Transparency Myanmar

transparency.myanmar@gmail.com

The Seoul Times,By John Smith Thang,1st Feb 2009

အမေရိကန် အစိုးရသည် မြန်မာ အစိုးရကို ရန်သူအဖြစ် ဆက်ဆံလာခဲ့သည်မှာ ကြာပြီ ဖြစ်ပါသည်။ သို့သော် ပြီးခဲ့သည့်နှစ် သြဂုတ်လ (၁၅ - ၁၆) ရက်များက အမေရိကန် ဆီးနိတ် နိုင်ငံခြား ဆက်ဆံရေး ဆပ်ကော်မတီ၊ အရှေ့အာရှနှင့် ပစိဖိတ်ရေးရာ ဥက္ကဌ ဆီနိတ်တာ James Webb ကို ဗိုလ်ချုပ်မှူးကြီး သန်းရွှေ နှင့် ကက်ဘိနက် အဖွဲ့ဝင်များက နွေးထွေးစွာ ကြိုဆို လက်ခံ ခဲ့ကြပါသည်။

ထို့အတူပင် မနှစ်က နွေရာသီ အစောပိုင်းတွင် အမေရိကန် သမ္မတဟောင်း Bill Cliton သည် မြောက်ကိုရီးယားသို့ သွားရောက်ခဲ့ကြောင်း မီဒီယာများတွင် တွေ့ရပါသည်။ အဆိုပါ အဖြစ်အပျက်သည် အမေရိကန်က အာဏာရှင် မြောက်ကိုရီးယား အပေါ် ထားရှိသော အမေရိကန်၏ စံနှစ်မျိုး (double – standard) ၏ သဘာဝကို ရှင်းရှင်းလင်းလင်း ပြသခြင်းပင် ဖြစ်ပါသည်။

အမေရိကန် ဆီနိတ်တာ၏ မြန်မာနိုင်ငံသို့ သွားရောက်သော ခရီးစဉ်သည်လည်း အာဏာရှင် မြန်မာနိုင်ငံ အစိုးရအပေါ် အမေရိကန်၏ ဆက်ဆံရေး အတွက် ပထမခြေလှမ်း အဖြစ် ရှုမြင်ရပြီး ဗိုလ်ချုပ်မှူးကြီး သန်းရွှေ အာဏာ ဆက်လက် ဆုပ်ကိုင်ထားရေး အတွက် အခွင့်ကောင်းတစ်ခုပင် ဖြစ်ပါသည်။

မကြာမီမှာပင် မြန်မာ အစိုးရသည် အမေရိကန်တို့နှင့် ဆက်ဆံရေးကို စတင်ခဲ့ပါသည်။ မြန်မာ ဝန်ကြီးချုပ် ဗိုလ်ချုပ်ကြီး သိန်းစိန်သည် (၆၄) ကြိမ်မြောက် ကုလသမဂ္ဂ အထွေထွေ ညီလာခံသို့ သွားရင်း ၂၀၀၉ ခုနှစ် စက်တင်ဘာ (၂၈) ရက်တွင် အမေရိကန် အာဏာပိုင်များနှင့် တွေ့ဆုံပါသည်။

အမေရိကန် လက်ထောက် နိုင်ငံခြားရေး ဝန်ကြီး Kurt Campbell ကလည်း ၂၀၀၉ ခုနှစ် နိုဝင်ဘာလ (၃ - ၄) ရက်များတွင် မြန်မာနိုင်ငံသို့ သွားရောက်ခဲ့ပြီး မြန်မာခေါင်းဆောင်များနှင့် မြန်မာနိုင်ငံ အပေါ် စီးပွားရေး အရေးယူမှုများ ရုတ်သိမ်းရေးကို ဆွေးနွေး ခဲ့ပါသည်။ မြန်မာ ခေါင်းဆောင်များကလည်း အရေးယူမှုများ ရုတ်သိမ်းရေးကို စိတ်အား ထက်သန် ခဲ့ပါသည်။

မြန်မာ အစိုးရသည် နိုင်ငံတကာ ဖိအားပေးနေမှုများ ကြားမှ နှစ်ပေါင်း နှစ်ဆယ် အတွင်း ပထမဆုံးအကြိမ် ရွေးကောက်ပွဲ ပြုလုပ်ပေးမည်ဟု ကတိပြုခဲ့ပါသည်။ သို့သော် ယခုအချိန်အထိမူ လေသံပစ်ရုံသာ ရှိပါသေးသည်။ မြန်မာ အစိုးရသည် ရွေးကောက်ပွဲ လုပ်ပေးမည်ဟု ကြေညာခြင်းဖြင့် ကမ္ဘာ့အသိုင်းအဝိုင်းတွင် မြန်မာသည် ဒီမိုကရေစီ လုပ်ငန်းစဉ်များကို ပြုလုပ်နေကြောင်း ပြသလိုခြင်း ဖြစ်ပေသည်။

သို့သော် ပြဿနာ တစ်ခုမှာ ၎င်းတို့သည် မည်သည့် ဒေသတွင်း သို့မဟုတ် နိုင်ငံတကာ အဖွဲ့အစည်းများကို ရွေးကောက်ပွဲအား လေ့လာကြည့်ရှုရန် ခွင့်ပြုလိမ့်မည် မဟုတ်သော အချက် ဖြစ်ပါသည်။

မြန်မာ အစိုးရသည် အမှားများ ပါဝင်သော၊ အားနည်းချက်များ ရှိသော ဖွဲ့စည်း အုပ်ချုပ်ပုံ အခြေခံ ဥပဒေကို ၂၀၀၈ ခုနှစ်က အတည်ပြုခဲ့ပြီး၊ အဆိုပါ အခြေခံ ဥပဒေ အသစ်အရ ပါလီမန်၏ လေးပုံတစ်ပုံသော နေရာကို စစ်တပ်မှ ယူထားသည်ကို တွေ့ရပါသည်။

