Posts
 | yangonchronicle 2011 |
၂၆.၆.၂၀၁၁
ပြည်တွင်းသတင်းများ
ပညာရေးဝန်ထမ်းများကို စားအုန်းဆီမယူမနေရ ရောင်းချ
ရန်ကုန်။ဇွန် ၂၄။
ပညာရေးဝန်ကြီးဌာနအောက်ရှိ အခြေခံပညာဦးစီးဌာန ဝန်ထမ်းများကို တစ်ဦးလျှင် စားအုန်းဆီ ၃ ပိသာနှုန်းဖြင့် ရောင်းချပေးနေကြောင်း ၎င်း ဝန်ထမ်းအသိုင်းအဝိုင်းမှ စုံစမ်းသိရှိရသည်။
ကမာရွတ် အ.ထ.က. ၂ မှ ပညာရေးဝန်ထမ်းတစ်ဦးက “စားအုန်းဆီ တစ်လကို ၃ ပိသာ မယူမနေရ ယူရမယ်လို့ ပြောတယ်။ လကုန်တာနဲ့ လစာ ထဲက ၆၃၀၀ ဖြတ်ပြီးသားပဲ လစာက ၅သောင်းကျော်လေးရယ် ဟိုဖြတ်ဒီဖြတ်နဲ့ ဘာသွားစားမလဲ ပြီးတော့ပေးတဲ့ဆီက အခဲကြီးတွေ စားလိုရတဲ့ဆီဆိုတာ ဘယ်သူအာမခံမလဲ ”ဟု ပြောကြားသည်။
စားအုန်းဆီတင်သွင်းခွင့်ကို ပြီးခဲ့သည့်လမှ စတင်ပြီး ကုမ္မဏီ ၁၆ ခုသို့ တင်သွင်းခွင့်ပေးခဲ့ရာ ဈေးနှုန်းများ ကမောက်ကမ ဖြစ်ပေါ်ခဲ့ကြောင်း တင် သွင်းသမျှ၏ ၂၀ ရာခိုင်နှုန်းကို သတ်မှတ်ဈေးဖြင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းမှတဆင့် ဖြန့်ဖြူးပေးရပြီး ကျန်ပမာဏကို လွတ်လပ်စွာ ရောင်းချခွင့်ရှိကြောင်း ဈေးကွက်ကို ဈေးကွက်က ပြန်ထိန်းပေးရမည်ဟုဆိုသော်လည်း တစ်ဦးတည်းလက်ဝါးကြီးအုပ်ခွင့် မရရှိသည့်အပေါ် မကျေနပ်သူများလည်းရှိရာ ၎င်းတို့ကစားအုန်းဆီအဓိက ဖြန့်ဖြူးရာ ဦးပိုင်မှပိုင်ဆိုင်သော သိုလှောင်ကန်များတွင် သိုလှောင်ခွင့်အပေါ် တစ်ဖက်လှည့်ဖြင့် အမြတ်ထုတ်နေခြင်း မသမာသောနည်းလမ်းများကို အသုံးပြုနေခြင်းများရှိနေကြောင်း သိုလှောင်ကန်မှ ထုတ်ယူသော အချို့ဆီပေပါများ များစွာလျော့နေ သည့် အကြောင်းများလည်း မီဒီယာများတွင် ဖော်ပြပါရှိခဲ့ကြောင်း သိရသည်။
ယခုကဲ့သို့ ဝန်ထမ်းများကို မယူမနေရစနစ်ဖြင့်ရောင်းချခြင်းမှာ ၎င်းတို့အတွက်သက်သာချောင်ချိမှုထက် အကျင့်ပျက်မှုနှင့် လူမှုစီးပွားဆိုင်ရာ ပြဿနာများ ပိုမိုတိုးပွားလာဖွယ်ရှိကြောင်း သတင်းဆန်းစစ်သူအချို့က သုံးသပ်ပြောဆိုသည်။
The CJs News
-----------------------------------------------------------------------------------------------------------------------------------
ထားဝယ်ရေနက်ဆိပ်ကမ်းမြေ သတ်မှတ်စည်းကမ်းနှင့်အညီ သုံးရမည်
ထားဝယ်ရေနက်ဆိပ်ကမ်း၌ သက်ဆိုင်ရာမှ ချထားပေးသည့် ရင်းနှီးမြှုပ်နှံသူများ အသုံးပြုခွင့်ရရှိသည့် မြေများအား သတ်မှတ်စည်းကမ်းနှင့် အညီသာ အသုံးပြုလုပ်ကိုင်ဆောင်ရွက်ခွင့် ရရှိမည်ဖြစ်ကြောင်း သိရသည်။
၎င်း ငှားရမ်း၍ လုပ်ကိုင်ဆောင်ရွက်ခွင့် ရရှိသည့်မြေများကို ရင်းနှီးမြှုပ်နှံသူများ အနည်းဆုံးနှစ်(၃၀) အသုံးပြုခွင့် ရရှိမည်ဖြစ်ပြီး မြေငှားရမ်းခနှင့် မြေအသုံးပြုခ အခွန်ငွေအား ပေးဆောင်ရမည်ဖြစ်ကြောင်းသိရသည်။ ထို့ပြင် ၎င်း ငှားရမ်း အသုံးပြုခွင့်ရရှိထားသော မြေများအား ခွင့်ပြုချက်မရှိဘဲ ပြုပြင် ပြောင်းလဲမှုများ မပြုရပာု စည်းကမ်းသတ်မှတ်ထားကြောင်း သိရသည်။
