Posts
 | yangonchronicle 2011 |
၁၄.၇.၂၀၁၁
ပြည်တွင်းသတင်းများ
ရန်ကုန်တိုင်းဒေသကြီးအတွင်းရှိ အဝေးပြေးကားဂိတ်များ လုံခြုံရေးတိုးမြှင့်
ရန်ကုန်တိုင်းဒေသကြီးအတွင်းရှိ အောင်မင်္ဂလာအဝေးပြေးဂိတ်နှင့် ဒဂုံဧရာအဝေးပြေးဂိတ်တို့တွင် ၂၀၁၁ ခုနှစ် ဇူလိုင်လ ၃ ရက်နေ့မှ စတင်၍ အဝေးပြေးယာဉ်များနှင့် ၎င်းယာဉ်များပေါ်တွင် လိုက်ပါမည့် ခရီးသည်များကို မိုင်းရှာကိရိယာများအသုံးပြု၍ စစ်ဆေးဆောင်ရွက်လျက်ရှိကြောင်း သိရ သည်။
ထို့ပြင် ၎င်းဂိတ်များရှိ အဝေးပြေးဝင်းအတွင်းသို့ ဝင်ရောက်လာသည့် Taxi ယာဉ်များပေါ်တွင် လိုက်ပါလာသည့် ခရီးသည်များကိုလည်း သက် ဆိုင်ရာ တာဝန်ရှိသူများက မှတ်ပုံတင် မှန်ကန်မှုရှိ၊ မရှိကို စစ်ဆေးဆောင်ရွက်လျက်ရှိကြောင်း သိရသည်။
ရန်ကုန်တိုင်းဒေသကြီးအတွင်းရှိ အဝေးပြေးယာဉ်လိုင်းများတွင် မိုင်းရှာကိရိယာများ အသုံးပြု၍ ရှာဖွေစစ်ဆေးမှုများ ပြုလုပ်ရန် ကိစ္စရပ်အား ၂၀၁၁ ခုနှစ် ဇူလိုင်လ ၂၀ ရက်နေ့က စတင်အကောင်အထည်ဖော် ဆောင်ရွက်ခဲ့ကြောင်း၊ စစ်ဆေးဆောင်ရွက်မည့် သက်ဆိုင်ရာအဖွဲ့များကိုလည်း ဖွဲ့စည်း ခဲ့ကြောင်း၊ ၎င်းဖွဲ့စည်းခဲ့သည့် အဖွဲ့များပင် အဝေးပြေးဂိတ်များ၌ ရှာဖွေစစ်ဆေးမှုပြုလုပ်ခဲ့ကြောင်း အဝေးပြေးယာဉ်လိုင်းတစ်ခုမှ တာဝန်ရှိသူတစ်ဦးက ပြောကြားခဲ့သည်။
မကြာမီအချိန်အတွင်းကလည်း နေပြည်တော်၊ မန္တလေး၊ ပြင်ဦးလွင်နှင့် မြစ်ကြီးနားတို့တွင် ဗုံးပေါက်ကွဲမှုများ ဖြစ်ပွားခဲ့သည့်အတွက် ထပ်မံ၍ ဗုံး ပေါက်ကွဲမှုများ မဖြစ်နိုင်စေရန် ရန်ကုန်တိုင်းဒေသကြီးအတွင်း၌ မိုင်းရှာကိရိယာများ အသုံးပြု၍ လုံခြုံရေးတိုးမြှင့်ဆောင်ရွက်လျက်ရှိကြောင်း သိရသည်။
မိမိတို့ စီးလာသည့်ယာဉ်မှာ ဒဂုံဧရာအဝေးပြေးဝင်းအတွင်းသို့ ရောက်ရှိသွားသည့်အခါ တာဝန်ရှိသူများက စစ်ဆေးဆောင်ရွက်မှုများ ပြုလုပ် ကြောင်း၊ ယာဉ်အတွင်း ခရီးသည်ပါပါက မှတ်ပုံတင်နှင့် လူတိုက်ကြည့်၍ ယာဉ်အား မိုင်းရှာကိရိယာဖြင့် စစ်ဆေးကြောင်း၊ အခြားမြို့များ၌ ဗုံးပေါက်ကွဲမှု များဖြစ်နေသည့်အတွက် ယခုကဲ့သို့ မိုင်းရှာကိရိယာများ အသုံးပြု၍ လုံခြုံရေးဆောင်ရွက်နေသည်ပာု သိရကြောင်း၊ လုံခြုံရေးအရ စစ်ဆေးဆောင်ရွက်မှု များ ပြုလုပ်ပြီးမှသာ အဝေးပြေးဂိတ်များအတွင်းသို့ ဝင်ခွင့်ပြုကြောင်း ရန်ကုန်သို့ လာရောက်လည်ပတ်သည့် ခရီးသည်တစ်ဦးက ပြောကြားခဲ့သည်။
-----------------------------------------------------------------------------------------------------------------------------------
အများသုံးကုန်ပစ္စည်းအပေါ်၌ အခွန် လျှော့ပေါ့ကောက်ခံသင့်ဟု လုပ်ငန်းရှင်များ ပြောဆို
မြန်မာနိုင်ငံ၌ ပြည်သူလူထုအတွက် ကန့်သတ်ထားသည့် မူးယစ်ခွန်များမှလွဲ၍ ပြည်သူလူထု အသုံးပြုဆောင်ရွက်လျက်ရှိသည့် ပြည်တွင်း၊ ပြည်ပ ကုန်သွယ်ခွန်များအပေါ်၌ ကုန်သွယ်လုပ်ငန်းခွန် လျှော့ချကောက်ခံသင့်ကြောင်း ပြည်တွင်းလုပ်ငန်းရှင်အချို့ သုံးသပ်ပြောဆိုခဲ့ကြသည်။
မြန်မာနိုင်ငံ၌ ကုန်သွယ်လုပ်ငန်းခွန် ၅ ရာခိုင်နှုန်းပေးဆောင်ရသည့် ကုန်ပစ္စည်းအမျိုးအစား ၅၈ မျိုးရှိကြောင်း၊ ၂၀၀၉ ခုနှစ်၌ ထုတ်ပြန်ခဲ့သည့် စာရင်းများအရ ၎င်းကုန်ပစ္စည်း ၈၅ မျိုးထဲမှ အမှန်တကယ် ကောက်ခံသင့်သည့် ကုန်ပစ္စည်းအမျိုးအစားမှာ ၂၀၊ ၃၀ ခန့်သာ ကျန်တော့ကြောင်း၊ ဥပမာအနေဖြင့် တောင်သူများအတွက် စက်မှုလယ်ယာကဏ္ဍ ပြောင်းလဲရန် လုပ်ဆောင်နေသော်လည်း လယ်လုပ်ကိရိယာကုန်သွယ်ခွန်ကို ၅ ရာခိုင်နှုန်း ကောက်ခံနေမှုသည် လယ်ယာလုပ်သားများအတွက် ဝန်ထုပ်ဝန်ပိုး ဖြစ်လျက်ပင်ရှိနေသေးကြောင်း ကုန်ထုတ်လုပ်ငန်းရှင်တစ်ဦးက ပြောကြား ခဲ့သည်။
