Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၂.၇.၂၀၁၁

ပြည်တွင်းသတင်းများ

ရဲတံခွန် ကမ်းလွန်သဘာဝဓာတ်ငွေ့စီမံကိန်း၌ ရဟတ်ယာဉ်ပျက်ကျ

တနင်္သာရီကမ်းလွန်ပင်လယ်ပြင်ရှိ ရဲတံခွန် သဘာဝဓာတ်ငွေ့စီမံကိန်းတွင် မလေးရှားနိုင်ငံ ပက်ထရိုနာ့စ်ကုမ္ပဏီမှအတွက် အလုပ်လုပ်ပေးနေ သည့် ရဟတ်ယာဉ်တစ်စီးသည်  ဇူလိုင် ၁၁ရက် နံနက် ၉နာရီခန့်က မုတ္တမပင်လယ်ထဲသို့ ပျက်ကျမှုဖြစ်ပွားခဲ့ကြောင်း သတင်းရရှိသည်။

အဆိုပါ ရဟတ်ယာဉ်သည်  ဇူလိုင် ၁၁ရက် နံနက် ၉နာရီခန့်က ရဲတံခွန်သဘာဝဓာတ်ငွေ့ကမ်းလွန် စခန်းရှိ FSO (Floating  Storage Offshore) ရေယာဉ်ပေါ်မှ ရဟတ်ယာဉ်မှူး အပါအဝင် ၁၁ဦးကို တင်ဆောင်ကာ ပျံတက်စဉ် ရဲတံခွန် သဘာဝဓာတ်ငွေ့စီမံကိန်း၏ အနောက်ဘက် ပေ ၃၀ အကွာ ခန့်တွင် မုတ္တမပင်လယ်ထဲသို့ ပျက်ကျခဲ့ခြင်းဖြစ်ကြောင်း သိရသည်။

အဆိုပါ ပျက်ကျသည့် ရဟတ်ယာဉ်မှာ ပြင်သစ်နိုင်ငံ Heli Union ကုမ္ပဏီပိုင် Sikorsky SK 76 အမျိုးအစားဖြစ်ပြီး ရဟတ်ယာဉ် ပျက်ကျမှုတွင် မြန်မာဝန်ထမ်း(၃)ဦး သေဆုံးသွားကြောင်း အဆိုပါရဲတံခွန်စီမံကိန်း၏ တာဝန်ရှိသူတစ်ဦးက အတည်ပြုပြောကြားသည်။

ရဟတ်ယာဉ်သည် ရေထဲစုန်းစုန်းမြုပ်သွားခဲ့သော်လည်း သေဆုံးသူ(၃)ဦးအပါအဝင် ခရီးသည်များအားလုံးကို ပြန်လည်ဆယ်ယူရရှိခဲ့ကြောင်း၊ သေဆုံးသူများမှာ တွဲဖက်ရဟတ်ယာဉ်မှူးဦးအုန်းသိန်း၊ Uniteam ကုမ္ပဏီ မှ Assitant Operator ဦးဝင်းကြည်နှင့် Smart Technical Service မှ စားဖိုမှူး ဦးသန်းထွန်းတို့ဖြစ်ကြောင်း  ၎င်းက ဆက်လက်ပြောကြားသည်။

ရဲတံခွန်သဘာဝဓာတ်ငွေ့တူးဖော်ရေးလုပ်ငန်းကို မြန်မာအစိုးရ စွမ်းအင်ဝန်ကြီးဌာနနှင့်အတူ မလေးရှား  နိုင်ငံမှ PETRONAS၊ ဂျပန်နိုင်ငံမှ နီပွန်ကုမ္ပဏီ၊ ထိုင်း နိုင်ငံမှ PTTEP တို့ အကျိုးတူ ပူးပေါင်းလုပ်ကိုင်နေခြင်းဖြစ်သည်။

Moe Z

-----------------------------------------------------------------------------------------------------------------------------------

