Transparency Myanmar

transparency.myanmar@gmail.com

yangonchronicle 2011
yangonchronicle 2011

၃၀.၇.၂၀၁၁

ပြည်တွင်းသတင်းများ

ဆိုင်ကယ်ဖမ်းရန် မြို့နယ်အုပ်ချုပ်ရေးမှူးများကို တာဝန်ပေး

ရန်ကုန်၊ ဇူလိုင်၃၀။

ရန်ကုန်တိုင်းဒေသကြီးအတွင်း ဌာနဆိုင်ရာများ စီးနင်းနေသော ဆိုင်ကယ်များကို သြဂုတ်လမှစတင်ကာ သက်ဆိုင်ရာ မြို့နယ်အုပ်ချုပ်ရေးမှူး ရုံးများက ဖမ်းဆီးအရေးယူရန် ညွှန်ကြားချက်တစ်စောင် ထုတ်ပြန်ထားကြောင်း ရန်ကုန်တိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးကဆိုသည်။

၂၀၁၁ ခုနှစ်မှစတင်ကာ ရန်ကုန်မြို့တွင်း ဆိုင်ကယ်စီးနင်းခွင့်အား ပိတ်ပင်ထားသော်လည်း သက်ဆိုင်ရာဌာနဖြစ်သော ယာဉ်စည်းကမ်း ထိန်းသိမ်းရေးဌာနမှ ဦးဆောင်၍ စည်းကမ်းဖောက်ဖျက်နေခြင်းကြောင့် မြို့နယ်အုပ်ချုပ်ရေးမှူးများအား ယခုကဲ့သို့စာထုတ်၍ ဖမ်းဆီးခိုင်းရခြင်း ဖြစ်ကြောင်း ဆိုသည်။

“ရန်ကုန်တိုင်းဒေသကြီးမှာ စီးခိုင်းတာက YESB က ဆိုင်ကယ် ၆၅ စီးပဲ။ အဲဒီဆိုင်ကယ်တွေကိုလဲ အရေးပေါ်လျှပ်စစ်အဖွဲ့ကိုပဲ ထုတ်ပေးထားတာ၊ အခုကျတော့ တိုင်းဒေသကြီးတစ်ခုလုံးမှာ ယူနီဖောင်းဝတ်ပြီး ဆိုင်ကယ်တွေစီးနေတာ များလာလို့ ညွှန်ကြားချက် ထုတ်ပြန်ရတာပါ”ဟု အဆိုပါ တာဝန်ရှိသူ တစ်ဦးက ဆိုသည်။

သြဂုတ်မှစတင်ကာ ဖမ်းဆီးရမိသောဆိုင်ကယ်အား နိုင်ငံ့ဘဏ္ဍာအဖြစ် သိမ်းဆည်းမည်ဖြစ်ကာ၊ မောင်းနှင်သူအား တည်ဆဲဥပဒေများအရ အရေးယူမည်ဖြစ်ကြောင်း သိရှိရသည်။

“ဌာနဆိုင်ရာ ဝန်ထမ်းဆိုလည်း ဖမ်းလိုက် ပြီးမှရှင်းလို့တော့ အထက်က ညွှန်ကြားထားတာပဲ”ဟု မြောက်ဥက္ကလာပမြို့နယ် အုပ်ချုပ်ရေးမှူးရုံးမှ ဝန်ထမ်းတစ်ဦးက ဆိုသည်။

ရန်ကုန်တိုင်းဒေသကြီးတွင် ခရိုင်လေးခုရှိသည့်အနက် တောင်ပိုင်းခရိုင်တွင်သာ ဆိုင်ကယ်စီးနင်းမှု ခွင့်ပြုပြီး ကျန်ခရိုင်များတွင် စီးနင်းခွင့် ပိတ်ပင် ထားကြောင်း သိရှိရသည်။

YC(KS)

-------------------------------------------------------------------------------------------------------------

အာရှကိုးနိုင်ငံ စုပေါင်းငွေပေးချေစနစ် အသက်ဝင်ရန် ဗဟိုဘဏ်ကြိုးပမ်း

အာရှကိုးနိုင်ငံ စုပေါင်းကျင့်သုံးနိုင်သော ACU (Asian Clearing Union)ကို အသက်ဝင်ရန် မြန်မာနိုင်ငံတော် ဗဟိုဘဏ်က ကြိုးပမ်းလျက်ရှိ ကြောင်း သိရသည်။

မြန်မာ၊ အိန္ဒိယ၊ ဘင်္ဂလားဒေရှ့်၊ ဘူတန်၊ အီရန်၊ နီပေါ၊ ပါကစ္စတန်၊ သီရိလင်္ကာနှင့် မော်လဒိုက်တို့ပါဝင်သော အဆိုပါ စုပေါင်းငွေပေးချေစနစ် အကြောင်း မိတ်ဆက်ပွဲကို ဇူလိုင် ၂၈ ရက် က ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်တွင် ကျင်းပခဲ့သည်။

စီးပွားရေးပိတ်ဆို့မှုကြောင့် ကုန်သည်များငွေပေးချေရာ၌  စင်ကာပူနိုင်ငံအခြေစိုက် ဘဏ်များမှတဆင့်သာ ပြုလုပ်နေရရာမှ အဆိုပါ ငွေပေးချေ စနစ်ကို အသုံးပြု၍ အဖွဲ့ဝင်နိုင်ငံများအချင်းချင်း တိုက်ရိုက်ငွေပေးချေနိုင်ကြောင်း မြန်မာနိုင်ငံ ဗဟိုဘဏ်မှ ဒုညွန်ကြားရေးမှူး ဒေါ်သန်းသန်းဆွေက ယင်း မိတ်ဆက်ပွဲတွင် ပြောဆိုခဲ့သည်။

ယခင်က ကုမ္ပဏီအချင်းချင်းငွေပေးချေမှုတွင် အချိန်များစွာကြာမြင့်သော်လည်း ယခုအခါ ယင်းစနစ်ကို အသုံးပြု၍ ငွေပေးခေခြင်းဖြင့် ၃၊ ၄ ရက်ခန့် အတွင်း ပြီးစီးအောင် ဆောင်ရွက် ပေးနိုင်မည်ဖြစ်ကြောင်း ၎င်းက ဆိုသည်။

ACU ဖြင့်ငွေပေးချေရာ၌ ACU ဒေါ်လာ တစ်ယူနစ်ကို အမေရိကန်ဒေါ်လာ တစ်ဒေါ်လာနှင့် ညီမျှသည်ဟု သတ်မှတ်ထားပြီး ACU ယူရိုကိုလည်း ယူရို တစ်ဒေါ်လာနှင့် ညီမျှသည်ဟု သတ်မှတ်ထားကြောင်း မြန်မာနိုင်ငံတော် ဗဟိုဘဏ် ညွန်ကြားရေးမှုး ဦးမောင်မောင်က ပြောဆိုသည်။

“အသင်းဝင် နိုင်ငံတွေက ဗဟိုဘဏ်တွေ နောက်ခံပေးထားတဲ့အတွက် လုံခြုံတယ်”ဟု စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ အဆင့်မြင့် အရာရှိတစ်ဦးက ပြောသည်။

မြန်မာကုန်သည်များသည် အဓိက ကုန်သွယ်ဖက်နိုင်ငံများဖြစ်သော အိန္ဒိယ၊ ဘင်္ဂလားဒေရ်ှနိုင်ငံတို့နှင့် ကုန်သွယ်ရာတွင် စင်ကာပူနိုင်ငံမှ တဆင့် သာ ငွေပေးချေမှု ပြုလုပ်လေ့ရှိပြီး အထက်စနစ်ကို သိရှိခြင်းပင် မရှိကြောင်း ပြောဆိုကြသည်။

