Posts
 | yangonchronicle 2011 |
၁၆-၆-၂ဝ၁၁
ဘာသာပြန်သတင်းများ
မြန်မာတွင် ပြည်တွင်းစစ် ပြန်လည် စတင်၍ ကချင် လက်နက်ကိုင် တပ်များက တံတားများကို ဖျက်ဆီး
(BBC News မှ 15 June, 2011 ရက်စွဲပါ “Burma Clashes: Kachin fighters destroy bridges” သတင်းကို ဘာသာပြန်ဆိုသည်)
မြန်မာ့တပ်မတော်၏ တိုက်ခိုက်မှုများကို တားဆီးရန်အတွက် နိုင်ငံမြောက်ပိုင်းမှ တံတားများစွာကို ဖျက်ဆီး လိုက်ရသည်ဟု မြန်မာနိုင်ငံမှ ကချင် လက်နက်ကိုင်များက ပြောဆိုလိုက်သည်။ ကချင်ပြည်နယ်နှင့် ကပ်နေသော ရှမ်းပြည်နယ် အတွင်းမှ တံတားနှစ်စင်းကို ဖောက်ခွဲ ဖျက်ဆီးခဲ့ ကြောင်း ကချင်ပြည်နယ်မှ KIA တပ်ဖွဲ့က ပြောကြားခြင်း ဖြစ်သည်။ု
တရုတ်နိုင်ငံသို့ လျှပ်စစ်ဓာတ်အား ပေးပို့ရောင်းချရန် တည်ဆောက်နေသော ရေအားလျှပ်စစ် စီမံကိန်း လုပ်ငန်းခွင် တစ်ခု အနီးတွင် ယခင် အပတ်က တိုက်ပွဲများ စတင် ဖြစ်ပွားခဲ့သည်။
လက်ရှိ တိုက်ပွဲနှင့် ဆက်စပ်မှုမရှိသော ကချင် နိုင်ငံရေး ခေါင်းဆောင် ၂ ဦးမှာလည်း နေအိမ်တွင် အကျယ်ချုပ် ထိန်းသိမ်းခံနေရသည်ဟု နိုင်ငံရေး လှုပ်ရှားသူများက သီးခြားစီပြောဆိုခဲ့သည်။ ကချင် လွတ်မြောက်ရေး တပ်မတော် KIA ၏ တပ်ဖွဲ့များကို မြန်မာအစိုးရ တပ်ဖွဲ့များက မကြာ သေးမှီက စတင် တိုက်ခိုက်ခဲ့သည်။ မြန်မာနိုင်ငံ ဗဟိုအစိုးရကို ဆယ်စုနှစ်များစွာ တော်လှန်ခဲ့ကြသော တိုင်းရင်းသားအုပ်စုများ၏ လက်နက်ကိုင် တပ်ဖွဲ့ များစွာထဲတွင် KIA သည်လည်း တစ်ဖွဲ့အပါအ၀င် ဖြစ်သည်။ အဆိုပါ တိုင်းရင်းသားလက်နက်ကိုင် တပ်ဖွဲ့အများစုမှာ မြန်မာအစိုးရနှင့် အပစ်ရပ် သဘောတူ စာချုပ်ကို လက်မှတ် ထိုးထားကြပြီး နယ်ခြားစောင့်တပ်အဖြစ် ပြောင်းလဲရန် အစီအစဉ်ကိုလည်း အချို့ကလက်ခံကြသည်။ သို့သော်လည်း မနှစ်က နယ်ခြားစောင့်တပ်အစီအစဉ်ကို KIA က ငြင်းပယ်ခဲ့ပြီးနောက်ပိုင်း အစိုးရတပ်များနှင့် ယာယီ ပြေငြိမ်းမှု ပျက်ပြား သွားခဲ့သည်။
ယခုအခါ အစိုးရက တရုတ်ရေအားလျှပ်စစ်စီမံကိန်း လုပ်ငန်းခွင်အနီးမှ KIA တပ်များကို မောင်းထုတ် လိုသောကြောင့် တိုက်ပွဲများကို အစပြု မီးမွှေးခဲ့ခြင်း ဖြစ်ပုံရသည်။ အဆိုပါ ဓာတ်အားထုတ် ရေလှောင်တမံများသည် ဒေသခံကချင်ပြည်သူတို့၏ လူနေမှုဘ၀ကို ဖျက်ဆီးလိမ့်မည်ဟု ပြောဆို နေကြသော ကချင်များက ရေလှောင်တမံ တည်ဆောက်ခြင်းကို အကြိမ်ကြိမ်ကန့်ကွက် သတိပေးခဲ့ကြသည်။
ယခု တိုက်ပွဲများကြောင့် ရေအားလျှပ်စစ် စက်ရုံစီမံကိန်းမှ တရုတ် အင်ဂျင်နီယာများ အပါအ၀င် ဒေသခံ ပြည်သူ ၂၀၀၀ ကျော် ထွက်ပြေး တိမ်းရှောင်နေကြသည်ဟု သတင်းများအရ သိရသည်။ ယခု ဖောက်ခွဲ ဖျက်ဆီးလိုက်သည့် တံတားများမှာ တရုတ်နိုင်ငံနှင့် အဓိက ကုန်သွယ်ရေး လမ်းကြောင်းပေါ်တွင် တည်ရှိသည်ဟု ထိုင်းနိုင်ငံ အခြေစိုက် Kachin News Group က သတင်း ထုတ်ပြန်သည်။
