Transparency Myanmar

transparency.myanmar@gmail.com

Asian Tribune, 23rd Sept 2010

မြန်မာနိုင်ငံတွင် လူသားချင်း စာနာမှု မရှိသော ရာဇဝတ်မှုများအတွက် ကုလသမဂ္ဂ စုံစမ်းရေး ကော်မရှင် ဖွဲ့စည်းရေးနှင့် ပတ်သက်၍ နိုင်ငံတကာ၏ ထောက်ခံမှုများမှာ တိုးတက်လျက် ရှိသည်။

မကြာသေးမီ ရက်ပိုင်းအတွင်းက ပြင်သစ်၊ ကနေဒါ၊ နယ်သာလန်နှင့် နယူဇီလန်တို့သည် ၎င်းတို့၏ ထောက်ခံမှုကို ပြောကြားခဲ့ရာ စုံစမ်း စစ်ဆေးရေး အဖွဲ့အတွက် ထောက်ခံသည့် နိုင်ငံ စုစုပေါင်း (၁၀) နိုင်ငံ ရှိသွားပြီ ဖြစ်သည်။

Christian Solidarity Worldwide (CSW) သည် အခြား နိုင်ငံတကာ လူ့အခွင့်အရေး အဖွဲ့များနှင့် အတူ ကုလသမဂ္ဂ စုံစမ်းရေး ကော်မရှင် ဖွဲ့စည်းရေးအတွက် လွန်ခဲ့သောနှစ် အနည်းငယ် ကတည်းက စည်းရုံး လှုပ်ရှားနေခဲ့သည်။ ယခုနှစ် မတ်လက မြန်မာနိုင်ငံ လူ့အခွင့်အရေး ကိစ္စများအတွက် ကုလသမဂ္ဂ အထူး ကိုယ်စားလှယ် Tomas Ojea Quintana သည် ၎င်း၏ အစီရင်ခံစာတွင် မြန်မာနိုင်ငံ၏ လူ့အခွင့်အရေး ချိုးဖောက်မှုများသည် လူသားချင်း မစာနာသော ရာဇဝတ်မှုများ ကျူးလွန်သည့် အဆင့်သို့ ရောက်လာကြောင်း နိဂုံးချုပ်ထားပြီး စုံစမ်းရေး ကော်မရှင် ဖွဲ့စည်းရန် အကြံပြုထားခဲ့သည်။

ပြီးခဲ့သည့် လက ဥရောပသမဂ္ဂ (EU)  နိုင်ငံခြားရေး ဝန်ကြီးများထံသို့ CSW က စာရေးသားခဲ့ရာတွင် EU အား လာမည့် ကုလသမဂ္ဂ အထွေထွေ ညီလာခံတွင် မြန်မာနိုင်ငံနှင့် ပတ်သက်၍ စုံစမ်းရေး ကော်မရှင် ဖွဲ့စည်းရေး ဆုံးဖြတ်ချက် ချနိုင်ရန်အတွက် ထောက်ခံချက် ပေးရန် တောင်းဆိုခဲ့သည်။

"Unmasking Burma's Tyrant'' ဟူသော သန်းရွှေအကြောင်း စာအုပ် ရေးသားသူ၊ CSW ၏ အရှေ့အာရှ အဖွဲ့ခေါင်းဆောင် Benedict Rogers က ပြောကြားရာတွင် "ဟန်ချက် ညီနေပြီ ဆိုတာကတော့ သံသယ ဖြစ်ဖွယ် မရှိပါဘူး။ မြန်မာနိုင်ငံက လူ့အခွင့်အရေး ချိုးဖောက်မှုတွေဟာ စစ်ရာဇဝတ်မှုတွေ၊ လူသားချင်း မစာနာတဲ့ ရာဇဝတ်မှုတွေ ဖြစ်လာနေပြီး၊ ဆက်ပြီး လစ်လျူရှု မနေနိုင်တော့ဘူး ဆိုတာကို ကမ္ဘာအနှံ့က အစိုးရတွေက အသိအမှတ် ပြုလာကြပါပြီ။ အခြား အစိုးရတွေနဲ့ EU ကို ကုလသမဂ္ဂ စုံစမ်းရေး ကော်မရှင် ဖွဲ့စည်းဖို့ ထောက်ခံထားတဲ့ ဆယ်နိုင်ငံနဲ့ ပူးပေါင်းပြီး ပါဝင်ကြဖို့ ကျွန်တော်တို့ တိုက်တွန်းပါတယ်။ တရားဝင် နိုင်ငံတကာ စုံစမ်းမှု အနေနဲ့ စုံစမ်းဖို့ သင့်တာ ကြာပြီ ဖြစ်တဲ့ အစိုးရရဲ့ ကျယ်ကျယ်ပြန့်ပြန့် စစ်ပွဲ လက်နက်သဖွယ် စနစ်တကျ လုပ်နေတဲ့ အမျိုးသမီးများ အပေါ် အဓမ္မကျူးလွန်မှုတွေ၊ ကလေးစစ်သားများ အတင်းစုဆောင်းမှု၊ အဓမ္မ လုပ်အားပေးစေမှုတွေ၊ ရွာများကို ဖျက်ဆီး၊ သတ်ဖြတ်မှုတွေကို တွေ့နေရပါတယ်။ မြန်မာနိုင်ငံ အရှေ့ပိုင်းမှာ ဖြစ်နေတဲ့ ပဋိပက္ခဟာ အာရှတိုက်ရဲ့ Darfur ပဲဖြစ်ပြီး၊ ဆက်ပြီး လစ်လျူရှုထားဖို့ မသင့်တော်တော့ပါဘူး'' ဟု ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP, 23rd Sept 2010

