Transparency Myanmar

transparency.myanmar@gmail.com

Mizzima News, 5th February 2010

မြန်မာ အစိုးရသည် နိုင်ငံပိုင် စီးပွားရေး လုပ်ငန်းများ ဖြစ်သော စက်ရုံများ၊ ကူးသန်း ရောင်းဝယ်ရေး လုပ်ငန်းများ၊ ဟိုတယ်နှင့် ခရီး သွားလာရေး ကဏ္ဍ၊ သမဝါယမ ကဏ္ဍ၊ မွေးမြူရေး နှင့် ရေလုပ်ငန်း၊ စွမ်းအင်၊ ပို့ဆောင်ရေးနှင့် ဆက်သွယ်ရေး ကဏ္ဍများတွင် တပြိုင်နက် ပုဂ္ဂလ်ိကပိုင် ပြုလုပ်ရေးကို လုပ်ဆောင်လျက် ရှိနေပါသည်။

အစိုးရသည် လွန်ခဲ့သော နှစ် ၂၀ ခန့်ကတည်းက ဈေးကွက် စီးပွားရေး စနစ်ကို ပြောင်းလဲ ကျင့်သုံးနေသည်ဟု ပြောဆိုလာခဲ့သော်လည်း ယခုမှ ပုဂ္ဂလိကပိုင် ပြုလုပ်ရန် အားကြိုး မာန်တက် စီမံလာခြင်းမှာ ထူးဆန်းနေပေသည်။

အစိုးရကမူ ရွေးကောက်ပွဲ အရ ပေါ်ထွက်လာမည့် အစိုးရ အဖွဲ့သို့ အာဏာ လွှဲပြောင်းပေးမည့် ကိစ္စတွင် နိုင်ငံပိုင် စီးပွားရေး လုပ်ငန်းများကို ပုဂ္ဂလိကပိုင် ပြုလုပ်ရေးမှာ လိုအပ်ကြောင်း ကာကွယ် ပြောဆိုခဲ့ပါသည်။ ထပ်မံ ထွက်ပေါ်လာမည့် အစိုးရတွင် ယခု လူများပင် ယူနီဖောင်း ချွတ်၍ အုပ်ချုပ်လိမ့်ဦးမည်ဟု ယူဆရပေသည်။ ထို့ကြောင့် ပြုပြင် ပြောင်းလဲရေးသည် အောင်မြင်ရန် အခွင့်အလမ်း နည်းပါးပေလိမ့်မည်။

ယခု ပုဂ္ဂလိကပိုင် ပြုလုပ်ခြင်းသည် အာဏာရှင်များ၏ ဆွေမျိုး ၎င်းတို့နှင့် နီးစပ်သူ အပေါင်းအသင်းများ၏ အင်ပါယာ ချဲ့ထွင်ခြင်း တစ်ရပ်ပင် ဖြစ်ပေလိမ့်မည်။ အဘယ်ကြောင့်ဆိုသော် ယခု ရောင်းချမည့် နိုင်ငံပိုင် ပစ္စည်းများ၊ သဘာဝ အရင်းအမြစ်များကို ၎င်းတို့အတွင်းစည်းမှ လက်တစ်ဆုပ်စာ အခွင့်ထူးခံ တစ်စုကသာ လက်ဝါးကြီးအုပ် ဝယ်ယူကြခြင်းကြောင့် ဖြစ်ပါသည်။ ယခု ပုဂ္ဂလိကပိုင် ပြုလုပ်ခြင်းသည် လူအများစုကို အကျိုး ဖြစ်ထွန်းစေမည့် အစား၊ ဗိုလ်ချုပ်များနှင့် ၎င်းတို့၏ အပေါင်းအသင်းများကို စီးပွားရေး အခွင့်အလမ်းများ ဖန်တီးပေးခြင်းပင် ဖြစ်ပေလိမ့်မည်။

တင်ဒါ ခေါ်မှုများမှာလည်း အပြ ကောင်းရန် အတွက် ဖြစ်ပြီး၊ အစိုးရနှင့် နီးစပ်သော အသိုင်းအဝိုင်းသည် အမှန်တကယ် ငွေများစွာ မြတ်နိုင်သော လုပ်ငန်းများကို ရယူနိုင်မည် ဖြစ်ပါသည်။ ကြိုတင်၍ ရွေးချယ်ထားကြပြီး ဖြစ်ပါသည်။ အဆိုပါ အစိုးရနှင့် နီးစပ်သော စီးပွားရေး အသိုင်းအဝိုင်းမှ ပုဂ္ဂိုလ်များ၊ အဖွဲ့များသည် ယခုကဲ့သို့ ပုဂ္ဂလိကပိုင် ပြုလုပ်ရန် ကြေညာချက် မထွက်မီ အချိန်များစွာ ကတည်းက၊ ပြင်ဆင်ထားကြပြီး ဖြစ်ပါသည်။