ဤအတောအတွင်း အစိုးရနှင့် အပစ်ရပ်သဘောတူညီချက်ကို လက်ခံထားကြသည့် လက်နက်ကိုင် တပ်ဖွဲ့များနှင့် ဆက်စပ်မှု ရှိသော ဦးစခုန် တိန်းယိမ်းနှင့် ဦးဝေါလု တို့ကို အစိုးရက အကျယ်ချုပ် ထိန်းသိမ်းထားသည်ဟု ကချင်နိုင်ငံရေးလှုပ်ရှားသူများက ပြောကြားသည်။
မြန်မာအစိုးရက KIA တပ်ဖွဲ့ကို တိုက်ခိုက်ရန်အတွက် အစိုးရသြဇာခံ ပြည်သူ့စစ်အသွင်ပြောင်းများကို အသုံးပြုရန် ကြိုးစားနေသည်ဟုလည်း ကြားသိရသည်။
****************************************************************************
တရုတ် နယ်စပ် အနီးတွင် မြန်မာ စစ်တပ်နှင့် သူပုန်တပ်များ တိုက်ပွဲဖြစ်
(15 June, 2011 ရက်စွဲပါ The New York Times မှ Thomas Fuller ၏ Myanmar Government Troops Battle Robels near China border ကို ဘာသာ ပြန်သည်)
မတည်ငြိမ်သော မြန်မာနိုင်ငံ မြောက်ပိုင်းတွင် အင်အား ကောင်းသော သူပုန်တပ်နှင့် မြန်မာ တပ်များ ကြားတွင် ဗုဒ္ဓဟူးနေ့က တိုက်ပွဲများ ဖြစ်ပွားခဲ့ကြောင်း သူပုန်ဖက်မှ ပြောခွင့်ရ ပုဂ္ဂိုလ်က ပြောကြားခဲ့သည်။ မြန်မာ ဗဟိုအစိုးရနှင့် တိုင်းရင်းသား အုပ်စုများကြား တဖြည်းဖြည်း တောက် လောင်နေသော ပဋိပက္ခတွင် နောက်ဆုံး တောက်လောင်မှု ဖြစ်သည်။
စစ်ပွဲများသည် တရုတ်နယ်စပ်အနီး ကျောက်စိမ်းနှင့် သစ်များပေါသော တောင်ထူထပ်သော ဒေသတွင် ဖြစ်ပွားကြောင်၊ ကချင် တိုင်းရင်းသား ခေါင်းဆောင်များက စစ်ပွဲနှင့် ပတ်သက်၍ အသေးစိတ် သတင်းပေးပို့ခဲ့ကြသည်။ ထိုဒေသတွင် တိုင်းရင်းသားတပ်ပေါင်းစုံက ထိန်းချုပ်လျက်ရှိပြီး မူးယစ် ဆေးဝါး စစ်ရာဇာများလည်း ဖြတ်သန်း သွားလာနေသော ဒေသဖြစ်သည်။ ယခု စစ်ပွဲများသည် စစ်တပ်ထံမှ အာဏာလွှဲယူထားသော အမည်ခံ အရပ်သား အစိုးရ၏ စမ်းသပ်မှုတစ်ခုလည်း ဖြစ်သည်။ ယခုတိုက်ပွဲများသည် အဆိုပါဒေသတွင် ရေအားလျှပ်စစ် စီမံကိန်း ပြုလုပ်နေပြီး တရုတ် တောင်ပိုင်းနှင့် အိန္ဒိယသမုဒ္ဒရာတို့သို့ ဆက်သွယ်ပေးမည့် ရေနံနှင့် ဓာတ်ငွေ့ပိုက်လိုင်း တည်ဆောက် နေသော တရုတ် နိုင်ငံအတွက် ခြိမ်းခြောက်မှု တစ်ခုပင် ဖြစ်သည်။
ကချင်လွတ်မြောက်ရေးတပ်မတော် (KIA) မှ ပြောခွင့်ရပုဂ္ဂိုလ် Brag Lai က အင်တာဗျူးတစ်ခုတွင် ပြောကြားခဲ့ရာတွင် ဇွန်လ(၈)ရက် တိုက်ပွဲ များ စတင်ဖြစ်ပွားပြီးကတည်းက နေရာအနှံ့ ကချင်စစ်သားများအား လွှတ်ထားခဲ့ပြီးဖြစ်ကြောင်း ပြောသည်။ ကချင် စစ်သား ၃ ဦး သေဆုံးကြောင်း ကချင် ဌာနချုပ် လိုင်ဇာမှနေ၍ ယင်းက တယ်လီဖုန်းဖြင့် ပြောကြားခဲ့သည်။
အစိုးရတပ်မှ စစ်သားတစ်ဒါဇင်ကျော် သေဆုံးကြောင်း ၀ါရှင်တန် အခြေစိုက် US Campaign for Burma မှ အောင်ဒင်က ပြောကြားခဲ့သည်။ သို့သော် သေဆုံးသူဦးရေအား အတည်ပြုရန် မလွယ်ကူပေ။ အဆိုပါတိုက်ပွဲများနှင့် ပတ်သက်၍ မြန်မာနိုင်ငံအတွင်းရှိ မီဒီယာများတွင် ဖော်ပြခြင်းမပြုရန် တင်းကြပ်စွာ ချုပ်ကိုင်ထားပြီး အစိုးရကလည်း မှတ်ချက်များ ပြောကြားခြင်းမရှိပေ။
