Posts
Reuters, Jack Kim, 14th June 2010
မြောက်ကိုရီးယားနှင့် တောင်ကိုရီးယားတို့သည် ကိုရီးယား ကျွန်းဆွယ်တွင် တင်းမာမှု ဖြစ်စေသော ပြီးခဲ့သည့် မတ်လက တောင်ကိုရီးယား စစ်သင်္ဘော နစ်မြုပ်မှုနှင့် ပတ်သက်၍ ကုလသမဂ္ဂ လုံခြုံရေးကောင်စီတွင် တနင်္လာနေ့တွင် သီးခြားစီ တင်ပြကြမည် ဖြစ်ကြောင်း တာဝန်ရှိသူ တစ်ဦးက တနင်္လာနေ့က ပြောကြားလိုက်သည်။
တောင်ကိုရီးယားသည် ၎င်း၏ သင်္ဘောသား ၄၆ ဦး သေဆုံးခဲ့သော စစ်သင်္ဘော နစ်မြုပ်မှု အတွက် နိုင်ငံတကာ စုံစမ်း စစ်ဆေးထားမှု အတွက် လုံခြုံရေး ကောင်စီတွင် ယခု အပတ်အတွင်း အစီရင်ခံနိုင်မည်ဟု မျှော်လင့်နေသည်။ ဆိုးလ်က အဆိုပါ သင်္ဘောမှာ မြောက်ကိုရီးယား တော်ပီဒိုကြောင့်ဟု ဆိုသည်။
မြောက်ကိုရီးယားကမူ အဆိုပါ ကိစ္စအား ငြင်းဆိုခဲ့ပြီး တောင်ကိုရီးယား၏ ဆင်လုံးသာ ဖြစ်ကြောင်း စွပ်စွဲခဲ့သည်။ မြောက်ကိုရီးယားတို့သည် လုံခြုံရေး ကောင်စီ အလှည့်ကျ ဥက္ကဌ မက္ကဆီကိုမှ Claude Heller အား သီးခြား ရှင်းလင်း တင်ပြခွင့်ပြုရန် တောင်းဆိုထားကြောင်း တောင်ကိုရီးယား နိုင်ငံရေးဌာန ပြောခွင့်ရ ပုဂ္ဂိုလ် Kim Young-sun က ဆိုးလ်တွင် ပြောကြားခဲ့သည်။
"သီးခြားစီ တင်ပြခွင့် ရမယ်လို့ ကျွန်တော်တို့ နားလည်ထားပါတယ်" ဟု Kim က ပြောသည်။
ကိုရီးယား နှစ်နိုင်ငံကြားတွင် အမုန်းပွားမှု တိုးတက်လာခြင်းကို ရင်းနှီးမြှုပ်နှံသူများက စိုးရိမ်လျက် ရှိကြပြီး၊ ဒေသတွင်း လက်နက်ကိုင် တိုက်ပွဲများ ဖြစ်ပေါ်လာမည်ကို ပူပန်လျက် ရှိကြသောကြောင့် တင်းမာမှုများ လျော့ပါးရေး အတွက် ဘက်ပေါင်းစုံမှ သံတမန်နည်းအရ အမြန်ဆုံး ကြိုးပမ်းလျက် ရှိနေကြသည်။
မြောက်ကိုရီးယားက အလုံးစုံ စစ်ပွဲ ဖန်တီးမည်ဟု မကြာခဏ ခြိမ်းခြောက်နေသော်ငြားလည်း စစ်ပွဲ ဖြစ်ပွားရန် နှစ်နိုင်ငံလုံးက အဆင်သင့် မဖြစ်သေးကြောင်း ဝေဖန်သူများက ပြောခဲ့ကြသည်။ သို့သော် အနောက်ဖက်ကမ်းခြေ တလျှောက် ရေပိုင်နက် အငြင်းပွားနေသော နေရာများနှင့် လက်နက်ကိုင်များ ထူထဲစွာ ချထားသော နယ်စပ်များတွင် မကြာခဏ တိုက်ပွဲများ ဖြစ်ပွားလာနိုင်ကြောင်း သုံးသပ်ကြသည်။
တောင်ကိုရီးယားကမူ ပြုံးယမ်းအား လွန်ခဲ့သော ဆယ်နှစ်က ငြိမ်းချမ်းရေး အတွက် သမ္မတ Kim Dae-Jung နှင့် Kim Jong-il တို့ နှစ်ဦး ပူးတွဲ ကြေညာချက် မှတ်တိုင်အား ချိုးဖောက်ကြောင်း စွပ်စွဲခဲ့သည်။
