Posts
Agence France - Presse, 2nd August 2010
တောင်ကိုရီးယားသို့ အမေရိကန် အထူး ကိုယ်စားလှယ် မလာမီ တနင်္ဂနွေနေ့က မြောက်ကိုရီးယားသည် စစ်ရေးဖြင့် လက်တုန့်ပြန်မည် ဖြစ်ကြောင်း တဖန် ခြိမ်းခြောက်ခဲ့ပြန်သည်။ ဆိုးလ်နှင့် အမေရိကန်တို့ကလည်း ပြုံးယမ်း အပေါ် အရေးယူမှု အသစ်များ ချမှတ်ရန် ရှေးရှုလျက် ရှိသည်။
တောင်ကိုရီးယားတို့သည် အမေရိကန် ပြည်ထောင်စုနှင့် ပူးတွဲ စစ်ရေး လေ့ကျင့်မှု ပြုခဲ့ခြင်းကြောင့် မြောက်ကိုရီးယား အနေဖြင့် ပြင်းပြင်းထန်ထန် မညှာမတာ ပြစ်ဒဏ် ခတ်မည် ဖြစ်ကြောင်း မြောက်ကိုရီးယား ပါတီ သတင်းစာ Rodong Sinmun တွင် ရေးသားထားသည်။
ယခင်က ပြောခဲ့ဖူး သလိုပင် မိမိတို့သည် နျူကလီယာကို အခြေခံသော လက်တုန့်ပြန် စစ်ပွဲ တစ်ခု ဆင်နွှဲရလိမ့်မည် ဖြစ်ကြောင်း စွပ်စွဲ ပြောကြားခဲ့သည်။
အမေရိကန် နိုင်ငံခြားရေး ဌာန လက်နက် မပြန့်ပွားရေးနှင့် ထိန်းချုပ်ရေး အတွက် အထူး အကြံပေး အရာရှိ Robert Einhorn သည် တနင်္ဂနွေနေ့ ညပိုင်းတွင် ဆိုးလ်သို့ ရောက်ရှိပြီး၊ မြောက်ကိုရီးယား အပေါ် အရေးယူမှုများ မည်သို့ အရှိန်မြှင့်နိုင်မည်ကို ဆွေးနွေးမည် ဖြစ်ကြောင်း နိုင်ငံခြားရေး ဌာန တာဝန်ရှိသူများက ပြောသည်။
Einhorn သည် တနင်္လာနေ့တွင် တောင်ကိုရီးယား တာဝန်ရှိသူများနှင့် ဆက်တိုက် တွေ့ဆုံရန် ရှိသည်။
စစ်တပ်မှ တနင်္ဂနွေနေ့က ပြောကြားရာတွင် မြေမြှုပ်မိုင်းများကြောင့် တစ်ဦး သေ၍ တစ်ဦး ဒဏ်ရာ ရရှိခဲ့သည်ဟု ဆိုသည်။
တောင်ကိုရီးယား ကမ်းခြေ တလျှောက်တွင် ပြီးခဲ့သည့် အပတ်အတွင်း မြေမြှုပ်မိုင်း ဒါဇင်ပေါင်း များစွာ ရေနှင့် မျောပါလာကြောင်း၊ မိုးကြီးသောကြောင့် မြောက်ကိုရီးယားမှ မျောပါလာဖွယ် ရှိသည်ဟု ခန့်မှန်းရသည်။
လူနှစ်ဦးသည် စနေနေ့က မြောက်ကိုရီးယား နယ်စပ် အနီးတွင် ငါးဖမ်းနေစဉ် သစ်သား သေတ္တာတွင် ထည့်ထားသော မိုင်းနှစ်လုံး ရေထဲတွင် မျောလာသည်ကို တွေ့ရှိရသည်ဟု စစ်တပ်မှ အရာရှိ တစ်ဦး၏ အဆိုအရ သိရှိရသည်။
တစ်လုံးမှာ ၎င်းတို့ သယ်ယူလာစဉ် ပေါက်ကွဲပြီး၊ တစ်ဦးမှာ ပွဲချင်းပြီး သေဆုံးကြောင်း၊ အမည် မဖော်လိုသူ အရာရှိ တစ်ဦးက ဆိုသည်။ အခြား တစ်ဦးမှာ ပြင်းထန်စွာ ဒဏ်ရာ ရရှိ၍ အနီးရှိ ဆေးရုံသို့ သယ်ဆောင်သွားသည်။
