Posts
 | yangonchronicle 2011 |
၂၀.၇.၂၀၁၁
ပြည်တွင်းသတင်းများ
နေပြည်တော်အထူးစီမံကိန်း ရပ်နားမှု ဆောက်လုပ်ရေး လုပ်သားများအခက်တွေ့
၂၀၁၁ ခုနှစ် ဇူလိုင်လဆန်းပိုင်းမှ စတင်၍ နိုင်ငံတော်ဘဏ္ဍာရေးအခြေအနေအရ နေပြည်တော်အထူးစီမံကိန်း ဆောက်လုပ်ရေး လုပ်ငန်းများကို ရပ်တန့်ထားရသည့်အတွက် သုံးလအတွင်း ဆောက်လုပ်ရေးလုပ်သား လူနှစ်သောင်းကျော် အလုပ်လက်မဲ့ဖြစ်ခဲ့ရကြောင်း သိရသည်။
ထိုပြင် နေပြည်တော်အထူးစီမံကိန်း ဆောက်လုပ်ရေးလုပ်ငန်းများ ရပ်နားထားရသည့်အတွက် ၎င်းဆောက်လုပ်ရေးလုပ်ငန်းများ၌ ဝင်ရောက် လုပ်ကိုင်လျက်ရှိသည့် နေ့စားလုပ်သားများမှာ အခက်အခဲနှင့် ရင်ဆိုင်နေရကြောင်း သိရသည်။
ဆောက်လုပ်ရေးလုပ်သားအများစု ပြဿနာအခက်အခဲများ ကြုံတွေ့နေရမှုများနှင့် ပတ်သက်၍ “မိမိတို့မှာ အခြားဒေသများမှနေ၍ နေပြည်တော် အထူးစီမံကိန်းရှိ ဆောက်လုပ်ရေးလုပ်ငန်းတွင် ပန်းရန်၊ သံလျှက်ကိုင်လုပ်ကိုင်ရန် ဆင်းလာကြခြင်းဖြစ်ကြောင်း၊ ယခုအခါ ၎င်းလုပ်ငန်းများ ရပ်နား ထားသည့်အတွက် အခြားအလုပ်များ ရွေးချယ်ရန် မလွယ်ကူတော့ကြောင်း” ပြောကြားခဲ့သည်။
နိုင်ငံတော်မှ နေပြည်တော် အထူးစီမံကိန်းများကို ဆက်လက်လုပ်ကိုင်နိုင်ရန် ဘတ်ဂျက်ကို ၂၀၁၂-၂၀၁၃ ဘဏ္ဍာရေးနှစ်မှသာ ဘတ်ဂျက် ထပ်မံချထားပေးမည်ဖြစ်ကြောင်း သိရသည်။
နေပြည်တော် အထူးစီမံကိန်း ဆောက်လုပ်ရေးလုပ်ငန်းမှ လုပ်သားများအား သုံးလခန့်နားမည်ပာု ပြောထားကြကြောင်း၊ ထို့ကြောင့် ၎င်း စီမံကိန်းရှိ ဆောက်လုပ်ရေးလုပ်သားများမှာ ပုဂ္ဂလိက ဆောက်လုပ်ရေးလုပ်ငန်းများတွင် အလုပ်သစ်ရှာဖွေ၍ ဝင်ရောက်လုပ်ကိုင်လျက်ရှိကြောင်း ဆောက်လုပ်ရေး လုပ်ငန်းရှင်တစ်ဦးက ပြောကြားခဲ့သည်။
နိုင်ငံတော်၏ ဘဏ္ဍာရေးပြဿနာများကြောင့် ငွေကြေးဖေါင်းပွမှုများနှင့်အတူ ဈေးကွက်ထိခိုက်မှုများကိုပါ ထိခိုက်လာနိုင်ပြီး လစာနည်း အစိုးရ ဝန်ထမ်းများအပါအဝင် ပြည်သူများအနေဖြင့်လည်း စားဝတ်နေရေး ပိုမိုခက်ခဲလာပြီး စစ်တပ်အတွင်း၌လည်း လစာမပေးနိုင်သည့် ပြဿနာများပေါ် ပေါက်လာနိုင်ကြောင်း ပြည်ထောင်စု မြန်မာနိုင်ငံ အမျိုးသားကောင်စီ (NCUB) က တာဝန်ရှိသူတစ်ဦးက ပြောကြားခဲ့သည်။
YC
-----------------------------------------------------------------------------------------------------------------------------------
စီးပွား/ကူးသန်းဝန်ကြီးဌာနသို့ မကျေနပ်မှုများ တိုင်ကြားသည့် လုပ်ငန်းရှင်များကို ခေါ်ယူညှိနှိုင်း
စီးပွားရေးနှင့်ကူးသန်းရောင်းဝယ်ရေး ၀န်ကြီးဌာနလက်အောက်ရှိဌာနဆိုင်ရာများ၏ လုပ်ဆောင်ချက်အပေါ် ကျေနပ်မှု မရှိသောတိုင်စာများနှင့် တင်ပြချက်များ ပို့ဆောင်ခဲ့သည့် သွင်းကုန်ထုတ်ကုန် လုပ်ငန်းရှင်များကို ခေါ်ယူညှိနှိုင်းမှုများ ဆောင်ရွက်ပေးနေကြောင်း ရန်ကုန်တိုင်းဒေသကြီး အခြေစိုက် သွင်းကုန်ထုတ်ကုန်လုပ်ငန်းရှင်များက ဆိုသည်။
