Posts
 | yangonchronicle2011 |
၃၀.၁၂.၂၀၁၁
ပြည်တွင်းသတင်းများ
- ဘဏ်ချေးငွေဖြင့် သင်္ဘောကျင်းလုပ်ငန်း ဆက်လက်လုပ်ကိုင်မည်
- ဦးပိုင် သကြားစက်မှ ရေဆိုးများကြောင့် ရွေဘိုမြို့လူထု ထိတ်လန့်
- ပြည်တွင်းရှိ နိုင်ငံခြားငွေဖြင့် လစာရ လုပ်သားများ ဝင်ငွေခွန် ဆက်လက်ပေးဆောင်ရမည်
ပြည်တွင်းပါတီ၊ နိုင်ငံရေးသတင်းများ
- ထိုင်းအခြေစိုက် ဒီမိုကရက်တစ်အင်အားစုအဖွဲ့တစ်ခုမှ ငြိမ်းချမ်းရေးလုပ်ဆောင်မှု အသိအမှတ်ပြု
- ကချင်ပြည်နယ်စစ်ဘေးအတွက် အကူအညီများ လိုအပ်နေဆဲ
သတင်းနှင့် ဆောင်းပါးများမှ ကောက်နှုတ်ချက်များ
******************************************
ပြည်တွင်းသတင်းများ
ဘဏ်ချေးငွေဖြင့် သင်္ဘောကျင်းလုပ်ငန်း ဆက်လက်လုပ်ကိုင်မည်
မြန်မာနိုင်ငံ၏ ယခုနှစ် နိုင်ငံတော် ဘတ်ဂျက်သစ်တွင် နိုင်ငံတော်ပိုင် လုပ်ငန်းတစ်ခုဖြစ်သည့် မြန်မာ့သင်္ဘောကျင်း လုပ်ငန်းနေဖြင့် ဘဏ်ချေးငွေဖြင့်သာ ဆက်လက်ရပ်တည် လုပ်ကိုင်ရတော့မည်ဖြစ်ကြောင်း မြန်မာ့သင်္ဘောကျင်းမှ တာဝန်ရှိသူတစ်ဦးက ပြောကြားခဲ့သည်။
အစိုးရသစ်လက်ထက်မှစတင်၍ နိုင်ငံတော်၏ ဘတ်ဂျက်မူဝါဒများ ပြောင်းလဲသွားသည့်အတွက် မြန်မာ့သင်္ဘောကျင်းလုပ်ငန်းအနေဖြင့် နိုင်ငံတော် ဘတ်ဂျက်ကို ယူသုံးစွဲခွင့်ရှိတော့မည်မပာုတ်ဘဲ အတိုးနှုန်း ၁၁ ရာခိုင်နှုန်းဖြင့် ချေးပေးမည့် ဘဏ်ချေးငွေဖြင့်သာ လုပ်ကိုင် ဆောင်ရွက်ရတော့မည်ဖြစ်ကြောင်း ၎င်းက ဆက်လက်ပြောကြားခဲ့သည်။
အစိုးရသစ်လက်ထက်မှ စတင်၍ ကျင့်သုံးမည့် နိုင်ငံတော်ဘတ်ဂျက်စနစ်သစ်မှာ နိုင်ငံတော်မှ ၎င်းလက်အောက်ရှိ စီးပွားရေး လုပ်ငန်းများကို ချေးငွေ ပေး၍ လုပ်ကိုင်စေမည့်စနစ်ဖြစ်ပြီး အရှုံးပေါ်သည့် ဝန်ကြီးဌာနများအနေဖြင့် တာဝန်တစ်ခု လွှဲပြောင်းယူရ နိုင်ဖွယ်ရှိကြောင်း သိရသည်။
မြန်မာ့သင်္ဘောကျင်း လုပ်ငန်းအနေဖြင့်လည်း ဘဏ်ချေးငွေဖြင့် ဆက်လက်ရပ်တည်ရန်မှာ အခက်အခဲများစွာ ရှိနေသည့်အပြင် ပညာရှင်ပိုင်းတွင်လည်း ကျွမ်းကျင်ဝန်ထမ်းများ လိုအပ်နေသေးသည့်အတွက် လုပ်ငန်းလည်ပတ်မှုပိုင်းတွင် လိုအပ်ချက်များစွာ ရှိနေသေးကြောင်း သိရသည်။
