Posts
Bangkok Post, 11th July 2010
မြန်မာ စစ်ဖက် အုပ်ချုပ်သူများ၏ ရွေးကောက်ပွဲ အကြိုကာလ အနိုင်ကျင့် ခြိမ်းခြောက်မှုများကြောင့် နယ်စပ် တိုင်းရင်းသားများ ထောင်နှင့်ချီ၍ စွန့်ခွာ ထွက်ပြေးမှုများ ဖြစ်ပေါ်နေသော မြန်မာနိုင်ငံမှ ဒုက္ခသည်များ လှိုင်းလုံးသဖွယ် ရောက်ရှိလာမှု ပြဿနာကို ထိုင်း၊ မလေးရှားနှင့် ဝေးလံလှသော သြစတြေးလျ နိုင်ငံများမှ အာဏာပိုင်များက ၎င်းတို့ဘာသာ ကြိုးစား အားတင်း၊ ဖြေရှင်းလျက် ရှိသည်။
အခြေအနေ အဆိုးဆုံးမှာ နိုင်ငံတွင်းမှ မွတ်ဆလင် မျိုးနွယ်စုများ ဖြစ်၍ ကချင်၊ ကရင် နှင့် ချင်း တိုင်းရင်းသားများသည်လည်း နယ်စပ် ဖြတ်ကျော် ထွက်ပြေးမှုတွင် ပါဝင်လာကြသည်ဟု မလေးရှား လူ့အခွင့်အရေး အဖွဲ့အစည်း ဆူဟာရမ်မှ ညှိနှိုင်းရေး တာဝန်ခံ Temme Lee က ပြောကြားသည်။
"နယ်စပ်ကို ဖြတ်ပြီး တရုတ်ပြည်ဘက်ကို ပြေးတဲ့လူတွေလည်း ရှိတယ်လို့ သတင်းတွေ ကြားရပါတယ်။ အရပ်သား ပြည်သူတွေ အပေါ်မှာ ဖိအားတွေ သိပ်များနေပါတယ်" ဟု သူမက Spectrum သို့ ပြောကြားသည်။
မြန်မာနိုင်ငံကို စွန့်ခွာ ပြေးသူများတွင် အသက် ၁၇ နှစ် အရွယ် မြန်မာ မွတ်ဆလင် ဟာမစ်ဘင်ဟာတင်လည်း ပါဝင်သည်။ ဆင်ဟာတင်သည် မြန်မာစစ်တပ် အတွက် အလုပ်ကြမ်း လုပ်ရန် အတင်းအကြပ် ခေါ်ဆောင်ခြင်း ခံရပြီး အနောက်ဖက် ကမ်းရိုးတန်း ရခိုင်ပြည်နယ်မှ မိဘများနှင့် နှစ်အတန်ကြာ ခွဲခွာနေခဲ့ရသည်။
သူသည် ထိုင်းနိုင်ငံသို့ သွားရန် ပွဲစားခ ဒေါ်လာ ၁၀၀၀ ခန့် ပေးခဲ့ရပြီး ထိုမှ မလေးရှားသို့ ရောက်ရှိစဉ် အဖမ်းခံရကာ ထိန်းသိမ်းရေး အကျဉ်းစခန်းတွင် သမံတလင်းပေါ် အိပ်ရခြင်း၊ ထောင်သား အချင်းချင်း ရိုက်နှက်ခြင်း စသော ဒုက္ခများ ခံစားခဲ့ရသူ ဖြစ်သည်။