ယမန်နှစ်က ကိုရီးယားနိုင်ငံ ဆိုးလ်တွင် ကျင်းပသော World Democratization for Asia ၏ နှစ်ပတ်လည် အစည်းအဝေးတွင် မြန်မာ အစိုးရ၏ ရွေးကောက်ပွဲနှင့် အခြေခံ ဥပဒေ အသစ်ကို ကန့်ကွက် ခဲ့ကြပါသည်။ အာရှရှိ နိုင်ငံပေါင်း (၂၈) နိုင်ငံမှ ဒီမိုကရေစီ အတွက် စုဝေးရာသို့ လူ (၃၀၀) ခန့် တက်ရောက် ခဲ့ပါသည်။

မြန်မာ အစိုးရ ရေးဆွဲထားသော ဒီမိုကရေစီ လမ်းပြ မြေပုံသည် အမှန်တကယ်တွင် စစ်တပ် အုပ်ချုပ်ရေးကို တရားဝင်အောင် ပြုလုပ်ထားခြင်းပင် ဖြစ်ပါသည်။

ယခု အမေရိကန် အစိုးရက မြန်မာ အစိုးရနှင့် စီးပွားရေးအရ အရေးယူမှုများ ရုတ်သိမ်းရေး အတွက် စတင် စကားပြောကြသည် ဆိုသောအခါ ထူးဆန်း နေပေသည်။ ထို့ကြောင့်ပင် ထိုအကြောင်းအရာသည် ဒီမိုကရေစီရေး လှုပ်ရှားသူများ၊ ပညာရှင်များနှင့် မြန်မာနိုင်ငံရေး စိတ်ဝင်စားသူ ကမ္ဘာအနှံ့မှ ပုဂ္ဂိုလ်များ၏ အာရုံပြုမှုကို ဆွဲဆောင် နိုင်ခဲ့ပါသည်။

မူလအစအားဖြင့် မြန်မာနိုင်ငံမှ အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် သူမ၏ NLD ပါတီသည် နိုင်ငံတကာ အသိုင်းအဝိုင်းအား မြန်မာနိုင်ငံ အပေါ် စီးပွားရေးအရ အရေးယူ ပိတ်ဆို့မှုများ ပြုလုပ်ရန် တိုက်တွန်းခဲ့သူများ ဖြစ်ပါသည်။ သူမက စီးပွားရေး ပိတ်ဆို့မှုကို သူမ၏ အကြမ်းမဖက်သော မဟာဗျူဟာ နည်းလမ်းတစ်ခု အဖြစ် တောင်းဆိုခဲ့ခြင်း ဖြစ်ပါသည်။

၂၀၀၄ ခုနှစ် မတ်လက ထုတ်ပြန်သော Burma Campaign UK ၏ အစီရင်ခံစာအရ NLD သည် နိုင်ငံတကာ အသိုင်းအဝိုင်းကို မြန်မာ အာဏာရှင် အစိုးရ အပေါ် စီးပွားရေးအရ အရေးယူ ပိတ်ဆို့မှုများ ချမှတ်ရန် တောင်းဆိုခဲ့ပါသည်။

၂၀၀၉ ခုနှစ် ဖေဖော်ဝါရီလ (၂၆) ရက်နေ့ ဧရာဝတီ သတင်းဌာနတွင် ဖော်ပြထားသော ဇာနည်၏ ဆောင်းပါးတွင် ဒေါ်အောင်ဆန်းစုကြည် အပါအဝင် NLD ၏ ခေါင်းဆောင်မှုသည် သူမ ၁၉၉၅ ခုနှစ် ဇူလိုင်လ နေအိမ် အကျယ်ချုပ်မှ လွတ်လာပြီးနောက် အရေးယူ ပိတ်ဆို့ရေး လှုပ်ရှားမှုတွင် များစွာ ပါဝင် ပတ်သက်မှုများ ရှိခဲ့သည်ဟု ဖော်ပြထားပါသည်။

ထို့အပြင် ဒေါ်အောင်ဆန်းစုကြည်၏ နိုင်ငံရေး အကြံပေးလည်းဖြစ်၊ NLD ၏ CEC လည်းဖြစ်သော ဦးဝင်းတင်ကလည်း စီိးပွားရေး ပိတ်ဆို့မှုကို ထောက်ခံခဲ့ပါသည်။

၎င်းက အရေးယူ ပိတ်ဆို့မှုများသည် အတိုင်းအတာ တစ်ခုအထိ ထိရောက်မှု ရှိကြောင်း ပြောပါသည်။

ထို့အတူပင် ဒေါ်အောင်ဆန်းစုကြည်သည် နိုဝင်ဘာလ (၉) ရက်နေ့က အမေရိကန် သံရုံး တာဝန်ခံ Larry M. Dinger၊ ဗြိတိန် သံအမတ် Andrew Heyn နှင့် သြစတြေးလျ မစ်ရှင် ဒုတိယ ခေါင်းဆောင် Simon Starr တို့နှင့် တစ်နာရီခန့်ကြာ အံ့သြဖွယ် တွေ့ဆုံ ဆွေးနွေး ခဲ့ပါသည်။

အဆိုပါ တွေ့ဆုံမှုကို အမေရိကန် လက်ထောက် နိုင်ငံခြားရေး ဝန်ကြီး Kurt Campbell လာရောက်ပြီးနောက် မြန်မာ အစိုးရ အာဏာပိုင်များက စီစဉ်ပေးပြီး၊ အချက်အလက် ရှာဖွေရေး ဆွေးနွေးမှုဟု ဆိုပါသည်။

