Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၈.၃.၂၀၁၂

ဆောင်းပါးကဏ္ဍ

  1. အားလုံးတွန်းလျှင် ရွေ့နိုင်သည်

****************************************

ဆောင်းပါးကဏ္ဍ

အားလုံးတွန်းလျှင် ရွေ့နိုင်သည်

မိုးမြင့်ငြိမ်း

ပြည်သူများ၏ စိတ်ဝင်စားမှု

မြန်မာနိုင်ငံ၏ နိုင်ငံရေးဖြစ်စဉ်သစ်မှာ လွတ်လပ်မှုပိုလာရုံသာမက စိတ်ဝင်စားစရာလည်း ကောင်းလာသည်။ မျှော်မှန်းမထားသော နိုင်ငံရေးအ ချိုးအကွေ့များသည် နိုင်ငံရေးအပေါ် ပြည်သူများ ပိုမို အလေးထားစေသည်။ လွှတ်တော်တွင် ပြောဆိုနေကြသည့် မူဝါရေးရာ အငြင်အခုံများ၊ အတိုက်အခံ ခေါင်းဆောင် ဒေါ်အောင်ဆန်းစုကြည်အပါအဝင်၊ ၈၈မျိုးဆက်ကျောင်းသားများ၏ နိုင်ငံရေးလှုပ်ရှားမှုကို ပြည်သူများ ယခင်ကထက် စိတ်ဝင်တစား ရှိလာ သည်။ သတင်းဂျာနယ်များကို ဝယ်ဖတ်လေ့မရှိသူများပင် နိုင်ငံရေးအပြောင်းအလဲသတင်းများ၊ မူဝါဒအပြောင်းအလဲများကို သိချင်သောကြောင့် ဖတ်ရှု သည့်နှုန်း တိုးလာရာ သတင်းဂျာနယ်များမှာလည်း ကောင်းသထက်ကောင်းလာအောင် အပြိုင်အဆိုင်ကြိုးစားလာကြသည်။

အနည်းငယ်သောပညာရှင်များဖြင့်

ပညာရှင်ဦးရေ နည်းပါးလွန်းလှသော မြန်မာနိုင်ငံတွင် မူဝါဒရေးရာအလုပ်ရုံဆွေးနွေးပွဲများ လုပ်နိုင်အောင် အတော်ပင် ကြိုးစားယူရသည်။ ပညာရှင် ဦးရေနည်းပါးသလို ပညာရှင်မွေးမြူရေးအစီအစဉ်ကိုလည်း စနစ်တကျထိထိရောက်ရောက် မလုပ်ဆောင်နိုင်သေးပါ။ နိုင်ငံတည်ဆောက်ရေးတွင် တတ်သိပညာရှင်များ၏ အခန်းကဏ္ဍမှာ အထူးအရေးပါသည်။ ပြည်သူ့လွှတ်တော်ဥက္ကဋ္ဌ သူရဦးရွှေမန်းကလည်း စိတ်ချရသော လူသားအရင်းအမြစ် ရရှိ ရေးမှာ နိုင်ငံတည်ဆောက်ရေးအတွက် မရှိမဖြစ် အရေးတကြီးဆောင်ရွက်သင့်သည့်အရာဟု ပြည်ထောင်စုလွှတ်တော်တွင် ပြောကြားသွားခဲ့သည်။ တက္ကသိုလ်၊ ကောလိပ်များမှာလည်း နိုင်ငံတကာနှင့် ရင်ဘောင်တန်းနိုင်သည့် အဆင့်အတန်းမရှိသည့်အတွက် နိုင်ငံအရေးတွင် အားထားလောက်သည့် လူသား အရင်းအမြစ်ကို မွေးမထုတ်နိုင်ပေ။ တက္ကသိုလ်၊ ကောလိပ်များတွင် ပြုလုပ်နေသော သုတေသနများမှာလည်း အစိုးရ၏ မူဝါဒရေးရာအဆိုပြချက်များ ဖြစ်လာဖို့ အတော်ပင်ကြိုးစားယူရဦးမည်။

