Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၈.၆.၂၀၁၁

ပြည်တွင်းသတင်းများ

သဘောင်္သား မှတ်ပုံတင်လက်မှတ် Valid SID ပါမှသာ ပြည်ပထွက်ခွာခွင့်ရ

မြန်မာနိုင်ငံရှိ သဘောင်္သားများ နိုင်ငံခြားသဘောင်္၌ သွားရောက်တာဝန်ထမ်းဆောင်ရာတွင် သဘောင်္သား မှတ်ပုံတင်လက်မှတ် (Valid SID) ရှိမှ သာ ပြည်ပသို့ သွားရောက်ခွင့် ပြုတော့မည်ဖြစ်ကြောင်း သိရသည်။

၂၀၁၁ ခုနှစ် ဇွန်လ ၁ ရက်နေ့မှစတင်၍ မြန်မာသဘောင်္သားများ နိုင်ငံခြားသဘောင်္များပေါ်၌ တာဝန်ထမ်းဆောင်ရန် သဘောင်္သား အလုပ်အကိုင် ကြီးကြပ်ရေးဌာနခွဲ SECD မှ ထုတ်ပေးသည့် နိုင်ငံခြားသဘောင်္၌ သွားရောက်တာဝန်ထမ်းဆောင်ခွင့် သက်တမ်းရှိသော သဘောင်္သား မှတ်ပုံတင်လက် မှတ် (Valid SID) ရှိမှသာ သွားခွင့်ပြုမည်ဖြစ်ကြောင်း ပြည်ထောင်စု မြန်မာနိုင်ငံတော်အစိုးရ၊ ပို့ဆောင်ရေးဝန်ကြီးဌာန၊ ရေကြောင်းပို့ဆောင်ရေး ညွှန်ကြား မှုဦးစီးဌာနမှ ထုတ်ပြန်ချက်များအရ သိရှိရသည်။

အချို့နိုင်ငံများရှိ လူဝင်မှုကြီးကြပ်ရေးဌာနများသည် (CDC)စာအုပ်များ၌ သက်တမ်းကုန်ဆုံးချိန် (Validity) များ ဖော်ပြထားခြင်း မရှိသည့်အတွက် ယခုကဲ့သို့ ပြုလုပ်ရခြင်းဖြစ်ကြောင်း သိရသည်။

မြန်မာသဘောင်္သားများသည် နိုင်ငံခြားသဘောင်္ပေါ်၌ သွားရောက်တာဝန်ထမ်းဆောင်ရာတွင် လူဝင်မှုကြီးကြပ်ရေးဆိုင်ရာ ကိစ္စရပ်များ ဆောင် ရွက်နိုင်ရန်  မြန်မာသဘောင်္သားဖြစ်ကြောင်း အထောက်အထားကို သတ်တမ်းရှိ သဘောင်္သား မှတ်ပုံတင်လက်မှတ်(SID)ဖြင့်သာ အစစ်ဆေးခံသွားရမည် ဖြစ်ကြောင်း သိရသည်။

ယခင်က မြန်မာသဘောင်္သားများ အခြားနိုင်ငံရှိ သဘောင်္များ၌ တာဝန်ထမ်းဆောင်ရာ၌ တာဝန်ပြီးဆုံး၍ မိခင်နိုင်ငံသို့ ပြန်လာခြင်း(သို့မပာုတ်) တာဝန်ထမ်းဆောင်စဉ်တွင် ရောက်ရှိမည့် အခြားနိုင်ငံတိုင်းပြည်များရှိ ဆိပ်ကမ်းများ ဝင်ထွက်ခြင်းစသည့် ကိစ္စရပ်များတွင် သက်ဆိုင်ရာနိုင်ငံရှိ လူဝင်မှု ကြီးကြပ်ရေးဌာနများက စစ်ဆေးမှုတွင် သဘောင်္သားများ၏ မြန်မာနိုင်ငံကူးလက်မှတ်(Myanmar Seaman Passport)နှင့် သဘောင်္သားလုပ်သက် မှတ် တမ်းစာအုပ် (CDC) များဖြင့် စစ်ဆေးဆောင်ရွက်ခြင်းဖြစ်ကြောင်း သိရသည်။