သွင်းကုန်လုပ်ငန်းလိုင်စင် လျှောက်ထားရာတွင် မြေပြင်ဈေးနှုန်းစစ်ဆေးရေးအဖွဲ့၏ ဈေးနှုန်းတင်ပြချက်ပါ အချက်အလက်များကို ကျေနပ်မှု မရှိသောကြောင့် တိုင်စာသဘောရေးသားတင်ပြချက်ကို နှစ်ပတ်အတွင်းမှာပင် စီးပွား/ ကူးသန်းဝန်ကြီးဌာနမှ ညွှန်ကြားရေးမှူးက ခေါ်ယူကာ ညှိနှိုင်း ဆောင်ရွက်ပေးခဲ့ကြောင်း တိုင်စာရေးသားပေးပို့ခဲ့သော ထိုင်းနိုင်ငံလုပ်မီးဖိုချောင်သုံးပစ္စည်းများ တင်သွင်းရောင်းချသည့် လုပ်ငန်းရှင်တစ်ဦးထံမှ သိရ သည်။
အရပ်သားအစိုးရသစ် ပြောင်းလဲအုပ်ချုပ်လာပြီးနောက် ယင်းကဲ့သို့ တိုင်စာပို့မှုကို ခေါ်ယူတွေ့ဆုံညှိနှိုင်း ဆောင်ရွက်ပေးသည်မှာ ပထမဆုံး အကြိမ်ဖြစ်ကြောင်း သွင်းကုန်ထုတ်ကုန် လုပ်ငန်းရှင်များက ပြောကြားသည်။
(ဇူလိုင်လ ၂၀ ရက်နေ့ထုတ် Popular News Journal တွင်ဖော်ပြထားသော “စီးပွား/ကူးသန်းသို့ တိုင်စာပို့သော လုပ်ငန်းရှင်များအား အရေးတယူ ခေါ်ယူညှိနှိုင်းပေးနေဟုဆို” သတင်းအား အကျဉ်းချုံးဖော်ပြသည်)
-----------------------------------------------------------------------------------------------------------------------------------
လမ်းခင်းရန်ငွေကောက်ခံသော်လည်း လမ်းပြုပြင်မှုမရှိ
ရန်ကုန်တိုင်းဒေသကြီးအတွင်းရှိ မြို့နယ်အချို့တွင် သက်ဆိုင်ရာမှ လမ်းခင်းရန်အတွက်ပာုဆိုကာ လမ်းတွင်းနေပြည်သူများထံမှ ငွေကြေး ကောက်ခံထားသော်လည်း သက်ဆိုင်ရာ တာဝန်ရှိသူများက လမ်းပြုပြင်မှုများကို အကောင်အထည်ဖော် ဆောင်ရွက်မှုမရှိကြောင်း သိရသည်။
မိမိတို့လမ်း၌ မိုးတွင်းမတိုင်ခင်မှာပင် လမ်းခင်းပေးမည်ပာုဆိုကာ သက်ဆိုင်ရာမှ ငွေကောက်ခံထားသော်လည်း ယခု မိုးတွင်းရောက်သည့် အချိန်အထိတိုင် လမ်းခင်းပေးမှုမရှိသေးကြောင်း၊ ၂၀၁၁ နှစ်ဆန်းပိုင်းလောက်ကတည်းကပင် သက်ဆိုင်ရာမှ လမ်းခင်းရန်အတွက်ဟုဆိုကာ ငွေကောက် ခံထားခြင်းဖြစ်ကြောင်း၊ နိုင်ငံတော်မှ လမ်းခင်းသည့် စက်များ၊ ဘိလပ်မြေများနှင့် သဲကျောက်များကို အခမဲ့ချထားပေးမည်ပာု သိရကြောင်း၊ လမ်းတွင်းနေ ပြည်သူများထံမှ ကောက်ခံသည့်ငွေများမှာ လမ်းခင်းအလုပ်သမားကြေးရှင်းရန်ပာု ဆိုသော်လည်း လမ်းခင်းရန် အကောင်အထည်ဖော်မှု မရှိသေး ကြောင်း လှိုင်သာယာမြို့နယ်မှ မြို့ခံတစ်ဦးက ပြောကြားခဲ့သည်။
ထို့ပြင် ရန်ကုန်တိုင်းဒေသကြီးအတွင်းရှိ အချို့မြို့နယ်များတွင်လည်း ကွန်ကရစ်လမ်းခင်းမှုမှာ တဝက်တပျက် ခင်းကျင်းထားမှုများ ရှိကြောင်း သိရသည်။
၂၀၁၀ ရွေးကောက်ပွဲမတိုင်ခင်ကာလအတွင်းက ရွေးကောက်ခံကိုယ်စားလှယ် အချို့မှာလမ်းခင်းပေးမည်ပာု ကတိပြုထားကြကြောင်း၊ သို့သော် ကွန်ကရစ်လမ်းခင်းပေးရန် အချို့ဆင်ခြေဖုံးရပ်ကွက်များ ကျန်ရှိနေသေးကြောင်း၊ ရန်ကုန်တိုင်းဒေသကြီးအတွင်းရှိ အချို့ရပ်ကွက်များတွင် သက်ဆိုင် ရာမှ မိုးတွင်းမတိုင်ခင် လမ်းခင်းပေးမည်ပာုဆိုကာ ငွေကောက်ခံထားသော်လည်း လမ်းခင်းရန်အကောင်အထည်ဖော်မှု မရှိသည့်အတွက် လမ်းတွင်းနေ ပြည်သူများမှာ သွားလာရေး ခက်ခဲလျက်ရှိကြောင်း သိရသည်။
