Transparency Myanmar

transparency.myanmar@gmail.com

yangonchronicle 2011
yangonchronicle 2011

၆.၆.၂၀၁၁

ဘာသာပြန်သတင်းများ

မြန်မာရေနက်ဆိပ်ကမ်းစီမံကိန်းအတွက် စိုးရိမ်ကြောက်ရွံ့ဖွယ်များ

(5 June 2011 ရက်စွဲပါ AFF မှ Alex Delamare ရေးသားသော Fears over Myanmar Deep-sea port plan ကို ဘာသာပြန်ဆိုသည်)

                မြန်မာနိုင်ငံ အစွန်အဖျားရှိ ငါးဖမ်းလုပ်ငန်းဖြင့် အသက်မွေးသော ငြိမ်သက်နေသည့် ထားဝယ်မြို့လေးမှ သန့်စင်သော ပင်လယ်ကမ်းခြေ များ သည် ဥပဒေများဖြင့် အပြောင်းအလဲဖြစ်မည့် လက္ခဏာများတွေ့နေရသည်။                 

လက်ရှိအချိန်တွင် ထိုဒေသကို ကြီးမားသော ဆိပ်ကမ်းမြို့အဖြစ် ပြောင်းလဲရန် ရွေးချယ်ထားသည်။ ယင်းမှာ စစ်တပ် လွှမ်းမိုးသော နိုင်ငံတွင် အနောက်နိုင်ငံများမှ Sanction များရှိသော်လည်း အာရှမှ မဟာမိတ်များဖြစ်သော တရုတ်နှင့် ထိုင်းနိုင်ငံတို့က ရင်းနှီးမြှုပ်နှံမှုများ ပြုလုပ်၍ ပြောင်းလဲပေး နေသည်ဆိုသည့် အချက်ကိုပြဆိုခြင်းတစ်ခုလည်း ဖြစ်သည်။

                အချို့က ထိုင်းစက်မှုကုမ္ပဏီကြီး ဦးဆောင်၍ ပြုလုပ်သော ဒေါ်လာ (၈) ဘီလီယံတန်ဖိုးရှိ ဆယ်နှစ် ကြာမည့် ထားဝယ်ဖွံ့ဖြိုးရေး စီမံကိန်းသည် မြန်မာနိုင်ငံ၏ ဆင်းရဲသော စီးပွားရေးကို ပြန်လည်သန်စွမ်းလာပြီး၊ ဒေသတွင်း ကုန်သွယ်မှုအတွက်ပါ တော်လှန်လိုက်သလိုဖြစ်မည်ဟု ယုံကြည်နေကြ သည်။

                ရင်းနှီးမြှုပ်နှံငွေများစွာ လိုအပ်သော အဆိုပါရေနက်ဆိပ်ကမ်းနှင့် စက်မှုဇုန်ကြီးအပေါ် မျှော်လင့်ချက်များသည် ညစ်ပတ်သော စက်မှုလုပ်ငန်း များ၊ ရောက်လာမည့်အရေးနှင့် ထောင်ပေါင်းများစွာကို နေရာရွှေ့ပေးရမည့် အရေးကို စိုးရိမ်၍လျော့ပါးလျက်ရှိသည်။ “မြန်မာနိုင်ငံဟာ ပတ်ဝန်းကျင် ထိန်းသိမ်းရေးဆိုင်ရာကိစ္စတွေကို လစ်လျူရှုနေတုန်းပဲ” ဟု ထိုင်းစက်မှု လုပ်ငန်းဖက်ဒရေးရှင်မှ Tanit Sarat က AFP နှင့် အင်တာဗျူ ပြုလုပ်ရာတွင် ထားဝယ်နှင့်ပတ်သက်၍ စည်းမျဉ်းများ မရှိပုံကို ညွှန်ပြပြောဆိုခဲ့သည်။

                “ထားဝယ်နှင့်ပတ်သက်ပြီး ကမ္ဘာကအဖြေတစ်ခုရှာရလိမ့်မယ်။ တခြားနိုင်ငံတွေမှာပိတ်ထားတဲ့ အကြီးစားစက်မှုလုပ်ငန်းတွေပါလို့ ပတ်ဝန်းကျင် ဆိုင်ရာကို ထိခိုက်နိုင်ပါတယ်” ဟု ၎င်းကပြောပြီး စီမံကိန်း တစ်ခုလုံး၏ တန်ဖိုးသည် ဒေါ်(၆၀)ဘီလီယံကျော်ရှိကြောင်းလည်း ဖြည့်စွက်ပြောသည်။

                ဒေသခံအကူအညီပေးရေးလှုပ်ရှားသူတစ်ဦးက ခန့်မှန်းရာတွင် လူပေါင်း ၂၃၀၀၀ ခန့်ရွှေ့ပြောင်း ပေးရမည်ဟု ဆိုသည်။ ယခုပထမအဆင့် ဆောက်လုပ်ရေးစီမံကိန်းများစတင်စဉ်မှာပင် မဖွံ့ဖြိုးသေးသော ထားဝယ်မြို့၌ အတော်လှုပ်ခတ်လျက်ရှိကြောင်း ပြောသည်။