မြန်မာနိုင်ငံ အစိုးရသစ်၏ မူဝါဒသစ်များအရ ဝင်ငွေရှာပေးနိုင်သော ဌာနများကို ကိုယ်ပိုင်ငွေဖြင့်ရပ်တည်ရန် ဆောင်ရွက်လာခဲ့ပြီး အစိုးရ၏ ဘဏ္ဍာငွေ လေလွင့်ဆုံးရှုံးမှုများကို ကာကွယ်လာနိုင်သည့်အပြင် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုများကို တစ်ဖက်တစ်လမ်းမှ အထောက်အကူပြုလာခဲ့ကြောင်း သိရသည်။
YC
-----------------------------------------------------------------------------------------------------------------------------------
ဦးပိုင် သကြားစက်မှ ရေဆိုးများကြောင့် ရွေဘိုမြို့လူထုထိတ်လန့်
ရွေဘိုမြို့သူမြို့သားများ၏ သောက်သုံးရေ အဓိကရင်းမြစ်ဖြစ်သည့် မဟာနန္ဒာကန်တော်ကြီးထဲသို့ ဇီးကုန်းကျေးရွာအနီးရှိ မြန်မာ့စီးပွားရေး ဦးပိုင် လိမိတက်မှ ပိုင်ဆိုင်သည့် သကြားစက်မှ စွန့်ပစ်ရေဆိုးများ စီးဝင်မှုကြောင့် ရေသတ္တဝါများနှင့် မြွေများ သေဆုံးပြီးနောက် မြို့နေလူထုမှာ ထိတ်လန့်နေကြောင်း ဒေသခံများက ပြောကြားသည်။
ဇီးကုန်းကျေးရွာအနီးရှိ သကြားစက်နှင့် တွဲထားသော BE အရက်ချက်စက်ရုံမှ အီသနောများ မဟာနန္ဒာကန်တွင်းသို့ စီးဝင်သော ပင်မဦးအောင်ဇေယျ တူးမြောင်းအတွင်းသို့ ရေမည်းများစီးဝင်ပြီး ယင်းရေမြောင်းတစ်လျှောက်ရှိ ကျေးရွာသားများ ရေချိုးရာတွင် ယားယံမှုများ အဖုအပိန့်များ ထွက်သူများရှိကြောင်း စုံစမ်းသိရှိရသည်။
ယင်းစက်ရုံ မတည်ဆောက်ခင်း အနီးတဝိုက်ရှိ ကြံခင်းဧကတစ်ထောင်ကျော်ကို စက်ရုံဧရိယာအဖြစ် သတ်မှတ်သိမ်းယူ ခဲ့ပြီး လျှော်ကြေးမပေးခဲ့ကြောင်း ယခုရေဆိုးများကို စက်ရုံပိုင်မြေအတွင်းမှာပင် စွန့်ပစ်လို့ရနိုင်ကြောင်း ကြံတောင်သူတစ်ဦးက ပြောကြားသည်။
မဟာနန္ဒာကန်မှ ရေကို ရွေဘိုမြို့ရှိရပ်ကွက် ၁၀ရပ်ကွက်မှ ပိုက်များဖြင့် သွယ်သုံးကြပြီး မဟာနန္ဒာကန်ဟုခေါ်သည့်ကန်ကို ကုန်ဘောင် မင်းဆက်ကို ထူထောင်ခဲ့သူ အလောင်းဘုရားဦးအောင်ဇေယျက တူးဖော်ခဲ့ခြင်းဖြစ်သည်။
ယင်းသကြားစက်ကို ဦးပိုင်ထံမှ ဦတေဇလွဲပြောင်းလုပ်ကိုင်နေကြောင်း ဆရာတော်တစ်ပါးက ပြောဆိုသော်လည်း သီးခြားအတည်ပြုနိုင်ခြင်း မရှိပါ ဦးတေဇအနေဖြင့် စီးပွားရေးလုပ်ငန်းမျိုးစုံ လုပ်ကိုင်နေသော်လည်း အရက်၊ ဆေးလိပ်၊ ငါး လုပ်ငန်း မလုပ်ဟု ပြောဆိုထားသည်။
MP
