Transparency Myanmar

transparency.myanmar@gmail.com

yangonchronicle2011
yangonchronicle2011

၂၉.၁၂.၂၀၁၁

ပြည်တွင်းသတင်းများ

  1. ရန်ကုန်တိုင်းဒေသကြီးအတွင်း မီးလောင်ပေါက်ကွဲမှုကြီးဖြစ်ပွား
  2. မင်္ဂလာအုပ်စုကြောင့် ရုပ်ရှင်လောက ပြိုလဲလာဟု သရုပ်ဆောင်များ၊ ဒါရိုက်တာများ စွပ်စွဲ
  3. ရေအားလျှပ်စစ်စီမံကိန်း ဆောင်ရွက်ခြင်းမရှိသည့် ထိုင်းကုမ္ပဏီတစ်ခု တရားစွဲခံရ

ပြည်တွင်းပါတီ၊ နိုင်ငံရေးသတင်းများ

  1. အမျိုးသားရေး ပူးပေါင်းဆောင်ရွက်မှုအတွက် တစညနှင့် ပြည်ခိုင်ဖြိုး ပါတီတွေ့ဆုံ
  2. မြန်မာ-အင်ဒို ပူးပေါင်းဆောင်ရွက်ရေး ဒုတိယအကြိမ်မြောက် စည်းဝေးပွဲပြုလုပ်

သတင်းနှင့် ဆောင်းပါးများမှ ကောက်နှုတ်ချက်များ

              ******************************************

ပြည်တွင်းသတင်းများ

ရန်ကုန်တိုင်းဒေသကြီးအတွင်း မီးလောင်ပေါက်ကွဲမှုကြီးဖြစ်ပွား

၂၀၁၁ ခုနှစ် ဒီဇင်ဘာလ ၂၉ ရက်နေ့ နံနက် ၁ နာရီ ၃၀ မိနစ်ဝန်းကျင်ခန့်တွင် ရန်ကုန်တိုင်းဒေသကြီးအတွင်းရှိ  မင်္ဂလာတောင်ညွှန့်မြို့နယ်၊ ကူးတို့ဆိပ် ရပ်ကွက်တွင် မီးလောင်ပေါက်ကွဲမှုကြီးဖြစ်ပွားခဲ့ကြောင်း သိရသည်။

မင်္ဂလာတောင်ညွှန့်မြို့နယ်အတွင်း မီးလောင်ပေါက်ကွဲမှုကြီးဖြစ်ပွားရခြင်း၏ အဓိကအကြောင်း အရင်းများကိုမူ အသေးစိတ် သိရှိရခြင်းမရှိသော်လည်း အဆိုပါ မီးလောင်ပေါက်ကွဲမှုကြီးကြောင့် အနီးအနားဝန်းကျင်ရှိ နေထိုင်သူများ၊ အိမ်များ၊ ဂိုဒေါင်များ၊ ပျက်စီးဆုံးရှုံးမှု များပြားခဲ့ရကြောင်း သိရသည်။

၎င်း မီးလောင်ပေါက်ကွဲမှုကြီး၌ ထိခိုက်ဒဏ်ရာရရှိခဲ့သူများအား ရန်ကုန်ပြည်သူ့ဆေးရုံကြီးသို့ နီးစပ်ရာ ကားများဖြင့် ပို့ဆောင်ပေးထားပြီး နံနက် ၃ နာရီ ၄၅ မိနစ်အချိန်ထိတိုင် ကုန်ပစ္စည်းသိုလှောင်ရုံများ၌ မီးလောင်ကျွမ်းနေဆဲ ဖြစ်ကြောင်း သိရသည်။

“မနက်မိုးလင်းလို့ မီးတောက်မရှိတော့ပေမယ့် ကျန်တဲ့ မီးကြွင်းမီးကျန်တွေကို မီးသတ်သမားတွေ ငြိမ်းနေတုန်းပဲ။  မီးလောင်တဲ့နေရာရဲ့ အနီးအနား ရပ်ကွက်က လူထုက မနက်ပိုင်းမှာ မီးလောင်ခံစားခဲ့ရတဲ့သူတွေကို ကူညီဖို့အတွက် ကြိုးစားနေပါတယ်” ပာု မျက်မြင်တွေ့ရှိသူ တစ်ဦးက ပြောကြားခဲ့သည်။

