Posts
 | yangonchronicle 2011 |
၅.၈.၂၀၁၁
ပြည်တွင်းသတင်းများ
- တိုက်ပွဲဖြစ်ပွားသော်လည်း ထားဝယ်ရေနက်ဆိပ်ကမ်း ဆက်လုပ်မည်
- ရင်းနှီးမြှုပ်နှံမှုဥပဒေ ပြင်ဆင်ရေးဆွဲ
ပြည်တွင်းပါတီ၊ နိုင်ငံရေးသတင်းများ
- ဒေါ်အောင်ဆန်းစုကြည် အင်တာဗျူး ဖော်ပြခွင့်ရ
- လွှတ်တော်ကိုယ်စားလှယ်များအား အသုံးစရိတ်ကြိုတင်ထုတ်ပေးခြင်းမရှိ
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- အရပ်ဖက်လူ့အဖွဲ့အစည်း၏ အခန်းကဏ္ဍ
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
တိုက်ပွဲဖြစ်ပွားသော်လည်း ထားဝယ်ရေနက်ဆိပ်ကမ်း ဆက်လုပ်မည်
တပ်မတော်နှင့် ကရင်အမျိုးသားအဖွဲ့ချုပ်(KNU) တို့အကြား တိုက်ပွဲများဖြစ်ပွားနေသော်လည်း ထားဝယ်ရေနက် ဆိပ်ကမ်း စီမံကိန်းအား ပြီးဆုံးသည်အထိ ဆက်လက်လုပ်ဆောင်သွားမည်ဖြစ်ကြောင်း အီတာလျံ-ထိုင်း ကုမ္ပဏီက တာဝန်ရှိသူတစ်ဦးက ပြောကြားခဲ့သည်။
လက်ရှိ မြန်မာနိုင်ငံ၌ တည်ဆောက်လျက်ရှိသော ထားဝယ် ရေနက်ဆိပ်ကမ်းစီမံကိန်းသည် အရှေ့အလယ်ပိုင်းနှင့် အာဖရိကနိုင်ငံများအကြား ကုန်သွယ်ရေးလမ်းကြောင်း ပွင့်သွားစေနိုင်ပြီး စီးပွားရေးအခွင့်အလမ်းများစွာ ဖန်တီး ပေးနိုင်မည် ဖြစ်ကြောင်း သိရသည်။
ထို့ပြင် ၎င်း ထားဝယ်ရေနက်ဆိပ်ကမ်းသည် ကမ္ဘာပေါ်တွင် အကြီးဆုံး စက်မှုဇုန်တစ်ခုဖြစ်လာနိုင်ကြောင်း အီရန်နိုင်ငံအခြေစိုက် မီဒီယာ တစ်ခုတွင် ရေးသားခဲ့သည်။
၎င်း ထားဝယ်ရေနက်ဆိပ်ကမ်းကို အီတာလျံထိုင်းကုမ္ပဏီမှ တာဝန်ယူတည်ဆောက်လျက်ရှိပြီး စီမံကိန်းကာလမှာ ၁၀ နှစ်ဖြစ်ပြီး ၎င်း စီမံကိန်း အတွက် အမေရိကန်ဒေါ်လာ ရှစ်ဘီလျံ သုံးစွဲမည်ဖြစ်ကြောင်း သိရသည်။
၎င်း စီမံကိန်း၌ ရေနက်ဆိပ်ကမ်းဝန်ဆောင်မှုများ၊ ရေနံချက်စက်ရုံနှင့် ဧရာမစက်မှုဇုန်ကြီးတစ်ဇုန် ပါဝင်မည်ဖြစ်ပြီး မြန်မာနိုင်ငံရှိ ပြည်သူများအတွက် ၎င်း ဆိပ်ကမ်းစီမံကိန်းမှ အလုပ်အကိုင်အခွင့်အလမ်း ၁,၀၀,၀၀၀ ဖန်တီးပေးနိုင်မည်ဖြစ်ကြောင်း သိရသည်။
Ref: Messenger
-----------------------------------------------------------------------------------------------------------------------------------
ရင်းနှီးမြှုပ်နှံမှုဥပဒေ ပြင်ဆင်ရေးဆွဲ
ပြည်တွင်းပြည်ပမှ ရင်းနှီးမြှုပ်နှံမှု မြေယာဆိုင်ရာဥပဒေကို ပြင်ဆင်ရေးဆွဲလိုက်ပြီဖြစ်ကြောင်း အမျိုးသား စီမံကိန်းနှင့်စီးပွားရေး ဖွံ့ဖြိုးတိုးတက်မှု ဝန်ကြီးဌာန၊ ကုမ္ပဏီများဆိုင်ရာညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးအောင်နိုင်ဦး ကပြောသည်။
