Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၁.၄.၂၀၁၁

ပြည်တွင်းသတင်းများ

UMFCCI ၏ ဥက္ကဋ္ဌ၊ ဗဟိုအလုပ်မှုဆောင်နှင့် အလုပ်အမှုဆောင် ၁၃၀ ဦးအား ရွေးချယ်ပြီးစီး

ရန်ကုန်၊ ဧပြီ ၁၀။

ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်(UMFCCI) ၏ လစ်လပ်သွားသည့် ဥက္ကဋ္ဌ ရာထူးနေရာ အပါအဝင် ဗဟိုအလုပ်မှုဆောင်၊ အလုပ်အမှုဆောင် စုစုပေါင်း ၁၃၀ ဦးအား လျှို့ဝှက်မဲစနစ်ဖြင့် ဧပြီလ ၉ ရက်နေ့ မနက် ၇ နာရီမှ စတင်ကာ ည ၁၂ နာရီ အထိ တစ်ရက်တည်းအပြီး ရွေးချယ်ခဲ့ကြောင်း UMFCCI သတင်းရပ်ကွက်မှ သတင်းရရှိသည်။

ရွေးကောက်ပွဲကျင်းပရာခန်းမတွင် ရှိနေခဲ့သူ အလုပ်အမှုဆောင်တစ်ဦးက “ရွေးကောက်ပွဲက မနက် ၇ နာရီမှာ စတယ်။ ဥက္ကဋ္ဌနေရာကနေ စီးပွား ကူးသန်းဝန်ကြီးဖြစ်သွားတဲ့ ဦးဝင်းမြင့် မိန့်ခွန်းပြောပြီး၊ မနက် ၁၀ နာရီ မှာ အလုပ်အမှုဆောင်တွေအတွက် ရွေးကောက်ပွဲစလုပ်တယ်။ပြီးတော့ ဗဟို အလုပ်အမှုဆောင်တွေကို ဆက်ရွေးတယ်။ ဒီရွေးကောက်ပွဲက ညသန်းခေါင်လောက်မှ ပြီးတယ်။ ဒီရွေးကောက်ပွဲနဲ့ ပတ်သက်ပြီးတော့ ဘာမှမှတ်ချက် တော့ မပြောလိုပါဘူး” ဟု ဖုန်းဖြင့် ဆက်သွယ်မေးမြန်းချက်အား ပြန်လည်ဖြေကြားသည်။

ယခင် ဥက္ကဋ္ဌအဖြစ် တာဝန်ယူဆောင်ရွက်ခဲ့သူ ဦးဝင်းမြင့်မှာ ယခုအခါ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဝန်ကြီးအဖြစ် တာဝန် ထမ်းဆောင်လျက်ရှိသည့်အတွက် လစ်လပ်သွားသော UMFCCI ၏ ဥက္ကဋ္ဌရာထူးနေရာအား ပြန်လည်ရွေးချယ်ခဲ့ခြင်းဖြစ်ကြောင်း သိရသည်။ ဗဟို အလုပ် အမှုဆောင် ၅၀ ဦးနှင့် အလုပ်အမှုဆောင် ၈၀ ဦး စုစုပေါင်း ၁၃၀ ဦးကို လျှို့ဝှက်မဲပေးစနစ်ဖြင့် ရွေးချယ်ရာ ဥက္ကဋ္ဌရာထူးနေရာအတွက် ဒဂုံအင်တာနေ ရှင်နယ်က ဦးဝင်းအောင်မှ မဲအများဆုံး ရရှိခဲ့ကြောင်း၊ ဒုတိယ ဥက္ကဋ္ဌနေရာ ခုနစ်နေရာ ဦးသောင်းတင်၊ ဦးဇော်မင်းဝင်း၊ ဒေါက်တာ မောင်မောင်လေး၊ ဒေါက်တာ မြဟန်၊ ဦးအောင်လွင်၊ ဦးလှမောင်ရွှေ၊ ဦးထွန်းအောင် စုစုပေါင်း ၇ ဦးတို့မှ မဲအများဆုံး ရရှိခဲ့ကြောင်း သိရသည်။

