Posts
 | yangonchronicle 2011 |
၇.၁၁.၂၀၁၁
ဘာသာပြန်သတင်းများ (အပိုင်း-၂)
- မြန်မာနိုင်ငံတွင် ရွေးကောက်ပွဲအပြီး တစ်နှစ်အကြာတွင် လူ့အခွင့်အရေးအတွက် စိုးရိမ်ဖွယ်များရှိနေဆဲ
(4 November 2011 ရက်စွဲပါ Human Rights Watch မှ Burma : A year after elections , Rights concernes persist ကို ဘာသာပြန်ပါသည်) - အမေရိကန်နှင့် ကုလသမဂ္ဂတို့၏ မြန်မာနိုင်ငံခရီးစဉ်တွင် မျှော်လင့်ချက်ရှိပာုဆို
(5 Nov 2011 ရက်စွဲပါ Channel News Asia မှ US,UN hopeful on visits to Myanmar ကိုဘာသာပြန်ပါသည်) - ပြုပြင်ပြောင်းလဲရေးခြေလှမ်းများဖြင့် မြန်မာက ကမ္ဘာကို အံ့အားသင့်စေ
(The Hirnalayan Times မှ 6 Nov 2011 ရက်စွဲပါ With reformist moves, Myanmar suprises many သတင်းဆောင်းပါးကို ဘာသာပြန်ဆိုသည်)
***************************************************************************************
ဘာသာပြန်သတင်းများ
မြန်မာနိုင်ငံတွင် ရွေးကောက်ပွဲအပြီး တစ်နှစ်အကြာတွင် လူ့အခွင့်အရေးအတွက် စိုးရိမ်ဖွယ်များရှိနေဆဲ
(4 November 2011 ရက်စွဲပါ Human Rights Watch မှ Burma : A year after elections , Rights concernes persist ကို ဘာသာပြန်ပါသည်)
၂၀၁၀ နိုဝင်ဘာရွေးကောက်ပွဲများအပြီး တစ်နှစ်အကြာတွင် မြန်မာအစိုးရသစ်၏ အပေါင်းလက္ခဏာ ဆောင်သော လုပ်ဆောင်မှုများသည် တိုင်းပြည်တွင် ရှိနေဆဲဖြစ်သော အလေးအနက်ထားရမည့် လူ့အခွင့် အရေးပြဿနာများကို မမြင်နိုင်အောင်လုပ်ဆောင်ပေးနိုင်ခြင်းမရှိကြောင်း၊ Human Rights Watch မှ နိုဝင်ဘာလ(၃)ရက် ၂၀၁၁ ကထုတ်ဝေသော စာတမ်း(briefing paper)တွင် ဖော်ပြထားပါသည်။
“အစိုးရသစ်ဟာ ပြုပြင်ပြောင်းလဲရေးဥပဒေတွေ၊ မူဝါဒပြောင်းလဲမှုအတွက် ကတိတွေပေးနေပေမယ့် တကယ့်စမ်းသပ်မှုကတော့ ပြည်သူလူထုက သူတို့ရဲ့ ရပိုင်ခွင့်တွေအတွက် ကြိုးစားတဲ့အခါ ဘယ်လိုတုန့် ပြန်မလဲ ဆိုတာကိုပဲ ကြည့်ရမှာပါ”ဟု Human Rights Watch မှ အာရှဒါရိုက်တာ Elaine Pearson က ပြောပါ သည်။ “ပဋိပက္ခဖြစ်နေတဲ့ ဒေသတွေမှာရှိတဲ့ အရပ်သားတွေအပေါ်ရက်စက်မှုတွေ၊ နိုင်ငံရေးအကျဉ်းသားတွေ ကို နှိပ်စက်တာတွေ၊ ဖိနှိပ်မှုရှိတယ်လို့ပြောရမယ့် တရားရုံးတွေဟာ အရပ်သားအမည်ခံအစိုးရရဲ့ ပထမနှစ်မှာ တွေ့နေရဆဲ လက္ခဏာတွေဖြစ်ပါတယ်”ဟု ၎င်းကဆိုပါသည်။
