Posts
 | yangonchronicle 2011 |
၂၀.၉.၂၀၁၁
ပြည်တွင်းသတင်းများ
- ဧရာဝတီမြစ်ဆုံ စီမံကိန်းနှင့် ပတ်သက်၍ ပညာရပ်ဆိုင်ရာ အလုပ်ရုံဆွေးနွေးပွဲ ကျင်းပ
- ဆန်စပါးကဏ္ဍ ဖွံ့ဖြိုးရေး ပြည်ထောင်စုဝန်ကြီးများနှင့် လုပ်ငန်းရှင်များ တွေ့ဆုံဆွေးနွေး
- ကိုယ်ပိုင်ကျောင်း မှတ်ပုံတင်ဥပဒေကြမ်း ရေးဆွဲပြီးဖြစ်
ပြည်တွင်းပါတီ၊ နိုင်ငံရေးသတင်းများ
- ရွေးကောက်ပွဲအခင်းအကျင်းပေါ်မူတည်ပြီး NLD ရွေးကောက်ပွဲ ဝင်မည်ဟုဆို
- ၂၀၁၂ အာဆီယံ- အမေရိကန်ဆွေးနွေးပွဲ ညှိနှိုင်းရေးမှူးအဖြစ် မြန်မာနိုင်ငံတာဝန်ယူမည်
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- အမျိုးသားဆင့်စီးပွားရေးသုံးသပ်ချက်နှစ်မျိုးနှင့် ရေရှည်ဖွံ့ဖြိုးတိုးတက်ရေး
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
ဧရာဝတီမြစ်ဆုံ စီမံကိန်းနှင့် ပတ်သက်၍ ပညာရပ်ဆိုင်ရာ အလုပ်ရုံဆွေးနွေးပွဲ ကျင်းပ
“ဧရာဝတီမြစ်ဝှမ်း ရေအားလျှပ်စစ်စီမံကိန်းများကြောင့် ဧရာဝတီမြစ်နှင့် သဘာဝပတ်ဝန်းကျင်အပေါ် သက်ရောက်မှုဆိုင်ရာ” ခေါင်းစဉ်ပါ ပညာရပ်ဆိုင်ရာ အလုပ်ရုံဆွေးနွေးပွဲ( ၃/ ၂၀၁၁ ) ကို နေပြည်တော်ရှိ အမှတ် (၁) လျှပ်စစ် စွမ်းအားဝန်ကြီးဌာန ရဲရွာခန်းမ၌ စက်တင်ဘာလ (၁၇) ရက် နေ့တွင် ကျင်းပခဲ့ကြောင်း သိရှိရသည်။
အလုပ်ရုံဆွေးနွေးပွဲတွင် စာတမ်းရှင်များက စာတမ်း (၆) စောင် ဖတ်ကြားတင်သွင်းခဲ့ကြောင်း သိရှိရသည်။ အဆိုပါ စာတမ်းများမှာ Biodiversity and Nature ConservationAssociation ( BANCA ) ဥက္ကဋ္ဌ ဒေါက်တာထင်လှက “ သဘာဝပတ်ဝန်းကျင်နှင့် လူမှုပတ်ဝန်းကျင်ဆိုင်ရာ အကျိုး သက်ရောက်မှု” စာတမ်း၊ CPI ဥက္ကဋ္ဌ Mr. Li G uanghua က “Ayeyawady Basin Hydropower Projects are Strategic Selection for Myanmar Electric Power Indus try” စာတမ်း၊ ရေအားလျှပ်စစ် စီမံရေးဦးစီးဌာန ညွှန်ကြားရေးမှူးချုပ်ဦးကြီးစိုးက “စီးပွားရေးဆိုင်ရာ တွက်ခြေကိုက်မှု စိစစ်ချက်” စာတမ်း၊ ကောင်းကျော်စေကုမ္ပဏီ ဥက္ကဋ္ဌ ဦးထွန်းနိုင်အောင်က “How CDM Projects Enhance in Develop ing Myanmar” စာတမ်း၊ ပတ်ဝန်းကျင် ထိန်းသိမ်းရေးနှင့် သစ်တောရေးရာ ၀န်ကြီးဌာနမှ ညွှန်ကြားရေးမှူး ဦးလှမောင်သိန်းက “ဧရာဝတီမြစ်ကြောင်း ပတ်ဝန်းကျင် ယိုယွင်းပျက်စီးမှု သက်သာစေရန် သစ်တောများ ထိန်းသိမ်းခြင်းနှင့် စီမံအုပ်ချုပ်ခြင်း”စာတမ်းနှင့် ပို့ဆောင်ရေးဝန်ကြီးဌာနမှ ညွှန်ကြားရေးမှူး ဦးကိုကိုဦးက “ဧရာဝတီမြစ် ထိန်းသိမ်းရေးနှင့် အကျိုးရှိစွာ အသုံးချနိုင်ရေးအတွက် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန၏ လေ့လာတင်ပြချက်” စာတမ်း တို့ကို ဖတ်ကြားဆွေးနွေးကြောင်း သတင်းသိရှိရသည်။
အဆိုပါ အလုပ်ရုံဆွေးနွေးပွဲသို့ ပြည်ထောင်စုဝန်ကြီးများ၊ ဒုတိယဝန်ကြီးများ၊ ပြည်သူ့လွှတ်တော်နှင့် အမျိုးသားလွှတ်တော်တို့မှ ကိုယ်စား လှယ်များ၊ ဌာနဆိုင်ရာအကြီးအကဲများနှင့် စာတမ်းရှင်များ၊ ပညာရှင်များ၊ စာနယ်ဇင်းဆိုင်ရာ ပုဂ္ဂိုလ်များလည်း တက်ရောက်ကြသည်။
YC