ဝါရှင်တန်ရှိ အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က ဖော်ပြရာတွင် ကချင်ဒေသရှိ အခြေအနေသည် ပြောင်းလဲသွားနိုင်ပြီး ခန့်မှန်း ၍ မရနိုင်ကြောင်း အမေရိကန်ပြည်ထောင်စုအနေဖြင့် တိုက်ပွဲ သတင်းများကို စောင့်ကြည့်နေကြောင်း ပြောသည်။ “ကျွန်တော်တို့ကတော့ မြန်မာ အာဏာပိုင်တွေကို ရန်ပွဲများ ရပ်ဆိုင်းဖို့နဲ့ အမျိုးသားစည်းလုံး ညီညွတ်ရေးအတွက် အတိုက်အခံနဲ့ တိုင်းရင်းသားအုပ်စုများနဲ့ စကားပြောဖို့ တိုက်တွန်းခဲ့ ပါတယ်” ဟု ယင်းက email တွင် ဖော်ပြခဲ့သည်။
တရုတ် ပညာရှင်များနှင့် အလုပ်သမား ရာပေါင်းများစွာ အပြင်၊ အရပ်သား (၂၀၀၀)ခန့်လည်း တရုတ်နိုင်ငံသို့ ပြေးခဲ့ကြသည်ဟု အောင်ကျော် ဇောက ပြောသည်။ အောင်ကျော်ဇောသည် ဗမာပြည် ကွန်မြူနစ်ပါတီမှ စစ်သားဟောင်း ဖြစ်ပြီး တရုတ်ပြည်တွင် နေထိုင်ကာ တိုင်းရင်းသား ခေါင်း ဆောင်များနှင့် ရင်းနှီးသူဖြစ်သည်။ ယခု တိုက်ပွဲများကြောင့် ကျောက်စိမ်းလုပ်ငန်းနှင့် နယ်စပ်ကုန်သွယ်ရေးကို ထိခိုက်ကြောင်း အဆိုပါဒေသတွင် အနည်းဆုံး တံတားလေးစင်းခန့် ဖျက်ဆီးခံရကြောင်း အောင်ကျော်ဇောက အင်တာဗျူးတွင်ပြောကြားခဲ့သည်။
တိုက်ပွဲများ စတင်ဖြစ်ရသော အကြောင်းမှာ ပြီးခဲ့သည့်အပတ်က မြန်မာအစိုးရ စစ်သားသုံးဦးအား ကချင် သူပုန်များက ဖမ်းဆီးခဲ့ရာ စစ်တပ်မှ တရုတ်တို့ တည်ဆောက်နေသော ရေအားလျှပ်စစ် စီမံကိန်း အနီးမှ ကချင်သူပုန်များ ထွက်ခွာရန် တောင်းဆိုခြင်းမှ အစပြုသည်။ ထို့နောက် မြန်မာ စစ်တပ်က သူပုန်များကို တိုက်ခိုက်ခဲ့သည်။
“ပထမတော့ တိုက်ပွဲကို မြန်မာဖက်က အကန့်အသတ်နဲ့ပဲ ဖြစ်ချင်ပုံရတယ်။ ဒါပေမယ့် ဒါဟာ ပိုမိုကျယ်ပြန့်တဲ့ စစ်ပွဲဖြစ်သွားနိုင်ပါတယ်” ဟု ဘာကလေ ရှိ ကာလီဖိုးနီးယား တက္ကသိုလ်မှ ပါရဂူဘွဲ့ကျောင်းသား မင်းဇင်က ပြောကြားခဲ့သည်။ ယင်းသည် လက်ရှိတွင် တိုင်းရင်းသားပဋိပက္ခများကို လေ့လာ ရန် တရုတ် မြန်မာ နယ်စပ်သို့ ရောက်ရှိနေသူဖြစ်သည်။
မြန်မာနိုင်ငံ မြောက်ပိုင်းသည် အရှေ့တောင် အာရှတွင် မတည်ငြိမ်ဆုံး အစိတ်အပိုင်းများတွင် ပါဝင်သည်။ အလယ်ခေတ်ကဲ့သို့ နေရာအလိုက် တိုင်းရင်းသား သူပုန် စစ်တပ်များက ခွဲခြမ်းကာ ချုပ်ကိုင် ထားကြသည်။ တိုင်းရင်းသား အုပ်စု တစ်ဒါဇင်ကျော်သည် အစိုးရနှင့် အပစ်အခတ် ရပ်စဲရန် သဘော တူ ထားခဲ့သော်လည်း ပြီးခဲ့သော နှစ်များအတွင်း အစိုးရက ယင်းတို့ အာဏာဖြင့် ချုပ်ကိုင်ရန် ကြိုးစားမှုကြောင့် အဆိုပါ သဘောတူညီချက်မှာ ပျက်ပြယ် ခဲ့ရသည်။
လွန်ခဲ့သည့် နှစ်များအတွင် ကချင်တပ်သည် အင်အား (၇၀၀၀)ထိ ရှိအောင် စုစည်း နိုင်ခဲ့သည်ဟု အောင်ကျော်ဇောက ပြောသည်။ သို့သော် အဆိုပါ ကိန်းဂဏန်းသည် မြန်မာစစ်တပ်နှင့်မူ နှိုင်းယှဉ်ရန် မဖြစ်နိုင်ပေ။ မြန်မာ စစ်တပ်သည် အရှေ့တောင် အာရှတွင် အကြီးဆုံး စစ်တပ်ကြီး တစ်ခု ဖြစ်သည်။
