Transparency Myanmar

transparency.myanmar@gmail.com

 

၁၈.၅.၂၀၁၁

ပြည်တွင်းသတင်းများ

ကမ်းနားလမ်းသစ်တစ်လျှောက် ဓာတ်မီးတိုင် ၃ဝဝ ကျော် စိုက်မည်

ရန်ကုန်ဆိပ်ကမ်း ကမ်းနားလမ်းသစ် မပြီးသေးသော်လည်း လမ်းတစ်လျှောက်တွင် ဓာတ်မီးတိုင် ၃၂၆ တိုင် စိုက်ထူကာ ၂၅ဝ ဝပ် အားရှိသည့် Sodium  Lamp များ တပ်ဆင်ရန် လျာထားထားပြီဖြစ်ကြောင်း သိရသည်။

ကြည့်မြင်တိုင်မြို့နယ်၊ ထီးတန်းကြက်လျာစွန်းမှ ဗိုလ်တထောင်  မြို့နယ်ဈေးအထိဖောက်လုပ်ခဲ့သော ကမ်းနား လမ်းသစ်ကို ယခုနှစ်နွေ အကုန် တွင်ပြီးစီးရန် လျာထားခဲ့သော်လည်း ရာသီဥတုဖောက်ပြန်မှုကြောင့် လက်ရှိအချိန်ထိ အပြီးမသတ်နိုင်သေးကြောင်း၊ လမ်းဖောက် လုပ်ရေးစီမံကိန်းများ အရ လမ်းတစ်လျှောက်တွင် လျှပ်စစ်မီးတိုင်များ တပ်ဆင်ရန်နှင့် 0.22 KV 15 KVA Transformer ၉ လုံးတပ်ဆင်သွားမည်ဖြစ်ကြောင်း သိရသည်။

လက်ရှိတွင် လမ်းသစ်၏တချို့အပိုင်းများတွင် ဒုတိယအဆင့် ကွန်ကရစ်ထပ်ခင်းရန်သာလိုအပ်ပြီး ချောင်းကူးတံတားများတွင် အခြေခံ အုတ်မြစ် ချပြီးပြီဖြစ်ကြောင်း၊ လျှပ်စစ်မီးထွန်းညှိမည့်ပုံစံနှင့်လျှပ်စစ် ဓာတ်အားဖြန့်ဖြူးမည့် အခြေပြပုံစံများအား ရွေးချယ်စိစစ်၍ သက်ဆိုင်ရာအစိုးရအဖွဲ့သို့ တင်ပြ ထားပြီးဖြစ်ကြောင်း သိရသည်။

အဆိုပါ ကမ်းနားလမ်းသစ်ကို ပြီးခဲ့သည့်  အောက်တိုဘာလလယ်တွင် စတင်ဆောက်လုပ်ခဲ့ပြီး ကုန်တင်ယာဉ်၊ ကုန်သေတ္တာတင်ယာဉ်နှင့် သစ်လုံးတင်ယာဉ်ကဲ့သို့သော ကုန်တင်ယာဉ်ကြီးများ မောင်းနှင်ရန် လျာထားခဲ့ကြောင်း၊ လက်ရှိသွားလာနေသော ကမ်းနားလမ်း (ကတ္တရာ) လမ်းဟောင်း အား အိမ်စီးယာဉ်၊ ခရီးသည်ပို့ဆောင်ရေးယာဉ်များနှင့် ယာဉ်ငယ်များသာ မောင်းနှင်ရမည်ဖြစ်ကြောင်း၊ လမ်း၏အကျယ်မှာ ၄၈ ပေဖြစ်ပြီး လမ်းဟောင်းနှင့် လမ်းသစ်ကြားရှိ လမ်းလယ်ကျွန်းမှာ အလုံသစ်တောလမ်းမှ ကြာဖြူလမ်းအထိ ပေ ၃ဝ သတ်မှတ်ထားကြောင်း၊ ကမ်းနားလမ်းသစ် ဖောက်လုပ်ရေး  စီမံ ကိန်းအတွက် လူနေအိမ် ၈ဝ၇ လုံး၊ ဆိပ်ကမ်းအာဏာပိုင်မှ ၅၅ လုံး၊ ပြည်တွင်းရေကြောင်းပို့ဆောင်ရေးမှ ၃၆ လုံး၊ စွမ်းအင်ဝန်ကြီးဌာနမှ ၂၅ လုံး၊ စည်ပင်မှ ၃ လုံး၊ ရေတပ် တပ်ထိန်းမှ ၄ လုံး၊ သစ်တောမှ ၆၅၈ လုံးနှင့် လျှပ်စစ် ၂ မှ ၂၆ လုံး နေရာပြောင်း ရွှေ့ခဲ့ရကြောင်း သိရသည်။

