Transparency Myanmar

transparency.myanmar@gmail.com

{chronicle2011:2864} မြန်မာနိုင်ငံကို ဖိအားပေးမှုများ ပိုလုပ်ရန် ချက်သမ္မတဟောင်း ဆော်သြ

Posted by Transparency Myanmar 2010
Saturday, February 19, 2011
comments (0)

မြန်မာနိုင်ငံတွင်း လူ့အခွင့်အရေး ကိစ္စများ အပေါ် ပိုမို အလေး ထားလာရေး အတွက် ဖိအား ပေးမှုများ တိုးမြှင့် သွားသင့်ကြောင်း ချက်နိုင်ငံ သမ္မတဟောင်း ဗားကလက်ဗ် ဟာဗဲလ်က နိုင်ငံတကာ အသိုင်းအဝိုင်းကို တိုက်တွန်း ဆော်သြလိုက်သည်။ မစ္စတာ ဗားကလက်ဗ်ဟာဗဲလ်သည် ချက်နိုင်ငံ၊ ပရာ့မြို့၌ ကျင်းပ ပြုလုပ်သည့် ကွန်ဖရင့် တစ်ခုတွင် မြန်မာနိုင်ငံကို ဖိအားပေးရန် ယင်းသို့ တိုက်တွန်း ပြောဆိုခဲ့ခြင်း ဖြစ်သည်။

လူ့အခွင့်အရေး ဟူသည် တစ်လောကလုံးနှင့် ဆိုင်သော တန်ဖိုး ဖြစ်ပြီး ယခု ဂလိုဘယ် လိုက်ဇေးရှင်း ခေတ်ထဲတွင် လူ့အခွင့်အရေး လေးစားလိုက်နာမှုများ ဖြစ်ထွန်းအောင် တောင်းဆိုမှုများ တင်းတင်းကျပ်ကျပ် ပြုလုပ်သင့်ကြောင်း မစ္စတာ ဗားကလက်ဗ်ဟာဗဲလ်က ဆိုသည်။

"စီးပွားရေး ပေါင်းစပ် ဖွဲ့စည်းတဲ့ ဖြစ်စဉ်ဟာ လူသား လွတ်လပ်ခွင့်၊ အခြေခံ လူ့အခွင့်အရေး ဆိုတဲ့ အရေးကိစ္စတွေထဲမှာ ထိရောက်တဲ့ ပေါင်းစပ်မှုတွေ ဖြစ်အောင် ဆောင်ကြဉ်း မပေးနိုင်သေးပါဘူး" ဟု ဆိုသည်။ နိုင်ငံ အတော် များများသည် စီးပွားရေးနှင့် နည်းပညာ ဆိုင်ရာ အရေးကိစ္စများကို လူ့အခွင့်အရေး ကိစ္စထက် ပိုမို အလေးပေး နေသည့် အနေအထားမျိုး တွေ့နေရသည်ဟု မစ္စတာ ဟာဗဲလ်က ထောက်ပြသည်။

အာရပ် ကမ္ဘာတွင် လတ်တလော ဖြစ်ပေါ်လျက် ရှိသော အဖြစ်အပျက်များကို ကြည့်ပါက လွတ်လပ်ခွင့်နှင့် ဒီမိုကရေစီ အရေးအတွက် တောင့်တမှုဟူသည် တစ်လောကလုံးနှင့် သက်ဆိုင်သည့် ကိစ္စ ဖြစ်သည်ကို ဖော်ကျူးရာ ရောက်သည် ဟုလည်း ၎င်းက ပြောဆိုသည်။ ချက်နိုင်ငံခြားရေး ဝန်ကြီး Karel Schwarzenberg ကမူ မြန်မာနိုင်ငံ ဒီမိုကရေစီ ဖော်ဆောင်ရေး အတွက် ကြိုးပမ်းချက်များကို ထောက်ခံ အားပေးပါကြောင်း ပြောဆိုသည်။

မြန်မာနိုင်ငံတွင်း လူ့အခွင့်အရေး ချိုးဖောက်မှုများ ဆက်လက် မဖြစ်ပေါ်စေရေး အတွက် ချက်နိုင်ငံက တောင်းဆို ပါကြောင်းလည်း မစ္စတာ Karel Schwarzenberg က ဆိုသည်။ မြန်မာ နိုင်ငံတွင် ပြီးခဲ့သည့် ၁၉၆၂ ခုနှစ် ကတည်းက စတင်ခဲ့သည့် စစ်အာဏာရှင် စနစ်ကို ချက်နိုင်ငံ အနေဖြင့် ဝေဖန် ကန့်ကွက်လိုက်ပြီး အတိုက်အခံ အင်အားစုများကို ထောက်ခံကြောင်းလည်း ပြောဆိုသည်။

မြန်မာနိုင်ငံတွင် ဖြစ်ပေါ်နေသော အခြေအနေများ အတွက် ဥရောပသမဂ္ဂ အနေဖြင့် ရှင်းလင်း ပြတ်သားသော ရပ်တည်ချက်များ ထုတ်ဖော်ပြသရန် လိုအပ်သည်ဟု ၎င်းက တိုက်တွန်း ပြောဆိုသည်။

ငြိမ်းချမ်ရေး နိုဗယ်လ်ဆုရှင် ဒေါ်အောင်ဆန်းစုကြည် နေအိမ် အကျယ်ချုပ်မှ လွတ်မြောက် လာသည်မှာ မှန်သော်လည်း နိုင်ငံရေး အကျဉ်းသား ၂၀၀၀ ကျော်ခန့်မှာ ဆက်လက် ဖမ်းဆီး ထိန်းသိမ်း ခံထားရဆဲ ဖြစ်ကြောင်း မစ္စတာ Karel Schwarzenberg က ဆိုသည်။ ပြီးခဲ့သည့် ၂၀၁၀ ပြည့်နှစ်၊ နိုဝင်ဘာလတွင် ကျင်းပခဲ့သော အငြင်းပွားစရာ ရွေးကောက်ပွဲကို ၎င်းက ပြစ်တင် ဝေဖန်လိုက်သည်။

AP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2863} မြန်မာ့ ဒီမိုကရေစီရေးအတွက် အကူအညီများ တိုးမြှင့်သွားရန် ဗြိတိန် စီစဉ်

Posted by Transparency Myanmar 2010
comments (0)

အိန္ဒိယနိုင်ငံ အတွက် ဗြိတိန်နိုင်ငံ၏ အကူအညီ အထောက်အပံ့များ လျှော့ချသွားမည် ဖြစ်သော်လည်း မြန်မာနိုင်ငံတွင်း ဒီမိုကရေစီ ဖော်ဆောင်ရေး လုပ်ငန်းများကို အထောက်အပံ့ ပေးနိုင်ရေး အတွက် ရန်ပုံငွေများ တိုးမြှင့် ပေးသွားရန် စီစဉ်ထားပြီး ဖြစ်ကြောင်း သိရသည်။

လက်ရှိမြန်မာ နိုင်ငံဖွံ့ဖြိုးရေး လုပ်ငန်းများ အတွက် ပေါင် ၃၂ သန်း အသုံးချ နေသော်လည်း လာမည့်လေးနှစ်အတွင်း စုစုပေါင်းပေါင် ၁၈၅ သန်းအထိ တိုးမြှင့် သုံးစွဲ သွားသင့်ကြောင်း နိုင်ငံတကာ ဖွံ့ဖြိုးရေး ဆိုင်ရာ အတွင်းရေးမှူး Andrew Mitchell က သုံးသပ် အစီရင်ခံထားသည်။

ဗြိတိန် အုပ်ချုပ်ရေး အစိုးရအဖွဲ့က နိုင်ငံတကာ အကူအညီပေးရေး ဆိုင်ရာ လုပ်ငန်းများအတွက် ဘတ်ဂျက်ငွေကို ၃၇ ရာခိုင်နှုန်း အထိ မြှင့်တင်သွားမည်ဟု ဆိုသည်။ နိုင်ငံ အတော်များများအတွက် အကူအညီ ပေးရေး ဆိုင်ရာ ဘတ်ဂျက်ငွေကို သိသိသာသာ လျှော့ချသွားရန် သို့မဟုတ် ဖြတ်တောက်ရန်လည်း ဗြိတိန်အစိုးရက စီစဉ်ထားသည်။

အိန္ဒိယနိုင်ငံ၏ စီးပွားရေးသည် ၈ ရာခိုင်နှုန်းကျော်ခန့် တိုးတက်လျက်ရှိရာ အကူအညီပေးမှုများ လျှော့ချသင့်သည့် နိုင်ငံများတွင် ပါဝင်ကြောင်း အစိုးရ အဖွဲ့ဝင် အရာရှိကြီး အချို့က ထောက်ပြ ပြောဆိုကြသည်။ ဗြိတိန်သည် အိန္ဒိယနိုင်ငံ ဖွံ့ဖြိုးရေး လုပ်ငန်းများအတွက် နှစ်စဉ် ပေါင် သန်း ၂၈၀ သုံးစွဲလျက် ရှိသည်။

ဗြိတိန် အစိုးရ အရာရှိကြီးများ အဆိုအရ ယခု မြန်မာနိုင်ငံ အတွက် တိုးမြှင့်ပေးမည့် ကူညီ ထောက်ပံ့ငွေများသည် အောက်ခြေ အဖွဲ့အစည်းများနှင့် အခြားသော ပရဟိတ အဖွဲ့များ အတွက် ဖြစ်ပြီး မြန်မာ စစ်အစိုးရအတွက် မဟုတ်ကြောင်း The Independent သတင်းစာက ကိုးကား ဖော်ပြသည်။

"ကာလ ကြာရှည်စွာ အသံတိတ် နေခဲ့ကြရတဲ့ မြန်မာ ပြည်သူတွေကို ဗြိတိန်နိုင်ငံက မေ့မသွားပါဘူး။ မြန်မာပြည်သူတွေဟာ ဆိုးရွားလွန်းတဲ့ စီးပွားရေး စီမံခန့်ခွဲမှု နဲ့ လူ့အခွင့်အရေး ချိုးဖောက်မှုတွေ အောက်မှု ဆယ်စုနှစ်များစွာနေထိုင်ခဲ့ကြရတာပါ" ဟု Andrew Mitchell က ပြောကြားသည်။ "မြန်မာနိုင်ငံမှာ ဆင်းရဲ နွမ်းပါးဆုံး ပြည်သူတွေ ပြောရေးဆိုခွင့် ရှိကြရပါမယ်။ ကျွန်တော်တို့က မြန်မာပြည်မှာ အရပ်ဘက် လူ့အဖွဲ့အစည်းတွေ၊ ပြည်တွင်း အလှူရှင် အဖွဲ့တွေ၊ ကျေးရွာအုပ်စုတွေ ဖြစ်ပေါ်လာအောင် တည်ဆောက် ပေးပါမယ်။ အဲဒီ ကိုယ်စားလှယ်တွေက တစ်ဆင့် အပြောင်းအလဲ ဖြစ်ဖို့ တွန်းအား ပေးလာအောင်လည်း လုပ်ဆောင်သွားမှာပါ" ဟု ၎င်းက ဆက်လက် ပြောဆိုသည်။

ဗြိတိန် နိုင်ငံတကာ ဖွံ့ဖြိုးရေး ဆိုင်ရာ အစီရင်ခံစ တစ်ရပ်ကို ယခု ဖေဖော်ဝါရီ လကုန်ပိုင်း သို့မဟုတ် မတ်လ ဆန်းပိုင်းတွင် ထုတ်ပြန်မည် ဖြစ်သည်။ အဆိုပါ သုံးသပ်ချက် အစီရင်ခံစာအရ မြန်မာနိုင်ငံမှ လူဦးရေ ၁၆ သန်းခန့်သည် လွန်စွာ ဆိုးရွားသော ဆင်းရဲ ကျပ်တည်းမှုများနှင့် ရင်ဆိုင်နေရသည်။ မကြာသေးခင်က အငြင်းပွားစရာ ရွေးကောက်ပွဲ ကျင်းပပြီး ရေငုံနှုတ်ပိတ် ပုံစံ ဖြစ်လာမည့် ပါလီမန် လွှတ်တော်ကို ဖန်တီးခဲ့သော မြန်မာ စစ်အစိုးရသည် ပညာရေးနှင့် ကျန်းမာရေး စောင့်ရှောက်မှုတို့တွင် ငွေကြေး အနည်းငယ်မျှသာ သုံးစွဲလျက် ရှိသည်။