(Messenger၊ အတွဲ-၂၊ အမှတ်-၉ ပါ “လမ်းခင်းရန်ငွေကောက်ခံထားသော်လည်း အကောင်အထည်ဖော်မှုမရှိ” သတင်းအား အကျဉ်းချုံး ဖော်ပြသည်)
-----------------------------------------------------------------------------------------------------------------------------------
အနှိပ်ခန်းများ လိုက်လံဖမ်းဆီးနေသော်လည်း အချိန်ပြောင်း ဖွင့်လှစ်
ရန်ကုန်တိုင်းဒေသကြီးအစိုးရ အဖွဲ့တာဝန်ယူခဲ့စဉ် ကာလတစ်လျှောက်တွင် အနှိပ်ခန်း ၄၄ ခုအပါအဝင် ကာရာအိုကေခန်း ၃ ခန်းနှင့် အခြား လောင်းကစားလုပ်ငန်းများကို စစ်ဆေးအရေးယူခဲ့ကြောင်း တိုင်းဒေသကြီးအစိုးရအဖွဲ့ ပြောရေးဆိုခွင့်ရှိသူ ဦးဥာဏ်ထွန်းဦးကဇူလိုင် ၁၆ ရက်က သတင်းထောက်များနှင့် တွေ့ဆုံစဉ်ပြောကြားခဲ့သည်။
ဖမ်းဆီးနှိမ်နင်းမှုများကြောင့် ရန်ကုန်မြို့တွင်းရှိ အနှိပ်ခန်းအချို့ အသွင်ပြောင်းကာ ရုံးချိန်အတွင်း တိတ်တဆိတ် ပြန်လည်ဖွင့်လှစ်နေခြင်းများ ရှိနေသည်ဟု စုံစမ်းသိရှိရသည်။ အနှိပ်ခန်းများကို နံနက် ၉ နာရီမှ ညနေ ၆ နာရီ အတွင်း ပြန်လည်ဖွင့်လှစ်နေကြောင်း သိရသည်။
အနှိပ်ခန်းများမှာ တရားဝင်ခွင့်ပြုထားသည့် လုပ်ငန်းများမဟုတ်သည့်အတွက် ပပျောက်အောင် ထိရောက်သော အရေးယူမှုများလည်း ပြုလုပ် သွားမည်ဟု ၎င်းကပြောကြားသည်။
ရန်ကုန်တိုင်းဒေသကြီးအတွင်းမှ အနှိပ်ခန်းများကို ဇွန်လ ၂ ရက်နေ့မှ စတင်ကာ စီမံချက်ဖြင့် ဖမ်းဆီးအရေးယူခဲ့ကြောင်း ရန်ကုန်တိုင်းဒေသ ကြီး အုပ်ချုပ်ရေးရုံးမှ သတင်းထုတ်ပြန်ခဲ့သည်။
(ဇူလိုင်လ ၂၀ ရက်နေ့ ထုတ် 7Day News ဂျာနယ်တွင်ပါဝင်သော “အနှိပ်ခန်းအချို့ ရုံးချိန်အတွင်း ပြန်ဖွင့်နေ” သတင်းနှင့် “အနှိပ်ခန်း ၄၄ ခုကို အရေးယူ” သတင်းအား အကျဉ်းချုံးဖော်ပြသည်)
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
လွှတ်တော်၌ လူ့အခွင့်အရေးချိုးဖောက်မှုအရေး ဆွေးနွေးရန် ကျားဖြူပါတီ စာရင်းပြုစု
ပထမအကြိမ် လွှတ်တော်အစည်းအဝေးခေါ်ယူအပြီး နောင်လာမည့် ဒုတိယအကြိမ် လွှတ်တော်အစည်းအဝေးတွင် အဆိုတင်သွင်းနိုင်ရန် ကျားဖြူပါတီမှ လွှတ်တော်ကိုယ်စားလှယ်များက ရှမ်းပြည်နယ်အတွင်း လူ့အခွင့်အရေး ချိုးဖောက်မှုများနှင့် ပတ်သက်သည့်ကိစ္စရပ်များကို စာရင်း ပြုစုလျက်ရှိကြောင်း သိရသည်။
အချို့ ကိစ္စရပ်များတွင် အောက်ခြေအဆင့်မှာပင် ညှိနှိုင်း၍ ပြေလည်သွားနိုင်ကြောင်း၊ သို့သော် အောက်ခြေတွင် အဆင်မပြေနိုင်သည့် အချို့ကိစ္စရပ်များကိုမူ လွှတ်တော်တွင် တင်ပြဆွေးနွေးသွားမည်ဖြစ်ကြောင်း ကျားဖြူပါတီမှ လွှတ် တော်ကိုယ်စားလှယ်တစ်ဦးက ပြောကြားခဲ့သည်။
ရှမ်းပြည်နယ်အတွင်းရှိ မြို့နယ်ပေါင်း ၁၁ မြို့နယ်တွင် လူ့အခွင့်အရေးချိုးဖောက်နေသည့် ကိစ္စရပ်များနှင့် ပတ်သက်၍ လွှတ်တော်တွင် တင်ပြ နိုင်ရန် ကျားဖြူပါတီမှ လွှတ်တော်ကိုယ်စားလှယ်များက စာရင်းပြုစုလျက်ရှိကြောင်း သိရသည်။