အတူယှဉ်တွင်ဖြစ်ထွန်းမှု

အရပ်ဖက်လူ့အဖွဲ့အစည်း၏ အခန်းကဏ္ဍမှာတော့ ဒီမိုကရေစီ အသွင်ကူးပြောင်းရေးဖြစ်စဉ်နှင့်အတူ အားကောင်းကောင်းဖြစ်ပေါ်နေသည်။ သို့ သော် အရပ်ဖက်လူ့အဖွဲ့အစည်းတွင်ပါဝင်သော အမြတ်မဟုတ်သည့် အဖွဲ့အစည်းများ တရားဝင်မှတ်ပုံတင်ခွင့်ရရှိဖို့ ယခုအချိန်ထိ ခဲယဉ်းနေပါသေး သည်။ အရပ်ဖက် လူ့အဖွဲ့အစည်းများသည် တက္ကသိုလ်၊ ကော်လိပ်များမလုပ်နိုင်သည့် စနစ်သစ်နှင့်လျှော်ညီသည့် စွမ်းရည်ကို ဖြည့်တင်းပေးသည့် တာဝန်ကိုလည်း ယူရသည်။ ထို့အပြင် အရပ်ဖက်လူ့အဖွဲ့အစည်းများ အားကောင်းခြင်းကြောင့် လူမှုတရားမျှတမှု၊ နိုင်ငံရေရှည်ဖွံ့ဖြိုးတိုးတက်မှုကို များစွာအထောက်အကူပေးသည့်အတွက် အသင်းအဖွဲ့ဖွဲ့စည်းခွင့်ကို များများပေးအပ်လေ နိုင်ငံဖွံ့ဖြိုးရေးလမ်းကြောင်းမှန်နှင့် နီးစပ်လေဖြစ်သည်။ အရပ်ဖက် လူ့အဖွဲ့အစည်းများသည် သမ္မတ၏ နိုင်ငံတော် အခြေပြမိန့်ခွန်းတွင် ပါဝင်သည့် ရေရှည်ဖွံ့ဖြိုးတိုးတက်မှုကို လည်း ဆောင်ကြဉ်းပေးနိုင်သည်။

သိမ်မွေ့သည့် စိန်ခေါ်မှုများ

အသေအချာစမ်းစစ်ကြည့်လျှင် အစိုးရသစ်သည် အလွန်သိမ်မွေ့သည့် နိုင်ငံရေး၊ စီးပွားရေး၊ လှုမှုရေး စိန်ခေါ်မှုများကို ကြုံတွေ့နေရသည်ဟု ဆိုရမည်။ နိုင်ငံရေးတွင် တည်တည်ငြိမ်ငြိမ်နှင့် အားလုံးပါဝင်သည့် နိုင်ငံရေးဖြစ်အောင် ပြောင်းလဲနိုင်ခဲ့ခြင်းမှာ လွယ်ကူသည့် ကိစ္စရပ်တော့မဟုတ်ပါ။ ထို့အပြင် တိုင်းရင်းသား လက်နက်ကိုင်အဖွဲ့အစည်းများနှင့် ငြိမ်းချမ်းရေးသဘောတူညီမှုများ ဆက်တိုက်ဆိုသလို ဆောင်ရွက်နိုင်မှုမှာလည်း အစိုးရ၏ ဂုဏ်ကျက်သရေကို မြင့်မားစေ သည်။ နောက်ထပ်တစ်ခု တရားနည်းလမ်းကျစွာလုပ်ပြဖို့ပဲ ကျန်တော့သည်။ ယင်းမှာ လာတော့မည့် ကြားဖြတ်ရွေးကောက်ပွဲ ဖြစ်သည်။ ကြားဖြတ် ရွေးကောက်ပွဲတွင် ပြည်သူအများစုထောက်ခံအားပေးသည့် ဒေါ်အောင်ဆန်းစုကြည်အပါအဝင် အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်များလည်း ပါဝင်မှာ ဖြစ်သောကြောင့် တရားမျှတသည့် ရွေးကောက်ပွဲ မဖြစ်ခဲ့လျှင် ပြည်သူများ၏ မျှော်လင့်ချက်ရော၊ နိုင်ငံတကာ၏ ယုံကြည်မှုပါ တစ်ချီတည်း ပျောက် သွားနိုင်စရာ ရှိသည်။ ယင်းအချိုးအကွေ့ကို အမြော်အမြင်ရှိစွာ ဆောင်ရွက်စေချင်သည်။