နိုင်ငံခြားငွေလဲလှယ်နှုန်းပေါ်မူတည်၍ ကုန်သွယ်လုပ်ငန်းခွန် ကောက်ခံပါက ပိုမိုကောင်းမွန်နိုင်မည်ဖြစ်ကြောင်း၊ ပြည်တွင်းအခွန်ဦးစီးဌာနမှ ပြည်တွင်း ကုန်သွယ်လုပ်ငန်းခွန် သီးသန့်ကောက်ခံသည့်အခါ၌ ယခုအခါ ကျပ်ငွေဖြင့်သာ ပေးဆောင်ရန် ညွှန်ကြားထားသည့်အတွက်ကြောင့် ဖြစ်ကြောင်း၊ မြန်မာနိုင်ငံတွင် ပြည်တွင်းငွေလဲလှယ်နှုန်း သတ်မှတ်ထားခြင်းမရှိသည့်အတွက် ယခင်ဒေါ်လာဖြင့် ပေးဆောင်နေကျ လုပ်ငန်းရှင်များမှာ ကျပ်ငွေဖြင့်သာ ပေးဆောင်ရတော့သည့်အတွက် အခွန်သက်သာခွင့်ရရှိနေကြောင်း၊ ထိုသို့ ပေးသွင်းရသည့်အတွက် လုပ်ငန်းရှင်အချင်းချင်း အခွန်ပေးဆောင်မှု ကွာပာ ချက်များ ဖြစ်ပေါ်လျက်ကြောင်း၊ ထို့ကြောင့် ဒေါ်လာအား ကာလပေါက်ဈေးသတ်မှတ်၍ ပို့ကုန်သွင်းကုန်အခွန် ပေးဆောင်ရန် သတ်မှတ်သင့်ကြောင်း ပြည်တွင်းလုပ်ငန်းရှင်တစ်ဦးက ပြောကြားခဲ့သည်။
မြန်မာနိုင်ငံရှိ လုပ်ငန်းလည်ပတ်မှုကို အခက်အခဲ ဝန်ထုပ်ဝန်ပိုးဖြစ်စေနိုင်မည့် အခွန်စနစ်ကို ပြင်ဆင်သင့်ကြောင်း၊ နိုင်ငံတော်မှ ကောက်ခံ လျက်ရှိသော အခွန်များသည် ထုတ်လုပ်သူများကို မထိခိုက်သင့်ကြောင်း၊ ထုတ်လုပ်သူများ ထိခိုက်မည်ဆိုပါက ကုန်သည်လုပ်ငန်းရှင်များကိုပါ ထိခိုက်နိုင် ကြောင်း၊ ကုန်သည်လုပ်ငန်းရှင်များ ထိခိုက်မည်ဆိုပါက စားသုံးသူပြည်သူများကိုပါ ဆက်လက်ထိခိုက်နိုင်ကြောင်း လုပ်ငန်းအများစုက သုံးသပ်ခဲ့ကြ သည်။
(Bi Weekly Eleven၊ အတွဲ-၄၊ အမှတ်-၁၅ ပါ “အရက်၊ စီးကရက်ကဲ့သို့သော ပြည်သူအတွက် ကန့်သတ်ထားသင့်သည့် ကုန်စည်များမှ လွဲ၍ အများပြည်သူသုံး ကုန်စည်အများစုအား ကုန်သွယ်လုပ်ငန်းခွန် ၂၀ ရာခိုင်နှုန်းအောက်၌သာ ကောက်ခံသင့်ပာု လုပ်ငန်းရှင်များသုံးသပ်” သတင်းအား အကျဉ်းချုံး ဖော်ပြသည်)
-----------------------------------------------------------------------------------------------------------------------------------
ဧရာဝတီတိုင်းဒေသကြီးအာဘော် သတင်းဂျာနယ် ထူးကုမ္ပဏီ ထုတ်ဝေမည်
ဧရာဝတီတိုင်းဒေသကြီးအစိုးရအဖွဲ့၏ တာဝန်ယူဆောင်ရွက်ချက်များ၊ ဧရာဝတီတိုင်းဒေသကြီးအတွင်း စီးပွားရေး၊ လူမှုရေး၊ မှုခင်းသတင်းများကို ဖော်ပြမည့် ဧရာဝတီတိုင်းဒေသကြီးအာဘော် သတင်းဂျာနယ်အား ထူးကုမ္ပဏီမှ တာဝန်ယူဆောင်ရွက်၍ အပတ်စဉ် ထုတ်ဝေဖြန့်ချိသွားမည် ဖြစ်ကြောင်း ဧရာဝတီ တိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက ပြောကြားခဲ့သည်။
ယခု ထုတ်ဝေမည့် ဧရာဝတီတိုင်းဒေသကြီးအာဘော် သတင်းဂျာနယ်အား အဓိကအားဖြင့် ဧရာဝတီတိုင်းဒေသကြီး၌ ဖြစ်ပျက်နေသည့် ပြည်သူအများ သိလိုသည့်၊ သိသင့်သည့် အကြောင်းအရာသတင်းများ အများဆုံးပါဝင်မည်ဖြစ်ကြောင်း၊ ဧရာဝတီတိုင်း အစိုးရအဖွဲ့၏ ဒေသအလိုက် ဖွံ့ဖြိုးတိုးတက်ရေး လုပ်ကိုင် ဆောင်ရွက်မှုများကို ဖော်ပြပေးမည်ဖြစ်ကြောင်း၊ ဧရာဝတီတိုင်းဒေသကြီးအတွင်း ဖြစ်ပျက်နေသည့် နောက်ဆုံး Update သတင်းများ ပါဝင်မည်ဖြစ်ကြောင်း ၎င်းဆက်လက်ပြောကြားခဲ့သည်။
ယခုထုတ်ဝေမည့် ဧရာဝတီတိုင်းဒေသကြီး အာဘော်သတင်းဂျာနယ်သည် အစိုးရထုတ်ဝေသည့် ပေါ်လစီသတင်းစာကဲ့သို့မပာုတ်ဘဲ ပြည်ပမီဒီယာများရှိ သတင်းဂျာနယ်များကဲ့သို့ ဖြစ်ရမည် ဖြစ်ကြောင်း၊ ပြည်သူများ အသိပညာ၊ ဗပာုသုတရရှိစေနိုင်မည့် ကဏ္ဍများလည်း ပါဝင်မည်ဖြစ်သည့်အတွက် ဝယ်ယူဖတ်ရှုကြမည့် ပြည်သူများ ဝယ်ယူဖတ်ရှုရ ကျိုးနပ်မည်ဖြစ်ကြောင်း၊ မိမိကိုယ်ပိုင်အနေဖြင့်မပာုတ်ဘဲ ဧရာဝတီ တိုင်းဒေသကြီး အစိုးရအဖွဲ့ မူပိုင်ပင်ဖြစ်ကြောင်း ၎င်းက ထပ်လောင်းပြောကြားခဲ့သည်။
(Hot News၊ အတွဲ-၁၊ အမှတ်-၄၈ ပါ “ဧရာဝတီတိုင်းဒေသကြီးအာဘော်သတင်းဂျာနယ် ထူးကုမ္ပဏီမှ တာဝန်ယူထုတ်မည်” သတင်းအား အကျဉ်းချုံး ဖော်ပြသည်)
-----------------------------------------------------------------------------------------------------------------------------------
မှတ်ပုံတင်ကြားပွဲစားများကို အရေးယူတော့မည်
လူဝင်မှုကြီးကြပ်ရေးဌာနမှ ပြုလုပ်ပေးသည့် မြန်မာနိုင်ငံသားများ မှတ်ပုံတင်ပြုလုပ်ရာတွင် ကြားပွဲစားများကို သက်ဆိုင်ရာမှ အရေးယူဆောင် ရွက်တော့မည်ဖြစ်ကြောင်း သိရသည်။
ရန်ကုန်တိုင်းဒေသကြီး၌ လူဝင်မှုကြီးကြပ်ရေးနှင့် အမျိုးသားမှတ်ပုံတင်ဦးစီးဌာနမှ မြန်မာနိုင်ငံသားများအား မှတ်ပုံတင်ပြုလုပ်ပေးရာတွင် ဌာန ဆိုင်ရာ အချက်အလက်များ ဆောင်ရွက်နိုင်ရန် ကြားလူများမှ တစ်ဆင့်ဆောင်ရွက်ရမှုကြောင့် ပြည်သူများမှာ အပိုငွေကုန်ကြေးကျ များပြားသည့် အတွက် ယခုအခါ သက်ဆိုင်ရာဝန်ကြီှးဌာနမှ ၎င်းမှတ်ပုံတင် ကြားပွဲစားများကို တားဆီးအရေးယူ ဆောင်ရွက်တော့မည်ဟု သိရသည်။
ယခင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီလက်ထက်၌ နိုင်ငံသားစိစစ်ရေးကဒ်ပြုလုပ်ရာတွင် အချက် (၁၁) ချက်ပြည့်စုံမှသာ မှတ်ပုံတင်ရရှိရန် လုပ်ဆောင်ပေးပြီး ယခုအစိုးရသစ်လက်ထက်မှ စတင်၍ ပြည်သူများ မှတ်ပုံတင်ပြုလုပ်ရာတွင် လွယ်ကူမြန်ဆန်နိုင်စေရန် ဖြေလျော့ သည့်အနေဖြင့် အချက်(၆) ချက်ကို အဓိကထားတင်ပြရုံဖြင့် မှတ်ပုံတင်ရရှိမည်ဖြစ်ကြောင်း သိရသည်။ ထို့ပြင် မှတ်ပုံတင်ပြုလုပ်မည့်သူတိုင်း နိုင်ငံသား မှတ်ပုံတင်ရေးဦးစီးဌာန၌ တင်ပြထားသည့် ပုံစံကိုသိမ်းဆည်းထားပြီး လူဝင်မှုကြီးကြပ်ရေးဦးစီးဌာနနှင့် ဆက်သွယ်၍ တိုက်ရိုက်ဆောင်ရွက်နိုင်ရန် ပြုလုပ် ပေးတော့မည်ဖြစ်ကြောင်း လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနက တာဝန်ရှိသူတစ်ဦးက ပြောကြားခဲ့ သည်။
အမျိုးသားမှတ်ပုံတင် ပြုလုပ်ရာတွင် မြန်မာနိုင်ငံသားဖြစ်ထိုက်သည့် သတ်မှတ်ချက်၊ အရည်အချင်းစနစ်နှင့် ကိုက်ညီသူတိုင်း မှတ်ပုံတင်ကဒ် ရရှိစေရန် လွယ်ကူစွာရရှိဆောင်ရွက်နိုင်ရေးအတွက် ပြည်ထောင်စုဝန်ကြီးဌာန ခွင့်ပြုချက်နှင့်အညီ ဖြေလျော့ဆောင်ရွက်ပေးခြင်းများကို လုပ်ဆောင် သွားမည်ဖြစ်ကြောင်း သိရသည်။
(Hot News၊ အတွဲ-၁၊ အမှတ်-၄၈ ပါ “မှတ်ပုံတင်ကြားပွဲစားများ အရေးယူမည်” သတင်းအား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
NLD ဆင်းရဲမွဲတေမှုဆိုင်ရာစာတမ်းဖတ်ပွဲ ရွှေ့ဆိုင်းခြင်း ဖြေရှင်းရန် ဦးမြင့်ငြင်းဆို
ရန်ကုန်၊ ဇူလိုင်၁၂။
အမျိုးသားဒီမိုကရေစီရုံးချုပ်တွင် ဇူလိုင်လ ၁၁ ရက်နေ့တွင် ပြုလုပ်ရန်စီစဉ်ထားသော ဆင်းရဲမွဲတေမှုဆိုင်ရာ စာတမ်းဖတ်ပွဲနှင့် ဆွေးနွေးပွဲ အား ရွှေ့ဆိုင်းရသော အကြောင်းအရင်းအား ဖြေရှင်းရန် သမ္မတ၏ စီးပွားရေး အကြံပေးအဖွဲ့ခေါင်းဆောင် ဦးမြင့်ဘက်မှ ငြင်းဆိုလိုက်သည်။
“ဘာကြောင့်ဆိုတာ ကျွန်တော်ဒီအခြေအနေမှာ မပြောချင်သေးပါဘူး” ဟု ဦးမြင့်က ပြောကြားသည်။
အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူးရုံး၊ ရုံးအဖွဲ့မှူး ဦးဝင်းထိန်ကမူ ယခုကဲ့သို့ စာတမ်းဖတ်ပွဲပျက်ရခြင်းမှာ နေပြည်တော်ရှိ သမ္မတရုံးမှ ဦးမြင့်အား တားမြစ်မှုကြောင့်ဖြစ်ကြောင်း၊ ဦးမြင့်အနေဖြင့် စာတမ်းဖတ်ပွဲ ပြန်လည်ပြုလုပ်မည်ဆိုပါက နေရာပြောင်းလဲပြုလုပ်ရန် တောင်း ဆိုခဲ့ကြောင်း ပြောကြားခဲ့သည်။
“ကျွန်တော်တို့အတွက် ဆုံးရှုံးမှုတစ်ခုပါ။ အခုလိုဆွေးနွေးပွဲပျက်တဲ့အတွက် စိတ်မကောင်းဖြစ်ရပါတယ်” ဟု ဦးဝင်းထိန်က ဆိုသည်။
အဆိုပါစာတမ်းဖတ်ပွဲကို ၁၁ ရက်နေ့နေ့လည် ၁၁ နာရီတွင် စတင်ကျင်းပရန်စီစဉ်ထားခဲ့သော်လည်း ၁၀ နာရီဝန်းကျင်တွင်မှ ဆွေးနွေးပွဲ ရွှေ့ဆိုင်းခြင်းကို သိခဲ့ရသည်ကြောင်း NLD ပါတီမှ ပန်းဘဲတန်းမြို့နယ် စည်းရုံးရေးအဖွဲ့ဝင် ဦးစိုးမြင့်က ပြောကြားသည်။
“ကျွန်တော်တို့ မနက် ခုနှစ်နာရီခွဲကတည်းက အခမ်းအနားအတွက် ပြင်ဆင်နေတာ။ အကုန်ပြင်ပြီးမှ ပြန်သိမ်းလိုက်ရတယ်” ဟု ဦးစိုးမြင့်က ဆိုသည်။
ဦးမြင့်ကဲ့သို့ပင် နိုင်ငံရေးသိပ္ပံသင်တန်းများ ရက်တိုပို့ချရန် စီစဉ်ခဲ့ဖူးသော ဟောင်ကောင်စီးတီးတက္ကသိုလ်မှ နိုင်ငံရေးသိပ္ပံ တွဲဖက်ပါမောက္ခ ဒေါက်တာကျော်ရင်လှိုင်ဦးဆောင်သော အဖွဲ့သည်လည်း NLD တွင် သင်တန်းဖွင့်လှစ်ရန် စီစဉ်ခဲ့ပြီးမှ အစီအစဉ်ပျက်ခဲ့ဖူးသည်။
