Transparency Myanmar

transparency.myanmar@gmail.com

The Irrawaddy, 6th April 2010

မြန်မာ ဝန်ကြီးချုပ် ဗိုလ်ချုပ်ကြီး သိန်းစိန်သည် လက်ရှိ ရာထူးမှ နုတ်ထွက်၍ ပြည်ထောင်စု ကြံ့ခိုင်ရေး နှင့် ဖွံ့ဖြိုးရေးအသင်း (USDA) ၏ နိုင်ငံရေး ဌာနအသစ်ကို ဦးဆောင်မည် ဖြစ်ကြောင်း နေပြည်တော်မှ လာသော သတင်းများ အရ သိရှိရသည်။

ဗိုလ်ချုပ်ကြီး သိန်းစိန် အနေဖြင့် နှလုံးရောဂါ ရှိနေသောကြောင့် အနားယူ လိုသည်ဟု သိရှိရသော်လည်း ဗိုလ်ချုပ်မှူးကြီး သန်းရွှေက အစိုးရ နောက်ခံပြုသော နိုင်ငံရေး ပါတီ အသစ်ကို ဦးဆောင်ရန် ၎င်းအား စေခိုင်းခဲ့သည်ဟု စစ်တပ် အတွင်းမှ လာသော သတင်းများက ဆိုသည်။

အစိုးရ အဖွဲ့ အတွင်းမှ လာသော သတင်း အချို့အရ ဝန်ကြီးချုပ်သည် ရာထူးမှ ထွက်ပါက လက်ရှိ နေအိမ်နှင့် အခြား နိုင်ငံပိုင် ပစ္စည်းများကို လွှဲပေးရမည်ဟု ဆိုသည်။ ရွေးကောက်ပွဲ ဥပဒေ အသစ်အရ နိုင်ငံရေး ပါတီများနှင့် ကိုယ်စားလှယ်များသည် နိုင်ငံပိုင် ပစ္စည်းများကို အသုံးမပြုရန် တားမြစ်ထားသည်။ သို့သော် အစိုးရက တရားဝင် ပေးအပ်ထားပြီးသော ပစ္စည်းများမှာမူ အသုံးပြုခွင့် ရှိသည်ဟု ဆိုသည်။

အဆိုပါ ဗိုလ်ချုပ်ကြီး သိန်းစိန်၏ သတင်းမှာ ကောလဟာလ အဖြစ် အစိုးရ ဝန်ထမ်းများကြား၊ အစိုးရ ဆန့်ကျင်သူများကြားနှင့် မြန်မာနိုင်ငံ ပြည်တွင်း ပြည်ပ လေ့လာသူများ ကြားတွင် ပျံ့နှံ့လျက် ရှိသည်။

ဗိုလ်ချုပ်ကြီး သိန်းစိန်သည် USDA ၏ နာယကကြီးလည်း ဖြစ်သူ ဗိုလ်ချုပ်မှူးကြီး သန်းရွှေ၏ ယုံကြည်ရသောသူ တစ်ဦး ဖြစ်ပြီး၊ ၂၀၀၇ ခုနှစ် အောက်တိုဘာလတွင် ဝန်ကြီးချုပ် ရာထူး ပေးကာ အမျိုးသား ညီလာခံကို ဦးဆောင် အပြီးသတ်စေခဲ့ပြီး၊ အငြင်းပွားဖွယ် ၂၀၀၈ အခြေခံ ဥပဒေ ထွက်ပေါ်လာစေခဲ့သူ ဖြစ်သည်။ ၎င်းသည် ၂၀၀၁ ခုနှစ်က စစ်ရုံးတွင် စစ်ဦးစီး အရာရှိချုပ် ဖြစ်လာခဲ့ပြီးနောက် သုံးနှစ် ကြာသောအခါ အတွင်းရေးမှူး (၁) အဖြစ် ခန့်အပ်ခြင်း ခံခဲ့ရသည်။

နောက်ထပ် ဗိုလ်ချုပ်မှူးကြီး သန်းရွှေ၏ ယုံကြည်ရသော တပည့်ရင်း နှစ်ဦး ဖြစ်သော တိုင်းပြည်၏ နံပါတ် သုံး ခေါင်းဆောင်ဟု ယူဆရသူ ဗိုလ်ချုပ်ကြီး သူရရွှေမန်းနှင့် လယ်ယာ စိုက်ပျိုးရေးနှင့် ဆည်မြောင်း ဝန်ကြီးဌာန ဝန်ကြီးလည်းဖြစ်၊ USDA ၏ အထွေထွေ အတွင်းရေးမှူးလည်း ဖြစ်သော ဗိုလ်ချုပ် ဌေးဦးတို့သည် အနာဂတ် အရပ်သား အစိုးရတွင် ဦးဆောင် ရာထူးများ ရကြမည်ဟု ခန့်မှန်းရပေသည်။