                “သဲအဖြူရောင်တွေနဲ့ ကမ်းခြေတွေဟာ သိပ်လှပါတယ်။ ဒါပေမဲ့ တစ်နှစ် နှစ်နှစ်အတွင်းမှာ ဒါတွေ ပျောက်ကွယ်သွားတော့မှာပါ”ဟု အမည် မဖော်လိုသူ တက်ကြွလှုပ်ရှားသူတစ်ဦးက AFP သို့ ပြောသည်။

                အဆိုပါစီမံကိန်းတွင် စည်းမျဉ်းဥပဒေများမရှိခြင်း မြန်မာနိုင်ငံ၏ လက်သင့်ရာ စားတော်ခေါ်သည့် စနစ်(Cronyism) အမြစ်တွယ်နေမှုကြောင့် အကျင့်ပျက်ခြစားမှုများပြားသော ဖွံ့ဖြိုးရေးစီမံကိန်းကြီးဖြစ်လာဖွယ် ရှိကြောင်း၊ လောလောဆယ် ဈေးများတက်လာနေမှုသည် ဒေသခံများကို ဖိအား ဝင် စေကြောင်း ၎င်းက ပြောသည်။ “အစိုးရက ပြည်သူတွေအပေါ် ထည့်မစဉ်းစားပါဘူး။ သူတို့လုပ်ချင်ရာ လုပ်တာပါပဲ” ဟုလည်း ၎င်းက ဆိုသည်။

                Human Rights Watch မှ David Mathieson က ပြောကြားရာတွင် ဒေသခံအသိုင်းအဝိုင်း အတွက် သက်ရောက်မည့် အလားအလာ များနှင့် ပတ်သက်၍ အသေးစိတ်အနည်းငယ်သာတွေ့နိုင်ကြောင်း သို့သော် ပြီးခဲ့သည့် ဖွံ့ဖြိုးရေး စီမံကိန်းကြီးများ၏ အတွေ့အကြုံများအရ ဒေသခံပြည်သူများ အတွက် အလားအလာမကောင်းနိုင်ဟု ဆိုသည်။

                “ဒီစီမံကိန်းတွေနဲ့အတူ လူ့အခွင့်ရေးချိုးဖောက်မှုတွေ အမြဲတွဲလျက်ပါလာပါတယ်။ ရွှေ့ပြောင်းစေမှုတွေ၊ မြေယာသိမ်းယူမှုတွေ၊ အဓမ္မလုပ်အား ပေး စေခိုင်းမှုတွေနဲ့ စစ်တပ်လုံခြုံရေးအင်အားတွေ တိုးလာတာတွေ ရှိလာ နိုင်ပါတယ်”ဟု ၎င်းက ပြောသည်။ ထိုသို့သော ချိုးဖောက်မှုများကို မြန်မာ နိုင်ငံတွင် လက်ရှိ တည်ဆောက်နေသော စွမ်းအင်စီမံကိန်း ကြီးတွင် တွေ့နေရသည်။ ရခိုင်ပြည်နယ်မှ သဘာဝ ဓာတ်ငွေ့နှင့် အရှေ့အလယ်ပိုင်းနှင့် အာဖရိကမှ ရေနံ များ တရုတ်ပြည်သို့ သယ်ယူမည့် ပိုက်လိုင်းစီမံကိန်းတွင် ဖြစ်သည်။

                အန်ဒမန်ကမ်းရိုးတန်းတွင်ရှိပြီး၊ အိန္ဒိယသမုဒ္ဒရာကို မျက်နှာမူထားသော ထားဝယ်သည် ကာလရှည်ကြာကပင် ရှိနေသော မဟာဗျူဟာ ဆုလဒ် တစ်ခုဖြစ်သည်။ ထားဝယ်သည် ၁၉ ရာစုက ဗြိတိသျှတို ကိုလိုနီအဖြစ် ပထမဆုံးအောင်နိုင်သော ဒေသများတွင် တစ်ခုအခါဝင်ဖြစ်ခဲ့သည်။

                အီတာလျံ-ထိုင်းအုပ်စုမှ ထားဝယ်ပရောဂျက်ကို စီမံခန့်ခွဲနေသော Somchet Thinaphong က ပြောကြားရာတွင် ဆိပ်ကမ်းစီမံကိန်းသည် အလုပ်အကိုင်နေရာ တစ်သိန်းခန့်ဖန်တီးနိုင်မည်ဟုဆိုသည်။

                “ဒီစီမံကိန်းဟာ အလုပ်အကိုင်နဲ့ ပညာရေးကို အများကြီးမြှင့်တင်ပေးမှာဖြစ်ပါတယ်။ လွန်ခဲ့တဲ့ အနှစ် သုံးဆယ်က ထိုင်းနိုင်ငံကိုကြည့်ပါ”ဟု ၎င်းကပြောသည်။ မြန်မာအစိုးရကလည်း ထိုစီမံကိန်းကို ပြင်ပကမ္ဘာနှင့် ဆက်သွယ်ရေးလမ်းကြောင်းအဖြစ်ရှုမြင်သည်ဟု ၎င်းက ဖြည့်စွက်ပြောကြားခဲ့ သည်။