(Bi Weekly Eleven၊ အတွဲ-၁၁၊ အမှတ်-၄ ပါ “မြန်မာသဘောင်္သားများ နိုင်ငံခြားသို့ သွားရောက်တာဝန်ထမ်းဆောင်ရာတွင် သဘောင်္သား မှတ်ပုံတင်လက်မှတ် Valid SID ပါမှသာ ထွက်ခွာခွင့်ရတော့မည်” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

မွန်းလွဲသုံးနာရီနောက်ပိုင်းမှသာ ဈေးရောင်းချခွင့်ရ

ရန်ကုန်မြို့၏ ကားလမ်းဘေး၊ လူသွားစင်္ကြန်ဘေးများ၌ ဈေးရောင်းချလျက်ရှိသည့် လမ်းဘေးဈေးသည်များကို မွန်းလွဲသုံးနာရီနောက်ပိုင်းမှသာ ဈေးရောင်းချခွင့်ပြုတော့ကြောင်း သိရသည်။

လတ်တလော၌ ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူများသည် လမ်းဘေးဈေးသည်များအား စီမံချက်ချနှင့် ရှင်းလင်း လျက်ရှိပြီး မွန်းလွဲသုံးနာရီနောက်ပိုင်းမှသာ ဈေးရောင်းချခွင့်ပြုတော့ကြောင်း သိရသည်။

ယခင် နအဖ အစိုးရလက်ထက်၌ လမ်းဘေးဈေးသည်များအား နံနက် ၆ နာရီဝန်းကျင်ခန့်မှ မွန်းလွဲ ၃ နာရီထိ ခွင့်ပြုပေးခဲ့ကြောင်း သိရသည်။ ယခု အစိုးရသစ်လက်ထက်၌ ဈေးရောင်းချရန်မျဉ်းများ သတ်မှတ်ပေးထားပြီး  မွန်းလွဲသုံးနာရီမတိုင်မီ ဈေးရောင်းချခြင်း မပြုကြရန် မြို့တော်စည်ပင်ဝန်ထမ်း  များအား ဆောင်ရွက်နိုင်စေရန် တာဝန်များ ချထားပေးထားကြောင်း သိရသည်။

ယင်း တာဝန်ချထားပေးထားသည့် စည်ပင်ဝန်ထမ်းများသည် နံနက် ၆ နာရီမှ မွန်းလွဲ ၃ နာရီထိတိုင် ကြပ်ကြပ်မတ်မတ်ဖြင့် လမ်းဘေးဈေးသည် များ ဈေးရောင်းချခြင်း မပြုနိုင်ရန် စီစဉ်ဆောင်ရွက်ကြပြီး မွန်းလွဲ ၃ နာရီနောက်ပိုင်းမှသာ ကြပ်မတ်မှုမရှိဘဲ ဈေးပြန်လည်ရောင်းချခွင့်ပြုကြောင်း သိရသည်။

ထို့သို့ ဈေးရောင်းချခွင့်ပြုထားသော်လည်း လမ်းသွားလမ်းလာများ အနှောင့်အယှက်မဖြစ်စေရေး၊ ယာဉ်သွားလာမှုများ ပိတ်ဆို့မှုမရှိစေရေးနှင့် အနှောင့်အယှက်မဖြစ်စေရေး၊ စည်းကမ်းမဲ့အမှိုက်များ မစွန့်ပစ်ရေးကို ကြပ်မတ်စွာစစ်ဆေးပြီး စနစ်တကျဖြင့် ဈေးရောင်းချခွင့်ပြုထားကြောင်း သိရသည်။

(Bi Weekly Eleven၊ အတွဲ-၁၁၊ အမှတ်-၄ ပါ “လမ်းလေးဈေးသည်များ မွန်းလွဲ ၃ နာရီနောက်ပိုင်းမှ ဈေးရောင်းချခွင့်ရ” သတင်းအား အကျဉ်း ချုံး ဖော်ပြသည်)

