Posts
 | yangonchronicle 2011 |
၂၉.၆.၂၀၁၁
ဘာသာပြန်သတင်းများ
ဒေါ်အောင်ဆန်းစုကြည်အဖြစ် သရုပ်ဆောင်သူ မီရှဲလ်ယိုးကို မြန်မာ အာဏာပိုင်များ ပြည်နှင်ဒဏ်ပေး
(AFP သတင်း မှ 28 June 2011 ရက်စွဲပါ “Myanmar deports black listed Michelle Yeoh” သတင်း ကို ဘာသာ ပြန်ဆိုသည်)
မကြာမီ ရုံတင်ပြသတော့မည့် ရုပ်ရှင်ဇတ်ကားတွင် ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဇတ်ရုပ်နေရာမှ သရုပ်ဆောင်ထား သော ဟောလီးဝုဒ်စတား မီရှဲယိုးကို စစ်တပ်သြဇာစိုးမိုးသော မြန်မာနိုင်ငံက ပြည်နှင်ဒဏ်ပေးကာ နာမည်ပျက်စာရင်းသွင်းလိုက်သည်ဟု တာဝန်ရှိသူ တစ်ဦး က အင်္ဂါနေ့တွင် ပြောကြားသည်။
“သူမအနေနဲ့ မြန်မာနိုင်ငံကို နောက်တစ်ကြိမ်ထပ်ဝင်လာဖို့ အခွင့်အရေးမရှိပါဘူး။ ရန်ကုန်နိုင်ငံတကာလေဆိပ်ကို ရောက်လာလာခြင်းပဲ ပထမဆုံး လေယာဉ်နဲ့ ပြန်ပို့လိုက်တာပါ” ဟု အမည်မဖော်သော တာဝန်ရှိသူတစ်ဦးက AFP သို့ ပြောကြားခဲ့သည်။
“သူမက အခုနာမည်ပျက်စာရင်းထဲမှာ ပါသွားပါပြီ” ဟု ပြောကြားသော တာဝန်ရှိသူ နောက်တစ်ဦးက အကြောင်းရင်းကို ပြောကြားရန် ငြင်းဆိုခဲ့ သည်။
မလေးရှားနိုင်ငံဖွား ယခင် ဂျိမ်းစဘွန်း မင်းသမီးဟောင်းသည် အမည်လျို့ဝှက်ထားသော ရုပ်ရှင်ထုတ်လုပ်ရေး လုပ်ငန်းတစ်ခုအတွက် ထိုင်း နိုင်ငံတွင် ပြင်သစ် ဒါရိုက်တာ Luc Besson နှင့် ဇတ်ဝင်ခန်းများ ရိုက်ကူးပြီးနောက် ပြီးခဲ့သော ဒီဇင်ဘာလတွင် နိုဘယ်ဆုရှင် ဒေါ်အောင်ဆန်း စုကြည်နှင့် ရန်ကုန်မြို့နေအိမ်တွင် တွေ့ဆုံခဲ့ပြီး ဖြစ်ကြောင်း သိရှိရသည်။
အဆိုပါ ရုပ်ရှင်ကို ယခုနှစ် မကုန်မှီ ပြသလိမ့်မည်ဟု မျှော်လင့်ရသည်။ မြန်မာနိုင်ငံတွင် အရပ်ဖက် မျက်နှာဖုံး နောက်ကွယ်မှ စစ်အုပ်ချုပ်ရေး ဆက်လက်ကျင့်သုံးရန် ရည်ရွယ်သော လှည့်စားမှုဟု ဝေဖန်ဆန်းစစ်သူများက မှတ်ချက်ပေးခဲ့ကြသော ရွေးကောက်ပွဲများ ပြုလုပ်ပြီး တစ်ပတ်ခန့် အကြာတွင် အာဏာပိုင်များက ဒေါ်အောင်ဆန်းစုကြည်ကို နေအိမ်အကျယ်ချုပ်မှ လွှတ်ပေးခဲ့ခြင်းဖြစ်သည်။
