Posts
 | yangonchronicle 2011 |
၂၀.၅.၂၀၁၁
ပြည်တွင်းသတင်းများ
မြန်မာနိုင်ငံပညာရေးအတွက် အရေးပေါ်အစည်းအဝေးကျင်းပမည်
ရန်ကုန်၊မေ ၁၈။
ပြည်ထောင်စုအဆင့် ပညာရေးဝန်ကြီး ဒေါက်တာမြအေးမှ မြန်မာနိုင်ငံအဝန်းရှိ ပညာရေးနှင့်သက်ဆိုင်သော ကျွမ်းကျင်ပညာရှင်များဖြင့် စုပေါင်း အစည်းအဝေးပွဲတစ်ရပ်ကို နေပြည်တော်ရှိ် သမ္မတရုံးခန်းတွင် ပြုလုပ်ရန် မြန်မာနိုင်ငံ ပညာရေးနှင့်ဆိုင်သော ပညာရှင်များအား ဆင့်ခေါ်ထားမည် ဖြစ် ကြောင်း ပညာရေးအသိုင်းအ၀ိုင်းမှ စုံစမ်းသိရှိရသည်။
ယင်းပညာရေး ပညာရှင်များတွင် တက္ကသိုလ်အသီးသီးမှ ပါမောက္ခများ၊ စီးပွားရေးနယ်ပယ်မှ လုပ်ငန်းရှင်ကြီးများ ပါဝင်ကြောင်း ယင်းအစည်း အဝေးမှာ ၃ ရက်ခန့် ကြာမြင့်မည်ဖြစ်ပြီး မေလ ၂၀ ရက်နေ့တွင် စတင်မည်ဖြစ်ကြောင်း သိရသည်။
ယင်းအစည်းအဝေးတွင် မြန်မာနိုင်ငံ ပညာရေးဖွံဖြိုးတိုးတက်လာစေရန် အရေးပါသည့် ဆုံးဖြတ်ချက်များချမှတ်နိုင်မည်ဟု မျှော်လင့်ကြောင်း အစည်းအဝေးကိုတက်ရောက်ရန် ဆင့်ခေါ်ထားခံရသော ပေါမောက္ခတစ်ဦးက ပြောကြားသည်။
မြန်မာနိုင်ငံတွင် အစိုးအရတစ်ပြောင်းလဲပြီးနောက် သမ္မတမှ နိုင်ငံရေး၊ ဥပဒေ၊ စီးပွားရေး အကြံပေးအဖွဲ့များ ဖွဲ့စည်းခဲ့ပြီး ယခုအချိန်တွင် ပညာ ရေးပြန်လည် ဖွံ့ဖြိုးတိုးတက်လာစေရန် ပြည်တွင်း ပညာရှင်များနှင့်တွေ့ဆုံရန် စီစဉ်ခဲ့ခြင်း ဖြစ်သည်။
မြန်မာနိုင်င၏ ပညာရေးဖွံ့ဖြိုးတိုးတက်စေရန် ကျင်းပပြီးခဲ့သော လွှတ်တော် အစည်းအဝေးပွဲများတွင် လွှတ်တော် အမတ်များမှ အကြံပြုဆွေးနွေး မေးမြန်းမှုများရှိခဲ့သော်လည်း ပညာရေးနှင့်ပတ်သက်သော အဆိုတစ်ခုမျှ အောင်မြင်ခဲ့ခြင်း မရှိပေ။
The CJs News
-----------------------------------------------------------------------------------------------------------------
ဘုရင့်နောင်ပွဲရုံအတွင်း တူညီအမှိုက်ပုံးများ ထားရှိရမည်
ရန်ကုန်၊မေ ၂၀။
မြန်မာနိုင်ငံ၏ အကြီးဆုံးပွဲရုံနှင့် ကူးသန်းရောင်းဝယ်ရေး နေရာတစ်ခုဖြစ်သော ဘုရင့်နောင်ပွဲရုံနှင့် ယာဉ်ရပ်နားဝင်းအတွင်းရှိပွဲရုံ ဆိုင်ခန်း များအားလုံး တူညီအမှိုက်ပုံးများ ထားရှိရမည်ဖြစ်ကြောင်း ယင်းဝင်းအတွင်းရှိ ပွဲရုံလုပ်ငန်းရှင်များထံမှ သိရှိရသည်။
အောင်သပြေလမ်းရှိ ပွဲရုံလုပ်ငန်းရှင်တစ်ဦးက ယင်းကိစ္စအတွက် မေ ၁၃ တွင်တွေ့ဆုံဆွေးနွေးပြီး မေ ၁၆ရက်နေ့တွင် ဝင်းအတွင်းရှိ လုပ်ငန်းရှင် အားလုံးထံသို့ အကြောင်းကြားစာ ပေးပို့ခဲ့ကြောင်း၊ ယင်းကိစ္စများကို စည်ပင်သာယာရုံး၊ အကျိုးဆောင်အဖွဲ့ အဝေးပြေးကုန်စည်ပို့ဆောင်ရေး လုပ်ငန်းရှင် များအသင်းနှင့် ရပ်မိရပ်ဖများတို့က စိတ်အားထက်သန်စွာ ဆောင်ရွက်မည်ဖြစ်ကြောင်း၊ အမှိုက်ပုံးထားရှိရေးမှာ ပြဿနာမဟုတ်သော်လည်း တူညီ အမှိုက်ပုံးဆိုသည်မှာ ပြဿနာ ဖြစ်နေ ကြောင်း၊ အမှိုက်ပုံးတစ်ပုံးလျှင် ကျပ် ၉၀၀၀ ကျပ် ကျသင့်မည်ဖြစ်ကြောင်း ပြောကြားသည်။
