Transparency Myanmar

transparency.myanmar@gmail.com

AFP, 14th July 2010

စစ်ဖက် အုပ်ချုပ်သူများက လူ့အခွင့်အရေး ညှဉ်းပန်း နှိပ်စက်မှုများ ကျူးလွန်နေကြောင်း စွပ်စွဲခံနေရသည့် မြန်မာနိုင်ငံမှ ကုန်ပစ္စည်း တင်သွင်းမှုကို တစ်နှစ် ထပ်မံ ပိတ်ပင်ရန် အမေရိကန် လွှတ်တော်တွင် ဗုဒ္ဓဟူးနေ့က တခဲနက် မဲပေး ထောက်ခံ လိုက်သည်။

၂၀၀၃ ခုနှစ်မှ စ၍ ပထမဆုံး ထုတ်ပြန်ခဲ့သော ပိတ်ပင်မှုများကို အမေရိကန် လွှတ်တော်တွင် နှစ်စဉ် သက်တမ်း တိုးလာခဲ့ပြီး ယခု နောက်ဆုံး ထပ်မံ အတည်ပြုလိုက်ခြင်း ဖြစ်သည်။

သက်တမ်း တိုးလိုက်သော ဥပဒေကို လက်မှတ် ရေးထိုးရန် အတွက် သမ္မတ အိုဘားမားထံ မကြာမီ အချိန်အတွင်း ပေးပို့ရန် ဆီးနိတ် လွှတ်တော်က မျှော်လင့်ထားသည်။

မြန်မာနိုင်ငံမှ ပို့ကုန်များကို ပိတ်ပင်ထားသည့်  "မြန်မာနိုင်ငံ ဆိုင်ရာ လွတ်လပ်ခွင့်နှင့် ဒီမိုကရေစီ ဥပဒေ ၂၀၀၃'' ကို အမေရိကန် သမ္မတက မြန်မာနိုင်ငံသည် ဒီမိုကရေစီ ပြုပြင် ပြောင်းလဲမှုများကို ဦးဆောင် ဆောင်ရွက်နေကြောင်း နိုင်ငံတကာ မူးယစ်ဆေးဝါး မှောင်ခိုမှုများကို ကူညီ တိုက်ဖျက်နေကြောင်း မသတ်မှတ်သေးသရွေ့ ရုတ်သိမ်းမည် မဟုတ်ပါ။

"ကျင့်ဝတ် သိက္ခာမဲ့သော ရာဇဝတ်မှုများစွာ အတွက် မြန်မာ အစိုးရတွင် အပြစ်ရှိသည်ဟု နိုင်ငံတကာက အသိအမှတ် ပြုထားသည်မှာ ကြာလှပြီ ဖြစ်ကြောင်းနှင့် ဤကိစ္စ အတွက် တာဝန်ယူစေရန် မိမိတို့ ဦးဆောင် ကြိုးပမ်းသွားမည်'' ဟု ပြောကြားခဲ့သူ Joseph Crowley မှာ မြန်မာ အစိုးရကို အချိန် ကြာမြင့်စွာကပင် ပြစ်တင် ဝေဖန်ခဲ့သူ တစ်ဦး ဖြစ်သည်။

မြန်မာ စစ်ဖက် အစိုးရသည် အထိန်းသိမ်းခံ အတိုက်အခံ ခေါင်းဆောင်၊ ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည် ခေါင်းဆောင်သော အဓိက အတိုက်အခံ ပါတီကြီးကို ဖျက်သိမ်းခဲ့ပြီး ယခုနှစ်ကုန်တွင် ရွေးကောက်ပွဲများ ကျင်းပရန် စီစဉ်နေသည်။

သမ္မတ အိုဘားမား အစိုးရ အဖွဲ့သည် အမေရိကန်၏ ဆန့်ကျင်ဘက် အုပ်စုများနှင့် တွေ့ဆုံ ညှိနှိုင်းရေး မူဝါဒ အရ မြန်မာအစိုးရနှင့် ဆွေးနွေးမှုများကို မနှစ်က စတင်ခဲ့သော်လည်း လာမည့် ရွေးကောက်ပွဲများနှင့် ပတ်သက်၍ စိုးရိမ် ပူပန်ကြောင်း ထုတ်ဖော် ပြောကြားသည်။

"အမေရိကန် အစိုးရသည် မြန်မာစစ်ဖက် အုပ်ချုပ်သူများနှင့် သဘော တူညီမှု ရအောင် ခက်ခက်ခဲခဲ လုပ်ဆောင်နေကာ ၎င်းတို့၏ နည်းလမ်းများ ပြောင်းလဲရန် တိုက်တွန်းခဲ့သည်။ လုပ်ဆောင်ရကျိုး နပ်မည့် တန်ဖိုးရှိသော အားထုတ်မှု တစ်ခုဟု မိမိ ယုံကြည်သည် '' ဟု ဒီမိုကရက်တစ် ပါတီဝင် Crowley က ဆိုသည်။

သို့ရာတွင် အထက်ပါ ကြိုးပမ်းမှုများမှာ အပြည့်အဝ ပယ်ချခြင်းများနှင့် ကြုံခဲ့ရပြီး အမှန်တကယ်ပင် မြန်မာနိုင်ငံ၏ အနေအထားမှာ ပိုမို ဆိုးဝါးလာသဖြင့် ယခုကဲ့သို့ ဖိအားပေးရသည့် အချိန်သို့ ရောက်လာခြင်း ဖြစ်သည်ဟုလည်း ၎င်းက ဆိုသည်။