သမ္မတဦးသိန်းစိန်သည် ၂၀၁၁ ခုနှစ်မတ်လ (၃၀)ရက် ၎င်းတက်လာပြီးနောက် အစိုးရအဖွဲ့ကိုပြောခဲ့သော မိန့်ခွန်းသည် မှတ်မှတ်သားသား ဖြစ်စရာ ပြောင်းလဲခဲ့ပါသည်။ မီဒီယာကန့်သတ်ချက်များဖြေလျော့ ပေးခြင်း၊ သြဂုတ်လ ဒုတိယလွှတ်တော်အစည်းအဝေးမှစ၍ ဥပဒေအချို့ အတည်ပြုပေးခြင်းများသည် အနည်း ဆုံးစာရွက်ပေါ်တွင် အခြေခံရပိုင်ခွင့်များကိုကာကွယ်ရန် ကတိကဝတ်သစ်များဖြစ်ပေသည်။ အစိုးရသစ်သည် နောက်ထပ် ပြုပြင်ပြောင်းလဲမှုများကို စီစဉ်လျက်ရှိပြီး နိုင်ငံရေးအတိုက်အခံကိုလည်း အရေးကြီးသော လက္ခဏာ ပြသမှုများ ပြုလုပ်ခဲ့ပါသည်။ အစိုးရ၏ ထိပ်တန်းအဖွဲ့ဝင်များသည် စီးပွားရေးပြုပြင်ပြောင်းလဲမှုများအကြောင်း၊ ဒီမိုကရေစီမြှင့်တင်ရေးအကြောင်း၊ လူ့အခွင့်အရေးလေးစားမှုရှိရေးအကြောင်း၊ တိုင်းရင်းသားများနှင့် ပြည်တွင်း စစ်ရပ်ဆိုင်းရေးအတွက် ငြိမ်းချမ်းရေးစကားပြောရန် အကြောင်းများကို ပြောလာကြပါသည်။ ၎င်းတို့သည် ဒီမိုက ရေစီခေါင်းဆောင်ဒေါ်အောင်ဆန်းစုကြည်အား ၁၉၈၉ မှစ၍ တစ်ခါမျှမရခဲ့ဘူးသေးသော လွတ်လပ်စွာလှုပ်ရှားမှု အတွက် အဆင့်တစ်ခုအထိ ခွင့်ပြုခဲ့ပါသည်။ သူမသည် အစိုးရထိပ်တန်းတာဝန်ရှိသူများနှင့် မှန်မှန်တွေ့ဆုံခဲ့ပြီး၊ စကားပြောမှုများသည် ယခင်ကထက်ပို၍ မျှော်လင့်ချက်များ၊ အရေးပါသော ပြောဆိုမှုများရှိကြောင်းဖော်ပြလာ ပါသည်။
“ဒီပြောင်းလဲမှုတွေကို ပြည်တွင်းကရော နိုင်ငံတကာကပါ အကောင်းမြင်နဲ့ ကြိုဆိုခဲ့ကြပါတယ်”ဟု Pearson က ပြောကြားခဲ့ပါသည်။ “ဒါပေမယ့် ဒီပြောင်းလဲမှုဟာ အမျိုးသားအဆင့်အီလစ်အလွှာမှသာဖြစ်နေ တာပါ၊ အခြေခံအုပ်ချုပ်မှုစနစ်မှာ၊ ဒေသဆိုင်ရာအဆင့်မှာ ဖိနှိပ်မှုတွေနဲ့ ပတ်သက်ရင် နဲနဲပဲပြောင်းပါသေးတယ်” ဟု ၎င်းကဆိုပါသည်။
