Transparency Myanmar

transparency.myanmar@gmail.com

yangonchronicle 2011
yangonchronicle 2011

၁.၈.၂၀၁၁

ပြည်တွင်းသတင်းများ

လုပ်ငန်းလိုင်စင်ရှိသူမည်သူမဆို ဗဟိုဘဏ်တွင် ငွေအကြွေလဲနိုင်

ရန်ကုန်မြို့တွင်း လုပ်ငန်းလိုင်စင်ရှိ၍ ဖွင့်လှစ်ထားသော မည်သည့်လုပ်ငန်းလုပ်ကိုင်သူမဆို  မြန်မာနိုင်ငံတော်ဗဟိုဘဏ်တွင် ငွေအကြွေ လာရောက်လဲလှယ်နိုင်ကြောင်း ရန်ကုန်တိုင်းဒေသကြီး အစိုးရအဖွဲ့အစည်းအဝေးတွင် မြန်မာနိုင်ငံတော် ဗဟိုဘဏ်မှ တာဝန်ရှိသူ တစ်ဦးက ပြောကြားခဲ့သည်။

ရန်ကုန်မြို့တွင်း လုပ်ငန်းလိုင်စင်ရှိ၍ ဖွင့်လှစ်ထားသောဆိုင်များ ငွေအကြွေလဲလှယ်မှုများ ပြုလုပ်နိုင်ရန် ရန်ကင်းမြို့နယ်ရှိ မြန်မာနိုင်ငံတော်ဗဟိုဘဏ် ငွေကြေးဌာနတွင် လုပ်ငန်းလိုင်စင်နှင့် မှတ်ပုံတင်မူရင်း ပြသကာ သွားရောက်လဲလှယ်နိုင်ကြောင်း သိရသည်။

အကြွေလဲလှယ်မှုပြုလုပ်ရာတွင် လုပ်ငန်းအကြီးအသေးအပေါ်မူတည်၍ တစ်လလျင်တစ်ကြိမ် ငါးရာကျပ်တန်၊ နှစ်ရာကျပ်တန်၊ တစ်ရာကျပ်တန်၊ ငါးဆယ်ကျပ်တန်များကို တစ်သိန်းဖိုးမှ ငါးသိန်းဖိုးအထိ လဲလှယ်ပေးသွားမည်ဖြစ်ကြောင်းသိရသည်။

ယခင်က အသေးစားလုပ်ငန်းများဖြစ်သော လက်ဖက်ရည်ဆိုင်များ၊ အအေးဆိုင်များ၊ ကွမ်းယာဆိုင်များ၊ မုန့်ဆိုင်များနှင့် အခြားသော လုပ်ငန်းများတွင် ငွေအကြွေအခက်အခဲများ ဖြစ်ပေါ်ခဲ့သဖြင့် ငွေအကြွေပြဿနာအားဖြေရှင်းရန် အကြွေလဲရာ တစ်သောင်းလျှင် တစ်ထောင်ကျပ် အပိုပေးရကြောင်း သိရသည်။

မြန်မာနိုင်ငံတော် ဗဟိုဘဏ်မှ ငွေအကြွေလဲလှယ်မှုများ ပြုလုပ်ပေးနေရာ ၂၀၀၈ ခုနှစ် ဇွန်လမှစတင်ကာ မထသသို့၎င်း ၂၀၁၁ ခုနှစ် ဇူလိုင်လမှ စတင်ကာ မြန်မာ့မီးရထားလုပ်ငန်းသို့ ၄င်း တစ်ကြိမ်လျှင် ၁၀ သိန်းနှုန်းဖြင့် တစ်လလျှင်သုံးကြိမ် လဲလှယ်ပေးခဲ့ကြောင်း သိရသည်။ ငွေအကြွေ ပြဿနာများ ဖြေရှင်းနိုင်ရန်အတွက် နေပြည်တော်တွင်တာဝန်ထမ်းဆောင်နေသော အစိုးရ၀န်ထမ်းများအား ငွေအကြွေတစ်သောင်း ထည့်သွင်း ပေးခဲ့ဖူးသည်။ ထိုနည်းတူ ရန်ကုန်တိုင်းဒေသကြီးအတွင်းရှိ အစိုးရဝန်ထမ်းများအား ဇူလိုင်လတွင် ၀န်ထမ်းလစာငွေများထဲတွင် ငွေအကြွေသုံသောင်းခွဲ ထည့်သွင်း ပေးခဲ့ကြောင်း သိရသည်။

Ref : True News Journal

-----------------------------------------------------------------------------------------------------------------------------------

Hot News ဂျာနယ်အား တရားဆွဲမှု  SSC ဆေးရုံပြန်လည်ရုပ်သိမ်း

Hot News ဂျာနယ်တွင်ပါရှိခဲ့သော SSC ဆေးရုံ၏ ဝန်ဆောင်မှုသတင်းကို အသရေဖျက်မှုဟု ယူဆကာ နစ်နာကြေး ကျပ်သိန်းပေါင်း နှစ်သောင်းရလိုမှုဖြင့် တရားဆွဲဆိုခဲ့သောအမှုကို ဇူလိုင်လ ၂၉ ရက်နေ့တွင် ပြန်လည်ရုပ်သိမ်းပေးရန်   SSC ဆေးရုံက လျှောက်ထားခဲ့ကြောင်း သိရသည်။

