Posts
Reuters, 20th November 2010
ကုလ သမဂ္ဂ နျူကလီယာ ဆိုင်ရာ အရာရှိဟောင်း တစ်ဦးက စစ်ဖက် အုပ်ချုပ်သော မြန်မာ နိုင်ငံတွင် အနုမြူဗုံး ထုတ်လုပ်ရန် ကြိုးစားနေသည် ဟူသော စွပ်စွဲချက်များနှင့် ပတ်သက်၍ သံသယ ရှိကြောင်း ထုတ်ဖော် ပြောကြားလိုက်ပြီး ရရှိထားသမျှ အထောက် အထားများ စွပ်စွဲမှုကို အခိုင်အမာ အထောက် အကူ ပြုနိုင်ခြင်း မရှိဟု ပြောဆိုခဲ့သည်။
"အရှိန် ရနေတဲ့ နျူကလီယာ လက်နက် အစီအစဉ် တစ်ခုနဲ့ မတူပါဘူး" ဟု ကုလသမဂ္ဂ နျူကလီယာ စောင့်ကြည့် လေ့လာရေး အဖွဲ့၏ ကမ္ဘာတလွှား စစ်ဆေးမှုများ၏ အကြီးအကဲ အဖြစ်မှ သြဂုတ်လတွင် အနား ယူခဲ့သူ Olli Heinonen က ပြောကြားခဲ့သည်။
"ဘာအထောက် အထားမှ မရှိပါဘူး၊ ဘာလုပ်နေသလဲ ဆိုတာကို ကောင်းကောင်း သိနိုင်တဲ့ အချက်အလက်တွေပါ" ဟု ယခုအခါ ဟားဗတ် တက္ကသိုလ်မှ ပညာရှင် ဖြစ်နေသူ Heinonen ရိုက်တာ သတင်း ဌာနသို့ သောကြာနေ့တွင် ပြောကြားခဲ့ခြင်း ဖြစ်သည်။
မြန်မာနိုင်ငံတွင် နျူကလီယာ လက်နက် ပိုင်ဆိုင်ရန် ကြိုးစားနေသော လျှို့ဝှက် အစီအစဉ် ရှိနေကြောင်း နော်ဝေး အခြေစိုက် ပြည်ပရောက် အဖွဲ့အစည်းက ဇွန်လတွင် ပြောကြားခဲ့ပြီးနောက် အဆိုပါ နိုင်ငံမှ ထွက်ပြေးလာသော တပ်ပြေး အရာရှိများ၏ အလားတူ စွပ်စွဲချက်များ ပေါ်ထွက်လာခဲ့သည်။
Heinonen ယခု ယခင်က အလုပ် လုပ်ခဲ့သည့် နိုင်ငံတကာ အနုမြူ စွမ်းအင် အေဂျင်စီ IAEA က အစီရင်ခံစာများကို လေ့လာနေသည်ဟု ထိုစဉ်က ပြောကြားခဲ့သည်။ မြန်မာနိုင်ငံသည် နျူကလီယာ မပြန့်ပွားရေး စာချုပ် အဖွဲ့ဝင်နိုင်ငံ ဖြစ်သလို၊ ဗီယင်နာ အခြေစိုက် ကုလသမဂ္ဂ IAEA တွင်လည်း အဖွဲ့ဝင် ဖြစ်သည်။
မြန်မာနိုင်ငံက ၎င်းစွပ်စွဲချက်များသည် အခြေ အမြစ် မရှိကြောင်းနှင့် ငြိမ်းချမ်းစွာ အသုံးပြုရန် ရည်ရွယ်သည့် လုပ်ငန်းများသာ ဖြစ်ကြောင်း စက်တင်ဘာလတွင် IAEA သို့ ပြောကြားခဲ့သည်။
ဆင်းရဲ မွဲတေလျက် ရှိသော အပယ်ခံ မြန်မာနိုင်ငံသည် အနောက် နိုင်ငံများ၏ အရေးယူ ပိတ်ဆို့မှုများ အောက်တွင် အနှစ် ၂၀ ခန့် ကျရောက်နေခဲ့ပြီ ယခု နျူကလီယာ လက်နက် ပိုင်ဆိုင်ရန် ကြိုးစားလာမှုကြောင့် ဒေသတွင်း လက်နက် အပြိုင် တပ်ဆင်မှုကို ဖြစ်ပွားစေနိုင်သည်ဟု လေ့လာသူများက ဆိုသည်။
အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကလည်း မြောက်ကိုးရီးယားက မြန်မာနိုင်ငံသို့ နျူကလီယာ နည်းပညာ လွှဲပြောင်းပေးနိုင်မှု အလားအလာ အပေါ် စိုးရိမ် ပူပန်မိကြောင်း၊ ယခင်နှစ်က ထုတ်ဖော် ပြောကြားခဲ့ဖူးသည်။ မြောက်ကိုးရီးယားသည် နျူကလီယာ မပြန့်ပွားရေး NPT စာချုပ်မှ နုတ်ထွက်ကာ နျူကလီယာ လက်နက် ၂ ကြိမ် စမ်းသပ်ခဲ့သော နိုင်ငံ ဖြစ်သည်။
ခက်ခဲ နက်နဲသော ကိရိယာ
မြန်မာ နိုင်ငံ အနေဖြင့် ၎င်းနိုင်ငံတွင်း လှုပ်ရှားမှုများကို ရှင်းရှင်းလင်းလင်း ဖြစ်စေရန် ကုလသမဂ္ဂ အေဂျင်စီ၏ ကူညီမှုကို ခွင့်ပြုသင့်သည်ဟု Heinonen က ပြောကြားလိုက်ပြီး လွန်ခဲ့သော နှစ်အနည်းငယ်က ဝယ်ယူခဲ့သော တန်ဖိုးကြီး အဆင့်မြင့် ကိရိယာများနှင့် ပတ်သက်သည့် ပဟေဠိ ကိစ္စ အချို့ ရှိနေသည်ဟု ပြောဆိုခဲ့သည်။
