![]() | yangonchronicle 2011 |
၂.၈.၂၀၁၁
ပြည်တွင်းသတင်းများ
- အုတ်ဖုတ်လုပ်ငန်းများအား အတင်းအကျပ်ပိတ်ခိုင်း
- မြစ်ဝကျွန်းပေါ်ဒေသ၌ ပြေစာမဲ့လမ်း၊ တံတား အသုံးပြုခ ကောက်ခံ
ပြည်တွင်းပါတီ၊ နိုင်ငံရေးသတင်းများ
- ရေးရာကော်မတီဝင်များ အတည်ပြုနိုင်ခြင်း မရှိသေး
- ရပ်ကွက်အုပ်ချုပ်ရေးမှူးပြောင်းလဲပေးရန်တိုင်ကြားမှုများ အရေးယူမှုနည်းပါး
- ပထမအကြိမ် လွှတ်တော် ဒုတိယပုံမှန်အစည်းအဝေးသို့ နိုင်ငံခြားသတင်းထောက်များ သတင်းယူခွင့်ရ
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- ငွေကြေးမူဝါဒ အပြောင်းအလဲ
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
အုတ်ဖုတ်လုပ်ငန်းများအား အတင်းအကျပ်ပိတ်ခိုင်း
ရန်ကုန်တိုင်းဒေသကြီးအတွင်းရှိ အုတ်ဖုတ်လုပ်ငန်းများအား တိုင်းဒေသကြီးဝန်ကြီးချုပ် အမိန့်ဆိုကာ အတင်းအဓမ္မ ပိတ်ပင်ခိုင်းခြင်းများ ရှိနေ ကြောင်း အုတ်ဖုတ်လုပ်ငန်းရှင် အသိုင်းအဝိုင်းမှ ဆိုသည်။
အကြောင်းပြချက်ပေးခြင်း မရှိဘဲ စက်တင်ဘာ ပထမရက်သတ္တပတ်ကို နောက်ဆုံးထား ပိတ်သိမ်းရန် ညွှန်ကြားထားပြီး အုတ်ဖုတ်လုပ်ငန်းများ အား အစားထိုးလုပ်ကိုင်ရန် မြေနေရာအစားပေးခြင်းလည်း မရှိကြောင်း မှော်ဘီမြို့နယ်ရှိ အုတ်ဖိုလုပ်ငန်းရှင်ဦးမျိုးအောင်ကဆိုသည်။
“ချောင်းဟိုဘက်အခြမ်းက ဖိုတွေကိုတော့ မြို့နယ်မှုးက အစည်းအဝေးခေါ်ပြီး ဖိုတွေ ဖျက်ခိုင်းတယ် ကြားတယ်။ ကျွန်တော်တို့ဘက်မှာတော့ စာပဲရောက်သေးတယ်”ဟု ဆိုသည်။
မဟာဓာတ်အားလိုင်းအောက်ဘက်ရှိ အုတ်ဖိုငါးဖိုအား တိုင်းဒေသကြီးဝန်ကြီးချုပ် နှုတ်မိန့်ဖြင့် ပိတ်ခိုင်းခြင်းကို ရန်ကုန်တိုင်းဒေသကြီး၊ မြောက်ပိုင်းခရိုင် အုပ်ချုပ်ရေးမှူးက ဝါးလုံးရှည်ဖြင့်ရမ်းကာ မြောက်ပိုင်းခရိုင်အတွင်းရှိ အုတ်ဖိုအားလုံးကို ပိတ်ခိုင်းလိုက်ခြင်း ဖြစ်ကြောင်း သိရသည်။
“မဟာဓာတ်အားလိုင်းအောက်မှာ စစ်သားတစ်ယောက်က ဝါးပိုးဝါးအရှည်ထမ်းပြီး ဖြတ်လျှောက်တော့ ဓာတ်အားလိုင်းဆွဲအားကြောင့် ဓာတ်လိုက်ပြီး ဆုံးသွားတာကို အုတ်ဖိုတွေ ပိတ်နေတာကြောင့်ဆိုပြီး လုပ်လိုက်တာ”ဟု ဦးမျိုးအောင်က ပြောကြားသည်။
အုတ်ဖုတ်လုပ်ငန်း လုပ်ကိုင်ရန် မြေနေရာများအား ကျေးရွာအုပ်ချုပ်ရေး အာဏာပိုင်များထံမှ လာဘ်ပေး၍ ၁၉၉၀ ခုနှစ်မှ စတင်ကာ ဝယ်ယူခြင်း ဖြစ်ကာ ယခုအချိန်ထိ တရားဝင်လုပ်ကိုင်ခွင့် ချပေးထားခြင်း မရှိကြောင်း သိရသည်။
“ကျွန်တော်တို့ကို တရားစွဲတာက အင်္ဂလိပ်ခေတ်က ဥပဒေဖြစ်တဲ့ လယ်ယာမြေကို ပျက်စီးစေမှုဆိုတဲ့ ဥပဒေနဲ့ပါ။ ဒီဥပဒေက တစ်လ၊ တစ်နှစ်နဲ့ သုံးနှစ်အထိ ထောင်ဒဏ်ချမှတ်လို့ ရတယ်”ဟု မှော်ဘီမြို့နယ် ငါးဆူတောင်ရှိ အုတ်ဖိုလုပ်ငန်းရှင်တစ်ဦးက ဆိုသည်။
တရားမဝင်အုတ်ဖိုများဟု အမည်တပ်ကာ ပိတ်သိမ်းစေသည့်အတွက် ယင်းအုတ်ဖိုများတွင် နေထိုင်သူ အလုပ်သမားများလည်း စားဝတ် နေရေး ထိခိုက်မှု ရှိနိုင်ကာ၊ ရန်ကုန်တိုင်းဒေသကြီးအတွင်းရှိ ဆောက်လုပ်ရေး လုပ်ငန်းခွင်နှင့် အခြားဆက်စပ်လုပ်ငန်းများလည်း ဆိုးရွားစွာ ထိခိုက် နိုင်ကြောင်း ကွန်ဒိုမီနီယံများ တည်ဆောက်နေသည့် ဆောက်လုပ်ရေး ကုမ္ပဏီတစ်ခုမှ တာဝန်ရှိသူတစ်ဦးက ဆိုသည်။