-------------------------------------------------------------------------------------------------------------
ဆန်စပါးကဏ္ဍ ဖွံ့ဖြိုးရေး ပြည်ထောင်စုဝန်ကြီးများနှင့် လုပ်ငန်းရှင်များ တွေ့ဆုံဆွေးနွေး
နေပြည်တော်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဝန်ကြီးရုံး၌ စက်တင်ဘာလ (၁၈) ရက်နေ့တွင် ပြုလုပ်ခဲ့သော အစိုးရဌာန ဆိုင်ရာများနှင့် လုပ်ငန်းရှင်များတွေ့ဆုံဆွေးနွေးပွဲတွင် ပြည်ထောင်စုဝန်ကြီးများ၊ ဒုတိယ ဝန်ကြီးများ၊ ဌာနဆိုင်ရာ အကြီးအကဲများ၊ မြန်မာနိုင်ငံ ဆန်စပါး လုပ်ငန်းအသင်းနှင့် ဆန်စပါး အထူးပြုကုမ္ပဏီများမှ တာဝန်ရှိ သူများ၊ ပြည်တွင်း သတင်းဂျာနယ်များမှ တာဝန်ရှိသူများ တက်ရောက်ခဲ့ကြသည်။
အဆိုပါဆွေးနွေးပွဲတွင် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်က ဆန်စပါးထုတ်လုပ်မှု ဖွံ့ဖြိုး တိုးတက်ရေး၊ တောင်သူများအကျိုးအမြတ်ရရှိရေး၊ ဆန်စပါး မျိုးကောင်းမျိုးသန့်နှင့် မျိုးစေ့ထုတ်လုပ်သည့် ကုမ္ပဏီများပေါ်ထွန်းလာရေး၊ ဆန်အရည် အသွေး ကောင်းမွန်စေရေးအတွက် အခြောက်ခံကိရိယာများ၊ ရိတ်သိမ်းခြွေလှေ့စက်များ ကူညီပံ့ပိုးဆောင်ရွက်ပေးရေး၊ တောင်သူများ တွက်ခြေ ကိုက်ရန်အတွက် ဆန်စပါးဈေးနှုန်းအား အကျိုးအမြတ်ရရှိရေးတွင် ဆန်စပါးအထူးပြုကုမ္ပဏီများက ကူညီဆောင်ရွက်ပေးရေးတို့နှင့် ပတ်သက်၍ ဆွေးနွေးသည်။
ထို့နောက် ပြည်ထောင်စုဝန်ကြီး ဦးတင်နိုင်သိန်းနှင့် ပြည်ထောင်စုဝန်ကြီး ဦးဝင်းမြင့်တို့ကလည်း ဆန်စပါးကဏ္ဍတွင် ရင်းနှီးမြှပ်နှံ ဆောင်ရွက်နိုင်မည့်ကိစ္စ၊ တောင်သူလယ်သမားများ အစုအဖွဲ့များ ဖွဲ့စည်း၍ ကုမ္ပဏီလုပ်ငန်းရှင်များနှင့် ပူးပေါင်းလုပ်ကိုင်ရေး၊ ပြည်တွင်းကူးသန်း ရောင်းဝယ်ရေး၊ ပြည်ပကုန်သွယ်ရေး ကိစ္စရပ်များ ကို ဆွေးနွေး ခဲ့ကြောင်း သိရှိရသည်။
ဆွေးနွေးပွဲတွင် မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ ဥက္ကဋ္ဌ၊ မြန်မာနိုင်ငံ ဆန်စပါး လုပ်ငန်းအသင်း ဥက္ကဋ္ဌ၊ မြန်မာနိုင်ငံ ဆန်စပါးလုပ်ငန်းအသင်းမှ အကြံပေးပုဂ္ဂိုလ်များနှင့် ပုဂ္ဂလိကလုပ်ငန်းရှင်များကလည်း အကြံပြု ဆွေးနွေးခဲ့ကြောင်းသိရှိရသည်။
YC
-------------------------------------------------------------------------------------------------------------
ကိုယ်ပိုင်ကျောင်း မှတ်ပုံတင်ဥပဒေကြမ်း ရေးဆွဲပြီးဖြစ်
ကိုယ်ပိုင်ကျောင်း မှတ်ပုံတင်ဥပဒေကြမ်းကို ရေးဆွဲပြီးဖြစ်ရာ ယင်းဥပဒေ ပေါ်ပေါက်လာပါက ကိုယ်ပိုင်ကျောင်း တည်ထောင်ဖွင့်လှစ်နိုင်ရန် လိုအပ်ချက် ရှစ်ချက်နှင့် ကိုက်ညီရမည်ဖြစ်ကြောင်း သတင်းရရှိသည်။
ထို့ပြင် ကိုယ်ပိုင်ကျောင်း တည်ထောင်ဖွင့်လှစ် လိုသောသူနှင့် အဖွဲ့အစည်းဝင်များ အားလုံးသည် မြန်မာနိုင်ငံသား ဖြစ်ရမည် ဖြစ်ကြောင်း သိရသည်။
ကိုယ်ပိုင်ကျောင်းမှတ်ပုံတင် ဥပဒေကြမ်းကို လွှတ်တော်ရုံးက အမိန့် ကြော်ငြာစာအမှတ် ၉/၂၀၁၁ ဖြင့် ထုတ်ပြန်ကြေညာခဲ့ခြင်း ဖြစ်ပြီး ကိုယ်ပိုင်ကျောင်း မှတ်ပုံတင်ဥပဒေကြမ်းတွင် ပုဒ်မ ၄၁ ခုနှင့် အခန်း ရှစ်ခန်းပါဝင်ပြီး ကိုယ်ပိုင် ကျောင်း တည်ထောင်ဖွင့်လှစ်နိုင်ရန် လိုအပ်ချက်များနှင့် ပတ်သက်၍ ဥပဒေကြမ်း ပုဒ်မ ၈ တွင် ပြဋ္ဌာန်းထားကြောင်း သိရသည်။