ရှမ်းပြည်နယ် အတွင်း လူ့အခွင့်အရေးချိုးဖောက်နေသည့် ကိစ္စရပ်နှင့်ပတ်သက်၍ စာရင်းပြုစုရန် တာဝန်ယူဆောင်ရွက်နေသည့် လဲချားမြို့နယ် ပြည်သူ့လွှတ်တော်ကိုယ်စားလှယ် ဦးစိုင်းမောင်တင်ကလည်း “ ယခု ရှမ်းပြည်နယ်အတွင်း လူ့အခွင့်အရေးချိုးဖောက်မှုများနှင့် ပတ်သတ်၍ စာရင်းပြုစု လျက်ရှိကြောင်း၊ အကုန်မပြီးသေးသည့်အတွက် အသေးစိတ်မပြောနိုင်သေးကြောင်း၊ လူ့အခွင့်အရေးချိုးဖောက်မှုအား စာရင်းပြုစုခဲ့ပြီးပါက လွှတ်တော် အဆင့်ဆင့်တွင် တင်သွင်းသွားမည်ဖြစ်ကြောင်း” ပြောကြားခဲ့သည်။
(ပြည်သူ့ခေတ်၊ အတွဲ-၁၊ အမှတ်-၅၂ ပါ “လူ့အခွင့်အရေးချိုးဖောက်မှုများကို လွှတ်တော်တွင် ဆွေးနွေးရန် ကိုယ်စားလှယ်အချို့ စာရင်း ပြုစုနေ” သတင်းအား အကျဉ်းချုံးဖော်ပြသည်)
-----------------------------------------------------------------------------------------------------------------------------------
ပြည်ခိုင်ဖြိုးပါတီ အလုပ်အမှုဆောင်နှင့်အထက် တာဝန်ရှိသူများကို လစဉ်ထောက်ပံ့ငွေမည်
အာဏာရပါတီဖြစ်သော ပြည်ခိုင်ဖြိုးပါတီက ပါတီအလုပ်အမှုဆောင်အဆင့်ဆင့်ကို ယခုလမှစတင်ကာ လစဉ် ထောက်ပံ့ငွေများ ပေးသွားမည် ဖြစ်ကြောင်း သိရသည်။
ပြည်ခိုင်ဖြိုးပါတီဗဟိုမှ တိုင်းဒေသကြီး သို့မဟုတ် ပြည်နယ်၊ ခရိုင်နှင့် အောက်ခြေမြို့နယ်အဆင့်အထိ လစဉ် ထောက်ပံ့ကြေးငွေ ချီးမြှင့်သွား မည်ဖြစ်သည်ဟု သိရသည်။
ပြည်ထောင်စု ကြံခိုင်ရေးနှင့်ဖွံ့ဖြိုးရေးပါတီ ရန်ကုန်တိုင်းဒေသကြီးတာဝန်ခံ ဦးအောင်သိန်းလင်းက ထောက်ပံ့ကြေးအနေနဲ့ လစဉ်ပေးတာဖြစ် ပြီး တိုင်းဒေသကြီးအဆင့်တွင် ၁၅ ဦး၊ ခရိုင်အဆင့်တွင် ၉ ဦး၊ မြို့နယ်အဆင့်တွင် ၁၅ ဦး၊ စုစုပေါင်း ၄၅ မြို့နယ်အတွက် ၆၇၅ ဦး၊ မြို့နယ်ခွဲ ငါးမြို့နယ် နှင့် ဆိုလျှင် အားလုံးပေါင်း ၇၂၆ ဦးရှိကြောင်း ပြောကြားခဲ့ သည်။
တိုင်းရင်းသား စည်းလုံးညီညွတ်ရေးပါတီမှ ဗဟိုအလုပ်အမှုဆောင် ဦးဟန်ရွှေက တစ်နိုင်ငံလုံးအတိုင်းအတာအရ ယခုလိုထောက်ပံ့ကြေးမျိုး ၎င်းတို့ပါတီအနေဖြင့် ပေးနိုင်ခြင်း မရှိကြောင်း ပြောကြားခဲ့သည်။
အမျိုးသားဒီမိုကရေစီအင်အားစုပါတီမှ နိုင်ငံရေးခေါင်းဆောင် ဦးခင်မောင်ဆွေက ယခုပေးတဲ့ငွေက အခွန်ထမ်းတွေရဲ့ငွေနဲ့ကင်းရဲ့လား၊ ကင်း တယ်ဆိုရင်တော့ ပြောစရာမရှိပါဘူး၊ ဒါဟာကောင်းတဲ့ကိစ္စပဲ ဟုပြောကြားခဲ့သည်။
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"ကျွန်တော်တို့ မျိုးဆက်ကတချို့လူငယ်တွေဆိုမသိကြတော့ဘူး။ တချို့ဆို ဝိုးတိုးဝါးတား ဖြစ်နေကြတယ်။ နောက်ပြီး ဗိုလ်ချုပ်အကြောင်းကို ရေးသားတဲ့ စာအုပ်တွေအနေနဲ့ ဗိုလ်ချုပ်အကြောင်းမပြည်စုံရင်တောင် တစ်အုပ်နဲ့ တစ်အုပ် မကွဲလွဲစေချင်ဘူး"
ဇူလိုင် ၁၉ ထုတ် TRUE NEWS အတွဲ (၃) အမှတ် (၁၉) တွင်ပါသည့် "အာဇာနည်နေ့နှင့်လူငယ်များ" သတင်းမှ အသက် ၁၈ နှစ်အရွယ် ကိုပိုင်အောင်၏ ပြောကြားချက်ကောက်နှုတ်ချက်