ဘင်္ဂလားဒေ့ရှ် ကဲ့သို့ပင် စွန့်ခွာ ထွက်ပြေးသော မြန်မာ မွတ်ဆလင်များ ရွေးချယ်လေ့ ရှိသော မလေးရှား နိုင်ငံတွင် ဆင်ဟာတင်ကို မြန်မာ မွတ်ဆလင် လူမှု ကူညီစောင့်ရှောက်ရေး ကော်မတီမှ လှသန်းက ကယ်တင် စောင့်ရှောက်ခဲ့သည်။ ၎င်းကော်မတီသည် မြန်မာနိုင်ငံရှိ မွတ်ဆလင် မျိုးနွယ် ၂၀ ကျော်မှ ဒုက္ခသည်များ ရွှေ့ပြောင်း အလုပ်သမားများ၏ လိုအပ်ချက်ကို ကူညီရန် ဖွဲ့စည်းထားခြင်း ဖြစ်သည်။ မွတ်ဆလင် ဒုက္ခသည်များထဲတွင် ရိုဟင်ဂျာများလည်း ပါဝင်ကာ ၎င်းတို့သည် မလေးရှားသို့ သွားရန် ထိုင်းရေပြင်ကို လှေများဖြင့် ဖြတ်ကျော်ရန် ကြိုးစားလေ့ ရှိပြီး ၎င်းဒုက္ခသည်များ အပေါ် လူမဆန်သော ကိုင်တွယ်မှုများကြောင့် ထိုင်းအာဏာပိုင်များမှာ နိုင်ငံတကာ၏ ပြစ်တင် ဝေဖန်မှုကို ခံခဲ့ရသည်။
"ဘာမှ မပြောင်းလဲပါဘူး။ ရွေးကောက်ပွဲ ပြီးရင် အရာအားလုံးဟာ ပိုပြီး ဆိုးလာပါလိမ့်မယ်။ ပြည်သူတွေကို ခြိမ်းခြောက် ဖိအားပေးပြီး မဲထည့်ခိုင်းနေတယ်လေ" ဟု လှသန်းက ဆိုသည်။
လာမည့် ရွေးကောက်ပွဲ အတွက် ပါတီ ၄၀ ခန့် မှတ်ပုံတင်ထားရာ လွန်ခဲ့သော အနှစ် ၂၀ က ရွေးကောက်ပွဲ အတွက် မှတ်ပုံတင်ခဲ့သော ပါတီ ၂၃၅ ခု ထက် များစွာ လျော့နည်းသွားသည်။ ယခု ပါတီများသည် လွှတ်တော် ၃ ရပ် (အထက်လွှတ်တော်၊ အောက်လွှတ်တော်၊ ဒေသကြီး လွှတ်တော်) အတွက် ကိုယ်စားလှယ်လောင်းများ ကွင်းဆင်း ရှာဖွေရန် လိုအပ်နေသည်။ လွှတ်တော် အမတ်နေရာ လေးပုံတစ်ပုံကို စစ်တပ် အတွက် သီးသန့် ဖယ်ထားပြီး ဖြစ်သည်။
"လူတိုင်းဟာ စစ်တပ် အတွက် မဲပေးရင်ပေး၊ ဒါမှ မဟုတ်ရင်တော့ အဖမ်းခံရမှာပါ။ အကြမ်းဖက် ခြိမ်းခြောက်မှုတွေ အများကြီး ဖြစ်လာပါလိမ့်မယ်" ဟု လှသန်းက ကွာလာလမ်ပူ ဆင်ခြေဖုံးရှိ ရုံးခန်းလေးထဲတွင် Spectrum သို့ ပြောကြားခဲ့သည်။
မလေးရှားနှင့် ထိုင်းနိုင်ငံရှိ ဒုက္ခသည် စခန်းများသို့ မြန်မာ ဒုက္ခသည် ထောင်ပေါင်းများစွာ ဝင်လာမစဲ ဖြစ်နေပြီး လူဝင်မှု ကြီးကြပ်ရေး မူဝါဒ တင်းကြပ်ထားသော သြစတြေးလျ နိုင်ငံမှာမူ ထွက်ပေါက် ရှာသော မြန်မာများ အတွက် လမ်းကြောင်း အနည်းငယ်သာ ရှိသည်။