ဒေါက်တာဦးမြင့်သည် ရန်ကုန် တက္ကသိုလ်မှ BA (အင်္ဂလိပ်စာပေ၊ နိုင်ငံရေးသိပ္ပံနှင့် ဘောဂဗေဒ) ဘွဲ့ကို လည်းကောင်း၊ ကောနဲလ် တက္ကသိုလ်မှ MA (ဘောဂဗေဒ) ဘွဲ့ကိုလည်းကောင်း၊ အမေရိကန် ပြည်ထောင်စု ဘာကလေရှိ ကာလီဖိုးနီးယား တက္ကသိုလ်မှ PhD (ဘောဂဗေဒ)ကို ဘွဲ့ကို လည်းကောင်း ရရှိခဲ့သူ ဖြစ်သည်။
ဦးမြင့်သည် ကုလသမဂ္ဂအဖွဲ့ကြီးတွင် ဝန်ထမ်းအဖြစ်လည်းကောင်း၊ ထိုင်းနိုင်ငံ ဘန်ကောက်မြို့တွင် အခြေစိုက်သည့် ကုလသမဂ္ဂ စီးပွားရေးနှင့် လူမှုရေးကော်မရှင် (အာရှနှင့် ပစိဖိတ်ဒေသ)၏ ဖွံ့ဖြိုးမှု အနည်းဆုံးသော နိုင်ငံများ၏ သုတေသနနှင့် ဖွံ့ဖြိုးရေး မူဝါဒများ လေ့လာဆန်းစစ်ရေး ဌာနခွဲမှူး အဖြစ် လည်းကောင်း၊ အထက်တန်း စီးပွားရေးပညာရှင်အဖြစ် လည်းကောင်း ဆောင်ရွက်ခဲ့သည်။
ဒေါက်တာဦးမြင့်သည် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ မိတ်ဆွေတစ်ဦးဖြစ်ပြီး NLD ရုံးချုပ်တွင် ကျင်းပခဲ့သော ၂၀၁၀ ဒီဇင်ဘာ ကမ္ဘာ့ AIDS နေ့အထိမ်းအမှတ်ပွဲ၌ ဂစ်တာတီး ဖျော်ဖြေပေးခဲ့သည်။
ပိုင်စိုး
----------------------------------------------------------------------------------------------------------------------------------
အလုပ်အကိုင်အခွင့်အလမ်းအတွက် ရန်ကုန်တိုင်းဒေသကြီး ဆပ်ကော်မတီဖွဲ့စည်း
ရန်ကုန်တိုင်းဒေသကြီးအစိုးရအဖွဲ့မှ ရန်ကုန်တိုင်းဒေသကြီးအတွင်းရှိ ဆင်းရဲနွမ်းပါးသူများ အလုပ်အကိုင် ရရှိနိုင်စေရန်အတွက် အလုပ်အကိုင် အခွင့်အလမ်းဖော်ဆောင်ရေး ဆပ်ကော်မတီကို ဖွဲ့စည်းလိုက်ကြောင်း သတင်းရရှိသည်။
ရန်ကုန်တိုင်းဒေသကြီးအစိုးရအဖွဲ့မှ အလုပ်အကိုင်အခွင့်အလမ်းဖော်ဆောင်ရေး ဆပ်ကော်မတီကို ၂၀၁၁ ခုနှစ် ဇူလိုင်လမှ စတင်၍ ၂၀၁၅ ဒီဇင်ဘာလအထိတိုင် ၅ စီမံကိန်းအနေဖြင့် ဆောင်ရွက်သွားမည်ဖြစ်ကြောင်း၊ ၎င်း ၅ နှစ်တာကာလအတွင်းတွင် ရန်ကုန်တိုင်းဒေသကြီးအတွင်း၌ ဆင်းရဲနွမ်းပါးမှုနှုန်း ၈.၀၅ ရာခိုင်နှုန်းထိတိုင်လျော့ကျ သွားနိုင်စေရန် ဆောင်ရွက်သွားမည်ဖြစ်ကြောင်း ရန်ကုန်တိုင်းအစိုးရအဖွဲ့ရုံးမှ တာဝန်ရှိသူတစ်ဦးက ပြောကြားခဲ့သည်။
မြန်မာနိုင်ငံအတွင်းရှိ မြို့နေလူတန်းစားများနှင့် ကျေးလက်နေလူတန်းစားများမှာ ဆင်းရဲနွမ်းပါးမှု အများဆုံးဖြစ်ကြောင်း၊ ရန်ကုန်တိုင်းဒေသကြီး အတွင်းတွင် ကျေးလက်နေလူတန်းစားမှာ ၂၈ ရာခိုင်နှုန်းခန့်သာရှိကြောင်း၊ ရန်ကုန်တိုင်းဒေသကြီးတွင်မူ ချမ်းသာသည့်သူများမှာ ပိုလျှံအောင် ချမ်းသာလျက်ပင်ရှိပြီး ဆင်းရဲသူများမှာလည်း စားဝတ်နေရေးအတွက် ပင်ပန်းစွာ လှုပ်ရှားဆောင်ရွက်နေဆဲပင်ဖြစ်ကြောင်း၊ ထိုသို့ လူတန်းစားကွာပာမှု ကြီးမားလာသည့် အတွက် ဆင်းရဲနွမ်းပါးသူလျှော့ချရေးဆောင်ရွက်မှု လုပ်ငန်းစဉ်အား အကောင်အထည်ဖော် ဆောင်ရွက်သွားမည်ဖြစ်ကြောင်း ၎င်းက ဆက်လက်ပြောကြားခဲ့သည်။
ရန်ကုန်တိုင်းဒေသကြီးအတွင်း၌ ယခုဆောင်ရွက်မည့် အလုပ်အကိုင်အခွင့်အလမ်းဖော်ဆောင်ရေးစီမံကိန်း ငါးနှစ်တာ ကာလအတွင်း ၈.၀၅ ရာခိုင်နှုန်းထိတိုင် လျှော့ကျသွားစေနိုင်ရန် ဆောင်ရွက်သွားမည်ဖြစ်ကြောင်း သိရသည်။
(မြန်မာပို့စ်(ဂလိုဘယ်)၊ အတွဲ-၁၊ အမှတ်-၁၇ ပါ “တိုင်းဒေသကြီးတွင် ဆင်းရဲနွမ်းပါးသူများ အလုပ်အကိုင်အခွင့်အလမ်းရရှိရေး ဆပ်ကော် မတီဖွဲ့စည်း” သတင်းအား အကျဉ်းချုံး ဖော်ပြသည်)
-----------------------------------------------------------------------------------------------------------------------------------
အခွန်စည်းကမ်းများ ပြင်ဆင်ရန် လုပ်ငန်းရှင်များနှင့်တွေ့ဆုံဆွေးနွေး
အစိုးရသစ်လက်ထက်မှ စတင်၍ အခွန်ဆိုင်ရာ စည်းမျဉ်း၊ စည်းကမ်းများ ပြောင်းလဲပြင်ဆင်နိုင်ရန် ပထမဆုံးအကြိမ် စီးပွားရေး လုပ်ငန်းရှင်များနှင့် ပြည်တွင်းအခွန်ဦးစီးဌာနမှ တာဝန်ရှိသူများ စေ့စပ်ညှိနှိုင်းဆွေးနွေးခဲ့ကြောင်း သိရသည်။
