Posts
 | Quote & Comment and News in brief |
သတင်းကောက်နှုတ်ချက်များနှင့် သတင်းတို
“ကျွန်တော့်အနေနဲ့ကတော့ သမ္မတကြီးရဲ့မိန့်ခွန်းကို ထောက်ခံပါတယ်။ ဘယ်ဘာသာ၊ ဘယ်လူမျိုးပဲဖြစ်ဖြစ် တည့်အောင် နေဖို့က အရေးကြီးပါတယ်။ ဒေါ်အောင်ဆန်းစုကြည် ပြောထားတာရှိတယ်။ အတူယှဉ်တွဲ နေထိုင်ကြဖို့ သမ္မတကြီးကလည်း ဒါကိုထပ်ပြောပါတယ်။ လိုအပ်ရင် သမ္မတအနေနဲ့ စစ်အင်အား အကူအညီကို ရယူနိုင်ပါတယ်”
မတ်လ ၂၉ ရက်နေ့ထုတ် မွန်းတည့်နေဂျာနယ် အတွဲ (၁) အမှတ် (၁၆) တွင်ပါရှိသော “ပြည်သူသို့ ရှင်းလင်း သည့် သမ္မတ မိန့်ခွန်း လေ့လာသူများကြိုဆို”သတင်းမှ လသာမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးကြည်မြင့်၏ ပြောကြားချက် အားကောက်နှုတ်ချက်။
“စီးပွားရေး၊ လူမှုရေး၊ ဒေသဖွံ့ဖြိုးရေးကိစ္စတွေနဲ့ အခြားအခက်အခဲတွေ အများကြီးရှိပါတယ်။ ဒီမိုကရေစီ လက်တွေ့ပိုင်း ဆိုင်ရာမှာလဲ အားနည်းနေသေးလို့ပါ။ ပြည်သူလူထုပါဝင်တဲ့ ဒီမိုကရေစီ Practice (လက်တွေ့ လုပ်ဆောင်ချက်) မရှိပါဘူး။ ဒါကတော့ ဝန်ခံပါတယ်။ ကျွန်တော်တို့ အနေနဲ့ကလည်း ဒါကိုသင်ယူနေရင်းနဲ့ လုပ်ဆောင် နေတာဖြစ်ပါတယ်။ ပြည်သူလူထု ကလည်း ကိုယ့်အားကိုယ်ကိုးဖို့လိုပါတယ်”
မတ်လ ၂၉ ရက်နေ့ထုတ် မွန်းတည့်နေဂျာနယ် အတွဲ (၁) အမှတ် (၁၆) တွင်ပါရှိသော “ဒေသဖွံ့ဖြိုးရေးအတွက် ကိုယ့်အား ကိုယ်ကိုးရန် ပြည်ထောင်စုဝန်ကြီး ဦးခင်မောင်စိုး တိုက်တွန်း”သတင်းမှ ပြည်ထောင်စုဝန်ကြီး ဦးခင်မောင်စိုး၏ ပြောကြား ချက်အားကောက်နှုတ်ချက်။
“စီးပွားရေးပိတ်ဆို့မှုတွေ ဖွင့်ပေးတာကောင်းတာပေါ့။ ဒီမိုကရေစီနိုင်ငံတစ်ခုကို တည်ထောင်မယ်ဆိုရင် ပိတ်ဆို့မှုတွေ မဖြစ်မနေဖွင့်ပေးဖို့လိုတယ်။ တိုင်းပြည်စီးပွားရေးတိုးတက်မှ ဒီမိုကရေစီနိုင်ငံဆိုတာကို ပီပီပြင်ပြင် တည်ဆောက်နိုင်မယ်။ ငြိမ်းချမ်းရေးဆိုတာလည်း စီးပွားရေးကောင်းမှ တည်ဆောက်နိုင်မှာ”
မတ်လ ၂၉ ရက်နေ့ထုတ် မွန်းတည့်နေဂျာနယ် အတွဲ (၁) အမှတ် (၁၆) တွင်ပါရှိသော “စီးပွားရေး ပိတ်ပင်မှုအပေါ် ဥရောပ သမဂ္ဂ ပြည်လည်သုံးသပ်”သတင်းမှ ရန်ကုန်မြို့တွင်နေထိုင်သော တပ်မတော်သား ဟောင်းတစ်ဦး၏ ပြောကြားချက်အား ကောက်နှုတ်ချက်။