တရားမဝင် ဝင်ရောက်လာသူများအပေါ် သြစတြေးလျနိုင်ငံ၏ နှိမ်နင်း ဖြိုခွဲမှုကြောင့် မလေးရှားနှင့် အင်ဒိုနီးရှားရှိ အကျဉ်းစခန်းများတွင် ခိုလှုံ ခွင့်တောင်းသူများ အလွန်အမင်း တိုးပွားလာခဲ့သည်။ ရွှေ့ပြောင်း ဝင်ရောက်လာသူများအား မည်သို့ ကိုင်တွယ်မည် ဆိုသည်ကို ပြန်လည် သုံးသပ်ရန် ဒုက္ခသည် စာနာ လှုပ်ရှားသူများက တောင်းဆိုလျက် ရှိသည်။
ဈေးချိုသော ဟိုတယ်များ၊ အာဖဂန် စားသောက်ဆိုင်များ၊ ပါကစ္စတန် အနွယ်ဝင် ဗလီများဖြင့် ပြည့်နေသော ကွာလာလမ်ပူ ဆင်ခြေဖုံး ချိုတစ် နယ်မြေမှ လမ်းများသည် လူမှောင်ခို ကူးသူများ၊ သြစတြေးလျားသို့ တရားမဝင် သွားရန် ကြိုးစားနေသည့် ရွှေ့ပြောင်း ဝင်ရောက်လာသူများ အကြား တစ်ချိန်က ရေပန်းစား ခဲ့သည်။
လူ့အခွင့်အရေး အုပ်စုများ၊ သံတမန်များနှင့် ပါကစ္စတန် ဗလီဆရာများ၏ အဆိုအရ ပြီးခဲ့သော ဧပြီလမှစ၍ လူကုန်ကူးသူများ၊ ခရီးသည်များ အရေအတွက် များစွာ ကျဆင်းသွားခဲ့သည်ဟု သိရှိရသည်။ ထိုအချိန်သည် သြစတြေးလျား အစိုးရက အာဖဂန် နစ္စတန်နှင့် သီရိလင်္ကာမှ ဝင်ရောက် ခုလှုံသူများ အတွက် ဗီဇာထုတ်ပေးရေး လုပ်ငန်းစဉ်ကို ရပ်ဆိုင်းထားပြီး အခြားနေရာများမှ သြစတြေးလျသို့ ဦးတည်သည့် လူကုန်ကူးမှုများကို ဖော်ထုတ်ပြသရန် လူမှောင်ခိုသမားများအား ဖိအားပေးနေသော အချိန် ဖြစ်သည်။
သီရိလင်္ကာများအား တားမြစ် ပိတ်ပင်မှုကို ကင်ဘာရာတွင် လတ်တလော ရုတ်သိမ်းခဲ့သည်။ သို့ရာတွင် ဒုက္ခသည်များနှင့် ခိုလှုံခွင့် တောင်းသူများကို စီမံကိုင်တွယ်ရန် အတွက် သြစတြေးလျနိုင်ငံ ပြင်ပတွင် ဌာနသစ်များ ဖွင့်လှစ်ရန် စဉ်းစားနေသူ သြစတြေးလျ ဝန်ကြီးချုပ်သစ် Julia Gillard အဆိုပြု တင်ပြထားသည့် ဒေသတွင်း ကိုင်တွယ်မှု ပုံစံသစ် အတွက် ပထမဆုံး လျှောက်လွှာ တင်သူများတွင် မြန်မာများ ပါဝင်နိုင်ဖွယ် ရှိသည်။