“အုတ်မရှိရင် ဘာနဲ့အဆောက်အဦးတွေ ဆောက်မလဲ”ဟု အထက်ပါတာဝန်ရှိသူက ဆက်လက်ပြောကြားသည်။
ရန်ကုန်တိုင်းဒေသကြီးတွင် အုတ်ဖိုလုပ်ငန်းများအား ရွေပြည်သာ၊ လှော်ကား၊ မှော်ဘီ၊ ငါးဆူတောင်၊ လေးထောင့်ကန်၊ ခရမ်း၊ သုံးခွ၊ ကျောက်တန်းများတွင် အုတ်ဖိုလုပ်ငန်း လုပ်ကိုင်နေခြင်းများရှိပြီး လက်အုတ်နှင့် စက်အုတ်ဟူ၍ နှစ်မျိုးရှိကြောင်း သိရှိရသည်။
YC(KS)
--------------------------------------------------------------------------------------------------------------------------------
မြစ်ဝကျွန်းပေါ်ဒေသ၌ ပြေစာမဲ့ လမ်း၊ တံတား အသုံးပြုခ ကောက်ခံ
မြန်မာနိုင်ငံ မြစ်ဝကျွန်းပေါ်ဒေသ၌ လမ်း၊ တံတားကြေး အသုံးပြုခကောက်ခံရေးဂိတ်အချို့သည် ကုန်စည်ပို့ဆောင်ရေးလုပ်ငန်းနှင့် ပြည်တွင်း ခရီးသွား လုပ်ငန်းများအပေါ် ပြေစာမဲ့ဖြင့် တရားမဝင်ငွေကြေး ကောက်ခံလျက်ရှိနေကြောင်း သိရသည်။
ထို့ကြောင့် ကုန်စည်ပို့ဆောင်ရေးနှင့် ပြည်တွင်းခရီးသွားလာရေး လုပ်ကိုင်ဆောင်ရွက်နေသည့် လုပ်ငန်းရှင်များက လမ်း၊ တံတား အသုံးပြုခများကို သတ်မှတ်နှုန်းထားအတိုင်း ကောက်ခံရေး၊ ကတ္တားချိန်တွယ်ရာတွင်လည်း အလေးချိန် မှန်ကန်ရေးတို့ကို သက်ဆိုင်ရာမှ မှန်ကန်စွာဖြင့် ကြီးကြပ်ဆောင်ရွက် ပေးရန် မျှော်လင့်လျက်ရှိကြောင်း သိရသည်။
နိုင်ငံတော်မှလည်း မြန်မာနိုင်ငံရှိ လမ်း၊ တံတားကြေး ပိုမိုကောက်ခံလျက်ရှိသည့် တိုးဂိတ်များကို အရေးယူ ဆောင်ရွက်လျက်ရှိသော်လည်း ယနေ့ထက်ထိတိုင် မြစ်ဝကျွန်းပေါ်ဒေသ ပုသိမ်မြို့ရှိ လမ်းတံတားအသုံးပြုခ ကောက်ခံရေးဂိတ်အချို့သည် ကုန်တင်ယာဉ်များနှင့် ခရီးသည်တင် ယာဉ်များအား လမ်း၊ တံတားကြေးမပာုတ်သော ခေါင်းစဉ်မဲ့ အခွန်များ၊ ပြေစာမဲ့ ငွေကြေးကောက်ခံမှုများကို ပြုလုပ်လျက်ရှိကြောင်း သိရသည်။
ပုသိမ်မြို့အဝင် မြက်တိုကျေးရွာလမ်းခွရှိ စုပေါင်းငွေကောက်ခံရေး အဆောက်အဦးတန်းတွင် ၁၄ ပေ ကုန်ဒိုင်နာယာဉ် တစ်စီးလျှင် ပုသိမ်ကုန်ကား အသင်းဝင်ဖြစ်ပါက ၆၇၀၀ ကျပ်၊ အသင်းဝင် မပာုတ်ပါက ၈၇၀၀ ကျပ်ဝန်းကျင်ဖြင့် ကောက်ခံလျက်ရှိကြောင်း သိရသည်။
ယခု နိုင်ငံတော်အစိုးရသစ်လက်ထက်မှ စတင်၍ လမ်းတံတားအသုံးပြုခ ပိုမိုကောက်ခံသည့် ဂိတ်များကို အရေးယူ ဆောင်ရွက် နေသည့်အတွက် ယခုအခါ မြန်မာနိုင်ငံရှိ တိုးဂိတ်အချို့သည် ခေါင်းစဉ်မဲ့၊ ပြေစာမဲ့ဖြင့် ငွေကြေး ပိုမိုကောက် ခံလျက်ရှိနေကြကြောင်း သိရသည်။
နိုင်ငံတော်မှလည်း တစ်နိုင်ငံလုံးရှိ စီးပွားရေး၊ လူမှုရေး ကိစ္စရပ်များတွင် ဖြေလျော့မှုများ ပြုလုပ်ပေးသကဲ့သို့ ကုန်တင်ယာဉ်များနှင့် ခရီး သွားလာရေးယာဉ်များအတွက် ဝန်ထုပ်ဝန်ပိုး သဖွယ်ဖြစ်နေသော ခေါင်းစဉ်မဲ့၊ ပြေစာမဲ့ ငွေကောက်ခံ နေမှုများကို ဖြေလျော့ပေးသင့်ကြောင်း ကုန်တင်ယာဉ် ပိုင်ရှင်အများစုက ပြောကြားခဲ့သည်။