“တစ်ယောက်နဲ့တစ်ယောက် မြေယာတွေ ဘာတွေသိမ်းတယ်ဆိုလည်း ဒါ ကြီးနိုင် ငယ်ညှင်းပေါ့ ဟုတ်လား။ လုပ်တဲ့သူက လုပ်တယ်။ ခံရတဲ့သူက ခံပေါ့။ အဲဒီ စိတ်ဓါတ်ကို ကျွန်မပြောင်းစေချင်တယ်။ လုပ်နိုင်လေလေ ပိုပြီးတော့ သိမ်သိမ် မွေ့မွေ့ လုပ်လေ ၊ ကျွန်မတို့ရဲ့ သိက္ခာဟာ အင်အားကြီးတဲ့သူရဲ့ သိက္ခာဟာ သတ္တိရှိခြင်း၊ ခံနိုင်ရည်ရှိခြင်း၊ အင်အား ကြီးလို လုပ်ချင် တိုင်းလုပ်တယ်ဆိုတာ အင်မတန်မှ ရှက်စရာကောင်းတယ်ဆိုတာ ကျွန်မတို့ပြည်သူ ပြည်သားအား လုံးနားလည်ရမယ်။”
ဧပြီလ ၁ ရက်နေ့ထုတ် Street View Journal အတွဲ (၂) အမှတ် (၁၃) တွင်ပါရှိသော “အင်အားကြီးလို့ လုပ်ချင်တိုင်းလုပ် တယ်ဆိုတာ ရှက်စရာပါ” သတင်းမှ ဒေါ်အောင်ဆန်းစုကြည်၏ ပြောကြားချက်အား ကောက်နှုတ်ချက်။
“ကျွန်တော်တို့နိုင်ငံက အခု ATPF (Asia Trade Promotion Froum) အဖွဲ့ဝင်အဖြစ်ပါဝင်ခွင့်ရရှိလို့ ကုန်သွယ်မှု မြှင့်တင် ရေးလုပ်ငန်းတွေ၊ အဖွဲ့ဝင်နိုင်ငံတွေနဲ့ ဈေးကွက်ရှာဖွေခြင်းလုပ်ငန်းတွေ၊ ကျွန်တော်တို့နိုင်ငံမှာ အခက်အခဲ ဖြစ်နေတဲ့ ကုန်သွယ်ရေးမြှင့်တင်မှုကိစ္စတွေ၊ SME လုပ်ငန်းတွေ ဖွံ့ဖြိုးတိုးတက်ဖို့ ကိစ္စတွေအားလုံး ကို ညှိနှိုင်းပူးပေါင်း ဆောင်ရွက် ရမယ့် အခွင့်အရေးတွေရရှိမှာပါ”
ဧပြီလ ၁ ရက်နေ့ထုတ် Street View Journal အတွဲ (၂) အမှတ် (၁၃) ပါရှိသော “ATPF မှ မြန်မာနိုင်ငံကို လေးကြိမ် မြောက် အဖွဲ့ဝင်နိုင်ငံအဖြစ် အသိအမှတ်ပြုလက်ခံရရှိ” သတင်းမှ စီးပွားရေးနှင့်ကူးသန်းရောင်းဝယ် ရေးဝန်ကြီးဌာန ကုန်သွယ်ရေးနှင့် ညွှန်ကြားမှုဦးစီးဌာနမှ တာဝန်ရှိသူတစ်ဦး၏ ပြောကြားချက်အား ကောက်နှုတ်ချက်။
NEWS IN BRIEF
မတ်လအတွင်း အကြမ်းဖက်မှု ၁၆၃ ကြိမ်ဖြစ်ပွားခဲ့ကြောင်းပြန်ကြားရေးမှ သတင်းထုတ်ပြန်
မတ်လ ၂၀ ရက်နေ့မှစ၍ မတ်လ ၃၀ ရက်အထိမြို့နယ် ၁၅ မြို့နယ်တွင်လူစုလူဝေးဖြင့် အကြမ်းဖက်မှု ၁၆၃ ကြိမ် ဖြစ်ပွားခဲ့ပြီး သေဆုံးသူ ၄၃ ဦး၊ဒဏ်ရာရသူ ၈၆ ဦး၊အဆောက် အအုံ ၁၃၅၅ လုံးနှင့်ယဉ်မျိုးစုံ ၃၉ စီးပျက်စီးဆုံးရှုံး ခဲ့သည်ဟု ပြန်ကြားရေးဝန်ကြီးဌာနမှ သတင်းထုတ်ပြန်ခဲ့သည်။အကြမ်းဖက်မှုများကြောင့် လူဦးရေ ၁၁၃၇၆ ဦးအိုးမဲ့အိမ်မဲ့ ဖြစ်ခဲ့ပြီး ကယ် ဆယ်ရေးစခန်း ၆၃ ခု၌ဒုက္ခသည် ၉၀၆၅ ဦးစောက်ရှောက်ထားကြောင်းသိရသည်။ ပြစ်မှုကျူးလွန်သူ ၆၈ ဦးကိုလည်း ဖမ်းဆီး ရမိ ထားပြီး ဥပဒေနှင့်အညီအရေးယူ ဆောင်ရွက် သွားမည်ဖြစ်ကြောင်းသိရသည်။