ယင်းစနစ်၏ အားနည်းချက်မှာ အဖွဲ့ဝင်နိုင်ငံများအချင်းချင်းကုန်သွယ် ငွေပေးချေရာ၌သာ အသုံးပြုနိုင်ခြင်းဖြစ်ကြောင်း ကုန်သည်အချို့က ဆိုသည်။

“အချို့နိုင်ငံတွေက လေ့လာဆဲ အဆင့်သာရှိပါသေးတယ်။ အဖွဲ့မ၀င်သေးပါဘူး”ဟု ဒေါ်သန်းသန်းဆွေက ရှင်းပြသည်။

ACU စနစ်ဖြင့် ချိတ်ဆက် ငွေပေးချေနိုင်ရန် အဖွဲ့ဝင် ကိုးနိုင်ငံရှိ ဘဏ်ပေါင်း ၃၈ ခုနှင့် ဆက်သွယ်ထားပြီး မြန်မာနိုင်ငံတွင် မြန်မာ့ရင်းနှီးမြုပ်နှံမှုနှင့် ကူးသန်းရောင်းဝယ်ရေးဘဏ်၊ နိုင်ငံခြားကုန်သွယ်မှုဘဏ်၊ မြန်မာ့စီးပွားရေး ဘဏ်တို့မှ တဆင့် ငွေပေးချေနိုင်သည်။

TH

-------------------------------------------------------------------------------------------------------------

နိုင်ငံခြားငွေလဲလှယ်မှု နှုန်းထားများ တရားဝင်သတ်မှတ်နိုင်ရေး ဦးစားပေးဆောင်ရွက်မည်

မြန်မာနိုင်ငံတွင် နိုင်ငံခြားငွေကြေးဈေးကွက် စနစ်တကျဖြစ်ပေါ်ရေးနှင့် ငွေလဲနှုန်း တရားဝင်သတ်မှတ် ဆောင်ရွက်နိုင်ရေးကို ဦးစားပေး ဆောင် ရွက်သွားမည်ဖြစ်ရာ နိုင်ငံခြားငွေလဲနှုန်းတရားဝင် သတ်မှတ်နိုင်ရေးအတွက် အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF နှင့် ပူးပေါင်းဆောင်ရွက် သွားမည် ဖြစ်ကြောင်း မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ဦးမောင်မောင်ဝင်းက ပြောကြားသည်။

ဇူလိုင်လ ၂၂ ရက်နေ့က နေပြည်တော်တွင် ကျင်းပသော ဘဏ်များကြီးကြပ်ရေး ကော်မတီနှင့် မြန်မာနိုင်ငံ ဘဏ်များအသင်း အမှုဆောင်အဖွဲ့၏ စည်းအဝေးတွင် နိုင်ငံခြားငွေကြေးဈေးကွက်စနစ်တကျဖြစ်ပေါ်ရေးနှင့် ငွေလဲနှုန်း တရားဝင် သတ်မှတ်ဆောင်ရွက်နိုင်ရေးကို ဦးစားပေး ဆောင်ရွက်သွား မည် ဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီး ဦးလှထွန်းက ပြောကြားခဲ့သည်။

မြန်မာကျပ်ငွေနှင့် နိုင်ငံခြားခြားငွေလဲလှယ်မှုနှုန်းထားများ ပြုပြင်ပြောင်းလဲနိုင်ရေးအတွက် အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) နှင့် ပူးပေါင်းဆောင်ရွက်သွားမည်ဖြစ်ကြောင်း ဦးမောင်မောင်ဝင်းက ပြောကြားသည်။

မြန်မာနိုင်ငံကို ကမ္ဘာ့ဘဏ်နှင့် IMF တို့က ၁၉၈၇ ခုနှစ်မှစတင်ကာ ငွေကြေးအထောက်အပံ့များကို ရပ်ဆိုင်းထားသောကြောင့် IMF ဆီမှ နည်း ပညာ အကူအညီများသာ ရရှိနိုင်ကြောင်း စီးပွားရေးလုပ်ငန်းရှင်များမှ ပြောကြားသည်။

မြန်မာနိုင်ငံတော် ဗဟိုဘဏ်မှ တရားဝင်သတ်မှတ်ထားသော နိုင်ငံခြားငွေလဲလှယ်မှု နှုန်းထားမှာ အမေရိကန် ၁ ဒေါ်လာလျှင် မြန်မာကျပ်ငွေ ၆ ကျပ် နှုန်းသာသတ်မှတ်ထားပြီး ပြင်ပငွေကြေးလဲလှယ်မှုနှုန်းထားမှာ အမေရိကန် ၁ ဒေါ်လာ လျှင် မြန်မာကျပ်ငွေ ၈၀၀ ဝန်းကျင်ရှိကြောင်း သိရသည်။

အပြည်ပြည်ဆိုင်ရာငွေကြေး ရန်ပုံငွေအဖွဲ့တွင် အဖွဲ့ဝင်နိုင်ငံပေါင်း ၁၈၇ နိုင်ငံရှိပြီး ကမ္ဘာနိုင်ငံများ၏ ငွေကြေးနှင့် ဘဏ္ဍာရေးမူဝါဒများ တည်ငြိမ် ရေးတို့ကို အကူအညီပေးလျက်ရှိကြောင်း သိရသည်။

မြန်မာနိုင်ငံမှ IMF နှင့် ကမ္ဘာဘဏ်သို့ ၁၉၅၂ ခုနှစ်တွင် အဖွဲ့ဝင်အဖြစ် စတင် ၀င်ရောက်ခဲ့ကြောင်း သိရသည်။

 

                                                                                                    Ref : The Voice Weekly

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

အစိုးရ၏ Proxy ပါတီများ ဒီမိုမိတ်ဆွေပါတီများအစုအဖွဲ့တွင် မပါဝင်တော့ဟုဆို

၂၀၁၀ ရွေးကောက်ပွဲတွင် စစ်အစိုးရဝန်ကြီး ဦးအောင်သောင်း ထောက်ပံ့မှုဖြင့် ဝင်ရောက်ယှဉ်ပြိုင်ခဲ့သော မန္တလေးတိုင်းဒေသကြီး အခြေစိုက် ဝံသာနု(NLD)ပါတီ နှင့် အမျိုးသားနိုင်ငံရေး မဟာမိတ်အဖွဲ့ချုပ် (NPA)တို့သည် ဒီမို မိတ်ဆွေပါတီများ အစုအဖွဲ့တွင် မပါဝင်တော့ကြောင်း ယင်းအစုအဖွဲ့ တွင် ပါဝင်သည့် နိုင်ငံရေးပါတီတစ်ခုမှ တာဝန်ရှိသူတစ်ဦးက ဆိုသည်။

အဆိုပါ ပါတီနှစ်ခုသည် မိတ်ဆွေပါတီများအဖွဲ့မှ တရားဝင်နှုတ်ထွက်စာ တင်ထားခြင်း မရှိသော်လည်း မိမိတို့က ယင်းတို့အား နှုတ်ထွက်သကဲ့သို့ မှတ်ယူထားကြောင်း အဆိုပါတာဝန်ရှိသူက ဆက်လက်ပြောကြားသည်။

“အကုန်လုံး စုစုစည်းစည်း လုပ်ကြဖို့ရည်ရွယ်ပြီး၊ သူတို့ကို နေရာပေးခဲ့တာ သူတို့လုပ်ပုံတွေက မိတ်ဆွေပါတီတွေက ရှေ့လုပ်ငန်းစဉ်တွေကို မသွားနိုင်ဘဲ၊ သူတို့ရဲ့ ပြဿနာတွေကိုပဲ ဖြေရှင်းပေးနေရတယ်”ဟု ယင်းက ဆိုသည်။