                စီးပွားရေးအရ မှားယွင်းသော စီမံခန့်ခွဲမှုများနှင့် အခွင့်ထူးခံများကိုဦးစားပေးသော နှစ်ပေါင်းငါးဆယ်ခန့် စစ်တပ် အုပ်ချုပ်မှုကြောင့် သယံဇာတ ပေါသော မြန်မာနိုင်ငံသည် ကမ္ဘာပေါ်တွင် ဆင်းရဲပြီး အထီးကျန် နိုင်ငံတစ်ခု ဖြစ်ခဲ့ရသည်။

                ပြီးခဲ့သော နိုဝင်ဘာလက အငြင်းပွားဖွယ်ရွေးကောက်ပွဲဖြင့် အမည်ခံအရပ်သားအစိုးသို့ အာဏာလွှဲ ပေးခြင်းနှင့် ပြောင်းလဲမှုအချို့ကြောင့် မျှော်လင့်ချက်အချို့ကို ဖြစ်ပေါ်စေခဲ့သည်။ သို့သော် ဆစ်ဒနီရှိ Macquarie တက္ကသိုလ်မှ မြန်မာ့စီးပွားရေးပညာရှင် Sean Turnell က ဆိပ်ကမ်းစီမံကိန်း အတွက် ရင်းနှီးမြှုပ်နှံမှုများသည် ဒေသခံပြည်သူများအပေါ် မည်မျှ အကျိုးရှိမည်နည်း ဆိုသည်အပေါ်သံသယရှိကြောင်းဆိုသည်။

                “အလုပ်အကိုင်နေရာ ရာနဲ့ထောင်နဲ့ချီပြီး ပေါ်လာမယ်လို့ တွေးတာဟာ အတော်တိမ်တဲ့ အတွေးအခေါ်ပါပဲ”ဟု ၎င်းက ပြောသည်။ အမှန် တကယ်ပင် ထားဝယ်စီမံကိန်းမှ အဓိက အကျိုးအမြတ်ရရှိမည့်သူမှာ ထိုင်းနိုင်ငံ ဖြစ်လိမ့်မည် ဖြစ်သည်။ ထိုင်းကုန်ပစ္စည်းတင်ပို့သူများသည် ထိုင်း ပင်လယ်ကွေ့မှ စင်္ကာပူအနီးဖြတ်၍ မလက္ကာရေလက် ကြားမှ တစ်ဆင့် အနောက်နိုင်ငံများသို့ သင်္ဘောတင်ပို့နေကြရရာ၊ ထားဝယ်သို့ကားလမ်းနှင့် ရထားလမ်းပွင့် သွားပါက ငွေကုန်ကြေးကျများသော အဆိုပါခရီးရှည်ကို ရှောင်ရှားနိုင်မည်ဖြစ်သည်။

                အီတာလျံ-ထိုင်းမှ AFP သို့ ရှင်းလင်းပြချက်အရ ထားဝယ်သည် အရှေ့အလယ်ပိုင်းမှ အရှေ့တောင် အာရှသို့ ဝင်ရောက်သော ရေနံစိမ်းများ အတွက် အတိုဆုံးလမ်းဖြစ်ကြောင်း၊ နောင်တွင် တရုတ်တောင်ပိုင်း ကူမင်းသို့တိုင် ရထားလမ်းစီမံကိန်း ထည့်သွင်းထားကြောင်းသိရှိရသည်။

                ၂၅၀ စတုရန်းကီလို(စတုရန်းမိုင် ၁၀၀) ကျယ်သော စက်မှုဇုန်တွင် သံမဏိစက်ရုံ၊ ဓာတ်မြေသြဇာ စက်ရုံ၊ ကျောက်မီးသွေး ဓာတ်အားပေး စက်ရုံနှင့် ရေနံချက်စက်ရုံများပါဝင်ရာ စွမ်းအင်ဆာလောင်နေသည့် မြန်မာ့အိမ်နီးချင်း အတွက် အလားအလာကောင်းသော စီမံကိန်းဖြစ်ပေသည်။

                Turnell က ပြောကြားရာတွင် စည်းမျဉ်းဥပဒေများမရှိသည့်အတွက် ရင်းနှီးမြှုပ်နှံသူများက မြန်မာနိုင်ငံတွင် ရင်းနှီးရမည်ကို ကြောက်နေနိုင် သည်။ ပတ်ဝန်းကျင်ထိန်းသိမ်းမှုကိစ္စနှင့် ပြဿနာတက် မည်ကို စိုးရိမ်ကြပေလိမ့်မည်။ ပတ်ဝန်းကျင်ဆိုင်ရာ အကဲဖြတ်မှုများကို လုပ်ဆောင်လျက် ရှိ ကြောင်း၊ ပြီးစီးရန် နောက်တစ်နှစ်ခန့် လိုဦးမည် ဖြစ်ကြောင်း အီတာလျံထိုင်းမှ Somchet က ပြောသည်။