ဦးသိန်းစိန်နှင့် အမေရိကန်-အာစီယံစီးပွားရေးကောင်စီဥက္ကဌ တွေ့ဆုံ
ပြည်ထောင်စုမြန်မာနိုင်ငံတော်သမ္မတဦးသိန်းစိန်နှင့် အမေရိကန် - အာဆီယံ စီးပွားရေးကောင်စီ ဥက္ကဋ္ဌ Mr.Evan Greenberg တို့သည် မတ် ၂၉ လရက်နေ့ညနေက နေပြည်တော်ရှိနိုင်ငံတော်သမ္မတ အိမ်တော်တွင်တွေ့ဆုံခဲ့ကြပြီး အမေ ရိကန် - အာဆီယံကုန်သွယ်မှုမြှင့်တင်ရေး၊ မြန်မာနိုင်ငံတွင်ရေနံ၊ သဘာဝဓာတ်ငွေ့၊ သစ်တော၊သတ္ထု၊ ဘဏ္ဍာရေးနှင့် ငွေ ကြေးကဏ္ဍ၊ အာမခံလုပ်ငန်းကဏ္ဍများတွင် ခိုင်မာသောကတိကဝတ်များဖြင့်ရင်းနှီးမြှုပ်နှံနိုင်ရေး၊ အရင်းအနှီးသာမကနည်းညာ၊ အသိပညာသင်ကြားလေ့ကျင့်မှုများကိုပါတစ်ပြိုင်နက်တည်းအကောင်အထည်ဖော်ဆောင်ရွက်နိုင်ရေးကိစ္စများနှင့်ပတ်သက်၍ ဆွေးနွေးခဲ့ကြကြောင်း ယနေ့ထုတ်နိုင်ငံပိုင်သတင်းစာများတွင် ဖော်ပြထားချက်အရသိရသည်။
မြန်မာနိုင်ငံဆိုင်ရာ ကနေဒါသံအမတ်ခန့်အပ်
မြန်မာနိုင်ငံဆိုင်ရာ ကနေဒါသံအမတ်အဖြစ် Mr.Mark Mc Dowell ကိုခန့်အပ်လိုက်ပြီဖြစ်ကြောင်း ကနေဒါနိုင်ငံ နိုင်ငံခြားရေးဝန်ကြီး John Baird သည်မတ်လ ၂၉ ရက်နေ့တွင် ကြေငြာလိုက် ကြောင်းသိရသည်။ထို့အတူ မြန်မာနိုင်ငံတွင် ကနေဒါသံရုံးဖွင့်ပြီး ကုန်သွယ်ရေးဆိုင်ရာ အမြဲတမ်း ကိုယ်စားလှယ်အဖြစ်ထားရှိမည်ဖြစ်ကြောင်း သိရသည်။
မြန်မာနိုင်ငံ ၂၀၁၅ အထွေထွေရွေးကောက်ပွဲ ဒေါ်လာ ၁၁ သန်းအမေရိကန်ထောက်ပံ့မည်
၂၀၁၅ အထွေထွေရွေးကောက်ပွဲအား တရားမျှတပြီးလွတ်လပ်သော ရွေးကောက်ပွဲအဖြစ် ကျင်းပနိုင်ရန်အတွက် အမေရိကန်ပြည်ထောင်စုမှ ဒေါ်လာ ၁၁ သန်းထောက်ပံ့မည်ဖြစ်ကြောင်း မြန်မာနိုင်ငံဆိုင်ရာ အမေရိကန်သံရုံးမှ ထုတ်ပြန်ခဲ့ ကြောင်းသိရသည်။ရွေးကောက်ပွဲစီမံမှု တိုးတက်ရေး၊မဲပေးနည်းပညာပေးရေးလုပ်ငန်းများနှင့် လွှတ်တော်ကိုယ်စား လှယ်များ ၏ အရည်အချင်း မြှင့်တင်ရေးအတွက် အသုံးပြုသွားမည်ဖြစ်ကြောင်း နိုင်ငံတကာဖွံဖြိုးရေး ဆိုင်ရာ အမေရိကန်အေဂျင်စီမှ အုပ်ချုပ်ရေးမှူး Dr.Rajiv Shah မှပြောကြားခဲ့သည်။
ပြည်တွင်းအကြမ်းဖက်မှုများကို ထိရောက်စွာအရေးယူရန် ICG တိုက်တွန်း