အမှန်တကယ်လည်း စီးပွားရေး ပိတ်ဆို့ အရေးယူမှုများသည် မြန်မာနိုင်ငံမှ စစ်အာဏာရှင်များကို ဒဏ်ခတ်ရာတွင် အသုံးမဝင်လှပေ။ အစကတည်းက နိုင်ငံရေး လှုပ်ရှားသူ အတော်များများက အရေးယူ ပိတ်ဆို့မှုများကို သဘောမတူခဲ့ကြပေ။

တောင်ကိုရီးယား အခြေပြု Chin Democracy and Human Rights Network ၏ အကြံပေး ဖြစ်သူ တိုင်းရင်းသား ဥပဒေ ပညာရှင် Pu Khan En Thang က ပြောကြားရာတွင် အကြမ်းမဖက်ရေး  အစီအစဉ်ဖြစ်သော စီးပွားရေး အရေးယူ ပိတ်ဆို့မှုများသည် မြန်မာ အစိုးရ အပေါ် လုံးဝ အကျိုးသက်ရောက်မှု မရှိကြောင်း ပြောခဲ့ပါသည်။

အရေးယူမှုများသည် မြန်မာ အစိုးရ၏ သဘောထား တင်းမာသော ခေါင်းဆောင်များကို ပြောင်းလဲအောင် မလုပ်နိုင် ဆိုသည်ကို နားလည် လွယ်လိမ့်မည် ဖြစ်ပါသည်။

အနောက်နိုင်ငံများက အရေးယူမှုများ ချမှတ်ထားသော်လည်း တရုတ်၊ အိန္ဒိယနှင့် အာဆီယံ နိုင်ငံများသည် မြန်မာနိုင်ငံ၏ မဟာဗျူဟာကျသော တည်ရှိနေမှု၊ သဘာဝ အရင်းအမြစ်များ ကြွယ်ဝမှု တို့ကြောင့် ပိုမို နီးကပ်စွာ ပူးပေါင်း ဆောင်ရွက်မှုများ ရှိနေခဲ့ပါသည်။

အနောက်နိုင်ငံများ၏ အရေးယူမှုများသည် အစိုးရကို မထိခိုက်ပဲ၊ မြန်မာ ပြည်သူများကိုသာ တိုက်ရိုက် ထိခိုက်ပြီး၊ အဆိုးဝါးဆုံး စီးပွားရေး အခြေအနေများကို ခံစားကြရပါသည်။

ထို့ကြောင့် ယခုအချိန်သည် မြန်မာနိုင်ငံမှ တိုင်းရင်းသား အဖွဲ့များ ဒီမိုကရေစီ လှုပ်ရှားသူများသည် အတူတကွ ပူးပေါင်း၍ ခိုင်မာ စုစည်းသော မူဝါဒများ ချမှတ်၍ အရေးယူမှုများ ရုတ်သိမ်းရေးကို တောင်းဆိုရန် အချိန်တန်နေပြီ ဖြစ်ပါသည်။

အချို့ ကောလဟာလများကလည်း ဒေါ်အောင်ဆန်းစုကြည်ကို ၂၀၁၀ ရွေးကောက်ပွဲ မတိုင်မီ လွှတ်ပေးလိမ့်မည်ဟု ဆိုနေရာ သူမ အနေဖြင့် အာဏာရှင် စနစ်ကို တိုက်ဖျက်ရန် ပို၍ အင်အား ရှိစေသင့်ပါသည်။

သူမသည် အကြမ်းမဖက်သည့် သူမ၏ မူဝါဒကို ပြန်လည် ပုံသွင်းရန် လိုအပ်ပြီး၊ စီးပွားရေး အရေးယူမှုများ၏ လုပ်နိုင်စွမ်းရည်ကို ပြန်လည် စဉ်းစားသင့်ပေသည်။ စီးပွားရေး အရေးယူမှုများမှာ ရုတ်သိမ်းသင့်နေပြီ ဖြစ်ပါသည်။

သူမ ကိုယ်တိုင်ကလည်း ၂၀၀၉ ခုနှစ် စက်တင်ဘာလ (၂၅) ရက်နေ့က ဗိုလ်ချုပ်မှူးကြီး သန်းရွှေထံသို့ အရေးယူမှုများ ရုတ်သိမ်းရေးအတွက် အစိုးရနှင့် ပူးပေါင်း ဆောင်ရွက်လိုကြောင်း စာရေးသား ပေးပို့ခဲ့ပါသည်။

အမေရိကန် အစိုးရ အနေဖြင့် ၎င်း၏ စီးပွားရေး အရေးယူ ပိတ်ဆို့မှုများကို ရုတ်သိမ်းသင့်ပြီး၊ မြန်မာ အစိုးရ အပေါ် အခြား ပိုမို ပြင်းထန်သော ဖိအားပေးနိုင်သည့် နည်းလမ်းများကို သုံးသင့်ပါသည်။ မြန်မာနိုင်ငံတွင် ဒီမိုကရေစီ ပြုပြင် ပြောင်းလဲမှု အစစ်အမှန်များ ဖြစ်ပေါ်ရေး အတွက် အဆက်မပြတ် နားချနေရေးသည် အရေးကြီးလှပါသည်။

ယခု လောလောဆယ်တွင်မူ မြန်မာနိုင်ငံတွင် ဒီမိုကရေစီ အနှစ်သာရများ ပျောက်ဆုံး နေပါသည်။ ပုံနှိပ်စာပေ လွတ်လပ်ခွင့် မရှိ။ တရားစီရင်ရေး လွတ်လပ်ခွင့် မရှိ။ ယခု အခြေအနေဖြင့်တော့ လွတ်လပ်၍ တရားမျှတသော ရွေးကောက်ပွဲ ဖြစ်လာနိုင်မည် မဟုတ်ပေ။