“ပြည်ပကလာရောက် ရင်းနှီးမြှုပ်နှံသူအနေနဲ့ အစိုးရပိုင်မြေတွေကိုပဲ ဌားရမ်းခွင့်ရှိတယ်။ အခုပုဂ္ဂလိကပိုင် မြေကွက်များကိုလည်း ဌားခွင့်ပြု လိုက်ပါပြီ။” ဟု ယင်းပုဂ္ဂိုလ်ကပြောဆိုသည်။ ရင်းနှီးမြှုပ်နှံမှု ဥပဒေတစ်ခုလုံးကိုမူ နောက်ခေါ်မည့်လွှတ်တော်၌ အတည်ပြုသွားမည်ဖြစ်ကြောင်းသိရသည်။
၎င်းအပြင် မြန်မာပြည်သားအမည်ခံ နိုင်ငံခြားသားပိုင် ပြုလုပ်ထားမှုများကိုလည်း သက်ဆိုင်ရာ ဌာနဆိုင်ရာ၌လာရောက်ပြီး ပြန်လည် လျှောက်ထားမှုများ ပြုလုပ်ရမည်ဖြစ်ကြောင်းဦးအောင်နိုင်ဦးကပြောသည်။
ပြည်တွင်းစက်မှုလုပ်ငန်းပိုမိုဖွံ့ဖြိုးရေး၊ အလုပ်အကိုင် အခွင့်လမ်းများ ပေါ်ပေါက်လာရေးအတွက် ရည်ရွယ်၍ ရင်းနှီးမြှုပ်နှံမှုဥပဒေကို ခေတ်နှင့်အညီ ပြင်ဆင်ရေးဆွဲခြင်းဖြစ်ကြောင်း ၎င်းကပြောသည်။
Peace press
××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ဒေါ်အောင်ဆန်းစုကြည် အင်တာဗျူး ဖော်ပြခွင့်ရ
ယခင်က ဒေါ်အောင်ဆန်းစုကြည်နှင့် ပတ်သက်သည့် သတင်း၊ အင်တာဗျူးကဏ္ဍ များအား ပြည်တွင်းစာပေစိစစ်ရေးအဖွဲ့ မှ ပိတ်ပင်ထားခဲ့ သော်လည်း ယခုအခါ ပထမဆုံးအကြိမ်အဖြစ် စက်တင်ဘာလ ၅ ရက်နေ့ထုတ် ပြည်တွင်းထုတ် Messenger ဂျာနယ်တစ်စောင်တွင် ဒေါ်အောင်ဆန်းစုကြည်နှင့် အင်တာဗျူး ဖော်ပြခွင့် ရရှိခဲ့ကြောင်း သိရသည်။
ပြည်သူ့ခေတ်ဂျာနယ်တွင် ဒေါ်အောင်းဆန်းစုကြည်ကိုယ်တိုင်းရေး ဆောင်းပါး ထည့်သွင်းနိုင်ရန် ကြိုးပမ်းခဲ့သော်လည်း စိစစ်ရေး၏ ဖြတ်တောက်မှုများကြောင့် သူမက ဖြတ်တောက်ခံရသည့် စာမူကို ပုံနှိပ်ဖော်ပြရန် ငြင်းဆိုခဲ့သည်။ ဒေါ်အောင်ဆန်းစုကြည် လွတ်မြောက်ပြီးချိန်မှ စတင်၍ ပြည်တွင်းဂျာနယ် တော်တော်များများတွင် ၎င်းနှင့် ပတ်သက်သည့် သတင်းအား အပတ်စဉ် ရေးသား၍ စာပေစိစစ်ရေးသို့ တင်ပြခဲ့သော်လည်း စာပေစိစစ်ရေးက ခွင့်ပြုဖော်ပြခြင်းမရှိဘဲ ယခုတစ်ကြိမ်မှသာ ဒေါ်အောင်ဆန်းစုကြည်နှင့် ပတ်သက်သည့် သတင်းအား ဖော်ပြခွင့်ရရှိခဲ့ခြင်းဖြစ်ကြောင်း သိရသည်။
ဒေါ်အောင်ဆန်းစုကြည်နှင့် ပတ်သက်သည့် အင်တာဗျူးတစ်ခုအား ပြည်တွင်းထုတ် Messenger ဂျာနယ်တွင် ပြန်လည်ဖော်ပြခွင့်ရရှိခဲ့ခြင်းနှင့် ပတ်သက်၍ နိုင်ငံရေးလေ့လာသူတစ်ဦးက “အရင်က ဒေါ်အောင်ဆန်းစုကြည်နဲ့ ပတ်သက်သည့် သတင်းကိုပိတ်လိုက်တယ်ဆိုတာ ဘာကြောင့်ဆိုတဲ့ သတ်မှတ်ချက် မရှိဘူး။ အခုတော့ အဲ့လိုမပာုတ်ဘူး။ ပြန်လည်ဖော်ပြခွင့်ရရှိတယ်ဆိုတာ သတင်းလွတ်လပ်ခွင့် ပိုတိုးတက်လာတယ်လို့ ပြောရမှာပေါ့။ ပြည်သူတွေရဲ့ သဘောကတော့ ဘာသတင်းပဲဖြစ်ဖြစ် သိချင်ကြတယ်။ ဒေါ်အောင်ဆန်းစုကြည်မှ မပာုတ်ဘူး။ အစိုးရအဖွဲ့ထဲက သက်ဆိုင်ရာ ပုဂ္ဂိုလ်တွေကော ဘယ်သူနဲ့ပဲတွေ့တွေ့၊ ဘယ်သူနဲ့ပဲ ဘာပြောပြော အရေးကြီးတယ်ဆိုရင်တော့ ပြည်သူတွေအားလုံး သိသင့်တယ်။ ဒါပာာ သတင်း လွတ်လပ်ခွင့်ရဲ့ တန်ဖိုးပဲ” ပာု ပြောကြားခဲ့သည်။ ဒေါ်အောင်ဆန်းစုကြည်နှင့် အင်တာဗျူး Messenger ဂျာနယ်တွင် ဖော်ပြခွင့်ရရှိခြင်းနှင့် ပတ်သက်၍ ဂျာနယ်တစ်ခုမှ အယ်ဒီတာတစ်ဦးမှလည်း “ အခုလို ဒေါ်အောင်ဆန်းစုကြည်နဲ့ ပတ်သက်တဲ့ သတင်းတွေ ပြန်လည်ဖော်ပြခွင့်ရရှိခဲ့တယ်ဆိုတာ တော်တော်ကို ကောင်းပါတယ်။ ဒေါ်အောင်ဆန်းစုကြည်လိုမပာုတ်ဘဲ နာမည်မရှိသေးတဲ့ ပညာရှင်တွေက ပြောတဲ့ စကားတွေကိုလည်း ဖော်ပြသင့်ပါတယ်။ ဒါတင်မကဘူး ပြည်တွင်းထုတ်ဂျာနယ်တွေမှာ ပြည်သူတွေရဲ့ခံစားချက် အသံတွေကိုပါ အမြဲဖော်ပြခွင့်ရရှိမယ်ဆိုရင်တော့ မီဒီယာလွတ်လပ်ခွင့် ရရှိပြီလို့ ပြောလို့ရတယ်” ပာု ပြောကြားခဲ့သည်။
မြန်မာနိုင်ငံ၌ အစိုးရသစ်တတ်လာပြီးနောက်ပိုင်းတွင် နိုင်ငံ၏ စတုတ္ထမဏ္ဍိုင် ဖြစ်သည့် သတင်းလောက ပိုမိုးတိုးတက်လာရန်နှင့် ပွင့်လင်းမြင်သာမှု ပိုမိုရှိလာနိုင်စေရန် ပြည်တွင်းထုတ်ဂျာနယ်အချို့အား စာပေစိစစ်ရေးလွတ်လပ်ခွင့်ပြုခြင်း၊ စာပေစိစစ်ရေးအဖွဲ့၌ အများမှ ယုံကြည်လေးစားခံရသည့် အယ်ဒီတာများ ပါဝင်လာခြင်း၊ သတင်းလွတ်လပ်ခွင့် ယခင်ထက် ပိုမိုခွင့်ပြုထားခြင်း စသည့် ကိစ္စရပ်များကို လုပ်ဆောင်ပေးခဲ့ကြောင်း သိရသည်။
Y.C
-----------------------------------------------------------------------------------------------------------------------------------
လွှတ်တော်ကိုယ်စားလှယ်များအား အသုံးစရိတ်ကြိုတင်ထုတ်ပေးခြင်းမရှိ
လက်ရှိ ကျင်းပနေဆဲဖြစ်သည့် ပထမအကြိမ် လွှတ်တော် ဒုတိယပုံမှန် အစည်းအဝေးများအား မည်သည့်နေ့ရက်ထိတိုင် ခေါ်ယူကျင်းပမည် ဆိုသည့် ကိစ္စရပ်အား တရားဝင် ကြေငြာထားခြင်းမရှိသကဲ့သို့ လွှတ်တော် ကိုယ်စားလှယ်များအား အသုံးစရိတ်ထပ်မံ ထုတ်ပေးထားခြင်းမရှိကြောင်း သိရသည်။
ယခင် နိုင်ငံတော်အစိုးရမှ ၂၀၁၁ ခုနှစ် ဇန်န၀ါရီလ ၃၁ ရက်နေ့၌ ခေါ်ယူကျင်းပပေးခဲ့သည့် ပထမအကြိမ် လွှတ်တော်ပုံမှန် အစည်းအဝေးတွင် လွှတ်တော်အတွင်းရှိ ကိုယ်စားလှယ်များအား ကြိုတင်အသုံးစရိတ်ထုတ်ပေးထားမှုမှာ စက်တင်ဘာလ ၁၆ ရက်နေ့အထိသာဖြစ်ကြောင်း သိရသည်။
လက်ရှိ ကျင်းပနေဆဲဖြစ်သည့် ပထမအကြိမ် လွှတ်တော် ဒုတိယပုံမှန် အစည်းအဝေးတွင် လွှတ်တော်အတွင်းရှိ ကိုယ်စားလှယ်များ၏ မေးမြန်းချက်များ၊ အဆိုများနှင့် သက်ဆိုင်ရာတာဝန်ရှိသူများ၏ ပြန်လည်ဖြေကြားချက်များအပေါ် မူတည်၍ အချိန်ကာလတစ်ခုအနေဖြင့် ၎င်းလွှတ်တော် အစည်းအဝေး ကြာမြင့်နိုင်မည်ဖြစ်ကြောင်း သိရသည်။
