Posts
 | yangonchronicle2011 |
၂၈.၁၂.၂၀၁၁
ပြည်တွင်းသတင်းများ
- ရေသုံးစွဲခ မီတာစနစ်ဖြင့်သာ အခွန်ကောက်ခံတော့မည်
- နယ်စပ်ကုန်သွယ်ရေးမှ ဆန်တင်ပို့မှု ခွင့်ပြု
- ရွှေတိဂုံရှိ လုပ်ငန်းများ ပုဂ္ဂလိကသို့ လွှဲပြောင်း
ပြည်တွင်းပါတီ၊ နိုင်ငံရေးသတင်းများ
- အကျဉ်းထောင်များသို့ အမျိုးသားလူ့အခွင့်အရေးကော်မရှင်မှ သွားရောက်လေ့လာမည်
- ILO အကူအညီဖြင့် အလုပ်သမားဥပဒေရေးဆွဲ
သတင်းနှင့် ဆောင်းပါးများမှ ကောက်နှုတ်ချက်များ
******************************************
ပြည်တွင်းသတင်းများ
ရေသုံးစွဲခ မီတာစနစ်ဖြင့်သာ အခွန်ကောက်ခံတော့မည်
စည်ပင်ဌာနမှ ပြည်သူများသုံးစွဲနိုင်စေရန် ဆောင်ရွက်ပေးထားသည့် ရေသုံးစွဲခများကို အခွန်စနစ်ဖြင့်သာ ကောက်ခံသွားတော့မည်ဖြစ်ကြောင်း ရန်ကုန် မြို့တော် စည်ပင်သာယာရေးကော်မတီ ရေနှင့်သန့်ရှင်းရေးဌာနမှ တာဝန်ရှိသူတစ်ဦးက ပြောကြားခဲ့သည်။
ယခင် ပြည်သူများ၏ ရေသုံးစွဲခများကို မီတာစနစ်နှင့် ပုတ်ပြတ်စနစ်ပာူ၍ နှစ်မျိုးကောက်ခံခဲ့သော်လည်း ပြည်သူများ ရေပိုမိုသုံးစွဲမှုရှိသည့်အပြင် အခွန်ကောက်ခံရာတွင်လည်း ရေဖိုးအပြည့်အဝမရရှိသည့်အတွက် ယခုကဲ့သို့ ရေသုံးစွဲမှုအားလုံးကို မီတာစနစ်ဖြင့်သာသုံးစွဲရန် ပြောင်းလဲသတ်မှတ် လိုက်ရခြင်း ဖြစ်ကြောင်း သိရသည်။
လက်ရှိ စည်ပင်သာယာဌာနမှ ပြည်သူများသုံးစွဲနိုင်စေရန် သွယ်တန်းထားသည့် ရေဆက်သွယ်မှုပေါင်း နှစ်သိန်းသုံးသောင်းကျော်ရှိပြီး အကြမ်းဖျင်း စာရင်းကောက်ယူမှုများအရ တစ်သိန်းငါးသောင်းမှာ မီတာစနစ်ဖြင့် အခွန်ကောက်ယူ၍ ကျန်ခုနှစ်သောင်းကျော်မှာ ပုတ်ပြတ်စနစ်ဖြင့် အခွန်ကောက်ယူ၍ သွယ်တန်းထားခြင်းဖြစ်ကြောင်း သိရသည်။
ပြည်သူများအနေဖြင့်လည်း ရေမီတာခွန်များကို မှန်မှန်ကန်ကန်ဖြင့် ပေးဆောင်ရန်လိုအပ်ပြီး ရေမီတာအခွန် လွတ်ကင်းစေရန် ရေမီတာအရှေ့မှ ပိုက် သွယ်တန်း၍ ရေသွယ်တန်းအသုံးပြုနေသူများကိုလည်း ဥပဒေအရ အရေးယူဆောင်ရွက်သွားမည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ ရေနှင့် သန့်ရှင်းရေးဌာနမှ တာဝန်ရှိသူတစ်ဦးက ပြောကြားခဲ့သည်။
ရန်ကုန်မြို့တော်အတွင်း စည်ပင်သာယာမှ ရေများကို အစိုးရဌာနများ၊ ပုဂ္ဂလိက လုပ်ငန်းများနှင့် အိမ်သုံးများအဖြစ် ပေးဝေလျက်ရှိပြီး ရေမီတာ စည်းကြပ်ကောက်ခံမှုများကို ဒီဇင်ဘာလ ဒုတိယပတ်မှ စတင်၍ လုပ်ဆောင်လျက်ရှိကြောင်း သိရသည်။