ပွဲရုံဝင်းအတွင်းရှိ ဆန်ကုန်သည်တစ်ဦးကလည်း ဝင်းအတွင်းရှိ အမှိုက်သိမ်းချိန်မှာ နံနက်ပိုင်းအချိန်အတွင်းသာ ဖြစ်ကြောင်း၊ အမိုက်ပုံးများကို ပွဲရုံပိတ်ချိန်တွင် ပြင်ပ၌ထားရှိရန်မှာလည်း ပျောက်ဆုံးမှုများရှိနိုင်ကြောင်း၊ ၂၀၀၅ ခုနှစ်ကတည်းက ထိုသို့ ဖြစ်ခဲ့ဘူးကြောင်း၊ တူညီအမှိုက်ပုံးဆိုသည်ထက် မိမိတို့နှင့် အဆင်ပြေသည့် ပုံးပုံစံမျိုးထားရှိလျှင် ပိုကောင်းနိုင်ကြောင်း၊ ထို့အပြင် ၀င်းအတွင်းလုပ်ငန်းပေါင်း ၂၀၀၀ ကျော်က ယင်းအမှိုက်ပုံးကိစ္စအတွက် ကျပ်သိန်းရာချီ ကုန်ကျမည်ဖြစ်ရာ ကန်ထရိုက်ပေးမည်ဆိုသူများလည်း ရှိနိုင်ကြောင်း ပြောကြားသည်။
ယင်းသို့လုပ်ဆောင်ခြင်းသည် ပွဲရုံနှင့်ဘုရင့်နောင်ဝင်းအတွင်း လှပ၊ သန့်ရှင်းသောနေရာတစ်ခု (Fine City)အဖြစ် ဆောာင်ရွက်ခြင်း ဖြစ်သော ကြောင့် အကျိုးအမြတ်ထုတ်သူများလည်း ရှိလာနိုင်ကြောင်း သိရသည်။
The CJs News
-----------------------------------------------------------------------------------------------------------------
အာဆီယံဖော်ဆောင်မည့်မူဝါဒ လုပ်သားများ လွတ်လပ်စွာလုပ်ခွင့်ရမည်
လာမည့် ၂၀၁၅ ခုနှစ်မှစတင်၍ အာဆီယံနိုင်ငံများမှ ဖော်ထုတ်မည့် မူဝါဒသစ်များအရ ဒေသတွင်းလုပ်သားများ အာဆီယံနိုင်ငံများအကြား အတားအဆီးမဲ့စွာဖြင့် လွတ်လပ်စွာလုပ်ကိုင်နိုင်မည်ဖြစ်သဖြင့် လုပ်သားဈေးကွက်များ ပြောင်းလဲလာမည်ဖြစ်ကြောင်း သိရသည်။
လုပ်သားဈေးကွက်ပြိုင်နိုင်ရန်လိုအပ်ကြောင်း၊ လုပ်သားဈေးကွက်ရရှိရန်မှာလည်း ပညာရေးနှင့် သက်ဆိုင်မှုရှိကြောင်း၊ မိမိနိုင်ငံတွင်း၌ ပေးအပ် သည့်ဘွဲ့များမှာလည်း နိုင်ငံတကာအဆင့်မီရန်လိုအပ်ကြောင်း၊ မိမိနိုင်ငံမှ အခြေခံလုပ်သားများသာထွက်ရှိပြီး အခြားနိုင်ငံမှ ပညာရှင်များ လာမည်ဆိုပါက လည်း အဆင်ပြေနိုင်မည်မပာုတ်ကြောင်း၊ ထို့ကြောင့် မိမိနိုင်ငံတွင်း ပညာရှင်များကိုမွေးထုတ်ပေးနိုင်ရန်လိုအပ်ကြောင်း စီးပွားရေးပညာရှင်တစ်ဦးက ပြောကြားခဲ့သည်။
မြန်မာနိုင်ငံ၌ ၂၀၁၀ ခုနှစ်မှစတင်၍ နိုင်ငံခြားရင်းနှီးမြှုပ်နှံမှုများ ပေါများစွာထွက်ပေါ်လာသော်လည်း ဖြစ်ပေါ်လျှက်ရှိသည့် ပြဿနာမှာ ကျွမ်း ကျင်အလုပ်သမား ရှားပါးမှုပြဿနာပင်ဖြစ်သည်။ လုပ်ငန်းရှင်များအနေဖြင့်လည်း အခြေခံလုပ်သားနှစ်ဦးထက် ကျွမ်းကျင်မှုရှိသည့် လုပ်သားတစ်ဦး ကိုသာ ခန့်ထားချင်ကြောင်းသိရသည်။
