Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၂.၆.၂၀၁၁

ပြည်တွင်းသတင်းများ

ရေချိုငါးထွက်ပစ္စည်းဖြင့် ဓာတ်မြေသြဇာ ထုတ်လုပ်

စစ်ကိုင်းတိုင်းဒေသကြီး၊ ကသာခရိုင်မှ အော်ဂဲနစ်သင်တန်းဆင်း အမျိုးသမီးတစ်ဦးသည် ရေချိုငါးထွက်ပစ္စည်း တစ်မျိုးတည်းကိုသာ အသုံးပြု၍ အောင်မြင်လျှက်ရှိသည့် ရွက်ဖျန်းမြေသြဇာအရည်အား ဈေးကွက်၌ဖြန့်ချီရန် စီစဉ်လျက်ရှိကြောင်း သိရသည်။

၂၀၁၀ သြဂုတ်လပိုင်း၌ မြန်မာနိုင်ငံ အော်ဂဲနစ်အသင်းမှ ဖွင့်လှစ်သည့်သင်တန်း၌ အပတ်စဉ်(၁) ကို တက်ရောက်ခဲ့ခြင်း ဖြစ်ကြောင်း၊ ၎င်းသင် တန်းမှ ပို့ချသည့်စာများထဲမှ မိမိဒေသနှင့် ကိုက်ညီမှုရှိမည့် ကုန်ကြမ်းလည်း အလွယ်တကူရရှိနိုင်မည့် ယခုနည်းလမ်းအား စမ်းသပ်ခဲ့ခြင်း ဖြစ်ကြောင်း၊ ခြောက်လခန့် အချိန်ယူစမ်းသပ်ခဲ့ရကြောင်း ငါးပရိုတိန်း သဘာဝဓာတ်မြေသြဇာ ထုတ်လုပ်ခဲ့သူ မကေသီက ပြောကြားခဲ့သည်။

မည်သည့်ငါးအမျိုးအစားမဆို သုံး၍ရနိုင်ကြောင်း၊ ငါးအသေး၌ နိုင်ထရိဂျင်ပါဝင်မှုနှုန်း ပိုမိုမြင့်မားသည်ကို တွေ့ရှိရကြောင်း၊ လောလောလတ်လတ် ဈေးကွက်၌ ယခုကဲ့သို့ ပစ္စည်းမရှိကြောင်း၊ သဘာဝပတ်ဝန်းကျင်ကိုပါ ထိန်းသိမ်းနိုင်သည့်အတွက် တောင်သူများ လိုက်လုပ်စေချင်ကြောင်း ၎င်းက ဆက်လက်ပြောကြားခဲ့သည်။

အာရှပစိဖိတ်နိုင်ငံများ၌ ငါးဘေးထွက်ပစ္စည်းဖြင့် မြေသြဇာအရည်ထုတ်လုပ်မှုတွင် ပင်လယ်ငါးကိုသာ အသုံးပြုကြောင်း သိရသည်။ ယခု ထုတ် လုပ်လိုက်သည့် ဓာတ်မြေသြဇာအရည်တွင် အလွယ်တကူရရှိနိုင်သည့် ငါးပြက်၊ ငါးခုံးမ၊ ငါးလူ စသည့် ရေချိုငါးအသေးများကို အသုံးပြုထုတ်လုပ်နေပြီး သကြားအစား ထန်းလျက်၊ တင်လဲရည်စသည်တို့ကို အသုံးပြုကြောင်း သိရသည်။

                ကသာခရိုင်အား ရွေးချယ်ရခြင်းမှာ မိမိစိုက်ပျိုးရေးလုပ်ငန်းများရှိပြီး ကသာခရိုင်၌ ငါးမဖမ်းရသည့် ရာသီမှလွဲ၍ တစ်နှစ်ပတ်လုံးပင် ငါးရရှိနိုင်ခြင်း ကြောင့်ပင် ဖြစ်ကြောင်း၊ စတင်လုပ်ဆောင်သည့်အပိုင်း၌ အိမ်တွင်းမှုလုပ်ငန်းအနေဖြင့် တစ်နိုင်တစ်ပိုင်သာလုပ်ကိုင်ပြီး စစ်ကိုင်း၊ မန္တလေး၊ ကချင်ပြည်နယ် မြို့များသို့ စတင်ဖြန့်ချီမည်ဖြစ်ကြောင်း၊ မြန်မာနိုင်ငံအထက်ပိုင်းရှိ မြေများမပျက်စီးသေးသည့်အတွက် သြဂဲနစ်လုပ်ရန် ပိုမိုလွယ်ကူမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