ရင်းနှီးမြှုပ်နှံသူများအား ငှားရမ်းလုပ်ကိုင်ခွင့်ပြုထားသည့် မြေနှင့် အဆောက်အအုံများတွင် လုပ်ကိုင်နေစဉ်အတောအတွင်း အခြားလုပ်ငန်းရှင် တစ်ဦးဦးအား ပြန်လည် ငှားရမ်းခြင်း၊ ရောင်းချခြင်း၊ ပေါင်နှံခြင်းစသည့် ကိစ္စရပ်များကို ဥပဒေနှင့်အညီ လုပ်ကိုင်နိုင်မည်ဖြစ်ကြောင်း သိရသည်။
၎င်း ငှားရမ်းအသုံးပြုခွင့်ရရှိထားသည့်မြေများတွင် မြေပေါ်၊ မြေအောက်ရှိ ခွင့်ပြုချက်ရရှိထားသည့် လုပ်ငန်းမှအပ လုပ်ငန်းနှင့်မသက်ဆိုင်သည့် စာချုပ်ချုပ်ဆိုရာ၌ မပါဝင်သည့် သဘာဝ သယံဇာတပစ္စည်းများ၊ ရှေးပောာင်းဝတ္ထုပစ္စည်းတစ်ခုခုအား တွေ့ရှိပါက စီမံခန့်ခွဲမှုကောက်မတီထံသို့ အကြောင်း ကြားရမည်ဖြစ်ကြောင်း စည်းကမ်း၌ သတ်မှတ်ပါရှိသည်။
မြေငှားရမ်းသည့် သတ်မှတ်ကာလပြည့်သွားခြင်း(သို့) ခွင့်ပြုချက် ပြန်လည်ရုပ်သိမ်းပါက ငှားရမ်းထားသည့်မြေအား ပြန်လည်အပ်နှံရမည်ဖြစ် ကြောင်း သိရသည်။ ထို့ပြင် ထားဝယ်အထူးစီးပွားရေးဇုန်အတွင်း အကောင်အထည် ဖော်ဆောင်ရွက်မည့် လုပ်ငန်းများနှင့် မြေငှားရမ်းခနှင့် မြေအသုံးချမှု ပရီမီယံကြေးများကို တည်ဆဲဥပဒေနှင့်အညီ သတ်မှတ်စည်းကမ်းနှင့် ပေးဆောင်ရမည်ဖြစ်ကြောင်းသိရသည်။
(Hot News၊ အတွဲ-၁၊ အမှတ်-၄၅ ပါ “ထားဝယ်အထူးစီးပွားရေးဇုန် ရင်းနှီးမြှုပ်နှံသူ အသုံးပြုခွင့်ရမြေကို သတ်မှတ်စည်းကမ်းနှင့် သုံးရမည်” သတင်းအားအကျဉ်းချုံး ဖော်ပြသည်)
-------------------------------------------------------------------------------------------------------------
ပြည်ပပို့ရန် ဆန်ပမာဏ အသင်းက ဆုံးဖြတ်မည်
မြန်မာနိုင်ငံမှ ပြည်ပသို့ တင်ပို့မည့် ဆန်စပါးအား မည်ရွေ့မည်မျှ တင်ပို့ရမည်ကို မြန်မာနိုင်ငံဆန်စပါးအသင်းကသာ ဆုံးဖြတ်၍ ပြည်ပသို့ တင်ပို့ ခွင့်ပြုတော့မည်ဖြစ်ကြောင်း သိရသည်။
ယခင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီလက်ထက်၌ ပြည်ပသို့တင်ပို့မည့် မြန်မာ့ဆန် တင်ပို့ခွင့်ပမာဏကို စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် မြန်မာ့လယ်ယာထွက်ကုန် ရောင်းဝယ်ရေးလုပ်ငန်းတို့က ဆုံးဖြတ်ချက်ဖြင့်သာ ပြည်ပပို့ခွင့်ရရှိခဲ့ကြောင်း သိရသည်။
ယခုအစိုးရသစ် လက်ထက်မှ စတင်၍ မြန်မာ့နိုင်ငံ ဆန်စပါးလုပ်ငန်းရှင်များအသင်းက ပြည်ပတင်ပို့ခွင့်ပမာဏကို စတင်၍ဆုံးဖြတ်ခွင့် ရရှိခဲ့ခြင်း ဖြစ်ကြောင်းသိရသည်။
ပို့သင့်၊ ပို့ထိုက်သည့် အနေအထားနှင့် အခြေအနေအား ဆုံးဖြတ်ခိုင်းသည့် သဘောမျိုးပင်ဖြစ်ကြောင်း၊ ပြည်တွင်း စားသုံးမှုထိခိုက်မှုမရှိစေရန် အခြေခံ၍ အဖွဲ့က ဆုံးဖြတ်ခဲ့ခြင်းဖြစ်ကြောင်း ဆန်စပါးအသင်းမှ တာဝန်ရှိသူတစ်ဦးက ပြောကြားခဲ့သည်။
ယခုဇွန်လအတွင်း၌ ပြည်ပသို့ဆန်စပါးတင်ပို့ခွင့်ကို တန်ချိန် လေးသောင်း သတ်မှတ်ထားကြောင်း သိရသည်။ တန်ချိန် လေးသောင်းပမာဏ၏ ထက်ဝက်ကို အထူးပြုကုမ္ပဏီကြီးများက တင်ပို့ရမည်ဖြစ်ပြီး ကျန်ထက်ဝက်အား ပို့ကုန်၊ သွင်းကုန်လုပ်ငန်းရှင်များနှင့် စိုက်ပျိုးထုတ်လုပ်သူများက တင်ပို့ရ မည်ဖြစ်ကြောင်း သိရသည်။