အဆိုပါ ထိပ်သီး နှစ်ဦး ပြုံးယမ်းတွင် တွေ့ဆုံခဲ့မှုသည် နှစ်နိုင်ငံ ဆက်ဆံရေးအား နွေးထွေးစေခဲ့ပြီး၊ အေးခဲနေသော ကူးသန်း ရောင်းဝယ်ရေး ဆက်ဆံရေးအား တိုးတက်စေခဲ့သည်။
တောင်ကိုရီးယား သမ္မတ Lee Myung-bak သည် ၎င်းတက်လာသော ၂၀၀၈ ခုနှစ်မှ စ၍ ငွေမရှိ၊ စားစရာမရှိ၊ နေစရာ မရှိ ဆင်းရဲသော ၎င်း၏ အိမ်နီးချင်း အပေါ် အကူအညီ အထောက်အပံ့များ ဖြတ်ပစ်ခဲ့ပြီး၊ ပြုံးယမ်းကို ၎င်း၏ နျူကလီယာ ရည်မှန်းချက်များ စွန့်လွှတ်ရန် တောင်းဆိုခဲ့သည်။ အဆိုပါ လုပ်ရပ်အား မြောက်ကိုရီးယားက စိတ်ဆိုးခဲ့သည်။
တောင်ကိုရီးယား၏ ပြန်လည် ပေါင်းစည်းရေး ဝန်ကြီးဌာန ပြောခွင့်ရ ပုဂ္ဂိုလ် Chun Hae-sung က ပြောကြားရာတွင် မြောက်ကိုရီးယား အနေဖြင့် ဆက်ဆံရေး ပြန်လည် အသက်ဝင်စေလိုလျှင် သင်္ဘော နစ်မြှုပ်မှု ကိစ္စအား ဝန်ခံ၍ တောင်းပန်ရန် လိုအပ်ကြောင်း ပြောကြားခဲ့သည်။
ပြုံးယမ်းကမူ ယခု ကိစ္စသည် အမေရိကန် ခေါင်းဆောင်သော ကြံစည်မှု ဖြစ်ကြောင်း စွပ်စွဲခဲ့သည်။
တောင်ကိုရီးယား စစ်တပ်မှ ခေါင်းဆောင်၍ နိုင်ငံတကာ စုံစမ်း စစ်ဆေးသူများ ပါဝင်သော အဖွဲ့က မေလက ပြောကြားခဲ့ရာတွင် အဆိုပါ သင်္ဘောအား မြောက်ကိုရီးယား ရေငုပ်သင်္ဘောမှ တော်ပီဒိုဖြင့် ပစ်ခတ်ခဲ့ခြင်း ဖြစ်ကြောင်း၊ အခင်း ဖြစ်ပွားရာ ရေအောက်မှ တွေ့ရှိသော လက်နက် အပိုင်းအစများကို သက်သေပြု၍ ပြောကြားခဲ့သည်။
တောင်ကိုရီးယားသည် ပူးတွဲ စစ်ဦးစီးအရာရှိချုပ် ဥက္ကဌအား တုန့်ပြန်မှု နှေးကွေးသည်ဟု ယူဆသောကြောင့် တနင်္လာနေ့က ရာထူးမှ ဖယ်ရှားခဲ့သည်။
တောင်ကိုရီးယား အတိုက်အခံ လစ်ဘရယ် ပါတီက ကာကွယ်ရေး ဝန်ကြီးနှင့် ထိပ်တန်း စစ်တပ်မှ တာဝန်ရှိသူများကို ရာထူးမှ ဖယ်ရှားရန် တောင်းဆိုခဲ့သော်လည်း သမ္မတ Lee ကမူ ယခုအထိ လက်မခံသေးပေ။
မြောက်ကိုရီးယားသည် တောင်ကိုရီးယားက နယ်စပ်တစ်လျှောက်တွင် ပြုံးယမ်း ဆန့်ကျင်ရေး ဝါဒဖြန့်ရန် ပြုလုပ်ထားသော အသံချဲ့စက်များကို ပစ်ချမည်ဟု ထပ်တလဲလဲ ခြိမ်းခြောက်လျက် ရှိပြီး၊ ကိုရီးယားကျွန်းဆွယ်၏ တင်းမာမှုမှာ နှစ်ပေါင်းများစွာ အတွင်း အမြင့်ဆုံးသို့ ရောက်ရှိလျက် ရှိသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.