-----------------------------------------------------------------------------------------------------------------------------------
"နိုင်ငံရေး၌ လှုံ့ဆော်ပေးသော၊ ဆွပေးသော agitate နိုင်ငံရေးသည် တာဝန်မဲ့ဆန်ပါသည်။ မိုင် ၆၀၀၀ ကျော် လောက်မှာ ဘီယာမော့၍ ဒိန်ခဲ မြည်းနေသူက မြန်မာ့ငါးပိရေကျဲကို ဘယ်လိုမှ နားမလည်နိုင်။ နှိုင်းနှိုင်းချိန်ချိန် ရည်မှန်းချက်ရှိရှိ deliberate နိုင်ငံရေးပညာနှင့် ယှဉ်သော Educate နိုင်ငံရေး၊ အကြမ်းမဖက်သော နိုင်ငံရေး၊ ဒီမိုကရေစီနိုင်ငံရေး၊ စည်းကမ်းရှိသော၊ ဥပဒေအပေါ် အပြင်မှာ ဘယ်သူမှမရှိသော နိုင်ငံရေး၊ စိတ်လှုပ်ရှားမှုဝါဒနောက် ပိတ်ပိန်းလိုက်ခြင်း မရှိသော ဉာဏ်ပညာဆင်ခြင်နိုင်ငံရေး၊ မှိုင်းဒဿနဖြစ်သော သူမနာကိုယ်မနာ နိုင်ငံရေး၊ ဒဂုန်တာရာ ဒဿနဖြစ်သော ရန်သူမရှိ မိတ်ဆွေ နိုင်ငံရေးတို့ကိုသာ စာရေးဆရာတစ်ယောက်အနေနှင့် လိုချင်မက်မောမိပါသည်။ ဒါကလည်း အများအတွက် တိုင်းပြည်နှင့်လူမျိုးအတွက် အနာဂတ်လှပရေး အတွက်ပါပဲ။ တောင်မြို့ဆရာတော်အရှင် ဇနကာဘိဝံသရေးသလို ကိုယ့်အတွက်တော့၊ ဒီလောက်ကြိုးကုပ်၊ အားမထုတ်ဘူး ဟု ဆိုလိုက်ပါရစေ....။ ဘယ်လိုပဲနေရနေရ နေတတ်ပါသည်။ နေနိုင်ပါသည်။ အများပြည်သူ ငြိမ်းငြိမ်းချမ်းချမ်း စိမ်းစိမ်းလန်းလန်း ပျော်ပျော်ရွှင်ရွှင် ရောင်းဝယ်ဖောက်ကား သွားလာ လှုပ်ရှား လွတ်လပ်ရေး အရသာ(စည်းကမ်းနှင့်ယှဉ်ပြီး) ရနေလျှင် ကျေနပ်ပါပြီ"
ဇူလိုင် ၂၀ ထုတ် The Myanmar Post အတွဲ (၃) အမှတ် (၂၇) တွင်ပါသည့် ဆောင်းပါးရှင် စိုးမြင့်သိန်း၏ " ဒီမိုကရေစီ မင်္ဂလာရှိစေချင်ပါ သည်" သတင်းမှ ကောက်နှုတ်ချက်
-----------------------------------------------------------------------------------------------------------------------------------
"အဲဒီမှာ ကိုမြတ်ခိုင် မေးထားတာက နောက် (၅)နှစ်ကြာရင် ဘယ်အစိုးရ အလှည့်ကျအုပ်ချုပ်မှာလဲတဲ့။ ဒီဟာကတော့ မမေးသင့်တဲ့ မေးခွန်းလို့ ကျွန်တော်ထင်ပါတယ်။ နောက် (၅) နှစ်ကြာရင်ဘယ်အစိုးရအုပ်ချုပ်မလဲဆိုတာ ရွေးကောက်ပွဲမှာ နိုင်တဲ့အစိုးရက အုပ်ချုပ်မှာပေါ့။ ကျွန်တော်တို့မှာ ဖွဲ့စည်းပုံအခြေခံဥပဒေရှိပြီပဲ။ ဒါတွေဟာ သီးခြားမေးဖို့ မကောင်းဘူးလို့ ထင်ပါတယ်"
ဇူလိုင် ၁၇ ထုတ် Monitor အတွဲ (၁) အမှတ် (၆၁) တွင်ပါသည့် "ကြိုင်တင်ပေးပို့ထားသော မေးခွန်းများကို ရန်ကုန်တိုင်းဒေသကြီး အစိုးရ အဖွဲ့ဝင် လျှပ်စစ်နှင့် စက်မှုလက်မှုဝန်ကြီးဌာနဝန်ကြီး ဦးဉာဏ်ထွန်းဦး ဖြေကြားပေးခဲ့" သတင်းမှ ဦးဉာဏ်ထွန်းဦး၏ ဖြေကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"လွှတ်တော်ပေါ်ပြီးနောက်မှာ အစိုးရဌာနတိုင်း မြန်မြန်ဆန်ဆန်၊ ရဲရဲတင်းတင်း၊ သွက်သွက်လက်လက်လုပ်ရမယ့် အပိုင်းမှာ အားနည်းနေတဲ့ဟာ မကောင်းဘူး။ ရက် ၁၀၀ ကနေ ရက် ၂၀၀ ဖြစ်လာဦးမယ်ဆိုရင် သက်တမ်းတစ်ခု သာကုန်သွားမယ် ခရီးရောက်ဖို့ နည်းနည်းလေးပဲ ဖြစ်နေဦးမှာ။ အဲဒါလေးကိုတော့ အဓိက ထားစေချင်တယ်။ အစိုးရသစ်က သူတို့ရဲ့ သက်တမ်းအတွင်းမှာ စီးပွားရေးနဲ့ ပတ်သက်ပြီး တိုင်းပြည်ရဲ့ စီးပွားရေးအခြေအနေမှာ ဈေးကွက် စီးပွားရေးစနစ်ကို ပီပြင်အောင် ဖော်ဆောင်ဖို့ အင်တိုက်၊ အားတိုက်နဲ့ သွက်သွက်လက်လက်လုပ်ရင် ရနိုင်တယ်။ လုပ်ဖို့ပဲ လိုအပ်တယ်"
ဇူလိုင် ၂၁ ရန်ကုန်တိုင်းမ် အတွဲ (၁) အမှတ် (၅၂) တွင်ပါသည့် ဦးဟန်ထွန်း (အခွန်) နှင့် အင်တာဗျူး ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အချိန်မှီထိန်းသိမ်းသင့်သည့် ပြည်ထောင်စု မပြိုကွဲရေး
လက်ရှိမြန်မာ့ရေးရာများတွင် နေရာအယူဆုံးက KIO နှင့် အစိုးရတပ်များ၏ တိုက်ပွဲများပင်ဖြစ်သည်။ အလားတူ ရှမ်းပြည်မြောက်ပိုင်းနှင့် တောင်ပိုင်းရှိ SSA အဖွဲ့များထိန်းချုပ်ရာ ဒေသများကိုလဲ အစိုးရတပ်များက အပြင်းအထန် ထိုးစစ်ဆင်တိုက်ခိုက်လျှက်ရှိကာ SSA ၏ ဌာနချုပ် ဝမ့်ဟိုင်းကို ရက်ပိုင်းအတွင်း အစိုးရတပ်များ အပြီးသတ်သိမ်းယူဖွယ် ရှိသည်။ပြည်တွင်းစစ်မီးများသည် အစိုးရသစ်လက်ထက်တွင် ပြန်လည်၍ အရှိန် အဟုန်တောက်လာသည်ဟု ဆိုရလောက်အောင်ပင် တပ်မတော်အစိုးရလက်ထက် ရယူထားခဲ့သော ငြိမ်းချမ်းရေးများ ပျက်စီးသွားခဲ့ပြီး တနေ့တခြား အရှိန်မြင့်လျက် ရှိသည်။
ဤကိစ္စများကို မြန်မာအစိုးရသစ်က ထုတ်ပြန်ကြေညာရာ၌ ကချင်စစ်တပ်များသည် မြန်မာနိုင်ငံနှင့် တရုတ်နိုင်ငံတို့ ပူးပေါင်းလုပ်ဆောင်လျက် ရှိသည့် ရေအားလျှပ်စစ်ဓာတ်အားထုတ်လုပ်နေသည့် နေရာများကို နှောင့်ယှက်လာ၍ ဟုလည်းကောင်း၊ ကမ္ဘာပေါ်တွင် မည်သည့်နိုင်ငံတွင်မှ ပြည်နယ် စစ်တပ်ဟု မရှိသောကြောင့် နယ်ခြားစောင့်တပ် အသွင်ပြောင်းလဲပြီး ကမ္ဘာ့စံနှုန်းအတိုင်းလုပ်ဆောင်စေခြင်းဖြစ်သည်ဟု လည်းကောင်း အကြောင်းပြခဲ့ သည်။
အခြားတစ်ဖက်တွင်လည်း ကချင်စစ်တပ်က မြစ်ဆုံရေကာတာကိစ္စကို အကြောင်းပြု၍လည်းကောင်း၊ ရှမ်းတပ်များကလည်း မြန်မာအစိုးရကို အပြည့်အဝမယုံကြည်နိုင်သေး၍ နယ်ခြားစောင့်အသွင်ပြောင်းရန် လက်မခံနိုင်ဟုလည်း ကောင်း၊ နိုင်ငံရေးနှင့် စစ်ရေးလေ့လာသူများက တရုတ်နှင့် ပူးပေါင်းဆောင်ရွက်နေသော ရေအားလျှပ်စစ်ကိစ္စ၊ သဘာဝဓာတ်ငွေ့ ပိုက်လိုင်းကိစ္စများအတွက် လုံခြုံမှုရှိစေရန် ယင်းဒေသများကို ခြေကုပ်ယူထား သော တိုင်းရင်းသား လက်နက်ကိုင်များကို ရှင်းလင်းခြင်းဖြစ်သည်ဟူ၍ လည်းကောင်း အသီးသီးအကြောင်းပြ၊ သုံးသပ်ချက်များပေးခဲ့ကြသည်။