နိုင်ငံရေးပါတီ ၁၁ ခုဖြင့် ဖွဲ့စည်းခဲ့သော ဒီမိုမိတ်ဆွေပါတီများ အစုအဖွဲ့တွင် ယခုအခါ နိုင်ငံရေးပါတီ ၉ ခုသာ လှုပ်ရှားမှုများ လုပ်ဆောင်ရာတွင် ပါဝင်တော့သည်။

မိတ်ဆွေပါတီများမှ လုပ်ဆောင်နေသော ကြားဖြတ်ရွေးကောက်ပွဲဆိုင်ရာ လုပ်ငန်းစဉ်များနှင့် ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးထံ ၂၀၁၀ ရွေးကောက်ပွဲသုံးသပ်ချက် စာတမ်းများတင်ပြရာတွင် ယင်းပါတီ နှစ်ပါတီမှ ပါဝင်ခြင်း မရှိကြောင်း သိရသည်။

ယခင်အစိုးရတွင် စက်မှု(၁)ဝန်ကြီး အဖြစ်တာဝန်ယူခဲ့သော ဦးအောင်သောင်းသည် ပြီးခဲ့သည့် နိုဝင်ဘာ ၇ ရက်နေ့ ရွေးကောက်ပွဲတွင် နိုင်ငံရေး ပါတီ ၆ ခုအား ၎င်း၏အထောက်အပံ့ဖြင့် ယှဉ်ပြိုင်စေခဲ့သည်။

YC(KS)

-------------------------------------------------------------------------------------------------------------

လွှတ်တော်ပုံမှန်အစည်းဝေး မကြာမီခေါ်ယူဖွယ်ရှိ

လွှတ်တော်အစည်းအဝေးများ မကြာမီ ခေါ်ယူဖွယ်ရှိကြောင်း အမျိုးသားဒီမိုကရေစီ အင်အားစုပါတီမှ ဒေါက်တာသန်းဝင်းမှ ဇူလိုင်လ ၃၀ ရက်နေ့ တွင် ပြောကြားသည်။

ရပ်ကွက်အုပ်ချုပ်ရေးမှူးခန့်အပ်ရေးဥပဒေများ၊ အသစ်ပြန်လည်ပြဋ္ဌာန်းသင့်သော ဥပဒေများ၊ ဖျက်သိမ်းသင့်သော ဥပဒေများနှင့် အသစ်ပြဋ္ဌာန်းရန် လိုအပ်သော ဥပဒေများကို ပြဋ္ဌာန်းရန်ရှိသည့်အတွက် မကြာမီကာလတွင် လွှတ်တော်အစည်းဝေးများ ပြန်လည်ခေါ်ယူနိုင်ကြောင်း လွှတ်တော်ကိုယ်စား လှယ်များထံမှ သိရသည်။

ခေတ်ကာလနှင့် လိုက်လျောညီထွေမှုရှိသော တယ်လီကွန်းဥပဒေတစ်ရပ်ကို လွှတ်တော်အစည်းဝေး ပြန်လည်ခေါ်ယူပါက တင်ပြနိုင်ရေးအတွက် မြန်မာ့ဆက်သွယ်ရေးလုပ်ငန်းမှ တယ်လီကွန်း ဥပဒေမူကြမ်းအား ပြည်ထောင်စု ရှေ့နေချုပ်ရုံးသို့ ပေးပို့ထားကြောင်း သိရသည်။

၂၀၁၁ ဇွန်လ ၂၄ ရက်နေ့တွင် ရန်ကုန်တိုင်းဒေသကြီး လွှတ်တော်တွင် ပြည်သူ့လွှတ်တော် ဥက္ကဋ္ဌ သူရဦးရွှေမန်းက ရန်ကုန်တိုင်းဒေသကြီး လွှတ်တော်ကိုယ်စားလှယ်များ၊ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်မှ တာဝန်ရှိသူများနှင့် တွေ့ဆုံပွဲ တွင် လွှတ်တော်အစည်းဝေး သုံးမျိုးရှိကြောင်းကို သိရန်လိုကြောင်း အမှာစကားပြောကြားရာတွင် ထည့်သွင်းပြောကြားခဲ့သည်။

အနည်းဆုံး ၂၁ ရက် ကြိုတင်ဖိတ်ကြားရသော ပုံမှန်အစည်းဝေး၊ အနည်းဆုံး ၁၅ ရက် ကြိုတင်ဖိတ်ကြားရသော အထူးအစည်းအဝေးနှင့် အနည်းဆုံး ၃ ရက် ကြိုတင်ဖိတ်ကြားရသော အရေးပေါ်အစည်းဝေးဟူ၍ လွှတ်တော်အစည်းဝေး သုံးမျိုးရှိပြီး ပုံမှန်အစည်းဝေး တစ်ကြိမ်နှင့် တစ်ကြိမ် အကြား ၁၂ လထက် ပို၍မကြာစေရဟု သတ်မှတ်ထားကြောင်း သိရသည်။

                                                                                        Ref : The Voice Weekly

 

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ရန်ကုန်တိုင်းဒေသကြီးအတွင်းရှိ 'လာဘ်အစားဆုံးကျောင်း ၁၉ ကျောင်း'ကို ကျောင်းအပ်ရာသီမတိုင်မီ ရန်ကုန်တိုင်း ဒေသကြီးအစိုးရက  ခေါ်ယူသတိပေး ခဲ့သည့်ဟု လွန်ခဲ့သည့် မေလအတွင်းက အိန္ဒိယနိုင်ငံ၊ နယူဒေလီမြို့အခြေစိုက် 'မဇ္စိုမ' သတင်းဌာနက ရေးသားဖော်ပြခဲ့သည့်သတင်းကို ရည်ညွှန်းကာ ဦးမြင့်ဆွေက ပြောကြားခြင်းဖြစ်သည်။

တိုင်းဒေသကြီးအစိုးရအဖွဲ့အနေဖြင့် အဆိုပါကျောင်းများမှာ 'လာဘ်အစားဆုံး' ကျောင်းများဖြစ်သည် ဟု ပြောကြားခဲ့ ဖူးခြင်း မရှိဟုဆိုသည်။

ဇူလိုင် ၂၉ ထုတ် မြန်မာတိုင်းမ် အတွဲ (၂၇) အမှတ် (၅၂၈) တွင်ပါသည့် "ပြည်ပမီဒီယာတစ်ခု မှားယွင်းစွာရေးသားခဲ့ဟု ရန်ကုန်တိုင်းဒေသကြီး ဝန်ကြီးချုပ်က ပြောကြား" သတင်းမှ ကောက်နှုတ်ချက်

-------------------------------------------------------------------------------------------------------------

"နိုင်ငံတော်မှာ ကျင့်သုံးနေတဲ့ ဈေးကွက်စီးပွားရေးစနစ်အရ မလုပ်နိုင်ရင် ပုဂ္ဂလိကကိုလွှဲဆိုတော့ ကျွန်တော်တို့ဌာန သုံးတာ ကျပ် ၁၀၀ ဆိုရင် ၁၀၀ ပြည့် အောင် ပြန်ရှာတဲ့ပုံစံပါပဲ။ ကူးတို့လမ်းတွေ အကုန်လုံးအရင် ၁၀ ကျပ်၊ ၂၀ ကျပ်တွေ အကုန်တစ်ပြေးညီ ကျပ် ၅၀ဖြစ်ပြီး ကုန်တင်ခနှုန်းနဲ့ ခရီးလမ်းတွေ လည်း တစ်ဆသဘောမျိုး တက်သွားတယ်။ ဒီဇယ်ဆီနဲ့ ပြေးနေရတာကျွန်တော်တို့က မကိုက်တော့ဘူး"

ဇူလိုင် ၂၉ ထုတ် မြန်မာတိုင်းမ် အတွဲ (၂၇) အမှတ် (၅၂၈) တွင်ပါသည့် "ပြည်တွင်းရေကြောင်း သဘောင်္လက်မှတ်ခများ ဈေးတိုးမြင့်" သတင်းမှ မြစ်ဝကျွန်းပေါ်ဌာနခွဲမှ လက်ထောက်မန်နေဂျာ ဦးသူရိန်ဝင်း၏ ပြောကြားချက်အပေါ် ကောက်နှုတ်ချက်

