Posts
Reuters, 26th August 2010
ရွေးကောက်ပွဲ သပိတ်မှောက်မှုများ၊ အလွန်အကျွံ တင်းကြပ်လွန်းသည့် ရွေးကောက်ပွဲ ဥပဒေများနှင့် အတိုက်အခံ ခေါင်းဆောင်တို့ နုတ်ထွက်မှုများကြောင့် ရွေးကောက်ပွဲရက် သတ်မှတ် ကြေညာပြီး နှစ်ပတ်မျှသာ ရှိသေးသော အချိန်၌ပင် မြန်မာ စစ်ဖက် အုပ်ချုပ်သူများ အတွက် အနှစ် ၂၀ အတွင်း ပထမဆုံး ရွေးကောက်ပွဲများကို အနိုင်ရရှိရန် အလွယ်တကူ အခွင့်အရေး ရရှိစေခဲ့ပြီ ဖြစ်သည်။
၄၈ နှစ်ကြာ အာဏာ ချုပ်ကိုင်မှုကို စွန့်လွှတ်ရန် ရည်ရွယ်ချက် မရှိသော စစ်ဖက် အစိုးရ၏ လက်ထဲတွင် ချုပ်ကိုင်ထားသည်ဟု ကျွမ်းကျင်သူများက ပြောကြားလျက် ရှိသော များစွာ အဝေဖန် ခံနေရသည့် နိုဝင်ဘာ ၇ ရက် ရွေးကောက်ပွဲများ နီးကပ်လာသည် နှင့်အမျှ နိုင်ငံရေးအရ ကန့်သတ် ချုပ်ချယ်ခြင်း ခံနေရသော မြန်မာ အတိုက်အခံများမှာ လုံးဝ ဖရိုဖရဲ ဖြစ်နေသည့် လက္ခဏာ ရှိသည်။
သြဇာ ကြီးမားသော ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်က လာမည့် ရွေးကောက်ပွဲတွင် မဲမပေးဘဲ နေကြရန် သူမ၏ ယခု ဖျက်သိမ်းထားသော NLD ပါတီ ထောက်ခံသူများအား အင်္ဂါနေ့က တိုက်တွန်းခဲ့သလို၊ အမျိုးသား ဒီမိုကရေစီ အင်အားစု NDF ပါတီ ခေါင်းဆောင် ဦးခင်မောင်ဆွေကလည်း လွှတ်တော် ကိုယ်စားလှယ် နေရာအတွက် ပါဝင် ယှဉ်ပြိုင်တော့မည် မဟုတ်ဟု ကြာသပတေးနေ့တွင် ပြောကြားခဲ့သည်။
များပြားလွန်းသော မှတ်ပုံတင်ကြေးများ၊ မဲဆွယ် စည်းရုံးမှုကို တင်းကြပ်ထားသော ဥပဒေများ၊ စစ်ဖက် အရာရှိများ၏ ခြိမ်းခြောက်မှုများနှင့် ရွေးကောက်ပွဲ ဝင်မည့် ကိုယ်စားလှယ်လောင်းများ စုဆောင်း ရှာဖွေရန် အချိန်ပေးမည် ဆိုရုံမျှသာ ခွင့်ပြုခြင်း စသော ပြဿနာများနှင့် နိုင်ငံရေး ပါတီများ နပန်းလုံး နေရသဖြင့် အထက်ပါ တုန့်ပြန်မှုများ ပေါ်ထွက်လာခြင်း ဖြစ်သည်။
ယခင် အပတ်က ထုတ်ပြန် ကြေညာသော ဥပဒေများအရ မဲဆွယ် စုဝေးမှုများနှင့် သတင်း ထုတ်ပြန်မှုများ အတွက် တရားဝင် ခွင့်ပြုချက် လိုအပ်ပြီး၊ တပ်မတော် အပေါ် ဝေဖန်မှုများကိုလည်း ဥပဒေအရ ခွင့်မပြုဟု သိရှိရသည်။ ရွေးကောက်ပွဲ ကော်မရှင် အနေဖြင့်လည်း ပါတီ အလံများ ကိုင်ဆောင်မှု၊ ပါတီဆောင်ပုဒ်များ ကြွေးကြော်မှုတို့ကို တားမြစ်ရန် လုပ်ပိုင်ခွင့် အာဏာ ရရှိထားသည်ဟု ဆိုသည်။
"စစ်အစိုးရက သူတို့ လုပ်ချင်သလို လုပ်ဖို့ စီစဉ်ထားတဲ့ အထဲမှာ ဒါက သဘောလောက်ပဲ ရှိပါသေးတယ်" ဟု ထိုင်းနိုင်ငံ အခြေစိုက် မြန်မာ ပညာရှင် ဦးအောင်နိုင်ဦးက ပြောကြားခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.