Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၂.၉.၂၀၁၁

ပြည်တွင်းသတင်းများ

  1. သီးလေးသီးအဖွဲ့ အငြိမ့်ပြန်ကမည်ဟုဆို
  2. တိုင်းရင်းသားကန့်ကွက်မှုများကြားမှ မြစ်ဆုံစီမံကိန်း ဆက်လက်လုပ်ဆောင်
  3. ရန်ကုန်-မန္တလေး အဝေးပြေးလမ်း ကုန်တင်ယာဉ်ဖြတ်သန်းခွင့်မပြု

ပြည်တွင်းပါတီ၊ နိုင်ငံရေးသတင်းများ

  1. ပြည်ပရောက် မြန်မာများ မိမိဆုံးဖြတ်ချက်ဖြင့်သာ ပြန်လာရန်လို
  2. ဦးသိန်းညွှန့်၏ ပါတီသစ်၏ အလံနှင့် တံဆိပ်အား ကန့်ကွက်နိုင်ကြောင်း ကြေညာ

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. စီးပွားရေးပြုပြင်ပြောင်းလဲရေး အတွေ့အကြုံ

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

သီးလေးသီးအဖွဲ့ အငြိမ့်ပြန်ကမည်ဟုဆို

ပြည်ပနိုင်ငံများသို့ လေးနှစ်ကြာ ထွက်ခွာသွားသည့် သီးလေးသီးဆေးရောင်စုံအဖွဲ့မှ အဖွဲ့သားများသည်  စက်တင်ဘာ ၁၁ ရက်နေ့ ညနေက မြန်မာနိုင်ငံသို့ ပြန်ရောက်ခဲ့ပြီး မကြာမီအချိန်ကာလတွင် အငြိမ့်ပြန်ကနိုင်ရန် ကြိုးစားသွားမည် ဖြစ်ကြောင်း ရန်ကုန် အပြည်ပြည်ဆိုင်ရာ လေဆိပ်တွင် သတင်းမီဒီယာများအား ပြောကြားသည်။

“အငြိမ့်ကဖို့ကို တာဝန်ရှိသူတွေက ခွင့်ပြုမယ်လို့ ထင်ပါတယ်”ဟု လူရွှင်တော်ဂေါ်ဇီလာက ဆိုသည်။

သီးလေးသီးဆေးရောင်စုံအဖွဲ့မှ ခေါင်းဆောင်မင်းသမီး ချောစုမျိုး၊ လူရွှင်တော်များဖြစ်သည့်  ဂေါ်ဇီလာ၊ စိန်သီး၊ ဇီးသီးတို့သည် ထိုင်းနိုင်ငံ ချင်းမိုင်မြို့မှ ရန်ကုန်မြို့သို့ Air Bagan လေကြောင်းလိုင်းဖြင့် ရောက်ရှိလာကြပြီး ယင်းတို့၏ဆရာဖြစ်သူ လူရွှင်တော်ဇာဂနာ(ဦးသူရ) အကျဉ်းကျ နေသောကြောင့် ထိုင်းနိုင်ငံတွင် ဆက်လက်နေထိုင်နေကြသူများမှာ မင်းသမီး  မြစပယ်ငုံ၊ လူရွှင်တော် ၂ ဦးဖြစ်သည့် ကြယ်သီး၊ ပန်းသီးတို့ ဖြစ်သည်ဟု သိရသည်။

သီးလေးသီးအဖွဲ့သားများသည် ယင်းသို့ ပြန်လာခွင့်ရခြင်းအတွက် သမ္မတကြီးကို ကျေးဇူးတင်ကြောင်း ပြောဆိုခဲ့ပြီး မြန်မာနိုင်ငံအပေါ် အမြင်စောင်းနေသူများ ရှိသည့်အတွက် အနုပညာစွမ်းအားဖြင့် ပြန်လည်တည့်မတ်ပေးမည် ဖြစ်ကြောင်း ပြောကြားခဲ့သည်။

သမ္မတဦးသိန်းစိန်၏ မိန့်ခွန်းတွင်ပါရှိသည့် ပြည်ပရောက်မြန်မာများ မြန်မာနိုင်ငံသို့ ပြန်လာနိုင်ကြောင်း ဖိတ်ခေါ်ပြီး တစ်လခန့်အကြာတွင် ပြန်လာသည့် မြန်မာနိုင်ငံသားများတွင် ပထမဆုံးဖြစ်ကြောင်း သိရသည်။

ပြည်ပရောက် မြန်မာများ ပြန်လာရေးအတွက် တိကျသော နည်းဥပဒေ၊ ဥပဒေနှင့် အမိန့်ကြော်ငြာစာများ ထုတ်ပြန်ရန် ဝိုင်းဝန်းတောင်းဆို နေချိန်တွင် ယင်းသို့သော အရဲစွန့် ပြန်လာသူများရှိသဖြင့် သမ္မတကြီး၏ မိန့်ကြားချက်မှာ ပိုမိုအသက်ဝင်သွားပြီ ဖြစ်ကြောင်း ရွေးကောက်ပွဲဝင် ပြည်သူ့ လွှတ်တော် ကိုယ်စားလှယ် တစ်ဦးက ဆိုသည်။

