Posts
 | yangonchronicle 2011 |
၁၉.၅.၂၀၁၁
ဘာသာပြန်သတင်းများ
မြန်မာအား ဥက္ကဌ ရာထူးပေးရေး အာဆီယံ သတိထားရန် UK ပြော
(18 May, 2011 ရက်စွဲပါ AP ၏ “UK cautions ASEAN from allowing Myanmar Leadership ကို ဘာသာ ပြန်ပါသည်)
ဗြိတိသျှ အစိုးရက အရှေ့တောင် အာရှ နိုင်ငံများအား မြန်မာနိုင်ငံအား ယင်းတို့ အဖွဲ့ကြီးကို ဦးဆောင်ရန် ခွင့်မပြုကြရန် သတိပေး ပြောကြားခဲ့ သည်။ မြန်မာနိုင်ငံအနေဖြင့် ထိုကဲ့သို့သော ဂုဏ်တင့်တယ်စေမည့် ရာထူးနှင့် ထိုက်တန်အောင် ကြီးမားသော နိုင်ငံရေး တိုးတက်မှု ရှိကြောင်း ပြသရန် လိုအပ်သည်ဟု ဗြိတိသျှတို့က ပြောသည်။
အာဆီယံ အဖွဲ့ဝင် နိုင်ငံဖြစ်သော မြန်မာနိုင်ငံသည် 2014 တွင် အလှည့်ကျ ဥက္ကဌ တာဝန်ယူရန် ကြိုးစားလျက် ရှိသည်။ အခြားအဖွဲ့ဝင် နိုင်ငံ များက ကန့်ကွက်မှု တစ်စုံတစ်ရာ မပြုသေးသော်လည်း ဒီမိုကရေစီနှင့် ပတ်သက်၍ လုပ်ဆောင်မှုများ မရှိသေးကြောင်း သဘောပေါက် ကြရန် အဖွဲ့ဝင် နိုင်ငံများအား တိုက်တွန်းမှုများ ရှိနေသည်။
အာဆီယံဆိုင်ရာ အမေရိကန် သံအမတ်ကြီး David Carden က ပြောကြားရာတွင် မြန်မာနိုင်ငံ အား ဥက္ကဌ ရာထူးပေး မပေး မှာ အာဆီယံက ဆုံးဖြတ် ရမည့် ကိစ္စသာ ဖြစ်သည်ဟု ဆိုသည်။ ၀ါရှင်တန်က မြန်မာနိုင်ငံ အနေဖြင့် လူ့အခွင့်အရေး ကိစ္စ မြှင့်တင်ရေး အပါအ၀င် အာဆီယံ ချာတာ အသစ် ကို လေးလေး နက်နက် ခံယူရန် မျှော်လင့်ကြောင်း ယင်းက ပြောသည်။
****************************************************************************
အာဆီယံက မြန်မာကို ငြင်းဆန်လေမည်လား
(18 May 2011 ရက်စွဲပါ The Diplomat မှ Baroness Grenys Kinnock ရေးသားသော ASEAN stands up to Burma ကို ဘာသာပြန်ဆိုသည်)
ဦးသိန်းစိန်သည် မြန်မာနိုင်ငံတွင် သမတအဖြစ် စတင်သည်နှင့် အခက်အခဲများ၊ အကျပ်အတည်းများ ကြုံတွေ့ လာရသည်။ မြန်မာနိုင်ငံကို အာဆီယံ ဥက္ကဌအဖြစ်မှ ငြင်းဆိုခဲ့မည်ဆိုလျှင် ဖိအားပိုမိုတိုးလာခြင်း၏ အစဖြစ်လိမ့်မည် ဖြစ်သည်။ သဘောထားတင်းမာသူ မြန်မာနိုင်ငံ၏ အာဏာရှင် အသစ် သမ္မတဦးသိန်းစိန်သည် နိုင်ငံတကာ အသိုင်းအဝိုင်း အား မြန်မာနိုင်ငံတွင် အမှန်တကယ် ပြောင်းလဲမှုများ ဖြစ်ပေါ်နေကြောင်း ပြသရန် ကြိုးစား ရာတွင် ပြဿနာများစွာနှင့် ကြုံတွေ့နေရသည်။