အထွေထွေအတွင်းရေးမှူးအဖြစ် ဦးမျိုးသက်မှ မဲအများဆုံး ရရှိခဲ့ပြီးတွဲဖက် အတွင်းရေးမှုးများအဖြစ် ဦးမြင့်စိုး၊ ဦးအေးလွင်၊ ဦးမိုးကျော်၊ ဦးမြင့် ဇော်၊ ဦးအောင်ခင်မြင့်၊ ဒေါ်ခိုင်ခိုင်နွယ်တို့မှ တာဝန်ထမ်းဆောင် ကြမည်ဖြစ်ကြောင်း သိရသည်။

UMFCCI ၏ လက်အောက်တွင် စီးပွားရေးကဏ္ဍပေါင်းစုံမှ အသင်းပေါင်း ၆၀ ကျော်ရှိကြောင်း သိရှိရသည်။

ကျော်စွာ

--------------------------------------------------------------------------------------------------------------------------------

သင်္ကြန်ကာလ နီးလာလေ အဝေးပြေးကားလက်မှတ်များ ခက်ခဲလေ

ရန်ကုန်၊ ဧပြီ ၁၀။

နှစ်သစ်ကူးသင်္ကြန်ကာလ နီးလာပြီဖြစ်၍ မြို့အနှံ့သို့ ပြေးဆွဲနေသော အဝေးပြေးယာဉ်စီးခများသည် ပုံမှန်ထက် ပိုဈေးကြီးလာပြီး လက်မှတ် တစ်စောင် ရရှိရန် ခက်ခဲလာကြောင်း ရန်ကုန်မှပုဂံညောင်ဦးသို့ ပြန်မည့် ခရီးသည်တစ်ဦးမှ ဆိုသည်။

အဝေးပြေးယာဉ်စီးခများအား ပုံမှန်ယာဉ်စီးခများထက် ပိုရယူခြင်းမရှိရန် မော်တော်ယာဉ်လိုင်းပေါင်းစုံ ထိန်းသိမ်းရေးကော်မတီ(အဝေးပြေး)မှ ယာဉ်လိုင်းအသီးသီးအား ညွှန်ကြားချက်ထုတ်ပြန်ထားသော်လည်း ခရီးသည်များအနေဖြင့် လက်မှတ်တစ်စောင် ဝယ်ယူရာတွင် ပုံမှန်ဈေးထက် ပိုပေးနေ ရကာ လက်မှတ်ရရှိရန် ခက်ခဲလာကြောင်း အောင်မင်္ဂလာအဝေးပြေးတွင် နယ်သို့ပြန်ရန် ကားလက်မှတ်ရရှိရေး ကြိုးစားနေသူများက ဆိုသည်။

“မန္တလေး ကို ၁၀ ရက်နေ့ပြန်မလို့ ကားလက်မှတ်ကို ဧပြီ ၆ ရက်နေ့က ကြိုမှာတာ ကြိုတင်လက်မှတ်တွေ ပြည့်နေပြီဆိုလို့ တစ်ခါတည်း သွားလို့ ရအောင် အောင်မင်္ဂလာအဝေးပြေးကနေ go show လာစီးတာ လက်မှတ်ခက ၂၅၀၀၀ လို့ ဈေးခေါ်နေတော့ အိမ်ပြန်ဖို့ကို ပြန်စဉ်းစားနေရတယ်” ဟု မန္တလေးပြန်ရန်အတွက် လက်မှတ်ရရန် ကြိုးစားနေသူ ကိုမင်းမင်းမှ ဆိုသည်။

ရန်ကုန်မှ မန္တလေးသို့ ပုံမှန်ကာလတွင် ကျသင့်သောယာဉ်စီးခမှာ အာမခံကြေး ၁၀၀ကျပ် အပါအဝင် ၁၀၄၀၀ သာကုန်ကျကြောင်း ယင်း ပုဂ္ဂိုလ် က ဆက်လက်ပြောကြားသည်။

သင်္ကြန်ကာလနီးလာချိန်တွင် အဝေးပြေးယာဉ်စီးခများ ဈေးတက်ခြင်း၊ လက်မှတ်တစ်စောင်ရရှိရန် ခက်ခဲလာခြင်းသည် နှစ်စဉ်ဖြစ်ပေါ်လျှက် ရှိ သည့် ပြဿနာတစ်ခုဖြစ်ပြီး၊ ယခုအချိန်ထိ ပြေလည်အောင် ဖြေရှင်းနိုင်ခြင်းမရှိကြောင်း အောင်မင်္ဂလာအဝေးပြေးဝင်းတွင် စားသောက်ဆိုင်ဖွင့်ထားသူ တစ်ဦးက ဆိုသည်။