(MYANMAR TIMES၊ အတွဲ-၂၇၊ အမှတ်-၅၂၁ ပါ “ရေချိုငါးထွက်ပစ္စည်းဖြင့် မြေသြဇာထုတ်မည်” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

မလေးရှားဆေးရုံများ မြန်မာဈေးကွက်ထိုးဖောက်

မလေးရှားနိုင်ငံအနေဖြင့် ကျန်းမာရေး ဆိုင်ရာစောင့်ရှောက်မှုအတွက် ထိုင်း၊ စင်ကာာပူတို့ထက် ချိုသာသော ဈေးနှုန်းဖြင့် မြန်မာဈေးကွက်ကို ထိုးဖောက်မည် ဖြစ်ကြောင်း မလေးရှားနိုင်ငံရှိ Mahkota ဆေးရုံမှ တာဝန်ရှိသူတစ်ဦး၏ ပြောကြားချက်အရ သိရသည်။

Mahkota ဆေးရုံသည် ဈေးနှုန်း သက်သာမှု (Competitive Price) ဖြင့် ယှဉ်ပြိုင်ရာတွင် နှလုံးခွဲစိတ်မှုကို စင်ကာ ပူတွင် ကန်ဒေါ်လာ ၃၀,၀၀၀၊ ထိုင်းနိုင်ငံတွင် ဒေါ်လာ ၂၆,၀၀၀၊ မလေးရှားနိုင်ငံတွင် ဒေါ်လာ ၁၂,၀၀၀ မှ ၁၄,၀၀၀၊ ကုန်ကျပြီး Mahkota ဆေးရုံတွင် ဒေါ်လာ ၁၃,၅၀၀ သာ ကုန်ကျမည့် ဈေးနှုန်းဖြင့် ယှဉ်ပြိုင်မည်ဖြစ်ကြောင်း ၎င်းက ဆက်လက်ပြောကြားသည်။

နှစ်စဉ် Mahkota ဆေးရုံသို့ အင်ဒို နီးရှား၊ စင်ကာပူ၊ တရုတ်၊ ကမ္ဘောဒီးယား လူမျိုး နိုင်ငံခြားသား အများဆုံးလာရောက်ကြပြီး စုစုပေါင်း နိုင်ငံခြား သား လူနာနှစ်စဉ် ၅၅,၀၀၀ ခန့်သည် ကင်ဆာ၊ နှလုံး၊ အရိုး၊ အမျိုးသမီးနှင့် ကလေးရောဂါ၊ ဦးနှောက်နှင့် အာရုံကြော၊ အမျိုးသားရောဂါများ ကုသရန် လာရောက်ကြောင်း သိရသည်။

မြန်မာဈေးကွက်တွင် ထိုင်း၊ စင်ကာပူနှင့် အိန္ဒိယဈေးကွက်များ နေရာယူထားပြီးဖြစ်သဖြင့် ၎င်းဆေးရုံအနေဖြင့် မြန်မာဈေးကွက်ကို ဖောက်နိုင်ရန် ပိုမိုကြိုးစားရမည့် စိန်ခေါ်မှုများရှိကြောင်း၊ ဈေးကွက်ထိုးဖောက်ရန် လုပ်ဆောင်နေစဉ်အတွင်း မြန်မာနိုင်ငံကျန်းမာရေး ကဏ္ဍပိုမိုတိုးတက်မြင့်မားစေရန် မြန်မာ- မလေးရှား ဆရာဝန်နည်းပညာဖလှယ်ရေး အစီအစဉ်များကို လုပ်ဆောင်ပေးရန်လည်း အစီအစဉ်ရှိကြောင်း သိရသည်။

(MYANMAR TIMES၊ အတွဲ-၂၇၊ အမှတ်-၅၂၁ ပါ “မလေးရှားဆေးရုံများ ချိုသာသောနှုန်းဖြင့် ဈေးကွက်ထိုးဖောက်မည်”  သတင်းအား အကျဉ်း ချုံး ဖော်ပြသည်)

 -----------------------------------------------------------------------------------------------------------------------------------

မော်တော်ယာဉ်များအား အထူးစစ်ဆေးရေးအဖွဲ့ဖြင့် တင်းကျပ်စွာအရေးယူမည်

ယာဉ်စည်းကမ်းထိန်းသိမ်းရေးမှ အထူးစစ်ဆေးရေးအဖွဲ့ ခြောက်ဖွဲ့ ဖွဲ့၍ မြို့တွင်း၊ မြို့ပြင်ရှိ မော်တော်ယာဉ်များအား တင်းကျပ်စွာ အထူးစစ်ဆေး အရေးယူ ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီး မော်တော်ယာဉ် လိုင်းပေါင်းစုံ ထိန်းသိမ်းရေးကြီးကြပ်မှု ဗဟိုကော်မတီမှ  တာဝန်ရှိသူ တစ်ဦးက ပြောကြားခဲ့သည်။

