Transparency Myanmar

transparency.myanmar@gmail.com

ဘာသာပြန်သတင်းများ


ပိတ်ဆို့မှုများ ဖယ်ရှားသင့်ဟု မြန်မာဆိုင်ရာ ကုလအထူးသံတမန်ဟောင်း ပြောဆို

(The Star Online မှသတင်းကိုဘာသာပြန်ဆိုသည်)

အနောက်နိုင်ငံများ၏ မြန်မာနိုင်ငံအပေါ် ပိတ်ဆို့ အရေးယူမှုများသည် ပြည်သူလူထုကို ထိခိုက်နစ်နာ စေသောကြောင့် ရုပ်သိမ်း ပေးသင့်ပြီဖြစ်ကြောင်း မြန်မာဆိုင်ရာ ကုလသမဂ္ဂ အထူးသံတမန်ဟောင်း တန်ဆရီရာဇာလီ အစ္စမေးလ်က သုံးသပ်ပြောဆိုသည်။

ယခင် ကုလသမဂ္ဂ အတွင်းရေးမှူးချုပ် ကိုဖီအာနန်၏ မြန်မာနိုင်ငံဆိုင်ရာ အထူးသံတမန် အဖြစ် တာဝန်ထမ်းဆောင်ခဲ့ဖူးသူ မစ္စတာရာဇာလီ အစ္စမေးလ်က မိမိအနေဖြင့် ပိတ်ဆို့ အရေးယူမှုများကို မရမက တောင်းဆိုခဲ့သူ ဒေါ်အောင်ဆန်းစုကြည်နှင့် သဘောထားချင်း မတူညီကြောင်း ပြောကြားသည်။ ၂၀၁၀ပြည့်နှစ်၊ နိုဝင်ဘာလ ၁၃ရက်နေ့တွင် နေအိမ် အကျယ်ချုပ်မှ လွတ်မြောက်ခဲ့သူ ဒေါ်အောင်ဆန်းစုကြည်သည် အကြံပေးပုဂ္ဂိုလ် မြောက်မြားစွာဖြင့် ထိတွေ့ခဲ့ရကြောင်း ၎င်းကဆိုသည်။

"မြန်မာနိုင်ငံဟာ အောင်မြင်ကြီးပွားရေး အတွက် စတင်လုပ်ကိုင်ရတော့မှာ ဖြစ်ပါတယ်။ အခုမြန်မာနိုင်ငံဟာ ဆန်တွေကို ပြည်ပကနေ တင်သွင်းနေရတယ် ဆိုတဲ့ကိစ္စဟာ ရယ်စရာ ကောင်းနေပါတယ်"  ဟု မစ္စတာ ရာဇလီအစ္စမေးလ်က Rediscovering Mediation in the 21st Century ဟူသော ခေါင်းစဉ်ဖြင့် ကျင်းပသော ဒုတိယအကြိမ်မြောက် Asian Mediation Association ကွန်ဖရင့်၌ ပြောကြားသည်။

မြန်မာနိုင်ငံတွင် လိုအပ်နေသော အကူအညီများကို စိစစ်ပိုင်းဖြတ်မှုများ မပြုလုပ်ဘဲ ဆက်လက် ပေးအပ်သွားမည် ဖြစ်သည်ဟုလည်း ၎င်းကဆိုသည်။

"တကယ်လို့ ကျွန်တော်တို့သာ အကူအညီတွေ ပေးနေမယ်ဆိုရင် မြန်မာစစ်တပ်ရဲ့ ရပ်တည်ချက်က အခုလောက် ခက်ထန် ကြမ်းတမ်းချင်မှ ကြမ်းတမ်း ပါလိမ့်မယ်။ သူတို့အနေနဲ့ ဒီလမ်းဟာ သွားရမယ့် လမ်းတစ်ခု ဖြစ်တယ်ဆိုတဲ့ အချက်ကို ယုံကြည်စိတ်ချမှု ရှိလာမှာပါ။ အဲဒါကြောင့် ပိတ်ဆို့ အရေးယူမှုတွေ ဖယ်ရှားပေးရမယ့် အချိန်ရောက်ပြီလို့ ပြောချင်ပါတယ်"  ဟု ၎င်းကဆိုသည်။

တိုင်းရင်းသား အုပ်စုများ၏ အခန်းကဏ္ဍ၊ ပြောင်းရွှေ့ လုပ်သားနှင့် ပြည်သူများ၏ ဘေးဒုက္ခများ အပါအဝင် မြန်မာနိုင်ငံနှင့် ပတ်သက်သော အရေးကိစ္စ များစွာကို ကိုင်တွယ် ဖြေရှင်းရဦးမည် ဖြစ်ကြောင်း မစ္စတာရာဇာလီ အစ္စမေးလ်က မှတ်ချက်ပေး ပြောဆိုသည်။ မစ္စတာရာဇာလီသည် ငါးနှစ်နီးပါး ကာလအတွင်း မြန်မာနိုင်ငံသို့ ၁၄ကြိမ်တိတိ လာရောက်ခဲ့ပြီး ဒေါ်အောင်ဆန်းစုကြည်နှင့် အကြိမ်၂၀ကျော် တွေ့ဆုံခဲ့ဖူးသည်။

_________________________________________________________

စုံစမ်းစစ်ဆေးမှုများပြုလုပ်ပေးရန် တရုတ် Huawei ကုမ္ပဏီ အမေရိကန်အစိုးရကို တိုက်တွန်း

(BBC သတင်းကိုဘာသာပြန်ဆိုသည်)

တရုတ်တယ်လီ ဆက်သွယ်ရေး ပစ္စည်းများ ထုတ်လုပ် ရောင်းချသော ကုမ္ပဏီဖြစ်သည့် Huawei က အမေရိကန် ပြည်ထောင်စု အာဏာပိုင်များ၏ တရားဝင် စုံစမ်းစစ်ဆေးမှုများကို လက်သင့်ခံ ကြိုဆိုပါကြောင်း ထုတ်ဖော် ပြောဆိုလိုက်သည်။ နာမည်ကျော် Huawei သည် မကြာသေးခင်က အမေရိကန် ကွန်ပျူတာ ကုမ္ပဏီ တစ်ခုဖြစ်သော 3Leaf Systems ကို ဝယ်ယူရန် ကြိုးပမ်းခဲ့ရာ အမေရိကန် လုံခြုံရေးအဖွဲ့က လုံခြုံရေးဆိုင်ရာ အရေးကိစ္စများကြောင့်ဟု ဆိုကာ ပယ်ချခဲ့သည်။

သို့အတွက်ကြောင့် Huawei က ၎င်း၏ ဝက်ဘ်ဆိုက်တွင် မေတ္တာရပ်ခံစာ တစ်စောင် ဖော်ပြခဲ့သည်။ Huawei ကုမ္ပဏီကို တရုတ်ကြည်းတပ်မှ စစ်ဘက် အရာရှိဟောင်း Ren Zhengfei ဆိုသူက ထူထောင်ခဲ့ပြီး ကုမ္ပဏီတွင် စစ်ဘက်ဆိုင်ရာ အချိတ်အဆက်များ ရှိနေသေးသည့် ကိစ္စနှင့် ပတ်သက်၍ စိုးရိမ်မှုများ ရှိနေသည်။ သို့သော် မိမိတို့တွင် တရုတ်တပ်မတော် နှင့်သော်လည်းကောင်း၊ အစိုးရနှင့် သော်လည်းကောင်း ဆက်စပ်မှု မရှိပါကြောင်း လျှောချပြောဆိုသည်။

ဝက်ဆိုက်တွင် တင်ထားသော Huawei ကုမ္ပဏီ၏ စာတွင် "မိမိတို့သည် နှစ်ပေါင်း ၁၀နှစ်ကျော်ကြာ ကာလမျှ အမေရိကန် ပြည်ထောင်စု၌ ရင်းနှီးမြှုပ်နှံမှုများ ပြုလုပ်ခဲ့သည်။ အဆိုပါ ကာလအတွင်း နားလည်မှု လွဲမှားသော ဖြစ်ရပ်များစွာနှင့် ကြုံတွေ့ခဲ့ရသည်" ဟု ရေးသား ဖော်ပြသည်။ အဆိုပါ ဖြစ်ရပ်များတွင် အထောက်အထား မခိုင်မာသော စွပ်စွဲပြောဆိုချက်များ ဖြစ်သည့် Huawei သည် တရုတ်တပ်မတော်နှင့် ဆက်စပ်မှုရှိသည်၊ အသိဉာဏ်ဆိုင်ရာ မူပိုင်ခွင့်များ ချိုးဖောက်သည်၊ တရုတ် အစိုးရထံမှ ထောက်ပံ့မှုများ ရယူကာ အမေရိကန် လုံခြုံရေးကို ခြိမ်းခြောက်နိုင်သည့် လုပ်ရပ်များ လုပ်ကိုင်နေသည် စသည်တို့လည်း ပါဝင်ကြောင်း ဖော်ပြထားသည်။

"Huawei နှင့် ပတ်သက်သော စိုးရိမ်ပူပန်မှုများ အားလုံးအတွက် အမေရိကန် ပြည်ထောင်စု အစိုးရအနေဖြင့် တရားဝင် စုံစမ်းစစ်ဆေးမှုများ ပြုလုပ်ရန် မိမိတို့က ရိုးသားရှင်းလင်းစွာ မျှော်လင့်မိပါသည်"  ဟု ဆိုသည်။ Huawei သည် ပြီးခဲ့သည့် ၂၀၁၀ပြည့်နှစ်၊ မေလတွင် အမေရိကန် ကွန်ပျူတာ ကုမ္ပဏီ 3Leaf ကို ဒေါ်လာ ၂သန်းဖြင့် ဝယ်ယူခဲ့သည်။ သို့သော် အမေရိကန်ပြည်ထောင်စု နိုင်ငံခြား ရင်းနှီးမြှုပ်နှံမှုများ ဆိုင်ရာ ကော်မတီက အရောင်းအဝယ် လုပ်ရန်မသင့် ဟုဆိုကာ ပယ်ချခဲ့သည်။

_______________________________________________________

ဂျပန်ကုန်သွယ်ရေး လိုငွေပြမှုနှစ်အတွင်း ပထမဆုံးဖြစ်ပေါ်

(BBC သတင်းကိုဘာသာပြန်ဆိုသည်)

နိုင်ငံတကာမှ အချက်အခြာကျသော ဈေးကွက်များသို့ ကုန်ပစ္စည်း တင်ပို့ရာတွင် အားနည်းချက်များ ရှိခဲ့ခြင်းကြောင့် ဂျပန်နိုင်ငံတွင် လပေါင်း၂၂ လအတွင်း ကုန်သွယ်ရေး လိုငွေပြမှု ပထမဆုံး ဖြစ်ပေါ်သွားကြောင်း ဘဏ္ဍာရေး ဝန်ကြီးဌာနက ထုတ်ဖော် ပြောဆိုသည်။ ပြီးခဲ့သည့် ဇန်နဝါရီလတွင် ဖြစ်ပေါ်ခဲ့သော ကုန်သွယ်ရေး လိုငွေမှာ ယန်းငွေ ၄၇၁ ဒဿမ ၄၂ ဘီလီယံ (ဒေါ်လာ ၇ဘီလီယံ၊ စတာလင်ပေါင် ၃ ဒဿမ ၅၂ ဘီလီယံ) ဖြစ်သည်။

ဂျပန်နိုင်ငံသည် ယန်းငွေ ကြေးခိုင်မာမှုကြောင့် ငွေကြေးဝယ်လိုအား ထိခိုက်ခဲ့ရာ ပြည်ပကုန်တင်ပို့မှု မြင့်တက်လာရေးအတွက် အစွမ်းကုန် ရုန်းကန် ကြိုးစားခဲ့ ရသည်။ မကြာသေးခင် ကာလကလည်း ကမ္ဘာ့ ဒုတိယ စီးပွားရေး အင်အား အကြီးဆုံး အဆင့်ဟူသည့် အဆင့်ကို တရုတ်နိုင်ငံသို့ လွှဲပေးလိုက်ရသည်။

မည်သို့ပင် ဆိုစေ လေ့လာဆန်းစစ်သူ များက ဂျပန်နိုင်ငံ၏ ပြည်ပ တင်ပို့မှု ပြန်လည် ခေါင်းထောင် လာလိမ့်မည်ဟု မျှော်လင့် ထားကြသည်။ ဂျပန် စီးပွားရေး ခြေလှမ်းသည် မျှော်မှန်းထား သည်ထက် များစွာ နှေးကွေးနေ သော်လည်း ပြည်ပတင်ပို့မှုအခန်း ကဏ္ဍက စီးပွားရေး တိုးတက်မှုကို မောင်းနှင်လိမ့်မည် ဖြစ်ကြောင်း ဘောဂဗေဒ ကျွမ်းကျင်သူ အတော်များများက ဟောကိန်းထုတ်ကြသည်။

“ပြည်ပ တင်ပို့မှုက မျှော်မှန်းထား တာထက်ကို လျော့နည်းခဲ့တယ်။ ကုန်သွယ်မှု လုပ်ငန်း တစ်ခုလုံးရဲ့ ကိန်းဂဏန်းတွေကို ကြည့်ရင် စီးပွားရေး ပြန်လည် ဦးမော့လာပြီလို့ မပြောနိုင် သေးပါဘူး”  ဟု Itochu ကော်ပိုရေးရှင်းမှ စီးပွားရေး ပညာရှင် Yoshimasa Maruyama က ပြောကြားသည်။

“လာမယ့် လပိုင်းတွေထဲမှာ ပြည်ပတင်ပို့မှု တဖြည်းဖြည်းချင်း မြင့်တက်လာ ပါလိမ့်မယ်။ ဒါပေမဲ့ စီးပွားရေး တိုးတက်မှု ခြေလှမ်းကတော့ ပထမ သုံးလပတ် အတွင်း မျှော်မှန်းထားသလို ဖြစ်လာမယ် မထင်ပါဘူး” ဟု ၎င်းက ဆက်လက်ပြောဆိုသည်။

ဇန်နဝါရီလ အတွင်း ဂျပန်ကုန်သွယ်ရေး လိုငွေပြမှု ဖြစ်ပေါ်ခဲ့ ရခြင်းမှာ အာရှဒေသသို့ပို့ကုန်တင်ပို့မှု လျော့နည်း ခဲ့ခြင်းကြောင့် ဖြစ်သည်ဟု ဘောဂဗေဒ ပညာရှင် အတော်များများက ပြစ်တင် ဝေဖန်ကြသည်။ ဒေသတွင်းသို့ ဂျပန်ပို့ကုန် တင်ပို့မှုမှာ ၀ ဒဿမ ၄ ရာခိုင်နှုန်း မြင့်တက်ခဲ့သည် ဟုဆိုသည်။ သို့သော် အဆိုပါ နှုန်းထားသည် နှစ်စဉ် ဒီဇင်ဘာလတိုင်း ပို့ကုန်တင်ပို့မှု မြင့်တက်သည့် နှုန်းဖြစ်သော ၁၄ ဒဿမ ၈ ရာခိုင်နှုန်းထက် လျော့နည်းသည်ဟု ဆိုသည်။ ဂျပန်စီးပွားရေး တိုးတက်မှု နှေးကွေးရခြင်းတွင် အကြောင်း အရင်းများစွာ ရှိသည့်အနက် အရေးကြီးသည့် အချက်မှာ ငွေကြေး ဖောင်းပွမှု တိုက်ဖျက်နေရသော တရုတ်နိုင်ငံမှ ဝယ်လိုအား လျော့ကျ လာခြင်းကြောင့် ဖြစ်သည်။ လွန်ခဲ့သည့် နှစ်လခန့် အတွင်းကလည်း အတိုးနှုန်းများ မြှင့်တင် ပေးလိုက်မှုကြောင့် စားသုံးသူ ဝယ်လိုအားနှင့် ငွေသုံးစွဲနိုင်စွမ်း များ လျော့ကျခဲ့ရသည်။

ဇန်နဝါရီလအတွင်း တရုတ်နိုင်ငံသို့ ပို့ကုန် တင်ပို့မှုမှာ ယမန်နှစ်ကထက် ၁ ရာခိုင်နှုန်း မျှသာ မြင့်တက်ခဲ့သည်။ တရုတ်သည် ဂျပန်နိုင်ငံ၏ အကြီးမားဆုံးသော ကုန်သွယ်ဘက် နိုင်ငံဖြစ်သည်။ “တရုတ်က ဇန်နဝါရီလက စပြီး သူ့စီးပွားရေး ဒရကြမ်း တိုးတက်မှုကို ထိန်းချုပ်မယ့် မူဝါဒတွေ စတင်ကျင့်သုံးနေပါတယ်” ဟု Nomura Securities မှTakahide Kiuchi က ပြောကြားသည်။

_________________________________________________

ဒလိုင်းလားမား သြဇာကြီးထွားမှုအပေါ် တိုက်ဖျက်မှုသစ်များ လုပ်မည်ဟု ဘေဂျင်းထုတ်ဖော်

(BBC သတင်းကိုဘာသာပြန်ဆိုသည်)

ဘေဂျင်းအစိုးရ အနေဖြင့် တိဘက်ဒေသတွင် ဘုန်းတော်ကြီး ဒလိုင်းလားမား သြဇာလွှမ်းမိုးမှု တိုက်ဖျက်ရေးအတွက် အစီအစဉ်တစ်ရပ် အသစ်ချမှတ်ကာ ကြိုးပမ်း ဆောင်ရွက်သင့်ကြောင်း စီနီယာ တရုတ်ခေါင်းဆောင် တစ်ဦးက သုံးသပ်ပြောဆိုသည်။

တရုတ် နိုင်ငံရေးတွင် လွန်စွာ သြဇာကြီးသော ကွန်မြူနစ်ပါတီပေါ်လစ်ဗြူရို၏နိုင်ငံရေး ကော်မတီမှ အဖွဲ့ဝင် Jia Qinglin က ဒလိုင်းလားမား တိဘက်ဒေသ အပေါ် သြဇာ လွှမ်းမိုးမှုနှင့် ပတ်သက်၍ တရုတ်အစိုးရကို ယင်းသို့ တိုက်တွန်း ပြောဆိုခြင်း ဖြစ်သည်။ တရုတ်နိုင်ငံ အနေဖြင့်လည်း တိဘက် ပြည်သူများ၏ လူနေမှု အဆင့်အတန်းများကိုမြှင့်တင်ပေး သင့်ကြောင်း ၎င်းကဆိုသည်။ တိဘက်ဒေသတွင် မငြိမ်မသက် မှုများနှင့် အဓိကရုဏ်းများ ဖြစ်ပေါ်ပြီး သုံးနှစ်နီးပါးခန့် အကြာတွင် ကွန်မြူနစ်ပါတီ ပေါ်လစ်ဗြူရိုမှ ယင်းသို့ တိုက်တွန်း ပြောဆိုလာခြင်းလည်း ဖြစ်သည်။ အဆိုပါ မတည်မငြိမ်မှုများသည် ပြည်ပြေး ဘုန်းတော်ကြီး ဒလိုင်းလားမား၏ ပယောဂကြောင့် ဖြစ်ပေါ်ခြင်းဖြစ်သည်ဟု တရုတ်အစိုးရက ထိုစဉ်က ပြစ်တင်ဝေဖန်ခဲ့သည်။