တနင်္ဂနွေနေ့က တောင်ကိုရီးယားတို့သည် မြောက်ကိုရီးယားသို့ မြေမြှုပ်မိုင်းများ တောင်ဖက်သို့ စီးဝင်မလာရန် သင့်တော်သော ကြိုတင် ကာကွယ်မှုများ ပြုလုပ်ရန် သတင်း ပေးပို့ခဲ့သည်ဟု ကာကွယ်ရေး ဝန်ကြီးဌာန ကြေညာချက်တွင် ဖော်ပြထားသည်။
အဆိုပါ လူများသည် ၎င်းတို့ သယ်ယူလာသော ပစ္စည်းများသည် မိုင်းများ ဖြစ်သည်ကို သိမသိကိုမူ ရှင်းလင်းစွာ မသိရသေးပေ။
စနေနေ့ကတည်းက ထိုသို့သော မိုင်း ၃၅ လုံး မျောပါလာရာ၊ မြောက်ကိုရီးယားတွင် မိုးကြီးသောကြောင့် ဖြစ်ဟန် တူသည်ဟု ကြေညာချက်တွင် ဖော်ပြထားသည်။
တောင်ကိုရီးယား စစ်သင်္ဘောသည် မြောက်ကိုရီးယား တော်ပီဒိုကြောင့်ဟု တောင်ကိုရီးယားနှင့် အမေရိကန်တို့က မေလ နှောင်းပိုင်းတွင် စွပ်စွဲ ပြောကြားခဲ့ အပြီးတွင် နှစ်နိုင်ငံ နယ်စပ် တင်းမာမှုများ သိသိသာသာ ဖြစ်လာခဲ့သည်။
အမေရိကန်နှင့် တောင်ကိုရီးယား တပ်များသည် ပြီးခဲ့သည့် အပတ်က လေးရက်ကြာ ရေတပ်နှင့် လေတပ် ပူးတွဲ လေ့ကျင့်မှုများ ပြုလုပ်ခဲ့ရာ ၎င်းတို့က မြောက်ကိုရီးယားတို့ နောက်ထပ် တိုက်ခိုက် မလာရန် ရည်ရွယ် ပြုလုပ်ခြင်း ဖြစ်ကြောင်း ပြောကြားခဲ့သည်။
ဝါရှင်တန်သည် ၂၀၀၅ ခုနှစ်က မကာအို အခြေစိုက်ဘဏ် တစ်ခုအား မြောက်ကိုရီးယား ငွေစာရင်းတွင် ဒေါ်လာ ၂၅ သန်းကျော် လက်ခံထားပြီး၊ ပြုံးယမ်းအား ငွေမည်း ခဝါချပေးမှု အတွက် စွပ်စွဲကာ အမည်မည်း စာရင်း သွင်းခဲ့သည်။
ထိုသို့ ပြုလုပ်ခဲ့ခြင်းကြောင့် မြောက်ကိုရီးယားကို နိုင်ငံတကာ ငွေကြေးစနစ်ဖြင့် ဆက်သွယ်ခြင်းကို ထိရောက်စွာ ဖြတ်တောက် နိုင်ခဲ့သည်။
ကုလ သမဂ္ဂကလည်း ပြီးခဲ့သည့်နှစ် ဇွန်လက မြောက်ကိုရီးယား၏ ဒုံးကျည် ပစ်လွှတ်မှုများနှင့် နျူကလီယာ စမ်းသပ်မှုများကြောင့် အရေးယူမှုများကို ပိုမို တင်းကြပ်ခဲ့သည်။
ပြီးခဲ့သည့် လက ဝါရှင်တန်သည် ထပ်မံ အရေးယူမှုများကို ကြေညာခဲ့ရာ မြောက်ကိုရီးယား၏ နျူကလီယာ လက်နက်များ ရောင်းဝယ်မှု၊ ငွေမည်း ခဝါချမှုနှင့် တရားမဝင် လုပ်ရပ်များ ရပ်တန့်ရန် ရည်ရွယ်ခဲ့ခြင်း ဖြစ်သည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.