မြောက်ကိုးရီးယားသည် ၎င်း၏ အဓိက ကွန်မြူနစ်ပါတီ အစည်းအဝေးကြီး မတိုင်မီ ထိပ်ပိုင်း တာဝန်ရှိသူများ ပြောင်းလဲ ခန့်အပ်ထားခြင်းများ ပြုလုပ်ခဲ့သည်ဟု ကြာသပတေးနေ့က ကြေညာခဲ့သည်။ လာမည့် ရက်အနည်းငယ် အတွင်း ကျင်းပမည့် ပါတီ အစည်းအဝေးတွင် ကင်ဂျုံအီက ၎င်းသားသို့ အာဏာ လွှဲပြောင်းရေးအတွက် လမ်းခင်း ပေးလိမ့်မည်ဟု မျှော်လင့်နေကြသည်။

မြောက်ကိုးရီးယား၏ ပထမ ဒုတိယ နိုင်ငံခြားရေး ဝန်ကြီး Kang Sok- Ju အား ဒုတိယ ဝန်ကြီးချုပ် အဖြစ် ခန့်အပ်ခဲ့ကြောင်း ကိုးရီးယား ဗဟို သတင်း အေဂျင်စီ (KCNA) က ဆိုသည်။ လွတ်သွားသော Kang Sok-Ju ၏ နေရာတွင် ခြောက်နိုင်ငံ နျူကလီယာ လက်နက် ဖျက်သိမ်းရေး ဆွေးနွေးပွဲ ကိုယ်စားလှယ် ခေါင်းဆောင် Kim Kye-Gwan အား ခန့်အပ်ခဲ့သည်ဟုလည်း သိရသည်။

Kim Jong-Il က သူ၏ အငယ်ဆုံးသား Jong-Un အား အာဏာလွှဲပေးမည့် လမ်းခင်းပေးမည်ဟု ယူဆရသော ကွန်မြူနစ်ပါတီ၏ ဆယ်စုနှစ်များအတွင်း အကြီးဆုံး အစည်းအဝေးကို လာမည့် အင်္ဂါနေ့တွင် ကျင်းပမည် ဖြစ်ပြီး၊ အဆိုပါ အစည်းအဝေး မတိုင်မီ ယခု ကြေညာချက် ထွက်ပေါ်လာခြင်း ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 22nd September 2010

ကုလသမဂ္ဂ၏ အရေးယူမှုများ ချမှတ်အပြီး သုံးလ အကြာတွင် ကရင်မလင်သည် အီရန်သို့ S-300 ကာကွယ်ရေး ဒုံးကျည်စနစ် ရောင်းချမှုကို ပိတ်ပင်ခဲ့သည်။

ရောင်းချမှု တားမြစ်သည့် အမိန့်အား သမ္မတ Dmitry Medvedev က ထုတ်ပြန်ခဲ့ခြင်း ဖြစ်သည်။

အစောပိုင်းက စစ်ဦးစီး အရာရှိချုပ် အကြီးအကဲ Nikolai Makarov က ဒုံးကျည်များသည် ဇွန်လက ချမှတ်ခဲ့သော အရေးယူမှုများတွင် သေချာပေါက် ပါဝင်ကြောင်း အတည်ပြု ပြောကြားခဲ့သည်။

ထိုအချိန်က ရုရှား နိုင်ငံခြားရေး ၀န်ကြီးက S-300 သဘော တူညီမှုကို ထိခိုက်လိမ့်မည် မဟုတ်ကြောင်း ပြောကြားခဲ့သည်။

အီရန် အနေဖြင့် S-300 စနစ်ကို ပိုင်ဆိုင်ခြင်းဖြင့် ယင်း၏ နျူကလီယာ အဆောက်အဦများကို လေကြောင်းမှ တိုက်ခိုက်မှုအား ကာကွယ်ရာတွင် အထောက်အကူပြုသည်။

