင်း အနေနဲ့ မပြောသင့်၊ မလုပ်သင့်ပါဘူး”ပာု ဒက္ကားတွင် ပြုလုပ်သော ဥပဒေကော်မရှင် အစည်းအဝေး၏ အဝန်းအဝိုင်းတွင် ဥပဒေဝန်ကြီး ရှာဖစ်အာမက်က သတင်းထောက်များအား ပြောကြားသည်။

ထို့အပြင် ရိုပာင်ဂျာများ သူတို့နိုင်ငံ(မြန်မာနိုင်ငံ)တွင် ငြိမ်းချမ်းစွာနေထိုင်ကြခြင်းကိုသာ ဘင်္ဂလားဒေ့ရ်ှက အလိုရှိကြောင်းနှင့် ဘာသာရေးအဓိကရုဏ်း တိုက်ခိုက်မှုများ ရပ်ဆိုင်းအောင် မြန်မာအစိုးရက ကြိုးပမ်းခြင်းကို အသိအမှတ်ပြုကြောင်း ဝန်ကြီးက ဆက်လက်ပြောကြားသည်။

မြန်မာနိုင်ငံမှ ထွက်ပြေးလာသည့် ရိုပာင်ဂျာဒုက္ခသည်များအတွက် နယ်စပ်ကို ဖွင့်ပေးရန် ဒက္ကားအပေါ် နိုင်ငံတကာအသိုင်းအဝိုင်းက သိသိသာသာ ဖိအားပေးခဲ့ပြီးနောက်တွင် ဘင်္ဂလားဒေ့ရ်ှနိုင်ငံက “နိုင်ငံတကာအသိုင်းအဝိုင်း၏ တွန်းအားပေးမှုများကို မြန်မာနိုင်ငံမှ ဘာသာရေး အဓိကရုဏ်း ရပ်ဆိုင်းသွားရေးအပေါ်တွင်သာ အာရုံစိုက်ထားကြပါ”ပာု ယခင်အပတ်က တောင်းဆိုခဲ့သည်။

နိုင်ငံတကာအသိုင်းအဝိုင်းအနေနဲ့ ဒီပြဿနာကို အမှန်တကယ် ပြေလည်စေချင်တယ်ဆိုရင် မြန်မာအစိုးရက ပြဿနာကို ပြေလည်အောင် ဖြေရှင်းဖို့ကိုပဲ တောင်းဆိုကြပါလို့ ကျွန်မ တိုက်တွန်းချင်ပါတယ်ပာု ဘင်္ဂလားဒေ့ရှ် နိုင်ငံခြားရေးဝန်ကြီး ဒစ်ပူးမိုနီက ပါလီမန်တွင် ယခင်အပတ်က ပြောကြားခဲ့ခြင်းဖြစ်သည်။

မြန်မာနိုင်ငံ အနောက်ပိုင်းဒေသမှ ဘာသာရေးအဓိကရုဏ်းကြောင့် ထွက်ပြေးလာသော ရိုပာင်ဂျာဒုက္ခသည်များကို နယ်စပ်ဖွင့် လက်ခံပေးရန် ဒက္ကားကို ဝိုင်းဝန်းတောင်းဆိုကြရာတွင် ကုလသမဂ္ဂဒုက္ခသည်ဆိုင်ရာ မပာာမင်းကြီးရုံး(UNHCR)အပါအဝင် အခြားလူ့အခွင့်အရေးအုပ်စုများနှင့်အတူ ပြီးခဲ့သော နှစ်ရက်က အမေရိကန်ပြည်ထောင်စုလည်း ပူးပေါင်းပါဝင်လာခဲ့သည်။

ယခင် မြန်မာအစိုးရပောာင်း လက်ထက်တွင် ထွက်ပြေးလာကြသော ရိုပာင်ဂျာလေးသိန်းခန့်ဖြင့် ပြည့်လျှံနေပြီဖြစ်သောကြောင့် နောက်ထပ် ရိုပာင်ဂျာများ ဝင်ရောက်လာမှုကို ဘင်္ဂလားဒေ့ရ်ှက ငြင်းဆန်ခဲ့ပြီး၊ နိုင်ငံခြားရေးဝန်ကြီး ဒစ်ပူးမိုနီကလည်း “လုံခြုံရေးပြဿနာတွေကြောင့် ဒက္ကားအနေဖြင့် ဒုက္ခသည်အသစ်များကို လက်မခံလိုတော့ပါ”ပာု ပြောကြားခဲ့သည်။