ယခင် အနေအထားအရ မော်တော်ယာဉ် အထူးစစ်ဆေးရေးအဖွဲ့ ၈ ဖွဲ့ဖြင့် လမ်းကြောင်းရှစ်ကြောင်းပိုင်းကာ စစ်ဆေးလေ့ရှိကြောင်း၊ သို့သော် ထိရောက်သည့် အရေးယူဆောင်ရွက်မှုများကို ဆောင်ရွက်နိုင်ခြင်းမရှိကြောင်း၊ ယခုအခါ အဖွဲ့ခြောက်ဖွဲ့ ဖွဲ့၍ ယာဉ်များအား တင်းကြပ်စွာ အရေးယူ ဆောင်ရွက်ခြင်းကို ပြုလုပ်မည်ဖြစ်ကြောင်း ၎င်းက ဆက်လက် ပြောကြားခဲ့သည်။

အဆိုပါ စစ်ဆေးရေးအဖွဲ့ ခြောက်ဖွဲ့မှ တစ်ပတ်လျှင် သုံးရက်နှုန်းဖြင့် မော်တော်ယာဉ်များ ယာဉ် ကြံ့ခိုင်မှု ရှိမရှိ၊ ယာဉ်စည်းကမ်း လိုက်နာ ဆောင်ရွက်မှုများ ရှိမရှိ၊ တန်ပိုများတင်ဆောင်ခြင်းကိစ္စရပ်များ၊ အရှိန်ပြင်းစွာမောင်းနှင်မှုများ ပြုလုပ်မှု ရှိမရှိ ကိစ္စရပ်များကို စစ်ဆေးဆောင်ရွက်သွားမည် ဖြစ်ကြောင်း သိရသည်။

ယခုဖွဲ့စည်းလိုက်သည့် အဖွဲ့များသည် ယာဉ်လိုင်းစုံမှ တာဝန်ရှိသူများ ပါဝင်သည့်အတွက် ဘက်လိုက်မှု ကိစ္စရပ်များမှာ ပပျောက်သွားမည် ဖြစ်ကြောင်း၊ စစ်ဆေးရေးအဖွဲ့သည် မိမိတို့၏ ယာဉ်လိုင်းစစ်ဆေးရေးဝတ်စုံများကို ဝတ်ဆင်၍ တာဝန်ပာူသည့် လက်ပတ်ဖြင့် မော်တော်ယာဉ်စီးနင်းကာ လိုက်လံစစ်ဆေးသွားမည်ဖြစ်ကြောင်း ယာဉ်စည်းကမ်းထိန်းသိမ်းရေးကော်မတီမှ တာဝန်ရှိသူတစ်ဦးက ပြောကြားခဲ့သည်။

ယခုဖွဲ့စည်းလိုက်သည့် အဖွဲ့ခြောက်ဖွဲ့တွင်ပါဝင်မည့်သူများမှာ  ယာဉ်လိုင်းအသီးသီးမှ တာဝန်ရှိသူများ၊ ခရီးသည် ပို့ဆောင်ရေးနှင့် ကုန်စည် ပို့ ဆောင်ရေးမှ တာဝန်ရှိသူများ၊ ကုန်တင်မော်တော်ယာဉ်အသင်းမှ တာဝန်ရှိသူများ၊ ပုဂ္ဂလိက ရေယာဉ်အသင်းမှ တာဝန်ရှိသူများ၊ မထသ(ဗဟို)၊ ကြိုးမဲ့ကြေး နန်းနှင့် ယာဉ်ထိန်းရဲတပ်ဖွဲ့မှ တာဝန်ရှိသူများ ပါဝင်ဖွဲ့စည်းထားမှာဖြစ်ကြောင်း သိရသည်။

(True News၊ အတွဲ-၃၊ အမှတ်-၃၇ ပါ “အထူးစစ်ဆေးရေးအဖွဲ့များဖြင့် မော်တော်ယာဉ်များအား အရေးယူတင်းကျပ်မှုများ ဆောင်ရွက် မည်ပာုဆို” သတင်းအား အကျဉ်းချုံး ဖော်ပြသည်)

 ×××××××××××××××××××××××××××××××××××××××××××××××××××××××××××××××××