သမ္မတ၏ အမိန့်ကို ကရင်မလင် Website တွင် ဖော်ပြထားရာ S-300 အပါအ၀င် စစ်သုံးပစ္စည်းများကို စာရင်း ပြုစု ဖော်ပြထားသည်။ အဆိုပါ အသုံးပစ္စည်းများသည် ကုလသမဂ္ဂ လုံခြုံရေး ကောင်စီက စတုတ္ထ အကြိမ်မြောက် ချမှတ်သော အရေးယူမှုများတွင် အီရန်သို့ တင်ပို့ရန် တားမြစ်ထားသော ပစ္စည်းများ ဖြစ်သည်။

"ဆုံးဖြတ်ချက်ကတော့ S-300 စနစ်ကို အီရန်ကို မရောင်းဖို့ပဲ ဖြစ်ပါတယ်" ဟု ဗိုလ်ချုပ်ကြီး Makaov က မော်စကို ပြင်ပရှိ Ramenskoye လေဆိပ်တွင် အဆိုပါအမိန့် ထုတ်ပြန်ပြီး မကြာမီ ပြောကြားခဲ့သည်။

"အရေးယူမယ့် အစီအစဉ်တွေကို သူတို့ကတော့ သေချာပေါက် ကန့်ကွက်မှာပါ" ဟု ယင်းက ဆိုသည်။

"အကယ် ရုရှားက အီရန်နှင့် ကန်ထရိုက် စာချုပ်ကို ဖျက်သိမ်းခဲ့လျှင်" ဟူသော မေးခွန်းကို မေးမြန်းရာ ယင်းက "ကျွန်တော်တို့ တွေ့ရမှာပါ။ ဒီကိစ္စက အီရန် ဘယ်လို ပြုမူ ဆောင်ရွက်သလဲ ဆိုတဲ့ အပေါ်မှာ မူတည်နေပါတယ်" ဟု ဖြေကြားသည်။

အရေးယူ ပိတ်ဆို့မည့် အစီအစဉ်သစ်များသည် S-300 ဒုံးကျည် ကန်ထရိုက် စာချုပ်အပေါ် သက်ရောက်မှု ရှိမည် မဟုတ်ဟု နိုင်ငံခြားရေး ၀န်ကြီး ဆာဂျီလာ ဗရော့ပ်က ဇွန်လတွင် ပြောကြားခဲ့ဖူးသည်။

သို့သော်လည်း ထိုသို့ ပြောကြားပြီး များမကြာမီတွင် ၀န်ကြီးချုပ် ဗလာဒီမာပူတင်က ဒုံးကျည် ရောင်းချမှုကို ဆိုင်းငံ့ထားသည်ဟု ပြောကြားခဲ့ခြင်းကို ပြင်သစ် သတင်းဌာနက ဖော်ပြခဲ့သည်။

အီရန်နိုင်ငံ နျူကလီယာ လက်နက် ပိုင်ဆိုင်ရန် ကြိုးစားနေမှုကို တားဆီးရေးအတွက် အစ္စရေး က အီရန်နျူကလီယာ အဆောက်အဦများကို ဗုံးကြဲရန် ကြိုးစားဖွယ် ရှိသည် ဟူသော မှန်းဆချက်များ အချိန်ကြာမြင့်စွာကပင် ထွက်ပေါ်နေခဲ့သည်။ အီရန်ကမူ နျူကလီယာ လက်နက် ပိုင်ဆိုင်ရန် ကြိုးစားနေသည် ဟူသော သတင်းကို ငြင်းဆန်ခဲ့ပြီး ယင်း၏ နျူကလီယာ အစီအစဉ်သည် လုံးဝ အရပ်ဖက်သုံးသာ ဖြစ်သည်ဟု ခုခံ ပြောဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Straits Times, 23rd September 2010

တရုတ်နိုင်ငံက ယင်း၏ ယွမ်ငွေကို တမင်တကာ တန်ဖိုးချထားခြင်းအတွက် အရေးယူ ဒဏ်ခတ်မည့် ဥပဒေကို အမေရိကန် လွှတ်တော် အမတ်များက လာမည့် အပတ်တွင် မဲခွဲ ဆုံးဖြတ်ကြမည် ဖြစ်ပြီး ကွန်ကရက် ရွေးကောက်ပွဲများ နီးကပ်လာခြင်းကြောင့် အဆိုပါ ကိုင်တွယ် ရခက်သည့် ကိစ္စအပေါ် နိုင်ငံရေးအရ ထောက်ခံမှုများ ကျယ်ကျယ်ပြန့်ပြန့် ရရှိခဲ့ခြင်း ဖြစ်သည်။

ယွမ်ငွေကို ဒေါ်လာနှင့် လွတ်လပ်စွာ ချိတ်ဆက် ပကတိအတိုင်း တန်ဖိုး တက်လာစေရန် တရုတ်ကို ဖိအားပေးမည့် ဥပဒေ မူကြမ်းအား မဲခွဲရန် ဆုံးဖြတ်ချက်မှာ သမ္မတ အိုဘားမားနှင့် တရုတ် ၀န်ကြီးချုပ် ၀မ်ကျားပေါင်တို့ နယူးယောက်တွင် မတွေ့ဆုံမီ တစ်ရက်တွင် ထွက်ပေါ်လာခြင်း ဖြစ်သည်။