ANI မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2862} သမ္မတသစ် ဟန်ပြတင်၍ အပြောင်းအလဲဖြစ်မည် မထင်

Posted by Transparency Myanmar 2010
comments (0)

(The Nation သတင်းစာမှ ၁၆ ရက်နေ့၊ ဖေဖော်ဝါရီ ၂၀၁၁ ရက်စွဲပါ " No Real Changes as Burma Wheels Out A New President" မှ ဆောင်းပါးကို ဘာသာ ပြန်ဆိုသည်)      

သမ္မတ ရွေးချယ် တင်မြှောက်ပွဲတွင် ယခု အနိုင် ရရှိသွားသူမှာ ဦးသိန်းစိန် ဖြစ်ပါသည်ဟု ဆိုပါက မှန်မည်ဟု ထင်ပါသလား၊ မမှန်ပါ။ ယင်းသည် ဆုချီးမြှင့်ပြိုင်ပွဲ မဟုတ်ပါ။ မြန်မာနိုင်ငံ၏ အရပ်ဖက် အစိုးရသစ် အတွက် သမ္မတ ရာထူး ခန့်အပ်ခြင်းသာ ဖြစ်သည်။ မကြာမှီ သက်တမ်း ကုန်မည့် စစ်ဖက် အစိုးရ၏ ဝန်ကြီးချုပ် တစ်ဦး ဖြစ်သကဲ့သို့ ကြီးမြတ်သော ခေါင်းဆောင်ကြီး ဗိုလ်ချုပ်မှုးကြီးသန်းရွှေ၏ သစ္စာခံ အသက် ၆၅ နှစ်အရွယ်  ဗိုလ်ချုပ်ကြီးဟောင်း ဦးသိန်းစိန်ကို ရွေးကောက်ပွဲ အလွန် မြန်မာ အစိုးရ၏ သမ္မတသစ်အဖြစ် မြန်မာ လွှတ်တော်က ဖေဖော်ဝါရီ ၄ ရက်တွင် ခန့်အပ်လိုက်သည်။

          လွှတ်တော်သစ်၏ ၈၀ ရာခိုင်နှုန်းကျော်ကို အတူတကွ ထိန်းချုပ်ထားသော တပ်မတော်သား လွှတ်တော် ကိုယ်စားလှယ်များနှင့် ၎င်းတို့၏ မဟာမိတ် အရပ်သား လွှတ်တော် ကိုယ်စားလှယ်များက ဦးသိန်းစိန်ကို တိုင်းပြည်၏ ထိပ်ဆုံး နေရာအတွက် စင်တော်ကောက် တင်မြှောက် လိုက်ခြင်းသည် အံသြစရာ ကိစ္စ မဟုတ်ပါ။

          ဦးသိန်းစိန် ခေါင်းဆောင်သည့် တပ်မတော် နောက်ခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီသည် နိုဝင်ဘာ အထွေထွေ ရွေးကောက်ပွဲများတွင် အများစု အနိုင်ရရှိ ခဲ့သော်လည်း  အဆိုပါ ရွေးကောက်ပွဲများသည် တပ်မတော်က နိုင်ငံရေး နယ်ပယ်တွင် ဆက်လက် ရပ်တည်နိုင်ရန် အတွက် လှည့်စား ဖန်တီးထားသည့် အတုအယောင်သာ ဖြစ်သည်ဟု နိုင်ငံတကာ အသိုင်းအဝိုင်း အများစုက ပြစ်တင် ရှုတ်ချ ထားကြသည်။

ဦးသိန်းစိန်ဆိုတာ ဘယ်လိုပုဂ္ဂိုလ်လဲ

          မြန်မာ့ နိုင်ငံရေး မြင်ကွင်း၌ ဦးသိန်းစိန် ကာလ အတန်ကြာ ရှိနေခဲ့ရာတွင် သူ၏ ပုဂ္ဂိုလ်ရေး အသွင်နှင့် ပုဂ္ဂလိက ဘဝ အကြောင်းကို အနည်းငယ်မျှသာ သိရှိကြသည်။ စစ်အုပ်ချုပ်ရေး ကာလ အတွင်း ကာကွယ်ရေး ဦးစီးချုပ် ဗိုလ်ချုပ်မှုးကြီး သန်းရွှေ၏ လက်အောက်တွင် အမှုထမ်းခဲ့သော ဗိုလ်ချုပ်ကြီးဟောင်း သိန်းစိန်သည် စစ်တက္ကသိုလ် ကျောင်းဆင်း တစ်ဦး ဖြစ်သည်။ သူသည် ရန်ကုန် စစ်ရုံးချုပ်၌ တပ်မတော် စစ်ဆင်ရေးများကို စီမံကွပ်ကဲ ခဲ့ဖူးကာ ၁၉၉၆ခုနှစ်က အသစ် ဖွဲ့စည်းသည့် ရှမ်းပြည် အရှေ့ပိုင်း ကျိုင်းတုံ အခြေစိုက် တြိဂံဒေသ တိုင်းစစ်ဌာနချုပ်၏ တိုင်းမှူး အဖြစ် တာဝန် ထမ်းဆောင်ခဲ့သည်။

          ၎င်းသည် ၂၀၀၇ မှ ၂၀၁၁ ကြားကာလတွင်မူ အာဏာရ နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီ အစိုးရ (SPDC) ၏ ဝန်ကြီးချုပ် ဖြစ်လာခဲ့သည်။ သူ၏ ဝန်ကြီးချုပ် သက်တမ်း အတွင်း ဒုတိယ ဗိုလ်ချုပ်ကြီး အဆင့်မှ ဗိုလ်ချုပ်ကြီး အဆင့်သို့ ရာထူး တိုးမြှင့်ပေးခြင်း ခံရပြီး ယင်းမတိုင်မှီတွင် SPDC ၏ အတွင်းရေးမှူး (၁) တာဝန်ကိုလည်း ထမ်းဆောင် ခဲ့ဖူးသည်။

          "ဦးသိန်းစိန်က စာဖတ် ဝါသနာ ကြီးသလို ကောင်းစွာ လက်ခံ နားထောင် ပေးတတ်တဲ့ Good Listener တစ်ယောက်ပါ။ အလွန် စိတ်ရှည် သည်းခံတတ်သလို ဆုံးဖြတ်ချက်တွေလည်း တိကျ မှန်ကန်တယ်။ သာမန် ပြည်သူတွေရဲ့ စားဝတ်နေရေး အတွက် အများကြီး လုပ်ပေးနိုင်မယ့် သူတစ်ယောက်လို့ ကျွန်တော် ယုံကြည်တယ်၊ မြန်မာ့ စီးပွားရေး တိုးတက် ဖွံ့ဖြိုး တိုးတက်အောင် ကူညီ ပေးနိုင်မယ့် ပုဂ္ဂိုလ် တစ်ယောက် အဖြစ် သူ့ကို ကျွန်တော် မြင်ပါတယ်'' ဟု USDP ပါတီဝင် လွှတ်တော် ကိုယ်စားလှယ် ခေတ်ပေါ် စီးပွားရေး လုပ်ငန်းရှင် ဦးခင်ရွှေက သူ့အမြင်ကို ပြောသည်။

          ဦးသိန်းစိန်၏ ပုဂ္ဂလိက ဘဝ၊ နိုင်ငံရေး ဘဝနှင့် ပတ်သက်သော နောက်ထပ် အချက် အလက်များကို ရှာတွေ့ရန် မလွယ်ပါ။ လတ်တလော အင်တာဗျူး တစ်ခုတွင် မြန်မာ သံတမန်ဟောင်း တစ်ဦးက ဦးသိန်းစိန်သည် အမှန်တကယ် အေးချမ်းသော ဘဝကို ဖြတ်သန်းခဲ့သူ ဖြစ်သည်ဟု ပြောဆိုခဲ့သည်။

          "ဦးသိန်းစိန်ဆိုတာ စကားများများ မပြောတတ်ဘူး။ တကယ့် အေးတိ အေးစက်ကြီးလို့ လူသိများတယ်။ ပြီးတော့ အမိန့်ကိုလည်း နာခံတတ်တယ်၊ ဒါကြောင့်မို့ မြန်မာ့ တပ်မတော် အဖွဲ့အစည်းထဲမှာ သူရှင်သန် နိုင်ခဲ့တာ ဖြစ်ပါလိမ့်မယ်'' ဟု မြန်မာ သံတမန်ဟောင်းက ရှင်းလင်း သုံးသပ်ပြသည်။

          သူသည် ဗိုလ်ချုပ်မှူးကြီး သန်းရွှေကို သစ္စာရှိသူ တစ်ဦး ဖြစ်သည်ဟု အများက နားလည် ထားကြသော်လည်း ၎င်းတို့နှစ်ဦး အကြား မည်မျှ နီးစပ်မှု ရှိသည်ကို အသေအချာ သိရှိထားသူ မရှိပါ။ အမှန်စင်စစ် မြို့တော်နေပြည်တော်မှ နိုင်ငံရေး ခေါင်းဆောင် အများစုသည် ပင်လျှင် ဦးသိန်းစိန်ကို သမ္မတ အဖြစ် ခန့်အပ်မည့် ကိစ္စကို ကနဦး မှန်းဆနိုင်ခဲ့ခြင်း မရှိပါ။ လက်ရှိ ပြည်သူ့လွှတ်တော် ဥက္ကဋ္ဌ ဖြစ်သွားသူ သူရ ဦးရွှေမန်းမှာ ဗိုလ်ချုပ်မှူးကြီးအား အမွေ ဆက်ခံမည်ဟု တစ်ပြေးနေသည့် အလျောက် သူသာလျှင် သမ္မတ ရာထူးကို ရလိမ့်မည်ဟု အများက မျှော်လင့်ခဲ့ကြခြင်း ဖြစ်သည်။

          ဦးသိန်းစိန်သည် စစ်မှုထမ်း သက်တမ်း တလျောက် သန့်ရှင်းသော ပုံရိပ် ရှိခဲ့သူ ဖြစ်ပြီး အဂတိ လိုက်စားမှု ကင်းရှင်းသူ တစ်ဦး ဖြစ်သည်။ သူ၏ အကျင့် စာရိတ္တကို ထိန်းသိမ်းပြီး အခြား ဗိုလ်ချုပ်များထက် သန့်ရှင်းသူ တစ်ဦးအဖြစ် ထင်ရှားသော်လည်း သူနှင့် ဆက်ဆံရေး ကောင်းရန် ရိုက်စား စီးပွားရေး လုပ်ငန်းရှင်များက လိုလားကြသည်ဟု မြန်မာအစိုးရ အတွင်းစည်း၌ နားလည် ထားကြသည်။

          နိုင်ငံရေး အယူအဆ အရ သုံးသပ်မည် ဆိုလျှင် သူ့လက်အောက်မှ ဒုတိယ သမ္မတ ဖြစ်သူ သီဟသူရ ဦးတင်အောင်မြင့်ဦးသည် သဘောထား တင်းမာသည်ဟု ကျယ်ပြန့်စွာ သိရှိထား ကြသော်လည်း ဦးသိန်းစိန် သဘောထား တင်းမာသည်ကို ကြားဖူးသူ မရှိသေးဟုလည်း ဆိုကြသည်။

          မြန်မာ့အရေး ပါဝင် လှုပ်ရှားသူတို့၏ အဆိုအရ ဦးတင်အောင်မြင့်ဦးသည် ရှေးရိုးစွဲ ဝါဒီ တစ်ဦး ဖြစ်ပြီး နာဂစ်အလွန် ကယ်ဆယ်ရေး ကြိုးပမ်းမှုများတွင် ကုလသမဂ္ဂ၏ ပါဝင် ပတ်သက်မှုနှင့် လူသားချင်း စာနာမှုအရ ပေးအပ်သော နိုင်ငံတကာ အကူအညီများ ပေါ်တွင် သံသယ ကြီးမား လွန်းသူဟု သိရှိရသည်။