သြဂုတ်လ (၂၂) ရက်နေ့၌ စတင်ကျင်းပခဲ့သည့် ပထမအကြိမ် ပြည်သူ့လွှတ်တော် ဒုတိယပုံမှန် အစည်းအဝေးနှင့် ပထမအကြိမ် အမျိုးသား လွှတ်တော် ဒုတိယ ပုံမှန်အစည်းအဝေးတွင် လွှတ်တော် ကိုယ်စားလှယ်များနှင့် ပြည်ထောင်စုအဆင့် အဖွဲ့အစည်းများမှ လွှတ်တော်အတွင်း မေးခွန်းများနှင့် အဆိုများ တင်သွင်းခဲ့မှုမှာ ၁၀ ရက်တာ ကာလအတွင်း မေးခွန်းနှင့် အဆို ၁၈၀ ကျော် ရှိခဲ့ပြီဖြစ်ကြောင်း သိရသည်။
ယခင် ကျင်းပခဲ့ပြီး ဖြစ်သည့် ပထမအကြိမ် လွှတ်တော်ပုံမှန် အစည်းအဝေးတွင် လွှတ်တော်ကိုယ် စားလှယ်များ၏ မေးခွန်း ၁၀၆ ခု နှင့် အဆို ၄၃ ခုတို့အား တင်သွင်း မေးမြန်းခဲ့ပြီး မေးခွန်း ၁၀၆ ခုကို ဖြေကြားခဲ့ပြီး အဆို ၄၃ ခုတို့အား ဆွေးနွေးဆုံးဖြတ်ခဲ့သည်။
Ref: Weekly Eleven
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“အခုအာဆီယံနိုင်ငံတွေထဲမှာ ဘယ်နိုင်ငံမှာမှ ပို့ကုန်၊ သွင်းကုန်နဲ့ ပတ်သက်တဲ့လိုင်စင်စနစ်သိပ်မရှိတော့ပါဘူး။ အခုလိုဖြေလျော့ပေးတဲ့အတွက် ကုန်စည်စီးဆင်းမှုတော့ ပိုကောင်းသွားမှာပါ။ ဘာပဲဖြစ်ဖြစ် ၂၀၁၅ ဆိုရင် (ASEAN Economic Community) ကအကောင်အထည် ပေါ်လာတော့မယ်။ အဲဒီမှာ ဒီလိုလိုင်စင်စနစ်တွေ ရှိနေ ရင် အများကြီးနောက်ကျကျန်ခဲ့တော့မယ်”
စက်တင်ဘာ ၇ ထုတ် Weekly ELEVEN အတွဲ (၆) အမှတ် (၄၉) တွင်ပါသည့် “၂၀၁၅ ခုနှစ်တွင် ဖြစ်ပေါ်လာ မည့် အာဆီယံလွတ်လပ်သော ကုန်သွယ်မှုအတွက် ကုန်စည်စီးဆင်းမှုအား အခွင့်အရေးပေးတော့မည်ဖြစ်သော ကြောင့် လိုင်စင်စိစစ်မှုစနစ်များအား ဖြေလျော့ပေးတော့မည် ဟု သိရ” သတင်းမှ စီးပွားရေး ပညာရှင်တစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“ဒီခေတ်မှာတော့ ပိတ်တယ်ဆိုတိုင်း မလုံလောက်ပါဘူး။ အခုလို ပိတ်ထားခြင်းအားဖြင့်နိုင်ငံအတွက် ဂုဏ်သိက္ခာ ကျစရာ၊ လူငယ်တွေအတွက် နစ်နာဆုံးရှုံး စရာတွေပဲ ဖြစ်လာမှာပါ။ နောက်ပြီး နိုင်ငံတော်သမ္မတလည်းသတင်းမီ ဒီယာနဲ့ ပတ်သက်ပြီး အလေးထားပြောထားခဲ့ပြီးပါပြီ”
စက်တင်ဘာ ၇ ထုတ် Weekly ELEVEN အတွဲ (၆) အမှတ် (၄၉) တွင်ပါသည့် “ကြည့်ရှုခွင့်ပိတ်ထားသော ဝက်ဘ်ဆိုက်အချို့ ပြန်ဖွင့်ပေးသည့် သတင်း အလုံးစုံမှန်ကန်မှုမရှိ” သတင်းမှ ဦးအောင်လှထွန်း၏ ပြောကြားချက် အပေါ် ကောက်နှုတ်ချက်
-----------------------------------------------------------------------------------------------------------------------------------
မေး- အခုခေတ်မှာ ရုပ်ဝတ္ထုပိုင်းဆိုင်ရာဖွံ့ဖြိုးတိုးတက်လာတာနဲ့အမျှ တဖက်ကစိတ်ပိုင်းဆိုင်ရာ ယိုယွင်းမှုတွေ ပိုများလာတယ်လို့လည်း တချို့ သုံးသပ်ကြတယ်။ တစ်ဦးနဲ့ တစ်ဦးထားတဲ့ မေတ္တာတရားတွေ အားနည်းလာတယ် လို့လည်း ပြောကြတယ်။ အဲဒီအပေါ်မှာ သုံးသပ်ပြောပြ ပေးပါဦး။