ပထမဦးစွာ အမေရိကန်နှင့် ကနေဒါတို့က ယင်းတို့၏ စီးပွားရေး Sanctions များ ရုတ်သိမ်းရန် အချိန်မဟုတ်ကြောင်း ဆုံးဖြတ်ခဲ့ပြီး သိသာ ထင်ရှားသော ပြောင်းလဲမှုများ ပထမမြင်တွေ့လိုကြောင်း ပြောကြားခဲ့ကြသည်။ ထို့နောက် အီးယူကလည်း ယင်း၏ စီးပွားရေး Sanctions များကို ဆက်လက် ထားရှိခဲ့ပြီး အစိုးရတာဝန်ရှိ ပုဂ္ဂိုလ်အချို့အပေါ် သံတမန်ရေးရာ အရေးယူမှုကိုသာ ယာယီဖြေလျော့ပေးခဲ့သည်။
အထက်ပါ ပြဿနာများကပင် ဦးသိန်းစိန်ကို စိတ်ပျက်လက်ပျက် ဖြစ်စေမည်ဖြစ်သည်။ ယင်းသည် ပြီးခဲ့သည့် အာဏာရှင်စနစ်တွင် (၁၄) နှစ် ခန့် ထိပ်ပိုင်းပုဂ္ဂိုလ်များထဲ၌ ပါဝင်ခဲ့ပြီး ဖွဲ့စည်းပုံ အခြေခံဥပဒေသစ်ကို ပုံဖော်ကြသူများတွင် တစ်ဦးအပါအဝင်ဖြစ်သည်။ အခြေခံဥပဒေမှာ အစိုးရအား နိုင်ငံတကာအသိုင်းအဝိုင်းက ဖိအားပေးမှု လျော့နည်းသွားစေရန် ရည်ရွယ်ပြုလုပ်ခဲ့ခြင်း ဖြစ်သည်။
ယခုအခါ ယင်းသည် နောက်ထပ်ပြဿနာတစ်ခုနှင့် ကြုံတွေ့ရပြန်ပြီ ဖြစ်သည်။ အာဆီယံခေါင်းဆောင်များသည် ၂၀၁၄ တွင် အာဆီယံဥက္ကဌ တာဝန်ယူရန် မြန်မာနိုင်ငံ၏ အဆိုပြုချက်ကို ဆုံးဖြတ်ရန် ရွှေ့ဆိုင်းခဲ့ကြသည်။ ထိုကိစ္စသည် ဦးသိန်းစိန်အတွက် ပြည်သူကြားတွင် အရှက်ရစေသော ကိစ္စဖြစ်သည်သာမက သံတမန်ရေးအရ မှားယွင်းသော တွက်ချက်မှုကြီးပင် ဖြစ်သည်။
၎င်းသည် ထိုသို့အဆိုပြုခြင်း မပြုမီ အာဆီယံအဖွဲ့ဝင်များအား တီးခေါက်မေးမြန်းခြင်း မပြုခဲ့လေသနည်း။ အာဆီယံသည် မြန်မာနိုင်ငံမှ အာဏာရှင်စနစ်ကိုအချိန်အတော်ကြာကပင် အကာအကွယ်ပေးခဲ့သည်။ အာဆီယံသည် ဥက္ကဌနေရာအတွက် အတည်ပြုပေးကောင်း ပေးမည်ဖြစ်သော် လည်း အင်ဒိုနီးရှား နိုင်ငံခြားရေးဌာန ပြောခွင့်ရပုဂ္ဂိုလ်က ပွင့်ပွင့်လင်းလင်း မှတ်ချက်ပြုရာတွင် မြန်မာနိုင်ငံတွင် ပါတီအားလုံးပါဝင်သော စစ်မှန်သည့် ဒီမိုကရေစီနှင့် ပြန်လည် ပေါင်းစည်းရေးကို မျှော်လင့်ကြောင်း ပြောကြားခဲ့သည်။