          နောက်တစ်ချက်မှာ ဦးသိန်းစိန်သည် ဖိုက်တာ တစ်ယောက် မဟုတ် ဆိုသည့် အချက်ပင် ဖြစ်သည်။ သူသည် စစ်မြေပြင် အတွေ့အကြုံ နည်းပါးသူ ဖြစ်သည်။ သို့ရာတွင် အလွန်တော်သော စီမံအုပ်ချုပ်သူ တစ်ဦးလည်း ဖြစ်နေပြန်သည်။ တနည်းအားဖြင့် ပြောလျှင် ခေါင်းဆောင်မှု အရည်အသွေး ကောင်း ရှိသူဟု ဆိုရမည်။ စစ်မြေပြင် တပ်မှူးများတွင် ရှိနိုင်သည့် ဆုံးဖြတ်ချက်မျိုး  သြဇာ ကိတ္ထိမမျိုး သူ့တွင် မရှိနိုင်ပါ။ သို့သော်လည်း ဦးသိန်းစိန်သည် အုပ်ချုပ် စီမံတတ်သူ တစ်ဦး၊ မန်နေဂျာကောင်း တစ်ဦး အနေဖြင့် နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီ အစိုးရ ခေတ်လွန် အခင်းအကျင်း သစ်တွင် လုပ်ငန်း တာဝန်များကို ထိရောက်စွာ အကောင် အထည်ဖော် စွမ်းဆောင်နိုင်မည့်သူ တစ်ဦး ဖြစ်လာနိုင်သည်။ သမ္မတ တစ်ဦး အနေဖြင့်ရော ခေါင်းဆောင်နိုင်မှု စွမ်းရည် ပြသနိုင် ပါမည်လား ဆိုသည်ကိုမူ စောင့်ကြည့်ရန်သာ ရှိတော့သည်။ သူ့အနေဖြင့် နိုင်ငံ့ ခေါင်းဆောင် တာဝန်ယူကာ လူထု အခမ်းအနားများ တက်ရောက်ခြင်း၊ မိန့်ခွန်းများ ပြောကြားခြင်း စသည်တို့ကို ပြုလုပ် ရတော့မည်မှာ အသေအချာပင် ဖြစ်သည်။ ထို့ပြင် ပြည်တွင်း၊ ပြည်ပ နှစ်ရပ်လုံးမှ အလွန်အကျွံ ဖိအား ပေးမည့် အောက်တွင် အလုပ် လုပ်ရမည့် သဘော ရှိနေသည်။

          ဦးသိန်းစိန် အနေဖြင့် မြန်မာ နိုင်ငံတွင် ဘာတွေ လုပ်ဖို့ လိုအပ်နေသည် ဆိုသည်ကို သိရှိ နားလည်သည့် တိုင်အောင် အပြောင်းအလဲ လုပ်နိုင်လောက်သည့် လုံလောက်သော ကိုယ်စွမ်းအား၊ ဥာဏ်စွမ်းအား မရှိနိုင်ဟု လေ့လာ ဆန်းစစ်သူများက စောဒက တက်ကြသည်။ အမှန်စင်စစ် ဦးသိန်းစိန်သည် မူဝါဒ အကောင်အထည် ဖော်မှု ဆိုင်ရာ ဟာကွက်များ ဖြစ်ပေါ် နေခြင်းကို ကောင်းစွာ နားလည်ထားသည်။ အထူးသဖြင့် နာဂစ်အလွန် နောက်ဆက်တွဲ စီမံကိန်းများတွင် ဖြစ်သည်ဟု မြန်မာ သံတမန်ဟောင်း တစ်ဦးက စာရေးသူကို ရှင်းပြခဲ့သည်။ ၎င်းအနေဖြင့် စစ်အစိုးရ၏ ရှေ့ထွက်မင်းသား အဖြစ် အာဆီယံနှင့် နိုင်ငံတကာ အစည်း အဝေးများကို တက်ရောက်ခဲ့သည့် အတွေ့အကြုံများ၏ ရလဒ်များက ယင်းကဲ့သို့ သိရှိ နားလည် စေခဲ့ခြင်း ဖြစ်နိုင်ပါသည်။

          ဦးသိန်းစိန်အတွက် နောက်ထပ် စမ်းသပ်မှု တစ်ခုမှာ ဗိုလ်ချုပ်မှူးကြီး သန်းရွှေ၏ အကျိုးစီးပွား ကာကွယ် ထိန်းသိမ်းမှုနှင့် အမှန် တကယ် အရေးပါသော ဆုံးဖြတ်ချက်များကို ကိုယ်တိုင် ချမှတ်နိုင်ရေး တို့အကြား ဟန်ချက်ညီအောင် မည်သို့ ထိန်းသိမ်းမည်နည်း ဆိုသည့် ကိစ္စပင် ဖြစ်သည်။ ဗိုလ်ချုပ်မှုးကြီး သန်းရွှေအနေဖြင့် ၎င်း၏ အနာဂတ် လမ်းကြောင်းကို ယခုတိုင် ထုတ်ဖော် ပြောကြားခြင်း မရှိသေးသော်လည်း ကြီးမြတ်သည့် ခေါင်းဆောင်ကြီးသည် အာဏာ ပလ္လင်ထက်မှ ဆင်းပေးမည့် အလားအလာ ရှိပုံ မပေါ်ပေ။  ဖြစ်နိုင်ခြေ ရှိသည်မှာ ဗိုလ်ချုပ်မှူးကြီး သန်းရွှေသည် ပြည်ခိုင်ဖြိုး ပါတီ၏ ကြိုးကိုင် နာယက အဖြစ် ရှိနေပြီး သို့မှသာလျှင် ၎င်းအနေဖြင့် ပါတီဝင်များကို စောင့်ကြည့်၊ အကဲခတ်၊ တရားမဝင် နောက်ကွယ်မှ ထိန်းချုပ်ခြင်း ပြုလုပ်နိုင်မည် ဖြစ်သည်။  ဗိုလ်ချုပ်မှူးကြီး သန်းရွှေ အနေဖြင့် သူ၏ အနေအထားကို သမ္မတသစ်က ခြိမ်းခြောက်ခြင်း မပြုနိုင်ရန် အတွက် ဦးသိန်းစိန်အပေါ် ထိထိ ရောက်ရောက် လွှမ်းမိုး ထိန်းချုပ် ထားရန် အထူးတလည် လိုလားနေမည်မှာ အသေ အချာပင် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2861} ဘင်္ဂလားဒေ့ရ်ှတွင် နယ်ခြားစောင့်တပ်ရင်း ၁၉ ဖွဲ့တိုးချဲ့မည်

Posted by Transparency Myanmar 2010
comments (0)

(PTI သတင်းဌာနမှ ၁၅ ရက် ဖေဖော်ဝါရီ ၂၀၁၁ ရက်စွဲပါ " Bangladesh to raise 19 new border guard battalions" ကို ဆီလျော်အောင် ပြန်ဆိုသည်)

ဘင်္ဂလားဒေ့ရှ် နိုင်ငံသည် ၎င်း၏ အိမ်နီးချင်း အိန္ဒိယ၊ မြန်မာတို့နှင့် နယ်စပ်တလျောက် လစ်ကွက်၊ ဟာကွက်များကို စောင့်ကြပ် ကြည့်ရှုနိုင်ရန် အတွက် တပ်ရင်းသစ် ၁၉ ဖွဲ့ကို လာမည့် ငါးနှစ် အတွင်း တိုးချဲ့ ဖွဲ့စည်းသွားမည်ဟု ရှေ့တန်း နယ်ခြားစောင့် တပ်ဖွဲ့ အကြီးအကဲက ယနေ့ ပြောကြားလိုက်သည်။

          "လာမယ့် ငါးနှစ်တာ ကာလအတွင်း တပ်ရင်းသစ်တွေ တိုးချဲ့တော့မှာပါ၊ ရှေ့တန်း တပ်ဖွဲ့ရဲ့ ဖွဲ့စည်းပုံမှာ အသစ် တိုးချဲ့မှု အနေနဲ့ ဒေသခွဲ စစ်ဌာနချုပ် ၄ ခု ဖွဲ့စည်းမှာ ဖြစ်သလို ဘင်္ဂလားဒေ့ရှ် နယ်ခြားစောင့်တပ် (BGB) အတွက် အကြီးစား ပြင်ဆင် ဖွဲ့စည်းမှု အစီအစဉ် အောက်မှာ စစ်ဆင်ရေး ကွပ်ကဲမှုဌာန  အသစ် ၄ ခု ဖွဲ့စည်းမှာပါ" ဟု ဗိုလ်ချုပ် ရာဖီကာ အစ်စလာမ်က PTI သတင်းဌာနနှင့် အင်တာဗျူးတွင် ပြောကြားခဲ့သည်။

          ယခင်လက အထိ "ဘင်္ဂလားဒေ့ရှ် ရိုင်ဖယ်" ဟု ခေါ်ဝေါ်ခဲ့သော တပ်မတော် အရံ စစ်တပ်ကို ယခုအခါ "ဘင်္ဂလားဒေ့ရှ် နယ်ခြား စောင့်တပ်" ဟု ပြောင်းလဲ ခေါ်ဝေါ် လိုက်ပြီ ဖြစ်သည်။

          အရာရှိ ၅၇ ဦး အသတ် ခံခဲ့ရသော ၂၀၀၉ ခုနှစ်က တပ်တွင်း ပုန်ကန်မှု ဖြစ်ရပ် အပြီးတွင် ယခုအခါ နယ်ခြားစောင့်တပ်ကို အကြီးစား ပြင်ဆင် ဖွဲ့စည်းမှုများ ပြုလုပ်လျှက် ရှိပြီး တပ်ဖွဲ့၏ အမည်၊ ဥပဒေ စည်းကမ်း၊ ယူနီဖောင်းနှင့် တံဆိပ်များကို အသွင်သစ် ဖြစ်အောင် ပြောင်းလဲ လိုက်ခြင်း ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2860} ဆောင်းပါးကဏ္ဍ

Posted by Transparency Myanmar 2010
comments (0)