-----------------------------------------------------------------------------------------------------------------------------------

ငါးသိန်းဖုန်း စာရွက်စာတမ်း မပါဘဲ တစ်ဆင့်ပြန်ရောင်းဝယ်

လက်ရှိ နိုင်ငံတွင်း အသုံးပြုလျက်ရှိသည့် ငါးသိန်းဖုန်းများရောင်းဝယ်မှု ပြုလုပ်ရာတွင် စာရွက်စာတမ်း ပါရှိခြင်းမရှိဘဲ တစ်ဆင့်ပြန်ရောင်းမှုများ ပြုလုပ်လျက်ရှိကြောင်း သိရသည်။

မိမိသည် တစ်ရပ်ကွက်တည်းအတူနေထိုင်သည့် အမျိုးသမီတစ်ဦးအား ငါးသိန်းတန်ဖုန်းဝယ်ပေးထားကြောင်း၊ ဖုန်းအား ၎င်းကသုံးပြီး စာရွက် စာတမ်းများကိုမူ မိမိကသိမ်းဆည်းထားပြီး တစ်လတစ်ခါ ၎င်းထံမှ အတိုးယူကြောင်း၊ ၎င်းမှာ အခြားသူများဆီမှ အကြွေးပါ မပေးနိုင်သည့်အတွက် ထွက်ပြေး သွားကြောင်း၊ မိမိအနေဖြင့် စာရွက်စာတမ်းများကို ကိုင်၍ ဖုန်းသွားပိတ်ရန် ပြင်ဆင်ကြောင်း၊ နောက်အချိန်မှပြန်ကြားရသည်မှာ ၎င်းအမျိုးသမီး၏ ဖုန်းအား ကြွေးရှင်မှ သိမ်းသွားပြီး တစ်သိန်းခွဲဖြင့် သူများဆီသို့ ပြန်လည်ရောင်းချထားကြောင်း တောင်ဒဂုံမြို့နယ်မှ အမျိုးသမီးတစ်ဦးက ပြောကြားခဲ့သည်။

ယခုကဲ့သို့ လုပ်ရပ်မျိုးကြောင့် ဖုန်းပိုင်ရှင်အမျိုးသမီးနှင့် ဖုန်းဝယ်သူအမျိုးသမီးတို့၌ မလိုလားအပ်သည့်ပြဿနာများ ဖြစ်ပွားခဲ့ရကြောင်း သိရ သည်။ ထို့ပြင် ဖုန်းစာရွက်စာတမ်းမပါပဲ ဝယ်ထားသူများမှာ မိမိတို့ငွေပြန်လည်ရမှသာ ယခုဖုန်းအား ပြန်ပေးမည်ပာု ပြန်လည်ပြောဆိုမှုများကို ကြုံခဲ့ရ ကြောင်းလည်း သိရသည်။

သူငယ်ချင်းတစ်ယောက်မှ ပိုက်ဆံမပြည့်မီ ဖုန်းလိုချင်သည့်အတွက် မိမိမှဝယ်ပေးလိုက်ကြောင်း၊ စာရွက်စာတမ်းအား ပိုက်ဆံပြည့်မှ ပေးမည်ပာု ဖုန်းပိုင်ရှင်က ပြောကြောင်း၊ ဝယ်ပေးပြီး လေးလခန့်ကြာသည့်အခါ ဖုန်းဝယ်ယူသူထံတွင် ဖုန်းမရှိတော့ဘဲ အခြားသူထံသို့ ဈေးပေါပေါဖြင့် ပြန်လည်ရောင်းချ ထားကြောင်း ဖုန်းပိုင်ရှင်တစ်ယောက်က ၎င်း၏ အတွေ့အကြုံအားပြောကြားခဲ့သည်။