၂၀၁၅ ခုနှစ်မတိုင်မီ

နောက်ထပ်စိန်ခေါ်မှုမှာ ပို၍ ကြီးမားသည်နှင့်အပြင် ပညာသားပါဝင်သည့် စီးပွားရေး အပြောင်းအလဲဖြစ်သည်။ မြန်မာနိုင်ငံသည် ၂၀၁၅ ခုနှစ တွင် ဖြစ်ထွန်းလာတော့မည့် အာဆီယံ လွတ်လပ်စွာကုန်သွယ်ရေး သဘောတူညီချက်ကို လက်မှတ်ရေးထိုးပြီးဖြစ်သည်။ ယင်းသဘောတူညီချက်အရ ပြင်ဆင်စရာ ရှိသည်များကို ပြင်ဆင်ရတော့မည်။ ရင်းနှီးမြုပ်နှံမှုဥပဒေတွေ ပြင်ရမည်၊ ကုန်သွယ်ရေး မဟာဗျူဟာအသစ်တွေကို တီတွင်ဖန်တီးမှုရှိစွာ ဆောင်ရွက်ရ မည်၊ စားသုံးသူအခွင့်အရေးဥပဒေတွေ ပြဋ္ဌာန်းရမည်၊ အသိဉာဏ်ပိုင်ဆိုင်ရာ ပိုင်ဆိုင်မှု ကာကွယ်ရေးဥပဒေတွေ ပြဋ္ဌာန်းရမည်၊ ထို့အပြင် နိုင်ငံစီးပွားရေး တိုးတက်မှုကို အဓိကဆောင်ရွက်ပေးသည့် အသေးစား၊ အလတ်စား၊ စီးပွားရေးလုပ်ငန်းများ ပေါ်ထွန်းလာအောင် စနစ်တကျ အကောင်အထည်ဖော် ဆောင်ရွက်ပေးရမည်၊ အရင်းအနှီး လွတ်လပ်စွာ စီးဆင်းနိုင်အောင် ဘဏ္ဍာရေးဈေးကွက်များကို အကောင်အထည်ဖော်ရမည်၊ ထိုအရာများ အားလုံး သည် ၂၀၁၅ ခုနှစ်မတိုင်မီ ဆောင်ရွက်ရမည့် ကိစ္စရပ်များဖြစ်သည်။ ယခုကျန်ရှိသည့် အစိုးရသက်တမ်း ၄နှစ်အတွင်း အထက်ပါ စီးပွားရေး ပြုပြင်ပြောင်းလဲမှုများကို လုပ်နိုင်၊ မလုပ်နိုင် ဆိုသည်မှာ အစိုးရသစ်၏ စိန်ခေါ်မှုဖြစ်သည်။ လုပ်နိုင်လျှင် အာဆီယံ ဒေသတွင်းနိုင်ငံများနှင့် စီးပွားရေး ယှဉ်ပြိုင်နိုင်မှာဖြစ်ပြီး မလုပ်နိုင်လျှင်တော့ မပြိုင်နိုင်ဘဲ ရှုံးနိမ့်မည်သာဖြစ်သည်။ အခြားရွေးချယ်စရာ မရှိသည်ကို သတိကြီးကြီးထားသင့်သည်။

ပြည်သူများ၏ နိုင်ငံရေးရင့်ကျက်မှု

ခိုင်မာသည့် ဒီမိုကရေစီဖြစ်အောင် ဆောင်ရွက်ရာတွင် နိုင်ငံတော်၏ ဆောင်ရွက်နေမှု၊ နိုင်ငံရေး အသိုင်းအဝိုင်း၏ လှုပ်ရှားမှုများကိုချည်း ကြည့်နေ၍ မဖြစ်။ ပြည်သူများမှာလည်း ရင့်ကျက်သည့် ပြည်သူများ ဖြစ်ရမည်။ ရင့်ကျက်ဖို့ရန် အသိဉာဏ်လွတ်လပ်ဖို့ လိုသည်။ အသိဉာဏ်လွတ်လပ်ဖို့ ဆိုရာ၌လည်း သတ္တိရှိရှိ စဉ်းစား ဆောင်ရွက်နိုင်ရမည်။ ပြည်သူအများ သတ္တိရှိကျဖို့လည်း နိုင်ငံခေါင်းဆောင်များရော၊ အတိုက်အခံ ခေါင်းဆောင်များပါ တိုက်တွန်းနှိုးဆော်နေပြီ။ ပြည်သူများတွင် ဒီမိုကရေစီအလေ့အကျင့်များ စွဲမြဲလာပြီး နိုင်ငံရေးရင့်ကျက်မှုရှိလာမှသာ ခိုင်မာသည့် ဒီမိုကရေစီအဖြစ်သို့ ရောက်ရှိနိုင်မည်။ အားလုံးဝိုင်း၍ တွန်းဖို့ လိုသည်။ အားလုံးတွန်းလျှင် ရွေ့နိုင်သည်။ ဒီမိုကရေစီမှာ ပြည်သူများဖြင့်၊ ပြည်သူ့အတွက်၊ ပြည်သူများ၏ စနစ်ဆိုလျှင် ပြည်သူများအားလုံး ဝိုင်းဝန်း ကြမှဖြစ်မည်။

********************************************************************************

 

 

 

 

 

 

 


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၈.၃.၂၀၁၂

ပြည်တွင်းသတင်းများ

  1. MEC  ဆီကန် ဆီ ဆယ်ပိသာကျော် လျှော့
  2.  တနင်္သာရီတိုင်းဒေသကြီးရှိ ရေကာတာအား နေရာပြောင်းပေးရန် ဒေသခံများတောင်းဆို

ပြည်တွင်းပါတီ၊ နိုင်ငံရေးသတင်းများ

  1. KNPPနှင့် အပတ်အခတ်ရပ်စဲရေး ပဏာမသဘောတူညီမှု လက်မှတ်ရေးထိုး
  1. မဲစာရင်းကျန်သူ သိသာစွာများပြား
  1. ကြိုတင်မဲမှအပ ကျန်မဲဆန္ဒရှင်များ မဲရုံတွင်သာ မဲပေးရန် ကော်မရှင်မှ နှိုးဆော်

 သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

MEC  ဆီကန် ဆီ ဆယ်ပိသာကျော်လျှော့

စားအုန်းဆီထုတ်ပေးသော ဆီကန်များအနက် MEC ဆီကန်မှ ဆီထုတ်ယူရာတွင် တစ်ပီပါကို ၁၅ပိသာ၊ ပိသာ၂၀အထိ ဆီခိုးယူများ ရှိနေ ကြောင်း ဘုရင့်နောင် ငုဝါလမ်းမှ ဆီရောင်းဝယ်ရေး လုပ်ငန်းရှင်တစ်ဦးက ပြောကြားသည်။

ပုံမှန်အားဖြင့် ဆီထုတ်လျှင် ဆီအလေးချိန်ပြည့်၊ မပြည့် စစ်ဆေးလေ့ရှိပြီး MECဆီကန်တွင် ပထမ လေးငါးခြောက်ပီပါတွင် ငါးဆယ်သား ခန့်သာ လျှော့သဖြင့် လွတ်ပေးလိုက်လျှင် နောက်ထုတ်သည့်ပီပါများတွင် ဆီ ၁၅ပိသာမှ ပိသာ ၂၀ အထိလျှော့သည်ကို ပွဲရုံရောက်မှ သိရှိရကြောင်း ကားတစ်စီးလျှင် ပီပါ ၃၀ကျော်၄၀ ခန့် ထုတ်ရသဖြင့် အကုန်စစ်ရန် အချိန်မရကြောင်း ၎င်းက ဆက်လက်ရှင်းပြသည်။

MEC  ဆီကန်ကို စစ်ထောက်ချုပ်မှ ကိုင်ထားသဖြင့် ဆီကုန်သည်ကြီးများအသင်းအနေဖြင့် မပြောရဲကြောင်း ဆီတစ်ပီပါလျှင် ၁၁၆ ပိသာရှိပြီး လက်ရှိ စားအုန်းဆီ အလှယ်ဈေး တစ်ပိသာလျှင် ၁၇၄၅ကျပ်ခန့် ရှိကြောင်း သိရသည်။

ရန်ကုန်မြို့တွင် စားအုန်းဆီထုတ်လိုရသည် ကန်များမှာ MEC။ မြဝတီ၊ ထူး၊ ယုဇန၊ ဒိုင်းမွန်းစတား၊ ငါးနှစ်ကောင်၊ First Top ဆီကန်များ ရှိကြောင်း ဆီကိုယ်စားလှယ်များထံမှ သိရှိရသည်။

MP

-----------------------------------------------------------------------------------------------------------------------------------

တနင်္သာရီတိုင်းဒေသကြီးရှိ ရေကာတာအား နေရာပြောင်းပေးရန် ဒေသခံများတောင်းဆို

နိုင်ငံတော်မှ တနင်္သာရီတိုင်းဒေသကြီးအတွင်း တည်ဆောက်လျက်ရှိသည့် ကလုံထာရေကာတာ စီမံကိန်းအား နေရာပြောင်းရွှေ့ တည်ဆောက် ပေးရန် ဒေသခံပြည်သူများမှ သက်ဆိုင်ရာသို့ တောင်းဆိုခဲ့ကြောင်း သိရသည်။

“ဒီက လုံထာရေကာတာစီမံကိန်းက ရရှိမယ့်ရေတွေကို ထားဝယ်ရေနက်ဆိပ်ကမ်းနဲ့ အထူးစီးပွားရေးဇုန် စီမံကိန်းတွေမှာ အသုံးပြုသွားမှာပါ။ တ နင်္သာရီတိုင်းဒေသကြီးအတွင်းမှာရှိတဲ့ ကလုံထာချောင်းကို ရေကာတာ ပြုလုပ်သွားမှာပါ” ပာု ကလုံထာရေကာတာ စီမံကိန်း၌ လုပ်ကိုင်လျက်ရှိသော အင်ဂျင်နီယာတစ်ဦးက ဆိုသည်။

တနင်္သာရီတိုင်းဒေသကြီးအတွင်း၌ တည်ဆောက်လျက်ရှိသော ကလုံထာရေကာတာ စီမံကိန်းအား နေရာပြောင်းရွှေ့ တည်ဆောက်ရန် ပြည်သူများ တောင်းဆိုရခြင်းမှာ ဘူမိဗေဒဆိုင်ရာ လေ့လာမှုများအရ မြေအနေအထား၊ အောက်ခံကျောက် အနေအထား များသည် ရေကာတာတည်ဆောက်ရန်  သင့်လျော်မှု မရှိသည့်အတွက်ကြောင့် ဖြစ်ကြောင်း သိရသည်။

