Transparency Myanmar

transparency.myanmar@gmail.com

yangonchronicle 2011- (1)
yangonchronicle 2011- (1)

၇.၄.၂ဝ၁၂

ဘာသာပြန်သတင်းများ

  1. တရုတ်က မြန်မာအပေါ် ချမှတ်ထားသော အရေးယူမှုများ ရုတ်သိမ်းရန် တောင်းဆို

(Reuters မှ 5 April 2012 ရက်စွဲပါ China calls for all Myanmar sanctions to go after poll ကို ဘာသာ ပြန်ဆိုသည်)

  1. ဒီမိုကရေစီလမ်းပေါ်မှ နောက်ပြန်မဆုတ်အောင် မြန်မာကို ကူညီကြရန် အကွီနို ဆော်ဩ

(Philippines Daily Inquirer မှ 4 April 2012 ရက်စွဲပါ Help Myanmar not to backslide on democracy ကို ဘာသာ ပြန်ဆိုသည်)

  1. ပိုမို ပွင့်လင်းလာမည့် မြန်မာနိုင်ငံဆီသို့

(Business Week မှ 5 April 2012 ရက်စွဲပါ Toward a move open Myanmar ကို ဘာသာ ပြန်ဆိုသည်)

*************************************************

တရုတ်က မြန်မာအပေါ် ချမှတ်ထားသော အရေးယူမှုများ ရုတ်သိမ်းရန် တောင်းဆို

(Reuters မှ 5 April 2012 ရက်စွဲပါ China calls for all Myanmar sanctions to go after poll ကို ဘာသာ ပြန်ဆိုသည်)

ပြီးခဲ့သည့် တနင်္ဂနွေက ကြားဖြတ်ရွေးကောက်ပွဲတွင် နိုဘယ်ဆုရှင် ဒေါ်အောင်ဆန်းစုကြည် အောင်ပွဲရခြင်းကြောင့် တိုင်းပြည် တည်ငြိမ်ရေး အတွက် မျှော်လင့်ချက် ကောင်းမွန်လာသဖြင့် မြန်မာနိုင်ငံအပေါ် ချမှတ်ထားသော အရေးယူမှုများ အားလုံး ရုတ်သိမ်းပေးရန် တရုတ်က တောင်းဆိုခဲ့သည်။

"ရွေးကောက်ပွဲ ရလဒ်ကို ပြည်တွင်းကရော နိုင်ငံတကာ အသိုင်းအဝိုင်းကပါ ကျယ်ကျယ်ပြန့်ပြန့် လက်ခံခဲ့ပါပြီ" ဟု တရုတ် နိုင်ငံခြားရေး ဝန်ကြီးဌာ ပြောခွင့်ရပုဂ္ဂိုလ် Hong Lei က ရွေးကောက်ပွဲနှင့် ပတ်သက်၍ တရုတ်၏ ပထမဆုံး မှတ်ချက်အနေဖြင့် ပြောကြားခဲ့သည်။ "တရုတ်အနေနဲ့ ဒီကြားဖြတ် ရွေးကောက်ပွဲဟာ မြန်မာနိုင်ငံရဲ့ နိုင်ငံရေးအရ ပြန်လည် ပေါင်းစည်းရေး လုပ်ငန်းစဉ်နဲ့ တည်ငြိမ် တိုးတက်ရေးကို တွန်းအားပေးရာမှာ အပြုသဘော ဆောင်လိမ့်မယ်လို့ မျှော်လင့်ပါတယ်" ဟု Hong က ပုံမှန်သတင်း ပြောကြားသည့် အစည်းအဝေးတွင် ပြောကြားခဲ့သည်။