                အာရှဖွံ့ဖြိုးရေးဘက်မှ Craig Steffensen က ပြီးခဲ့သည့်လက AFP သို့ပြောကြားခဲ့ရာတွင် ဒေသခံ များ အတွက် စိုးရိမ်ပူပန်ရမှုများ ရှိသော် လည်း ထားဝယ်သည် ဒေသတွင်းအတွက် ကြီးမားသော အလားအ လာကောင်းများ ပိုင်ဆိုင်လျက်ရှိသည်ဟု ဆိုသည်။

                “ထိခိုက်မယ့်ဒေသခံတွေနဲ့ ပတ်ဝန်းကျင်ဆိုင်ရာတွေရှိတဲ့အတွက် အလွန့်အလွန်ဂရုစိုက်ဖို့လိုပါတယ်။ မြန်မာအာဏာပိုင်တွေဟာ ADB ပြောတဲ့ အချက်တွေ ကို ဘယ်လောက်ထိ တာဝန်ယူလုပ်ကိုင်ပေး မလဲဆိုတာ မရှင်းလင်းပါဘူး”ဟု ၎င်းက ပြောသည်။

                ထိုင်းနိုင်ငံနှင့် ဆက်သွယ်သော လမ်းမှ ပြီးစီးလုပြီဖြစ်ပြီး ပထမအဆင့် ဆိပ်ခံသုံးခုရှိသည့်အနက် တစ်ခုကို လာမည့်ငါးနှစ်အတွင်း အသုံးပြု နိုင်မည် ဖြစ်သည်။

                ဒေသခံလှုပ်ရှားသူတစ်ဦးကမူ ဒေသခံပြည်သူများကို ပတ်ဝန်းကျင်ဆိုင်ရာ အခွင့်အလမ်းများမြှင့် တင်ပေးနိုင်ရေး သင်တန်းပေးနေပြီး၊ ဤ လုပ်ငန်းစဉ် တွင် ၎င်းတို့ပါဝင်နိုင်ရေးအတွက် အဖြေရှာလျက်ရှိသည်။ ဖြစ်တော့ဖြစ်လာမည်ဟုလည်း ၎င်းကဆိုသည်။

*******************************************************************************

မြန်မာနှင့် ကုန်သွယ်ရေး ပိုမိုကောင်းမွန်ရန် ဘင်္ဂလားဒေ့ရှ် မျှော်မှန်း

(The Daily Star မှ 5 June 2011 ရက်စွဲပါ “Bangladesh looks to better trade with Myanmar” ကို ဘာသာ ပြန်ဆိုသည်)

ဘင်္ဂလားဒေ့ရ်ှနိုင်ငံက ယင်း၏ အိမ်နီးချင်းနိုင်ငံနှင့် နှစ်နိုင်ငံနယ်ခြား ကုန်သွယ်ရေးကို မြှင့်တင်ရန် ကြိုးပမ်းသည့် အနေဖြင့် ကုန်သင်္ဘော ငယ်များ ဝင်ခွင့်ပြုရန် တောင်းဆိုမည်ဟု ကုန်သွယ်ရေးဝန်ကြီးဌာန အရာရှိကြီးတစ်ဦးက ပြောကြားသည်။ အာရှဒေသဆိုင်ရာ ငွေပေးချေမှုစနစ်မှ တစ်ဆင့် နယ်စပ်ကုန်သွယ်ရေးလုပ်ငန်းများ မည်သို့မည်ပုံ ပြီးပြည့်စုံ နိုင်မည် ဆိုသည်ကိုလည်း နှစ်နိုင်ငံ တာဝန်ရှိသူများ ဆွေးနွေးကြမည်ဟု အဆိုပါ တာဝန် ရှိသူက ဆိုသည်။

လက်ရှိအချိန်တွင် ကျင့်သုံးနေသော နယ်စပ်ကုန်သွယ်ရေး အစီအစဉ်အရ သွင်းကုန်လုပ်ငန်းရှင်သည် သွင်းကုန် တန်ဖိုးဒေါ်လာ တစ်သောင်းမှ သုံးသောင်း တန်ဖိုးရှိ ဘဏ်ငွေလွှဲလက်မှတ်ကို ပြုလုပ်ရမည်ဖြစ်သည်။ လတ်တလောတွင် ဘင်္ဂလားဒေ့ရှ် သွင်းကုန်လုပ်ငန်းရှင်များက သင်္ဘော အစီး လိုက် ကုန်တင်ပို့မှုများအတွက် ငွေပေးချေခြင်းကို တတိယနိုင်ငံတစ်ခုရှိ နိုင်ငံခြားဘဏ်များ၏ ငွေလွှဲလက်မှတ်များဖြင့် ဆောင်ရွက် အသားကျလျက် ရှိသည်။