YC

-----------------------------------------------------------------------------------------------------------------------------------

မင်္ဂလာ အုပ်စုကြောင့် ရုပ်ရှင်လောက ပြိုလဲလာဟု သရုပ်ဆောင်များ၊ ဒါရိုက်တာများ စွပ်စွဲ

ပြန်ကြားရေးဝန်ကြီး ဦးကျော်ဆန်းနှင့် အထူးနီးစပ်သူ ဦးဇော်မင်း ဥက္ကဋ္ဌအဖြစ် တာဝန်ယူထားသည့် မင်္ဂလာအုပ်စု၏ ချက်လှယ်နေမှုကြောင့် မြန်မာ့ ရုပ်ရှင်လောက ပြိုလဲလာခြင်းဟု ရုပ်ရှင်ဒါရိုက်တာတစ်ဦးက ပြောကြားသည်။

မြန်မာနိင်ငံတွင် ၂၀၁၂ ခုနှစ်ခုနှစ်တွင် ရိုက်ကူးပြီးစီးသော ဇတ်ကာကို လက်ရှိရုံတင်စနစ်အရ ၂၀၁၄ ခုနှစ်( ၂နှစ် နီးပါးကြာမှ) မှ ရုံတင်ခွင့်ရကြောင်း ရုပ်ရှင်ရုံများကို နှစ်ရှည်ငှားရမ်းလုပ်ကိုင်နေသော မင်္ဂလာအုပ်စုအနေဖြင့်  ဆင်ဆာခွင့်ပြုချက်ရ ကားတစ်ကားကို ပြသချိန်သုံးပတ်နှုန်း သတ်မှတ်ထားကြောင်း အထက်ပါ ဒါရိုက်တာက ဆိုသည်။

မင်္ဂလာအုပ်စုပိုင် သမ္မတရုပ်ရှင်ရုံ တစ်ပွဲရုံပြည့် (၁၀၆၄၁၀၀)၁၀သိန်းရပြီး တစ်နေ့ ငါးပွဲပြသလျှင် တစ်ပတ်ကို သိန်း (၃၇၂)ကျော် ဝင်ငွေရှိကြောင်း တပတ် ဝင်ငွေ ၆၀% သိန်း(၂၂၀) ကျော်ဝင်သည့် ကားကို သုံးပတ်ပြသခွင့်ပြုပြီး ၈၀% ကျော်သိန်း(၂၉၇)သိန်း ရသည့်ကားကို ၄ပတ် ပြသခွင့်ပြုကာ အကယ်ဒမီ ဆုရကားကို ၀င်ငွေ ၆၀% မကျော်လျှင် ၂ပတ်သာ ပြခွင့်ရှိကြောင်း လူငယ်ထုတ်လုပ်သူတစ်ဦးက ပြောကြားသည်။

ထုတ်လုပ်သူများအနေဖြင့် မင်္ဂလာအုပ်စုမှ သတ်မှတ်ထားသော ငွေဝင်စံချိန်မှီအောင် ရုပ်ရှင်လက်မှတ်မျာ ပြန်ဝယ်ကာ  မေတ္တာ လက်မှတ် ပေးဝေရ သဖြင့်  အမြတ်မရတော့ကြောင်း အထူးသဖြင့် သမ္မတရုံ ရှေ့ဆုံတန်း ၆၀၀ တန်း ၅ တန်းမှာ မော့ကြည့်ရသဖြင့် လူမဝင်သည်ကို ထုတ်လုပ်သူမှ ဝယ်ဖြည့်ရ သည်ဟု ၎င်းဆိုသည်။