လက်ရှိ စည်ပင်မှ ရေမီတာ အခွန်ကောက်ခံမှုနှုန်းထားများမှာ အစိုးရဌာနနှင့် အိမ်သုံးများအတွက် ရေတစ်ဂါလန်လျှင် ၂၅ ပြား၊ စီးပွားရေးသုံးများ အတွက် ရေတစ်ဂါလန်လျှင် ၃၅ ပြားနှုန်းဖြင့် ကောက်ခံလျက်ရှိပြီး လစဉ် ရန်ကုန်မြို့နေ လူထုအတွက် ရေပေးဝေရေးဌာနမှ ရေဂါလန် သန်း ၁၆၀ ပေးဝေရာတွင် လေလွင့်ဆုံးရှုံးမှု ၄၀ ရာခိုင်နှုန်းရှိကြောင်း သိရသည်။
YC
--------------------------------------------------------------------------------------------------------------------------------နယ်စပ်ကုန်သွယ်ရေးမှ ဆန်တင်ပို့မှု ခွင့်ပြု
နယ်စပ်ကုန်သွယ်ရေးမှ တစ်ဆင့် ပြည်တွင်းပိုလျှံဆန်များကို တင်ပို့ခွင့်ပြုလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ နယ်စပ် ကုန်သွယ်ရေးဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။
ထိုသို့ နယ်စပ်ကုန်သွယ်မှုမှတဆင့် ဆန်တင်ပို့ခွင့်ပြုကို နိုဝင်ဘာလမှ စတင်၍ ခွင့်ပြုခဲ့ပြီး လက်ရှိအချိန်တွင် ဆန်တန်ချိန် ၅၀၀၀ ခန့်ကို တင်ပို့ထားပြီး ဖြစ်ကြောင်း သိရသည်။
မူဆယ်နယ်စပ်ကုန်သွယ်ရေးမှ တရုတ်သို့ဆန်တင်ပို့ခြင်းသည် ပုံမှန်ကုန်သွယ်ရေးဖြင့် အခြားနိုင်ငံများသို့ တင်ပို့ခြင်းထက် ဈေးပိုရနေ သော်လည်း ရန်ကုန်မှဆန်များကို တင်ပို့ခြင်းထက် စစ်ကိုင်းတိုင်းဒေသကြီးမှ ဆန်များကို တင်ပို့ရောင်းချခြင်းသည် ပို၍တွက်ခြေကိုက်ကြောင်း ဆန်စပါး လုပ်ငန်းရှင်တစ်ဦးက ပြောကြားခဲ့သည်။
ထို့ပြင် မြန်မာနိုင်ငံ ဆန်စပါးလုပ်ငန်းအသင်းမှ ဈေးကွက်အရန်ဆန် ထားရှိနိုင်ရေးအတွက် ဆန်တန်ချိန် ၁၀၀၀ ကို ဝယ်ယူရန် တင်ဒါ စတင်ခေါ်ယူနေပြီဖြစ်ပြီး ဇန်နဝါရီလ ၁၀ ရက်နေ့တွင် တင်ဒါပိတ်မည်ဖြစ်ကြောင်း မြန်မာနိုင်ငံ ဆန်စပါးလုပ်ငန်းအသင်းမှ တာဝန်ရှိသူတစ်ဦးက ပြောကြားခဲ့သည်။
နိုင်ငံတော်မှ အရန်ဆန်ထားရှိရေးအတွက် ဝယ်ယူမည့် အရန်ဆန်အမျိုးအစားများမှာ ဧည့်မထ ၂၅ မတ် အရည်အသွေးမှီ ဆန်ဖြစ်ရမည်ဖြစ်ပြီး အရည် အသွေးကို နိုင်ငံတာအသိအမှတ်ပြု ဆန်စစ်ဆေးရေး အဖွဲ့အစည်းတစ်ခုခုဖြင့် စစ်ဆေးလက်ခံယူမည်ဖြစ်ကြောင်း သိရသည်။
ထို့ပြင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှလည်း အစိုးရနှင့် ပုဂ္ဂလိကပူးပေါင်း၍ အရန်ဆန် တန်ချိန်တစ်သိန်း ဝယ်ယူမည်ဖြစ်ကြောင်း ဒီဇင်ဘာလဆန်းပိုင်းက အစိုးရအဖွဲ့တာဝန်ရှိသူတစ်ဦးက ပြောကြားခဲ့သည်။