အဝေးပြေးယာဉ်စီးခများ ပုံမှန်ဈေးထက် ကြီးမြင့်လာခြင်းသည် အဝေးပြေးယာဉ်လိုင်းများနှင့် တိုက်ရိုက်သက်ဆိုင်ခြင်း မရှိကြောင်း အဝေးပြေး ယာဉ်လိုင်းတာဝန်ခံတစ်ဦးမှ ဆိုသည်။

“သင်္ကြန် ကာလနီးလာပြီဆိုတော့ ဇာတိရပ်ရွာကို တော်တော်များများ ပြန်ကြတယ်။ ဒီတော့ အဝေးပြေးလိုင်းမှာရှိတဲ့ ယာဉ်စီးရေရဲ့ လက်ခံနိုင် တာထက် ပိုများနေတော့ ယာဉ်လိုင်းတွေက အပြင်ကားတွေကို ဈေးကြီးပေးပြီး ငှားရတယ်။ ဒီတော့ အဲဒီကားကို စီးရတဲ့ခရီးသည်တွေကလဲ ကားငှားခ ဈေးမြင့်တာနဲ့အတူ လက်မှတ်ခလည်း အလိုလို ဈေးကြီးလာတာပါ” ဟု ဆိုသည်။

ယခုနှစ်တွင် စက်သုံးဆီဈေး ကြီးမြင့်လာသည့်အတွက် အဝေးပြေးယာဉ်အချို့ ရပ်နားထားမှုများလည်း ရှိကြောင်း သိရှိရသည်။ ရန်ကုန်မှ နယ်သို့ ထွက်ခွာသော အဝေးပြေးယာဉ်လိုင်းများအား အောင်မင်္ဂလာအဝေးပြေးဝင်းနှင့် ဒဂုံဧရာ အဝေးပြေးဝင်းမှသာ ထွက်ခွာရန် ညွှန်ကြားချက်ထုတ်ပြန်ထားပြီး၊ အဝေးပြေးယာဉ်များ သက်ဆိုင်ရာအဝေးပြေးဝင်းမှ ထွက်ခွာရာတွင်လည်း စစ်ဆေးရေးအဖွဲ့များဖြင့် ယာဉ်ပေါ်ပါခရီးသည်များအား ယာဉ်စီးခဈေးနှုန်း မည်မျှပေးရသည်ကို တက်ရောက်မေးမြန်းစစ်ဆေးခြင်း၊ ယာဉ်ဂိတ်မှ ဖြတ်ပေးလိုက်သောလက်မှတ်အား စစ်ဆေးခြင်းများပြုလုပ်လျှက်ရှိပြီး ညွှန်ကြား ချက်ကို ဖောက်ဖျက်ပါက သက်ဆိုင်ရာယာဉ်လိုင်းအား ပြင်းထန်စွာ အရေးယူမည်ဖြစ်ကြောင်း မထသ(အဝေးပြေး)မှ တာဝန်ရှိသူတစ်ဦးက ဆိုသည်။

ကျော်စွာ

-------------------------------------------------------------------------------------------------------------

နမ့်ခမ်းမြို့မှ တရုတ်ပြည်သို့ တင်ပို့သော မီးသွေး ဈေးတက်

ဧပြီ ၁၀။

ရှမ်းပြည်မြောက်ပိုင်း နမ့်ခမ်းမြို့မှတရုတ်ပြည်သို့ ယခင်ကထက် မီးသွေး ပိုမိုတင်ပို့လာကြသဖြင့် မီးသွေးဈေးတက်ကာ ဒေသခံများ အခက်အခဲ တွေ့လျက်ရှိကြောင်း ဒေသခံများထံမှ စုံစမ်းသိရှိရသည်။

ယခင်က မီးသွေးတစ်ပိဿာ (အရော) ကျပ် ၄၀၀ မှ ယခု ၅၅၀၊( သန့်စင် )ကျပ် ၅၀၀ မှ ၆၅၀ အထိ ဈေးတက်သွားကြောင်း သတင်းရရှိသည်။