“ဒီရေကာတာ တည်ဆောက်ဖို့အတွက် လျာထားတဲ့နေရာက ဘူမိဗေဒသဘောတရားတွေအရ မကောင်းပါဘူး။ ပြီးတော့ ဒီနေရာမှာ ရေကာတာ တည်ဆောက်လိုက်မယ်ဆိုရင် စီမံကိန်းနဲ့မလွတ်တဲ့ ရွာတွေကပြောင်းရွှေ့ရမှာပါ။ ပြီးတော့ ဥယျာဉ်ခြံ တော်တော်များများလည်း ပျက်စီးကုန်မှာပါ။ လောလော ဆယ် ဒေသခံတွေက အထက်ဘက်မှာ ပြောင်းပြီးတည်ဆောက်ဖို့ အဆိုပြုထားပါတယ်”ပာု ထားဝယ်မြို့ခံ တစ်ဦးက ပြောကြားသည်။

တနင်္သာရီတိုင်းဒေသကြီးအတွင်း ထားဝယ်ခရိုင် ရေဖြူမြို့နယ်အတွင်း ထားဝယ်ရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းကို အကောင် အထည်ဖော် ဆောင်ရွက်လျက်ရှိပြီး ယခုနေရာပြောင်းရွှေ့တည်ဆောက်ရန် အဆိုပြုခြင်းခံရသည့် ကလုံထာရေကာတာစီမံကိန်းမှာ ၎င်းဆိပ်ကမ်းနှင့် စက်မှုဇုန် များအား ရေပေးနိုင်ရန် ဖြစ်ကြောင်း သိရသည်။

YC

 *****************************************

ပြည်တွင်းပါတီ၊ နိုင်ငံရေးသတင်းများ

KNPPနှင့် အပတ်အခတ်ရပ်စဲရေး ပဏာမသဘောတူညီမှု လက်မှတ်ရေးထိုး

ဖေဖော်ဝါရီ ၇ရက် မနက် ၉နာရီတွင် ကယားပြည်နယ် လွိုင်ကော်မြို့နယ်ရှိ ပြည်နယ်ဧည့်ရိပ်သာ ကန္တာရဝတီခန်းမ၌ အစိုးရ ငြိမ်းချမ်းရေးအဖွဲ့ ခေါင်းဆောင် ဦးအောင်မင်း ဦးဆောင်၍ ကရင်နီအမျိုးသားတိုးတက်ရေးပါတီ(KNPP)အဖွဲ့မှအတွင်းရေးမှူး(၁) ဦးခူးဦးရယ် အဖွဲ့နှင့် အပစ်အခတ်ရပ်ရေး ပဏာမ သဘောတူညီမှု လက်မှတ်အား ရေးထိုးခဲ့ကြသည်ဟု သိရသည်။

“အစိုးရဘက်က မီးရထားဝန်ကြီး ဦးအောင်မင်း ဦးဆောင်တဲ့ ပြည်ထောင်စုအဆင့် ငြိမ်းချမ်းရေး ဖော်ဆောင်တဲ့အဖွဲ့နဲ့ KNPPတို့ ပဏာမ အပစ်အခတ် ရပ်စဲရေး လက်မှတ်ရေးထိုးခဲ့ကြပါတယ်။ မနက် ၉နာရီကနေ နေ့လည် ၂နာရီခွဲအထိ ဆွေးနွေးခဲ့ကြပါတယ်။ ဆွေးနွေးကြတဲ့အခါမှာလည်း အပစ်အခတ် ရပ်စဲရေး၊ ဆက်ဆံရေးရုံးတွေ ဖွင့်လှစ်ရေး၊ ထပ်ဆွေးနွေးဖို့အတွက် အဖွဲ့ဖွဲ့ရန် ရက်သတ်မှတ်ရေးစတဲ့ အချက်သုံးချက်တွေကို သဘောတူညီခဲ့ပါတယ်”ဟု KNPPအဖွဲ့မှ တာဝန်ရှိသူတစ်ဦး၏ ပြောပြချက်အရ သိရသည်။

ထို့ပြင် KNPPဘက်မှ နောက်ပိုင်းတွင် နိုင်ငံရေးအရ ဆွေးနွေးမှုပြုလုပ်ခဲ့ပါက ညီညွတ်သော တိုင်းရင်းသား ဖက်ဒရယ်ကောင်စီ (UNFC) ပုံစံဖြင့် တိုင်းရင်းသားအားလုံး ပါဝင်မှသာလျှင် ဆွေးနွေးမှုပြုလုပ်မည်ဖြစ်ပြီး ယင်းအဖွဲ့မှ အတွင်းရေးမှူး၏ သဘောထားများကိုလည်း တင်ပြခဲ့သည်ဟု သတင်းရရှိ သည်။