-------------------------------------------------------------------------------------------------------------

"သစ်ပင်စိုက်ပျိုးတဲ့လဆိုတာ သစ်ပင်စိုက်ဖို့အတွက်ပြည်သူကို ပူးပေါင်းပါဝင်လာအောင် လှုံ့ဆော်တဲ့သဘော၊ အသိပညာ ပေးလိုက်တဲ့သဘောပါ။ တကယ်တမ်း သစ်ပင်ဖြစ်လာဖို့ မလွယ်ပါဘူး။ သစ်ပင်စိုက်တယ်ဆိုတာ စနစ်တကျစိုက်ဖို့ လိုပါတယ်။ သစ်ပင်စိုက်ပျိုးခြင်းရဲ့တန်ဖိုးကို သိဖို့လိုတယ်။ တာဝန်ကျေ မစိုက်သင့်ဘူး။ တကယ်လိုအပ်တဲ့နေရာမှာ ဒေသနဲ့ လိုက်လျောညီထွေရှိစေမယ့် အပင်မျိုးကို ရွေးချယ်စိုက်ဖို့လိုတယ်။ စိုက်ပြီးတဲ့အခါမှာလည်း အပင်တွေရဲ့ ရှင်သန်မှု၊ သေဆုံးမှုတွေကို မှတ်တမ်းလုပ်ပြီး ခြောက်လ၊ တစ်နှစ်ကြာတဲ့အခါ ပြန်စစ်ဆေးသင့်တယ်။ စိုက်ခဲ့သလောက်သာ ရှင်သန်မယ်ဆိုရင် အခုရန်ကုန်က နေပြောက်တောင် မထိုးနိုင်ဘူး"

ဇူလိုင် ၂၉ ထုတ် မြန်မာတိုင်းမ် အတွဲ (၂၇) အမှတ် (၅၂၈) တွင်ပါသည့် "စိုက်ပျိုးခြင်းနှင့်အတူ ရေရှည်ထိန်းသိမ်း ခြင်းများ ဆောင်ရွက်မည်" သတင်းမှ မြန်မာငှက်နှင့် သဘောဝပတ်ဝန်းကျင်ထိန်းသိမ်းရေးအသင်းဥက္ကဋ္ဌ ဦးစိုးညွှန့်၏ ပြောကြားချက်အပေါ် ကောက်နှုတ်ချက်

-------------------------------------------------------------------------------------------------------------

နှုန်းရှင်ဆိုတာက ဈေးကွက်ရဲ့ ရောင်းလိုအားနဲ့ ဝယ်လိုအားအတိုင်းဖြစ်တာပဲ။ နှုန်းသေဆိုတာကတော့ တစ်ဒေါ်လာကို ကျပ်ဘယ်လောက်ဆိုတာ သတ်မှတ် တဲ့အခါ ဈေးကွက်ရဲ့ ဝယ်လိုအား၊ ရောင်းလိုအားနဲ့ မကိုက်ညီ တာမျိုးလည်း ဖြစ်နိုင်တယ်။ နှုန်းရှင်ကျတော့ ဈေးကွက်ရဲ့ ဝယ်လိုအား၊ ရောင်းလိုအားအတိုင်း ဖြစ်တာဆိုတော့ အဆင်ပြေတယ်။ အခုအချိန်မှာ ဒေါ်လာဈေးကျနေတာကို ပြန်စဉ်းစားကြည့်ရင် ဒေါ်လာတွေ ရှိတာများပြီး ဒေါ်လာအသုံးနည်းနေတာ တွေ့ရတယ်။ အဲဒါကြောင့် ဒေါ်လာဈေးက ကျနေတာ၊ ပရောဂျက်တွေ အတွက်ရတဲ့ ပိုက်ဆံတွေကတော့ ဒေါ်လာဈေး ပြန်ဆွဲတင်နိုင်ဖို့ ဒေါ်လာသုံးရန် စီးပွားရေးလုပ်ငန်းများလှုပ်ရှားဖို့ လိုပါတယ်။ စီးပွားရေးသမားတွေ လုပ်နိုင်အောင် လူတွေလက်ထဲ ငွေရောက်ရင် ငွေသုံးလာမယ်။ အဲဒါဆိုရင် စီးပွားရေးတွေ ပြန်ပြီး အသက်ဝင်လာမယ်လို့ထင်တယ်။ နောက်ဒေါ်လာဈေး ကျရတာက ဒေါ်လာကို သုံးသူနည်းနေလို့ ကျရတာမျိုး၊ ဒေါ်လာဝယ်သူနည်းရတဲ့ အကြောင်းက အင်ပို့နည်းနေလို့၊ အင်ပို့လုပ်သူတွေက ရောင်းဖို့ရာနှေးနေတော့ သူတို့တကယ်ရောင်းထွက်တဲ့အချိန် ဒေါ်လာဈေးက ကျတော့ ခံရတာလည်း ပါတယ်။

ဇူလိုင် ၂၉ ထုတ် မော်ဒန်ဂျာနယ် အမှတ် (၂၆၈) တွင်ပါသည့် စီးပွားရေးတက္ကသိုလ် အငြိမ်းစားပါမောက္ခ ဒေါ်လှမြင့်နှင့် အင်တာဗျူး ကောက် နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

သူငယ်ချင်း သုံးယောက်ရှိလေသည် ( ဇာတ်သိမ်းပိုင်း)

အခန်း(၄)

ရတီနှင့် ဖုန်းပြောရ၍ မောင်မိုးမြင့် အတော်မောသွားသည်။ ဖုန်းကို ဘေးချပြီး အိပ်ယာပေါ်ပစ်လှဲလိုက်ကာ မျက်စိမှိတ် ထားလိုက် သည်။ သို့ရာတွင် ရတီပြောသွားသည့် စကားတွေ နားထဲပြန်ကြားနေဆဲ၊ သူ့ဦးနှောက်က ရတီပြောခဲ့သမျှကို သေချာပြန်စဉ်းစားနေသည်။ ဦးနှောက်က အလုပ် လုပ်နေရင်းဖြင့်ပင် သူအိပ်ပျော်သွားတော့သည်။

“ဟဲ့သား၊ ညနေစောင်းနေပြီလေ၊ ထတော့၊ အပုပ်ချိန်ကြီး၊ မအိပ်ရဘူး၊ တော်ကြာဖျားနေဦးမယ်၊ အောက်မှာ အန်တီနုလဲ ရောက်နေတယ်၊ စန္ဒာ့အမေလေ၊ သားရောက်နေတယ်ဆိုလို့ မတွေ့တာကြာလို့တဲ့။ ဆင်းပြီးနှုတ်ဆက်လိုက်ပါဦး၊ ထထ သွားမျက်နှာသစ်နော်”

“ဟုတ်မေမေ၊ နေ့ခင်းအိပ်ပျော်တာ အကျင့်ကိုပါနေပြီမေမေရာ၊ အန်တီနုရောက်နေတာ ကြာပြီလားမေမေ၊ သား ဆင်းတွေ့လိုက် ဦးမယ်”

“မကြာသေးပါဘူးသားရဲ့၊ သွားသွားမျက်နှာလေးသစ်သွားဦး”

မျက်နှာသစ်ပြီး အောက်ထပ်ကို ဆင်းလာတော့ ဖေဖေနှင့် စကားပြောနေသည့် အန်တီနုကို တွေ့ရသည်။

                “အန်တီနု၊ နေကောင်းလား၊ အန်တီပိန်သွားတယ်”