မီးသွေးကို နမ့်ခမ်းမြို့မှ ၁၀ မိုင်အကွာ တောင်ကုန်းများ၌ မီးသွေးဖုတ်ကြကြောင်း၊ မီးသွေးဖုတ်သူများက အစိုးရတပ်၊ ပန်းဆေး ပြည်သူ့စစ်နှင့် ပလောင် (တအာန်း) ပြည်သူ့စစ်တို့ ထိန်းချုပ်သည့် နယ်မြေများအတွင်း သစ်ခုတ်ယူရန် အကွက်လိုက် နယ်မြေဧရိယာများ ဝယ်ယူကြရကြောင်း ယင်း နောက်မှ မီးသွေးဖုတ်ရာနေရာတွင် မီးသွေးကုန်သည်များက သွားရောက်ဝယ်ယူကာ တရုတ်ပြည်ဖက်သို့ တင်ပို့ ရောင်းချနေကြောင်း စုံစမ်းသိရသည်

နမ့်ခမ်းရှိ မန့်ဟောင်းနှင့် ကုန်းဆာလှေဆိပ်တွင် ထော်လာဂျီစင်းလုံး၊ ကားစင်းလုံး လှေပေါ်တင်ကာ တရုတ်ကမ်းဘက်၌ လက်ကားရောင်းချ ကြောင်း၊ တရုတ်ပြည်သို့ မတင်မီ ကုန်သည်များက မီးသွေးအလေးချိန်တိုးစေရန် မီးသွေးများကို ရေပက်ဖျန်းကြကြောင်း ၎င်းက ဆိုသည်။

သစ်တောခုတ်ပြီး မီးသွေးဖုတ်ကြသဖြင့် နမ့်ခမ်းမြို့နယ်အတွင်းရှိ တောင်ပေါ်၌ သစ်တောများ ပြုန်းတီးလာမှုအပေါ် နမ့်ခမ်းမြို့နယ် ဒေသခံ များက စိုးရိမ်နေကြကြောင်းလည်း သိရသည်။

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

သင်္ဃန်းကျွန်း NDF တွင် လသာမှ ကိုယ်စားလှယ် ဦးကြည်မြင့်ပါဝင်မည်

ရန်ကုန်၊ ဧပြီ ၁၁။

လသာမြို့နယ်မှ ပြည်သူ့လွှတ်တော်ကိုယ်စားလှယ် ဦးကြည်မြင့်သည် အမျိုးသား ဒီမိုကရေစီ အင်အားစုမှ ခွဲထွက်သည့်  သင်္ဃန်းကျွန်းအခြေစိုက် အမျိုးသား ဒီမိုကရေစီ အင်အားစုဘက်တွင် ပါဝင်မည်ဖြစ်ကြောင်း သိရသည်။

ယခုလ ၅ရက်နေ့က သင်္ဃန်းကျွန်းအခြေစိုက် အမျိုးသားဒီမိုကရေစီအင်အားစုမှ ခေါင်းဆောင်ဖြစ်သူ ဦးသိန်းညွန့်ထံသို့ ဦးကြည်မြင့်မှ ၎င်းအနေ ဖြင့် သင်္ဃန်းကျွန်း NDF နှင့် ပူးပေါင်းမည်ဖြစ်ပြီး ဦးသန်းငြိမ်း၊ ဦးခင်မောင်ဆွေတို့ ဦးဆောင်သော NDF တွင် ဆက်လက် ပါဝင်ခြင်းပြုမည် မဟုတ်တော့ ကြောင်း စာဖြင့်ရေးသားအကြောင်းကြားခဲ့သည်ဟု သိရ သည်။

ပြည်သူ့မျက်နှာ တစ်ခုတည်းကိုပဲ ကြည့်မှာဖြစ်တယ်၊ အမျိုးသားလွှတ်တော်၊ ပြည်သူ့လွှတ်တော်၊ တိုင်းဒေသကြီး လွှတ်တော် ကိုယ်စားလှယ်တွေ ထဲကလည်း သင်္ဃန်းကျွန်းအခြေစိုက်NDF နဲ့ ပူးပေါင်းသွားကြဖို့ ရှိတယ် ဟု ဦးသိန်းညွန့်က ပြောကြားခဲ့သည်။

အမျိုးသားဒီမိုကရေစီအင်အားစုမှ ဦးခင်မောင်ဆွေကမူ လူအနည်းငယ် ပဲ့ထွက်သွားယုံမျှဖြင့် ပါတီနှစ်ခြမ်းကွဲပြီ ဟု မဆိုနိုင်ကြောင်း၊ လူအင်အား မျှတစွာကွဲမှသာ ပါတီကွဲခြင်းဖြစ်သည်ဟု ပြောဆိုခဲ့သည်။