ထို့နောက် KNPPအဖွဲ့နှင့် အစိုးရအဖွဲ့တို့သည် ပြည်ထောင်စုအဆင့် ငြိမ်းချမ်းရေးဆွေးနွေးရန်အတွက် ကျင်းပပြုလုပ်ရန် နေရာ၊ အချိန်နှင့် နေ့ရက်တို့ အား ညှိနှိုင်းခဲ့ပြီး သဘောတူညီမှုပြုလုပ်ခဲ့ပြီး တပြည်လုံးအတိုင်းအတာဖြင့် အပစ်အခတ်ရပ်စဲကြောင်း ကြေညာရန်နှင့် KNPP အဖွဲ့အား မတရားအသင်းဟု ကြေညာထားခြင်းအား ဖျက်သိမ်းပေးရန်တို့ကို တောင်းဆိုမှုပြုလုပ်ခဲ့ပြီး ယခုအချိန်မှစ၍ ၆လအတွင်း နိုင်ငံရေးဆွေးနွေးမှုပြုလုပ်ရန် တောင်းဆိုခဲ့သည်ဟု သိရသည်။

“အစိုးရဘက်ကလည်း ကရင်နီပြည်နယ်တွင်း စစ်ဆင်ရေးများရပ်ဆိုင်းရန်၊ အစိုးရတပ်များ ထပ်မံတိုးချဲ့ခြင်းမပြုရန်၊ ပြီးတော့ အပစ်အခတ် ရပ်စဲကြောင်း လက်မှတ်ရေးထိုးပြီး ရက်ပေါင်း ၆၀အတွင်းမှာ အစိုးရတပ်တွေ ပြန်ရုပ်သိမ်းရန်နဲ့ ပြည်နယ်အတွင်း စစ်ရေးလေ့ကျင့်မှုများနဲ့ စစ်သင်တန်းကျောင်းများကို ရပ်တန့်ထားရန်တို့ကိုလည်း နိုင်ငံတော်သမ္မတ ဦးသိန်းစိန်ကို တင်ပြသွားမယ်လို့ ပြောသွားပြီး တချို့အချက်တွေကိုတော့ မူအားဖြင့် သဘောတူပါတယ်လို့ ပြောသွားပါတယ်”ဟု အထက်ပါပုဂ္ဂိုလ်၏ ထပ်မံပြောဆိုချက်အရ သိရသည်။

အဆိုပါ KNPPအဖွဲ့သည် စစ်အစိုးရလက်ထက်နှင့် ၁၉၉၅ ခုနှစ် မတ်လတွင် အပစ်အခတ်ရပ်စဲရေးအား သဘောတူညီမှုရရှိကာ ယင်းနှစ် ဇွန်လအတွင်း ပြန်လည်ပျက်ပြယ်ခဲ့ပြီး အစိုးရအား နှစ်ပေါင်း ၆၀ကျော်ကြာ တော်လှန်တိုက်ခိုက်ခဲ့သည့် တိုင်းရင်းသား လက်နက်ကိုင်အဖွဲ့ ဖြစ်ကြောင်း အစိုးရငြိမ်းချမ်း ရေးအဖွဲ့မှ ဝန်ကြီးတစ်ဦး၏ ပြောပြချက်အရ သိရသည်။            

        ATM

-----------------------------------------------------------------------------------------------------------------------------------

မဲစာရင်းကျန်သူ သိသာစွာများပြား

လာမည့် ဧပြီလ၁ရက်နေ့တွင် ကျင်းပမည့် ကြားဖြတ်ရွေးကောက်ပွဲ၌ မဲပေးပိုင်ခွင့်ရှိသည့် စာရင်းထုတ်ပြန်ရာတွင် ရပ်ကွက်တွင် အမှန်တကယ် နေထိုင်သော်လည်း မဲစာရင်းကျန်ခဲ့သူ သိသိသာသာ များပြားနေပြီး ရည်ရွှယ်ချက်ရှိရှိ လုပ်ဆောင်ခဲ့ပုံရကြောင်း မရမ်းကုန်း ၁ရပ်ကွက်တွင် နေထိုင်သူ တစ်ဦးက ပြောကြားသည်။

"တော်တော် သရုပ်ပျက်တယ် မိသားစု ရှစ်ဦးစလုံး ကျန်ခဲ့တာ အရင်၂၀၁၀ တုန်းကတောင် မဲပေးခဲ့တာပဲ အဲ့ဒီစာရင်း အတိုင်းမဟုတ်ဘူး" ဟု ၎င်းက ဆိုသည်။