                “အမလေး၊ အခုပဲ သားအကြောင်းမေးနေတာ၊ သားရယ် ဘယ်လိုဖြစ်တာလဲ မျက်မှန်ပါဝါက တနေ့တခြား တိုးလာပါလား၊ စာတွေ အတော်ကြိုးစား နေတယ်ဟုတ်လား”

“ မဟုတ်ပါဘူး အန်တီရယ်၊ ထင်လို့ပါ၊ ငါးဆယ်ပဲတိုးထားတာပါဟဲဟဲ”

“အေး ငါးဆယ်ဆိုမှ သတိရတယ်၊ မင်းသူငယ်ချင်းလဲ မျက်ရိုးတွေကိုက်လို့တဲ့၊ ဒီတစ်ခါ ရန်ကုန်ပြန်လာမှ မျက်မှန်လုပ် ပေးရဦးမယ်၊ ဆရာမကြီးကို”

“ဟုတ်သားပဲ ၊ အန်တီ စန္ဒာက ဘယ်မှာလဲ၊ တီတီစီ တက်တာပြီးသွားပြီလား၊ အွန်လိုင်းမှာလဲမတွေ့ဘူး အန်တီရ”

“အေးမင်းသူငယ်ချင်းက အင်တာနက်မရတဲ့နေရာကိုမှ သွားချင်တာကိုး၊ အခု ချင်းတောင်ဘက်မှာလေ၊ အေးတာမှ ရေတောင်ခဲတယ်ဆိုပဲ၊ အိမ်က နေလည်း တစ်လကို သုံးသိန်းလောက် အမြဲပို့ရတယ်၊ အဲ့ဒါကို ပြန်မလာနိုင်ပါဘူးတဲ့လေ၊ ဟိုမှာ ပျော်နေတာ၊ တိုင်းရင်းသူ စိတ်ပေါက်တာ ကောင်းပါတယ်၊ ကြာရင် သူပုန်နဲ့ ရသွားဦးမယ်၊ မင်းသူငယ်ချင်းကို ပြောပါဦးကွယ်၊ ဒီမှာ အန်တီတို့က ဒဂုံ(၁)ကို ပိုက်ဆံအကုန်ခံပြီး ပြောင်းပေးပါ့မယ်ဆိုတာတောင် မလာ  ဘူးတဲ့၊ နောက်တစ်ခါခေါ်ရင် အိမ်ကိုလဲ အဆက်အသွယ်မလုပ်တော့ဘူးလို့ ခြိမ်းခြောက်လို့ အန်တီလည်း ဘာမှမပြောသာဘူးကွယ်”

“ဟာ ၊ ဒါဆိုရင်တော့ သေချာတယ်အန်တီ၊ သူက ငယ်ငယ်က စစ်ကားတွေဆို အရမ်းကြိုက်တာ၊ တော်ကြာ စတင်းဂန်းကြီးကိုင်ထားတဲ့ သူပုန်ကို ကြည့်ပြီး ကြိုက်သွားဦးမယ်၊ ဒုက္ခပါပဲ စန္ဒာကတော့ လုပ်လိုက်ပြီ”

မောင်မိုးမြင့် စကားအဆုံးဝယ် ဘေးတွင် ထိုင်နားထောင်နေသော ဖေဖေက အားရပါးရ အော်ရယ်လေတော့သည်။

“ဟားဟား၊ ဟား သားရယ် မင်းအန်တီနုကမှ စိုးရိမ်နေတာ၊ ဒီသမီးလေးအငယ်ဆုံးဆိုပြီး သားက သွားစနေပြန်ပြီ၊  အန်တီနု သွေးတိုးရင် မင်း တရားခံနော် ဟားဟား”

“ဟုတ်တယ်အဖေရ၊ တကယ်ပြောတာ၊ စစ်ကားကြိုက်တာမှ ရိုးရိုးတောင်မဟုတ်ဘူး၊ သီဟတင်စိုး သူပုန်လုပ်တဲ့ကားကိုမှ ကြိုက်တာဗျာ စန္ဒာက” မောင်မိုးမြင့်က ရယ်ကျဲကျဲဖြင့် ပြန်ပြောလိုက်သည်။

“အမလေးသားရယ်၊ မင်းအခုပြောမှ တကယ်သွေးတိုးတော့တယ်ကွယ်၊ ဟုတ်ပ မိစန္ဒာက သီဟတင်စိုး သူပုန်လုပ်တဲ့ကားကို အင်မတန် ကြိုက်တာ၊ ဒုက္ခပါပဲကွယ် မင်းသူငယ်ချင်းကို ဖျောင်းဖျကြည့်ပါဦးကွယ်၊ အန်တီလည်း ပြန်လိုက်ဦးမယ်၊ မင်းဦးလေး ကုမ္ပဏီက ပြန်လာတော့မယ်၊ စန္ဒာ့ဖုန်း နံပါတ်ယူထားလိုက်သား 071*******”

အန်တီနု မျက်မိမျက်နှာ မကောင်းစွာ ပြန်သွားသည်ကို ကြည့်ပြီး ခြံပြင်ရောက်သွားမှ သားအဖနှစ်ယောက် တစ်ယောက်ကို တစ်ယောက်  ကြည့်ကာ အားရပါးရ ရယ်လိုက်ကြလေသည်။

“ဟားဟားဟားဟား”

“အဟားဟား၊ ဟဟ”

“တူ၊ တူ၊ တူ၊ တူ”

“တူတူတူတူ”

                ယခုတစ်ကြိမ်နှင့်ဆိုလျှင် မောင်မိုးမြင့်တစ်ယောက် သူ့သူငယ်ချင်းစန္ဒာဆီ ဖုန်းဆက်နေသည်မှာ လေးကြိမ်ရှိသွားပြီ ဖြစ်သည်။ ဖုန်းလိုင်းက မည်သို့မျှ မဝင်ပေ။ ဖုန်းမအားခြင်းတော့ မဖြစ်တန်ရာ၊ လိုင်းမမိတာသာ ဖြစ်ပေလိမ့်မည်။ ဒီတစ်ကြိမ်မရရင် ခေါ်တော့ဟု ဆုံးဖြတ်လိုက်ပါမှ ကံကောင်း ထောက်မစွာ ဖုန်းကတန်းဝင်သွားလေသည်။

“ဟဲလို ကျွန်တော် ဆရာမ ဒေါ်စန္ဒာနဲ့ ပြောချင်လို့ပါ”

တစ်ဖက်မှ တိုင်းရင်းသားသံ ဝဲဝဲဖြင့်ပြန်ဖြေသည်။

“အော် ဆရာမလေးလား၊ ပြန်ခေါ်လိုက်ပါနော၊ နောက်ဆယ့်ငါးမိနစ်လောက်နေရင်၊ သွားခေါ်ထားမယ်နော”

သက်ပြင်းမှုတ်ထုတ်ရင်း ဖုန်းချလိုက်မိတော့သည်။ ငါးကြိမ်မြောက်တွင် ကံကောင်းနိုင်ပါဦးမည်လား၊ သို့ရာတွင် ကံကောင်းစွာပင် ယခုတစ်ကြိမ် လည်း ဖုန်းက ချက်ချင်းမိသွားသည်။

“ဟဲလို ဆရာမ ဒေါ်စန္ဒာရောက်ပြီလားခင်ဗျာ”

“ဟုတ်ကဲ့ ကျွန်မပါပဲ၊ အမိန့်ရှိပါရှင်”

“အံမယ်၊ အမိန့်ရှိပါ တွေဘာတွေနဲ့၊ စစ်တပ်ပုံစံပေါက်နေပါလား၊ အဟဲ ကြည့်ရတာ သီဟတင်စိုးနဲ့တူတဲ့ သူပုန်ချောချော တစ်ကောင်တွေ့ထားပြီ ထင်တယ်”

တစ်ဖက်မှ စကားပြန်ဖြေသံမကြားရ။

“ဟဲလို၊ ဟဲလို၊ ကြားရလား”