အထည်ချုပ်ကျွမ်းကျင်လုပ်သားတစ်ဦးလျှင် တစ်သိန်းပေးဆိုက ပေးနိုင်ကြောင်း၊ လစာနည်းနည်းဖြင့် မကျွမ်းကျင်သည့်လုပ်သားအား ခန့်ထား မည်ဆိုပါက အလုပ်ရှင်ဘက်မှ နစ်နာမှုများရှိနိုင်ကြောင်း၊ ထို့ကြောင့် ကျွမ်းကျင်လုပ်သား ရမည်ဆိုပါက ရနိုင်သလောက်လိုအပ်ကြောင်း အထည်ချုပ် လုပ်ငန်း လုပ်ကိုင်လျှက်ရှိသော လုပ်ငန်းရှင်တစ်ဦးက ပြောကြားခဲ့သည်။
၂၀၁၅ ၌ အာဆီယံနိုင်ငံမူဝါဒသစ်များ ပေါ်ပေါက်လာပြီဆိုပါကနိုင်ငံတွင်းရှိ လုပ်သားများအခြားနိုင်ငံများသို့ လွတ်လပ်စွာ သွားရောက်လုပ်ကိုင် နိုင်တော့မည်ဖြစ်သဖြင့် ပြည်ပအလုပ်အကိုင်ရှာဖွေရေး အေဂျင်စီများအနေဖြင့်လည်း အခြားလုပ်ငန်းများကို ပြောင်းလဲလုပ်ကိုင်ရမည့် အခြေအနေသို့ ဆိုက်ရောက်နိုင်ကြောင်း သိရသည်။
ဒေသတွင်းလုပ်သားများ အခြားနိုင်ငံများသို့ လွတ်လပ်စွာသွားရောက်လုပ်ကိုင်နိုင်တော့မည်ဆိုပါက မိမိနိုင်ငံရှိ လုပ်သားများဘက်မှ ကာကွယ် ပေးနိုင်မည့် မူဝါဒများလိုအပ်ကြောင်း၊ လုပ်သားများ အခြားနိုင်ငံများသို့ရောက်ရှိသွားပြီပါက အခွန်ကိစ္စရပ်နှင့်ပတ်သတ်၍ မိမိလုပ်သားများဘက်မှ ဥပဒေ အရ ကာကွယ်ပေးသင့်ကြောင်း၊ ငွေလွှဲမှုများတွင်လည်း တရားဝင်လွှဲပြောင်းပေးနိုင်ရန် နိုင်ငံတော်မှ လုပ်ပေးသင့်ကြောင်း ယင်းမှပင် ဆက်လက်ပြောကြား ခဲ့သည်။
(မော်ဒန်၊ အမှတ်-၂၅၈ ပါ “အာဆီယံမူဝါဒ လုပ်သားဈေးကွက် ပြောင်းလဲနိုင်”သတင်းအား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ တနင်္လာနေ့ တွေ့မည်
ရန်ကုန်၊ မေ ၂၀။
မေလ ၂၃ ရက် တနင်္လာနေ့တွင် အမျိုးသားဒီမိုကရေစီအဖွဲ့ချုပ်ရုံး၌ ဒေါ်အောင်ဆန်းစုကြည်သည် အကျဉ်းထောင်များမှ လွတ်မြောက်လာသည့် နိုင်ငံရေးအကျဉ်းသားများနှင့် တွေ့ဆုံရန်ရှိကြောင်း သိရှိရသည်။
အမျိုးသား ဒီမိုကရေစီ အဖွဲ့ချုပ်မှ တာဝန်ရှိသူတစ်ဦးက "အန်တီက တင်္နလာနေ့မှာ အကျဉ်းထောင် အသီးသီးက လွတ်မြောက်လာတဲ့ နိုင်ငံရေး အကျဉ်းသားတွေနဲ့ တွေ့ဖို့ရှိပါတယ်။ လက်ရှိလည်း ပါတီကလူတွေ ကိုယ့်အစီအစဉ်နဲ့ကိုယ် လာတွေ့တာရှိပါတယ်။ လွတ်လာတဲ့သူတွေကို အန်တီအနေနဲ့ တတ်နိုင်သလောက် ထောက်ပံ့ဖို့လည်း ရှိပါတယ် "ဟု ဆိုသည်။
အမျိုးသား ဒီမိုကရေစီအဖွဲ့ချုပ်အနေဖြင့် နိုင်ငံရေးအကျဉ်းသားများ လွတ်မြောက်လာစေရန်အတွက် တစ်နိုင်လုံးအတိုင်းအတာဖြင့် လှုပ်ရှား မှုများ လုပ်ကိုင်ဆောင်ရွက်ရန် ရှိကြောင်း အဆိုပါတာဝန်ရှိသူမှ ဆက်လက်ပြောကြားသည်။