ယခုလတွင် အသက် ၆၆ နှစ် ပြည့်ခဲ့သော ဒေါ်အောင်ဆန်းစုကြည်သည် မြန်မာ စစ်ဖက်အာဏာပိုင်များ၏ ဖိနှိပ် အုပ်စိုးမှုကို ငြိမ်းချမ်းစွာ ဆန့်ကျင် တွန်းလှန်ခဲ့ခြင်းကြောင့် နိုင်ငံတကာ၏ ဝိုင်းဝန်း ချီးကျုးဂုဏ်ပြုမှုကို ရရှိထားသူ ဖြစ်သည်။ သူမဦးဆောင်သော NLD ပါတီသည် ၁၉၉၀ ခုနှစ်က ရွေးကောက်ပွဲတွင် အပြတ်အသတ် အနိုင်ရရှိခဲ့သော်လည်း မြန်မာစစ်ဖက် အုပ်ချုပ်သူများက အသိအမှတ် ပြုရန် ငြင်းဆန်ခဲ့ကြသည်။ ထို့နောက် အနှစ် ၂၀ အကြာတွင် ကျင်းပသော မနှစ်က ရွေးကောက်ပွဲကို သူမက သပိတ်မှောက်ခဲ့ပြီး ဥပဒေစည်းကမ်းများ မျှတမှုမရှိဟု ထုတ်ဖေါ်ပြောဆိုခဲ့သည်။
****************************************************************
ဒေါ်အောင်ဆန်းစုကြည်က မြန်မာနိုင်ငံကို အာရပ်အုံကြွမှုနှင့် နှိုင်းယှဉ်သုံးသပ်
( Reuters သတင်းမှ 27 June 2011 ရက်စွဲပါ “Suu Kyi sees Myanmar parallels with Arab Spring” သတင်းကို ဘာသာပြန်ဆိုသည်။)
ဒီမိုကရေစီခေါင်းဆောင် ဒေါ်အောင်ဆန်းစုကြည်က “သူမအား စစ်ဖက်အာဏာပိုင်များက ဖမ်းဆီးထိန်းသိမ်းခဲ့ သည့် မြန်မာနိုင်ငံမှ ၁၉၈၈ လူထု အုံကြွမှု နှင့် တူနီးရှားနိုင်ငံမှ ဒီဇင်ဘာလ တော်လှန်ရေး တို့အကြားတွင် သတိပြုမိဖွယ် တူညီမှုများ” ရှိနေသည်ဟု ပြောကြားလိုက်သည်။ အင်္ဂါနေ့တွင် ထုတ်လွှင့်ရန် စီစဉ်ထားပြီး ယခုလအစောပိုင်းတွင် ဗြိတိန်နိုင်ငံ BBC အသံလွှင့်ဌာနက မြန်မာနိုင်ငံသို့ သွားရောက်၍ လျှို့ဝှက်စွာ အသံ သွင်းယူခဲ့သော ဟောပြောဆွေးနွေးခန်း အစီအစဉ်တွင် ဒေါ်အောင်ဆန်းစုကြည်က “’ဒီတော်လှန်ရေး နှစ်ခုစလုံးဟာ ပြောပလောက်အောင် အရေးမကြီး တဲ့ ဖြစ်ရပ်လေးတွေကနေ စတင်ခဲ့ကြပြီးမှ လွတ်လပ်ခွင့်ကို တောင်းဆိုတဲ့ ပြည်လုံးကျွတ် ဆန္ဒပြပွဲတွေအဖြစ် ကြီးထွားသွားခဲ့ကြပါတယ် ” ဟု ပြောကြား ခဲ့ခြင်း ဖြစ်သည်။