၂၀၀၈ ခုနှစ် အခြေခံ ဥပဒေအရ ပါလီမန်တွင် ၂၅ % သော နေရာအား စစ်တပ်မှ ရယူမည် ဖြစ်သည်။ ထို့ကြောင့် ဗိုလ်ချုပ်ကြီး သိန်းစိန်၊ ဗိုလ်ချုပ်ကြီး သူရရွှေမန်း နှင့် ဗိုလ်ချုပ်ဌေးဦး တို့သည် အစိုးရ၏ နိုင်ငံရေး ပါတီမှ အရပ်သား ကိုယ်စားလှယ် အဖြစ် အရွေးခံမည် သို့မဟုတ် ပါလီမန်တွင် စစ်တပ် ကိုယ်စားလှယ် ၂၅ % အနေဖြင့် ခန့်အပ်မည် ဆိုသည်ကိုမူ မသိရှိရပေ။

ဗိုလ်ချုပ်မှူးကြီးနှင့် ရင်းနှီးသော စစ်ဆင်ရေး အထူး အဖွဲ့မှူး ဒုတိယ ဗိုလ်ချုပ်ကြီး မြင့်ဆွေနှင့် မန္တလေးမှ တိုင်းမှူး ဗိုလ်ချုပ် တင်ငွေ တို့သည် နိုင်ငံရေး လမ်းကြောင်းသို့ မသွားဘဲ တပ်ထဲတွင်သာ ဆက်လက် ရှိနေမည်ဟု သတင်း တချို့က ပြောသည်။

USDA ကို ၁၉၉၃ ခုနှစ်က စတင် ဖွဲ့စည်းခဲ့ပြီး တရားဝင် စာရွက်စာတမ်းများအရ အဖွဲ့ဝင် ၂၄ သန်း ရှိသည်ဟု ဆိုရာ၊ တိုင်းပြည် လူဦးရေ၏ တစ်ဝက် နီးပါး ရှိသည်။

USDA သည် ၁၉၉၃ က စတင် ကျင်းပသော အမျိုးသား ညီလာခံတွင် ကိုယ်စားလှယ် ၆၃၃ ဦး တက်ရောက်ပြီး၊ စုစုပေါင်း ကိုယ်စားလှယ်၏ ၅၈ % ရှိခဲ့သည်။ အမျိုးသား ညီလာခံသည် ၂၀၀၇ ခုနှစ်တွင် အခြေခံ မူများကို အတည်ပြုခဲ့ပြီး၊ အခြေခံ ဥပဒေကို ၂၀၀၈ ခုနှစ်တွင် အတည်ပြုခဲ့သည်။

စောင့်ကြည့် လေ့လာသူ အတိုက်အခံ အဖွဲ့များက USDA အဖွဲ့ဝင် အများစုသည် ဝန်ထမ်းများ ဖြစ်ပြီး ကြောက်အောင် ခြောက်လှန့်၍ အတင်း အဓမ္မ အသင်း ဝင်ခိုင်းခြင်း ဖြစ်ကြောင်း ပြောသည်။ အဖွဲ့ဝင်များတွင် ကျောင်းဆရာများ၊ ကျောင်းသားများ၊ စီးပွားရေးသမားများနှင့် နိုင်ငံရေးသမား အချို့ ပါဝင်သည်ဟု ဆိုသည်။

USDA မှာ အခြေခံအားဖြင့် အတိုက်အခံ နိုင်ငံရေး လှုပ်ရှားသူများနှင့် အရပ်သားများကို ရက်ရက်စက်စက် နှိပ်ကွပ်ရာတွင် အစိုးရ၏ လက်ကိုင်တုတ် အဖြစ် အသုံးပြုရန် ရည်ရွယ် ဖွဲ့စည်းထားခြင်း ဖြစ်ကြောင်း မြန်မာ အများစုက မြင်ကြသည်။ USDA တွင် အများကို စောင့်ကြည့်ရန် နှင့် အစိုးရ ဆန့်ကျင်သူများကို သတင်းပေးရန် စစ်တပ်ကဲ့သို့ ဖွဲ့ထားသော အဖွဲ့ ဖွဲ့ထားကြောင်း သိရှိရသည်။

USDA အဖွဲ့ဝင်များသည် ၂၀၀၃ ခုနှစ်က ဒီပဲယင်းတွင် ဒေါ်အောင်ဆန်းစုကြည်၏ ကားတန်းအား စီးနင်း တိုက်ခိုက်ရာတွင် လူတစ်ရာခန့် သေဆုံးသော ကိစ္စနှင့် ၂၀၀၇ ခုနှစ်က အရေးအခင်းတွင် သွေးစွန်းစေခဲ့သော ကိစ္စများတွင် အဓိက ကဏ္ဍမှ ပါဝင်ခဲ့သည်။

၂၀၀၅ ခုနှစ် နိုဝင်ဘာလက လိုအပ်ပါလျှင် အဖွဲ့ကြီးကို နိုင်ငံရေး ပါတီ အသွင်ပြောင်းမည် ဖြစ်ကြောင်း ဗိုလ်ချုပ် ဌေးဦးက အဖွဲ့ဝင်များသို့ လူသိရှင်ကြား ထုတ်ဖော် ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာ စစ်အစိုးရ အနေဖြင့် ရွေးကောက်ပွဲ ကာလအတွင်း လူ့အခွင့်အရေး ချိုးဖောက်မှုများကို အကာအကွယ် ပေးလာရန် အာဆီယံအဖွဲ့တွင်း အငြင်းပွားမှု ပြေငြိမ်းရေး စနစ်သစ် တစ်ရပ်က ဖိအား ပေးသွားလိမ့်မည် ဖြစ်ကြောင်း အာဆီယံ လူ့အခွင့်အရေး ကော်မရှင် အကြီးအကဲက ပြောကြားသည်။