မြန်မာနိုင်ငံ အပေါ် ပိတ်ပင် တားဆီးထားမှုများကို အနာဂတ်တွင် ရုတ်သိမ်းပေးရန် ဆန္ဒရှိသဖြင့် အပြန်အလှန်အားဖြင့် အမေရိကန်က စိုးရိမ် ပူပန်နေသော ကိစ္စများ အထူးသဖြင့် ဒီမိုကရေစီ ထွန်းကားရေးတွင် တိုးတက် ပြောင်းလဲရန် လိုအပ်သည်ဟု  အိုဘားမား အစိုးရက ပြောကြားခဲ့သည်။

အတိုက်အခံများကို သွေးကွဲ၊ အုပ်စု ကွဲစေမည့် လုပ်ဆောင်မှု အဖြစ် နိုင်ငံရေးသမား အချို့က စိတ်ပူပန်နေသော၊ "NLD ပါတီဝင်ဟောင်းများအား အစိုးရက ရွေးကောက်ပွဲ ဝင်ခွင့် ပြုခဲ့ခြင်း'' ကို အမေရိကန် အစိုးရက အရေးစိုက်ခဲ့ခြင်း မရှိပါ။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ချိုနန် စစ်သင်္ဘော နစ်မြုပ်မှုအတွက် အမေရိကန် ဦးဆောင်သော ကုလသလမဂ္ဂ ညွှန်ကြားမှုရုံးနှင့် မြောက်ကိုရီးယား အရာရှိကြီးများ တွေ့ဆုံ ဆွေးနွေးမှုကို ဇူလိုင်လ ၁၅ ရက်နေ့တွင် ပြုလုပ်မည်ဟု မြောက်ကိုရီးယားက ပြောင်းလဲ သတ်မှတ်လိုက်သည်။ မူလက ဇူလိုင်လ ၁၂ ရက်နေ့တွင် တွေ့ဆုံ ဆွေးနွေးမည်ဟု သဘောတူထားမှုကို ပြုံးယမ်းအစိုးရက ရွှေ့ဆိုင်းလိုက်ပြီးနောက် ယခုလို ဆွေးနွေးမည့်နေ့ကို ပြန်လည် သတ်မှတ်လိုက်ခြင်း ဖြစ်သည်။

တွေ့ဆုံ ဆွေးနွေးမှုကို ကိုရီးယား နယ်စပ် ဒေသရှိ Panmunjom ကျေးရွာတွင် ပြုလုပ်မည် ဖြစ်ပြီး နှစ်ဖက်စလုံးမှ စစ်ဘက်အရာရှိများ တက်ရောက်ကြမည် ဖြစ်သည်ဟု ကုလ ညွှန်ကြားမှုရုံးက သတင်း ထုတ်ပြန်သည်။

ယခု တွေ့ဆုံ ဆွေးနွေးမှုသည် ပြီးခဲ့သည့် မတ်လ ၂၆ ရက် ချိုနန် စစ်သင်္ဘော နစ်မြုပ်မှု ဖြစ်ပွားပြီး နောက်ပိုင်း ပထမဆုံး ဖြစ်ကြောင်း၊ အနာဂတ် ကာလတွင် အဆင့်မြင့် စစ်ဘက် အရာရှိကြီးများ တွေ့ဆုံ ဆွေးနွေးမှုများ ပြုလုပ်လာနိုင်ရန် ရည်ရွယ်၍ ယခု ဆွေးနွေးပွဲကို ပြုလုပ်ခြင်း ဖြစ်ကြောင်း ကုလသမဂ္ဂ ပြောခွင့်ရ ပုဂ္ဂိုလ်က ဆိုသည်။

ချိုနန် စစ်သင်္ဘော နစ်မြုပ်မှု ဖြစ်ပွားပြီးနောက် တောင်နှင့်မြောက် ကိုရီးယား နှစ်နိုင်ငံ ဆက်ဆံရေးမှာ လွန်စွာ တင်းမာလာခဲ့သည်။ သင်္ဘော နစ်မြုပ်မှုတွင် လူပေါင်း ၄၆ ဦး သေဆုံးခဲ့ရသည်။

နိုင်ငံတကာ စုံစမ်း စစ်ဆေးရေး အဖွဲ့ အဆိုအရ အဆိုပါ တောင်ကိုရီးယား စစ်သင်္ဘောသည် မြောက်ကိုရီးယား တော်ပီဒို တိုက်ခိုက်မှု ခံရသောကြောင့် နစ်မြုပ် ပျက်စီးခဲ့ခြင်း ဖြစ်သည်။ သို့သော် အဆိုပါ စွပ်စွဲချက်များသည် မှန်ကန်မှု မရှိကြောင်း၊ ချိုနန်ကိစ္စတွင် မိမိတို့မှာ တာဝန် မရှိကြောင်း ပြုံးယမ်း အစိုးရက ငြင်းပယ် ပြောဆိုထားပြီး မြောက်ကိုရီးယား စုံစမ်းစစ်ဆေးရေး အဖွဲ့ဖြင့် စစ်ဆေးမှုများ ပြုလုပ်ခွင့်ပေးရန် အဆိုပြုထားသည်။