၂နှစ်နီးပါကြာမှ ရုံတင်သည့် ပြဿနာကို ဖြေရှင်းလိုလျှင် နေပြည်တော်နှင့် ရှေ့ဆောင်များတွင် မြန်မာကားများ ပြသခြင်းဖြင့် ဖြေရှင်းနိုင်ကြောင်း နှစ်ရှည် ငှားရမ်းထားသော ရုံများအနေဖြင့် မြန်မာကားများကို ဦးစားပေးပြသရန် လိုအပ်ပြီး မြန်မာကားမရှိမှသာ နိုင်ငံခြားကား ရုံတင်မည်ဆိုလျှင် ရုပ်ရှင်လောက ပြန်လည် ခေါင်းမော့လာမည်ဟု ရုပ်ရှင်လောကသားများက ဆိုသည်။

ရုပ်ရှင်ထုတ်လုပ်သူများအနေဖြင့် ဇတ်ကားတစ်ကားပြသနိင်ရန် သိန်းထောင်းချီ ရင်းနှီးထားရချိန်တွင် မင်္ဂလာအုပ်စုအနေဖြင့် ရုပ်ရှင်ရုံတစ်ရုံ တစ်လ ရှစ်သိန်းဖြင့်  အစိုးထံမှ ငှားရမ်းလုပ်ကိုင်ခွင့်ရရှိနေသည်ဟု  မြန်မာ့ရုပ်ရှင်လုပ်ငန်းမှ သိရှိရသည်။

မင်္ဂလာ ကုမ္ပဏီမှနှစ်ရှည် ငှားရမ်းထားသော ရုပ်ရှင်ရုံများမှာ ရန်ကုန်တွင် သမ္မတ၊ သွင်၊ နေပြည်တော်၊ ရှေ့ဆောင်ရုံတို့ဖြစ်ပြီး မန္တလေးတွင် ဝင်းလိုက်၊ မြို့မရုပ်ရှင်ရုံဖြစ်ကာ မင်္ဂလာရုပ်ရှင်ရုံမှာ ကုမ္ပဏီပိုင်ဖြစ်ကာ အားလုံးရုံကောင်းများကို လက်ဝါးကြီးအုပ်ထားသည်။

MP

-----------------------------------------------------------------------------------------------------------------------------------

ရေအားလျှပ်စစ်စီမံကိန်း ဆောင်ရွက်ခြင်းမရှိသည့် ထိုင်းကုမ္ပဏီတစ်ခု တရားစွဲခံရ

မြန်မာ-ထိုင်း ဆက်သွယ်မည့် လျှပ်စစ်ဓာတ်အားလိုင်း စီမံကိန်းဖြစ်သည့် တာဆန်း ရေအားလျှပ်စစ်စီမံကိန်းကို အကောင်အထည်ဖော်     ဆောင်ရွက်နိုင်ခြင်း မရှိခဲ့သည့် ထိုင်းနိုင်ငံရှိ MDX ကုမ္ပဏီတစ်ခုအား တရားစွဲဆိုထားကြောင်း အမှတ် (၁) လျှပ်စစ်စွမ်းအား ဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။

တာဆန်းရေအားလျှပ်စစ်စီမံကိန်းသည် မြန်မာနိုင်ငံမှ တာဆန်းရေကာတာနှင့် ထိုင်းနိုင်ငံ မဲခေါင်လျှပ်စစ်လိုင်းကို ဆက်သွယ်မည့် လျှပ်စစ်စီမံကိန်း တစ်ခုဖြစ်ပြီး ၎င်း လျှပ်စစ်စီမံကိန်း ဆောင်ရွက်ရန် မြန်မာနိုင်ငံနှင့် ထိုင်းနိုင်ငံရှိ MDX ကုမ္ပဏီတို့ အကျိုးတူပူးပေါင်းဆောင်ရွက်မှု သဘောတူစာချုပ်ကို ချုပ်ဆို ထားကြောင်း သိရသည်။

