Posts
 | yangonchronicle 2011 |
၇.၄.၂၀၁၁
ဘာသာပြန်သတင်းများ - ၂
တရုတ်တွင် ငွေဖောင်းပွမှုကို ထိန်းချုပ်ရန် အတိုးနှုန်းများထပ်မံ မြှင့်တင်
(BBC News မှ 6 April 2011 ရက်စွဲပါ “China raises interests rates again to tackle inflation” သတင်းကို ဘာသာ ပြန်ဆိုသည်)
တရုတ် ဗဟိုဘဏ်သည် ငွေဖောင်းပွမှုနှင့် ဘဏ်ချေးငွေကို ထပ်မံထိန်းချုပ်ရန် ကြိုးစားသည့် အနေဖြင့် အဓိက ကျသော အတိုးနှုန်းများကို မြှင့်တင်လိုက်သည်။ တစ်နှစ်တာ အပ်ငွေနှင့် ချေးငွေ အတွက် အတိုးနှုန်းများကို ၃.၂၅% နှင့် ၆.၃၁% သို့ အသီးသီး မြှင့်တင်လိုက်ခြင်း ဖြစ်သည်။
၂၀၁၀ နှစ်ကုန် နောက်ပိုင်း ၄ ကြိမ်မြောက် အတိုးနှုန်း မြှင့်တင်မှုသည် ဗုဒ္ဓဟူးနေ့တွင် စတင် အကြုံးဝင် သက်ရောက်မည်ဟု People’s Bank of China ကပြောကြားသည်။ တရုတ်နိုင်ငံတွင် ဖေဖော်ဝါရီလက ကုန်ဈေးနှုန်းသည် မနှစ်က ဖေဖော်ဝါရီ လပိုင်းထက် ၄.၉% တက်လာခဲ့ခြင်းကြောင့် ငွေဖောင်းပွမှုနှင့် ရင်ဆိုင် ကြုံတွေ့ ဖြေရှင်းနေရသည်။
စိတ်ဆိုးမာန်ဆိုး လှုပ်ရှားမှု
“ဒါဟာ စိတ်ဆိုးမာန်ဆိုး လှုပ်ရှားမှုပါ။ ဈေးကွက်က မျှော်လင့်ထား တာထက် ပိုပြီး စိတ်ဆိုးမာန်ဆိုး ဗဟိုဘဏ်က လုပ်လိုက်တာပါ” ဟု ပြောကြားသူမှာ ရှန်ဇင်းရှိ China Marchants Bank မှ ဇူပေါင် ဖြစ်သည်။ ပိုပြီး အရေးကြီး တာကတော့ တရုတ်နိုင်ငံရဲ့ ငွေကြေးမူဝါဒ တင်းကြပ်မှုတွေ မပြီးဆုံးသေးဘူး ဆိုတဲ့ အချက်ပါပဲ ဟု ၎င်းကဆိုသည်။
ပြီးခဲ့သည့်လက ကွန်မြူနစ်ပါတီ လွှတ်တော်တွင် ဝန်ကြီးချုပ် ဝမ်ကျားပေါင်က “၂၀၁၀ အတွက် အစိုးရ၏ ထိပ်တန်း ဦးစားပေး တာဝန်မှာ ကုန်ဈေးနှုန်း ထိန်းချုပ်ရေး ဖြစ်ကြောင်း” ပြောကြားခဲ့သည်။
စားသောက်ကုန် ဈေးနှုန်း တစ်မျိုးထဲသည်ပင် မနှစ်က ဖေဖော်ဝါရီလ ကထက် ၁၁% တက်လာ ခဲ့ခြင်းကြောင့် စားသုံးသူ ပြည်သူတို့ကို မကျေမနပ် ဖြစ်စေခဲ့သည်။
ငွေဖောင်းပွမှုကို ထိန်းချုပ်ရန် ကြိုးပမ်းလျက် ရှိသော်လည်း ငွေဖောင်းပွမှု နှုန်းမှာ အစိုးရ မှန်းထားသည်ထက် ၄% ခန့် ပို၍ မြင့်နေသည်။
ဘဏ်ချေးငွေ ထုတ်ပေးခြင်းကို ကန့်သတ်ပြီ