ပုဒ်မ ၈ တွင် ပြဋ္ဌာန်းထားသည် မှာ ကိုယ်ပိုင်ကျောင်း တည်ထောင်ဖွင့်လှစ်နိုင်ရန် (က) အနည်းဆုံး ပဉ္စမတန်းမှ ဒသမတန်းအထိ ဖွင့်လှစ်သင် ကြားရန် စီမံထားရှိခြင်း၊ (ခ)ကျောင်း ပတ်ဝန်းကျင်၊ ကျောင်းဝင်း၊ ကျောင်း စာသင်ခန်းများမှာ ကျန်းမာရေးနှင့် ညီညွတ်၍ သန့်ရှင်းစင်ကြယ်မှုရှိခြင်း၊ (ဂ)ကျောင်း အဆောက်အအုံသည် ကျောင်းအဖြစ် အသုံးပြုနိုင်သည့် အခြေအနေရှိခြင်း၊ (ဃ) ကျောင်းသားများ၏ အသက်အရွယ်နှင့် ကျောင်းသား ဦးရေအလိုက် ကျောင်းသုံးပရိဘောဂ သင်ကြားမှု အထောက်အကူကိရိယာ ပစ္စည်းများနှင့် နေရာထိုင်ခင်းများ သင့်တင့်လုံလောက်စွာရှိခြင်း၊ (င) ဘာသာရပ် အလိုက် ထပ်ဆောင်းသင်ကြားပေးလိုသည့် သင်ခန်းစာများနှင့် ထပ်ဆောင်း ဘာသာရပ်သင်ခန်းစာများကို ပြည့်စုံမှန်ကန်စွာ ပြုစုတင်ပြခြင်း၊ (စ) အတန်းများတွင် ဘာသာရပ် အလိုက်သင်ကြားမည့် ကိုယ်ပိုင် ကျောင်းဆရာဦးရေ လုံလောက်မှု ရှိခြင်း၊ (ဆ)သင်ကြားမည့် ရက်သတ္တပတ် သင်ကြားမှု အစီအစဉ်ကို စနစ်တကျ ရေးဆွဲထားခြင်း၊ (ဇ) ဘော်ဒါဆောင် ထားရှိပါက ဘော်ဒါဆောင် အဆောက်အအုံသည် ဘော်ဒါဆောင်အဖြစ် အသုံးပြုနိုင်သည့် အခြေအနေ ရှိခြင်း၊ အမျိုးသားဘော်ဒါဆောင် နှင့် အမျိုးသမီးဘော်ဒါဆောင်များကို သီးခြားစီထားရှိပြီး အမျိုးသမီး ဘော်ဒါဆောင်အား လုံခြုံစွာ ကာရံ ထားရှိခြင်း၊ ဘော်ဒါဆောင်အလိုက် အဆောင်မှူး ထားရှိခြင်း၊ အရေးပေါ် ကျန်းမာရေး စောင့်ရှောက်မှုအစီအမံများ ထားရှိခြင်း စသည့် လိုအပ်ချက်များနှင့် ပြည့်စုံရမည်ဖြစ်ကြောင်း သိရသည်။
ထို့ပြင် ကိုယ်ပိုင်ကျောင်း တည်ထောင်ဖွင့်လှစ်ရာတွင် ပြည်ပနိုင်ငံ အကူအညီဖြင့် တည်ထောင်ဖွင့်လှစ်သောကျောင်း မဖြစ်စေရကြောင်း၊ နိုင်ငံ ခြားအဖွဲ့အစည်းက ဦးစီးတည်ထောင်ဖွင့်လှစ်သော သို့မဟုတ် ထိုအဖွဲ့အစည်း၏ အကူအညီဖြင့် တည်ထောင်ဖွင့်လှစ်သောကျောင်း မဖြစ်စေရ ကြောင်း၊ သာသနာပြုကျောင်းမဖြစ်စေရကြောင်း ဥပဒေကြမ်း၏ ပုဒ်မ၇(က)တွင် ပြဋ္ဌာန်းထားပါသည်။
ကိုယ်ပိုင်ကျောင်း တည်ထောင် ဖွင့်လှစ်လိုသော ပုဂ္ဂိုလ်သည် တစ်ဦးတည်း ဖွင့်လှစ်လိုခြင်းဖြစ်ပါက မြန်မာ နိုင်ငံသားဖြစ်ခြင်း၊ အဖွဲ့အစည်းက တည်ထောင်လိုခြင်းဖြစ်ပါက ထိုအဖွဲ့အစည်း၏ အုပ်ချုပ်မှုအဖွဲ့ဝင် အားလုံးသည် မြန်မာနိုင်ငံသားဖြစ်ခြင်း စသည့် အချက်များနှင့် ကိုက်ညီရမည် ဖြစ်ကြောင်း သိရသည်။
Ref: WEEKLY ELEVEN
××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ရွေးကောက်ပွဲအခင်းအကျင်းပေါ်မူတည်ပြီး NLD ရွေးကောက်ပွဲ ဝင်မည်ဟုဆို
ရွေးကောက်ပွဲ ပြုလုပ်ပုံ ပြုလုပ်နည်းနှင့် အခင်းအကျင်းအပေါ်မှာအဓိကထား သုံးသပ်ပြီး ရွေးကောက်ပွဲ ဝင်/မဝင်ကို ဆုံးဖြတ်သွားမည် ဖြစ်ကြောင်း ဒေါ်အောင်ဆန်းစုကြည်က ပြောကြားလိုက်သည်။
“ အန်တီတို့က ရွေးကောက်ပွဲကိုဆန့်ကျင်တာ မဟုတ်ပါဘူး” ဟု ဒေါ်အောင်ဆန်းစုကြည်က ဆက်လက်ပြောဆိုသည်။
NLD ပါတီသည် ၂၀၁၀ရွေးကောက်ပွဲကိုလုံးဝ ဆန့်ကျင်ခဲ့မှုမှာ ၂၀၀၈ ဖွဲ့စည်းပုံအခြေခံဥပဒေကိုကာကွယ် စောင့်ရှောက်ရမည်ဆိုသောကြောင့် လုံးဝကန့်ကွဲ့ခဲ့ခြင်းဖြစ်ကြောင်း ယင်းကန့်ကွက်မှုကိုဦးဆောင်ခဲ့သူ ဦးဝင်းတင်က ပြောကြားသည်။