အလေးအနက်ကိုင်တွယ်ရန်လို

မစ္စတာJia Qinglin သည် တိဘက်ဒေသနှင့် တိဘက် လူမျိုးများ နေထိုင်သော အခြား ပြည်နယ်များ ဖွံ့ဖြိုးတိုးတက်ရေးနှင့် ပတ်သက်သော နှစ်ရက်တာ ဆွေးနွေးပွဲတွင် ဒလိုင်းလားမား သြဇာလွှမ်းမိုးမှုကို တိုက်ဖျက်ရန် ပြောဆိုခြင်းလည်း ဖြစ်သည်။ ယင်းဆွေးနွေးပွဲသို့ တက်ရောက်သော တရုတ်ပြည်သူ့ လုံခြုံရေးဝန်ကြီး Meng Jianzhu ကလည်း တိဘက်ဒေသတွင်း တရုတ် အစိုးရ၏ ထိန်းချုပ်မှုသည် လွန်စွာ အရေးကြီးသော ကိစ္စဖြစ်ကြောင်း ဆိုသည်။

"ဒလိုင်းလားမား အုပ်စုအား ဆန့်ကျင် တိုက်ဖျက်မည့် လုပ်ရပ်ကို လေးလေးနက်နက်ဖြင့် ဆက်လက် လုပ်ကိုင် ဆောင်ရွက်သွား ရမည်ဖြစ်သည်" ဟု မစ္စတာ Jia Qinglin ၏ ပြောဆိုချက်ကို ကိုးကားပြီး နိုင်ငံပိုင် Xinhua သတင်းဌာနက ဖော်ပြသည်။ တိဘက်ဒေသ တည်ငြိမ်ရေး အတွက် လုပ်ကိုင် ဆောင်ရွက်ချက်များကို  သတိကြီးစွာဖြင့် အကောင်အထည် ဖော်ရမည်ဖြစ်သည်ဟု ၎င်းကဆိုသည်။

တိဘက်ဗုဒ္ဓဘာသာနှင့် ပတ်သက်သော အရေးကိစ္စများ ကို ကောင်းမွန်စွာ ကိုင်တွယ်သွား ရမည်ဖြစ်ကြောင်း၊ ဘာသာရေး တစ်ခုအပေါ် နိုင်ထက် စီးနင်းဖြိုခွဲ နှိမ်နင်းမှုသည် တန်ပြန် လက်တုံ့ပြန်မှုတို့ကို ဖြစ်ပေါ်စေသည် ဟူသော အချက်ကို သိရှိနားလည်ထားရမည် ဖြစ်ကြောင်း ၎င်းကဆိုသည်။ တရုတ်အာဏာပိုင်များသည် လွန်ခဲ့သည့် နှစ်ပေါင်း ၅၀ခန့်က တိုင်းပြည်မှ ထွက်ပြေးသွားသူ တိဘက် ဘုန်းတော်ကြီး ဒလိုင်းလားမား အပေါ် ကာလကြာရှည်စွာ ပုတ်ခတ်ပြောဆိုခဲ့ကြသည်။ ဘုန်းတော်ကြီး ဒလိုင်းလားမားသည် ယခုအခါ အိန္ဒိယနိုင်ငံတွင် ပြည်ပြေးဘဝဖြင့် နေထိုင်လျက် ရှိပြီး တိဘက်ဒေသတွင်း ၎င်း၏ သြဇာလွှမ်းမိုးမှုမှာလည်း ယနေ့ထိတိုင် ကြီးမားနေဆဲ ပင်ဖြစ်သည်။ သို့အတွက်ကြောင့် တရုတ်ကွန်မြူနစ် အစိုးရက ၎င်းအပေါ် ပုတ်ခတ် တိုက်ခိုက်မှုများကို ဆက်လက် လုပ်ဆောင် နေခြင်းဖြစ်သည်။

ဘုန်းတော်ကြီး ဒလိုင်းလားမားအား ဝေဖန်တိုက်ခိုက်မှုများသည် တိဘက်ဒေသ တစ်ခုလုံးအပေါ် ထိန်းချုပ်ရေး ဟူသော တရုတ်အစိုးရ၏ မဟာဗျူဟာ တစ်စိတ်တစ်ပိုင်းလည်းဖြစ်သည်။ တရုတ်အစိုးရက တိဘက်ဒေသသည် တရုတ်ပြည်၏ တစ်စိတ်တစ်ပိုင်းသာ ဖြစ်သည်ဟု နှစ်ကာလများစွာ အသိပေး ပြောဆိုခဲ့သည်။ တိဘက်ဒေသ ပြည်သူများ လူနေမှုအဆင့်အတန်း မြင့်မားရေးအတွက်လည်း တရုတ်ပြည်မကြီးက ဒေါ်လာ သန်းပေါင်းများစွာ သုံးစွဲခဲ့သည်။ မကြာသေးခင် ရက်သတ္တပတ် အတွင်းက တရုတ်အစိုးရက တိဘက်ဒေသတွင်း အလွန်အမင်း ဆင်းရဲနွမ်းပါးသူ တိဘက်ပြည်သူ ဦးရေမှာ ငါးနှစ်အတွင်း ထက်ဝက်မျှ လျော့ကျသွားပြီ ဖြစ်ကြောင်း ထုတ်ဖော်ပြောဆိုသည်။

________________________________________________________


အင်တာနက် မရှိလျှင်လည်း ဆန္ဒပြအုံကြွမှုများဖြစ်ပွားနိုင်

(The Straits times မှ26 Feb 2011 ရက်စွဲပါUprisings Possible without the Internet ဆောင်းပါးကိုဘာသာပြန်ဆိုသည်)

 ကမ္ဘာ့ အင်တာနက် ကွန်ယက် World Wide Web သည် ဆန္ဒပြတော်လှန်မှုများကို အစပျိုးပေးခြင်း မရှိသော်လည်း ဆန္ဒပြသူများ၏ စည်းရုံး လှုပ်ရှားမှုကို အကူအညီပေးသည်။

လတ်တလောတွင် သိသာ ထင်ရှားခြင်း မရှိသေးသော်လည်း လမ်းပေါ် ဆန္ဒပြပွဲများ အားလုံးနီးပါးတွင် တိုင်းပြည်လူဦးရေ အချိုးအစား၏ အနည်းငယ်မျှသာ ပါဝင်ပတ်သက် ကြသည်ကို တွေ့ရှိရသည်။ ဘာရိန်း၊ လစ်ဗျား၊ အီဂျစ်၊ တူနီးရှား၊ အီရန် မော်လ်ဒိုဗာ တို့သာမက လတ်တလော မှတ်မိသမျှ လူသိများ ဆန္ဒပြပွဲများတွင် ပြည်သူလူထု၏ ၁ရာခိုင်နှုန်းခန့်သာ ပါဝင်ကြသည်။ သာဓက အားဖြင့် ကိုင်ရိုတာရစ် ရင်ပြင်တွင် စုဝေးဆန္ဒပြခဲ့ကြသော အီဂျစ်၃သိန်းခန့်သည် တိုင်းပြည်လူဦးရေ ၈၃သန်း၏ ၀.၄ ရာခိုင်နှုန်းခန့်သာ ရှိသည်ကို တွေ့ရသည်။ အခြားဆန္ဒပြ တော်လှန်မှုများတွင် ပါဝင်သူများမှာ ပို၍ပင်နည်းပါးသည်။

အထက်ပါ ကိန်းဂဏန်းများက ၁၉၇၉ ခုနှစ်က အီရန်တော်လှန်ရေးကို တန်ဖိုးတက်အောင် ပြုလုပ်ပေးနေသည်။ ထိုစဉ်က ရှားဘုရင်ကို ဆန့်ကျင်ရန် စိတ်ဆိုးမာန်ဆိုး စုဝေးဆန္ဒပြခဲ့သော အီရန်များ၏ အရေအတွက်မှာ ၆သန်းမှ ၉သန်းအကြား ခန့်မှန်းထား သောကြောင့် အီရန်လူဦးရေ၏ ၁၀ရာခိုင်နှုန်းပင် ကျော်နေသည်။ ယခုနှစ်ပေါင်း ၃၀ကြာလာသည့် အချိန်တွင် အဆိုပါ ဖြစ်ရပ်ကိုပြန်ကြည့်ပါက ထိုစဉ်က အင်တာနက်မရှိဘဲ ကျယ်ကျယ်ပြန့်ပြန့် လှုပ်ရှားနိုင်ခဲ့ကြသည်ကို အထူးပင် အထင်ကြီး လေးစားဖွယ် ကောင်းလှသည်ဟု ဆိုရမည်ဖြစ်သည်။

ထိုစဉ်က အီရန် တော်လှန်ရေး သမားများသည် Facebook စာမျက်နှာလည်း မရှိပါ။Twitter message လည်း မပို့နိုင်ပါ။ Google လည်း မရှိပါ။ သို့ဖြစ်ရာ ယခုတိုင် ဖြေရှင်းနိုင်ခြင်း မရှိသေးသည့် အာဖရိက မြောက်ပိုင်းနှင့် အရှေ့အလယ်ပိုင်း ဒေသမှ တော်လှန်ရေးများ အတွက် လူမှုဆက်သွယ်ရေး ဝက်ဘ်ဆိုက်ဒ်များက မည်မျှ အာမခံချက် ပေးနိုင်သနည်းဟု မေးစရာဖြစ်လာသည်။

အဆိုပါ မေးခွန်းကို ဖြေဆိုရန် နည်းတစ်ခုမှာ ဤသို့ ပြန်၍ မေးခွန်းထုတ်ရန် ဖြစ်သည်။ ယခုမြင်တွေ့နေရသော ဆန္ဒပြပွဲများသည် လူမှုမီဒီယာများ မပါဘဲ ဖြစ်ပွားနိုင်ပါ့မည်လား။

ဆိုက်ဘာနယ်ပယ် မရှိပဲနှင့် ကမ္ဘာတစ်လွှား ကြီးမားသော ဆန္ဒပြပွဲများ ဖြစ်ပွားခဲ့သည့် သာဓကများမှာ မနည်းလှပါ။ ၁၉၈၈မှ ၁၉၉၀ ခုနှစ်များ အကြား အရှေ့ဥရောပ ဆန္ဒပြပွဲများ၊ ၁၉၉၀ ခုနှစ်များ နှောင်းပိုင်းမှ အင်ဒိုနီးရှား ပြုပြင်ပြောင်းလဲရေး လှုပ်ရှားမှု၊ ၂၀၀၁တွင် ဖိလစ်ပိုင် သမ္မတ ဂျိုးဇက်အက်စထရာဒါ ကို ဖြုတ်ချသည့် ဖိလစ်ပိုင် ဆန္ဒပြပွဲ စသည်တို့တွင် ဆန္ဒပြသူများက အင်တာနက် မဟုတ်သော နည်းလမ်းများကို အသုံးပြုကာ စည်းရုံး လှုပ်ရှားခဲ့ ကြခြင်းဖြစ်သည်။

အီဂျစ် ဆန္ဒပြပွဲများသည်လည်း အင်တာနက်မရှိပဲ ဖြစ်ပွား ခဲ့ကြသည်ကို သံသယရှိစရာ မလိုပါ။ အစိုးရက အင်တာနက်ကွန်ယက်ကို ဖြတ်တောက်လိုက်ပြီး နောက်ပိုင်း ဆန္ဒပြပွဲများ ဆက်လက် ဖြစ်ပွားခဲ့ပြီး ပို၍ပင် ပြင်းထန် လာသည်ကို တွေ့ရသည်။

ဖိလစ်ပိုင်တွင်မူ အင်စထရာဒါကို တော်လှန်စဉ်က စည်းရုံးလှုပ်ရှားသူများသည် ရိုးရှင်းသော SMS Message ကို ရေးသားကာ အကြိမ်ပေါင်း မရေနိုင်အောင် ဆက်၍ ဆက်၍ ပေးပို့ခဲ့ကြသည်။ “ESDA  ကို သွား၊ အနက်ရောင်ဝတ်”  ဟူသောSMS သည် အလွန်ပင် ထိရောက်လှသည်။ (ESDA သည် မနီလာနှင့် အခြားမြို့ကြီး  ၅မြို့ကို ဆက်သွယ်သောအဝေးပြေးလမ်းမကြီးကို ခေါ်သော နာမည်ဖြစ်သည်)

၁၉၇၈ခုနှစ်က အီရန်တော်လှန်ရေး တွင်မူ ပြည်ပရောက်အယာတိုလာ နိုမေနီက တိုင်းပြည်တွင်း ခိုးသွင်းလာသော ကက်ဆက်တိတ်ခွေများမှ တစ်ဆင့် ပြည်တွင်းမှ လှုပ်ရှားသူများနှင့် ဆက်သွယ်ခဲ့သည်။ အမှန်စစ်စစ် မည်သည့် နေရာတွင်မဆို ရေဒီယို အသံလွှင့်မှု များမှသည် လက်ကမ်းစာရွက်များ၊ အခပေး ဖုန်းများ အထိ ဆက်သွယ်ရေး ကိရိယာများမှာ တော်လှန်ရေးအတွက် ရွေးချယ်စရာ နည်းလမ်းများဖြစ်သည်။

သေချာသည့် တစ်ခုမှာTwitter မရှိခြင်းကြောင့် ဖိနှိပ်သော အစိုးရကို ဆန့်ကျင်ရန် လူများထွက်မလာနိုင်ဟု အကြောင်းပြရန် ဆိုသည်ကို မှန်းဆရခက်သည်။ သို့သော် ယခုဥပမာများက ပြသနေသည်မှာ တော်လှန်ရေး ဖြစ်စဉ်များကြားတွင် တူညီသော အချက်လေးများ ရှိသည် ဆိုခြင်းပင် ဖြစ်သည်။ ၎င်းတို့သည် Online လက်နက် ကိရိယာ မလိုလျှင်ရှိရမည်။ ဆန္ဒပြမှု အားလုံးမှာ စုစည်းမှု ရှိရမည်ဖြစ်ပြီး၊ ဆန္ဒပြသူများ ဆက်သွယ်ရန် ကိရိယာများကား လိုအပ်သည်။

အင်တာနက်သည် အဆိုပါ လုပ်ငန်းစဉ်အတွက် ပြည့်စုံသော ကိရိယာ တစ်ခုဖြစ်သည်ကိုမူ ဆိုရမည်ဖြစ်သည်။ အင်တာနက်သည် လျင်မြန်သည်။ ကျယ်ပြန့်စွာ ပျံ့နှံ့သည်။ အစိုးရ လုပ်ဆောင်မှုများကို ချက်ခြင်း တုန့်ပြန်နိုင်သည်။ လှုပ်ရှားသူများ ကော်ဖီဆိုင်ထိုင်၍ စုဝေးသည်ထက် စာလျှင် Online တွင် စုဝေးလျှင် ဖြိုခွဲရခက်သည်။ သို့သော် ယခင် ဆန္ဒပြမှုများက ပြသသည်မှာ အင်တာနက် မရှိသည့် နေရာတွင် ၎င်းလောက် မပြည့်စုံသောအခြား ကိရိယာများ အသုံးပြု၍ ရနိုင်သည်ဟု သိရှိနိုင်သည်။

ယခုဖြစ်ခဲ့သော ဆန္ဒပြမှုများတွင် အင်တာနက်သည် အဖြစ်အပျက်များကို ပိုမိုလျင်မြန်စွာ ဖြစ်ပွားစေသည်ဟု ဖော်ထုတ်နိုင်လျှင် ပိုမို၍ပြည့်စုံသော သတင်းအချက် အလက်များ ရရှိလာနိုင် ပေသည်။ Facebook၊ Twitter  သို့မဟုတ် Youtube သည် အမှန်တကယ် တော်လှန်ရေး တစ်ခုကို ဖြစ်စေပါသလား။

မကြာသေးမီက သမိုင်းများ အရ စီးပွားရေးအရ ဖိစီးမှုများသည် အရှေ့တောင်အာရှ၏ မငြိမ်သက်မှုများ အတွက် မီးပွားဖြစ်သည် ဆိုသည့် အချက်မှာ တူညီသည့် အချက်ဖြစ်သည်။ 

၂၀၀၇ခုနှစ်က မြန်မာနိုင်ငံတွင် ဖြစ်ပွားသော ဆန္ဒပြမှုများသည် စစ်အစိုးရက ရုတ်တရက် လောင်စာဆီ ဈေးနှုန်းများ တက်ခဲ့၍ ဖြစ်သည်။ ၁၉၉၈ခုနှစ်က အင်ဒိုနီးရှား နိုင်ငံတွင် ဆူဟာတို အားပြုကျစေသော ဆန္ဒပြမှုများသည် စီးပွားရေး ပြဿနာများက တိုင်းပြည်ကို အထိနာ စေခဲ့သောကြောင့် ဖြစ်သည်။ မည်သည့်နေရာတွင်မဆို ရက်စက်စွာ နှိမ်နင်း၍ သေဆုံးမှုများမှာ ဖြစ်လေ့ရှိသော အရာများဖြစ်သည်။

Oxford မှ သမိုင်းပညာရှင် Mark Almond က BBC အတွက် ရေးသားထားသော ဆောင်းပါးတွင် လွန်ခဲ့သော နှစ်ပေါင်း သုံးဆယ်အတွင်း အတွေးအခေါ် သစ်များ ဖြစ်ပေါ်ရေးအတွက် မကျေနပ်မှု များကို ဖြစ်အောင် ပြုလုပ်ပေးသော အရာမှာ ရက်စက်စွာ သေဆုံးရခြင်း များဖြစ်နေသည်ကို တူညီစွာ တွေ့ရသည်ဟု ဆိုသည်။ ဥပမာအားဖြင့် တူနီးရှား တော်လှန်ရေးသည် လမ်းဘေးဈေးသည် Mohamed Bouazizi ကိုယ့်ကိုယ်ကို မီးရှို့သတ်ခြင်းမှ မီးပွားဖြစ်သည်ကို တွေ့ရသည်။ ၎င်းသည် ၎င်း၏ပစ္စည်းများ သိမ်းခံရခြင်း မကြာခဏ စော်ကားခံရခြင်းကြောင့် ပြီးခဲ့သည့် နှစ် ဒီဇင်ဘာ 17 ရက်နေ့က ကိုယ့်ကိုယ်ကို မီးရှို့သတ်ခဲ့သည်။

ထိုသို့ မိမိကိုယ်ကို သတ်သေခြင်းသည် ပြီးခဲ့သည့်လက အီဂျစ်တွင် ဖြစ်ပွားခဲ့သည်။ ထို့အပြင် ပြီးခဲ့သည့် ဇွန်လက Khaled Mohamed Saeed အသတ်ခံရသည်။ ၎င်းသည် အသက် ၂၈ နှစ်ရှိပြီး၊ အီဂျစ်ရဲများက သေအောင် ရိုက်နှက်ခဲ့သည်ဟု ယုံကြည်ရသည်။