ရွေးကောက်ပွဲတွင် အသုံးစားရိတ်ကိစ္စများနှင့် အခြား ခေါင်းဆောင်မှုဆိုင်ရာ အငြင်းပွားမှုများဖြင့် ဦးသိန်းညွန့် ဦးဆောင်သော ရာဂဏန်းမျှရှိ သည့်အုပ်စုမှာ ဦးခင်မောင်ဆွေ၊ ဒေါက်တာသန်းငြိမ်း ဦးဆောင်သည့် ဆွေငြိမ်းအုပ်စုမှ ခွဲထွက်ခဲ့ပြီဟု လွန်ခဲ့သည့်ရက်များကပင် မီဒီယာများတွင် ပြော ကြားခဲ့သည်။

-------------------------------------------------------------------------------------------------------------

ကျားဖြူပါတီ ၂၁ ရာစု ပင်လုံညီလာခံ လက်မခံ

ဧပြီ ၁၀။

၂၁ ရာစု ပင်လုံညီလာခံ (သို့မဟုတ်) ဒုတိယ ပင်လုံညီလာခံ ကျင်းပရေး အစီအစဉ်ကို ၂၀၁၀ ရွေးကောက်ပွဲဝင် ရှမ်းတိုင်းရင်းသားများ ဒီမိုကရက် တစ်ပါတီ ခေါ် ကျားဖြူပါတီ (SNDP) က လက်မခံနိုင်ကြောင်း ထုတ်ဖော်ပြောဆိုလိုက်သည်ဟု သတင်းရရှိသည်။

“ကျားဖြူပါတီအနေနဲ့ ဒုတိယ ပင်လုံညီလာခံကို လုံးဝ နားမလည်ဘူး။ ကျွန်တော်တို့ပါတီ သဘောထားကတော့ ဒုတိယ ပင်လုံညီလာခံကို လုံးဝ လက်မခံနိုင်ဘူး။” ဟု ကျားဖြူပါတီမှ စီးပွားရေးတာဝန်ခံ ဦးစောသန်းမြင့်က ပြောကြားသည်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ယမန်နှစ် နိုဝင်ဘာလတွင် နေအိမ်အကျယ်ချုပ်မှ လွတ်မြောက်လာပြီးနောက် တိုင်းရင်းသားများ အားလုံး ပါဝင်နိုင်မည့်  ၂၁ ရာစု ပင်လုံညီလာခံ ခေါ်ယူသင့်ကြောင်း ပြောဆိုခဲ့သည်။

ဦးစောသန်းမြင့် ပြောကြားရာတွင် လွတ်လပ်ရေးမရမီ ၁၉၄၇ ခုနှစ်၌ ပြုလုပ်ခဲ့သော ပင်လုံညီလာခံကို ရှမ်စော်ဘွားများ ဦးဆောင်၍ ပြုလုပ်ခဲ့ သော်လည်း ၎င်းတို့တောင်းဆိုခဲ့သော အခွင့်အရေးများ ယနေ့တိုင် ခံစားခွင့်မရှိဘဲ ဆုံရှုံးခဲ့ရကြောင်း၊ ထို့ကြောင့် နောက်ထပ်တစ်ကြိမ် အခွင့်အရေး ဆုံးရှုံး မည်ကို လက်မခံနိုင်ကြောင်း၊ သို့ဖြစ်၍ တရားဝင်ပါတီအားလုံး ညှိနှိုင်း၍ လက်ရှိအစိုးရကို တိုက်တွန်းတောင်းဆိုခြင်း၊ ဆွေးနွေးခြင်းကိုသာ ဆောင်ရွက် သွားမည် ဖြစ်ကြောင်း ပြောသည်။

တစ်ဖက်တွင် ကျားဖြူပါတီ ပါဝင်သော “ဒီမိုကရေစီ မိတ်ဆွေပါတီများ” ဟု မိမိဘာသာခေါ်ဆိုသည့် ၂၀၁၀ ရွေးကောက်ပွဲဝင် ပါတီ (၁၀)ခု က ပြည်တွင်းလက်နက်ကိုင် ပဋိပက္ခကို ပြေငြိမ်းစေရန် သက်ဆိုင်သူ အားလုံးတက်ရောက်ညှိနှိုင်း အဖြေရှာနိုင်သည့် ပြည်ထောင်စု ညီလာခံတစ်ရပ်ကို အစိုးရ သစ်က ပြုလုပ်ကျင်းပပေးရန် တောင်းဆိုထားသည်။