အမေရိကန် အစိုးရ အနေဖြင့် မြန်မာ အာဏာရှင်များ၏ လှည့်ကွက်များကို ဂရုပြုသင့်ကြသည်။ သို့မဟုတ်လျှင် မြန်မာနိုင်ငံ၏ အနာဂါတ်သည် မြောက်ကိုရီးယားကဲ့သို့  ဖြစ်သွားမည်ကို စိုးရိမ်ရပေသည်။ မြောက်ကိုရီးယားတို့သည် နာမည်တွင် ပြည်သူ့ ဒီမိုကရက်တစ် ကိုရီးယားဟု ဆိုသော်လည်း ကမ္ဘာပေါ်တွင် ဒီမိုကရေစီ အနည်းဆုံး နိုင်ငံတစ်ခု ဖြစ်နေပေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဇန်နဝါရီ လကုန်ခန့်တွင် မြန်မာစစ်အစိုးရ၏ ထိပ်တန်း စေ့စပ်ညှိနှိုင်းရေးမှူး ဖြစ်သူ ဒုတိယ ဗိုလ်ချုပ်ကြီး ရဲမြင့်နှင့် ကချင် လွတ်မြောက်ရေး တပ်ဖွဲ့ (KIA) တို့အကြား တွေ့ဆုံ ဆွေးနွေးမှုများ ပြုလုပ်မည် ဖြစ်ကြောင်း သတင်းရရှိပါသည်။ KIA သည် အပစ်အခတ် ရပ်စဲထားသော လက်နက်ကိုင် တပ်ဖွဲ့များအနက် တစ်ခု ဖြစ်ပါသည်။

ဒုတိယ ဗိုလ်ချုပ်ကြီး ရဲမြင့် ဦးဆောင်ပြုလုပ်မည့် အဆိုပါ စေ့စပ်ညှိနှိုင်းမှုသည် ၂၀၁၀ အတွင်း အပစ်အခတ် ရပ်စဲထားသော အုပ်စုများနှင့် ပထမဆုံး ပြုလုပ်သည့် ဆွေးနွေးပွဲ တစ်ရပ်ပင် ဖြစ်ပါသည်။ ယခင်က စစ်ဘက်ဆိုင်ရာ ထောက်လှမ်းရေး ဌာနဟု အများက သိရှိထားသော ယခုစစ်ဘက် ဆိုင်ရာ လုံခြုံရေးဌာန အကြီးအကဲ ဖြစ်သူ ဒုတိယဗိုလ်ချုပ်ကြီး ရဲမြင့်သည် နယ်ခြား ဒေသစောင့်တပ် ဖွဲ့စည်းရေးကိစ္စနှင့် ပတ်သက်၍ ၎င်းနှင့် အဆင့်ချင်း တူသော KIA ခေါင်းဆောင်များနှင့် တွေ့ဆုံ ဆွေးနွေးမည် ဖြစ်ကြောင်း တရုတ်-မြန်မာနယ်စပ်ရှိ KIA အဖွဲ့နှင့် နီးစပ်သော သတင်းရပ်ကွက်က ဆိုပါသည်။

"မြစ်ကြီးနားမှာ ဒီဇင်ဘာလက ကျင်းပခဲ့တဲ့ အစည်းအဝေးတုန်းက ဗိုလ်ချုပ်စိုးဝင်းက ဒီနှစ် ဆန်း ပိုင်းထဲမှာ နောက်ထပ် တွေ့ဆုံမှုပြုလုပ်မယ်လို့ ကချင် ကိုယ်စားလှယ်တွေကို ပြောသွား ခဲ့ပါတယ်" ဟု ထိုင်းနိုင်ငံအခြေစိုက် KIO အဖွဲ့၏ နိုင်ငံတကာရေးရာ ဒုတိယအကြီးအကဲဖြစ်သူ James Lum Dau က ပြောကြားပါသည်။

မြန်မာစစ်အစိုးရ အရာရှိများနှင့် ကချင် ကိုယ်စားလှယ်များသည် ၂၀၀၉ ခုနှစ်က ၁၀ ကြိမ်ခန့် အထိ တွေ့ဆုံပြီး နယ်ခြားဒေသစောင့်တပ် ကိစ္စများကို ဆွေးနွေးခဲ့ကြသည်။ နောင် ကာလတွင်လည်း အလားတူ ကိစ္စများကိုသာ အဓိကထား ဆွေးနွေးကြလိမ့်မည်ဟု ယူဆမိကြောင်း ၎င်းက ပြောပါသည်။

ဗိုလ်ချုပ်စိုးဝင်း ဦးဆောင်သော မြန်မာအဖွဲ့နှင့် ကချင် ခေါင်းဆောင်များသည် ဒီဇင်ဘာ ၃၀ ရက်နေ့က မြစ်ကြီးနားတွင် တွေ့ဆုံခဲ့ကြသည်။ အဆိုပါ တွေ့ဆုံပွဲတွင် ကချင် နယ်ခြားဒေသစောင့် တပ် ထားရှိရေး အစီအစဉ်ကို မြန်မာအစိုးရဘက်က ၂၀၀၉ ခုနှစ်၊ နှစ်ကုန်ပိုင်းအထိ အချိန် သတ်မှတ်ချက်ကို လျှော့ပေါ့ သတ်မှတ်ပေးခဲ့သည်။