ယခုကဲ့သို့ ဖြစ်ရပ်မျိုးရှိခဲ့သည့်အတွက် ဖုန်းဝယ်ယူမည့်သူများအနေဖြင့် မိမိဖုန်းဝယ်ယူသည့်အခါ စာရွက်စာတမ်းပြည့်စုံမှသာ ဝယ်ယူရန်နှင့် ဈေးပေါတိုင်း ဖုန်းမဝယ်သင့်ကြောင်း သိရသည်။

(မော်ဒန်၊ အမှတ်-၂၆၂ ပါ “ငါးသိန်းဖုန်းအချို့ စာရွက်စာတမ်းမပါပဲ တစ်ဆင့်ပြန်ရောင်း” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ရခိုင်ပါတီမှ တရားစွဲဆိုခြင်းခံထားရသည့် အမတ်နှစ်ဦး အနိုင်ရ

၂၀၁၀ ရွေးကောက်ပွဲအပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ တရားစွဲဆိုထားသည့် ရခိုင်တိုင်းရင်းသားများ တိုးတတ်ရေးပါတီ ကျောက်ဖြူမြို့နယ်မှ အမတ် ၂ ဦး အမှုအား ပြည်ထောင်စု ရွေးကောက်ပွဲကော်မရှင်က ၂၀၁၁ ခုနှစ် ဇွန်လ ၁၅ ရက်နေ့က ဆုံးဖြတ်ချက်ချခဲ့ရာ တရားစွဲဆို ခြင်း ခံထားရသည့် ရခိုင်တိုင်းရင်းသားများ တိုးတတ်ရေးပါတီမှ အမတ်နှစ်ဦးစလုံးအား အနိုင်ပေးလိုက်ကြောင်း သိရသည်။

ယနေ့ ဇွန်လ ၁၅ ရက်နေ့၌ နေပြည်တော် ပြည်ထောင်စုရွေးကောက်ပွဲကော်မရှင်မှ စီရင်ချက်ချထားပေးကြောင်း၊ အမှုနှစ်ခုစလုံး၌ မိမိတို့ပါတီမှ အမတ်များ အနိုင်ရရှိကြောင်း၊ အနိုင်ရရှိသည့် အမတ်များမှာ ကျောက်ဖြူမြို့နယ် အမျိုးသား လွှတ်တော်အမတ် ဦးအုံးတင်နှင့် ပြည်နယ်လွှတ်တော်အမတ် ဦးကျော်လွင်တို့ဖြစ်ကြောင်း ပြည်သူ့လွှတ်တော် ကိုယ်စားလှယ်တစ်ဦးက ပြောကြားခဲ့သည်။

၂၀၁၀ ရွေးကောက်ပွဲအပြီး၌ ပြည်ခိုင်ဖြိုးပါတီမှဝင်ရောက်ယှဉ်ပြိုင်ခဲ့သည် ဦးအောင်တင်သိန်းသည် ရခိုင်တိုင်းရင်းသားများ တိုးတတ်ရေးပါတီမှ ကျောက်ဖြူမြို့နယ် အမျိုးသားလွှတ်တော်အမတ် ဦးအုံးတင်အား တရားစွဲဆိုခဲ့ပြီး ပြည်ခိုင်ဖြိုးပါတီမှ ဦးသန်းအေးကလည်း ရခိုင်တိုင်းရင်းသားများ တိုးတတ် ရေးပါတီမှ ပြည်နယ်လွှတ်တော်အမတ် ဦးကျော်လွင်အား တရားစွဲဆိုခဲ့ကြောင်း သိရသည်။

၎င်းအမှုအား ဇွန်လ ၁၅ ရက်နေ့၌ ပြည်ထောင်စု ရွေးကောက်ပွဲကော်မရှင်မှ ဆုံးဖြတ်ချက်ချထားခဲ့ရာ ရခိုင်တိုင်း ရင်းသားများ တိုးတတ်ရေးပါတီမှ အမတ်နှစ်ဦးစလုံးပင် အနိုင်ရရှိခဲ့ကြောင်း သိရသည်။