သမားရိုးကျ မဟုတ်သော ဘင်္ဂလားဒေ့ရ်ှမှ သင်္ဘောများ မြန်မာနိုင်ငံသို့ မဝင်ရသော ဥပဒေများအရ များစွာသော စီးပွားရေးလုပ်ငန်းရှင်များကို မြန်မာ နိုင်ငံနှင့် ကုန်သွယ်ခြင်း မပြုနိုင်အောင် တားဆီးထားသကဲ့သို့ ဖြစ်နေသည်။

အမည်မဖော်လိုသော ဘင်္ဂလားဒေ့ရှ် တာဝန်ရှိသူတစ်ဦးက “အစည်းအဝေးမှာ ဆွေးနွေးမယ့်ကိစ္စရပ်တွေကို ဖော်ပြထားတဲ့ တရားဝင်ပေးစာကို မြန်မာ တာဝန်ရှိသူတွေဆီ ပို့ထားပြီးပါပြီ” ဟု ပြောကြားသည်။ ဘင်္ဂလားဒေ့ရှ်-မြန်မာ စီးပွားရေးမြှင့်တင် အားပေးရေး ကောင်စီ ဥက္ကဋ္ဌ Syed Mahmudul Huq က “နှစ်နိုင်ငံစလုံးမှာ ကြီးမားတဲ့ နယ်စပ်ကုန်သွယ်ရေး အလားအလာကောင်းတွေ ရှိနေပါတယ်၊ ဒါပေမဲ့ လုပ်ငန်း ဆောင်ရွက်မှုစနစ်က ရှုပ်ထွေး နေပါတယ်” ဟု မှတ်ချက်ပေးသည်။

နှစ်နိုင်ငံ ကုန်သွယ်ရေး ဟန်ချက်တွင် မြန်မာနိုင်ငံက နှစ်ပေါင်းများစွာ အသာစီးရနေသည်ကို တရားဝင် စာရင်းဇယားများက ပြသနေသည်။ ၂၀၀၈- ၂၀၀၉ ဘဏ္ဍာရေးနှစ်တွင် ဘင်္ဂလားဒေ့ရ်ှက မြန်မာနိုင်ငံသို့ ဒေါ်လာ ၉.၁၇ သန်း တန်ဖိုး တင်ပို့ခဲ့ပြီး မြန်မာနိုင်ငံမှ ကုန်ပစ္စည်းများကို ဒေါ်လာ ၆၆.၆၅ သန်းတန်ဖိုး တင်သွင်းယူခဲ့သည်။

*********************************************************************************

မြန်မာနိုင်ငံရဲ့ မဆုံးနိုင်သော ပြဿနာ(သို့)ဘယ်သူက အရင်စမလဲ

(Mail and Guardian မှ 5 Jun 2011 ရက်စွဲပါ Burma’s eternal problem: who makes the first move? သတင်းဆောင်းပါးကို ဘာသာပြန်ဆိုသည်)

                မြန်မာအစိုးရသစ်က အကျဉ်းသားများလွတ်ငြိမ်းချမ်းသာခွင့်ကို ယခင်လက ကြေညာခဲ့ရာမှ အထိန်းသိမ်းခံ နိုင်ငံရေးအကျဉ်းသား ၂၀၀၀ ကျော် အနက်မှ လွတ်မြောက်လာသူအနည်းငယ်ထဲတွင် ဦးသန်းကျော်လည်း ပါဝင်သည်။

                အကျဉ်းထောင်သံတိုင်များနောက်တွင် ကြုံတွေ့ခံစားခဲ့ရသော အချက်ပေါင်းရာချီအရိုက်ခံရခြင်းကို သတိရစရာအဖြစ် တင်ပါးမှ အမာရွတ်ကြီး ကို ပြသသော အသက် ၅၆ နှစ်အရွယ် ဦးသန်းကျော်က “ထောင်ထဲမှာ ခါးသီးတဲ့ အတွေ့အကြုံတွေရခဲ့ပါတယ်” ဟု ပြောကြားခဲ့သည်။

                တိုင်းပြည်အပေါ်သစ္စာဖောက်မှုစွဲချက်ဖြင့် ကျခံရသော ထောင်ဒဏ် ၂၅ နှစ်ပြည့်ရန် ၃ ရက်မျှအလိုတွင် လွတ်ငြိမ်းချမ်းသာခွင့်ဖြင့် လွတ်မြောက် လာသော အနောက်ပိုင်း ရခိုင်ပြည်နယ်မှ အစိုးရဆန့်ကျင့်ရေး ကွန်မြူနစ်ပါတီဝင်ဟောင်း ဦးသန်းကျော်ကို ကံကောင်းသည်ဟုပြောရန်မဖြစ်နိုင်ပါ။