-----------------------------------------------------------------------------------------------------------------------------------

ပုဂ္ဂလိကဘဏ်များ နိုင်ငံခြားငွေ ကိုင်တွယ်ခွင့် မရသေး

မြန်မာနိုင်ငံ ငွေကြေးဆိုင်ရာ အဖွဲ့အစည်းများတွင် အစိုးရဘဏ် သုံးဘဏ်မှလွဲ၍ အခြား ပုဂ္ဂလိကဘဏ်များမှာ နိုင်ငံခြားငွေကြေး ကိုင်တွယ်ခွင့် မရရှိသေးကြောင်းနှင့် ပို့ကုန်သွင်းကုန် လုပ်ငန်းဆိုင်ရာ ငွေကြေးထောက်ပံ့မှုများ ရရှိနိုင်ရန်အတွက် ပုဂ္ဂလိကဘဏ်များမှာ ပိုမိုအရေးပါကြောင်း စီးပွားရေး အသိုင်းအဝိုင်းတွင် သုံးသပ်မှုများရှိနေကြောင်း သိရသည်။

လက်ရှိ နိုင်ငံခြားငွေ ကိုင်ဆောင်ခွင့်ရရှိထားသော အစိုးရဘဏ်များမှာ မြန်မာနိုင်ငံခြား ကုန်သွယ်မှုဘဏ် (MFTB)၊ မြန်မာနိုင်ငံ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်(MICB)၊ မြန်မာ့စီးပွားရေးဘဏ်(MEB)တို့ ဖြစ်သည်။

အဆိုပါ ဘဏ်များသည် မြန်မာနိုင်ငံ၏ နိုင်ငံခြားငွေကြေးဆိုင်ရာ ကိစ္စရပ်များကို ဆောင်ရွက်ပေးလျှက်ရှိပြီး အခြားနိုင်ငံများတွင် လုပ်ဆောင် လျက်ရှိသော ပို့ကုန်လုပ်ငန်းဆိုင်ရာ ငွေကြေးထောက်ပံ့ခြင်း အစီအစဉ်များကို ဆောင်ရွက်ပေးခြင်း မရှိသေးကြောင်း သိရသည်။

နိုင်ငံတကာရှိ ဘဏ်များသည် အဆိုပါ ပို့ကုန်လုပ်ငန်း ငွေကြေးထောက်ပံ့ရေးဆိုင်ရာ အစီအစဉ်များဖြင့် လုပ်ငန်းများကို ကူညီထောက်ပံ့မှုများ ပြုကြပြီး အစိုးရဘဏ်များအပြင် ပုဂ္ဂလိကဘဏ်များကပါ ဝင်ရောက်လုပ်ကိုင်လျက်ရှိကြောင်း နှင့် ပို့ကုန်အားပြု နိုင်ငံများနှင့် ပို့ကုန်အင်အားကြီး နိုင်ငံများ တွင် ကျယ်ကျယ်ပြန့်ပြန့် တွေ့ရှိနိုင်ကြောင်း သိရသည်။

ပြည်ပနိုင်ငံများတွင် လုပ်ကိုင်လျက် ရှိသော ပို့ကုန်လုပ်ငန်းဆိုင်ရာ ငွေကြေးအထောက်အပံ့များတွင် ပို့ကုန်မတင်ပို့မီ ငွေကြေးထောက်ပံ့ခြင်း (Pre Shipment)နှင့် ပို့ကုန်တင်ပို့ပြီး ထောက်ပံ့ခြင်း (Post Shipment Financing) အစီအစဉ်များ ပါဝင်ကြောင်း သိရသည်။