ရွေးကောက်ပွဲကြောင့် နိုင်ငံရေး ပြောင်းလဲမှု ဖြစ်နိုင်ချေသည် အလွန်တရာ နည်းပါးလှပါသည်။ ၂၀၀၉ ခုနှစ်တွင် နိုင်ငံရေး အကျဉ်းသား ဦးရေ တိုးလာခြင်းနှင့် အတူ သတင်းစာ ဆရာများကို ထောင်ဒဏ် နှစ်ရှည် ချမှတ်မှုများလည်း ရှိနေပါသည်။ နိုင်ငံရေး ပါတီများ၏ လှုပ်ရှားမှုများကို ကန့်သတ်ခြင်းများ၊ ဖွဲ့စည်းမှုများကို ကန့်သတ်ခြင်း၊ လွတ်လပ်ခွင့် ပေးခြင်း ကို ကန့်သတ်ခြင်းနှင့် အတင်း အဓမ္မ ပြုမှုများ ပိုမို ပြုလုပ်လျက် ရှိရာ အစိုးရ၏ သရုပ်မှန်ကို ပိုမို ထုတ်ပြသလို ဖြစ်နေပေမည်။

နိုင်ငံပိုင် စီးပွားရေး လုပ်ငန်းများကို ရောင်းပြီး စီးပွားရေး ကဏ္ဍတွင် ပုဂ္ဂလိက ကဏ္ဍကို တိုးချဲ့ပေးခြင်းသည် လိုအပ်ပြီး၊ ပြိုင်ဆိုင်မှု ပိုမို ရှိလာခြင်း၊ ပွင့်လင်း မြင်သာမှု ရှိလာခြင်း၊ တာဝန်ယူမှုနှင့် အဝေဖန် ခံနိုင်မှုများ သည်လည်း အရေးကြီးပြီး၊ လိုအပ်လှပါသည်။

ပုဂ္ဂလိကပိုင် ပြုလုပ်ခြင်းသည် အလုပ်အကိုင် ဆုံးရှုံးမှုများ၊ အလုပ်သမား အခွင့်အရေးများ ဆုံးရှုံးမှုများ ပိုမို တိုးပွားလာစေမည် ဖြစ်ပါသည်။

အကယ်၍ တစ်စုံတစ်ယောက်သည် လက်ရှိ ပုဂ္ဂလိကပိုင် ပြုလုပ်ရေး အစီအစဉ်မှ တစ်နိုင်ငံလုံး ခြုံ၍ တိုးတက်မှုများကို မျှော်လင့်သည် ဆိုလျှင် ၎င်းသည် အစိုးရ၏ ရည်ရွယ်ချက်နှင့် အကြောင်းပြချက်တို့ အပေါ် သေချာပေါက် နားလည်မှု လွဲနေခြင်း ဖြစ်နိုင်ပေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Jakarta Post, 6th February 2010

          ယခုနှစ်အတွင်း အားလုံး ပါဝင်နိုင်မည့် အထွေထွေ ရွေးကောက်ပွဲများကို ကျင်းပရန် ကတိ ပေးထားခြင်းကို မြန်မာနိုင်ငံက လုပ်ဆောင်နိုင်လိမ့်မည်ဟု အင်ဒိုနီးရှား နိုင်ငံက မျှော်လင့်နေကြောင်း သံအမတ်ကြီး Sebastianus Sumarsono က စနေနေ့တွင် ပြောကြားခဲ့ပါသည်။

          "တကယ်လို့ အားလုံး ပါဝင် ယှဉ်ပြိုင်နိုင်မှသာ အထွေထွေ ရွေးကောက်ပွဲ အောင်မြင်တယ်လို့ ယူဆရမှာပါ။ မြန်မာ အစိုးရကလည်း ဒီအတိုင်း ကတိ ပေးထားပါတယ်" ဟု Sumarsono က နိုင်ငံခြားရေး ဝန်ကြီးများ အစည်းအဝေး၏ အဝန်းအဝိုင်းတွင် ပြောကြားခဲ့ခြင်း ဖြစ်သည်။

          မြန်မာနိုင်ငံ၏ ဒီမိုကရေစီ လုပ်ငန်းစဉ် တိုးတက် ဖွံ့ဖြိုးမှုများကို အင်ဒိုနီးရှားက တက်ကြွစွာ လိုက်ပါ စောင့်ကြည့်နေကြောင်းနှင့် အတွေ့အကြုံ မျှဝေခြင်း အပါအဝင် လိုအပ်သမျှကို ကူညီ ထောက်ပံ့ရန် အဆင်သင့် ရှိနေသည် ဟုလည်း ၎င်းက ဆိုပါသည်။

          အင်ဒိုနီးရှားသည် မြန်မာနိုင်ငံနှင့် ကောင်းမွန်သော ဆက်ဆံရေးကို နှစ်ပေါင်း ၆၀ ကျော် ထိန်းသိမ်းခဲ့ပါသည်။