၎င်းအခွန်စည်းမျဉ်း၊ စည်းကမ်း ပြောင်းလဲပြင်ဆင်နိုင်ရေး တွေ့ဆုံပွဲသို့ ပြည်တွင်းကုမ္ပဏီအုပ်စုကြီးမှ ၁၀ ခု၊ ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် အသင်းဝင် ကုမ္ပဏီငါးခုနှင့် မြန်မာ့စီးပွားရေးဦးပိုင်လီမီတက်နှင့် သက်ဆိုင်ရာတာဝန်ရှိသူများ တက်ရောက်ခဲ့ကြောင်း သိရသည်။
ယခုကဲ့သို့ စီးပွားရေးလုပ်ငန်းရှင်များနှင့် ပြည်တွင်းအခွန်ဦးစီးဌာမှ တာဝန်ရှိသူများတွေ့ဆုံသည်မှာ ပထမဆုံးအကြိမ်ပင်ဖြစ်ကြောင်း၊ ယခုကဲ့သို့ အခွန်စည်းမျဉ်း၊ စည်းကမ်းများ ပြင်ဆင်နိုင်ရန် ညှိနှိုင်းအကြံဉာဏ် တောင်းခြင်းမျိုး ယခင်က မရှိခဲ့ဘူးကြောင်း ၎င်းတွေ့ဆုံပွဲသို့ တက်ရောက်ခဲ့သည့် စီးပွားရေးလုပ်ငန်းရှင်တစ်ဦးက ပြောကြားခဲ့သည်။
ထို့ပြင် မကြာသေးမီကာလအတွင်းကလည်း ပြည်တွင်းအခွန်ဦးစီးဌာနမှ ယခင် ပို့ကုန်ခွန် ၁၀ ရာခိုင်နှုန်း ကောက်ခံနေရာမှ ယခုအခါ ၇ ရာခိုင် နှုန်းသို့ ၃ ရာခိုင်နှုန်းလျှော့၍ပို့ကုန်ခွန် ကောက်ခံရန် သတ်မှတ်ခဲ့ကြောင်း သိရသည်။
ပြည်ပပို့ကုန်ရငွေတန်ဖိုးနှင့် ဒေါ်လာဈေးကျဆင်းနေချိန်တွက် ယခုကဲ့သို့ ပို့ကုန်အခွန်လျှော့ပေါ့ ကောက်ခံမှုကို စီးပွားရေးလုပ်ငန်းရှင်များက အထူးကြိုဆိုကြောင်း သိရသည်။
ယခုကဲ့သို့ မြန်မာနိုင်ငံမှ ပို့ကုန်အခွန်ကောက်ခံနေမှုကို ရာခိုင်နှုန်းလျှော့ချ၍ အခွန်ကောက်ခံမှု ပြောင်းလဲခဲ့သော်လည်း ကမ္ဘာ့နိုင်ငံ အသီးသီး တွင်မူ မိမိနိုင်ငံမှ ပို့ကုန်များ နိုင်ငံတကာဈေးကွက်တွင် ဈေးကွက်တွင် ယှဉ်ပြိုင်နိုင်မှု မြင့်မားလာနိုင်စေရန် ပို့ကုန်တင်ပို့မှုများအပေါ် အခွန်ကောက်ခံခြင်း မပြုလုပ်တော့ကြောင်း သိရသည်။
(7Day News၊ အတွဲ-၁၀၊ အမှတ်-၁၇ ပါ “အခွန်နှင့် သက်ဆိုင်သော စည်းမျဉ်း၊စည်းကမ်းများ ပြင်ဆင်ရန်ဆွေးနွေး” သတင်း အား အကျဉ်းချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"လဲလှယ်နှုန်းတစ်ခုတည်းရှိရေးကိုလည်းအစိုးရက လက်ခံအသိအမှတ်ပြုထားပြီးဖြစ်သည်။ ဤလဲလှယ်နှုန်း ကိစ္စသည် အချို့ပုဂ္ဂိုလ်များ၊ စာနယ်ဇင်းများ ဆွေးနွေးကြသကဲ့သို့ အလွယ်တကူ နှုန်းထားတစ်ခု သတ်မှတ်၍ မရနိုင်ဘဲ ကျယ်ကျယ်ပြန့် ပြန့်စဉ်းစားတွက်ချက်ကာ နိုင်ငံတကာငွေကြေး အဖွဲ့အစည်း များ၏ နည်းပညာအကူ အညီယူရမည့် ကိစ္စတစ်ရပ်ဖြစ်ပါသည်။ ထို့ကြောင့် ယခုချက်ချင်း မပြောင်းလဲသေးသည့်တိုင် ဦးစားပေး အစီအစဉ်တစ်ရပ် အနေဖြင့် ဆောင်ရွက်ရမည်ဟု တွက်ဆပါသည်"
ဇူလိုင် ၁၄ ထုတ် 7DAYS အတွဲ (၁၀) အမှတ် (၁၇)တွင်ပါသည့် ဆောင်ပါးရှင် ခင်မောင်ညို(ဘောဂဗေဒ) "ဦးသိန်းစိန် အစိုးရ၏ ရက် ၁၀၀ စီးပွားရေး" မှ ကောက်နှုတ်ချက်
-----------------------------------------------------------------------------------------------------------------------------------
ဒေါက်တာမြတ်ဉာဏစိုးက "စီးပွားရေးက ရွေ့တယ်ဆိုရုံလေးပဲ ရွေ့နေတယ်။ အရှိန်အဟုန်နဲ့ သွားဖို့လိုတယ်။ အာဆီယံနိုင်ငံတွေနဲ့ အများကြီးဝေးနေပြီ။ အဲဒီအခါကျတော့ ခါးတောင်းမြှောက်အောင်ကျိုက်ပြီး လုပ်ရမယ့်အချိန်မှာ လုပ်ပါတော့လို့ အကြံပြုချင်ပါတယ်" ဟု ၎င်းက ပြောသည်။
စီးပွားရေးပညာရှင် ဒေါက်တာအောင်ကိုကိုက မူဝါဒတစ်ခု အပြောင်းအလဲဆောင်ရွက်ပါက ဝင်ငွေတူညီမှုမရှိသည့် အလွှာအသီးသီးနှင့် လူမှုဖူလုံရေး နယ်ပယ်တွင် ဖြစ်ပေါ်လာနိုင်သည့် သက်ရောက်မှုများနှင့် နောက်ဆက်တွဲဖြစ်ပေါ်လာနိုင်သည့် အကျိုးဆက်များကို ထည့်သွင်းစဉ်းစားရန် လိုအပ်ကြောင်း အကြံပြု ပြောသည်။
ဇူလိုင် ၁၅ ထုတ် မြန်မာတိုင်းမ် အတွဲ (၂၇) အမှတ် (၅၂၆) တွင်ပါသည့် "အစိုးရသစ် နိုင်ငံရေးနှင့် စီးပွားရေး တိုးမြှင့်ပြောင်းလဲရန်လိုသေး" သတင်းဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