“ဒါပေမဲ့ တူနီးရှား တော်လှန်ရေးကတော့ သမ္မတ ဇိုင်နယ် အဘီဒင်းဘင်အလီကို ဖြုတ်ချပြီး မြောက်အာဖရိက တလွှားကို တော်လှန် ပြောင်းလဲရေး လှိုင်းလုံးတွေ ပြန့်သွားအောင် အစပျိုးပေးခဲ့ပါတယ်” မြန်မာနိုင်ငံက ကျောင်းသားတွေ ဦးဆောင်ခဲ့တဲ့ တော်လှန်ရေးကတော့ စစ်တပ်ရဲ့ ကြိတ်ချေ နှိမ်နင်းခြင်းကို ခံခဲ့ရပါတယ်၊ တူနီးရှားတပ်မတော်ကတော့ သူတို့ရဲ့ ပြည်သူတွေကို သေနတ်နဲ့မပစ်ပါဘူး” မြန်မာ့တပ်မတော်ကတော့ ပြည်သူတွေကို သေနတ်နဲ့ပစ်ခဲ့ပါတယ်” ဟု ပြောကြားခဲ့သော ဒေါ်အောင်ဆန်းစုကြည်ကို မြန်မာအာဏာပိုင်များက နိုင်ငံရေးနယ်ပယ်မှ ဖယ်ရှားထားရန် ၁၉၈၉ မှစ၍ မကြာခဏ ဖမ်းဆီးထိန်းသိမ်းခဲ့သည်။
“ပိုပြီး အရေးကြီးတယ်လို့ ဆိုနိုင်တဲ့ ဒုတိယကွဲလွဲမှုကတော့ ဆက်သွယ်ရေးနည်းပညာ ခောတ်ပြောင်းမှုရဲ့ အကျိုးကျေးဇူးတွေကို တူနီးရှား တော်လှန်ရေးက ရရှိခံစားခဲ့ရတဲ့ အချက်ပဲ ဖြစ်ပါတယ်” ဒီအချက်ကြောင့် သူတို့ရဲ့ လှုပ်ရှားမှုတွေကို ကောင်းစွာ စည်းရုံး၊ ကောင်းစွာ ညှိနှိုင်းဆောင်ရွက် နိုင်ခဲ့တဲ့ အပြင် သူတို့ကို တစ်ကမ္ဘာလုံးက မျက်တောင်မခတ်တမ်း အာရုံစိုက် သတိပြုမိ စေခဲ့ပါတယ်” ဟု သူမက ပြောကြားသည်။ BBC ၏ Radio-4 လိုင်း တွင် ထုတ်လွှင့်ရန် စီစဉ်ထားသည့် ဟောပြောဆွေးနွေးခန်းတွင် အသက် ၁၆ နှစ် အရွယ် ငြိမ်းချမ်းရေး နိုဘယ်ဆုရှင်က ထိုသို့ ပြောကြားခဲ့ခြင်း ဖြစ် သည်။
တခြားနေရာတိုင်းက လူတွေလိုပဲ ကျွန်မတို့ မြန်မာတွေဟာလည်း ဒီဖြစ်ရပ်တွေကြောင့် စိတ်လှုပ်ရှားနေခဲ့ကြပါ တယ်။ တူနီးရှားနဲ့ မြန်မာ အကြားက တူညီမှုတွေကတော့ လွတ်လပ်ခွင့်ကို လိုလားတဲ့ ကမ္ဘာပေါ်က တူညီတဲ့ ပြည်သူတွေ ဖြစ်ကြတယ် ဆိုတဲ့ အချက်ပါပဲ” ဟု သူမက ဆက်လက် ပြောဆို သည်။
ဒေါ်အောင်ဆန်းစုကြည်၏ အဆိုပါ ဖြစ်ရပ်နှစ်ခုကို နှိုင်းယှဉ်ဆက်စပ်ပြောဆိုမှုကို သူမအား နိုဝင်ဘာလက အကျယ်ချုပ်မှ လွှတ်ပေးခဲ့သည့် မြန်မာ အာဏာပိုင်များက သဘောကျမည့် အလားအလာ မရှိပါ။ မျှတမှုမရှိခြင်းကြောင့် တကမ္ဘာလုံးက ၀ိုင်းဝန်းအပြစ်တင်ခဲ့ကြသည့် ရွေးကောက်ပွဲတွင် တပ်မတော် ကိုယ်စားပြုပါတီက အနိုင်ရအောင် ယူပြီး ရက်ပိုင်းအကြာတွင် အာဏာပိုင်များက သူမကို လွှတ်ပေးခဲ့သည်။ သူမ၏ NLD ပါတီသည် ၁၉၉၀ ရွေးကောက်ပွဲတွင် အနိုင်ရခဲ့သော်လည်း အစိုးရဖွဲ့ခွင့် မရခဲ့ပါ။