ဇွန်လဆန်းထုတ် Hot News ဂျာနယ်တွင်ပါရှိခဲ့သော ပုဂ္ဂလိကဆေးရုံ SSC ၏ ဝန်ဆောင်မှု သတင်းဆောင်းပါးသည် SSC ဆေးရုံအား အသရေ ဖျက်မှုနှင့် ထိခိုက်နစ်နာမှုများအတွက် တောင်းပန်စာကို ဇွန်လ ၃၀ ရက်နေ့ နောက်ဆုံးထား၍ ဖော်ပြပေးရန်နှင့် တောင်းပန်ခြင်းမပြုလုပ်ပါက နစ်နာကြေး ငွေကျပ် သိန်းပေါင်း နှစ်သောင်းရလိုကြောင်း အမှုဖြင့် တရားစွဲဆိုခဲ့သည်။

ယင်းတရားစွဲဆိုမှုနှင့် ပတ်သက်၍ Hot News ဂျာနယ်မှ ဇူလိုင်လ (၈) ရက်နေ့က Park Royal Hotel တွင် သတင်းစာရှင်းလင်းပွဲတစ်ခု ပြုလုပ်ခဲ့ပြီး အဆိုပါ သတင်းစာရှင်းလင်းပွဲတွင် Hot News ဂျာနယ်မှ အမှုဆောင်အရာရှိချုပ် ဒေါ်မမက မတောင်းပန်နိုင်ကြောင်းနှင့် တရားစွဲမည်ဆိုပါက တရားဥပဒေ နှင့်အညီ ရင်ဆိုင်သွားမည်ဖြစ်ကြောင်း ပြောကြားခဲ့သည်။

ထို့နောက် ဇူလိုင်လ ၂၉ ရက်နေ့တွင် ရန်ကုန်တိုင်းဒေသကြီး တရားလွှတ်တော်သို့ အဆိုပါ တရားစွဲဆိုမှုကို တရားမကျင့်ထုံးပုဒ်မ ၂၃ နည်း(၁)အရ မှုကို ရုတ်သိမ်းပေးရန် တင်းသွင်းခဲ့ရာ ရန်ကုန်တိုင်းဒေသကြီး တရားလွှတ်တော်ရုံးမှ ၂၀၁၁ခုနှစ်၊ တရားမကြီးမှု အမှတ်(၂၆၀၁)ဖြင့် ကြေအေးခွင့် ပြုလိုက်ကြောင်း သိရသည်။

SSC ဆေးရုံမှ အတိုင်ပင်ခံရှေ့နေဦးရဲမြင့်က သြဂုတ်လ(၅) ရက်နေ့တွင် ဗဟန်းမြို့နယ်တရားရုံးမှာ အမှုဖွင့်ထားသော ပုဒ်မ(၅၀၀)(၅၀၁) အမှုကိုလည်း ကျေအေးလွှာတင်သွင်းမည်ဟု ပြောကြားခဲ့ကြောင်း သိရသည်။

Ref : မော်နီတာသတင်းဂျာနယ်

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

အစိုးရသစ်က လွှတ်တော်အစည်းအဝေးကျင်းပရန် ခေါ်ယူ

အစိုးရသစ်လက်ထက်တွင် ပထမဆုံးအကြိမ် လွှတ်တော်အစည်းအဝေးများကို လာမည့် သြဂုတ် ၁၁ ရက်နေ့တွင် ခေါ်ယူကျင်းပမည်ဖြစ်ကြောင်း ဇူလိုင် ၈ ရက်နေ့ထုတ် နိုင်ငံပိုင်သတင်းစာများတွင် ဖော်ပြထားသည်။ ယခုခေါ်ယူသည့် အစည်းအဝေးများမှာ ဒုတိယအကြိမ်ခေါ်ယူသော ပုံမှန် အစည်းအဝေး ဖြစ်ပြီး၊ ပြည်ထောင်စုလွှတ်တော်အား ဖွဲ့စည်းပုံအခြေခံပုဒ်မ ၇၉ နှင့်ပြည်ထောင်စုလွှတ်တော်ဆိုင်ရာ ဥပဒေပုဒ်မ ၁၃ တို့အရ လည်းကောင်း ၊ အမျိုးသားလွှတ်တော်အား ဖွဲ့စည်းပုံအခြေခံပုဒ်မ ၁၅၅ နှင့်အမျိုးသားလွှတ်တော်ဆိုင်ရာ ဥပဒေပုဒ်မ ၃၄ အရ လည်းကောင်း၊ ပြည်သူ့လွှတ်တော်အား ဖွဲ့စည်းပုံအခြေခံဥပဒေပုဒ်မ ၁၂၆ နှင့်ပြည်သူ့လွှတ်တော်ဆိုင်ရာ ဥပဒေပုဒ်မ ၃၄ တို့အရခေါ်ယူခြင်း ဖြစ်ကြောင်း သိရသည်။

၂ဝ၁၁ ခုနှစ်၊ ဇန်နဝါရီ ၃၁ ရက်နေ့က စတင်ကာ မတ် လ ၂၃ ရက်နေ့အထိ ၁၄ ရက်ကြားကျင်းပခဲ့သည့် ပထမ အကြိမ် ပြည်သူ့လွှတ်တော်နှင့် အမျိုးသားလွှတ်တော်တွင် သက်ဆိုင်ရာလွှတ်တော် ကိုယ်စားလှယ်များက လွှတ်တော် နှစ်ရပ်ပေါင်း အဆို ၃၃ ခုတင်သွင်းခဲ့ရာ အဆို ၅ ခုအား ဆက်လက် ဆောင်ရွက်မည့် အဆိုများအဖြစ် အတည်ပြုခဲ့ကြောင်း လွှတ်တော်ကိုယ်စားလှယ်တစ်ဦးကဆိုသည်။

ပြည်သူ့လွှတ်တော် အစည်းအဝေးတွင် တင်သွင်းသည့်အဆို ၁၇ ခုတွင် ၄ ခုအား ဆက်လက်ဆောင်ရွက်ရမည့် အဆိုအဖြစ် ဆုံးဖြတ် အတည်ပြုခဲ့ကာ၊ ကျန်အဆိုများကို လွှတ်တော်က အတည်မပြုကြောင်း သိရသည်။ အမျိုးသား လွှတ်တော်တွင်လည်း အဆို ၁၆ ခု တင်သွင်းခဲ့ရာ၊ ယင်းအဆိုများထဲမှ ၁ ခုသာ ဆက်လက်ဆောင်ရွက်ရန် လွှတ်တော်က အတည်ပြုဆုံးဖြတ် ခဲ့သည်။၂၀၁၁ ခုနှစ်၊ မတ်လ ၉ ရက်မှ ၂၃ ရက်နေ့အထိ အစည်းအဝေးများတွင် ပြည်သူ့လွှတ်တော် ကိုယ်စားလှယ်များက မေးခွန်း ၄၆ ခု၊ အမျိုးသား လွှတ်တော် ကိုယ်စားလှယ်များက မေးခွန်း ၃၃ ခု မေး မြန်းခဲ့ပြီး သက်ဆိုင်ရာ ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်များ က ပြန်လည် ဖြေကြားခဲ့သည်။

 YC

-----------------------------------------------------------------------------------------------------------------------------------

စစ်တွေဟိုတယ်ဝန်ထမ်းများ သမ္မတ ရောက်ရှိစဉ် လခ စုပေါင်းတောင်းဆို

ဗိုလ်ချုပ်ကြီးဟောင်း သမ္မတ ဦးသိန်းစိန် ဇူလိုင် ၃၀ ရက်နေ့က စစ်တွေမြို့သို့ရောက်ရှိလာစဉ် ဟိုတယ်ဝန်ထမ်း ၂၅ ဦးထက်မနည်းက လစာအတွက် တစ်နာရီခွဲကြာ စုရုံးတောင်းဆိုခဲ့ ကြကြောင်း ယင်းဟိုတယ် ၀န်ထမ်းများထံမှ သတင်းရရှိသည်။

ပုဂ္ဂလိကမှ ငှားရမ်းလုပ်ကိုင်နေသော ယခင်စစ်တွေဟိုတယ် (ယခု စစ်တွေ ရီဆော့ဟိုတယ်) တွင် အလုပ်လုပ်ကိုင်နေသော ဟိုတယ်ခရီးဝန်ထမ်း ၄၃ ဦး၏ လစာကို ဇူလိုင် ၂၉ ရက် သောကြာနေ့ တွင် အထွေထွေအုပ်ချုပ်ရေးဦးစီးဋ္ဌာနတွင် သွားရောက်တောင်းယူရာ လစာထုတ်ပေးရန် အထက်မှ ညွန်ကြားထားခြင်း မရှိဟု ထွေအုပ် မှ တာဝန်ရှိသူတစ်ဦးက ပြန်လည်ပြောဆိုခဲ့ကြောင်း၊ ထုိ့ကြောင့် ဇူလိုင် ၃၀ ရက်နေ့မနက် ၈ နာရီခန့်အချိန် ဟိုတယ်ခရီး ၀န်ထမ်းအချို့က ယင်းဦးစီးဋ္ဌာနသို့သွားရောက်၍ လစာငွေ စုပေါင်း တောင်းခံကြကြောင်း ဟိုတယ်ဝန်ထမ်းအမျိုးသမီး တစ်ဦးက ပြောကြားသည်။

“အထဲမှာက လူကြီး ရောက်နေတယ်။ ဒါကြောင့် လစာမထုတ်ပေးနိုင်ခဲ့ဘူး။ စုပြီးတောင်းဆိုတဲ့ လူအုပ်ကို ဟိုတယ်က တာဝန်ရှိသူက လူကြီးခရီးစဉ်ပြီးရင် ထုတ်ပေးမယ်လို့ ပြောလိုက်တော့မှာ တောင်းဆိုတဲ့လူတွေ ပြန်သွားကြတယ်။ ရုံးရှေ့မှာ အဲဒီအချိန် ရဲတွေ၊ ထောက်လှမ်းရေးတွေလည်း ရှိနေတယ်။ ဆန္ဒပြတာမဟုတ်လို့ ဘာမှ အရေးမယူတာပေါ့။ အေးဆေးပါပဲ”ဟု ဟိုတယ်တာဝန်ရှိသူတစ်ဦးက ရှင်းပြသည်။