သို့သော် ကချင်များသည် နယ်မြေ ကျွမ်းကျင်မှုရှိပြီး ဒုတိယ ကမ္ဘာစစ်အတွင်းက အမေရိကန်၊ ဗြိတိသျှတို့နှင့် မဟာမိတ် ပြု၍ ဂျပန် စစ်သား များ၏ နားရွက်ကို ဖြတ်ပြီး ဆုတံဆိပ်သဖွယ် ပြုလုပ်ခဲ့သော တောတွင်းစစ်သားများ ဖြစ်ခဲ့ဖူးသည်။
“ကျွန်တော်တို့ရဲ့ မဟာဗျူဟာကတော့ ပြောက်ကျား စစ်ဆင်နွှဲဖို့ပါပဲ” ဟု ကချင် ၀ါရင့်ခေါင်းဆောင် Gun Mais ၏ လက်ထောက် Brang Lai က ပြောကြားခဲ့သည်။ “ကျွန်တော်တို့မှာ ပစ္စည်း သိပ်မပြည့်စုံပါဘူး။ ဒါပေမယ့် စိတ်ဓာတ်က အရေးကြီးဆုံးပါ” ဟု ယင်းက ပြောသည်။ ကချင်များသည် မြန်မာ စစ်တပ်သွားရာ လမ်းကြောင်းများ၌ မြေမြှုပ်မိုင်းများ ချထားကြောင်း ယင်းက ဆိုသည်။
ဓာတ်ငွေ့ ပိုက်လိုင်းကဲ့သို့သော အဆိုပါ ဒေသရှိ တရုတ်၏ စီမံကိန်းများကို ပစ်မှတ် ထားရှိလိမ့်မည် ဆိုခြင်းနှင့် ပတ်သက်၍ ယင်းက ပြောကြား ခဲ့ခြင်း မရှိပေ။ “အခုထိတော့ ဓာတ်ငွေ့ပိုက်လိုင်း စီမံကိန်းကို နှောင့်ယှက်ဖို့ ရည်ရွယ်ချက် မရှိသေးပါဘူး။ ကျွန်တော်တို့ တရုတ်ရဲ့တုန့်ပြန်မှုကို စောင့်ကြည့် နေပါတယ်” ဟု Brang Lai က ပြောသည်။
ယခုနှစ်များအတွင်း မြန်မာနိုင်ငံမြောက်ပိုင်းတွင် စိုက်ပျိုးရေး၊ ကျောက်စိမ်းနှင့် အခြေခံအဆောက်အဦ စီမံကိန်းများ၌ တရုတ်က တိုး၍ ရင်းနှီး မြှုပ်နှံ ခဲ့သည်။ ယခု တိုက်ပွဲများသည် မြန်မာအစိုးရနှင့် သူပုန်များကြား ငြိမ်းချမ်းရေး အတွက် တရုတ်၏ အားပေးမှုတွင် ရှုပ်ထွေးမှုများ ဖြစ်ပေါ် လာစေသည်။
“တရုတ်အတွက် အချိန် နောက်ကျသွားပါပြီ။ အခု မတည်ငြိမ်မှုကြောင့် တရုတ်ဟာ သူတို့ ထင်တာထက် စောပြီး ပါဝင် ပတ်သက်ရတော့မယ်” ဟု သုတေသန ပြုသူ မင်းဇင်က ပြောကြားခဲ့သည်။ ယခုကချင်ဒေသရှိ တိုက်ပွဲများမှာ ၂၀၀၉ သြဂုတ်လက တရုတ်တိုင်းရင်းသား ကိုးကန့်များနှင့် တိုက်ပွဲများ ပြီးနောက် ပြင်းထန်သော အဖြစ်အပျက် ဖြစ်သည်။ ကိုးကန့်နှင့်တိုက်ပွဲများကြောင့် ထောင်ပေါင်းများစွာသော ဒုက္ခသည် များကို တရုတ် နိုင်ငံသို့ ထွက်ပြေးစေခဲ့သည်။
********************************************************************************
တရုတ် နယ်စပ်အနီး မြန်မာဖက်မှ တိုက်ပွဲများကြောင့် ဒုက္ခသည်များ ထွက်ပြေး
(Reuters သတင်းမှ 14 June, 2011 ရက်စွဲပါ “Refugees flee Myanmar clashes near Chinese border” သတင်းကို ဘာသာပြန်ဆိုသည်)
မြန်မာ စစ်တပ်နှင့် ကချင် တိုင်းရင်းသား စစ်တပ်တို့ ရက်ပေါင်းများစွာ တိုက်ပွဲ ဖြစ်ပွားလျက် ရှိသော ဝေးလံသော နယ်စပ်ဒေသဟု ဆိုသော် လည်း တရုတ် နိုင်ငံက ရေအားလျှပ်စစ် စီမံကိန်းများ တည်ဆောက်နေသော မဟာဗျူဟာမြောက် ဒေသဖြစ်ကြောင်း သတင်းရပ်ကွက်များစွာက အင်္ဂါနေ့တွင် ပြောကြားသည်။ ပြီးခဲ့သော ကြာသပတေးနေ့က စတင် ဖြစ်ပွားသည့် တိုက်ပွဲကြောင့် အနည်းဆုံး လူ ၄ဦး သေဆုံးပြီး ထောင်ဂဏန်း မဟုတ် သော်လည်း ရာဂဏန်း အရေအတွက် ရှိသော ဒေသခံ ပြည်သူများ တရုတ်မြန်မာ နယ်စပ်သို့ ဦးတည် ထွက်ပြေးကြသည်ဟု ၀ါရှင်တန် အခြေစိုက် လူ့အခွင့်အရေး အုပ်စုနှင့် တရုတ် မီဒီယာတို့ အပါအ၀င် သတင်းရင်းမြစ် အများစုက ပြောကြားခဲ့ကြသည်။