Ms Gillard က သူမ၏အရင် ဝန်ကြီးချုပ်ဟောင်း John Howard ကျင့်သုံးခဲ့သော တင်းကျပ်သည့် လူဝင်မှု ကြီးကြပ်ရေး အစီအစဉ်ကို ပြန်လည် ကျင့်သုံးရန် ဆန္ဒမရှိဟု ပြောကြားခဲ့သော်လည်း သြစတြေးလျ၏ လူနေထူထပ်သော ဆင်ခြေဖုံး နယ်မြေများတွင် အသစ် ဝင်ရောက်လာသူများကြောင့် မနိုင်မနင်း ပြည့်လျှံသွားမည်ကို စိုးရိမ် ပူပန်နေသူများကိုလည်း သူမ အနေဖြင့် နားလည် စာနာသည်ဟု ပြောဆိုခဲ့သည်။
"နယ်စပ် လုံခြုံရေး အတွက် စိုးရိမ်တယ်လို့ ပြောနေသူ တွေဟာ သည်းမခံတတ်တဲ့ သူတွေ မဟုတ်ပါဘူး။ အသေအချာ ပြောရရင် သူတို့ဟာ လူမျိုးရေး ဝါဒီတွေ မဟုတ်ပါဘူး။ ဒီလိုပဲ ကလေးသူငယ်တွေ ထိန်းသိမ်းခံနေတာနဲ့ ပတ်သက်လို့ စိုးရိမ်တယ်လို့ ပြောတဲ့သူ တွေဟာလည်း နယ်စပ် ကာကွယ်ရေး အပေါ်မှာ သဘောထား ပျော့လွန်းတယ်လို့ မဆိုလိုပါဘူး။ တကယ်တော့ သူတို့ အားလုံးဟာ လူသားတွေရဲ့ စိုးရိမ်တတ်တဲ့ သဘာဝကို ထုတ်ဖော် ပြောကြားတဲ့သူတွေပါ" ဟု Mr Gillard က မှတ်ချက်ပေးသည်။
Mr Gillard ၏ မှတ်ချက်များ အပေါ် ဒုက္ခသည် စာနာ လှုပ်ရှားသူများက စိုးရိမ်နေကြဆဲ ဖြစ်သည်။
သြစတြေးလျ၊ မလေးရှားနှင့် အင်ဒိုနီးရှား နိုင်ငံများ အကြား တိုးတက်လာသော ပူးပေါင်း ဆောင်ရွက်မှုကို လူကုန်ကူးသူ၊ တရားမဝင် ခိုးဝင်သူများအား ထိန်းချုပ် ဟန့်ထားရာတွင် အရေးပါသော အကြောင်းတစ်ရပ် အဖြစ် ညွှန်းဆိုနေချိန်တွင် ရက်စက် ရန်လိုသော အစိုးရ လက်အောက်မှ ထွက်ပြေးကာ ခိုလှုံခွင့်တောင်းနေသော ဘင်ဟာတင်တို့ကဲ့သို့ ဒုက္ခသည်များ အတွက်မှာမူ စိတ်မအေးဖွယ်ရာ ဖြစ်နေသည်။
"ခိုလှုံခွင့် တောင်းသူတွေဟာ များသောအားဖြင့် ထိန်းသိမ်းရေး အကျဉ်းစခန်းတွေမှာပဲ တစ်လပြီး တစ်လ အချိန်ကုန်နေကြပါတယ်" ဟု ဆူဟာရမ်မှ Ms Lee က ပြောသည်။
"ဒါဟာ မလေးရှား၊ အစိုးရရဲ့ လုံခြုံရေး စီမံချက်တွေလောက်ကိုပဲ အလေးထားတဲ့ သြစတြေးလျ အစိုးရရဲ့ လုံးဝ တာဝန်မဲ့မှု တစ်ခုပါ။ ဒုက္ခသည်တွေ ခိုလှုံခွင့် တောင်းသူတွေ အတွက် အကာအကွယ်ပေးမှု ကိစ္စ အားလုံးကိုလည်း ဖြေရှင်းမယ့်ပုံ မရှိပါဘူး။ အရမ်းကို ခက်ခဲတဲ့ ပြဿနာ တစ်ခုပါပဲ" ဟု သူမက ဆိုသည်။