ကုလသမဂ္ဂ ညွှန်ကြားမှုရုံးက သင်္ဘော နစ်မြုပ်မှုအား အဖွဲ့ခွဲ၍ စုံစမ်း စစ်ဆေးမှုများ ပြုလုပ်ခဲ့သော်လည်း တွေ့ရှိချက်များကို သတင်း ထုတ်ပြန်ခြင်း မရှိပေ။ ကုလသမဂ္ဂက ပြီးခဲ့သည့် ဇွန်လအတွင်း စစ်ဘက်ရေးရာ ပြောဆို ဆွေးနွေးမှုများ ပြုလုပ်ပြီး စစ်ဆေး တွေ့ရှိချက်များကို ပြန်လည် သုံးသပ်ရန် မြောက်ကိုရီးယားကို အဆိုပြုခဲ့သည်။ သို့သော် အမေရိကန် ပြည်ထောင်စုသည် ကိုရီးယား ကျွန်းဆွယ် အရေးကိစ္စကို ဝင်ရောက် စွက်ဖက်ရန် ကြိုးပမ်းနေသည်ဟု ဆိုကာ မြောက်ကိုရီးယားက ကုလသမဂ္ဂ၏ အဆိုပြုချက်ကို ပယ်ချခဲ့သည်။

အမေရိကန် စစ်တပ်သည် တောင်ကိုရီးယား နိုင်ငံတွင် တပ်ဖွဲ့ဝင် အင်အား ၂၈၅၀၀ ဖြန့်ကျက်ထားသည်။ ကုလသမဂ္ဂ လုံခြုံရေး ကောင်စီ (UNSC) သည် ဇူလိုင်လ ၁၀ ရက် နေ့တွင် ချိုနန် စစ်သင်္ဘော နစ်မြုပ်မှုအပေါ် ပြစ်တင် ရှုတ်ချသည့် ကြေညာချက် တစ်စောင်ကို ထုတ်ပြန်လိုက်သည်။ သို့သော် မြောက်ကိုရီးယား နိုင်ငံကို ပြစ်တင် ဝေဖန်မှုများ ပြုလုပ်ထားခြင်း မရှိသည်ကို တွေ့ရသည်။

AP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Associated Press, 14th July 2010

ကမ္ဘာပေါ်တွင် အဆင်းရဲဆုံး နိုင်ငံ တစ်နိုင်ငံ ဖြစ်ပြီး အာဏာရှင် နိုင်ငံလည်း ဖြစ်သော မြန်မာနိုင်ငံတွင် ယမန်နှစ်က ကမ္ဘာ့စီးပွားရေးကပ် အပြင် စီးပွားရေး ပိတ်ဆို့မှုများကြောင့်  နိုင်ငံခြား ရင်းနှီး မြှုပ်နှံမှုသည် သုံးပုံ တစ်ပုံကျော် ကျဆင်းသွားခဲ့သည် ဟု အစိုးရ ကိန်းဂဏန်းများအရ သိရှိရသည်။

လွန်ခဲ့သော တစ်နှစ်က နိုင်ငံခြား ရင်းနှီး မြှုပ်နှံမှုမှာ ဒေါ်လာ ၉၈၅ သန်း ရှိခဲ့ရာမှ ၂၀၁၀ မတ်လ ကုန်ဆုံးသော ဘဏ္ဍာနှစ်တွင် ဒေါ်လာ ၃၁၅ သန်းသာ ရှိပြီး ၆၈ % ကျဆင်းသွားခဲ့သည် ဟု အမျိုးသား စီမံကိန်းနှင့် စီးပွားရေး ဖွံ့ဖြိုး တိုးတက်မှု ဝန်ကြီးဋ္ဌာနမှ ထုတ်ပြန်သော အစီရင်ခံစာတွင် ဖော်ပြထားသည်။

မြန်မာနိုင်ငံ၏ စီးပွားရေးနှင့် ပတ်သက်၍ နောက်ဆုံး ရရှိသော သတင်း အချက်အလက်များ ရရှိရေးသည် ခက်ခဲလှပြီး၊ အစိုးရထံမှ ရရှိလာသည့် သတင်းများမှာလည်း မယုံကြည်ရပေ။ မြန်မာနိုင်ငံသည် သဘာဝ ဓါတ်ငွေ့ အမြောက်အမြား တင်ပို့မှုမှ ရရှိသော ဝင်ငွေများကို အစိုးရ၏ တရားဝင် စာရင်းတွင် ထည့်သွင်းခြင်း မရှိဘဲ ဗိုလ်ချုပ်များ၏ စီမံကိန်းများတွင်သာ အသုံးပြုခဲ့ကြောင်း သြစတြေးလျ Macquarie တက္ကသိုလ် အခြေစိုက် မြန်မာ့စီးပွားရေး လေ့လာသော  Burma Economic Watch  ၏ အဆိုအရ သိရှိရသည်။

မြန်မာနိုင်ငံတွင် ပြီးခဲ့သည့် နှစ်က နိုင်ငံခြား ရင်းနှီးမြှုပ်နှံမှု အသစ် (၇) ခု ရှိခဲ့ရာ လေးခုမှာ ရေနံနှင့် သဘာဝ ဓါတ်ငွေ့ ကဏ္ဍမှ ဖြစ်သည်။ အဆိုပါ သယံဇာတ ထုတ်ယူရေး ရင်းနှီး မြှုပ်နှံမှုတွင် မလေးရှားနိုင်ငံမှ သုံးခု ဖြစ်ပြီး၊ UAE နိုင်ငံမှ တစ်ခု ဖြစ်သည်။ ရင်းနှီး မြှုပ်နှံမှု တန်ဖိုးမှာ ဒေါ်လာ ၂၇၈.၆ သန်း ရှိပြီး တစ်နှစ်လုံး နိုင်ငံခြား ရင်းနှီးမြှုပ်နှံမှု၏ ၈၈ % ရှိသည်။