စစ်ဘက်အုပ်ချုပ်ရေးအလွန်အရပ်ဘက်အုပ်ချုပ်ရေးပြောင်းလဲခြင်း(၄)
စစ်ဘက်အရာရှိများသည် ၎င်းတို့အုပ်ချုပ်စဉ်ကာလသည်
ဒီမိုကရေစီကိုဖော်ဆောင်ခြင်းမပြုနိုင်သေးသည့် တည်ငြိမ်မှုမရှိသေးသာ
အချိန်ကာလတစ်ရပ်ကို ထိန်းသိမ်းရခြင်းဖြစ်ပါသည်ဟု
အကြောင်းပြလေ့ရှိသော်လည်း ရေရှည်တွင် အာဏာရှင်တစ်ဦးတစ်ယောက်၏
ထိန်းချုပ်မှုကို သက်တမ်းရှည်စေရန်ပြုလုပ်ပေးခြင်းမျိုးလည်း ဖြစ်နိုင်သည်။
မက္ကဆီကို နှင့် ကျူးဘားနိုင်ငံတို့တွင် စစ်တပ်ဖွဲ့များသည် အာဏာရပါတီအား
အခိုင်အမာ သြဇာ ခံခဲ့ကြကာ ပါတီ၏ နိုင်ငံ့အာဏာပိုင်စိုးမှုကို
ဆက်လက်ထိန်းသိမ်းခြင်းအား အလေးအနက် ပြုခဲ့ကြသည်။ မက္ကဆီကိုတွင် များစွာသော
လမ်းကြောင်တို့က အရပ်သားအုပ်ချုပ်မှုပြန်လာစေရေးကို ထောက်ကူပေးခဲ့သည်။
ဥပမာ အမေရိကန်သည် လက်တင်အမေရိကရှိ စစ်အစိုးရများအား
လူ့အခွင့်အရေးချိုးဖောက်မှုများဖြင့် ဖိအားပေးကာ အထီးကျန်စေခဲ့ပြီး
ထိုစစ်အစိုးရများအာဏာစွန့်စေခဲ့သည်အထိ
အထောက်အကူပြုပေးခဲ့သည်။လက်တင်အမေရိကရှိ စစ်တပ်များသည်
လုပ်ငန်းစဉ်များပြောင်းလဲလာကြပြီး အာဂျင်တီးနားနှင့် ဥရုဂွေး
စစ်တပ်များသည် နိုင်ငံတကာငြိမ်းချမ်းရေးတပ်ဖွဲ့များတွင် ပါဝင်လာကြသည်။
ဤတပ်ဖွဲ့များ နိုင်ငံတကာငြိမ်းချမ်းရေးထိန်းသိမ်းမှုတွင်
ပါဝင်လာခြင်းဖြင့် အမေရိကန်အပါအဝင် အနောက်နိုင်ငံများနှင့်
ပူးတွဲတာဝန်ထမ်းဆောင်ရာမှ ပညာသည်ပီသမှုနှင့် အရပ်သားအစိုးရ၏
တန်ဖိုးများကို နားလည်လာ ကြပြီး အရပ်သားအစိုးရ၏ ထိန်းချုပ်မှုအောက်သို့
တဖြေးဖြေးလက်ခံလာကြသည်။ သို့ရာတွင် အချို့လက်တင်အမေရိက နိုင်ငံများတွင်မူ
စစ်တပ်များသည် ကြီးမားသောအကျိုးကျေးဇူးများကို ရယူထားလျှက်ပင်ရှိကြသည်။
ထို့ပြင် ၎င်းတို့သည် စီးပွားရေးလုပ်ငန်းများတွင် ပါဝင်ပတ်သက်လျှက်ရှိကြပြီး
စစ်ဘက်ဆိုင်ရာလက်နက်ပစ္စည်းများထုတ်လုပ်သည့် စက်မှုဆိုင်
ရာလုပ်ငန်းများတွင် လုပ်ကိုင်ပါသည်ဆိုသော်လည်း အချို့သည်
အရပ်ဘက်စီးပွားရေးများအထိ ကျယ်ပြန့်စွာ ပါဝင်ပတ်သက်လေ့ရှိကြသည်။
၎င်းကာကွယ်ရေးဝန်ကြီးဌာနများသည် စစ်တပ်အရာရှိများ၏ အသုံးစားရိတ် နှင့်
ကျန်းမာရေးစောင့်ရှောက်မှုတို့အတွက်
ချက်လက်မှတ်ထုတ်ပေးခြင်းထက်ပိုသောအဆင့်မျိုးကို ရယူခဲ့ကြသည်။
၁၉၆၀နှင့် ၇၀ ပြည့်နှစ်လွန်ကာလများအတွင်
အရပ်သားအစိုးရကိုကူးပြောင်းသောနိုင်ငံများတွင် ကွဲပြားခြားနား သည့်
စိန်ခေါ်မှုများနှင့် စီးပွားရေး ဖွံ့ဖြိုးတိုးတက်မှု ကိစ္စများတွင်
စီမံခန့်ခွဲရန် အရပ်ဘက်အစိုးရများ၏ အရည်အချင်း မပြည့်မှီခဲ့မှုကြောင့်
စစ်ဘက်အာဏာသိမ်းမှုများမကြာခဏဆိုသလိုဖြစ်ပွားခဲ့သည်ကိုလည်းတွေ့ရပေမည်။
အထူးသဖြင့် အာရှဒေသများတွင် အဖြစ်များပြီး
လက်တင်အမေရိကနိုင်ငံများကဲ့သို့ စစ်ဘက်က ကျားကန်ထားသော အာဏာပိုင်
အစိုးရများက စီးပွားရေး ဖွံ့ဖြိုးတိုးတက်မှုကို ရှင်သန် တိုးတက်အောင်
ပြုစုပျိုးထောင်ရန်၊ လာဘ်ပေး လာဘ်ယူမှု ခြစားမှုများကို တိုက်ဖျက်ပစ်ရန်၊
နိုင်ငံရေး တည်ငြိမ်မှုများကို သေချာစေရန်၊ ယင်းတို့နှင့်အတူ အလယ်အလတ်
တန်းစား လူတန်းစား အရွယ်ပမာဏ ကြီးကြီးမားမား ပေါ်ထွက်လာစေရန် စသည့်
ဒီမိုကရေစီစံနှုန်းများကို ဖော်ဆောင်မပေးနိုင်သ ဖြင့်
စက်ဘက်အာဏာသိမ်းမှုများကို ပါကစ္စတန်၊ ဘင်္ဂလားဒေ့ရှ်၊ ထိုင်းနှင့်
ဖိလစ်ပိုင်နိုင်ငံများတွင် ထင်သရှားစွာဖြစ်ပေါ်ခဲ့ သည်။
ဆန့်ကျင်ဘက်အားဖြင့် တောင်ကိုးရီးယားနှင့် တိုင်ဝမ်နိုင်ငံများတွင်မူ
အာဏာပိုင် အစိုးရများ၏ လက်အောက်တွင် အလွန်ကြီးမားသော စီးပွားရေး
အောင်မြင်မှုများက ဒီမိုကရေစီ ဖြစ်ပေါ် တိုးတက်မှုကို တွန်းတင်သော
လူမှုရေးနှင့်စီးပွားရေး အင်အားစုများကို ဖန်တီးပေးခဲ့သည်။
သို့သော်ငြားလည်း လက်တင်အမေရိကတွင်လို မဟုတ်ပဲ အာရှနိုင်ငံများတွင်
စစ်အစိုးရများသည် နိုင်ငံအာဏာကို ဆက်လက်ချုပ်ကိုင်ထားကြသည်။
လက်နက်ကိုင်တပ်ဖွဲ့ များသည် အသစ်ပေါ်ထွက်လာသော ဒီမိုကရေစီ နိုင်ငံများစွာ၏
နောက်ကွယ်တွင် အစွမ်း အာဏာရှိသော အခန်းကဏ္ဍအဖြစ် ဆက်လက်တည်ရှိနေဆဲ ဖြစ်သည်။
ကမ္ဘာလုံးဆိုင်ရာနှင့် ဒေသဆိုင်ရာ လုံခြုံရေး ပတ်ဝန်းကျင်တွင်
ဖြစ်ပေါ်လာခဲ့သော အပြောင်းအလဲများက စစ်ဘက်၏ အခန်းကဏ္ဍအား အဓိက သက်ရောက်မှု
တစ်ခုဖြစ်စေခဲ့သည်။
ပြည်ပခြိမ်းခြောက်မှု၊
ပြည်တွင်းသောင်းကျန်းမှုများချုပ်ငြိမ်းသွားခဲ့ခြင်းက စစ်တပ်များ၏
အခန်းကဏ္ဍများကိုလျော့ ချပေးခဲ့သော်လည်း အနည်းငယ်သောနိုင်ငံများတွင်
ပြင်ပခြိမ်းခြောက်မှု ကြီးကြီးမားမားကို ရင်ဆိုင်လာနေရဆဲ ဖြစ်သည်။
အထင်အရှားအားဖြင့် တိုင်ဝမ်နှင့် တောင်ကိုးရီးယားနိုင်ငံ တို့ဖြစ်သည်။
အခြားသော အချက်နှစ်ချက်က ဒေသအတွင်းရှိ အရပ်ဘက်စစ်ဘက် - ဆက်ဆံရေး အပေါ်တွင်
ဆန့်ကျင်ဘက် သက်ရောက်မှုကို ဖြစ်စေခဲ့သည်။ ဘက်တဘက်တွင်တော့ စစ်ဘက်တို့သည်
ပြင်ပဆိုင်ရာလုံခြုံရေးအတွက်သာမက ပြည်တွင်း ဆိုင်ရာလုံခြုံရေး၊
နိုင်ငံတည်ဆောက်ရေး၊ စီးပွားရေးဖွံ့ဖြိုး တိုးတက်မှုတို့အတွက်ပါ
ဖြစ်သည်ဆိုသော ဒေသတွင်းကာလ တာရှည်ခေတ်စားနေသော ကျယ်ပြန့်သည့် အမြင်က
အရပ်သားအစိုးရများမှ စစ်ဘက်တို့၏ ပြည်တွင်းအခန်းကဏ္ဍကို အတိုချုံ့ပစ်ရန်
ခက်ခဲစေခဲ့သည်။ အခြားတဘက်တွင်မူ များစွာသော အင်အားကြီးနိုင်ငံများ
အထင်အရှားအားဖြင့် အမေရိကန်ပြည်ထောင်စု၊ အင်္ဂလန်နိုင်ငံနှင့်
ဂျပန်နိုင်ငံတို့က ဒီမိုကရေစီ ဖြစ်ပေါ်တိုးတက်ရေး ဖြစ်စဉ်ကို စစ်ဘက်တို့၏
နိုင်ငံရေး အခန်းကဏ္ဍလျော့နည်းစေမှုနှင့် စစ်ဘက် ဘတ်ဂျက် လျော့ချမှုတို့အား
ဖွံ့ဖြိုးတိုးတက်မှု အကူအညီဖြင့် ချည်နှောင်ခြင်းဖြင့်
ရှေ့ဆက်တိုးတက်စေရန် ကြိုးစားခဲ့ကြသည်။ လက်တင်အမေရိက ဒေသက
အလားတူနိုင်ငံများလို မဟုတ်ပဲ အာရှဒေသရှိ နိုင်ငံများမှ စစ်တပ်များသည်
သူတို့၏စီးပွားရေး အကျိုးစီးပွားကို ကာကွယ်ရာ တွင် အတော်အတန်
အောင်မြင်ခဲ့ကြသည်။ အသစ်ဖြစ်ပေါ်လာသော ဒီမိုကရေစီများတွင်တောင်မှ စစ်ဘက်
ဘတ်ဂျက်များက ဆက်လက်မြင့်တက် နေခဲ့သည်။ ထို့အပြင်
ပြည်တွင်းစီးပွားရေးတွင် နည်းအမျိုးမျိုးဖြင့် ထိုးဖေါက်လာခဲ့သည်။
စစ်ဘက်အခွင့်အထူးခံများသည် ပြည်သူပိုင် လုပ်ငန်းများနှင့်
ပုဂ္ဂလိကပိုင်လုပ်ငန်းများတွင်ပါ အမြတ်အစွန်းရသော နေရာများ အရင်းအနှီးများ
ရရှိခဲ့ကြသည်။ အထူးသဖြင့် ဘင်္ဂလားဒေ့ရှ်၊ ပါကစ္စတန်၊ ထိုင်း၊
အင်ဒိုနီးရှားနှင့် ဖိလစ်ပိုင်နိုင်ငံ များတွင် ဖြစ်သည်။
စစ်ဘက်အခွင့်ထူးခံများသည် မိမိအိုးအိမ်မြေကြီးပေါ်တွင် အစွမ်းကုန်
ရှာဖွေလုပ်ကိုင်သောလုပ်ငန်း (rent-seeking activities)
အမျိုးမျိုးဖြစ်သည့် အကောင်းဆုံး သဘာဝ အရင်းအမြစ် အဆီအနှစ်ထုတ်ယူရေး
လုပ်ငန်း၊ နယ်စပ်ဖြတ်ကျော် ကုန်သွယ်ရေးလုပ်ငန်း စသည့်
လုပ်ငန်းအမျိုးမျိုးကို လုပ်ကိုင်ခဲ့ကြသည်။ နယ်စပ်ဖြတ်ကျော်
ကုန်သွယ်ရေးလုပ်ငန်းများ ဆိုလျှင် ထိုင်း၊ အင်ဒိုနီးရှားနှင့်
ဖိလစ်ပိုင်နိုင်ငံတို့တွင်ဖြစ်သည်။ ထိုလုပ်ငန်းများတွင် လာဘ်ပေးလာဘ်ယူမှု၊
ခြစားမှုများ ကြီးကြီးမားမား ဖြစ်ခဲ့ကြသည်။
စစ်ဘက်ဘတ်ဂျက် လျှော့ချခြင်းဖြင့် လက်နက်ကိုင်တပ်ဖွဲ့များ၏ သြဇာအာဏာကို
လျှော့ချရန် ကြိုးစားခဲ့ကြရာ အကျိုးဆက်အနေဖြင့် တင်းမာသောခုခံမှုကို
မမျှော်လင့်ပဲ ဆုံတွေ့ခဲ့ကြရသည်။ ယင်းသို့မဟုတ်ပါကလည်း စစ်ဘက်တို့အား
၎င်းတို့၏ ဘဏ္ဍာငွေကြေး ရရှိရေး လုပ်ငန်းများကို နည်းအမျိုးမျိုးဖြင့်
ရှာဖွေလုပ်ဆောင်ရေးအား အရှိန်နှင့် တွန်းပို့ လုပ်ဆောင် လိုက်စေသလို
ဖြစ်သွားစေခဲ့သည်။ သို့ပင်ဖြစ်သော်ငြားလည်း အာဏာရရှိလာကြသော ဒီမိုကရေစီ
ခေါင်းဆောင်များသည် စစ်ဘက်၏ ပြည်တွင်းသြဇာအာဏာကို လျှော့ချရန်အတွက်
ပုံသွန်းသော မူဝါဒများကို မကြာခဏ ဥပဒေအဖြစ် ပြဌာန်းခဲ့ကြသည်။ ထို့အပြင်
စစ်ဘက်ဘတ်ဂျက် ဖြတ်တောက်ခြင်းအပြင် စစ်ဘက်မှ ကိုယ်ပိုင်အုပ်ချုပ်
စီမံပိုင်ခွင့်ရသော စီးပွားရေး လုပ်ငန်းများကို အတိုချုံ့ ပစ်ခြင်း၊
အရပ်ဘက် နေရာများမှ စစ်ဘက် အခွင့်ထူးခံများအား ဖယ်ရှားခြင်း၊ အဆင့်မြင့်
စစ်ဘက် အရာရှိများကို အတင်းအကြပ် အနားယူစေခြင်း၊ လူ့အခွင့်အရေး
ချိုးဖေါက်မှုများ၊ ရာဇဝတ်မှုများအတွက် စစ်ဘက်အရာရှိများကို အရေးယူခြင်း
တို့ကိုလည်း လုပ်ဆောင်ခဲ့ကြသည်။ အချို့သောအစိုးရများသည် စစ်ဘက်က
၎င်းတို့၏ ပညာရပ်နယ်ပယ်ဟု သတ်မှတ် နားလည်ထားသော အရာများကို
ကျူးကျော်ဝင်ရောက် လုပ်ကိုင် တတ်ကြသည်။ သာဓက အားဖြင့် သောင်းကျန်းမှု
ဆန့်ကျင်တိုက်ဖျက်ရေးလုပ်ငန်းများကို တာဝန် ထမ်းဆောင်ရန် စစ်ဘက်တို့၏
စွမ်းရည်အား သတ်မှတ် ကန့်သတ်ခြင်း ကဲ့သို့သော အရာမျိုးဖြစ်သည်။ သို့မဟုတ်
အချို့သော အစိုးရများသည် စစ်ဘက်က လက်မခံသော အရပ်သားများကို အစိုးရ၏
ထိပ်ပိုင်း နေရာများ ခန့်အပ်ချင် ခန့်အပ်တတ်ကြခြင်း ဖြစ်သည်။
ဖိလစ်ပိုင်တွင် သမ္မတ ကိုရာဇန်အာကွီနို အတွေ့အကြုံက ထိပ်တိုက်ရင်ဆိုင်သော
ချဉ်းကပ်မှုသည် စစ်ဘက်တို့အား ရန်သူဖြစ်သွားစေခဲ့ခြင်းနှင့် စစ်ဘက်က
နိုင်ငံရေးတွင် စွက်ဖက်ခြင်းအား ပို၍ မြင့်တက်ဖြစ်ပေါ် စေခြင်းကဲ့သို့သော
မလိုအားအပ်သည့် အကျိုးတရားများကို ဖြစ်ပေါ်စေခဲ့သည်ကို ပြသခဲ့သည်။
ဆန့်ကျင်ဘက် ချဉ်းကပ်မှု တစ်ခုဖြစ်သော ကိုရာဇန်အာကွီနိုနောက် ဆက်ခံသော
ဖိဒယ်ရာမို့စ် ကိစ္စက အရပ်သား ခေါင်းဆောင်များသည် စစ်ဘက်အရေးကိစ္စများကို
အလေးအနက် အာရုံထားရန် လိုအပ်ကြောင်းနှင့် ယင်းကဲ့သို့ဖြစ်ခြင်းက
စစ်ဘက်နှင့် ဒီမိုကရေစီအင်အားစု အကြားတွင် ပြန်လည်သင့်မြတ်ရေး
မူဝါဒများကို ရှာဖွေခြင်းတွင် ပို၍ကောင်းမွန်ကြောင်း ပြသခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2859} ပြည်တွင်းသတင်းများ