ကချင် တိုင်းရင်းသားတို့သည် ၁၉၄၇ ခုနှစ်၊ ပင်လုံ သဘောတူစာချုပ်၏ အခြေခံ သဘောတရားကို လိုလားကြသည်။ ယင်းပင်လုံစာချုပ်သည် အရှေ့တောင်အာရှ ဒေသတွင်း ဖက်ဒရယ် ပြည်ထောင်စု တစ်ခုဖြစ်ရန် အခြေခံထားသည့် သဘောတူညီချက် ဖြစ်သည်။

ရှမ်းပြည်နယ် တောင်ပိုင်းနှင့် မြောက်ပိုင်း ဒေသတို့တွင် အင်အားအကြီးဆုံး လက်နက်ကိုင် တပ်ဖွဲ့မှာ 'ဝ' ပြည်နယ် ညီညွတ်ရေး တပ်ဖွဲ့ (UWSA) ဖြစ်ပြီး တပ်ဖွဲ့ဝင်အင်အား ၂၀၀၀၀ ခန့်ရှိသည်။

ဝ နှင့်အတူ ရှမ်းပြည်နယ် အရှေ့ပိုင်းရှိ အမျိုးသား ဒီမိုကရက်တစ် မဟာမိတ် တပ်ဖွဲ့သည် လည်း ယနေ့အချိန် အထိ နယ်ခြား ဒေသစောင့်တပ်ဖွဲ့ ပြောင်းလဲဖွဲ့စည်းရန် သဘောတူညီမှု မပြုလုပ်သေးပေ။

ယခုနှစ်အတွင်း ကျင်းပမည့် ရွေးကောက်ပွဲနှင့် ပတ်သက်သော ဥပဒေ၊ စည်းမျဉ်း စည်းကမ်း များကို ယနေ့အချိန်အထိ ထုတ်ပြန် ကြေညာခြင်း မရှိနိုင်ဘဲ ဖြစ်နေရာ စစ်အစိုးရနှင့် အပစ်အခတ် ရပ်စဲရေး လက်နက်ကိုင် အုပ်စုများအကြား နယ်ခြား ဒေသစောင့်တပ် ဖွဲ့စည်းမည့် အစီအစဉ် သည်လည်း အဆိုပါ ရွေးကောက်ပွဲအတွက် စိန်ခေါ်မှု တစ်ရပ်ကဲ့သို့ ဖြစ်နေပါသည်။

ပြီးခဲ့သည့် ၂၀၀၉ ခုနှစ်၊ သြဂုတ်လတွင် မြန်မာစစ်အစိုးရက နယ်ခြား ဒေသစောင့်တပ်ဖွဲ့ ပြောင်းလဲဖွဲ့စည်းရေး အဆိုပြုချက်ကို ပယ်ချခဲ့သည့် ကိုးကန့် လက်နက်ကိုင် တပ်ဖွဲ့များအပေါ် ထိုးစစ်ဆင် တိုက်ခိုက်ခဲ့သည့် နည်းတူ အခြားသော အပစ်အခတ် ရပ်စဲရေး လက်နက်ကိုင် တပ်ဖွဲ့များ သည်လည်း ပစ်မှတ်တစ်ခု ဖြစ်လာနိုင်ကြောင်း လေ့လာ အကဲခတ်သူများက ပြောကြားသည်။

"လောလောဆယ်မှာတော့ နယ်စပ်ဒေသ အခြေအနေက ပုံမှန်ပါပဲ။ မြန်မာစစ်တပ်က နယ်စပ် ဒေသမှာ စစ်ဆင်နွှဲဖို့ ပြင်ဆင်နေတာမျိုး မရှိပါဘူး" ဟု တရုတ်နိုင်ငံ၊ ယူနန်ပြည်နယ် ရွှေလီတွင် နေထိုင်သော မြန်မာ့စစ်ရေး လေ့လာသုံးသပ်သူ ကိုအောင်ကျော်ဇောက ပြောပါသည်။

"အခြေအနေကို ကြည့်ရတာ စစ်အစိုးရနဲ့ လက်နက်ကိုင် တပ်ဖွဲ့တွေ ငြိမ်းချမ်းမှုရှိမယ့် အဖြေမျိုး ထွက်လာဖို့အတွက် စေ့စပ်ညှိနှိုင်း နေကြတယ်လို့ ထင်ပါတယ်" ဟု ၎င်းက ဆိုသည်။ ပြီး ခဲ့သည့် ရက်သတ္တပတ်သည် မြောက်ပိုင်း၊ အရှေ့မြောက်ပိုင်းနှင့် အရှေ့ပိုင်း ဒေသများမှ အရေး ကိစ္စများကို ဖြေရှင်း ပေးနေသော မြန်မာစစ်အစိုးရမှ တိုင်းမှူးများအတွက် လွန်စွာ အလုပ်ရှုပ်ခဲ့သော အချိန် ကာလတစ်ခု ဖြစ်ခဲ့သည်။

နယ်ခြား ဒေသစောင့် တပ်ဖွဲ့အဖြစ် ပြောင်းလဲဖွဲ့စည်းရန် သဘောမတူသေးသော အဖွဲ့အစည်းများ နှင့် ပတ်သက်၍ အလုပ်များခဲ့ကြခြင်း ဖြစ်သည်။ မြန်မာစစ်တပ်၏ အထူး စစ်ဆင်ရေး ဗျူရို (BSO) အမှတ်-၁ ၏ အကြီးအကဲ ဒုတိယဗိုလ်ချုပ်ကြီး တင်အေးသည်လည်း ကချင်ပြည်နယ် ဒေသတစ်လျှောက် သွားရောက်လှည့်ပတ်ပြီး အခြေခံ အဆောက်အအုံ တည်ဆောက်ရေး ဆိုင်ရာ စီမံကိန်းများကို မြောက်ပိုင်းတိုင်း တိုင်းမှူး ဗိုလ်ချုပ်စိုးဝင်းနှင့်အတူ စစ်ဆေးခဲ့ကြသည်။