ဖြေ- အခုခေတ်က လိုချင်စရာတွေ ရုပ်ပိုင်းဆိုင်ရာတွေ သိပ်များနေတယ်။ ကျွန်မတို့ငယ်ငယ်တုန်းက သူဌေးဆိုရင် တိုက်နဲ့ကားပဲရှိတယ်။ အခုက ဒီလောက်နဲ့ မရဘူး။ ကျွန်မတို့ငယ်ငယ်က မိဘတွေချမ်းသာလို့ ကိုယ်ပိုင်ကားစီတဲ့ သူမရှိခဲ့ဘူး။ မိဘမှာပဲရှိတာ။ အဲဒီတော့ တင်းတိမ်ရောင်ရဲနိုင်တယ်။ လိုချင်စရာ နည်းတာကို။ အခုက သိပ်များတယ်။ လူငယ်တွေ လိုချင်တာကိုလည်း သိပ်ပြီးတော့ အပြစ်မဆိုချင်ပါဘူး။ ဘာဖြစ်လို့လဲဆိုတော့ ကြော်ငြာဆိုတာ လိုချင်တဲ့စိတ်ကိုဆွပေးတာပဲ။ ဒါမှ စီးပွားဖြစ်မှာ။ အဲဒီတော့ စိတ်ဓာတ်ပိုင်းဆိုင်ရာတွေ ကို တစ်ခါထဲမြင့်တင် သွားရမယ်။ ရုပ်ပိုင်းဆိုင်းရာ သိပ်တိုးတက်ပြီး စိတ်ဓာတ်ပိုင်းမတက်ရင် ဒီလိုပဲဖြစ်မှာပဲ။
စက်တင်ဘာ ၅ ထုတ် The Messenger အတွဲ (၂) အမှတ် (၁၆) တွင်ပါသည့် ဒေါ်အောင်ဆန်းစုကြည်နှင့် အင်တာဗျူးကောက်နှုတ်ချက်
-----------------------------------------------------------------------------------------------------------------------------------
မေး- နောက်ဆုံးမေးခွန်းမေးချင်ပါတယ်။ ဦးဇော်ဦးခင်ဗျာ ဒီနေ့အခြေအနေဟာ အရေးပေါ်အခြေအနေ ဖြစ်နေတော့ ဈေးကွက်ရဲ့ Confidence (ယုံကြည်မှု) ရဖို့အတွက် နိုင်ငံတော်အကြီးအကဲများအပိုင်းက မည်သို့သော ပံ့ပိုးကူညီမှုများ ဝင်ရောက် ဆောင်ကြဉ်းပေးနိုင်မယ် ဆိုတာ မြန်မာနိုင်ငံအခြေအနေအပေါ်မှာ မည်သို့အကြံပြုချင်တယ်ဆိုတာ သိပါရစေ။
ဖြေ- ကျွန်တော်တို့ တိုင်းပြည်မှာ ယခင် ၂၀၀၃ ခုနှစ်တုန်းကလည်း ဘဏ်တွေမှာ ပြဿနာဖြစ်ခဲ့ပါတယ်။ ဒီလိုပြ ဿနာဖြစ်တဲ့ အရင်းခံတွေကို ကြည့်မယ်ဆိုရင် ဘဏ်တစ်ခုအားနည်းလာပြီလို့ ယူဆတဲ့အခါမှာ အားနည်းတဲ့ ဘဏ်ကနေ ငွေတွေကို အဆမတန်ထုတ်လိုက်တဲ့အခါမှာ ဘဏ်ကဏ္ဍ တစ်ခုလုံးကို သွားပြီး ထိခိုက်တဲ့ပြဿနာ မျိုးပါ။ ဒီလိုဘဏ်တွေမျိုးပဲ ငွေရေးကြေးရေးနဲ့ ဆက်စပ်တဲ့ ဘယ်ကဏ္ဍမဆို လူထုရဲ့ စိတ်လှုပ်ရှားရှားမှုနဲ့သောက ကြောင့် ဖြစ်တဲ့အကျိုးဆက်တွေဟာ တခြားကဏ္ဍထက်ပိုပြီး ဖြစ်လေ့ရှိသလို ပိုပြီးတော့လည်း အန္တရာယ်ကြီးပါတယ်။ အဲဒီအတွက်ကြောင့် စီးပွားရေးအတွက် ဆောင်ရွက်ချက်တွေမစနိုင်ခင်မှာ မစနိုင်သည်ထားဦး။ ဒါတွေ ဆောင်ရွက်ပေး ဖို့ရှိတယ်ဆိုတဲ့ကိစ္စကို နိုင်ငံတော်အကြီးအကဲတွေ၊ ခေါင်းဆောင်တွေက လူထုယုံကြည်မှုရအောင်၊ ဈေးကွက်ယုံကြည်မှုရအောင်၊ ပုဂ္ဂလိကကဏ္ဍရဲ့ ယုံကြည်မှုရအောင် အမြန်ဆုံးလုပ်လိုက်ရင် ပြောင်းလဲနေတဲ့ ပြောင်းလဲမှုနှုန်းတွေ၊ တက်လိုက်ကျလိုက်ဖြစ်နေတဲ့ အတက်ကြမ်း၊ အကျကြမ်းဖြစ်နေတဲ့ ကိစ္စတွေ အနည်းဆုံးတော့ တည်ငြိမ်ှုရအောင် ပထမဆုံးအဆင့်မှာ ထိန်းထားနိုင်လိမ့်မယ်လို့ ထင်ပါတယ်။