Posted by Transparency Myanmar 2010
comments (0)


မြန်မာငွေငါးထောင်ကျပ်တန်ကို သေချာစွာကြည့်ရှုပြီးမှ လက်ခံလာ

ရန်ကုန်၊ ဖေဖော်ဝါရီ ၁၈

ယနေ့မြန်မာ့ဈေးကွက်၌ ဈေးရောင်းသူဝယ်သူများမှ မြန်မာငွေငါးထောင်ကျပ်တန်ကို သေချာစွာစိစစ်ပြီးမှ လက်ခံလာကြကြောင်းသိရှိရသည်။

ဈေးရောင်းဈေးဝယ်ရာ၌ ငါးထောင်ကျပ်တန်များကို သေချာစွာစိစစ်ပြီးမှလက်ခံတော့ကြောင်း၊ ဈေးဝယ်သူမှ ပေးသွားသည့် ငါးထောင်ကျပ်တန်ကို ရှော့ပင်းမောလ်တစ်ခု၌ ဈေးသွားဝယ်ရာတွင် ငါးထောင်ကျပ်တန်ကို လက်မခံဘဲ ပြန်ပေးလိုက်ကြောင်း၊ ထို့ကြောင့် ဈေးလာဝယ်ပါက သေချာစွာစစ်ဆေးပြီးမှသာ ငါးထောင် ကျပ်တန်များကို လက်ခံတော့ကြောင်း ရှော့ပင်းမောလ်တစ်ခုသို့ ဈေးသွားရောက်ဝယ်ယူသည့် ဈေးဝယ်သူ အမျိုးသမီးတစ်ဦးမှ ပြောခဲ့သည်။

ငါးထောင် ကျပ်တန်ကို အဓိက စစ်ဆေးရမည်မှာ " ငါးထောင်ကျပ်တန်မှာ ငွေကြိုးမျှင်လေး ပါမပါရယ်၊ လွတ်နေတဲ့ စက္ကူသားအဖြူပေါ်က ဆင်ရုပ်အရိပ်ကလေး ပါမပါရယ်၊ စက္ကူသားရယ် ဒီသုံးမျိုးကို အဓိက ထားပြီးစစ်ရမည်" ပာု ၎င်းက ဆက်လက်ပြောခဲ့သည်။

ဈေးဝယ်ရှော့လ်ပင်း စင်တာများတွင်လည်း ငါးထောင်ကျပ်တန်၊ ဒေါ်လာနှင့် အက်ဖ်အီးစီ စသည့် ပိုက်ဆံများကို ထိန်းချုပ်၍ စစ်ဆေးလက်ခံကြောင်း၊ အဓိကအနေဖြင့် အစွန်းအထင်း ရှိမရှိကို သေချာစွာ ကြည့်ရှုကြောင်း၊ ငါးထောင်ကျပ်တန်နှင့် ပတ်သတ်၍ အတုအစစ်ခွဲခြားရန် ညွှန်ကြားထားချက်မျိုးလည်း မရှိသေးသည့် အတွက် ငါးထောင်တန် ငွေ စက္ကူများကို လက်ခံမည်ဆိုပါက သေချာစွာစစ်ဆေးကြည့်ရှုပြီးမှသာ လက်ခံသင့်ကြောင်း ရှော့ပင်းမောလ်တစ်ခု၌ အလုပ် လုပ်ကိုင်နေသူ အရောင်းဝန်ထမ်းတစ်ဦးမှ ပြောကြားခဲ့သည်။

၎င်း ငါးထောင်ကျပ်တန် ငွေစက္ကူများကို မြန်မာနိုင်ငံတော် ဗပိာုဘဏ်မှ ၂၀၀၉ ခုနှစ်တွင် စတင်ထုတ်ဝေခဲ့ခြင်း ဖြစ်သည်။

--------------------------------------------------------------------------------------------------------------------------------


ငါးနှစ်အတွင်း အပြီးတည်ဆောက်မည့် ထားဝယ်ရေနက်ဆိပ်ကမ်း ပထမအဆင့်

 ရန်ကုန်၊ ဖေဖော်ဝါရီ ၁၈

ထားဝယ်ရေနက်ဆိပ်ကမ်း နှင့် စက်မှုဇုန်စီမံကိန်း၏ ပထမအဆင့်ကို ငါးနှစ်အတွင်း အပြီးသတ် တည်ဆောက် သွားနိုင်မည်ဖြစ်ကြောင်း အီတာလျံ-ထိုင်း ဖွံ့ဖြိုးတိုးတတ်မှု(အိုင်တီဒီ)ကုမ္ပဏီ၏ ပြောကြားချက်အရ သိရသည်။

ထားဝယ်ရေနက်ဆိပ်ကမ်း စီမံကိန်း၏ ပထမအဆင့် ဆောက်လုပ်မှုတွင် စီမံကိန်းအဓိက လမ်းကြောင်းနှစ်ခုကို ရှင်းလင်းရန်ဖြစ်ကြောင်း၊ အဓိကလမ်းများဖြစ်သည့် ရေဖြူ၊ ကျောက်ထောက် လမ်းများအကြား လမ်းပန်းဆက်သွယ်မှုများ အကောင်အထည်ဖော်ရန် ဖြစ်ကြောင်း၊ ထိုင်းနိုင်ငံ(ကန်ချာနာဘူရီ)သို့ လေးနာရီသာ ကြာမြင့်မည့် မီတာ ၁၆၀ အရှည်ရှိ မော်တော် ကားလမ်းကို ယခုစတင်ဖောက်လုပ်နေပြီဖြစ်ကြောင်း သိရသည်။

ထို စီမံကိန်းကို ငါးနှစ်အတွင်းပြီးစီးနိုင်ရန် လိုအပ်မှုများရှိနေသေးကြောင်း၊ စီမံကိန်းအတွက် ကျွမ်းကျင်သည့် အင်ဂျင်နီယာများနှင့် မြန်မာလုပ်သားများ လိုအပ်သေးကြောင်း၊ ပထမအဆင့်စီမံကိန်း စတင်ပါက ထိုင်းအလုပ်သမား တစ်ထောင်ကျော်နှင့် မြန်မာအလုပ်သမား ခြောက်ထောင်ကျော်လိုအပ်ကြောင်း သိရသည်။

အဆိုပါ စီမံကိန်း ပထမအဆင့်အတွက် ကုန်ကျငွေသည် အမေရိကန်ဒေါ်လာ ရှစ်ဘီလီယံ ဖြစ်ပြီး စီမံကိန်းတစ်ခု လုံးအတွက် ကုန်ကျမည့်ငွေသည် အမေရိကန်ဒေါ်လာ ငါးဆယ့်ရှစ် ဘီလီယံဖြစ်ကြောင်း သိရသည်။

အဆိုပါ စီမံကိန်းအတွက် ရင်းနှီးမြှပ်နှံသူ မြန်မာဘက်မှ စီးပွားရေးလုပ်ငန်းရှင်များမှာ မက်စ်မြန်မာ ကုမ္ပဏီ၊ အေးရှားဝေါ တို့ဖြစ်ပြီး၊ ထိုင်းဘက်မှ စီးပွားရေးလုပ်ငန်းရှင်များမှာ ပီတီတီစွမ်းအင် ကုမ္ပဏီ၊ ဆိုင်ယမ် (ဆင်တံဆိပ် ဘိလပ်မြေ) နှင့် ဂျပန် နီပွန်စတီး ကုမ္ပဏီ တို့ဖြစ်ကြောင်း သိရသည်။


--------------------------------------------------------------------------------------------------------------------------------