ဘေဂျင်းမှ ဘီဘီစီ သတင်းထောက် Martin Patience က “၂၀၀၈ ကမ္ဘာ့ငွေကြေး အကျပ်အတည်း အပေါ် တရုတ် အစိုးရ၏ တုန့်ပြန်မှု ပုံစံမှတဆင့် ယခု ငွေဖောင်းပွမှု ဖိအားများ ကျရောက်လာခြင်း ဖြစ်သည်” ဟု ပြောကြားသည်။
စီးပွားရေး ကဏ္ဍ အတွင်းသို့ တရုတ် အစိုးရက ဒေါ်လာ ဘီလျံပေါင်း ရာနှင့်ချီ၍ လောင်းထည့် ခြင်းဖြင့် စီးပွားရေး ကြီးထွားမှု အမြန်ဆုံး ပြန်ခုန် တက်လာအောင် ပြုလုပ်ခဲ့ခြင်း ဖြစ်သည်။ သို့သော်လည်း ယင်းကဲ့သို့ ဈေးကွက် အတွင်း ရင်းနှီး ငွေလုံးငွေရင်း များပြားလာခြင်း၏ ဘေးထွက် ဆိုးကျိုးတစ်ခု အဖြစ် ငွေဖောင်းပွမှု ဖြစ်ပေါ်လာခဲ့သည်။
တရုတ် အစိုးရက ထိုစဉ်ကတည်းကပင် ဘဏ်ချေးငွေကို ထိန်းချုပ်ဖို့ ကြိုးစားရန် နည်းအမျိုးမျိုး အသုံးပြုခဲ့သည်။ မတ်လ ၁၈ ရက်နေ့တွင် ဗဟိုဘဏ်က ဘဏ်များ၏ မ တည် ငွေရင်း အရံ ရန်ပုံငွေကို ၀.၅% မှ ၂၀% သို့ တိုးမြှင့်မှု ပြုလုပ်ခဲ့သည်။ တနည်းအားဖြင့် ဘဏ်များက ထုတ်ချေးမည့် ငွေများကို သော့ခတ် ထားလိုက်ခြင်းပင်ဖြစ်သည်။
ငွေဖောင်းပွမှုကို ထိန်းချုပ်ရန် တရုတ် အာဏာပိုင်များ၏ နောက်ဆုံးပိတ် ကြိုးပမ်းမှုကို BBC သတင်းထောက် Martin Patience က ဘေဂျင်းမှ သတင်း ပေးပို့ခြင်း ဖြစ်သည်။
********************************************************************************************************************************
တရုတ်-မြန်မာ ချစ်ကြည်ရင်းနှီးမှု အပြန်အလှန် အကျိုးစီးပွားပေါ် တည်မှီ
(Xinhua သတင်းကို ဘာသာ ပြန်ဆိုသည်)
တရုတ်ပြည်သူ့ သမ္မတနိုင်ငံ ထိပ်တန်းနိုင်ငံရေး အတိုင်ပင်ခံပုဂ္ဂိုလ် တစ်ဦးဖြစ်သော မစ္စတာ ကျာချင့်လင်သည် ပြည်ထောင်စု သမ္မတမြန်မာနိုင်ငံ၊ ပြည်သူ့ လွှတ်တော် ဥက္ကဌ သူရ ဦးရွှေမန်းနှင့် မြို့တော် နေပြည်တော်၌ ဧပြီလ ၃ ရက်နေ့က တွေ့ဆုံခဲ့ကြောင်း အစိုးရ သတင်း ထုတ်ပြန်ချက်များအရ သိရသည်။ မြန်မာ-တရုတ် နှစ်နိုင်ငံအိမ်နီးချင်း ချစ်ကြည် ရင်းနှီးမှုများသည် နှစ်ဦးနှစ်ဖက် စလုံး၏ အခြေခံ အကျိုးစီးပွားနှင့် ကိုက်ညီမှု ရှိသည်ဟု မစ္စတာ ကျာချင့်လင်က ပြည်သူ့လွှတ်တော် ဥက္ကဌနှင့် တွေ့ဆုံရာ၌ ပြောကြားခဲ့သည်။