ဆန်စပါးအသင်းအား ဆုံးဖြတ်ခိုင်းထားသည့်အတွက် ပိုကောင်းလာရန်သာရှိတော့ကြောင်း၊ လွတ်လပ်စွာ လုပ်ကိုင်ခွင့်အား ပထမခြေလှမ်းအဖြစ် ပေးလိုက်ခြင်းပင်ဖြစ်ကြောင်း၊ အသင်း၌ ကုန်သည်အများစုပါဝင်သည့်အတွက် ချင့်ချိန်၍သာ ပြည်ပတင်ပို့ခွင့် ရရှိမှာဖြစ်ကြောင်း ဆန်အထူးပြုကုမ္ပဏီ တစ်ခုမှ တာဝန်ရှိသူတစ်ဦးကပြောကြားခဲ့သည်။
(Popular News၊ အတွဲ-၃၊ အမှတ်-၂၄ ပါ “ပြည်ပပို့မည့် ဆန်ပမာဏ ဆန်စပါးအသင်းကသာ ဆုံးဖြတ်တော့မည်” သတင်းအား အကျဉ်းချုံး ဖော်ပြသည်)
-------------------------------------------------------------------------------------------------------------
အကြွေစေ့ဂိမ်းဆိုင်များ ပိတ်သိမ်းမည်
ရန်ကုန်တိုင်းဒေသကြီး၌ အကြွေစေ့များလဲလှယ်၍ကစားရသည့် လောင်းကစားဝိုင်းများနှင့် ကာစီနိုခေါ် ဂိမ်းကစားဝိုင်းများအား ယခုလ တတိယ ပတ်မှ စတင်၍ ပိတ်သိမ်းရတော့မည်ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့ရုံးမှ တာဝန်ရှိသူတစ်ဦးက ပြောကြားခဲ့သည်။
လောင်းကစားဝိုင်းများနှင့် ဂိမ်းကစားဝိုင်းများကို ရန်ကုန်မြို့၌ လူစည်ကားနေရာများတွင် လုပ်ငန်းရှင်များက ခေတ်ပေါ်စနစ်ဖြင့် လောင်းကစားပြု လုပ်လျက်ရှိရာ ၎င်းကစားဝိုင်းများအား ပိတ်သိမ်းရန် လုပ်ငန်းရှင်များအား ခေါ်ယူသတိပေးမည်ဖြစ်ပြီး အကယ်၍ လိုက်နာဆောင်ရွက်မှုများ မရှိပါက တည် ဆဲဥပဒေအရ ထိရောက်စွာအရေးယူ ဆောင်ရွက်သွားမည်ဖြစ်ကြောင်း သိရသည်။
ဒီမိုကရေစီနိုင်ငံဆိုသော်လည်း မိမိနိုင်ငံ၏ ဥပဒေမှာ အဓိကကျကြောင်း၊ အခြားနိုင်ငံများ၌ ယခုကဲ့သို့ လောင်းကစားဝိုင်းများရှိသော်လည်း မိမိ နိုင်ငံ၌ လောင်းကစားဝိုင်းများ ပပျောက်သွားစေရန် ရည်ရွယ်ချက်ဖြင့် လုပ်ဆောင်ခြင်းဖြစ်ကြောင်း၊ ယခုခေတ်၌ ဂိမ်းမကစားတတ်သည့် လူငယ်များမှာ အနည်းငယ်သာ ရှိကြောင်း၊ ထို့ကြောင့် ငွေအကြွေစေ့ဖြင့် လောင်းကစားပြုလုပ်ရသည့် ကစားဝိုင်းများမှာ တဖြည်းဖြည်းကြီးမားလာနိုင်ကြောင်း၊ အဓိက အနေဖြင့် ကာစီနိုလောင်းကစားဝိုင်းများကို သတိထားရမည်ဖြစ်ကြောင်း ၎င်းကဆက်လက်ပြောကြားခဲ့သည်။
ရန်ကုန်တိုင်းဒေသကြီး၌ ငွေအကြွေစေ့ဖြင့် လဲလှယ်၍ ကစားရသည့် ကစားဝိုင်းများနှင့် ကာစီနိုဝိုင်းများမှာ လူစည်ကားနေရာများ၌ ဖွင့်လှစ်ထား မှုမှာ ဆိုင်ပေါင်း ၂၀၀ ခန့်ရှိပြီး ငွေအကြွေစေ့တစ်စေ့လျှင် တစ်ရာကျပ်နှုန်းဖြင့် ကစားရကြောင်း သိရသည်။ ၎င်းကစားဝိုင်းပစ္စည်းများမှာ တရုတ်နိုင်ငံနှင့် ထိုင်းနိုင်ငံမှ ထုတ်လုပ်သည့် ပစ္စည်းများပင် ဖြစ်ကြောင်း သိရသည်။
ကာစီနိုဝိုင်းများတွင် ကစားနည်းပေါင်း ၂၀ ခန့်ရှိကြောင်း၊ ပိုက်ဆံအား တစ်သောင်းဖိုးမှ စတင်ပြီး သိန်းပေါင်းများစွာထိတိုင် ဆိုင်ရှင်ထံ၌ လဲလှယ်၍ ရရှိကြောင်း၊ ကစားသူနိုင်ပါကလည်း ပြန်လဲလှယ်နိုင်ကြောင်း၊ စက်ထဲ၌ ထည့်သွင်းထားသည့် အကြွေစေ့ကုန်သွားပါကလည်း ကွန်ပျူတာမှ အလိုအလျောက် ပြသကြောင်း၊ ကစားဝိုင်းများ၌ အရွယ်ရှိသည့် မိန်းကလေးများက စောင့်ကြည့်ပေးကြကြောင်း၊ နိုင်သည်များလည်း ရှိသလို ရှုံးသည်များလည်း ရှိကြောင်း အဆိုပါ လောင်းကစားဝိုင်းများနှင့် နီးစပ်သူတစ်ဦးက ပြောကြားခဲ့သည်။