“ဟဲလို”

“ကောင်စုတ်၊ မိုးမြင့်၊ နင်မိုးမြင့်မလား၊ သိပြီ၊ လာခဲ့ ငါ့ကိုဒီလိုနောက်တာ နင်တစ်ယောက်ပဲရှိတယ်”

“အေးပါဟာ၊ နင်ကလဲ ပြောနေရင်းနဲ့ ရပ်သွားလို့၊ ဘာများဖြစ်သွားပါလိမ့်လို့၊ပြီးတော့ နင်တို့နယ်က လိုင်းတွေက စုတ်လိုက်တာ ဆယ်ခါခေါ်မှ တစ်ခါတောင်မမိချင်ဘူး”

“အမလေး အဲ့လောက်လဲမဟုတ်ပါဘူးဟယ်။ တစ်ခါတစ်လေ ရာသီဥတုဆိုးရင်တော့ ဖြစ်တာပေါ့၊ နင်တို့ ရန်ကုန်ကရော ဖုန်းလိုင်း ဘယ်လောက် မိနေလို့လဲ၊ လာလာချည်သေး၊ ငါတို့က ဖုန်းလိုင်းမကောင်းပေမယ် လိုင်းကားမရှုပ်ဘူး၊ လူမရှုပ်ဘူးဟေ့၊ နင်တို့ရန်ကုန်ထက် အများကြီးသာတယ်နော်”

“ဟဲ့ဟဲ့၊ မိစန္ဒာ၊ နင်တို့ရန်ကုန်ချင်းဆိုတာကို ထပ်နေပါလား၊ နင်ကဘယ်မှာမွေးတာလဲ၊ တောင်ပေါ်ရောက်ပြီးမှ us နဲ့ them တွေ ခွဲနေပါလား၊ သေချာတယ် နောက်ဆို နင်တို့ဗမာ၊ ငါတို့  ချင်းဆိုပြီး နင်လည်း သူပုန်နဲ့ယူရတော့မယ် ဟားဟား”

“နင်လာပြန်ပြီနော်၊ ဒါချည်းပဲ ခလုတ်တိုက်မနေနဲ့၊ လောလောဆယ် တောင်ပေါ်က ငါ့အိမ်၊ ငါ့မိသားစုလိုဖြစ်နေတာ”

“ အေးပါ ဒေါ်ခင်မျိုးချစ်ရယ်၊ မပြောတော့ပါဘူး၊ ဒါနဲ့ နင်က တောင်ပေါ်မှာတော်တော်ပျော်နေပြီပေါ့လေ”

“အင်းပျော်သွားတာပါပဲ၊ ရောက်စကတော့ ရာသီဥတုကကြမ်း၊ သူ့စကား ကိုယ်နားမလည်၊ ကိုယ့်စကား သူနားမလည်နဲ့၊ နောက်တော့လည်း ဒီကလူတွေရဲ့ အရိုးခံစိတ်နဲ့၊ စရိုက်လေးတွေကို ချစ်လာတာပဲ၊ ကလေးတွေကို စာသင်ရတာ အရမ်းပျော်ဖို့ ကောင်းတယ်၊ တခါတရံ အိမ်ကို ပြန်ချင်ပေမယ့် သူတို့လေးတွေ ငါမရှိရင် စာသင်ပေးမယ့်သူရှိမှာ မဟုတ်တော့ဘူးဆိုပြီး မပြန်ချင်တော့ဘူးလေ။ ငါဒီမှာ ပျော်ပါတယ်”

“အေး ပျော်တိုင်းလဲ မရဘူးလေဟာ၊ နင်ကဘယ်လောက်ထိ နေနိုင်မှာလဲ၊ ငါတို့က ကျောင်းပြီးလို့ ကိုယ့်ခြေထောက်ပေါ်ကိုယ် ရပ်တည်နေရတဲ့ အချိ်န်ရောက်နေပြီလေ၊ နင်က အခုထိ မိဘဆီကတောင်းနေရတုန်း၊ နင်ရတဲ့လစာနဲ့ ဘယ်လိုနေမလဲ၊ အဲ့ဒီမှာ”

“ဟဲ့၊ ငါက သမီးတစ်ယောက်တည်း၊ ငါ့မိဘဟာက ငါဆယ်သက်စားမကုန်ဘူးလေ၊ နေရေးထိုင်ရေးက ဘာမှအရေးမကြီးဘူး၊ အဓိက ဒီမှာ ကျောင်း မနေနိုင်တဲ့ကလေးတွေ၊ ကျောင်းရှိရဲ့သားနဲ့ ဆရာမရှိလို့ စာမသင်ရတဲ့ကလေးတွေက အရေးကြီးတယ်”

“ဒါဆို နင်က တစ်သက်လုံးနေမှာလား”

“အေး တစ်သက်လုံးနေဖို့တော့ မလွယ်ဘူးလေ။ ငါလည်း သိပါတယ်၊ တစ်ခါတစ်ရံ အဖေနဲ့အမေကို သတိရပေမယ်၊ ငါ ရှာဖွေကျွေးစရာ မလိုဘူး ဆိုပေမယ့်၊ မိဘတွေကို ပြုစုချင်သေးတာပေါ့၊ ဒါပေမယ့် မိဘတွေက ပြုစုချင်သူများတယ်၊ နေမကောင်းလည်း နိုင်ငံခြားက ဆေးရုံတက်ပြီး ဇိမ်ခံလို့ရတယ်၊ ဒီမှာက ဆရာတစ်ယောက်လျော့သွားရင် အရမ်းသိသာတယ်ဟာ၊ ကလေးတွေ ဆင်းရဲလို့ ကျောင်းမတက်နိုင်၊ တက်ချင်တဲ့ကလေးကလည်း ဆရာမရှိလို့ ယာထဲ ရောက်နဲ့ဟ၊ လိုအပ်တဲ့ ဆရာအင်အားရရင်တော့ ရန်ကုန်ကိုပြန်ဖို့ စိတ်ကူးရှိပါတယ်”

“အေးလေ၊ နင့်အမေကလဲ ပြောသားပဲ၊ ဒဂုံ(၁)လို ဟာမျိုးဆိုရင် ဘယ်လောက်မိုက်လဲ၊ နင်လဲ ဝါသနာပါတဲ့ စာသင်တာ လုပ်ရမယ်၊ မိဘတွေလည်း မပူရ တော့ဘူး၊ နင်ကသူဋ္ဌေးသမီးမို့ ကျူရှင်တော့ ပြစရာမလိုပါဘူးနော် ဟဲဟဲ”

“အောင်မာ၊ ကျူရှင်ပြစားချင်ရင် ဒီကိုလာမလားဟဲ့၊ ရန်ကုန်မှာနေမှာပေါ့၊ ရန်ကုန်မှာနေလဲ ကျူရှင်တော့ပြမစားဘူး၊ အဲ့လိုကျောင်းလည်း မပြောင်း ဘူး၊ မြို့စွန်က ဆင်းရဲသားရပ်ကွက်က ကျောင်းပဲပြောင်းမယ်၊ ပိုက်ဆံရှိတဲ့သူက ရှိသလို သင်ပေါ့၊ မရှိတဲ့သူက စာမတတ်ရတော့ဘူးတဲ့လား၊ အဓိပ္ပါယ် မရှိတာ၊”

“အမလေး၊ ငါတော့ နဂါးနီ ဓာတ်ပြားဟောင်းကြီး နားထောင်ရသလိုပါပဲလား၊ နင်ဘယ်တုန်းက လက်ဝဲအတွေးအခေါ်တွေ တွေးတတ်နေတာတုန်း၊ ဒါကြောင့် ငါပြောတယ်၊ သူပုန်ဝတ္ထုတွေ၊ ကွန်မြူနစ်ဝတ္ထုတွေ မဖတ်ပါနဲ့လို့”