အာဆီယံ လူ့အခွင့်အရေး ဆိုင်ရာ အစိုးရအဖွဲ့များ အချင်းချင်း ပူးပေါင်း ဆောင်ရွက်ရေး ကော်မရှင် အကြီးအကဲ Rafendi Djamin က မြန်မာ ဒီမိုကရေစီ ရွေးကောက်ပွဲတွင် ဒေါ်အောင်ဆန်းစုကြည် အပါအဝင် နိုင်ငံရေးသမားများ အားလုံး ပါဝင်ခွင့် ရရှိရေးအတွက် အဆိုပါ အငြင်းပွားမှု ပြေငြိမ်းရေးစနစ် (DSM) က စစ်အစိုးရကို ဖိအားပေး သွားလိမ့်မည် ဖြစ်ကြောင်း၊ အကယ်၍ စစ်အစိုးရကသာ နိုင်ငံရေးသမားများ အားလုံး ပါဝင်နိုင်သော ရွေးကောက်ပွဲ တစ်ရပ် ကျင်းပရန် တောင်းဆိုမှုများကို ငြင်းပယ်လာပါက အဆိုပါ DSM သည် အာဆီယံအတွက် ရွေးချယ်စရာ ဖြစ်လာမည် ဖြစ်ကြောင်း ပြောကြားသည်။

မစ္စတာ Rafendi Dajamin သည် အာဆီယံဆိုင်ရာ လူ့အခွင့်အရေး ကော်မရှင် အကြီးအကဲနှင့် အင်ဒိုနီးရှား သံတမန်လည်း ဖြစ်သည်။ ယင်း အငြင်းပွားမှု ပြေငြိမ်းရေး စနစ်ကိုိ ဗီယက်နမ် နိုင်ငံ၊ ဟနွိုင်းမြို့တွင် ကျင်းပမည့် ၁၆ ကြိမ်မြောက် အာဆီယံ ထိပ်သီး ဆွေးနွေးပွဲတွင် လက်မှတ် ရေးထိုးကြမည် ဖြစ်ရာ အဖွဲ့ဝင်များအနေဖြင့် အာဆီယံချာတာ အကောင်အထည် ဖော်ရေးအပေါ် ဝေဖန်ဆန်းစစ် ငြင်းဆိုခွင့် ရရှိမည် ဖြစ်သည်။

သို့သော် DSM သည် စည်းမျဉ်းစည်းကမ်း လေးစား လိုက်နာမှု မရှိသော အဖွဲ့ဝင်များအပေါ် ဥပဒေကြောင်းအရ ပိတ်ဆို့ အရေးယူနိုင်မည် မဟုတ်ပေ။

"အာဆီယံချာတာကို ကျွန်တော်တို့ ဘယ်လို အကောင်အထည် ဖော်ကြမလဲ၊ လူ့အခွင့်အရေး ကော်မရှင်ကို ဘယ်လို ထူထောင်သင့်သလဲ ဆိုတာတွေကို ဆွေးနွေး ညှိနှိုင်းလာခဲ့ကြတာ များပါပြီ။ ချာတာထဲမှာ သတ်မှတ် ဖော်ပြထားတဲ့အတိုင်း လူ့အခွင့်အရေးဆိုင်ရာ စံချိန် စံနှုန်းတွေကို ဘယ်လို အကျုံးဝင်လာအောင် လုပ်မလဲ ဆိုတာကိုလည်း ညှိနှိုင်းခဲ့ကြပါတယ်" ဟု Rafendi Djamin က ပြောသည်။

"အဖွဲ့ဝင်တွေမှာ မတူညီတဲ့ ကွဲပြားခြားနားချက်တွေ ရှိနေတဲ့အတွက် ကိုယ့်စံချိန် စံနှုန်းတွေ နဲ့အညီ ညှိနှိုင်းကြဖို့ တွန်းအား ပေးထားပါတယ်" ဟု ၎င်းက ဆက်လက် ပြောဆိုသည်။

"ဒီ DSM ဆိုတဲ့ စနစ်သစ်ကြောင့် အဖွဲ့ဝင်တွေကို ယခင်ကထက် ပိုပြီး ဖိအားပေးနိုင်မယ့် အရာတွေ များလာမှာ ဖြစ်ပါတယ်။ လူ့အခွင့်အရေးနဲ့ ပတ်သက်ပြီး ကန့်လန့် တိုက်နေတဲ့ နိုင်ငံတွေကိုလည်း နာခံမှု ရှိလာအောင် လုပ်နိုင်မှာပါ" ဟု မစ္စတာ Rafendi Djamin က ပြောသည်။ အကယ်၍ မြန်မာ စစ်အစိုးရကသာ အာဆီယံ ချာတာတွင် ပါဝင်သည့် လူ့အခွင့်အရေး ဆိုင်ရာ မူဝါဒများ အတိုင်း ရွေးကောက်ပွဲကို ကျင်းပပေးခြင်း မရှိသည်ကို အခြားအဖွဲ့ဝင် နိုင်ငံများက တွေ့ရှိခဲ့ပါက ရွေးကောက်ပွဲ ရလဒ်ကို ယုံကြည်ရမှု ရှိ၊ မရှိကို DSM အဆင့်အတန်းဖြင့် မှတ်ကျောက်တင် စစ်ဆေးရမည် ဖြစ်ကြောင်း ၎င်းက ဆိုသည်။