ပထမဆုံး မြန်မာစတော့အိတ်ချိန်း ဈေးကွက်နှစ်ခု မကြာမီအချိန်တွင်း  စတင်နိုင်ဖွယ်ရှိ

အစိုးရသစ်လက်ထက်၌ ရန်ကုန်တိုင်းဒေသကြီးနှင့် မန္တလေးတိုင်းဒေသကြီးတို့၌ မြန်မာနိုင်ငံ၏ အာဆီယံစံချိန်မီ စတော့အိတ်ချိန်း(Stock Exchange) ဈေးကွက်နှစ်ခုကို မကြာမီအချိန်အတွင်း၌ စတင်အကောင်အထည်ဖော် ဆောင်ရွက်နိုင်တော့မည်ဖြစ်ကြောင်း သိရသည်။

မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံရေးအပြောင်းအလဲများနှင့်အတူ စီးပွားရေး ဖွံ့ဖြိုးတိုးတက်ရေးကိုပါ အစဉ်တစ်စိုက် လုပ် ဆောင်လျက်ရှိပြီး လာမည့် ၂၀၁၅ တွင် ဖြစ်ပေါ်လာမည့် အာဆီယံမူဝါဒနှင့် ကိုက်ညီနိုင်စေရန် အာဆီယံစံချိန်မီ စတော့အိတ်ချိန်း(Stock Exchange) ဈေးကွက်စနစ်အား လုပ်ဆောင်ခြင်းဖြစ်ကြောင်း သိရသည်။

၎င်း စတော့အိတ်ချိန်းဈေးကွက်ကြီးဖြစ်ပေါ်လာနိုင်စေရန် ထိုင်းနိုင်ငံရှိ နာမည်ကြီးဘဏ်တစ်ခုဖြစ်သည့် EXIM Bank(Export Import Bank of Thailand) နှင့် စာချုပ်ချုပ်ဆိုထားခြင်း မရှိသေးသော်လည်း ပူးပေါင်းလုပ်ဆောင်သွား နိုင်ဖွယ်ရှိကြောင်း သိရသည်။

၎င်း နိုင်ငံ၏ စီးပွားရေးကို အထောက်အပံ့ဖြစ်စေနိုင်မည့် စနစ်တစ်ခုဖြစ်လာနိုင်ဖွယ်ရှိကြောင်း သိရသည်။ စတော့အိတ်ချိန်းဈေးကွက်စနစ် သည် အာဆီယံ လွတ်လပ်စွာ ကုန်သွယ်မှုစည်းမျဉ်းများအရ အာဆီယံဒေသတွင်း နိုင်ငံတိုင်း၌ ဘဏ်အချင်းချင်း ချိတ်ဆက်လုပ်ဆောင်သွားနိုင်မည့် ကိစ္စရပ် ဖြစ်သည့်အပြင် ၎င်းစနစ် စတင်ပါက စတော့အိတ်ချိန်း ရှယ်ယာများကို နိုင်ငံတိုင်းမှ လွတ်လပ်စွာဝယ်ယူခွင့် ရရှိမည်ဖြစ်ကြောင်း သိရသည်။

အာဆီယံ စံချိန်မီစတော့အိတ်ချိန်းစနစ်ကိစ္စရပ်အတွက် မိမိတို့ ထိုင်းနိုင်ငံရှိ EXIM Bank မှ တာဝန်ရှိသူများ နှင့် မြန်မာနိုင်ငံရှိ တာဝန်ရှိသူများမှ တွေ့ဆုံ ဆွေးနွေးထားကြောင်း၊ မိမိတို့ဘက်မှလည်း အဆိုတင်သွင်းထားကြောင်း၊ မြန်မာနိုင်ငံ၌ စတော့အိတ်ချိန်းစနစ်မကြာမီအချိန်တွင် ရှိလာတော့မည် ဖြစ်ကြောင်း၊ ၎င်းစတော့အိတ်ချိန်းစနစ်ကို ရန်ကုန် တိုင်းဒေသနှင့် မန္တလေးတိုင်းဒေသကြီးတို့၌ တစ်ခုစီထားရှိရန် ရည်ရွယ်ထားကြောင်း၊ ၂၀၁၅ AFTA မတိုင်မီအချိန်တွင် စတော့အိတ်ချိန်းစနစ်ကိစ္စရပ်အား အကောင်အထည်ဖော် ဆောင်ရွက်သွားမည်ဖြစ်ကြောင်း ထိုင်းနိုင်ငံရှိ EXIM Bank မှ တာဝန်ရှိသူ တစ်ဦးက ပြောကြားခဲ့သည်။