၎င်းတို့ တရားစွဲဆိုသည်မှာ ကျိုးကြောင်းခိုင်လုံမှုမရှိကြောင်း၊ မပာုတ်တန်းတရားများကို တိုင်ကြား၍ တရားစွဲဆိုထားသည့်အတွက် ၎င်းတို့အမှုအား ကော်မရှင်က ပယ်ချလိုက်ကြောင်း၊ ၎င်းတို့စွဲဆိုထားသည့် အမှုတစ်ခုချင်းစီအပေါ်၌ ပြည်ထောင်စုကော်မရှင်ခုံရုံးက သမာသမတ်ကျကျဖြင့် စစ်ဆေး ကြောင်း ၎င်းလွှတ်တော်ကိုယ်စားလှယ်က ဆက်လက်ပြောကြားခဲ့သည်။

ထို့ပြင် မပာုတ်တန်းတရားစွဲဆိုခဲ့သည့် ပြည်ခိုင်ဖြိုးပါတီမှ အမတ်နှစ်ဦးအား ထပ်မံ၍ ဆယ်သိန်းစီ ပေးဆောင်စေရန် ကော်မရှင်တရားရုံးက အမိန့် ချမှတ်ခဲ့ကြောင်း သိရသည်။ ပြည်ခိုင်ဖြိုးပါတီသည် တရားစွဲဆိုစဉ်အခါက ပေးဆောင်ခဲ့ရသည့် ၁၀ သိန်းနှင့် အမှုနိုင်ကြေး ၁၀ ပေါင်းလိုက်ပါ ယခုအမှုတွင် တစ်ဦးလျှင် သိန်းနှစ်ဆယ်ဆီ ကုန်ကျခဲ့ကြောင်း သိရသည်။

ကျန်ရှိနေသေးသည့် ရခိုင်တိုင်းရင်းသားများ တိုးတတ်ရေးပါတီမှ အမတ်(၇) ဦး၏ အမှုကိုလည်း ဆက်လက်စစ်ဆေးလျက်ပင် ရှိသေးပြီး မကြာမီ အချိန်တွင် စီရင်ချက်ချပေးသွားမည်ဖြစ်ကြောင်း သိရသည်။

Moe Z

 ×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"အိမ်က လူတွေကတော့ ဝင်ငွေတော့ လျော့နေတာကြာပြီ။ အခုဆို တစ်လကို တစ်သိန်းလောက် လျော့သွားတယ်။ ဒေါ်လာဈေးတက်တုန်းက ကုန်ဈေးနှုန်း တွေ လိုက်တက်ပြီး စားသုံးသူကို ထိခိုက်တယ်။ မြန်မာငွေ ဈေးတက်တော့ စားသုံးသူလည်း ဈေးမသက်မသာဘဲနဲ့ ပို့ကုန်သမားရော၊ ပြည်ပရောက် အလုပ် သမားတွေရော၊ လယ်သမားတွေရော အကုန်ထိတယ်"

7DAY News အတွဲ (၁၀)၊ အမှတ် (၁၃) တွင်ပါသည့် "ဒေါ်လာဂယက် ဘယ်အထိသက်ရောက်မလဲ" သတင်းဆောင်းပါးမှ ဂျပန်နိုင်ငံသို့ သွား ရောက် အလုပ်လုပ်ကိုင်နေသူတစ်ဦး၏ ပြောကြားချက်အပေါ် ကောက် နှုတ်ကချက်

-----------------------------------------------------------------------------------------------------------------------------------

"တကယ်တော့ နိုင်ငံရေးပါတီတစ်ရပ်ဟာ ပါတီဝင်အင်အား နည်းသည်ဖြစ်စေ၊ များသည်ဖြစ်စေ ပါလီမန်အတွင်းမှာ  အမတ်နေရာ နည်းသည်ဖြစ်စေ၊ များ သည်ဖြစ်စေ မိမိတို့ချမှတ်ထားတဲ့ မူဝါဒတွေကို ခိုင်ခိုင်မာမာ ကိုင်စွဲပြီး ရပ်တည်ရမှာ သာဖြစ်တယ်။