ထိုသို့ သဘောတူစာချုပ် ချုပ်ဆိုထားသော်လည်း ထိုင်းနိုင်ငံရှိ MDX ကုမ္ပဏီသည် ၎င်း တာဆန်းရေအားလျှပ်စစ်စီမံကိန်းကို အကောင်အထည်ဖော် ဆောင်ရွက်ခြင်းမရှိသည့်အတွက် မြန်မာဘက်မှ တရားစွဲဆိုခဲ့ခြင်းဖြစ်ကြောင်း ၎င်းကဆက်လက်ပြောကြားခဲ့သည်။

ထို့ပြင် တာဆန်းရေအားလျှပ်စစ် စီမံကိန်းထက် ပိုမိုကောင်းမွန်နိုင်မည့် အထက်သံလွင်(မိုင်းတုံ) ရေအားလျှပ်စစ် စီမံကိန်းကို ပြည်ပနိုင်ငံနှစ်ခုဖြစ်သော တရုတ်နှင့် ထိုင်းနိုင်ငံမှ ကုမ္ပဏီ နှစ်ခု၊ ပြည်တွင်းတိုင်းရင်းသားကုမ္ပဏီနှင့် သက်ဆိုင်ရာဌာနတို့မှ အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။

Ref: Hot News

                                 ************************************

ပြည်တွင်းပါတီ၊ နိုင်ငံရေးသတင်းများ

အမျိုးသားရေး ပူးပေါင်းဆောင်ရွက်မှုအတွက် တစညနှင့် ပြည်ခိုင်ဖြိုး ပါတီတွေ့ဆုံ

အမျိုးသားရေး ပူးပေါင်းဆောင်ရွက်နိုင်ရေးအတွက် ရည်ရွယ်၍ ၂၀၁၀ ရွေးကောက်ပွဲဝင်ပါတီများဖြစ်သည့် တိုင်းရင်းသား စည်းလုံးညီညွှတ်ရေးပါတီနှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီတို့သည် ၂၀၁၁ ခုနှစ် ဒီဇင်ဘာလ ၂၂ ရက်နေ့တွင် တိုင်းရင်းသားစည်းလုံးညီညွှတ်ရေး ပါတီဌာနချုပ်၌ တွေ့ဆုံခဲ့ ကြောင်း သိရသည်။

တစည်ပါတီနှင့် ပြည်ခိုင်ဖြိုးပါတီတို့၏ ယခုတွေ့ဆုံဆွေးနွေးမှုသည် အမျိုးသားအရေးတွင် ပူးပေါင်းဆောင်ရွက်မှုများ ပြုလုပ်သွားနိုင်ရန် တွေ့ဆုံခဲ့ခြင်း ဖြစ်ပြီး အလုပ်သဘောအရ ဆွေးနွေးသွားရန် တွေ့ဆုံခဲ့ခြင်းမပာုတ်ကြောင်း တိုင်းရင်းသား စည်းလုံးညီညွှတ်ရေးပါတီမှ တာဝန်ရှိသူတစ်ဦးက ပြောကြားခဲ့သည်။

"ပူးပေါင်းလုပ်ငန်းစဉ်ဆိုတဲ့ ခေါင်းစည်းတစ်ခုရှိတယ်။ အဲဒီခေါင်းစဉ်အရရော၊ နောက်တစ်ခုက ကိုယ်ငယ်ငယ်တုန်းက ဗိုလ်ချုပ်ကြီးထွန်းရီပာာ ကိုယ် တွေရဲ့ အကြီးအကဲဖြစ်ခဲ့တယ်။ ကိုယ့်တပ်မတော်ရဲ့ အကြီးအကဲပောာင်းကို သွားပြီး ဂါဝရပြုတာလည်း ပါတယ်။ ပြီးတော့ တို့ရဲ့ ၂၀၁၁ ခုနှစ်၊ ဖေဖော်ဝါရီ (၁၇) ရက်မှာ ထုတ်ထားတဲ့ ရွေးကောက်ပွဲ ကြေငြာချက်စာတမ်းပါ လုပ်ငန်းတွေထဲမှာ ပူးပေါင်းဆောင်ရွက်ရေး လုပ်ငန်းစဉ်ဆိုတာ တစ်ခုပါတယ်။ အဲဒီလုပ်ငန်းစဉ်မှာ ဖော်ပြထားတာက တရားဝင်ပါတီ အဖွဲ့အစည်း အင်အားစုအားလုံးကို အေးချမ်းသာယာပြီး ဖွံ့ဖြိုးတိုးတက်တဲ့ ဒီမိုကရေစီနိုင်ငံတော် တည်ဆောက်ရာမှာ လုပ်ဖော်ကိုင်ဖက်များအဖြစ် သဘောထားပြီး ဆက်ဆံသွားမယ်ဆိုတဲ့အချက်အရ တိုင်းရင်းသား စည်းလုံးညီညွှတ်ရေးပါတီနှင့် တွေ့ဆုံခဲ့တာပါ" ပာု ပြည်ခိုင်ဖြိုး ပါတီ၏ ဗပိာုအလုပ်အမှုဆောင်၊ ရန်ကုန် တိုင်းဒေသကြီးတာဝန်ခံနိုင်ငံရေးမှူးကြီး ဦးအောင်သိန်းလင်းက ပြောကြားခဲ့သည်။