တရုတ် ငွေကြေး မူဝါဒကို အရေးယူမည့် ဥပဒေမူကြမ်းကို ကွန်ကရက် လွှတ်တော် ကော်မတီတွင် သောကြာနေ့ မဲခွဲရန် စီစဉ်ထားပြီး ကွန်ကရက် လွှတ်တော် တစ်ခုလုံး အနေဖြင့် လာမည့် အပတ်တွင် မဲခွဲဆုံးဖြတ်မည်ဟု မျှော်လင့်ရကြောင်း၊ ဒီမိုကရက်တစ် လက်ထောက် အကြံပေးများက ပြောကြားသည်။

တရုတ်နိုင်ငံသည် တရုတ် ကုမ္ပဏီများ ကုန်သွယ်ရေး အသာစီးရစေရန် ယွမ်ငွေကို ၂၅ % မှ ၄၀ % အထိ အလွန်အကျွံ တန်ဖိုးချခြင်းကို တမင်တကာ ပြုလုပ်ခဲ့ခြင်းကြောင့် အမေရိကန် ပို့ကုန် ပို့ကုန် လုပ်ငန်းများနှင့် အလုပ်အကိုင် အခွင့်အလမ်းများကို ထိခိုက် နစ်နာစေခဲ့သည်ဟု လွှတ်တော်တွင်းနှင့် လွှတ်တော် ပြင်ပမှ ဝေဖန် ဆန်းစစ်သူများက ပြောကြားခဲ့သည်။

တရုတ် နိုင်ငံသည် ယွမ်ငွေ တန်ဖိုး မြှင့်ခြင်းကို အပြည့်အ၀ လုပ်ဆောင်ခဲ့ခြင်း မရှိကြောင်းနှင့် ဘေဂျင်းကို အရေးယူမည့် ဥပဒေကို ပြဌာန်းရန် အမေရိကန် လွှတ်တော် အမတ်များက စီစဉ်နေသည့် အားလျော်စွာ တရုတ်၏ မူဝါဒအပေါ် ၀ါရှင်တန်က ပြင်းထန်စွာ သတိပေးမှု ဆက်လက် ပြုလုပ်သွားမည် ဖြစ်ကြောင်း အိုဘားမားက တနင်္လာနေ့တွင် ပြောကြားခဲ့သည်။

လွှတ်တော် အမတ်များသည် ယခုကိစ္စကို နှစ်အတန်ကြာ ဖိအားပေးခဲ့ကြရာတွင် အောင်မြင်မှု အနည်းငယ်သာ ရရှိခဲ့သော်လည်း ယခုအခါ အရှိန်ရလာသည့် လက္ခဏာ ရှိနေသည်။ ကွန်ကရက် ရွေးကောက်ပွဲများ ကျင်းပရန် သီတင်း ၆ ပတ်မျှသာ လိုတော့ခြင်းကြောင့် အလုပ် လက်မဲ့နှုန်း မြင့်မား လာခြင်းမှာ ထိပ်တန်းကိစ္စ ဖြစ်လာခဲ့ပြီး ပါတီ၂ ခုစလုံး၏ ထောက်ခံမှုကို ရရှိလာခြင်း ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Asia News, 22nd September 2010

မြန်မာနိုင်ငံအား အတိုးမဲ့ချေးငွေ အမေရိကန်ဒေါ်လာ ၄.၂ဘီလီယံ (ယွမ် ၃၀ဘီလီယံ) ထုတ်ပေးရန် တရုတ်နိုင်ငံက သဘောတူလိုက်ပြီ ဖြစ်သည်။ စက်တင်ဘာ ၇ မှ ၁၁ ထိကြာမြင့်သော ဗိုလ်ချုပ်မှူးကြီး သန်းရွှေ၏ ၅ ရက်ကြာ တရုတ် ခရီးစဉ်တွင် အဆိုပါ သဘော တူညီချက်ကို ရရှိခဲ့ခြင်း ဖြစ်သည်ဟု မြန်မာ အစိုးရ အမျိုးသား စီမံကိန်းနှင့် စီးပွားရေး ဖွံ့ဖြိုးမှု ၀န်ကြီးဌာနက ကြေညာသည်။ "ဗိုလ်ချုပ်မှူးကြီး သန်းရွှေနဲ့ တရုတ်သမ္မတ ဟူကျင်တောင် ဘေဂျင်းမှာ တွေ့ဆုံကြပြီးတဲ့နောက် အတိုးမဲ့ ချေးငွေ သဘော တူညီချက် ရခဲ့တာပါ" ဟု ၀န်ကြီးဌာနမှ အရာရှိ တစ်ဦးက ပြောကြားသည်။