ယခုနှစ် စပါးပေါ်ချိန်၌ ပြည်ပလက်ဝယ်မရှိသည့်အတွက် စပါးဈေးမှာ တင်း ၁၀၀ လျှင် ကျပ်သုံးသိန်းဝန်းကျင်သာ ရှိပြီး ဝယ်မည့်သူမရှိဖြစ်နေကြောင်း တောင်သူများက ဆိုသည်။
YC
--------------------------------------------------------------------------------------------------------------------------------ရွှေတိဂုံရှိ လုပ်ငန်းများ ပုဂ္ဂလိကသို့ လွှဲပြောင်း
မြန်မာနိုင်ငံရှိ ဗုဒ္ဓဘာသာဝင်များ အထွတ်အမြတ်ထားရာ ရွှေတိဂုံစေတီတော်ရှိ လုပ်ငန်းများ လုပ်ကိုင်နိုင်ရန် လာမည့် ၂၀၁၂ ခုနှစ်တွင် ပုဂ္ဂလိက လုပ်ငန်း ရှင်များသို့ လွှဲပြောင်းလုပ်ကိုင်ခွင့်ပြုတော့မည်ဖြစ်ကြောင်း ရွှေတိဂုံစေတီတော်မှ တာဝန်ရှိသူတစ်ဦးက ပြောကြားခဲ့သည်။
လာမည့် ၂၀၁၂ ခုနှစ်တွင် ရွှေတိဂုံစေတီတော် လုပ်ငန်းများဖြစ်သည့် စားသောက်ဆိုင်၊ ဓာတ်ပုံ၊ ကားကွင်း၊ ရွှေဆိုင်း၊ အုန်းငှက်ပျော၊ ထီ၊ ခိုစာ၊ လိပ်စာ ပါဝင်သည့် လုပ်ငန်း ၁၄ မျိုးကို လာမည့် ဘဏ္ဍာရေးနှစ်တွင် တစ်နှစ်စာ ဈေးပြိုင်စနစ်ဖြင့်ခေါ်ယူ၍ ကျပ်သိန်းပေါင်း ၁၁၀၀၀ ဖြင့် လုပ်ငန်းရှင်များ လုပ်ငန်း လုပ်ကိုင် နိုင်ရန် ချထားပေးမည်ဖြစ်ကြောင်း သိရသည်။
ထိုသို့ ရွှေတိဂုံစေတီတော်ကြီးရှိ လုပ်ငန်းများလုပ်ကိုင်ရန် လုပ်ငန်းရှင်များအား ကန်ထရိုက်ချထားပေးခြင်းမှ ရရှိလာမည့် ရွှေတိဂုံ စေတီတော်ကြီး၏ စီမံခန့်ခွဲမှု ဝင်ငွေများကိုလည်း ရွှေတိဂုံစေတီတော်ရှိ ဝန်ထမ်းများအား လစာပေးခြင်း၊ လုပ်သက်ဆုကြေးပေးခြင်းနှင့် အိုနာစာရန်ပုံငွေ စုထားပေးခြင်းတို့တွင် စနစ်တကျ အသုံးပြုသွားမည်ဖြစ်ကြောင်း သိရသည်။
လက်ရှိ ရွှေတိဂုံစေတော်ကြီးရှိ ရွှေဆိုင်းလုပ်ငန်းမှာ သိန်း ၃၃၀၀ ကျော်ရရှိသည့် ဝင်ငွေအများဆုံး လုပ်ငန်းဖြစ်ကာ ကျန်လုပ်ငန်းများမှာ သိန်း ၁၀၀၀ နီးပါးခန့် ရရှိပြီး ၂၀၁၁ ခုနှစ်တွင် ၎င်းလုပ်ငန်းများမှ ကျပ်သိန်း ၇၀၀၀ ကျော်ရရှိခဲ့ကြောင်း ရွှေတိဂုံစေတီတော်မှ တာဝန်ရှိသူတစ်ဦးက ပြောကြားခဲ့သည်။
ရွှေတိဂုံစေတီတော်ကြီးရှိ လုပ်ငန်း ၁၄ မျိုးအား ပုဂ္ဂလိကအဖြစ် လွှဲပြောင်းလုပ်ကိုင်ခွင့်ရရှိမည့် လုပ်ငန်းရှင်နှင့် နှစ်ချုပ် စာချုပ်ချုပ်ဆို သွားမည် ဖြစ်ကြောင်း သိရသည်။
Ref:ရန်ကုန်တိုင်းမ်