ယခုနှစ်စပိုင်းတွင် NLD ပါတီက မြန်မာအစိုးရအပေါ် အနောက်နိုင်ငံများက ချမှတ်ထားသည့် အရေးယူဒဏ်ခတ်မှု sanctions များကို ထောက်ခံ ကြောင်းပြောကြားခဲ့ပြီး ရက်ပိုင်းအတွင်း၌ပင် အစိုးရ အာဘော် နိုင်ငံပိုင် သတင်းစာက “ဒေါ်အောင်ဆန်းစုကြည်နှင့် သူမ၏ ပါတီအနေဖြင့် အတိုက်အခံ သဘောထားကို ပြောင်းလဲခြင်းမရှိပါက ကြေကွဲဖွယ် အဆုံးသတ်နှင့် ရင်ဆိုင်ရလိမ့်မည်” ဟု သတိပေးရေးသားခဲ့သည်။
ဒေါ်အောင်ဆန်းစုကြည်သည် မြန်မာနိုင်ငံမှ အနှစ် ၅၀ စစ်အုပ်ချုပ်ရေးကို ဆန့်ကျင်တွန်းလှန်မှုကြောင့် လွန်ခဲ့သော ၂၁ နှစ် အတွင်း ၁၅ နှစ်ခန့် ထိန်းသိမ်းခြင်း ခံခဲ့ရသည်။
********************************************************************
အိန္ဒိယ အနေဖြင့် မြန်မာ့ဒီမိုကရေစီရေးတွင် ပိုမိုထောက်ခံကူညီမှုပြုရန် ဒေါ်အောင်ဆန်းစုကြည်လိုလား
(28 June 2011 ရက်စွဲပါ Deccan Herald မှ PTI ၏ Suu Kyi wants India to more to support democracy in Myanmar ကို ဘာသာပြန်သည်)
အိန္ဒိယအနေဖြင့် ၄င်း၏ ကုန်သွယ်ရေးနှင့် မဟာဗျူဟာ အကျိုးစီးပွားများအပေါ်တွင်သာ ဦးစားပေးမနေပဲ မြန်မာနိုင်ငံ၏ ဒီမိုကရေစီ လှုပ်ရှား မှုများကို ထောက်ခံမှုများ ပိုမိုပြုလုပ်သင့်ကြောင်း ဒီမိုကရေစီခေါင်းဆောင်နှင့် နိုဘယ်လ်ဆုရှင် ဒေါ်အောင်ဆန်းစုကြည်က ယနေ့ပြောကြားခဲ့သည်။
ကြိုတင်သွင်းယူထားသော “Securing Freedom” ခေါင်းစဉ်ပါ Reith သင်တန်းပို့ချချက်အား ထုတ်လွှင့်အပြီးတွင် ဒေါ်အောင်ဆန်းစုကြည်က BBC Radio 4 မှ ပရိတ်သတ်များနှင့် ဆွေးနွေးရာတွင် သူမအနေဖြင့် အိန္ဒိယနိုင်ငံသည် မြန်မာနိုင်ငံ၏ ဒီမိုကရေစီလှုပ်ရှားမှုများတွင် ပိုမိုထောက်ခံ ကူညီရန် မျှော်လင့်ကြောင်း ပြောကြားသွားခဲ့သည်။