"ဖွဲ့စည်းပုံအခြေခံဥပဒေပုဒ်မ ၃၅၄ မှာ ပေးထားတဲ့ လွတ်လပ်စွာပြောဆိုခွင့်၊ ထုတ်ဖော်ခွင့်၊ ရေးသားခွင့်၊ အဲဒီမှာ စတုတ္တမဏ္ဍိုင်ကိုပဲ နိုင်ငံတော် သမ္မတ ကအစ လွှတ်တော်ဥက္ကဋ္ဌအဆုံး အသိအမှတ်ပြုလာတဲ့ ကာလပါ။ ဖွဲ့စည်းပုံအခြေခံဥပဒေဟာ စကားလုံးအရ စာရွက်ပေါ်မှာ ရေးသားထားတာ မဟုတ်ဘဲနဲ့ တကယ်အသက်ဝင်နေတယ်ဆိုတာ ပြဖို့အတွက် အခြေခံဥပဒေဆိုင်ရာကနေ ကျွန်တော်တို့ ဆောင်ရွက်ပါတယ်။ ကျွန်တော်တို့ မြန်မာနိုင်ငံမှာ မီဒီယာကို ကွပ်ကဲနိုင်တဲ့ စာနယ်ဇင်းကောင်စီလို၊ သတင်းမီဒီယာသမားတွေကို ကာကွယ်ပေးတဲ့ဥပဒေ ကျွန်တော်တို့ နိုင်ငံမှာလိုပါတယ်။ ကျွန်တော်တို့ အခု ဝန်ထမ်း တစ်ယောက်ကို တရားစွဲမယ်ဆိုရင် ပြည်ထဲရေးဝန်ကြီးဌာနက ခွင့်ပြုချက်ယူရမယ်ဆိုပြီး သတ်မှတ်ထားတဲ့ပြစ်မှုတွေ ရှိပါတယ်။ အဲဒီလိုပဲပေါ့ ဂျာနယ်လစ် တစ်ယောက်ဖြစ်ဖြစ်၊ စာရေးဆရာတစ်ယောက်ကိုဖြစ်ဖြစ် တရားစွဲမယ်ဆိုရင် သက်ဆိုင်ရာအဖွဲ့အစည်းရဲ့ ခွင့်ပြုချက်တောင်းခံတာတို့၊ ညှိနှိုင်းပေးတာတို့ ဘယ်လိုမှမရမှာသာလျှင် ဂျာနယ်လစ်တွေကို ကာကွယ်ပေးမယ့်ဟာတွေ၊ အခုကျွန်တော်တို့ဥပဒေမှာ မရှိတဲ့အခါကျတော့ ဥပဒေပေါ်လာဖို့ လိုအပ်ပါတယ်"
ဇူလိုင် ၁၃ ထုတ် Weekly ELEVEN အတွဲ (၆) အမှတ် (၄၁) တွင်ပါသည့် "Hot News ဂျာနယ်တွင်ပါသော ပုဂ္ဂလိကဆေးရုံ SSC ၏ ဝန် ဆောင်မှု" သတင်းဆောင်းပါးနှင့်ပတ်သက်၍ SSCက တရားစွဲထား၊ သတင်းအချက်အလက် မှန်ကန်သဖြင့် တောင်းပန်ခြင်းမပြုနိုင်ကြောင်း၊ အမှုကိုရင်ဆိုင်သွားမည်ဟု Hot News ဂျာနယ် အယ်ဒီတာချုပ်ပြောကြား" မှ ရှေ့နေဦးသိန်းညွှန့်၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"သမ္မတကြီးမိန့်ခွန်းမှာလည်း တရားဥပဒေ စိုးမိုးရေးကို တော်တော်လေး အလေးထားပြီး ပြောသွားပါတယ်။ တရားဥပဒေသာ ခိုင်ခိုင်မာမာရှိရင် ကြောက် စရာမရှိပါဘူး။ ကိုယ့်ဘက်က ခိုင်လုံတဲ့ သတင်းတစ်ခု၊ ဆောင်းပါးတစ်ခု ထည့်လိုက်တဲ့အခါ တရားစွဲခံရသည့်တိုင်အောင် ကိုယ့်ဘက်က တကယ်တိကျ ခိုင်မာတယ်၊ တကယ့်တရားဥပဒေစိုးမိုးရေးလည်း ရှိတဲ့ ကာလဆိုရင် ကိုယ့်ဘက်က ရှုံးမှာကြောက်နေစရာမလိုဘူး။ ဘာကြောင့်လဲဆိုတော့ ကိုယ်ကမှန် နေတာကိုး။ ဒီလိုမှ မဟုတ်ဘဲ ငွေများတရားနိုင်တဲ့ခေတ်၊ သြဇာအာဏာကို သုံးပြီးလုပ်မယ့် ခေတ်၊ ကိုယ်က မတရားခံရမယ့် အလားအလာ တွေရှိတဲ့ ခေတ်ဆိုရင်တော့ လူတွေက ဆက်ကြောက်နေမှာပဲ"
ဇူလိုင် ၁၅ ထုတ် မြန်မာတိုင်းမ် အတွဲ (၂၇) အမှတ် (၅၂၆) တွင်ပါသည့် "အစိုးရသစ်၏ ရက်ပေါင်း ၁၀၀ နှင့် မီဒီယာလောက အသံ" သတင်း မှ မောင်ဝံသ (အတိုင်ပင်ခံအယ်ဒီတာ၊ ပြည်သူ့ခေတ်ဂျာနယ်) ၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ဟန်နီးမွန်းကာလ ပြီးဆုံးလေသော်
နိုင်ငံတကာတွင် အစိုးရသစ်တက်ပြီးသကာလ ရက်ပေါင်း ၁၀၀ အတွင်းကို ဟန်းနီးမွန်းကာလအဖြစ် သတ်မှတ်ထားပြီး ပြန်လည်သုံးသပ်ခြင်း များကို မီဒီယာမျက်နှာစာပေါ်တွင် ပြုလုပ်နေမြဲ ဖြစ်လေသည်။ အမေရိကန်သမ္မတ အိုဘားမားဆိုလျှင် ရက်ပေါင်း ၁၀၀ အတွင်းတွင် ကျဆင်းနေသည့် နိုင်ငံ့စီးပွားရေးကို ကယ်တင်ရန် ကန်ဒေါ်လာ ၇၈၇ ဘီလီယံ စီးပွားရေးနှိုးဆွမှု အစီအစဉ်ကို အတည်ပြုပေးနိုင်ခဲ့သည့်အပြင် ကလေးများအတွက် ကျန်း မာရေးအာမခံ အစီအစဉ်များကိုပါ တို့ချဲ့ပေးနိုင်ခဲ့လေသည်။ ယင်းရက်ပေါင်းတစ်ရာအတွင်း ယခင်အစိုးရ၏ လူထုလိုအပ်ချက်နှင့် အံဝင်မှုမရှိဟု ယူဆရ သော ပြည်သူ့ရေးရာဝန်ဆောင်မှုများကို ပြောင်းလဲသတ်မှတ်ပေးရသည့် ကာလဖြစ်လေသည်။ မြန်မာနိုင်ငံတွင်လည်း အသစ်ဆက်ဆက် ဒီမိုကရေစီ အစိုးရ၏ သမ္မတမှ သမိုင်းတွင် ဂုဏ်ရောင်ပြောင်မည့်မိန့်ခွန်းကိုပြောကြားရင်း နိုင်ငံကို အုပ်ချုပ်လာသည်မှာ ရက်ပေါင်း ၁၀၀ ပင် ရှိပြီဖြစ်လေသည်။