ပြည်ထောင်စု ညီလာခံတစ်ရပ် ဖြစ်ပေါ်လာရန်အတွက် လိုအပ်လျှင် နိုင်ငံရေး ပါတီကြီးများဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၊ တိုင်းရင်းသား စည်းလုံးညီညွတ်ရေးပါတီ နှင့် ၂၀၀၈ ဖွဲ့စည်းပုံ အခြေခံဥပဒေနှင့်အညီ ဖွဲ့စည်းထားသော တရားဝင် နိုင်ငံရေးပါတီများဖြင့်သာ ညှိ နှိုင်းဆောင်ရွက်လိုကြောင်းလည်း ကျားဖြူပါတီမှ ပြောကြားခဲ့ပါ သည်။

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

၂၀၁၀ မှစ၍ ပြည်တွင်စီးပွားရေးလုပ်ငန်းရှင်များအနေဖြင့် အသံလွှင့်မီဒီယာလုပ်ငန်းများတွင် ဝင်ရောက်လုပ်ကိုင်လျက်ရှိပြီး ထပ်မံ၍ မီဒီယာ လုပ်ငန်း တစ်ခုဖြစ်သော ပုံနှိပ်မီဒီယာလုပ်ငန်းများတွင် ဝင်ရောက်လုပ်ကိုင်ရန် စီစဉ်ဆောင်ရွက်မှုများရှိလာကြောင်း အဆိုပါအသိုင်းအဝိုင်းက ပြောသည်။

အဆိုပါလုပ်ငန်းများလုပ်ကိုင်ရန်အတွက် လက်ရှိပုံနိုပ်မီဒီယာလောကတွင် လုပ်ကိုင်နေသူများအား လာရောက်ကမ်းလှမ်းမှု များလည်းရှိလာ ကြောင်း မီဒီယာလောကမှ စုံစမ်းသိရှိရသည်။

ဝင်ရောက်လုပ်ကိုင်ရန် စီစဉ်လျက်ရှိသည့် စီးပွားရေးလုပ်ငန်းရှင်များမှာ ဆက်သွယ်ရေးလုပ်ငန်း၊ စီမံကိန်းလုပ်ငန်းများတွင် လိုအပ်လျက်ရှိသည့် စက်ပစ္စည်းများ တင်သွင်းသည့်လုပ်ငန်း၊ ဆောက်လုပ်ရေးလုပ်ငန်း၊ ဘဏ်လုပ်ငန်းစသည်တို့တွင်လုပ် ကိုင်လျက်ရှိကြောင်း သိရသည်။

ဧပြီ ၈ ထုတ် မြန်မာပို့စ် ဂလိုဘယ် အမှတ်(၅) တွင်ပါသည့် "ထိပ်သီးစီးပွားရေးလုပ်ငန်းရှင်ကြီးအချို့ ဂျာနယ်ထုတ်ဝေရန် စီစဉ်" သတင်းမှ ကောက်နှုတ်ချက်

--------------------------------------------------------------------------------------------------------------------------

"ကုမ္ပဏီကနေ ဓာတုဓာတ်မြေသြဇာကို အကြွေးချပေးတယ်။ တစ်သီးစားနှစ်သီးစားလို့ပြောတယ်။ တကယ်တော့ ဒါတွေက တစ်ခါသုံးစွဲရင် နောက်တစ်ခါမှာ နှစ်ဆ ပြန်လည်အသုံးပြုရပါတယ်။ ဒါဆိုရင် မြေဆီသြလွှာမာလာမယ်။ စားသုံးတဲ့သူတွေမှာတောင် အသက်အန္တရာယ်ရှိလာနိုင်ပါတယ်"

စီးပွားရေးလုပ်ငန်းရှင်များအနေဖြင့် ဓာတုဓာတ်မြေသြဇာမှ သဘာဝဓာတ်မြေသြဇာသို့ ပြောင်းလဲထုတ်လုပ်၍  အရစ်ကျပေးချေးသော အကြွေး စနစ်ဖြင့် တောင်သူလယ်သမားများနှင့် စိုက်ပျိုးရေး လုပ်ကိုင်သူများအား ရောင်ချ ကူညီသင့်ကြောင်း ၎င်းကဆိုသည်။