ကျိုက်ခေါက်စေတီဘုရားပွဲ ဆိုင်ခန်းဈေးနှုန်းများ ဆယ်ဆခန့်မြင့်တက်

ယခုနှစ် ကျိုက်ခေါက်စေတီဘုရားပွဲတော်၌ ဆိုင်ခန်းဈေးနှုန်းများကို ပုံမှန်ဌားရမ်းနှုန်းထက် ဆယ်ဆခန့်မြင့်တင်ပြီး ဌားရမ်းခဲ့ကြောင်း ယင်းဘုရားပွဲ၌ဆိုင်ခန်းဌားရမ်းခဲ့သူများက ပြောကြားသည်။

ကျိုက်ခေါက်ဘုရားပွဲတော်ကို ဖေဖော်ဝါရီ ၈ရက်နေ့တွင်စတင်ကျင်းပခဲ့ပြီး နှစ်စဉ်နှစ်တိုင်း ကျင်းပလေ့ရှိကြောင်း သိရသည်။ခရမ်း၊သုံးခွနှင့် ကျောက်တန်းမြို့နယ်များရှိ ကျေးရွာများမှ ဘုရားဖူးဈေးဝယ်သူများနှင့် စည်ကားလေ့ရှိကြောင်း သိရသည်။ သံလျင်မြို့နယ်ရှိအဆိုပါကျိုက်ခေါက်ဘုရားပွဲတော်၌ ဈေးဆိုင်ခန်းများကို အမြင့်ဆုံးဈေးနှုန်း တစ်သောင်းခွဲဖြစ် သာဌားရမ်းရမည်ဟု သန့်မှတ်ထားသော်လည်း တစ်သိန်းခွဲအထိဌားရမ်းခဲ့ကြကြောင်း ပွဲဈေးတန်းမှ ဆိုင်ခန်းဌားရမ်းခဲ့သူများ ကပြောကြားသည်။ဆိုင်ခန်းဌားရမ်းခများမှာ နေရာအပေါ်မူတည်ပြီး ငါးထောင်ကျပ်မှ တစ်သိန်းခွဲအထိ ရှိကြောင်းသိရသည်။

"ဂေါပကလူကြီးတွေ လူပါးဝတာပဲ။ သူတို့က သူတို့နဲ့နည်းစပ်တဲ့သူ သူ့ဆွေမျိုးတွေကို ဆိုင်ခန်းတွေ ချထားပေးတယ်။ အဲဒီကမှတဆင့် ကျွန်တော်တို့ကထပ်ဌားရတော့ ဈေးကကြီးသွားတာပေါ့။" ဟု ဈေးသည်တစ်ဦးကဆိုသည်။

ဆိုင်ခန်းဌားခများဈေးမြင့်လာသည့်အပြင် ရေခ၊ မီးခများလည်း ယမန်နှစ်ထက်ဈေးပိုမိုမြင့်တက်လာကြောင်း ၎င်းကဆက်လက်ပြောကြားးသည်။ ယင်းအကြောင်းများကြောင့် ဈေးလာရောက်ရောင်းချသူများလည်း မိမိကုန်ပစ္စည်းများကို ဈေးနှုန်းများမြှင့်တင်၍ ရောင်းချလျှက်ရှိကြောင်းသိရသည်။

"ဒီနှစ်ဘုရားဖူးပရိတ်သတ် နည်းတယ်။ မနှစ်ကဆိုဒီအချိန် ရောင်းကုန်တွေသိပ်မရှိတော့ဘူး။" ဟု ဈေးသူတစ်ချို့က ဆိုသည်။ အဆိုပါဘုရားပွဲ၌ ဌားရမ်းထားသောဆိုင်ခန်းပေါင်းမှာ တစ်သောင်းကျော်ရှိကြောင်းသိရသည်။


 (အထက်ပါ သတင်းများကို ရွှေပြည်တော် ဝက်ဘ်ဆိုက်မှ ကူးယူဖော်ပြခြင်းဖြစ်ပါသည်။ ခရော်နီကယ် ပရိတ်သတ် များအတွက် သတင်းများနှင့် ဆောင်းပါးများကိုအချိန်ပေးဖတ်ရှုရ သည့်အလျှောက် ပေးရသည့်အချိန်နှင့် ထိုက်တန်သည့် ရလဒ် တခုခုကိုရရှိကျေနပ်စေရန် ရည်ရွယ်၍ ထပ်ဆင့်ဖော်ပြပေးခြင်းသာဖြစ်ပြီး ပေးပို့သည့် သတင်းများ၊ ဆောင်းပါးများ အားလုံးသည် yangon chronicle ၏ အာဘော်(လုံးဝ)မဟုတ်ပါကြောင်း အသိပေး ဖော်ပြအပ်ပါသည်။)

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2858} ပြည်တွင်းပါတီ၊ နိုင်ငံရေး သတင်းများ

Posted by Transparency Myanmar 2010
comments (0)

လစ်လပ်သွားသည့် ပြည်သူ့လွှတ်တော်ကိုယ်စားလှယ်နေရာ၌ ဦးသုဝေ ပြန်လည်အရွေးခံရန် စဉ်းစား
ဖေဖော်ဝါရီ ၁၈

မင်္ဂလာတောင်ညွှန့် မဲဆန္ဒနယ်မှ ဝင်ရောက်ယှဉ်ပြိုင် အနိုင်ရခဲ့သည့် ပြည်သူ့လွှတ်တော်အမတ် ဦးအောင်ကြည် သည် ပြည်ထောင်စုအစိုးရအဖွဲ့ဝင် ဝန်ကြီးအဖြစ် အရွေးခံရသောကြောင့် လစ်လပ်သွားသည့် ဦးအောင်ကြည်နေရာ၌ ဒီမ်ို ကရက်ပါတီ၏ ပါတီခေါင်းဆောင် ဦးသုဝေမှ ၎င်းမဲဆန္ဒနယ်တွင် အသစ်ပြန်လည်အရွေးခံရန် စဉ်းစားနေကြောင်း ပြောကြားခဲ့သည်။

ဦးအောင်ကြည်သည် ပြည်ထောင်စု အစိုးရအဖွဲ့ဝင်ဝန်ကြီးအဖြစ် အရွေးခံရသောကြောင့် လစ်လပ်သွားသည့် ၎င်း၏နေရာတွင် စည်းမျဉ်းဥပဒေအရ အရွေးခံချင်သည့်သူများရှိကြောင်း၊ ထို့ကြောင့် မိမိအနေနှင့်လည်း ဝင်ရောက်ယှဉ်ပြိုင် အရွေးခံရန် စဉ်းစားနေကြောင်း၊ မိမိပါတီ၏ အားနည်းချက်များကိုပြုပြင်၍ ရွေးကောက်ပွဲအသစ် ပြန်လည်ဝင်ရောက်ရန် စဉ်းစားမည်ဖြစ်ကြောင်း ဒီမိုကရက်တစ်ပါတီမှ ခေါင်းဆောင် ဦးသုဝေမှ ပြောကြားခဲ့သည်။

"စည်းမျဉ်း ဥပဒေအရ လစ်လပ်သွားတဲ့နေရာဆိုရင် ရွေးကောက်ပွဲအသစ်လုပ်မှာဆိုတော့ အရွေးခံချင်တဲ့သူတွေ ဝင်ကြမှာပေါ့။ အဲဒီတော့ ကျွန်တော့်အနေနဲ့လည်း နည်းနည်းပြန်စဉ်းစားရမှာပေါ့။ ပိာုတုန်းက ရွေးကောက်ပွဲလုပ်ခဲ့တုန်းက အားနည်းချက်တွေကို ပြုပြင်နိုင်မယ့် အနေအထားမျိုးရှိရင် ကျွန်တော်တို့လည်း ဒီရွေးကောက်ပွဲအသစ်ကို ပြန်ဝင်သင့်ဝင်ရ မှာပေါ့" ပာု ဒီမိုကရက်တစ်ပါတီမှ ပါတီခေါင်းဆောင်ဦးသုဝေက ပြောကြားခဲ့သည်။

ယခုရွေးကောက်ပွဲအသစ်၌ ဝင်ရောက်ယှဉ်ပြိုင်မည်ဆိုပါကလည်း ယခင်စည်းရုံးမှုများကိုသာ ထပ်မံတိုးချဲ့၍ စည်းရုံးသွားမည်ဖြစ်ကြောင်း၊ ယခင်ကျင်းပပြီးစီးခဲ့သည့် ရွေးကောက်ပွဲ၌ မင်္ဂလာတောင်ညွှန့်မဲဆန္ဒနယ်တွင် မိမိတို့ပါတီအနေ နှင့် ပြည်သူများ၏ ထောက်ခံအားပေးမှုအများဆုံး ရရှိခဲ့သည့်အတွက် ပါတီလိုအပ်ချက်များကို ဖြည့်ဆည်းလိုက်ပါက ယခင် ထက်ပို၍ ပြည်သူများ၏ထောက်ခံအားပေးမှု ရရှိလာနိုင်မည်ဖြစ်ကြောင်း၊ မိမိအနေနှင့်လည်း အဘက်ဘက်မှ တွက်ဆနေသည့်အတွက် အဆုံးအဖြတ်မချရသေးပဲ စဉ်းစားနေချိန်သာရှိသေးကြောင်း DPM ပါတီမှ ခေါင်းဆောင်ဦးသုဝေမှ ဆက် လက် ပြောကြားခဲ့သည်။

ဦးသုဝေ၏ လွှတ်တော်ပြင်ပ နိုင်ငံရေးဆောင်ရွက်မှုများနှင့် ပတ်သတ်၍မေးမြန်းခဲ့ရာ လက်ရှိမိမိတို့ပါတီ၌ အဓိက အနေဖြင့် စည်းရုံးမှုများကိုသာ လုပ်ဆောင်နေသည်ဖြစ်ကြောင်း၊ ယခုမှ လွှတ်တော်စတင်ဖွဲ့သည်းသည့်အတွက် မိမိတို့ ပါတီအနေဖြင့် ဖြစ်စေချင်သည့် ကိစ္စရပ်များကို လွှတ်တော်ပြင်ပမှနေ၍သာ သုံးသပ်ပြသွားမည်ဖြစ်ကြောင်း၊ ထိုသို့ ပြောကြားသွားခြင်းသည် လွှတ်တော်အတွင်းမှ ကိုယ်စားလှယ်များကို တစ်ဖက်တစ်လမ်းမှ အကူအညီပေးသွားခြင်းသာဖြစ်ကြောင်း ၎င်းကထပ်လောင်းပြောကြားခဲ့သည်။

"သူတို့က အခုမှ ဖွဲ့စည်းတုန်းရှိပါသေးတယ် ကျွန်တော်တို့ကတော့ ကိုယ့်ရဲ့တိုင်းပြည်မှာ ဘာလုပ်စေချင်သလဲ ဆိုတာကို သုံးသပ်ပြရမှာပေါ့။ အစိုးရအဖွဲ့ကိုလည်း ကျွန်တော်တို့က ဒီတိုင်းပြည်မှာ ဒီအတိုင်းဖြစ်စေချင်ပါတယ် ဆိုတာကို မေတ္တာရပ်ခံကာ တွန်းအားပေးတယ် စသည်ဖြင့် ကျွန်တော်တို့က အကူအညီပေးရာ ကျတာပေါ့" ပာု ဦးသုဝေမှ ပြောကြားခဲ့ သည်။

ဒီမိုကရက်တစ်ပါတီ(မြန်မာ) သည် ယခင် (၂၀၁၀) ရွေးကောက်ပွဲ၌ မင်္ဂလာတောင်ညွှန့် မဲဆန္ဒနယ်တွင် ဒုတိယ မဲအများဆုံးရရှိထားသည့် ပါတီဖြစ်သည့်အတွက် ယခုလစ်လပ်သွားသည့် ဦးအောင်ကြည်၏နေရာ၌ ထပ်မံဝင်ရောက် ယှဉ်ပြိုင် အရွေးခံပါက အောင်နိုင်ရေး အလားအလာ အများကြီးရှိသည့်ပါတီ ဖြစ်သည်။


--------------------------------------------------------------------------------------------------------------------------------