Ref: News Watch
××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ရေးရာကော်မတီဝင်များ အတည်ပြုနိုင်ခြင်း မရှိသေး
ပထမအကြိမ်၊ လွှတ်တော် ဒုတိယပုံမှန်အစည်းအဝေးတွင် အသစ်ဖွဲ့စည်းလိုက်သည့် ရေးရာကော်မတီဝင်များတွင် ပါဝင်မည့် လွှတ်တော်ရေးရာ ကော်မတီဝင်များအား ယခုအချိန်ထိ အတည်ပြုနိုင်ခြင်း မရှိကြောင်း သိရသည်။
သြဂုတ်လ ၂၂ ရက်တွင် ရေးရာကော်မတီများ ဖွဲ့စည်းလိုက်သော်လည်း ယခုအချိန်ထိ ရေးရာကော်မတီဝင်များ ရွေးချယ်နိုင်ခြင်း မရှိသည်မှာ အရည်အချင်းပြည့်ဝသော လွှတ်တော်ကိုယ်စားလှယ် နည်းပါးနေခြင်းကြောင့် ဖြစ်သည်ဟု ပြုပြင်ပြောင်းလဲရေးနှင့် ခေတ်မီဖွံ့ဖြိုး တိုးတက်မှု စိစစ်ရေး ကော်မတီ ဥက္ကဌဖြစ်သူ ဦးအောင်သိန်းလင်းက ဆိုသည်။
“ကော်မတီတွေကလည်းများတော့ ကိုယ်လိုချင်တဲ့ ကိုယ်စားလှယ်ကိုလည်း ရအောင်ခေါ်နေရတယ်”ဟု ဆိုသည်။
ပထမအကြိမ်၊ လွှတ်တော် ပထမပုံမှန်အစည်းအဝေးတွင် ဖွဲ့စည်းပုံအခြေခံဥပဒေမှ အတည်ပြုထားသည့် အမြဲတမ်း လွှတ်တော်ရေးရာ ကော်မတီ ၄ ခုကို ဖွဲ့စည်းခဲ့ပြီးချိန်တွင် ပါဝင်သည့် အဖွဲ့ဝင်များအား နိုင်ငံပိုင်မီဒီယာများမှ အတည်ပြုကြေငြာခဲ့သော်လည်း ယခု အသစ်ဖွဲ့စည်းလိုက်သော ရေးရာ ကော်မတီများနှင့် ပတ်သက်၍ ကြေငြာခြင်း မရှိသည်မှာ ယင်းတို့တွင် အခက်အခဲတစ်ရပ် ရှိနေနိုင်ကြောင်း တရားရုံးချုပ် ရှေ့နေတစ်ဦးက သုံးသပ်သည်။
“အဓိကကတော့ အဖွဲ့ဝင်တွေ ရွေးချယ်ဖို့ အခက်အခဲရှိနေတဲ့ ပြဿနာလို့ ထင်ပါတယ်”ဟု ဆိုသည်။
လွှတ်တော်ကိုယ်စားလှယ်များတွင် လိုအပ်သော အရည်အချင်းများ ပြည့်ဝမှုမရှိခြင်းသည် ပြဿနာတစ်ရပ်ဖြစ်သည့်အတွက် ယင်းပြဿနာကို ဖြေရှင်းရန်မှာ နိုင်ငံတော် အစိုးရတွင် တာဝန်အပြည့်ရှိကြောင်း အတည်ပြု ပြောကြားသည်။
နေပြည်တော်၌ ဩဂုတ်လ ၂၂ ရက်နေ့တွင် ကျင်းပခဲ့သော ပထမအကြိမ် ပြည်ထောင်စုလွှတ်တော်၏ ဒုတိယ ပုံမှန်အစည်းအဝေးက ပြည်သူ့ လွှတ်တော်တွင် ကော်မတီ ၁၆ ခုနှင့် ကော်မရှင် ၁ခု၊ အမျိုးသားလွှတ်တော်တွင် ကော်မတီ ၈ ခု စုစုပေါင်း ကော်မတီ ၂၆ ခု နှင့် ကော်မရှင်တစ်ခု တိုးချဲ့ ဖွဲ့စည်းခဲ့ကြောင်း သိရသည်။
YC(KS)
--------------------------------------------------------------------------------------------------------------------------------
ရပ်ကွက်အုပ်ချုပ်ရေးမှူးပြောင်းလဲပေးရန်တိုင်ကြားမှုများ အရေးယူမှုနည်းပါး
ရန်ကုန်တိုင်းဒေသကြီးအတွင်းရှိ ရပ်ကွက်နှင့်ကျေးရွာများတွင် ခန့်အပ်ထားသော ရပ်ကွက်၊ ကျေးရွာအုပ်ချုပ်ရေးမှူးများ ပြောင်းလဲပေးရန် အတွက် ရန်ကုန်တိုင်းဒေသကြီးအစိုးရသို့ ဒေသခံများကတိုင်ကြားရာတွင် အရေးယူ ဆောင်ရွက်ပေးမှု နည်းပါးကြောင်း ရပ်ကွက် တိုင်ကြား ထားသူများထံမှ စုံစမ်းသိရှိရသည်။