(ပြည်မြန်မာ၊ အမှတ်-၇၇၆ ပါ “မြန်မာနိုင်ငံ၏ ပထမဆုံးစတော့အိတ်ချိန်းဈေးကွက်နှစ်ခု မကြာမီ စတင်ဖွယ်ရှိ” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

တစ်နိုင်ငံလုံး လောင်းကစားပပျောက်ရေး ဆောင်ရွက်နေ

ပြည်ထောင်စုမြန်မာနိုင်ငံ အစိုးရသစ်လက်ထက်၌ တစ်နိုင်ငံလုံးတွင် ချဲထီ၊ နှစ်လုံးထီများအပါအဝင် လောင်းကစားမှု ပပျောက်နိုင်ရေးအတွက် သက်ဆိုင်ရာမှ အထူးဆောင်ရွက်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးဝင်းမြင့်က ပြောကြားခဲ့ သည်။

မြန်မာနိုင်ငံရှိ လူတန်းစားအမျိုးမျိုးကြားတွင် လောင်းကစားတစ်ခုအနေဖြင့် အထူးခေတ်စားလျက်ရှိသည်မှာ ချဲထီနှင့် နှစ်လုံးထီတို့ပင်ဖြစ်ပြီး ၎င်း ချဲထီနှင့် နှစ်လုံးထီလောင်းကစားလုပ်ငန်းများ မြန်မာနိုင်ငံ၌ တွင်ကျယ်ခဲ့သော်လည်း အစိုးရသစ်လက်ထက်မှစတင်၍ တစ်နိုင်ငံလုံးတွင် လောင်းက စားမှုများကို စတင်အရေးယူဆောင်ရွက်နေခဲ့သည့်အတွက် အလွန်နည်းပါးသွားပြီဖြစ်ကြောင်း သိရသည်။

မှော်ဘီမြို့နယ်၌ နေထိုင်သည့် တက္ကစီယာဉ်မောင်းတစ်ဦးက လောင်းကစားမှု ပပျောက်ရေးစီမံချက်နှင့် ပတ်သက်၍ ယခင် ရန်ကုန်ဘက်မှ လူများပင် မှော်ဘီသို့ဆင်း၍ ချဲထီ၊ နှစ်လုံးထီများကို သိန်းနှင့်ချီ၍ လာရောက် လောင်းကစားကြကြောင်း၊ မှော်ဘီမြို့နယ်အတွင်း၌ လောင်းကစား ဒိုင်များမှာ ချဲထီ၊ နှစ်လုံးထီကို ပေါ်တင်ပင် ရောင်းချကြကြောင်း၊ မှော်ဘီ၌ လောင်းကစားလုပ်ငန်းကို တွင်ကျယ်စွာဖြင့် လုပ်ကိုင်ကြကြောင်း၊ ယခုအခါ၌ ၎င်း ချဲထီ၊ နှစ်လုံးထီ ရောင်းချသည့်သူများ လုံးဝမရှိတော့ကြောင်း ပြောကြားခဲ့သည်။

ထို့ပြင် ချဲထီ၊ နှစ်လုံးထီစသည့် လောင်းကစားများအား တောင်သူလယ်သမားများပါ လယ်ယာများ၊ မြေကွက်များကို ပေါင်နှံ၍ ထိုးကြကြောင်း သိရသည်။ ၎င်းလောင်းကစားမှုများကြောင့် လယ်ဧကများ ဆုံးရှုံးသွားရသည့် တောင်သူလယ်သမားများလည်း အများအပြားရှိကြောင်း သိရသည်။