မြန်မာနိုင်ငံတွင် နှစ်ပေါင်း ၂၀ အတွင်း ပထမဆုံးအကြိမ် ကျင်းပမည့် ဒီမိုကရေစီ ရွေးကောက်ပွဲအတွက် စစ်အစိုးရက ထုတ်ပြန်လိုက်သော ဥပဒေ စည်းမျဉ်း စည်းကမ်းများမှာ အတိုက်အခံ ခေါင်းဆောင် ဒေါ်အောင်ဆန်းစုကြည် အနေဖြင့် ရွေးကောက်ပွဲသို့ ဝင်ရောက် ယှဉ်ပြိုင်ခွင့် မရအောင် ဟန့်တားထားသည်ဟု အကဲခတ် လေ့လာသူများက ပြောဆိုလျက် ရှိသည်။

မြန်မာ ဒီမိုကရေစီ ရွေးကောက်ပွဲတွင် ဒေါ်အောင်ဆန်းစုကြည် ပါဝင်ခွင့် ရှိမည့် ကိစ္စမှာ မသေချာသော်လည်း အာဆီယံအနေဖြင့် နိုင်ငံရေးသမားများ အားလုံး ပါဝင်ခွင့် ရရှိအောင် ဖိအားပေး တိုက်တွန်းမှုများ လုပ်ဆောင်လျက် ရှိပါကြောင်း အာဆီယံ အထွေထွေ အတွင်းရေးမှူး ဆူရင်ပစ်ဆာဝမ်က ပြောကြားသည်။

'အဲဒီ ကိစ္စကို အာဆီယံ ဖိုရမ်တိုင်းမှာ ဆွေးနွေးခဲ့ကြပါတယ်။ ဘယ်ဟာက နောက်ဆုံးရလဒ် ဖြစ်လာမလဲဆိုတာ အင်မတန် စိတ်ဝင်စားဖို့ ကောင်းပါတယ်" ဟု မစ္စတာ ဆူရင်ပစ်ဆာဝမ်က ဆိုသည်။

"မြန်မာနိုင်ငံမှာ အခြေခံ ဥပဒေနဲ့ ဥပဒေ ရေးဆွဲမှုတွေ အားလုံး ရှိနေပါပြီ၊ ဒါပေမဲ့ ခက်တာက ဘယ်လို ဖွံ့ဖြိုးတိုးတက်မှုတွေ ရှိလာမယ် ဆိုတာနဲ့ ပတ်သက်ပြီး ရှင်းလင်း ပြတ်သားတဲ့ အရိပ်အယောင်တွေ မတွေ့ရသေးပါဘူး" ဟုလည်း ဆိုသည်။ DSM စနစ်သစ်က အာဆီယံ ချာတာ အကောင်အထည် ဖော်ရာတွင် ထွက်ပေါ်လာမည့် မတူညီသော သဘောတရားများ အပေါ် အငြင်းပွားမှုများကို ပြေငြိမ်းနိုင်ရေးအတွက် ရွေးချယ်စရာများ ရရှိအောင် ပြုလုပ်ပေးမည် ဖြစ်သည်။

"အာဆီယံ အရေးကိစ္စကို ကြားဝင် စွက်ဖက်နိုင်မယ့် နည်းလမ်းတွေ အများကြီး ရှိပါတယ်" ဟု နိုင်ငံတကာ လေ့လာရေးနှင့် မဟာဗျူဟာ စင်တာမှ ဒါရိုက်တာ Jusuf Wanandi က ပြောကြားသည်။ "ဒါပေမဲ့ မေးစရာ ဖြစ်နေတာက ကျွန်တော်တို့ ဝင်ရောက် စွက်ဖက်ဖို့ ဘယ်လောက် အတိုင်းအတာ အထိ ဆန္ဒရှိနေလဲ ဆိုတဲ့ အချက်ပါပဲ" ဟု ၎င်းက ဆက်လက် ပြောဆိုသည်။

"ဘာဖြစ်လို့လဲ ဆိုတော့ မြန်မာနိုင်ငံထဲမှာ အပြောင်းအလဲ ဖြစ်ဖို့ ဆော်သြတာတို့၊ တွန်းအား ပေးတာတို့ လုပ်နေတဲ့သူတွေက အစိုးရအဖွဲ့တွေ မဟုတ်ဘဲ အရပ်ဘက် လူ့အဖွဲ့အစည်းတွေ ဖြစ်နေလို့ပါပဲ" ဟု ဆက်လက် ပြောကြားသွားသည်။

The Jakarta Post မှ Lilian Budianto ၏ ဆောင်းပါးကို ဆီလျော်အောင် ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံ၏ ထိပ်တန်း ကွန်မြူနစ် ပါတီကြီးတစ်ခု၏ မျိုးဆက်များက ၂၀၁၀ ပြည့်နှစ် ရွေးကောက်ပွဲတွင် ပါဝင် ယှဉ်ပြိုင်ကြမည် ဖြစ်ကြောင်း၊ မြန်မာနိုင်ငံသည် ဈေးကွက် စီးပွားရေး လက်အောက်တွင်သာ ဖွံ့ဖြိုး တိုးတက်မှု ရမည် ဖြစ်ကြောင်း ထုတ်ဖော် ပြောဆိုလိုက်သည်။