ထို့ပြင် တစညပါတီနှင့် ပြည်ခိုင်ဖြိုးပါတီတို့ ယခုတစ်ကြိမ်တွေ့ဆုံမှုသည် လုပ်ဖော်ကိုင်ဖက်၊ ရဲဘော်ရဲဘက်များအဖြစ် သဘောထား ဆက်ဆံရန် မိတ်ဆက်ခြင်းဖြစ်ကြောင်း တစညပါတီနှင့် ပြည်ခိုင်ဖြိုးပါတီတို့ အမျိုးသားအကျိုးရှိနိုင်မည့် နေရာများတွင် ပူးပေါင်း၍ လုပ်ဆောင်သွားမည်ဖြစ်ကြောင်း ၎င်းက ဆက်လက် ပြောကြားခဲ့သည်။

တစညပါတီနှင့် ပြည်ခိုင်ဖြိုးပါတီတို့ ယခုတွေ့ဆုံမှုသည် ဦးအောင်သိန်းလင်းမှ ယခင်တပ်မတော်အကြီးအကဲများကို ဂါဝရပြုချင်သည်ပာု ခွင့်တောင်း လာသည့်အတွက် တွေ့ဆုံခြင်းဖြစ်ပြီး အလုပ်သဘောအရ တွေ့ဆုံခြင်းမပာုတ်ကြောင်း၊ ယနေ့ခေတ်သည် ပါတီစုံဒီမိုကရေစီခေတ် ဖြစ်သည့်အတွက် ပါတီတိုင်း သီးခြားရပ်တည်၍ မရတော့သည့်အတွက် တစညပါတီအနေဖြင့် ပြည်ခိုင်ဖြိုးပါတီနှင့်သာမက အခြားပါတီများနှင့်လည်း တမျိုးသားလုံးအရေးအတွက် ပူးပေါင်း ဆောင်ရွက်သွားမည်ဖြစ်ကြောင်း တိုင်းရင်းသားစည်းလုံးညီညွှတ်ရေးပါတီမှ တာဝန်ရှိသူတစ်ဦးက ပြောကြားခဲ့သည်။

                Ref: Hot News

-----------------------------------------------------------------------------------------------------------------------------------

မြန်မာ-အင်ဒို ပူးပေါင်းဆောင်ရွက်ရေး ဒုတိယအကြိမ်မြောက် စည်းဝေးပွဲပြုလုပ်

၂၀၁၁ ခုနှစ် ဒီဇင်ဘာလ ၂၈ ရက်နေ့တွင် မြန်မာ-အင်ဒို နှစ်နိုင်ငံပူးပေါင်းဆောင်ရွက်မှု ကော်မရှင်၏ ဒုတိယအကြိမ်မြောက် အစည်းအဝေးကို ရန်ကုန်မြို့ရှိ ဆီဒိုးနားပိာုတယ်၌ ကျင်းပပြုလုပ်ခဲ့ကြောင်း သိရသည်။