-----------------------------------------------------------------------------------------------------------------------------------
ပြည်တွင်းရှိ နိုင်ငံခြားငွေဖြင့် လစာရ လုပ်သားများ ဝင်ငွေခွန်ဆက်လက်ပေးဆောင်ရမည်
ပြည်ထောင်စုအစိုးရအဖွဲ့မှ ပြည်ပနေမြန်မာနိုင်ငံသားများအား ဝင်ငွေခွန်ကင်းလွတ်ခွင့် အမိန့်ကြေညာစာအမှတ် (၅၇/၂၀၁၁)ကို ထုတ်ပြန်ခဲ့သော်လည်း ပြည်တွင်းရှိ နိုင်ငံခြားငွေဖြင့် လစာရရှိသည့် လုပ်သားများအနေဖြင့်မူ ဝင်ငွေခွန် ဆက်လက်ပေးဆောင်နေရမည်ဖြစ်ကြောင်း သိရသည်။
ပြည်ထောင်စုအစိုးရအဖွဲ့၏ ထုတ်ပြန်ချက်တွင် ပြည်ပနေနိုင်ငံသားများကိုသာ ဝင်ငွေခွန်ကင်းလွတ်ခွင့် ပြုထားခြင်းဖြစ်ပြီး ပြည်တွင်းနေ နိုင်ငံခြားငွေဖြင့် လစာရ မြန်မာလုပ်သားများအတွက် ဝင်ငွေခွန်ကင်းလွတ်ခွင့်များထဲတွင် မပါရှိကြောင်း ပြည်ထောင်စုအစိုးရအဖွဲ့မှ တာဝန်ရှိသူတစ်ဦးက ပြောကြားခဲ့သည်။
၁၉၇၄ ခုနှစ် ဝင်ငွေခွန်ဥပဒေပါအချက်များတွင် ပြည်ပနေနိုင်ငံသားဆိုသည်မှာ မြန်မာနိုင်ငံ၏ပြင်ပတွင် နှစ်တစ်နှစ်(သို့) မည်သည့်ကာလ အပိုင်းအခြား မဆို နေထိုင်အလုပ်လုပ်ကိုင်၍ ထိုပြင်ပတွင် ဝင်ငွေရရှိသော ပြည်ထောင်စုသမ္မတ မြန်မာနိုင်ငံတော်၏ နိုင်ငံသားကို ဆိုလိုကြောင်း ဖော်ပြခဲ့သည်။
ဝင်ငွေခွန်ကင်းလွတ်ခွင့် ပြုလိုက်သည့် ကိစ္စရပ်နှင့် ပတ်သက်၍ စီးပွားရေးလုပ်ငန်းရှင်တစ်ဦးမှ "အခုလို ပြည်ပနေနိုင်ငံသားတွေကို ဝင်ငွေခွန် ကင်းလွတ်ခွင့် ပြုလိုက်တာကို ကြိုဆိုပါတယ်။ ပြည်ပမှာ သွားရောက် အလုပ်လုပ်ကိုင်နေတဲ့သူတွေအတွက်ကတော့ အသက်ရှု နည်းနည်းချောင်သွားတာပေါ့။ ပြည်တွင်းမှာ နေထိုင်ပြီးတော့ နိုင်ငံခြားငွေလစာ ရရှိနေတဲ့သူတွေအတွက်လဲ အစိုးရအဖွဲ့က နည်းနည်းလျှော့ပေါ့ စဉ်းစားပေးသင့်ပါတယ်" ပာု ပြောကြားခဲ့သည်။
လက်ရှိအချိန်တွင် ပြည်တွင်းရှိ နိုင်ငံခြားငွေလစာရရှိသည့် လုပ်သားများကို နိုင်ငံခြားငွေလစာအပေါ် ဝင်ငွေခွန် ၂ ရာခိုင်နှုန်း သတ်မှတ်ကောက်ခံ လျက်ရှိကြောင်း သိရသည်။
YC
************************************
ပြည်တွင်းပါတီ၊ နိုင်ငံရေးသတင်းများ
ထိုင်းအခြေစိုက် ဒီမိုကရက်တစ်အင်အားစုအဖွဲ့တစ်ခုမှ ငြိမ်းချမ်းရေးလုပ်ဆောင်မှု အသိအမှတ်ပြု
