Posts
Inewp.com, By Linyx, 28th June 2010
မြန်မာနိုင်ငံတွင် ယခုနှစ် ကျင်းပတော့မည့် ပါတီစုံ အထွေထွေ ရွေးကောက်ပွဲကို အများက ဗိုလ်ချုပ်မှူးကြီး သန်းရွှေ ဦးဆောင်သော စစ်အစိုးရ အတွက် ပြင်ဆင်ထားသော ရွေးကောက်ပွဲအဖြစ် မြင်နေကြသည်။ သို့သော် အချို့က ၁၉၉၀ ရွေးကောက်ပွဲမှ ထွက်ပေါ်လာသော ရလဒ်နှင့်မတူ ကွဲပြားခြားနားစွာ ထွက်ပေါ်လာမည်ဟု မျှော်လင့်နေကြသူများလည်း ရှိနေသည်။
မြန်မာနိုင်ငံသည် တစ်ချိန်က စီးပွားရေး အားကောင်းသော အာရှကျား လေးကောင် ဖြစ်သည့် စင်္ကာပူ၊ တောင်ကိုရီးယား၊ တိုင်ဝမ်နှင့် ဟောင်ကောင် တို့ကဲ့သို့ အလားအလာကောင်းသော နိုင်ငံတစ်ခု ဖြစ်ခဲ့သည်။ သို့သော် ယခုအခါ လူ့အခွင့်အရေး ချိုးဖောက်မှုများဖြင့် အရှုပ်ထုပ်ကြီး ဖြစ်နေသည်။ အမျိုးသမီးများကို အဓမ္မ ပြုကျင့်ခြင်းအား ကြောက်ရွံ့လာရေး အတွက် လက်နက်သဖွယ် အသုံးပြုခြင်း၊ လူကုန်ကူးခြင်း၊ အဓမ္မ လုပ်အားပေးစေခြင်းနှင့် အစိုးရ ကိုယ်တိုင် အကျင့်ပျက် ခြစားခြင်းများကို တိုင်းပြည်နေရာအနှံ့ ထိန်းမနိုင် သိမ်းမရ တွေ့မြင်နေရသည်။ တိုင်းပြည်၏ စီးပွားရေးမှာလည်း စစ်တပ်၏ မူဝါဒများဖြင့် ဆိုးဝါးစွာ မှားယွင်း ကိုင်တွယ်မှုကြောင့် မြန်မာနိုင်ငံသား ၄၉ သန်း၏ အခြေအနေမှာ အဆိုးဆုံးသို့ ရောက်ရှိနေရသည်။
လက်ရှိ မြန်မာ အစိုးရတွင် အောက်ခြေမှ ထိပ်ပိုင်းအထိ လက်ရှိရော အငြိမ်းစား စစ်တပ် အရာရှိများဖြင့် ပြည့်နေသည်။ မကြာသေးမီက လက်ရှိ စစ်တပ် ခေါင်းဆောင်များသည် ဘယ်ညာ ပြောင်း၍ အစိုးရ ဝန်ထမ်းအဖြစ်မှ အငြိမ်းစားယူကာ ၂၀၁၀ ရွေးကောက်ပွဲတွင် အရပ်သား အဖြစ် ပါဝင် ယှဉ်ပြိုင်ရန် ပြုလုပ်ခဲ့ကြသည်။ အခြေခံ ဥပဒေအရ ပါလီမန်အသစ်၏ လေးပုံတစ်ပုံကို စစ်တပ် အရာရှိများအတွက် ပေးထားရပြီးဖြစ်ရာ၊ ယခု အငြိမ်းစားယူထားသော စစ်ခေါင်းဆောင်များသည် ကျန်လေးပုံသုံးပုံသော ပါလီမန် အမတ်နေရာများတွင် ပါဝင် ယှဉ်ပြိုင်ပြီး လက်ရှိ စစ်အစိုးရကို ပိုမို အားကောင်းအောင် ပြုလုပ်ပေးကြမည် ဖြစ်သည်။
ရွေးကောက်ပွဲတွင် ပါဝင် ယှဉ်ပြိုင်ရန် စီစဉ်နေကြသော နိုင်ငံရေး ပါတီသစ်များ၏ လှုပ်ရှားမှုများကို အကဲခတ်ပြီး အချို့က မျှော်လင့်ကြသည်မှာ စစ်တပ်အား ၎င်းတို့ ပါလီမန်တွင် ရထားသော ၂၅ % သော နေရာမှလွဲ၍ ကျန်နေရာများ မရရှိနိုင်ရေးအတွက် မဲဆန္ဒပေးမည့် သူများကို အငြိမ်းစား ယူထားသော စစ်တပ် အရာရှိများအား မဲမပေးအောင် ပါတီသစ်များက တားဆီးနိုင်ရေးပင် ဖြစ်သည်။