ဤနေရာတွင် စိတ်ဝင်စားစရာ ကောင်းသည့် အချက်မှာ ၎င်းကို အာဇာနည် တစ်ဦးဖြစ်သွားအောင် အင်တာနက်က ပြုလုပ်ပေး လိုက်ခြင်းပင်ဖြစ်သည်။ Online တွင် ၎င်း၏ ပျက်စီးနေသော ခန္ဓာကိုယ် ဓာတ်ပုံများ ပျံ့နှံ့ပြီးနောက် ဒေါသများ အတင်းမာဆုံး ရောက်ရှိခဲ့သည်။ ၎င်းအား ဂုဏ်ပြုထားသော Facebook  စာမျက်နှာမှာ အဖွဲ့ဝင် ကိုးသိန်းကျော်အား ဆွဲဆောင်နိုင်ခဲ့သည်။

ထိုအချက်ကို ကြည့်လျှင် အီဂျစ်တော်လှန်ရေးသည် အင်တာနက် မရှိလျှင် မဖြစ်နိုင်ဟု ပြသသော ခိုင်မာသည့် လှပသည့် အထောက်အထား တစ်ခုဟု ဆိုရပေမည်။ သို့သော် အီရန်တွင် ၁၉၇၈ ခုနှစ်က Cinema Rex မီးလောင်မှုကြောင့် သေဆုံးမှု သတင်းသည် အခြေအနေကို ပိုမိုဆိုးရွားစေခဲ့ရာ အင်တာနက် မရှိသေးမီက ဖြစ်သည်ကို ထည့်ပြောသင့်သည်။

အီဂျစ် ဥပမာသည် ထကြွမှုများ လျင်မြန်စွာ ဖြစ်ရေးအတွက် အင်တာနက်၏ စွမ်းအားကို ရိုးရိုးလေး ပြသခြင်းသာ ဖြစ်သည်။ ငြင်း၍ မရနိုင်သော အချက်မှာ တက်ကြွ လှုပ်ရှားသူများ၏ ရင်ထဲရှိ ဆုံးဖြတ်ချက် ခိုင်မာမှုများသည် အင်တာနက် ရှိသည်ဖြစ်စေ မရှိသည်ဖြစ်စေ ကိန်းအောင်းနေမည်သာ ဖြစ်သည်။ သို့သော် အာရပ်ကမ္ဘာ၏ မငြိမ်သက်မှုများ၊ အင်တာနက် စွမ်းအားဖြင့် လျင်မြန်စွာ ပျံ့နှံခဲ့သည် ဆိုသည်ကတော့ ရှင်းနေသည်။

တူနီးရှား တော်လှန်ရေး၊ အီဂျစ်၊ ဘာရိန်း၊ လစ်ဗျား၊ ယီမင်နှင့် မကြာသေးမီက မော်ရိုကိုရှိ အဖြစ်အပျက်များသည် နှစ်လအတွင်း ဖြစ်ပျက်ခဲ့ခြင်းဖြစ်သည်။

၁၉၇၉ အီရန်တော်လှန်ရေးမှာ အမြင့်ဆုံး မရောက်မီ နှစ်နှစ်ကတည်းက စတင်ဖြစ်ပျက်ခဲ့ခြင်းဖြစ်သည်။ ၁၉၈၉ခုနှစ်က တရုတ်ပြည်မှ Tiananmen ရင်ပြင် ဆန္ဒပြမှုများသည် နှစ်ပေါင်းကြာရှည်က သန္ဓေတည်ခဲ့ရပါသည်။

ကောက်ချက်ချရသော် အင်တာနက်သည် တော်လှန်ရေးများကို မြန်အောင် လုပ်ပေးသော အကြီးမားဆုံး လက်ဆောင်တစ်ခုကား အင်တာနက် မရှိခြင်းကြောင့် တော်လှန်ရေး တစ်ခုသည် နှေးကွေး သွားနိုင်သော်လည်း ရပ်တန့်သွားနိုင်ခြင်းကား မရှိပေ။

___________________________________________________________


လစ်ဗျားအပေါ် အမေရိကန် ငွေကြေး Sanction  အလုပ်ဖြစ် မဖြစ် အမေးအဖြေများ

(၂၅ဖေဖော်ဝါရီ၂၀၁၁ရက်စွဲပါReuters ၏ Q + A how U.S financial sanction on Libya might work ကို ဘာသာပြန်သည်)

အမေရိကန် ပြည်ထောင်စုသည် သောကြာနေ့က လစ်ဗျား အစိုးရအပေါ် Sanction များ ချမှတ်ခဲ့ရာ လစ်ဗျား ခေါင်းဆောင် ကဒါဖီ၊ ၎င်း၏ မိသားစုနှင့် အခြား အကြီးတန်း တာဝန်ရှိသူများ အပေါ် ရည်ရွယ်၍ ချမှတ်ခဲ့သည်။

ကမ္ဘာတစ်ဝှမ်းရှိ အမေရိကန် ဘဏ်များနှင့် အဖွဲ့အစည်းများ တွင်ရှိသော လစ်ဗျားအစိုးရနှင့် ပတ်သက်သည့် ငွေကြေး ပိုင်ဆိုင်မှုများကို ထိန်းသိမ်းထားရန် အမိန့်ကို သမ္မတ Barack Obama က လက်မှတ်ရေးထိုးခဲ့သည်။

အမေရိကန် ပြည်ထောင်စုအနေဖြင့် Sanction များကို မည်သို့ တွန်းအားပေး ချမှတ်ခဲ့သည် ဆိုသည်နှင့် မည်သို့သော တရားဝင် အခွင့်အာဏာများ လိုအပ်သည် ဆိုသည်ကို အောက်တွင် မေးခွန်းနှင့် အဖြေများ ဖော်ပြထားသည်။

လစ်ဗျား၏ပိုင်ဆိုင်မှုများကိုအမေရိကန်ဘဏ္ဍာရေးဌာနကထိန်းသိမ်းထားနိုင်သလော။

Obama ၏ အမိန့် (executive order) သည် Sanction များ ချမှတ်ရမည့် လမ်းကြောင်း ရှင်းရှင်းလင်းလင်း ဖော်ပြထားပြီး ဖြစ်သည်။ executive order အမျိုးမျိုးရှိသည့် အနက် ပြည်သူများကို နှိပ်စက်ခြင်း သို့မဟုတ် အမေရိကန်၏ လုံခြုံရေးကို ခြိမ်းခြောက်သော နိုင်ငံများဖြစ်သည်ဟု စွပ်စွဲခံရသည့် အီရန်၊ ဆူဒန်၊ ဇင်ဘာဘွေနှင့် မြန်မာနိုင်ငံ ကဲ့သို့သော အစိုးရများကို ရည်ရွယ်ချမှတ်သော အမိန့်များလည်း ရှိသည်။ အချို့ Executive order များမှာ အကြမ်းဖက်သမားများကို ငွေကြေးထောက်ပံမှုများ၊ လူအများ သေကြေစေနိုင်သော လက်နက်များ ပြန့်ပွားစေမှုများ သို့မဟုတ် မူးယစ်ဆေးဝါး ရောင်းဝယ်သူများကို ချမှတ်ခြင်းဖြစ်သည်။ Obama မည်သို့ Executive order ချမှတ်နိုင်သနည်း။

အခြေအနေကို လည်းကောင်း၊ ခြိမ်းခြောက်လာမှု ကိုလည်းကောင်း အကဲဖြတ်မှုအပေါ် အခြေခံ၍၊ သမ္မတသည် အမျိုးသား အရေးပေါ် အက်ဥပဒေနှင့် နိုင်ငံတကာ အရေးပေါ် စီးပွားရေး ပါဝါအက်ဥပဒေတို့မှ အပ်နှင်းထားသော အာဏာအရ အမျိုးသား အရေးပေါ် (national emergency) ကျေညာရသည်။ ၎င်းသည် ရည်ရွယ်လိုသူများ၏ ငွေကြေးစာရင်း လွှဲပြောင်းမှုများကို ပိတ်ပင်ခြင်းနှင့် ၎င်းတို့ ပိုင်ဆိုင်မှုများကို ထိန်းသိမ်းထားခြင်းများ ပြုလုပ်နိုင်သည်။

ထို့အပြင် အကယ်၍ ကုလသမဂ္ဂ လုံခြုံရေး ကောင်စီက တိုင်းပြည်တစ်ပြည်အား Sanction များ ပြုလုပ်ရန် ဆုံးဖြတ်ချက် ချမှတ်ခဲ့လျှင် Obama သည် ဘဏ္ဍာရေးဌာနကို အရေးယူခွင့်ပြုသည့် Sanction များ ချမှတ်ရန် Executive order ထုတ်ပြန်နိုင်သည်။

ငွေကြေးဆိုင်ရာSanction များမည်သို့အလုပ်ဖြစ်သနည်း။

အကယ်၍ အမိန့်ထုတ်ပြန်ခဲ့သည် ဆိုပါစို့။ ဘဏ္ဍာရေး၊ ဌာန၏ နိုင်ငံခြား ပိုင်ဆိုင်မှု ထိန်းချုပ်ရေး အဖွဲ့သည် အရေးယူမှု ပြုလုပ်လိုသည့် အစိုးရ သို့မဟုတ် အဖွဲ့နှင့် ဆက်စပ်နေသော တစ်ဦးချင်း ပုဂ္ဂိုလ်များ၊ ကုမ္ပဏီများနှင့် အဖွဲ့များကို ဖော်ထုတ်ရမည်။ ထို့နောက် ၎င်းတို့ကို အထူးအမည်စာရင်း သတ်မှတ်ရေးသွင်းပြီး အမေရိကန် နိုင်ငံသားများအား ၎င်းတို့နှင့် ငွေကြေးလွှဲပြောင်းမှုနှင့် ပတ်သက်၍ မဆက်ဆံရန် တားမြစ်ထားသည်။ အမေရိကန် တရားစီရင်ရေးအောက်ရှိ ၎င်းတို့ ပိုင်ဆိုင်မှုများကိုလည်း ထိန်းသိမ်း ထားနိုင်သည်။ ငွေကြေးဆိုင်ရာ အဖွဲ့အစည်းများသည် အဆိုပါအမည်မည်း စာရင်းထဲရှိ ပုဂ္ဂိုလ်၊ အဖွဲ့များနှင့် ဖြစ်နိုင်သမျှ ငွေကြေးလွှဲပြောင်းမှုများကို သေချာစွာ စစ်ဆေးရမည်ဖြစ်သည်။ ရည်ရွယ်ချက်မှာ ၎င်းတို့ကို နိုင်ငံတကာ ငွေကြးစနစ်အတွင်းသို့ ဝင်မလာနိုင်အောင် တားဆီးထားနိုင်ရေးဖြစ်သည်။

ငွေကြေးဆိုင်ရာ Sanction များသည် မည်မျှထိရောက်သနည်း။

၎င်းသည် အကြမ်းဖက် သမားများအား ငွေကြေးထောက်ပံ့သော ကွန်ရက်ကဲ့သို့သော အဖွဲ့များ၊ အစိုးရများ ငွေကြေးစနစ်အတွင်း ဝင်မလာနိုင်အောင် ထိရောက်စွာ တားဆီးထားနိုင်သည်။ သို့သော် ထိုအစိုးရများ အဖွဲ့များ၏ မူဝါဒများ၊ အပြုအမူများ ပြောင်းလဲသွားအောင် ပြုလုပ်ရာတွင် ထိရောက်မှုရှိမရှိကိုမူ ရှင်းရှင်းလင်းလင်း မသိနိုင်ပေ။

၂၀၀၅ ခုနှစ်က Macau’s Banco Delta Asia ကို အမည်မည်း စာရင်းသွင်းခဲ့သောကြောင့် မြောက်ကိုရီးယား၏ နိုင်ငံတကာ ငွေကြေးစနစ်ဖြင့် ဆက်သွယ်မှုကြီး ရပ်သွားခဲ့သည်။ အမေရိကန်နှင့် နိုင်ငံခြားစနစ်ဖြင့် ဆက်သွယ်မှုကြီး ရပ်သွားခဲ့သည်။ အမေရိကန်နှင့် နိုင်ငံခြားဘဏ်များသည် အဆိုပါဘဏ်နှင့် ငွေစာရင်း လွှဲပြောင်းမှုများ ရပ်ဆိုင်းခဲ့ရာ၊ အဆိုပါကိစ္စသည် ပြုံးယမ်းနှင့် နျူကလီယာကိစ္စ စကားပြောရာတွင် အဓိကကိစ္စဖြစ်လာသည်။

အီရန်၏ နျူကလီယာနှင့် ဒုံးကျည် အစီအစဉ်များကြောင့် ပြီးခဲ့သည့်နှစ်က အီရန်အပေါ် အရေးယူမှုများကို ပိုမိုအားဖြည့်ခဲ့ရာ အီရန်၏ စီးပွားရေးကို ထိခိုက်ပြီး၊ ပစ္စည်းတင်သွင်းမှုများ ဖြတ်တောက်ခံခဲ့ရသည်။ သို့သော် အီရန်၏ နျူကလီယား အစီအစဉ်များ အပေါ် သက်ရောက်မှု ရှိမရှိ အထောက် အထား လုံလောက်အောင် မရှိပေ။ အီရန်ကလည်း Sanction ကို ရှောင်၍ ငွေကြေးစာရင်း လွှဲပြောင်းမှုများ ပြုနိုင်ရန် ရေနံကုမ္ပဏီ အသစ်များ ထောင်ရသည်ဟု ဘဏ္ဍာရေးဌာနက ပြောသည်။

သို့သော် လစ်ဗျားအပေါ် အမေရိကန်က Sanction များ ချမှတ်ခဲ့ခြင်းကြောင့် ကဒါဖီသည် ၎င်း၏ လူအမြောက်အများ သေစေနိုင်သော လက်နက် ထုတ်လုပ်ရေး အစီအစဉ်များကို စွန့်လွှတ်ခဲ့ပြီး နိုင်ငံတကာ လက်နက် စစ်ဆေးသူများကို လစ်ဗျားနိုင်ငံတွင်းသို့ ဝင်ရောက် စစ်ဆေးခွင့်ပြုခဲ့သည်။ ထို့ကြောင့် ဝါရှင်တန်သည် Sanction များကို ၂၀၀၄ ခုနှစ်က ပြန်လည် ရုတ်သိမ်းပေးခဲ့သည်။

အမေရိကန်အစိုးရကလစ်ဗျား၏ပိုင်ဆိုင်မှုများကိုတရားရုံးတင်၍သိမ်းယူနိုင်သလား။

ရပါသည်။ အမေရိကန် တရားရေး ဌာနသည် ဖက်ဒရယ် တရားရုံးအား အစိုးရက တရားမဝင် ရရှိထားသည်ဟု ယုံကြည်ရသော ငွေကြေးနှင့် ပစ္စည်းများအား သိမ်းယူရန် စေခိုင်းနိုင်သည်။ ထိုသို့ သိမ်းယူရန်အတွက် အချိန်ကာလ ကြာရှည်နိုင်သည်။ ပိုင်ရှင်များ၏ ကာကွယ်မှု အသနားခံမှုများ ရှိနိုင်သောကြောင့် ဖြစ်သည်။ အဆိုပါ လုပ်ငန်းစဉ်အား မြို့ပြပိုင်ဆိုင်မှု သိမ်းယူရေး (civil asset forfeiture) ဟု ခေါ်နိုင်ပြီး တရားမဝင် ရရှိထားသည်ဟု ယူဆရသော ငွေစာရင်း သို့မဟုတ် ပစ္စည်းများ အမေရိကန် ပြည်ထောင်စုတွင် တွေ့ရှိပါက အဆိုပါ Civil asset forfeiture ကို ပြုလုပ်နိုင်သည်။

ဥပမာအားဖြင့် တရားရေးဌာနသည် တိုင်ဝမ်သမ္မတဟောင်းနှင့် ၎င်း၏ မိသားစု လာဘ်ပေး လာဘ်ယူမှုနှင့် ရယူထားသည်ဟု ယုံကြည်ရသော Manhattan ရှိ ဇိမ်ခံတိုက်ခန်း အပါအဝင် ပိုင်ဆိုင်မှု နှစ်ခုအား သိမ်းဆည်းခဲ့ဖူးသည်။

____________________________________________


မြန်မာငွေစက္ကူဈေး ကောလာဟလကြောင့် ဆန်ဈေးတက်


(Radio Australia News မှ 28 February 2011 ရက်စွဲပါ “New Burma Bank Note Rumours Sends Rice Prices Up” ကို ဘာသာပြန်ဆိုသည်)

မြန်မာနိုင်ငံတွင် အစိုးရက ငွေစက္ကူ အသစ် ရိုက်နှိပ်ထုတ်ဝေရန် စီစဉ်နေကြောင်း သတင်းများ ထွက်ပေါ်လာမှုကြောင့် နိုင်ငံ၏ အကြီးဆုံး မြို့တော် ရန်ကုန်တွင် ဆန်ဈေးနှုန်းနှင့် အခြား ကုန်ပစ္စည်း ဈေးနှုန်းများ မြင့်တက်သွားခဲ့သည်ဟု သိရှိရသည်။

ကျပ်တစ်သောင်းတန် ငွေစက္ကူသစ် ထုတ်ဝေရန် အစိုးရက ပြင်ဆင်နေသည့် သတင်းများကြောင့် အရည်အသွေးမြင့် ဆန်တစ်အိတ်လျှင် ၃၄ ဒေါ်လာမှ ၃၈ဒေါ်လာသို့ ခုန်တက်သွားစေခဲ့သည်။

ရာသီဥတု ဖောက်ပြန်ခြင်း၊ သယ်ယူပို့ဆောင်ခ ဈေးကြီးခြင်း၊ စားသုံးဆီ ဈေးတက်ခြင်းတို့က ကုန်ဈေးနှုန်းများ အပေါ်တွင် သက်ရောက်မှု ရှိနေသည်ဟု ရန်ကုန်မှ ကုန်သည် အသိုင်းအဝိုင်းက ပြောကြားခဲ့သည်။

အနာဂတ် ဆန်ဈေးတက်ချိန်တွင် အမြတ်ငွေ ပိုမိုရရှိရန် မျှော်လင့်ချက်ဖြင့် ပြည်တွင်း ကုန်သည်များက ဆန်ဖြန့်ဖြူးမှုကို ထိန်းချုပ်လျက် ရှိသည်ဟုလည်း ကြားသိရသည်။

____________________________________________________


ဒေါ်အောင်ဆန်းစုကြည်ကို ချက်ရီပတ်ဘလစ်နိုင်ငံ ထောက်ခံ

(Associated Press မှ 1 March 2011 ရက်စွဲပါ “Foreign Minister Assures Suu Kyi of Czech Support” ကို ဘာသာပြန်ဆိုသည်)

ချက်ရီပတ်ဘလစ် နိုင်ငံ၏ နိုင်ငံခြားရေး ဝန်ကြီးက “ယင်း၏ နိုင်ငံအနေဖြင့် ဥရောပသမဂ္ဂက မြန်မာနိုင်ငံအပေါ် ချမှတ်ထားသော အရေးယူ ဒဏ်ခတ်မှု Sanctions များ ရုတ်သိမ်းရေးကို ဆန့်ကျင်သည်” ဟု ထုတ်ဖော် ပြောကြားလိုက်သည်။