တိုင်းရင်းသားဒေသများတွင် စစ်တပ်မှ ကျူးလွန်မှုများသည် အရေးယူမှုမရှိပဲ ဆက်လက်ရှိနေဆဲဖြစ်ပါ သည်။ အစိုးရသစ်သည် စစ်တပ်အား ပြုပြင်ပြောင်းလဲရေးကိစ္စ အမြန်ဆုံးလုပ်ရမည်ဖြစ်သော်လည်း လုပ်ဆောင် နိုင်ခြင်းမရှိသေးပေ။ အစိုးရသည် အစိုးရဆန့်ကျင်သူများအား ဖိနှိပ်သော ဥပဒေများဖြင့်လည်းကောင်း၊ လွတ် လပ်စွာတရားစီရင်နိုင်ခြင်းမရှိသည့် တရားရုံးများဖြင့်လည်း ဆက်လက်ဖိနှိပ်နေဆဲဖြစ်ပါသည်။ မေလတွင် တစ် ကြိမ်၊ အောက်တိုဘာလတွင် တစ်ကြိမ်လွတ်ငြိမ်းချမ်းသာခွင့်ပေးခဲ့သော်လည်း နိုင်ငံရေးအကျဉ်းသား(၂၉၇)ဦး ခန့်သာလွတ်ပြီး နိုင်ငံရေးအကျဉ်းသားများစွာ ထောင်ထဲတွင်ရှိနေဆဲဖြစ်ပါသည်။ မြန်မာနိုင်ငံတွင် လူ့အခွင့် အရေးအခြေအနေများတိုးတက်ရေးကိုအမြဲတမ်းငြင်းပယ်ခဲ့သည့် ထုံးစံအတိုင်းပင် အစိုးရသစ်သည်လည်း ဆက် လက်ငြင်းပယ်ဆဲပင်ဖြစ်ပါသည်။ စက်တင်ဘာလက အမျိုးသားလူ့အခွင့်အရေးကော်မရှင်ကို ဖွဲ့စည်းခဲ့သော် လည်း၊ ၎င်း၏ ကတိကဝတ်များနှင့် လွတ်လပ်မှုအပေါ်မေးခွန်းထုတ်စရာများကျန်နေပါသေးသည်။
လွှတ်တော်သစ်တွင် ဥပဒေပြုပြင်ပြောင်းလဲမှုများရှိလာရာ အလုပ်သမားသမဂ္ဂဖွဲ့စည်းခွင့်ဥပဒေ၊ ငြိမ်း ချမ်းစွာစုဝေးခွင့်ပြုခြင်းနျင့် အတိုက်အခံ ပါတီကြီးဖြစ်သော NLD ပါဝင်ခွင့်ရရန်လမ်းဖွင့်ပေးသော နိုင်ငံရေးပါတီမှ မှတ်ပုံတင်ခြင်းဥပဒေကို ပြင်ဆင်သည့် ဥပဒေများထွက်ပေါ်လာပါသည်။ အဆိုပါ ဥပဒေများသည် စာရွက်ပေါ် တွင် ထွက်ပေါ်လာခြင်းမျှသာရှိသေးပြီး မည်မျှအကောင်အထည်အဖော်နိုင်မည်ဆိုသည်ကို စောင့်ကြည့်ရဦးမည် ဖြစ်ပါသည်။
၂၀၁၁ ခုနှစ်အတွင်း မြန်မာနိုင်ငံတွင် နိုင်ငံတကာမှ အဆင့်မြင့်ပုဂ္ဂိုလ်များလာရောက်မှုများရှိခဲ့ပါသည်။ ကုလသမဂ္ဂအထူးကိုယ်စားလှယ် Vijay Nambiar ၊ ဥရောပသမဂ္ဂမှ ကိုယ်စားလှယ်အဖွဲ့၊ အမေရိကန်အထူး ကိုယ်စားလှယ် Derek Mitchell ၊ သြစတြေးလျနှင့် အင်ဒိုနီးရှားမှ နိုင်ငံခြားရေးဝန်ကြီးများ၊ မြန်မာနိုင်ငံလူ့အခွင့် အရေးကိစ္စအတွက် ကုလသမဂ္ဂအထူးကိုယ်စားလှယ် Tomas Ojea Quintana တို့ လာရောက်ကြပါသည်။