(Popular News၊ အတွဲ-၃၊ အမှတ်-၂၄ ပါ “ရန်ကုန်ရှိ အကြွေစေ့လောင်းကစားနှင့် ကာစီနိုခေါ် ဂိမ်းဝိုင်းများ ပိတ်သိမ်းတော့မည်” သတင်းအား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ကျေးလက်ဆင်းရဲမွဲတေမှု လျှော့ချရေး လုပ်ငန်းစဉ်များ စတင်ရေးဆွဲ
ရန်ကုန်၊ဇွန် ၂၅။
မကြာသေးမီက ပြုလုပ်ခဲ့သည့် ကျေးလက်ဒေသဖွင့်ဖြိုးရေးနှင့် ဆင်းရဲမွဲတေမှု လျှော့ကျရေး အလုပ်ရုံဆွေးနွေးပွဲအပြီး ယခုအခါ ကျေးလက်ဒေသ အကောင်ထည်ဖေါ်နိုင်မည့် လုပ်ငန်းစဉ်များ action plan စတင်ရေးဆွဲနေပြီဖြစ်ကြောင်း ပညာရှင်အချို့ထံမှ စုံစမ်းသိရသည်။
နိုင်ငံတော် အကြံပေးအဖွဲ့ဝင်တစ်ဦး၏ ဖြေကြားချက်အရ လက်တွေ့အကောင်အထည်ဖော်နိုင်မည့် ကိစ္စရပ်များ ချက်ချင်းလက်ငင်း အကောင် အထည်ဖော်နိုင်မည့် ရေတိုစည်မံကိန်းများနှင့် အချိန်ယူဖြေရှင်းရမည့် ရေရှည်စီမံကိန်းစသည်ဖြင့် ခွဲခြားသတ်မှတ်ကာ ကျေးလက်နေ ပြည်သူတို့၏ ဘဝအား မြင့်တင်နိုင်ရေးအတွက် စတင်ရေးဆွဲနေပြီဖြစ်ကြောင်း သိရသည်။
စီမံကိန်းများ ရေးဆွဲပြီးသွားပါက နိုင်ငံတော်သမ္မတနှင့် တာဝန်ရှိသူများအား တင်ပြသွားမည်ဖြစ်ကြောင်း အဆိုပါပညာရှင်က ထပ်လောင်း ပြော ကြားခဲ့သည်။ ကျေးလက်ဒေသဖွင့်ဖြိုးရေးနှင့် ဆင်းရဲနွမ်းပါးမှု လျှော့ကျရေးအလုပ်ရုံဆွေးပွဲသည် မြန်မာနိုင်ငံ၏ ဆင်းရဲမွဲတေမှုနှင့် ပတ်သက်ပြီး ပထမဆုံး အလုပ်ရုံဆွေးနွေးပွဲ တစ်ခုဖြစ်ပြီး ပညာရှင်များမှ ပွင့်ပွင့်လင်းလင်းဆွေး ဆွေးနွေးခွင့် ရရှိခဲ့သည်။
အဆိုပါ ဆွေးနွေးပွဲသို့ တက်ရောက်ခွင့် မရခဲ့သော ပညာရှင်အချိုကမူ ဆင်းရဲမွဲတေမှုဟုဆိုရာတွင် မြန်မာနိုင်ငံတွင် ကျေးလက်တွင်သာမကဘဲ မြို့ပြများတွင်လည်း အလွန်အမင်း ဆင်းရဲမွဲတေမှုများ ရှိနေသည်ဟု သုံးသပ်ကြခြင်းများ ရှိခဲ့သည်။
The CJs News
-----------------------------------------------------------------------------------------------------------------------------------
သမ္မတအမိန့်ဖြင့် မြန်မာလူ့အခွင့်အရေးအဖွဲ့ ပြင်ဆင်ဖွဲ့စည်း
မြန်မာနိုင်ငံ သမ္မတအမိန့်ကြော်ငြာစာအမှတ် ၃၄/၂၀၁၁ ဖြင့် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီးကိုကိုမှ ဥက္ကဋ္ဌ အဖြစ် တာဝန်ယူ၍ ပြည်ထောင်စု မြန်မာနိုင်ငံ လူ့အခွင့်အရေးအဖွဲ့အား ပြင်ဆင်ဖွဲ့စည်းလိုက်ကြောင်း သတင်းရရှိသည်။
၎င်း ပြင်ဆင်ဖွဲ့စည်းလိုက်သည့် မြန်မာနိုင်ငံလူ့အခွင့်အရေးအဖွဲ့၌ ဥက္ကဋ္ဌအဖြစ် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကိုကို၊ ဒုတိယဥက္ကဋ္ဌအဖြစ် အလုပ်သမားဝန်ကြီးဌာန ပြည်ထောင်စုဝန်ကြီး ဦးအောင်ကြည်မှ လည်းကောင်း၊ ပြည်ထောင်စု တရားလွှတ်တော်ချုပ် တရားသူကြီးနှင့် ပြည်ထောင်စု ဒုတိယဝန်ကြီးများ၊ ပြည်ထောင်စု ရှေ့နေချုပ်ရုံး ဒုတိယရှေ့နေချုပ်၊ မြန်မာနိုင်ငံရဲတပ်ဖွဲ့ ရဲချုပ်၊ ဒုတိယစစ်ဥပဒေချုပ် (စစ်ဥပဒေ ချုပ်ရုံး)၊ အကျဉ်းဦးစီးဌာနမှ ညွှန်ကြားရေးမှူးချုပ်က အဖွဲ့ဝင်များအဖြစ်လည်းကောင်း အထွေထွေအုပ်ချုပ်ရေးဌာန ညွှန်ကြားရေးမှူးချုပ်က အတွင်းရေးမှူး အဖြစ်လည်းကောင်း၊ နိုင်ငံဖြတ်ကျော်မှုခင်းဌာန၏ ဌာနမှူးက တွဲဖက်အတွင်းရေးမှူးအဖြစ်လည်းကောင်း ပါဝင်ကြောင်း သိရသည်။