ထို့အတူ အထူးစစ်ဆင်ရေး ဗျူရို အမှတ် ၂ မှ အကြီးအကဲ ဗိုလ်ချုပ် မင်းအောင်လှိုင် သည်လည်း ရှမ်းပြည်နယ်သို့ သွားရောက်ခဲ့သည်။

Irrawaddy သတင်းကို ဘာသာပြန်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP from news.yahoo.com,1 Feb 2009

ကုလသမဂ္ဂ အထွေထွေ အတွင်းရေးမှူးချုပ် Ban Ki-moon ၏ ထိပ်တန်း နိုင်ငံရေး အကြံပေး Lynn Pascoe သည် ဖေဖော်ဝါရီလတွင် မြောက်ကိုရီးယားသို့ သွားရောက်လိမ့်မည် ဖြစ်ကြောင်း၊ တရုတ်၊ ဂျပန်နှင့် တောင်ကိုရီးယား နိုင်ငံများသို့ပါ သွားရောက်မည် ဖြစ်ကြောင်း ကုလသမဂ္ဂက တနင်္ဂနွေနေ့က သတင်းထုတ်ပြန် ခဲ့ပါသည်။

Ban Ki-moon ၏ သတင်း ထုတ်ပြန်ရေးဌာနက ပြောကြားရာတွင် Pascoe သည် မြောက်ကိုရီးယားသို့ ဖေဖော်ဝါရီလ (၉) ရက် မှ (၁၂) ရက်နေ့အထိ လေးနိုင်ငံတွင် ပထမဦးဆုံး နိုင်ငံအဖြစ် စတင် သွားရောက်မည် ဖြစ်သည်ဟု ဆိုပါသည်။

Pascoe သည် မြောက်ကိုရီးယား အာဏာပိုင်များနှင့် နှစ်ဦးနှစ်ဖက်နှင့် သက်ဆိုင်သော ကိစ္စရပ်များကို ကျယ်ပြန့်စွာ ဆွေးနွေးမည်ဖြစ်ကြောင်း စီစဉ်ထားသည်ဟု ဆိုပါသည်။

ပြီးခဲ့သည့် စက်တင်ဘာလက Ban Ki-moon သည် မြောက်ကိုရီးယား ဒုတိယ နိုင်ငံခြားရေး ဝန်ကြီး Park Gil Yon နှင့် ကုလသမဂ္ဂ ဌာနချုပ်တွင် မြောက်ကိုရိးယား နျူကလီးယား အစီအစဉ်များ၊ လူသားချင်း စာနာထောက်ထားသော အစီအစဉ်များနှင့် လူ့အခွင့်အရေး ကိစ္စရပ်များကို ဆွေးနွေးခဲ့ပါသည်။

တနင်္ဂနွေနေ့ အစောပိုင်းက Yonhap သတင်းဌာန၏ သတင်းပို့မှုတွင် Pascoe နှင့် Ban Ki-moon ၏ အကြံပေးတစ်ဦး ဖြစ်သူ Kim Won-Soo တို့သည် မြောက်ကိုရီးယားသို့ ကုလသမဂ္ဂနှင့် ပြုံယမ်းအကြား အဆင့်မြင့် ပုဂ္ဂိုလ်များ ဆွေးနွေးမှုများ ပြန်လည် စတင်နိုင်ရေးကို ရည်ရွယ် သွားရောက်ခြင်း ဖြစ်သည်ဟု ဆိုပါသည်။

၎င်းတို့ နှစ်ဦးသည် မြောက်ကိုရီးယား နျူကလီးယား လက်နက်များ အစီအစဉ်နှင့် လူသားချင်း စာနာထောက်ထားသော အကူအညီများ ကိစ္စတို့ကို ဆွေးနွေးမည်ဟု Yonhap က ဆိုပါသည်။

ကုလသမဂ္ဂသည် ပြီးခဲ့သည့် နှစ်အစောပိုင်းကတည်းက ကိုယ်စားလှယ်အဖွဲ့ စေလွှတ်ရန် စီစဉ်ခဲ့သော်လည်း၊ ပြုံယမ်းက လက်မခံခဲ့ဟု Yonhap က ပြောကြားခဲ့ပါသည်။

နိုင်ငံတကာက မြောက်ကိုရီးယားကို ၎င်းကိုးလကြာ သပိတ်မှောက်ထားသော ခြောက်နိုင်ငံ နျူကလီးယား လက်နက် ဖျက်သိမ်းရေး အစည်းအဝေးပွဲသို့ ပြန်လာရန် ဖိအားပေးလျက် ရှိနေပါသည်။

ယခင်နှစ်က မြောက်ကိုရီးယားတွင် ဒုံးကျည်နှင့် နျူကလီးယား စမ်းသပ်မှု ပြုလုပ်စဉ်ကပင် တင်းကျပ်သော ကုလသမဂ္ဂ အရေးယူ ပိတ်ဆို့မှုများ ချမှတ်ခဲ့ပြီး ဖြစ်သည်။

မြောက်ကိုရီးယား၏ လက်နက် တင်ပို့မှုအပေါ် တားမြစ်သော အရေးယူမှုများကြောင့် ၎င်း၏ စီးပွားရေးမှာ အထိနာခဲ့ပါသည်။ ၁၉၉၀ ခုနှစ်များတွင် သဘာဝ ဘေးအန္တရာယ်များ ကျရောက် ခဲ့ပြီးချိန်မှစ၍ ၎င်း၏ ပြည်သူများကို ကျွေးမွေးရန် ပြည်ပ ကယ်ဆယ်ရေး အထောက်အပံ့များကို မှီခိုခဲ့ရပါသည်။