တောင်သူလယ်သမားများမှာ ငွေရွှင်သည့်အခါမျိုး၌ ချဲထီ၊ နှစ်လုံးထီ လောင်းကစားကို အများအပြားထိုးကြကြောင်း၊ ထိုးသည့်အခါမျိုး၌လည်း လယ်မြေကွက်များ ပေါင်နှံသည်အထိ ဆိုးဆိုးရွားရွားထိုးကြကြောင်း၊ သို့သော် ယခုနှစ်၌ လောင်းကစားပြုလုပ်ခြင်းများတွေ့ရှိပါက အရေးယူမည်ပာု ဆိုင်းဘုတ်ကြီးများနှင့် ကပ်၍ ကြေညာထားသည့်အတွက် လောင်းကစားဒိုင်များပင်မရှိတော့ကြောင်း ဓနုဖြူမြို့နယ်ရှိ တောင်သူတစ်ဦးက ပြောကြားခဲ့ သည်။

ထို့ပြင် ၂၀၁၁ ခုနှစ် ဇူလိုင်လ ၃ ရက်နေ့၌ ရန်ကုန်တိုင်းဒေသကြီး၊ ဒေါပုံမြို့နယ်၊ သင်္ဘောကျင်းရပ်ကွက်၊ ရှုခင်း သာဥယျာဉ်ဝင်း၊ ASIA POINT BOWLING CENTRE အဆောက်အဦးရှိ GOLDEN STAR GAME CENTRE အမည်ရှိ ငွေ ကြေးနှင့်လဲလှယ်၍ ကစားရသည့် အကြွေစေ့ဂိမ်းဆိုင် အား ရန်ကုန်တိုင်းဒေသကြီး ရဲတပ်ဖွဲ့မှ ဝင်ရောက်ဖမ်းဆီးခဲ့ကြောင်း သိရသည်။

(ရန်ကုန်တိုင်းမ်၊ အတွဲ-၇၊ အမှတ်-၂၆ ပါ “ချဲထီ၊ နှစ်လုံးထီများအပါအဝင် လောင်းကစားလုပ်ငန်းများ ပပျောက်ရေးအတွက် သက်ဆိုင်ရာက တစ်နိုင်ငံလုံး အတိုင်းအတာဖြင့် ဆောင်ရွက်နေပြီပာု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးဝင်းမြင့် ပြောကြား” သတင်းအား အကျဉ်းချုံး ဖော်ပြသည်။)

-----------------------------------------------------------------------------------------------------------------------------------

လမ်းကြေးပိုတောင်းသည့် ဂိတ်များအား စတင်အရေးယူဆောင်ရွက်

၂၀၁၁ ခုနှစ် ဇွန်လ ၂၇ ရက်နေ့တွင် မန္တလေးတိုင်းဒေသကြီး အစိုးရအဖွဲ့နှင့် ပို့ဆောင်ဆက်သွယ်ရေးဝန်ကြီးအဖွဲ့တို့က မန္တလေး- မိုးကုတ်- မိုးမိတ်လမ်းပိုင်းနှင့် မန္တလေး-သပိတ်ကျင်း-ဗန်းမော် လမ်းပိုင်းများတွင် လမ်းအသုံးပြုခအား BOT စနစ်ဖြင့် ကောက်ခံလျက်ရှိသည့် ကုမ္ပဏီများအား သွား ရောက် စစ်ဆေးခဲ့ရာ လမ်းကြေး ပိုမိုကောက်ခံလျက်ရှိကြောင်း တွေ့ရှိခဲ့ရသည့်အတွက် ၎င်းလမ်းပိုင်းရှိဂိတ်အချို့အား အရေးယူခဲ့ကြောင်း သိရသည်။

အရေးယူခံခဲ့ရသည့် ၎င်းလမ်းပိုင်းရှိ ဂိတ်များမှာ မန္တလေးမြို့မှအထွက် ကြာနီကန်ဂိတ်နှင့် မတ္တရာမြို့မှအထွက် ပန်းယျဂိတ်တို့ဖြစ်ပြီး အဆိုပါ ဂိတ်နှစ်ဂိတ်အား  လမ်းအသုံးပြုခ ပိုမိုကောက်ခံခဲ့သည့်အတွက် ဇူလိုင် ၁ ရက်နေ့မှစတင်၍ သြဂုတ်လ ၁ ရက်နေ့ထိတိုင် လမ်းအသုံးပြုကြေး ကောက်ခံ ခွင့်အား ရပ်ဆိုင်းလိုက်ကြောင်း သိရသည်။