သို့မှသာ ထိုပါတီဟာ လတ်တလောအချိန်မှာ အင်အားနည်းပေမယ့် ရေရှည်မှာ အောင်မြင်မှုရနိုင်တဲ့ အလားအလာ အခွင့်အလမ်းတွေကို ပိုင်ဆိုင်မှာ ဖြစ် တယ်။

နိုင်ငံရေး ပါတီတစ်ရပ်ဟာ ယင်းသို့မဟုတ်ဘဲနဲ့ နိုင်ငံရေး အချောင်သမားဝဒါကို ကျင့်သုံးမယ်ဆိုရင်တော့ ထိုပါတီအဖွဲ့အစည်းဟာ မလှုပ်မယှက်နိုင်တော့ဘဲ နိုင်ငံရေးသွက်ချာပါဒလိုက်ကာ နိုင်ငံရေးအနာဂတ် ပျောက်ဆုံးသွားမှာသာ ဖြစ်ပါတယ်"

ပြည်သူ့ခေတ်ဂျာနယ် အတွဲ (၁)၊ အမှတ် (၄၇) တွင်ပါသည့် ဆောင်းပါးရှင် ဝင်းထွဋ်ဇော်၏ "အချောင်သမားဝါဒ သို့မဟုတ် နိုင်ငံရေး သွက်ချာ ပါဒရောဂါ" ဆောင်းပါးမှ ကောက်နှုတ်ချက်

-----------------------------------------------------------------------------------------------------------------------------------

"ငွေသေတွေမဖြစ်အောင် ပြန်ထုတ်ပေးဖို့လိုတယ်။ ဘဏ်တိုးနှုန်းက လုပ်ငန်းရှင်ထုတ်ချေးလုပ်ကိုင်ရတဲ့ ပမာဏပဲ ဖြစ်သင့်တယ်။ နောက်အခုလို ပို့ကုန် လုပ်ငန်းတွေနဲ့ ဆက်စပ်တဲ့လုပ်ငန်းတွေ ခက်ခဲချိန်မှာ ထုတ်ချေးကူညီသင့်တာ ထုတ်ချေး၊ သီးသန့် အထူးချေးငွေအနေနဲ့ ထုတ်ချေး၊ တောင်သူဆိုရင်လည်း စိုက်စရိတ်ကို လောက်ငတဲ့အထိ ထုတ်ချေးပေးတာမျိုးနဲ့ ဈေးကွက်ထဲငွေပြန်ရောက်အောင်လုပ်ပေးဖို့ လိုတယ်လို့ မြင်တယ်။ ဒါမှ ငွေကြေးစီးဆင်မှုပြန်ပြီး သွက်လာလိမ့်မယ်လို့ ယူဆပါတယ်"

BiWeeklyELEVEN အတွဲ (၄) အမှတ် (၁) တွင်ပါသည့် "တိုင်းပြည်၏လှည့်လည်ငွေအများစု ငွေသေများဖြစ်နေခြင်းကြောင့် ငွေကြေးလည် ပတ်စီးဆင်းမှု နှေးကွေး ကုန်သွယ်၊ ကုန်ထုတ်လုပ်ငန်းများ နှောင့်နှေးလာ၍ အိမ်ခြံမြေဈေးကွက်တွင် ငွေသေအဖြစ်မြုပ်နှံသူနှင့် ဘဏ်တိုးများ တွက်ခြေပိုကိုက်ပြီး ဘဏ်၌ငွေအပ်ကာ အတိုးထုတ်စားမည့်လုပ်ငန်းရှင်များ များလာ" သတင်းဆောင်းပါးမှ ပြည်တွင်းပြည်ပ ဖက်စပ်ကုမ္ပဏီ တစ်ခုမှ စီးပွားရေးအကြံပေးပညာရှင်တစ်ဦး၏ ပြောကြား ချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"လာဘ်ပေးလာဘ်ယူကိစ္စမှာ ယူသူရှိလို့ ပေးရှိသူသလို၊ ပေးသူတွေရှိလို့ ယူကြသူတွေလဲရှိတယ်။ ပေးခြင်းယူခြင်း နှစ်ဖက်စလုံးမှာ တာဝန်ရှိတယ်၊ သန့်ရှင်း သောအစိုးရနှင့် ဆက်နွှယ်နေတာက တနည်းဆိုရရင် တိုက်ရိုက်ပတ်သက်နေတာက သန့်ရှင်းသောစီးပွားရေး လုပ်ငန်းရှင်တွေဖြစ်ဖို့ပဲ။ Clean Goverment ချည်းပြောလို့ မရတော့ဘဲ Clean Businessman ကိုပဲ ပြောရတော့မယ်"