နိုင်ငံတော်သမ္မတကြီး၏ ၃၀၊ ၃၊ ၂၀၁၁ တွင် ပြောကြားခဲ့သော မိန့်ခွန်းကို ကောက်နှုတ်တင်ပြရသော် "မြန်မာနိုင်ငံရဲ့ နိုင်ငံသူနိုင်ငံသားများရဲ့ အကျိုးစီးပွားကို လိုလားသူတိုင်းဟာ အခြေခံဥပဒေပြင်ပနည်းလမ်းများ ကျင့်သုံးပြီး လက်ရှိ ဒီမိုကရေစီဖော်ဆောင်မှုကို ပျက်ပြားအောင်၊ တရားဥပဒေ စိုးမိုးရေးနဲ့ တည်ငြိမ်အေးချမ်းမှု ပျက်ပြားအောင်၊ တရားဥပေဒ စိုးမိုးရေးနဲ့ တည်ငြိမ်အေးချမ်းမှုပျက်ပြားအောင် လုပ်ဆောင်ခြင်းမပြုကြဖို့ တိုက်တွန်း ပြောကြားလိုပါတယ်။ ပြည်ထောင်စု အစိုးရအနေနဲ့ အခြေခံဥပဒေဘောင်အတွင်းက လုပ်ဆောင်မှုအားလုံးကို ကြိုဆိုမှာဖြစ်သလို အခြေခံဥပဒေပြင်ပက လုပ်ဆောင်မှုများအားလုံးကိုလည်းလက်မခံဘဲ ထိုက်သင့်တဲ့ တားဆီးကာကွယ်မှုတွေ ဆောင်ရွက်သွားမှာဖြစ်ကြောင်း ပြောကြားလိုပါတယ်" ဟု ပြော ကြားသွားလေရာ ယင်းကိုကြည့်ခြင်းအားဖြင့် အစိုးရသစ်မှာ တရားဥပဒေစိုးမိုးဖြစ်အောင် ကြိုးစားသွားမည်သဘောပင်။ ထိုအတွက်ကြောင့်လည်း အမျိုး သား ဒီမိုကရေစီအဖွဲ့ချုပ်မှ နိုင်ငံရေးပါတီအဖြစ် တရားဝင် မှတ်ပုံတင်ခြင်း မပြုလုပ်သည့်အတွက် ဥပဒေဘောင်အတွင်း မရှိဟုဆိုကာ ဖျက်သိမ်းရန် ပြည် ထဲရေး ဝန်ကြီးဌာနမှ သတိပေးလိုက်ခြင်း ဖြစ်လေသည်။
ယခင်တပ်မတော်အစိုးရမှ ယခု ဒီမိုကရေစီအစိုးရအဖြစ် ပြောင်းလဲပြီးဖြစ်သော်လည်း အပြောင်းအလဲကာလမှာ တည်ဆဲအီလစ်များကပင် အာဏာကို ဆက်လက်ထိန်းသိမ်းထားသည့်အတွက် ယင်းတို့၏ ယခင်အုပ်ချုပ်ရေးပုံစံတွင် အဓိကထည့်သွင်းစဉ်စားသော တည်ငြိမ်ရေးကိုပင် ယခုထိ အဓိကထားနေမည်သာ ဖြစ်လေသည်။ သို့သော် မေလ ၁၈ ရက်နေ့၌ တပ်ကုန်းမြို့နယ်အနီး လူစီးရထားပေါ်တွင် ဗုံးပေါက်ကွဲခဲ့ရာ လူနှစ်ဦးသေဆုံးပြီး ကိုးဦး ဒဏ်ရာရရှိခဲ့ခြင်း၊ ဇွန်လ ၁၀ ရက်နေ့တွင် ဇမ္ဗူသီရိမြို့နယ်၊ မြို့မဈေး အများသုံးအိမ်သာတွင် ဗုံးပေါက်ကွဲခဲ့ရာ လူသုံးဦး ဒဏ်ရရှိခဲ့ခြင်း၊ ဇွန်လ ၂၄ ရက်နေ့ နေ့လည်ပိုင်းတွင် နေပြည်တောင် လူမနေသည့်နေအိမ်တွင်လည်းကောင်း၊ မန္တလေးမြို့ ချမ်းအေးသာဇံမြို့နယ် လူမပါသည့် မော်တော်ယာဉ်တွင် လည်း ကောင်း၊ ပြင်ဦးလွင်မြို့ ရပ်ကွက်ကြီး (၃) လူမနေသည့် နေအိမ်တွင်လည်းကောင်း သုံးနေရာ ဗုံးပေါက်ကွဲခဲ့ရာ လူသုံးဦး (မန္တလေး) ဒဏ်ရာရရှိခဲ့ခြင်း စသည့်ဖြင့် စုစုပေါင်း ဗုံးပေါက်ကွဲမှု ငါးကြိမ်ဖြစ်ပွားခဲ့ခြင်း အတွက် တည်ငြိမ်ရေးကို အဓိကထည့်သွင်း စဉ်းစားသည့်အချက်မှာ လက်ရှိတွင် မှန်ကန်မှု ရှိသည်ဟု ယူဆရပါသည်။ယခုကဲ့သို့ ရေတိုသဘောဆောင်သည့် တည်ငြိမ်မှုမျိုးကို နိုင်ငံတော်က အာဏာသုံး၍ ဖိနှစ်ထားနိုင်သော်ငြားလည်း ကျွန်တော်တို့ မြန်မာနိုင်ငံတွင် ရှိသင့်သလောက် ရှိနေသေးသည့် သဘောတရားရေးတိုက်ပွဲမျိုးမှာ ရေရှည်တည်ငြိမ် နိုင်ရေးအတွက် (တနည်း အမျိုးသား ပြန်လည်သင့်မြတ်ရေး) ကိုတော့ အာဏာသုံးဖြေရှင်းနည်းမျိုးဖြင့် ဖြေရှင်း၍ မသင့်ပါ။ ယခုအခါ လွှတ်တော်ပေါ်နေပြီဖြစ်သည့်အတွက် တိုင်း ရင်းသား စည်းလုံးညီညွတ်ရေးကို လွှတ်တော်ဘောင်အတွင်း၌ အတက်နိုင်ဆုံး ဖြေရှင်းမှသာလျှင် ရေရှည်တွင် တည်ငြိမ်မှုရှိသည့် နိုင်ငံတစ်ခု ဖြစ်လာနိုင် မည်ဖြစ်လေသည်။
နိုင်ငံတော် တည်ငြိမ်မှုသည် စီးပွားရေးဖွံ့ဖြိုးတိုးတက်မှုနှင့် တိုက်ရိုက်ပတ်သက်မှုလည်းရှိပါသည်။ နိုင်ငံရေးအရ တည်ငြိမ်မှုမရှိသည့် နိုင်ငံ တစ်နိုင်ငံကို နိုင်ငံတကာရှိ မည်သည့်စီးပွားရေးလုပ်ငန်းစုမှ လာရောက်ရင်းနှီးမြုပ်နှံမှု ပြုလုပ်မည်မဟုတ်ပေ။ မူဝါဒအပြောင်းအလဲများ မြင်တွေ့ရမှသာ လျှင် ရင်းနှီးမြုပ်နှံမှုများလုပ်ဆောင်ရန် စိတ်ဝင်စားမည်ဖြစ်လေသည်။ ၃၀ ရက်နေ့ကပြောကြားသွားသော သမ္မတကြီးမိန့်ခွန်းတွင်လည်း "ဈေးကွက် စီးပွားရေးဆိုရာ၌ ကျွန်တော်တို့အနေနဲ့ နိုင်ငံနဲ့ ပြည်သူဖွံ့ဖြိုးတိုးတက်မှုကို ရှေးရှုပြီး ဖွင့်သင့်တာဖွင့်၊ ပြင်သင့်တာ ပြင်၊ ဖိတ်ခေါ်သင့်တာ ဖိတ်ခေါ်ပြီး ပီပီ ပြင်ပြင် ဆောင်ရွက်သွားမယ် ဈေးကွက်စီးပွားရေးစနစ်မျိုးကို ရည်မှန်ထားပါတယ်။ - - - ဈေးကွက်ရဲ့ လွတ်လပ်မှုကို ထိန်းချုပ်လိုတဲ့သဘောမျိုး မဟုတ် ဘဲ အရင်းရှင်၊ ဓနရှင်ကြီးများ၊ အခွင့်ထူးခံများက လက်ဝါးကြီးအုပ်ခြယ်လှယ်တာမျိုးမဖြစ်ရအောင် ထိန်းကျောင်းတည့်မတ်ပေးတာမျိုးကိုသာ ရည်ရွယ်ပါတယ်။ - - - နိုင်ငံနဲ့ ပြည်သူရဲ့အနာဂတ် လူမှု-စီးပွားဘဝ ဖွံ့ဖြိုးတိုးတက် မြင့်မားလာဖို့အတွက် အရှိန်မြှင့်ဆောင်ရွက် သွားကြရမှာဖြစ်သလို ဘဏ္ဍာရေးနှင့် ငွေကြေးဆိုင်ရာ အခွန်အကောက် ဆိုင်ရာမူဝါဒများကိုလည်း လိုအပ်သလို ပြင်ဆင်ချမှတ်ကျင့်သုံး ဆောင်ရွက်သွားရမှာဖြစ်ပါတယ်" ဟုပြောကြား သွားသည့် အတွက် လက်ရှိအစိုးရမှာ နိုင်ငံတော်က ဈေးကွက်တွင် ဒိုင်သူကြီးအဖြစ် တစုံတရာပါဝင်ပတ်သက် ရမည်ဟူသော ကိန်း၏ ဘောဂဗေဒကို အကောင်အထည် ဖော်မည့်သဘောပင် ဖြစ်လေသည်။
လက်တွေ့အားဖြင့်လည်း ကုန်သွယ်မှုလုပ်ငန်းများကို အဓိကထိန်းချုပ်ဆောင်ရွက်ခဲ့သည့် ကုန်သွယ်ရေး မူဝါဒကောင်စီ (Trade Council - TC) ကို ဖျက်သိမ်းခဲ့လေသည်။ ယင်းအစား ဝန်ကြီးဦးဆောင်သော ကုန်သွယ်မှုနှင့် ရင်းနှီးမြုပ်နှံမှုကြီးကြပ်ရေးကော်မတီ (Tade and Invesment Supervision Committee - TISC) ကို ပြင်ဆင်ဖွဲ့စည်းခဲ့ပြီး ဖြစ်လေသည်။ ထိုအတွက်ကြောင့် သွင်းကုန်- ထုတ်ကုန် လိုင်စင်လျှောက်ထားမှုကို ၁ပတ် အတွင်း ရရှိအောင် ဆောင်ရွက်ပေးခဲ့သည့် ယခင်ထက် ပိုမိုမြန်ဆန်လာခဲ့လေသည်။ စီးပွားရေးလုပ်ငန်းများ လုပ်ဆောင်ရာတွင် တရားဝင် လုပ်ဆောင်နိုင်ရန်အတွက် လိုအပ်သော ကုမ္ပဏီလိုင်စင်လျှောက်ထားမှုကို ၁လ အတွင်းချပေးသည့်အတွက် နိုင်ငံသားတိုင်း အလွယ်တကူ တရားဝင်ကုမ္ပဏီ စီးပွားရေး လုပ်ကိုင်ခွင့် ရရှိမည် ဖြစ်လေသည်။ ထို့အပြင် ဇူလိုင် ၇ ရက်နေ့က အခွန်ဥပဒေစည်းမျဉ်း၊ စည်းကမ်းများကို ပြောင်းလဲပြင်ဆင်နိုင်ရန် စီးပွားရေး လုပ်ငန်းရှင်များနှင့် ပြည်တွင်းအခွန်ဦးစီးဌာနတို့ ပထမဦးဆုံးအကြိမ် တွေ့ဆုံဆွေးနွေးမှုများ ပြုလုပ်ခဲ့သည့်အတွက် မကြာမီအခွန်နှင့် ပတ်သက်သည့် အပြောင်းအလဲများ ဖြစ်လာနိုင်လေသည်။
၆ ရက် ၄လ တွင်ပြောကြားခဲ့သော မိန့်ခွန်းတွင်လည်း "ဈေးကွက်စီးပွားရေးစနစ်ကို ဖော်ဆောင်ရာမှာ နိုင်ငံသားတွေ အလုပ်လုပ်ချင်လာအောင် အစိုးရက အခွင့်အလမ်းတွေပေးပြီး ဆွဲဆောင်ရပါမယ်။ Supply Chain တလျှောက် စရိတ်စကတွေ၊ Transaction Cost တွေမများရအောင် စီစဉ်ပေးရပါမယ်။ ကုန်ထုတ်စွမ်းအားစုတွေ သက်သက်သာသာနဲ့ သုံးစွဲနိုင်အောင်စီမံပေးထားရပါမယ်။ ဥပဒေနဲ့အညီဖြစ်အောင် လူနဲ့မထိန်းဘဲ မူနဲ့ ထိန်းကျောင်းသွားရပါမယ်" ဟု ပြောကြားသွားလေသည်။ ယင်းမှာ အရေးကြီးဆုံးလည်းဖြစ်ပါလိမ့်မည်။ Transaction Cost များကို အနည်းဆုံးဖြစ်အောင် လုပ်ဆောင်ပေးခြင်းဖြင့် ထုတ်လုပ်သူကော၊ စားသုံးသူပါ အကျိုးကျေးဇူးကြီးမားနိုင်ပါသည်။ အစိုးရမှ ပို့ကုန်ခွန် ၁၀ ရာခိုင်နှုန်းမှ ၇ ရာခိုင်နှုန်း လျော့ချပေးနိုင်ခဲ့သော်လည်း ထိရောက်မှုအနည်းငယ်သာရှိလေသည်။ Supply Chain ကြီးတစ်လျှောက် အခြားသော အပိုကုန်ကျစရိတ်များကို လျော့ ချပေးနိုင်မှသာလျှင် စီးပွားရေးလုပ်ဆောင်ချက်များ ပိုမိုသွက်လက်လာနိုင်မည် ဖြစ်လေသည်။
မြန်မာနိုင်ငံတွင် ကုစားစရာပြဿနာများ အလွန်များပြားနေသည်ဖြစ်ရာ ဘယ်အပိုင်းက စ၍ကုစားရမည်ဆိုခြင်းထက် ဘက်ပေါင်းစုံကို တစ်ပြိုင် နက်တည်း အကောင်းဆုံးမူဝါဒများ ချမှတ်ရမည့် အနေအထားမျိုး ဖြစ်နေရလေသည်။ သို့သော် အရည်အချင်းမှာလည်း အကန့်အသတ်နှင့် ဖြစ်နေလေရာ ရှိသည့် ခွန်အားနှင့် အားထုတ်လုပ်ဆောင်ရမည့် သဘောဖြစ်နေလေသည်။ အရေးကြီးသည်မှာ ယခုလက်ရှိခေါင်းဆောင်များ၊ ခေတ်မီရေးရှေ့ဆောင် ပုဂ္ဂိုလ်များတွင် နိုင်ငံ ဖွံ့ဖြိုးရေး အိပ်မက်များကို မက်နေရမည်ဖြစ်လေသည်။ ယခုလက်ရှိ အစိုးရသစ်၏ လုပ်ဆောင်ချက်များမှာ အားရစရာ ကောင်းသည် ဟု ပြောဆို၍ မရသေးသည့်တိုင် အထောက်အလျှောက် ပွင့်လင်းမြင်သာမှုရှိလာသည်ဟု ဆိုနိုင်ပါကြောင်း.............။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