ယခုကဲ့သို့ လမ်းအသုံးပြုခနှုန်းထား ပိုမိုကောက်ခံသည့် ကြာနီကန်ဂိတ်နှင့် ပန်းယျဂိတ်တို့အား လမ်းအသုံးပြုခ ကောက်ခံခွင့် ရပ်ဆိုင်းလိုက်သည့် အတွက် အဝေးပြေးကားသမားများမှာ ပျော်ရွှင်လျက်ရှိကြကြောင်း၊ ယခင် ၎င်းဂိတ်များသည် ခရီးသည်ကားတစ်စီးလျှင် လမ်းအသုံးပြုခကြေး နှစ်ထောင်မှ လေးထောက်ထိတိုင် ကောက်ခံကြကြောင်း၊ ယခုအခါ ရပ်ဆိုင်းခံလိုက်ရသည့် ဂိတ်များတွင် သက်ဆိုင်ရာမှ ငွေပြန်လည်ကောက်ခံပေး သည့်အခါ ကားတစ်စီးလျှင် ၈၀ ကျပ်သာ ပေးရတော့ကြောင်း ရွှေခြင်္သေ့ မော်တော်ယာဉ်လိုင်းမှ တာဝန်ရှိသူတစ်ဦးက ပြောကြားခဲ့သည်။

ထို့ပြင် မန္တလေးလမ်းပိုင်း၌ လက်ပံလှတံတားကြေး၊ တံငါတံတားကြေး၊ လက်ပံလှ ဂိတ်ကြေး၊ ဖော့တောဂိတ်ကြေးနှင့် ၇ မိုင်ဂိတ်ကြေးများတွင် လည်း သတ်မှတ်နှုန်းထားထက် ပိုမိုကောက်ခံလျက်ပင်ရှိနေသေးကြောင်း မန္တလေးခရီးသွားယာဉ်လိုင်းတစ်ခုမှ တာဝန်ရှိသူတစ်ဦး ပြောကြားခဲ့သည်။

ဧရာဝတီမြစ်ကူး ရတနာပုံတံတားကြေးမှာ ၂၀၀ ကျပ်သာ ပေးရကြောင်း၊ လက်ပံလှတံတားနှင့် တံငါးတံတားတို့ သည် ရတနာပုံတံတားထက် သုံးပုံတစ်ပုံခန့်သာ ရှိသော်လည်း ၁၅၀၀၊ ၂၀၀၀ ခန့်ပေးနေရကြောင်း၊ သတ်မှတ်နှုန်းထားထက် ပိုမိုကောက်ခံသည့်အတွက် ပြောသည့်အခါ၌ မချေမငံ ပြန်လည်ပြောဆို ဆက်ဆံလေ့ရှိကြောင်း ၎င်းက ဆက်လက် ပြောကြားခဲ့သည်။

မန္တလေးတိုင်းဒေသကြီး အစိုးရအဖွဲ့နှင့် ပို့ဆောင်ဆက်သွယ်ရေးဝန်ကြီးအဖွဲ့တို့မှ လမ်းတံတားကြေး ပိုမိုကောက်ခံနေသည့် ဂိတ်များအား အရေး ယူဆောင်ရွက်ရန် ကွင်းဆင်းလေ့လာခဲ့သော်လည်း လက်ပံလှတံတားဂိတ်ကြေး၊ တံငါတံတားဂိတ်ကြေး၊ ဖော့တောဂိတ်ကြေးနှင့် ၇ မိုင်ဂိတ်ကြေးများကို ယခုထိတိုင် ပြုပြင်ပြောင်းလဲခြင်းမရှိသေးဘဲ လမ်းတံတားကြေး ပိုမိုကောက်ခံလျက်ပင်ရှိကြောင်း သိရသည်။

(Venus News၊ အတွဲ-၂၊ အမှတ်-၄၈ ပါ “လမ်းကြေးပိုတောင်းခံသော ဂိတ် ၂ ဂိတ်အား ငွေကောက်ခံခွင့်တစ်လရပ်ဆိုင်း” သတင်းအား အကျဉ်းချုံး ဖော်ပြသည်)