မြန်မာနိုင်ငံအနှံအပြားရှိ အကျဉ်းထောင်များမှ လွတ်ငြိမ်းချမ်းသာခွင့် ဖြင့်လွတ်မြောက်လာသော နိုင်ငံရေးအကျဉ်းသားများမှာ နိုင်ငံရေး အကျဉ်း သားများ ကူညီစောင့်ရှောက်ရေးအသင်း(AAPP)၏ ထုတ်ပြန်ချက်အရ ၂၁၀၀ ကျော်ရှိပြီး၊ လွတ်ငြိမ်းချမ်းသာခွင့်ကြောင့် လွတ်မြောက်လာသော နိုင်ငံရေး အကျဉ်းသားများမှာ လက်ရှိအချိန်တွင် အယောက် ၆၀ နီးပါးရှိပြီး၊ ဆက်လက်၍လည်း လွတ်မြောက်လာရန်ရှိကြောင်း သိရှိရသည်။
ကျော်စွာ
-----------------------------------------------------------------------------------------------------------------
အမေရိကန် အကြီးတန်း သံတမန် လာရောက်
ရန်ကုန်၊ မေ ၁၈။
အမေရိကန်နိုင်ငံမှ အကြီးတန်းသံတမန်တစ်ဦးဖြစ်သူ မစ္စတာ ဂျိုးဇက်ယွန်းသည် မေလ ၁၈ ရက်နေ့တွင် မြန်မာနိုင်ငံသို့ ရောက်ရှိနေပြီး ၎င်း၏ လေးရက်တာ ခရီးစဉ်အတွင်း တွေ့ဆုံဆွေးနွေးမှုများ ပြုလုပ်သွားမည်ဟု မေလ ၁၇ ရက်နေ့က ဝါရှင်တန် ဒီစီတွင် ပြုလုပ်သည့် သတင်းစာရှင်းလင်းပွဲတွင် အမေရိကန်နိုင်ငံ၏ နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ မစ္စတာ မာ့ခ်စီတိုနာက ပြောကြားသည်။
အမေရိကန် အရှေ့အာရှနှင့် ပစိဖိတ် ရေးရာဌာန ဒုလက်ထောက်နိုင်ငံခြားရေးဝန်ကြီး မစ္စတာ ဂျိုးဇက်ယွန်းသည် ၎င်း၏ခရီးစဉ်အတွင်း မြန်မာ အစိုးရအဖွဲ့မှ တာဝန်ရှိသူများနှင့် တွေ့ဆုံမည့်အပြင် နိုင်ငံရေးပါတီများ၊ အစိုးရမဟုတ်သော အဖွဲ့အစည်းများ၊ တိုင်းရင်းသား လူနည်းစုများနှင့် စီးပွားရေး လုပ်ငန်းရှင်များကိုလည်း တွေ့ဆုံမည်ဟု သိရသည်။
"မစ္စတာဂျိုးဇက်ယွန်းက မေလ ၁၈ ရက်ကနေ ၂၁ ရက်အထိ မြန်မာနိုင်ငံခရီးစဉ်ကို စီစဉ်ထားပါတယ်။ သူ့ရဲ့ခရီးစဉ်က မြန်မာအစိုးရနဲ့ ဆက် လက်ထိတွေ့ဆက်ဆံဖို့နဲ့ မြန်မာလူမှုအဖွဲ့အစည်းနဲ့ တွေ့ဆုံမှုတွေအပေါ် ကျွန်တော်တို့ရဲ့ စိတ်ပါဝင်စားမှု ဆက်လက်ရှိနေတယ်ဆိုတာကို ထင်ဟပ်စေပါ တယ်။ မစ္စတာ ဂျိုးဇက်ယွန်းက အသစ်တက်လာတဲ့ မြန်မာအစိုးရအဖွဲ့မှ တာဝန်ရှိသူတွေနဲ့ မိတ်ဆက်တွေ့ဆုံ ဆွေးနွေးမှုတွေ ပြုလုပ်ပါမယ်"ဟု မစ္စတာ မာ့ခ်စီတိုနာက အဆို ပါ သတင်းစာရှင်းလင်းပွဲတွင် ပြောကြားသည်။
မစ္စတာ ဂျိုးဇက်ယွန်းသည် မြန်မာနိုင်ငံသို့ ၂၀၁၀ ပြည့်နှစ်၊ ဒီဇင်ဘာလကလည်း လာရောက်ခဲ့ပြီး ယခုခရီးစဉ်မှာ မြန်မာနိုင်ငံသို့ ၎င်း၏ ဒုတိယ မြောက်ခရီးစဉ်ဖြစ်သည်။
××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"ဒီကိစ္စက အချိန်ယူဖြေရှင်းရမယ့်ကိစ္စပါ။ လာဘ်ဆိုတဲ့နေရာမှာ တချို့က လောဘကြီးလို့၊ တချို့က အခြေအနေ အကြောင်းတိုက်ဆိုင်လို့၊ တချို့က လူမှု ရေးပြဿနာတွေရှိလို့ ဖြစ်နိုင်ပါတယ်။ ကျွန်တော်တို့ အစိုးရအဖွဲ့ ဒီကိစ္စကို ကိုင်တွယ်ဖြေရှင်းဖို့ လုပ်နေပါပြီ။ အခုက အဓိကဖြစ်ရတဲ့ ရင်းမြစ်ကိုရှာပြီး ဖြေရှင်းမှ ဖြစ်မှာပါလာဘ်ယူ တဲ့သူကို ထုတ် လိုက်ရုံနဲ့ ပြီးမယ့်ကိစ္စတော့ မဟုတ်ပါဘူး"