ဘာသာရေးအကြမ်းဖက်မှုများ မဖြစ်ပွားစေရေးနှင့် ယင်းသို့ဖြစ်ပွားအောင်ပြုလုပ်နေသူများကို အစိုးရအနေဖြင့် မြင်သာစွာ ဖမ်းဆီးအရေးယူသင့်ကြောင်း နိုင်ငံတကာ ပဋိပက္ခစောင့်ကြည့် လေ့လာရေးအဖွဲ့ International Crisis Group ၏ အရှေ့ တောင်အာရှစီမံကိန်း ညွှန်ကြားရေးမှူး Jim Della Giacoma မှထုတ်ပြန်ကြောင်းသိရသည်။ထို့အကြမ်းဖက်မှုများကို ကိုင် တွယ်ဖြေရှင်း ရာ၌ ရဲတပ်ဖွဲ့၏အရည်အသွေးမှာ အရေးကြီးကြောင်းနှင့်မြန်မာနိုင်ငံတွင် ရဲတပ်ဖွဲ့ဝင်များအား အကြမ်းဖက် ဖြေရှင်းနည်းဆိုင်ရာ သင်ကြားပေးမှု အားနည်းနေသည်ကိုတွေ့ရကြောင်းဆက်လက် ပြောဆိုသွားခဲ့သည်။
အခြေခံလုပ်သားများအတွက် အနည်းဆုံးလုပ်ခမပေးသည့် အလုပ်ရှင်များအားအရေးယူမည်
မတ်လ ၂၂ ရက်နေ့တွင် နိုင်ငံတော်သမ္မတလက်မှတ်ရေးထိုးထုတ်ပြန်ထားသော အနည်းဆုံး အခကြေးငွေ ဥပဒေ နှင့်အညီ သတ်မှတ်ထားသောလုပ်အားခကို မပေးပါက အလုပ်ရှင်များကို တစ်နှစ်ထက်မပိုသော ထောင်ဒဏ်နှင့် ငွေကျပ် ၅ သိန်းထက်မပိုသော ငွေဒဏ်ချမှတ်မည် ဖြစ်ကြောင်းသိရသည်။
ကရင်ရေးရာ အစည်းအဝေးကျင်းပ
ကရင်ပြည်နယ် ဘားအံ့မြို့တွင်မတ်လ ၂၉ ရက်နေ့ မနက် တွင်ကျင်းပသော ကရင်ရေးရာ အစည်းအဝေးကြီးတွင် စည်းလုံးညီညွတ်ရေး၊ စစ်မှန်ခိုင်မြဲသော ငြိမ်းချမ်းရေးနှင့် ကရင်အမျိုးသားတို့၏ အနာဂတ်အရေးကိစ္စများကို ဆွေးနွေးခဲ့ကြ ကြောင်း အစည်းအဝေး ဖြစ်မြောက်ရေးလုပ်ငန်းအဖွဲ့ဝင် သိက္ခာတော်ရ ဆရာတော် စောမက်သယူးအေး၏မိန့်ကြားချက်မှသိ ရှိရသည်။ထို အစည်းအဝေးကို KNU နှင့် DKBA အပါအ၀င် ကရင်တိုင်းရင်းသားလက်နက်ကိုင်အဖွဲ့များ၊ ကရင်နိုင်ငံ ရေးပါတီများ၊ ကရင် လွှတ်တော်အမတ်များ၊ ကရင်ပြည်နယ်အစိုးရ၀န်ကြီးနှင့် အစိုးရပိုင်းဆိုင်ရာ အဖွဲ့အစည်းများ လည်း တက် ရောက်ခဲ့ကြောင်းသိရသည်။
ATPF မှမြန်မာနိုင်ငံကို အဖွဲ့ဝင်အဖြစ်အသိအမှတ်ပြု
Asia Trade Promotion Forum မှာ အာရှတိုက်ရှိ နိုင်ငံအသီးသီးနှင့်ကုန်သွယ်မှု မြှင့်တင်ရေး လုပ်ငန်းများကို ပူးပေါင်းဆောင်ရွက်သောအဖွဲ့အစည်းဖြစ်ပြီး ယခုအခါ မြန်မာနိုင်ငံကို ၂၄ ကြိမ်မြောက် အဖွဲ့ဝင်နိုင်ငံအဖြစ် အသိအမှတ်ပြု လက်ခံလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဌာန မှတာဝန်ရှိသူများက ပြောကြားခဲ့သည်။
| Google Drive: create, share, and keep all your stuff in one place. |  |