ဟိုတယ်နှင့် ခရီးသွားလုပ်ငန်းဝန်ကြီးဋ္ဌာနပိုင် စစ်တွေနှင့် ပဲခူး ရွှေဝါထွန်းဟိုတယ်များကို အထွေထွေအုပ်ချုပ်ရေးဦးစီးဋ္ဌာန ထိုမှတဆင့် ဇွန် ၁ ရက်နေ့မှစ၍ ပုဂ္ဂလိက လုပ်ငန်းရှင်များဖြစ်သော Royal Beach Motel Ngapali နှင့် Youth Force ကုမ္ပဏီများသို့ အသီးသီး လွှဲပြောင်း လုပ်ကိုင်စေခဲ့သည်။

စစ်တွေနှင့် ရွှေဝါထွန်းဟိုတယ်မှ ဟိုတယ်နှင့် ခရီးသွားဝန်ထမ်း ၁၀၀ ကျော်ကို ပြီးခဲ့သော ဇူလိုင် ၂၂ ရက်မှ စတင်၍ အထွေထွေအုပ်ချုပ်ရေး ဦးစီးဋ္ဌာနမှ ပုဂ္ဂလိက ကုမ္ပဏီများသို့ လွှဲပြောင်းခဲ့သည်။

“ကျွန်တော့ လုပ်သက် ၁၃ နှစ်ကျော်မှာ ဒါမျိုးတစ်ခါမှ မကြုံဖူးဘူး။ လုပ်ထုံးလုပ်နည်းမှားနေတယ်”ဟု ရွှေဝါထွန်းဟိုတယ်မှ အမျိုးသားဝန်ထမ်း တစ်ဦးက ပြောကြားသည်။

ပုံမှန် လုပ်ထုံးလုပ်နည်းအရ ၀န်ထမ်းများကို အစိုးရက ပင်စင်လစာပေး ပြီးမှသာ ပုဂ္ဂလိက ၀န်ထမ်း အဖြစ်တရားဝင်ခန့်ထားရမည်ဖြစ်သော်လည်း ယခု လုပ်ထုံးမှာ ၀န်ထမ်းများကိုပါ တိုက်ရိုက် ပုဂ္ဂလိက ပြောင်းလိုက်ခြင်းဖြစ်သည်။

ပုဂ္ဂလိက ၀န်ထမ်းအဖြစ်လုပ်ကိုင်လိုခြင်း မရှိ၍ ၀န်ကြီးဋ္ဌာနတွင် ဆက်လက်လုပ်ကိုင်ခွင့်ပြုပါရန် ၀န်ထမ်းများက ဟိုတယ်နှင့် ခရီးသွားလာရေး ၀န်ကြီးထံသို့ အသနားခံစာတင်ထားကြောင်း၊ ၀န်ကြီးဋ္ဌာန ထံမှ ပြန်လည်ခေါ်ယူမည်ဟု နှုတ်ဂတိရရှိထားကြောင်း သိရသည်။

“လုပ်သက်ကလည်း နှစ် ၂၀၊ ၃၀ ရှိနေပြီ ဒီမကြီးမငယ်အသက်ရောက်မှ ပုဂ္ဂလိက ၀န်ထမ်းမလုပ်ချင်တော့ဘူး။ နှစ်ပေါင်းများစွာ ရင်းလာခဲ့တဲ့ အတွက် ပင်စင်တော့ ပြန်လိုချင်တယ်”ဟု ၀ါရင့်ဟိုတယ် ၀န်ထမ်းတစ်ဦးက ပြောကြားသည်။

ပုဂ္ဂလိကသို့ လွှဲပြောင်းလိုက်သော ၀န်ထမ်းဦးရေမှာ စစ်တွေဟိုတယ်တွင် ၄၃ ဦး၊ ရွှေဝါထွန်းဟိုတယ်တွင် ၅၉ ဦးရှိပြီး ၎င်းတို့ အသနားခံစာ တင်ထားသော ကိစ္စနှင့် ပတ်သက်၍ ဇုလိုင်လကုန်အထိ မည်သည့် သတင်းစကားမျှ မရရှိသေးကြောင်း သိရသည်။

သမ္မတ ဦးသိန်းစိန်သည် ရခိုင်ပြည်နယ် ဂွမြို့သို့ ဇူလိုင် ၂၇ တွင် စတင်ရောက်ရှိခဲ့ပြီး သံတွဲ၊ တောင်ဂုတ်၊ အမ်း၊ မင်းပြား၊ မြောက်ဦး၊ ကျောက်တော် ထိုမှ တဆင့် နောက်ဆုံး စစ်တွေ သို့ ဇူလိုင် ၂၉ ရက်နေ့တွင် ရောက်ရှိခဲ့ခြင်းဖြစ်သည်။

(TH)

-----------------------------------------------------------------------------------------------------------------------------------