မြန်မာ ရွေးကောက်ပွဲ နီးလာသည့် အချိန်နှင့် ပြီးသွားသော အချိန်တွင် ယင်းပြဿနာ သိသိသာသာ ပိုဆိုးလာနိုင်သည်။
ယခုတိုင် ရက်မသတ်မှတ် ရသေးသော်လည်း အနှစ် ၂၀ အတွင်း ပထမဆုံး ရွေးကောက်ပွဲများကို မြန်မာ စစ်ခေါင်းဆောင်များက ရက်ကောင်း ရက်မြတ်ဟု ယူဆသော အောက်တိုဘာ ၁၀ ရက် (၁၀.၁၀.၁၀) တွင် ပြုလုပ်လိမ့်မည်ဟု အကဲခတ် လေ့လာသူများက ယုံကြည်ကြသည်။
ရွေးကောက်ပွဲများသည် အတုအယောင် ဖြစ်လိမ့်မည်ဟု ဝေဖန် ဆန်းစစ်သူများက အငြင်းပွားနေချိန်တွင် အကောင်းဖက်မှ ရှုမြင်သူတို့ကလည်း အရပ်ဖက် အုပ်ချုပ်ရေး ပြန်လည် ကျင့်သုံးနိုင်မည့် လက္ခဏာ တစ်ရပ်ဟု မျှော်လင့်နေကြသည်။ ဖြစ်နိုင်သည်မှာ တိုင်းပြည်ကို ပြင်ပကမ္ဘာသို့ အနည်းငယ် ဖွင့်ပေးခြင်း ဖြစ်လိမ့်မည်။
၁၉၉၀ ရွေးကောက်ပွဲတွင် အလွယ်တကူ အနိုင်ရခဲ့သော်လည်း စစ်ဖက် အုပ်ချုပ်သူများ၏ ပယ်ချခြင်း ခံခဲ့ရသော အတိုက်အခံ ခေါင်းဆောင် ဒေါ်အောင်ဆန်းစုကြည်၏ NLD ပါတီမှာ ယခု တစ်ကြိမ် ယှဉ်ပြိုင်မည် မဟုတ်တော့ပေ။
မည်သို့ပင်ဖြစ်စေ ကြီးမားလာသော မရေရာမှုမှာ တိုင်းရင်းသား အုပ်စု အသိုင်းအဝိုင်း၏ ကဏ္ဍပင် ဖြစ်သည်။
ရန်ကုန်မှ ဗဟို အစိုးရအား တိုင်းရင်းသား လက်နက်ကိုင် အဖွဲ့ ၃၀ ကျော်က တော်လှန် ဆန့်ကျင်ခဲ့ကြသည်မှာ နှစ်ပေါင်း ၆၀ ခန့် ရှိပြီ ဖြစ်ပြီး လတ်တလော အချိန်လေးတွင် အစိုးရက အပစ်ရပ် ပုံစံ တစ်မျိုး ရရှိအောင် လုပ်ဆောင်နေရာ၌ ရလဒ်မျိုးစုံ ရောထွေးလျက် ရှိသည်ကို တွေ့ရသည်။
ရွေးကောက်ပွဲ နီးလာသည်နှင့်အမျှ ပူးပေါင်း ဆောင်ရွက်လာသော တိုင်းရင်းသား ခေါင်းဆောင်များ၏ စဉ်းစားဥာဏ် ရှိသော ပူးပေါင်းမှုများ၊ စီးပွားရေး လိုက်လျော ကမ်းလှမ်းမှုများ မှတဆင့် သဘော တူညီချက်များ ရရှိခဲ့သည်။
တိုင်းရင်းသား လက်နက်ကိုင်များကို တပ်မတော်၏ ထိန်းချုပ်မှုအောက်တွင် ထားရှိမည့် နယ်ခြားစောင့် တပ်ဖွဲ့သို့ ပူးပေါင်းရန် အစိုးရက ကမ်းလှမ်းထားသည်။