ဂျပန်၊ တရုတ်၊ ရုရှား၊ အမေရိကန်နှင့် ကိုရီးယား နှစ်နိုင်ငံ ပါဝင်သော ခြောက်နိုင်ငံ ဆွေးနွေးပွဲတွင် အဓိက ကျသော တိုးတက်မှုများ ရှိလာပါက အရေးယူ ပိတ်ဆို့မှုများကို ဖြေလျှော့ပေးရန် ကုလသမဂ္ဂက ဆုံးဖြတ်နိုင်ဖွယ် ရှိပါသည်။

သို့သော်လည်း ဆွေးနွေးပွဲသို့ ပြန်လည် တက်ရောက်ခြင်း မပြုမီ မြောက်ကိုရီးယားက အရေးယူမှုများ အဆုံးသတ်ရန်နှင့် ၁၉၅၀ - ၅၃ တွင် ကိုရီးယားစစ်ပွဲကို တရားဝင် အဆုံးသတ်မည့် ငြိမ်းချမ်းရေးစာချုပ်နှင့် ပတ်သက်ပြီး ဆွေးနွေးရန် တောင်းဆိုနေခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

1-Feb -2010, Bangkok Post Editorial

          မြန်မာနိုင်ငံသည် အမေရိကန် ပြည်ထောင်စု၏ တွေ့ဆုံ ဆွေးနွေးရန် ကြိုးစားမှု၊ အာဆီယံ မိတ်ဆွေများ၏ မျှော်လင့်ချက် ပြည့်ဝသော ကြေငြာချက်များနှင့် ဥရောပနိုင်ငံများ၏ တစ်နှစ်ပတ်လုံး ဝေဖန် ပြစ်တင်မှုများကို ကျော်လွှားရန် ရှင်းလင်း ပြတ်သားစွာ တုန့်ပြန်ခဲ့ပြီ ဖြစ်သည်။

၎င်း တုန့်ပြန်မှုသည် အိမ်နီးခြင်းများနှင့် အခြားနိုင်ငံများကို ဂရုမစိုက်ရုံသာမကပါ၊ ပြည်သူတွေ အပေါ်တွင်လည်း နောက်ထပ် ပြင်းထန်၍ ကြောက်စရာကောင်းသည့် နှိပ်ကွပ်မှုများ ပြုလုပ်ခဲ့ပါသည်။ လတ်တလော သီတင်းပတ်များအတွင်း မြန်မာနိုင်ငံ အာဏာပိုင်များသည် နိုင်ငံအတွင်းရှိ အရာရာကို ပိုမိုဆိုးဝါးအောင် ပြုလုပ်နေသည့်အပြင် ကမ္ဘာ့သဘောထားကိုလည်း အရေးမစိုက်သည့် သဘောဖြင့် ရိုင်းပြစွာ ပုတ်ထုတ်ခဲ့ပါသည်။

စီစဉ်ထားသည့် ရွေးကောက်ပွဲများသည် ဒီမိုကရေစီ စနစ်သို့ ရှေ့ရှုပြောင်းလဲ၍ နိုင်ငံကို တိုးတက် စေလိမ့်မည် ဟူသော အခွင့်အရေးမှာ အမှန်တကယ် မရှိကြောင်း ယခုအခါ ရှင်းလင်း သဲကွဲ သွားပြီ ဖြစ်သည်။ မြန်မာနိုင်ငံသည် ဒီမိုကရေစီ စနစ်သို့ ဦးတည်ရည်ရွယ်နေခြင်း မဟုတ်ကြောင်းပြသသည့် ပထမလက္ခဏာမှာ ဇန်နဝါရီလဆန်း တရားစီရင်မှုတွင် ပေါ်ထွက်လာပါသည်။

နိုင်ငံတော်၏ လျှို့ဝှက်ချက်များဟု ၎င်းတို့ခေါ်ဆိုသော သတင်းများပေါက်ကြားမှုဖြင့် တပ်မတော် အရာရှိ တစ်ဦးကို သေဒဏ် ချမှတ်ခဲ့ခြင်း ဖြစ်သည်။ ပြုံယမ်း၏ အကူအညီဖြင့် တိတ်တခိုး ထည်ဆောက်နေသော ဥမင်လှိုဏ်ခေါင်း ကွန်ယက် အပါအဝင် မြောက်ကိုးရီးယား ဆက်ဆံရေးနှင့် ပတ်သက်သည့် သတင်းနှင့် ဓါတ်ပုံများကို ပြည်ပ မြန်မာသတင်းဋ္ဌာန များသို့ ပေးပို့သည်ဟု ၎င်းတို့အား စွပ်စွဲခဲ့ပါသည်။

လှိုဏ်ခေါင်းဓါတ်ပုံများကို အင်တာနက်ပေါ်တွင် တင်ထားသည့်တိုင်အောင် အဆိုပါလျှို့ဝှက်ချက် ဆိုသော သတင်းများသည် အမှန်တကယ် လျှို့ဝှက်ချက် ဟုတ်မဟုတ် မေးခွန်းထုတ်စရာရှိပါသည်။ ဗိုလ်မှူး ဝင်းနိုင်ကျော်နှင့် နိုင်ငံခြားရေး ဝန်ကြီးဋ္ဌာနမှ သူရကျော်တို့အား တရားစီရင်ခြင်းသည် ရည်ရွယ်ချက် ၂ခု ရှိကြောင်း ထင်ရှားပါသည်။