“NLD သာ ရွေးကောက်ပွဲဝင်ခဲ့ရင် အပြတ်အသတ်နိုင်မှာ၊ မဲနိုင်ခဲ့တဲ့ အတိုက်ခံပါတီတချို့ဆို ခမောက်အရှိန်ကြောင့် နိုင်ခဲ့ကြတာ” ဟု မြန်မာ့ နိုင်ငံရေး လေ့လာစောင့်ကြည့်နေသူတစ်ဦးက သုံးသပ်ပြောဆိုသည်။
NLD ပါတီသာ လက်ရှိအချိန်၌ တရားဝင်ပါတီအဖြစ် အစိုးရက ကြေငြာလိုက်ပြီး ရွေးကောက်ပွဲဝင်မည်ဆိုပါက လက်ရှိတည်ထောင်ထားသော အတိုက်ခံပါတီတချို့ ဖျက်သိမ်းကြမည်ဟု ကြေငြာထားကြောင်းသိရသည်။
Peace Press
--------------------------------------------------------------------------------------------------------------------------------
၂၀၁၂ အာဆီယံ- အမေရိကန်ဆွေးနွေးပွဲ ညှိနှိုင်းရေးမှူးအဖြစ် မြန်မာနိုင်ငံတာဝန်ယူမည်
၂၀၁၂ ခုနှစ်တွင်ပြုလုပ်မည့် အာဆီယံ- အမေရိကန် ဆွေးနွေးပွဲ၏ ညှိနှိုင်းရေးမှူးအဖြစ် မြန်မာနိုင်ငံက တာဝန်ယူ ဆောင်ရွက်သွားမည် ဖြစ်ကြောင်းနိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်က ပြောကြားသည်။
အမေရိကန်အစိုးရ၏ မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒရေးရာ ညှိနှိုင်းရေးမှူး Mr. Derek Mitchell နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်တို့ သီးခြားတွေ့ဆုံစဉ် ပြောကြားခဲ့ခြင်း ဖြစ်သည်။ ယင်းသို့ အာဆီယံ- အမေရိကန် ဆွေးနွေးပွဲအတွက် ညှိနှိုင်းရေးမှူးအဖြစ် မြန်မာနိုင်ငံမှ တာဝန်ယူ ဆောင်ရွက် ရာတွင် အမေရိကန်ဘက်မှ ထောက်ခံမှုနှင့် ပူးပေါင်းဆောင်ရွက်မှု အပြည့်အဝ ရနိုင်လိမ့်မည်ဟု မျှော်လင့်ကြောင်း လည်း ပြည်ထောင်စုဝန်ကြီးက Mr. Derek Mitchell အား ပြောကြားခဲ့သည်။
ထို့အပြင် ကုလသမဂ္ဂအထွေထွေညီလာခံသို့ တက်ရောက်မည့် မြန်မာကိုယ်စားလှယ်အဖွဲ့အား ၂၅ မိုင်အတွင်း သွားလာခွင့် ကန့်သတ်ထားရာ ယခုအခါ အဆိုပါကန့်သတ်ချက်အား ပယ်ဖျက်လိုက်ပြီးဖြစ်ကြောင်း Mr. Derek Mitchell က ပြောကြားသည်။
Ref : ENVOY
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“မြစ်ဆုံနဲ့ ပတ်သက်လို့ သတင်းတွေအများကြီးကြားရပါတယ်။ နောက် အခုတလောမှာလည်း ထူးထူးခြားခြားပေါ့ တော်တော် လူပြောသူပြော များတဲ့ သတင်းတွေ ကြားရပါတယ်။ ကိုယ့်အယူအဆနဲ့ ကိုယ်ပြောကြတာပါ။ တကယ်တမ်း တိုင်းပြည်အတွက် အကျိုးရှိမယ်ဆိုရင် လုပ်ကြမှာပေါ့။ တိုင်းပြည် အတွက် အကျိုးမရှိဘူးဆိုရင် ဘယ် သူမှမလုပ်ပါဘူး။ တတ်ကျွမ်းတဲ့၊ နားလည်တဲ့ပညာရှင်တွေ ဒီလိုစုဆွေးနွေးပြီးတော့ ပြောကြမယ်ဆိုရင် ပိုပြီးသင့် တော်မယ်လို့ ကျွန်တော်ထင်ပါတယ်။ အရင်က ကျွန်တော် လည်/ဆယ်ဝန်ကြီးဟောင်း လုပ်ခဲ့ပါတယ်။ မျိုးစုံပြောပါတယ်။ ကျွန်တော် ဆည်တစ်ခု ဆောက်ပြီးတိုင်း သဘာဝပတ်ဝန်းကျင်ထိန်းသိမ်းရေး ပျက်စီးမယ်တို့၊ ဘာတို့ပြောကြတာပေါ့။ အကျိုးရှိတာလည်း ရှိပါတယ်။ တစ်ဖက်ကလည်း ရေမြုပ် သွားတာလည်း ရှိပါတယ်။ ဒီနှစ်ခုမှာ ဘယ်ဟာက ကိုယ့်တိုင်းပြည်အတွက် အကျိုးရှိမလဲ ဆိုတာကိုပဲ ကျွန်တော်စဉ်းစားပြီးဆုံးဖြတ်ကြမယ်လို့ ကျွန်တော် ထင်ပါတယ်”