မည်သို့ပင် ဆိုစေကာမူ လွှတ်တော်တွင် သမ္မတကြီး ကျမ်းကျိန်သည့်နေ့က ပြောကြားခဲ့သော မိန့်ခွန်းနှင့် ဖီလာဆန့်ကျင်လျက်ရှိသည်။ သမ္မတကြီးက တိုင်းရင်းသား စည်းလုံးညီညွတ်ရေးဆိုသည်မှာ စားပွဲပေါ်တွင် ဖြေရှင်းရမည့်ကိစ္စ မဟုတ်ဟုဆိုခဲ့ရာ တခါတည်း အပြုတ်တိုက်ရမည့် ကိစ္စဟု ဆိုခဲ့ချင်ပုံရသလား ဟု ယခုကိစ္စရပ်များက ပြဆိုနေပေသည်။ တိုင်းရင်းသားပြည်နယ်များ တပြေးညီဖွံ့ဖြိုးတိုးတက်လာလျှင် အလိုလျောက် ပြေလည်သွားမည်ဖြစ်ပြီး ပြည်နယ်များအတွက် အခြေခံအဆောက်အဦများ လုပ်ဆောင်လျက်ရှိသည်ဟု သမ္မတကြီးက ဆိုခဲ့လေရာ သယံဇာတထွက်ရှိ သော ပြည်နယ်များကို ရထားလမ်း၊ ကားလမ်းများ အလျင်စလိုဖောက်လုပ်၍ မည်သည့်သယံဇာတမျှ မထွက်သော ချင်းတောင်တန်းကဲ့သို့ ပြည်နယ် များတွင်မူ တည်ဆောက်ရေးလုပ်ငန်းများ မတွေ့ရသေးဟု ဆိုရပေမည်။
လွတ်လပ်ရေးရပြီးတည်းက တိုင်းရင်းသားလက်နက်ကိုင်ပြဿနာသည် ယနေ့တိုင် မဖြေရှင်းနိုင်သေးသည့် ပုစ္ဆာတစ်ပုဒ်ပင် ဖြစ်လျက်ရှိသည်။ ဖြေရှင်းရန် မလွယ်ကူ၍လား၊ မလွယ်ကူ၍ မဖြေရှင်းချင်းလား၊ မဖြေရှင်းတာကြာ၍ ခက်ခဲသွားခြင်းလား ဆိုသည်မှာလည်း ယနေ့တိုင် လုံးချာလည် လိုက် နေသော မေးခွန်းများပင် ဖြစ်သည်။ သေချာသည်ကတော့ ပြည်တွင်းစစ်နှင့် သံသရာလည်နေသော နိုင်ငံများသည် ဖွံ့ဖြိုးတိုးတက်မှု လည်းမရှိတော့ပေ။
တန်းတူရည်တူရှိခြင်းဖြင့် အားလုံးသည် တသားတည်း၊ တအိမ်တည်းဟု သဘောပေါက်လာကြကာ ပြည်တွင်းစစ် မီးကို ငြိမ်းသတ်ရန် လွယ်ကူသည်ဟု မဆိုလိုသော်လည်း ဖြေရှင်းနိုင်ရန် နည်းလမ်းများစွာ ရှိနေပါသေးသည်။ ထိုနည်း လမ်းများအနက် တိုင်းရင်းသားလူမျိုးဘာသာမရွေး တန်းတူရည်တူရှိမှု ဟူသည့်အချက်မှာ ငြင်းဆို၍မရသည့် အချက်တစ် ချက်ဖြစ်ပါလိမ့်မည်။ အားလုံးပါဝင်သော ပြည်ထောင်စု၊ စစ်မှန်သော ပြည်ထောင်စုဟူ၍ ဖြစ်ပေါ်လာ ပေလိမ့်မည်မှာ သေချာသည့် အချက်တစ်ချက်ဖြစ်သည်။
လွတ်လပ်ရေးရပြီးတည်းက တိုင်းရင်းသားပြည်နယ်များသည် ကိုယ့်ပြည်နယ်ကိုယ့်ကံကြမ္မာကို ဖန်တီးခွင့် မရှိတော့ဘဲ အရေးပေါ်ဥပဒေများ၊ စစ်တပ်အုပ်ချုပ်မှုအောက်များတွင် နေခဲ့ရသည်ဖြစ်ရာ ရန်သူနှင့် မိတ်ဆွေနှစ်မျိုးသာရှိသည့် အခြေအနေတွင် နေထိုင်ကြီးပြင်းလာခဲ့ရသော တိုင်းရင်း သားများက မိမိတို့နှင့် ရိုးရာဓလေ့၊ ဘာသာစကား မတူညီသော၊ မိမိတို့ လူမျိုးများနှင့် တိုက်ပွဲဖြစ်နေကြသော ဗမာများကို ရန်သူဟု သတ်မှတ်ထားသည် မှာ အဆန်းတကြယ် မဟုတ်တော့ပေ။ အဓိကပြဿနာမှာ မြန်မာနိုင်ငံသားဟု မမြင်နိုင်ကြတော့ဘဲ ရန်သူမျက်စိနှင့် မြင်ကြသည့်အတွက်ကြောင့် ဖြစ် သည်။ ထိုအကျိုးဆက်က ယနေ့တိုင် ပြည်တွင်းစစ်များနှင့် ကိုယ့်ပြည်နယ် ကိုယ့်ကံကြမ္မာကိုယ် ဖန်တီးခွင့်ရှိရေးဟူသည့် သံသရာများမှ ရုန်းမထွက်နိုင် တော့ခြင်း ဖြစ်သည်။
မြန်မာအစိုးရ အဆက်ဆက်က တိုင်းရင်းသားပြည်သူများသည် ငြိမ်းချမ်းရေးကိုလိုလားကြပြီး လက်နက်ကိုင်သောင်းကျန်းနေသူ အချို့ကြောင့် သာ ငြိမ်းချမ်းရေးမရခြင်းဖြစ်သည်ဟု ပုံဖော်ခဲ့သော်လည်း ယခု ကချင်ပြည်နယ် တိုက်ပွဲများတွင် KIOအနေဖြင့် တိုက်ပွဲများ မရပ်သင့်ဟု အသံများ ထွက် လာကြသည်။ ဗမာဆိုသည်မှာ သမိုင်းတလျှောက် ကတိမတည်ခဲ့သောကြောင့် လက်နက်မချသင့်ဟု ပြည်သူလူထုမှ အံကြိတ်၍ ထွက်ပေါ်လာသော စကားများဖြစ်သည်။ အစိုးရ အဆက်ဆက်က ပြည်နယ်များကို ပြည်ထောင်စုမှ ခွဲမထွက်စေရန် မက်လုံးများပေးခဲ့ကြစေကာမူ ကတိမတည်ခဲ့သည်က များသည်။ ယုတ်စွအဆုံး ၂၀၁၀ ရွေးကောက်ပွဲ၌ပင်လျှင် ပြည်ထောင်စုစနစ်ကို လိုလား၍ ရွေးကောက်ပွဲဝင်ခဲ့ကြသော တိုင်းရင်းသားပါတီများသည် ဗမာအစိုးရ၏ ညစ်ပတ်မှုကိုခံခဲ့ရပြီး မိမိတို့ပြည်နယ်အတွက် တတ်စွမ်းသလောက် ဆောင်ရွက်မည်ဟူသော အိပ်မက်များလည်း အဆုံးသတ်သွားခဲ့ပြီ ဖြစ်ရာ မိမိတို့ ပြည်နယ်များ၏ ကံကြမ္မာကို ဖန်တီးရေးအတွက် နည်းလမ်းရှာကြတော့မည် ဖြစ်သည်။
ယခုကချင်ပြည်ကဲ့သို့ လက်နက်မချသင့်ဟူသော သဘောထားများ ပြည်နယ်အသီးသီးမှ ထွက်ပေါ်လာလျှင် ပြည်ထောင်စုကြီး တည်တံ့ရေးမှာ အလွန်ပင် စိုးရိမ်ရသည့် အန္တရာယ်ပင်ဖြစ်သည်။ ဤသည်မှာ တိုင်းရင်းသားတို့အနေဖြင့် မိမိပြည်နယ်အတွက် ထွက်ပေါက်ရှာနေကြပြီကို မြန်မာအစိုးရ အနေဖြင့် သတိပြုရမည့်အချက် ဖြစ်သည်။
ယခုအခြေအနေမျိုးတွင် ပိုမို၍ သတိထားရတော့မည့်အချက်ပင်ဖြစ်သည်။ လက်နက်ချင်းယှဉ်တိုက်နေရသော အခြေအနေတွင် အင်အား သာလွန်သော အစိုးရက အနိုင်ယူထိန်းသိမ်းထားနိုင်မည်ဖြစ်သော်လည်း ဥပဒေအရ၊ လူ့အခွင့်အရေးအရ တရားဝင် ငြိမ်းချမ်းစွာ တောင်းဆိုလာကြမည့် နေ့သည် ပြည်ထောင်စု ပြိုကွဲမည့်နေ့ပင် ဖြစ်ပေလိမ့်မည်။ တောင်ပိုင်းဆူဒန်သည် ပင်မဆူဒန်၏ နှစ်ပေါင်းငါးဆယ်ကြာ ဖိနှိပ်မှုများကို လက်နက်နှင့်ရော ဥပဒေနှင့်ပါ တွန်းလှန်ခဲ့ပြီး မကြာမီရက်ပိုင်းကပင် လွတ်လပ်သော နိုင်ငံအဖြစ် ခွဲထွက်ခဲ့ပြီဖြစ်သည်။ ထိုသို့ ပင်မဆူဒန်မှ ခွဲထွက်ရန် တောင်ပိုင်းနေ ပြည်သူ ၉၉ ရာခိုင်နှုန်းက မဲပေးခဲ့ခြင်းဖြစ်ရာ မည်မျှအထိ နာကြည်းမှုရှိခဲ့သည်ကို တွေ့မြင်ရသည့်အချက်ဖြစ်သည်။ တောင်ပိုင်းဆူဒန်ကို ကုလသမဂ္ဂ အပါအဝင် အင်အားကြီးနိုင်ငံများက ထောက်ခံခဲ့ကြပြီး ဘန်ကီမွန်းကိုယ်တိုင် မိန့်ခွန်းပြောကြားခဲ့ရာ ကမ္ဘာ့အသိုင်းအဝိုင်းက လူ့အခွင့်အရေးနှင့် ကိုယ့် ကံကြမ္မာ ကိုယ်ဖန်တီးရေးကို အားပေးထောက်ခံလျက်ရှိကြောင်း တွေ့နိုင်ပါသည်။
လူ့အခွင့်အရေးနှင့် လွတ်လပ်မှုများ၊ မိမိကံကြမ္မာ၊ မိမိပြဋ္ဌာန်းခွင့်များကို ရဲဝံ့စွာ ကြွေးကြော်လာပြီး ကမ္ဘာ့မိသားစုကပါ အားပေးကြိုဆိုနေချိန် တွင် ပြည်ထောင်စုတစ်ခု၏ နေဝင်ချိန်သည် အချိန်မရွေးကျရောက်လာနိုင်သည်ဖြစ်ကြောင်း တောင်ပိုင်းဆူဒန်က သက်သေပြခဲ့ပြီဖြစ်သည်။ ယခုလက်ရှိ အခြေအနေသည် တိုင်းရင်းသားများက ပြည်ထောင်စုမှ ခွဲထွက်ရန်ထက် စစ်မှန်သော ပြည်ထောင်စုကို လိုလားနေသည့် အခြေအနေ၌ပင်ရှိသေးရာ မြန်မာအစိုးရသစ်အနေဖြင့် အမျိုးသား ပြန်လည်စည်းလုံး ညီညွတ်ရေးကို ပြန်လည်တည်ဆောက်ရန် အချိန်မှီနေသေးသည်ကို သတိပြု၍ အချိန်မှီ ထိန်းသိမ်း ဆောင်ရွက်သင့်သော အခြေအနေလည်းဖြစ်နေပါသည်ဟု တိုက်တွန်းရေးသားလိုက်ရပါသည်။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