************************************
ပြည်တွင်းပါတီ၊ နိုင်ငံရေးသတင်းများ
အကျဉ်းထောင်များသို့ အမျိုးသားလူ့အခွင့်အရေးကော်မရှင်မှ သွားရောက်လေ့လာမည်
မြန်မာနိုင်ငံအတွင်း အစိုးရသစ်လက်ထက်မှစတင်၍ ဖွဲ့စည်းခဲ့သည့် အမျိုးသားလူ့အခွင့်အရေးကော်မရှင်သည် ဒီဇင်ဘာလနှောင်းပိုင်းတွင် နိုင်ငံ အတွင်းရှိ အကျဉ်းထောင်များသို့ ပထမဆုံးအကြိမ် သွားရောက်လေ့လာမည်ဖြစ်ကြောင်း ကော်မရှင်မှ တာဝန်ရှိသူတစ်ဦးက ပြောကြားခဲ့သည်။
အမျိုးသားလူ့အခွင့်အရေးကော်မရှင်မှ သွားရောက်လေ့လာမည့် အကျဉ်းထောင်များမှာ ရန်ကုန်မြို့အနီးတစ်ဝိုက်၌ တည်ရှိသော အကျဉ်းထောင်များ၊ ရဲဘက်စခန်းများကို သွားရောက်မည်ဖြစ်ပြီး နိုင်ငံအတွင်းရှိ အကျဉ်းထောင်နှင့် အကျဉ်းသားများ၏ အခြေအနေကို ခြုံငုံလေ့လာ၍ တွေ့ရှိချက်များကို သက်ဆိုင်ရာ ဌာနများသို့ အကြောင်းကြားစာ တင်သွားမည်ဖြစ်ကြောင်း သိရသည်။
အမျိုးသားလူ့အခွင့်အရေးကော်မရှင်မှ အကျဉ်းထောင်များသို့ သွားရောက်လေ့လာမည့် ရက်အတိအကျကို တရားဝင်ထုတ်ဖော် ပြောကြား သွားခြင်း မရှိသေးသော်လည်း ဒီဇင်ဘာလနှောင်းပိုင်းတွင် ကော်မရှင်အနေဖြင့် သွားရောက်လေ့လာရန် လျာထားကြောင်း သိရသည်။
ထို့ပြင် အမျိုးသားလူ့အခွင့်အရေးကော်မရှင်သည် ကချင်ပြည်နယ် Conflict area များသို့ ဒီဇင်ဘာလအတွင်း သွားရောက်လေ့လာခဲ့ပြီး ၎င်းဧရိယာ အတွင်းရှိ ဒုက္ခသည်များအတွက် Refugee Camp များမှာထားပြီး လက်ရှိအချိန်တွင် UNHCR ကတ်များ ဆောက်လျက်ရှိကြောင်း သိရသည်။
ထိုသို့ အမျိုးသားလူ့အခွင့်အရေးကော်မရှင်၏ ကချင်ပြည်နယ်ခရီးစဉ်တွင် ကချင်ပြည်နယ်အတွင်းရှိ အကျဉ်းထောင်များသို့လည်း သွားရောက် လေ့လာခဲ့ပြီး ကျေနပ်အားရမှုများ ရရှိခဲ့ကြောင်း သိရသည်။
အမျိုးသားလူ့အခွင့်အရေးကော်မရှင်ကို အစိုးရသစ်လက်ထက်တွင် သက်ဆိုင်ရာကဏ္ဍအသီးသီးမှ ကျွမ်းကျင်ပိုင်နိုင်မှုရှိသည့် အငြိမ်းစား ဝန်ထမ်းများဖြင့် ဖွဲ့စည်းခဲ့ခြင်းဖြစ်ပြီး အကြောင်းအမျိုးမျိုးကြောင့် ပြစ်ဒဏ်ကျခံနေရသော အကျဉ်းသားများအား ပြစ်ဒဏ်ကျခံခြင်းမှ ပြန်လည် လွှတ်ပေးရန် နိုင်ငံတော်သမ္မတထံသို့ နှစ်ကြိမ်တိုင်တိုင် တောင်းဆိုထားချက်သည် အမျိုးသားလူ့အခွင့်အရေးကော်မရှင်၏ အထင်ရှားဆုံး စွမ်းဆောင်မှုပင် ဖြစ်သည်။
YC