မေ ၁၆ ထုတ် The Messenger အတွဲ(၁) အမှတ် (၅၂) တွင်ပါသည့် "ရန်ကုန်တိုင်းဒေသကြီးရှိ ဌာနဆိုင်ရာများ၏ လာဘ်ပေးလာဘ်ယူ ကိစ္စများကို တိုင်းဒေသကြီးအစိုးရ ကိုင်တွယ်ဖြေရှင်းမည်" သတင်းမှ ရန်ကုန်တိုင်းဒေသကြီး အစိုးရအဖွဲ့ဝင် ဝန်ကြီးတစ်ဦး၏ ပြောကြား ချက်အပေါ် ကောက်နှုတ်ချက်
-----------------------------------------------------------------------------------------------------------------
"ခုဆိုရင် မြန်မာနိုင်ငံမှာ ပြုပြင်ပြောင်းလဲမှုတွေကလုပ်နေပါပြီ။ ဘဏ္ဍငွေ၊ ကျင်းပနိုင်မှု၊ စီမံနိုင်မှုနဲ့ အခြေခံအဆောက်အအုံတွေက ဖြစ်လာနေပြီ။ အာဆီယံ ဥက္ကဋ္ဌအတွက် အဆင်သင့်ဖြစ်လားဆိုတော့ သူ့အဆင့်နဲ့သူတော့ မဖြစ်နိုင်စရာ မရှိပါဘူး။ ပြောစရာရှိတဲ့သူတွေက ပြောကြတာပေါ့။ ဒေသတွင်းမှာ မြန်မာ နိုင်ငံကလည်း လူ့အခွင့်အရေး သိပ်နောက် မကျပါဘူး။ လူ့အခွင့်အရေးနဲ့ပတ်သက်လို့ အာဆီယံဒေသတွင်းမှာ ပြောစရာမရှိတဲ့ နိုင်ငံရယ်လို့ မရှိပါဘူး"
မေ ၁၉ ထုတ် ရန်ကုန်တိုင်းမ် အတွဲ(၇) အမှတ် (၁၈) တွင်ပါသည့် "အာဆီယံအလှည့်က ဥက္ကဋ္ဌဆက်ခံမှုနှင့် မြန်မာနိုင်ငံ၏ အခန်းကဏ္ဍ" သတင်းဆောင်းပါးမှ ဦးကိုကိုလှိုင်၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------
"လက်ရှိအချိန်မှာ ပို့ကုန်သွင်းကုန်အပါအဝင် နိုင်ငံခြားငွေကြေးဆိုင်ရာကိစ္စတွေကို အစိုးရဘဏ်တွေနဲ့ပဲ လုပ်နေပါတယ်။ အဲဒီဘဏ်တွေက ပုံမှန် ဘဏ် လုပ်ငန်းတွေ လုပ်ကိုင်ပေမယ့် တခြားနိုင်ငံတွေမှာရှိတဲ့ ပို့ကုန်လုပ်ငန်းတွေကို ငွေကြေးပံ့ပိုးမှု တွေအဆင်ပြေအောင် ပံ့ပိုးပေးတာမျိုး မလုပ်နိုင်သေးဘူး။ ပုဂ္ဂလိကဘဏ်တွေ နိုင်ငံခြားငွေကြေး ကိုင်တွယ်ခွင့်ရလာပြီဆိုရင်တော့ ဒီလိုကိစ္စမျိုး မျှော်လင့်နိုင်မယ်လို့ထင်တယ်။ ပို့ကုန်လုပ်ငန်းတွေအတွက် ပုဂ္ဂလိက ဘဏ်တွေက အရေးပါပါ တယ်"
မေ ၂၀ ထုတ် BiWeekly ELEVEN အတွဲ(၄) အမှတ်(၇) တွင်ပါသည့် "အစိုးရဘဏ်သုံးဘဏ်မှလွဲ၍ ပုဂ္ဂလိက ဘဏ်များ နိုင်ငံခြား ငွေကြေး ကိုင်တွယ်ခွင့်မရသေး ပို့ကုန်လုပ်ငန်းဆိုင်ရာ ငွေကြေးထောက်ပံ့မှုများရရှိနိုင်ရန် ပုဂ္ဂလိကဘဏ်များ အရေးပါကြောင်း သုံးသပ်မှုများ ရှိနေ" သတင်းဆောင်းပါးမှ ကုန်သွယ်ရေးလုပ်ငန်းရှင်တစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------
ယခင်တရားရေးစနစ်များအရ တိုင်းတရားရုံအဖြစ်သတ်မှတ်ခဲ့သော တရားရုံးများမှာ တိုင်းလွှတ်တော်တရားရုံး ချုပ်အဖြစ် ပြောင်းလဲခဲ့ပြီး တိုင်းဒေသကြီး အဆင့် ကိုင်တွယ်ဖြေရှင်းဆုံးဖြတ်ရသည့် အမှုများအား အထက်တန်းရှေ့နေများ အမှုလိုက်ပါ ဆောင်ရွက်ခွင့်မရှိကြောင်းရှေ့နေတစ်ဦးဖြစ်သော ဦးအောင် နိုင်က ပြောသည်။