“နိုင်ငံတကာ အသိုင်းအဝိုင်းအနေနဲ့ ကတိတွေထိုးပြီးပေးလာတာကိုတော့မဟုတ်ဘူးပေါ့လေ။ အမှန် တကယ်ပြောင်းလဲမှုတွေကို ထောက်ခံသင့်ပါတယ်။ ပူပန်နေတဲ့အစိုးရတွေက မြန်မာအစိုးရကို အခြေခံရပိုင်ခွင့် တွေတိုးမြှင့်ပေးနိုင်မယ့် စစ်မှန်တဲ့အဆက်မပြတ်ပြောင်းလဲမှုတွေလုပ်ဖို့ ဖိအား ပေးနေဆဲဖြစ်ပါတယ်”ဟု Pearson က ပြောပါသည်။ “ဒိကတိတွေ ဘယ်လောက်စစ်မှန်လဲ၊ ဘယ်လောက်ခရီးရောက်မလဲ၊ မြန်မာနိုင်ငံ က သာမန်ပြည်သူတွေရဲ့ ဘဝတွေဘယ်လောက်တိုးတက်အောင်လုပ်ပေးနိုင်မလဲဆိုတာ မသေချာသေးပါဘူး” ဟု ၎င်းကပြောပါသည်။
×××××××××××××××××××××××××××××××××××××××××××××××××××××××××××××××××××××××××××××××××××××××××××××
အမေရိကန်နှင့် ကုလသမဂ္ဂတို့၏ မြန်မာနိုင်ငံခရီးစဉ်တွင် မျှော်လင့်ချက်ရှိပာုဆို
(5 Nov 2011 ရက်စွဲပါ Channel News Asia မှ US,UN hopeful on visits to Myanmar ကိုဘာသာပြန်ပါသည်)
အမေရိကန်နှင့် ကုလသမဂ္ဂအကြီးတန်းတာဝန်ရှိပုဂ္ဂိုလ်များက မြန်မာနိုင်ငံတါင် စတင်ပြုလုပ်နေသော ပြုပြင်ပြောင်းလဲရေး လုပ်ငန်းစဉ်များအပေါ် အားတက်မှု ရှိကြောင်း ပြောကြားခဲ့ပြီး၊ ဝါရှင်တန်ကလည်း မိုက်ခရို ငွေကြေးတိုးချဲ့မှုအပါအဝင် ပြောင်းလဲမှုများအတွက် အားပေးနိုင်ရန် မက်လုံးအသစ်များ ရှာဖွေသွားမည်ဖြစ်ကြောင်း ပြောကြားခဲ့ပါသည်။
ပထမအချက်အားဖြင့် မြန်မာနိုင်ငံသည် လူ့အခွင့်အရေးကိစ္စများကိုင်တွယ်သည့် အမေရိကန် လက်ထောက် နိုင်ငံခြားရေးဝန်ကြီး Mike Posner ကိုဝင်ခွင့်ပေးခဲ့ပါသည်။ ၎င်းက တိုင်းရင်းသားလူနည်းစုအပေါ်ဆက်ဆံမှုများအပေါ် စိုးရိမ်မှုများရှိကြောင်း၊ သို့သော် တိုးတက်မှုများကိုလည်း တွေ့ရကြောင်း ပြောဆိုခဲ့ပါသည်။
“အားတက်ဖွယ်ခြေလှမ်းတွေနဲ့ လက္ခဏာအချို့တွေ့ရပါတယ်။ ကျွန်တော်တို့အနေနဲ့ အပေါင်းလက္ခဏာ ဆောင်တဲ့လုပ်ဆောင်မှုများနဲ့ လုပ်နေဆဲအရာတွေကို အသိအမှတ်ပြုပြီး ရှေ့ဆက်သွားဖို့လိုအပ်ပါတယ်။ ဒီအပေါ်မှာ အခြေခံတည်ဆောက်ရပါမယ်” ပာု Posner က အမေရိကန် သံရုံးတွင် သောကြာနေ့က ပြောကြားခဲ့ပါသည်။