 ×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ကေအိုင်ဟုစွပ်စွဲကာ အနှိ်ပ်စက်ခံရသော လမ်းလုပ်သားများ ပြည်နယ်အစိုးရသို့ တိုင်ကြားမည်

 ရန်ကုန်၊ ဇူလိုင် ၁၀။

ကချင်ပြည်နယ် နော့မွန်းမြို့နှင့် ၁၀ မိုင်အကွာရှိ မကွေဇာရွာနှင့် ဒဇယ်ထုရွာကြားတွင်  နော့မွန်း - မချမ်းဘော လမ်းအား ဇွန်လ ၂၁ရက်နေ့က ပြုပြင်နေစဉ် ရဲများက  ကချင်လွတ်မြောက်ရေး တပ်မတော်(ကေအိုင်အေ) ဟုစွပ်စွဲကာ နှိပ်စက်ညှင်းပန်းခြင်းခံခဲ့ရသော လမ်းလုပ်သားများက ပြည်နယ် အစိုးရသို့ တိုင်ကြားရန် စီစဉ်နေကြောင်း သိရသည်။

နော့မွန်း-မချမ်းဘော လမ်းအားပြုပြင်နေသော ဦးချန်းဒီးရမ်(ရပ်ဘော့ရွာ)၊ ဦးချန်းခင်ရမ်(ဂတ်ထုရွာ)၊ ဦးချမ်းဆင် ရမ်(ဒန်ဆယ်ထုရွာ)နှင့် ဦးယုံ ထန်ယုံ(နော့မွန်းမြို့) လေးဦးအပါအဝင် လမ်းလုပ်သား ၁၂ ဦးသည် နေ့လည်ခင်း နားနေစဉ်အချိန်တွင် ခေါ်လန်ဖူးမြို့မှ နော့မွန်းသို့လာသော ဒုရဲအုပ် သောင်းထွန်းမော်နှင့် တပ်သားအောင်တိုးအပါအဝင် ရဲငါးဦး ရောက်လာပြီး ”ကချင်မှန်သမျှ ကေအိုင်အေပဲ”ဟုဆိုကာ အဆိုပါလမ်းလုပ်သားများအား နှိပ် စက်ခဲ့ကြောင်း၊ မြန်မာစကား အနည်းငယ်ပြောတတ်သော ဦးချန်းဒီးရမ်မှ မဟုတ်ကြောင်း ရှင်းပြခဲ့ရာ ဒုရဲအုပ်သောင်းထွန်းမော်မှ ၎င်းအား သေနတ်နှင့် ပစ်ရန် ချိန်ရွယ်ခဲ့ကြောင်း သို့သော် အခြားရဲများမှ ဝိုင်းဝန်းတားမြစ်ခဲ့သဖြင့် မပစ်ဖြစ်ခဲ့ကြောင်း၊ ထို့နောက် နှစ်နာရီခန့် ဒူး ထောက်ခိုင်းပြီး ဆက်လက် ထွက်ခွာသွားခဲ့ကြောင်း ၎င်းတို့လမ်းပေါ်တွင်အနာတရဖြစ်နေကြစဉ် မိမိအပါအဝင် လမ်းသွားလမ်းလာများမှတွေ့ပြီး နော့မွန်းမြို့မှတဆင့် ပူတာအိုသို့ တိုင်ချက်ဖွင့်ရန် ခေါ်ခဲ့ကြောင်း ဦးဖလားနော်ဒင်းမ်ကဆိုသည်။

“ဇွန်လကုန်ကတည်းက ပူတာအိုက ခရိုင်ရဲမှူး ဦးမော်ထွန်းဆီကို တိုင်စာပို့ထားတာ အခုထိ အကြောင်းမပြန်သေးဘူး။ အခု ပြည်နယ်အစိုးရကို တိုင်မလို့စီစဉ်နေတယ်” ဟု အဆိုပါ လမ်းလုပ်သားများအား ကူညီလျက်ရှိသည့် ကချင်ပြည်နယ် ဒေသခံတစ်ဦးဖြစ်သည့် ခရစ်ယာန်သင်းအုပ်ဆရာ ဦးဖလားနော်ဒင်းမ်က ဆိုသည်။

အဆိုပါလမ်းလ)