နိုဝင်ဘာလတွင် ရွေးကောက်ပွဲ ပြုလုပ်ပေးမည့် ဖိနှိပ် အုပ်စိုးသော အစိုးရ အုပ်ချုပ်သည့် မြန်မာ နိုင်ငံမှာ အမြဲလိုလို စွမ်းအင်နှင့် ကုန်ကြမ်းများ ဆာလောင်နေသည့် တရုတ် လော်လီကားကြီးအတွက် စိတ်ဝင်စားစရာ အနေအထား တစ်ရပ် ဖြစ်နေသည်။ ထိုသို့ ရှုမြင်မှုကြောင့်ပင် အခြားနိုင်ငံများ၏ ပြည်တွင်းရေးတွင် ၀င်ရောက် မစွက်ဖက်ရေး မူဝါဒကို လေးစားရမည်ဟု ခေါင်းဆောင်နှင့် အဖွဲ့ဝင် ၃၅ ဦး ကိုယ်စားလှယ် အဖွဲ့တို့၏ တရုတ် ခရီးစဉ်မှာ တင်းကျပ်စွာ ထိန်းချုပ်ထားရန် လိုအပ်သော နယ်စပ်ချင်း ထိစပ်နေသည့် တရုတ်နှင့် မြန်မာအကြား စီးပွားရေးနှင့် ကုန်သွယ်ရေး ခိုင်မာစေရန် ရည်ရွယ် စီစဉ်ခဲ့ခြင်း ဖြစ်သည်။

မြန်မာ နိုင်ငံတွင်း တရုတ် ရင်းနှီး မြှုပ်နှံမှုများမှာ လတ်တလော နှစ်များအတွင်း ကြီးထွားလာခဲ့ပြီး ယခုအခါ တရုတ်သည် ထိုင်းနှင့် စင်ကာပူ၏ နောက်တွင် မြန်မာနိုင်ငံ၏ တတိယအကြီးဆုံး ကုန်သွယ်ဖက်အဖြစ် ရပ်တည်လျက် ရှိသည်။ ယခုနှစ် ဇန်န၀ါရီလတွင် တရုတ်က မြန်မာနိုင်ငံ အမေရိကန် ဒေါ်လာ ၁.၈ ဘီလျံ ရင်းနှီးမြှုပ်နှံခဲ့သည်။ ယခု ပုံစံအတိုင်း ဆက်သွားပါက တရုတ်သည် မကြာမီအတွင်း မြန်မာနိုင်ငံ ထိပ်ဆုံး ရောက်သွားလိမ့်မည်ဟု Central Statistical Organization လေ့လာမှု အစီရင်ခံစာက ဆိုသည်။ တရုတ် ပြည်မကြီးနှင့် ဟောင်ကောင်မှ တိုက်ရိုက် ရင်းနှီး မြှုပ်နှံမှုများမှာလည်း ဇွန်လတွင် အမေရိကန် ဒေါ်လာ ၂.၃ ဘီလျံအထိ ရောက်ရှိခဲ့သည်။

"ဒီနှစ် ၃၀ ချေးငွေက ရေအား လျှပ်စစ် စီမံကိန်းတွေ၊ ကားလမ်း၊ ရထားလမ်း စီမံကိန်းတွေ၊ သတင်းနဲ့ နည်းပညာ ဖွံ့ဖြိုး တိုးတက်ရေး စီမံကိန်းတွေ အတွက် ရန်ပုံငွေ ကြီးကြီးမားမား ထောက်ပံ့ဖို့ ရည်ရွယ်တာပါ" ဟု မြန်မာ ၀န်ကြီးဌာန တာဝန်ရှိသူက ပြောကြားသည်။

သို့သော်လည်း ရန်ကုန်မှ အမည် မဖော်လိုသော စီးပွားရေး ပညာရှင် တစ်ဦးက "အခုလို တရုတ် ဆီက ချေးငွေကို လက်ခံလိုက်တဲ့ အတွက် ကြီးမားတဲ့ တရုတ်လွှမ်းမိုးမှုနဲ့ တရုတ်ကုမ္ပဏီတွေ၊ အလုပ်သမားတွေ ဝင်ရောက်လာမှုကို မြန်မာ စစ်အစိုးရက တံခါးဖွင့်ပေးရတဲ့ ကိန်းကို ဆိုက်တော့မှာပါ" ဟု သုံးသပ် ပြောကြားသည်။

"ဒီသဘော တူညီချက်ကနေ ပေါ်ပေါက်လာမယ့် စီးပွားရေး အခွင့်အလမ်းတွေကို သာမန် ပြည်သူတွေ ရမှာ မဟုတ်ပါဘူး။ ဒီချေးငွေတွေကို ဘယ်လို သုံးစွဲမယ် ဆိုတာကို အစိုးရက ထုတ်ပြန်မှာ မဟုတ်ပါဘူး။ ဒါကြောင့် သန်းရွှေက စစ်တပ် ဖွံ့ဖြိုးရေးကဏ္ဍမှာ ဘယ်လောက် ဖြုန်းပစ်မလဲ ဆိုတာ မသိနိုင်ပါ ဘူး" ဟု ယင်းက ပြောကြားသည်။