မြန်မာနိုင်ငံ အရှေ့မြောက်ပိုင်း ရှမ်းပြည်နယ်တွင် လှုပ်ခတ်သွားသော အင်အားပြင်း မြေငလျင်ကြောင့် သေဆုံး ပျက်စီးမှုများ ဖြစ်ပေါ်ခဲ့ရမှုအပေါ် လွန်စွာ စိတ်မကောင်း ဖြစ်ရသလို စာနာ ထောက်ထားမှုလည်း ဖြစ်မိကြောင်း ၎င်းက ဆိုသည်။ တရုတ်-မြန်မာ နှစ်နိုင်ငံ ပြည်သူများသည် သမိုင်းကြောင်း အစဉ်အလာအရ လွန်စွာ နက်ရှိုင်းသော ချစ်ကြည် ရင်းနှီးမှု ရှိကြသည်ဟုလည်း ဆိုသည်။
ငြိမ်းချမ်းစွာ အတူ ယှဉ်တွဲနေထိုင်ရေး မူဝါဒ (၅) ချက်သည် ယခုအခါ နိုင်ငံအချင်းချင်း ဆက်ဆံရေးတွင် ကျယ်ကျယ်ပြန့်ပြန့် လက်သင့်ခံ လာသော ဖွံ့ဖြိုးရေး စံချိန်စံနှုန်းတစ်ခု ဖြစ်လာသည်ဟု မစ္စတာ ကျာချင့်လင်က ဆိုသည်။
လက်ရှိနှစ်များတွင် တရုတ်-မြန်မာ နှစ်နိုင်ငံသည် ကောင်းမွန်စွာ ဖွံ့ဖြိုးတိုးတက်မှု ရှိသော အပြန်အလှန် ချစ်ကြည်ရင်းနှီးမှု အနေအထားတစ်ခုကို ထိန်းသိမ်းထားနိုင်ကြောင်း၊ အကြောင်းမှာ နှစ်နိုင်ငံစလုံး၏ ပဓာနကျသော အရေးကိစ္စကြီးများကို တစ်ဦးနှင့်တစ်ဦး အပြန်အလှန် ထောက်ပံ့ပေးမှုများနှင့် အလေးအနက်ထား ဖလှယ်ပေးမှုများ လုပ်ကိုင်ခဲ့သောကြောင့် ဖြစ်ကြောင်း ၎င်းက ဆိုသည်။
ထိုင်ဝမ်ကျွန်း အရေးကိစ္စများ၊ တိဘက်၊ ဇီကျန်းပြည်နယ် အရေးကိစ္စများနှင့် ပတ်သက်၍ မြန်မာနိုင်ငံ၏ ရပ်တည်ချက် သဘောထားအပေါ် တရုတ်နိုင်ငံက များစွာ အသိအမှတ် ပြုပါကြောင်းလည်း မစ္စတာ ကျာချင့်လင်က ဆိုသည်။ မစ္စတာ ကျာချင့်လင်သည် ခရီးစဉ်အတွင်း နဂိုကတည်းက ခိုင်မြဲမှုရှိပြီးသား ဖြစ်သော တရုတ်-မြန်မာ အိမ်နီးချင်း ချစ်ကြည် ရင်းနှီးမှုကို ကောင်းစွာ ထိန်းသိမ်းနိုင်ခဲ့သည်။
ထို့ပြင် ခရီးစဉ်အတွင်း အနာဂတ်ကာလ နှစ်နိုင်ငံ ချစ်ကြည်မှု ဖွံ့ဖြိုးတိုးတက်ရေး ဆိုင်ရာ လုပ်ငန်းစဉ်များ လုပ်ကိုင်ရန် အဆိုပြုမှုများ ပြုလုပ်သည်။ ၎င်း၏ အဆိုပြုမှုများတွင် အပြန်အလှန် ချစ်ကြည်ရေး ခရီးစဉ်များ ဆက်လက် ပေါ်ထွန်းရေး၊ လူမှု-စီးပွားရေး ဖွံ့ဖြိုးမှုဆိုင်ရာ နှီးနှောဖလှယ်မှု လုပ်ကိုင်နိုင်ရေး အစ ရှိသည်တို့ ပါဝင်သကဲ့သို့ လမ်းပန်း ဆက်သွယ်ရေး၊ စွမ်းအင်ရှာဖွေရေး နှင့် အရေးကြီးသော အခြေခံ အဆောက်အအုံများ တည်ဆောက်ရေး စသည့် အခန်းကဏ္ဍ များတွင် ပူးပေါင်း ဆောင်ရွက်နိုင်ရေး တို့လည်း ပါဝင်သည်။