“အေး နင်က အဲ့ဒီဟာတွေဖတ်ပြီး လက်ဝဲတွေ၊ လက်ယာတွေ လာမပြောနဲ့၊ ငါက ဇာတ်လမ်းကြိုက်လို့ဖတ်တာ၊ အဲ့လို မြို့ပေါ်က တတ်နိုင်တဲ့သူက စာသင်၊ မတတ်နိုင်ကလေးက ဘဝဆုံး၊ တိုင်းရင်းသားတွေဆို ပိုဆိုးတယ်၊ စာမတတ်တော့ သူပုန်ထဲဝင်၊ စစ်ဖြစ်ကြ၊ အဲ့လိုနဲ့ သံသရာလည်နေတာ၊ တိုင်းရင်း သားတွေသာ ပညာတတ်ကြရင် ပြည်တွင်းစစ်လည်း ဖြစ်စရာ အကြောင်းမရှိဘူး၊ အားလုံးက ထိန်းထိန်း သိမ်းသိမ်းလုပ်ကြမှာပဲလေ၊ ဟုတ်ဘူးလား၊ ငါတော့ နင့်လို အဲ့ပညာတွေ တတ်ဘူးနော်”

“အင်း နင်ပြောတာလဲဟုတ်ပါတယ်၊ ဒါပေမယ့် နင်တို့ပညာရေးက ဘယ်လောက်ကောင်းနေလို့လဲ၊ ဘာတွေများ တွေးခေါ်တတ်အောင် သင်ပေးနေလို့လဲ၊ အလွတ်ကျက်၊ လိုက်မှတ်၊ ငါပြောတာပဲဖြေဆိုတာကြီး နင်တို့တိုင်းရင်းသားတွေ စာပဲတတ်မယ်၊ ဘာအတွေး အခေါ်ရှိလာမှာလဲ”

                “အေး မကောင်းမှန်းတော့ သိတယ်ဟေ့၊ ဒါပေမယ့် စာအကြီးကြီးဖတ်ဖို့ ကကြီး၊ ခခွေးတော့ တတ်ရမှာပေါ့ဟာ၊ ငါက စာသင် ယုံတင်မဟုတ်ဘူး၊ ရန်ကုန်က ဖတ်သင့်တဲ့စာအုပ်တွေမှာပြီး စာကြည့်တိုက်လုပ်ထားသေးတယ်၊ ပညာရေးကောင်းတာ မကောင်းတာထက် ဖတ်တတ်လာရင် စာတွေရှာဖတ် ကြမယ်၊ ကျောင်းစာပြင်ပစာတွေ ဖတ်လာမယ်၊ ဒါဆိုကောင်းတဲ့ အလားအလာရှိပါတယ်၊ တိုင်းရင်းသားတွေ အထင်မသေးနဲ့ သူတို့ ချာခ်ျ့ကျောင်းက အင်္ဂလိပ်စာ သင်ပေးတာ၊ မြေပြန့်က အစိုးရကျောင်းသားတွေထက် တော်တယ်၊ အဓိက ဖတ်သင့်တာ တွေ ဖတ်ရဖို့ပဲ”

“အေးပါဟာ၊ နင်က တကယ်ကို အင်တိုက်အားတိုက်လုပ်နေတာပဲ၊ နင်အဲ့ဒါတွေ ဘယ်လိုတွေးတတ်တာလဲ”

“မတွေးတတ်ရင် မြို့ပေါ်ပဲနေပြီး ကျူရှင်ပြစားမှာပေါ့ဟယ်၊ ငါက ငွေမက်လို့၊ ဂုဏ်မက်လို့၊ ဆရာလုပ်ချင်လို့မှ မဟုတ်တာ၊ ငါတို့ မြန်မာတမျိုးသား လုံး ပညာတတ်ရမယ်ဆိုတဲ့ ရည်ရွယ်ချက်နဲ့ ဒီအလုပ်လုပ်နေတာ၊ ကျောင်းစာပဲသင်၊ လက်ညှိုးထောင် ခေါင်းညိတ် အလုပ်တွေ မလုပ်ချင်ဘူးဟေ့”

“အေးပါဟာ၊ နင့်ကိုတော့ ငါမလေးစားပဲ မနေနိုင်တော့ပါဘူးသူငယ်ချင်းရာ၊ ငါပြောမိတာ စိတ်မဆိုးပါနဲ့၊ ငါက ပညာရေးကြီး တစ်ခုလုံး ပြုပြင်ပစ်မှ ရမယ်လို့တွေးခဲ့တာ၊ နင့်လို ရတဲ့နေရာကနေ လုပ်ရမယ်ဆိုတာ မမြင်မိဘူး၊ အဓိက Field Management ပေါ့ဟာ၊ နင်က လက်တွေ့လုပ်ရတော့ အလုပ်ဖြစ် အောင် လုပ်တတ်တာပေါ့”

“မဆိုးပါဘူးဟယ်၊ လူငယ်တွေမှာ လုပ်ချင်ကိုင်ချင်စိတ်ရှိကြပါတယ်၊ နိုင်ငံအတွက် အားလုံးက လုပ်ချင်ကြတာပဲ၊ လုပ်ခွင့် မရဘူးဆိုပြီး မလုပ်ဘဲ နေတာထက် ရတဲ့အတိုင်းအတာအတွင်းမှာ အကောင်းဆုံးဖြစ်အောင် လုပ်ထားနိုင်ဖို့လိုတယ်လေ။ ဒါမှ အခြေအနေကောင်း ပေါ်လာရင် ဝင်ပြီးစီးမျောဖို့ အဆင်သင့် ဖြစ်မှာမလား၊ အနည်းဆုံး တစ်ကနေစရတာမျိုးတော့ မဖြစ်တော့ဘူးပေါ့၊”

“အေးပါသူငယ်ချင်းရာ၊ ငါအခုနင်နဲ့ပြောတာရောဆိုရင် သုံးယောက်ရှိပြီ၊ နင်တို့ပြည်တွင်းက အစိုးရဝန်ထမ်းလုပ်နေရတဲ့ လူငယ်တွေချည်းပဲ၊ ဒါပေမယ့် ငါထင်ထားတာတွေ၊ မြင်ထားတာတွေထက် အများကြီးကွာနေတယ်၊ နောက်ထပ် နင်တို့လိုလူငယ်တွေ ဘယ်လောက်များ ရှိနေဦးမယ်မသိဘူး၊ ဒါဟာ ကောင်းတဲ့အလားအလာပဲ၊ ဒီတိုင်းဆို ငါတို့မျှော်လင့်နေတာတွေ တဖြည်းဖြည်း ဖြစ်လာနိုင်ချေရှိပါတယ်၊ ငါလူငယ်ထုရဲ့ အင်အားကို မစဉ်းစားမိခဲ့ဘူး၊ အစိုးရနဲ့ မူဝါဒတွေ၊ ကြိုးနီစနစ်တွေကိုပဲ ဇောင်းပေးကြည့်ခဲ့တာဆိုတော့”

“အဲ့လိုနားလည်ပေးတာကျေးဇူးတင်လိုက်တာဟာ၊ နင်လဲ နင်စိတ်ဝင်စားတာတွေသင်ပြီး နိုင်ငံအတွက် အကျိုးရှိအောင် အသုံးချ နိုင်ပါစေဟာ၊ နင်ပြောသလို မူဝါဒတွေ ပြင်နိုင်ဖို့က နင်တို့လိုစာတွေတတ်မှ ဖြစ်မှာလေ၊ ဟုတ်တယ်မလား၊ နင်တို့လိုလူလည်းရှိ၊ ငါတို့လို လူတွေလည်း ရှိရင်၊ ငါတို့ လူငယ်တွေခေတ် ရောက်လာမှာပါဟာ”