"တိုင်းဒေသကြီးတရားလွှတ်တော်ဆိုရင် တရားရုံးချုပ်ရှေ့နေတွေပဲ လိုက်ခွင့်ရတယ်။ အထက်တန်းရှေ့နေတွေ ကခရိုင်နဲ့ မြို့နယ်အဆင့်မှာပဲ အမှုလိုက် ခွင့်ရတယ်" ဦးအောင်နိုင်ကပြောသည်။
မေ ၂၀ ထုတ် မြန်မာပို့စ် ဂလိုဘယ် အမှတ်(၉) တွင်ပါသည့် "ဥပဒေအပြောင်းအလဲကြောင့် ရှေ့နေလုပ်ငန်း များတွင် အပြောင်းအလဲ ဖြစ်ပေါ် " သတင်းမှ ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
စင်ကာပူအတွက် မြန်မာ့သင်ခန်းစာ
မောင်ဝံသ
(မတ် ၁၉ ထုတ် ပြည်သူ့ခေတ်ဂျာနယ် အတွဲ(၁) အမှတ် (၄၃) တွင်မှ ပြန်လည်ဖော်ပြပါသည်။)
ပြီးခဲ့တဲ့ စနေနေ့က စင်ကာပူနိုင်ငံ ရွေးကောက်ပွဲရလဒ်သတင်းတွေ ဖတ်မိတဲ့အခါ အဖြစ်သည်းလိုက်တာဆိုပြီး ပထမတော့ ကျွန်တော် နည်းနည်း တောင်အမြင်ကတ်သွားမိတယ်ဗျ။
ဘယ့်နှယ့်ဗျာ၊ အမတ်နေရာ ၈၇ နေရာ ရွေးတယ်။ လက်ရှိအာဏာရ ပြည်သူ့လှုပ်ရှားမှုပါတီ (People's Action Party-PAP) က ၈၁ နေရာနိုင် တယ်။ အဲဒါကို ပီအေပီက မခံမရပ်နိုင် ဖြစ်နေသတဲ့ဗျာ။ ပြီးခဲ့တဲ့ ရွေးကောက်ပွဲတုန်းက အတိုက်အခံက အမတ်နေရာ ၂ နေရာပဲရခဲ့ရာက အခု သုံးဆတိုးပြီး ၆ နေရာကြီးရသွားလို့ သူတို့မှာ စပ်ပူစပ်လောင် ဖြစ် နေတာတဲ့ဗျ။ ဖြစ်ရလေဗျာ။
စင်ကာပူ ရွေးကောက်ပွဲရဲ့ အစိုးရပါတီနဲ့ အတိုက်အခံပါတီတို့ရဲ့ မဲရာခိုင်နှုန်းကို ကြည့်လိုက်တော့မှ ပီအေပီခေါင်းဆောင်တွေ ဘာကြောင့် မျက် ကလဲဆန်ပြာ ဖြစ်ကုန်သလဲဆိုတာ နားလည်တော့တယ်ဗျ။ အစိုးရ ပါတီက ဆန္ဒမဲ ၆၀ ရာခိုင်နှုန်းရပြီး အတိုက်အခံတွေ စုစုပေါင်းရမဲကက ၄၀ ရာခိုင်နှုန်း ဆိုတော့ အမတ်အရေအတွက်မှာ အပြတ်အသတ် နိုင်သော်လည်း လူထုထောက်ခံမှု ရာခိုင်နှုန်းကိုကြည့်ရင် အတိုက်အခံတွေကို ထောက်ခံတဲ့ ရာခိုင်နှုန်း ကိုကြည့်ရင် ထောက်ခံတဲ့ ရာခိုင်နှုန်း အများကြီး တက်လာတာ အထင်အရှား ဖြစ်နေတာကိုး။ (စင်ကာပူမှာ အတိုက်အခံပါတီပေါင်း ၆ ပါတီရှိတယ်။ အလုပ်သမားပါတီက အားအကောင်းဆုံး ဖြစ်ပါတယ်။)
၁၉၆၅ ခုနှစ်ကစပြီး အာဏာရလာတဲ့ ပီအေပီဟာခုတစ်ကြိမ်မှာ ပထမဆုံး ထောက်ခံမဲ ရာခိုင်နှုန်း အနည်းဆုံး ရခြင်းဖြစ်တယ်လို့ ဆိုတယ်ဗျ။ ဝန်ကြီးချုပ် လီရှောင်လွန်းကတော့ သူတို့ပါတီအနေနဲ့ အခြေအနေကို ပြန်လည်သုံးသပ်ရမယ်လို့ ပြောသတဲ့။ သူ့ဖခင် ဝါရင့်ဝန်ကြီး လီကွမ်ယူ ၈၇ နှစ် လည်း ရွေးကောက်ပွဲ ဝင်သေးတယ်။ သူကိုတော့ ယှဉ်ပြိုင်သူမရှိပါဘူးတဲ့။ သူ့မဲဆန္ဒနယ်တစ်ခုတည်း ပြိုင်ဘက်မရှိခဲ့တာ ဖြစ်ပါတယ်။
ပီအေပီဟာ ၁၉၆၅ ကနေ ၁၉၈၁ အထိ တစ်ကောင်တည်းပြေးတဲ့ မြင်းလို အသာစီးရနေခဲ့တယ်။ ၁၉၈၁ အထိ အတိုက်အခံ အမတ်တစ်ယောက်မှ လွှတ်တော်ထဲ မရောက်ခဲ့ဘူး။ အတိုက်အခံ အများဆုံး လွှတ်တော် ထဲရောက်ဖူးတာ ၄ ယောက်အထိပဲ ရှိခဲ့ဖူးတယ်။