“နိုင်ငံတကာအသိုင်းအဝိုင်းအနေနဲ့ သဲသဲကွဲကွဲ နားလည်သဘောပေါက်ဖို့ လိုအပ်နေပါတယ်။ နိုင်ငံတကာ လူ့အခွင့်အရေးအုပ်စုတွေအနေနဲ့ မြန်မာနိုင်ငံကိုပဲ သူ့ပြည်တွင်းရေးသူနိုင်အောင်ထိန်းဖို့ တောင်းဆိုသင့်ပါတယ်”ပာု ဒစ်ပူးမိုနီက ဘင်္ဂလားဒေ့ရ်ှပါလီမန်တွင် ထုတ်ဖော်ပြောဆိုသွားသည်။

“ဘင်္ဂလားဒေ့ရ်ှနိုင်ငံသည် ရိုပာင်ဂျာများကို လူသားခြင်းစာနာသောစိတ်ဖြင့် အကောင်းဆုံးကူညီပေးလျက်ရှိပြီး နယ်ခြားစောင့်တပ်များက ရိုပာင်ဂျာများကို ပြန်လွှတ်ရာတွင် အိမ်ပြန်ရောက်အောင် ကူညီသည့်အနေဖြင့် အစားအစာ၊ ဆေးဝါး၊ လောင်စာဆီများ ထောက်ပံ့ဖြည့်ဆည်းပေးပါ သည်”ပာု ဒစ်ပူးမိုနီက ပြောဆိုသွားသည်။

                                                            ***************************************

မြန်မာနိုင်ငံတွင်မူးယစ်ဆေးဝါးရောင်းဝယ်မှု နှိမ်နင်းလျက်ရှိဟု ရဲမှူးကြီးပြော

(25 June 2012 ရက်စွဲပါ Radio Australia မှ Burma eracking down on drug trade: Colnel ကို ဘာသာပြန်ဆိုသည်။)

မြန်မာနိုင်ငံသည် မူးယစ်ဆေးဝါးရောင်းဝယ်ဖောက်ကားမှုကို နှိမ်နင်းရာတွင် အောင်မြင်မှုများရရှိနေကြောင်း၊ ပြဿနာကို ကိုင်တွယ်နိုင်ရေး အတွက် နိုင်ငံတကာအသိုင်းအဝိုင်းဖြင့် ပိုမိုနီးကပ်စွာလုပ်ကိုင်နိုင်ရန် စီစဉ်လျက် ရှိကြောင်း မြန်မာအာဏာပိုင်များကပြောသည်။

အဆိုပါ မှတ်ချက်ကို မြန်မာနိုင်ငံမူးယစ်ဆေးဝါး ထိန်းချုပ်ရေးကော်မတီမှ ရဲမှူးကြီးမြင့်သိန်းက China Central Television နှင့် အင်တာဗျူးတွင် ပြောကြားခဲ့ခြင်း ဖြစ်သည်။

ရဲမှူးကြီးကပြောကြားရာတွင် မြန်မာအာဏာပိုင်များသည် ယခုနှစ်တွင် မူးယစ်ဆေးဝါးရောင်းဝယ်မှု(၁၉၀၀) ကျော်ကို ဖမ်းဆီးထားပြီး၊ ဟီးရိုးအင်း (၂၄) ဂရမ်နှင့် စိတ်ကြွဆေးပြား (၁၂) သန်းကိုလည်း ဖမ်းဆီးရမိကြောင်းဆိုသည်။

မြန်မာအစိုးရသည် တိုင်းရင်းသားသူပုန်များနှင့် ငြိမ်းချမ်းရေးသဘောတူညီချက် ရရှိခဲ့ခြင်းများကလည်း ရဲတပ်ဖွဲ့၏ ကြိုးပမ်းမှုတွင် အထောက်အကူပြုကြောင်း ၎င်းကပြောသည်။

ပြီးခဲ့သည့်လက မြန်မာအစိုးရသည် ရှမ်းပြည်နယ်၌ မူးယစ်ဆေးဝါးထုတ်လုပ်မှု ရပ်ဆိုင်းသွားအောင် လုပ်ဆောင်ရေးကို တိုင်းရင်းသား သူပုန်များနှင့် သဘောတူလက်မှတ်ရေးထိုးခဲ့သည်။ ရှမ်းပြည်နယ်သည် တရုတ်၊ ထိုင်းနှင့်လာအို နိုင်ငံများနှင့် ထိစပ်နေပြီး မြေမျက်နှာ သွင်ပြင်ကြမ်းတမ်းပြီး တရားဥပဒေမရှိသော ဒေသဖြစ်သည်။

ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာ ရုံးကပြောကြားရာတွင် ရှမ်းပြည်နယ်သည် မူးယစ်ဆေးဝါးထုတ်လုပ်သော အဓိကဗဟိုဌာန ဖြစ်ပြီး၊ မြန်မာနိုင်ငံသည် အရှေ့တောင်အာရှတွင် မက်သာဖက်တမင်း ဆေးပြားနှင့် ဘိန်း အဓိက ထွက်ရှိရာဒေသဖြစ်ကြောင်း ဆိုသည်။

သဘောတူညီချက်တွင် သူပုန်များက အိမ်နီးချင်းနိုင်ငံများမှ ဓာတုပစ္စည်းများနယ်စပ်ကို ဖြတ်၍ ဝင်ရောက်ခြင်းကို ထိန်းချုပ်ရန်စီစဉ်မည်ဟု ပါရှိ သည်။

၎င်းတို့က ဘိန်းစိုက်ပျိုးသောလယ်သမားများ ဘိန်းစိုက်ပျိုးခြင်းကို စွန့်လွှတ်ပါက ၎င်းတို့အတွက် ရန်ပုံငွေလိုအပ်ကြောင်း တောင်းဆိုကြသည်။

                        ******************************************************************************************************                                


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle 2011 - (2)
yangonchronicle 2011 - (2)

၂၅.၆.၂ဝ၁၂

ဘာသာပြန်သတင်းများ အပိုင်း(၂)

  1. ဒေါ်အောင်ဆန်းစုကြည်၏ ခရီးစဉ်အပြီးတွင် ဗြိတိသျှကုန်သွယ်ရေးမစ်ရှင် မြန်မာနိုင်ငံသို့လာမည်

(Business Daily မှ 22 June 2012 ရက်စွဲပါ "Burma trade mission follows Suu Kyi visit" ကို ဘာသာပြန်ဆိုသည်။)

  1. အိန္ဒိယ United Bank မြန်မာနိုင်ငံ၌ ကိုယ်စားလှယ်ရုံးဖွင့်မည်

( The Hindu Business Line မှ 22 June 2012 ရက်စွဲပါ “United Bank to set up office in Myanmar” သတင်းကို ဘာသာပြန်ဆိုသည်)

  1. လာမည့်လတွင် သတ္တုတွင်းဆိုင်ရာ ဆွေးနွေးပွဲ ကျင်းပမည်

(Bernama News မှ 23 Jun 2012 ရက်စွဲပါ “Myanmar to hold Mining Summit next month”သတင်းကို ဘာသာပြန်ဆိုသည်)

  1. မြန်မာနိုင်ငံသို့ ဝင်ရောက်မည့် ဂျပန်ကုမ္ပဏီများအတွက် ဂျပန်ဘဏ်များ ပံ့ပိုးရန်ပြင်ဆင်

(23 June 2012 ရက်စွဲပါ Japan Times မှ Banks step up support for moves into Myanmar ကိုဘာသာပြန်ဆိုသည်)

****************************************************************

ဘာသာပြန်သတင်းများ        

ဒေါ်အောင်ဆန်းစုကြည်၏ ခရီးစဉ်အပြီးတွင် ဗြိတိသျှကုန်သွယ်ရေးမစ်ရှင် မြန်မာနိုင်ငံသို့လာမည်

(Business Daily မှ 22 June 2012 ရက်စွဲပါ "Burma trade mission follows Suu Kyi visit" ကို ဘာသာပြန်ဆိုသည်။)

ဗြိတိန်နိုင်ငံ UKTI စီးပွားရေးသံတမန်များ အုပ်စု၏ ဥက္ကဌ လောဒ့်မာလန်သည် ကုန်သွယ်ရေး ကိုယ်စားလှယ်အဖွဲ့ကို ဦးဆောင်ကာ မြန်မာနိုင်ငံသို့ နောက်လတွင် သွားရောက်မည်ဟု သိရှိရသည်။