ကုလသမဂ္ဂအထွေထွေအတွင်းရေးမှူးချုပ် ဘန်ကီမွန်း၏ အထူးအကြံပေး Vijay Nambiar ကလည်း အမည်ခံအရပ်သားသမ္မတ ဦးသိန်းစိန်လက်ထက်တွင် ပြန်လည်ပေါင်းစည်းရေးလုပ်ငန်းစဉ်အပါအဝင် အရေးပါသော ကြိုးပမ်းမှုများအတွက် ကုလသမဂ္ဂအနေဖြင့် အားတက်မှု ရှိကြောင်း ပြောကြားခဲ့ပါသည်။
“ဒီအတိုင်းဆက်သွားမယ်ဆိုရင်တော့ ဒီကြိုးပမ်းအားထုတ်မှုတွေပာာ မြန်မာပြည်သူတွေအပေါ် ပေးထားတဲ့ကတိတွေကို ဖြည့်ဆီး ပေးနိုင်မယ့် လမ်းကြောင်းပေါ်မှာ သမိုင်းဝင်အခွင့်အလမ်းတွေပေးလာပါလိမ့်မယ်” ပာု Nambiar က အစိုးရအဖွဲ့ဝင်များနှင့်လည်းကောင်း၊ ဒေါ်အောင်ဆန်းစုကြည် နှင့်လည်းကောင်း တွေ့ဆုံအပြီး ထုတ်ပြန်သော ကျေညာချက်တွင် ဖော်ပြထားပါသည်။
Posner နှင့်အတူ မြန်မာနိုင်ငံအတွက် အမေရိကန်အထူးကိုယ်စားလှယ် Derek Mitchell လည်းလိုက်ပါလာပါသည်။
Mitchell ကပြောကြားရာ၌ သမ္မတ Barack Obama အစိုးရသည် ခိုင်မာသော တိုးတက်မှုများအတွက် တုန့်ပြန်ရန်အဆင်သင့်ရှိကြောင်း၊ သို့သော် အရေးယူပိတ်ဆို့မှုများ ရုတ်သိမ်းရေးမှာမူ ကွန်ဂရက်မှ လုပ်ဆောင်ရမည်ဖြစ်ကြောင်း ပြောကြားခဲ့ပါသည်။
“ဝါရှင်တန်မှာ ဖိအားပေးမှုနှင့် ပတ်သက်ပြီး ခံစားလာရတာတွေရှိပါတယ်။ အခုပြုပြင်ပြောင်းလဲမှုတွေကို ဘယ်လိုတုန့်ပြန်မလဲဆိုတာ စတင်စဉ်းစားဖို့ လိုအပ်ပါတယ်။ ပြုပြင်ပြောင်းလဲမှုတွေကို ကျွန်တော်တို့ပံ့ပိုးထောက်ခံနိုင်ပါတယ်။ အချိန်မီလုပ်ဆောင်ပြီး၊ နောက်ထပ် ပြုပြင်ပြောင်းလဲမှုတွေ အတွက် အားပေးရပါမယ်” ပာု Mitchell ကပြောပါသည်။
Mitchell ကပြောကြားရာတွင် ၎င်းသည် ဒေါ်အောင်ဆန်းစုကြည်နှင့် လယ်သမားများ၊ အခြားဝင်ငွေနိမ့်သူများ၏ ဘဝကို ကူညီထောက်ပံ့နိုင်မည့် အသေးစား ချေးငွေကိစ္စဖြစ်သော မိုက်ခရိုငွေကြေးတိုးချဲ့ပေးရေးကို စကားပြောခဲ့သည်ပာု ဆိုပါသည်။
US Agency for International Development(USAID) အနေဖြင့် အစီအစဉ်ရှိပြီးဖြစ်သော်လည်း တိုင်းရင်းသားလူမျိုးများရှိသော ဒေသများတွင် ပိုမိုတိုးချဲ့လိုသည်ပာု Mitchell ကပြောပါသည်။