ဗိုလ်ချုပ်မှူးကြီး သန်းရွှေသည် နိုဝင်ဘာ ရွေးကောက်ပွဲ အပြီး စုဝေးမည့် လွှတ်တော် အသစ်သို့ စစ်ဖက် အသုံးစရိတ်များကို တင်ပြလိမ့်မည် မဟုတ်ဟု စစ်ဖက် သတင်းရပ်ကွက်မှ ကြားသိရသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

တရုတ်နိုင်ငံ ငါးဖမ်းသင်္ဘောမှ ကပ္ပတိန်ဖြစ်သူကို ဆက်လက် ဖမ်းဆီး ထိန်းသိမ်းထားမှုနှင့် ပတ်သက်၍ နှစ်နိုင်ငံစလုံး အနေဖြင့် အစွန်းရောက် အမျိုးသားရေး အယူဝါဒကို ရှောင်ရှားရန် ဂျပန်နိုင်ငံက တရုတ်နိုင်ငံအား သတိပေး ပြောဆိုလိုက်သည်။

လက်ရှိ နှစ်နိုင်ငံအကြား ဖြစ်ပေါ်နေသည့် အရေးကိစ္စနှင့် ပတ်သက်၍ နောက်ထပ် တင်းမာမှုများ ဖြစ်ပေါ်မလာစေရန် ဖြစ်နိုင်ခြေ ရှိသည့် နည်းလမ်းများကို အသုံးပြုလိုကြောင်း ဂျပန် အစိုးရက ဆိုသည်။

ဂျပန်အစိုးရမှ အဆင့်မြင့် အရာရှိကြီးများနှင့် အဆက်အသွယ် ပြုလုပ်မှုကို တရုတ် နိုင်ငံဘက်က ရပ်ဆိုင်းလိုက်ပြီ ဖြစ်သည်။ ပိုင်နက်ဆိုင်ရာ အငြင်းပွားမှု ပြဿနာ တက်နေသော ပင်လယ်ပြင် အတွင်း ဂျပန် ကင်းလှည့်သင်္ဘောနှင့် တရုတ် ငါးဖမ်းသင်္ဘောတို့ တိုက်မိပြီးနောက် ဂျပန်နိုင်ငံက ဖမ်းဆီးထားသော ငါးဖမ်းသင်္ဘော ကပ္ပတိန်အား အမြန်ဆုံး လွှတ်ပေးရန် တရုတ်က တောင်းဆိုထားသည်။

တိုကျို အခြေစိုက် BBC သတင်းထောက် Roland Buerk အဆိုအရ ဂျပန်အစိုးရသည် နှစ်နိုင်ငံအကြား ဖြစ်ပေါ်နေသော တင်းမာမှုများနှင့် ရန်မီးများကို တရုတ်နိုင်ငံ အနေဖြင့် လျှော့ချလာရေးအတွက် သွေးဆောင် စည်းရုံးရန် ကြိုးပမ်းလျက် ရှိသည်။

ဂျပန် ကက်ဘိနက် အတွင်းရေးမှူးချုပ် Yoshito Sengoku က "ဂျပန်နှင့် တရုတ် သာမက အခြားသော နိုင်ငံများမှ အရာရှိကြီးများ အနေဖြင့် အမြင် ကျဉ်းမြောင်းပြီး အစွန်းရောက်လွန်းသော အမျိုးသားရေး ဝါဒကို ထုတ်ဖော် မကျင့်သုံးရန် လိုအပ်ကြောင်း" ပြောကြားသည်။

ဂျပန်နှင့် တရုတ်နှစ်နိုင်ငံအကြား အခြေအတင် အငြင်းပွားမှုများသည် ပြီးခဲ့သည့် ရက်သတ္တပတ်က အရှေ့တရုတ် ပင်လယ်အတွင်းရှိ နယ်နိမိတ် ပိုင်ဆိုင်မှု အငြင်းပွားမှုများ ဖြစ်ပေါ်လျက် ရှိသော လူသူမနေသော ကျွန်းများအနီး ဂျပန် ကင်းလှည့်သင်္ဘောနှင့် တရုတ် ငါးဖမ်းသင်္ဘောတို့ တိုက်မိပြီးနောက် စတင်ခဲ့ခြင်း ဖြစ်သည်။ အဆိုပါ ကျွန်းများသည် ထိုင်ဝမ် မြောက်ဘက် နှင့် ဂျပန်နိုင်ငံ တောင်ဘက် အိုကီနာဝါ ဒေသတွင် တည်ရှိပြီး ငါးအပါအဝင် ရေနံနှင့် သဘာဝဓာတ်ငွေ့ ပေါကြွယ်ဝသည်။ ထိုင်ဝမ်ကလည်း သူပိုင်သည် ဟူ၍ အလားတူ ထုတ်ဖော် ပြောဆိုထားသည်။