လွှတ်တော်ကိုယ်စားလှယ် ၁၅ ဦး အာဆီယံလွှတ်တော်အမတ်အစည်းအဝေး တက်မည်

ယခုနှစ် စက်တင်ဘာ ၁၈ ရက်နေ့မှ ၂၄ ရက်နေ့ထိတိုင် ကမ္ဘောဒီးယားနိုင်ငံ၌ ပြုလုပ်မည့် အာဆီယံလွှတ်တော်အမတ်များအစည်းအဝေးသို့ မြန်မာနိုင်ငံမှ လွှတ်တော်ကိုယ်စားလှယ် ၁၅ ဦးတက်ရောက်မည်ဖြစ်ကြောင်း မြန်မာနိုင်ငံမှ လွှတ်တော်ကိုယ်စားလှယ်တစ်ဦးက ပြောကြားခဲ့သည်။

တက်ရောက်မည့် မြန်မာလွှတ်တော်ကိုယ်စားလှယ်အဖွဲ့အား ပြည်ထောင်စုလွှတ်တော် နာယက ဦးခင်အောင်မြင့် (သို့မပာုတ်) ပြည်သူ့လွှတ်တော် ဒုတိယ ဥက္ကဋ္ဌ ဦးနန္ဒကျော်စွာက ဦးဆောင်မည်ဖြစ်ပြီး ၎င်းအဖွဲ့တွင်  တိုင်းရင်းသားလွှတ်တော် ကိုယ်စားလှယ်များ ပါဝင်မည်ဖြစ်ကြောင်း သိရသည်။

အာဆီယံအမတ်များလွှတ်တော်အစည်းအဝေးသို့ သွားရောက်မည့် မြန်မာလွှတ်တော် ကိုယ်စားလှယ်များအဖွဲ့သည် မြန်မာနိုင်ငံရှိ တိုင်းရင်းသား ပေါင်းစုံနှင့် လွှတ်တော်များကို ကိုယ်စားပြုသည့် အဖွဲ့တစ်ခုအနေဖြင့် သွားရောက်မှာဖြစ်ပြီး ၎င်းအစည်းအဝေးအနောက်၌ လေးနက်သည့် ရည်ရွယ်ချက် များလည်း ရှိနေနိုင်ကြောင်း ပြည်သူ့လွှတ်တော်ကိုယ်စားလှယ်တစ်ဦးက ပြောကြားခဲ့သည်။

၎င်းအစည်းအဝေးတွင် မြန်မာနိုင်ငံရှိ ကဏ္ဍမျိုးစုံ ကိစ္စအကြောင်းအရာများကို ဆွေးနွေးနိုင်ရန်အတွက် ၎င်းအစည်းအဝေးသို့ သွားရောက်မည့် လွှတ်တော်ကိုယ်စားလှယ်များက စာတမ်းပြင်ဆင်ပြုစုထားကြောင်းလည်း သိရသည်။

REF: True News

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ကျွန်တော်တို့နိုင်ငံမှာ မလုပ်ဖြစ်တာနှစ်ပေါင်းကြာပြီဖြစ်တဲ့ ဆီးဂိမ်းပွဲကို နောင်နှစ်နှစ်ကြာရရင် အိမ်ရှင်အဖြစ် လက်ခံ ကျင်းပရတော့မှာပါ။ ဒီအင်းမေ့ခ်ျက အိမ်ရှင်ဖြစ်ရေးကို ထိခိုက်သွားမှာ စိုးရိမ်တယ်ဗျာ။ ကျွန်တော်တို့ မြန်မာပရိသတ်တွေ အမျိုးသားရေးစိတ်ဓာတ်ပြင်းတယ်ဆိုတာ သိပါတယ်ဗျာ။ ဒါပေမဲ့ နိုင်ငံတကာမှာ အဆင့်အတန်းရှိတဲ့ ပရိသတ်ကြီးဖြစ်စေချင်တယ်ဗျာ"

သြဂုတ် ၂ ထုတ် The Folwer new အတွဲ (၇) အမှတ် (၂၉) တွင်ပါသည့် "အပြင်မတင်ရက်ပါ....သို့သော်..." သတင်းဆောင်းပါးမှ ကိုမြတ်သူရ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"အမှန်တကယ် အလုပ်လုပ်နေကြတဲ့ ပါတီအသီးသီးက လွှတ်တော်ကိုယ်စားလှယ်တွေ ရှိနေပါတယ်ဆိုတာ အားလုံးသိစေချင်ပါတယ်။ ပုဂ္ဂိုလ်ရေး အမြင်ထက် နိုင်ငံရေးအမြင်တွေရှိကြပါ။ နိုင်ငံရေးလောကသားများအနေနဲ့လည်း စာအုပ်ကြီးဝါဒတွေ နိုင်ငံတကာစံဆိုတဲ့ အယူအဆတွေကို လက်ညှိုးထိုး ပြောနေတာထက်စာရင် နည်းဗျူဟာကျကျ အတွေးအခေါ်တွေကိုသုံးပြီး အကောင်းမြင်ဝါဒနဲ့ ပူးပေါင်းလုပ်ဆောင်ကြရင် ပြည်သူတွေအတွက် အကျိုးရှိမှာပဲလို့ ပြောချင်ပါတယ်"

သြဂုတ် ၃ ထုတ် The Myanmar Post အတွဲ (၃) အမှတ် (၂၉) တွင်ပါသည့် အမျိုးသားလွှတ်တော်ကိုယ်စားလှယ် ဒေါ်ခင်ဝိုင်းကြည်နှင့် အင်တာဗျူး ကောက်နှုတ်ချက်