အမေရိကန်ပြည်ထောင်စုအနေဖြင့် ခရီးသွားလာမှုအား မက်လုံးအဖြစ် အသုံးပြုခဲ့ကြောင်း၊ စက်တင်ဘာလက အစိုးရသည် မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်အား ဝါရှင်တန်သို့ ဖိတ်ခေါ်ခဲ့သည်ပာု အထူးကိုယ်စားလှယ်က ပြောပါသည်။
မြန်မာအစိုးရသည် မကြာသေးမီက လူအများနှစ်သက်မှုမရှိသည့် ရေလှောင်တမံစီမံကိန်းကို ရပ်ဆိုင်းခြင်းဖြင့် တရုတ်ကိုဆန့်ကျင်ခဲ့ပါသည်။ အစိုးရသည် အကျဉ်းသားလွတ်ငြိမ်းချမ်းသာခွင့်ကိုလည်း ကြေညာခဲ့ရာ၊ ဝေဖန်သူများက နာမည်ကြီးများကို လွှတ်ပေးခြင်းမရှိသေးသဖြင့် အမည်ခံသာ ဖြစ်ကြောင်း ပြောခဲ့ပါသည်။
“ပြီးခဲ့တဲ့လက နိုင်ငံရေးအကျဉ်းသား(၂၀၀) ကျော် လွှတ်ပေးခဲ့တာကိုကြိုဆိုပါတယ်။ ဒါပေမယ့် ကျန်တဲ့ အကျဉ်းသားတွေကို ချွင်းချက်မရှိ ချက်ချင်း လွှတ်ပေးဖို့ ပြင်းထန်စွာ တိုက်တွန်းပါတယ်” ပာု Posner က ပြောပါသည်။
Posner သည် အကျဉ်းသားများ၏ တစ်ဦးချင်းကိစ္စရပ်များကို ပြောကြားခဲ့ကြောင်း၊ မည်သည့် ရှင်းလင်းသည့် ကတိမျှမရသော်လည်း ကျန်သူများ လွှတ်ပေးရေးကို စဉ်းစားနေမည်ပာု နားလည်ကြောင်း ပြောခဲ့သည်ပာု Mitchell ကဆိုပါသည်။
နိုင်ငံတကာလွတ်ငြိမ်းချမ်းသာခွင့်အဖွဲ့မှ ဖြေကြားရာတွင် မြန်မာနိုင်ငံတွင် နိုင်ငံရေးအကျဉ်းသား(၁၅)ဦးအား သောက်ရေမပေးကြောင်း၊ (၈) ဦးမှာလည်း ၊ ခွေးများအတွက် ရည်ရွယ်ထားသော ထောင်ထဲတွင် ကုတင်မရှိ၊ ဖျာမရှိ၊ ပြူတင်းပေါက်မရှိပဲ ထားရှိသည်ပာု ဆိုပါသည်။
လူ့အခွင့်အရေးအုပ်စုက ပြောကြားရာတွင် ၂၀၀၇ ခုနှစ်အစိုးရဆန့်ကျင်ရေး ဆန္ဒပြပွဲများတွင် နာမည်ကြီးခဲ့သော မြန်မာဘုန်းတော်ကြီး ဦဂမ္ဘီရမှာလည်း ကလေးထောင်တွင် ပြင်းထန်စွာ ဖျားနာနေမှုအား စိုးရိမ်မှုကိုဖော်ပြခဲ့ပါသည်။
×××××××××××××××××××××××××××××××××××××××××××××××××××××××××××××××××
ပြုပြင်ပြောင်းလဲရေးခြေလှမ်းများဖြင့် မြန်မာက ကမ္ဘာကို အံ့အားသင့်စေ
(The Hirnalayan Times မှ 6 Nov 2011 ရက်စွဲပါ With reformist moves, Myanmar suprises many သတင်းဆောင်းပါးကို ဘာသာပြန်ဆိုသည်)