တိုက်ပွဲ ဖြစ်ပွားရာ ဧရိယာမှ ဒေသခံ ရွာသား ၂၀၀၀ ကျော်မှာ တရုတ် နိုင်ငံဖက်သို့ ထွက်ပြေးသွားကြပြီး တရုတ် အင်ဂျင်နီယာ ၂၈ ဦးနှင့် ရေလှောင် တမံ လုပ်သားများကို အစိုးရ တပ်ဖွဲ့များက ထိန်းသိမ်း စောင့်ရှောက် ထားသည်ဟု US Campaign for Burma က ကြေညာချက်တွင် ဖော်ပြထားသည်။
ကချင် လွတ်မြောက်ရေး တပ်မတော် KIA ကဲ့သို့သော တိုင်းရင်းသား လက်နက်ကိုင် တပ်ဖွဲ့များသည် သူတို့၏ နယ်မြေကို ကာကွယ်ရန် အတွက် မြန်မာ အစိုးရ တပ်ဖွဲ့များနှင့် နှစ်ပေါင်း များစွာ တိုက်ခိုက် ခဲ့ကြခြင်း ဖြစ်ပြီး ယခု တစ်ကြိမ် တိုက်ပွဲများသည် မနှစ်က ရှားရှားပါးပါး ရွေးကောက် ပွဲကို အစိုးရက တင်းတင်းကျပ်ကျပ် ထိန်းချုပ် ကျင်းပခဲ့ပြီး နောက်ပိုင်း စစ်ငွေ့သန်းလာ ခြင်း၏ အထင်ရှားဆုံး လက္ခဏာ တစ်ရပ်ပင် ဖြစ်သည်။
ပြည်ပ နိုင်ငံတကာ အသိုင်းအ၀ိုင်းနှင့် အတူ ဗြိတိသျှ ကိုလိုနီဟောင်း မြန်မာနိုင်ငံ အတွင်းမှ တိုင်းရင်းသား အုပ်စုများက အဆိုပါ ရွေးကောက်ပွဲ များကို ၀ိုင်းဝန်း ဖြစ်တင် ရှုတ်ချခဲ့ကြပြီး ကိုယ်ပိုင် အုပ်ချုပ်ခွင့်ရ အစိုးရနှင့် လွှတ်တော်သည် အနှစ်မပါ အခွံသတ်သတ် ကတိ က၀တ်များ ဖြစ်သည်ဟု ယုံကြည်သောကြောင့် မိမိတို့၏ နယ်မြေ ထိန်းချုပ်မှုကို စွန့်လွှတ်ရန် လုံးဝ အကြောင်းမရှိပါဟု တိုင်းရင်းသား အုပ်စုများက ပြောဆိုထားကြသည်။
တရုတ် နယ်စပ်မှ ၄၀ ကီလိုမီတာခန့် အကွာ၊ ကချင်ပြည်နယ် မြို့တော် မြစ်ကြီးနားမှ ၁၃၀ ကီလို မီတာ (မိုင် 80)ခန့် အကွာရှိ မိုးမောက် မြို့နယ် တွင် KIA နှင့် မြန်မာ အစိုးရ တပ်များအကြာင်း တိုက်ပွဲများ ဖြစ်ပွားနေကြောင်းကို မြစ်ကြီးနား အခြေစိုက် အကဲခတ် စောင့်ကြည့်သူ တစ်ဦးက အတည်ပြု ပြောကြားသည်။
“တိုက်ပွဲတွေ ဆက်ဖြစ်နေတုန်းပဲ ဆိုပေမယ့် အသေအပျောက် ထိခိုက် ဒဏ်ရာရမှုနဲ့ ပတ်သက်လို့ ဘာမှ မသိရပါဘူး” ဟု အမည် မဖော်လိုသူ သတင်းပေးတစ်ဦးက ရိုက်တာသို့ ပြောကြားသည်။ “အခု အချိန်မှာ အစိုးရက KIA ဌာနချုပ်ကို အဓိက ထိုးစစ်ဆင် စတင် တိုက်ခိုက် တော့မယ်လို့တော့ ကျွန်တော်တို့ မထင်ပါဘူး။ အခုအထိ ကြားသိရသလောက် ဆိုရင် တရုတ်တွေနဲ့ ပူးပေါင်း အကောင်အထည် ဖော်နေတဲ့ တာပိန် ရေအားလျှပ်စစ် စီမံကိန်း နားကနေ KIA ကို မောင်းထုတ် ရုံလောက်ပဲလို့ ဆိုပါတယ်”ဟု ယင်းက ဆက်လက် ပြောကြားသည်။
တရုတ်များ လာ၍ ဆောက်လုပ်သည့် ရေလှောင်တမံများသည် သွေးကွဲစေသော စီမံကိန်းများ ဖြစ်ပြီး တိုင်းရင်းသား လူမျိုးစုများက သူတို့၏ နယ်မြေထဲသို့ စစ်အုပ်ချုပ်ရေး လက်တံ ဆန့်မှုအဖြစ် ရှုမြင်ကြသည်ဟု ကျွမ်းကျင်သူများက မှတ်ချက်ပေးသည်။ ကချင်ပြည်နယ်သည် တရုတ် ကုမ္ပဏီ တစ်ခုက ပူးတွဲ တည်ဆောက်နေသော ရေအား လျှပ်စစ် စီမံကိန်း တစ်ခုတွင် မနှစ်က ဗုံးများ အတွဲလိုက် ပေါက်ကွဲခဲ့ဖူးသည်။ တရုတ်နိုင်ငံ တောင်ပိုင်း ယူနန်ပြည်နယ်ရှိ ရင်ဂျီယန်း ခရိုင်နှင့် ကီလိုမီတာ ၉၀ မျှသာ ဝေးသော တာပိန်မြစ် ရေလှောင်တမံ စီမံကိန်း လုပ်ငန်းခွင် အနီးတွင် တိုက်ပွဲများ ဖြစ်ပွား ခဲ့ပြီးနောက် အနည်းဆုံး တရုတ် အင်ဂျင်နီယာနှင့် လုပ်သား ၁၀၀ ကျော် တရုတ်ပြည်သို့ ပြန်သွားကြသည်ဟု တရုတ် Global Times သတင်းစာက အင်္ဂါနေ့တွင် ဖော်ပြထားသည်။ သို့သော် မြန်မာ အစိုးရ တပ်များက ထိန်းသိမ်းထားသော လုပ်သား ၂၈ ဦး၏ အခြေအနေကိုမူ မသိရသေးဟု ဆိုသည်။
“တရုတ်နိုင်ငံဟာ ပြည်ပရောက် တရုတ် နိုင်ငံသားတွေရဲ့ ဘေးကင်း လုံခြုံမှုနဲ့ တရားဝင် အခွင့်အရေးကို အလွန် အရေးကြီးတယ်လို့ သတ်မှတ် ထားတာ ဖြစ်လို့ လက်ရှိ အခြေအနေကို တရုတ် ဖက်က အမြန်ဆုံး စဉ်းစား သုံးသပ်နေပြီး ရနိုင်သမျှ ကယ်ဆယ်ရေး နည်းလမ်းတွေ အားလုံးကို လုပ်ဆောင်နေပါတယ်” ဟု တရုတ် နိုင်ငံခြားရေး ၀န်ကြီးဌာန ပြောရေးဆိုခွင့် ရှိသူ ဟောင်လိုင် က ဘီဂျင်းတွင် သတင်းထောက်များအား ပြောကြား သည်။
မြန်မာ အစိုးရ တပ်ဖွဲ့များကို ပြန်လည် တိုက်ခိုက်ကျရန် တိုင်းရင်းသား လက်နက်ကိုင် အုပ်စု ၄ စုက ကတိက၀တ် ပြုထားကြသည်ဟုလည်း ကချင် ဗိုလ်ချုပ် ဂွမ်မော် ကို ကိုးကားကာ US Campaign for Burma က ဆိုသည်။
US Campaign for Burma ၏ ထုတ်ပြန်ချက်အရ အစိုးရ တပ်ဖွဲ့များနှင့် KIA အကြား အကျဉ်းသား လဲလှယ်မှုနှင့် ပတ်သက်၍ ပြဿနာ ဖြစ်ပွား ပြီးနောက် တိုက်ပွဲ ဖြစ်ပွားခဲ့ခြင်း ဖြစ်ပြီး KIA ထိန်းချုပ် နယ်မြေအပေါ် အစိုးရ တပ်များက အသာစီး ရသွားစေသည်ဟု သိရှိရသည်။၏
ထိုင်းနိုင်ငံ အခြေစိုက် Vahu Development Institute ၏ ဒုတိယ အကြီးအကဲ မြန်မာ့ရေးရာ လေ့လာသူ ဦးအောင်နိုင်ဦး က “အခု တိုက်ပွဲ တွေဟာ ရေလှောင်တမံတွေနဲ့ ပတ်သက်လို့ပဲ ဖြစ်ဖြစ်၊ ပဋိပက္ခ ပိုကြီးလာတာပဲဖြစ်ဖြစ်၊ အဆုံးအဖြတ် ပေးမှာ ဖြစ်လို့ လာမယ့် သီတင်းပတ်တွေမှာ ပိုပြီး အရေး ကြီး လာပါလိမ့်မယ်” ဟု ပြောကြားသည်။
“ဒီ ရေလှောင်တမံ တွေရဲ့ လုံခြုံမှုဟာ အဓိက ကိစ္စဖြစ်တယ် ဆိုတာ ထင်ရှား ပါတယ်။ မြန်မာ အစိုးရ၊ တရုတ်တွေ၊ ကချင်တွေ စသဖြင့် ပါဝင် ပတ်သက်သူ အားလုံးဟာ ကာကွယ်ရမယ့် အကျိုး စီးပွားတွေ ရှိပါတယ်” ဟု ဦးအောင်နိုင်ဦးက ဆိုသည်။ “အသေးအဖွဲ ပစ်ခတ်မှုလေးတွေကတော့ တစ်နှစ်ပတ်လုံး ရှိနေမှာပါ။ တစ်ခုတည်းသော စဉ်းစားစရာကတော့ တစ်ချိန်ချိန်မှာ ပြဿနာကြီး ဖြစ်လာနိုင်တယ် ဆိုတာပါပဲ။ မီးပွားလေး တစ်ခုသာ လိုနေတာပါ” ဟု ယင်းက သုံးသပ် ပြောကြားသည်။
***********************************************************************************
မြန်မာနိုင်ငံအတွက် ကိုယ်စားလှယ် ကြေညာမည်ဟု ဘန်ကီမွန်းပြော
(15 June, 2011 ရက်စွဲပါ The Daily Star မှ AFP, United Nation ၏ UN Chief to name Myanmar envoy ကို ဘာသာ ပြန်သည်)