          ဇွန်လ နှင့် အောက်တိုဘာလ အကြား ကျင်းပဖွယ် ရှိသည့် ရွေးကောက်ပွဲတွင် ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်းစုကြည်၏ NLD ပါတီ အနိုင် ရရှိနိုင်မည့် အခွင့်အရေးနှင့် ပတ်သက်၍မူ Sumarsono က မှန်းဆ ပြောကြားခြင်း မပြုခဲ့ပါ။

          "NLD ပါတီရဲ့ လူငယ် မျိုးဆက်သစ်တွေက ပါဝင် ယှဉ်ပြိုင် ချင်ပေမယ့် ပါတီရဲ့ ဝါရင့် လူကြီးပိုင်းက ပြိုင်ချင်တဲ့ ဆန္ဒ မရှိဘူးလို့ ပြောနေကြတယ်" ဟု ၎င်းက ပြောပါသည်။

          ဒေါ်အောင်ဆန်းစုကြည်အား နိုဝင်ဘာလတွင် လွှတ်ပေးနိုင်ဖွယ် ရှိသည်ဟု မြန်မာ ပြည်ထဲရေး ဝန်ကြီး ဗိုလ်ချုပ် မောင်ဦးက ယခင်လတွင် ပြောကြားခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

M & C News, 7th February 2010

          မြန်မာ အာဏာပိုင်များသည် ကယ်ဆယ်ရေး ဝန်ထမ်းများ၏ ဝင်ခွင့် ဗီဇာများနှင့် ခရီး သွားလာခွင့် ပါမစ်များကို ကြန့်ကြာစေခြင်းဖြင့် ဧရာဝတီ မြစ်ဝကျွန်းပေါ် နာဂစ် ဆိုက်ကလုန်း ဒဏ်ခံ ဒေသများရှိ ပြန်လည် ထူထောင်ရေး လုပ်ငန်းများကို နှောင့်နှေးစေလျက် ရှိသည်ဟု Media Reports က တနင်္ဂနွေနေ့တွင် ပြောကြားပါသည်။

မြန်မာနိုင်ငံရှိ နာဂစ်(စ်) ကယ်ဆယ်ရေး လုပ်ငန်းများ၏ အကြီးအကဲ William Sabandar က ပြောကြားရာတွင် မြန်မာအစိုးရ၏ လုပ်ငန်းအဆင့်ဆင့်အပေါ် ကြန့်ကြာအောင် ဆောင်ရွက်နေမှု ကြောင့် ၂၀၀၈  ဦးစားပေး အစီအစဉ် (PONREPP) အရ ဆောင်ရွက်နေသည့် ပြန်လည် ထူထောင် ရေး လုပ်ငန်းများ အတွက် အကျပ်အတည်း ဖြစ်စေခဲ့သည်ဟု ဆိုပါသည်။

အဆိုပါ ကိစ္စများကို မကြာမီ အတွင်း ဖြေရှင်းနိုင်လိမ့်မည်ဟု မျှော်လင့်ပါသည်။ အကယ်၍ ပြည်ဝင်ခွင့် ဗီဇာနှင့် ခရီးသွားလာခွင့် ပါမစ်များ ဆက်လက် ကြန့်ကြာနေပါက PONREPP လက်အောက်တွင် ဆောင်ရွက်ရမည့် စီမံကိန်းများလည်း နှောင့်နှေးပါလိမ့်မည်ဟု ၎င်းက မြန်မာတိုင်းမ် သို့ ပြောကြားပါသည်။

ဆိုင်ကလုန်း နာဂစ်(စ်)သည် ၂၀၀၈ မေလ (၂) ရက် နှင့် (၃) ရက်တွင် ဧရာဝတီ မြစ်ဝကျွန်းပေါ် ဒေသကို ဒီရေလှိုင်းများဖြင့် ဖုံးအုပ်ပစ်ခဲ့ပြီး လူပေါင်း ၁၄၀,၀၀၀ ခန့်ကို သေဆုံး (သို့) ပျောက်ဆုံးစေခဲ့ပါသည်။

မုန်တိုင်းကြောင့် ပျက်စီးသွားသော ဒေသတွင်းသို့ နိုင်ငံခြား အထောက်အပံ့များနှင့် ပြည်ပ ကယ်ဆယ်ရေး ဝန်ထမ်းများအား ခွင့်ပြုရန် မလိုလားသော အတွေးခေါင်လွန်းသည့် မြန်မာစစ်ဖက် အုပ်ချုပ်သူများ၏ ဒေါသကို နာဂစ်(စ်)က မီးမွှေးသလို ဖြစ်ခဲ့ပါသည်။

နောက်ဆုံးတွင်မူ မြန်မာအစိုးရ၊ ကုလသမဂ္ဂ နှင့် အာဆီယံ အဖွဲ့ကြားတွင် အရေးပေါ်နှင့် ပြန်လည် ထူထောင်ရေး အတွက် လုပ်ငန်း ဆောင်ရွက်မှု အစီအစဉ်ကို ချမှတ် နိုင်ခဲ့ပါသည်။