စက်တင်ဘာ ၅ ထုတ် The Voice Weekly အတွဲ (၇) အမှတ် (၃၈) တွင်ပါသည့် စီးပွားရေးပညာရှင်ဒေါက်တာ ဇော်ဦးနှင့် အင်တာဗျူး ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အရပ်ဖက်လူ့အဖွဲ့အစည်း၏ အခန်းကဏ္ဍ
လွန်ခဲ့သော နှစ်များက နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီလက်ထက် ရင်ဆိုင်ကြုံတွေ့ခဲ့ရသော နိုင်ငံရေး၊ စီးပွားရေး၊ လူမှုရေးပြဿနာများကို ရင်ဆိုင်ပုံနှင့် ယခု ရွေးကောက်ပွဲနှင့်တက်လာသည့် ဦးသိန်းစိန်အစိုးရ၏ ရင်ဆိုင်ပုံတို့မှာ များစွာ ခြားနားသွားခဲ့ပြီဖြစ်ကြောင်း စာဖတ်သူများ သိနှင့်ပြီးဖြစ်ပေမည်။ အထူးသဖြင့် ယခုရင်ဆိုင်ကြုံတွေ့နေရသော ဘဏ္ဍရေးအကျပ်အတည်းကို ဖြေရှင်းတုံ့ပြန်ပုံမှာ နှေးကွေးသည့် အသွင်ဆောင်သည့်တိုင် ပါဝင်ပတ်သက်နေသူအားလုံး ထိခိုက်မှုနည်းအောင် ဆောင်ရွက်သွားမည်ဟု ဂတိပေးပြောကြားခြင်းသည် မှန်ကန်မှုရှိသည်ဟု ယူဆပါသည်။
ယခုကဲ့သို့ အကျပ်အတည်းကာလမျိုးတွင် အစိုးရတစ်ရပ်၏ တာဝန်ခံမှု၊ တာဝန်ယူမှု ရှိမှု၊ ဖြစ်မှု ပီပြင်လာရခြင်းမှာ မြန်မာနိုင်ငံပြည်သူ၊ ပြည်သားအပေါင်းတို့၏ မင်္ဂလာဟုပင်ဆိုရသော်လည်း ယင်းသို့ ဖြစ်ပေါ် လာအောင် တွန်းပို့ပေးလိုက်သည့်အရာမှာကား ရွှေဝါရောင်တော်လှန်ရေးနှင့် နာဂစ်မုန်တိုင်းတိုက်ခိုက်မှုပင်ဖြစ် လေသည်။ ၎င်းအကျပ်အတည်းများသည် လူ့အဖွဲ့အတွင်း နိုင်ငံရေးအခန်းကဏ္ဍတွင် နေရာတစ်ခုပေါ်လာအောင်၊ အရပ်ဖက် လူ့အဖွဲ့အစည်း၏ အခန်းကဏ္ဍမြင့်မားလာအောင် ဆောင်ရွက်ပေးခဲ့လေသည်။
ရွှေဝါရောင် သံဃအရေးအခင်းနောက်ပိုင်းတွင် မြန်မာနိုင်ငံ ကြားဖြတ်အသွင်၊ စစ်အသွင်ဖြင့် နှစ်ပေါင်း ၂၀ ခန့်အုပ်ချုပ်နေသည့် SPDC သည် အရေးအခင်းအား ဖွတ်ဖွတ်ညက်ညက်ကျေအောင် နှိပ်ကွပ်နိုင်လိုက် သည့်တိုင် SPDC ခေါင်းဆောင်ပိုင်းမှ နိုင်ငံကို ဖိနှိပ်ချုပ်ခြယ်ရေးလက်နက်ဖြင့် အုပ်ချုပ်၍မရနိုင်တော့ကြောင်း နားလည်သဘောပေါက်သွားဟန်ရှိပါသည်။ သို့သော် တဖက်၌လည်း ကိုယ်ကျိုးစီးပွားအခံလည်းရှိနေလေရာ နိုင်ငံရေး အတိုက်အခံများအပေါ် အခွင့်အရေးတန်းတူရှိသည့် နိုင်ငံရေးလွတ်လပ်ခွင့်များကို ပေးအပ်သည့် သဒ္ဓါ ထက်သန်မှုမျိုး မရှိသော်လည်း တစ်စုံတစ်ရာ လွတ်လပ်ခွင့်ရှိသည့် (နေရာရှိသည့်) အတိုက်အခံနိုင်ငံရေးအင် အားစုကို အကန့်အသတ်များဖြင့်သာ ပေးအပ်ခဲ့လေသည်။ မည်သို့ပင် အကန့်အသတ်များ ရှိနေ၍ အားကောင်းသည့် အတိုက်အခံ မပေါ်ထွန်းခဲ့စေကာမူ ဒီမိုကရေစီစနစ်ကူးပြောင်းသွားပြီ ဆိုကတည်းကိုက အရင်ကလို ပြဿနာများကို တပွဲထိုးဖြေရှင်းသည့်ပုံမျိုး အလွန်နည်းသွားမည်ဖြစ်လေသည်။ ဒီမိုကရေစီစနစ်၏ အာဏာခွဲ ဝေမှုပုံစံကြောင့် အတိုက်အခံများ၏(အနည်းစုဖြစ်စေကာမူ) အသံကို နားထောင်နိုင်သည့် အခြေအနေမျိုးပေါ် ထွန်းလာမှာဖြစ်ပြီး အတိုက်အခံများ၏ ဖိအားပေးမှုလည်း လျော့ပါးသွားစေမှာ ဖြစ်ပေသည်။