မြန်မာနိုင်ငံ အနေဖြင့် ဖွံ့ဖြိုးတိုးတက်မှု အခြေအနေကောင်းများ ရွေးချယ်နိုင်ရေးအတွက် တရုတ်နိုင်ငံက ဆက်လက် ထောက်ပံ့သွားမည် ဖြစ်သလို နိုင်ငံတကာ အသိုင်းအဝိုင်း ကြားတွင် မြန်မာနိုင်ငံ၏ တရားဝင် အခွင့်အရေးများ မပျောက်ပျက်အောင်လည်း ကူညီပေးသွားမည် ဖြစ်ကြောင်း မစ္စတာကျာချင့်လင်က အာမခံ ပြောကြားသည်။ မစ္စတာ ကျာချင့်လင်၏ ခရီးစဉ်သည် နှစ်နိုင်ငံ ဆက်ဆံရေးကို ကောင်းမွန်စွာ မြှင့်တင်ပေး နိုင်လိမ့်မည်ဟု ပြည်သူ့လွှတ်တော် ဥက္ကဌ သူရဦးရွှေမန်းက ယုံကြည်ကြောင်း ပြောသည်။ မစ္စတာ ကျာချင့်လင်သည် မြန်မာနိုင်ငံတွင်း အရပ်သား အစိုးရသစ် ဖွဲ့စည်း လိုက်ပြီးနောက် လာရောက် လည်ပတ်သည့် ပထမဆုံး အဆင့်မြင့် နိုင်ငံခြား ခေါင်းဆောင်တစ်ဦး ဖြစ်သည်။
********************************************************************************************************************************
မြန်မာအတွက် အကူအညီ အထောက်အပံ့များ ပေးမည်ဟု တရုတ်ကတိပြု
(Xinhua သတင်းကို ဘာသာ ပြန်ဆိုသည်)
စစ်ဘက် အုပ်ချုပ်ရေးမှ အရပ်ဘက် အစိုးရထံသို့ မကြာသေးခင်က အာဏာ လွှဲပြောင်းပေးလိုက်သော မြန်မာနိုင်ငံအတွက် အကူအညီ အထောက်အပံ့များ ပိုမို ပေးအပ်သွားမည် ဖြစ်ကြောင်း တရုတ်နိုင်ငံက ကတိကဝတ် ပြုလိုက်ကြောင်း သိရသည်။ ယင်းသို့ အကူအညီများ ပေးအပ်မည့် အစီအစဉ်အား တရုတ်ထိပ်တန်း နိုင်ငံရေး အတိုင်ပင်ခံ ပုဂ္ဂိုလ် မစ္စတာ ကျာချင့်လင် မြန်မာနိုင်ငံသို့ အလည်အပတ် လာရောက်စဉ် အတွင်း ကတိပြု ပြောဆိုခဲ့ခြင်း ဖြစ်သည်။ မစ္စတာ ကျာချင့်လင်သည် မြို့တော် နေပြည်တော်၌ ပြည်ထောင်စု မြန်မာနိုင်ငံ သမ္မတ ဦးသိန်းစိန်နှင့် တွေ့ဆုံဆွေးနွေးစဉ် အကူ အညီ အထောက်အပံ့များ ပေးသွားမည် ဖြစ်သည်ဟု အသိပေး ပြောဆိုခဲ့ကြောင်း တရုတ်နိုင်ငံပိုင် Xinhua သတင်းဌာနက ဆိုသည်။
တရုတ်နိုင်ငံ အနောက်တောင်ပိုင်း ဒေသမှ အိမ်နီးချင်း မြန်မာနိုင်ငံအတွက် ဘေဂျင်းအစိုးရ အနေဖြင့် ဖွံ့ဖြိုး တိုးတက်ရေး ဆိုင်ရာ အကူအညီများ ပေးသွားမည် ဖြစ်သည်ဟု မစ္စတာ ကျာချင့်လင်က ပြောဆိုခဲ့ကြောင်း Xinhua က သတင်း ပေးပို့သည်။ လက်ရှိ ပြည်တွင်းအခြေအနေ အရပ်ရပ်နှင့် တစ်သားတည်း ဖြစ်အောင် ရွေးချယ် အကောင်အထည် ဖော်ခဲ့သည့် မြန်မာနိုင်ငံ၏ နိုင်ငံရေး ဖွံ့ဖြိုးမှုကို တရုတ်နိုင်ငံက ထောက်ပံ့ပါ ကြောင်းလည်း ပြောဆိုသည်။