သို့ရာတွင် ယခု လပေါင်း (၂၀) ခန့် ကြာခဲ့သည့် တိုင်အောင် အဆိုပါ ဒေသတွင်း အကဲဖြတ်ရန် အပါအဝင် ပြဿနာများ ကျန်ရှိနေသေးသည်ဟု Sabandar ၏ အဆိုအရ သိရပါသည်။

နာဂစ်(စ်) အစီအစဉ် အချိန်ပိုင်းလိုက် သုံးသပ်ရေး တတိယအကြိမ် တင်ပြမှုကို ဖေဖော်ဝါရီ (၉) ရက်တွင် ရန်ကုန်၌ ကျင်းပပါမည်။

နိုဝင်ဘာ (၂၅) ရက်၌ ဘန်ကောက်တွင် ကျင်းပခဲ့သော ယခင် အစည်းအဝေးတွင် ပြန်လည် ထူထောင်ရေး လုပ်ငန်းများ အတွက် နိုင်ငံတကာ အလှူရှင်များက ဒေါ်လာ ၉၀.၄ သန်း ကတိကဝတ် ပေးခဲ့ပါသည်။

အထက်ပါ အလှူငွေများ အနက်မှ ဒေါ်လာ ၇၁.၃ သန်းကို သုံးစွဲခဲ့ပြီး ဖြစ်သော်လည်း များစွာ လိုအပ်နေဆဲ ဖြစ်သည်ဟု Sarbandar က ဆိုပါသည်။

မုန်တိုင်းဒဏ်ခံ အဆောက်အဦး (Shelter) ကဏ္ဍတွင် ရန်ပုံငွေ ပိုမို လိုအပ်လျက် ရှိပြီး သတ်မှတ်ချက် မထားသည့် အလှူရှင်များအား အဆိုပါ ကဏ္ဍသို့ ခွဲဝေ လှူဒါန်းရန် တိုက်တွန်း လိုပါသည်ဟုလည်း ၎င်းက ပြောပါသည်။

ပြန်လည် ထူထောင်ရေး လုပ်ငန်းများနှင့် ရေရှည် ဖွံ့ဖြိုးရေး အစီအစဉ်များအကြား ထိရောက်သော ညှိနှိုင်း ဆောင်ရွက်မှု ရှိစေရန် အာဆီယံက မြန်မာ အစိုးရနှင့် ဆွေးနွေးနေသည်ဟု Sabandar က မြန်မာတိုင်းမ်သို့ ပြောကြားခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Irrawaddy news, 6th February 2010

မြန်မာနိုင်ငံ၏ တစ်ခုတည်းသော နိုင်ငံပိုင် မဟုတ်သည့် ရုပ်သံလွှင့် ဋ္ဌာန MRTV-4 သည် အမေရိကန် အခြေစိုက် သတင်း ကွန်ယက် CNN ထုတ်လွှင့်နေခြင်းအား ရပ်ဆိုင်းလိုက်ခြင်း၏ ဖြစ်နိုင်ချေ ရှိသော အကြောင်းမှာ ဟေတီ ငလျင် ကယ်ဆယ်ရေး လုပ်ငန်းများတွင် အမေရိကန် တပ်ဖွဲ့များ ကြီးမားစွာ ဝင်ရောက် ကူညီနေမှုကြောင့်ဟု ဆိုနိုင်ပါသည်။

"ဖေဖော်ဝါရီ (၁) ရက် က စပြီး  CNN လွှင့်တာကို ရပ်လိုက်တာပါ။ အရင်ကလည်း မြန်မာ သတင်းတွေ ပါလာရင် MRTV-4 က ဖြတ်နေကျပါ။ အခုတော့ သတင်းလိုင်း တစ်ခုလုံးကို ဖြတ်ပစ်လိုက်တာ" ဟု ရန်ကုန် သတင်းရပ်ကွက်က ဆိုပါသည်။

 ပြန်ကြားရေးဝန်ကြီး ဋ္ဌာန တာဝန်ရှိ ပုဂ္ဂိုလ်များက ကန့်ကွက်ခဲ့ပြီးနောက်  MRTV-4  ထုတ်လွှင့်သူများ က  CNN ကို ရပ်ဆိုင်းရန် ဆုံးဖြတ်ခဲ့ခြင်း ဖြစ်သည်ဟု သိရသည်။

MRTV-4  သည် ပြန်ကြားရေး ဝန်ကြီးဋ္ဌာန၊  Forever Group Co.Ltd  နှင့်  Family Entertainment Group  တို့၏ ဖက်စပ်လုပ်ငန်း တစ်ခု ဖြစ်သည်ဟု ၎င်း၏ ဝက်ဘ်ဆိုက်တွင် ဖော်ပြထားပါသည်။ ၂၀၀၅ ခုနှစ် စတင် တည်ထောင်စဉ်ကပင်  CNN ကို တစ်ခုတည်းသော နိုင်ငံတကာ သတင်းလိုင်း အဖြစ်  MRTV-4  က ထုတ်လွှင့်ခဲ့ပါသည်။