သင်္ဃန်းကျွန်းမြို့နယ်တွင်းရှိ ရပ်ကွက်များမှ ပြည်သူများ၏ အကူအညီတောင်းခံမှုကြောင့် ရပ်ကွက်အုပ်ချုပ်ရေးမှူးပြောင်းလဲပေးရန် တိုင်ကြားမှု ၁၂ မှုခန့် ပြုလုပ်ထားသော သင်္ဃန်းကျွန်းမြို့နယ် တိုင်းဒေသကြီးလွှတ်တော် ကိုယ်စားလှယ်တစ်ဦးဖြစ်သည့် ဦးကျော်က ”ကျွန်တော်တို့ စတိုင်တာ ဧပြီလ လောက်ကစတိုင်တာ။ အခု တိုင်ထားတဲ့ ရပ်ကွက် ၁၂ ခုရှိပြီ။ ဒါပေမယ့် ရပ်ကွက်တစ်ခုက အုပ်ချုပ်ရေးမှူးကိုပဲ ပြောင်းပေးသေးတယ်” ဟု ပြောကြားသည်။
ဒဂုံဆိပ်ကမ်းမြို့နယ်တွင် နေထိုင်သူတစ်ဦးကလည်း ၎င်းတို့မြို့နယ်တွင်းရှိ ရပ်ကွက်အများစုတွင် ရပ်ကွက်အုပ်ချုပ်ရေးမှူးအဖြစ် ခန့်ထားခံရ သူများသည် ၂၀၁၀ ရွေးကောက်ပွဲကာလက ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ်များကို ကူညီခဲ့သူများဖြစ်ကြောင်း၊ ထိုသို့ ခန့်အပ်ထားရာတွင် ရပ်ကွက်နေ ပြည်သူများ၏ ဆန္ဒကိုရယူခြင်း မရှိခဲ့ဘဲ ခရိုင်အုပ်ချုပ်ရေးမှူး၏ ဆုံးဖြတ်ချက်ဖြင့်သာ ခန့်အပ်ခြင်းဖြစ်ကြောင်း ပြည်သူများ အနေဖြင့် အုပ်ချုပ်ရေးမှူး ပြောင်းလဲခန့်ထားပေးရန် တိုင်းဒေသကြီးအစိုးရသို့ တိုင်ကြားသော်လည်း အချိန်ကြာမြင့်သည်အထိ မထူးခြားကြောင်း ပြောကြား သည်။
မြောက်ဥက္ကလာပမြို့နယ် အမှတ် (၂) ရပ်ကွက်တွင်နေထိုင်သူ ဦးထွန်းဦးကလည်း “ကျွန်တော်တို့ ရပ်ကွက်အုပ်ချုပ်ရေးမှူး ပြောင်းပေးဖို့ စာတင်တာ မြို့နယ်အဆင့် လူတွေက ခေါ်စစ်တယ်၊ ပြီးတော့ နှစ်ပတ်အတွင်း ပြောင်းပေးမယ့်ပုံစံ ပြောခဲ့တယ်။ ဒါပေမယ့် အခုထိတော့ အုပ်ချုပ်ရေးမှူး မပြောင်းပေးသေးပါဘူး” ဟု ဆိုသည်။
ထိုသို့ ရပ်ကွက်အုပ်ချုပ်ရေးမှူးများခန့်အပ်ခြင်းနှင့်ပတ်သတ်ပြီး မတူကွဲပြားခြင်းနှင့်ငြိမ်းချမ်းရေးပါတီမှ ဦးနေမျိုးဝေက “ရပ်ကွက်ထဲမှာ အရေး ကိစ္စရှိရင် ရပ်ကွက်သူရပ်ကွက်သားတွေရဲ့ အကူအညီနဲ့ပဲ ဖြေရှင်းရတာပါ။ ဥပမာ အလှူငွေကောက်တဲ့ကိစ္စမျိုးပေါ့၊ အဲဒါကြောင့် အခုလို ရပ်ကွက် အုပ်ချုပ်ရေးမှူး ခန့်တဲ့နေရာမှာ ရပ်ကွက်နေပြည်သူက မကြိုက်တဲ့ သူကိုတော့ မခန့်သင့်ဘူးထင်တယ်” ဟု ပြောကြားသည်။
၂၀၀၈ ဖွဲ့စည်းပုံ အခြေခံဥပဒေ ပုဒ်မ ၂၈၉ အရ ကျေးရွာနှင့်ရပ်ကွက်အုပ်ချုပ်ရေးမှူးခန့်အပ်ရာတွင် ရပ်ရွာမှ ကြည်ညိုလေးစားသူ ဖြစ်ရမည်ဟု ပါရှိသည်။
ကျေးရွာနှင့် ရပ်ကွက်အုပ်ချုပ်ရေးမှူးခန့်အပ်ရာတွင် လက်ရှိကျင့်သုံးလျက်ရှိသော ၁၉၀၇ ဥပဒေအရ ကျေးရွာအုပ်ချုပ်ရေးမှူးကို ပြည်သူတို့၏ ဆန္ဒအမှန်ကို သိအောင်လုပ်ပြီး ခန့်အပ်ရမည်ဟုပါရှိကြောင်း ရှေ့နေတစ်ဦးဖြစ်သူ ဦးဇော်ဆိုင်းက ဆိုသည်။
ယခု ကျင်းပလျက်ရှိသော ပထမအကြိမ် ပြည်သူ့လွှတ်တော်၊ အမျိုးသားလွှတ်တော်နှင့် ပြည်ထောင်စုလွှတ်တော် အစည်းအဝေးများတွင် ရပ်ကွက် အုပ်ချုပ်ရေးမှူးခန့်ထားခြင်းဆိုင်ရာ ဥပဒေကြမ်းကို တင်ပြဆွေးနွေးမည်ဖြစ်ကြောင်း သိရ သည်။
P.S
--------------------------------------------------------------------------------------------------------------------------------
ပထမအကြိမ်၊ လွှတ်တော် ဒုတိယပုံမှန်အစည်းအဝေးသို့ နိုင်ငံခြားသတင်းထောက်များ သတင်းယူခွင့်ရ