ရယ်စရာကောင်းသော ဗြောင်ကျကျလိမ်ညာမှုဟု အနောက်နိုင်ငံများက ပြစ်တင်ရှုတ်ချခဲ့ကြသော ရွေးကောက်ပွဲများအပြီးတစ်နှစ်အကြာတွင် မြန်မာနိုင်ငံ၌ မျော်လင့်နေကြသော အပြောင်းအလဲကို ခွင်ပြုတော့ မည့် ပြုပြင်ပြောင်းလဲရေးဆောင်ရွက်ချက်များ တစ်သီတစ်တန်းထွက်ပေါ်လာခြင်းက ပြည်တွင်း၊ ပြည်ပဝေဖန် ဆန်းစစ်သူများကို အံ့အားသင့်စေခဲ့ပြီဖြစ်သည်။
မနှစ်က ၂၀၁၀ နိုဝင်ဘာ(၇)ရက်တွင် မြန်မာနိုင်ငံ၌ လွှတ်တော်နှစ်ရပ်နှင့် ဒေသန္တရလွှတ်တော်များ အတွက် အမတ်များကို ရွေးချယ်မည့် နှစ်ပေါင်း ၂၀ အတွင်း ပထမဆုံးရွေးကောက်ပွဲများကို မဲပေးကြရန် အစိုးရ က မဲဆန္ဒရှင်ပြည်သူ ၂၉ သန်းကိုစည်းရုံးလှုံ့ဆော်တောင်းဆိုခဲ့သည်။
လွှတ်တော်အမတ်နေရာ လေးပုံတစ်ပုံကို တပ်မတော်အတွက် သီးသန့်ကြိုတင်ဖယ်ထားပြီးမှ ကျင်းပခဲ့ သော ရွေးကောက်ပွဲတွင် တပ်မတော်က ထောင်ထားသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကသာ အများစုအနိုင်ရရှိ်သည်။
အဆိုပါရွေးကောက်ပွဲသည် ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဖယ်ထုတ်ထားသည့် အပြင် မသမာမှုများ၊ ခြိမ်းခြောက်မှုများ ရှိကြောင်း တိုင်ကြားမှုတွင် ထွက်ပေါ်လာသဖြင့် ကမ္ဘာ့အလယ်တွင် နာ မည်ပျက်ခဲ့ရသည်။ တပ်မတော်အစိုးရက ၇ နှစ်ဆက်တိုက် နောက်ဆုံးအကြိမ် ထိန်းသိမ်းထားသော ဒေါ်အောင် ဆန်းစုကြည်ကို ရွေးကောက်ပွဲများအပြီး တစ်ပတ်အကြာတွင် လွှတ်ပေးခဲ့ပြီး သူမ၏ NLD ပါတီကိုလည်း ရွေး ကောက်ပွဲကို သပိတ်မှောက်ခြင်းကြောင့် တရားဝင်ဖျက်ဆီးပစ်ခဲ့သည်။
မြန်မာနိုင်ငံကို တပ်မတော်က ဆက်လက်ချုပ်ကိုင်နေသည်ဟုဆိုသော်ငြားလည်း အာဏာရအစိုးရသစ် က အတိုက်အခံများကို လိုက်လျော ဆက်ဆံလာသည့်အပြင် လွန်ခဲ့သော တစ်နှစ်ခန့်က စိတ်ကူးပင် မယဉ်နိုင်ခဲ့ သော နိုင်ငံရေးပြုပြင်ပြောင်းလဲမှုများကို တသီတတန်း ထုတ်ပြန်ကြေညာခဲ့လေသည်။
“ဘယ်နိုင်ငံပဲဖြစ်ဖြစ်၊ ရွေးကောက်ပွဲအသစ်က အပြောင်းအလဲကို ဆောင်ကြဉ်းပေးတယ်ဆိုရင် ဒီရွေးကောက်ပွဲကို ကျွန်တော်တို့ ထောက်ခံ အားပေးမှာပါ”ဟု ပြောကြားသူမှာ ထိုင်းနိုင်ငံအခြေစိုက်ဥာဏ်ကျယ်အုပ်စု Vahu Derelopment Institute မှ မြန်မာ့ရေးရာ ကျွမ်းကျင်သူ ဦးအောင်နိုင်ဦး ဖြစ်သည်။