                နိုင်ငံရေးအကျဉ်းသားများကို လွှတ်ပေးရန် နိုင်ငံတကာ အသိုင်းအဝိုင်းက အဆက်မပြက်တောင်း ဆိုလျက်ရှိသော်လည်း ပြစ်ဒဏ်အားလုံးကို တစ်နှစ်သာ လျော့ပေးခဲ့ခြင်းကြောင့် သာမန်ရာဇဝတ်အကျဉ်းသားများ သောင်းဂဏန်းမျှ လွတ်မြောက်သွားကြသော်လည်း အကျဉ်းထောင်တွင်း ဆင်းရဲ ဒုက္ခရောက်နေသော နိုင်ငံရေးအကျဉ်းသား အားလုံးနီးပါး ကျန်နေခဲ့သည်။

                မြန်မာနိုင်ငံတွင် အနှစ် ၂၀ အတွင်း ပထမဆုံးရွေးကောက်ပွဲ ကျင်းပပြီးချိန်တွင် ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွှတ်ပေး ခြင်း၊ တပ်မတော်အစိုးရက နာမည်ခံအရပ်ဖက်အစိုးရထံ မတ်လတွင်း အာဏာလွှဲပေးခြင်းတို့ကြောင့် ရာစုနှစ်ဝက်မျှ စစ်ဖက်က အုပ်ချုပ်ခဲ့သော မြန်မာ တွင် တဖြည်းဖြည်းပြောင်းလဲလာတော့မည်ဟု သတိကြီးကြီးဖြင့် မျှော်လင့်မှုများကို ဖြစ်ပေါ်စေခဲ့သည်။

                နယူးယောက်အခြေစိုက် Human Rights Watch မှ မြန်မာ့အရေးကျွမ်းကျင်သူ David Mathieson ၏ စကားအရဆိုလျှင် “ဒီလွတ်ငြိမ်း ချမ်းသာခွင့် ဆိုတာဟာ အပြောင်းအလဲတွေ ဘယ်လောက်တောင် ချူချာ တယ်ဆိုတာကို ပြသနေတဲ့ကိစ္စတစ်ခုပါပဲ”ဟု ဆိုသည်။

                နိုင်ငံရေးအကျဉ်းသားအနည်းငယ်မျှကိုသာ လွှတ်ပေးသည့် အချက်က ၎င်းတို့အား နိုင်ငံခေါင်းဆောင်များက စိန်ခေါ်မှုအဖြစ် သတ်မှတ်ယူဆ ထားဆဲဖြစ်သည်ဟု ဆိုလိုရာရောက်ကြောင်း Mathieson က ပြောကြားသည်။ ပြီးခဲ့တဲ့လ အနည်းငယ်အတွင်းမှာ တောင်းတဲ့ကိစ္စအချို့ရှိခဲ့တယ်လို့ ပြောကြတဲ့တိုင်အောင် ဒါဟာ အပေါ်ယံသရုပ်ပြဖို့လုပ်ခဲ့တာပါ ဟု ၎င်းကဆိုသည်။

                နိုဝင်ဘာလက ရွေးကောက်ပွဲသည် ခြိမ်းခြောက်မှုနှင့်မဲလိမ်မှုစွပ်စွဲချက်များကြောင့် နာမည်ပျက်ခဲ့ရ သည့်အပြင် အဓိကအစိုးရအဖွဲ့ ရာထူးများ တွင် ဗိုလ်ချုပ်ဟောင်းများကို ပြန်လည်ခန့်အပ်ခဲ့ခြင်းကြောင့် မြန်မာခေါင်းဆောင်များသည် ကျင့်သုံးနေဆဲစစ်အုပ်ချုပ်ရေးကို ခပ်တည်တည်ပြန်လည် ကျင့်သုံး နေ သည် ဟူသော စိုးရိမ်ပူပန်မှုများကို မြင့်မားလာစေသည်။

                အမေရိကန် အထက်လွှတ်တော်အမတ်ဂျွန်မက်ကိန်းက သောကြာနေ့ ရန်ကုန်ခရီးစဉ်အတွင်း အကယ်၍ အစိုးရအဖွဲ့သစ်အနေဖြင့် ဒီမိုကရေစီ ပြုပြင် ပြောင်းလဲမှု အကောင်အထည်ဖော်ရန်နှင့် လူ့အခွင့် အရေးတိုးတက်အောင် ပြုလုပ်ရန် ပျက်ကွက်မည်ဆိုပါက အရှေ့အလယ်ပိုင်းပုံစံ လူထု တော်လှန်ရေး နှင့် ရင်ဆိုင်ရနိုင်သည်ဟု သတိပေးပြောကြားခဲ့သည်။

                မြန်မာနိုင်ငံ၏ တိုးတက်ပြောင်းလဲမှုအနေအထားကို စိတ်ပျက်လက်ပျက်ဖြစ်ရကြောင်း ဝါရှင်တန်က ထုတ်ဖော်ပြောဆိုခဲ့ပြီး ဝါရှင်တန်နှင့်အတူ အီးယူကပါ ချမှတ်ထားဆဲဖြစ်သည့် အရေးယူ Sanctions များကို ဖြေလျော့ပေးရန် ငြင်းပယ်ခဲ့သည်။