နိုင်ငံခြားရေး ဝန်ကြီး ကာရယ်ရှဝါဇင်ဘတ် က မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တနင်္လာနေ့တွင် တယ်လီဖုန်းဖြင့် စကားပြောဆိုခဲ့ရာ၌ မြန်မာနိုင်ငံအပေါ် ချမှတ်ထားသော နိုင်ငံတကာ အရေးယူ ဒဏ်ခတ်မှုများ ဆက်၍ထားရှိရန် သူမ၏ တောင်းဆိုထားမှုကို ချက်ရီပတ်ဘလစ်နိုင်ငံက ထောက်ခံကြောင်း ပြောကြားခဲ့သည်။

ချက်ရီပတ်ဘလစ် နိုင်ငံခြားရေး ဝန်ကြီးက ဒေါ်အောင်ဆန်းစုကြည်အား “ယနေ့ခေတ်၏ အကြီးကျယ်ဆုံး သူရဲကောင်းများထဲမှ တစ်ဦး” ဟု ခေါ်ဝေါ် ဂုဏ်ပြုလိုက်ပြီး သူမအနေဖြင့် နိုင်ငံတကာ ခေါင်းဆောင်များနှင့် တွေ့ဆုံခွင့် ရသင့်သည်ဟုဆိုသည်။

__________________________________________________


တရုတ်ပတ်ဝန်းကျင်ညစ်ညမ်းမှုကဖွံ့ဖြိုးမှုကိုခြိမ်းခြောက်

(BBC သတင်းမှ 28 Feb 2011 ရက်စွဲပါ China pollution threatens growth ကို ဘာသာ ပြန်ဆိုသည်။)

ပတ်ဝန်းကျင် ညစ်ညမ်းမှုများနှင့် သယံဇာတများအား တောင်းဆိုမှုများသည် စီးပွားရေး ဖွံ့ဖြိုးတိုးတက်မှုကို ဒုက္ခပေးမည့် ခြိမ်းခြောက်မှု ဖြစ်ကြောင်း တရုတ်နိုင်ငံ ပတ်ဝန်းကျင် ထိန်းသိမ်း ကာကွယ်ရေး တာဝန်ရှိသူ တစ်ဦးက ပြောကြားခဲ့သည်။

ဖွံ့ဖြိုးတိုးတက်မှုနှင့် သဘာဝ တရားကြီးကြား ပြဿနာမှာ ယခုအချိန်လောက် မည်သည့်အခါကမျှ မပြင်းထန်ခဲ့ဘူးကြောင်း ပတ်ဝန်းကျင်ဆိုင်ရာ ဝန်ကြီး Zhou Sheng × ian က ပြောကြားခဲ့သည်။

အကယ်၍ တရုတ်အနေနှင့် နှစ်ပေါင်း နှစ်ဆယ်အတွင်း စီးပွားရေးကို အခြား ထိခိုက်မှုများ မရှိအောင် ဆောင်ရွက်လျက် လေးဆကြီးထွားအောင် ပြုလုပ်နိုင်မည် ဆိုလျှင်၊ သယံဇာတ အသုံးပြုမှု၌ ပိုမိုကျွမ်းကျင် လာမည်ဟု ၎င်းကပြောသည်။

သို့မဟုတ်လျှင် ပြန်လည်ပေးဆပ်ရမှု ကြီးမားလိမ့်မည်ဟု ၎င်းကပြောသည်။ ၎င်း၏ မှတ်ချက်များသည် မတ်လ၅ ရက်နေ့တွင် စတင်မည့် တရုတ် ပါလီမန် အစည်းအဝေး မကျင်းပမီ ထွက်ပေါ်လာခဲ့ခြင်း ဖြစ်သည်။

ထိုသို့ မပြောကြားမီ တစ်ရက်တွင် ဝန်ကြီးချုပ် ဝမ်ကြားပေါင်က တရုတ်၏ စီးပွားရေး တိုးတက်မှု နှုန်းသည် ၇.၅%  မှ ၇%  အထိ လျော့နည်းနေကြောင်း၊ အကြောင်းမှာ ပတ်ဝန်းကျင်ဆိုင်ရာ သက်ရောက်မှုများ ရှိနေခြင်းကြောင့် ဟု ပြောကြားခဲ့သည်။

Zhou ၏ မှတ်ချက်များမှာ ပတ်ဝန်းကျင် ထိန်းသိမ်းရေး ဝန်ကြီးဌာန ဝက်ဆိုက်ဒ်တွင် ၎င်းရေးသားသော ဆောင်းပါးမှဖြစ်သည်။

“တရုတ်နိုင်ငံရဲ့ ထောင်ပေါင်းများစွာ လူ့အဖွဲ့အစည်း ဖြစ်တည်မှုတွင် ယခုလောက် လူသားဖြစ်တည်မှုနှင့် သဘာဝ တရားကြားတွင် ပဋိပက္ခပြင်းထန်မှု မကြုံဘူးခဲ့ပါ” ဟု ၎င်းက ရေးသားထားသည်။

“သယံဇာတများ လျော့နည်းလာခြင်း၊ ပျက်စီးလာခြင်း၊ ကုန်ခမ်းလာခြင်းနှင့် ပတ်ဝန်ကျင် ယိုယွင်းမှုများသည် စီးပွားရေးနှင့် လူမှုရေးဖွံ့ဖြိုး တိုးတက်မှုများ၊ အကန့်အသတ်ဖြင့် ကြီးမားစွာ နှောင့်နှေးစေပါသည်”ဟု ရေးသားထားသည်။

တရုတ်နိုင်ငံသည် လေထုနှင့် ရေထုညစ်ညမ်းမှုကို ဦးစားပေး မဖြေရှင်းပါက ခံစားရလိမ့်မည်ဟု ၎င်းကပြောသည်။

၎င်းက အကြံပြုရာတွင် ၎င်း၏ ဝန်ကြီးဌာနသည် ဖန်လုံအိမ် ဓာတ်ငွေ့ ထုတ်လွှတ်မှု ကိုင်တွယ်ရာတွင် ပို၍ အရေးပါသော ကဏ္ဍမှ ပါဝင်သင့်ပြီး ဖွံ့ဖြိုးတိုးတက်မှု စီမံကိန်းသစ်များသည် ရာသီဥတု ပြောင်းလဲမှုကို သက်ရောက်မှု ရှိမရှိ အကဲဖြတ်ရမည်ဟု ဆိုသည်။

ပြီးခဲ့သည့် ဆယ်စုနှစ်များက တရုတ်နိုင်ငံသည် ပတ်ဝန်းကျင် ဆိုင်ရာထက် ဖွံ့ဖြိုးတိုးတက်မှုကို ဦးစားပေးခဲ့သဖြင့် ယခုအခါ ကမ္ဘာပေါ်တွင် လေထုနှင့် ရေကြောင်း အညစ်ညမ်းဆုံး နိုင်ငံဖြစ်နေပြီဖြစ်သည်။

တရုတ်နိုင်ငံသည် ကျောက်မီးသွေး အပေါ်တွင် ကြီးမားစွာ မှီခိုနေရကာ ကာဗွန်ဒိုင်အောက်ဆိုဒ် ထုတ်လွှတ်မှုတွင် ကမ္ဘာ့ဦးဆောင် နိုင်ငံဖြစ်နေသည်။ ထို့အပြင် ၂၀၀၉ ခုနှစ်တွင် ကမ္ဘာ့အကြီးဆုံး မော်တော်ကားနှင့် ဗင်ကားဈေးကွက် အဖြစ် အမေရိကန်ကို ကျော်တက်ခဲ့ပြန်သည်။

လတ်တလော နှစ်များအတွင်း စက်မှုလုပ်ငန်း စွန့်ပစ်ပစ္စည်းများ စုပုံမှုကြောင့် မြစ်ချောင်းများကို ပျက်စီးစေကာ ဒေသခံနေထိုင်သူများကို အန္တရာယ်ဖြစ်စေသည့် အထောက်အထား သာဓကများ အရေအတွက်များစွာ ထွက်ပေါ်လာခဲ့သည်။

ပတ်ဝန်းကျင် ညစ်ညမ်းမှုကို ကိုင်တွယ်မည်ဟု တရုတ်အစိုးရက အကြိမ်ကြိမ် ကတိပေးခဲ့သော်လည်း အဆိုပါ ဆုံးဖြတ်ချက်များကို အင်တိုက်အားတိုက် အကောင်အထည်ဖော်ရန် ပျက်ကွက်နေသည်ဟု ဘေဂျင်းမှ BBC သတင်းထောက် Martin Patience က သတင်းပေး ပို့သည်။

__________________________________________________________


မြောက်ကိုရီးယားက ခြိမ်းခြောက်သည့်ကြားမှ အမေရိကန် - တောင်ကိုရီးယား စစ်ရေးလေ့ကျင့်မှုစတင်

(AFP သတင်းဌာနမှ 28 feb 2011 ရက်စွဲပါ US S.Korea launch war games amid N.korea thread သတင်းကို ဘာသာပြန်ဆိုသည်။)

မည်သို့သော ရန်စကျူးကျော်မှု တွင်မဆို ဆိုးလ်ကို မီးပင်လယ်ဖြစ်အောင် ပြုလုပ်တုန့်ပြန်မည်ဟု မြောက်ကိုရီးယားက ခြိမ်းခြောက်နေသည့် ကြားမှပင် အမေရိကန် ပြည်ထောင်စုနှင့် တောင်ကိုရီးယား တပ်ဖွဲ့များက နှစ်စဉ် ပြုလုပ်နေကျ ဖြစ်သော ကြည်း၊ ရေ၊ လေ၊ ပူးတွဲ စစ်လေ့ကျင့်ခန်များကို တနင်္လာနေ့တွင် စတင်ပြုလုပ်လိုက်သည်။

ပြီးခဲ့သော နိုဝင်ဘာလက တောင်ကိုရီးယား နယ်နိမိတ် ကျွန်းအား မြောက်ကိုရီးယားက အမြောက်ဖြင့် ပစ်ခတ်ပြီး နောက်ပိုင်း ယခု Fool Eagle စစ်ရေး လေ့ကျင့်ခန်း များကို ပထမဆုံး ပြုလုပ်ခြင်း ဖြစ်သည်။ စစ်ရေးလေ့ကျင့်ခန်းများသည် တားဆီး ကာကွယ်ရေးအတွက် ရည်ရွယ်ခြင်း ဖြစ်ကြောင်း အမေရိကန်နှင့် တောင်ကိုရီးယားတို့က ပြောကြားသော်လည်း မြောက်ကိုရီးယား တို့ကမူ ကျူးကျော်ရန် အစမ်းလေ့ကျင့်မှုဟု ထုံးစံအတိုင်း စွပ်စွဲ ကန့်ကွက်ခဲ့သည်။

အကယ်၍ ကျူးကျော်လိုသူများက ဒေသတွင်း စစ်ပွဲကို လှုံဆော်မီးမွှေးခဲ့မည် ဆိုပါက မြောက်ကိုရီးယား စစ်တပ်နှင့် ပြည်သူများ၏ မကြုံဘူးသော မီးကုန်ယမ်းကုန် ပြန်လည် တိုက်ခိုက်မှုကို ကမ္ဘာက တွေ့မြင်ကြရမည်” ဟု မြောက်ကိုရီးယား စစ်ဖက်က တနင်္ဂနွေ နေ့တွင် ကြေညာသည်။

ဂရုဏာကင်းသည့် တန်ပြန်တိုက်စစ်အဖြစ် ဆိုးလ်ကို မီးလောင်တိုက် သွင်းခြင်းကို တွေ့မြင်ကြရမည့် အပြင် ထိပ်တိုက်ရင်ဆိုင်မှု မှန်သမျှကို စိတ်ကူး၍ပင် မရနိုင်သည့် မဟာဗျူဟာ နည်းဗျူဟာများဖြင့် အစိတ်စိတ်အမွှာမွှာ ချေမှုန်းပစ်မည်ဟုလည်း လျာလိပ်မတတ် လေသေနတ် ပစ်လိုက်သည်။ တောင်ကိုရီးယားမှ စစ်ရေးလေ့ကျင့်မှုများ ပြုလုပ်ခါနီးတိုင်းတွင် မြောက်ကိုရီးယားက ထိုသို့သော သတိပေးချက်များကို  ထုတ်ပြန်နေကျ ဖြစ်သည်။ သို့သော်လည်း နိုဝင်ဘာလက အမြောက်ပစ်ခတ်မှုတွင် မရင်းတပ်သား ၂ဦးနှင့် အရပ်သား ၂ဦး သေဆုံးခဲ့ရပြီး နောက် ၂နိုင်ငံ တင်းမာမှု ကြီးထွားလာခဲ့သည်။

တောင်ကိုရီးယားကလည်း ၂၀၁၀ မတ်လ၌ ပင်လယ်ဝါတွင် ရေတပ်သား ၄၆ဦး နှင့်အတူ စစ်သင်္ဘော နစ်မြှုပ်ခဲ့ရခြင်းကို မြောက်ကိုရီးယားက တိုပီဒိုဖြင့် ပစ်ခတ်ခြင်းဖြစ်ကြောင်း စွပ်စွဲခဲ့သည်။ ပြုံးယမ်းကလည်း သူတို့မပစ်ပါဟု ငြင်းဆိုသည်။ ထို့အပြင် အာဖရိက မြောက်ပိုင်းမှ အာဏာရှင် အစိုးရများကို ဖြုတ်ချခဲ့သည့် ရေပန်းစား တော်လှန်မှုများနှင့် ပတ်သက်သော သတင်းများကိုလည်း  ပိတ်ပင်ရန် မြောက်ကိုရီးယား အစိုးရက ကြိုးစားနေသည်ဟု အကဲခတ်လေ့လာသူများက ပြောကြားခဲ့ကြသည်။

အဆိုပါ လူထုအုံကြွမှု သတင်းစာများကို သယ်ဆောင်ထားသော မိုးပျံဘောလုံးများကို တောင်ကိုရီးယား စစ်ဖက်က မြောက်ကိုရီးယား ဖက်သို့ လွှတ်တင်ခဲ့သည်ဟု လွှတ်တော်အမတ် တစ်ဦးက ယခင်အပတ်က ပြောကြားခဲ့သည်။ ပုဂ္ဂလိက လှုပ်ရှားသူများကလည်း ဝါဒဖြန့် လက်ကမ်းစာရွက်များကို မိုးပျံပူဖောင်းများ၏ အောက်တွင် တွဲကာ မကြာခဏ လွှတ်တင်ကြသည်ဟုလည်း သိရှိရသည်။

________________________________________________________________


တရုတ်တွင် ခရာများ၊ ရေပိုက်များ၊ ရဲတပ်ဖွဲ့ဝင်များကို အသုံးပြု၍ ဆန္ဒပြသူများကိုဖြိုခွဲ


(Associated Press မှ ၂၈Feb 2011  ရက်စွဲပါ China USES Whistles Water Police on protests သတင်းကို ဘာသာပြန်ဆိုသည်)

အရှေ့အလယ်ပိုင်းမှ လတ်တလော ဒီမိုကရေစီ လှုပ်ရှားမှုများ၏ ပုံစံအတိုင်း ငြိမ်းချမ်းစွာ စုဝေးကြရန် တောင်းဆိုမှုများ ထွက်ပေါ်လာပြီး နောက်တရုတ်နိုင်ငံတွင် ဒုတိယမြောက် တနင်္ဂနွေနေ့အဖြစ် ဆန္ဒပြခဲ့ကြသူများအား တရုတ်အစိုးရက များပြားလှသော ရဲတပ်ဖွဲ့ဝင်များအပြင် အသံစူးရှသော ခရာများ၊ လမ်းသန့်ရှင်းရေး ထရပ်ကားများ စသောနည်းဗျူဟာသစ်များ အသုံးပြုကာ နှိမ်နင်းဖြိုခွဲခဲ့သည်။

ရှန်ဟိုင်းမြို့တော် ပြည်သူ့ရင်ပြင် အနီးတွင် ယူနီဖောင်းဝတ် ရဲများက ခရာများ အဆက်မပြတ် မှုတ်ကာ ပြည်သူများအား အော်ဟစ် မောင်းထုတ်ခဲ့ကြသော်လည်း ယခင်အပတ်ကထက် ပို၍များလာသည့် ငြိမ်သက်စွာ ဆန္ဒပြသူများနှင့် ဘေးမှ ရပ်ကြည့်သူများ ရောနှောနေသည့် လူ၂၀၀ခန့် အုပ်စုက စူးရှသော ခရာသံများကို မမှုပဲ ရဲဝံ့စွာ ရင်ဆိုင်ခဲ့ကြသည်။

ဘေဂျင်းတွင်မူ လမ်းများကို ရေဆေးရာတွင် အသုံးပြုသည့် သန့်ရှင်းရေး ထရပ်ကားများကို လူရှုပ်သော မြို့လယ် ဈေးဝယ် ရပ်ကွက်အတွင်း ခေါက်တုံ့ခေါက်ပြန် မောင်းနှင်ကာ ရေဖြန်းပြီး လူအုပ်ကို ဘေးသို့ ရှဲအောင်ပြုလုပ်ခဲ့သည်။

နိုင်ငံခြား သတင်းထောက်များ သည်လည်း ရဲတပ်ဖွဲ့၏ တင်းကြပ်သော ထိန်းချုပ်မှုနှင့် ရင်ဆိုင်ကြရသည်။ ရှန်ဟိုင်းတွင် အာဏာပိုင်များက နိုင်ငံခြား သတင်းထောက်များကို တနင်္ဂနွေနေ့တွင် ခေါ်ယူကာ ဆန္ဒပြနေရာများနှင့် ဝေးဝေးနေကြရန် သွယ်ဝိုက် သတိပေးခဲ့သလို ဘေဂျင်းလည်း ရဲတပ်ဖွဲ့ဝင်များက သတင်းထောက်များ၏ နောက်မှ ထပ်ချပ်မကွာ လိုက်ခဲ့ကြပြီး ဆန္ဒပြ လှုံ့ဆော်မှုများ ဖြစ်ပွားနေသော ဝမ်ဖူကျင်း ဈေးလမ်းမသို့ ကင်မရာပါသူများ မဝင်နိုင်အောင် ပိတ်ဆို့ခဲ့ကြသည်။

ထို့အပြင် ရဲတပ်ဖွဲ့များက တရုတ်ပြည်သူများစွာ ကိုလည်း ဖမ်းဆီးလျက်ရှိပြီး ဆန္ဒပြရန် ကြိုးစားသူများ ဟုတ်မဟုတ် သေချာစွာ မသိရှိပဲနှင့် ဘေဂျင်းတွင် အနည်းဆုံး ၂ဦး၊ ရှန်ဟိုင်းတွင် ၄ဦးကို ရဲကားများထဲသို့ ဆွဲသွင်းကာ မောင်းထွက် သွားခဲ့ကြသည်ဟု သိရှိရသည်။