မြန်မာနိုင်ငံ၌ အစိုးရသစ်လက်ထက်မှ စတင်၍ ပြည်တွင်း ငြိမ်းချမ်းမှုဖော်ဆောင်ရေး အဖွဲ့ခေါင်းဆောင် ရထားပို့ဆောင်ရေး ဝန်ကြီးဌာနမှ ပြည်ထောင်စု ဝန်ကြီး ဦးအောင်မင်းဦးဆောင်၍ လုပ်ဆောင်လျက်ရှိသည့် ပြည်တွင်းငြိမ်းချမ်းရေး လုပ်ဆောင်နေမှုများကို ထိုင်းနိုင်ငံအခြေစိုက် ဒီမိုကရက်တစ် အင်အားစု (မြန်မာနိုင်ငံ)မှ အသိအမှတ်ပြုခဲ့ကြောင်း သိရသည်။
ပြည်ထောင်စုဝန်ကြီး ဦးအောင်မင်းဦးဆောင်သည့် ပြည်တွင်းငြိမ်းချမ်းရေးဖော်ဆောင်ရေးအဖွဲ့သည် ဒီဇင်ဘာလ ၁ ရက်နေ့တွင် ကရင်အမျိုးသား အစည်းအရုံးနှင့် ငြိမ်းချမ်းရေးဆွေးနွေးမှုများ ပြုလုပ်ရန် ထိုင်းနိုင်ငံမဲဆောက်မြို့သို့ သွားရောက်ခဲ့ကြောင်း သိရသည်။
၎င်း ဆွေးနွေးပွဲ၌ ပြည်ထောင်စုဝန်ကြီးဦးအောင်မင်းမှ မြန်မာနိုင်ငံအတွင်း ယုံကြည်ချက်ကြောင့် အကျဉ်းကျခံနေသူ အားလုံးနီးပါးကို လာမည့် ဇန်နဝါရီလ ၄ ရက်နေ့နှင့် ဖေဖော်ဝါရီလ ၁၂ ရက်နေ့တို့တွင် နှစ်သုတ်ခွဲ၍ လွှတ်ပေးရန် ရှိကြောင်း ထည့်သွင်းပြောကြားခဲ့သည်။
ပြည်ထောင်စုဝန်ကြီး ဦးအောင်မင်းဦးဆောင်သည့် ပြည်တွင်းငြိမ်းချမ်းရေးဖော်ဆောင်ရေးအဖွဲ့သည် ဒီဇင်ဘာလ ၂၁ ရက်နေ့တွင် ကရင်အမျိုးသား အစည်းအရုံးဖြင့်လည်းကောင်း၊ ဒီဇင်ဘာလ ၂၂ ရက်နေ့တွင် မွန်ပြည်သစ်ပါတီဖြင့်လည်းကောင်း တွေ့ဆုံ၍ ငြိမ်းချမ်းရေး ဆွေးနွေးမှုများ ပြုလုပ်ခဲ့ကြောင်း သိရသည်။
ထို့ပြင် နိုင်ငံတော်သမ္မတမှ KIO/KIA အဖွဲ့များနှင့် ငြိမ်းချမ်းရေးဆွေးနွေးမှုများ လုပ်ဆောင်နိုင်ရန် ပြည်ထောင်စုအဆင့် ငြိမ်းချမ်းရေးအဖွဲ့ကို အဖွဲ့ဝင် (၁၁)ဦးဖြင့် ဒီဇင်ဘာလ တတိယပတ်တွင် စတင်ဖွဲ့စည်းပေးခဲ့ကြောင်း သိရသည်။
၎င်းအဖွဲ့ဝင် အဖွဲ့ခေါင်းဆောင်အဖြစ် တောင်သာမြို့နယ် ပြည်သူ့လွှတ်တော် ကိုယ်စားလှယ် ဦးအောင်သောင်းမှ တာဝန်ယူမည်ဖြစ်ပြီး ဒုတိယ ခေါင်းဆောင်များအဖြစ် ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းနှင့် မြစ်ကြီးနားမြို့နယ် ပြည်သူ့လွှတ်တော် ကိုယ်စားလှယ် ဦးသိန်းဇော်တို့မှ တာဝန်ယူဆောင်ရွက်သွားမည်ဖြစ်ကြောင်း သိရသည်။
YC
-----------------------------------------------------------------------------------------------------------------------------------
ကချင်ပြည်နယ်စစ်ဘေးအတွက် အကူအညီများ လိုအပ်နေဆဲ