တရုတ် ငါးဖမ်းသင်္ဘောကို ဖမ်းဆီးခဲ့ရသည့် အဓိက အကြောင်းအရင်းမှာ ဂျပန် ကင်းလှည့်သင်္ဘောကို တမင်တကာ ဝင်တိုက်ခဲ့သည်ဟု သံသယ ရှိသောကြောင့် ဖြစ်သည်။ လတ်တလော ကာလတွင် ရှန်ဟိုင်း ကုန်စည်ပြပွဲသို့ သွားရောက်ရန် စီစဉ်ထားသည့် ဂျပန်လူငယ် ၁၀၀၀ အား တရုတ်နိုင်ငံက လက်သင့်မခံတော့ကြောင့် ထုတ်ဖော် ပြောဆိုခဲ့သည်။

BBC သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

လာမည့် စက်တင်ဘာလ ၂၈ ရက်နေ့တွင် မြောက်ကိုရီးယား အုပ်ချုပ်ရေးပါတီ ကွန်ဖရင့်ကြီး တစ်ရပ် ကျင်းပပြုလုပ်မည် ဖြစ်ကြောင်း နိုင်ငံပိုင် မီဒီယာက သတင်း ပေးပို့သည်။ အဆိုပါ ကွန်ဖရင့်သည် နှစ်ကာလ များစွာ အတွင်း ရှားရှားပါးပါး ကျင်းပသည့် ပထမဆုံး ဆွေးနွေးပွဲ ဖြစ်ပြီး ခေါင်းဆောင်ကြီး ကင်ဂျုံအီလ် နေရာကို ဆက်ခံမည့်သူ မည်သူမည်ဝါ ဖြစ်သည်ကို ထုတ်ဖော် အသိ ပေးမည့်ပွဲ ဖြစ်မည်ဟုလည်း ထင်ကြေးပေး ပြောဆိုမှုများ ရှိသည်။

အဆိုပါ ကွန်ဖရင့်တွင် အာဏာရ အလုပ်သမား ပါတီ အနေဖြင့် ခေါင်းဆောင်ကြီး ကင်ဂျုံအီလ်၏ တတိယမြောက် သားဖြစ်သူ ကင်ဂျွန်အန်အား စီနီယာ အဆင့်ရာထူး တိုးမြှင့် ပေးလာဖွယ် ရှိကြောင်း ခန့်မှန်း ပြောဆိုလျက် ရှိသည်။ လေ့လာ သုံးသပ်သူများ အဆိုအရ ကင်ဂျွန်အန်အား ရာထူး တိုးမြှင့်ပေးမှုသည် ကင်ဂျုံအီလ် နေရာသို့ ဆက်ခံမည် ဟူသော အချက်ကို ဖော်ပြရာ ရောက်ကြောင်း သိရသည်။

"နောက်ဆုံးတော့ သမိုင်းဝင်ပြီး အလှည့်အပြောင်း တစ်ခု ဖြစ်မယ်လို့ မြောက်ကိုရီးယားက ပြောဆိုနေတဲ့ ဆွေးနွေးပွဲ ပြုလုပ်မယ့်နေ့ကို ကျွန်တော်တို့ အနေနဲ့ အတည်ပြု လိုက်နိုင်ပါပြီ" ဟု တောင်ကိုရီးယား သတင်းဌာန Yonhap က ရေးသား ဖော်ပြသည်။ သို့အတွက်ကြောင့် လာမည့် စက်တင်ဘာလ ၂၈ ရက်နေ့တွင် နိုင်ငံတကာ အသိုင်းအဝိုင်းက ကင်ဂျွန်အန်အပေါ် မျက်စိ ဒေါက်ထောက် ကြည့်ကြတော့မည် ဖြစ်ကြောင်း၊ ၎င်းကို မြောက်ကိုရီးယား၏ ချစ်လှစွာသော ခေါင်းဆောင်ကြီး ကင်ဂျုံအီလ် နေရာကို ဆက်ခံမည့် သူအဖြစ် ကျယ်ကျယ်ပြန့်ပြန့် ပြောဆိုလျက် ရှိသည့်တိုင် သူနှင့် ပတ်သက်သည့် အကြောင်းကိစ္စများကို နိုင်ငံတကာ အသိုင်းအဝိုင်းတွင် အနည်းငယ်သာ သိရှိကြကြောင်း ယင်းသတင်းဌာနက ဆိုသည်။

ဆွေးနွေးပွဲတွင် ထီးနန်းဆက်ခံပွဲ ပုံစံမျိုး ဖြစ်လာဖွယ် မရှိသော်လည်း အကယ်၍ ကင်ဂျွန်အန်အား ပါတီ၏ စီနီယာအဆင့် ရာထူး လွှဲပြောင်းပေးလိုက်ပြီ ဆိုပါက အဆိုပါကိစ္စသည် မြောက်ကိုရီးယား၏ ခေါင်းဆောင်နေရာ ဆက်ခံမည့်သူ မည်သူမည်ဝါ ဖြစ်သည် ဟူသော အချက်ကို ရှင်းရှင်းလင်းလင်း အချက်ပြလိုက်ရာ ရောက်သည်။