--------------------------------------------------------------------------------------------------------------------------------
ILO အကူအညီဖြင့် အလုပ်သမားဥပဒေရေးဆ
နိုင်ငံတော်သမ္မတ၏ ခွင့်ပြုချက်ဖြင့် အောက်တိုဘာလ ၁၁ ရက်နေ့၌ ထုတ်ပြန်ပြဋ္ဌာန်းလိုက်သည့် အလုပ်သမား အဖွဲ့အစည်းဥပဒေကို နိုင်ငံတကာ အလုပ်သမားအဖွဲ့ချုပ်(ILO) အကူအညီဖြင့် နိုင်ငံတကာ စံနှုန်းအမီ ရေးဆွဲခဲ့ခြင်း ဖြစ်ကြောင်း အလုပ်သမားဝန်ကြီးဌာနမှ တာဝန်ရှိသူ တစ်ဦးက ပြောကြားခဲ့သည်။
နိုင်ငံတော်သမ္မတမှ ပြဋ္ဌာန်းလိုက်သည့် အလုပ်သမားအဖွဲ့အစည်းဥပဒေတွင် ILO ၏ စည်းမျဉ်း ၈၁ ခုနှင့် ကိုက်ညီစေရန် ရေးဆွဲထားပြီး ၎င်း ဥပဒေ ရေးဆွဲနိုင်ရန် နိုင်ငံတကာအလုပ်သမားအဖွဲ့ချုပ်မှ ပညာရှင်များ၏ အကူအညီကိုရယူ၍ ယခုနှစ် ဇွန်လမှစတင်၍ ဥပဒေမူကြမ်းရေးဆွဲခဲ့ခြင်းဖြစ်ကာ ပြည်တွင်းရှိ ဥပဒေရေးရာကျွမ်းကျင်သူများနှင့် နိုင်ငံတော်အစိုးရအဖွဲ့မှ တာဝန်ရှိသူများပူးပေါင်း၍ ဥပဒေပြင်ဆင်ရေးဆွဲ ပြဋ္ဌာန်းခဲ့ခြင်းဖြစ်ကြောင်း သိရသည်။
ထို့ပြင် ယခု ဥပဒေသည် လုပ်ငန်းခွင်နှင့် နိုင်ငံတော် တိုးတက်တည်ငြိမ်စေရေးအတွက် အထောက်အပံ့ကောင်းများ ဖြစ်လာစေနိုင်မည်ဖြစ်ကာ အဓိကအနေဖြင့် မြန်မာနိုင်ငံရှိ အလုပ်သမားများ၏ အကျိုးစီးပွားကို အကာအကွယ်ပေးရန်ဖြစ်ပြီး နောင်နှစ်မှစတင်၍ အလုပ်သမားအဖွဲ့အစည်းများကို တရားဝင် ဖွဲ့ခွင့်ရရှိပြီဖြစ်ကြောင်း ၎င်းက ဆက်လက်ပြောကြားခဲ့သည်။
ယခုရေးဆွဲပြဋ္ဌာန်းကြေညာလိုက်သည့် အလုပ်သမားအဖွဲ့အစည်းဥပဒေကို ယခုထက်ပို၍ ကောင်းမွန်ခိုင်ခံ့နိုင်စေရန် အလုပ်သမားအဖွဲ့အစည်း နည်းဥပဒေကိုလည်း ဆက်လက်ရေးဆွဲလျက်ရှိပြီး မကြာခင်အချိန်တွင် ပြီးစီးတော့မည်ဖြစ်ပြီး ၎င်း ဥပဒေ၌ အခန်း ၁၄ ခန်းနှင့် ပုဒ်မ ၅၈ ခု ပါဝင်မည် ဖြစ်ကြောင်း သိရသည်။
Ref:Popular News
**********************************
သတင်းနှင့် ဆောင်းပါးများမှ ကောက်နှုတ်ချက်များ
“ဝန်ကြီး ဦးအောင်ကြည်က အိုင်တီလုပ်ငန်းနဲ့ ပတ်သက်ပြီး မြန်ဆန်တွင်ကျယ်ဖို့ လိုအပ်တဲ့အကြောင်း ပြောတယ်။ အဓိကကတော့ လူ့စွမ်းအား အရင်းအမြစ် တည်ဆောက်ရေးဆွေးနွေးပွဲပါ။ လူမှုဖူလုံရေး ဥပဒေကြမ်းစာအုပ်လေးလည်း ထွက်နေပြီ။ အဓိကပွိုင့်ကတော့ ဝန်ထမ်းတွေ၊ အလုပ်သမား တွေအတွက် လူမှုဖူလုံ ရေးဆုငွေ၊ အသက်ကြီးလို့ ပင်စင်စားတဲ့အခါမှာ ခံစားခွင့်တွေရှိပါတယ်။ ဝန်ထမ်းတွေအတွက် အင်မတန်ကောင်းတဲ့အချက်တွေပါ တယ်”