၎င်း အစည်းအဝေးအခမ်းအနား၌ အင်ဒိုနီးရှား နိုင်ငံခြားရေးဝန်ကြီး ဒေါက်တာမာတီနာတာလီဂါဝါ တက်ရောက်ခဲ့ပြီး မြန်မာလူထုခေါင်းဆောင် ဒေါ်အောင်ဆန်းစုကြည်နှင့် နေ့လည်ပိုင်းတွင် တွေ့ဆုံကာ ညနေပိုင်းအချိန်တွင် ဆီဒိုးနားပာိုတယ်၌ သတင်းစာရှင်းလင်းပွဲတစ်ရပ်ပြုလုပ်ခဲ့ကြောင်း သိရသည်။

အင်ဒိုနီးရှား နိုင်ငံခြားရေးဝန်ကြီး ဒေါက်တာမာတီနာတာလီဂါဝါသည် မြန်မာနိုင်ငံသို့ အောက်တိုဘာလအတွင်း၌ မြန်မာအာဆီယံဥက္ကဋ္ဌ တာဝန်ယူရေး ကိစ္စရပ်နှင့် ပတ်သက်၍ တစ်ကြိမ်လာရောက်ခဲ့ဘူးပြီး ယခုတစ်ကြိမ် လာရောက်မှုသည် မြန်မာ-အင်ဒို နှစ်နိုင်ငံပူးတွဲဆောင်ရွက်မှု ပူးတွဲကော်မရှင်၏ ဒုတိယ အကြိမ်မြောက်အစည်းအဝေးအတွက် လာရောက်ခြင်းဖြစ်ကြောင်း အင်ဒိုနီးရှား နိုင်ငံခြားရေးဝန်ကြီး ဒေါက်တာမာတီနာတာလီဂါဝါ ကပြောကြားခဲ့သည်။

မြန်မာ-အင်ဒို နှစ်နိုင်ငံပူးပေါင်းဆောင်ရွက်မှု ကော်မရှင်၏ ပထမအကြိမ်မြောက်အစည်းအဝေးကို ပြီးခဲ့သည့် ၂၀၀၇ ခုနှစ်တွင် ပြုလုပ်ခဲ့ပြီး ယခု ကျင်းပ ခဲ့သည့် ဒုတိယအကြိမ်မြောက်အစည်းအဝေးတွင် နှစ်နိုင်ငံဆက်ဆံရေးကို ပြန်လည်သုံးသပ်ရန်နှင့် တိုးမြှင့်ဆောင်ရွက်နိုင်ရေး ကိစ္စရပ်များကို ညှိနှိုင်းဆွေးနွေး ခဲ့ကြကြောင်း သိရသည်။

ထို့ပြင်  မြန်မာ-အင်ဒို နှစ်နိုင်ငံကြား ကုန်သွယ်မှုများကို ၂၀၁၅ ခုနှစ်တွင် သန်း ၅၀၀ ပြည့်မီရေး ကိစ္စရပ်များကို ဆွေးနွေးမှုများပြုလုပ်ခဲ့ပြီး ၂၀၁၂ ခုနှစ် တွင် မြန်မာနိုင်ငံ၏ သစ်တော၊ လယ်ယာ၊ မွေးမြူရေး၊ သယ်ယူပို့ဆောင်ရေး၊ အိုင်စီတီနှင့် ဘဏ်လုပ်ငန်းဆိုင်ရာ ကဏ္ဍများတွင် အင်ဒိုနီးရှားနိုင်ငံမှ ကူညီ ထောက်ပံ့မှုများ ပြုလုပ်ပေးနိုင်ရန်နှင့် မြန်မာ-အင်ဒို နှစ်နိုင်ငံအကြား ခရီးသွားလာရေးကဏ္ဍကို မြှင့်တင်သည့်အနေဖြင့် ပုဂံနှင့် Borobudur ခရီးသွားလာရေး ပူးတွဲမြှင့်တင်သည့် ကိစ္စရပ်များကိုလည်း ဆွေးနွေးခဲ့ကြောင်း သိရသည်။

Ref: Bi Weekly Eleven