ဒါပေမယ့် အပြောင်းအလဲက ဒီလိုမကြုံစဖူးမြန်ဆန်လိမ့်မယ်လို့တော့ လုံးဝမထင်မိပါဘူး ဟု ယင်းကပြောကြားသည်။
၁၉၉၂ ကပင် မြန်မာနိုင်ငံကို ဂုတ်စီးအုပ်ချုပ်ခဲ့သော အာဏာရှင်ဗိုလ်ချုပ်မှူးကြီးသန်းရွှေသည် သူဦးဆောင်သော တပ်မတော်အစိုးရကို မတ်လတွင် ဖျက်သိမ်း၍ သူကိုယ်တိုင်အနားယူကာ နန်းမွေခံအရပ်ဖက် အစိုးရသစ်အတွက် လမ်းရှင်းပေးခဲ့သည်။
ထိုအချိန်မှစ၍ အာဏာရလာသော သမတဦးသိန်းစိန်သည် အထူးသဖြင့် ဒေါ်အောင်ဆန်းစုကြည်နှင့် တိုက်ရိုက်တွေ့ဆုံဆွေးနွေးခြင်းအပါအဝင် လိုက်လျောဖြေလျော့မှုလက္ခဏာများစွာကို လုပ်ဆောင်ပြသခြင်းဖြင့် မြန်မာ့ရေးရာစောင့်ကြည့်ဝေဖန်သူများကို များစွာတုန်လှုပ်အံ့အားသင့်စေခဲ့သည်။
ထို့အပြင် တစ်နိုင်ငံလုံးက ကန့်ကွက်နေသော တရုတ်အမြတ်ထုတ်ရေလှောင်တမံကိုလည်း ပြည်သူ့ဆန္ဒကို လေးစားရမည်ဟုပြောဆိုကာ ရုတ်တရက်ရပ်ဆိုင်း၍ အိမ်နီးခြင်းမဟာမိတ်တရုတ်နိုင်ငံကို အာခံ ပြလိုက်ခြင်းက ပြည်တွင်းပြည်ပအကဲခတ်လေ့လာသူများကို ပို၍ပင် အံအားသင့်စေခဲ့လေသည်။
ဒေါ်အောင်ဆန်းစုကြည်ကလည်း မြန်မာနိုင်ငံတွင်းမှ အပြုသဘောဆောင်တိုးတက်ပြောင်းလဲလာမှုများ ကို သတိထား၍ လက်ခံကြိုဆိုခဲ့သည်။ သို့သော် ကတိပေးထားသည့် အတိုင်းသမ္မတဦးသိန်းက ပြုပြင်ပြောင်း လဲရေး လုပ်နိုင်မလားဆိုသည်ကိုမူ မသဲကွဲသေးဟု သူမကပြောကြားထားသည်။
အသေးအမွှားဟုဆိုသော်လည်း အထင်ကရရှိသည့် ယခုအပြောင်းအလဲများသည် Burma ဟု ကမ္ဘာ က ခေါ်ဝေါ်သော အာဏာရှင်နိုင်ငံမှ တပ်မတော်အစိုးရနှင့်ပတ်သက်၍ စိုးရိမ်နေကြဆဲ လူ့အခွင့်အရေးအုပ်စု များထံမှ သိသိသာသာချီးကျူးမှုကိုပါ ရရှိခဲ့လေသည်။
သမ္မတဦးသိန်းစိန်အာဏာရလာချိန်ကစပြီး မြန်မာအစိုးရရဲ့ မိုက်ဂုဏ်ပြတဲ့ လေသံ ပြောင်းလဲသွားပါတယ်ဟု နယူးရောက်အခြေစိုက် လူ့အခွင့်အရေးအုပ်စု Human Rights Watch က မှတ်ချက်ပေးပြောဆိုထား သည်။
×××××××××××××××××××××××××××××××××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