မြောက်ကိုရီးယား 'ကင်' တတိယ မျိုးဆက်ဖြစ်ပြီး နိုင်ငံရေးအရ အတွေ့အကြုံလည်း မရှိ၊ အသက်အရွယ်လည်း ငယ်ရွယ်သူ တစ်ဦးအနေဖြင့် စစ်ဘက်ရေးတွင် ယုံကြည်စိတ်ချမှု အပြည့်အဝ ရရှိရေး၊ ထင်ရှားသြဇာ ရှိသော ခေါင်းဆောင်တစ်ဦး ဖြစ်လာရေးမှာ မည်မျှ အတိုင်းအတာအထိ လွယ်ကူနိုင်မည်နည်း ဟူသည့် အချက်မှာလည်း အကြောင်းကိစ္စတစ်ခု ဖြစ်နေသည်။

လက်ရှိ ခေါင်းဆောင်ကြီး ကင်ဂျုံအီလ်မှာ အသက် ၆၈ နှစ်အရွယ် ရှိပြီဖြစ်ပြီး ၂၀၀၈ ခုနှစ်တွင် လေသင်တုန်း ဖြတ်သည့် ရောဂါ ခံစားခဲ့ရသည်ဟု ယုံကြည်ရသည်။ မြောက်ကိုရီးယား KCNA သတင်းဌာနက လာမည့် စက်တင်ဘာလ ၂၈ ရက် (အင်္ဂါနေ့) တွင် ပါတီ ဆွေးနွေးပွဲကြီး ကျင်းပ ပြုလုပ်မည် ဖြစ်ကြောင်း သတင်း အကျဉ်းချုံး ကြေညာသည်။

အဆိုပါ ကြေညာချက်ကြောင့် မည်သည့် နေ့ရက်တွင် အစည်းအဝေး ကျင်းပနိုင်သည်ဟူသော ထင်ကြေးပေး ပြောဆိုမှုများ အဆုံးသတ်သွားသည်။ အစောပိုင်းက အဆိုပါ အစည်းအဝေးကို စက်တင်ဘာလ ပထမပတ် အတွင်း ကျင်းပရန် စီစဉ်ခဲ့သော်လည်း နိုင်ငံတွင်း ရေလွှမ်းမိုးမှုများ ဖြစ်ပေါ်နေသောကြောင့် ရွှေ့ဆိုင်းခဲ့ခြင်း ဖြစ်သည်ဟု တောင်ကိုရီးယား အရာရှိကြီးများက ဆိုသည်။

"မြောက်ကိုရီးယား အလုပ်သမား ပါတီ (WPK) သည် ထိပ်ပိုင်း ခေါင်းဆောင် ရွေးချယ် တင်မြှောက်နိုင်ရေးအတွက် စက်တင်ဘာလ ၂၈ ရက်နေ့ ပြုံယမ်း မြို့တော်တွင် ဆွေးနွေးပွဲ ကျင်းပမည် ဖြစ်သည်" ဟု KCNA သတင်းဌာနက ဆိုသည်။

လက်ရှိ ခေါင်းဆောင်ကြီး ကင်ဂျုံအီလ်သည် ပြီးခဲ့သည့် ၁၉၈၀ ပြည့်နှစ်တွင် နောက်ဆုံး ကျင်းပခဲ့သည့် ပါတီ ကွန်ဖရင့်တွင် ရာထူးတိုးမြှင့်ခြင်း ခံခဲ့ရသည်။ ထိုစဉ်ကလည်း ကင်ဂျုံအီလ်သည် မြောက်ကိုရီးယား ခေါင်းကိုင်ဖခင်ကြီး ကင်အီဆွန်းနေရာကို ဆက်ခံမည့်သူအဖြစ် အတည်ပြု ပြောဆိုခြင်း ခံခဲ့ရသည်။

နောက်ဆုံးတွင် ကင်သည် သူ၏ ဖခင်ကြီး ကွယ်လွန်ပြီးနောက် ၁၉၉၄ ခုနှစ်၌ မြောက်ကိုရီးယား ခေါင်းဆောင် ဖြစ်လာသည်။ ထို့နောက် ကင်သည် မြောက်ကိုရီးယားကို နိုင်ငံတကာ အသိုင်းအဝိုင်းတွင် အထီးကျန်ဖြစ်အောင် ဦးဆောင် အုပ်ချုပ်လာခဲ့သည်။

ကင်သည် လတ်တလော နှစ်ကာလများတွင် မြောက်ကိုရီးယား နိုင်ငံ၏ အနီးကပ် မဟာမိတ်ဖြစ်သော တရုတ်နိုင်ငံ၌ ဆေးဝါးကုသမှု ခံယူရန် ကြိုးပမ်းခဲ့သည်ဟု ယ&