စက်တင်ဘာ ၂၁ ထုတ် Weekly ELEVEN အတွဲ(၆) အမှတ် (၅၁) တွင်ပါသည့် “မြစ်ဆုံစီမံက်ိန်းနှင့် ပတ်သက်၍ တက်ကျွမ်းနားလည်သည့် ပညာရှင်များ စုဆွေးနွေးပြီးပြောကြမည်ဆိုပါက ပိုပြီးသင့်တော်မည်ဟု ပြည်သူ့လွှတ်တော် ကိုယ်စားလှယ် ဦးဌေးဦး ပြောကြား” သတင်းမှ ဦးဌေးဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“ရင်းနှီးမြုပ်နှံမှုလုပ်ဖို့အတွက် ပြည်ပက စောင့်ဆိုင်းနေတဲ့ ကုမ္ပဏီတွေ ရှိပါတယ်။ လတ်တလောမှာတော့ ငွေကြေးဈေးကွက် အနေအထားကိုလည်း စောင့်ကြည့်နေတာ ရှိတယ်။ ဒေါ်လာနဲ့ Pegged လုပ်မယ့် ငွေကြေးဈေးကွက် အနေ အထားအပေါ်မှာလည်း စောင့်ကြည့်နေတာပါ။ ဘာပဲပြောပြော အောက်တိုဘာလမှာ IMF ကလာပြီး ငွေကြေးမူဝါဒတွေကို ပြုပြင်ပြောင်းလဲပေးမယ့် အခြေအနေမျိုးလည်း ရှိတယ်။ ဒါပေမယ့် ဒီကိစ္စက နည်းနည်းတော့ အချိန်ယူရမယ်။ အချိန် ယူရမယ် ဆိုတာက IMF ကကို ယူရမှာ။ ပြီးပြီးရောဆိုပြီး လုပ်လို့မရတဲ့ အနေအ ထားတွေလည်းရှိတယ်။ ငွေကြေး ဈေးကွက် တည်ငြိမ်မှုနဲ့ ဘဏ်လုပ်ငန်းတွေရဲ့ ပြောင်းလဲတိုးတက်မှုပေါ်မှာ လိုက်ပြီးတော့မှ နိုင်ငံတကာနဲ့ ပတ်သက်တဲ့ ပြည်ပ ရင်းနှီးမြုပ်နှံမှုတွေ ပိုဖြစ်လာနိုင်မှာပါ”
စက်တင်ဘာ ၂၁ ထုတ် Weekly ELEVEN အတွဲ(၆) အမှတ် (၅၁) တွင်ပါသည့် “နိုင်ငံခြားရင်းနှီးမြုပ်နှံမှုဥပဒေအား ပြင်ဆင်ရေးဆွဲနေ ၂၀၁၁ ခုနှစ် ဧပြီလ ၁ရက်နေ့မှ စက်တင်ဘာလအထိ မြန်မာနိုင်ငံ ရင်းနှီးမြုပ်နှံမှုကော်မရှင်သို့ လာရောက်ဆွေးနွေးသည့်အဖွဲ့ပေါင်း ၂၀ခန့်ရှိ” သတင်းမှ စီးပွားရေးပညာရှင်တစ်ဦး၏ ပြောကြားချက်အ ပေါ် ကောက် နှုတ်ချက်
-----------------------------------------------------------------------------------------------------------------------------------
ရန်ကုန်တိုင်းမ် - ဆင်းရဲတဲ့နိုင်ငံကနေ ချမ်းသာတဲ့နိုင်ငံအဖြစ် ပြောင်းမယ်ဆိုရင် ပညာကအရေးကြီးတာ၊ အခြေခံကျတာ တွေ့ရပါတယ်။ လူငယ် တွေဟာ ပညာရေးအပေါ် အမြင်ပျောက်နေတဲ့အပြင် စမ်းတဝါးဝါးနဲ့ သွားနေတာလေး ရှိတဲ့အတွက် လူငယ်တွေပညာအပေါ် ထားသင့်တဲ့ အန်တီရဲ့ သဘောထား အမြင်ကို ပြောပေးပါ။
ဒေါ်အောင်ဆန်းစုကြည်- အန်တီ့အမြင်အရ ပညာဆိုတာ တရားအရဆိုရင် ‘ယောနိသောမနသိကာရ’ပေါ့။ အခြေအနေတစ်ခုခုကို မှန်မှန်ကန်ကန် သုံးသပ်ခြင်း၊ လောကီစကား၊ ခေတ်စကားအရပြောရမယ်ဆိုရင် ပညာအရာဟာ ဘဝရဲ့စိန်ခေါ်မှုတွေကို ရင်ဆိုင်နိုင်မယ့် အရည်အချင်းတွေကို ပြုစု ပျိုးထောင် ပေးတာ။ ဒါတကယ့်ပညာ၊ အဲဒီအထဲမှာ ကျောင်း ပညာပါတယ်။ ကျောင်းပညာကို ဖယ်ထားလို့မရဘူး။ အရေးကြီးတယ်။ ကျောင်းပညာတွေက ဘဝမှာပေါ်လာမယ့် အခက်အခဲတွေ၊ စိန်ခေါ်မှုတွေကို ရင်ဆိုင်တဲ့နေရာမှာ အထောက်အကူ ပြုတယ်။ ဒါဘယ်လိုမှ ငြင်းလို့မရဘူး။ ဒါပေမဲ့ ကျောင်းပြင်ပ ပညာဆိုတာရှိတယ်။ ပညာဆိုတာ နှစ်မျိုးရှိရာမှာ ကျောင်းကသင်ပေးလိုက်တဲ့ ပညာနဲ့ ကိုယ့်ဘာသာကိုယ် ဆည်းပူး ရှာဖွေလိုက်တဲ့ ဗဟုသုတ။ အန်တီတို့ နိုင်ငံမှာ ကျောင်းကပေးတဲ့ ပညာက နိမ့်တယ်။ ဒါက အမှန်အတိုင်းရိုးရိုးပြောတာ၊ မလုံလောက်ဘူး။ ဒါကြောင့် လူငယ်တွေက စောစောကပြောတဲ့ ဆင်းရဲတဲ့ မိသားစုအတိုင်း ကိုယ့်ကိုကိုယ်ဖြည့်ဆည်းဖို့ ပိုရုန်းကန်ရမယ်။ အခုခေတ်လူငယ်တွေက အန်တီတို့ ပညာရေးစနစ်ကို ပိုပြီးတော့ ခိုင်မာအောင် မလုပ်ပေး နိုင်သေးသမျှ လူငယ်တွေက ကျောင်းပြင်ပမှာ ပညာရှာရမယ်။ နည်းအမျိုးမျိုးနဲ့ ကိုယ့်ကိုယ်ကိုယ်အရည်းအချင်းပြည့်အောင်လုပ်ရမယ်။ ဒီအရည်အချင်းက ဘာလဲဆိုတော့ ဘဝရဲ့ စိန်ခေါ်မှုတွေကို ရင်ဆိုင်နိုင်ဖို့။