ဖေဖော်ဝါရီ (၁) ရက် လုံးဝ ဖြတ်တောက်ခြင်း မပြုမှီ အထိ စစ်ဖက် အစိုးရက အကဲဆတ်သည့် မြန်မာ ဆက်စပ် သတင်းများနှင့် အခြားနိုင်ငံတကာ သတင်းများကို စိစစ် ဖြတ်တောက်ရန် အတွက် CNN သတင်းလိုင်းကို မိနစ် ၂၀  မှ မိနစ် ၃၀  အထိ နောက်ကျ၍ ထုတ်လွှင့်လေ့ရှိပါသည်။

၂၀၀၈ မေလတွင် ဖြစ်ပွားခဲ့သည့် နာဂစ်စ် ဆိုင်ကလုံးအပေါ် မြန်မာ အစိုးရ၏ တုံ့ပြန် ဆောင်ရွက်ပုံကို ကြီးမားသော ပြစ်တင် ဝေဖန်မှုများ ထွက်ပေါ်ခဲ့ချိန်မှ စ၍ ကမ္ဘာတဝှမ်း ရှိ အလားတူ သဘာဝ ဘေး အန္တရာယ်များအကြောင်း သတင်းထုတ်လွှင့်မှုနှင့် ပတ်သက်ပြီး အစိုးရက ထိတ်လန့် စိုးရိမ်နေခဲ့ခြင်း ဖြစ်သည်။ အထူးသဖြင့် ကယ်ဆယ် ထောက်ပံ့ရေး လုပ်ငန်းများတွင် အမေရိကန် စစ်တပ်က အဓိက ကဏ္ဍမှ ပါဝင် ဆောင်ရွက် နေသည့် ကိစ္စများတွင် ဖြစ်ပါသည်။

နာဂစ်စ် ဆိုင်ကလုံးတွင် ခန်မှန်းခြေ လူပေါင်း ၁၄၀,၀၀၀ ခန့် အထိ သေဆုံးမှု မြင့်မားခဲ့ရခြင်းမှာ မုန်တိုင်းပြီးလျှင် ပြီးချင်း ရက်သတ္တပတ် အတွင်း နိုင်ငံတကာ အရေးပေါ် ကယ်ဆယ်ရေး ဝန်ထမ်းများကို နိုင်ငံ အတွင်း ဝင်ခွင့်ပြုရန် အစိုးရက ငြင်းဆန်ခဲ့ခြင်းကြောင့် ဖြစ်ကြောင်း ဝိုင်းဝန်း သတ်မှတ်ခဲ့ကြပါသည်။

ဟေတီတွင်လည်း ကယ်ဆယ်ရေး လုပ်ငန်း ကနဦး အဆင့်များတွင် နှောင့်နှေးမှုများ ရှိခဲ့သော်လည်း ယင်းသို့ ဖြစ်ရခြင်း၏ အကြောင်းရင်းမှာ အခြေခံ အဆောက်အဦးများ ဆိုးဝါးစွာ ထိခိုက်ခဲ့ခြင်းနှင့် ဆင်းရဲ နွမ်းပါးသော ကာရစ် ဘီယံ နိုင်ငံ၏  (ဟေတီ)  အစိုးရ ယန္တရား  လုံးဝနီးပါး ပြိုလဲသွားမှုကြောင့်သာ ဖြစ်ပါသည်။

ဟေတီနိုင်ငံ ရုတ်တရတ် ကပ်ဘေး ဆိုက်မှုတွင် လူ့အသက်ပေါင်း  ၁၀၀,၀၀၀  မှ  ၂၀၀,၀၀၀  ကြား ဆုံးရှုံးခဲ့သည်ဟု ယုံကြည်ထားကြပါသည်။

၂၀၀၈ မေလဆန်း၌ နာဂစ်စ် ဆိုင်ကလုံးကြောင့် လူ ၂  သန်းခန့်  အိုးမဲ့ အိမ်မဲ့ ဖြစ်သွားချိန်တွင် ၎င်းတို့ လွန်ခဲ့သော တစ်နှစ်က မူကြမ်း ရေးဆွဲခဲ့သည့် အခြေခံ ဥပဒေကို ဆန္ဒ ခံယူပွဲဖြင့် အတည်ပြုမည့် အစီအစဉ်ကိုသာ ဦးစားပေး လုံးပန်းနေခဲ့ပြီး မုန်တိုင်းဒဏ်ခံ ပြည်သူများကိုမူ ''မင်းတို့ ဘာသာ မင်းတို့ ကြည့်လုပ်ကြ'' ဟူသော သဘောဖြင့် ပေလယျာကံ ပစ်ထားခဲ့ပါသည်။

အသက်ရှင် ကျန်သူများ၏ ကံကြမ္မာကို စိုးရိမ် ပူပန်ကြသော အမေရိကန်၊ ဗြိတိန်နှင့် ပြင်သစ်တို့သည် ကယ်ဆယ်ရေး ပစ္စည်းများကို တင်ဆောင်ထားသော စစ်သင်္ဘောများကို မြန်မာ ရေပိုင်နက် အနီးသို့ စေလွှတ်ခဲ့ကြပါသည်။