ဂန္ဒီ၏တိုင်းပြည်သည် အကြမ်းမဖက်သော လှုပ်ရှားမှုများကို ပိုမိုထောက်ခံပြုလုပ်ခြင်းကို သူမအနေဖြင့် မျှော်လင့်မှုရှိမရှိ နိုင်ငံရေးစာရေးဆရာ Timothy Garden Ash က မေးမြန်းခဲ့ရာ သူမက “မျှော်လင့်တာပေါ့၊ ဒါကို ကျွန်မ ထပ်ခါထပ်ခါ ပြောခဲ့ပြီးပါပြီ” ဟု ဖြေကြားခဲ့သည်။ “သူတို့ဟာ ကုန်သွယ်ရေးနဲ့ မဟာဗျူဟာ အကျိုးစီးပွားကိုချည်း ဦးထိပ်မထားပဲ ဒီကိစ္စကို ဒီမိုကရေစီစည်းမျဉ်းမှာ စွဲစွဲမြဲမြဲကိုင်စွဲထားသင့်ပါတယ်” ဟု သူမက ပြောကြားခဲ့သည်။
သူမ၏ သင်တန်းပို့ချမှု ဒုတိယပိုင်းကို လာမည့်အင်္ဂါနေ့တွင် ထုတ်လွှင့်မည် ဖြစ်သည်။ နှစ်ပတ်လည် Reith သင်တန်းပို့ချချက်များမှာ BBC ၏ ပထမဆုံးညွှန်ကြားရေးမှူးချုပ် Lord John Reith ၏ အမည်ကိုအစွဲပြု၍ အမည်ပေးထားခြင်း ဖြစ်သည်။ သင်တန်းပို့ချချက်တွင် ဒေါ်အောင်ဆန်း စုကြည်က သူမ၏ နေအိမ်အကျယ်ချုပ် အတွေ့အကြုံများကို ပြန်လည်ထင်ဟပ်ပြီး၊ လူသားများ၏ လိုလား တောင့်တမှုများ လွပ်လပ်မှုရှိရေးနှင့် ပြည်သူ များကို ဆန့်ကျင်မှု လမ်းကြောင်း ပို့ဆောင်သော စိတ်ဓါတ်များ အကြောင်း ဟောပြောသွားသည်။
သူမက အာရပ်တော်လှန်ရေးနှင့် ပတ်သက်၍ မှတ်ချက်ပြုခဲ့ရာ ပြီးခဲ့သည့် ဒီဇင်ဘာက တူနီးရှားတွင် တော်လှန်ရေး ဖြစ်ရသည့် အဖြစ် အပျက် နှင့် 1988 က မြန်မာနိုင်ငံတွင် ကျောင်းသားတစ်ဦး သေဆုံးရခြင်းကို နှိုင်းယှဉ် ပြောသွားခဲ့ပါသည်။ မေးခွန်းတစ်ခုကို ပြန်လည်ဖြေကြားခဲ့ရာတွင် သူမက အိန္ဒိယ အနေဖြင့် မြန်မာအစိုးရနှင့် အတူအလုပ် လုပ်နေခြင်းထက် စာလျှင် မြန်မာပြည်သူများက အိန္ဒိယကို လုပ်စေချင်သည်များ လုပ်ပေးရန် အများ အပြား ရှိနေကြောင်း ဖြေကြားခဲ့သည်။
*****************************************************************************
အိန္ဒိယ၏အိမ်နီးချင်းနိုင်ငံများ ကျရှုံးမှုအဖြစ်ဆုံးနိုင်ငံများစာရင်းတွင် ပါဝင်
(PTI သတင်းကိုဘာသာပြန်ဆိုသည်)