ကုလသမဂ္ဂ ခေါင်းဆောင် ဘန်ကီမွန်းသည် မြန်မာနိုင်ငံတွင် ပြုပြင်ရေး လမ်းကြောင်းအတွက် အားပေးနိုင်ရန်၊ မြန်မာနိုင်ငံအတွက် အချိန်ပြည့် ကိုယ်စားလှယ်တစ်ဦး မကြာမီကြေညာမည်ဟု ကုလသမဂ္ဂ ပြောခွင့်ရပုဂ္ဂိုလ်က ယမန်နေ့က ပြောကြားခဲ့သည်။
ကိုယ်စားလှယ် အမည်ကို အချိန်ကျလျှင် ကြေညာမည် ဖြစ်ကြောင်း ကုလသမဂ္ဂ ဒုတိယ ပြောရေးဆိုခွင့်ရ ပုဂ္ဂိုလ် Farhan Haq က AFP သို့ ပြော သည်။ အစိုးရသစ်က ကုလသမဂ္ဂနှင့် ပိုမိုနီးကပ်စွာ အလုပ်လုပ်မည် ဖြစ်ကြောင်း ကတိပြုထားသောကြောင့် ဆုံးဖြတ်ချက်ချခဲ့ခြင်း ဖြစ်ကြောင်း ဆိုသည်။ ပြီးခဲ့သည့် အပတ်က ဘန်ကီမွန်းသည် မြန်မာနိုင်ငံနှင့် ပတ်သက်သော ဆွေးနွေးပွဲတွင် ကိုယ်စားလှယ်အမည်ကို သံတမန်များသို့ ပြောကြား မည် ဖြစ်ကြောင်း ကြေညာခဲ့သည်။
“တိုင်းပြည်ရဲ့ လူ့အခွင့်အရေး၊ လူမှုရေး၊ စီးပွားရေးနဲ့ လူသားချင်း စာနာတဲ့ ပြဿနာများဟာ ကာလ အတော်ကြာကပင် ဖြစ်နေပြီး စိုးရိမ်ဖွယ် အခြေအနေမှာ ရှိပါတယ်” ဟု ကုလသမဂ္ဂ ပြောခွင့်ရပုဂ္ဂိုလ် Martin Nesirky က ပြောသည်။
***************************************************************************************
ကျွန်ုပ်တို့ မြန်မာနိုင်ငံကို ယုံကြည်နိုင်ပါမည်လား
(14 June, 2011 ရက်စွဲပါ The Diplomat မှ Luke Hunt ရေးသားသော Can we believe Burma? ကို ဘာသာ ပြန်သည်)
မြန်မာနိုင်ငံနှင့် မြောက်ကိုးရီးယားနိုင်ငံတို့သည် ယင်းတို့၏ နျူကလီယာ ရည်မှန်းချက်များနှင့် ပတ်သက်၍ ပြောရန် အာစေးမိနေသူများ ဖြစ်သည်။ ကျွန်ုပ် မကြာမီက ပြောခဲ့သလိုပင် မြန်မာအစိုးရသည် အနောက်နိုင်ငံများက စိုးရိမ်သကဲ့သို့ နျူကလီယာ ရည်မှန်းချက်များအတွက် ငွေကြေး မတတ်နိုင်ကြောင်း ၀န်ခံခဲ့သည်။ သို့သော် စစ်အစိုးရ၀န်းကျင်တွင် ယခု ဆယ်စုနှစ်များအတွင်း စီးပွားရေးအရ ဆက်ဆံမှုများကြောင့် ဗိုလ်ချုပ်များ တစ်ယောက်ချင်း များစွာ ကြွယ်ဝနေကြပြီး ဖြစ်သည်။
ယင်းတို့၏ ချမ်းသာကြွယ်ဝမှုများသည် မြောက်ကိုးရီးယားနှင့် တရုတ်တို့ကဲ့သို့သော နိုင်ငံများနှင့် သီးသန့် ဆက်ဆံရေးနှင့် ဆက်နွယ်နေပြီး နျူကလီယာ အစီအစဉ်အတွက် ကနဦး အဆင့်များကို လုပ်ဆောင်ရန် လုံလောက်သော ငွေကြေး ရှိသည်။ ပြုံယမ်းထံမှ ထွက်ပေါ်လာသော အသံ များသည် နျူကလီယာနှင့် မပတ်သက်ကြောင်း ငြင်းချက် မထုတ်နိုင်ပေ။
ထိုအချက်ကို မီးမောင်းထိုးပြလိုက်သော အချက်မှာ အမေရိကန်ပြည်ထောင်စုတွင် ထုတ်ဖော်ခဲ့သော တားမြစ်ထားသော လက်နက်များ တင် ဆောင်ထားသည်ဟု သံသယရှိပြီး၊ မြန်မာနိုင်ငံသို့ သွားနေသော မြောက်ကိုးရီးယား သင်္ဘောနှင့် အမေရိကန် ရေတပ်ဖျက်သင်္ဘောတို့ကိစ္စ ဖြစ်သည်။ အမေရိကန် အစိုးရ တာဝန်ရှိသူများသည် အာဆီယံနှင့် Belize နိုင်ငံတို့မှ အဆိုပါ Belize အလံတင် M/V Light သင်္ဘောကို ရှာဖွေရန် အတည်ပြုချက် ရယူပြီး ဖြစ်သည်။ အဆိုပါ သင်္ဘောသည် ယခင်ကလည်း မြန်မာနိုင်ငံနှင့် အရှေ့ အလယ်ပိုင်းသို့ လက်နက်များ တင်ပို့ဖူးကြောင်း သိရှိရသည်။