မြန်မာနိုင်ငံသမ္မတ ဦးသိန်းစိန်က မစ္စတာ ကျာချင့်လင်သည် အစိုးရသစ် ဖွဲ့စည်းပြီးနောက် ပထမဆုံး လာရောက် လည်ပတ်သော နိုင်ငံခြား ခေါင်းဆောင်တစ်ဦး ဖြစ်ပြီး တရုတ်နိုင်ငံအပေါ် ထားရှိသည့် မြန်မာနိုင်ငံ၏ မူဝါဒ ပြောင်းလဲမည် မဟုတ်ဟု ပြောဆိုကြောင်း Xinhua က ကိုးကားဖော်ပြသည်။ ၁၉၆၂ ခုနှစ်ကတည်းက စစ်အုပ်ချုပ်ရေးစနစ် အောက်သို့ ရောက်ရှိခဲ့သော မြန်မာနိုင်ငံတွင် မတ်လ ၃၀ ရက်နေ့က အရပ်ဘက် အစိုးရထံသို့ စစ်အစိုးရက အာဏာ လွှဲပြောင်း ပေးလိုက်သည်။ တရုတ်နိုင်ငံသည် စစ်အစိုးရအား အနောက်နိုင်ငံများက ဒဏ်ခတ် အရေးယူမှုများ ပြုလုပ်လာသည့် နောက်ပိုင်းတွင် မြန်မာနိုင်ငံ၏ အနီးကပ် မဟာမိတ် ဖြစ်လာခဲ့ခြင်း ဖြစ်သည်။
အနာဂတ်ကာလ အပြန်အလှန် ဆက်ဆံရေး ဖွံ့ဖြိုး တိုးတက်မှုများသည် နှစ်နိုင်ငံစလုံးနှင့် နှစ်ဖက်ပြည်သူများ၏ အခြေခံကျသော အကျိုး စီးပွားများနှင့် ကိုက်ညီမှု ရှိမည် ဖြစ်သည်ဟု မစ္စတာကျာချင့်လင်က ဆိုသည်။ ကုလသမဂ္ဂ အတွင်းရေးမှူး မစ္စတာဘန်ကီမွန်းက မြန်မာစစ်အစိုးရ အနေဖြင့် ယခုနောက်ဆုံး အာဏာလွှဲပြောင်းမှုသည်
စစ်မှန်သော ဒီမိုကရေစီ ဖော်ဆောင်မှု တစ်ရပ် ဖြစ်သည် ဟူသောအချက်ကို ထုတ်ဖော်ပြသရမည် ဖြစ်ကြောင်း၊ ဒီမိုကရေစီ ဖော်ဆောင်ရေးနှင့် လူ့အခွင့် အရေးကို လေးစားလိုက်နာမှုသည် မြန်မာနိုင်ငံ ဖွံ့ဖြိုးတိုးတက်ရေးနှင့် ငြိမ်းချမ်းရေးအတွက် မဖြစ်မနေ လိုအပ်သည့် အုတ်မြစ်များ ဖြစ်ကြောင်း ပြောကြားလိုက်သည်။
***************************************************************************************************************************************
မြောက်ကိုရီးယား ပါလီမန် အစည်းအဝေးတွင် အာဏာဆက်ခံရေး အစီအစဉ်များ ပြုလုပ်မည်ဟု မျှော်မှန်း
(6 April 2011 ရက်စွဲပါ Associated Press မှ Hyung-Jin Kim ရေးသားသော Succession Speculation as N-Korea parliament meets ကိုဘာသာ ပြန်သည်)
မြောက်ကိုရီးယား လွှတ်တော်သည် ပြုံယမ်းတွင် ကြာသပတေးနေ့တွင် အစည်းအဝေး ပြုလုပ်မည် ဖြစ်ပြီး၊ ကင်ဂျုံအီသည် ၎င်း၏ သားအား နိုင်ငံ၏ ဒုတိယ အာဏာ အရှိဆုံး ပုဂ္ဂိုလ်အဖြစ် ခန့်အပ်ဖွယ် ရှိကြောင်း မျှော်လင့်နေကြသည်။