-----------------------------------------------------------------------------------------------------------------------------------

" အိမ်ခြံမြေဈေးတွေဆိုရင် မကြားဖူးတဲ့နှုန်းထားတွေကြားရတယ်။ အခုဆိုကားဈေးတွေ တက်တယ်ဆိုရင် မကြားဖူးတဲ့နှုန်းထားတွေ ကြားနေရတယ်။ ဒါက ငွေရှိတဲ့သူတွေပဲကစားနိုင်ကြတာပါ။ သာမန် လူတွေကတော့ တစ်နေ့တစ်နေ့စားဝတ်နေရေး၊ ကျန်းမာရေးနဲ့ သူတို့ရဲ့ Life အတွက်ပဲ လုံးပန်းကြတာလေ။ တစ်ဖက်က ကြည့်ရင်လည်း ငွေကြေးရှိတဲ့သူတွေ မှန်မှန်ကန်ကန်မြှုပ်နှံနိုင်မယ့် အခွင့်အလမ်းတွေမရှိတာရယ်၊ ကာလတိုက ခဏလေးနဲ့ အကျိုးအမြတ် များနေတာကို တွေ့ရမှာပဲ။ ဥပမာ- အများပိုင် ကုမ္ပဏီတွေရှိမယ်ဆိုရင် ငွေရှိတဲ့ သူက အများပိုင်ကုမ္ပဏီမှာ ရှယ်ယာဝယ်ထားမယ်။ လုပ်တတ်တဲ့သူက အများပိုင်ကုမ္ပဏီထောင်ပြီး စက်ရုံတွေ ကုန်ထုတ်လုပ်မှုတွေလုပ်မယ်ဆိုရင် ပြည်တွင်းမှာလည်း အလုပ်အကိုင် အခွင့်အလမ်းတွေရှိလာမယ်၊ ကုန် ထုတ်လုပ်မှု လုပ်ငန်းတွေတိုးတက်လာမယ်၊ နိုင်ငံရဲ့စီးပွားရေးကလည်း မှန်ကန်တဲ့မြှုပ်နှံမှုနဲ့အတူ တက်လာမယ်။ အခုကတော့ ပုံမှန်မဟုတ်ဘဲ အဲဒီလို မှန်ကန်တဲ့ မြုပ်နှံမှုတွေနည်းပြီး ကလာတိုတွေဘက်မှာ သွားများနေတာကို ကပြောင်းပြန်ဖြစ်နေတာ။ မြန်မာ့စီးပွားရေးဖြစ်စဉ်က ဒီလိုမှန်ကန်တဲ့ မြုပ်နှံမှုတွေဖော်ဆောင်ဖို့လိုနေသေးတဲ့အ တွက် ဘယ်လိုပြောရမလဲမနူးမနပ်ဖြစ်နေတဲ့သဘောဖြစ်နေတာ"

သြဂုတ် ၃ ထုတ် Weekly ELEVEN အတွဲ (၆) အမှတ် (၄၄) တွင်ပါသည့် "ကားဈေးတက် စီးပွားရေးပြောင်း ပြန်ဖြစ်စဉ်ဟု လူအများရှုမြင်" သတင်းဆောင်းပါးမှ ပါမောက္ခ ဒေါ်ရီရီမြင့်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

" လူတွေက အသရေပျက်အောင် အသေရေဖျက်မှုနဲ့ပဲ တရားစွဲလို့ ရတယ်လို ထင်ကြပါတယ်။ အသေရေဖျက်မှုဆိုရင် ကင်းလွတ်ချက် ၁၀ ချက်ကလည်း ပါတော့ တော်တန်ရုံ အသဖျက်မှုပြစ်ဒဏ်ကလည်း နှစ်နှစ်အထိပဲ ဆိုတော့ မကြောက်ကြပါဘူး။ အခုလို Facebook ပေါ်ကတစ်ဆင့် အသရေဖျက် နေတာတွေကို အရေးယူစရာ ဥပဒေမရှိဘူးလို့ ထင်နေကြပါတယ်။ အင်တာနက်ဝက်ဘ်ဆိုက်ကို မြနမာနိုင်ငံမှာ တွင်တွင်ကျယ်ကျယ် အသုံးပြု လာတဲ့အပေါ်မှာ ဖြစ်ပေါ်လာတဲ့ပြဿနာတွေကို ဖြေရှင်းနိုင်ဖို့ အီလက်ထရောနစ် ဆက်သွယ်ဆောင်ရွက်ရေး ဥပဒေကို ၂၀၀၄ ခုနှစ်ကတည်းက ပြဋ္ဌာန်းခဲ့တာပါ။ ဒီဥပဒေနဲ့ တရားစွဲဆိုတဲ့အမှုဟာ တခြားပြစ်မှုတွေလောက် မများလို့ လူသိပ်မသိတာပါ"

သြဂုတ် ၃ ထုတ် Weekly ELEVEN အတွဲ (၆) အမှတ် (၄၄) တွင်ပါသည့် "Facebookပေါ်တွင် လူပုဂ္ဂိုလ်နှင့် အဖွဲ့ အစည်းများ ဂုဏ်သိက္ခာ ထိခိုက်" သတင်းဆောင်းပါးမှ အထက်တန်းရှေ့နေတစ်ဦး၏ ပြောကြားချက်အပေါ် ကောက်နှုတ်ချက်