ရန်ကုန်တိုင်းဒေသကြီး အစိုးရဝန်ကြီးအဖွဲ့၌ စာနယ်ဇင်းသမားတစ်ဦး ရွေးချယ်ခံရ

ဖေဖော်ဝါရီ ၁၈

၂၀၁၀ ဖွဲ့စည်းပုံ အခြေခံဥပဒေအရ လက်ရှိကျင်းပပြုလုပ်လျှက်ရှိသော ရန်ကုန်တိုင်းဒေသကြီး လွှတ်တော်  အစည်းအဝေးတွင် ရန်ကုန်တိုင်းဒေသကြီး ဝန်ကြီးချုပ်အဖြစ် ဦးမြင့်ဆွေမှ ရန်တိုင်းဒေသကြီးအစိုးရအဖွဲ့ကို ဦးဆောင် ဖွဲ့စည်း လျှက်ရှိရာ စာနယ်ဇင်းလောကမှ သတင်းအယ်ဒီတာတစ်ဦးအား  ဝန်ကြီးအဖွဲ့တွင် ရွေးချယ် ခန့်အပ်ခဲ့ကြောင်း သိရသည်။

 ဝန်ကြီးချုပ်ဦးမြင့်ဆွေမှ ၎င်းစိတ်ကြိုက် ရန်ကုန်တိုင်းဒေသကြီး အစိုးရအဖွဲ့ကို ဖွဲ့စည်းလျှက်ရှိရာ ရွှေပြည်စိုးစာပေတိုက်၊ The Live News သတင်းဂျာနယ်မှ အယ်ဒီတာတစ်ဦးအဖြစ် သုံးနှစ် တာဝန်ထမ်းဆောင်ခဲ့သူ၊ ရန်ကုန်တိုင်းဒေသ ကြီးလွှတ်တော်အတွက် ပြည်ခိုင်ဖြိုးပါတီကိုယ်စားပြု မင်္ဂလာတောင်ညွှန့်မြို့နယ်မှ ဝင်ရောက် ယှဉ်ပြိုင် အရွေးချယ်ခံခဲ့သူ လွှတ်တော်ကိုယ်စားလှယ် ဦးကျော်စိုးအား ရန်ကုန်တိုင်းဒေသကြီး ဝန်ကြီးအဖြစ် ရွေးချယ်ခန့်အပ်ခဲ့ကြောင်းသိရှိရသည်။

အဆိုပါ လွှတ်တော် ကိုယ်စားလှယ် ဦးကျော်စိုးသည် ရန်ကုန်တိုင်းဒေသကြီး အစိုးရအဖွဲ့တွင် အစိုးရအဖွဲ့ဝင် ဝန်ကြီးအဖြစ် စာနယ်ဇင်းလောကမှ ပထမဆုံးရွေးချယ်ခံရသူ သတင်းဂျာနယ် စာနယ်ဇင်းသမားတစ်ဦးဖြစ်ကြောင်း သိရသည်။


 (အထက်ပါ သတင်းများကို ရွှေပြည်တော် ဝက်ဘ်ဆိုက်မှ ကူးယူဖော်ပြခြင်းဖြစ်ပါသည်။ ခရော်နီကယ်ပရိတ်သတ်များအတွက် သတင်းများနှင့် ဆောင်းပါးများကိုအချိန်ပေးဖတ်ရှုရသည့်အလျှောက် ပေးရသည့်အချိန်နှင့် ထိုက်တန်သည့်ရလဒ် တခုခုကိုရရှိကျေနပ်စေရန် ရည်ရွယ်၍ ထပ်ဆင့်ဖော်ပြပေးခြင်းသာဖြစ်ပြီး ပေးပို့သည့် သတင်းများ၊ ဆောင်းပါးများ အားလုံးသည် yangon chronicle ၏ အာဘော်(လုံးဝ)မဟုတ်ပါကြောင်း အသိပေး ဖော်ပြအပ်ပါသည်။)


--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{chronicle2011:2857} ဆောင်းပါးကဏ္ဍ

Posted by Transparency Myanmar 2010
comments (0)

ပျောက်ဆုံးသွားသော စံနှုန်းကျင့်ဝတ်နှင့်ကိုယ်ကျင့်တရားများ

          ယနေ့မြန်မာနိုင်ငံရှိ မြို့ကြီးများ အထူးသဖြင့် ရန်ကုန်နှင့် မန္တလေးမြို့ကြီးများရှိ ပုဂ္ဂလိက စက်သုံးဆီဆိုင်များတွင် ကားတန်းရှည်ကြီးများနှင့် ဆိုင်ကယ်တန်းကြီးများ စိတ်မောဖွယ်ကောင်းလောက်အောင် တွေ့မြင်နေကြရပါသည်။ ထိုသို့ တန်းစီနေသူများထဲတွင် စက်သုံးဆီအတွက်လာရောက်ဝယ်ယူသူဦးရေထက် တဆင့်ပြန်လည်ရောင်းချရန်အတွက် လာရောက် တန်းစီသူများက အများဆုံးဖြစ်သည်။ အမှန်တကယ်သုံးစွဲမည့်သူက ထိုမျှကြာကြာ အချိန်ပေးနိုင်ပုံမရ။ တဆင့်ပြန်လည် ရောင်းချသည့် ဈေးနှင့်သာ ပြန်လည်ဝယ်ယူပြီး သက်ဆိုင်ရာလုပ်ငန်းခွင်သို့သွားကြရသည်။

            ပုဂ္ဂလိကစက်သုံးဆီဆိုင်ကြီးများတွင် ထိုသို့တဆင့်ထုတ်ယူရောင်းချနေခြင်းများနှင့် ပြင်ပတွင် စက်သုံးဆီဈေးမြင့်နေရ ခြင်းများသည် အစိုးရအထက်ပိုင်းမှ ပုဂ္ဂိုလ်များက တမင်တကာစီစဉ်ဖန်တီးယူခဲ့ကြောင်း ရွှေပြည်တော်အွန်လိုင်းဂျာနယ်တွင် ဖော်ပြခဲ့ဖူးသည်။ နိုင်ငံတော်က စက်သုံးဆီဆိုင်များကို အမြတ်ငွေ ၂၀၀ ကျပ်သာယူစေပြီး တဆင့်ပြန်လည်ရောင်းချခိုင်းခြင်းဖြစ် ရာ ထိုအမြတ်ငွေ ၂၀၀ကျပ်သည် ဆီသယ်ယူခနှင့် နယ်ပို့ရသည့်စားရိတ်များအတွက် မည်သို့မျှ မကာမိတော့ပဲ ပိုင်ရှင်များက ရန်ကုန်တွင်ပင် ကုန်အောင်ရောင်းသည်။ တဆင့်ဝယ်သူတို့က အမြတ်တင်ရောင်းသည်။ နိုင်ငံတော်ကစေတနာထားလုပ်ကိုင်ပေး သည့်တိုင် ပြင်ပတွင်မှောင်ခိုဈေးကွက်ကကြီးထွားမြဲကြီးထွားသည်ဟု အကြောင်းပြကာ စက်သုံးဆီရောင်းဝယ်မှုကို နိုင်ငံတော်မှ ပြန်လည်ထိန်းချုပ်ရန် သေချာစွာအကွက်ချစီစဉ်ထားခြင်းဖြစ်သည်ဟုဆိုသည်။ နောက်ဆက်တွဲအနေဖြင့် လွတ်လပ်စွာ တင်သွင်း ရောင်းချနိုင်သော ဒီဇယ်တွင် ထိုပြသနာမရှိဟု သိရသည်။

            ကျွန်တော်ပြောချင်သည်မှာ ထိုကိစ္စမဟုတ်ပါ။ ထိုသို့တဆင့်ပြန်လည်ရောင်းချကြသူများအကြောင်းဖြစ်ပါသည်။ ဆိုခဲ့သလိုပင် စက်သုံးဆီအရောင်းဆိုင်တို့က နယ်ကိုမပို့တော့ဘဲ ရန်ကုန်တွင်ပင် ရောင်းသည်။  မိမိထံလာသည့်ဈေးဝယ် မည်သူ ပင်ဖြစ်စေရောင်းရမည်မှာ စီးပွားရေးအရကြည့်လျှင် ဆိုင်များအနေဖြင့်မှန်နေသည်။ ထိုသို့ဖြင့် မှောင်ခိုသမားများမှာ ဆီဆိုင်ကြီး များပတ်လည်တွင် စခန်းချကာ တနေကုန်ထုတ်ယူရောင်းချကြသည်။ ရလဒ်အနေဖြင့် မှောင်ခိုဈေးကွက်ကြီးလာသည်။ သူတို့တွေဘာလို့  ဒီအလုပ်ကိုလုပ်ကြတာလဲဟု ကျွန်တော်တွေးကြည့်သည်။ အလုပ်မရှိလို့ ဝင်ငွေရမယ့်အလုပ်လုပ်တာဟု လက်ခံနိုင်ပါသည်။ နိုင်ငံတော်ကအလုပ်အကိုင်အခွင့်လမ်းများဖော်ဆောင်မပေးနိုင်လို့လုပ်ကြရတာဟုဆိုလျှင်လည်း မမှားသေး။ ထို့ပြင် နိုင်ငံတော်ကသာ လွတ်လပ်စွာ တင်သွင်းရောင်းချခွင့်ပေးလိုက်လျှင် အပြိုင်အဆိုင်ရောင်းချကြမည်ဖြစ်၍ ယခုလက်ရှိ ရောင်းချနေသည့် ၂၅၀၀ကျပ်ထက်အနည်းငယ်များစေကာမူ မှောင်ခိုဈေးကွက်ရှိဈေးလောက်တော့ မများလောက်ဟု ပညာရှင် အချို့ကသုံးသပ်သည်။ 

            ပွင့်လင်းစွာပြောရလျှင် အထက်ပါသုံးသပ်ချက်သည် များစွာဖြစ်နိုင်သော်လည်း ကျွန်တော်တို့နိုင်ငံတွင် ထိုသို့ဖြစ်လိမ့် မည်ဟု ကျွန်တော်မယုံကြည်ပါ။ ယခုပင်လျှင်ကြားနေရပါပြီ၊ ပုဂ္ဂလိက စက်သုံးဆီဆိုင်ကြီးများနှင့် မှောင်ခိုဝယ်သူများ စည်းဝါး ကိုက်အရောင်းအဝယ်ပြုလုပ်ကြသည်။ ဓာတ်ဆီဆိုင်မှဝန်ထမ်းများက ပိုက်ဆံပိုပေးလျှင် ဆီပိုထည့်ပေးမည်ဟု ကားသမားတို့ကို စည်းရုံးကြသည်ဟုလည်း သိရသည်။ ဤကဲ့သို့သော အလွဲသုံးသောစိတ်ဓာတ်များဖြင့် မည်သို့ရှေ့ဆက်သွားနိုင်ပါမည်နည်း။ နိုင်ငံတော်က လွတ်လပ်စွာရောင်းဝယ်ခွင့်ပြုလျှင်သော်မှ ပုဂ္ဂလိက ဓာတ်ဆီဆိုင်ကြီးများကဲ့သို့  ဆိုင်ခန်းနေရာ၊ စက်ကရိယာ ပစ္စည်း၊ ဝန်ထမ်းစားရိတ်နှင့်အခွန်အခများကုန်ကျခံ၍ လုပ်နိုင်သည့်လုပ်ငန်းရှင်မှာ လက်တစ်ဆုပ်စာသာရှိပေမည်။  ထိုဆိုင်ကြီးများမှ တဆင့်ဝယ်ယူကာ အိမ်တွင်ပင် ခွက်ချင်နှင့် ရောင်းမည့်သူများ ရှိနေပါလိမ့်ဦးမည်။ ထိုသို့ဆိုလျှင် မည်သို့မျှ ဈေးကွက်စီးပွားရေးကိုဖော်ဆောင်၍ရတော့မည်မဟုတ်ပေ။