အမြင့်ဆုံး ပြည်သူ့ အဖွဲ့အစည်းသည် နွေဦးပေါက် အစည်းအဝေးကို ကျင်းပပြီး ကင်ဂျုံအန်ကို အမျိုးသား ကာကွယ်ရေး ကော်မရှင်တွင် ရွေးချယ် ခန့်အပ်ရေးကို အထူး အလေးပေးမည့် ပုံရသည်။ အဆိုပါ ရာထူးနေရာသည် ၎င်းအတွက် မြောက်ကိုရီးယား၏ နောက်တက်မည့် ခေါင်းဆောင်အဖြစ် နေရာ ပိုမို ခိုင်မာစေမည် ဖြစ်သည်။
နိုင်ငံအဝှမ်းမှ ကိုယ်စားလှယ်များသည် အဆိုပါ အစည်းအဝေးအတွက် ယခုအပတ် အစောပိုင်းကပင် စတင် ရောက်ရှိ ခဲ့ကြပြီး၊ ဗုဒ္ဓဟူးနေ့က ကင်ဂျုံအီ မိခင် Kim Jong Suk ၏ ရုပ်ထုတွင် ညစာ တည်ခင်း ခဲ့သည်ဟု မြောက်ကိုရီးယား နိုင်ငံပိုင် KCNA က သတင်း ထုတ်ပြန်ခဲ့သည်။
ယခု ပါလီမန်အစည်းအဝေးသည် ပြီးခဲ့သည့် စက်တင်ဘာလက ကင်ဂျုံအန်အား အာဏာရ အလုပ်သမား ပါတီတွင် အဓိက နိုင်ငံရေး ရာထူး ပေးခဲ့သော အစည်းအဝေး အပြီး ပထမဆုံး ပြန်လည် ကျင်းပသော အဓိက အစည်းအဝေးကြီး ဖြစ်သည်။ ထိုစဉ်ကတည်းက ကင်ဂျုံအန်သည် ၎င်း၏ ဖခင်က အရိုက်အရာ ဆက်ခံမည့်သူဟု ရွေးချယ်ထားသည် နှင့်အညီ ကင်ဂျုံအီ၏ နဘေးတွင် မှန်မှန် တွေ့ရလေ့ ရှိသည်။
ကြာသပတေးနေ့တွင် ၎င်းအား အမျိုးသား ကာကွယ်ရေး ကော်မရှင်တွင် ရွေးချယ် တင်မြှောက်ခြင်းသည် ခေါင်းဆောင် ရာထူး ဆက်ခံမည့်သူ အဖြစ် တရားဝင်အောင် ပြုလုပ်ပေးသော ခြေလှမ်းတစ်ရပ် ဖြစ်ပြီး၊ အဆိုပါ လုပ်ငန်းစဉ်သည် လာမည့် နှစ်တွင် ပြီးစီးမည်ဟု ယုံကြည်ရသည်။
၂၀၁၂ ခုနှစ် ဧပြီလသည် သမ္မတ ကင်အီဆွန်း၏ အသက် ရာပြည့်နှစ် ဖြစ်သည်။ ကင်အီဆွန်းသည် မြောက်ကိုရီးယားကို တည်ထောင်သူ တိုက်ပွဲဝင် ရဲဘော်ကြီး ဖြစ်ပြီး၊ ၎င်းက သားဖြစ်သူ ကင်ဂျုံအန်းကို ရာထူး လက်ဆင့် ကမ်းခဲ့သည်။ ပြုံယမ်း အစိုးရသည် ၂၀၁၂ ခုနှစ်အား တိုင်းပြည်၏ သမိုင်းတွင် အရေးကြီးသော မှတ်တိုင်အဖြစ် ဝါဒဖြန့်လျက် ရှိသည်။
သို့သော် မေးခွန်း ထုတ်စရာ ရှိသည်မှာ သားဖြစ်သူသည် လွန်ခဲ့သော ခြောက်လမှ ကြယ်လေးပွင့် အဆင့် ဗိုလ်ချုပ်ကြီး ဖြစ်ပြီး အလုပ်သမား ပါတီ၏ အကြီးတန်း ရာထူး ယူထားရာ၊ ယခု အမျိုးသား ကာကွယ်ရေး ကော်မရှင်တွင် နေရာယူရန် အဆင်သင့် ဖြစ်မဖြစ် ဟူသော အချက် ဖြစ်သည်။
“ကင်ဂျုံအီ အနေနဲ့ သူ့သားကို အာဏာ တချို့ လွှဲပေးတယ် ဆိုတာ၊ သူ့ရဲ့ ပါဝါ အခြေခံရာမှာ အားနည်းလာလို့ ဖြစ်တယ် ဆိုတာ အဓိပ္ပာယ် ကောက်နိုင်ပါတယ်” ဟု ဆိုးလ်၏ Dongguk တက္ကသိုလ် မှ မြောက်ကိုရီးယား နိုင်ငံနှင့် ပတ်သက်သော ပါမောက္ခ Kim Yong-hyun က ပြောသည်။