အဆိုပါ ၂၀၀၉-၂၀၁၀ ဘဏ္ဍာရေးနှစ် အတွင်း ထိုင်းနိုင်ငံက ဟိုတယ်နှင့် ခရီးသွား ကဏ္ဍတွင် ဒေါ်လာ ၁၅.၂၅ သန်း၊ တရုတ်နိုင်ငံက သတ္တု တူးဖော်ရေး ကဏ္ဍတွင် ဒေါ်လာ ၁၅ သန်းနှင့် ဟောင်ကောင်က ထုတ်လုပ်မှု ကဏ္ဍတွင် ဒေါ်လာ ၆ သန်း အသီးသီး ရင်းနှီး မြှုပ်နှံခဲ့ကြသည် ဟု အစိုးရ အစီရင်ခံစာတွင် ဖော်ပြခဲ့သည်။

အမေရိကန် ပြည်ထောင်စုနှင့် ဥရောပ သမဂ္ဂတို့သည် မြန်မာနိုင်ငံတွင် လူ့အခွင့်အရေး ကိစ္စရပ်များ တိုးတက်လာရန်နှင့် ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား လွှတ်ပေးရန် ရည်ရွယ်၍ အရေးယူမှုများ ချမှတ်ထားသည်။ အရေးယူ ပိတ်ဆို့မှုများတွင် အမေရိကန် ကုမ္ပဏီများ မြန်မာနိုင်ငံတွင် ရင်းနှီး မြှုပ်နှံမှုနှင့် မြန်မာနိုင်ငံမှ ကုန်ပစ္စည်းများ အမေရိကန်သို့ တင်သွင်းခွင့် ပိတ်ပင်ထားပြီး၊ ၁၉၉၇ ခုနှစ်မှ စ၍ အရေးယူမှုများ စတင်ခဲ့ခြင်း ဖြစ်သည်။

မြန်မာနိုင်ငံသည် ၁၉၈၈ မှ စ၍ ရင်းနှီး မြှုပ်နှံမှုနှင့် ပတ်သက်၍ ဥပဒေများ ဖြေလျော့ပေးခဲ့ရာ၊ ရေအားလျှပ်စစ် လုပ်ငန်း၊ ရေနံနှင့် သဘာဝ ဓါတ်ငွေ့၊ သတ္တု တူးဖော်ရေး လုပ်ငန်းများမှာ များစွာ ဆွဲဆောင်မှု ရှိခဲ့ပြီး၊ ထိုင်းနိုင်ငံ ကဲ့သို့သော အိမ်နီးချင်း နိုင်ငံများက စိတ်ဝင်စားခဲ့သည်။

တစ်ချိန်တည်းတွင်ပင် မြန်မာနိုင်ငံ၏ ပို့ကုန်သည် ယခင် တစ်နှစ်က ဒေါ်လာ ၆.၇၈ ဘီလျံ ရှိခဲ့ရာမှ၊ မနှစ်က ၁၂ % တိုးတက်လာပြီး ဒေါ်လာ ၇.၆ ဘီလျံ ရှိလာခဲ့သည်ဟု အစီရင်ခံစာ ကဖော်ပြသည်။ သွင်းကုန်မှာ ယခင်က ဒေါ်လာ ၄.၅၄ ဘီလျံ ရှိခဲ့ရာမှ မနှစ်က ၈ % ကျဆင်းကာ ဒေါ်လာ ၄.၁၈ ဘီလျံသာ ရှိသည် ဟုဆိုသည်။

အစိုးရ အစီရင်ခံစာတွင် သဘာဝ ဓါတ်ငွေ့ တင်ပို့မှုမှာ စုစုပေါင်း ပို့ကုန် တန်ဖိုး၏ ၃၈ % ရှိပြီး၊ ယခင်က ဒေါ်လာ ၂.၃၅ ဘီလျံ ရှိခဲ့ရာမှ မနှစ်က ၉ % တိုးတက်လာပြီး ဒေါ်လာ ၂.၅၆ ဘီလျံ ရှိခဲ့သည် ဟု ဆိုသည်။ မြန်မာနိုင်ငံသည် သဘာဝ ဓါတ်ငွ့ကို အိမ်နီးချင်း ထိုင်းနိုင်ငံသို့ တင်ပို့ ရောင်းချလျက် ရှိသည်။

မြန်မာနိုင်ငံတွင် စာရင်း မဝင်သော ကုန်သွယ်မှု ပမာဏများစွာ ရှိလိမ့်မည်ဟု ယုံကြည်ရပြီး၊ အရှေ့မြောက်ရှိ တရုတ်နိုင်ငံတို့နှင့် ကုန်းတွင်း နယ်စပ်ကို ဖြတ်၍ ကုန်ပစ္စည်း ရောင်းဝယ်မှုများစွာ ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

the Canadian Friends of Burma, 12th July 2010

Ivanhoe သတ္တု တူးဖော်ရေး လုပ်ငန်းသည် Myanmar Ivanhoe Copper Company (MICCL) တွင် ၎င်းပိုင်ဆိုင်သော ရှယ်ယာ ၅၀ % ကို ရောင်းချခြင်း မရှိကြောင်း ၎င်း၏ ကိုယ်ပိုင် website တွင် စိတ်အခန့် မသင့်သော အမူအရာပြသည့် စကားလုံးများ သုံး၍ ကြေညာချက် ထုတ်ပြန်ထားသည်။ MICCL သည် မုံရွာ ကြေးနီ စီမံကိန်း လုပ်ကိုင်ရန် မြန်မာ အစိုးရနှင့် ဖက်စပ် ထူထောင်ထားသော ကုမ္ပဏီ ဖြစ်သည်။