ရန်ကုန်တိုင်းမ် အတွဲ ၇၊ အမှတ် ၂၂ တွင်ပါသည့် ဆောင်းပါးရှင် ကိုကို(စက်မှုတက္ကသိုလ်) "သန့်ရှင်းသော စီးပွားရေးသမားများနှင့် သန့်ရှင်း သောအစိုးရ" ဆောင်းပါးမှ ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

စိတ်ဓာတ်ကောင်းမွေးမြူပါမှ

ကောင်းမွန်တဲ့ အုပ်ချုပ်မှုစနစ်( Good Governance) ဆိုတဲ့ သမ္မတကြီးရဲ့ ရည်မှန်းချက်နဲ့အညီ အစိုးရအဖွဲ့အစည်းတွေ ကောင်းမွန်ဖို့ ကြိုးပမ်း နေတဲ့အထဲမှာ ရန်ကုန်တိုင်းဒေသကြီးအစိုးရကတော့ အတက်ကြွဆုံးလို့ ဆိုရပါမယ်။ တခြားပြည်နယ်အစိုးရတွေထက် ပိုမိုမြန်ဆန်တဲ့ အပြောင်းအလဲတွေ လုပ်ပြနေတာ၊ မီဒီယာတွေကို လစဉ်လတိုင်း အစိုးရအဖွဲ့ရဲ့ဆောင်ရွက်ချက်တွေ ရှင်းပြတာတွေဟာ ဘယ်ပြည်နယ်၊ ဘယ်တိုင်းဒေသကြီး အစိုးရမှ လိုက် မလုပ်နိုင်သေးတဲ့ အပြောင်းအလဲတွေပါ။ ခြစားမှုဖြစ်တယ်ဆိုတဲ့ မြောက်ဒဂုံက ကျောင်းကိုလဲ ချက်ချင်းကို အရေးယူပြလိုက်တယ်မဟုတ်ပါလား။ ဒါပေမယ့် စဉ်းစားမရတာက မြို့လယ်ကောင်က ခြစားမှုအများဆုံး ကျောင်းတွေကတော့ ပိုက်ဆံပေးရတယ်သာကြားတယ်၊ အရေးယူခံရတယ်လို့ မကြားမိသေးဘူး။

အခုလည်း လုပ်လိုက်ပြန်ပါပြီ။ ရန်ကုန်မြို့တော် သာယာလှပရေးအတွက် အမှိုက်တွေ စနစ်တကျ စွန့်ပစ်ဖို့ အစီအစဉ်ပါ။ အမှိုက်တွေကို စနစ် တကျ သိမ်းယူဖို့ လိုအပ်တဲ့ အမှိုက်သိမ်းကားတွေနဲ့ ဝန်ထမ်းတွေကို စနစ်တကျ တာဝန်ချထားပေးမှာ ဖြစ်သလို အမှိုက်မပစ်ရလို့ဆိုတဲ့ နေရာတွေမှာ အမှိုက် ပစ်တာတွေ့လို့ စည်ပင်ကို အကြောင်းကြားရင် ဆုငွေအနေနဲ့ အမှိုက်ပစ်လို့ တပ်တဲ့ဒဏ်ငွေထဲက တစ်ဝက်ကို ဆုအဖြစ်ပေးမယ်ဆိုပဲ။ ကျွန်တော်တောင် စည်းကမ်းမဲ့အမှိုက်ပစ်တဲ့သူတွေ လိုက်ဓာတ်ပုံရိုက်၊ စည်ပင်ကို သွားလက်ထောက် ချမယ်ဆိုရင် အခုလုပ်နေတဲ့ သတင်းထောက်ဝင်ငွေထက် အများကြီး ရလိမ့်မယ်ထင်တယ်။ ဒီကိစ္စမှာ အမှိုက်ပစ်တဲ့သူနည်းသွားအောင်လို့ ရည်ရွယ်ပေမယ့် လူတွေရဲ့ စိတ်ဓာတ်ပိုင်းဆိုင်ရာကို ပျက်စီးသွားစေနိုင်လားလို့ စဉ်းစားမိတယ်။