ဥပမာ အားဖြင့် ယူရေနီယံ သန့်စင်မှု အစီအစဉ် လုပ်ဆောင်ရန် ရည်ရွယ်သည် ဆိုပါက လက်နက် ထုတ်လုပ်မည့် သဘောပင် ဖြစ်နေသည်ဟု ၎င်းက ပြောကြားသည်။
သန့်စင်ပြီး ယူရေနီယံကို ဓါတ်အားပေး စက်ရုံ လောင်စာ အဖြစ် အသုံးပြု နိုင်သလို ထပ်မံ သန့်စင်လိုက်ပါက နျူကလီယာ လက်နက် ထုတ်လုပ်ပေးနိုင်သော ပစ္စည်း ဖြစ်သွားသည်။
"ဒီကိစ္စအတွက် ဒီလို ကိရိယာမျိုး မလိုအပ်ပါဘူး" ဟု ၎င်းက ပြောကြားခဲ့ပြီး ဤအစား သမားရိုးကျ စစ်ဖက် ဆိုင်ရာ ရည်ရွယ်ချက် ရှိနိုင်သည်ဟု ၎င်းက ခန့်မှန်းသည်။
သို့သော်လည်း အဆိုပါ ကိရိယာ ဝယ်ယူမှုတွင် ပါဝင် ပတ်သက်ခဲ့သူမှာ ဆေးပညာ အိုင်ဆိုတုပ်များ ထုတ်လုပ်ရာတွင် အသုံးပြုမည့် နျူကလီယာ သုတေသန ဓါတ်ပေါင်းဖို တည်ဆောက်ရန် စီစဉ်နေသည်ဟု ဆိုသော မြန်မာနိုင်ငံမှ အနုမြူ စွမ်းအင် အစီအစဉ်၏ အကြီးအကဲ ဖြစ်သည်ဟု Heinonen က ဆက်လက် ပြောဆိုသည်။
"ဘာကြောင့် ဒီလိုမျိုး ကိရိယာကို ဝယ်ရသလဲလို့ မေးခွန်း ထုတ်စရာ ဖြစ်နေပါတယ်" ဟု ၎င်းက ဆိုသည်။
မြန်မာ နိုင်ငံခြားရေး ဝန်ကြီးက ၎င်းတို့ နိုင်ငံသည် ရုရှား နျူကလီယာ နည်းပညာကို ရရှိရန် ကြိုးစားနေသော်လည်း အရပ်ဖက် စွမ်းအင်အတွက် အသုံးပြုရန်သာ ဖြစ်သည်ဟု ဂျပန် နိုင်ငံခြားရေး ဝန်ကြီးကို ၂၀၀၉ ခုနှစ်တွင် ပြောကြားခဲ့သည်။
မြန်မာ နိုင်ငံသည် ၎င်း၏ မြေကြီးထဲတွင် ယူရေနီယံ ရှိနေသော်လည်း ပြည်ပသို့ တင်ပို့ရန် ဖြစ်စေ၊ သန့်စင်မှု ပြုလုပ်ရန် ဖြစ်စေ၊ အရာရာကို IAEA ထံ အစီရင်ခံ တင်ပြရန် လိုအပ်သည်ဟု Heinonen က ပြောကြားသည်။
နော်ဝေး အခြေစိုက် မြန်မာ အစိုးရ ဆန့်ကျင်ရေး အဖွဲ့က "မြန်မာအစိုးရ နျူကလီယာ လက်နက် ထုတ်လုပ်ရန် ကြိုးစားနေကြောင်း ရည်ညွှန်းသည့် အထောက်အထားများကို မိမိ ရရှိထားသည်" ဟု ဇွန်လတွင် ထုတ်ဖော် ပြောဆိုခဲ့သည်။
နော်ဝေ အခြေစိုက် DVB သတင်းဌာန၏ ၅ နှစ်ကြာ စုံစမ်းမှု အရ မြန်မာနိုင်ငံသည် နျူကလီယာ လက်နက် ထုတ်လုပ်ရန် အလှမ်း ဝေးနေသေးသော်လည်း နည်းပညာနှင့် ကျွမ်းကျင်မှုများ ရရှိနိုင်ရန် အတော် အတန် ခရီးရောက်ခဲ့ပြီဟု သုံးသပ်ထားသည်။
ယခင် IAEA ဒါရိုက်တာ ပူးတွဲ ရေးသားခဲ့သော DVB ၏ အစီရင်ခံစာသည် အဖျက် စွမ်းအားကြီး လက်နက်များ ထုတ်လုပ်ရန် တည်ဆောက်နေသော စက်ရုံတွင် တာဝန် ထမ်းဆောင်ပြီး ထွက်ပြေးလာသူ ဗိုလ်မှူးဟောင်း စိုင်းသိန်းဝင်းက ပေးသော အထောက် အထားများကို ကိုးကား ထားခြင်း ဖြစ်သည်။
"မြန်မာ နိုင်ငံ အတွက် ဆက်လက် လုပ်ဆောင်ရမယ့် အကောင်းဆုံး နည်းလမ်းကတော့ သူတို့ နိုင်ငံထဲကို လာရောက် စစ်ဆေးဖို့ IAEA ကို ဖိတ်ခေါ်တာ ပါပဲ၊ ဒါမှသာ ကောင်းစွာ နားလည် သဘော ပေါက်မှုကို ရနိုင်မှာပါ" ဟု Heinonen က ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.