ယခုဖွဲ့စည်းလိုက်သည့် မြန်မာနိုင်ငံ လူ့အခွင့်အရေးအဖွဲ့၏ လုပ်ဆောင်ရမည့် တာဝန်ဝတ္ထရားများမှာ လူ့အခွင့်အရေးဆိုင်ရာ ဥပဒေများကို လက်ရှိ အနေအထားဖြင့် လိုက်လျောညီထွေမှုရှိနိုင်စေရန် အကြံပြုတင်ပြရန်၊ ပြည်ပနိုင်ငံအချို့မှ မြန်မာနိုင်ငံအပေါ် လူ့အခွင့်အရေးနှင့် ပတ်သတ်သည့် စွပ်စွဲချက် များကို ပြန်လည်တင်ပြရန်၊ ကုလသမဂ္ဂနှင့် နိုင်ငံတကာ လူ့အခွင့်အရေးဆိုင်ရာ လုပ်ငန်းများကို လေ့လာတင်ပြရန်၊ မြန်မာနိုင်ငံအတွင်း လူ့အခွင့်အရေး ဆိုင်ရာ ကော်မရှင်တစ်ရပ် ဖွဲ့စည်းနိုင်ရေး အကြံပြုတင်ပြရန် စသည့် တာဝန်ဝတ္ထရားများ လုပ်ဆောင်ရမည်ဖြစ်ကြောင်း သိရသည်။
(မြန်မာတိုင်းမ်၊ အတွဲ-၂၇၊ အမှတ်-၅၂၃ ပါ “မြန်မာနိုင်ငံလူ့အခွင့်အရေးအဖွဲ့ကို သမ္မတအမိန့်ဖြင့် ပြင်ဆင်ဖွဲ့စည်း” သတင်းအား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"အရေးအကြီးဆုံးအချက်က စစ်တမ်းကောက်ချက် ထုတ်ပုံဖြစ်သည်။ ပညာရှင်တစ်ယောက်သည် ဘောင်အတွင်းမှာပဲ စကားပြောရသည်။ "ခွေးရူးရောဂါ ဖြစ်နေသည်ဟု သင်္ကာမကင်းဘဲ သေဆုံးသဖြင့် ကျွန်ုပ်တို့ထံပို့သော ခွေးအသေ ၂၁ ကောင်၏ ဦးနှောက်များကို စစ်ဆေးကြည့်ရာ ၇ကောင်၏ ဦးနှောက် တွင် ခွေးရူးရောဂါနှင့် သက်ဆိုင်သော Negri Body ကို တွေ့ရှိရကြောင်း" ဆိုတာမျိုးပဲ ပြောရသည်။ သတင်းယူသူများ ဖော်ပြသူများကလည်း မလိုအပ်ဘဲ လူထု အထိတ်တလန့် ဖြစ်သွားမည့်အရေးကို စဉ်းစားကြဖို့ကောင်းသည်။ ရောဂါအကြောင်း ပြောသူလည်း ပညာရှင်ဖြစ်ပြီး ဂျာနယ်လစ်များ ဆိုသည်က လည်း ပညာရှင်များဖြစ်သည်။ Professional Competence ဟု ခေါ်သော ပညာပြည့်ဝမှုသည် ပညာရှင်တို့မှာ မရှိမဖြစ် ရှိရမည်"
ဇွန် ၂၃ ထုတ် ပြည်သူ့ခေတ်ဂျာနယ် အတွဲ (၁) အမှတ် (၄၈) တွင်ပါသည့် ဆောင်းပါးရှင် ကျော်စောမင်း၏ " စိမ်းမြမြက်ခင်း ဖြူဝင်းစံပယ် မှတ်စု များ" ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
"ဒီမိုကရေစီစံနှုန်းမြင့် နိုင်ငံတွေမှာ ဘယ်နိုင်ငံရေးပါတီမဆို မျှတတဲ့ရွေးကောက်ပွဲတွေမှာ ပြည်သူလူထုရဲ့ ရွေးချယ်တင်မြောက်ခြင်းခံရရင် အာဏာကို ကန့်သတ်တားဆီးမှုတွေ မရှိဘဲ ရရှိနိုင်ပါတယ်။ ဒါကြောင့်ပဲ နိုင်ငံရေးပါတီတွေဟာ အာဏာ လက်ရှိဘဝကနေ လက်မဲ့ဘဝကို ရောက်သွားချိန်မှာလည်း မျက်ကလူးဆန်ပျာ ဖြစ်မသွားကြဘဲ တည်တည်ငြိမ်ငြိမ်နဲ့ မိမိတို့ ပါတီလုပ်ငန်းတွေကို ဆက်လက်ဆောင်ရွက်ကြတယ်။
အာဏာလက်မဲ့ဘဝကနေ အစိုးရဖြစ်လာကြတဲ့ အတိုက်အခံ နိုင်ငံရေးပါတီတွေဟာလည်း မိမိတို့ပါတီအနေနဲ့ တစ်လှည့်တစ်ပြန် အာဏာရလာချိန်မှာ ယခင်အာဏာရပါတီက လူတွေအပေါ်မှာ အငြိုးအတေးတွေနဲ့ လက်တုံ့ပြန်တာမျိုး မရှိကြပါဘူး။ တကယ်တော့ ပါလီမန်ဒီမိုကရေစီစနစ် ကျင့်သုံးတဲ့ နိုင်ငံ တိုင်းမှာ ဒီမိုကရေစီစံနှုန်းတွေဟာ တစ်ဆင့်ချင်း မြင့်တက်နေမှသာ ပါလီမန် ဒီမိုကရေစီစနစ်ဟာ ရေရှည်တည်တံ့ပြီး ယင်းနိုင်ငံတွေရဲ့ အဆင့်အတန်း ကလည်း မြင့်တက်လာမှာ ဖြစ်ပါ တယ်"