            အထက်ပါဓာတ်ဆီဆိုင်ကိစ္စနှင့်မလုံလောက်သေးလျှင် မည်သို့မျှ ဝယ်ယူတင်သွင်းခြင်းမပြုရသည့် ရုပ်ရှင်လက်မှတ်ကို သာကြည့်ကြပါကုန်။  ရန်ကုန်တွင် သမ္မတ၊ မန္တလေးတွင်မြို့မ၊ ဝင်းလိုက် စသည့်ရုပ်ရှင်ရုံကြီးများတွင်  ရုပ်ရှင်လက်မှတ်မှောင်ခို ရောင်းသူများကို မျက်စိနောက်အောင်၊ စိတ်အနှောင့်အယှက်ဖြစ်ဖွယ်ကောင်းလောက်အောင်ပင်တွေ့မြင်နေကြရသည်။ ရဲကဖမ်း သည်ဟု ထင်ပါသလား၊ မထင်ပါနှင့်မိတ်ဆွေ၊ ရဲများရှေ့တွင်ပင် ရောင်းဝယ်နေကြသည်။ တစ်ခါတစ်ရုံ မှောင်ခိုလက်မှတ်လု ရောင်းရင်း ရောင်းသူအချင်းချင်း ရုပ်ပျက်ဆင်းပျက်ရန်ဖြစ်ကြ၊ ဆဲရေးတိုင်းထွာနေကြသည်မှာ ထိုအနားတလျှောက် ဖြတ်သန်းသွားလာနေသော နိုင်ငံခြားသားများမြင်လျှင် နိုင်ငံ့သိက္ခာပါကျဆင်းရသည်။

            နောက်တစ်ခုဆက်ပါဦးမည်။ မန္တလေးမြို့တွင် မတလ ဆိုင်ကယ်များ လိုင်စင်ချထားပေးစဉ်ကဖြစ်သည်။ ဆိုင်ကယ်တွေ လိုင်စင်ဝင်ရန်တန်းစီကြရသည်။ ထိုသို့တန်းစီရာတွင် လိုင်စင်ရပြီးသားဆိုင်ကယ်များလည်းဝင်ရောက်တန်းစီကြသည်။ အဘယ့် ကြောင့်နည်းဟု မေးလျှင် လိုင်စင်ပေးခြင်းသည် ကာလအကန့်အသတ်နှင့်ပေးခြင်းဖြစ်ရာ သတ်မှတ်ချိန်မတိုင်ခင်လိုင်စင်ဝင်ရန် အတွက် အရေးကြီးသည်။ ထို့ကြောင့်အချိန်နှင့်အမျှအရေးကြီးသည့်အတွက် အချို့ဆိုလျှင် မနက်လေးနာရီတည်းကပင်လျှင် ထ၍တန်းစီကြရသည်။ ဤအချက်ကို စီးပွားရေးအမြင်ကောင်းစွာရှိသော ကျွန်ုပ်တို့မြန်မာလူမျိုးများက ကောင်းစွာအသုံးချကာ ငွေရှာတော့သည်။ အိမ်တွင်ရှိသမျှ ဆိုင်ကယ်အဟောင်း၊အသစ်ကုန်ထုတ်ကာ တန်းစီကြသည်။ ထိုနေရာကို လိုင်စင်ဝင်လိုသူကို တဆင့်ပြန်လည်ရောင်းသည်။ ဤသို့ဖြင့်ပင် ဆိုင်ကယ်လိုင်စင်ဝင်ရာဌာနမှာ စခန်းကြီးတစ်ခုသဖွယ်၊ ပွဲတော်ကြီးတစ်ခုသဖွယ် စည်ကားလျှက်ရှိခဲ့သည်။ နေရာရောင်းစားရန် ဆိုင်ကယ်မရှိသူက ဆိုင်ကယ်ကို တစ်ရက် နှစ်ထောင်ဖြင့် ငှားရမ်းကာ လာရောက် တန်းစီသည်။ ဘယ်စည်ပင်ကမှ မဖမ်းပါ၊ ဘယ်ရယ်ကမှမဖမ်းပါ၊ ငွေကြေးတစ်စုံတစ်ရာပေးလိုက်လျှင်အဆင်ပြေပါသည်။

            ဤနေရာတွင် ကျွန်တော့်အနေဖြင့် အစိုးရဝန်ထမ်းများ၏ အကျင့်ပျက်ခြစားမှုကို တခမ်းတနားမဖော်ပြတော့ပါ။ အားလုံး လဲသိပြီးဖြစ်သည့်အပြင် ရေးလဲအကြောင်းထူးမည်မဟုတ်၍ဖြစ်သည်။ ထိုသို့ ဓာတ်ဆီမှောင်ခိုသမားများ၊ လက်မှတ်မှောင်ခိုသ မားများ၊ နေရာမှောင်ခိုသမား၊ ဘာမှောင်ခိုသမား၊ ညာမှောင်ခိုသမားတို့ကား အမှန်တကယ်ပင် စားဝတ်နေရေးကျပ်တည်းလွန်း၍ လုပ်ကိုင်ကြရခြင်းဖြစ်ပါသည်။ နိုင်ငံတော်ကလဲ အလုပ်အကိုင်များဖော်ဆောင်ပေးနိုင်ခြင်းမရှိသည်မှာလည်းမှန်ပါသည်။

            နိုင်ငံတော်က အမှန်တကယ်အလုပ်အကိုင်များဖော်ဆောင်ပေးလျှင်ရော ထိုကဲ့သို့လုပ်ရပ်များပျောက်ကွယ်သွားမည်လားဟု ကျွန်တော်တွေးမိသည်။ မပျောက်တော့ပါ။ လွယ်ကူစွာငွေရသောအလုပ်တွင် ကျွန်တော်တို့မြန်မာတွေ နစ်မြော သွားပြီဖြစ်သည်။ လုပ်သင့်လုပ်ထိုက်သည့်အလုပ်လား မလုပ်သင့်ဘူးလားဟု မတွေးကြတော့ပါ။ ထိုကဲ့သို့ အလွဲသုံးမှုများ ဆက်လက်ရှိနေဦးမည်သာဖြစ်သည်။

            အထက်ပါအဖြစ်များတွင် မည်သည့်နေရာမှာပဲကြည့်ကြည့် ရုပ်ရှင်ရုံ၊ ဆိုင်ပိုင်ရှင်တို့ကလည်း မသိကျိုးကျွံပြုရောင်းသည်။ မှောင်ခိုသမားတို့လည်း ပြောင်ပြောတင်းတင်းပင် အနီးအနားမှာ ပြန်လည်ရောင်းကြသည်။ အစိုးရဝန်ထမ်းများကလည်း သူတို့ရပိုင်ခွင့်ရလျှင် မည်သူ့ကိုမှ ပြဿနာမရှာပါ။ အားလုံးအဆင်ပြေပါသည်။ ဖုန်းမှောင်ခိုသမား၊ လူမှောင်ခိုသမားအထိလည်း ကျယ်ပြန့်စွာရှိနေပါသေးသည်။

            ကျွန်တော်တို့ပျောက်ဆုံးသွားသည်က  ကိုယ်ကျင့်တရား၊ သိက္ခာနှင့် ကျင့်ဝတ်များပင်ဖြစ်သည်။ သူလဲသူ့ရပေါက်ရလမ်း ရှာတာ၊ ငါလဲငါ့ရပေါက်ရလမ်းရှာတာပဲဟုယူဆကြကာ စည်းကမ်းမဲ့မှုများနှင့် သိက္ခာပိုင်းဆိုင်ရာများဆုံးရှုံးလာသည်။ အနှစ်လေး ဆယ်ကျော် စစ်အာဏာရှင်စနစ်အောက်တွင်နေလာခဲ့ရခြင်းများ၏ အကျိုးဆက်များဖြစ်ပါသည်။ လူထုကို နိုင်ငံရေးဘက်သို့ လှည့်မလာနိုင်ရန် စီးပွားရေးကျပ်တည်းမှုများဆီ တွန်းပို့ထားမှုများက ကျွန်ုပ်တို့၏ ကိုယ်ကျင့်တရားနှင့် စံနှုန်းကျင့်ဝတ်များ (Moral Value) များကိုပါ ပြုန်းတီးသွားစေခဲ့သည်။ ဝန်ထမ်းလစာတိုးတိုင်း မည်သည့်ပညာရှင်ကချမှတ်ခဲ့သော ဝါဒဖြစ်သည်မသိ။ ကုန်ဈေးနှုန်းတွေ အပြိုင်တက်ကြသည်။ အစိုးရက ငွေစက္ကူအသစ်များထုတ်ဝေ၍ ငွေကြေးဖောင်းပွ၍ဟု အကြောင်းပြနိုင်ပါသည်။ သို့သော် အစိုးရသည် ထိုမျှလောက်တော့ အဆင်ခြင်မဲ့မည်မဟုတ်ပေ။ အတိုင်းအတာနှင့် ကန့်သတ် ချက်အတွင်း၌သာ လုပ်ဆောင်ပေလိမ့်မည်။ စိုးရိမ်ပူပန်လွန်းတတ်သော ကျွန်ုပ်တို့မြန်မာများက ဈေးကြိုတက်ထားလိုက်သည်။ ဤသို့သော စိတ်ဓာတ်အခံများဖြင့် ကျွန်ုပ်တို့ တဖွဖွလိုလိုချင်ချင် တောင့်တခဲ့သော ဒီမိုကရေစီစနစ်ကြီးဆီသို့ မည်သို့ချီတက်ကြ ပါမည်နည်း။ မီးရထားပေါ်တွင် ဆိုဖာခုံများကို ဓားနှင့်ထိုးခွဲထားခြင်း၊ မီးသီးများဖြုတ်ခိုးထားခြင်း၊ ဒီအစိုးရက မီးပင်လျှင်မှန်အောင် မပေးရကောင်းလားဟုဆိုကာ လမ်းဘေးဓါတ်တိုင်မှ မီးလုံးများ၊ ဖန်ချောင်းများကို လေးခွဖြင့်လက်သရမ်းလိုက်ခြင်းများက စည်းကမ်းပြည့်ဝမှုနှင့်တာဝန်ယူမှုတို့ကို တန်ဖိုးထားသော ဒီမိုကရေစီစနစ်ကြီးနှင့်ကိုက်ညီပါမည်လား။

            ဒီမိုကရေစီရရှိရန်အတွက် ကျွန်ုပ်တို့အနေဖြင့် နိုင်ငံရေးအပြောင်းအလဲများလိုပါသည်။ အစိုးရအပြောင်းအလဲများလည်း လိုပါသည်။ သို့ရာတွင် ကျွန်ုပ်တို့ မေ့မထားသင့်သည်မှာ ကျွန်ုတို့၏ ပျောက်ဆုံးသွားသော ကျင့်ဝတ်ပိုင်းဆိုင်ရာသိက္ခာများကို ပြည်လည်တည်ဆောက်ကြဖို့က အဓိကကျသည်ဟုဆိုချင်ပါသည်။

            ကျွန်တော့်အနေဖြင့် လက်ရှိအစိုးရ၏ ဆောင်ပုဒ်လေးကိုပင် ကိုးကား၍ အဆုံးသတ်လိုပါသည်။ ရေမြင့်မှကြာတင့်မည်။ လူမျိုးမြင့်မှ တိုင်းပြည်မြင့်မည်ဟူ၍ ပင်ဖြစ်ပါသည်။

(အထက်ပါ သတင်းများကို ရွှေပြည်တော် ဝက်ဘ်ဆိုက်မှ ကူးယူဖော်ပြခြင်းဖြစ်ပါသည်။ ခရော်နီကယ် ပရိတ်သတ် များအတွက် သတင်းများနှင့် ဆောင်းပါးများကိုအချိန်ပေးဖတ်ရှုရ သည့်အလျှောက် ပေးရသည့်အချိန်နှင့် ထိုက်တန်သည့် ရလဒ် တခုခုကိုရရှိကျေနပ်စေရန် ရည်ရွယ်၍ ထပ်ဆင့်ဖော်ပြပေးခြင်းသာဖြစ်ပြီး ပေးပို့သည့် သတင်းများ၊ ဆောင်းပါးများ အားလုံးသည် yangon chronicle ၏ အာဘော်(လုံးဝ)မဟုတ်ပါကြောင်း အသိပေး ဖော်ပြအပ်ပါသည်။)

                                                                                                 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)