×××××××××××××××××××××××××××××××××××××××××××××××××××××××××××××
Sent to transparency.myanmar@gmail.com: unsubscribe | update profile | forward to a friend
Email Marketing Powered by MailChimp
 

၂၈..၂၀၁၁


ပြည်တွင်းသတင်းများ


နိုင်ငံပိုင်  အဆောက်အအုံနှင့်မြေကွက်များလေလံတင်ရောင်းချမှုအတွက်အဆိုပြုလွှာတင်သွင်းသူများပြား

 ဖေဖော်ဝါရီ ၂၈


နိုင်ငံတော်ပိုင်မြေနှင့် အဆောက်အအုံများ၊ နိုင်ငံပိုင်အဖြစ် သိမ်းဆည်းထားသော မြေနှင့်အဆောက်အအုံများ လေလံတင် ရောင်းချခြင်းအတွက် အဆိုပြုလွှာ တင်သွင်းခြင်းကို နေပြည်တော်၌ ဖေဖော်ဝါရီလ ၂၄ ရက်နေ့က ပြုလုပ် ခဲ့ရာတွင် အဆိုပြုလွှာ တင်သွင်းသူ အများဆုံး လာရောက်ခဲ့ကြကြောင်း သိရှိရသည်။

အဆိုပြုလွှာပိတ်ရက်ဖြစ်သည့် ဖေဖော်ဝါရီ ၂၄ ရက်နေ့ ညနေ ၄ နာရီကျော်သည်အထိ အဆိုပြုလွှာတင်သွင်း သူများ ရှိနေဆဲ ဖြစ်ပြီးယင်းနေ့တွင် ရန်ကုန်မြို့မှ နေ့ချင်းပြန်လာရောက် အဆိုပြုလွှာတင်သွင်းသူ အရေအတွက်မှာ အများ ဆုံးဖြစ်ကြောင်းသိရသည်။

ယင်းသို့ အဆိုပြုလွှာများ ခေါ်ယူခဲ့ရာတွင် ယခုအကြိမ်တွင်လေလံတင်ရောင်းချသည့် အဆောက်အအုံနှင့်မြေကွက် အရေအတွက် များပြားခြင်း၊ ရန်ကုန် မြို့တော်ရှိ မြေနှင့်တိုက်ခန်းအများ ဆုံးပါဝင်ခြင်း၊ ရန်ကုန်မြို့လယ်ရှိ မဟာဗန္ဓုလ လမ်း၊ ရွှေဘုံသာလမ်း၊ ကမ်းနားလမ်း၊ ဗိုလ်ချုပ်လမ်း၊ ဗိုလ် အောင်ကျော်လမ်း၊ ပန်းဆိုးတန်းလမ်း၊ ဆူးလေဘုရားလမ်း၊ အနော်ရထာ လမ်းစသည့်အဓိကလမ်းမကြီးပေါ်ရှိ အဆောက်အအုံနှင့် မြေညီထပ် တိုက်ခန်းများ ပါရှိနေခြင်းကြောင့် လေလံဆွဲလိုသူ ပုဂ္ဂိုလ်တစ်ဦးချင်း အပြင် အဖွဲ့ အစည်းများ၊ ကုမ္ပဏီများ ပါဝင်လာကြောင်းလည်းသိရသည်။

အဆိုပြုလွှာခေါ်ယူခဲ့သည့် နိုင်ငံတော်ပိုင်နှင့်နိုင်ငံပိုင်အဖြစ် သိမ်းဆည်း မြေကွက်နှင့်အဆောက်အအုံ ၂၆၈ လုံးတွင် ဆိုင်းငံ့အဖြစ်ကြေညာထားသည့် အဆောက်အအုံနှင့်မြေကွက်မှာ ၁၅ ခုဖြစ်ကြောင်း သိရသည်။

-----------------------------------------------------------------------------------------------------------------------------------

ဂီရိကြောင့်ပျက်စီးသွားသည့် တာတမံများကို အန်ဂျီအို အလှူငွေဖြင့် တည်ဆောက်မည်

ရခိုင်ပြည်နယ် ကျောက်ဖြူနှင့် မြေပုံမြို့နယ်အတွင်း ဂီရိမုန်တိုင်းဒဏ်ကြောင့် ပျက်စီးသွားသည့် တာတမံများကို အန်ဂျီအိုအဖွဲ့တစ်ခုဖြစ်သည့်Save the Childernမှလှူဒါန်းသည့်ငွေဖြင့် ပြန်လည်တည် ဆောက်မည်ဖြစ်ကြောင်း သိရသည်။

“Save the Childern အန်ဂျီအိုက လှူတဲ့ငွေနဲ့ ကျွန်တော်တို့ လင်းရောင်ခြည်အဖွဲ့က ဦးဆောင်ပြီး ကျောက်ဖြူနဲ့ မြေပုံမြို့နယ်မှာ ပျက်စီးနေတဲ့ တာတမံတွေကို ပြန်ပြီးတည်ဆောက်ဖို့ စီစဉ်နေပါတယ်။ အခု သက်ဆိုင်ရာလူငယ်တွေ တာဝန်အသီးသီး ခွဲပြီးသွားကြပြီ”ဟု ကျောက်ဖြူမြို့မှ အဖွဲ့မှခေါင်းဆောင် တစ်ဦးဖြစ်သူ ကိုဗလကြီးက ပြောကြားသည်။

ယခု ရရှိထားသည့်ငွေဖြင့် ကျောက်ဖြူမြို့တောင်ဘက် မိုင် ၃၀ ခန့်အကွာတွင်ရှိသည့် ရွှေညိုမအုပ်စု၊ လောင်းခုတ်တောင် အုပ်စု၊ ဝါးတောင်အုပ်စုနှင့် မြေပုံမြို့ အရှေ့မြောက်ဘက် ၁၅ မိုင်ခန့်အကွာတွင် ရှိသည့် သင်းပေါင်းချောင်းအုပ်စုတွင် ပျက်စီးသွားသည့် တာတမံ များကို စတင်ပြုပြင်မည်ဟု သိရသည်။

ရခိုင်ပြည်နယ်တွင် အောက်တိုဘာလ ၂၂ ရက်နေ့က ဝင်ရောက် တိုက်ခတ်ခဲ့သည့် ဂီရိမုန်တိုင်းကြောင့် သိန်းနှင့်ချီသောဒေသခံများမှာ အိုးမဲ့အိမ်မဲ့ ဖြစ်နေကြရသည့်အပြင် လယ်ယာလုပ်ငန်း များမှာလည်း များစွာပျက်စီးခဲ့သည်။

 
=====================================================


ပြည်တွင်းပါတီ၊နိုင်ငံရေးသတင်းများ       


ဒီမိုကရေစီမိတ်ဆွေပါတီများ နိုင်ငံရေးအကျဉ်းသားများနှင့် ပြည်ပရောက် မြန်မာနိုင်ငံသားများအတွက် ကြိုးပန်း

လက်ရှိလွှတ်တော်နိုင်ငံရေးအခြေအနေ၌ ဒီမိုကရေစီမိတ်ဆွေပါတီများသည် နိုင်ငံရေးမိတ်ဆွေ ပါတီများ သည် နိုင်ငံရေးအကျဉ်းသားများနှင့် နိုင်ငံတကာရောက် မြန်မာနိုင်ငံသား အရေးတို့ကို ဦးစားပေး ဆောင်ရွက်ရန် စီစဉ်လျှက်ရှိကြောင်း သိရသည်။

“အခုလက်တလောအခြေအနေမှာ အစိုးရအသစ်ဆီက အဲတာတွေတောင်းလို့ အကောင်းဆုံးအချိန်တွေပဲ”ဟု ဒီမိုကရက်တစ်ပါတီ မြန်မာ ဥက္ကဋ္ဌ ဦးသုဝေက ပြောကြားသည်။ ယင်းကိစ္စရပ်များနှင့် ပတ်သက်၍ ဒီမိုကရေစီ မိတ်ဆွေပါတီများ ပူးပေါင်းပြီး ကြေငြာချက် တစ်စောင်ကို ဖေဖော်ဝါရီ ၂၆ရက်နေ့တွင် ထုတ်ပြန်ခဲ့သည်။ နိုင်ငံရေး အကျဉ်းသားများ အားလုံးနှင့် နိုင်ငံရေး ယုံကြည်ယူဆ ကွဲလွဲမှု အကြောင်းပြု၍ နိုင်ငံရပ်ခြား ရောက်ရှိနေသူများ အားလုံးကို အကျုံးဝင် သက်ရောက်စေသည့် အထွေအထွေ လွတ်ငြိမ်းချမ်းသာခွင့် ဥပဒေတစ်ရပ် ပြဌာန်းပေးရန် လိုအပ်ကြောင်း အဆိုပါ ကြေငြာချက်၌ တောင်းဆိုထားသည်။

အထွေထွေ လွတ်ငြိမ်းချမ်းသာခွင့်များကို ဖစကလအစိုးရ၊ တော်လှန်ရေးအစိုးရ၊ မြန်မာ့ဆိုရှယ်လစ်လမ်းစဉ်ပါတီအစိုးရ၊ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့အစိုးရ၊ နိုင်ငံတော်အေးချမ်းသာယာရေးနှင့်ဖွံ့ဖြိုးရေး ကောင်စီ အစိုးရ အဆက်ဆက်တွင်လည်း ပုံစံအမျိုးမျိုးဖြင့် ဆောင်ရွက်ပေးခဲ့ဖူးကြောင်း သိရသည်။

ဒီမိုကရေစီ မိတ်ဆွေပါတီများမှာ ချင်းအမျိုးသားပါတီ၊ ဒီမိုကရက်တစ်ပါတီ(မြန်မာ)၊ ဒီမိုကရေစီနှင့်ငြိမ်းချမ်းရေးပါတီ၊ ပြည်ထောင်စုဒီမိုကရေစီပါတီ၊ ပြည်ထောင်စု ကရင်အမျိုးသား အဖွဲ့ချုပ်၊ ဖလုံ-စဝေါ်ဒီမိုကရက်တစ်ပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ ရခိုင်တိုင်းရင်းသားများ ဒီမိုကရက်တစ်ပါတီ၊ ဝံသာနု NLDပါတီ၊ အမျိုးသားဒီမိုကရေစီ အင်အားစုပါတီနှင့် အမျိုးသား နိုင်ငံရေးမဟာမိတ်များ အဖွဲ့ချုပ်တို့ ပါဝင်ကြောင်း သိရသည်။

Peace Press                                                                                                                                                                                        

================================================================

သတင်းနှင့်ဆောင်းပါးများမှကောက်နှုတ်ချက်များ


တ.စ.ညပါတီသည် ၂၀၁၀ ရွေးကောက်ပွဲတွင် လွှတ်တော် အမတ်နေရာ မျှော်မှန်းသလောက် ရရှိခဲ့ခြင်း မရှိသော်လည်း လွှတ်တော် အမတ်နေရာ အများဆုံးရခဲ့သည့် ကြံ့ခိုင်ရေး ပါတီရရှိသည့် မဲအရေအတွက်၏ ရာခိုင်နှုန်း ၅၀ ကျော်ပမာဏရရှိခဲ့သည်။ ကြံ့ခိုင်ရေးပါတီသည် ဆန္ဒမဲအရေအတွက် ၁၁ သန်း ရရှိခဲ့ခြင်းဖြစ်ပြီး တ.စ.ည မှာ ၅ ဒဿမ ၆ သန်းရရှိခဲ့သည်။ "ဒါကိုကြည့်ရင် ကျွန်တော်တို့ကို လက်ခံတဲ့ ပြည်သူရှိသေးတယ်။ မျှော်လင့်လို့ ရသေးတယ်ဆိုတာ သိရတော့ ဆက်ပြီးလုပ်သွားဦးမှာပါ" ဟု မဲအရေအတွက်ပေါ် မူတည်တွက်ဆမှုအပေါ် ဦးခင်မောင်ကြီးက ထပ်မံပြောကြားသည်။

မတ် ၂ ထုတ် Myanmar Post မှာပါသည့် "ကျွန်တော်တို့ကိုလက်ခံတဲ့ ပြည်သူရှိသေးတယ်သိရလို့ ဆက်လုပ်သွားမှာပါဟုဆို" သတင်းမှ ကောက်နှုတ်ချက်

--------------------------------------------------------------------------------------------------------------------------------

နောက်ဆက်တွဲ နားလည်မှုစာချွန်လွှာအရ မြန်မာနိုင်ငံသားများအနေဖြင့် အဓမ္မစေခိုင်းခြင်းခံရပါက တရားဥပဒေနှင့်အညီ တရားမျှတမှုရရှိနိုင်ပြီး တိုင်ကြားသူအတွက်လည်း အကာအကွယ်ရရှိနိုင်မည်ဖြစ်ကြောင်း သိရသည်။

နောက်ဆက်တွဲနားလည်မှုစာချွန်လွှာဆိုသည်မှာ "မြန်မာနိုင်ငံတွင် အပြည်ပြည်ဆိုင်ရာ အလုပ် သမားရေးရာအဖွဲ့၏ ဆက်ဆံရေးအရာရှိတစ်ဦးခန့်ထားရေးနှင့် စပ်လျဉ်း၍ ပြည်ထောင်စုမြန်မာနိုင်ငံတော်အစိုးရနှင့် အပြည်ပြည်ဆိုင်ရာ အလုပ်သမားရေးရာ အဖွဲ့ရုံးတို့ အကြား နားလည်မှုစာချွန်လွှာ(ဂျီနီ ဗာ၊ ၂၀၀၂ခုနှစ်၊ မတ်လ ၁၉ ရက်နေ့) ကို ဖြည့်စွက်ခြင်းဖြစ်သည်" ဟုသိရသည်။

မတ် ၃ Weekly ELEVEN News မှာပါသည့် "အဓမ္မခိုင်းစေမှုပပျောက်ရေးဆိုင်ရာနောက်ဆက်တွဲနား လည်မှုစာချွန်လွှာကိုမြန်မာနိုင်ငံအစိုးရနှင့်အပြည်ပြည်ဆိုင်ရာအလုပ်သမားရေးရာအဖွဲ့ရုံးတို့တစ်နှစ်သ က်တမ်း ထပ်မံတိုးမြင့်" သတင်းမှကောက်နှုတ်ချက်

-----------------------------------------------------------------------------------------------------------------------------------

"ကျွန်တော်ထင်တယ် လစ်ဗျားနိုင်ငံရဲ့လက်တလော ရေနံနဲ့ ရပ်တည်တဲ့ နိုင်ငံအချို့ရဲ့ အခြေအနေကြောင့် လည်းဖြစ်နိုင်တယ်" ဟု ပို့ကုန်သွင်းကုန်လုပ်ငန်းရှင်တစ်ဦးကလည်း ရှင်းပြခဲ့ သည်။

ရန်ကုန်နှင့် နယ်မြို့များတွင် ဓာတ်ဆီဈေးမြင့်တက်မှုအပေါ် ပို့ကုန်လုပ်ငန်းရှင်တစ်ဦးက "ရန်ကုန်မှာ ဓာတ်ဆီအပြင်ပေါက်ဈေးက တစ်ဂါလန် ကျပ် ၃၈၀၀ ရှိတယ်။ နယ်မြို့တွေမှာ တစ်ဂါလန်ကို ကျပ် ၄၇၀၀ အထိ ဝယ်သုံးရတယ်။ အပြင်မှာ ဓာတ်ဆီ ပြန်ကောက်တဲ့ သူတွေက တစ်ဂါလန်ကို လာရောင်းရင် ကျပ် ၃၆၀၀ အထိ ပေးတဲ့အတွက် ဆိုင်တွေမှာ ဓာတ်ဆီတန်းစီတဲ့ သူတွေညတောင် အိပ်တောင်စောင့်လာတဲ့ အထိ ဖြစ်နေတယ်လေ" ဟုရှင်းပြခဲ့သည်။

မတ် ၃ ထုတ် Weekly ELEVEN မှာပါသည့် "ပြည်တွင်း ဒီဇယ်ဆီ ဆိုင်ဈေး တစ်ဂါလန် ကျပ် ၃၃၀၀ မှ ကျပ် ၄၀၀၀ သို့ မြင့်တက်" သတင်းမှ ကောက်နှုတ်ချက်

-----------------------------------------------------------------------------------------------------------------------------------

"နိုင်ငံမှာ လည်ပတ်မယ့်ငွေကြေးကို ဘီလီယံ ၁၀၀ ရိုက်ထားလို့ နိုင်ငံရဲ့ စီးပွားရေးကို ဘီလီယံ ၁၀၀နဲ့ပဲ လည်ပတ်နေမယ်ဆိုရင် Business ပြေးလို့မသွက်ဘူး။ Multiplier Effect နဲ့ဆိုရင် တရာဘီ လီယံကို နှစ်ရာ ဘီလီယံဖိုးလည်နိုင်အောင်လုပ်နိုင်မလား၊ ဒါဆို Multiplier Effect နှစ်ဆလုပ်တာပေါ့၊  ဒီမျိုးတွေဖြစ်လာဖို့က ဘဏ်တွေကိုသုံးမှဖြစ်မယ်။ ကျွန်တော်တို့ မြန်မာလူမျိုးတွေမှာ ဘဏ်ကို အသုံးပြုတဲ့ပမာဏ အရမ်းနည်းတယ်။ ဘဏ်မှာ ငွေအပ်ထားရင် ဘာထူးမှာလဲ။ ပိုက်ဆံသွားထုတ်ရင် အလုပ်ရှုပ်တယ်။ စနေ၊ တနင်္ဂနွေဆိုရင် ငွေထုတ်လို့မရဘူး။ ကိုယ့်အိမ်မှာ ကိုယ်ထားတာကပိုကောင်း တယ်ဆိုပြီး ပြောကြတယ်။ အဲဒီတော့ ဘဏ်တွေမှာလည်းပဲ သူတို့ဆီမှာ လာအပ်တဲ့ ပိုက်ဆံပမာဏ အရမ်းနည်းတော့ ဘဏ်ကပြန်ပြီး ချေးတဲ့ငွေပမာဏလည်း နည်းသွားတာပေါ့။ ဘာပြဿနာ ရှိလဲဆို တော့ ကျွန်တော်တို့ဆီမှာ Idea ရှိတယ်။ ဒါပေမဲ့ အရင်းအနှီးက မလိုက်နိုင်ဘူး။ အိုင်ဒီယာရှိတိုင်း ပြေးလို့မရဘူး။ ဘဏ်တွေဘက်ကလည်း Limited Amount ပဲရှိတဲ့အတွက် ပိုင်ဆိုင်မှုတွေ အခိုင်အမာ တင်ပြနိုင်မှသာ ချေးငွေ ထုတ်ပေးနိုင်တဲ့ အနေအထား ဖြစ်နေတယ်။ မြန်မာနိုင်ငံမှာရှိတဲ့ လုပ်ငန်းရှင်တွေဟာ အိုင်ဒီယာရှိတိုင်းမပြေးနိုင်ဘူး။ ဒီအရင်းအနှီးက အမြဲတမ်းပြတ်လတ်နေမယ်။ တစ်ချို့ နိုင်ငံကကုမ္ပဏီကြီးတွေ ကိုယ့်နိုင်ငံထဲကို အရင်းအနှီးများများနဲ့ ဝုန်းခနဲဝင်ပြီးလာလုပ်မယ်ဆိုပြီး ရည်ရွယ် နေတယ်ဆိုရင် ကိုယ်က သူတို့ရဲ့ ယှဉ်ဖို့အတွက် အမြဲတမ်း Investment က ခေါင်းစားရတယ်။ Card စနစ်တွေ တွင်တွင်ကျယ်ကျယ်ဖြစ်လာပြီး ဒီပိုက်ဆံတွေက ဘဏ်မှာထားပြီး လည်ပတ်လာမယ်ဆိုရင် Financial Supportတွေ၊ Loanတွေ အားကောင်းလာမယ်။ စီးပွားရေးက ပိုသွက်လာမယ်လို့ ယုံ ကြည်တယ်"