စက်တင်ဘာ ၂၂ ထုတ် မြန်မာတိုင်းမ် အတွဲ (၇) အမှတ် (၃၆) တွင်ပါသည့် “ဒေါ်အောင်စုကြည်နှင့် အင်တာဗျူး” မှ ကောက်နှုတ်ချက်
-----------------------------------------------------------------------------------------------------------------------------------
“သူတို့တွေအတွက် တိကျတဲ့နည်းဥပဒေတွေ ထုတ်ပေးနိုင်ရင်တော့ ပိုကောင်းမယ်။ သူတို့ပြန်လာရင် မြန်မာနိုင်ငံရဲ့ ဖွံ့ဖြိုးတိုးတက်မှုကို မြန်လာစေဖို့ အရင်းအနှီးတွေ၊ အဆက်အသွယ်တွေပါလာနိုင်တယ်။ အစိုးရအနေနဲ့လဲ ပြည်ပရောက် မြန်မာပညာရှင်တွေ ပြန်လာဖို့ ပညာရပ်ကို တန်ဖိုးထားတဲ့ မက်လုံးတွေ ပေးသင့်တယ်၊ စီစဉ်ထားသင့်တယ်။ ပြည်ပက နာမည်ကြီးတက္ကသိုလ်တွေမှာ တာဝန်ထမ်းဆောင်နေတဲ့ မြန်မာပညာရှင်တွေ ရှိတယ်။ သူတို့ မြန်မာပြည်ပြန်လာရင် သူတို့လုပ်ချင်တဲ့ ပညာရပ်ဆိုင်ရာကိစ္စတွေကို လုပ်ခွင့်ပြုမယ်ဆိုတဲ့ကိစ္စ က သူတို့အတွက် စဉ်းစားစရာကိစ္စတစ်ခုပါ”
စက်တင်ဘာ ၂၂ ထုတ် မြန်မာတိုင်းမ် အတွဲ (၇) အမှတ် (၃၆) တွင်ပါသည့် “ပြည်ပရောက်မြန်မာနိုင်ငံသားများ မိမိဆုံးဖြတ်ချက်ဖြင့် ဆုံးဖြတ် ပြန်လာရန် ဒေါ်အောင်ဆန်းစုကြည်တိုက်တွန်း” သတင်းမှ မြန်မာနိုင်ငံရေး လေ့လာသူ ဦးကျော်လင်းဦး၏ ပြောကြားချက်အပေါ် ကောက် နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အမျိုးသားဆင့်စီးပွားရေးသုံးသပ်ချက်နှစ်မျိုးနှင့် ရေရှည်ဖွံ့ဖြိုးတိုးတက်ရေး
ယခု ကာလအတွင်း အစိုးရသစ်သည် နိုင်ငံရေးနှင့် စီးပွားရေးပြဿနာများကို ဆက်တိုက်ဆိုသလို ရင်ဆိုင်ဖြေ ရှင်းနေရလေသည်။ အစိုးရ တရပ်အနေဖြင့် နိုင်ငံ၏ စီးပွားရေးပြဿနာများကို ကြည့်ရှုသုံးသပ်ရာ၌ မျက်လုံးတဖက်တွင် ရေတိုစီးပွားရေး အတက်အကျ၏ ဂယက်ကို အာရုံစိုက် ထားရမှာဖြစ်သလို ကျန်မျက်လုံးတဖက်ဖြင့် ရေရှည်စီးပွားရေး ဖွံ့ဖြိုးမှုကို မူဝါဒများ ချမှတ်၍ အကောင်အထည်ဖော်ရမည်ဖြစ်လေသည်။ သို့မှသာ အမျိုးသားအဆင့် စီးပွားရေး တည်ငြိမ်မှုကို တည်ဆောက်ရယူနိုင်မည်ဖြစ်ပေသည်။
အမျိုးသားအဆင့် စီးပွားရေးကို မူဘောင်နှစ်မျိုးဖြင့် အကြမ်းဖြင့် ကြည့်ရှုသုံးသပ်ကြပါသည်။ တစ်မျိုးမှာ ရောင်းလိုအား ဘောဂဗေဒကို အဓိက အထူးပြုသည့် စီးပွားရေးရေရှည်ဖွံ့ဖြိုးမှု မူဘောင်ဖြစ်ပေသည်။ ရောင်းလိုအား ဘောဂဗေဒဆိုကတည်းကိုက အစိုးရအနေဖြင့် ကုန်ထုတ်လုပ်မှုအပေါ် အကျိုးသက်ရောက်မှု ရှိစေသော မက်လုံးများဖြင့် ဈေးကွက်ကို ဆွဲဆောင်စေခြင်းမျိုးဖြစ်ပါသည်။ ဤသို့ဖြင့် ဈေးကွက်အတွင်း အလုပ်အကိုင်ရရှိမှု မြင့်မားလာခြင်း၊ အရင်းအနှီးစုဆောင်းမှု ရာခိုင်နှုန်း မြင့်လာခြင်းအပါအဝင် နည်းပညာပြောင်းလဲမှုများ ဖြစ်ပေါ်လာရလေသည်။ ယခုအခါတွင် အစိုးရမှ အတိုးနှုန်းလျော့ချခြင်း၊ ရထားပို့ဆောင်ရေးလုပ်ငန်းကို ပုဂ္ဂလိကသို့ လွဲပြောင်းလုပ်ကိုင်စေခြင်းနှင့် မော်တော်ယာဉ်များကို တင်သွင်းခွင့်ပြုခြင်းတို့မှာ စီးပွားရေးရေရှည်ဖွံ့ဖြိုးမှု ရရှိရန် မူဝါဒချမှတ် အကောင်အထည်ဖော် ဆောင်ရွက်နေခြင်းပင်ဖြစ်လေသည်။