ကမ်းလှမ်းမှုကို လိုက်နာပါက အပစ်ရပ် အဖွဲ့၏ နိုင်ငံရေး ဌာနမှာ ရွေးကောက်ပွဲ ဝင်ခွင့် ရရှိမည် ဖြစ်သည်။
မြန်မာ စစ်တပ်က ဆက်လက် တိုက်ခိုက်နေသည့် KNU အဖွဲ့မှာ အပစ်အခတ် ရပ်စဲမှု မရှိသည့် အကြီးဆုံး တိုင်းရင်းသားအဖွဲ့ ဖြစ်သည်။ ရှမ်းပြည် တပ်မတော် (တောင်ပိုင်း) နှင့် ကရင်နီ အမျိုးသား တိုးတက်ရေး ပါတီတို့သည်လည်း အပစ်အခတ် ရပ်စဲခြင်း မရှိပါ။
အင်အား အကြီးဆုံး၊ ကြောက်စရာ အကောင်းဆုံး၊ တပ်ဖွဲ့ဝင် ၂ သောင်းရှိ ဝတပ်ဖွဲ့ UWSA ကို စည်းရုံး သိမ်းသွင်းနေသော စေ့စပ် ညှိနှိုင်းမှုများမှာမူ ရပ်တန့်သွားပြီ ဖြစ်သည်။
မြန်မာ စစ်တပ်က အဓိက ထိုးစစ် ဆင်နွှဲမည်ဟု မျှော်လင့်ရသောကြောင့် ရှမ်းပြည်နယ် ဝဒေသမှ ယခုနှစ်ဦးပိုင်းတွင် ထွက်ပြေးကြသော ဒေသခံ အရပ်သားများမှာ ထိုနောက်ပိုင်းတွင် ပြန်ရောက်လာကြပြီဟု ဟောင်ကောင် အခြေစိုက် Allan & Associates မှ ဒေသတွင်း လုံခြုံရေး အကဲခတ် လေ့လာသူ Gavin Greenwood က ပြောကြားခဲ့သည်။
အစိုးရ၏ ကမ်းလှမ်းမှုကို လက်ခံရန် ငြင်းပယ်ခဲ့သော ရှမ်းနှင့် ကချင် သူပုန်များ အပေါ် စစ်ရေးအရ အရေးယူမည့် အစီအစဉ်များမှာလည်း နောက်ဆုတ်သွားပြီဟု ၎င်းက ဆိုသည်။
အစိုးရ အနေဖြင့် ၎င်း၏ ၂၀၁၀ အဓိက မဟာဗျူဟာ ရည်မှန်းချက်အရ ၎င်း၏ ကိုယ်စားလှယ်လောင်းများ ရွေးကောက်ပွဲ ထောက်ခံမှု မြင့်မားစွာ ရရှိရန် ဦးစားပေးနေသည့် လက္ခဏာ ရှိသည်ဟု Mr. Greenwood က ပြောဆိုလိုက်သည်။
မည်သို့ပင်ဆိုစေ၊ တိုင်းပြည်ကို စွန့်ခွာ ထွက်ပြေးနေသော ပြည်သူတို့၏ အရေအတွက်မှာ ဆက်လက် ကြီးထွားနေသည်။
သြစတြေးလျနိုင်ငံ ခရစ်စမတ်ကျွန်းပေါ်ရှိ မလှုပ်သော မလှည့်သာ ထိန်းသိမ်းရေး အကျဉ်းစခန်းများတွင် နေရာယူထားသူများ အနက် အာဖဂန်နှင့် သီရိလင်္ကာ လူမျိုးများ ပြီးလျှင် မြန်မာများမှာ တတိယ အများဆုံး လူမျိုးစု ဖြစ်လာသည်ဟု လူ့အခွင့်အရေး စာနာ လှုပ်ရှားသူများက ပြောကြားသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.