ဖေဖော်ဝါရီ ၃၈ ထုတ် The Voice weekly မှာပါသည့် Trust Link ကုမ္ပဏီ အုပ်ချုပ်မှုဒါရိုက်တာ ဦးသူရိန်ထွန်း နှင့် "မြန်မာနိုင်ငံမှာရှိတဲ့ လုပ်ငန်းရှင်တွေဟာ အိုင်ဒီယာရှိတိုင်း မပြေးနိုင်ဘူး" အင်တာဗျူး ကောက်နှုတ်ချက်

 =================================================================

သတင်းဆောင်းပါး

မြန်မာ့အထည်ချုပ်လုပ်ငန်း၏ အနာဂတ်အလားအလာ

မြန်မာ့ အထည်ချုပ်လုပ်ငန်းမှာ ယခုနှစ်ဆန်းပိုင်းမှစ၍ အလုပ်အပ်နှံမှုများ ယခင်ထက်ပိုမိုများ လာခဲ့သည်။ ယင်းကိုဆက်လက်ထိန်းသိမ်းမြင့်တင်သွားပါက အထည်ချုပ်လုပ်ငန်း တဟုန်ထိုးတိုး တက်သွားမည်ဖြစ်ကြောင်း အထည်ချုပ်လုပ်ငန်းရှင်များထံမှ သိရသည်။  "ဒီအတိုင်းသာ တိုးတက်မှုကို ထိန်းနိုင်ရင် အရင်ကလို မြန်မာ့အထည်ချုပ် လုပ်ငန်းရွှေခေတ်ကို ပြန်ရောက်နိုင်တယ်။ အခုဆို ဂျပန်က အပ်ထည်တွေလည်း တော်တော်ရနေပြီ။ ဒါကြောင့် ဝန်ထမ်းတွေရဲ့ အရည်အသွေးကိုလည်း မြင့်တင်ပေး ဖို့လိုတယ်" ဟု မြန်မာ့ အထည်ချုပ်လုပ်ငန်း လူ့စွမ်းအားအရင်းအမြစ်ဖွံ့ဖြိုးရေးစင်တာ၏ ကျောင်းအုပ်ကြီး ဒေါ်ခိုင်နွယ်မှ ပြောကြားသည်။ "အခု မြန်မာ့အထည်ချုပ်လက်ရာကို ဂျပန်ကတော်တော်ကြိုက်လာကြတယ်။ ဒါကြောင့်လည်း ဒီနှစ်ကနေပြီးတော့ အမှာစာတွေ၊ အပ်ထည်တွေ တိုးလာ တာပါ။ လက်ရှိအရှိန်ကို လျော့ကျမသွားအောင် လုပ်ဆောင်ဖို့လိုသလို၊ ဒီထက်မက ဈေးကွက်မှာ ယှဉ်ပြိုင်ထိုးဖောက် နိုင်ဖို့လည်းလိုပါတယ်။ အဓိကကတော့ လူ့စွမ်းအားအရင်းအမြစ်ကိုတက်အောင်စက်ရုံပိုင်ရှင်တွေ၊ လုပ်ငန်းရှင်တွေက ကြိုးစား လုပ်ဆောင် သင့်ပါတယ်" ဟု ဂျပန်နိုင်ငံမှာ သင်တန်းဆရာ မစ္စတာတာဒါးရှိက ပြောကြားသည်။

မြန်မာ့အထည်ချုပ်လုပ်ငန်း ၁၉၉၀ ခန့်မှစတင်၍ ဖွံ့ဖြိုးခဲ့ပြီး ၂၀၀၀ ပြည့်နှစ်တွင် မြန်မာ့အထည် ချုပ်လုပ်ငန်း၏ ရွှေခေတ်ဟုဆိုရလောက်အောင် လုပ်ငန်းကြီးထွားခဲ့ပြီးနောက် ၂၀၀၃ ခုနှစ်တွင် စီးပွားရေးပိတ်ဆို့မှုကြောင့် စက်ရုံတစ်ရာကျော်ပိတ်ခဲ့ရပြီး ဝန်ထမ်း ခြောက်ထောင်ကျော် အလုပ်လက်မဲ့ဖြစ်ခဲ့ရသည်။ ကုန်ကြမ်းယူ ကုန်ချောပို့စနစ်ဖြင့် ယခင်က အမေရိကန်နိုင်ငံသို့ အဓိကတင်ပို့ခဲ့ရသဖြင့် မြန်မာ့အပ်ထည်များ၏ ချုပ်ရိုး၊ ချုပ်သားလက်ရာ ခိုင်ခံ့သေသပ်ကျနမှုကြောင့် ပြည်ပနိုင်ငံသားများ အကြိုက်တွေ့ခဲ့ကြသည်။ ၁၉၉၉ ခုနှစ်သည် ဈေးကွက် အကောင်းဆုံးနှစ်ဖြစ်ခဲ့သည်။

အထည်ချုပ်လုပ်ငန်းလုပ်ကိုင်နေကြသော လုပ်ငန်းရှင်များသည် စီးပွားရေးပိတ်ဆို့မှုကြောင့် အပ်ထည်နည်းပါးမှုများ လွန်ခဲ့သော နှစ်ပိုင်းက ကြုံခဲ့ရသော်လည်း ၂၀၁၀ ပြည့်နှစ်၊ ဇူလိုင်လ နောက်ပိုင်းတွင် ဂျပန်အပ်ထည်များကြောင့် လုပ်ငန်းများ ပြန်လည် လည်ပတ်ကာ အဆင်ပြေခဲ့ကြသည်။   

ယခုအခါ အထည်ချုပ်လုပ်ငန်းကို စိတ်ဝင်စားလာသော လုပ်ငန်းရှင်များ များပြားလာကြောင်း မြန်မာနိုင်ငံအထည်ချုပ်လုပ်ငန်းရှင်များအသင်း၌ အသင်းဝင်ဦးရေပိုမိုလာကြောင်း သိရသည်။ မြန်မာနိုင်ငံ၏ အထည်ချုပ်လုပ်ငန်းတွင် တောင်ကိုရီးယားနှင့် ဂျပန်နိုင်ငံတို့မှ အများဆုံး ရင်းနှီးမြုပ်နှံလာပြီး တရုတ်(တိုင်ပေ)ကလည်း လာရောက် လုပ်ကိုင်နေကြောင်း သိရသည်။

ယခုလက်ရှိ အသင်းဝင်စက်ရုံပေါင်း ၁၉၀ ကျော်ရှိကြောင်းသိရသည်။ အထည်ချုပ်လုပ်ငန်းသည် နိုင်ငံတကာ ကုမ္ပဏီများထံမှ လက်ခစားအထည်ချုပ်ခွဲတမ်းကို တစ်ဆင်ခံရရှိနေပြီး ဂျပန်နိုင်ငံသည် မြန်မာနိုင်ငံအထည်ပို့ကုန်၏ ၃၄ ရာခိုင်နှုန်းဈေးကွက်ဝေစုကို ယူထားသဖြင့် ဂျပန်နိုင်ငံသည် အကြီးဆုံးဈေးကွက်တစ်ခုဖြစ်ကြောင်းသိရသည်။ "အထည်တွေကို ဂျပန်နိုင်ငံရဲ့ ဈေးကွက်ကို တင်ပို့ နေတာဖြစ်တယ်။ တင်ပို့ရာမှာလည်း နှစ်စဉ်တိုးတက်လာပါတယ်။ဒီနှစ်မှာ ပိုပြီးတိုးတက်လာဖို့ အရည်အသွေးပိုင်း ကောင်းဖို့ လိုအပ်လာဖို့ အရည်အသွေးပိုင်း ကောင်းဖို့ လိုအပ်လာသလို ထုတ်လုပ်မှုပိုင်းလည်း ကောင်းဖို့လိုပါတယ်။ ထုတ်လုပ်တဲ့နေရာမှာလည်း အဆင့်မြင့်တဲ့ စက်ပိုင်းဆိုင်ရာ ပစ္စည်းတွေကို  ကိုင်တွယ်တက်ဖို့ လိုသလိုသုံးတတ်ဖို့လည်း လိုပါတယ်။ အခုဆိုရင် ဂျပန်နိုင်ငံက ပညာရှင်နှစ်ဦးက သူတို့အစီအစဉ်နဲ့ အပ်ချုပ်စက်လေးလုံးကို ယူလာပြီး ပြန်ဖြတ်ပြတယ်၊ ပြန်တပ်ပြတယ်။ ပြန်ညှိပြတယ်။ ထုတ်ကုန် quailty ပိုင်းများများထွက်လာနိုင်ရင် ဂျပန်နိုင်ငံကို ပိုပြီးတင်ပို့နိုင်တော့မှာဖြစ်တယ်"ဟု အထည်ချုပ်လုပ်ငန်းရှင်မများအသင်းမှ တာဝန်ရှိသူ တစ်ဦးက ပြောပြသည်။

လက်ရှိအချိန်တွင် မြန်မာနိုင်ငံမှ အထည်ပို့ကုန်များကို ဂျပန်၊ ကိုရီးယားနှင့် ဟောင်ကောင်သို့ အများဆုံးတင်ပို့လျက်ရှိပြီး ဈေးကွက်တွင် ထိုင်း၊ ဗီယမ်နမ်တို့နှင့်အဓိက ယှဉ်ပြိုင်နေရကြောင်းသိရသည်။ မြန်မာ့အထည်ပို့ကုန်များကို ဂျပန်နိုင်ငံမှတစ်ဆင့် ဂျာမနီ၊ ယူကေနှင့် တောင်ကိုရီးယား နိုင်ငံတို့ သို့ တင်ပို့ပေးနေရကြောင်းသိရသည်။"၂၀၀၈-၂၀၀၉ အထည်ချုပ်လုပ်ငန်းတော်တော်များများ အခြေယိုင်ခဲ့ကြတယ်။ ၂၀၁၀ ပြည့်နှစ်ထဲမှာ ဂျပန်အပ်ထည်တွေရရှိခဲ့လို့ အဆင်ပြေခဲ့တယ်။ ယခင်က ချုပ်လုပ်ခနှုန်းထားနည်းပါးတဲ့ ဥရောပ နိုင်ငံတချို့ရဲ့ အပ်ထည်နှင့် ကိုရီးယားနိုင်ငံရဲ့အပ်ထည်တွေကို အဓိ ကလုပ်ကိုင်ခဲ့တယ်။ ၂၀၁၀ နှစ်လယ်ပိုင်းမှ စတင်တွက်ချေကိုက်လာပြီး ဂျပန်အပ်ထည်တွေ ပိုမိုရလာခဲ့တယ်" ဟု ရွှေပေါက်က္ကံစက်မှုဇုန်ရှိအထည်ချုပ်စက်ရုံတစ်ရုံမှ တာဝန်ရှိသူတစ်ဦးကဆိုသည်။

ထို့အပြင် မြန်မာနိုင်ငံမှ ကိုရီးယားနိုင်ငံသို့ ခရီးသည်တင် လေယာဉ်ဖြင့် ရောနှော၍ အထည်ချုပ် စက်ရုံများမှ အထည်များ တင်ပို့မှု တစ်လလျှင်တန် ၂၀၀ ဝန်းကျင်ရှိကြောင်း အဆိုပါ လုပ်ငန်းအား လုပ်ကိုင်နေသည့် မြန်မာနိုင်ငံ အခြေစိုက် နိုင်ငံတကာ ပို့ကုန်လုပ်ငန်း ကုမ္ပဏီတစ်ခုမှ သိရသည်။ မြန်မာနိုင်ငံ၌ ကိုရီးယားနိုင်ငံမှ လာရောက်လုပ်ကိုင်နေသော အထည်များကို ကိုရီးယားနိုင်ငံ ဆိုးလ်နှင့် အင်ချွန်းမြို့များသို့ ရေကြောင်းဖြင့် သော်လည်းကောင်း၊ လေကြောင်းဖြင့် သော်လည်းကောင်း တင်ပို့မှုများ ရှိကြောင်း သိရသည်။ လေကြောင်းဖြင့် တင်ပို့ရာတွင် Mix Cargo ဟုခေါ်ဆိုနိုင်သည့် ခရီးသည်တင် လေယာဉ်များဖြင့် ရောနှောကာတင်ပို့ရပြီး တစ်လလျှင်  တန် ၂၀၀ ဝန်းကျင်တင်ပို့မှုရှိကြောင်းသိရသည်။ လက်ရှိတွင်မူ ဈေးကွက်တောင်းဆိုမှုအရ ကုန်တင်လေယာဉ်သီးသန့်ဖြင့် တင်ပို့ရန် သက်ဆိုင်ရာ လေကြောင်းလိုင်းမှ တာဝန်ရှိသူများထံသို့ တောင်းဆိုမှုများ ရှိနေကြောင်းသိရသည်။

"အဲဒီလုပ်ငန်းလုပ်နေတဲ့ ပို့ကုန် ကုမ္ပဏီတစ်ခုက mix cargo အနေနဲ့ မဟုတ်တော့ဘဲ ကုန်တင်လေယာဉ်နဲ့ တိုက်ရိုက်ပျံဖို့လာပြီး တောင်းဆိုမှုရှိပါတယ်။ ပို့တဲ့ကုန်ကလည်း အထည်ချုပ်ဖြစ်တဲ့အတွက်ရေကြောင်းနဲ့ ပို့တာထက် လေယာဉ်နဲ့ ကျယ်ကျယ်ပြန့်ပြန့် အမြန်ဆုံး ပို့နိုင်ရင် အမြတ်အစွန်း ပိုရရှိနိုင်တဲ့အတွက်လို့ သိရပါတယ်" ဟု မြန်မာ့လေကြောင်းလိုင်းမှ တာဝန်ရှိသူတစ်ဦးကဆိုသည်။

ဂျပန်နိုင်ငံသည် မြန်မာနိုင်ငံရှိ အထည်ချုပ်လုပ်သားများ စွမ်းအားမြင့်တင်နိုင်ရေးအတွက် မြန်မာနိုင်ငံအထည်ချုပ် လုပ်ငန်းရှင်များ အသင်းနှင့် JETRO အဖွဲ့တို့ပူးပေါင်းကာ သင်တန်းများဖွင့်လှစ် သင်ကြားပေးနိုင်ခဲ့သဖြင့် ချုပ်ထည် အရေအသွေး တိုးတက်လာခဲ့ရာမှ ဂျပန်နိုင်ငံမှ အပ်ထည်များကို လက်ခံရရှိခဲ့ကြောင်း အထည်ချုပ်လုပ်ငန်းရှင်များထံမှ သိရသည်။

"အခုဆိုရင် စက်ရုံတွေကများလာတယ်။ ဘယ်နေရာမှာမဆို အလုပ်လုပ်ရတာ လွယ်ကူလာ တယ်။ အခုကတော့ ညနေ ၆ နာရီအထိ အလုပ်ဆင်းရတယ်။ အချိန်ပိုကြေးက နှစ်နာရီပဲရတယ်။ ဘာပဲဖြစ်ဖြစ် အလုပ်ကလေးရှိတော့ မိသားစုဝင်ငွေ အဆင်ပြောတာပေါ့။ ကျွန်မတို့အိမ်က အထည်ချုပ်မှာ ဝင်လုပ်တာ သုံးဦးရှိတယ်။ လစာချင်းတော့ မတူပါဘူး။ စက်ချုပ်တဲ့သူက လစာပိုပြီးကောင်းပါတယ်" ဟု ရွှေပြည်သာစက်မှုဇုန်ရှိ အထည်ချုပ် စက်ရုံတွင် ဝင်ရောက် လုပ်ကိုင်နေသော ဝန်ထမ်းတစ်ဦးက ပြောကြားသည်။

အများအားဖြင့် အထည်ချုပ် စက်ရုံများတွင် လုပ်ကိုင်နေသူများသည် ရန်ကုန်မြို့ရှိ မြို့သစ်များတွင် နေထိုင်ကြသော သူများနှင့် နယ်ပေါင်းစုံမှ လာရောက်ပြီး အဆောင်နေကာ စက်ရုံများတွင် လုပ်ကိုင်နေကြသူများမှာ အများစုဖြစ်ကြောင်းသိရသည်။ ပြီးခဲ့သော ၂၀၀၉ ခုနှစ် နှစ်ဆန်းပိုင်းတွင် အထည်ချုပ်စက်ရုံပေါင်း ၁၁၇ ရုံ၊ အလုပ်သမားအင်အား ၉၀၀၀၀ ကျော်ဖြင့် လုပ်ငန်းများလည်ပတ်လျက်ရှိကြောင်း သိရသည်။ ယခုအခါတွင် ဂျပန်နိုင်ငံမှ နည်းပညာများမြင့်မားလာစေရေးအတွက် နည်းပညာများကို ဖြန့်ဖြူးပေးနေပြီဖြစ်ရာ မကြာမီ အချိန်တွင် အထည်ချုပ် လုပ်ငန်းများ ပြန်လည် ကောင်းမွန်လာကြောင်း၊ ရင်းနှီးမြုပ်နှံမှုများဆက်လက်တိုးတက်ဖြစ်ပေါ်လာနိုင်ကြောင်း သိရသည်။

ဤကဲ့သို့ ပြည်တွင်း၌ အထည်ချုပ်လုပ်ငန်းများ ပြန်လည်ရှင်သန်နိုးထလာခြင်းကြောင့် ထိုင်းနိုင်ငံသို့သွားရောက် အလုပ်လုပ်လျက်ရှိသော မြန်မာအလုပ်သမားအများစုသည် ပြည်တွင်း အထည်ချုပ်ဈေးကွက်သို့ ပြန်လည်ဝင်ရောက်လာ၍ အလုပ်လုပ်ကိုင်မှုများ ရှိလာကြောင်း အထည်ချုပ် လုပ်ငန်းရှင်များထံမှ သိရသည်။   