မေလ ကုန်ခါနီးတွင် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း၏ ကြားဝင် စေ့စပ်မှု နောက်ပိုင်းမှသာလျှင် နိုင်ငံတကာ NGO အဖွဲ့များကို ဆိုက်ကလုံး ဒဏ်ခံ ဧရာဝတီ မြစ်ဝကျွန်းပေါ်တွင် ကယ်ဆယ်ရေး အကူအညီများ ထောက်ပံ့ရန် အစိုးရက ခွင့်ပြုခဲ့ခြင်း ဖြစ်ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ကုလသမဂ္ဂ အတွင်းရေးမှူးချုပ် ဘန်ကီမွန်းသည် မြန်မာနိုင်ငံ ဆိုင်ရာ ကုလ အထူးသံတမန် အီဘရာဟင် ဂမ်ဘာရီ၏ နေရာတွင် အစားထိုး ခန့်အပ်ရန် သင့်တော်သည့် သံတမန် တစ်ဦးကို ရှာဖွေလျက် ရှိကြောင်း သိရပါသည်။

ဘန်ကီမွန်း၏ ရုံးအဖွဲ့မှူး ဖြစ်သူ ဗီဂျေနမ်ဘီးယားသည် မြန်မာအစိုးရ တာဝန်ရှိသူများနှင့် စဉ်ဆက်မပြတ် ဆိုသလို ဆက်သွယ်မှုများ ရှိခဲ့သူ ဖြစ်ကြောင်း၊ စစ်အစိုးရ၏ ရည်မှန်းချက်နှင့် သဘောထားများ ပီပီပြင်ပြင် ဖြစ်လာသည်နှင့် တစ်ပြိုင်နက်တည်း အပြန်အလှန် ဆွေးနွေး ညှိနှိုင်းမှုများကိုလည်း ပြုလုပ်သွားမည် ဖြစ်ကြောင်း ဘန်ကီမွန်းက ပြောကြားပါသည်။

မည်သို့ပင် ဖြစ်စေ ရွေးကောက်ပွဲ ကျင်းပမည့် ယခုနှစ်အတွင်း ကုလသမဂ္ဂ အထူး ကိုယ်စားလှယ်သစ် ခန့်အပ် ဆောင်ရွက်ရန် မလွယ်ကူသည့် သဘောတွင် ရှိနေပါသည်။

ဗိုလ်ချုပ်မှူးကြီး သန်းရွှေဘက်မှ နိုင်ငံရေးအရ လိုက်လျောမှု မရှိခြင်း၊ စိတ်ချလက်ချ ဖြစ်သော အနေအထားမျိုး မရှိခြင်း စသည်တို့ကြောင့် အသစ် ဝင်ရောက်မည့် သံတမန်အနေဖြင့်လည်း အားကြိုးမာန်တက် ဆောင်ရွက် လာနိုင်မည် မဟုတ်ပေ။

ရွေးကောက်ပွဲ ကျင်းပပြီး နောက်မှသာ ကုလသမဂ္ဂ အထူး ကိုယ်စားလှယ် အသစ် ခန့်အပ် သင့်ကြောင်းဖြင့် အချို့ နိုင်ငံရေး ဆန်းစစ်သူတို့က အကြံပေး ကြပါသည်။ အကယ်၍ ရွေးကောက်ပွဲ မတိုင်မီ မြန်မာနိုင်ငံ ကိစ္စများကို ဆောင်ရွက်ပေးလိုပါက ဆက်သွယ်ရေး လမ်းကြောင်း တစ်ခု(Line of ommunication) ဖွင့်ပေးထားရန် ၊ သို့မဟုတ် အလယ်အလတ် အဆင့်ရှိ ကုလသမဂ္ဂ ကိုယ်စားလှယ် အဖွဲ့ တစ်ဖွဲ့အား မြန်မာနိုင်ငံသို့ စေလွှတ်၍ လုပ်ရပ်များ မှန်ကန်မှု ရှိ၊ မရှိ စစ်ဆေးပေးရန် နှင့် အိမ်နီးချင်း နိုင်ငံများသို့လည်း အဆိုပါ ကိုယ်စားလှယ်အဖွဲ့အား စေလွှတ် စူးစမ်းစေရန်လည်း အကြံပြုကြပါသည်။

အထူး ကိုယ်စားလှယ် ခန့်အပ်နိုင်ရေးအတွက် ကုလမှ တာဝန်ရှိသူများ အနေဖြင့် အများ၏ သဘောထားကို သိရှိနိုင်ရန် ပြည်သူများ အကြားသို့ ဆင်း၍ ဆွေးနွေး ညှိနှိုင်းသင့်ကြောင်း အကြံ ပေးသူများလည်း ရှိသည်။