ရပ်ကွက်များတွင် ကြေငြာထားသည့် မဲစာရင်းမှာ လူဝင်မှုကြီးကြပ်ရေးကပေးသည့် စာရင်းကို အခြခံပြီး ထုတ်ပြန်ခြင်းဖြစ်ကြောင်း မရမ်းကုန်း ၁ရပ်ကွက် အုပ်ချုပ်ရေးအဖွဲ့မှ တာဝန်ရှိသူတစ်ဦးက အကြောင်းပြသည်။

"မဲစာရင်းမှာပါတဲ့ လူတချို့ဆိုလည်း ဦးသန်းဝင်းက ဒေါ်သန်းဝင်းဖြစ်နေတာမျိုးလဲ ရှိတယ်။ ဒါမှားစရာမှ မဟုတ်တာ ကျန်တာမှ တော်တော်ကျန်တာ” ဟု လှိုင်မြို့နယ် ၁၁ရပ်ကွက်တွင် နေထိုင်သူတစ်ဦးက သုံးသပ်ပြောဆိုသည်။

လွတ်တော်ကိုယ်စားလှယ်လောင်းအနေဖြင့် မဲစာရင်း တိုက်ဆိုင်စစ်ဆေးခွင့်ရှိသော်လည်း ရပ်ကွက်တွင်နေထိုင်သူ အမှန်တကယ်ဟုတ်မဟုတ် ကိုယ်စားလှယ်လောင်းအနေဖြင့် လက်လှမ်းမမှီနိုင်ကြောင်း NLD ပါတီအနေဖြင့် ပြည်သူများနှင့် မဲစာရင်းကိစ္စ ပူးပေါင်းဆောင်ရွက်သင့်ကြောင်း ၎င်းက အကြံပြု ပြောဆိုသည်။

ရွေးကောက်ပွဲတွင် မဲပေးပိုင်ခွင့်သည် လူသားတိုင်၏ အခြေခံရပိုင်ခွင့်ပင်ဖြစ်ပြီး သန်ခေါင်းစာရင်းရှိသည်ဖြစ်စေ မရှိသည်ဖြစ်စေ ယာယီ သန်းခေါင်း စာရင်းနှင့် နေထိုင်သည်ဖြစ်စေ မဲပေးပိုင်ခွင့်သည် နိုင်ငံသားတစ်ဦး၏ အခြေခံအခွင့်အရေး တစ်ရပ်ဖြစ်သည်။

MP

-----------------------------------------------------------------------------------------------------------------------------------

ကြိုတင်မဲမှအပ ကျန်မဲဆန္ဒရှင်များ မဲရုံတွင်သာ မဲပေးရန် ကော်မရှင်မှ နှိုးဆော်

ဧပြီလ ၁ ရက်နေ့၌ ကျင်းပမည့် ကြားဖြတ်ရွေးကောက်ပွဲများတွင် ရွေးကောက်ပွဲဥပဒေပုဒ်မ ၄၃နှင့် နည်းဥပဒေ ၃၉(ဆ) တို့အရ ကြိုတင်မဲ ပေးခွင့်ရှိသူမှ အပ ကြားဖြတ်ရွေးကောက်ပွဲ ကျင်းပမည့် လစ်လပ်မဲဆန္ဒနယ်များရှိ မဲဆန္ဒရှင်များမှာ သက်ဆိုင်ရာမဲရုံများတွင်သာ မဲပေးရန် ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌမှ နှိုးဆော်ထားကြောင်းသိရသည်။

“အရင် ၂၀၁၀ ရွေးကောက်ပွဲတုန်းကဆိုရင် ကြိုတင်မဲကိစ္စနဲ့ တော်တော်ကိုအငြင်းပွားခဲ့ရပါတယ်။ မဲဆန္ဒနယ် တစ်ခုတည်းကပဲ မဲနှစ်ခါ လာပေးတာတွေ၊ ဘယ်ကလာမှန်းမသိတဲ့ ကြိုတင်မဲတွေကြောင့် လွှတ်တော်ကိုယ်စားလှယ်လောင်း တော်တော်များများ ရှုံးခဲ့ရတာပါ။ အရင် ၂၀၁၀ တုန်းက ဖြစ်ခဲ့တဲ့ပုံစံကို နမူနာယူပြီး အခုလာမယ့် ရွေးကောက်ပွဲအတွက် ပြင်ဆင်သင့်ပါပြီ”ပာု မြန်မာ့အရေး လေ့လာနေသူတစ်ဦးက ဆိုသည်။