၂၀၀၆ မှာ ပီမေပီဟာ ဆန္ဒမဲ ၆၇ ရာခိုင်နှုန်း၊ ၂၀၀၁ မှာ ဆန္ဒမဲ ၇၅ ရာခိုင်နှုန်း ရခဲ့တယ်။ အခုလို ၆၀ ရာခိုင်နှုန်း လောက်ပဲရခဲ့တာ တစ်ကြိမ်မှ မရှိခဲ့ဘူးတဲ့ဗျာ။
သြစတြေးလျနိုင်ငံ ပါ့သ်မြို့ မားဒေါ့ တက္ကသိုလ်က စင်ကာပူရေးရာကျွမ်းကျင်သူ ဂယ်ရီရိုဒန်ကတော့ စင်ကာပူမဲဆန္ဒရှင်တွေဟာ စစ်ဆေး ထိန်းညှိခြင်းများနဲ့ နိုင်ငံရေးယှဉ်ပြိုင်မှု (Checks and Balance and Political competition) ပိုမိုပွင့်လန်းရေးကို လိုလားကြောင်း ပြသလိုက် တာပါပဲလို့ မှတ်ချက်ပေးလိုက်တယ်ဗျ။
မြန်မာနိုင်ငံ အတိုက်အခံတပ်ပေါင်းစု
စင်ကာပူရွေးကောက်ပွဲ သတင်းကိုဖတ်ပြီး မြန်မာနိုင်ငံမှာလည်း ပါလီမန်ဒီမိုကရေစီခေတ်က အတိုက်အခံ ပမညတအဖွဲ့ကြီး လူထုထောက်ခံမဲ ရာခိုင်နှုန်းတိုးပြီးရခဲ့ချိန်မှာ နိုင်ငံရေးအလှည့်အပြောင်းတွေ ဖြစ်ခဲ့ပုံကို သတိရမိတယ်ဗျာ။
လွတ်လပ်ရေးပြီး ပထမအကြိမ် ပြည်သူ့လွှတ်တော် ရွေးကောက်ပွဲကျင်းပချိန်မှာ အားကောင်းတဲ့ အတိုက်အခံပါတီရယ်လို့ မရှိခဲ့ဘူး။ ရွေးကောက် ပွဲဝင်တဲ့ ပါတီတွေကလည်း အာဏာရ ဖဆပလအဖွဲ့ကြီးရဲ့ အရှိန်အဝါကို အနားတောင် မကပ်နိုင်ခဲ့ကြဘူး။
သို့ပေမယ့် ၂၇ ဧပြီ ၁၉၅၆ မှာ ကျင်းပတဲ့ ဒုတိယအကြိမ်ပြည်သူ့လွှတ်တော် ရွေးကောက်ပွဲမှာတော့ ပမညတ ဆိုတာပေါ်လာတယ်။ လေးနှစ် ကျော်မျှ အတိုက်အခံ နိုင်ငံရေးအတွေ့အကြုံရရှိပြီးဖြစ်တဲ့ အင်အားစုတွေဟာ ဒီတစ်ပွဲမှာတော့ ပမညတကို အောင်မြင်စွာ တည်ထောင်နိုင်ခဲ့ကြတယ်။ အမည်အပြည့်အစုံက ပြည်ထောင်စုမြန်မာနိုင်ငံ အမျိုးသားညီညွတ်ရေးတပ်ပေါင်းစု ဖြစ်ပါတယ်။ ပါဝင်တဲ့အဖွဲ့တွေက ပြည်သူ့ဒီမိုကရေစီပါတီ (တို့ဗမာ အစည်းအရုံး)၊ ဦးသိန်းဖေမြင့်ရဲ့ ပြည်သူ့ညီညွတ်ရေးပါတီ၊ ပြည်သူ့ငြိမ်းချမ်းရေးအဖွဲ့ပေါင်းစု၊ ဗမာပြည်အလုပ်သမားအစည်းအရုံးများအဖွဲ့ချုပ်(ဆိုရှယ်နီ)၊ ဗမာပြည်အလုပ်သမားအစည်းအရုံးများအဖွဲ့ချုပ် (ဘီတီယူစီ)၊ တောင်သူလယ်သမား ညီညွတ်ရေး အစည်းအရုံး(တလညစ)၊ ပြည်သူ့လူငယ်အဖွဲ့ချုပ်၊ ဒေါက်တာဧမောင်ရဲ့ တရားမျှတမှုပါတီ၊ မွန်တိုင်းရင်းသားအစည်းအရုံး၊ ကရင်အမျိုးသားခေါင်းဆောင် မန်းထွန်းရင် အစရှိတဲ့ တစ်သီးပုဂ္ဂလများ၊ နိုင်ငံရေး ပါတီများ၊ လူထုလူတန်းစား အဖွဲ့အစည်းများ၊ လူမျိုးစု အဖွဲ့အစည်းများနဲ့ ဖွဲ့စည်းခဲ့တာဖြစ်ပါတယ်။ နောက်ပိုင်းမှာ မြေပြန့်ချင်းအမျိုးသား အစည်းအရုံးနဲ့ (အလံနီ ကိုယ်စားပြု) လူငယ့်တပ်ဦးအဖွဲ့၊ အစဉ်အလာရှိတဲ့ အမှုထမ်းသမဂ္ဂဥက္ကဋ္ဌဟောင်း ဦးထွန်းအောင်ကျော်တို့ ပူးပေါင်း ပါဝင်လာကြတယ်။
အာဏာတည်မြဲရေး ရှေ့တန်းတင်လျှင်