ဧပြီ ၈ ထုတ် The HOT NEWS အတွဲ(၁) အမှတ် (၃၆) တွင်ပါသည့် " ဓာတ်မြေသြဇာအကြွေးစနစ်ဖြင့် အသုံးပြုမှုများ၍ အန္တရာယ်ရှိနိုင်" သတင်းမှ ကောက်နှုတ်ချက်

-------------------------------------------------------------------------------------------------------------------------------

"အာဆီယံဒေသတွင်း နိုင်ငံတွေကြားမှာ ၂၀၁၅ ခုနှစ်ကျရင် အာဆီယံဘုံဈေးကွက်အဖြစ် ထူထောင်ဖို့ အဖွဲ့ဝင်နိုင်ငံတွေ အားလုံးက သဘောတူ လက်မှတ်ရေးထိုးထားကြသလို ဒေသတွင်းနိုင်ငံအချင်းချင်း စီးပွားရေးအရ ယှဉ်ပြိုင်ဖို့ ပြင်ဆင်နေကြပြီ။ ဒီလိုပြင်ဆင်တဲ့နေရာမှာ သူတို့နိုင်ငံရဲ့ ထုတ် ကုန်တွေ ပြည်ပဈေးကွက်မှာ နေရာရဖို့အတွက် ကုန်သွယ်မှုနဲ့ပတ်သက်လို့ အတားအဆီးမရှိလွတ်လွတ်လပ်လပ် တင်ပို့ခွင့်ပြုထားတဲ့အပြင် အကောက်ခွန် တွေလည်း လျော့ပေးနေတယ်။ ကျွန်တော်တို့နိုင်ငံမှကျတော့ ဟိုးအရင်ကတည်းက ခုချိန်ထိ ပြည်ပကို ကုန်ပစ္စည်းတွေ ပို့မယ်သွင်းမယ်ဆိုရင် ပို့ကုန်သွင်း ကုန်လိုင်စင်တွေ လျှောက်ထားရတာတို့၊ လိုင်စင်ရဖို့အတွက်ကလည်း ကြန့်ကြာမှုတွေရှိတဲ့အတွက်လာဘ်ပေးလာဘ်ယူမှုတွေ ပြုလုပ်ရတာတို့က ရှိနေ တယ်"

ဧပြီ ၇ထုတ် POPULAR News အတွဲ(၃) အမှတ်(၁၄) တွင်ပါသည့် " ပြည်ပကုန်သွယ်ရေးကဏ္ဍ မလိုအပ်သော အတားအဆီများ ဖယ်ရှား ပေးရန်လို" သတင်းဆောင်းပါးမှ ဗဟိုဘဏ်ဒုဥက္ကဋ္ဌ(ငြိမ်း) ဦးသန်းလွင်၏ ပြောကြားချက်အပေါ် ကောက်နှုတ်ချက်

------------------------------------------------------------------------------------------------------------------------------

"တစ်ခါတလေမှာ အလုပ်လုပ်ပြီး ပြန်လာတဲ့သူတွေက လူပြန်ခေါ်ပေးတာတွေလည်း ရှိတယ်။ ခေါ်ပေးရင် ဘယ်လောက် ပေးမယ်ဆို ပြောလိုက် တော့ လူတွေကို ပိုပိုသာသာလေးနဲ့ပြောပြီးခေါ်တယ်။ အဲဒါမျိုးတွေကလည်း လူကုန်ကူးမှု မြောက်နေတာကို မသိတာတွေရှိတယ်။ အဲဒီအလုပ်တွေက တကယ်ပဲ သူတို့ပြောခေါ်တဲ့ ဝန်ဆောင်မှုတွေပေးနိုင်ရ့လားဆိုတာ သေချာသိထားသင့်တယ်"

ဧပြီ ၇ထုတ် 7Day news အတွဲ(၁၀) အမှတ်(၅) တွင်ပါသည့် " ရေနက်ဆိပ်ကမ်း အလုပ်အကိုင်အကြောင်းပြု၍ ပေါ်ပေါက်လာနိုင်သော လူကုန်ကူးမှု သတိထားရန်လို" သတင်းမှ United Nations Inter-Agency Project on Human Trafficing (UNIAP) ၏ တာဝန်ရှိသူတစ်ဦး

××××××××××××××××××××××××××××××××××××××××××××××××××××××××××××××××


Google Docs makes it easy to create, store and share online documents, spreadsheets and presentations.
Logo for Google Docs