အဆိုပါ သင်္ဘောအား အမေရိကန် ဖျက်သင်္ဘော McCampbell က မေလ နှောင်းပိုင်းတွင် တားဆီးခဲ့သည်။ မြောက် ကိုးရီးယား သင်္ဘောသား များက ယင်းတို့ သင်္ဘောပေါ်သို့ အတက် မခံပဲ သင်္ဘောသည် စက်မှု လုပ်ငန်းသုံး ဓာတု ပစ္စည်းများ တင်ဆောင်လာပြီး ဘင်္ဂလားဒေ့ရှ် နိုင်ငံသို့ သွားနေ ကြောင်း ပြောသည်။
အမေရိကန်တို့သည် အဆိုပါကိစ္စအား အင်အားသုံး ဖြေရှင်းခြင်း မပြုခဲ့ကြပေ။ အဘယ်ကြောင့်ဆိုသော် သင်္ဘောပေါ်တွင် ပါဝင်သည့် ပစ္စည်း များနှင့် ပတ်သက်၍ အသေအချာ မပြောနိုင်သဖြင့် နှစ်ဦးနှစ်ဖက် စစ်ရေးအရ ထိပ်တိုက် ရင်ဆိုင်မှုများ မဖြစ်လို၍ ဖြစ်သည်။ အဆိုပါ ကိစ္စသည် ရက် အနည်းငယ်ခန့် လိပ်ခဲတည်းလည်း ဖြစ်နေပြီးမှ သင်္ဘောသည် လာရင်း အရပ်သို့ ပြန်လှည့် သွားခဲ့သည်။
မြန်မာနိုင်ငံနှင့် မြောက်ကိုးရီးယား နိုင်ငံကြား ဆက်ဆံရေးသည် မကြာသေးမှီ နှစ်များအတွင်း သိသိသာသာ တိုးတက်လာခဲ့သည်။ 1983 ခုနှစ် က မြောက်ကိုးရီးယားက အေးဂျင့်များသည် ရန်ကုန်တွင် ဗုံးခွဲမှုကြောင့် တောင်ကိုးရီးယား ၀န်ကြီးအချို့ သေဆုံးရပြီး မြန်မာနိုင်ငံနှင့် သံတမန် ဆက်ဆံ ရေးပါ ပြတ်တောက်သွားခဲ့သည်။
အဆိုပါ ဆက်ဆံရေး အတွက် သတိပေးမှုမှာ အချိန်မှီထွက်ပေါ်လာသည်။ နျူကလီယာ လက်နက် ပြန့်ပွားရေးနှင့် ပတ်သက်၍ စိုးရိမ်ပူပန်မှုများ သည် အီရန်၊ ပါကစ္စတန်၊ မြောက်ကိုးရီးယားနှင့် မြန်မာနိုင်ငံတွင် မေးခွန်းထုတ်စရာ အခြေအနေများ ရှိခဲ့ပြီး အဆိုပါကိစ္စသည် နိုင်ငံတကာ သံတမန် ကိစ္စ များတွင် ထိပ်တန်းအရေးကိစ္စအဖြစ် ရှိနေသည်။
လွန်ခဲ့သည့်နှစ်ပတ်က မြန်မာအစိုးရသည် အမေရိကန် ဆီနိတ်တာ John Mc Cain အား ယင်းတို့၏ တိုင်းပြည်သည် နျူကလီယာ လက်နက် ပိုင်ဆိုင် ရန် မချမ်းသာကြောင်း ပြောခဲ့သည်။ မြန်မာအစိုးရသည် ကမ္ဘာသို့ စစ်တပ်အစိုးရမှ အရပ်သား အစိုးရသို့ ပြောင်းလဲသွားပြီဆိုသည်ကို ပြသ လိုပေသည်။ တစ်ချိန်တည်းမှာပင် နိုင်ငံရေး အကျဉ်းသား ၂၀၀၀ ခန့်လည်း ရှိနေသေးပြီး ပြီးခဲ့သည့် ရွေးကောက်ပွဲသည် အတုအယောင်သာ ဖြစ်ကြောင်း နိုင်ငံတကာ၏ ရှုမြင်မှုမှာလည်း ပြောင်းလဲခြင်း မရှိသေးပေ။
မြန်မာနိုင်ငံ၏ မြောက်ကိုးရီးယားနှင့် သံသယဖြစ်ဖွယ် ရောင်းဝယ်မှုများ မှန်ကန်ခဲ့ပါက ပြုံယမ်းနှင့် လက်နက် ရောင်းဝယ်ရေး တားမြစ်ထား သော ကုလ သမဂ္ဂ လုံခြုံရေး ကောင်စီ၏ ဆုံးဖြတ်ချက် ၁၈၇၄ နှင့် ၁၇၁၈ကို ဖောက်ဖျက်ခြင်း ဖြစ်သည်။ ဆုံးဖြတ်ချက် ၁၈၇၄ မှာ မြောက်ကိုးရီးယားက ဒုတိယ အကြိမ် နျူကလီယာ စမ်းသပ်မှုများအပြီးတွင် ချမှတ်ခဲ့ခြင်း ဖြစ်သည်။ မြန်မာနိုင်ငံက ကမ္ဘာကြီးသို့ လူတိုင်းနှင့် သာမန် ဆက်ဆံရေးသာ ပြုလုပ်သော ပုံမှန်နိုင်ငံတစ်ခု ဖြစ်ကြောင်း သိစေရန် ကြိုးပမ်းမှုများမှာ ယခုချိန်ထိ များစွာ အရာမထင်သေးကြောင်း တွေ့ရသည်။
Google Docs makes it easy to create, store and share online documents, spreadsheets and presentations.