အရေးယူ ပိတ်ဆို့မှုများ ချမှတ်ထား၍ အနောက် ရင်းနှီးမြှုပ်နှံမှုများ မဝင်ရောက်နိုင်ခြင်းကြောင့် တရုတ်သည် မြန်မာ၏ အကြီးဆုံး မဟာမိတ် ဖြစ်လာခဲ့ပြီး အခြေခံ အဆောက်အဦ လုပ်ငန်းများ၊ ရေအား လျှပ်စစ်လုပ်ငန်းများနှင့် ရေနံနှင့် သဘာဝဓာတ်ငွေ့ ပိုက်လိုင်းများတွင် ရင်းနှီးမြှုပ်နှံခဲ့သည်။ "တချို့ အနောက်နိုင်ငံတွေက မြန်မာအပေါ် ချမှတ်ထားတဲ့ အရေးယူမှုတွေကို ရုတ်သိမ်းပေးမယ်လို့ ပြောထားတယ်လို့ တရုတ်အနေနဲ့ မှတ်သား ထားပါတယ်။ တရုတ်က ဒီကိစ္စမှာ သဘောထား တစ်ခုတည်းပေါ်မှာပဲ ရပ်တည်ပါတယ်။ ဒီနိုင်ငံတွေ မြန်မာအပေါ် အရေးယူမှုတွေ ရုတ်သိမ်းဖို့ကို ကြိုဆိုပါတယ်။ အမြန်ဆုံး ရုတ်သိမ်းပေးဖို့ အားလုံးကို တောင်းဆိုပါတယ်" ဟု ယင်းက ပြောသည်။

အမေရိကန်ကလည်း မြန်မာ့ ဒီမိုကရေစီ ကူးပြောင်းမှုကို အသိအမှတ် ပြုသောအားဖြင့် အရေးယူမှုအချို့ကို ဖြေလျှော့ပေးသွားရန် အသင့် ရှိကြောင်း ဗုဒ္ဓဟူးနေ့က ပြောကြားခဲ့သည်။ ဖြေလျှော့ပေးမှုတွင် အမေရိကန် ကုမ္ပဏီများ၊ မြန်မာနိုင်ငံတွင် ရင်းနှီးမြှုပ်နှံမှုများနှင့် ငွေကြေးဆိုင်ရာ ဝန်ဆောင်မှုများ ပေးခြင်းတို့ ပါဝင်မည် ဖြစ်သည်။

အီးယူကလည်း အရေးယူမှုအချို့ကို ရုတ်သိမ်းပေးမည် ဖြစ်ပြီး ကျန်ရှိသော နိုင်ငံရေးအကျဉ်းသားများ လွှတ်ပေးရေးကို ဆက်လက် ဖိအား ပေးသွားမည် ဖြစ်ကြောင်း ဗြိတိန် နိုင်ငံခြားရေး ဝန်ကြီး ဝီလျံဟေ့ဂ်က ပြောကြားခဲ့သည်။

ဘေဂျင်းသည် မြန်မာ၏ အရင်းနှီးဆုံး လုပ်ဖော်ကိုင်ဖက်အဖြစ် ကာလရှည်ကြာ ရပ်တည်ခဲ့သော်လည်း ပြီးခဲ့သည့် စက်တင်ဘာလတွင် မြစ်ဆုံ ရေလှောင်တမံကို ရပ်ဆိုင်းခဲ့ခြင်းကြောင့် ဆက်ဆံရေး ထိခိုက်ခဲ့သည်။ ဝါရှင်တန်က မြန်မာနှင့် ပြန်လည် ဆက်ဆံရေး ပြုလုပ်ရန် လုပ်ဆောင် လာခြင်းကလည်း ဆက်ဆံရေးကို ပိုမို ရှုပ်ထွေးလာစေသည်။

အမေရိကန်မှ တရုတ်အပေါ် ဝန်းရံထားရန် ကြိုးစားမှုတွင် မြန်မာက တံတိုင်းသဖွယ် ကာရံထားလိမ့်မည်ဟု တရုတ်က ယုံကြည်ထား ခဲ့သော်လည်း ယခုအခါ အမေရိကန်က မြန်မာနှင့် စတင် ဆက်ဆံလာခဲ့ရာ တရုတ်အတွက် ခြိမ်းခြောက်မှုတစ်ခု ဖြစ်လာခဲ့သည်။