မြန်မာပြည် ကွန်မြူနစ် ပါတီ (CPB) ၏ ပါတီခွဲ တစ်ခု ဖြစ်သော အလံနီ ကွန်မြူနစ် ပါတီ၏ မျိုးဆက်များက ပါတီသုံးခုကို တည်ထောင်ခဲ့ကြရာ ယင်းပါတီ သုံးခုအနက်မှ တစ်ခု ဖြစ်သော ခေတ်သစ် ပြည်သူ့ပါတီ (NEPP) က ရွေးကောက်ပွဲ ဝင်ရောက်ရန် မှတ်ပုံတင်မည် ဖြစ်သည်ဟု ထုတ်ဖော် ပြောဆိုထားသည်။

NEPP ၏ အထွေထွေ အတွင်းရေးမှူး ဦးထွန်းအောင်ကျော်က ၎င်းသည် ယခင် အလံနီ ကွန်မြူနစ်ပါတီ ခေါင်းဆောင် သခင်စိုး၏ ကိုယ်ရေး အတွင်းရေးမှူးဟောင်း တစ်ဦးအဖြစ် တာဝန် ထမ်းဆောင်ခဲ့ဖူးကြောင်း DVB သို့ ပြောဆိုသည်။ အလံနီ ခေါင်းဆောင် သခင်စိုးဟူသည် မြန်မာ ကွန်မြူနစ် နိုင်ငံရေး သမားများထဲတွင် အလွန်အမင်း သြဇာ ကြီးမားသူ တစ်ဦး ဖြစ်ခဲ့သည်။

အလံနီ ကွန်မြူနစ်ပါတီ မျိုးဆက်များ ပါဝင်သည့် အမျိုးသား နိုင်ငံရေး မဟာမိတ် အဖွဲ့ချုပ် (AFNP) ပါတီသည် ယခုအခါ ရွေးကောက်ပွဲ ကော်မရှင်တွင် မှတ်ပုံတင် ထားပြီး ဖြစ်ကြောင်း သိရသည်။

မှတ်ပုံ မတင်ရသေးသော ပါတီနှစ်ခုမှာ NEPP နှင့် ညီညွတ်သော ဒီမိုကရက် ပါတီ (UDP) တို့ ဖြစ်ကြသည်။ အဆိုပါ UDP ပါတီသည်လည်း အလံနီ မျိုးဆက်များ ဖြစ်ကြောင်း သိရသည်။

"၂၀၀၈ ခုနှစ်တွင် ထွက်ပေါ်ခဲ့သော ဖွဲ့စည်း အုပ်ချုပ်ပုံ အခြေခံဥပဒေကို ယခုအခါ လက်သင့်ခံကြောင်း၊ ရွေးကောက်ပွဲသည် လွတ်လပ်ပြီး တရားမျှတမှု ရှိကာ အပြောင်းအလဲ တစ်ရပ်ကို ယူဆောင်လာမည်ဟု ယုံကြည်ကြောင်း" အလံနီ မျိုးဆက်များ ပါဝင်သည့် ပါတီ သုံးခုစလုံးက ထုတ်ဖော် ပြောဆိုသည်။

NEPP မှ ဦးထွန်းအောင်ကျော်ကမူ မိမိတို့ အနေဖြင့် မြန်မာနိုင်ငံ၏ ဈေးကွက် စီးပွားရေး အပြည့်အဝ ဖွံ့ဖြိုးရေးအတွက် အရင်းရှင်စနစ် တစ်ရပ်ကို ကျင့်သုံးသွားမည် ဖြစ်သည်ဟု ပြောဆိုသည်။

"အလုပ်သမား၊ လယ်သမားနဲ့ ဆင်းရဲသားတွေဟာ စက်မှု အရင်းရှင်စနစ်၊ ဈေးကွက် စီးပွားရေးစနစ်နဲ့ ဒီမိုကရေစီ စနစ် တစ်ခုရဲ့ လက်အောက်မှာသာ အကျိုးအမြတ် ဖြစ်ထွန်းနိုင်မှာပါ" ဟု အလံနီ ကွန်မြူနစ် ခေါင်းဆောင်ကြီး သခင်စိုး၏ ကိုယ်ရေး အရာရှိဟောင်း ဦးထွန်းအောင်ကျော်က ပြောကြားသည်။

မြေယာများကို လူမျိုးပိုင် ပြုလုပ်ပြီး လွပ်လပ်စွာ ကူးသန်း ရောင်းဝယ်ခွင့်၊ ရွေးကောက် တင်မြှောက်ခွင့် တို့ကို ဖြစ်ပေါ်စေမည့် အရင်းရှင်စနစ် တစ်ရပ်ကို ကျင့်သုံးသွားမည် ဖြစ်သည်ဟုလည်း ဆိုသည်။