ပို့ကုန်တင်ပို့ပြီး ထောက်ပံ့ခြင်းတွင် အယ်လ်စီငွေပေးချေစနစ်ဖြင့် ကုန်တင်ပို့သော လုပ်ငန်းကိုသာမက ပို့ကုန်ဘီလ် ကောက်ခံရေးစနစ်နှင့် တင်ပို့ သည့်လုပ်ငန်းကိုပါ ပေးအပ်လေ့ရှိကြောင်း သိရသည်။ အဆိုပါ စနစ်၏လည်ပတ်ပုံမှာ တစ်ဖက်ကုန်ဝယ်သူမှ အယ်လ်စီ ဖွင့်ပြီးချိန်တွင် ပို့ကုန်လုပ်ငန်းရှင်က အယ်လ်စီပါ တောင်းဆိုချက်များနှင့် ကိုက်ညီအောင်လုပ်ဆောင်ပြီး ကုန်ပစ္စည်းတင်ပို့ကာ ဘဏ်မှပို့ကုန်တန်ဖိုးပေးခြင်း (Negotiate) လုပ်ရန် ညှိနှိုင်းခြင်း ဖြင့် ကုန်ဝယ်သူ၏ ဘဏ်ထံမှငွေ ပေးချေသည်အထိ စောင့်ဆိုင်းရန်မလိုဘဲ ကြိုတင်ငွေရမည် ဖြစ်ကြောင်း သိရသည်။

ယင်း ပို့ကုန်တင်ပို့ပြီး ငွေကြေးထောက်ပံ့ခြင်း စနစ်များတွင် ခြွင်းချက်ဖြင့် ငွေပေးခြင်း (Payment Under Reserve)၊ ကောက်ခံရေးဘီလ် (Collection Bills) များကို ဝယ်ယူခြင်း နည်းလမ်းဖြင့် ငွေကြေး ထောက်ပံ့ခြင်း စသည့် စနစ်များလည်း ရှိကြောင်း သိရပါသည်။

(Weekly ELEVEN အတွဲ(၁) အမှတ်(၃၃) တွင်ပါသည့် " အစိုးရဘဏ် သုံးဘဏ်မှလွဲ၍ ပုဂ္ဂလိကဘဏ်များ နိုင်ငံခြားငွေကြေး ကိုင်တွယ်ခွင့် မရသေး ပို့ကုန်သွင်းကုန် လုပ်ငန်းဆိုင်ရာ ငွေကြေးထောက်ပံ့မှုများ ရရှိနိုင်ရန်အတွက် ပုဂ္ဂလိက ဘဏ်များမှာ ပိုမိုအရေးပါကြောင်း သုံးသပ် မှုများ ရှိနေ" သတင်းအား  အကျဉ်းကျုံး ဖော်ပြသည်။)

-----------------------------------------------------------------------------------------------------------------------------------

ကုမ္ပဏီမှတ်ပုံတင်ခြင်းလုပ်ငန်းစဉ် ကြန့်ကြာနေသေး

မြန်မာနိုင်ငံအတွင်း ကုန်သွယ်မှု၊ ရင်းနှီးမြှုပ်နှံမှုနှင့် အခြားစီးပွားရေးလုပ်ငန်းများအတွက် ကုမ္ပဏီတည်ထောင်ရန် မှတ်ပုံတင်ရာတွင် ယခုထက် ပိုမိုလျင်မြန်စွာ စီစဉ်ဆောင်ရွက်သင့်ကြောင်း ကျွမ်းကျင်သူများက ပြောကြားသည်။

အဆိုပါ လုပ်ငန်းစဉ်ကို နိုင်ငံခြားရင်းနှီးမြှုပ်နှံမှုနှင့် ပြည်တွင်းစီးပွားရေး လုပ်ငန်းများအား ဟန့်တားနေသည့် အခက်အခဲတစ်ခုအဖြစ် ပြုပြင် ဆောင်ရွက်ရန် လိုအပ်နေကြောင်း သိရသည်။