**************************************************

ဒီမိုကရေစီလမ်းပေါ်မှ နောက်ပြန်မဆုတ်အောင် မြန်မာကို ကူညီကြရန် အကွီနို ဆော်ဩ

(Philippines Daily Inquirer မှ 4 April 2012 ရက်စွဲပါ Help Myanmar not to backslide on democracy ကို ဘာသာ ပြန်ဆိုသည်)

နိုင်ငံတကာ အသိုင်းအဝိုင်းအနေဖြင့် မြန်မာနိုင်ငံကို ဆက်လက် ပြုပြင် ပြောင်းလဲအောင် အားပေးရေးအတွက် မူလ ချမှတ်ထားသော ပိတ်ဆို့မှုများကို ရုတ်သိမ်းပေးရန် လိုအပ်နေပြီး မြန်မာ့ ဒီမိုကရေစီ ပြောင်းလဲမှုများ နောက်ပြန်မဆုတ်အောင် တားဆီးကြရမည်ဟု ဖိလစ်ပိုင် သမ္မတ ဘီနစ်နို အကွီနိုက ပြောကြားလိုက်သည်။

ဒေါ်အောင်ဆန်းစုကြည် အနိုင်ရရှိသွားသော ရွေးကောက်ပွဲများအပြီး အနောက်နိုင်ငံ ပိတ်ဆို့မှုများ ရုတ်သိမ်းပေးကြရန် တောင်းဆိုနေကြသော အခြား အာဆီယံ ခေါင်းဆောင်များနှင့်အတူ အကွီနိုလည်း ပူးပေါင်း ပါဝင်လာခြင်း ဖြစ်သည်။ စစ်အုပ်ချုပ်ရေးစနစ်မှ ဒီမိုကရေစီ စနစ်သို့ အရေးကြီးသော ကူးပြောင်းမှု ပြုလုပ်နေချိန်တွင် မြန်မာနိုင်ငံကို ကိုယ့်အားကိုယ်ကိုး သဘောဖြင့် ပစ်ထားခြင်းသည် ပြုပြင်ပြောင်းလဲရေး မလိုလားသော သဘောထား တင်းမာသူ အုပ်စုများကို အားပေးရာ ရောက်သွားမည့် အန္တရာယ် ရှိသည်ဟု ဖိလစ်ပိုင် ခေါင်းဆောင်က သတင်းထောက်များကို အင်္ဂါနေ့တွင် ပြောကြားခြင်း ဖြစ်သည်။

"မြန်မာ့အပြောင်းအလဲကို ကျွန်တော်တို့ အားပေးချင်တယ်။ တည်ငြိမ်မှု ရှိအောင် အားပေးပံ့ပိုးချင်တယ်။ ဒါမှလည်း အာဆီယံ တစ်ခုလုံးရဲ့ တည်ငြိမ်မှုကို တိုးတက်ဖြစ်ပေါ်စေမှာဖြစ်ပါတယ်။ ဒါဟာ အာဆီယံ ဒေသကြီး တစ်ခုလုံး လူနေမှုအဆင့်အတန်း တိုးတက်လာဖို့ အခြေခံပါပဲ။ မြန်မာနိုင်ငံက ပြုပြင်ပြောင်းလဲရေးသမားတွေကို သူတို့ရွေးတဲ့လမ်း မှန်ကန်ကြောင်း ကျွန်တော်တို့က ဝိုင်းဝန်း ထောက်ခံ ပြသဖို့ လိုပါတယ်" ဟု အကွီနိုက ရှင်းလင်း ပြောကြားသည်။

ဒီမိုကရေစီစနစ်သို့ ပြောင်းလဲရေး ပြုလုပ်ချိန်တွင် ပိတ်ဆို့မှုများ ဆက်လက် ချမှတ်ထားမည် ဆိုပါက နောက်ကြောင်း ပြန်လှည့်ချင်နေသော ကိုယ်ကျိုးစီးပွား ကာကွယ်လိုသူများကို အားပေးသကဲ့သို့ ဖြစ်သွားလိမ့်မည်ဟုလည်း ယင်းက ဆိုသည်။