ကင်ဂျုံအီသည် လူဦးရေ (၂၄) သန်း ရှိသော နိုင်ငံတွင် အမျိုးသား ကာကွယ်ရေး ကော်မရှင် ဥက္ကဋ္ဌ အဖြစ်ဖြင့် အုပ်ချုပ်ခဲ့သည်။ နံပါတ် (၂) ဖြစ်သော ကော်မရှင် ဥက္ကဋ္ဌ နေရာသည် ပြီးခဲ့သည့် နိုဝင်ဘာက ၎င်း၏ လူယုံ Jo Myong Rok သေဆုံးပြီး ကတည်းက လစ်လပ်နေခဲ့သည်။ Jo သည် ကိုရီးယား ပြည်သူ့ တပ်မတော်၏ ဒုတိယ မာရှယ် ဖြစ်ပြီး၊ ဒုဥက္ကဋ္ဌ တာဝန်ကို (၁၂)နှစ် ထမ်းဆောင်ခဲ့သည်။
အမျိုးသား ကာကွယ်ရေး ကော်မရှင် (NDC) သည် နိုင်ငံနှင့် စစ်တပ်၏ အဓိကမူဝါဒများ ချမှတ်သော အဖွဲ့ ဖြစ်ပြီး ကင်ဂျုံအန်ကို ပထမ ဒုတိယ ဥက္ကဋ္ဌ နေရာပေးပြီး၊ စစ်တပ်၊ စက်ရုံနှင့် လယ်ယာမြေ များကို ၎င်းကိုယ်တိုင် စစ်ဆေးနိုင်မည် ဖြစ်သည်။
“ကင်ဂျုံအန်ဟာ ကော်မရှင်ရဲ့ ပထမ ဒုဥက္ကဋ္ဌ ဖြစ်လာပြီး၊ အစိုးရဲ့ နံပါတ်(၂)ခေါင်းဆောင် အပြင် အလုပ်သမား ပါတီရဲ့ ဒုတိယ ခေါင်းဆောင် ဖြစ်လာဖို့ ဖြစ်နိုင်ခြေ အရမ်း များနေပါပြီ” ဟု မြောက်ကိုရီးယား ပါလီမန် အစည်းအဝေးများကို နှစ်ပေါင်း များစွာကပင် လေ့လာနေသော တောင်ကိုရီးယား ပုဂ္ဂလိက Sejong အင်စတီကျူ မှ အကြီးတန်းဖဲလိုး Cheong Seong-chang က ပြောကြားခဲ့သည်။
အလုပ်သမား ပါတီက တင်ပြသော ဘီလ်များကို ရာဘာ တံဆိပ်တုံး ထုပေးရန်အတွက် မြောက်ကိုရီးယား လွှတ်တော်ကို များသောအားဖြင့် တစ်ကြိမ် ကျင်းပလေ့ ရှိရာ ယင်းနိုင်ငံ၏ အာဏာ တည်ဆောက်ပုံ အပြောင်း အလဲများကို သဲလွန်စ ရနိုင်ရန် အတွက် ထိုလွှတ်တော် အစည်း အဝေးများကို နိုင်ငံတကာက အနီးကပ် စောင့်ကြည့် ကြရသည်။
ကင်ဂျုံအီး မနှစ်က လေဖြတ်သွားကြောင်း ကောလာဟလများ ထွက်ပေါ် လာခဲ့ပြီးနောက် ပြည်သူတို့၏ ရှေ့မှောက်သို့ ပြန်၍ လူလုံးပြရန် အတွက် ၂၀၀၉ လွှတ်တော် အစည်းအဝေးကို အသုံးချခဲ့ပြီး ထိပ်ပိုင်း တာဝန်ရှိသူ များကို မနှစ်က အပြောင်းအလဲ လုပ်ပစ်ခဲ့သည်။
နိုင်ငံခြား ရင်းနှီး မြှုပ်နှံမှုများကို ဆွဲဆောင်ရန်၊ ပြည်တွင်း စီးပွားရေး အသက်ဆက်နိုင်ရန် ရည်ရွယ်သည့် အစီအစဉ်များကို လွှတ်တော် ကိုယ်စားလှယ်များက အတည်ပြု ပေးရခြင်း ဖြစ်သည်ဟု အကဲခတ် လေ့လာသူများက ပြောကြားသည်။