နာဂစ်မုန်တိုင်းမှာလည်း မြန်မာနိုင်ငံကဲ့သို့ ရာသီဥတု သမမျှတသည့် နိုင်ငံမျိုးတွင် အလွန် ဖြစ်တောင့် ဖြစ်ခဲကိစ္စရပ်ပင်ဖြစ်လေသည်။ သို့သော် သဘာဝတရား၏ စီရင်မှုကို လူသားများက တွန်းလှန်တိုက်ခိုက်နိုင်ခဲ့ ကြချည်သည်းဖြစ်သည်။ သဘာဝဘေးအန္တရာယ်မကျရောက်ခင်က မြန်မာလူ့အဖွဲ့အစည်းအတွင်းတွင် လူမှု လူ့အဖွဲ့အစည်းများ၏ အခန်းကဏ္ဍမှာ မှေးမှိန်သယောင်ရှိနေခဲ့သော်လည်း မုန်တိုင်းတိုက်ခိုက်ပြီးနောက်ပိုင်း တွင် မြန်မာပြည်အရပ်ရပ်မှ စေတနာဝန်ထမ်းများက မုန်တိုင်းသင့်ဒေသရှိ ပြည်သူများကို သွားရောက်ကူညီကြ သည်မှာ အလွန်အားကောင်းသည့် လူမှုအရင်းအနှီးဖြစ်ပေါ်လာခဲ့လေသည်။ ဤသို့နှင့် အရပ်ဖက်လူ့အဖွဲ့အ စည်းများ၊ အထူးသဖြင့် အမြတ်အတွက်မဟုတ်သည့် အဖွဲ့အစည်းများ(Non-Profit organization) ၏ အခန်းကဏ္ဍမှာ မြန်မာနိုင်ငံ နိုင်ငံတည်ဆောက်ရေး၊ ဒီမိုကရေစီ အသွင်းကူးပြောင်းရေးလမ်းကြောင်းမှန်ရေးအတွက် ထိန်းကျောင်း တည့်မတ်ပေးသည့် အထိန်းအကွပ်အဖွဲ့အစည်းများ၊ အကျိုးစီးပွားအုပ်စုများ အသွင်သဏ္ဍန်ဖြင့် ဆက်လက်ပါဝင်နေမည်ဖြစ်လေသည်။
ထိုကဲ့သို့ အကျပ်အတည်းများကြုံလာပြီးသည့်နောက်ပိုင်း ယင်းနှင့် ကျွဲကူးရေပါ ပွင့်လင်းလာသည့် အရာမှာကား မီဒီယာလွတ်လပ်ခွင့် ပင်ဖြစ်သည်။ မီဒီယာလွတ်လပ်ခွင့်မှာလည်း နိုင်ငံရေးလွတ်လပ်ခွင့် နည်းတူ အကန့်အသတ်နှင့်ပင်ရှိနေသော်လည်း ယခင် ပြောဆိုခွင့်၊ ဖော်ပြခွင့်မရှိသည့် ကိစ္စရပ်များ၊ မူဝါဒရေးရာ ငြင်းခုံ မှုများကို ထုတ်ဖော်ပြောဆိုခွင့်ရရှိလာသည်ကို တွေ့မြင်ရလေသည်။ မြောက်များစွာ ပေါ်ပေါက်လာခဲ့သည့် ပုံနှိပ် မီဒီယာများကြောင့်ပင်လျှင် ပြည်သူ့အပေါင်း နိုင်ငံရေး၊ စီးပွားရေး၊ လူမှုရေး မျက်နှာစာပေါင်းစုံကို ယခင်ကထက် သိမြင်လာရလေသည်။ ထို့အပြင် ဒီမိုကရေစီအင်စတီကျူးရှင်းများ၏ လွဲမှားမှုများကို အတိုင်းအတာ တစ်ခုထိ ထောက်ပြဝေဖန်ခွင့်ရရှိလာပြီး သမာသမတ်ရှိသည့် သမားဂုဏ်နှင့်ပြည့်ဝသော သတင်းစာကြီးများ လည်း ပေါ်ထွက်လာခဲ့လေသည်။ ယခုလက်ရှိအုပ်ချုပ်သူများ၏ မိန့်ခွန်းများကို ကြည့်လျှင်လည်း မီဒီယာ၏ အခန်းကဏ္ဍကို အလေးထားလာပြီး ယခင်တပ်မတော်အစိုးရလက်ထက်က မည်သို့မျှမဖြစ်နိုင်သော အတိုက်အ ခံခေါင်းဆောင် ဒေါ်အောင်ဆန်းစုကြည်၏ အင်တာဗျူး၊ ဆောင်းပါးကိုပါ ပုံနှိပ်ထုတ်ဝေခွင့်ရလာသည့်အပြင် ပညာရှင်များ၏ သဘောထားများ၊ အင်တာဗျူးများကိုပါ ထည့်သွင့်ဖော်ပြခွင့်ရလာခဲ့ပြီဖြစ်လေသည်။