ယခုနှစ် ကျင်းပမည့် ရွေးကောက်ပွဲကို အဓိက အတိုက်အခံပါတီ ဖြစ်သော အမျိုးသား ဒီမိုကရေစီ အဖွဲ့ချုပ် (NLD) က သပိတ်မှောက်ခဲ့သော်လည်း အခြားသော နိုင်ငံရေးပါတီ အနည်းဆုံး ငါးခုမှာ ရွေးကောက်ပွဲ ဝင်ရန် မှတ်ပုံတင်ထားပြီး ဖြစ်သည်။

မြန်မာနိုင်ငံသည် ယခင်က ကျင့်သုံးခဲ့သော အစွန်းရောက် အမျိုးသား စီးပွားရေး မူဝါဒများကို ပယ်ဖျက်လိုက်ပြီ ဖြစ်သည်ကို တွေ့ရသည်။ စစ်အစိုးရက နိုင်ငံပိုင် ပစ္စည်းများ၊ လုပ်ငန်းကြီးများကို ပုဂ္ဂလိက အခန်းကဏ္ဍသို့ လွှဲပြောင်းပေးလျက် ရှိသည်။ သို့သော် အဆိုပါ လုပ်ငန်းများကို ပုဂ္ဂလိကပိုင် အဖြစ် လုပ်ပိုင်ခွင့် ရရှိသူများမှာ စစ်အစိုးရနှင့် ရင်းနှီးကျွမ်းဝင်သူများသာ ဖြစ်သည်။

ထို့ပြင် နိုင်ငံခြား ရင်းနှီးမြှုပ်နှံရေး ကုမ္ပဏီများ (အထူးသဖြင့် တရုတ်၊ ကိုရီးယား၊ အိန္ဒိယ နိုင်ငံများမှ) သည် မြန်မာနိုင်ငံရှိ စွမ်းအင် တူးဖော်ရေး စီမံကိန်းများတွင် ဝင်ရောက် လုပ်ကိုင်လျက် ရှိသည်။

DVB သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ကချင် လွတ်လပ်ရေး တပ်ဖွဲ့ (KIA) က နယ်ခြားဒေသ စောင့်တပ်အဖြစ် အသွင် ကူးပြောင်းရန် စစ်အစိုးရ၏ တောင်းဆိုမှုကို ငြင်းပယ်လိုက်မှုနှင့် ပတ်သက်ပြီး နှစ်ဦးနှစ်ဖက် တင်းမာမှုများ ကြီးထွားနေသောကြောင့် KIA ဌာနချုပ်နှင့် နီးကပ်သော နေရာများတွင် မြန်မာစစ်တပ်မှ စစ်ဘက်သုံး ထရပ်ကား အစီး ၁၀၀ ခန့် နေရာယူထားကြောင်း သတင်းရရှိသည်။

အဆိုပါ မြန်မာစစ်တပ်မှ စစ်ယာဉ်တန်းများကို လာဇာ-ဗန်းမော်-မြစ်ကြီးနား အဝေးပြေး လမ်းမတွင် တွေ့မြင်ခဲ့ရကြောင်း၊ စစ်ယာဉ်တန်းသည် မြစ်ကြီးနားမြို့မှ ထွက်ခွာလာပုံ ရကြောင်း ဒေသခံ တစ်ဦးက ပြောကြားသည်။ KIA ဌာနချုပ်များမှာ တရုတ်-မြန်မာ နယ်စပ်မြို့ ဖြစ်သော လာဇာ အနီးတစ်ဝိုက်တွင် တည်ရှိသည်။

"စစ်တပ်က ထရပ်ကားတွေ ကြည့်ရတာ ကုန်တွေ တင်လာပုံ ရတယ်။ ထရပ် တစ်စီးစီမှာ အမြောက် သေနတ်တွေလည်း ပါလာတယ်" ဟု ၎င်းက ဆိုသည်။ "ထရပ်ကားတွေမှာ ဘာတွေ တင်လာတာကို မမြင်ရအောင်လို့ တာလပတ်တွေနဲ့ အုပ်မိုးထားတယ်။ ဒါပေမဲ့ တချို့ သေနတ်ကြီးတွေက တော်တော်ကြီးတော့ မြင်ရတယ်" ဟု ၎င်းက ဆက်လက် ပြောသည်။

အပစ်အခတ် ရပ်စဲရေး အဖွဲ့တစ်ခု ဖြစ်သော KIA က နယ်ခြားဒေသ စောင့်တပ်အဖြစ် အသွင်ပြောင်း ဖွဲ့စည်းရန် ဆက်လက် ငြင်းဆန်နေမည် ဆိုပါက ကချင်ပြည်နယ်အတွင်း စစ်ရေး ပဋိပက္ခနှင့် တင်းမာ ပေါက်ကွဲမှုများ ဖြစ်ပေါ်လာနိုင်သည် ဟူသော စိုးရိမ် ကြောက်ရွံ့မှုများလည်း ကြီးထွားလျက် ရှိသည်။