ပြီးခဲ့သောဧပြီလတွင် EU Sanctions အချို့ တစ်စိတ်တစ်ပိုင်းရုတ်သိမ်း၍ မြန်မာနိုင်ငံအပေါ် ရင်းနှီးမြှုပ်နှံကုန်သွယ်မှု တားမြစ်ထားသည့် ဗြိတိန်၏ ယခင်မူဝါဒကို ရုတ်သိမ်းပေးပြီးနောက်ပိုင်း ပထမဆုံးသွားရောက်မည့် ဗြိတိသျှကုန်သွယ်ရေး ကိုယ်စားလှယ်အဖွဲ့ ဖြစ်သောကြောင့် လော့ဒ်မာလန်၊ UKTI CEO နစ်စ်ဘိုင်းတို့နှင့်အတူ ဗြိတိသျှကုမ္ပဏီများ လိုက်ပါရန် စီစဉ်နေကြသည်။

ကုန်သွယ်ရေးနှင့်ရင်းနှီးမြှုပ်နှံမှုဝန်ကြီး လော့ဒ်ဂရင်းက "UK စီးပွားရေးလုပ်ငန်းတွေဟာ လူမှုဆိုင်ရာ သဘာဝပတ်ဝန်းကျင်ဆိုင်ရာ တာဝန်ရှိမှု၊ တာဝန်သိမှုကို အားပေးမြှင့်တင်တဲ့နေရာမှာ အကောင်းဆုံးတာဝန်ယူ ဆောင်ရွက်တက်တယ်ဆိုတာကို ကုန်သွယ်ရေးမစ်ရှင်မှာပါဝင်တဲ့ ကုမ္ပဏီ တွေက ပြသကြ ပါလိမ့်မယ်"ဟု ပြောကြားသည်။

"အထူးသဖြင့် မှန်ကန်တိကျတဲ့ ပြည်သူ့ဘဏ္ဍာငွေစီမံခန့်ခွဲမှုနဲ့ ပွင့်လင်းမြင်သာရှိမှုကို တိုးတက်လာစေဖို့အတွက် ယူကေနိုင်ငံဟာ မြန်မာအစိုးရနဲ့ အတူ အားသွန်ခွန်စိုက် ကြိုးပမ်းသွားမှာဖြစ်ပါတယ်"ပာု လော့ဒ်ဂရင်းက ပြောကြားသည်။

မြန်မာနိုင်ငံသည် ကြီးထွားဖွံ့ဖြိုးမည့်အလားအလာများ၊ ကြွယ်ဝသောသယံဇာတများနှင့် ပျိုမြစ်သော လုပ်သားအင်အားစုတို့ဖြင့် ပြည့်စုံသော နိုင်ငံဖြစ်သည်။

မြန်မာနိုင်ငံမှ အတိုက်အခံပါတီခေါင်းဆောင် ဒေါ်အောင်ဆန်းစုကြည် လတ်တလော ဗြိတိန်နိုင်ငံသို့ ရောက်ရှိကာ နိုင်ငံခြားတိုက်ရိုက် ရင်းနှီး မြှုပ်နှံမှုများ၏ အရေးကြီးပုံကို ထုတ်ဖော်ပြောကြားခဲ့ပြီးနောက်တွင် ယခု ဗြိတိသျှကုန်သွယ်ရေး မစ်ရှင်အဖွဲ့သွားရောက်မည့် အစီအစဉ် ထွက်ပေး လာခြင်း ဖြစ်သည်။

                                        *********************************

အိန္ဒိယ United Bank မြန်မာနိုင်ငံ၌ ကိုယ်စားလှယ်ရုံးဖွင့်မည်

( The Hindu Business Line မှ 22 June 2012 ရက်စွဲပါ “United Bank to set up office in Myanmar” သတင်းကို ဘာသာပြန်ဆိုသည်)

အိန္ဒိယဘဏ်လုပ်ငန်း United Bank of India သည် ရန်ကုန်မြို့တော်တွင် ကိုယ်စားလှယ်ရုံးဖွင့်လှစ်ရန် မြန်မာနိုင်ငံဗဟိုဘဏ်ထံမှ ခွင့်ပြုချက် ရရှိသွားပြီ ဖြစ်သည်။ ထို့အတွက်ကြောင့် မြန်မာနိုင်ငံတွင် ရုံးဖွင့်ထားသည့် ပထမဆုံး အိန္ဒိယဘဏ်ဖြစ်လာမည်ဟု ဘဏ်ကထုတ်ပြန်သော ကြေညာ ချက်တွင် ဖေါ်ပြထားသည်။