သီးလေးသီးဆေးရောင်စုံ အဖွဲ့ပေါ်ပေါက်လာရန် မြေတောင်မြှောက်ပေးသူ လူရွှင်တော် ဇာဂနာ အကျဉ်းကျနေသည့် မြစ်ကြီးနားထောင်သို့ သွားရောက်တွေ့ဆုံရန် အစီအစဉ်ရှိကြောင်း မင်းသမီးချောစုမျိုးက ဆိုသည်။

သြဂုတ် ၁၇ ရက်တွင် သမ္မတဦးသိန်းစိန်က ပြည်တော်ပြန်ရန် နှင့်ပက်သက်၍ မိန့်ခွန်းပြောခဲ့သော်လည်း ယင်းနှင့်ပတ်သက်၍ လုပ်ဆောင်ရန် ကိစ္စရပ်များ တိတိကျကျ မရှိခြင်းသည် ပြည်ပရောက် မြန်မာနိုင်ငံသားများအတွက် အဓိကပြဿနာတစ်ရပ် ဖြစ်နေကြောင်း အမေရိကန် အထူးကိုယ်စားလှယ် မစ္စတာဒဲရစ်မစ်ချယ်၏ မြန်မာပြည်ခရီးစဉ်အား လိုက်ပါသတင်းယူသူ VOA သတင်းထောက် ဒေါ်ခင်စိုးဝင်းက သုံးသပ် ပြောကြားသည်။

“မြန်မာနိုင်ငံ ပြန်လာချင်တဲ့သူတွေ အများကြီးပဲ၊ ကျွန်မက အခုအမေရိကန်နိုင်ငံသားဆိုပေမယ့် မြန်မာနိုင်ငံမှာ ပွင့်လင်းလွတ်လပ်မှုတွေ မြင်ရရင်တော့ မြန်မာနိုင်ငံသားအဖြစ် ပြန်ခံယူမှာပါ”ဟု ယင်းက ဆိုသည်။

မြန်မာနိုင်ငံတွင် ၁၉၆၂ ခုနှစ်မှ စတင်ဖြစ်ပေါ်ခဲ့သည့် နိုင်ငံရေးပြဿနာများကြောင့် မြန်မာနိုင်ငံသားများ ပြည်ပနိုင်ငံသို့ ထွက်သွားသည်မှာ ၂၀၁၀ခုနှစ် အထိ ဖြစ်ကြောင်း သတင်းမီဒီယာများတွင် ဖော်ပြထားချက်များ အရသိရှိရသည်။

YC(KS)

-----------------------------------------------------------------------------------------------------------------------------------

တိုင်းရင်းသားကန့်ကွက်မှုများကြားမှ မြစ်ဆုံစီမံကိန်း ဆက်လက်လုပ်ဆောင်

မြန်မာနိုင်ငံရှိ တိုင်းရင်းသားအများစုမှ ဧရာဝတီမြစ်ဆုံစီမံကိန်းအား ဆက်လက်လုပ်ကိုင်ခြင်းမပြုရန် ကန့်ကွက်ထားသော်လည်း နိုင်ငံတော်မှ  ဂရုစိုက်ခြင်းမရှိဘဲ ဧရာဝတီမြစ်ဆုံစီမံကိန်းအား ဆက်လက်လုပ်ဆောင်သွားမည်ဖြစ်ပြီး မည်သည့်အခါမှ နောက်ဆုတ်မည်မပာုတ်ကြောင်း အမှတ်(၁) လျှပ်စစ်စွမ်းအား ဝန်ကြီးဌာန ပြည်ထောင်စုဝန်ကြီး ဦးဇော်မင်းက စက်တင်ဘာလ ၁၁ ရက်နေ့က နေပြည်တော်ရှိ မီးရထားဝန်ကြီးဌာန ၀န်ကြီးရုံးတွင် ပြုလုပ်ခဲ့သည့် မီဒီယာများနှင့် တွေ့ဆုံပွဲအခမ်းအနားတွင် ပြောကြားခဲ့သည်။

ဧရာဝတီမြစ်ဆုံစီမံကိန်းကို ကချင်ပြည်နယ် ဧရာဝတီမြစ်ဆုံနှင့် အထက်ဘက် မေခ-မလိခ မြစ်ဝှမ်းတွင် တည်ဆောက်လျက်ရှိပြီး ယခုအချိန်မှ စတင်၍ ၁၅ နှစ်အတွင်း ဧရာဝတီမြစ်ဆုံစီမံကိန်းကို အပြီးသတ် တည်ဆောက် သွားမည် ဖြစ်ကြောင်း သိရသည်။