Ivanhoe ၏ ကြေညာချက်သည် NGO တစ်ခုဖြစ်သော Canadian Friends of Burma (CFOB) ၏ သတင်း ထုတ်ပြန်ချက်တွင် အစိုးရသည် တရုတ် လက်နက် ကုမ္ပဏီ Norinco နှင့် အတူ အလုပ်လုပ်ရန် MICCL တွင် ပါဝင်သော Ivanhoe ၏ ပါဝင်မှုအား အစိုးရနှင့် ရင်းနှီးသော လုပ်ငန်းရှင်များသို့ ရောင်းချခဲ့သည်ဟု ဖော်ပြခဲ့ခြင်းကို ပြင်းပြင်းထန်ထန် တုန့်ပြန်ခဲ့သည်။ Ivanhoe က အဆိုပါ သတင်းမှာ အိန္ဒိယ အခြေစိုက် မဇ္ဈိမ သတင်းဋ္ဌာန၏ အကူအညီဖြင့် လူအများ ထင်ရောင်ထင်မှား ဖြစ်စေရန် သတင်းမှားများ လွှင့်ထုတ်သော CFOB ၏ စီမံချက်၏ အစိတ်အပိုင်း တစ်ခုဖြစ်ကြောင်း ပြောကြားခဲ့သည်။ သို့သော် Ivanhoe ၏ ကြေညာချက်မှာ ဇွန်လ (၃၀) ရက် ဟု ရက်စွဲ တပ်ထားသော်လည်း ၎င်း၏ ကိုယ်ပိုင် website တွင် ဇူလိုင်လ (၆) ရက် အထိ တင်ထားခြင်း မရှိသေးသည်ကို တွေ့ရှိရသည်။

Ivanhoe ၏ ကြေညာချက်တွင် ၂၀၀၇ ခုနှစ် ဖေဖော်ဝါရီလက ထူထောင်ထားသော လွတ်လပ်သော ရန်ပုံငွေ ထိန်းသိမ်းရေး အဖွဲ့ (independent trust) က MICCL ရှိ Ivanhoe ၏ ၅၀ % သော ပါဝင်မှုကို ကိုင်ထားဆဲ ဖြစ်ကြောင်း ဆိုသည်။ အကြိမ်ကြ်ိမ် တောင်းဆိုခဲ့သော်လည်း အဆိုပါ အဖွဲ့၏ နောက်ကွယ် မည်သူများ ရှိသည်ဟု ပြောဆိုရန် Ivanhoe က ငြင်းဆန်ခဲ့သည်။

CFOB ၏ အမှုဆောင် ဒါရိုက်တာ တင်မောင်ထူးကမူ ၎င်းအနေဖြင့် Ivanhoe သည် independent trust အဖွဲ့ကို အသုံးပြု၍ MICCL ပါ ၎င်း၏ ပိုင်ဆိုင်မှု ရောင်းချခဲ့ခြင်းကို ဖုံးကွယ်ထားခြင်း ဖြစ်မည်ဟု ယုံကြည်နေသည်။ "စိတ်ပျက်ဖို့ ကောင်းပါတယ်၊ Ivanhoe ဟာ တရုတ် လက်နက် ကုမ္ပဏီနဲ့ မြန်မာ အစိုးရကြားမှာ ဝင်ရောက် ဆောင်ရွက်ပေးတဲ့ ဗိုလ်ချုပ်မှူးကြီး သန်းရွှေနဲ့ နီးစပ်တဲ့ လုပ်ငန်းရှင်ကို သူ့ရှယ်ယာ ရောင်းချခဲ့တယ်။ ကနေဒါ အစိုးရ အနေနဲ့ ချက်ချင်း စုံစမ်း စစ်ဆေးဖို့ လိုလိမ့်မယ်'' တင်မောင်ထူးက ပြောသည်။

MICCL တွင် Ivanhoe ၏ ပါဝင် ရောင်းချမှုနှင့် ပတ်သက်၍ CFOB ၏ သတင်း ထုတ်ပြန်ချက်နှင့် မဇ္ဈိမ၏ သတင်းဆောင်းပါးများ ထွက်ပေါ်လာပြီးနောက်တွင် တရုတ် လက်နက် ကုမ္ပဏီ ဖြစ်သော Norinco ကလည်း ၎င်း၏ website တွင် မုံရွာတွင် ကြေးနီ တူးဖော်ရေး အတွက် မြန်မာ အစိုးရနှင့် သဘောတူခဲ့ပြီး ဖြစ်ကြောင်း သတင်း ထုတ်ပြန်ခဲ့သည်။ Norinco ၏ သတင်း ထုတ်ပြန်ချက်နှင့် Norinco နှင့် မြန်မာ ဗိုလ်ချုပ်များ မုံရွာကြေးနီ အတွက် သဘောတူခဲ့မှု သတင်းများကို The Wall Street Journal စတင် ဖော်ပြခဲ့သည်။