နောက်တစ်မျိုးမှာ ရေတို စီးပွားရေး အတက်အကျသံသရာဖြစ်သည်။ ယင်းမှာ အစိုးရ၏ ချမှတ်သော မူဝါဒအပေါ် ဈေးကွက်မှ မည်သို့ တုန့်ပြန်သည်၊ ယင်းသို့ တုန့်ပြန်ခြင်းဖြင့် စီးပွားရေးအတက်အကျ သံသရာ မည်သို့ဖြစ်ပေါ်သည်ကို လေ့လာသောကြောင့် ဝယ်လိုအားဘောဂဗေဒအပေါ် အထူးပြုပါသည်။ ဤသို့လေ့လာခြင်းဖြင့် စီးပွားရေးအတက်အကျ သံသရာအတွင်း စီးပွားပျက်ကပ်ငယ် (recession)၊ ယင်းကပ်ငယ် ရှည်ကြာစွာ ဖြစ်ပေါ်လာသည့်အခါ စီးပွားပျက်ကပ် (Depression) အစရှိသည်တို့ကို ကျော်လွှားသွားနိုင်ရန် ဖြစ်ပါသည်။ အထူးသဖြင့် ဈေးကွက်အတွင်း စားသုံးသူများနှင့် စီးပွားရေး လုပ်ငန်းများ၏ စုစုပေါင်းသုံးစွဲမှုကို မြင့်တင်ရန်(သို့) လျော့ချရန်အတွက် အစိုးရမှ မူဝါဒချမှတ်ခြင်းမျိုး ဖြစ်ပေသည်။ အစိုးရသစ်မှ နှစ်လေးဆယ် သက်တမ်းရှိ ကားဟောင်းများကို သိမ်းယူ၍ မူလနိုင်ငံပေါက်ဈေး ဒေါ်လာ ၃၅၀၀ထက်မပိုသော ကားများကို တင်သွင်းခွင့် ပြုခဲ့ခြင်းမှာ မော်တော်ယာဉ် ဝယ်ယူသုံးစွဲနိုင်သော ပြည်သူများအတွက် အလွန်ကောင်းသွားသော်လည်း ဈေးကွက်မှာ မျှော်မှန်းထားသလောက် တုန့်ပြန်မှုမျိုး ပြုလုပ်ခဲ့သည်တော့ မဟုတ်ပါ။ အဖြေရှာကြည့်ပါက ဒေါ်လာဈေးမတည်ငြိမ်မှုကြောင့် ဖြစ်ပါသည်။ အစိုးရ၏ ယင်းမူဝါဒကို အဆင့်ဆင့် မှန်မှန်ကန်ကန် အကောင် အထည်ဖော်နိုင်ပါမှ ရေရှည်စီးပွားရေးဖွံ့ဖြိုးမှုလည်း ရရှိမှုဖြစ်သလို ရေတို ဒေါ်လာဝယ်လိုအား နည်းပါးမှု ပြဿနာလည်း ဖြေရှင်းပြီးသား ဖြစ်သောကြောင့် သားရွှေအိုးထမ်းလာသည့်ကိန်း ဖြစ်ပါသည်။ သို့သော် ပြည်သူများ ယုံကြည်စိတ်ချ နိုင်ရန်အတွက် ဘဏ်များကို နိုင်ငံခြားငွေ ကိုင်ဆောင်ခွင့် တရားဝင်ပေးဖို့ လိုအပ်သလို ငွေလဲနှုန်းအတက် အကျနည်းကာ တည်ငြိမ်ဖို့အထူးပင် လိုအပ်ပါသည်။
ဤနေရာ၌ ရေရှည်စီးပွားရေး ဖြိုးတိုးတက်မှု လမ်းကြောင်းတစ်လျှောက်တွင် ရေတိုအားဖြင့် ဖြစ်ပေါ်နေမြဲ စီးပွားရေး အတက်အကျ သံသရာကို ဈေးကွက်အတိုင်း လွှတ်ထားတာ အကောင်းဆုံးဖြစ်မည် (သို့) အစိုးရမှ တစုံတရာ ဝင်ရောက်ထိန်းသိမ်းပေးမှ စီးပွားရေးတည်ငြိမ်မှုကိုရနိုင်မည် အစရှိသည့် အငြင်းအခုံများလည်း ရှိပါသည်။ ကျမ်းရိုး ဘောဂဗေဒပညာရှင်များကတော့ ဈေးကွက်စီးပွားရေးအတွင်း စီးပွားရေးလုပ်ဆောင်ချက်များ အပြောင်းအလဲ အတက်အကျရှိခြင်းသည် မျှော်မှန်းအပ်သည့်အရာပင် ဖြစ်သည်။ သို့သော် လူတစ်ဦးချင်းစီက သူတို့ဘာလုပ်ရမည်ဆိုတာ လွတ်လွတ် လပ်လပ်လပ် ရွေးချယ်နိုင်သည့်အချိန်တွင် ဈေးကွက်အတွင်း အပြောင်းအလဲအတက်အကျ မရှိလာလျှင်တော့ ထူးဆန်းသည်ဟု ဆိုရပေမည်။ ဆိုလိုသည်မှာ လွတ်လွတ်လပ်လပ် ရွေးချယ်နိုင်သရွှေ့ ဈေးကွက်အတက်အကျမှ ဖြစ်ပေါ်မြဲသာ ဖြစ်လေမည်။ ထိုကြောင့် ဈေးကွက်ကို မထိန်းချုပ်ဘဲ လွှတ်ထားဖို့သာ ကျမ်းရိုးဘောဂဗေဒပညာရှင်များက ပြောဆို နေခြင်း ဖြစ်ပေသည်။ ကိန်းဘောဂဗေဒ ပညာရှင်များကတော့ စီးပွားရေး အတက်အကျ အပြောင်းအလဲများကို