ဒီဇင်ဘာ ၂၉ ထုတ် 7Days News အတွဲ (၁၀)၊ အမှတ် (၄၁) တွင်ပါသည့် ‘နိုင်ငံတကာစံနှင့်အညီ ရေးဆွဲနေသော လူမှုဖူလုံရေး ဥပဒေကြမ်း လာမည့် လွှတ်တော်တွင် တင်သွင်းမည်’ သတင်းမှ မြန်မာနိုင်ငံ ကွန်ပျူတာပညာရှင်အသင်းမှ အမှုဆောင် ဦးအောင်အောင်၏ ပြောကြားချက်အပေါ် ကောက်နှုတ်ချက်
--------------------------------------------------------------------------------------------------------------------------------“ဦးအောင်မင်းနဲ့ တစ်ခါထက်တစ်ခါ ပိုပြီး ရင်းနှီးမှုရလာတယ်။ သူကပွင့်လင်းတယ်။ ပြောသင့်ပြောထိုက်တာတွေ ပြောပါတယ်။ အလုပ်သဘောတွေ့တဲ့ အချိ်မှာ ဘားအံမှာ ထပ်တွေ့ဖို့သဘောတူညီချက်ရခဲ့တယ်။ သွားရေး၊လာရေးမှာ လုံခြုံရေးရဖို့ ဝန်ကြီးဘက်က သဘောတူညီမှုရခဲ့တယ်။ သွားရေး၊ လာရေးဆိုတာက မြဝတီကနေ ဘားအံကို သွားမယ့်အပိုင်းကိုပြောတာ”
ဒီဇင်ဘာ ၂၉ ထုတ် 7Days News အတွဲ (၁၀)၊ အမှတ် (၄၁) တွင်ပါသည့် “အစိုးရနှင့် ကေအင်ယူ အပစ်အခတ်ရပ်စဲရေး သဘောတူ လက်မှတ် ရေးထိုးရန် နီးကပ်လာ” သတင်းမှ ဖရိုစောဒေးဗစ်၏ ပြောကြားချက်အပေါ် ကောက်နှုတ်ချက်
--------------------------------------------------------------------------------------------------------------------------------
“အခုပြဋ္ဌာန်းလိုက်တဲ့ ဥပဒေက ILO ရဲ့ စည်းမျဉ်း ၈၁ ခုနဲ့ ကိုက်ညီတဲ့အပြင် လုပ်ငန်းခွင်နဲ့ နိုင်ငံတော် တိုးတက်တည်ငြိမ်စေရေးအတွက် အများကြီး အထောက် အပံ့ ဖြစ်တယ်။ အဓိကကတော့ ကျွန်တော်တို့နိုင်ငံမှာရှိတဲ့ အလုပ်သမားတွေရဲ့ အကျိုးစီးပွားကို ဒီဥပဒေက အကာအကွယ် ပေးထားတယ်။ အခုရေးဆွဲနေတဲ့ နည်းဥပဒေ ထုတ်ပြန်ပြီးရင်တော့ နောင်နှစ်ကစပြီး အလုပ်သမားအဖွဲ့အစည်းတွေ တရားဝင်ဖွဲ့လို့ရပြီ”
ဒီဇင်ဘာ ၂၉ ထုတ် Popular News အတွဲ (၃) အမှတ် (၅၁)တွင်ပါသည့် “လက်ရှိပြဋ္ဌာန်းလိုက်သည့် အလုပ်သမားဥပဒေ ILO အကူအညီဖြင့် ရေးဆွဲခဲ့ခြင်းဖြစ်” သတင်းမှ အလုပ်သမားဝန်ကြီးဌာန ဒုတိယဝန်ကြီး ဦးမြင့်သိန်း၏ ပြောကြားချက်အပေါ် ကောက်နှုတ် ချက်
*************************************************************************************
Google Docs makes it easy to create, store and share online documents, spreadsheets and presentations.