လက်ရှိအချိန်၌ ဧရာဝတီမြစ်ဆုံစီမံကိန်း ဆက်လက်လုပ်ဆောင်ရန် အကြိုအင်ဂျင်နီယာလုပ်ငန်းများဖြစ်သည့် စီမံကိန်းတည်ဆောက်မည့် ဧရိယာအား ရှင်းလင်းခြင်းလုပ်ငန်းများ၊ စီမံကိန်းဧရိယာအတွင်းရှိ ပြည်သူများအတွက် ပြည်လည်နေရာချထားခြင်း လုပ်ငန်းများ၊ လုပ်ဆောင်ရန်      ကျန်ရှိနေသေးသည့် အခြားအင်ဂျင်နီယာ လုပ်ငန်းများအား လုပ်ဆောင်လျက်ရှိကြောင်းသိရသည်။

ယခု တည်ဆောက်မည့် မြစ်ဆုံစီမံကိန်း ကိစ္စရပ်နှင့် ပတ်သက်၍ ပတ်ဝန်းကျင်ထိန်းသိမ်းရေးအဖွဲ့မှ ကန့်ကွက်နေသည့်ကြားမှပင် ဆက်လက် လုပ်ဆောင်သွားမည်ဖြစ်ကြောင်း၊ မိမိတို့နိုင်ငံ၏ လျှပ်စစ်ဓာတ်အား ရရှိရေးသည် အမျိုးသားအကျိုးစီးပွားဖြစ်သည့်အတွက် UN အဖွဲ့နှင့်လည်း ယခု မြစ်ဆုံကိစ္စသည် လုံးဝသက်ဆိုင်ခြင်း မရှိကြောင်း၊ ယခု စီမံကိန်းကိုသာ အောင်မြင်မှု ရရှိနိုင်စေရန် ဆက်လက်လုပ်ဆောင်သွားမည်ဖြစ်ပြီး ကျန်သည့် ကိစ္စရပ်များကို နောက်မှပင် ဆက်လက် ရှင်းပြမည် ဖြစ်ကြောင်း ပြည်ထောင်စုဝန်ကြီး ဦးဇော်မင်းက ပြောကြားခဲ့သည်။

၎င်း မြစ်ဆုံစီမံကိန်းအား မြန်မာနိုင်ငံမှ အမှတ်(၁) လျှပ်စစ်စွမ်းအား ဝန်ကြီးဌာနနှင့် တရုတ်နိုင်ငံ China Power Investment Corporation(CPI) မှ အဓိက တာဝန်ယူတည်ဆောက်လျက်ရှိပြီး အေးရှားဝေါလ် ကုမ္ပဏီမှ စီမံကိန်း လုပ်ငန်းလည်ပတ်မှုတွင် အများဆုံး ပါဝင်တည်ဆောက်လျက်ရှိကြောင်း သိရသည်။

ပြည်ပနိုင်ငံထုတ် သတင်းစာများတွင် ယခုဆက်လက်လုပ်ကိုင်လျက်ရှိသည့် ဧရာဝတီမြစ်ဆုံစီမံကိန်းသည် တရုတ်အကျိုးရှိသည့် စီမံကိန်းပာု ဆိုထားကြောင်း၊ ယခု စီမံကိန်း လုပ်ဆောင်နေရသည်မှာ မိမိတို့နိုင်ငံ၏ ပိုက်ဆံမရှိ၍ ဖြစ်ကြောင်း၊ နိုင်ငံတော်၌ ပိုက်ဆံရှိပါက မိမိတို့ဘာသာ လုပ်ဆောင် မည် ဖြစ်ကြောင်း၊ ပိုက်ဆံရှိ၍ မိမိတို့ဘာသာ လုပ်ဆောင်သော်လည်း ၎င်းလျှပ်စစ်ဓာတ်အားများကို မည်သူမှသုံးမည်မပာုတ်သည့်အတွက် Market သဘောအရ တရုတ်နိုင်ငံသို့ ရောင်းစားခြင်းဖြစ်ကြောင်း ပြည်ထောင်စုဝန်ကြီးက ပြောကြားခဲ့သည်။

ထို့နောက် အမှတ်(၁) လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးဇော်မင်းကပင် မြန်မာနိုင်ငံတွင် ရေအားလျှပ်စစ်နှင့် ပတ်သက်၍ မိမိထက်ပို၍ အတွေ့အကြုံ ရင့်ကျက်သည့်ပုဂ္ဂိုလ် မရှိကြောင်း၊ နိုင်ငံပိုင်သတင်းစာတွင် သြဂုတ်လ ၉ ရက်နေ့၌ မြစ်ဆုံစီမံကိန်းကိစ္စရပ်နှင့် ပတ်သက်၍ ရေးသားခဲ့သည့် ဆောင်းပါးတစ်ပုဒ်ကိုလည်း မိမိကိုယ်တိုင်ပင် ရေးသား၍ အခြားသူရေးသကဲ့သို့ နာမည်လွှဲပြောင်းထည့်လိုက်ကြောင်းြေ&