ကချင်ပြည်နယ်တွင် ဖြစ်ပွားလျက်ရှိသော တိုက်ပွဲများကြောင့် တိမ်းရှောင်နေရသော ဒေသခံများအတွက် အကူအညီအထောက်အပံ့များ လိုအပ် နေကြောင်း အဆိုပါတိုက်ပွဲသို့ သွားရောက်လေ့လာခဲ့သည့် မြန်မာနိုင်ငံ လူ့အခွင့်အရေး ကော်မရှင်မှ အတွင်းရေးမှူးဖြစ်သူ ဦးစစ်မြိုင်က ပြောကြားသည်။
ထိုဒေသများသို့ ကုလသမဂ္ဂ ကလေးများရန်ပုံငွေအဖွဲ့ ကမ္ဘာ့စားနပ်ရိက္ခာအဖွဲ့ စသည့်အဖွဲ့အစည်းများအပြင် ကချင်ပြည်နယ်အစိုးရ၏ ကြီးကြပ်မှု အကူအညီဖြင့် အထောက်အပံ့များ၊ အခြားအလှုရှင်များ၏ ထောပ်ပံ့မှုများ ရှိခဲ့သော်လည်း ကလေးများနှင့် ကိုယ်ဝန်ဆောင်မိခင်များ အတွက် အဟာရဖြစ်စေသော အစားအစာများ ပိုမိုလိုအပ်နေကြောင်း သွားရောက်လေ့လာရာတွင် ပါဝင်ခဲ့သူ ဦးစစ်မြိုင်က ဆိုသည်။
"အဓိက ကလေးတွေအတွက် ဖြည့်စွတ်စာတွေ အဟာရမှုန့်တွေ လိုအပ်နေပါတယ် မျက်မြင်အရပြောရရင် ကလေးတွေ under weight ဖြစ်နေတယ်" ဟု ၎င်းက ပြောကြားသည်။
၎င်းတို့၏ အတွေ့အကြုံအရ ကလေများမှာ အဟာရမပြည့်ဝကြောင်း ကျောင်းနေအရွယ် ကလေးများမှာလည်း ထောက်ပံ့မှုများ လိုအပ် နေကြောင်း ငယ်ရွယ်သော မိန်းကလေးအများစုမှာလည်း အိမ်ထောင်သည်များဖြစ်နေကြောင်း ယခုအချိန်သည် အေးသောရာသီဖြစ်သောကြောင့် အနွေးအထည်များ ထောက်ပံ့မှု ရှိသော်လည်း လိုအပ်လျက်ရှိကြောင်း သိရသည်။
"အသက် ၂၀ ကျော် မိန်းကလေးတိုင်း ကလေးကိုယ်စီ ကျောမှာပိုးထားကြတယ်" ဟု ဒေသခံအမျိုးသမီများ အရွယ်ငယ်ငယ်နှင့် အိမ်ထောင်ပြုခြင်းနှင့် ပတ်သက်၍ အဆိုပါတာဝန်ရှိသူက ၎င်းတို့၏ အတွေ့အကြုံကို ပြောကြားသည်။
၂၀၁၁ ဇွန်လမှ စတင်၍ လက်နက်ကိုင်ပဋိပက္ခများကြောင့် ဒေသခံများအနေနှင့် ရပ်ရွာကို စွန့်ခွာတိမ်းရှောင်လာသည်မှာ ၆ လခန့် ကြာခဲ့ပြီဖြစ်ကြောင်း တိန်းရှောင်လာသူများအနေနှင့် မိမိတို့ရပ်ရွာသို့ ပြန်လိုကြကြောင်း ပြန်ရောက်ပါကလည်း ကျွဲ၊ နွား၊ အိုးအိမ် ပိုင်ဆိုင်မှုအားလုံး ဆုံးရှုံးသွားပြီ ဖြစ်သောကြောင့် မိမိတို့အနာဂတ်အတွက် စိုးရိမ်ပူပန်လျက်ရှိကြကြောင်း မြန်မာနိုင်ငံ အမျိုးသားလူ့အခွင့်ရေးကော်မရှင်၏ သတင်းထုတ်ပြန်ကြေငြာချက်တွင် ပါရှိသည်။
YC(KS)
**********************************
သတင်းနှင့် ဆောင်းပါးများမှ ကောက်နှုတ်ချက်များ