ဥပဒေအရ ကြိုတင်မဲပေးပိုင်ခွင့်ရှိသူများနှင့် ပတ်သက်၍ လွှတ်တော်ဆိုင်ရာရွေးကောက်ပွဲဥပဒေပုဒ်မ ၄၅(က)၊ ပုဒ်မ ၄၆နှင့် ၄၇ တို့တွင် ဖော်ပြ ထားသည်မှာ မဲဆန္ဒနယ်ပြင်ပရောက်တပ်မတော်သားများ၊ မဲဆန္ဒနယ်ပြင်ပရောက် ကျောင်းသားများ၊ မဲဆန္ဒနယ် ပြင်ပရောက် သင်တန်းသားများ၊ မဲဆန္ဒနယ် ပြင်ပရောက် အချုပ်ခံနေရသူများ၊ မဲဆန္ဒနယ် ပြင်ပရောက် အခြားမဲဆန္ဒရှင်များ(ရက်ပေါင်း ၁၈၀ ထက်မနည်း)၊ အစိုးရ၏ ခွင့်ပြုချက်ဖြင့် နိုင်ငံပြင်ပ ရောက်ရှိ နေသော မဲဆန္ဒရှင်များ ဖြစ်ကြောင်း ဖော်ပြခဲ့သည်။

“အခု ကြားဖြတ်ရွေးကောက်ပွဲပာာ လွတ်လပ်ပြီး တရားမျှတဖို့ ကျွန်တော်တို့ မျှော်လင့်ပါတယ်။ ကော်မရှင်ကခုလို ကြားဖြတ်ရွေးကောက်ပွဲမှာ မဲပေးဖို့အတွက် ပြည်သူတွေကို နှိုးဆော်ထားတာ ကောင်းပါတယ်။ တချို့ကတော့ ခုချိန်ထိ မဲဘယ်လိုပေးရမယ်။ ကြိုတင်မဲဆိုတာဘာဆိုတာ အခုထိ မသိသေးပါဘူး”ပာု လစ်လပ်မဲဆန္ဒနယ်မှ မဲဆန္ဒရှင်တစ်ဦးက ပြောကြားသည်။

ရွေးကောက်ပွဲဥပဒေပုဒ်မ ၄၅ (ခ)နှင့် (ဂ)တို့အရ မဲဆန္ဒနယ်အတွင်းရှိသော်လည်း ကြိုတင်မဲပေးပိုင်ခွင့် ရှိသူများမှာ ရွေးကောက်ပွဲ ကျင်းပသည့်နေ့၌ မိမိမဲဆန္ဒနယ်မှ ကျော်လွန်၍ ခရီးဝေးသွားလာရန်ရှိခြင်း၊ အနာကြီးရောဂါ စွဲကပ်နေခြင်း၊ ရေဂါဝေဒနာ ပြင်းထန်စွာ ခံစားရနေခြင်း၊ အသက်အရွယ် ကြီးရင့်နေခြင်း၊ သားဖွားနေခြင်း၊ ရဲအချုပ်စခန်း(သို့) အကျဉ်းစခန်းတွင် အချုပ်ခံနေရခြင်း၊ ဆေးရုံ၌ အတွင်းလူနာအဖြစ် ဆေးဝါးကုသမှု ခံနေရခြင်း၊ နိုင်ငံ့ဝန်ထမ်း (သို့) တပ်မတော်သား (သို့) ရဲတပ်ဖွဲ့ဝင်တစ်ဦးသည် မဲစာရင်းပါရှိရာဒေသမှ ကျော်လွန်၍ ယာယီတာဝန် သွားရောက် ထမ်းဆောင်ရခြင်း စသည်တို့ကြောင့် မဲရုံသို့ကိုယ်တိုင်လာရောက် မဲမပေးနိုင်ပါက ကြိုတင်မဲပေးပိုင်ခွင့်ရှိကြောင်း ရွေးကောက်ပွဲဥပဒေ၌ ဖော်ပြပါရှိသည်။

YC

****************************************

သတင်းနှင့် ဆောင်းပါးများမှ ကောက်နှုတ်ချက်များ

“သမ္မတကြီးမိန့်ခွန်းအပေါ် အမြင်ပြောရရင် အင်မတန်ပြည့်စုံပြီး ကောင်းမွန်တယ်လို့ ပြောရမှာပါပဲ။ ပြောသွားတာတွေမှာ အကြောင်းအရာတွေ တော်တော် ပြည့်စုံတယ်။ ပြည်သူရဲ့လိုလားချက်တွေကို အဓိကထားပြီး ဖြည့်ဆည်းပေးမယ်ဆိုတဲ့ ပုံစံမျိုး ပြောသွားတယ်လို့ မြင်ပါတယ်။ အထူးပြု ပြောသွားတဲ့အပေါ်မှာ ပြည်သူတွေကို ဖြည့်ဆည်းပေးဖို့လဲပါသလို သူ့ဘက်ကနေ ပြန်တော