အဲသည်ကာလမှာ ဖဆပလအချို့ရဲ့ မသမာမှုတွေဟာ ပြည်သူကြားမှာ အလွန်နာမည်ပျက်ခဲ့တယ်။ ပမညတက ပြည်တွင်းစစ်ရပ်စဲရေး ကြွေး ကြော်သံနဲ့ရွေးကောက်ပွဲဝင်ခဲ့လို့ ငြိမ်းချမ်းရေးသမားများအဖြစ် ပြည်သူ့အမြင်မှာ ဘဝင်မကျစရာ ဖြစ်ခဲ့တယ်။ ဖဆပလက အနှစ်လေးဆယ် အာဏာ တည်မြဲရမည်လို့ ကြွေးကြော်စည်းရုံးခဲ့တယ်။ အာဏာတည်မြဲရေးကို ရှေ့တန်းတင်ထားတဲ့ ဖဆပလကို ပြည်သူများက သံသယတွေ ဖြစ်လာပုံရပါတယ်။ ရွေးကောက်ပွဲရလဒ် ကြေညာတဲ့အခါ ဖဆပလက အမတ်နေရာ ၁၄၄ နေရာနဲ့ နိုင်တယ်။ ပမညတက ၄၆ နေရာ ရရှိခဲ့တယ်။ အမတ်နေရာ အနိုင်ရရှိမှု အပြတ်အသတ်ကွာပေမယ့် ရရှိတဲ့မဲအရေအတွက်မှာ ဖဆပလက တစ်သန်း ၇ သိန်းကကျော် (၁၇၄၃၈၁၆) ရပြီး ပမညတက တစ်သန်းတစ်သိန်းကျော် (၁၁၃၉၂၈၆) ရခဲ့လို့ ဖဆပလရှေ့ရေးအတွက် စိုးရိမ်စရာ ဖြစ်ခဲ့ရတယ်။ တခြားအတိုက်အခံများတဲ့ မဲတွေကိုပါပေါင်းရင် ပမညတနဲ့ အတိုက်အခံတွေ စုပေါင်းရရှိ မဲအရေအတွက်ဟာ တစ်သန်း ၅ သိန်းကျော်(၁၅၃၀၆၃၀) ဖြစ်ပါတယ်။
သုံးသပ်လက်ခံပုံချင်းမတူ
အတိုက်အခံပမညတ အင်အားကြီးမားလာခြင်းအပေါ် သုံးသပ်လက်ခံပုံချင်း မတူကွဲပြားခြင်းဟာ ဖဆပလ ခေါင်းဆောင်တွေ သဘောကွဲလွဲခြင်း ရဲ့ အကြောင်းတရားတွေထဲမှာ အရေးကြီးတဲ့အချက်တစ်ခု ဖြစ်ခဲ့ပါတယ်။
ဦးကျော်ငြိမ်း၊ ဦးဗဆွေတို့က ပမညတအင်အားကြီးလာတာဟာ ကွန်မြူနစ်သူပုန်တွေက လက်နဲ့ ခြိမ်းခြောက်မဲ ပေးခိုင်းလို့ပဲဖြစ်တယ်လို့ ကောက်ချက်ချတယ်။ ဦးနုကတော့ ဖဆပလအဖွဲ့တွင်း အာဏာအလွဲသုံးစားလုပ်ခြင်း၊ ခြစား ခြင်း၊ လူထုအပေါ် ခေါင်းပုံဖြတ်ခြင်းတို့ကြောင့် ဖြစ်တယ်လို့ မြင်တယ်။ ဒါကြောင့် သန့်ရှင်းရေးလုပ်ရမယ်လို့ ဆိုပါတယ်။
အဲသည်နောက်မှာတော့ ဖဆပလကြီးဟာ ၁၉၅၈ ခုနှစ်မှာ နှစ်ခြမ်းကွဲသည်အထိ ဖြစ်ခဲ့ရပါတော့တယ်။ ဖဆပလ နှစ်ခြမ်းကွဲချိန်မှာ အတိုက်အခံ ပမညတက ဦးနုဘက်က ထောက်ခံလိုက်ပါတယ်။ ပမညတထောက်ခံမဲများကြောင့် ဦးနု အနိုင်ရသော်လည်း ၃လ ၁၇ ရက်သာခံတဲ့ အစိုးရဘဝကို ရောက် ခဲ့ရပြီး စစ်ဗိုလ်ချုပ်ကြီးလက်ထဲအာဏာ သက်ဆင်းသွားကာ မြန်မာပြည်နိုင်ငံရေးဟာလည်း ကြီးမားပြင်းထန်လှတဲ့ ဝဲသြဃကြီးထဲ ကျ ရောက် ခဲ့ရပါ တယ်ဗျာ။
စင်ကာပူကို သင်ခန်းစားပေးရမယ်
စင်ကာပူက စပ်ပူစပ်လောက်ဖြစ်နေတဲ့ အာဏာရပါပီအေပီဟာ ဖဆပလအဖွဲ့ကြီးရဲ့ ကြမ္မာငင်ပုံကို သင်ခန်းစာ ယူနိုင်မယ် ထင်တယ်။ စင်ကာပူ က အတိုက်အခံ ၆ ပါတီဟာလည်း အားကောင်းတဲ့ ပမညတကြီးရဲ့ အတွေ့အကြုံတွေကို နမူနာယူနိုင်မယ် ထင်တယ်ဗျ။ စင်ကာပူ နိုင်ငံရေးက ၁၉၆၅ ကျမှ စခဲ့တာပါ။ ကျွန်တော်တို့က အဲဒီအချိန်မှာ အံတောင်တိုနေပြီ မဟုတ်လားဗျာ။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