CFOB အမှုဆောင် ဒါရိုက်တာ တင်မောင်ထူးက Ivanhoe က ၎င်း၏ အဖွဲ့ အပေါ် သတင်းအမှားများ ထုတ်ပြန်ရေး စီမံချက်၏ အစိတ်အပိုင်း တစ်ခုအဖြစ် ပြောဆိုချက်ကို ငြင်းချက် ထုတ်ခဲ့သည်။ ၎င်းက တုန့်ပြန် ပြောဆိုရာတွင် "CFOB အနေဖြင့် မြန်မာ အစိုးရနဲ့ မုံရွာ ကြေးနီ အတွက် သဘောတူပါပြီ လို့ကြေညာတဲ့ Norinco ရဲ့ သတင်း ထုတ်ပြန်ချက်နဲ့ပဲ ဖြစ်ဖြစ် ဘာမှ မပတ်သက်ပါဘူး။ Ivanhoe ရဲ့ သတင်းမှားတွေ ထုတ်ပြန်တဲ့ စီမံချက်လို့ ပြောကြားချက်ကတော့ ရီစရာကြီး ပါပဲ'' ဟု ဆိုသည်။

Ivanhoe သည် ၎င်း၏ ကြေညာချက်ကို "မုံရွာကြေးနီ ထုတ်လုပ်ရေးနှင့် ပတ်သက်၍ Ivanhoe သတ္တုလုပ်ငန်း အပေါ် မြန်မာ ဆန့်ကျင်ရေး လှုပ်ရှားသူများ၏ မရိုးသားသော အဓိပ္ပာယ် မရှိသည့် ထိုးနှက်ချက်များ'' ဟု ခေါင်းစဉ် တပ်ထားပြီး၊ အဆိုပါ ကြေညာချက်တွင် ၎င်း၏ အမြတ်ရရေး ရည်ရွယ်ချက်ကို နှောင့်ယှက်မည့် မည်သူကိုမဆို ငြင်းချက် ထုတ်ရန် သက်သေ အထောက်အထားများ လိုအပ်နေဆဲ ဖြစ်သည်။

CFOB ၏ အမှုဆောင် ဒါရိုက်တာ တင်မောင်ထူးက Ivanhoe က မြန်မာ့ ဆန့်ကျင်သူဟု သုံးနှုန်းထားခြင်းနှင့် ပတ်သက်၍ စိတ်မခန့်မသင့် ဖြစ်ရသည်ဟု ဆိုသည်။ ၎င်းက ပြောကြားရာတွင် "မြန်မာ စစ်တပ်ကသာ ဒီမိုကရေစီ မြတ်နိုးသူတွေနဲ့ ပွင့်လင်းမှုနှင့် လူ့အခွင့်အရေး မြတ်နိုးသူတွေကို မြန်မာ ဆန့်ကျင်သူများလို့ တံဆိပ် ကပ်ခဲ့တာ။ Ivanhoe က သူ့သတင်း ထုတ်ပြန်ချက် ခေါင်းစဉ်မှာ အဲဒီ စကားလုံး သုံးထားတော့ သူ့မှာ အမုန်းတရားတွေ ဘယ်လောက် ရှိတယ် ဆိုတာ ပေါ်လာတာပေါ့'' ဟု ဆိုသည်။

Ivanhoe က IndependentTrust ဟု ပြောသော အဖွဲ့၏ နောက်ခံကားချပ်

၂၀၀၆ ခုနှစ် အောက်တိုဘာလတွင် မွန်ဂိုလီးယား၏ ရွှေနှင့် ကြေးနီ စီမံကိန်း Oya Tolgoi တွင် Ivanhoe ၏ ပါတနာ ဖြစ်သူ Rio Tinto သည် Ivanhoe သတ္တုလုပ်ငန်း၌ သူ၏ ရှယ်ယာသည် တဖြည်းဖြည်း ၃၀ % ရှိလာသည်။ ထိုအချိန်က Rio Tinto က လူသိရှင်ကြား ထုတ်ဖော် ပြောကြားရာတွင် Ivanhoe က မြန်မာနိုင်ငံမှ ပြန်ထွက်မည် ဆိုသော ကန့်သတ်ချက်ဖြင့် ရှယ်ယာ ဝယ်ခဲ့ခြင်း ဖြစ်ကြောင်း ပြောခဲ့သည်။

၂၀၀၇ ဖေဖော်ဝါရီလတွင် Ivanhoe က ကြေညာခဲ့ရာ၌ ၎င်းသည် MICCL ရှိ ၎င်း၏ ပါဝင်မှု ၅၀ % ကို independent trust ဟူသော အဖွဲ့သို့ ရောင်းချခဲ့ပြီးကြောင်း၊ သို့သော် ထိုအဖွဲ့က ရှယ်ယာကို ပြန်လည် ရောင်းချ၍ ငွေရရှိမှသာ Ivanhoe သို့ ငွေပေးမည် ဆိုသော ခံဝန်ချက်ဖြင့် ရောင်းချခဲ့ကြောင်း၊ ဖော်ပြခဲ့သည်။

သုံးနှစ်ခွဲ ကျော်ကျော် ကြာသည့်တိုင် Ivanhoe သည် independent trust အဖွဲ့၏ ဖွဲ့စည်းပုံ၊ လှုပ်ရှားမှုနှင့် အဖွဲ့ဝင်များကို ဖွင့်ထုတ်ရန် ငြင်းဆန်နေဆဲ ဖြစ်သည်။ မြန်မာ အစိုးရကလည်း MICCL ၏ ကျန် ၅၀ % ကို ပိုင်ဆိုင်ဆဲ ဖြစ်သည်။

၂၀၀၉ ခုနှစ် မေလက မြန်မာနိုင်ငံ အပတ်စဉ်ထုတ် Myanmar Times တွင် MICCL မန်နေဂျင်း ဒါရိုက်တာ Gleen Ford က မုံရွာ သတ္တုလုပ်ငန်းသည် ကမ္ဘာပေါ်တွင် ထုတ်လုပ်မှု စရိတ် အနည်းဆုံး သတ္တု လုပ်ငန်း ဖြစ်ကြောင်း ဂုဏ်ယူစွာ ပြောခဲ့သည်။