ဖိလစ်ပိုင်တွင် အာဏာရှင် ဖာဒီနန်မားကို့စ်၏ နှစ်ပေါင်း ၂ဝ အုပ်ချုပ်မှုကို ဖယ်ရှားခဲ့သော ပြည်သူ့အာဏာ တော်လှန်ရေးအတွင်း အာဏာ ရရှိခဲ့သော ကွယ်လွန်သူ ကိုရာဇန် အကွီနို (လက်ရှိသမ္မတ၏ မိခင်) သည် အာဏာရယူ ပြီးနောက်ပိုင်း နောက်ပြန်ဆွဲဝါဒီများ၏ အာဏာသိမ်းရန် ကြိုးပမ်းမှု မြောက်မြားစွာကို တွန်းလှန် ကျော်ဖြတ်ခဲ့ရသည်ဟု ဖိလစ်ပိုင် ခေါင်းဆောင်က ဆိုသည်။

အဆိုပါ အာဏာသိမ်းရန် ကြိုးပမ်းမှုများအတွင် လက်ရှိ သမ္မတ အကွီနိုကိုယ်တိုင် ခြုံခို တိုက်ခိုက်ခံခဲ့ရခြင်းကြောင့် ဒဏ်ရာ ရရှိခဲ့ပြီး လည်ပင်းတွင် ကျည်ဆန်အပိုင်းအစတစ်ခု ယခုတိုင် ကျန်ရှိနေသည်ဟု သိရသည်။

အပြောင်းအလဲ အောင်မြင်ရေးသည် မြန်မာပြည်သူများ၏ ဒီမိုကရေစီ သန္နိဋ္ဌာန်အပေါ် များစွာ မူတည်သည်ဟု အကွီနိုက ဆိုပြီး အစိုးရအာဏာ ဟူသည်မှာ ပြည်သူများဆီက ဆင်းသက်လာခြင်း ဖြစ်သည်။ ပြည်သူတွေက ဒီလမ်းကြောင်းကို သွားရန် ဆုံးဖြတ်ပြီးပြီ ဆိုပါက အစိုးရက ပြည်သူများ နောက်က လိုက်သွားရမည် ဟုလည်း ဆက်လက် ပြောသည်။

"ဒေါ်အောင်ဆန်းစုကြည်ကို အားပေး ထောက်ခံသူတွေကိုလည်း ရေတိုမှာ မျှော်လင့်ချက်တွေ လျှော့ထားကြဖို့ ပြောချင်ပါတယ်။ ဒီမိုကရေစီကို သွားတဲ့လမ်းဟာ လွယ်ကူမှာ မဟုတ်ပါဘူး" ဟုလည်း ဆိုသည်။ "ဒါပေမဲ့လည်း မြန်မာပြည်သူတွေ ပိုကောင်းတဲ့လမ်းဆီ ဦးတည်နေပြီလို့ ကျွန်တော် မျှော်လင့်ပါတယ်။ ဘာဖြစ်လာမလဲ ဆိုတာကို စိုးရွံ့နေရတဲ့ အနေအထားသစ်ကိုလည်း အသားကျနေလောက်ပါပြီ" ဟု အကွီနိုက ပြောကြားသွားခဲ့သည်။

*******************************************

ပိုမို ပွင့်လင်းလာမည့် မြန်မာနိုင်ငံဆီသို့

(Business Week မှ 5 April 2012 ရက်စွဲပါ Toward a move open Myanmar ကို ဘာသာ ပြန်ဆိုသည်)

ဒေါ်အောင်ဆန်းစုကြည် အနိုင်ရရှိသွားသော ကြားဖြတ်ရွေးကောက်ပွဲများသည် အရေးပါသည်ဆိုသည်ကို ငြင်းပယ်၍ မရပါ။ ၂ဝ၁ဝ ရွေးကောက်ပွဲများကို သပိတ်မှောက်ခဲ့သော NLD ပါတီသည် ယခု ကြားဖြတ်ရွေးကောက်ပွဲတွင် အမတ်နေရာ ၄၅ နေရာအနက် ၄၃ နေရာ နိုင်သည့် လက္ခဏာ ရှိနေပြီး ဒေါ်အောင်ဆန်းစုကြည်၏ ဦးဆောင်မှုဖြ&