ပထမ တစ်ချက်မှာ နိုင်ငံခြားသားများ၊ အစိုးရ ဆန့်ကျင်သူများနှင့် ဆက်သွယ်ခြင်း မပြုရန် အတွက် မြန်မာပြည်သူ အားလုံးကို ခြောက်လှန့်ရန် ဖြစ်သည်။ ဒုတိယ အချက်မှာ စစ်အစိုးရသည် မေးခွန်း အထုတ်ခံမည် မဟုတ်သလို လုံးဝ အဝေဖန်ခံမည် မဟုတ်ကြောင်း ရှင်းလင်းစွာ အသိပေးခြင်း ဖြစ်သည်။

ကျော်ဇောလွင်၏ အမှုသည်လည်း စစ်ဖက် အစိုးရ၏ သံလက်သီးနှင့် နောက်ထပ် အချက်ပြမှုတစ်ခု ဖြစ်သည်။ ၎င်းသည် ၁၉၈၈ ခုနှစ် ဒီမိုကရေစီ ထောက်ခံသော လှုပ်ရှားမှုတွင် စည်းရုံး ဆောင်ရွက်သူများထဲမှ တစ်ဦး ဖြစ်သည်။

၎င်းသည် ပြည်ပသို့ ထွက်ပြေး တိမ်းရှောင်ခဲ့ရပြီး အမေရိကန် နိုင်ငံသားတစ်ဦး ဖြစ်လာခဲ့ပါသည်။ နိုင်ငံရေး ပြစ်မှုများကြောင့် ထောင်ဒဏ်ကျခံနေရသော မကျန်းမာသည့် မိခင်ကြီးထံသွားရောက် တွေ့ဆုံရန် အတွက် ယခင်နှစ်နှောင်းပိုင်းတွင် ဗီဇာ ရရှိခဲ့ပါသည်။ ၎င်း ရန်ကုန်လေဆိပ် အရောက်တွင် တရားမဝင် နိုင်ငံသားကဒ် ကိုင်ဆောင်မှုနှင့် နိုင်ငံခြားငွေ ကြေငြာရန် ပျက်ကွက်မှုတို့ဖြင့် ဖမ်းဆီးခြင်းခံရပါသည်။ ၎င်းအား နှိပ်စက် ညှင်းပန်းခဲ့ပြီး တိုက်ပိတ်နှောင်ထားသည် ဟု ကြားသိရပါသည်။

၎င်းအပေါ် နှိပ်ကွပ် ဆက်ဆံမှုများသည် လွန်ခဲ့သည့် အနှစ်၂၀ က ရွေးကောက်ပွဲတွင် အနိုင်ရရှိသူ ဒေါ်အောင်ဆန်းစုကြည်၏ ကိစ္စတွင် မြန်မာ အစိုးရ၏ ရက်စက် ကြမ်းကြုတ်မှုများကို ပြန်လည် သတိရစေပါသည်။

သူမ၏ အမျိုးသား ကွယ်လွန်စဉ်က သူမအား သွားရောက်ခွင့်ပြုရန် အစိုးရက ငြင်းပယ်ခဲ့ပါသည်။ သူမထံ လာရောက်ရန် သူမ၏ သားများတောင်းဆိုမှုကိုလည်း ပယ်ချခဲ့ပါသည်။ နိုင်ငံခြားသားတစ်ဦးကို လက်ထပ်မှုကြောင့် သူမသည် အဆက်မပြတ် သိက္ခာချ စွပ်စွဲခြင်း ခံနေရပါသည်။

ထို့အပြင် မြန်မာ အစိုးရသည် ၎င်းတို့၏ အာဏာပါဝါကို ပြသရန် နောက်ဆုံးစီမံချက် အတွက် ဒေါ်အောင်ဆန်းစုကြည်ကို ရွေးချယ် အသုံးပြုခဲ့ရပါသည်။ သူမသည် ပြည်သူများ လွတ်လပ်ခွင့်ရှိရမည်။ အစိုးရသည် ဝေဖန်ခံနိုင်ရမည် ဟူသော အချက်များအတွက် ငြိမ်းချမ်းစွာ ရပ်တည်နေသည့် ကမ္ဘာ့သင်္ကေတ တစ်ခု အဖြစ် အားလုံးက လက်ခံ ဆုံးဖြတ်ထားခြင်း ဖြစ်ရာ အဆိုပါ စံပြ သင်္ကေတများအတွက် သူမအား အရေးယူ အပြစ်ပေးရန် စီစဉ်ခဲ့ခြင်းပင် ဖြစ်သည်။

လွန်ခဲ့သော သီတင်းပတ်ကမူ တရားဥပဒေ ရှိလေဟန် ပါးပါးလေး ဟန်ဆောင် ဖုံးအုပ်ထားသော အစိုးရက အပေါ်စီးမှ သရော်သလို ဆက်ဆံခဲ့ပြန်ပါသည်။

ဗဟိုတရားရုံးက ချမှတ်ထားသော သူမ၏ နေအိမ် အကျယ်ချုပ် သက်တမ်း ကုန်ဆုံးရက် နီးလာခြင်းနှင့် ပတ်သက်၍ ပြည်ထဲရေးဝန်ကြီး ဗိုလ်ချုပ်မောင်ဦးက ပြောကြားရာတွင် မည့်သည့်ပြဿနာမှ မရှိပါဟု ဆိုပါသည်။ ဒေါ်အောင်ဆန်းစုကြည် နိုဝင်ဘာလတွင် လွတ်မြောက်နိုင်ဖွယ် ရှိခြင်းမှာ စစ်ဖက် ခေါင်းဆောင်များက ကြိုတင် ဆုံးဖြတ်ထားပြီး ဖြစ်ပုံရပါသည်။

အလွ