၂၀၀၇ ခုနှစ် နှစ်ကုန်တွင် Ivanhoe က ၎င်းသည် MICCL တွင် ၎င်း၏ ၅၀ % သော ပါဝင်မှု တန်ဖိုးကို စံချိန်တင် ဒေါ်လာ (၁၃၄.၃) သန်းထိ လျှော့ချနိုင်ခဲ့သည်။ ထိုကိစ္စမှာ ၂၀၀၇ ခုနှစ် နှစ်ကုန် အထိ လည်ပတ်ဆဲ အခြေအနေတွင် ဖြစ်သည်။ Ivanhoe ၏ စာရင်းကိုင်များက သုည အထိ တရားဝင် တန်ဖိုးချထားသော သတ္တုတွင်း လုပ်ငန်း တစ်ခုသည် တန်ဖိုးကြီးသော ကြေးနီများ ဆက်လက် ထုတ်လုပ်နေနိုင်ခြင်းမှာ Ivanhoe ရှင်းပြရန် ငြင်းဆိုသော မေးခွန်းအဖြစ် ရှိနေဆဲ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Bangkok Post, 11th July 2010

မြန်မာ စစ်ဖက် အုပ်ချုပ်သူများ၏ ရွေးကောက်ပွဲ အကြိုကာလ အနိုင်ကျင့် ခြိမ်းခြောက်မှုများကြောင့် နယ်စပ် တိုင်းရင်းသားများ ထောင်နှင့်ချီ၍ စွန့်ခွာ ထွက်ပြေးမှုများ ဖြစ်ပေါ်နေသော မြန်မာနိုင်ငံမှ ဒုက္ခသည်များ လှိုင်းလုံးသဖွယ် ရောက်ရှိလာမှု ပြဿနာကို ထိုင်း၊ မလေးရှားနှင့် ဝေးလံလှသော သြစတြေးလျ နိုင်ငံများမှ အာဏာပိုင်များက ၎င်းတို့ဘာသာ ကြိုးစား အားတင်း၊ ဖြေရှင်းလျက် ရှိသည်။

အခြေအနေ အဆိုးဆုံးမှာ နိုင်ငံတွင်းမှ မွတ်ဆလင် မျိုးနွယ်စုများ ဖြစ်၍ ကချင်၊ ကရင် နှင့် ချင်း တိုင်းရင်းသားများသည်လည်း နယ်စပ် ဖြတ်ကျော် ထွက်ပြေးမှုတွင် ပါဝင်လာကြသည်ဟု မလေးရှား လူ့အခွင့်အရေး အဖွဲ့အစည်း ဆူဟာရမ်မှ ညှိနှိုင်းရေး တာဝန်ခံ Temme Lee က ပြောကြားသည်။

"နယ်စပ်ကို ဖြတ်ပြီး တရုတ်ပြည်ဘက်ကို ပြေးတဲ့လူတွေလည်း ရှိတယ်လို့ သတင်းတွေ ကြားရပါတယ်။ အရပ်သား ပြည်သူတွေ အပေါ်မှာ ဖိအားတွေ သိပ်များနေပါတယ်" ဟု သူမက Spectrum သို့ ပြောကြားသည်။

မြန်မာနိုင်ငံကို စွန့်ခွာ ပြေးသူများတွင် အသက် ၁၇ နှစ် အရွယ် မြန်မာ မွတ်ဆလင် ဟာမစ်ဘင်ဟာတင်လည်း ပါဝင်သည်။ ဆင်ဟာတင်သည် မြန်မာစစ်တပ် အတွက် အလုပ်ကြမ်း လုပ်ရန် အတင်းအကြပ် ခေါ်ဆောင်ခြင်း ခံရပြီး အနောက်ဖက် ကမ်းရိုးတန်း ရခိုင်ပြည်နယ်မှ မိဘများနှင့် နှစ်အတန်ကြာ ခွဲခွာနေခဲ့ရသည်။

သူသည် ထိုင်းနိုင်ငံသို့ သွားရန် ပွဲစားခ ဒေါ်လာ ၁၀၀၀ ခန့် ပေးခဲ့ရပြီး ထိုမှ မလေးရှားသို့ ရောက်ရှိစဉ် အဖမ်းခံရကာ ထိန်းသိမ်းရေး အကျဉ်းစခန်းတွင် သမံတလင်းပေါ် အိပ်ရခြင်း၊ ထောင်သား အချင်းချင်း ရိုက်နှက်ခြင်း စသော ဒုက္ခများ ခံစားခဲ့ရသူ ဖြစ်သည်။

ဘင်္ဂလားဒေ့ရှ် ကဲ့သို့ပင် စွန့်ခွာ ထွက်ပြေးသော မြန်မာ မွတ်ဆလင်များ ရွေးချယ်လေ့ ရှိသော မလေးရှား နိုင်ငံတွင် ဆင်ဟာတင်ကို မြန်မာ မွတ်ဆလင် လူမှု ကူညီစောင့်ရှောက်ရေး ကော်မတီမှ လှသန်းက ကယ်တင် စောင့်ရှောက်ခဲ့သည်။ ၎င်းကော်မတီသည် မြန်မာနိုင်ငံရှိ မွတ်ဆလင် မျိုးနွယ် ၂၀ ကျော်မှ ဒုက္ခသည်များ ရွှေ့ပြောင်း အလုပ်သမားများ၏ လိုအပ်ချက်ကို ကူညီရန် ဖွဲ့စည်းထားခြင်း ဖြစ်သည်။ မွတ်ဆလင် ဒုက္ခသည်များထဲတွင် ရိုဟင်ဂျာများလည်း ပါဝင်ကာ ၎င်းတို့သည် မလေးရှားသို့ သွားရန် ထိုင်းရေပြင်ကို လှေများဖြင့် ဖြတ်ကျော်ရန် ကြိုးစားလေ့ ရှိပြီး ၎င်းဒုက္ခသည်များ အပေါ် လူမဆန်သော ကိုင်တွယ်မှုများကြောင့် ထိုင်းအာဏာပိုင်များမှာ နိုင်ငံတကာ၏ ပြစ်တင် ဝေဖန်မှုကို ခံခဲ့ရသည်။