ထိုင်းနိုင်ငံတွင် မွေးဖွားသော မြန်မာ တစ်ဦး ဖြစ်သူ သန့်ကလည်း သံသယရှိသူများတွင် တစ်ဦး အပါအဝင် ဖြစ်ပြီး ၎င်းက "အစီအစဉ်ကတော့ အားလုံး ကောင်းပါတယ်။ ဒါပေမယ့် ဒီလို စစ်တပ်က အရှုံးကို လွယ်လွယ် လက်ခံလိမ့်မယ်လို့ ခင်ဗျားထင်သလား။ ဒေါ်အောင်ဆန်းစုကြည်က ပြောခဲ့ဖူးတယ်။ ကျွန်မတို့ ပြည်သူတွေ သွားရမယ့် ဒီမိုကရေစီ လမ်းကြောင်းက နာကျင်စရာတွေ ပြည့်နှက်နေပါလိမ့်မယ်လို့ ပြောခဲ့ဖူးတယ်။ အခု ရွေးကောက်ပွဲကလည်း ကျွန်တော်တို့အတွက် ဆူးတောကြီး တစ်ခု ဖြတ်ရဦးမှာပေါ" ဟု ပြောပြခဲ့သည်။
နိုဘယ်ဆုရှင်နှင့် အမျိုးသား ဒီမိုကရေစီ အဖွဲ့ချုပ်၏ ထင်ရှားသော ခေါင်းဆောင်ဖြစ်သည့် ဒေါ်အောင်ဆန်းစုကြည်သည် ဇွန်လ ၁၉ ရက်နေ့က သူမ၏ ၆၅ နှစ်မြောက် မွေးနေ့ကို နေအိမ် အကျယ်ချုပ်ဖြင့် ဖြတ်သန်းခဲ့ရသည်။
အမျိုးသား ဒီမိုကရေစီ အဖွဲ့ချုပ်သည် အခြား လှုပ်ရှားသူများ၊ ပါတီများနှင့်အတူ ၂၀၁၀ ရွေးကောက်ပွဲကို သပိတ်မှောက်ကြောင်း ကြေညာခဲ့သည်။ သို့သော် နာမည်ကြီး NLD မပါဝင်သော်မှ ရွေးကောက်ပွဲတွင် စိတ်အားထက်သန်စွာ ပါဝင် ယှဉ်ပြိုင်မည့် အခြားပါတီများ ရှိနေသေးသည်။ NLD ပါတီအတွင်းမှာပင် ရွေးကောက်ပွဲ မပါဝင်ရေး အငြင်းပွားမှုများ ရှိလာသည်။
အကယ်၍ NLD က ရွေးကောက်ပွဲကို သပိတ် မမှောက်ခဲ့လျှင်တောင်၊ ဒေါ်အောင်ဆန်းစုကြည်သည် အခြေခံ ဥပဒေအရ ရွေးကောက်ပွဲတွင် ပါဝင်ခွင့်ရမည် မဟုတ်ပေ။
အခြားနိုင်ငံများ အဖွဲ့အစည်းများက မြန်မာ စစ်အစိုးရအား ဒေါ်အောင်ဆန်းစုကြည်အား လွှတ်ပေးရန်၊ ဥပဒေအား ပြင်ဆင်ရန်နှင့် လူ့အခွင့်အရေးကို လေးစားရန် တောင်းပန်ခဲ့၊ တောင်းဆိုခဲ့ကြသည်။ အစိုးရ၏ တုန့်ပြန်မှုမှာ ဗလာသက်သက်သာ ဖြစ်သည်။ ထို့ကြောင့် အနောက်နိုင်ငံ အများစုသည် မြန်မာ အစိုးရအား ဖိအားပေးရန် ရည်ရွယ်လျက် စီးပွားရေးအရ အရေးယူမှုများ ချမှတ်ခဲ့သည်။ စစ်အစိုးရသည် ရွေးကောက်ပွဲ ကျင်းပမည့်ရက်ကို မသတ်မှတ်ရသေးသော်လည်း၊ ၂၀၁၀ မကုန်မီ ရွေးကောက်ပွဲ ကျင်းပမည် ဆိုသည်မှာ သံသယ ဖြစ်ဖွယ် မရှိပေ။ ဒေါ်အောင်ဆန်းစုကြည်၏ နေအိမ် အကျယ်ချုပ်မှာလည်း ၂၀၁၁ ခုနှစ် ဖေဖော်ဝါရီလတွင် ကုန်ဆုံးမည် ဖြစ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.