အာဆီယံကလည်း မြန်မာနိုင်ငံ၏ အဆိုပြုချက်ကို ငြင်းပယ်ခဲ့ပါက တကယ့်နိုင်ငံရေးကိစ္စကို အကြောင်းပြနိုင်ရန် ပြင်ဆင်ထားသည်။ အာဆီယံ ဥက္ကဌ နေရာမယူမီ လိုအပ်သောသန်စွမ်းရမည့် အခြေခံအဆောက်အဦများရှိရမည်ဟု ဖော်ပြထားသည်။ မြန်မာအစိုးရ၏ အနီးစပ်ဆုံး မဟာမိတ်ဖြစ် သော အာဆီယံကပင်လျှင် မြန်မာနိုင်ငံတွင် စစ်မှန်သောပြောင်းလဲမှုများ ရှိနေကြောင်း လက်မခံဘဲရှိနေရာ ကျန်သော ကမ္ဘာပေါ်မှ နိုင်ငံများကို အဘယ် သို့ ရှင်းပြနိုင်ရန် မျှော်လင့်ချက် ရှိပါအံ့နည်း။
မြန်မာနိုင်ငံတွင် ခံယူချက်နှင့် အရှိတရားတို့မှာ ဝေးကွာနေသောဆွေမျိုးများကဲ့သို့ရှိနေသည်။ အာဏာရှင်ထံမှကောင်းမွန်သော စကားအနည်း ငယ်ခန့် နှင့် ဝေဝေဝါးဝါးကတိပြုချက်များအပေါ် ရင်ခုန်ခဲ့ရသည်မှာများလှပြီဖြစ်သည်။ နာမည်ကြီးနိုင်ငံရေးသမားကို လွှတ်ပေးလိုက်ခြင်းကြောင့် သံတမန် များနှင့် မီဒီယာများအကြားတွင် အပြောင်းအလဲများ လာတော့မည်ဟု ပြောဆိုနေကြလိမ့်မည်ကို ဗိုလ်ချုပ်များက သိနေကြသည်။ အဘယ် ကြောင့် ဆိုသော် ဆယ်စုနှစ်များစွာ ယင်းတို့က ဤနည်းနှင်နှင် လှည့်စားခဲ့ကြသောကြောင့် ဖြစ်သည်။
ပြီးခဲ့သည့် ရွေးကောက်ပွဲတွင် ပြောင်ပြောင်တင်းတင်း မသမာမှုများ ပြုလုပ်ပြီးနောက် အာဏာရှင်သည် ဒေါ်အောင်ဆန်းစုကြည်ကို တတိယ အကြိမ်လွှတ်ပေးလိုက်ပြီး မသမာမှုကို ဖုံးကွယ်ရန် ကြိုးစားခဲ့သည်။ အစပိုင်းတွင်မူ ၎င်းတိုက်ဗျူဟာသည် အလုပ်ဖြစ်ခဲ့သည်။
ပြည်သူများသည် မသမာသော ရွေးကောက်ပွဲကို မေ့ပျောက်ခဲ့ကြသည်။ နိုင်ငံရေးအကျဉ်းသား ၂၀၀၀ ကျော်ကလည်း အကျဉ်းထောင်ထဲတွင် ရှိနေဆဲ ဖြစ်သည်။ မြန်မာနိုင်ငံ အရှေ့ပိုင်းတွင်လည်း တိုင်းရင်းသားအရပ်သားများ အား တိုး၍ တိုက်ခိုက်နေဆဲဖြစ်သည်။
**************************************************************
အမေရိကန်ကိုယ်စားလှယ် မြန်မာအစိုးရသစ်နှင့် စကားပြော
(19 May 2011 ရက်စွဲပါ The Peninsula မှ US envoy holds talk with new Myanmar Govt. ကို ဘာသာပြန်ဆို သည်)
အမေရိကန်ကိုယ်စားလှယ်သည် ယမန်နေ့က မြန်မာနိုင်ငံခြားရေးဝန်ကြီးနှင့် တွေ့ဆုံစကားပြောခဲ့ရာ စစ်တပ် နောက်ခံပြုသော အစိုးရသစ် တက်ပြီးနောက် နှစ်နိုင်ငံကြား အဆင့်မြင့်ဆုံး ပုဂ္ဂိုလ်များ တွေ့ဆုံမှုဖြစ်ကြောင်း တာဝန်ရှိသူ တစ်ဦးက ပြောကြားခဲ့သည်။