မေး။ ဦးဗေ ပရိသတ်ကို ဘာတွေပြောချင်သေးလဲ။
ဖြေ။ သူတို့လည်း နောက်ပိုင်း ပျော်ရွှင်ခွင့်ရတော့မှာပါ။ အခုဟာသကားတွေ သူတို့ကြည့်တာ ညစ်လို့ ကြည့်ကြတာလေ။ လူက ညစ်လာရင် အပျော်လေးတွေ ထွက်ပေါက်အနေနဲ့ရှာကြတယ်။ ခေတ်ကောင်းလို့ အခြေအနေကောင်းရင် ညစ်စရာမရှိတော့ အလွမ်းလေးတွေ အက်ရှင်လေးတွေစသဖြင့် အာရုံပြောင်းသွား လိမ့်မှာပါ။ လက် ရှိညစ်နေဆဲကာလမို့ ဟာသကားတွေကို အားပေးကြတာပေါ့။
ဒီဇင်ဘာ ၂၈ ထုတ် The Express Times အတွဲ (၁) အမှတ် (၁၃) တွင်ပါသည့် ဟာသသရုပ်ဆောင် ဗေလုဝနှင့် အင်တာဗျူး ကောက်နှုတ်ချက်
-----------------------------------------------------------------------------------------------------------------------------------
မေး- မြန်မာနိုင်ငံမှာ နိုင်ငံတကာကုမ္ပဏီကြီးတွေ လာရောက်လုပ်ကိုင်ဖိုပ မြန်မာအစိုးရက ဘယ်လိုခြေလှမ်းမျိုးတွေနဲ့ ဆောင်ရွက်ထားမှ လွယ်လွယ်ကူကူ ဖြစ်မယ်ထင်ပါလဲ၊ ငွေကြေးလဲလှယ်မှုစနစ်ကို ပြုပြင်ပြောင်းလဲရေး ဆောင်ရွက်ရာမှာ ဘယ်လောက်အထိရော နီးစပ်နေပြီလဲ။
ဖြေ- စီးပွားရေးစီမံခန့်ခွဲမှုမှာ အဲဒီလို နိုင်ငံတကာအဆင့် ကုမ္ပဏီကြီးတွေရဲ့ စဉ်းစားပုံစဉ်းစားနည်းကို သင်ပေးလေ့ရှိတယ်၊ ယေဘုယျ အခြေခံ ပြောရရင် နိုင်ငံတကာ ကုမ္ပဏီကြီးတွေအနေနဲ့ Polital Risk ဆိုတဲ့ နိုင်ငံရေးစွန့်စားမှုကို လုံးဝမလိုချင်ကြဘူး၊ ဥပမာ ဗင်နီဇွဲလားမှာ ရေနံဆိုင်ရာလုပ်ငန်းတွေကို ပြည်သူပိုင် သိမ်းလိုက် တာမျိုးပေါ့။ နိုင်ငံရေးမ တည်မငြိမ်ရှိတာမျိုးလည်း ပါတယ်၊ အကြမ်းဖက်သမားတွေ မကြာခဏ ဗုံးခွဲတိုက်ခိုက်တာ မျိုးလည်းပါတယ်။ Commericial Risk ဆိုတဲ့ စီးပွားရေးဆိုင်ရာ စွန့်စားမှုကိုတော့ သူတို့ကမကြောက်ဘူး၊ သူတို့မှာ အတတ်ပညာရှိနေလို့ပါ၊ အဲဒီတော့ ကျွန်တော်တို့ အနေနဲ့ FDI ကို ဖိတ်ခေါ်ရာမှာ မဟာဗျူဟာအဆင့် က Political Risk မရှိကြောင်း ပြသပေးရမ်။ နည်းဗျူဟာအဆင့်ကတော့ လုပ်သာကိုင်သာရှိကြောင်း၊ မျှတတဲ့ ယှဉ်ပြိုင်မှုတွေရှိကြောင်း၊ Rule of law ရှိနေကြောင်း၊ မက်လုံးကောင်းတွေ ရှိနေကြောင်း….