ဇွန် ၂၃ ထုတ် ပြည်သူ့ခေတ်ဂျာနယ် အတွဲ (၁) အမှတ် (၄၈) တွင်ပါသည့် ဆောင်းပါးရှင် ဝင်းထွဋ်ဇော်၏ "ပါလီမန် ဒီမိုကရေစီနဲ့ အာဏာလက်ရှိ ပါတီ အာဏာလက်မဲ့ပါတီ" ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
"အစိုးရသစ်တက်ပြီးနောက်ပိုင်း ကျွန်တော်တို့ဆီကို နိုင်ငံခြားကုမ္ပဏီတော်တော်များများ ရောက်လာကြတယ်။ မြန်မာနိုင်ငံမှာ အစိုးရအပြောင်းအလဲ ကြောင့် သူတို့လုပ်ကိုင်နိုင်မယ့် အခွင့်အလမ်းတွေရအောင် စီးပွားရေးဆိုင်ရာ ကန့်သတ်မှုတွေကို ဖြေလျှော့ပေးပြီးလားလို့ လာကြည့်ကြတာ။ အခု အစိုးရ အပြောင်းအလဲမှာ ဖြေလျှော့မှုတွေ လုပ်လာပေမယ့် ဒီ့ထက်ပိုပြီး ဖြေလျှော့ဖို့လိုပါတယ်။ နိုင်ငံခြားသားတွေ လုပ်ချင်ကိုင်ချင်စိတ်ရှိအောင် ဆွဲဆောင်ရပါ မယ်။ အဲဒါမှ နိုင်ငံခြား ရင်းနှီးမြုပ်နှံမှုတွေ ဝင်လာပြီး စီးပွားရေးအခြေအနေတွေ ပိုကောင်း လာမှာပါ"
ဇွန် ၂၃ ထုတ် Venus News အတွဲ(၂) အမှတ် (၄၅) တွင်ပါသည့် "နိုင်ငံခြားရင်းနှီးမြုပ်နှံမှုများ ဝင်ရောက်လာရန် စီးပွားဆိုင်ရာ ဖြေလျှော့မှုများ ယခုထက်ပိုမိုပြုလုပ်သင့်ဟုဆို" သတင်းမှ UMFCCI အလုပ်အမှုဆောင် ဦးနှင်းဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"နိုင်ငံရေး၊ ဘာသာရေး၊ လူမှုရေးဆိုတဲ့ ဆိုင်းဘုတ်တွေများပေမယ့် အဲ့ဒီဆိုင်းဘုတ်တွေကို ခွာပြီး အရှိကို မြင်အောင်ကြည့်ရမယ်။ ဘယ်လိုပဲ ဆိုင်းဘုတ်တွေ တပ်တပ် ပန်းတိုင်ကတစ်ခုတည်းပဲ။ မြစ်တွေ ဘယ်လောက်ပဲများများ ပင်လယ်မှာ ပေါင်းစည်းကြရတာပဲ။ နောက်ဆုံးမှာတော့ သန့်ရှင်းခြင်း၊ ကြည်လင်ခြင်း ဆိုတဲ့ ရေရဲ့ ဂုဏ်သတ္တိပဲရှိတာ။ အဲ့ဒီ ဥပမာအတိုင်းပဲ ငြိမ်းချမ်းခြင်းဆိုတဲ့နေရာမှာ ပေါင်းဆံဖို့ ငြင်းခုံခြင်းမပြုကြဘဲ သည်းခံခြင်းနဲ့ မေတ္တာတရားကို လက်ကိုင်ထားရမယ်။ နိုင်ငံ့ခေါင်းဆောင်တွေ၊ စစ်ခေါင်းဆောင်တွေ၊ တပ်မတော်သားတွေကို ဘုန်းကြီးက ဘုရားအလောင်းတွေလို ကြည်ညိုတယ်။ ဘုရား အလောင်းတွေက သူတစ်ပါးအတွက်ပဲ ကိုယ်ကျိုးစွန့်ခဲ့တယ်။ အဲဒါကြောင့် ခေါင်းဆောင်တွေကလည်း ဘုရားအလောင်း စိတ်ဓာတ်မွေးရမယ်"
ဇွန် ၂၃ ထုတ် Venus News အတွဲ(၂) အမှတ် (၄၅) တွင်ပါသည့် "သီတဂူ ကမ္ဘာ့ဗုဒ္ဓတက္ကသိုလ်(ရန်ကုန်) ကျောင်းဆောင် သစ်ဖွင့်ပွဲ အခမ်း အနားကျင်းပ" သတင်းမှ သီတဂူဆရာတော်ကြီး၏ မိန်းကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ကြိုတင်မဲကိစ္စဘယ်လိုရှင်းမလဲ
မလေးရှားနိုင်ငံ၏ လာမည့် ရွေးကောက်ပွဲများတွင် မဲလိမ်လည်မှုများကို တိုက်ဖျက်ရန်အတွက် မဲပေးသူများကို လက်ဗွေဖြင့် မဲပေးရန် စီစဉ်နေ ကြောင်း ရွေးကောက်ပွဲကော်မရှင်က ထုတ်ပြန်ခဲ့သည်။ မလေးရှားနိုင်ငံ၏ မှတ်ပုံတင်စနစ်သည် အမှားအယွင်း များရှိနိုင်သောကြောင့် မဲပေးမှုများ မတိုင် ခင်တွင် မည်သူမည်ဝါ မဲပေးသည်ကို အတည်ပြုရန်အတွက် မဲပေးသူများ၏ လက်ဗွေကို မှတ်တမ်းတင်သွားရန် စီစဉ်ထားကြောင်း ရွေးကောက်ပွဲ ကော်မရှင် ဥက္ကဋ္ဌ Abdul Aziz Mohamad Yusof က ပြောကြားခဲ့သည်။