အရှေ့အာရှနှင့် ပစိဖိတ်ရေးရာ အမေရိကန်ဒုလက်ထောက် နိုင်ငံခြားရေးဝန်ကြီး Joseph Yun သည် ယင်း၏ လေးရက်တာ ခရီးစဉ်အတွက် ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တွေ့ဆုံနိုင်မည်ဟု မျှော်လင့်ထားသည်။
အမေရိကန်သမ္မတ ဘားရက်အိုဘားမား အစိုးရအဖွဲ့သည် ၂၀၀၉ ခုနှစ်က မြန်မာအစိုးရနှင့် ဆက်ဆံရေး ပြုလုပ်ရန် စတင်ခဲ့သည်။ ထိုသို့ ဆက်ဆံခြင်းမှ ရလဒ်များသည် စိတ်ပျက်ဖွယ်ဖြစ်ကြောင်း ဝါရှင်တန်က ပြောခဲ့ပြီး Sanctions များ လျော့ပေါ့ရန်ကိစ္စအား နိုဝင်ဘာ ရွေးကောက်ပွဲအပြီး တွင် ငြင်းဆန်ခဲ့သည်။ ရွေးကောက်ပွဲများသည် မသမာမှုများ၊ ဇွတ်အတင်းခြိမ်းခြောက်မှုများ ရှိသောကြောင့် အများပြောစရာ ဖြစ်ခဲ့ရသည်။
အမေရိကန်နိုင်ငံခြားရေးဌာ ပြောခွင့်ရပုဂ္ဂိုလ်က ဝါရှင်တန်တွင် ယမန်နေ့က ပြောကြားခဲ့ရာ၌ မြန်မာနိုင်ငံနှင့် ဆက်ဆံရေးတွင် လေးလေး နက်နက် စဉ်းစားရမည့် စိန်ခေါ်မှုများ ရှိကြောင်း ဆိုခဲ့သည်။ “ကျွန်တော်တို့ကတော့ ဖိအား ပေးမှုရော မူရှိတဲ့ ဆက်ဆံရေးရော ပါဝင်တဲ့ လမ်းနှစ်သွယ် မူဝါဒ ကို ဆက်လက် ကျင့်သုံးသွားမှာပါ” ဟု ယင်းက ဖြည့်စွက် ပြောကြားခဲ့သည်။
မြန်မာအစိုးရတာဝန်ရှိသူတစ်ဦးက ပြောကြားရာတွင် Yun သည် ယမန်နှစ်ကနေပြည်တော်တွင် တွေ့ဆုံခဲ့ကြောင်း သို့သော် သမ္မတဦးသိန်းစိန် နှင့် တွေ့ဆုံရန် အစီအစဉ်မရှိကြောင်း ပြောကြားခဲ့သည်။ Yun က နိုဘယ်ဆုရှင် ဒေါ်အောင်ဆန်းစုကြည်နှင့် တွေ့ဆုံရန်လည်း မျှော်လင့်နေသည်။
Yun ၏ ယခုခရီးစဉ်သည် ကုလသမဂ္ဂ ကိုယ်စားလှယ် လာရောက်ပြီး ရက်မကြာမီ ထွက်ပေါ်လာခြင်း ဖြစ်သည်။ ကုလကိုယ်စားလှယ်က မကြာသေးမီက အစိုးရသစ်ထံမှ ထွက်ပေါ်လာသော အချက်ပြမှုများသည် စိတ်အားတက်ဖွယ် ဖြစ်ကြောင်း၊ သို့သော် အပြောနှင့် အလုပ်ညီရန် လိုကြောင်း ပြောကြားခဲ့သည်။
****************************************************************
အမေရိကန် စစ်အင်အားကို တရုတ်ယှဉ်နိုင်မည် မဟုတ်
(BBC သတင်းမှ 19 May 2011 ရက်စွဲပါ “China will not match US Military Power - general” သတင်းကို ဘာသာပြန်ဆိုသည်။)