အိန္ဒိယနိုင်ငံ၏ အိမ်နီးချင်းနိုင်ငံများဖြစ်သော ပါကစ္စတန်၊ ဘင်္ဂလားဒေ့ရှ်၊ နီပေါနှင့်သီရိလင်္ကာနိုင်ငံများကို နာမည်ကျော် Foreign Policy မဂ္ဂဇင်း က 'ကျရှုံးမှုအဖြစ်ဆုံး နိုင်ငံများ(Fail State)' စာရင်းတွင် ထည့်သွင်း ဖော်ပြလိုက် ကြောင်း India Times သတင်းစာက ရေးသားဖော်ပြသည်။
သြဇာတိက္ကမကြီးမားသော Foreign Policy မဂ္ဂဇင်းသည် နိုင်ငံများ၏ ဖွံ့ဖြိုးမှုအဆင့် သတ်မှတ်ချက်ကို နှစ်စဉ် ထုတ်ပြန်လေ့ ရှိရာ ယခုနှစ် ကျရှုံးမှုအဖြစ်ဆုံး နိုင်ငံများစာရင်း၌ ပါကစ္စတန်က အဆင့်-၁၂၊ မြန်မာကအဆင့် ၁၈၊ ဘင်္ဂလားဒေ့ရ်ှက အဆင့် ၂၅၊ နီပေါကအဆင့်-၂၇၊ သီရိလင်္ကာက အဆင့် ၂၉၊ ဘူတန်က အဆင့်၅၀ တို့တွင် ရှိနေသည်ကိုတွေ့ရသည်။ ကျရှုံးမှုအများဆုံးဖြစ်သော နိုင်ငံများစာရင်းတွင် နိုင်ငံပေါင်း ၆၀ ရှိပြီး အာဖရိက နိုင်ငံများ အများဆုံး ပါဝင်သည်ကိုတွေ့ရသည်။
Foreign Policy ၏ အစီရင်ခံချက်အရ ကျရှုံးမှုအဖြစ်ဆုံးဖြစ်သော ထိပ်ပိုင်း ၁၀ နိုင်ငံစာရင်းတွင် ချာ့ဒ် (ဗဟိုအာဖရိက ဒေသမှ ကုန်းတွင်းပိတ် နိုင်ငံ)၊ ဆူဒန်၊ ကွန်ဂိုဒီမိုကရက်တစ်သမ္မတနိုင်ငံ၊ ဟေတီ၊ အာဖဂန်နစ္စတန်နှင့် အီရတ် တို့လည်းပါဝင်သည်။ ပါကစ္စတန်နိုင်ငံမှာ အမေရိကန်အစိုးရ မူဝါဒ အဝန်းအဝိုင်းထဲတွင် အန္တရာယ်အများဆုံးသော နိုင်ငံတစ်ခုအဖြစ်ကာလကြာရှည်စွာ သတ်မှတ်ဖော်ပြခံခဲ့ရသည်။ သို့သော် ပါကစ္စတန်သည် အနောက် အတွက် အန္တရာယ် များသော နိုင်ငံမဟုတ်ကြောင်း၊ မိမိတိုင်းသူပြည်သားများအတွက်သာ ရံဖန်ရံခါအန္တရာယ်ပြုသော နိုင်ငံတစ်ခု ဖြစ်ကြောင်း စာစောင် က ဖော်ပြသည်။
ဘင်္ဂလားဒေ့ရ်ှနိုင်ငံတွင်မူ နိုင်ငံသား ငါးဦးလျှင် နှစ်ဦးမှာ ဆင်းရဲမွဲတေမှုစည်းအောက်၌ ရှိသည်ဟုဆိုသည်။ “တောင်အာရှ ဒေသတွင် နီပေါမှာ ဆင်းရဲ နွမ်းပါးဆုံးသော နိုင်ငံဖြစ်သည်ဟု ကုလသမဂ္ဂကဖော်ပြသည်။ ထိုသို့ ဆင်းရဲနွမ်းပါးမှု အဆိုးဆုံးဖြစ်နေသည့်အခြေအနေမှာ ငြိမ်းချမ်းရေးလမ်းစဉ် အကောင်အထည် မဖော်နိုင်သေးသရွေ့၊ လုံခြုံမှု ပြန်လည်မရရှိသေးသရွေ့ ပြောင်းလဲဖွယ်မရှိပေ” ဟု အစီရင်ခံစာတွင်ရေးသားထားသည်။