ထိုသို့ မြန်မာနိုင်ငံ၌ ကိုယ်စားလှယ်ရုံးဖွင့်ရန်အတွက် RBI ၏ ခွင့်ပြုချက်ကိုလည်း ရရှိထားပြီးဖြစ်သည်ဟု ဘဏ်အုပ်ချုပ်မှု ဒါရိုက်တာ ဒီပါတ်နာရန်းကပြောကြားသည်။

ရန်ကုန်မှာဖွင့်မယ့် ကိုယ်စားလှယ်ရုံးဟာ ငွေကြေးလွှဲပြောင်းမှုတွေကိုတော့  လုပ်ပေးနိုင်ဦးမှာမဟုတ်ပါဘူး၊ ကျွန်တော်တို့ ဘဏ်ခွဲတွေထဲမှာ ပါဝင်သွားပြီဆိုရင်တော့ ကျွန်တော်တို့ဘဏ်ကနေဆောင်ရွက်သွားမှာပါ”ဟု ၎င်းကဆိုသည်။

                                                    ************************************

လာမည့်လတွင် သတ္တုတွင်းဆိုင်ရာ ဆွေးနွေးပွဲ ကျင်းပမည်

(Bernama News မှ 23 Jun 2012 ရက်စွဲပါ “Myanmar to hold Mining Summit next month”သတင်းကို ဘာသာပြန်ဆိုသည်)

မြန်မာနိုင်ငံ၌ နိုင်ငံခြားရင်းနှီးမြှုပ်နှံမှုနှင့် ဖက်စပ်လုပ်ကိုင်မှုများကို အားပေးရန် ရည်ရွယ်ကာ သတ္တုရှာဖွေတူးဖော်မှုဆိုင်ရာဆွေးနွေးပွဲကို လာမည့် လတွင် ကျင်းပမည်ပာု ဆင်ပွာာက သတင်းကဆိုသည်။

ဇူလိုင် ၂၃ မှ ၂၅ အထိ ကျင်းပရန် စီစဉ်ထားသော သတ္တုတွင်းဆွေးနွေးပွဲသို့ သတ္တုတွင်းနှင့် ရင်းနှီးမြှုပ်နှံမှုကဏ္ဍမှ ဝန်ကြီးဌာန တာဝန်ရှိသူများ၊ ဘူမိနည်းပညာဆိုင်ရာ ကျွမ်းကျင်သူများ၊ နိုင်ငံခြားသတ္တုတူးဖော်ရေး ကုမ္ပဏီများ၊ စီးပွားရေးလုပ်ငန်းရှင်များ၊ ရင်းနှီးမြှုပ်နှံသူများ ပါဝင်တက်ရောက် ကြမည်ပာု သိရသည်။

ယင်းဆွေးနွေးပွဲတွင် မြန်မာနိုင်ငံ၏ သတ္တုတွင်းဆိုင်ရာ ဥပဒေသစ်များကို ဆွေးနွေးကြလိမ့်မည်ပာု မျှော်လင့်ရသည်။

                                                    *************************************

မြန်မာနိုင်ငံသို့ ဝင်ရောက်မည့် ဂျပန်ကုမ္ပဏီများအတွက် ဂျပန်ဘဏ်များ ပံ့ပိုးရန်ပြင်ဆင်

(23 June 2012 ရက်စွဲပါ Japan Times မှ Banks step up support for moves into Myanmar ကိုဘာသာပြန်ဆိုသည်)

ဂျပန်နိုင်ငံ၏ အဓိကဘဏ်သုံးခုသည် မြန်မာနိုင်ငံသို့ ဝင်ရောက်ရန်ပြင်ဆင်နေသော ဂျပန်ကုမ္ပဏီများအားကောင်းစေရန် ပံ့ပိုးမှုများ ပြုလုပ် ပေးလျက်ရှိသည်။

ဧပြီလက Bank of Tokyo-Mitsubishi UFJ သည် ရန်ကုန်တွင် အကြီးအကဲတစ်ဦး အချိန်ပြည့်ရုံးထိုင်လိုက်သည်။ ယခင်က ၎င်း၏ ဒက္ကားမြို့တွင်းရှိ ကိုယ်စားလှယ်ရုံးမှ အကြီးအကဲက ရန်ကုန်ရုံးကို ပူးတွဲကိုင်တွယ်ခဲ့သည်။

ထို့နောက် အဆိုပါ ဘဏ်ကြီး၏ ရန်ကုန်ရုံးသည် ၎င်း၏ မျှော်လင့်၍ရနိုင်သော ဖောက်သည်ကုမ္ပဏီ(၁၅၀)ခန့်ကို မြန်မာနိုင်ငံသို့ ဝင်ရောက် အကြံ ပြုခဲ့သည်။ မြန်မာနိုင်ငံတွင် ထုတ်လုပ်မှုအခြေခံရာတွင် စရိတ်နည်းခြင်းကြောင့် ပို၍ဆွဲဆောင်မှုရှိလာခဲ့သည်။

အဆိုပါ ရန်ကုန်ရုံးသည် လာမည့်မတ်လအထိ ကုမ္ပဏီ(၆၀၀)ခန့်အထိအား အကြံဉာဏ်ပေးခြင်း၊ ထောက်ပံ့ကူညီခြင်း၊ ဝန်ဆောင်မှုများ အဆို ပြုခြင်းများ ပြုလုပ်ပေးနိုင်ရန် မျှော်လင့်နေပြီး ပြီးခဲ့သည့်နှစ်ကထက် သုံးဆခန့် ပိုမိုလုပ်ဆောင်နိုင်မည်ပာု ဘဏ်မှ တာဝန်ရှိသူတစ်ဦးက ပြောသည်။

၎င်း၏ အဖွဲ့ဝင်များကလည်း မြန်မာနိုင်ငံတွင် ဖောက်သည်များအား ဝန်ဆောင်မှုပေးခြင်းများ တိုးမြှင့်ရန် ပြင်ဆင်လျက်ရှိသည်။

Mizuho Corporate Bank ကလည်း ဧပြီလတွင် ရန်ကုန်တွင် ကိုယ်စားလှယ်ရုံးဖွင့်လှစ်ခဲ့သည်။ Sumitomo Mitsui Banking Corp ကလည်း ကမ္ဘောဇဘဏ်နှင့် လူ့စွမ်းအား အရင်းအမြစ်ဖွံ့ဖြိုးရေးနှင့် နည်းပညာအကူအညီများပေးရန် သဘောတူစာချုပ် ချုပ်ဆိုခဲ့သည်။

Sumitomo Mitsui သည် ကမ္ဘောဇဘဏ်နှင့် မပာာမိတ်ပြုရန် စဉ်းစားလျက်ရှိသည်ပာု သတင်းများက ဆိုသည်။

မြန်မာနိုင်ငံတွင် လူဦးရေ(၆၂)သန်းရှိသောကြောင့် ဂျပန်ကုမ္ပဏီများအတွက် ထုတ်လုပ်မှု အလားအလာကောင်းများရှိပြီး စားသုံးသူဈေးကွက် သစ်ကြီးလည်းဖြစ်သည်။

“နေ့စဉ်သုံးပစ္စည်းတွေ၊ အစားအသောက်နဲ့ ဆောက်လုပ်ရေး စက်ပစ္စည်းတွေလိုအပ်ချက်တိုးတက်လာမယ်လို့ ယုံကြည်ပါတယ်”ပာု Tokyo-Mitsubishi UFJ မှ ရန်ကုန်ရုံးအကြီးအကဲ Ritsuo Fukadai ကပြောသည်။ ၎င်း၏ ရုံးသည် ဖောက်သည်များအား ထုတ်လုပ်ရေးနှင့် သယ်ယူ ပို့ဆောင်ရေးလုပ်ငန်းများနှင့် ပတ်သက်သော သတင်းများပေးလျက်ရှိသည်ပာုဆိုသည်။

သို့သော် Fukadai ကပြောကြားရာတွင် ဂျပန်ကုမ္ပဏီများအနေဖြင့် မြန်မာနိုင်ငံတွင် အပြည့်အဝရင်းနှီးမြှုပ်နှံခြင်းပြုလုပ်ရန် သုံးနှစ်မှ ငါးနှစ် စောင့်ရမည်ဖြစ်ကြောင်း၊ အဘယ်ကြောင့်ဆိုသော် ပေးငွေစာရင်းလွှဲပြောင်းခြင်းစနစ်၊ လျှပ်စစ်စွမ်းအင်ကွန်ရက်များ အပါအဝင် အခြေခံ အဆောက်အဦး များ တိုးတက်ရန် စောင့်ရခြင်းကြောင့်ဖြစ်ကြောင်း ပြောကြားခဲ့သည်။