၂၀၁၁ခုနှစ် သြဂုတ်လ ၃၁ ရက် နေ့တွင် ကျင်းပခဲ့သည့် ပထမအကြိမ်၊ လွှတ်တော် ဒုတိယပုံမှန်အစည်းအဝေး အဋ္ဌမနေ့အစီအစဉ်များ ကျင်းပပုံကို တရုတ် အစိုးရပိုင် CCTVရုပ်သံနှင့် ဂျပန်နိုင်ငံမှ Fuji သတင်းဌာနတို့မှ လာရောက် သတင်းယူခွင့် ရခဲ့ကြောင်း သတင်းရရှိသည်။
တရုတ်အစိုးရပိုင် CCTVရုပ်သံမှ သတင်းထောက် အမျိုးသားတစ်ဦးနှင့် အမျိုးသမီးတစ်ဦး သတင်းတက်ရောက် ရယူခြင်းဖြစ်ပြီး Fuji သတင်း ဌာနမှ ဒေသခံသတင်းထောက် ဒေါ်အိသူနှင့် ဂျပန်နိုင်ငံမှ လာရောက်သည့် သတင်းထောက်တစ်ဦးတို့ ဖြစ်ကြောင်း သိရသည်။
“ဒီလိုမျိုးသတင်းတက်ယူခွင့်ရဖို့ဆိုတာကလည်း မဆန်းပါဘူး၊ လျှောက်ထားရင်ရတာပဲ”ဟု ပြည်တွင်းအခြေစိုက် နိုင်ငံခြား သတင်းထောက် တစ်ဦးက ဆိုသည်။
ကျန်လျှောက်ထားသောနိုင်ငံခြားသတင်းဌာနများမှာ လွှတ်တော်၌ သတင်းရယူခွင့်မရသေးသော်လည်း၊ အယ်ဂျားဇီးယား သတင်းဌာနကိုမူ ပယ်ချ လိုက်ကြောင်းသိရသည်။
ယခုတက်ရောက်ခွင့်ရသော CCTV သတင်းဌာနမှာ နေပြည်တော်၌ ကျင်းပခဲ့သော မဲရုံသရုပ်ပြပွဲသို့လည်း တက်ရောက်သတင်းယူခွင့် ရခဲ့ကြောင်း သိရသည်။
လက်ရှိ ကျင်းပနေသည့် ပထမအကြိမ်၊ လွှတ်တော် ဒုတိယပုံမှန်အစည်းအဝေး အစီအစဉ်များသို့ နေ့စဉ်သတင်း တက်ရောက်ရယူနေသည့် သတင်း မီဒီယာများမှာ Eleven Media Group၊ Myanmar Times နှင့် Envoy ဂျာနယ်တို့ ဖြစ်သည်။
Peace Press
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“တကယ်ဆို နိုင်ငံတော်က ပံ့ပိုးပေးမှ သူတို့ ဖွံ့ဖြိုးနိုင်မယ်။ ဒီလောက် လူမျိုးများတဲ့ နိုင်ငံမှာ နိုင်ငံတော်က သူတို့ကို ပံ့ပိုးပေးမှ ဖွံ့ဖြိုးနိုင်မယ်။ တိုက်ပြီးမှ ဖွံ့ဖြိုးဖို့ဆိုတာ လုံးဝမရှိဘူး။ ဒီလောက် တိုက်လာခဲ့တာ၊ ဒီလောက် ပျက်စီးသွားပြီလေ။ အပေါင်းလက္ခဏ မရှိပါဘူး”
သြဂုတ် ၂၉ ထုတ် The Messenger အတွဲ (၂) အမှတ် (၁၅) တွင်ပါသည့် “လက်နက်ကိုင် တိုက်ပွဲဝင်ခြင်းဖြင့် အဖြေတစ်ခု မရနိုင်တော့ဟု ဦးစခုန်တိန့်ယိန်းဆို” သတင်းမှ အမျိုးသားလွှတ်တော်ကိုယ်စားလှယ် ဦးစခုန်တိန့်ယိန်း၏ ပြောကြား ချက်အပေါ် ကောက်နှုတ်ချက်
--------------------------------------------------------------------------------------------------------------------------------
မြန်မာနိုင်ငံ ငါးလုပ်ငန်းအဖွဲ့ချုပ်က (၁) ငွေလဲလှယ်နှုန်းကို ရောင်းဝယ်မှု၊ ထုတ်လုပ်မှု မျှခြေမှာရှိသည့် ဈေးနှုန်းသတ် မှတ်ပေးစေလိုခြင်း၊ (၂) ပို့ကုန် အခွန် လျှော့ချပေးစေလိုခြင်းတွင် ၂ ရာခိုင်နှုန်း ကျန်နေသေးကြောင်း (၃) ဘဏ်အတိုးနှုန်း လျှော့ချစေလိုခြင်း စသည့်အချက်သုံးချက်ကို ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ တစ်ဆင့်လွှတ်တော်တွင် တင်ပြဆွေးနွေးနိုင်ရန် စနစ်တကျ တင်ပြထားကြောင်း ဦးဝင်းကြိုင်က ပြောသည်။
အမေရိကန်ဒေါ်လာငွေလဲလှယ်နှုန်း မတည်ငြိမ်၍ ပို့ကုန်လုပ်ငန်းရှင်များ လုပ်ငန်းလျှော့ချ ရပ်ဆိုင်းထားရသောကြောင့် ကုန်ကြမ်းသွင်းအားစုများ ဖြစ်ကြ သည့် ငါး၊ ပုစွန်၊ ကဏန်းမွေးမြူသူများကိုပါ တိုက်ရိုက်ထိခိုက်နေကြောင်း ၎င်းက ဆိုသည်။