 ×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

အခြေခံအဆောက်အအုံနှင့် ဖွံ့ဖြိုးရေးလိုအပ်ချက်

နိုင်ငံတစ်နိုင်ငံ ဖွံ့ဖြိုးတိုးတက်ရန်အတွက် အဓိကအထောက်အကူပြုသည့် အရာမှာ အခြေခံ အဆောက်အအုံများ ပြည့်စုံလုံလောက်အောင် ရှိခြင်းပင်ဖြစ်လေသည်။ အခြေခံအဆောက်အအုံများ ပြည်စုံလုံ လောက်အောင်ရှိခြင်းဆိုသည်မှာ နိုင်ငံတော်အစိုးရမှ စီးပွားရေးဖွံ့ဖြိုးမှုရှိသလောက် အခြေခံအဆောက်အအုံ များပြည်စုံလုံလောက်အောင် တည်ဆောက်ယူခြင်းကိုဆိုလိုပါသည်။ မြန်မာနိုင်ငံတွင် ယခင် နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ၏ နိုင်ငံရေးဖွံ့ဖြိုးရေးစီမံကိန်းများကြောင့် အခြေခံအဆောက်အအုံ တည်ဆောက်ရေးကို အရှိန်အဟုန်နှင့် လုပ်ဆောင်ခဲ့လေသည်။ သို့သော် အုပ်ချုပ်ရေးဆိုင်ရာ အားနည်းချက် အထွေထွေကြောင့် တည်ဆောက်ထားသည့် အခြေခံအဆောက်အအုံများမှာ စီးပွားရေးဖွံ့ဖြိုးတိုးတက်ရေးအ တွက် များစွာအထောက်အကူမပြုခဲ့ပေ။ ယခုအချိန်ထိ နယ်မြို့များတွင် အလှည့်ကျမီးပေးစနစ်ဖြင့် မီးရရှိအောင် ဆောင်ရွက်ဆဲဖြစ်ပြီး ကုန်အတင်အချ ပြုလုပ်သည့် ဆိပ်ကမ်းများသည်လည်း မိမိတို့နိုင်သည့် ဝန်ထက် ပိုမို၍ ထမ်းဆောင်နေရဆဲပင်ဖြစ်လေသည်။

အခြေခံအဆောက်အအုံများ တည်ဆောက်ရေးသည် နိုင်ငံ၏ စီးပွားရေးတည်ဆောက်ရေးအတွက် အမှန်တကယ် လိုအပ်သောအရာ ဖြစ်သော်လည်း အရင်းအနှီးကြီးမားစွာ လိုအပ်သည့်အတွက် အကောင်အထည်ဖော်ရန် ခဲယဉ်းလေသည်။ ဖွံ့ဖြိုးတိုးတက်မှုလိုချင်လျှင် အကောင်အထည် မဖော်၍လည်းမဖြစ်။ ဖွံ့ဖြိုးဆဲနိုင် ငံများ၏ အခြေခံအဆောက်အအုံတည်ဆောက်ရေးတွင် လိုအပ်သော အရင်းအနှီးများကို ကမ္ဘာ့ဘဏ်ကဲ့သို့သော နိုင်ငံတကာ ဘဏ္ဍရေးအဖွဲ့အစည်းများက ငွေကြေးအထောက်အပံ့များပေးလေ့ရှိပါသည်။ သို့သော် ယင်း နိုင်ငံမှာ ကမ္ဘာ့ကုလသမဂ္ဂမှ သတ်မှတ်ထားသည့် အဆင်းရဲဆုံး နိုင်ငံစာရင်းတွင် ပါဝင်နေ၍တော့မဖြစ်။ မြန်မာနိုင်ငံမှာ ကမ္ဘာ့အဆင်းရဲဆုံးနိုင်ငံစာရင်းထဲတွင်ရှိနေသည့်အတွက် ၎င်းစာရင်းထဲမှ အရင်ဆုံး ထွက်နိုင်အောင် ကြိုးစားရဦးမည်ဖြစ်လေသည်။