“အေးအေးသူငယ်ချင်း၊ နင်လဲမောရောပေါ့၊ ပြောရတာအရမ်းကောင်းတယ်၊ နင့်ဆီလာလည်နိုင်အောင် ကြိုးစားပါဦးမယ်ဟာ၊ ဒါပဲနော် သူငယ်ချင်း၊ ငါ ဖုန်းချတော့မယ်”

“ အေး ငါနင့်ကို အရမ်းလာလည်စေချင်တာပဲ၊ နင်စိတ်ဝင်စားစရာတွေ အများကြီးတွေ့မှာပါ၊ တာ့တာနော်သူငယ်ချင်း”

 

အခန်း(၅)

စင်္ကာပူနိုင်ငံ အမျိုးသား တက္ကသိုလ်၏  ကွန်ဖရင့်တစ်ခုတွင် ဖြစ်သည်။ ကျောင်းသားများ၊ နိုင်ငံတကာမှ ပါမောက္ခများ၊ လေ့လာသူများဖြင့် စည်ကားနေလေသည်။ အာရှသားဖြစ်ဟန်တူသည့် မျက်မှန်ထူထူနှင့် လူငယ်တစ်ဦး အင်္ဂလိပ်စကားပီပီ သသဖြင့် ဟောပြောနေလေသည်။ တစ်နာရီခန့် ဟောပြောပြီးချိန်တွင် အောက်ပါအတိုင်း နိဂုံးချုပ်လိုက်လေတော့သည်။

“အခု ကျွန်တော်တင်ပြသွားတဲ့ လူငယ်အင်အားစုနဲ့ မြန်မာ့နိုင်ငံရေး အပြောင်းအလဲဆိုတာကို ကြည့်ရင်၊ ကျွန်တော်တို့ မြန်မာလူငယ်တွေဟာ နိုင်ငံအတွက်၊ နိုင်ငံ့အရေးအတွက် လူငယ်တွေရဲ့ စိတ်ကူးစိတ်သန်းကို လွတ်လပ်စွာ  အကောင်အထည်ဖော်ခွင့် မရကြသည့်တိုင်အောင် တတ်နိုင်တဲ့နေရာကနေ အနာဂတ်နိုင်ငံတော်ကို ပုံဖော်လျှက် ရှိကြတယ်ဆိုတာ အထင်အရှားတွေ့ရမှာ ဖြစ်ပါတယ်။ အခုလို တက်ကြွတဲ့ လူငယ်ထုကြီးလည်း အဆင်သင့် ဖြစ်နေတဲ့အချိန်မှာ နိုင်ငံရေးတိုးတက်မှုတွေသာ ဖြစ်ထွန်းလာမယ်၊ လုပ်ပိုင်ခွင့်တွေ ပိုမိုရလာကြမယ်ဆိုရင် ကျွန်တော်တို့ မြန်မာနိုင်ငံဟာ ထင်ထားတာထက် ပိုမိုလျှင်မြန်စွာ တိုးတက်လာမှာ ဖြစ်ပါတယ်၊ ဒါတွေတိုးတက်ဖို့ နိုင်ငံမှာ လိုအပ်နေတဲ့ ဥပဒေတွေ၊ မူဝါဒတွေနဲ့ နိုင်ငံတည်ဆောက်ရေး ပညာရပ်တွေကို မြန်မာလူငယ်တွေ သင်ယူခွင့်ရဖို့ လိုအပ်ပါတယ်။ ဒါကြောင့် ကျွန်တော်တို့ လူကြီးမင်းတို့ နိုင်ငံကြီးများဟာ နိုင်ငံအပေါ်မှာ အမှန်တကယ် ဖွံ့ဖြိုးတိုးတက်စေချင်တဲ့ စိတ်ကောင်းစေတနာတွေများ ရှိတယ်ဆိုရင် အစိုးရကို ပိတ်ဆို့တာ၊ အပြစ်တင်တာ၊ အရေးယူတာမျိုးထက် နိုင်ငံရေး ဖွံ့ဖြိုးမှုတွေဖြစ်ပေါ်ဖို့ လိုအပ်တဲ့အကူအညီတွေပေး၊ တစ်ဖက်ကလဲ တိုးတက်လာတဲ့ အပြောင်းအလဲတွေကို အဆင်သင့် အသုံးချနိုင်မယ့် လူ့စွမ်းအားအရင်းအမြစ်တွေ ရှိဖို့ ကျွန်တော်တို့ မြန်မာလူငယ်တွေကို ပညာသင်ဆုတွေ ပေးမယ်ဆိုရင် လူကြီးမင်းတို့ အမြဲတမ်း စံပြုပြောဆိုလေ့ရှိတဲ့ ဒီမိုကရေစီယဉ်ကျေးမှုတွေ အလို အလျောက်ဖြစ်ပေါ်လာမယ်ဆိုတာ ကျွန်တော်လုံးဝသေချာစွာ ပြောရဲပါတယ် လို့ ပြောကြားရင်း နိဂုံးချုပ်အပ်ပါတယ်ခင်ဗျား”

လူငယ်၏ စကားအဆုံးဝယ် လက်ခုပ်သံများ တစ်ခဲနက်ထွက်ပေါ်လာလေတော့သည်။ ပရိတ်သတ်ထဲမှ မေးလာသည့် မေးခွန်းများကို လူငယ်က ပြန်လည်ရှင်းလင်းပြရာ ပရိတ်သတ်များလည်း အားရကျေနပ်သွားကြပြန်သည်။ အားလုံးအပြီးဝယ် လူငယ်က စင်ပေါ်မှ တလှမ်းချင်းဆင်းသွားကာ ဟောခန်းထဲမှ ထွက်ခွာသွားတော့သည်။ ထိုသို့ဖြင့် လူငယ်သည် ဟောခန်းအပြင်ဘက် ကျောင်းပဂုဝုဏ်အတွင်းရှိ မြက်ခင်းပြင်ကြီးပေါ်တွင် ထိုင်ချလိုက်ရင်း ကောင်ကင်ကြီးကို မော့ကြည့်ကာ အောက်ပါအတိုင်း တစ်လုံးချင်း ရေရွတ်လိုက်သည်။

“နေအောင်၊ ရတီ၊ စန္ဒာတို့ရေ မင်းတို့သူငယ်ချင်းမိုးမြင့် မင်းတို့လောက် အနစ်နာခံပြီး မနေနိုင်သေးပေမယ့်၊ ကိုယ့်နိုင်ငံ ကိုယ့်လူမျိုး အတွက် ငါတတ်နိုင်သလောက် လုပ်နေပါပြီကွာ၊ ငါမကြာခင်ပြန်လာတော့မှာပါ၊ လူတိုင်းက လူတိုင်းကို အပြစ်တင်ဖို့သာသိပြီး လုပ်သင့်လုပ်ထိုက်တာတွေ မေ့နေ ကြတဲ့ လူ့အဖွဲ့အစည်းကြီးကို ငါတို့တွေ မေ့ပစ်ကြမယ်၊ အားလုံး အတူတူ ကိုယ်ရှိနေတဲ့၊ ကိုယ်ရပ်နေတဲ့နေရာကနေ အကောင်းဆုံး လက်တွဲလုပ်ကြ မယ်ကွာ၊”

မောင်မိုးမြင့်သည် ထိုသို့ ရေရွတ်လိုက်ပြီးနောက် ခေါင်းမော့လျှက်ပြင် မျက်လုံးမှိတ်ထားလိုက်လေသည်။ သို့ရာတွင် သူ၏ အတွေးများကား အမိနိုင်ငံသို့ ဖြန့်ကျက်လျှက်……………………………………။

×××××××××××××××××××××××××××××××××××××××××××××××××××××××××××××××

 


Google Docs makes it easy to create, store and share online documents, spreadsheets and presentations.
Logo for Google Docs