အစိုးရမှ ထိန်းသိမ်းသင့်သည်၊ ထိန်းလည်းထိန်းသိမ်းနိုင်သည်ဟု ဆိုလေသည်။ စီးပွားရေး အတက်အကျ သံသရာ၏ အစွန်းနှစ်ပါးဖြစ်သည့် စီးပွားရေး အပြန့်ကျယ်လာမှုနှင့် ကျုံ့လာမှုများမှာ ဈေးကွက်စီးပွားရေးတွင် မြုပ်နေသော ပြဿနာများ၏ ရောဂါလက္ခဏာများ ဖြစ်လေသည်။ ယင်းရောဂါ လက္ခဏာများကို အစိုးရမှ ဈေးကွက်တွင် ဝင်ရောက်ထိန်းသိမ်းရေးဟူသော ကုထုံးဖြင့်သာ ပျောက်ကင်းနိုင်မည်ဟု ကိန်းဘောဂဗေဒ ပညာရှင်များက ဆိုလေသည်။ ယခုကြုံတွေ့နေရသော ငွေလဲနှုန်းပြဿနာ၌လည်း အချို့သော ပညာရှင်များက ဈေးကွက်ကို ဒီအတိုင်းလွတ်ထား သင့်သည်ဟု ပြောသည်များ ရှိသလို အချို့ပညာရှင်များက အစိုးရမှ ဈေးကွက်ပေါက်ဈေးနှင့် နီးစပ်သည့် နှုန်းထား (၉၀၀နှင့် ၁၀၀၀) ကြားထားရှိသင့်သည်ဟု ဆိုကြ သည်များလည်း ရှိပါသည်။
စီးပွားရေးဖွံ့ဖြိုးမှုတွင် အကျိုးရလဒ်များ ရှိသလို ကုန်ကျစရိတ်များလည်း တစ်ပြိုင်နက်တည်း ဖြစ်ပေါ်လာနိုင်ပါသည်။ စီးပွားရေး ဖွံ့ဖြိုး လာသည်နှင့်အမျှ အလုပ်အကိုင် အခွင့်အလမ်းများလည်း ပေါများလာနိုင်ခြင်းမှာ အကျိုးရလဒ်ပင် မဟုတ်ပါလော။ ထိုအတွက်ကြောင့် ရွေးကောက်ပွဲ မဲဆွယ်ကာလတွင် နိုင်ငံရေးသမားများသည် အလုပ်အကိုင် အခွင့်အလမ်းများကို ဖန်တီးပေးနိုင်သည့် စီးပွားရေး ဖွံ့ဖြိုးမှုရရှိအောင် မည်သို့သော မူဝါဒများဖြင့် ဆောင်ရွက်သွားမည်ဟူသော မက်လုံးများဖြင့် တွင်တွင်ကြီး မဲဆွယ်စည်းရုံးမှုများကိုသာ မြင်တွေ့ကြရပါသည်။ သို့သော် ဖွံ့ဖြိုး တိုးတက်မှုနှင့်အတူ လေထု ညစ်ညမ်းမှု၊ ဘဘာဝအရင်းအမြစ်များ လျော့နည်းကုန်ခမ်းလာမှုနှင့် သဘာဝပတ်ဝန်းကျင် ပျက်စီးလာမှုအစရှိသည့် ကုန်ကျစရိတ်များလည်း ရှိနေပြန် ပါသည်။ နိုင်ငံတနိုင်ငံကို ဖွံ့ဖြိုးအောင်ဆောင်ရွက်ရာ၌ စီးပွားရေး ဖွံ့ဖြိုးတိုးတက်မှုချည်းကိုသာ အထူးပြု အာရုံစိုက်၍ လုပ်ဆောင်နေ၍ မသင့်ပါ။ ထိုအတွက် ကြောင့်ပင်လျှင် ရေရှည်ဖွံ့ဖြိုးတိုးတက်မှုဟူသော အကြောင်းအရာကို ယခုနောက်ပိုင်း ဖွံ့ဖြိုးပြီးနိုင်ငံများရော၊ ဖွံ့ဖြိုးဆဲနိုင်ငံများပါ ပြောဆိုလာနေကြခြင်း ဖြစ်ပေသည်။ ရေရှည်ဖွံ့ဖြိုးတိုးတက်မှုတွင် စီးပွားရေးလုပ်ငန်းများ ရေရှည်ဖွံ့ဖြိုးမှု အပါအဝင်၊ သဘာဝ ပတ်ဝန်းကျင် ရေရှည်ဖွံ့ဖြိုးမှုနှင့် လူမှုရေး ရေရှည် ဖွံ့ဖြိ်ုးမှုတို့လည်း ပါဝင်လေသည်။ နိုင်ငံ ဖွံ့ဖြိုးတိုးတက်ရေးတွင် သဘာဝပတ်ဝန်းကျင် ထိန်းသိမ်းရေးနှင့် လူမှုရေးတန်ဖိုးများ ပြိုလဲပျက်စီး မသွားရေးကို အထူးအာရုံစိုက်လာကြခြင်း ဖြစ်လေသည်။ ယခု လူပြောများသည် မြစ်ဆုံရေကာတာ စီမံကိန်းတွင် ကောင်းကျိုးများလည်း ရှိသလို ဆိုကျိုးများလည်း ရှိနေမည်သာ ဖြစ်ပါသည်။ သို့သော် ရေရှည် ဖွံ့ဖြိုးတိုးတက်ရေးကို အလေးထား၍ ချင့်ချင့်ချိန်ချိန်နှင့် ထိန်းထိန်းသိမ်းသိမ်း ဆောင်ရွက်နိုင်ရန် လိုပါသည်။ မြန်မာနိုင်ငံ ဖွံ့ဖြိုးတိုးတက်မှုကိုကြိုးစားရာတွင် ရေရှည်ဖွံ့ဖြိုး တိုးတက်မှုကို အမြဲထည့်သွင်း စဉ်းစားရမည် ဖြစ်ပြီး ယခု မြစ်ဆုံရေကာတာ စီမံကိန်းမှာ ကနေဦး အချက်ပြမီးသာ ဖြစ်ပါကြောင်း………………….။
××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