“နီပေါနိုင်ငံမှ မော်ဝါဒီသူပုန်များ စိတ်ရှည်သည်းခံနိုင်မှုမရှိတော့သည့်အရိပ်အယောင်များတွေ့ရပြီး တောတွင်းသို့ ပြန်လည်ဝင်ရောက်ကာ တိုက်ခိုက်မှုများ ပြုလုပ်ရန်လည်း စဉ်းစားလျက်ရှိသည်” ဟုလည်း အစီရင်ခံစာတွင် ပါဝင်သည်။
သီရိလင်္ကာနိုင်ငံတွင် အစိုးရက သူပုန် တပ်ဖွဲ့များကို နောက်ဆုံးနှိမ်နင်းခဲ့ရာ၌ အရပ်သားပြည်သူများကို လူသားဒိုင်းအဖြစ် အကာအကွယ် ပြုလုပ်အသုံးချခဲ့သည်ဟု International Crisis Group က ၂၁၀၁ ပြည့်နှစ်တွင် အစီရင်ခံစာ ထုတ်ပြန်ခဲ့ဖူးသည်။ ထို့ပြင်စစ်ရေးပဋိပက္ခအတွင်း လူပေါင်း ၃၂၇၀၀၀ ခန့် ပြောင်းရွှေ့နေထိုင်ရန် ဖိအားပေး ခံခဲ့ရကြောင်း ယမန်နှစ်ကထုတ်ပြန်သော ကိန်းဂဏန်းများအရသိရသည်။
*******************************************************************************
တောင်တရုတ်ပင်လယ်ပြဿနာ ငြိမ်းချမ်းစွာဖြေရှင်းမည်ဟု တရုတ်နှင့်ဗီယက်နမ် သဘောတူ
(AFP သတင်းကိုဘာသာပြန်ဆိုသည်)
တောင်တရုတ်ပင်လယ်ပြင် ရေပိုင်နက်ရရှိရေးနှင်ပတ်သက်ပြီး ဖြစ်ပေါ်နေသော ပဋိပက္ခများကို ငြိမ်းချမ်းစွာ ဖြေရှင်းသွားရန် တရုတ်နှင့် ဗီယက်နမ် နိုင်ငံတို့ သဘောတူညီလိုက်ပြီဖြစ်ကြောင်း တရုတ်နိုင်ငံပိုင် မီဒီယာက နှစ်နိုင်ငံ သတင်းရင်းမြစ်များကို ကိုးကားရေးသားဖော်ပြသည်။ တရုတ်နှင့် ဗီယက်နမ်တို့သည် တောင်တရုတ် ပင်လယ်ပြင် ရေပိုင်နက်ရရှိရေးအတွက် ဆက်ဆံရေးတင်းမာမှုများဖြစ်ပေါ်ခဲ့ပြီးနောက် ယခုကဲ့သို့ ငြိမ်းချမ်း စွာ ဖြေရှင်းရန် သဘောတူ လိုက်ကြခြင်းဖြစ်သည်။
တရုတ်နိုင်ငံပိုင် Xinhua သတင်းဌာနက "တရုတ်-ဗီယက်နမ် အိမ်နီးချင်းနှစ်နိုင်ငံသည် တောင်တရုတ် ပင်လယ်ပြင် ရေပိုင်နက်ကိစ္စအတွက် အငြင်း ပွားမှုများကို စေ့စပ်ညှိနှိုင်းခြင်း၊ ခင်မင်ရင်းနှီးစွာအပြန်အလှန်အကြံပြု ခြင်းဖြင့် ငြိမ်းချမ်းစွာဖြေရှင်းသွားရန် ကတိကဝတ်ပြုလိုက်ပြီဖြစ်သည်" ဟု ရေးသားဖော်ပြသည်။ ထိုသို့ နှစ်နိုင်ငံငြိမ်းချမ်းစွာဖြေ ရှင်းပါမည်ဟု သန္နိဋ္ဌာန်ချမှတ်လိုက်မှုသည် ဘေဂျင်းမြို့တော်၌ တရုတ်နိုင်ငံတော်ကောင်စစ်ဝန် Dai Bingguo၊ တရုတ်အစိုးရ၏ နိုင်ငံတကာမူဝါဒဆိုင်ရာ အကြီးတန်းအရာရှိတစ်ဦးနှင့် ဗီယက်နမ် ဒုတိယနိုင်ငံခြားရေးဝန်ကြီး Ho Xuan Son တို့ ဇွန်လ ၂၆ ရက်နေ့က တွေ့ဆုံဆွေးနွေးပြီးနောက်ထွက်ပေါ်လာခြင်းဖြစ်သည်။