အိန္ဒိယနိုင်ငံ၏ မဲပေးမှုစနစ်မှာ ငွေကုန်ကြေးကျ နဲသလို၊ ပျော်ရွှင်ဖွယ် ၊ စိတ်ဝင်စားဖွယ်ဖြစ်သည်။ အိန္ဒိယနိုင်ငံ တစ်ဝှမ်းလုံးတွင် လက်ဗွေကို ကွန်ပြူတာစနစ်ဖြင့် စိစစ်ရန် မလွယ်ပေ။ နိုင်ငံဧရိယာ ကြီးမားသောကြောင့် ကုန်ကျစရိတ် များပြားနိုင်သောကြောင့် ဖြစ်သည်။ ထို့ပြင် နိုင်ငံသား မှတ်ပုံတင်ကဒ်ပြား မရှိသေးသူကလည်း အများအပြားပင် ဖြစ်သည်။ ထို့ကြောင့် အိန္ဒိယနိုင်ငံက ရွေးကောက်ပွဲများတွင် မဲပေးရာ၌ အသုံးပြု၍ မှင်တစ်မျိုးကို တီထွင်ထားသည်။ မဲပေးမည့်သူ၏ လက်ချောင်းများတွင် ထိုမှင်ကို သုတ်လိမ်းပေးလိုက်ခြင်းဖြစ်သည်။ ထိုမှင်သည် ၁၀ရက်ခန့် ကြာသည့်တိုင်အောင် မပျက်တော့ချေ။ ထို့ကြောင့် လက်ချောင်းတွင် မှင်သုတ်လိမ်းပြီးသူသည် မဲနှစ်ကြိမ်ပေးခွင့် မရှိတော့ပေ။ ထို့ပြင် မှင်မသုတ်လိမ်းရ သေးသူလည်း မဲပေးခွင့်ရှိကြောင်း စောဒက တက်နိုင်လေသည်။
အထက်ပါနှစ်နိုင်ငံမှ မဲပေးသည့် ပုံစံများကိုလေ့လာကြည့်လျှင် ထိုနိုင်ငံများတွင် ဆန္ဒမဲပေးသည့် ပြဿနာနှင့်၊ မဲခိုးမှု ပြဿနာများ ကြီးမားစွာ ရှိနေကြောင်း သိနိုင်သည်။ ထိုကိစ္စသည် ကမ္ဘာတစ်ဝှမ်းလုံး ယုတ်စွအဆုံး အမေရိကန် ပြည်ထောင်စုကဲ့သို့ ဒေါင်ဒေါင်မြည် ဒီမိုကရေစီနိုင်ငံကြီးမှာပင် မဲခိုးမှုဆိုသည်က ရှိခဲ့ဖူးသည်ဖြစ်ရာ အဆန်းတကြယ်ဖြစ်ရပ်မဟုတ်၊ နိုင်ငံရေးသမားဆိုသည်က အာဏာကို ရအောင်ယူမည်သာဖြစ်သည်ဟု ဆိုနိုင်သည်။ သို့ရာတွင် ယဉ်ကျေးသည့် လူ့အသိုင်းအဝိုင်းသည် ထိုကဲ့သို့ မဲခိုးသည့်ကိစ္စရပ်များကို လက်ခံနိုင်လိမ့်မည်မဟုတ်၍ ရုပ်ပျက်ဆင်းပျက် လိမ်လည်ခြင်း မပြုနိုင်အောင် မဲပေးသည့် စနစ်များကို အတတ်နိုင်ဆုံး အသန့်ရှင်းဆုံးဖြစ်စေရန် ပြုလုပ်ထားသည်ကို တွေ့ရသည်။
ရုပ်ပျက်ဆင်းပျက် မဲခိုးမှုများသည် ပြည်သူလူထု၏ စိတ်ပျက်မှုကိုသာရရှိစေကာ ရွေးကောက်ပွဲများအပေါ်တွင် လူထုမှ အယုံအကြည်နဲလာမှုနှင့် အတူ တိုင်းပြည်၏ ဒီမိုကရေစီ ဖြစ်စဉ်ကိုပါ နှောင့်နှေးသွားစေတတ်သည်။ တစ်ခါလာလဲ မဲပြာပုဆိုးဟူသော ရွေးကောက်ပွဲကို လူထုက အယုံအကြည်မရှိ ။ မဲမပေး ဘဲနေကြသည်။ ထိုသို့သောအခြေအနေတွင် အာဏာရပါတီကသာ ဆက်လက်အနိုင်ရသွားစေသည်ဆိုကာမူ ကမ္ဘာ့အလယ်တွင် ဂုဏ်သိက္ခာ ရှိသော သန့်ရှင်းသော အစိုးရတစ်ရပ်အဖြစ် လိပ်ပြာလုံစွာ ရပ်တည်နိုင်စွမ်းမရှိတော့ချေ။
မြန်မာနိုင်ငံတွင် ၂၀၁၀ ရွေးကောက်ပွဲကို ပြည်သူအများစုက ထွက်ပေါက်တစ်ခုအဖြစ် မျှော်လင့်၍ မဲပေးခဲ့ကြသည်။ ရွေးကောက်ပွဲကို လက်မခံနိုင်သောသူများက ထိုရွေးကောက်ပွဲသည် တရားမျှတသော ရွေးကောက်ပွဲ ဖြစ်လိမ့်မည် မဟုတ်ဟုဆိုကာ မဲမပေးကြရန် စည်းရုံး လှုံ့ဆော်ခဲ့ကြသည်။ အချို့က မဲမပေးရန် ဆုံးဖြတ်ခဲ့ကြသကဲ့သို့ အချို့ကလည်း အနှစ် နှစ်ဆယ်ကျော်ကြာ မယ်မယ်ရရ ဆောင်ရွက်မပေးနိုင်ခဲ့သော သူရဲကောင်းကြီးများကို အားနာလျက်သားကပင် စစ်အစိုးရ ပြောင်းလဲကောင်းရဲ့ဟူသော မျှော်လင့်ချက်ဖြင့် မဲပေးခဲ့ကြသည်။ ယခုအချိန်မှစ၍ ပြောင်းလဲ ရတော့မည်ဟု သဘောပိုက်ကာ အတိုင်းအတာတစ်ခုထိ မျှော်လင့်ကာ ရွေးကောက်ပွဲဝင်ခဲ့ကြသည်။ မည်သူက ဦးဆောင်သူဖြစ်မည်ကို လည်းသိရှိခဲ့ကြပြီး နောက်လိုက်ကောင်းဖြစ်ရန် ကြိုးစားကြမည်ဟု ဖြေသိမ့်ခဲ့ကြသည်။ နောက်လိုက်ကောင်းဖြစ်လျှင် ခေါင်းဆောင် သတိမပြုမိသည့်အချက်များ၊ ကောင်းကွက် ဆိုးကွက်များကို ထောက်ပြ အကြံပြုနိုင်လျှင်ပင် ကျေနပ်စရာတစ်ခုအဖြစ် မျှော်လင့်ခဲ့ကြခြင်းဖြစ်သည်။
သို့ရာတွင် မဲပေးသည့်စနစ်တွင်ပင် များစွာစိတ်အနှောင့်အယှက်ဖြစ်ခဲ့ကြရသည်။ မိမိတို့အနိုင်ရချိန်တွင် မည်သည့်အရပ်က ရောက်လာမှန်း မသိရ သော ကြိုတင်မဲများက အနိုင်အရှုံးရလဒ်ကို ပြောင်းပြန်ဖြစ်စေခဲ့သည်။ ထိုကဲ့သို့ ပြဿနာများ ဖြစ်ပေါ်လာနိုင်သည်ကို ကြိုတင်တွေးမိကြ၍ မဲရုံများတွင် စနစ်တကျ စောင့်ကြည့်ခဲ့ပါသော်လည်း အိမ်ထောင်စုဇယားကိစ္စနှင့် မဲပေးပိုင်ခွင့်ရှိသည့် လူဦးရေကိစ္စများမှာ အာဏာရ အစိုးရကသာ ထုတ်ပြန်ခြင်း ဖြစ် သည်။ ထို့ပြင် တစ်နိုင်ငံလုံး အတိုင်းအတာအားဖြင့်လည်း မဲရုံများကို စောင့်ကြပ်ကြည့်ရှုခြင်း မပြုနိုင်။ ထို့ကြောင့် ရွေးကောက်ပွဲရလဒ်သည် မိမိတို့ မျှော်မှန်း ခဲ့ကြသလို အာဏာရပါတီက ၆၅ မိမိတို့က ၃၅ ဟူသော အခြေအနေပင်မရရှိဘဲ လွှတ်တော်တွင် မည်သည့် ပြောရေးဆိုခွင့်မှ မလုပ်သာသည့် နေရာမျှသာ ရရှိခဲ့တော့သည်။ ရွေးကောက်ပွဲရလဒ်ကို စိတ်ပျက်၍ နိုင်ငံရေးကို စွန့်ခွာသွားကြသူများလည်းရှိသည်။ ယင်းတို့သည် မဲမပေးရေးကို ထောက်ခံကြသူများ ဖြစ်သွားကြသည်။ မဲပေးနိုင်သည့် ဦးရေ သန်းနှစ်ဆယ်ကျော်တွင် ဆန္ဒမဲ သန်းသုံးဆယ်ကျော် ရအောင်ယူသွားသည်ကို နားမလည် နိုင်ပါဟု ထေ့ထေ့ငေါ့ငေါ့ ပြောကြသူများလည်း ရှိသည်။
အဓိက ပြဿနာမှာ မဲပေးသည့် စနစ်တွင် အမှားအယွင်းရှိနေခြင်းဖြစ်သည်။ လူဦးရေ အိမ်ထောင်စုဇယားများ မတိကျခြင်း၊ မဲပေးခွင့် မရကြသူ များ၏ မဲများသည် ကြိုတင်မဲများဖြစ်ကုန်ခြင်း၊ မည်သူက ပေးခွင့်ရ၍ မည်သူက ပေးခွင့်မရသည်ကို ရှင်းလင်းစွာ မသိရခြင်း၊ မဲထပ်ကာ ထပ်ကာပေးခြင်း၊ လူဦးရေထက် မဲအရေအတွက်က ပိုမိုနေခြင်းများက ပြဿနာဖြစ်နေရာ ထိုပြဿနာများသည် ရေရှည်တွင် ရွေးကောက်ပွဲအပေါ် စိတ်ကုန်သွားကြဖွယ်ရာ ဖြစ်သည်။ ထိုသုိ့ ကြိုတင်မဲများဖြင့် အစဉ်အမြဲအနိုင်ရနေသော အစိုးရသည် ဂုဏ်သိက္ခာရှိသော အစိုးရဖြစ်ပါဦးမည်လော။
နိုင်ငံရေးပါတီများအနေဖြင့် ဖွဲ့စည်းပုံကို ပြုပြင်ရန်၊ အဆိုများကို အငြင်းအခုံပြုရန်ထက်၊ မဲပေးသည့် ကိစ္စရပ်များကို စနစ်တကျဖြစ်အောင် ဝိုင်းဝန်း လုပ်ဆောင်ကြရန် ကြိုးပမ်းခြင်းကသာ ရွေးကောက်ပွဲကို ဂုဏ်သိက္ခာရှိစေမည်ဖြစ်သည်။ အနည်းဆုံးအဆင့် ကြိုတင်မဲကိစ္စ ပပျောက်ရန် နိုင်ငံရေးပါတီ များက ဝိုင်းဝန်းကြိုးပမ်းရမည်ဖြစ်သလို အစိုးရကလည်း ရှက်ဖွယ်ကိစ္စအဖြစ် ရှောင်ကြဉ်ရပါမည်။ မဲပေးသည့်ပုံစံ စနစ်ကျစေရန် မည်သည့် နည်းကို သုံးမည် နည်းဆိုသည်က အိန္ဒိယပုံစံ နှင့် မလေးရှားပုံစံ နှစ်သက်ရာ ရွေးချယ်ကြပါကုန်။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