အကယ်၍ ကုလသမဂ္ဂ အနေဖြင့် ယခင် မအောင်မြင်ခဲ့သော ကိုယ်စားလှယ် အဖွဲ့ များ၏ လုပ်ရပ်နှင့် အားနည်းချက်များကို အလေးအနက်ထား သုံးသပ် ဆန်းစစ်မှုများ မပြုလုပ်ဘဲ ကိုယ်စားလှယ် သစ်များကို စေလွှတ်မည် ဆိုပါက အရာမရောက်၊ မအောင်မြင်မှုများနှင့် ထပ်မံ ရင်ဆိုင် ကြုံတွေ့ရဦးမည်သာ ဖြစ်ပါသည်။

၁၉၈၈ ခုနှစ် အရေးအခင်း ဖြစ်ပြီးနောက် ကုလသမဂ္ဂသည် မြန်မာနိုင်ငံသို့ ကိုယ်စားလှယ်များ စေလွှတ်၍ ဖြေရှင်းစေခဲ့သည်။ သို့သော် စိတ်မချမ်းမြေ့စရာများဖြင့် အဆုံးသတ်ကာ အောင်မြင်မှု မရရှိခဲ့ပေ။ ကုလသမဂ္ဂ၏ ညံ့ဖျင်းမှုကြောင့် မြန်မာနိုင်ငံသည် လူသေများ မြှုပ်နှံရန် သင်္ချိုင်းကြီး တစ်ခုသဖွယ် ဖြစ်ခဲ့ရသည်။ ယင်းသို့သော ဆုံးရှုံးမှုများကို အခြေခံ၍ အထူး ကိုယ်စားလှယ် ရွေးချယ်ရာတွင် အောက်ပါတို့ကို ထည့်သွင်း စဉ်းစားသင့်ပေသည်။

မြန်မာနိုင်ငံအကြောင်း ထဲထဲဝင်ဝင် သိရှိပြီး မြန်မာ့ နိုင်ငံရေးကိုလည်း နှံ့စပ်ရမည်။ မြန်မာပြည်သူများ၏ ဂုဏ်သိက္ခာကို လေးစားရမည်။ အရှေ့တောင်အာရှ နိုင်ငံ အားလုံးကို အလေး ထားရမည်။

ပဋိပက္ခ ဇုန်နယ်များ၏ ပြုပြင် ပြောင်းလဲရေး ကိစ္စများကို သိရှိထားသူ ဖြစ်ရမည်။ စစ်အစိုးရ၊ အတိုက်အခံ ပါတီများ၊ တိုင်းရင်းသား လူနည်းစု ခေါင်းဆောင်များနှင့် မြန်မာ့အရေး လှုပ်ရှားနေသူများ၏ ယုံကြည်မှု ရရှိထားသူ ဖြစ်ရမည်။ ကုလနှင့် မြန်မာ စစ်အစိုးရ အကြား လှည့်ပတ်သူ မဖြစ်စေရ။

အဘက်ဘက်ကို မျှတစွာ ကြည့်တတ်သူ၊ ပြည်တွင်းရော ပြည်ပမှာပါ ညှိနှိုင်းပေးတတ်သူ၊ ရိုးသား ဖြောင့်မတ်ပြီး အမှားကို ဝန်ခံတတ်သူ ဖြစ်ရမည်။ မှားသည်ဟု ဝန်မခံဘဲ သောင်မတင် ရေမကျ လုပ်တတ်သူမျိုး မဖြစ်စေရ။

စစ်အစိုးရ၏ အာဘော်ကိုသာ လိုက်ပြောသူ မဖြစ်စေရ။ အကူအညီပေးသော အဖွဲ့အစည်းများနှင့် စီးပွားရေး လုပ်ငန်းရှင်များ ဘက်ကို ဦးစားပေးသူ မဖြစ်စေရ။ တကယ် လိုအပ်သည်များကိုသာ လုပ်ဆောင်သူ ဖြစ်ရမည်။ စစ်အစိုးရက စည်းရုံးထားသော အဖွဲ့အစည်းများ လှုပ်ရှားမှုကို ခွင့်ပြု ထောက်ခံ အားပေးပြီး အတိုက်အခံနှင့် တိုင်းရင်းသား လူနည်းစုတို့၏ လှုပ်ရှားမှုများကို ကန့်ကွက် ရှုတ်ချသူ မဖြစ်စေရ။

ရန်ကုန်မြို့ရှိ ထရိတ်ဒါး ဟိုတယ်တွင် ညပိုင်း မြန်မာ အမျိုးသမီးကလေးများဖြင့် သောက်စား မူးယစ်ကာ အချိန်ဖြုန်း နေသူမျိုး မဖြစ်စေရ၊ စသည့် အချက်များကို အလေးအနက်ထား ထည့်သွင်း စဉ်းစားပြီး ရွေးချယ်ရေးသာ ဖြစ်ပါသည်။