ပြီးခဲ့သည့်လက မြန်မာစစ်တပ်သည် ကချင်ပြည်နယ် အတွင်းမှ အရပ်သားများအား စစ်ရေး သင်တန်းများကို စနစ်တကျ ပို့ချခဲ့ရာ တင်းမာမှုများလည်း ပို၍ ထွက်ပေါ်လာသည်။ ကချင်ပြည်နယ်ရှိ နယ်မြေ အတော်များများမှာ KIA ၏ ထိန်းချုပ်မှု အောက်တွင် ရှိရာ ကချင်လူမျိုးများကို စစ်သင်တန်း မပေးဘဲ မြန်မာလူမျိုးများကိုသာ အဓိက ပစ်မှတ်ထား သင်ကြားပေးနေခြင်း ဖြစ်သည်ဟု စွပ်စွဲ ခံထားရသည်။

လာဇာမြို့နှင့် ကီလိုမီတာ ၂၀ အကွာ ဝန်းကျင်တွင် မြန်မာစစ်တပ်မှ တပ်ဖွဲ့ဝင်များ ဖြန့်ကြက်ထားပြီး KIA ဌာနချုပ်သို့ သွားသည့် လမ်းတွင်လည်း အဟန့်အတားများ ချထားကြောင်း ဒေသခံများက ပြောကြားသည်။ မြန်မာစစ်တပ်သည် အဆိုပါ နည်းလမ်းအတိုင်းပင် "ဝ"တပ်ဖွဲ့ (UWSA) သို့ သွားသည့် လမ်းကြောင်းများကိုလည်း ပိတ်ပင်ထားသည် ဟူသော သတင်း ပေးပို့ချက်များ ရရှိသည်။ ဝ တပ်ဖွဲ့သည် KIA ကဲ့သို့ပင် နယ်ခြားဒေသ စောင့်တပ် ဖွဲ့စည်းရန် ငြင်းပယ်ထားသော အပစ်အခတ် ရပ်စဲရေး လက်နက်ကိုင်အဖွဲ့ ဖြစ်သည်။

နယ်ခြားဒေသ စောင့်တပ်ဖွဲ့ အဖြစ် ပြောင်းလဲ ဖွဲ့စည်းရန် မြန်မာ စစ်အစိုးရက သတ်မှတ်ထားသော နေ့မှာ ဧပြီလ ၂၈ ရက် ဖြစ်သည်။ အဆိုပါ နေ့ရက် ကျော်လွန်သွားပါက နယ်ခြားဒေသ စောင့်တပ်အဖြစ် ပြောင်းလဲရန် ငြင်းပယ်သော အဖွဲ့အစည်းများကို စစ်အစိုးရက တရားမဝင် အဖွဲ့အစည်းများအဖြစ် သတ်မှတ်မည် ဖြစ်သည်။ သို့သော် အပစ်အခတ် ရပ်စဲရေး အုပ်စု ၁၈ ခုက စစ်အစိုးရ၏ ကမ်းလှမ်းချက်ကို ယခုအချိန်အထိ ငြင်းပယ်ထားဆဲပင် ဖြစ်သည်။ ၎င်းတို့ အနေဖြင့် နယ်ခြားဒေသ စောင့်တပ်ဖွဲ့အဖြစ် ပြောင်းလဲလိုက်ပါက စစ်အစိုးရ လက်အောက်တွင် လုပ်ကိုင်ရမည် ဖြစ်ပြီး တပ်ဖွဲ့ဝင် ဦးရေကိုလည်း လျှော့ချရမည် ဖြစ်သောကြောင့် ငြင်းပယ်နေခြင်း ဖြစ်သည်ဟု အကဲခတ် လေ့လာသူများက ပြောကြားသည်။

မြန်မာနိုင်ငံ မြောက်ပိုင်း နယ်စပ်ဒေသတွင် ဖြစ်ပွားသော မည်သည့် တိုက်ပွဲမျိုး မဆို တရုတ်နိုင်ငံကို ရိုက်ခတ်မှု ရှိနိုင်သည်။ တရုတ်သည် မြန်မာ၏ အဓိက မဟာမိတ်နိုင်ငံ ဖြစ်သည့်တိုင် ဘေဂျင်း အစိုးရက နှစ်နိုင်ငံ နယ်စပ်ဒေသ ပြဿနာ မီးပွားများ မဖြစ်ပေါ်စေလိုကြောင်း ထုတ်ဖော် သတိပေးထားပြီး ဖြစ်သည်။ ပြီးခဲ့သည့် ၂၀၀၉ ခုနှစ်၊ ဇွန်လ အတွင်း တရုတ်-မြန်မာ နယ်စပ် ကိုးကန့် ဒေသတွင် တိုက်ခိုက်မှုများ အပြင်းအထန် ဖြစ်ပွားခဲ့ရာ ထိုဒေသမှ ဒုက္ခသည် ၃၇၀၀၀ ခန့် တရုတ်ပြည်ဘက်သို့ ဝင်ပြေးခဲ့ကြရသည်။

DVB သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA News, 6th April 2010

မြန်မာနိုင်ငံတွင် ဒေါ်အောင်ဆန်းစုကြည်၏ အတိုက်အခံ ပါတီသည် အစိုးရ၏ ဖိနှိပ်မှုများကြောင့် တိုင်းပြည်သို့ ဒီမိုကရေစီ ဖော်ဆောင်ပေးရန် မအောင်မြင်ခဲ့ရခြင်း အတွက် တောင်းပန်ခဲ့သည်။