တဆက်တည်းမှာပင် အသိပညာရှင်များ၊ တက်ကနိုကရက်များကိုလည်း အုပ်ချုပ်ရေးအတွင်း မူဝါဒ ချမှတ်သူများအနေဖြင့်သော်လည်းကောင်း (နည်းပါးသေးသည်ဖြစ်သော်လည်း) ၊ အကြံပေးများအဖြစ်သော် လည်းကောင်း ပါဝင်ခွင့်ပေးလာသည်ကို တွေ့မြင်ရလေသည်။ ပညာရှင်များသည် ပညာများ၊ အတွေ့အကြုံများ ကြွယ်ဝနေသည်ဖြစ်လေရာ နိုင်ငံဖွံ့ဖြိုးတိုးတက်ရေးအတွက် မူဝါဒကောင်းများချမှတ်ရာတွင် အကောင်းဆုံး အကြံအဉာဏ်များ ပေးအပ်နိုင်လေသည်။ ၎င်းပညာရှင်များဖြင့် ပါဝင်ဖွဲ့စည်းထားသည့် Think Tankများ (မူဝါဒ ရေးရာ သုတေသနပြု အဖွဲ့အစည်းများ)လည်း အစိုးရ၏ စီးပွားရေးမူဝါဒချမှတ်မှုပေါ်တွင်များစွာ အရေးပါလာ တော့မည်ဖြစ်သည်။ ထိုအတွက်ကြောင့် ဦးသိန်းစိန်အစိုးရမှာ ဆင်းရဲမွဲချမှုချမှတ်ရေးဖိုရမ်၊ စီးပွားရေးဖိုရမ်များကို ကျင်းပ၍ ပညာရှင်များကို စာတမ်းများဖိတ်ကြား ဖတ်မှတ်စေခြင်းဖြင့် မူဝါဒရေးရာ အကြံပြုဆွေးနွေးမှုများ ပေါ် ထွန်းလာခဲ့လေသည်။
ကုန်သည်နှင့်စက်မှုလက်မှုလုပ်ငန်းရှင်များအသင်း၊ ငါးလုပ်ငန်းအဖွဲ့ချုပ်၊ ခရီးသွားလုပ်ငန်းရှင် များအသင်း အစရှိသည့် စီးပွားရေးအဖွဲ့အစည်းများ သည်လည်း အစိုးရ၏ စီးပွားရေးဆိုင်ရာ မူဝါဒများချမှတ် အကောင်အထည်ဖော်ရာတွင် အရေးကြီးသောအခန်းကဏ္ဍမှ ပါဝင်လာဖို့ များလာပြီဖြစ်လေသည်။ ယခုကဲ့သို့ ငွေလဲနှုန်းအကျပ်အတည်းများ ကြုံတွေ့လာရသည့်အခါ စီးပွားရေးအသင်းအဖွဲ့များက ယင်းတို့ကြုံတွေ့နေရ သောအခက်အခဲများကို တင်ပြခြင်းဖြင့် အစိုးရ၏ မူဝါဒရေးရာအဖွဲ့အစည်းများအပေါ် (ဗဟိုဘဏ်၊ ဘဏ္ဍရေး နှင့်အခွန်ဝန်ကြီးဌာန)တို့ မူဝါဒပြောင်းလဲရန် တွန်းအားပေး လာခဲ့လေသည်။ ဤသည်မှာလည်း အမျိုးသား စီးပွားရေးဖွံ့ဖြိုးတိုးတက်ရန်အတွက် အစိုးရမှ စီးပွားရေးအသင်းအဖွဲ့များနှင့် လိုလိုလားလားပူး ပေါင်းဆောင် ရွက်ရန်လိုပါသည်။ ထိုအတွက်ကြောင့် စီးပွားရေးအသင်းအဖွဲ့များ စွမ်းဆောင်ရည်နှင့် အစိုးရနှင့် ပူးတွဲ၍ ဆောင်ရွက်တက်မှုမှာ နိုင်ငံစီးပွားရေး ဖွံ့ဖြိုးရေးအတွက် များစွာ အရေးပါသည့်နေရာတွင်ရှိလာပါလိမ့်မည်။
ဆောင်းပါအစတွင် ဖော်ပြထားသကဲ့သို့ မြန်မာနိုင်ငံတွင် အကျပ်အတည်းကြီးနှစ်ခု ကြုံတွေ့ခဲ့ပြီး သည့်နောက် နိုင်ငံရေးစနစ်အပြောင်းအလဲကြီး ပေါ်ပေါက်လာပြီးသည့်အပြင် အရပ်ဖက်လူ့အဖွဲ့အစည်းများ၏ အခန်းကဏ္ဍမှာလည်း နိုင်ငံတည်ဆောက်ရေး၏ အရေးကြီးသည့် ကဏ္ဍတွင်ပါဝင် လာခဲ့လေသည်။ မီဒီယာ၊ စီးပွားရေးအသင်းအဖွဲ့များ၊ ပညာရှင်အဖွဲ့အစည်းများ၊ NGOs များသည့် အစိုးရနှင့် လက်တွဲ၍ နိုင်ငံဖွံ့ဖြိုးရေး၊ လူအဖွဲ့အစည်း ဖွံ့ဖြိုးတိုးတက်မှုကို ယခုထက်ပိုမိုလုပ်ဆောင်လာပါက မြန်မာ့လူ့အဖွဲ့အစည်းမှာ အလျှံပယ် ကြွယ်ဝပြည်စုံသည့် နိုင်ငံတစ်နိုင်ငံ ဖြစ်လာနိုင် ပါကြောင်း………..။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