"အထည်ချုပ် ဈေးကွက်က လုပ်သားဈေးကွက် ဖြစ်လာတယ်။ လုပ်သား လိုအပ်ချက်က အရမ်းများလာပြီး ထိုင်းမှာလုပ်တာနဲ့ လစာကွာဟမှု၊ အခွင့်အရေးရရှိမှုတွေ သိပ်မကွာတော့လို့ ပြန်ဝင်လာကြတဲ့သဘောရှိတယ်"ဟု ၎င်းကသူ၏ အမြင်ကိုပြောပြသည်။ ပြည်တွင်း အထည်ချုပ်လုပ်ငန်းသည် ဈေးကွက်ပိုမို ရရှိလာသည့် အတွက် လုပ်သား လိုအပ်ချက်မှာ များပြားလာပြီး ကျွမ်းကျင် လုပ်သားများမှာ ဒီနေ့အလုပ်ဆင်း၊ မဆင်းကိုပင်မသိနိုင်တော့သည့် အခြေအနေဖြစ်လာကြောင်း၊ ပြည်တွင်စက်ရုံ အများစုမှာ ကန်ထရိုက် စာချုပ်ချုပ်ဆိုမှု မရှိ၍ နှစ်ဦးနှစ်ဖက် ရပ်တည်မှုမှာ ဈေးကွက်ပေါ်တွင်သာ အခြေခံနေကြောင်း သိရသည်။

" အခု အလုပ်ချိန် တစ်လမှာ ၄၅ မိနစ်လျော့သွားတယ်။ အလုပ်သမားကို အချိန်ပိုခေါ်ချင်တိုင်း ခေါ်လို့မရဘူး။ ဈေးကွက်စီးပွားရေးတစ်ခု ဖြစ်လာတဲ့အတွက် အတင်းတောင်းဆိုမှုတွေလည်း ရှိလာတယ်။ ဒီရုံမကြိုက် နောက်ရုံပြောင်းလုပ်ရုံပဲ။ စာချုပ် ချုပ်ဖို့ကလည်း လိုက်လျော ညီထွေတဲ့ဘောင် တစ်ခုရဖို့ အချိန်တဖြည်းဖြည်းယူကြရဦးမယ်" ဟု အထက်ပါ ပုဂ္ဂိုလ်က လက်တွေ့အထည်ချုပ်လုပ်ငန်းခွင် အခြေအနေကို ပြောပြသည်။

Weekly Eleven No(22) Vol(6)
The Messenger No(42) Vol(1)
The Myanmar Post No (8) Vol(3)
Popular News No(8) Vol(3)

××××××××××××××××××××××××××××××××××××××××××××××××
Sent to transparency.myanmar@gmail.com: unsubscribe | update profile | forward to a friend
Email Marketing Powered by MailChimp
 

၂၇..၂၀၁၁

ပြည်တွင်းသတင်းများ


မှတ်ပုံတင်ထားသော လုပ်ငန်းအများစုသည် အသေးစားနှင့်အလတ်စားလုပ်ငန်းများဖြစ်

ဖေဖော်ဝါရီ ၂၇


မြန်မာနိုင်ငံ၌ မှတ်ပုံတင်ထားသော လုပ်ငန်းအများစုသည် အသေးစား လုပ်ငန်းများနှင့် အလတ်စား လုပ်ငန်းများဖြစ်ကြောင်း မြန်မာနိုင်ငံကုန်သည်ကြီးများ အသင်းမှ တာဝန်ရှိသူ တစ်ဦးက ပြောကြားသည်။

လုပ်ငန်း အကြီးစားများကိုမူ မှတ်ပုံတင် ထားသော်လည်း အနည်းငယ်ပင် ရှိသေးကြောင်း၎င်းက ဆက်လက်ပြောကြားခဲ့သည်။

မိမိတို့နိုင်ငံ၏ စီးပွားရေး ဖွံ့ဖြိုးတိုးတက်ဖို့ရန်အတွက် အဓိက မောင်းနှင်အားမှာ SME နှင့် SIM တို့ဖြစ်ကြောင်း၊ ယနေ့ တိုးတတ်နေသည့် ဂျပန်နိုင်ငံ၌လည်း SME နှင့် SIM တို့ပင် များပြားကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် ဒုတိယဥက္ကဋ္ဌ ဦးဝင်းအောင်မှ ပြောကြားခဲ့သည်။

မြန်မာနိုင်ငံ၌ အလုပ်သမား အများစုမှာလည်း အသေးစား လုပ်ငန်းများနှင့် အလတ်စား လုပ်ငန်းများတွင်သာ များပြားကြောင်း၊ တစ်နိုင်ငံလုံး၏ ကုန်ထုတ်လုပ်မှု အများစုသည်လည်း ၎င်းအသေးစား လုပ်ငန်းများမှပင် ရရှိကြောင်း၊ ထို့ကြောင့် အသေးစားနှင့် အလတ်စား လုပ်ငန်းများသည် နိုင်ငံစီးပွားရေး ဖွံ့ဖြိုးတိုးတတ်ဖို့ရန် အလွန်ပင် အရေးပါကြောင်း၊ ၎င်းအသေးစားနှင့် အလတ်စား လုပ်ငန်းများ တိုးတတ်လာပါက နိုင်ငံ၏ စီးပွားရေး အရှိန်အပာုန် တိုးတတ်၍ အလုပ်အကိုင် အခွင့်အလမ်းများလည်း များပြားနိုင်ကြောင်း ၎င်းက ဆက်လက် ပြောကြားခဲ့သည်။

အသေးစားနှင့် အလတ်စား လုပ်ငန်းအများစုသည် နိုင်ငံစီးပွားရေး ဖွံ့ဖြိုးတိုးတတ်ဖို့ရန် ၎င်းတို့ လက်ဝယ်ရရှိထားသော အားသာချက်များကို ပိုမိုခိုင်မာမှုရှိစေရန် တည်ဆောက်ပြီး ဈေးကွက်အတွင်း ပို၍အားကောင်းသော အရည်အသွေး အဆင့်အတန်းမီသည့် ကုန်ပစ္စည်းများ ထုတ်လုပ်နိုင်ရန် ကြိုးစားကြရ ဦးမည်ဖြစ်ကြောင်း၊ လာမည့်၂၀၁၅ တွင်လည်း AFTA ၏ စီးပွားရေး စိန်ခေါ်မှုများကို ရင်ဆိုင်ရဦးမည် ဖြစ်ကြောင်း ၎င်းမှပင် ဆက်လက်ပြောကြားခဲ့သည်။

-----------------------------------------------------------------------------------------------------------------------------------

အင်တာနက်တွင်အီးမေလ်းကိုအသုံးပြုထားသောVirus တစ်မျိုးပြန့်နှံ့

အင်တာနက် အသုံးပြုသူများ အနေဖြင့် မိမိတို့၏အီးမေလ်းတွင် Powerpoint Presentation,life is Beautiful ဆိုပြီးမေလ်းတစ်ခု ဝင်ရောက်လာပါက ဖွင့်ကြည့်ခြင်း မပြုရန်နှင့် ၎င်းမှာအန္တရာယ်ကြီးသော virus တစ်မျိုးဖြစ်ကြောင်း Microsoft  နှင့် Norton တို့မှ ပေးပို့သော အီးမေလ်းများအရ သိရသည်။

၎င်းအီးမေလ်းကို ဖွင့်ကြည့်ပါက Computer Screen တွင် life is too late now,your life is no longer beautiful ဆိုသည့် စာတန်းပေါ်လာပြီး မိမိကွန်ပျူတာရှိ အချက်အလက်များ အားလုံးပျောက်ဆုံးသွားပြီး၊ မိမိ၏အမည်နှင့် အီးမေလ်း Password  များပါအားလုံးရောက်ရှိ သွားမည်ဖြစ်သည်။

“တခြားနိုင်ငံမှာဆိုရင် သူတို့ရဲ့ မေလ်းတွေနဲ့ အားလုံးချိတ်ဆက်ထားတာလေ အထူးသဖြင့်တော့ bank account တွေ၊ အလုပ်ရှာတာတွေ အားလုံးက အီးမေလ်းနဲ့ပဲ လုပ်ကြတာကို၊ ဒီတော့ဒီvirus က တော်တော်ကို အန္တရယ်ကြီးတယ်။ ဒီမေလ်းဝင်လာခဲ့ရင် ဖွင့်ကြည့်ခြင်း မပြုပဲချက်ခြင်း Delete လုပ်ပစ်လိုက်ပါ´ဟု လှိုင်မြို့နယ်မှ Computer technician ကို ဥက္ကာက ပြောကြားသည်။

၎င်း Virus ကို ပြုလုပ်သူမှာ မိမိကိုယ်ကို life Owner ဟု အမည်ပေးထားကြောင်း၊ Virus အမျိုးအစားမှာ Trojen အမျိုးအစား ဖြစ်ကြောင်းသိရသည်။
The CJs News

-----------------------------------------------------------------------------------------------------------------------------------

ပုသိမ်မြို့တွင်ကုန်တင်ယာဉ်တစ်စီးလျှင်မြို့ဝင်ကြေးငါးထောင်ကျပ်ကောက်ခံနေ

ပုသိမ်၊ဖေဖော်ဝါရီ၂၅။


ဧရာဝတီတိုင်း ဒေသကြီး ပုသိမ်မြို့တွင် မြို့အဝင် မြက်တိုလမ်းဆုံ၌ ကုန်တင်ယာဉ် တစ်စီးလျှင် မြို့ဝင်ကြေး ငါးထောင်ကျပ်နှုန်းဖြင့် ဇန်န၀ါရီလမှ စတင်၍ ကောက်ခံလျှက်ရှိကြောင်း ပုသိမ်အခြေစိုက် ကုန်တင်ယာဉ်မောင်းများနှင့် ရန်ကုန်- ကျောင်းကုန်း- ဟင်္သာတ- ပုသိမ် ပြေးဆွဲနေသော ကုန်တင်ယာဉ်မောင်းများ ထံမှ စုံစမ်းသိရှိရသည်။

ပုသိမ်အခြေစိုက် ခြောက်ဘီးကုန်တင် ယာဉ်မောင်းတစ်ဦးဖြစ်သူ ဦးဝင်းထွန်း(အမည်လွှဲ)က “ကျွန်တော်တို့လို ကားကြီးတွေက မြို့တွင်းကို တိုက်ရိုက် ကုန်ချခွင့်မရှိပါဘူး။ ၂၀၁၀ တုန်းကတော့ နားလည်မှုနဲ့ မြို့ထဲကို ဝင်လို့ရသေးတယ်။ အဲဒီတုန်းက တစ်စီးသုံးသောင်း ပေးရတယ်ဗျ။ အခုဟာက မြို့ထဲလဲဝင်လို့မရဘူး။ ကင်ပလင်းကျွန်း (အဝေးပြေးကုန်တင်ယာဉ်ရပ်နားစခန်း)  မှာပဲ ရပ်ရတယ်။ ဒါကိုမြို့ဝင်ကြေးဆိုပြီး ငါးထောင်ကျပ်ကောက်တယ်ဗျာ။ တ.ယ.ကစီမံချက်ဆိုတော့ ကျွန်တော်တို့လဲ ပေးရတာပဲ”  ဟု ပြောကြားသည်။

ထိုသို့ပေးဆောင်ရသည်မှာ ကုန်တင်ယာဉ် အားလုံးဖြစ်ကြောင်း၊ ၁၄ပေ ဒိုင်နာယာဉ်များမှာမူ မြို့တွင်းသို့ တိုက်ရိုက်ကုန်ချခွင့် ရှိကြောင်း၊ ၎င်းယာဉ်များကိုလည်း ၂၀၁၀ခုနှစ်အတွင်းက ပုသိမ်မြို့တွင်း၌ တိုက်ရိုက်ကုန်တင်၊ ကုန်ချလုပ်သော်လည်း ကားကြီးဝင်း၌ ကုန်ချိန်းခဟုဆိုကာ အဝေးပြေးကုန်တင်ယာဉ် လုပ်ငန်းကြီးကြပ်မှု အဖွဲ့နှင့် ကုန်တင်ကုန်ချ အလုပ်သမားအဖွဲ့က ယာဉ်ကိုယ်ထည် တစ်ပေလျှင် ၄၀၀ကျပ်နှုန်းဖြင့် တစ်စီးလျှင် ၅၆၀၀ ကျပ်နှုန်း ကောက်ခံခဲ့ဘူးကြောင်း၊ ယင်းကိစ္စကို တိုင်းမှူးထံ တိုက်ရိုက်တိုင်ကြားခဲ့ရာ သက်ဆိုင်ရာက လာရောက်စစ်ဆေးပြီး ကောက်ခံမှုကို ပယ်ဖျက်ပေးခဲ့ဘူးကြောင်း ထပ်မံသိရှိရသည်။

သက်ဆိုင်ရာမှ သတ်မှတ်ထားသော လမ်းတံတားကြေးများမှာ ၁၄ပေဒိုင်နာတစ်စီးလျှင် လမ်းအသုံးပြုခ ၁၉၅၀ကျပ်သာ ပေးဆောင်ရကြောင်း၊ ထို့ကြောင့်မြို့ဝင်ကြေး ငါးထောင်ကျပ်ဆိုသည့် ပမာဏမှာ များပြားလွန်းလှကြောင်း ကုန်တင်ယာဉ်မောင်းများက ဆိုသည်။
ပုသိမ်မြို့တွင် ယာဉ်ကြောပိတ်ဆို့ခြင်း၊ လမ်းများပျက်ဆီးခြင်း၊ ယာဉ်မတော်တဆမှုများ များပြားလာခြင်းတို့ကြောင့် ၂၀၁၀ခုနှစ်မှ စတင်ပြီးမြို့တွင်းသို့ သုံးတန်အောက် ယာဉ်များကိုသာ ဝင်ရောက်ခွင့် ပြုထားသော်လည်း ယခုအခါ ငါးတန်ချက်ပလက် ကုန်တင် ယာဉ်ကြီးများပါ မြို့ဝင်ကြေး ငါးထောင်ပေး၍ မြို့တွင်းသို့ တိုက်ရိုက်ဝင်ရောက် ကုန်တင်၊ ကုန်ချမှုများ ရှိရာလမ်းပျက်စီးမှုများ၊ ယာဉ်အန္တရာယ်နှင့် ယာဉ်ကြောပိတ်ဆို့မှုများ များပြားလာနိုင်ကြောင်း ရွှေစေတီလမ်းတွင် နေထိုင်သည့် မြို့ခံတစ်ဦးက ပြောကြားခဲ့သည်။

The CJs News

===============================================================

ပြည်တွင်းပါတီ၊နိုင်ငံရေးသတင်းများ   
 
               

မယက၊ရယကတို့အားအမည်ပြောင်းလဲရမည်

ခရိုင်၊မြို့နယ်၊ ရပ်ကွက်ဖွံ့ဖြိုးရေး ကောင်စီတို့အား အမည်ပြောင်းလဲ ပြင်ဆင်ရမည် ဖြစ်ကြောင်း သိရသည်။

ထိုသို့ပြောင်းလဲရာတွင် မြို့နယ်အေးချမ်းသာယာရေးနှင့် ဖွံ့ဖြိုးရေးကောင်စီ အစား ခရိုင်အုပ်ချုပ်ရေးမှုး ရုံခန်းအဖြစ်ပြောင်းလဲရမည်ဖြစ်ပြီး၊ ယင်းမြို့နယ်ဥက္ကဋ္ဌကို မြို့နယ်အုပ်ချုပ်ရေးမှုး အဖြစ် ပြောင်းလဲခေါ်ဆို ရမည်ဖြစ်ကြောင်း... .မြို့နယ်မှ ရာအိမ်မှူးတစ်ဦး၏ ပြောကြားချက် အရသိရသည်။

ယခုလို ပြောင်းလဲလိုက်သောကြောင့် အုပ်ချုပ်ရေးမှုး လုပ်ချင်တဲ့သူများက ငွေကိုသုံးပြီး နေရာယူလာမည်ဖြစ်ကြောင်း၊ ယခင်ဥက္ကဋ္ဌများကလည်း သူတို့နေရာ မပျောက်စေရန်အတွက် Activities တွေ လုပ်ဆောင် မည်ဖြစ်ကြောင်း အဆိုပါရာ အိမ်မှူးကပင် ထပ်လောင်းပြောကြားသည်။

“ကျွန်တော်တို့ ဥက္ကဋ္ဌကတော့ ကောင်းတယ် သူ့ကိုပဲ ဆက်လက်ရှိနေစေချင်တယ်။ ကျွန်တော်တို့ ကြားတာတော့ ပြည်ခိုင်ဖြိုးပါတီ တစ်ယောက်ယောက်ဖြစ်မလားသိဘူး၊ ဒါကြောင့် ပြောင်းခိုင်းတာ ထင်တယ်” ဟု….. မြို့နယ်မှရယက စာရင်းကိုင်တစ်ဦးက ပြောကြား သည်။

အုပ်ချူပ်ရေးမှုးများ ခန့်ထားခြင်းနှင့် ဖွံ့ဖြိုးရေးကောင်စီ အမည်ပြောင်းလဲခြင်းကို ယခုလကုန်ပြီး ၁ရက်နေ့တွင် အပြီးပြောင်းလဲရမည်ဖြစ်ကြောင်း သိရသည်။

---------------------------------------------------------------------------------------------------------------------

ရှမ်းပြည်တောင်ပိုင်းမြို့နယ်မှကျားဖြူပါတီလူငယ်များတွေ့ဆုံ


ဖေဖေါ်ဝါရီလ၂၆

ရှမ်းပြည်တောင်ပိုင်း လွိုင်လင်ခရိုင်အတွင်း ၇ မြို့နယ်မှ ကျားဖြူပါတီဝင် လူငယ်များ ၃ ရက်ကြာ တွေ့ဆုံဆွေးနွေးခဲ့ကြကြောင်း သတင်းရရှိသည်။

ဖေဖေါ်ဝါရီ ၂၃ - ၂၅ ရက်နေ့အထိ ရှမ်းပြည်တောင်ပိုင်း နမ့်စမ်မြို့ ကျားဖြူပါတီ မြို့နယ်ရုံးခွဲ ၌ တွေ့ဆုံကြ ကြောင်း၊ တွေ့ဆုံပွဲတွင် လူငယ် ၃၀ ကျော် တက်ရောက်ကြောင်း သိရသည်။
တက်ရောက်ကြသော လူငယ်များမှာ လွိုင်လင်ခရိုင် အတွင်းမြို့နယ် ၇ ခု ဖြစ်သည့် လွိုင်လင်၊ နမ့်စမ်၊ ကွန်ဟိန်း၊ မိုင်းရှူး၊ ကျေးသီး၊ မိုင်းကိုင်၊ လဲချားနှင့် ပင်လုံမြို့နယ်ခွဲ တို့မှ ဖြစ်ကြသည်။
 
“အခုဆွေးနွေးပွဲတက်ရောက်တာ  ၇ မြို့နယ်ကလူငယ်တွေဘဲ၊ အားလုံးပေါင်း ၃၁ ယောက်ရှိတယ်။ အဓိက ကတော့ ကျွန်တော်တို့ တိုင်းပြည်က မြေလွတ်မြေရိုင်း ပေါတယ်၊ စိုက်ပျိုးသီးနှံဖြစ်ထွန်း အောင်မြင်အောင်၊ ဘယ်လို နည်းပညာတွေသုံးရင် သင့်လျော်မှာလဲ။ နောက်တခုက ကျွန်တော်တို့ဆီမှာ အကုန်ရနိုင်ရဲ့သားနဲ့ တခြားနိုင်ငံဆီက ဝယ်ယူ စားသုံးရတာမဟုတ်သေးဘူးလေ” ဟု တွေ့ဆုံပွဲ ဖြစ်မြောက်ရေး ကျားဖြူ ဗဟိုကော်မတီဝင် ဆရာစဝ်ဆိုင်မိန်းက ပြောကြားသည်။
ကျားဖြူပါတီ (ခေါ်) ရှမ်းတိုင်းရင်းသားများ ဒီမိုကရက်တစ်ပါတီ SNDP သည် လက်ရှိ အစိုးရ ခေါ်ယူသည့် လွှတ်တော် သုံးရပ်အတွင်း အမတ်နေရာ ၅၇ နေရာရှိပြီး၊ စီးပွားရေးဘက်၌လည်း အားသန်နေသည့် နိုင်ငံရေး ပါတီဖြစ်သည်။