စက်တင်ဘာ ၁ ထုတ် Venus News အတွဲ (၃) အမှတ် (၇) တွင်ပါသည့် “ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသို့ ငါးလုပ်ငန်း အဖွဲ့ချုပ်မှ အဆို ၃ခု အကြံပြုထား” သတင်းမှ ကောက်နှုတ်ချက်
--------------------------------------------------------------------------------------------------------------------------------
“အရင်တုန်းက တပ်မတော်နဲ့ ရဲတို့ ပူးပေါင်းပြီး လုံခြုံရေး တာဝန်ယူထားတဲ့ အဓိကနေရာတွေမှာ ရဲတပ်ဖွဲ့အနေနဲ့ အပြည့်အဝ တာဝန်ယူဖို့ စပြင်ဆင် နေပါပြီ။ အဓိကအနေနဲ့တော့ လေဆိပ်တွေ၊ အဝေးပြေးဂိတ်တွေ၊ ဘူတာရုံတွေစတဲ့ အဓိက အဝင်အထွက်လမ်းကြောင်း ရှိပြီး၊ ပြစ်မှုဖြစ်ပွားနိုင်တဲ့ နေရာတွေကို ရဲတပ်ဖွဲ့ပဲ အပြည့်အဝ တာဝန်ယူပြီး လုံခြုံရေး ဆောင်ရွက်သွားမှာပါ။ ရန်ကုန်အပါအဝင် မြန်မာတစ်နိုင်ငံလုံး မြို့ပြလုံခြုံရေး ဆိုင်ရာမှာ ရဲတပ်ဖွဲ့ကပဲ အပြည့်အဝ တာဝန်ယူသွား မှာပါ”
သြဂုတ် ၃၁ ထုတ် Weekly ELEVEN အတွဲ (၁၆) အမှတ် (၄၈) တွင်ပါသည့် “အရပ်ဘက်အစိုးရ အုပ်ချုပ်နေပြီ ဖြစ်၍ ဖွဲ့စည်းပုံ အခြေခံ ဥပဒေနှင့်အညီ မြို့ပေါ်လုံခြုံရေးဆိုင်ရာများကို ရဲတပ်ဖွဲ့မှအပြည့်အဝ လုံခြုံရေးရယူရန် စတင်ပြင်ဆင်” သတင်းမှ မြန်မာနိုင်ငံ ရဲတပ်ဖွဲ့မှ တာဝန်ရှိသူတစ်ဦး၏ ပြောကြားချက်အပေါ် ကောက်နှုတ်ချက်
--------------------------------------------------------------------------------------------------------------------------------
မေး- အလုပ်ရုံဆွေးနွေးပွဲမှာ ပထမဆုံးနေ့က သမ္မတ ဦးသိန်းစိန်တက်တယ်။ ပြည်ထောင်စုဝန်ကြီးတွေ တက်တယ်။ လက်ရှိ အစိုးရထိပ်တန်း ခေါင်းဆောင်တွေကို မြင်ရတာ တကယ်ပြုပြင်ပြောင်းလည်းမှုကို လိုချင်လို့ထင်လား။
ဖြေ- သူတို့ပြောတဲ့ဟာ ဆွေးနွေးခဲ့တာတွေကို ပြန်ပြောင်းသတိရမယ်ဆိုတာ သေချာပါတယ်။ သည်အပေါ်မှာ ကျွန်တော့်အနေနဲ့ စိုးရိမ်စိတ်မရှိပါဘူး။ ဒါပေမဲ့လည်း ဒီစီးပွားရေးပြုပြင်ပြောင်းလဲမှုတွေလုပ်တဲ့အခါမှာ စိန်ခေါ်မှုတွေကတော့ အများကြီးရှိတယ်။ အဲဒီစိန်ခေါ်မှုတွေကို လစ်လျူရှုထားလို့မရဘူး။ အဲဒီစိန်ခေါ်မှုတချို့ဟာ စီးပွားရေးအရ တိုက်ရိုက်ဖြစ်လာတဲ့ စိန်ခေါ်မှုမဟုတ်ပေမယ့်လည်း၊ စီးပွားရေးပြုပြင်ပြောင်းလဲမှုတွေ လုပ်တဲ့နေရာမှာ အထောက်အကူ ပြုနိုင်ဖို့အတွက် လူကြီးတွေအနေနဲ့ ဒါကို စဉ်းစားပြီးတော့ ကျော်လွှားနိုင်အောင် ပြင်ဆင်ထားမယ် ဆိုရင်တော့ ပိုပြီးတော့ ကောင်းတာပေါ့။ ဒါကိုလည်း စပြီးတော့လုပ်နေပြီလို့ ကျွန်တော်တို့ မြင်နေရပါပြီ။ လစ်စလည်း ပေါ်နေပါပြီ။
စက်တင်ဘာ ၁ ထုတ် 7DAY NEWS အတွဲ (၁၀) အမှတ် (၂၄) တွင်ပါသည့် စီးပွားရေးပညာရှင် ဒေါက်တာဇော်ဦးနှင့် အင်တာဗျူး ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ငွေကြေးမူဝါဒ အပြောင်းအလဲ