"ဘာမှ မပြောင်းလဲပါဘူး။ ရွေးကောက်ပွဲ ပြီးရင် အရာအားလုံးဟာ ပိုပြီး ဆိုးလာပါလိမ့်မယ်။ ပြည်သူတွေကို ခြိမ်းခြောက် ဖိအားပေးပြီး မဲထည့်ခိုင်းနေတယ်လေ" ဟု လှသန်းက ဆိုသည်။

လာမည့် ရွေးကောက်ပွဲ အတွက် ပါတီ ၄၀ ခန့် မှတ်ပုံတင်ထားရာ လွန်ခဲ့သော အနှစ် ၂၀ က ရွေးကောက်ပွဲ အတွက် မှတ်ပုံတင်ခဲ့သော ပါတီ ၂၃၅ ခု ထက် များစွာ လျော့နည်းသွားသည်။ ယခု ပါတီများသည် လွှတ်တော် ၃ ရပ် (အထက်လွှတ်တော်၊ အောက်လွှတ်တော်၊ ဒေသကြီး လွှတ်တော်) အတွက် ကိုယ်စားလှယ်လောင်းများ ကွင်းဆင်း ရှာဖွေရန် လိုအပ်နေသည်။ လွှတ်တော် အမတ်နေရာ လေးပုံတစ်ပုံကို စစ်တပ် အတွက် သီးသန့် ဖယ်ထားပြီး ဖြစ်သည်။

"လူတိုင်းဟာ စစ်တပ် အတွက် မဲပေးရင်ပေး၊ ဒါမှ မဟုတ်ရင်တော့ အဖမ်းခံရမှာပါ။ အကြမ်းဖက် ခြိမ်းခြောက်မှုတွေ အများကြီး ဖြစ်လာပါလိမ့်မယ်" ဟု လှသန်းက ကွာလာလမ်ပူ ဆင်ခြေဖုံးရှိ ရုံးခန်းလေးထဲတွင် Spectrum သို့ ပြောကြားခဲ့သည်။

မလေးရှားနှင့် ထိုင်းနိုင်ငံရှိ ဒုက္ခသည် စခန်းများသို့ မြန်မာ ဒုက္ခသည် ထောင်ပေါင်းများစွာ ဝင်လာမစဲ ဖြစ်နေပြီး လူဝင်မှု ကြီးကြပ်ရေး မူဝါဒ တင်းကြပ်ထားသော သြစတြေးလျ နိုင်ငံမှာမူ ထွက်ပေါက် ရှာသော မြန်မာများ အတွက် လမ်းကြောင်း အနည်းငယ်သာ ရှိသည်။

တရားမဝင် ဝင်ရောက်လာသူများအပေါ် သြစတြေးလျနိုင်ငံ၏ နှိမ်နင်း ဖြိုခွဲမှုကြောင့် မလေးရှားနှင့် အင်ဒိုနီးရှားရှိ အကျဉ်းစခန်းများတွင် ခိုလှုံ ခွင့်တောင်းသူများ အလွန်အမင်း တိုးပွားလာခဲ့သည်။ ရွှေ့ပြောင်း ဝင်ရောက်လာသူများအား မည်သို့ ကိုင်တွယ်မည် ဆိုသည်ကို ပြန်လည် သုံးသပ်ရန် ဒုက္ခသည် စာနာ လှုပ်ရှားသူများက တောင်းဆိုလျက် ရှိသည်။

ဈေးချိုသော ဟိုတယ်များ၊ အာဖဂန် စားသောက်ဆိုင်များ၊ ပါကစ္စတန် အနွယ်ဝင် ဗလီများဖြင့် ပြည့်နေသော ကွာလာလမ်ပူ ဆင်ခြေဖုံး ချိုတစ် နယ်မြေမှ လမ်းများသည် လူမှောင်ခို ကူးသူများ၊ သြစတြေးလျားသို့ တရားမဝင် သွားရန် ကြိုးစားနေသည့် ရွှေ့ပြောင်း ဝင်ရောက်လာသူများ အကြား တစ်ချိန်က ရေပန်းစား ခဲ့သည်။

လူ့အခွင့်အရေး အုပ်စုများ၊ သံတမန်များနှင့် ပါကစ္စတန် ဗလီဆရာများ၏ အဆိုအရ ပြီးခဲ့သော ဧပြီလမှစ၍ လူကုန်ကူးသူများ၊ ခရီးသည်များ အရေအတွက် များစွာ ကျဆင်းသွားခဲ့သည်ဟု သိရှိရသည်။ ထိုအချိန်သည် သြစတြေးလျား အစိုးရက အာဖဂန် နစ္စတန်နှင့် သီရိလင်္ကာမှ ဝင်ရောက် ခုလှုံသူများ အတွက် ဗီဇာထုတ်ပေးရေး လုပ်ငန်း