မြန်မာနိုင်ငံတွင် လက်ရှိကုမ္ပဏီ မှတ်ပုံတင်ရန် ခြောက်လခန့် အချိန်ကြာမြင့်တတ်ပြီး ထိုသို့ဖြစ်ရခြင်းမှာ လိုအပ်သည်ထက် ပိုမိုသည့် စစ်ဆေးမှု များ၊ သက်ဆိုင်ရာတာဝန်ရှိသူများထံမှ ထောက်ခံချက် အဆင့်ဆင့်တို့ကို ရယူရခြင်း၊ နိုင်ငံခြားမှ ရင်းနှီးမြှုပ်နှံသော ကုမ္ပဏီအတွက် ၎င်းနိုင်ငံရှိ မြန်မာ သံရုံးမှ တစ်ဆင့်စုံစမ်းခြင်းစသည့် အခြေအနေရှိနေခြင်း ကြောင့်ဖြစ်ကြောင်း တရားရုံးချုပ်ရှေ့နေတစ်ဦးက ပြောကြားသည်။

ကုမ္ပဏီဥပဒေအရ မှတ်ပုံတင်ရုံးသို့ စာရွက်စာတမ်းပို့ရုံဖြင့် လုံလောက်သော်လည်း ဥပဒေ၌မပါဝင်သည့် လုပ်ထုံးလုပ်နည်းများကြောင့် မလိုလား အပ်ဘဲ ကြန့်ကြာနေရကြောင်း သိရသည်။

စီးပွားရေး ဖွံ့ဖြိုးတိုးတက်နေသည့် စင်ကာပူနိုင်ငံတွင် ကုမ္ပဏီတစ်ခုတည်ထောင်ရန် တစ်ရက်မှ အများဆုံး သုံးရက်အထိသာ ကြာမြင့်တတ်ပြီး တရုတ်နှင့် မလေးရှားနိုင်ငံတို့တွင်တစ်ပတ်အတွင်းရတတ်ကြောင်း မြန်မာနိုင်ငံ ကုန်သည်စက်မှုအသင်းချုပ်မှ တာဝန်ရှိသူတစ်ဦးက ပြောကြားသည်။

မြန်မာနိုင်ငံတွင် ၁၉၉၀ ပြည့်နှစ်နောက်ပိုင်း ကုမ္ပဏီများမှတ်ပုံတင်ခွင့် ဥပဒေပြုသည့်အချိန်တွင် ကုမ္ပဏီတည်ထောင်ရသည်မှာ အလွန်လွယ်ကူ ခဲ့ကြောင်းနှင့် တစ်ပတ်မှအများဆုံး တစ်လဖြင့်ရရှိခဲ့ဖူးကြောင်း သိရသည်။

ငွေကြေးဆိုင်ရာဥပဒေအရ ရရှိတဲ့နိုင်ငံခြားငွေဖြင့် မြန်မာငွေကြေးအား အရှုံးအမြတ်ဆွဲသည့်အခါ တရားဝင်တန်ဖိုး ခြောက်ကျပ် အခြေခံပြီး ဆွဲတိုင်း အရှုံးပေါ်သကဲ့သို့ဖြစ်သည်မှ အစပြုပြီး ကုမ္ပဏီအားလုံးလိုလို ရှုံးသည်ဟုထင်သည့် အခြေအနေတွင် အမြတ်ခွန်ရှောင်သည်ဆိုသည့် ခံယူချက်များ၊ ၎င်းနောက် အစိုးရမှထုတ်လုပ်မှု ကုမ္ပဏီများကိုသာ ခွင့်ပြုသည့်နောက် တိုင်းရင်းသားကုမ္ပဏီများ ပေါများလာခြင်း၊ တိုင်းရင်းသားကုမ္ပဏီမှာလည်း နိုင်ငံခြားသား ကျောထောက် နောက်ခံပြုထားသည့် အမည်ခံတိုင်းရင်းသား ကုမ္ပဏီများ ပေါ်ပေါက်လာခြင်း၊ အမြတ်ခွန်တိမ်းရှောင်ခြင်း၊ ၎င်းနောက် နိုင်ငံ ခြားသားများနှင့် တိုင်းရင်းသားကုမ္ပဏီချင်း၊ အငြင်းပွားမှုများစွာ ဖြစ်ပေါ်ခြင်း စသည့်ပြဿနာများအား သိရှိနိုင်ရန် ကုမ္ပဏီများမှ နောက်ကြောင်းရှင်း မရှင်းအား ပြန်လည်စိစစ်သည့် ရာဇဝင်ပေါ်လာပြီး ကြန့်ကြာမှုများ ဖြစ်ပေါ်လာရကြောင်း သိရသည်။