စတာတွေကို ဖြည့်ဆည်းပေးရလိမ့်မယ်။ မြန်မာလုပ်ငန်းရှင်တွေရော လုပ်သားတွေပါ HR ပိုင်းမှာ ပေမီတန်းမီ ရှိနေတာကို ပြပေးနိုင်ရင် ပိုကောင်းပါတယ်၊ ယဉ်ကျေးမှုအကြောင်းနဲ့ လုပ်နည်းကိုင်နည်း အကြောင်းကိုတော့ စွန့်ခွာ ကြရလိမ့်မယ်၊ ရင်းနှီးမြှုပ်နှံမှု ဥပဒေကို အခြားတတိယနိုင်ငံတွေထက် မလျှော့တဲ့ ဆွဲဆောင်မှုဖြစ်အောင် ပြုပြင်ဖို့လည်း လိုလိမ့်မယ်။ ငွေကြေးလဲလှယ်မှုစနစ် အပေါ်မှာ ပြုပြင်ပြောင်းလဲရေး ကတော့ပိုပြီး နီးစပ်လာပြီလို့ပဲ ကျွန်တော်အနေနဲ့ ပြောလို့ရမယ်၊ သက်ဆိုင်ရာသူတွေကတော့ Timeline ကို ပိုပြီး တိတိကျကျ ပြောနိုင်ပါလိမ့်မယ်။ ကျွန်တော့် ခန့်မှန်းချက်ကတော့ လာမယ့်နှစ် ပထမလေးလပတ်ထဲမှာ ဖြစ်နိုင်ဖို့ကောင်းတယ်လို့ ယူဆတာပဲ။
ဒီဇင်ဘာ ၂၉ ထုတ် The Messenger အတွဲ (၂) အမှတ် (၃၁)တွင်ပါသည့် “နိုင်ငံတော်သမ္မတ အကြံပေး ဒေါက်တာနေဇင်လတ်နှင့် အင်တာဗျူး” ကောက်နှုတ် ချက်
-----------------------------------------------------------------------------------------------------------------------------------
“မြန်မာနိုင်ငံအနေနဲ့ မူဝါဒပိုင်းဆိုင်ရာ ပြောင်းလဲမှုမှာ ကောင်းမွန်ဖို့၊ တည်ငြိမ်မှုရှိဖို့၊ သတင်းအချက်အလက်ကို ပြည်တွင်း ပြည်ပကို မှန်မှန်ကန်ကန် ထုတ်ပြပေးဖို့ လိုပါတယ်။ ဒီလိုမဖြစ်ရင် နိုင်ငံခြားရင်းနှီးမြှုပ်နှံမှု ဝင်လာချင်ပေမယ့် လက်တွေ့မြှုပ်နှံမှု အားနည်းနိုင်ပါတယ်။ ဒါ့ပြင် အခြေခံ အဆောက်အဦးကို မြှင့်တင်နိုင်ဖို့ လိုတယ်။ လောလောဆယ် မဖြစ်နိုင်သေးရင်တောင် အာမခံချက်ပေးနိုင်ဖို့သင့်တယ်။ မူဝါဒတစ်ခုကို လွယ်လွယ်မချဘဲ အကောင်းဆုံးဖြစ်အောင် ချမှတ်နိုင်ဖို့ အပြင် တည်ငြိမ်ဖို့လည်း အရေးကြီးပါတယ်”
ဒီဇင်ဘာ ၃၀ ထုတ် BiWeekly ELEVEN အတွဲ(၄) အမှတ် (၃၉)တွင်ပါသည့် “ရင်းနှီးမြှုပ်နှံလိုသော နိုင်ငံခြားလုပ်ငန်းများ စီးပွားရေး မူဝါဒများဆိုင်ရာနှင့် သတင်းအချက်အလက် အမှန်ရယူနိုင်ရန် ခက်ခဲသောကြောင့် လက်တွေ့ရင်းနှီးမြှုပ်နှံမှု နည်းပါးဆဲဖြစ်” သတင်းမှ ပါမောက္ခဒေါ်လှမြင့်၏ ပြောကြားချက်အပေါ် ကောက်နှုတ်ချက်
***************************************************************************************
Google Docs makes it easy to create, store and share online documents, spreadsheets and presentations.