Irrawaddy သတင်းဌာန၏ How to select a UN Special Enovy? ကို ဘာသာ ပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံမှ လာသော ပြောင်းရွှေ့လုပ်သား ၁ ဒဿမ ၃ သန်းအနေဖြင့် မြန်မာနိုင်ငံသား ဖြစ်ကြောင်း ဖေဖော်ဝါရီလ ၂၈ ရက်နေ့ မတိုင်မီ ထိုင်း အာဏာပိုင်များထံသို့ ထုတ်ဖော် ပြသရမည့် ကိစ္စနှင့် ပတ်သက်ပြီး ထိုင်းနှင့် မြန်မာအစိုးရ နှစ်ရပ်အကြား ဆွေးနွေးမှုများ ပြုလုပ်လျက် ရှိကြောင်း သတင်း ရရှိပါသည်။

ဤသို့ ဆွေးနွေး ညှိနှိုင်းမှုများ ပြုလုပ်ရခြင်း၏ အဓိက ရည်ရွယ်ချက်မှာ မြန်မာ စစ်အစိုးရ အနေဖြင့် ရွှေ့ပြောင်း လုပ်သားများအပေါ် ဖိအားပေးမှုများ၊ အလွဲသုံးစားမှုများ ပယ်ဖျောက်နိုင်ရန် ဖြစ်သည်ဟု ဆိုသည်။

မြန်မာ စစ်အစိုးရသည် ရွှေ့ပြောင်း လုပ်သားများ နိုင်ငံသားအဖြစ် အသိအမှတ်ပြုသည့် လက်မှတ် ထုတ်ပေးရာတွင် လက်မှတ် တစ်ခုလျှင် ဒေါ်လာ နှစ်ထောင်ခန့် လာဘ်ထိုးပါမှ ထုတ်ပေးသည်ဟု စုံစမ်း သိရှိရပါသည်။

"ဒီကိစ္စဟာ အလုပ်ရှင်ပေါ်မှာ မူတည်ပါတယ်။ အလုပ်ရှင် အနေနဲ့ ခရိုင်ရုံးမှာ သူရဲ့ ဝန်ထမ်းကို မှတ်ပုံတင် ပေးရမှာပါ"  ဟု ထိုင်းအလုပ်သမား ဝန်ကြီးဌာန၊ အလုပ်အကိုင် ခန့်အပ်ရေး ဌာန၏ ညွှန်ကြားရေးမှူးချုပ် Jirasak Sukhonchart က ဘန်ကောက်မြို့တွင် မြန်မာ ကောင်စစ်ဝန်ရုံးမှ တာဝန်ရှိသူများနှင့် ပူးတွဲ ကျင်းပသော ဆွေးနွေးပွဲတွင် ပြောကြားပါသည်။

"ကျွန်တော်တို့ ကြားရတဲ့ သတင်းတွေအရ မြန်မာ အစိုးရ အာဏာပိုင်တွေဟာ ပြောင်းရွှေ့ လုပ်သားတွေရဲ့ မိသားစုတွေကို ခြိမ်းခြောက်ပြီး ငွေညှစ်နေတယ်လို့ သိရပါတယ်။ ပိုက်ဆံ အတော်များများ ပေးမှ နိုင်ငံသားအဖြစ် အသိအမှတ်ပြု လက်မှတ် ထုတ်ပေးနေတယ် လို့လည်း ဆိုပါတယ်" ဟု ၎င်းက ဆက်လက် ပြောဆိုပါသည်။

မိမိအနေဖြင့် မြန်မာအစိုးရမှ တာဝန်ရှိသူများကို တစ်ဦးချင်း ဆက်သွယ်ပြီး နောင် အနာဂတ်တွင် အလားတူ အလွဲ သုံးစားမှုများ မပြုလုပ်အောင် ပြောဆို ညှိနှိုင်းထားသည်ဟု Jirasak Sukhonchart က ဆိုသည်။

ထိုင်းအစိုးရသည် ပြီးခဲ့သည့် ၂၀၀၉ ခုနှစ်၊ ဇူလိုင်လတွင် ထိုင်းနိုင်ငံ၌ လာရောက် အလုပ် လုပ်ကိုင်သူများ အားလုံးအနေဖြင့် မိမိသည် မည်သည့်နိုင်ငံမှ ဖြစ်သည် ဟူသော အသိအမှတ်ပြု လက်မှတ် ပြုလုပ်ကြရန် အမိန့် ထုတ်ပြန်ခဲ့ပါသည်။ ယင်းသို့ ပြုလုပ်ရခြင်းမှာ ထိုင်းနိုင်ငံ အတွင်းသို့ လာရောက် လုပ်ကိုင်နေသော မြန်မာ၊ လာအိုနှင့် ကမ္ဘောဒီးယား အလုပ်သမားများ၏ အခြေအနေကို မျက်ခြည်မပြတ် ကြည့်ရှု လေ့လာရန် ဖြစ်သည်။

မြန်မာ အလုပ်သမားများ မြန်မာ နိုင်ငံသားအဖြစ် အသိအမှတ်ပြု လက်မှတ် ထုတ်ပေးသည့် ကိစ္စမှာ မည်သည့် အခါကမျှ ရှင်းလင်းမှု မရှိခဲ့ပေ။ လက်ရှိ အနေအထားအထိ မြန်မာ ပြောင်းရွှေ့လုပ်သား နှစ်သောင်းခန့်သာ နိုင်င