ပြီးခဲ့သည့် အပတ်က အမျိုးသား ဒီမိုကရေစီ အဖွဲ့ချုပ် (NLD) သည် ရွေးကောက် ဥပဒေက ဒေါ်အောင်ဆန်းစုကြည်အား ပါဝင်ရန် တားဆီးထားခြင်းသည် မတရားဟုဆိုကာ ရွေးကောက်ပွဲကို သပိတ်မှောက်ရန် ဆုံးဖြတ်ခဲ့သည်။

အင်္ဂါနေ့က ထုတ်ပြန်သော သတင်း ကြေညာချက်၌ NLD က ပြောကြားရာတွင် ၎င်း၏ အဖွဲ့ဝင်များမှာ ဖမ်းဆီးခံရခြင်း၊ ပြစ်ဒဏ်ပေးခံရခြင်း၊ ခြိမ်းခြောက်ခံရခြင်း၊ အနှောင့်အယှက် ပေးခံရခြင်း တို့ကြောင့် အမျိုးသား ပြန်လည် ပေါင်းစည်းရေးနှင့် ဒီမိုကရေစီရေး တို့အတွက် ကြိုးပမ်းရာတွင် အနှောင့်အယှက်များ ကြံ့ကြံ့ခံရကြောင်း ပြောကြားခဲ့သည်။ အဆိုပါ ရည်မှန်းချက်များ ဖော်ဆောင် မပေးနိုင်ခြင်း အတွက် တောင်းပန်ခဲ့ပြီး၊ အကြမ်းမဖက်သော ကြိုးပမ်းမှုများ ဆက်လက် လုပ်ဆောင်သွားမည် ဖြစ်ကြောင်း ပြောကြားခဲ့သည်။

NLD သည် ၁၉၉၀ ခုနှစ် ရွေးကောက်ပွဲတွင် အနိုင်ရခဲ့သော်လည်း အစိုးရက အာဏာလွှဲပေးရန် ငြင်းဆန်ခဲ့သည်။

ယခု အခါတွင် ရွေးကောက်ပွဲ အတွက် ရက်သတ်မှတ်ခြင်း မရှိသေးသော်လည်း၊ ထိုရွေးကောက်ပွဲကို အများက စစ်တပ်က အာဏာ ဆက်ကိုင်ထားရေး အတွက် ဆင်လုံး တစ်ခုသာ ဖြစ်ကြောင်း မြင်နေကြသည်။

အတိုက်အခံ ခေါင်းဆောင် ဒေါ်အောင်ဆန်းစုကြည်သည် အနှစ် နှစ်ဆယ် အတွင်း ၁၄ နှစ်ခန့် ထိန်းသိမ်းခံနေရပြီး၊ NLD တာဝန်ရှိသူ အတော်များများလည်း နိုင်ငံရေး အကျဉ်းသား အဖြစ် အဖမ်းခံခဲ့ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Straits Times News, 6th April 2010

ဝိုင်းဝန်း ဝေဖန် ပြစ်တင်ခြင်း ခံနေရသည့် မြန်မာ ရွေးကောက်ပွဲ ဥပဒေသည် ယခု တစ်ပတ် အာဆီယံ ညီလာခံတွင် လွဲရှောင်မရသော ဝေဖန်မှုများကို ရင်ဆိုင်ရမည် ဖြစ်သော်လည်း လူ့အခွင့်အရေး နှင့် ဒီမိုကရေစီ ရေးရာတွင် ရလဒ် မကောင်းသော အာဆီယံ၏ မှတ်တမ်းများကြောင့် ပြစ်တင် ဝေဖန်မှုများ ရှိနိုင်ပုံ မရဟု အကဲခတ်များက ပြောကြားသည်။

ကြာသပတေးနေ့နှင့် သောကြာနေ့တွင် ကျင်းပမည့် အာဆီယံ ညီလာခံကို လူ့အခွင့်အရေး ယိုယွင်းလာမှုကြောင့် အစွပ်စွဲ ခံနေရသော တစ်ပါတီ စနစ် ကျင့်သုံးသည့် ကွန်မြူနစ် ဗီယက်နမ်က အလှည့်ကျ သဘာပတိ အဖြစ် လက်ခံ ကျင်းပမည် ဖြစ်သည်။ လာအို နှင့် ကမ္ဘောဒီးယားမှာလည်း အဖွဲ့တွင်း လူ့အခွင့်အရေး ဆွေးနွေးမှုများကို ပိုမို လက်ခံရန် စည်းကမ်း သတ်မှတ်မည်ကို စိုးရိမ် ပူပန်နေသော အဖွဲ့ဝင်များ ဖြစ်သည်ဟု University of Canberra, Australia မှ Christopher Roberts က ပြောကြားခဲ့သည်။

"ဒီကိစ္စက အဓိက အကြောင်းအရာ ဖြစ်လိမ့်မယ်လို့ ထင်ပါတယ်" ဟု အာရှ နိုင်ငံရေး နှင့် လုံခြုံရေး ဌာန ကထိက Roberts က ဆိုသည်။ ဖိလစ်ပိုင် နိုင်ငံခြားရေး ဝန်ကြီး အယ်လဘာတို ရိုမြူလိုကလည်း "ဒီမိုကရေစီ လမ်းညွှန် မြေပုံကို အကောင်အထည် ဖော်မည် ဟူသော မြန်မာ အစိုးရ၏ ဇာတိကို ကျု&#