ထို့ပြင် တောင်တရုတ်ပင်လယ်ပြင်အတွင်း ငြိမ်းချမ်းရေးနှင့် တည်ငြိမ်ရေးကိုကာကွယ်စောင့်ရှောက်နိုင်ရေး အတွက် နှစ်နိုင်ငံပူးပေါင်းကာ ထိရောက်သော ဆောင်ရွက်ချက်များ လုပ်ကိုင်သွားရန်လည်း အဆိုပါအရာရှိကြီးများက သဘောတူညီခဲ့ကြသည်ဟု Xihua သတင်းဌာနကဆိုသည်။ သို့သော် မည်သည့်အချိန်ကာလတွင် ပူးပေါင်း ဆောင်ရွက်မှုများနှင့် အစီအစဉ်များစတင်အကောင်အထည်ဖော်မည် ဟူသောအချက်ကို ဖော်ပြခြင်း မရှိပေ။
တရုတ်-ဗီယက်နမ်နှစ်နိုင်ငံအကြား တောင်တရုတ်ပင်လယ်ပြင်နှင့်ပတ်သက်ပြီး တင်းမာမှုများရှိခဲ့သည့်နည်းတူ ဖိလစ်ပိုင်နိုင်ငံ ကလည်း တရုတ် ပြည်သည် အဆိုပါပင်လယ်ပြင်တွင်း ရန်ပြုလိုသည့် ပြုမူဆောင်ရွက်ချက်များ လုပ်ဆောင်ခဲ့ကြောင်း စွပ်စွဲပြောဆိုသည်။ တရုတ်နှင့် ဖိလစ်ပိုင်နှစ်နိုင်ငံ အကြား သူပိုင်ထိုက်ကိုယ်ပိုင်ထိုက် စသည်ဖြင့် အငြင်းပွားနေသော ဒေသသည် မဟာဗျူဟာအရ အရေးကြီးပြီး သဘာဝသယံဇာတများနှင့် ရင်းမြစ်များ လည်း ပေါကြွယ်ဝသော ဒေသဖြစ်သည်။
ဖိလစ်ပိုင်နှင့် တရုတ်နိုင်ငံတို့ကဲ့သို့ပင် ထိုင်ဝမ်၊ ဘရူနိုင်း၊ မလေးရှားနှင့် ဗီယက်နမ်တို့ကလည်း တောင်တရုတ် ပင်လယ်ပြင်တွင်း ရေပိုင်နက် ရရှိရေး အတွက် တောင်းဆိုထားကြသည်။ တောင်တရုတ်ပင်လယ်ပြင်သည် အာရှတွင် စစ်မက်နှင့် အကြမ်းဖက်မှုများဖြစ်ပွားရန် အလားအလာရှိသည့် ဒေသတစ်ခုအဖြစ် သတ်မှတ်ခံနေရသည်။ အမေရိကန် ပြည်ထောင်စုကမူ ၎င်း၏ မဟာမိတ်နိုင်ငံဖြစ်သော ဖိလစ်ပိုင်ဘက်မှရပ်တည်ကာ စစ်ရေးအရ ထောက်ပံ့မှုများ ပြုလုပ်ပေးသွားမည်ဖြစ်ကြောင်း ကတိကဝတ်များပြုလျက်ရှိသည်။
Google Docs makes it easy to create, store and share online documents, spreadsheets and presentations.