                စနစ်သစ်အတွင်း သိသိသာသာမြင်တွေ့ရမှုများရှိနေသည်ဟု အချို့က ပြောကြားခြင်းသည် အကောင်းမြင်ရန် အကြောင်းရင်းတစ်ခု ဖြစ်သော် လည်း သီးခံစိတ်ရှည်ရန် လိုအပ်ပေသည်။

ထိပ်တိုက်ရင်ဆိုင်ခြင်း

                “အရာရာကို ချက်ခြင်းလက်ငင်းတော့ ပြောင်းလဲလို့မရနိုင်ပါဘူး”ဟု ပြောကြားသူမှာ တပ်မတော် နှင့် တပ်မတော်နိုင်ငံရေးကိုယ်စားလှယ်များ လွှမ်းမိုး ထားသော လွှတ်တော်တွင် နေရာအချို့အနိုင်ရထား သော အတိုက်အခံ NDF ပါတီ ခေါင်းဆောင် ဦးခင်မောင်ဆွေဖြစ်သည်။

                ထိုင်းနိုင်ငံအခြေစိုက် မြန်မာရေးရာလေ့လာသူ ဦးအောင်နိုင်ဦးကလည်း တိုးတက်ပြောင်းလဲမှု နှေးကွေးနိုင်သည်ကို သဘောတူခဲ့ပြီး “အခြေခံ ဥပဒေသစ်၏ အောက်တွင် ဘာတွေကို ဘယ်သူကလုပ်မှာလဲ ဆိုသည့်အပေါ် နေပြည်တော်တွင် ဒွိဟဖြစ်နေကြဆဲဟု ပြောကြားသည်။

                “အခုအချိန်က အကောင်းရော၊ အဆိုးရော ဒွန်တွဲနေတုန်းပါ။ ကျွန်တော်တို့အနေနဲ့ ၂လ၊ ၃ လ လောက်နဲ့ အကဲဖြတ် ဆုံးဖြတ်လို့ရနိုင်မယ်လို့ မထင်ပါဘူး။ သူတို့က (တပ်မတော်အစိုးရ) အနှစ် ၅၀ လုံးလုံး သူတို့ရဲ့ ကိစ္စတွေကိုပဲ လုပ်ဖို့ကျင့်သားရခဲ့ကြတာပါ။ အခုတော့ အိုင်ဒီယာအသစ်တွေ၊ စည်းကမ်းသစ်တွေနဲ့ နပမ်းလုံးနေရတာပေါ့”ဟု ၎င်းကဆိုသည်။

                အပြောင်းအလဲရှိကြောင်း ပြသနေသည့် ထင်ရှားသော လက္ခဏာများထဲမှ တစ်ချက်မှာ ဒေါ်အောင်ဆန်းစုကြည်၏ မိတ်ဆွေစီးပွားရေးပညာရှင် ဦးမြင့်ကို သမ္မတဦးသိန်းစိန်၏ အကြံပေးအဖြစ် ဧပြီလက ခန့်အပ်ခဲ့ခြင်းဖြစ်သည်။ ဦးမြင့်က “သူ့အနေဖြင့် ဒေါ်အောင်ဆန်းစုကြည်နှင့် အစိုးရအကြား ဆွေးနွေးမှုများတွင် ကြားဝင်စေ့စပ်သူဖြစ်လာမည်မဟုတ်သော်လည်း သူတို့အကြားပူးပေါင်းဆောင်ရွက်ခြင်းကို ကူညီရန် ဆုံးဖြတ်ထားသည်” ဟုပြော ကြားသည်။

                အဆိုပါခန့်အပ်မှုသည် ယခုအချိန်အထိ အစိုးရက လုပ်ခဲ့သမျှထဲတွင် အလုပ်ကြီးတစ်ခုဖြစ်ကြောင်း သုံးသပ်သည့် ဦးအောင်နိုင်ဦးက “ဦးမြင့် ဟာ လူသိများပြီး လေးစားခံရသူတစ်ဦးပါ”ဟု ပြောကြားသည်။ မြန်မာအစိုးရအပေါ်အကောင်းမြင်မှုနည်းနေရခြင်းမှာ ဒေါ်အောင်ဆန်းစုကြည်က သူမနှင့် တိုင်းပြည်၏ နိုင်ငံရေးစစ်ရေးခေါင်းဆောင်များအကြား ဆွေးနွေးပွဲများပြုလုပ်ရန် တောင်းဆိုထားသော်လည်း ဆွေးနွေးမှုလုံးဝမရှိခြင်းကြောင့်ပင် ဖြစ် သည်။

                သူမအနေဖြင့် ရွေးကောက်ပွဲမှ ဖယ်ရှားခံရပြီး သူမ၏ NLD ပါတီ ဖျက်သိမ်းခံထားရသော်လည်း ယခုလွတ်မြောက်လာပြီးနောက် သူမ၏ လွတ်လပ်ခွင့်အပေါ် အဓိကအကဲစမ်းမှုတစ်ခုဖြစ်ဖွယ်ရှိသည့် နိုင်ငံ အနှံ့နိုင်ငံရေးဟောပြောစည်းရုံးမှုခရီးလှည့်ရန် စီစဉ်မျှော်လင့်ထားကြောင်း မကြာသေး မှီက ထုတ်ဖော်ပြော ကြားခဲ့သည်။