--------------------------------------------------------------------------------------------------------------------------------

အင်းစိန် ဗုံးကွဲမှု ဖြစ်ပြီးနောက် စစ်ဆေးမှုပြင်းထန်

ဖေဖေါ်ဝါရီလ၂၇


ရန်ကုန်မြို့အင်းစိန် ကမ်းနားလမ်းမှာ ဖေဖေါ်ဝါရီလ ၂၇ ရက်နေ့ ညနေပိုင်းကဗုံးပေါက်ကွဲမှုတခုဖြစ်ပွားခဲ့ ကြောင်း သတင်း ရရှိသည်။

အင်းစိန်မြို့နယ် ကမ်းနားလမ်း တွင်ရှိသည့် အောင်ဇေယျ တံတားအနီး၌ ယနေ့ ည ၇ နာရီကျော်လောက်က ဗုံးပေါက်ကွဲမှု တစ်ခု ဖြစ်ခဲ့ကြောင်း သိရသည်။ ဖြစ်စဉ်မှာ ဖေဖော်ဝါရီ ၂၇ရက် ည၇နာရီ ၁၀မိနစ်ခန့်တွင် ကိုဇော်မင်းသန်း  ဆိုသူသည် အောင်ဇေယျအိမ်ရာ ဖူးပွင့် စတိုးဆိုင်အနီးရှိ ကွမ်းယာဆိုင် တစ်ဆိုင် သို့ရောက်ရှိလာပြီး သူ့လက်ထဲမှ အထုတ်တစ်ထုပ်ကို ဆိုင်ရှင်အားလှမ်းပေးစဉ် ပေါက်ကွဲမှု ဖြစ်ပွားခဲ့ခြင်း ဖြစ်ကြောင်း သိရှိရသည်။ ထိုဗုံးပေါက်ကွဲမှု ဖြစ်စဉ်နှင့် ပက်သက်၍အောင်ဇေယျ အိမ်ရာနားတွင် နေထိုင်သူ တစ်ဦးအား ဆက်သွယ် မေးမြန်းကြည့်ရာမှာသူက အခုလို ပြောပါတယ်။

“ည၇ နာရီ ၁၀မိနစ် လောက်တုန်းက  အောင်ဇေယျ တံတားနားလေးက အသံအကျယ်ကြီးလည်းကြားတယ်။ အဲဒီနားမှာ ထရန်စဖော်မာ ရှိတော့ ထရန်စဖော်မာ ပေါက်တယ်လို့ထင်တာ။ ဒါပေမဲ့ မီးတွေလည်း မပြတ်ဘူး ဆိုတော့ အချင်းချင်း မေးကြည့်တော့မှ ဗုံးကွဲတာလို့ သိရတယ်။” ဟု အနီးအနား ရပ်ကွက်တွင် နေထိုင်သူ အခင်းဖြစ်ပွားရာကို သွားကြည့်သူ တစ်ဦးက ပြောကြားခဲ့သည်။ 

ဗုံးပေါက်ကွဲမှု ဖြစ်ပွားပြီးနောက် မိနစ်၂၀ ခန့် အကြာတွင် လုံခြုံရေး တပ်ဖွဲ့များကသမိုင်းလမ်းဆုံနှင့် ဘုရင့်နောင် တံတားအဆင်း စက်မှုဇုန် မှတ်တိုင်အနီးရှိတိုးဂိတ်တွင် လည်းကောင်း၊ အောင်ဇေယျ တံတားအဆင်းတွင် လည်းကောင်းစစ်ဆေးရေး ဂိတ်များ ဖွင့်လှစ်ကာ ဖြတ်သန်းသွားသော မော်တော်ယာဉ်နှင့် မော်တော်ယာဉ်ပေါ်တွင် လိုက်ပါ စီးနင်းလာသူ များအားတစ်ဦးချင်း ရှာဖွေခဲ့ကြောင်း သိရှိရသည်။

 "ကျွန်တော်က နဝဒေးမှတ်တိုင်မှာ ဆင်းရတာပါ။ ကျွန်တော် စီးလာတဲ့ပါရမီ ဘတ်စ်ကားက တပ်ထိတ်မှတ်တိုင် ကျော်တော့ ရပ်သွားတယ်။ ဘာကြောင့်ရပ်သွားလဲမေးကြည့်တော့ တိုးဂိတ်မှာ စစ်ဆေးရေး ဝင်နေတယ်လို့ပြောကြတယ်။ ပြီးတော့ အဲဒီနေရာမှာ ကားတွေပိတ်လို့နာရီဝက်လောက် ကြာတယ်။ ကျွန်တော်တို့ ကားအလှည့် ရောက်လာတော့ ကားပေါ်ကိုအရပ်ဝတ်နဲ့ လူတစ်ယောက် တက်လာပြီး၊ ခရီးသည်တွေရဲ့ အိတ်တွေကိုဖွင့်ခိုင်းတယ်။ အပေါ်ကနေ ဓာတ်မီးနဲ့ လိုက်ထိုးကြည့် သွားတယ်။ အဲဒီနေရာမှာ ကားတစ်စီးခြင်းစီ စစ်နေတော့ တော်တော်လေးကို အချိန်ကြာ သွားတယ်"ဟု ဗုံးပေါက်ကွဲမှုအပြီး စစ်ဆေးရေး လုပ်ရာတွင် ကိုယ်တွေ့ကြုံခဲ့ရသူ တစ်ဦးက ပြောကြားသည်။

ဖေဖော်ဝါရီ ၂၇ ရက်နေ့ ည ၇နာရီ ၁၀မိနစ်တွင် ဗုံးကွဲမှုကြောင့် ဗုံးခွဲသူဟု သံသယရှိသူ အပါအဝင် လူခြောက်ဦး ထိခိုက်ဒဏ်ရာ ရရှိခဲ့ကြောင်းသိရှိရသည်။

================================================================
 

သတင်းနှင့်ဆောင်းပါးများမှကောက်နှုတ်ချက်များ

 
“နိုင်ငံရဲ့စီးပွားရေး ဖွံ့ဖြိုးတိုးတက်ရင် အလုပ်အကိုင်တွေလည်း များလာမယ်၊ လယ်ယာလုပ်ငန်းဖွံ့ဖြိုးရင်လဲ အများစုကို အလုပ်အကိုင်ပေးနိုင်မယ်။ နောက်ပြီး နိုင်ငံခြားရင်းနှီးမြှပ်နှံမှုများမယ်ဆိုရင် အလုပ်အကိုင် အခွင့်အလမ်းတွေ များလာမှာပဲ၊ နောက်တစ်ချက်က ဈေးကွက်က လိုအပ်တဲ့ ကျွမ်းကျင်မှုတွေနဲ့ ကိုက်ညီမယ်ဆိုရင်လဲ အလုပ်ရနိုင်တယ်၊ ဈေးကွက်ကတတ်တာ တခြားကိုယ်တတ်တာ တခြားဆိုရင်လွဲနိုင်တယ်”  (ဆရာခင်မောင်ညိုဘောဂဗေဒ)

“၁၉၄၈က လွတ်လပ်ရေးရတဲ့ မြန်မာနိုင်ငံကို ၁၉၇၅မှ လွတ်လပ်ရေးရတဲ့ ဗီယက်နမ်က ကျော်တက်သွားပြီ။ မြန်မာနိုင်ငံဟာ ဗီယက်နမ်ကို အတုယူသင့်တယ်၊ ဝမ်းဝအောင် ရှာဖွေစားသောက်လို့ ရပြီဆိုရင်အ ခြေခံ လူတန်းစားဘဝတွေ တိုးတက်လာမယ်၊ အခြေခံ လူတန်းစားဘဝ တိုးတက်လာရင် တိုင်းပြည်ဖွံ့ဖြိုးမှုနဲ့တူ ပြည်သူလူထုရဲ့ စာရိတ္တကလဲ တိုးတက်ကောင်းမွန်လာမယ်”  (ဆရာဦးငွေသိန်း-ကုမ္ပဏီလမ်းညွှန်)

The Flower News ဂျာနယ်၁ရက်နေ့၊မတ်လ၊၂၀၁၁ခုနှစ်ထုတ်မှအခြေခံလူတန်းစားဘဝမြင့်မားရေးအစိုးရသစ်ပုံဖော်ဖို့လိုမှကောက်နှုတ်ချက်

----------------------------------------------------------------------------------------------------------------------------------

“သိတဲ့အတိုင်းပါပဲ၊ မြန်မာနိုင်ငံမှာလည်း ပြည်သူလူထုက ဆန္ဒပြ တောင်းဆိုခဲ့ကြပါတယ်။ အဲဒီ ဆန္ဒပြမှုတွေ အတွင်းမှာ စစ်တပ်က ပြည်သူလူထုကို ပစ်ခတ်ခဲ့ပါတယ်။ ဒါဟာ အဓိက ကွာခြားချက်ပဲလို့ ကျမ ထင်ပါတယ်။ လစ်ဗျားနိုင်ငံက အခြေအနေကတော့ စစ်တပ်ကိုယ်တိုင်က အခြေအနေကို ဘယ်လိုကိုင်တွယ် ဖြေရှင်းရမလဲ ဆိုတာနဲ့ ပတ်သက်ပြီး စိတ်ဝမ်းကွဲနေကြပုံ ရပါတယ်။ မြန်မာနိုင်ငံမှာတော့ စစ်တပ်ရဲ့ မူဝါဒ ပေါ်လစီတွေနဲ့ ပတ်သက်ပြီး သိသာထင်ရှားတဲ့ စိတ်ဝမ်းကွဲမှုတွေ မရှိဘူးလို့ ကျမ ယူဆပါတယ်။”

၂၇ ဖေဖော်ဝါရီ ၂၀၁၁ခုနှစ် အရှေ့အလယ်ပိုင်းဒေသ အုံကြွမှုနဲ့ မြန်မာနိုင်ငံ အခြေအနေ ဒေါ်စု နှိုင်းယှဉ်သုံးသပ်သတင်းမှ ဗွီအိုအေသို့ ဒေါ်အောင်ဆန်းစုကြည်ပြောကြားချက်

=================================================================

ဆောင်းပါးကဏ္ဍ

ဂန္ဒီဂျီးရဲ့ကျောင်းသားများသို့()

ကျောင်းသားဘဝ စာသင်နေရင်းနဲ့ တစ်ချိန်ထဲမှာ စာရိတ္တကို မပျိုးထောင်ဘူး၊ စိတ်နှလုံးကို မိမိရဲ့ အပြုအမူတွေကို ကောင်းစွာ နိုင်နင်းထိန်းသိမ်းဖို့ မကြိုးစားဘူးဆိုရင် မောင်တို့ စာသင်နေတာတွေ၊ လေ့လာကြတဲ့ ရှိတ်စပီးယားပြဇာတ်တွေ၊ ဝဒ်စ်ဝသ်ရဲ့ကဗျာတွေဟာ အချည်းနှီးဖြစ်နေမှာပဲ။

ကိုယ့်စိတ်ကို ကောင်းစွာထိန်းသိမ်းနိုင်ရင်၊ အလိုရမ္မက်တွေကို ထိန်းသိမ်းနိုင်ပြီဆိုရင် မောင်တွေဟာ ဘယ်တော့မှ စိတ်ပျက်အားငယ်စရာ မလိုတော့ဘူးပေါ့။

နောက်ပြီးတော့ ဘာဘူဂျီး အမြဲမကြာမကြာရေးခဲ့တဲ့ ကိစ္စပဲ။ အင်မတန်အရေးကြီးတဲ့ ကိစ္စတွေလောက်ကို ချွင်းချက်ထားပြီး တော့ ကျောင်းသားကျောင်းသူတွေဟာ ဆန္ဒပြပွဲတွေမှာ မပါဝင်သင့်ဘူး။ ပါတီနိုင်ငံရေး ကိစ္စတွေ၊ နိုင်ငံရေး ဆန္ဒပြပွဲတွေမှာ ကျောင်းသားကျောင်းသူတွေ ဝင်ပါတာဟာ အင်မတန်မှားတယ်လို့ ဘာဘူဂျီးက ယူဆတယ်။ အဲဒီကိစ္စတွေ လုပ်ရင်ကျောင်းစာကို ကောင်းကောင်း ကျကျနန လေ့လာနိုင်မှာမဟုတ်ဘူး၊ နောင်အနာဂတ်အတွက် ကျောင်းသားတွေအတွက် မသင့်လျော်ဘူး။
ဘာဘူအနေနဲ့ ကိုယ့်ကိုကိုယ် အခုထက်ထိ ကျောင်းသားတစ်ယောက်ပဲလို့ ယူဆတယ်။ အိန္ဒိယကိုပြန်လာတဲ့ အချိန်ကစပြီး ကျောင်းသားကျောင်းသူတွေနဲ့ နီးနီးစပ်စပ်ရှိနေခဲ့တာရယ် ၊ကျောင်းသား ကျောင်းသူတွေဟာ ဘာဘူဂျီးဦးဆောင်တဲ့ သစ္စာဂြဟ အရေးတော်ပုံကြီးမှာ ဝင်ပါခဲ့တာတွေရယ်ကြောင့် ဘာဘူဟာ ကျောင်းသားတွေနဲ့ အင်မတန်ရင်းနှီးတယ်လို့ ယူဆတာမို့ ဒီကိစ္စကိုလေးလေးနက်နက် ပြောချင်တယ်။ ကျောင်းသားကျောင်းသူတွေအနေနဲ့ ဘာဘူပြောတာကို မထောက်ခံချင် နေထောက်ခံမှုမရလည်း ဘာဘူကတော့ ဒီကိစ္စကိုရဲရဲဝံ့ဝံ့ပြောရမှာပဲ။

ကျောင်းသားတွေဟာ ပါတီနိုင်ငံရေးကိစ္စတွေကို ဝင်ပါနိုင်တဲ့အခြေအနေမျိုးမှာ မရှိဘူး။ စာအုပ်စာတမ်းတွေက တဆင့်ပါတီတွေအကြောင်းကို သတင်းတွေကို ကြားနေရမယ်။ ဒါပေမဲ့ကျောင်းသားကျောင်းသူတွေရဲ့အ လုပ်ကသတင်းအမှန်တွေကို ရအောင်စုစည်းပြီး မျှမျှတတ စဉ်းစားကြဖို့ပဲရှိတယ်။ အမှားတွေကိုတော့ စွန့်ပစ်လိုက်ကြတာပေါ့။ ဒီသဘောထားဟာ နိုင်ငံရေးပါတီတွေနဲ့ ပတ်သက်ပြီး ထားရှိသင့်တဲ့ သဘောထားအမှန်လို့ ဘာဘူကယူဆတယ်။ ကျောင်းသားကျောင်းသူတွေဟာ အာဏာနိုင်ငံရေးနဲ့ ကင်းကင်းရှင်းရှင်းရှိနေတာပဲ ကောင်းပါတယ်။ အာဏာနိုင်ငံရေးကိစ္စတွေမှာ ဝင်ပါလိုက်တာနဲ့ ကျောင်းသားဘဝ ပြီးဆုံးသွားပြီ။ တိုင်းပြည်ရဲ့ တကယ့်အရေးကိစ္စတွေမှာ ကျောင်းသားတစ်ယောက်အနေနဲ့ ဝင်ဆောင်ရွက်လို့ မရတော့ဘူး။ ဒါကြောင့် ဘာဘူပြောတာကို မငြင်းပယ်လိုက်ခင် အကြိမ်ငါးဆယ်လောက် သေချာပြန်စဉ်းစားစေချင်ပါတယ်။

နိဂုံး

ဂန္ဒီဂျီးရဲ့ဟောပြောချက်မှာ အဓိကအားဖြင့် ကျောင်းသားကျောင်းသူတွေဟာ ပညာရှာတဲ့အလုပ်နဲ့ အတူစိတ်နှလုံးကို ဖြူစင်အောင် စောင့်ရှောက်ဖို့ တာဝန်ရှိတယ်။ ပညာသင်ပေးရင်းနဲ့ တစ်ပါတည်း ရဲစွမ်းသတ္တိရှိလာအောင်၊ ကိုယ့်သိက္ခာကို ကိုယ်လေးစားတတ်လာအောင် ပြုစုပျိုးထောင်ရမယ် ကြီးမားတဲ့ရည်မှန်းချက်တွေ ရရှိအောင် ကြိုးစားကြရာမှာ ကိုယ့်အတ္တကို ချိုးနှိမ်မေ့ဖျောက်ထားနိုင်ရမယ်၊ ဒါမှသာ ပညာရေးပန်းတိုင်ကို ရောက်မယ်လို့ ဆုံးမသလို အာဏာနိုင်ငံရေး ကိစ္စတွေမှာ ကျောင်းသားတွေ ဝင်မပါသင့်ဘူး၊ ကျောင်းသားအလုပ်ကို ကောင်းကောင်းလုပ်နေရင်ပဲ တိုင်းပြည်ကို အလုပ်အကျွေးပြုရာ မည်တယ်ဆိုတဲ့ သဘောမျိူး  ပြောထားတာတွေ့ရတယ်။ ဒီနေရာမှာ အာဏာနိုင်ငံရေးဆိုတဲ့ စကားကို ဂရုပြုဖို့လိုမယ်ထင်ပါတယ်။ ပြီးတော့ သတင်းတွေကို အမြဲစူးစမ်းပြီး အမှားအမှန်ဝေဖန်တာ လောက်ကိုတော့ လုပ်ဖို့လိုတယ်လို့လဲ ဆုံးမပါတယ်။ ဒီကိစ္စမှာတော့ ကျွန်တော်တို့ ကျောင်းသားကျောင်းသူတွေဟာ သတင်းခေတ်ကြီးမှာ နေ,နေကြပေမယ့် သတင်းတွေနဲ့ အတော်ကင်းကွာနေကြတယ်လို့ သတိပြုမိပါတယ်။
သဘောတူတာ မတူတာထက် ဂန္ဒီဂျီးစာကို ဖတ်ပြီးရင် အနည်းဆုံးတွေးစရာတော့ ကျန်မယ်လို့ ယူဆမိကြောင်းပါခင်ဗျာ။

                                                                                                                        နိုင်ဟန်သာ

Ref; THE MESSAGE OF MAHATMA GANDHI BY U.S. MOHAN RAO

__________________________________________________________________
 
 
 
 
Sent to transparency.myanmar@gmail.com: unsubscribe | update profile | forward to a friend
Email Marketing Powered by MailChimp