လာမည့် လများအတွင်း မြောက်ကိုရီးယား အနေဖြင့် စီးပွားရေး အကူအညီ ရရှိရေး အပေါ် အာရုံစိုက်မည့် လက္ခဏာ ရှိနေပြီး၊ အာဏာ လွှဲပြောင်းမှု ချောမွေ့စေရေး အတွက် တောင်ကိုရီးယား၊ အမေရိကန် ပြည်ထောင်စုတို့နှင့် ဆက်ဆံရေး တိုးတက်အောင် ပြုလုပ်လိမ့်မည်ဟု ကင်က မှတ်ချက် ပေးထားသည်။
ကမ္ဘာ့ စားနပ်ရိက္ခာ အစီအစဉ် WFP က ကျယ်ကျယ် ပြန့်ပြန့် ကွင်းဆင်း လေ့လာပြီးနောက် ယခင်လက အစီရင်ခံစာ ထုတ်ပြန်ရာတွင် မြောက်ကိုရီးယား ပြည်သူ ၉ သန်းကျော်သည် ဆိုးဝါးသော ရေလျှံမှုနှင့် ပြင်းထန်သော ဆောင်းရာသီ အပါအဝင် သဘာဝ ကပ်ဘေးများကြောင့် ပြည်ပ စားနပ်ရိက္ခာ အကူအညီကို များစွာ လိုအပ်နေသည်ဟု ဖော်ပြခဲ့သည်။
မြောက်ကိုရီးယား ခေါင်းဆောင်များက ၂၀၁၂ နောက်ဆုံးထား၍ အင်အားကြီး ချမ်းသာ ကြွယ်ဝသော နိုင်ငံ တည်ဆောက်မည်ဟု ကတိပေး ထားကြခြင်းကြောင့် ယခုကဲ့သို့ စားနပ်ရိက္ခာ မလုံလောက်မှုများ ဖြစ်ပေါ်လာခြင်း ဖြစ်ပြီး ပြုံယမ်းသည် လာမည့်နှစ် အတွက် ဖူလုံစေရန် နိုင်ငံခြား တိုင်းပြည်များထံ စားနပ်ရိက္ခာ လက်ဖြန့် တောင်းနေသည်ဟု တောင်ကိုရီးယား အာဏာပိုင်များက ပြောကြားသည်။
ယင်းနိုင်ငံ၏ နျူကလီယာ အစီအစဉ်ကြောင့် ဆက်လက် တင်းမာမှုများ ရှိနေခြင်းနှင့် စစ်ရေး ခြိ်မ်းခြောက်မှုများ ရှိနေခြင်း တို့ကြောင့်လည်း ထောက်ပံ့ရေး လမ်းကြောင်းများ ပြတ်တောက်ခဲ့ရသည်။
တောင်ကိုရီးယားနိုင်ငံက ပြန်လည် ထောက်ပံ့မှု စတင်ရေး အစီအစဉ်ကို ကိုရီးယား ၂ နိုင်ငံ ဆက်ဆံမှု တိုးတက်ရေးနှင့် နှောင်ကြိုး ဆက်ထားကာ၊ “မနှစ်က တောင်ကိုရီးယား စစ်သင်္ဘောကို တိုပီဒိုဖြင့် တိုက်ခိုက်မှု၊ အငြင်းပွား ရေပြင်အနီးမှ ကျွန်းကို အမြောက်ဖြင့် ပစ်ခတ်မှု စသည့် အပေါ်တွင် မူတည်ကာ ဆက်ဆံရေး တိုးတက်မှု ရှိလိမ့်မည်” ဟု ပြောကြားခဲ့သည်။
အထက်ပါ စစ်သင်္ဘော တိုက်ခိုက် နစ်မြှုပ်မှုကို မြောက်ကိုရီးယားတို့က ငြင်းဆိုခဲ့ပြီး နိုဝင်ဘာ အရေးအခင်းမှာမူ တောင်ကိုရီးယားတို့က မိမိတို့ ရေပြင်ပိုင်နက်သို့ အမြောက်ဖြင့် စပစ်ခြင်း ဖြစ်သည်ဟု တုန့်ပြန် ပြောဆိုခဲ့သည်။
Google Docs makes it easy to create, store and share online documents, spreadsheets and presentations.