ကျွန်တော်တို့ မြန်မာလူမျိုးကလဲ ပိုက်ဆံသာရမယ်ဆို ဘနဖူး သိုက်တူးမယ့် လူစားရယ်လို့ စကားပုံနဲ့တောင် ရှိတာလား၊ နေရာသာရမယ်ဆို အဖေ သတ်ပြီး ဘုရင်လုပ်ခဲ့တာတွေလဲ ရာဇဝင်မှာတစ်ပုံကြီး။ ဒီနေ့ခေတ်လဲ ဘာထူးသေးလဲ။ ရပ်ကွက်ထဲမှာ ဘယ်သူကမှ အဖက်လုပ်ဖို့ မတန်တဲ့သူကို လက် မောင်းမှာ တာဝန်ဆိုတဲ့ အနီပတ်လေး ပတ်ပေးလိုက်ရင် မြောက်ကြွမြောက်ကြွနဲ့ ကုလသမဂ္ဂ အတွင်းရေးမှူးချုပ်လောက် ပါဝါပြပြီး ဟိန်းလားဟောက် လားလုပ်၊ နောက်ဆုံး စွမ်းအားရှင်ဆိုတဲ့ ယူနီဖောင်းလေးများ ဝတ်ပေးလိုက်လို့ကတော့လား သံဃာတောင် ရိုက်ရဲတဲ့အဆင့်ထိ ရောက်သွားရော မဟုတ်ပါ လားဗျာ။ ကွမ်းယာရောင်းတဲ့သူကို စကားပြောစက်လေး တစ်လုံးပေးထားပြီး သတင်းပေးခန့်ထားလို့ကတော့ ရပ်ကွက်ခမျာ တုပ်တုပ်တောင် မလှုပ်ရဲ။ သူ့ပဲ ကြောက်နေရတာ။ ဒါတွေဟာ မက်လုံးပေးပြီး ပြည်သူအချင်းချင်းကို သွေးခွဲအုပ်ချုပ်ခဲ့တဲ့ စစ်အစိုးရလက်ထက်က အိုင်ဒီယာတွေပါ။ အခုလဲ ဒီအမှိုက်ကိစ္စက ဒီပုံစံနဲ့ ဘာထူးသေးလဲ။ မြန်မာလူမျိုးတွေကို သူများကို ချောက်တွန်းမှ ထမင်းစားရမယ်ဆိုတဲ့ အတွေးအခေါ်တွေရိုက်သွင်းနေတာနဲ့များ တူနေလားလို့။

စင်္ကာပူနိုင်ငံမှာ အမှိုက်သွားပစ်ကြည့်လိုက်ပါ။ နိုင်ငံခြားသားမို့လို့ ရဲကမဖမ်းရင် ဘေးကစင်္ကာပူနိုင်ငံသား ကလေးလူကြီးမကျန် ပစ်သွားတဲ့ အမှိုက် ကိုယူပြီး အမှိုက်ပုံးထဲ စနစ်တကျစွန့်ပစ်ပေးတာ တွေ့ရလိမ့်မယ်။ အဓိကတော့ ပလတ်စတစ် တစ်စေ&