                အကယ်၍ သူမအနေဖြင့် ရှေ့ဆက်တိုးပါက ထိပ်တိုက်ရင်ဆိုင်မှုများဖြစ်လာနိုင်သည်ကို စိုးရိမ်သော ဦးအောင်နိုင်ဦးက “တကယ်လို့ နိုင်ငံရေး အနှောက်အယှက်ရှိလာပြီဆိုရင် ပြီးခဲ့တဲ့လအနည်းငယ် အတွင်းကရထားတဲ့ အရာရာကို ဆုံးရှုံးသွားဖို့များပါတယ်။ မြန်မာနိုင်ငံမှာ အကြမ်းဖက်တာဟာ ထုံးစံလိုဖြစ်နေပါပြီဟု ပြောဆိုခဲ့သည်။

                ၂၀၀၃ ခုနှစ်က အလားတူ နောက်ဆုံးခရီးစဉ်တွင် ဒေါ်အောင်ဆန်းစုကြည်၏ ပေါ်ပြူလာဖြစ်မှုကို စိုးရိမ်ဝန်တိုသော အစိုးရက သိသာထင်ရှားစွာ စည်းရုံးစီစဉ်သော ခြုံခိုတိုက်ခိုက်မှုဖြစ်ပွားခဲ့ရာ NLD အမာခံ များစွာ အသက်ဆုံးရှုံးခဲ့ရသည့်အပြင် သူမသည်လည်း အကျယ်ချုပ်ပြန်လည် ထိန်းသိမ်း ခြင်း ခံခဲ့ရသည်။

                တိုင်းရင်းသားလက်နက်ကိုင်တပ်ဖွဲ့များနှင့် မြန်မာအစိုးရတပ်ဖွဲ့များအကြားမှ ပဋိပက္ခသည်လည်း ကရင်ပြည်နယ်အရှေ့ပိုင်းကဲ့သို့သော နယ်စပ် ဒေသများတွင် ဆက်လက်၍ ဒုက္ခပေးနေဆဲဖြစ်ရာ နှစ်ပေါင်း ၆၀ ကြာကမ္ဘာအကြာဆုံး ပြည်တွင်းစစ်များထဲမှ မြင်ကွင်းတစ်ရပ်ပင်ဖြစ်သည်။

                တိုင်းရင်းသားအုပ်စုများနှင့် ပြင်ပကမ္ဘာအပါအဝင်အလားအလာ ကောင်းသော မြန်မာ့အရေးသက် ဆိုင်သူများက သဘောထားကြီးကြောင်း ပြသကာ အယူအဆများပြောင်းလဲလာခြင်းကို မြန်မာအစိုးရသစ် က မြင်တွေ့လိုခြင်းဖြစ်သည်ဟု Hong Kong University မှ မြန်မာ့ရေးရာကျွမ်းကျင်သူ Renaud Egreteau ကပြောကြားသည်။ ဒါဟာ မြန်မာနိုင်ငံရဲ့ မဆုံးနိုင်တဲ့ ပြဿနာပေါ့၊ ဘယ်သူကအရင်စရွေ့မလဲဆိုတာလေ ဟု ၎င်းက ထောက်ပြ ပြောဆိုခဲ့သည်။

***********************************************************************************

တောင်ကိုရီးယား၏ ထိပ်သီးဆွေးနွေးပွဲ အဆိုပြုချက် မြောက်ကိုရီးယားပယ်ချ

(AFP သတင်းမှ 1 June 2011 ရက်စွဲပါ N.Korea rejects S.Korea’s proposed summit ကို ဘာသာ ပြန်ဆိုသည်)

တင်းမာမှုများ ပြေလျော့ရန်အတွက် ယခုလကုန်တွင် ထိပ်သီးဆွေးနွေးပွဲကျင်းပရန် တောင်ကိုရီးယားနိုင်ငံက အဆိုပြုခဲ့သော်လည်း အဆိုပါ ကမ်းလှမ်းမှုကို ပယ်ချခဲ့သည်ဟု မြောက်ကိုရီးယားနိုင်ငံက ဗုဒ္ဓဟူးနေ့တွင် ပြောကြားခဲ့သည်။

တောင်ကိုရီးယားနိုင်ငံက နယ်စပ်အပစ်ရပ်ကျေးရွာ ပန်မွန်ဂျုံတွင် ထိပ်သီးဆွေးနွေးပွဲ ကျင်းပရန်အဆိုပြုချက်ကို မေလအတွင်းက ဆက်သွယ် ပေးပို့ခဲ့ခြင်းဖြစ်သည်ဟု မြောက်ကိုရီးယား၏ ဩဇာကြီး “အမျိုးသားကာကွယ်ရေး ကော်မရှင်” ၏ ကြေညာချက်တွင် ဖော်ပြထားသည်။

မန&#