ယခုအချိန်အခါ၌ မြန်မာနိုင်ငံသည် နိုင်ငံခြားငွေလဲနှုန်းတည်ငြိမ်မှုမရှိသည့်အတွက် ဘဏ္ဍရေး အကျပ်အတည်း တစ်ခုနှင့် ရင်ဆိုင်ကြုံတွေ့ရလု နီးပါး အချိန်အခါဖြစ်လေသည်။ တရားဝင် နိုင်ငံခြားငွေလဲနှုန်း ချိတ်ဆက်ထားမှုမှာ တစ်ဒေါ်လာ ၆ကျပ်နှင့် ၈၀ ပြား ဖြစ်လေသည်။ သို့သော် ဈေးကွက် ပေါက်ဈေးအရ တစ်ဒေါ်လာ ပေါက်ဈေးမှာ အတက်အကျ ကြီးမားစွာ ဖြစ်ပေါ်ခဲ့ဖူးလေသည်။ ဒီမိုကရေစီအစိုးရသစ် တက်ပြီးနောက်ပိုင်း နိုင်ငံရေးစနစ် အပြောင်းအလဲများ ကြုံတွေ့ခဲ့လေသောအခါ နိုင်ငံရေးဘောဂဗေဒ အနေအထားများသည် အနည်းငယ်လှုပ်ရှား ပြောင်းလဲသွားသည်ကို တွေ့မြင်ရလေ သည်။ ဤသည်၏ အကျိုးဆက်အနေဖြင့် နိုင်ငံခြား ငွေလဲနှုန်းမှာ စီးပွားရေးလုပ်ငန်းများ ရှင်သန်မှုကို တော်တော်လေး ဂယက်ရိုက်နိုင်သည့် အနေအထား ဖြစ်လေသည်။
နိုင်ငံ၏ ငွေကြေးမူဝါဒကို အဓိကချမှတ်သည့် ဗဟိုဘဏ် (Central Bank)တွင် ကျွမ်းကျင်သည့် ငွေကြေး စီးပွားရေးပညာရှင် မပါရှိခြင်းသည် မှန်ကန်သည့် မူဝါဒချမှတ်ဖို့အတွက် အခက်အခဲဖြစ်စေနိုင်ပါသည်။ ထို့အပြင် နိုင်ငံ၏ အမျိုးသား မက်ကရိုစီးပွားရေး တည်ငြိမ်အောင် ဆောင်ရွက်သည့် ဘဏ္ဍရေးနှင့် အခွန်ဝန်ကြီး ဌာနတွင်လည်း ထင်ရှားမှုရှိသည့် စီးပွားရေးပညာရှင်များလည်း မပါဝင်သည့်အတွက်ကြောင့် နိုင်ငံတကာနှင့် ကုန်သွယ်ရေးကို တည်ငြိမ်အောင် ကိုင်တွယ်နိုင်ပါမလားဟု အထူးစောင့်ကြည့်နေရသည့် အနေအထားမျိုးတွင် ဖြစ်ပါသည်။
မြန်မာနိုင်ငံ၌ နိုင်ငံတကာနှင့်ကုန်သွယ်ရေးတွင် အသုံးပြုသော export earning မှာ ဈေးကွက်ပေါက်ဈေးအရပင် ဖြစ်နေခြင်းကြောင့် တရားဝင် သတ်မှတ်ထားသော ချိတ်နှုန်းမှာ အမည်ခံသာဖြစ်နေပြီး ဈေးကွက်ပေါက်ဈေးသည် တရားဝင်နီးပါး အသိအမှတ်ပြုထားသည့် အနေအထား ဖြစ်နေ ရလေသည်။ ဈေးကွက်အတွင်း အမှန်တကယ် အလုပ်လုပ်နေသည်မှာ နှုန်းရှင်စနစ်သာဖြစ်သည့်အတွက် နှုန်းရှင်စနစ်၏ သဘောသဘာဝ အတိုင်း အတက်အကျ ရှိပြီး တည်ငြိမ်မှု ကင်းမဲ့နေမည်သာ ဖြစ်သည်။ ဤသည်ကို နိုင်ငံတော်၏ စီးပွားရေးမူဝါဒချ မှတ်သော အဖွဲ့အစည်းများဖြစ်သော ဗဟိုဘဏ်၊ ဘဏ္ဍရေးနှင့် အခွန်ဝန်ကြီးဌာနတို့မှ စီးပွားရေးပညာရှင်များက မြန်မာငွေကြေးတည်ငြိမ်မှုရှိအောင် ချမှတ်အကောင်အထည် ဖော်ကြရမည်သာ ဖြစ်လေသည်။
မည်သို့ပင်ဖြစ်စေ အစိုးရမှ တရားဝင်ချိတ်နှုန်းသတ်မှတ်ထားသောကြောင့် အကယ်၍ ငွေကြေးအကျပ်အတည်း ပေါ်လာခဲ့လျှင် ချိတ်နှုန်းကို ပြင်ဆင်ပြီးတော့မှသာ ဖြေရှင်း၍ ရနိုင်ပေသည်။ ဤသို့နှင့် နှုန်းရှင်၊ ချိတ်နှုန်း ရွေးချယ်မှုများကို ကျော်၍ စဉ်းစားလာကြသည့်အရာမှာကား စီမံခန့်ခွဲမှုနှင့် ယှဉ်သည့် ချိတ်နှုန်းကို သတ်မှတ်ရန် မူဝါဒအကြံပြုချက်များကို တွေ့မြင်လာရလေသည်။ မူဝါဒချမှတ်သူများကလည်း ယင်းကို အကောင်ဖော် ဆောင်ရွက် ရန် ရှိကြောင်းကို စက်မှုလုပ်ငန်း ဖွံ့ဖြိုးတိုးတက်ရေးကော်မတီဥက္ကဋ္ဌ၊ အမှတ် (၁) အမှတ် (၂) စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက သြဂုတ် ၂၈ ရက်နေ့ သတင်းမီဒီယာများနှင့် တွေ့ဆုံစဉ် “ငွေကြေးဖလှယ်နှုန်းသတ်မှတ်ရာမှာ ပြည်ပပို့ကုန်၊ သွင်းကုန် ဆောင် ရွက်နေတဲ့ လုပ်ငန်းရှင် Expoter၊ Importer