တရုတ် ဗိုလ်ချုပ်ကြီး ချန်ဘ်ိုင်ဒီက ၀ါရှင်တန်တွင် စကားပြောကြားရာ၌ “လတ်တလော နှစ်များအတွင်း တရုတ် တပ်မတော်သည် အတော် အတန် တိုးတက် ပြောင်းလဲလာသည် ဆိုသော်ငြားလည်း အမေရိကန် လက်နက်ကိုင် တပ်ဖွဲ့များက တရုတ်တပ်ဖွဲ့များထက် များစွာ သာလွန် နေဆဲဖြစ် သည်”ဟု ပြောဆိုလိုက်သည်။ သို့သော်လည်း အမေရိကန် လက်နက်များ ထိုင်ဝမ်သို့ ဆက်လက် ရောင်းချပါက အမေရိကန်- တရုတ် စစ်ဖက် ဆက်ဆံ ရေးကို ထိခိုက် စေနိုင်ကြောင်း ဗိုလ်ချုပ်ကြီး ချန်ဘိုင်ဒီက သတိပေး ပြောကြားသည်။
တရုတ်နိုင်ငံက ထိုင်ဝမ်နိုင်ငံကို ပြန်လည် ပေါင်းစည်းရမည့် ခွဲထွက် ပြည်နယ် တစ်ခု အဖြစ်သာ သတ်မှတ်ထားသည်။ “တရုတ်နိုင်ငံက အမေရိကန် ပြည်ထောင်စုကို စိန်ခေါ်ဖို့ ရည်ရွယ်ချက် လုံးဝ မရှိပါဘူး” ကာကွယ်ရေးနဲ့ စစ်ရေး တိုးတက်မှုတွေ ထွက်ပေါ်လာတယ် ဆိုပေမယ့်လည်း ခင်ဗျားတို့နဲ့ ကျွန်တော်တို့ရဲ့ ကြားက ကွာဟနေတဲ့ ဟာကွက်က ရှိနေတုန်းပါ” ဟု ယင်းက ဆိုသည်။
သို့သော်လည်း ဗိုလ်ချုပ်ကြီး ချန်က အကယ်၍ ၀ါရှင်တန်က ထိုင်ဝမ်သို့ လက်နက်များ ထပ်မံ ရောင်းချပါက အမေရိကန် - တရုတ် ဆက်ဆံ ရေးများကို ထိခိုက် စေလိမ့်မည်ဟု သတိပေးသည်။ “ဘယ်လိုဆိုးဝါးတဲ့ သက်ရောက်မှုမျိုး ရှိလာမလဲ ဆိုတာကတော့ ထိုင်ဝမ်ကို ရောင်းချပေးတဲ့ လက်နက်တွေရဲ့ သဘော သဘာဝ အပေါ်မှာ မူတည်နေပါတယ်” ဟု ယင်းက ပြောကြားသည်။
မနှစ်က ထိုင်ပေသို့ ဒေါ်လာ 6 ဘီလျံကျော် တန်ဘိုးရှိ လက်နက်များ ရောင်းချခြင်းကို ၀ါရှင်တန်က ကြေငြာခဲ့ပြီးနောက် ဘီဂျင်းက အမေရိကန် ပြည်ထောင်စုနှင့် တပ်မတော်ခြင်း ဆက်ဆံမှု အတော်များများကို ဖြတ်တောက် ပစ်ခဲ့သည်။ ဗိုလ်ချုပ်ကြီး ချန်ဘိုင်ဒီ၏ အမေရိကန် ခရီးစဉ်ကို တရုတ် နိုင်ငံတွင် အထူးဦးစားပေး သတင်းအဖြစ် ဖော်ပြလျက်ရှိပြီး တရုတ် အာဏာပိုင်များက ယခုအခါ ပိုမို ကောင်းမွန်သော စစ်ဖက် ဆက်ဆံမှုများ ထူထောင် နေသည် ဟူသော အရေးကြီးသည့် လက္ခဏာ တစ်ရပ်ဖြစ်သည် ဟု BBC သတင်းထောင် Jonathan Macus က ပြောကြားခဲ့သည်။ သို့ရာတွင် သိသိ သာသာ မူလ ရှိရင်းစွဲ တင်းမာမှုများကို အပေါ်ယံ ညွှန်ပြခြင်းဖြင့် လုံခြုံအောင် မဖုံးနိုင် ဟူသော အချက်မှာမူ ဒွိဟ ဖြစ်စရာ မရှိပါ ဟု BBC သတင်း ထောက်က ပြောကြားသည်။
တရုတ် တပ်မတော် အားကြိုးမာန်တက် ခေတ်မှီ ပြောင်းလဲရေးလုပ်ငန်း၏ ရည်ရွယ်ချက်မှာ တရုတ်ကမ်းလွန်ရေပြင်အပေါ် တရုတ် တပ်မတော် ၏ လက်လှမ်းမှီမှုကို ချဲ့ထွင်ရန်နှင့် အမေရိကန် ပြည်ထောင်စုက သိသိသာသာ အသာစီးရေနေသော လက်နက် စနစ်များကို ချေဖျက်နိုင်ရန် ပင် ဖြစ်သည်ဟု BBC သတင်းထောက်က ဆက်လက် ပြောကြားသည်။