အခြေခံအဆောက်အုံများတည်ဆောက်ရာတွင် အခြောက်တိုက် မလိုလားအပ်သည့် အရာများကို တည်ဆောက်နေ၍တော့မဖြစ်ပေ။ ဤနေရာတွင် ကုန်ကျစရိတ်-အကျိုးရလဒ် သရုပ်ခွဲစိစစ်မှုမျိုးကို အထူးဂရုပြု လုပ်ဆောင်နိုင်ရမည်ဖြစ်သည်။ ဥပမာအားဖြင့် စီးပွားရေး ဖွံ့ဖြိုးတိုးတက်မှု အတွက် အဓိကလိုအပ်နေသည့် ကားလမ်းများ တည်ဆောက်ရမည့်အစား စီးပွားရေးဖွံ့ဖြိုးတိုးတက်မှုအခွင့်အလမ်းနည်းသည့် ရေကာတာမျိုးကို တည်ဆောက်ခြင်းသည် အခွင့်အလမ်းတန်ဖိုးအရ အစိုးရ၏ ဘဏ္ဍအရင်းအမြစ်များ ခွဲဝေရေးတွင် များစွာနစ်နာမှုများ ဖြစ်ပေါ်လာနိုင်ပါသည်။ ဤကဲ့သို့ အခြေခံအဆောက်အအုံများ တည်ဆောက်ရာ၌ နိုင်ငံ၏ အားသာချက်များကို စနစ်တကျအသုံးချရင် ဖြစ်ပေါ်လာနိုင်သည့် အခွင့်အလမ်းလားရာများကို သဘောပေါက်နိုင်ဖို့ လွန်စွာအရေးကြီးပါသည်။ စင်္ကာပူနိုင်ငံသည် ရေကြောင်းကုန်သွယ်ရေး၌ အလွန်အချက်ကြသည့်နေရာ ဖြစ်သောကြောင့် ယင်းအာသာချက်ကို အသုံးချရင်း အရှေ့အာရှ၏ စီးပွားရေးအချက်အချာကြသော ဆိပ်ကမ်းဖြစ် ပေါ်လာရေး အခွင့်အလမ်းအတွက် အခြေခံ အဆောက်အအုံများကို စနစ်တကျတည်ဆောက်ရယူခဲ့လေသည်။

အခြေခံအဆောက်အအုံများဖွံ့ဖြိုးတိုးတက်ရေးအတွက် အစိုးရမှ ပုဂ္ဂလိကပိုင်လုပ်စေခြင်းမျိုးကို အချို့က မလုပ်သင့်သော အရာဟူ၍ ရှုမြင်ချက်မျိုးလည်း ရှိသည်။ သို့သော် ကမ္ဘာ့အနှံ့နိုင်ငံတော်တော်များများ၏ အုပ်ချုပ်ရေးစနစ်ကောင်းများကြင်အင်လက္ခဏာများတွင် ပုဂ္ဂလိကပိုင်ပြုရေးကို အလေးအနက် ထည့်သွင်းလာ ကြလေသည်။ ဤကဲ့သို့ဆောင်ရွက်ခြင်းဖြင့် ဈေးကွက်၏ သဘောသဘာဝအရ ပြိုင်ဆိုင်မှုများပြုလုပ်လာပြီး ပြည်သူ့ရေးရာဝန်ဆောင်မှုကောင်းများ ပြည်သူလူထုအတွင် ပေးအပ်နိုင်မည်ဖြစ်လေသည်။ ပုဂ္ဂလိကပိုင် တက္ကသိုလ်များ၊ သုတေသနဌာနများ တည်ဆောက်ခြင်း၊ ပုဂ္ဂလိကလုံခြံရေးအဖွဲ့အစည်းများ ဖွဲ့စည်းခြင်း၊ တည်ဆောက်ပြီး လမ်း၊ တံတားနှင့် ဆက်သွယ်ရေးကဲ့သို့သော အခြေခံအဆောက်အအုံများကို ပြုပြင်ထိန်းသိမ်း ခြင်းလုပ်ငန်းများကို အစိုးရမှ ပုဂ္ဂလိကသို့လွဲအပ်လုပ်ကိုင်စေခြင်းနှင့် အစိုးရနှင့် ပုဂ္ဂလိက ဖက်စပ်လုပ်ငန်း မျိုးဖြစ်လေသည်။

အစိုးရမှ ပုဂ္ဂလိကပိုင်သို့ လွဲပြောင်းရေးတွင် မြင်သာထင်သာရှိမှုမှာ အလွန်အရေးကြီးပါသည်။ မြန်မာနိုင်ငံသည် ယခင် ဆိပ်ကမ်း၊ လေယဉ်ကွင်းများကို ပုဂ္ဂလိကပိုင်လွဲပြောင်းရေးတွင် မြင်သာထင်သာမရှိ။ နီးစပ်ရာကိုသာ ထုတ်ပြန်ကြေညာခဲ့သည်သာဖြစ်လေသည်။ သို့သော် အစိုးရသစ် တက်လာပြီးသည့်နောက်ပိုင်း ပုဂ္ဂလိကပိုင် လွဲပြောင်းရေးနှင့် ပတ်သက်၍ မြင်သာထင်သာအရှိဆုံး လုပ်ရပ်မှာ မြို့ပတ်ရထားပို့ဆောင်ရေးလုပ်ငန်းဖြစ် သည်။ ဇူလိုင် ၂၆ ရက်နေ့၌ နေပြည်တော်တွင် ကျင်းပသော အဆိုပါ အစည်းအဝေးပွဲသို့ စိတ်ဝင်စားသည့် စီးပွားရေးလုပ်ငန်းရှင် ၁၀၀ ခန့် တက်ရောက်ခဲ့လေသည်။ တစ်နေ့ခရီးသည် တစ်သိန်းနီးပါးခန့်ရှိသော ရန်ကုန်မြို့ပတ်ရထား စီမံကိန်းကို လုပ်ဆောင်မည့်လုပ်ငန်းရှင်များက ယခုအခါတွင် market survey လုပ်ဆောင်လျက်ရှိ နေပြီဖြစ်လေသည်။ ဤနေရာတွင် အစိုးရမှ ပုဂ္ဂလိကကုမ္ပဏီတစ်ခုမှ လက်ဝါးကြီး အုပ်စိ