များထိပါးမှုမရှိစေဖို့၊ စားသုံးသူများအနေဖြင့် ထိပါးမှုမရှိစေဖို့၊ လက်ဝယ် နိုင်ငံခြားငွေကိုင် ဆောင်ထားသူများနှင့် လက်ဝယ် ပြည်တွင်းသုံးငွေ ကိုင်ဆောင်ထားသူတွေအနေနဲ့ ထိပါးမှု မရှိစေဖို့၊ နိုင်ငံတော်ရဲ့ ကုန်ထုတ်လုပ်မှု၊ ကုန်သွယ်မှုနှင့် ငွေရေးကြေးရေး ကဏ္ဍများမှာ ထိပါးမှုမရှိစေဖို့ အဘက်ဘက်က ဘက်စုံထောင့်စုံ စိစစ်ညှိနှိုင်းပြီးမှ ဆောင်ရွက်ရမှာ ဖြစ်ပါတယ်။ ဒါကြောင့် စီးပွားရေး လုပ်ငန်းရှင်တွေအနေနဲ့ Unification of Exchange Rate ပြောင်းလဲကျင့်သုံးမယ့်ကိစ္စကို သောကမထားဘဲ မိမိတို့ဆောင်ရွက်နေတဲ့ စီးပွားရေး လုပ်ငန်းကိုသာ အာရုံစိုက်ပြီး ဆောင်ရွက်ရန်လိုအပ်ပါမယ်” ဟု ပြောကြားခဲ့သည်ကို တွေ့ရလေသည်။ ယင်းကို ကြည့်ခြင်းအားဖြင့် မူဝါဒချမှတ် အကောင်အထည် ဖော်သူများကြားတွင် ယခုအကျပ်အတည်းကို ထိခိုက်မှု အနည်းဆုံးဖြစ်အောင် ဆောင်ရွက်သွားမည်ဟု ဆုံးဖြတ်ထားခြင်းကြောင့် ကန်ဒေါ်လာနှင့် ကျပ်ငွေလဲလှယ်နှုန်းတွင် အားလုံးအတွက် လုပ်သာကိုင်သာ ရှိမယ့် နှုန်းတစ်ခုကို သတ်မှတ်ဖို့ များသွားပေသည်။
သို့သော် ခက်နေသည်မှာ အစိုးရမှ ငွေကြေးဈေးကွက်တွင် ပါဝင်ပတ်သတ်ဖို့ဆိုလျှင် မိမိမှာရှိသည့် အရန်ငွေအင်အား၊ ရွှေကိုင်ဆောင်ထားမှု အင်အားနှင့် အကျပ်အတည်းကို ကျော်နိုင်၊ မကျော်နိုင် ချင့်ချိန်တွက်ဆရမည် ဖြစ်လေသည်။ စာရင်းဇယားများ အတိအကျ ထုတ်ပြန်မှုမရှိသည့်အတွက် အရင်နှစ်များက ကုန်သွယ်မှုပိုငွေပြ၊ မပြကို မသိရသော်လည်း သဘာဝဓာတ်ငွေ့ရောင်းပြီးဝင်သည့် ဒေါ်လာများကြောင့် အကျပ်အတည်းကို ဖြေရှင်း နိုင်လောက်သည့် အရန်ငွေ ပမာဏ လုံလောက်အောင် ရှိနိုင်သည်ဟု ခန့်မှန်၍ ရနိုင်ပါသည်။
ယခု ငွေကြေးအကျပ်အတည်းကို ကျော်လွှားရန် အစိုးရနှင့် စီးပွားရေး လုပ်ငန်းအဖွဲ့အစည်းများ ပူးပေါင်း၍ ထိထိရောက်ရောက်နှင့် မြန်မြန် ဆန်ဆန် ဖြေရှင်းနိုင်ရန် လိုအပ်ပါသည်။ သို့သော် လူ့အဖွဲ့အစည်းအတွင်း အကျိုးစီးပွားခြင်း တူညီမှုမရှိသည့်အတွက် အပြောင်းအလဲတိုင်းတွင် ခုခံမှုများ လည်း ရှိနေပေဦးမည်။ ကုန်သွယ်မှုပိုငွေပြရန် export earning ကိုင်ဆောင်ထားသူတိုင်းကို ယင်းတို့ ကိုင်ဆောင်ထားသလောက် ပို့ကုန် တိုးမြင့်ခြင်းမျိုးကို ရွေးချယ်ခဲ့သော် သွင်းကုန်ကို အကန့်အသတ်ဖြင့် သွင်းစေခြင်းမျိုး၊ အခွန်ကောက် တံတိုင်းတိုးမြင့်ခြင်းမျိုး၊ နီးစပ်ရာလူကိုသာ သွင်းကုန်သွင်းစေခြင်းမျိုး အစရှိသည့် သွင်းကုန်သမားများကိုရော၊ သွင်းကုန်သမားအချင်းချင်းကြားတွင်ရာ ဘေးထွက် ဆိုးကျိုးများ ထွက်ပေါ်လာနိုင်ပါသည်။ သို့သော် နိုင်ငံတကာနှင့် စီးပွားရေး လုပ်ဆောင်သူများအား ရှင်သန်မှုရှိသည့် စီးပွားရေး ပတ်ဝန်းကျင်မျိုးကို အစိုးရနှင့် စီးပွားရေးလုပ်ငန်း အဖွဲ့အစည်းများ ယခုထက်ပိုမို၍ ပူးပေါင်း ဖန်တီးခြင်းဖြင့် အမျိုးသားအကျိုးစီးပွားကို အမြင့်ဆုံး ရောက်အောင် မြင့်တင်နိုင်မည် ဖြစ်ပါကြောင်း….။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.