***************************************************************
တရုတ်နှင့် ဆက်ဆံရေး တိုးတက်နေသော်လည်း လေကြောင်းရန် ကာကွယ်ရေး လေ့ကျင့်ခန်း ထိုင်ဝမ် ပြုလုပ်
(Associated Press မှ 18 May, 2011 ရက်စွဲပါ “Tiwan holds air raid drill as china ties improve” သတင်းကို ဘာသာ ပြန်ဆိုသည်)
ထိုင်ဝမ် နိုင်ငံသည် တရုတ်နိုင်ငံနှင့် ဆက်ဆံရေး နွေးထွေးနေသော်ငြားလည်း နှစ်စဉ်ပြုလုပ်နေကျလေကြောင်းရန် ကာကွယ်ရေး လေ့ကျင့်ခန်း ကို စတင် ပြုလုပ်လျက် ရှိပြီး လေ့ကျင့်ခန်း က ရည်ရွယ်သော ရန်သူမှာ တရုတ်နိုင်ငံ ဖြစ်သည်။
ဝန်အန်း (သို့မဟုတ်) လူတိုင်းအတွက် ဘေးရန် ကင်းရှင်းရေး အမည်ရှိ လေ့ကျင့်ခန်းကို ပြိုင်ဘက် တရုတ်နိုင်ငံ၏ လေကြောင်း တိုက်ခိုက်မှု များအား ကြိုတင် မှန်းဆ ကာကွယ်သည့် အနေဖြင့် တစ်ကျွန်းလုံး အနှံ့ ပြုလုပ်ခြင်း ဖြစ်သည်။ ဗုဒ္ဓဟူးနေ့ မွန်းလွဲပိုင်းတွင် အချက်ပေး ဥသြသံ များထွက် လာချိန်၌ တိုင်ပေ ကျွန်းပေါ်ရှိ မော်တော်ယာဉ်များ လမ်းသွားလမ်းလာများ အားလုံး သွားလာမှု ရပ်ဆိုင်းလိုက်ကြပြီး ဆိုင်များအားလုံး တံခါးပိတ်ခြင်း၊ လျှပ်စစ်မီးများ ငြိမ်းခြင်းတို့ကို ပြုလုပ်ခဲ့ကြသည်။
` အဆိုပါ လေ့ကျင့်ခန်းကို ယခု လကုန်နှင့် ဇွန်လဆန်းတွင် ထိုင်ဝမ်ကျွန်း နေရာတိုင်း၌ ထပ်မံ ပြုလုပ် ဦးမည် ဖြစ်သည်။ ထိုင်ဝမ်နှင့် တရုတ်နိုင်ငံ တို့သည် 1949 ခုနှစ် ပြည်တွင်းစစ်အတွင်း နှစ်ပိုင်း ကွဲသွားကြခြင်း ဖြစ်ပြီး ဘီဂျင်းက ထိုင်ပေကျွန်းကို ယင်းတို့ ပိုင်ဆိုင်ကြောင်း၊ လိုအပ်ပါက အင်အား သုံး၍ ပြန်လည် ရယူရန် ဆုံးဖြတ်ထားကြောင်း ယခုတိုင် ပြောဆိုနေဆဲ ဖြစ်သည်။ သို့သော်လည်း ထိုင်ဝမ် သမ္မတ မာရင်ကျိုးက လွန်ခဲ့သော ၃ နှစ် အတွင်း တရုတ်ပြည်မကြီးနှင့် စီးပွားရေးအရ ပိုမို ရင်းနှီးစွာ ဆက်ဆံခဲ့သကဲ့သို့ ဆက်ဆံရေးလည်း သိသိသာသာ တိုးတက်စေခဲ့သည်ကို တွေ့ရှိရသည်။
Google Docs makes it easy to create, store and share online documents, spreadsheets and presentations.
